သွေးလေလည်ပတ်မှုမှန်ကန်စေပြီး ခြေထောက်ကို အညောင်းအညာပြေစေနိုင်သော ခြေမစွတ်လေး

ယခု အဆီကျ သွေးလေလည်ပတ်မှုမှန်စေတဲ့ ခြေစွတ်ကွင်းလေးက အတော်ကို Feedback များပါတယ်။ ဒီထဲက လက်တွေ့သုံးကြည့်ပြီးတော့ တကယ်အကျိုးခံစားလိုက်ရတဲ့သူတွေဆီက ပြန်လာတဲ့ Feedback လေးတွေကိုဖော်ပြလိုက်ပါတယ်။

၁ ) အစ်မအဖေ ခြေထောက်ယောင်နေတာ၊ အစ်မ ဒီကွင်းလေးပေးဝတ်လိုက်တာ ၁ညပဲ ကြာတယ်။ ချက်ချင်း အယောင်ကျသွားတယ်။

၂ ) အညောင်းပြေတယ်။ တကယ်လည်း နေလို့ကောင်းတယ်။

၃ ) ခါးလေးတော့နဲနဲချပ်သွာတယ်။ အဓိကကတော့ နေလို့ထိုင်လို့ကောင်းနေတာပဲ

၎ ) သွေးကျရောဂါရှိတယ်။ သွေးကျတာနဲ့ ခေါင်းတွေမူးလာရော .အခု ဆို ခေါင်းမမူးတော့ဘူး အဆင်ကို ပြေနေတာပါပဲ. . .

ကျွန်တော်တို့ ထက်သိတာက သွေးလေလည်ပတ်မှုမှန်ကန်စေတဲ့အတွက်ကြောင့် သွေးတိုး၊ သွေးကျရောဂါတွေကိုတောင် မဖြစ်စေပဲ သွေးတွေကို ညှိပေးနိုင်တယ်ဆိုတာပါပဲ။

သွေးလေလည်ပတ်မှုမှန်ကန်စေပြီး ခြေထောက်ကို အညောင်းအညာပြေစေနိုင်သော ခြေမစွတ်လေး ဖြစ်ပါတယ်။

သူက ကြာလာရင် ပိန်စေတယ်လို့တောင် ဆိုပါတယ်။

စီလီကွန်အသားနဲ့ ပြုလုပ်ထားတာဖြစ်တဲ့အတွက် ခြေချောင်းမှာ စွတ်ထားလို့ ကိုယ့်အရေပြားကို အရမ်းမကြပ်စေဘူးလို့လည်းဆို

ပါတယ်။

ဈေးနှုန်းက ၅၀၀၀ ကျပ်ဖြစ်ပြီး မှာယူချိန် ၃ ပတ်ကနေ ၈ပတ်အတွင်း ကြာမြင့်မှာ ဖြစ်ပါတယ်။

Item Code - 12-01-Health
Material: Silicone
Size: Diameter 2.5cm Width 1.3cm
Quantity: 2 PCS = 1 Pair
Type: Toe ring

Massage the foot
No harm to your skin
Improve body circulation
Reduce fat on body, increase metabolism
Increase your metabolism - thus helping with weight loss
The rings are soft and comfortable to wear and are virtually invisible

If u want to order pls send to Facebook message box (or) 09 430 55622 ( 1) Name , (2) Phone number , ( 3) Address , ( 4) Item link or Item code , ( 5) Color , thz for shopping with us

Read More

အသတ်ခံထားရသည့် လူသေအလောင်း လှိုင်သာယာရှိ ရေမြောင်းအတွင်းတွေ့

Thursday, January 30, 2014

လှိုင်သာယာ စက်မှုဇုန်အတွင်းရှိ ရေမြောင်းတစ်ခုအတွင်း အသတ်ခံထားရသည့် အမျိုးသားတစ်ဦး၏ အလောင်းတွေ့ရှိသဖြင့် သေဆုံးသူ၏ဇနီးဖြစ်သူက ဇန်န၀ါရီ ၂၈ ရက်တွင် အမှုဖွင့်တိုင်တန်းထားသည်ဟု ရန်ကုန်တိုင်းရဲတပ်ဖွဲ့မှူးရုံးက သတင်းထုတ်ပြန်ထားသည်။

အဆိုပါ လူသတ်မှုတွင် ပြစ်မှုကျူးလွန်သူကို ဖော်ထုတ်အရေးယူပေးရန် ညောင်ရွာနေ အသတ်ခံရသူ၏ ဇနီးဖြစ်သူ ဒေါ်တင်တင်ဝေ (၄၇)နှစ်က အမှုဖွင့်တိုင်တန်းထားသည်ဟု ရဲတပ်ဖွဲ့က ဆိုသည်။

ဖြစ်စဉ်မှာ ဇန်န၀ါရီ ၂၈ ရက် နံနက် ၉ နာရီက ခင်ပွန်းဖြစ်သူ ဦးမြင့်ဆွေ (၅၇)နှစ်သည် စက်မှုဇုန် (၁)၊ ပန်းလှိုင်ဂေါက်ကွင်းလမ်းဘေး၊ ပိုလိုပေါင်မုန့်စက်ရုံရှေ့ရှိ အကျယ်ငါးပေ၊ အနက် တစ်ပေခန့်ရှိ ရေမြောင်း အတွင်း သေဆုံးနေကြောင်းကြားသဖြင့် တရားလိုမှာ သွားရောက်ကြည့်ရှုခဲ့သည်ဟု ဆိုထားသည်။

ထို့နောက် ခင်ပွန်းဖြစ်သူမှာ လည်ပင်းဝဲဘက် ထိုးသွင်းဒဏ်ရာ တစ်ချက်၊ ၀ဲရင် အုံထိုးသွင်းဒဏ်ရာ နှစ်ချက်တို့ ရရှိထားသည်ကိုပါ တွေ့ရှိခဲ့ခြင်း ဖြစ်သည်။

အသတ်ခံရသူသည် ဇန်န၀ါရီ ၂၇ ရက်က လက်သမားလုပ်ရန် နေအိမ်မှထွက်သွားရာ ပြန်လည်ရောက် ရှိလာခြင်း မရှိဘဲယခုမှ သေဆုံးလျက် ပြန်လည်တွေ့ရှိရသဖြင့် ခင်ပွန်းဖြစ်သူအား သေဆုံးအောင် ပြုလုပ်ခဲ့သူကို အရေးယူပေးရန် အမှုဖွင့်တိုင်တန်းလိုက်ခြင်းလည်း ဖြစ်သည်။

ယင်းတိုင်တန်းမှုကို လှိုင်သာယာ ရဲစခန်းက (ပ)၁၁၀/၂၀၁၄ဖြင့် အမှုဖွင့်ပြီး လူသတ်မှု ပုဒ်မ ၃၀၂ဖြင့် အရေးယူနိုင်ရန် ပြစ်မှုကျူးလွန်သူကို စုံးစမ်းရှာဖွေလျက် ရှိသည်ဟု မြို့နယ်ရဲတပ်ဖွဲ့က ဆိုသည်။

Read More

ကိုယ်ကိုယ်တိုင် ဆံပင်ဆက်တော့မယ်ဆိုရင် သိထားရမယ့်အချက် (၄)ချက်

ခုခေတ်မှာ ကိုယ့်ဆံပင်ကို ရှည်ရာကနေတို၊ တိုရာကနေ ချက်ချင်းလင်ငင်းရှည်အောင် ဖန်တီးအလှဆင်လို့ရနေပြီနော်။ ဒါပေမယ့် ဒီလိုအလှဆင်တော့မယ်ဆိုရင် လုပ်ကိုင်ရမယ့် နည်းလမ်း အဆင့်ဆင့်ကိုတော့ သိထားရမှာပေါ့။ ဒါ့ကြောင့် hair extension လုပ်မယ့် ပျိုမေတွေအတွက် လွယ်ကူပြီး သပ်ရပ်လှပတဲ့ ဆံပင်ပုံစံဖြစ်အောင် ဘယ်လိုဖန်တီးမလဲ ကြည့်လိုက်ကြရအောင်။

၁။ပထမဆုံးအနေနဲ့ ကိုယ်ဆံပင်ဆက်မယ့်နေရာကို သေချာခွဲကြောင်းချရပါမယ်။ ဆက်မယ့်နေရာရဲ့ အပေါ်ဘက်မှာ ဆံပင်ခပ်များများ ကျန်နေမှသာ ကိုယ်ဆက်ထားတဲ့နေရာကို ဖုံးပေးနိုင်မယ်ဆိုတာကို သတိထားရမှာပါ။



၂။အဲ့ဒီနောက်မှာ ပထမဆုံး extension ကိုယူပြီး သေသေချာချာဆက်ပါ။ ဒီဘက်တစ်ခြမ်းကို အများကြီးဆက်ပြီးမှာ တစ်ခြားတစ်ဖက်မှာဆက်တာမျိုး ရှောင်ရပါမယ်။ ဘယ်ဘက်မှာ တစ်ခုဆက်ထားပြီးတာနဲ့ နောက်တစ်ခုကို ညာဘက်မှာဆက်ပါ။ ဘက်နှစ်ခုညီမျှဖို့ လိုပါတယ်။



၃။ဆံပင် extension တပ်ပြီးသွားပြီဆိုရင် ကိုယ်လိုချင်သလောက်အရှည်ကို ကိုယ့်ဘာသာပြန်ညှပ်လို့ ရပါသေးတယ်။



၎။ကိုယ့်ဆံပင်က အကောက်ဆိုရင် အပူချောင်းနဲ့ ကောက်ပေးလိုက်ရုံပါပဲ။ ကိုယ်က အကောက်မကြိုက်ဘူး။ အဖြောင့်မှဆိုရင်လည်း ကိုယ့်စိတ်ကြိုက်ပုံသွင်းလို့ရတာမို့ စိတ်ပူစရာမရှိပါဘူးနော်။



Ref:cosmopolitan.com

Read More

နာမည်ကျော်တွေရဲ့ ပထဆုံးအနမ်း အတွေ့အကြုံလေးတွေ

အခုမှ ရည်းစားစထားမယ်ဆိုရင်တော့ ချစ်သူလေးဆီက ပထမဆုံးအနမ်းအတွက် သိပ်လည်း စိတ်ဖိစီးမှု ဖြစ်မနေပါနဲ့။ ဒီနာမည်ကျော်တွေရဲ့ ငယ်စဉ်က အတွေ့အကြုံလေးတွေကို လေ့လာကြည့်လိုက်ရင် ရယ်ရွှင်ဖွယ်ကောင်းနေတာကြောင့် ပေါ့ပေါ့ပါးပါးလေး ဖြတ်သန်းလိုက်နိုင်မှာပါ။



(၁) Zayn Malik - ကျွန်တော့်ရဲ့ ပထမဆုံး အနမ်းကတော့ ကျွန်တော့်အသက် (၁၃)မှာပါ။ အဲတုန်းက ကျွန်တော်က အတော်လေးအရပ်ပုပါသေးတယ်။ သူမက ကျွန်တော့်ထက်ရှည်နေတော့ သူမကိုမှီဖို့ အောက်က အုတ်ခဲခုပြီး နမ်းခဲ့ရတယ်လို့ ဆိုပါတယ်။



(၂) Katie Findlay - ကျွန်မရဲ့ ပထမအနမ်းကတော့ ကျွန်မရဲ့ ပထမဦးဆုံးချိန်းတွေ့တဲ့အခေါက်မှာ ဖြစ်ပြီး အဲ့ဒီတုန်းက ကျွန်မ ၁၄နှစ်ပဲ ရှိပါသေးတယ်။ ကျွန်မတို့ လူသွားစင်္ကြမှာ လမ်းလျှောက်နေကြတယ်။ သူက နှုတ်ဆက်ဖို့ လှည့်လာတယ် ။ ပြီးတော့ ရပ်လိုက်တယ် ။ ပြီးတော့ထပ်လှည့်လာပြီး ကျွန်မကို အရမ်း ၊ အရမ်းမြန်တဲ့ နှုန်းနဲ့နမ်းသွားတာ ကျွန်မနှုတ်ခမ်းတ၀က်ကိုပဲ ထိမိလိုက်တယ်။ ပြီးတော့ “မနက်ဖြန် ကျောင်းမှာတွေ့မယ်” လို့ပြောပြီး ပြေးထွက်သွားတော့တာပဲ။ ဘယ်လောက်များ ချစ်ဖို့ကောင်းလိုက်လဲနော် လို့ ပြောပြသွားပါတယ်။



(၃) Louis Tomlinson – “အဲတုန်းက ကျွန်တော် ၁၁နှစ်ပဲ ရှိသေးတယ်ဗျ။ ကျွန်တော်တို့ အိမ်နောက်ဖေးက ခြံထဲမှာ နမ်းဖြစ်ခဲ့ကြတယ် ။ ဘာလို့လဲဆိုတော့ အိမ်ကကျွန်တော့်ကို တံခါးပိတ်ထားလို့လေ” လို့ ပြောပြသွားပါတယ်။



(၄) Ellen Wong – “ကျွန်မအထင် အလယ်တန်းလောက်တုန်းကဖြစ်မယ် ။ အိမ်ကို သူနဲ့အတူ လမ်းလျှောက်ပြန်နေကျပေါ့။ တစ်နေ့တော့ လမ်းအတူလျှောက်နေရင်း သူက ကျွန်မကို ခဏရပ်ခိုင်းပြီး “မင်းမျက်လုံးတွေကို ခဏမှိတ်ထားပေးပါလား ။ ငါ့မှာ မင်းအတွက် တစ်ခုခု ရှိတယ်” လို့ပြောလာတယ်။ ကျွန်မ သူဘာလုပ်မယ်ဆိုတာ တကယ်ကို မတွေးမိခဲ့ပါဘူး။ အဲဒီမှာ ကျွန်မကိုအနမ်းတစ်ပွင့် ချွေသွားတော့ပါပဲ ဆိုပြီး ပြောခဲ့ပါတယ်။



(၅) Tyler Posey – “Miley Cyrus က ကျွန်တော့်ရဲ့ ပထဦးဆုံးအနမ်းပါပဲ။ ကျွန်တော်တို့ နှစ်နှစ်လောက် တွဲပြီးပြတ်သွားခဲ့ကြတယ်။ အဲတုန်းက ကျွန်တော် ၁၁ နှစ်ပဲရှိသေးတယ်။ နောက်သုံးနှစ်အကြာမှာ သူမကို ကျွန်တော် တီဗွီမှာ စမြင်ရတာပါပဲ” လို့ ဖွင့်ပြောသွားပါသေးတယ်။

Ref:seventeen.com

Read More

စီးပွားရေးမညီမျှမှုအား တိုက်ဖျက်မည်ဟု ကွန်ဂရက်တွင် အိုဘားမားပြောကြား

ဇန်န၀ါရီ ၂၈ ရက်က ကွန်ဂရက်တွင် နှစ်ပတ်လည် ပြည်ထောင်စုမိန့်ခွန်း ပြောကြားနေသော သမ္မတ အိုဘားမား (Photo:AFP)


အမေရိကန်အိပ်မက်ကို ခြိမ်းခြောက်နေသော စီးပွားရေးမညီမျှမှု လှိုင်းလုံးကို ပြောင်းပြန်ဖြစ်အောင် ဆောင်ရွက်သွားမည်ဟု သမ္မတအိုဘားမားက ဇန်န၀ါရီ ၂၉ ရက်တွင် ကွန်ဂရက်၌ ပြောကြားခဲ့သည့် နှစ်ပတ်လည် ပြည်ထောင်စုမိန့်ခွန်းတွင် ပြောကြားခဲ့သည်။

အိုဘားမားက အလုပ်သမားများ၏ဘ၀ မြှင့်တင်ရန်၊ ပညာရေး တိုးတက်စေရန်၊ သဘာဝပတ်ဝန်းကျင် သန့်ရှင်းစေရန် အုပ်ချုပ်ရေးအာဏာကို အစွမ်းကုန် အသုံးပြုသွားမည်ဖြစ်ကြောင်း ကတိပေးခဲ့သည်။ ရုပ်သံမှ တိုက်ရိုက်ကြည့်ရှုသူ သန်းပေါင်းများစွာ ပြည်သူများကို ရည်ရွယ်ပြောကြားခဲ့သော သမ္မတအိုဘားမားက “အမေရိကန်ဟာ ရပ်တန့်မနေသလို ကျွန်တော်လည်းပဲ ရပ်တန့်နေမှာ မဟုတ်ပါဘူး” ဟု ပြောကြားခဲ့သည်။

မညီမျှမှုသည် ပိုမိုနက်ရှိုင်းလာပြီး အလုပ်လက်မဲ့များ များပြားလွန်းနေကြောင်း အိုဘားမားက ပြောကြားခဲ့ပြီး “ဒီလိုလားရာတွေကို ပြောင်းပြန်ဖြစ်သွားဖို့က ကျွန်တော့်အလုပ်ပါ” ဟု အိုဘားမားက အားမာန်အပြည့်ဖြင့် ပြောကြားခဲ့သည်။ ၁ နာရီ ၁၆ မိနစ်ကြာ ပြောကြားခဲ့သော ပြည်ထောင်စုမိန့်ခွန်းတွင် အိုဘားမားသည် ပြည်တွင်းရေးသာမက နိုင်ငံခြားရေး မူဝါဒတို့ကိုလည်း အလေးထားပြောကြားခဲ့သည်။

ယူကရိန်းတွင် ဒီမိုကရေစီလှုပ်ရှားမှုကို ထောက်ခံသွားမည်ဟု အိုဘားမားက ကြွေးကြော်ခဲ့ပြီး အယ်လ်ကေဒါးတို့၏ ခြိမ်းခြောက်မှုကိုလည်း ၎င်းကသတိပေးခဲ့သည်။ ထို့ပြင် ကျူးဘား ဂွာတာနာမိုဘေးရှိ အကျဉ်းစခန်းကို ပိတ်ခွင့်ပြုရန်လည်း အိုဘားမားက ကွန်ဂရက်ကို တောင်းဆိုခဲ့သည်။

အိုဘားမားသည် အီရန်နှင့် နျူကလီးယား သဘောတူညီချက် ရယူခဲ့မှုကို ခုခံပြောကြားခဲ့ပြီး စစ်ပွဲအန္တရာယ်မရှိဘဲ လုံခြုံရေး စိန်ခေါ်မှုတစ်ရပ်ကို ဖြေရှင်းရန် အကောင်းဆုံး နည်းလမ်းဖြစ်ကြောင်း အီရန်နှင့်အရေးကို ခုခံပြောကြားခဲ့သည်။ အီရန်ကို ပိတ်ဆို့အရေးယူမှုသစ်များ ချမှတ်ရန် ကွန်ဂရက်က ကြိုးပမ်းလာလျှင် ဗီတိုအာဏာကို အသုံးပြုသွားမည်ဖြစ်ကြောင်း အိုဘားမားက ထပ်မံပြောကြားခဲ့သည်။ အိုဘားမားသည် အမေရိကန်စီးပွားရေး အကျပ်အတည်းမှ လွတ်မြောက်မှုအတွက် အမေရိကန်ပြည်သူတို့ကို ကျေးဇူးတင်ကြောင်း ပြောကြားခဲ့ပြီး အလုပ်လက်မဲ့နှုန်းသည် ငါးနှစ်အတွင်း အနိမ့်ဆုံးသို့ ရောက်ရှိခဲ့ပြီဖြစ်ကြောင်း ကြေညာခဲ့သည်။

သို့သော်လည်း အမေရိကန်အားလုံးအတွက် ညီမျှသော အခွင့်အရေးကို ဖန်တီးပေးရန် ကတိကို ပြန်လည်ဖြည့်ဆည်းရန်သည် ၎င်းတို့မျိုးဆက်၏ ရည်မှန်းချက်ဖြစ်ကြောင်း အိုဘားမားက တိုက်တွန်းခဲ့သည်။ အမေရိကန် သန်းပေါင်းများစွာကို အထောက်အကူဖြစ်စေရန်အတွက် အနိမ့်ဆုံးလုပ်ခကို တစ်နာရီလျှင် ၇ ဒသမ ၂၅ ဒေါ်လာမှ ၁၀ ဒသမ ၁ ဒေါ်လာသို့ မြှင့်တင်ပေးရန် ဆောင်ရွက်သွားမည်ဖြစ်ကြောင်း အိုဘားမားက ကတိပေးခဲ့သည်။

၂၀၁၃ ခုနှစ်တွင် ဆိုးရွားမှုများ ကြုံခဲ့ရပြီးနောက် လူကြိုက်များမှုနှုန်း ကျဆင်းနေသော အိုဘားမားသည် ယခုနှစ်အတွင်း သမ္မတ၏ တာဝန်များကို ချမှတ်ရန် ဦးတည်ပြင်ဆင်နေသည်။

Ref:AFP

Read More

ပဋိပက္ခများ၊ သဘာဝဘေးအန္တရာယ်များ ကဆုန်ပေါက်ဝင်ရောက်သော မြင်းနှစ်ဖြစ်မည်ဟု ဟောင်ကောင်ဖုန်းရွှေ ပညာရှင်များ ဟောကိန်းထုတ်

ဇန်န၀ါရီ ၂၇ ရက်တွင် ဟောင်ကောင်၌ တရုတ်နှစ်သစ်ကူးအတွက် ဆိုင်ခန်းဖွင့်လှစ် ရောင်းချနေသူနှစ်ဦးကို တွေ့ရစဉ် (Photo:AFP)


တရုတ်ပြက္ခဒိန်အရ ဇန်နဝါရီ ၃၁ ရက်တွင် စတင်မည့် နှစ်သစ်ဖြစ်သော မြင်းနှစ်တွင် ပဋိပက္ခများ၊ အငြင်းပွားမှုများ၊ သဘာဝဘေးအန္တရာယ်များ၊ အရှုပ်တော်ပုံများ အများအပြား ဖြစ်ပွားမည်ဖြစ်ကာ စံချိန်တင်မြင့်မားသော အပူချိန်များ၊ အာရှစီးပွားရေး အေးနေခြင်းတို့နှင့် ရင်ဆိုင်ရမည်ဟု ဟောင်ကောင်ဖုန်းရွှေ ပညာရှင်များက ဟောကိန်းထုတ်ခဲ့သည်။

မြွေနှစ်ကုန်ဆုံး၍ မကြာမီကျရောက်မည့် မြင်းနှစ်တွင် အားကောင်းသော မီးဓာတ်နှင့် အလွန်လောင်ကျွမ်းလွယ်သော သစ်သားတို့က အဓိကဓာတ်များအဖြစ် ပေါင်းစပ်ပါဝင်နေခြင်းကြောင့် အတိုးအတိုက်များသည့် နှစ်ဖြစ်မည်ဟု လူသိများကျော်ကြားသော ဖုန်းရွှေပညာရှင် Alion Yeo က ပြောကြားခဲ့သည်။

နှစ်သစ်တွင် ကြုံတွေ့ရမည့် ပဋိပက္ခကို သံတမန်ရေးရာ တင်းမာမှုမှ လက်နက်ကိုင် တိုက်ပွဲများအထိ မည်သည့်ပဋိပက္ခ တစ်စုံတစ်ရာမဆို အဓိပ္ပာယ်ကောက်ယူနိုင်ပြီး အထူးသဖြင့် ပထမလ(ဖေဖော်ဝါရီ)၊ စတုတ္ထလ(မေ)နှင့် သတ္တမလ(ဩဂုတ်)တို့တွင် ဖြစ်သည်ဟု Yeo က ပြောကြားခဲ့သည်။

“စစ်ပွဲဖြစ်စေနိုင်ဖွယ် အရှိဆုံးကိစ္စရပ်မှာ ဒိုင်အိုယူကျွန်းစုကိစ္စ ဖြစ်ပါတယ်” ဟု ဂျပန်က ထိန်းချုပ်ထားပြီး ဆင်ကာကူဟုခေါ်သည့် ယင်းကျွန်းစု ပိုင်ဆိုင်မှုနှင့် ပတ်သက်၍ ဂျပန်နှင့်တရုတ်အကြား အငြင်းပွားမှု၊ တင်းမာမှုများကို ရည်ညွှန်း၍ Yeo က ပြောကြားခဲ့သည်။

၁၉၅၄ ခုနှစ်က ကျရောက်ခဲ့သည့် မြင်းနှစ်တွင် အမေရိကန်နှင့် ဆိုဗီယက်ပြည်ထောင်စုဟောင်းတို့၏ နျူကလီးယားဗုံး စမ်းသပ်မှုများနှင့် ဗီယက်နမ်တွင် ပြင်သစ်တပ်ဖွဲ့များကို အနိုင်ရရှိခဲ့သည့် ဒိန်ဘင်ဖူးတိုက်ပွဲတို့က ထင်ရှားခဲ့သည်။

လေ-ရေဟု အဓိပ္ပာယ်ရသော ဖုန်းရွှေသည် အာရှဒေသ အများအပြားတွင် လွှမ်းမိုးမှုရှိသည်။ ကံကောင်းခြင်းနှင့် ဓနဥစ္စာတိုးပွားရန် ဖုန်းရွှေနည်းကို အခြေခံ၍ နေအိမ်များနှင့် ရုံးခန်းများကို ပြုပြင်မွမ်းမံကြပြီး နေထိုင်မှုဘဝများကို ထိန်းညှိကြသည်။

Ref:AFP

Read More

ပညာရေးအရည်အသွေး ကျဆင်းမှုကြောင့် ဒေါ်လာဘီလျံ ၁၃၀ ခန့် နှစ်စဉ်လေလွင့်နေ

ဟေတီနိုင်ငံမြို့တော် ပိုအောပရင့်တွင် ကလေးများကို စာသင်နေသော ဆရာတစ်ဦး (Photo:AFP)


ကမ္ဘာတစ်ဝန်းရှိ ကလေးတစ်ဘီလျံ၏ လေးပုံသုံးပုံခန့်သည် အခြေခံစာဖတ်ခြင်းနှင့် သင်္ချာဘာသာရပ်ကို တတ်မြောက်အောင် မသင်ကြားနိုင်ခြင်းကြောင့် ကမ္ဘာတစ်ဝန်းရှိ အစိုးရများ၏ ပညာရေးအသုံးစရိတ် ဒေါ်လာ ၁၂၉ ဘီလျံခန့် နှစ်စဉ်လေလွင့်ဆုံးရှုံးနေကြောင်း ကုလသမဂ္ဂ၏ ယူနက်စကိုအဖွဲ့က ဇန်နဝါရီ ၂၉ ရက်တွင် အစီရင်ခံစာ ထုတ်ပြန်ခဲ့သည်။ ကမ္ဘာတစ်ဝန်း ပညာရေး အရည်အသွေး ကျဆင်းလာမှုကြောင့် စာမတတ်သူဦးရေသည် ယခင်ယူဆထားသည်ထက် ပိုမိုကျယ်ပြန့်နေကြောင်း ယူနက်စကို၏ အစီရင်ခံစာအရ သိရသည်။

ဆင်းရဲသော နိုင်ငံများတွင် လူငယ်လေးဦးအနက် တစ်ဦးသည် စာတစ်ကြောင်းကိုပင် မဖတ်နိုင်ကြဘဲ အာဖရိကအောက်ပိုင်းဒေသတွင် ယင်းလူငယ်အရေအတွက် ရာခိုင်နှုန်း ၄ဝ အထိ မြင့်တက်လာကြောင်း သိရသည်။ အသက် ၁၅ နှစ်မှ ၂၄ နှစ်ကြားရှိသူကို လူငယ်ဟု ကုလသမဂ္ဂက သတ်မှတ်သော်လည်း ယူနက်စကို၏ သတ်မှတ်ချက်မှာမူ ဒေသအလိုက် ကွဲပြားသည်။ “ကလေးတွေဟာ ကျောင်းမှာ နှစ်ပေါင်းများစွာ နေခဲ့ပေမယ့် လိုအပ်တဲ့ပညာရပ်တွေ မတတ်မြောက်ရင် ပညာသင်မှုရဲ့ အဓိကအချက်ကဘာလဲ” ဟု စာမျက် နှာ ၅ဝဝ နီးပါးရှိသည့် Education for All Global Monitoring Report ပြုစုရေးအဖွဲ့ ဒါရိုက်တာပေါလင်ရို့စ်က မေးခွန်းထုတ်ခဲ့သည်။

အစီရင်ခံစာတွင်ပါသော နိုင်ငံသုံးပုံတစ်ပုံကို စိစစ်လေ့လာမှုအရ ယင်းနိုင်ငံများရှိ မူလတန်းပြ ဆရာအားလုံး၏ လေးပုံသုံးပုံထက် နည်းပါးသော အရေအတွက်ကိုသာ နိုင်ငံအဆင့်အထိ လေ့ကျင့်ပေးထားကြောင်း သိရသည်။ ကမ္ဘာတစ်ဝန်း မူလတန်းကလေး သန်း ၁၂ဝ သည် ကျောင်းကိုနှစ်အနည်းငယ်သာ တက်ဖူးသူ သို့မဟုတ် လုံးဝမတက်ဖူးသူတို့ဖြစ်ကြောင်း ယင်းအစီရင်ခံစာတွင် ဖော်ပြခဲ့သည်။

ကလေးသန်း ၂၅ဝ က အခြေခံပညာရေးကိုပင် မတတ်မြောက်ခြင်းအတွက် လေလွင့်ဆုံးရှုံးမှုသည် ကမ္ဘာတစ်ဝန်း မူလတန်းပညာရေးအတွက် အသုံးပြုမှုအားလုံး၏ ၁ဝ ရာခိုင်နှုန်း သို့မဟုတ် ဒေါ်လာ ၁၂၉ ဘီလျံနှင့် ညီမျှကြောင်း ယင်းအစီရင်ခံစာကဆိုသည်။ အစီရင်ခံစာတွင် ပါဝင်သော နိုင်ငံ ၃၇ နိုင်ငံရှိ ကလေးများသည် စာသင်ခြင်း မရှိသဖြင့် ယင်းနိုင်ငံများ၏ ပညာရေးအတွက် သုံးစွဲသောငွေအားလုံး၏ ထက်ဝက်ထက်မနည်း ဆုံးရှုံးနေကြောင်း သိရသည်။ အစိုးရများသည် ကလေးများ ကျောင်းနေနှုန်းကိုသာမက ကလေးအားလုံး ညီတူညီမျှနှင့် ပိုမိုကောင်းမွန်စွာ ပညာသင်ကြားနိုင်ရေးတို့ကိုပါ ဦးစားပေးစေလိုကြောင်း ယင်းအစီရင်ခံစာတွင် တိုက်တွန်းထားသည်။

Ref:AFP

Read More

ကင်ညာတွင် ဆင်စွယ်မှောင်ခိုကူးမှုဖြင့် တရုတ်နိုင်ငံသားတစ်ဦး စံချိန်တင်ထောင်ဒဏ် ချမှတ်ခံရ

ဇန်န၀ါရီ ၂၅ ရက်တွင် လန်ဒန်ရှိ တရုတ်သံရုံးအပြင်ဘက်၌ ဆန္ဒပြသူများစုဝေးပြီး တရုတ်တွင် ဆင်စွယ်ကုန်သွယ်မှု အဆုံးသတ်ရန် တောင်းဆိုနေကြစဉ်


ရှားပါးတိရစ္ဆာန် မှောင်ခိုကူးမှုကို အရှိန်မြှင့်နှိမ်နင်းရန် အသစ်ပြဋ္ဌာန်းခဲ့သော ဥပဒေအရ ဆင်စွယ်မှောင်ခိုကူးသည့် တရုတ်နိုင်ငံသားတစ်ဦးကို ကင်ညာတရားရုံးက ဇန်န၀ါရီ ၂၈ ရက်တွင် စံချိန်တင်ထောင်ဒဏ် ချမှတ်ခဲ့ရာ ယင်းဥပဒေအရ ပထမဆုံး ထောင်ဒဏ်ချမှတ်ခံရသူ ဖြစ်လာခဲ့သည်။

အသက် ၄၀ ရှိ တန်ယုံကျန်းကို ဒဏ်ငွရှီလင် သန်း ၂၀ (အမေရိကန်ဒေါ်လာ ၂၃၃၀၀၀) ပေးဆောင်ရန် သို့မဟုတ် ထောင်ဒဏ်ခုနစ်နှစ် ကျခံစေရန် တရားရုံးက အမိန့်ချခဲ့ခြင်းဖြစ်သည်။ သူသည် ပြီးခဲ့သည့် သီတင်းပတ်က မိုဇမ်ဘစ်မှ တရုတ်သို့အပြန် နိုင်ရိုဘီလေဆိပ်တွင် တစ်ထောက်နားစဉ် ခရီးဆောင်အိတ်ထဲမှ အလေးချိန် ၃ ဒသမ ၄ ကီလို (၇ ဒသမ ၅ ပေါင်) ရှိ ဆင်စွယ်တစ်ချောင်း သယ်ယူလာသည်ကို ရှာဖွေတွေ့ရှိမှုဖြင့် ဖမ်းဆီးခံခဲ့ရခြင်းဖြစ်သည်။ ယင်းအတွက် အပြစ်ရှိကြောင်း ၎င်းက၀န်ခံခဲ့ပြီး ယင်းစီရင်ချက်ကို အယူခံဝင်ရန် ၁၄ ရက် အချိန်ရကြောင်း သိရသည်။

နာမည်ကျော် သဘာဝအမျိုးသားဥယျာဉ်များကို ကြီးကြပ်ရသည့် ကင်ညာတောရိုင်းတိရစ္ဆာန် ကာကွယ်ရေးဌာနမှ ပြောခွင့်ရသူက ယခုစီရင်ချက်ကို ကြိုဆိုခဲ့သည်။ ယခင်က တောရိုင်းတိရစ္ဆာန် မှောင်ခိုကူးသူများသည် ပြစ်ဒဏ်လျှော့ပေါ့ခံကြရပြီး ယခုစီရင်ချက်သည် အထင်ကရ စီရင်ထုံးဖြစ်သွားကြောင်း ၎င်းကပြောကြားခဲ့သည်။

ပြီးခဲ့သည့် တစ်လက အသက်ဝင်သည့် ဥပဒေသစ်၌ တောရိုင်းတိရစ္ဆာန်ပစ္စည်းများ တရားမ၀င် သယ်ဆောင်လျှင် အနိမ့်ဆုံးဒဏ်ငွေ ရှီလင်တစ်သန်း သို့မဟုတ် ထောင်ဒဏ်ငါးနှစ် သို့မဟုတ် နှစ်ရပ်လုံး ကျခံရနိုင်ကြောင်း သိရသည်။ အမြင့်ဆုံးအားဖြင့် ရှားပါးတိရစ္ဆာန်ကိုသတ်လျှင် ထောင်ဒဏ်တစ်သက်နှင့် ငွေဒဏ်ရှီလင်သန်း ၂၀ အထိ ကျခံရနိုင်ကြောင်း သိရသည်။

Ref:AFP

Read More

ဟောင်ကောင်တွင် အိမ်အကူအမျိုးသမီး အကြမ်းဖက်ခံရမှုများ ဖြစ်ပွားခဲ့သော်လည်း မြန်မာနိုင်ငံအနေဖြင့် ဟောင်ကောင်သို့ အိမ်အကူဆက်ပို့မည်

အိမ်အကူအမျိုးသမီး အကြမ်းဖက်ခံရမှုများ ဖြစ်ပွားခဲ့ပြီး အိမ်အကူများ၏ လုံခြုံရေးနှင့်ပတ်သက်၍ စိတ်ချရမှုမရှိဟူသော စွပ်စွဲချက်များ ရှိနေသော်လည်း မြန်မာနိုင်ငံအနေဖြင့် ဟောင်ကောင်သို့ အိမ်အကူပို့ဆောင်မှုကို ဆက်လက်လုပ်ဆောင်သွားမည်ဖြစ်ကြောင်း ဟောင်ကောင်လစ်ဘရယ်ပါတီ လွှတ်တော်အမတ်နှင့် ရင်းနှီးမြှုပ်နှံသူတစ်ဦးဖြစ်သူ Felix Chung Kwokpan က ပြောကြားခဲ့သည်ဟု South China Morning Post ၏ ဖော်ပြချက်အရ သိရသည်။

ညှဉ်းပန်းနှိပ်စက်ခြင်း ခံရခြင်းကြောင့် ဆေးရုံတက် ကုသမှုခံယူနေရသူ အသက် ၂၃ နှစ်အရွယ် အင်ဒိုနီးရှားအမျိုးသမီး အိမ်အကူ အပါအဝင် အခြားအိမ်အကူ အမျိုးသမီးနှစ်ဦး၏ အိမ်ပိုင်ရှင်အား တရားစွဲဆိုမှု ပြုလုပ်ပြီးချိန်တွင် Felix Chung Kwokpan သည် တနင်္လာနေ့၌ မြန်မာအလုပ်သမားဝန်ကြီး ဦးအေးမြင့်နှင့် တွေ့ဆုံခဲ့ခြင်းဖြစ်သည်။

“ဝန်ကြီးက ဟောင်ကောင်မှာဖြစ်ခဲ့တဲ့ နှိပ်စက်ခံရတဲ့ အလုပ်သမားကိစ္စကို တွေ့ဆုံပွဲမှာပြောခဲ့ပြီး ဟောင်ကောင်မှာ နိုင်ငံခြားသား အိမ်အကူတွေကို အကာအကွယ်ပေးတဲ့ ဥပဒေတွေ ရှိရဲ့လားဆိုတာကို မေးခဲ့ပါတယ်” ဟု Chung က ပြောကြားသည်။

“ဒါပေမဲ့ အခုဖြစ်သွားတဲ့ အင်ဒိုနီးရှား အိမ်အကူပြဿနာဟာ သိပ်ကြီးမားတဲ့ပြဿနာတော့ မဟုတ်ပါဘူး။ မြန်မာနိုင်ငံဘက်ကလည်း အခုလက်ရှိ အစီအစဉ်က အဆင်ပြေတယ်လို့ ယူဆပါတယ်” ဟု ၎င်းကဆက်လက်ပြောကြားသည်။

Chung က ဟောင်ကောင်သို့ အိမ်အကူများ တင်ပို့ရန်အတွက် ခိုင်မာသော တင်ပြချက်တစ်ခု ပြုလုပ်မည်ဖြစ်ပြီး အိမ်အကူများအား အကာအကွယ်ပေးသည့် ဥပဒေများနှင့် ပတ်သက်၍လည်း ရှင်းပြမည်ဖြစ်ကြောင်း ပြောကြားသည်။ ဟောင်ကောင်-မြန်မာ နှစ်ဖက်မှ တာဝန်ရှိသူများ အနေဖြင့် မတ်လတွင် ထပ်မံတွေ့ဆုံနိုင်ရန် အတွက်လည်း မျှော်လင့်ပါကြောင်း Chung က ပြောကြားသည်။

ဟောင်ကောင်အခြေစိုက် Golden Mind အလုပ်အကိုင်ရှာဖွေရေး အေဂျင်စီသည် အလုပ်သမား စုဆောင်းရေးအတွက် မြန်မာအစိုးရထံမှ ခွင့်ပြုချက်ရရှိထားပြီး ပထမဆုံးအသုတ်ဖြစ်သည့် အိမ်အကူ ၅၅ ဦး လာမည့်လကုန်ပိုင်းတွင် ဟောင်ကောင်သို့ ရောက်ရှိမည်ဖြစ်သည်။

အခြားဟောင်ကောင် အလုပ်သမား အေဂျင်စီတစ်ခုဖြစ်သည့် Technic Employment Service Centre သည် မြန်မာအစိုးရ တာဝန်ရှိသူများနှင့် ဖေဖော်ဝါရီလကုန် ဒုတိယအကြိမ် တွေ့ဆုံမည်ဖြစ်သည်။ Chung က ပြောဆိုရာတွင် ၎င်း၏စေ့စပ်ညှိနှိုင်းချက်များကြောင့် မြန်မာနိုင်ငံမှ ဟောင်ကောင်သို့တစ်နှစ်လျှင် အလုပ်သမား နှစ်သောင်းကျော် တင်ပို့နိုင်မည်ဖြစ်ကြောင်း ပြောဆိုခဲ့သည်။

Read More

မွေးမြူရေးခြံနှင့် အစာစက်ရုံများ ပူးပေါင်းလုပ်ကိုင်ရန် တင်ဒါခေါ်ရာ၌ ပြည်တွင်းကုမ္ပဏီများအပြင် တရုတ်၊ ကိုရီးယားနှင့် ထိုင်းနိုင်ငံတို့မှ ကုမ္ပဏီများလည်း အကျိုးတူလုပ်ကိုင်မည်

မျိုးမင်းထက်

မကွေးတိုင်း၊ ပေါက်မြို့နယ်အတွင်းရှိ တစ်ပိုင်တစ်နိုင် ဆိတ်မွေးမြူရေးခြံအား တွေ့ရစဉ် (ဓာတ်ပုံ-အောင်ဇော်ထွန်း)


မြန်မာနိုင်ငံအတွင်းရှိ မွေးမြူရေးခြံနှင့် အစာစက်ရုံများအား အကျိုးတူပူးပေါင်း လုပ်ကိုင်ရန် တင်ဒါခေါ်ယူရာတွင် ပြည်တွင်းကုမ္ပဏီများအပြင် တရုတ်နိုင်ငံ၊ ကိုရီးယားနိုင်ငံနှင့် ထိုင်းနိုင်ငံတို့မှ ကုမ္ပဏီများလည်း ပါဝင်ကာ တင်ဒါလျှောက်ထားမှုများရှိကာ အကျိုးတူ ပူးပေါင်းလုပ်ကိုင်သွားမည်ဖြစ်ကြောင်း မွေးမြူရေး၊ ရေလုပ်ငန်းနှင့် ကျေးလက်ဒေသဖွံ့ဖြိုးရေး ၀န်ကြီးဌာန၊ မွေးမြူရေးနှင့် ကုသရေးဦးစီးဌာနမှ သတင်းရရှိသည်။

မွေးမြူရေးနှင့် ကုသရေးဦးစီးဌာနမှ မြန်မာနိုင်ငံအတွင်းရှိ မွေးမြူရေးခြံနှင့် စက်ရုံ ၄၃ ခုအား ပြည်တွင်း၊ ပြည်ပကုမ္ပဏီများနှင့် အကျိုးတူ ပူးပေါင်းလုပ်ကိုင်ရန်အတွက် တင်ဒါခေါ်ထားပြီး လက်ရှိအချိန်အထိ ပြည်တွင်း၊ ပြည်ပကုမ္ပဏီ ၂၀ ကျော်မှ လာရောက်တင်ဒ်ါလျှောက်ထားကြောင်း သိရသည်။

“တင်ဒါလာလျှောက်တဲ့ ကုမ္ပဏီအဖွဲ့အစည်း ၂၀ ကျော်ရှိပါတယ်။ ပြည်ပကုမ္ပဏီတွေလည်း ပါတယ်။ ကိုရီးယား၊ ထိုင်း၊ တရုတ်နိုင်ငံတို့ပါတယ်။ မလေးရှားနဲ့ ဖက်စပ်လုပ်နေတဲ့ ကုမ္ပဏီတွေလည်းပါတယ်။ ပြည်တွင်းကုမ္ပဏီတွေလည်း ပါတယ်။ အဲဒီ ပြည်ပကုမ္ပဏီတွေက ကျွန်တော်တို့ဆီမှာ မွေးမြူရေးခြံတွေရော၊ အစာစပ်စက်ရုံတွေမှာပါ ရင်းနှီးမြှုပ်နှံချင်လို့ တင်ဒါလာလျှောက်ကြတာဖြစ်တယ်” ဟု မွေးမြူရေးနှင့်ကုသရေး ဦးစီးဌာနမှ တာဝန်ရှိသူတစ်ဦးက ပြောကြားသည်။

မွေးမြူရေးခြံနှင့် စက်ရုံ ၄၃ ခုအား တင်ဒါခေါ်ထားရာတွင် ဇန်န၀ါရီ ၂၇ ရက်၌ လုပ်ငန်း ၁၀ ခုအား ပထမဆုံးအကြိမ် တင်ဒါဖွင့်ရာတွင် အောင်မြင်စွာ ပြီးဆုံးခဲ့ကြောင်း အထက်ပါ တာဝန်ရှိသူက ထပ်မံပြောကြားသည်။

လက်ရှိတွင် မြန်မာနိုင်ငံအတွင်း၌ မွေးမြူရေးခြံနှင့် စက်ရုံလုပ်ငန်းများ ပြန်လည်တိုးတက်ရန်အတွက် ယင်းတို့အား ပြည်တွင်း၊ ပြည်ပ ကုမ္ပဏီများနှင့် အကျိုးတူ ပူးပေါင်းဆောင်ရွက်ရန် လုပ်ဆောင်လျက်ရှိသည့်အပြင် တစ်နိုင်ငံလုံး၌ မွေးမြူရေးဇုန် ၂၇ ဇုန်ရှိပြီး နောက်ထပ်မွေးမြူရေးဇုန် ထပ်မံဖော်ထုတ်ရန်အတွက် စီစဉ်ဆောင်ရွက်နေကြောင်း သိရသည်။

Read More

ရေချိုလင်းပိုင် မျိုးစိတ်အသစ်ကို နှစ်ပေါင်း ၁၀၀ အတွင်း ပထမဆုံးတွေ့ ရှိ

နှစ်ပေါင်း ၁၀၀ အတွင်း ပထမဆုံးအဖြစ် မြစ်မှာ ကျက်စားတဲ့ လင်းပိုင်မျိုးစိတ်အသစ်ကို ဘရာဇီး နိုင်ငံမှာ တွေ့  ရှိ ခဲ့ကြပါတယ်။ ဒီမျိုးစိတ်အသစ်ကို ပထမဆုံးရှာဖွေတွေ့ ရှိခဲ့တဲ့ ဘရာဇီးနိုင်ငံက၊ အာရာဂွာရာ မြစ်ကို အစွဲပြုပြီုး “အာရာဂွာရာ” လင်းပိုင်မျိုးစိတ် လို့ အမည်ပေးခဲ့ကြပါတယ်။

ပလော့စ်ဝမ်း ဂျာနယ်မှာ ရေးသားထားချက်အရ သုတေသနပြုသူတွေက ဒီမျိုးစိတ်သစ်ဟာ လွန်ခဲ့တဲ့ နှစ်သန်းပေါင်း နှစ်သန်းအကျော်က တောင်အမေရိက မြစ်လင်းပိုင်မျိုးစိတ်တွေကနေ ပေါက်ဖွားလာတာ ဖြစ်တယ်လို့ သိရပါတယ်။ နောက်ထပ် ဒီရှားပါးမျိုးစိတ်သစ် အကောင်ရေပေါင်း ၁၀၀၀ ကျော် အသက်ရှင်သန် ကျန်ရှိနေအုန်းမယ်လို့ ခန့် မှန်းထားကြပါတယ်။

ကျွမ်းကျင်သူတွေရဲ့အဆိုအရ မြစ်လင်းပိုင်မျိုးစိတ်တွေဟာ ကမ္ဘာပေါ်မှာ လေးမျိုးပဲ တွေ့ ရှိခဲ့ဖူးပြီး ၊ ဒီတွေ့ ရှိ ထားတဲ့ မျိုးစိတ်လေးစိတ်ထဲက မျိုးစိတ်သုံးမျိုးက လင်းပိုင်တွေဟာ မျိုးတုန်းမယ့်အန္တရာယ် ရှိနေပြီ ဖြစ်တယ် လို့ ဆိုပါတယ်။

ဒီလင်းပိုင်တွေဟာ ပင်လယ်မှာကျက်စားတဲ့လင်းပိုင်တွေနဲ့ ပုံစံကွဲပြားပြီး ပိုမိုရှည်လျားတဲ့ နှုတ်သီးရှိပါတယ်။ ဒီနှုတ်သီးနဲ့ ပဲ မြစ်လင်းပိုင်တွေဟာ မြစ်ကြမ်းပြင်အောက် ရွံ့ နွံထဲက ငါးတွေကို ရှာဖွေစားသောက်နေရတာပါ။

၁၉၁၈ ခုနှစ်နောက်ပိုင်း ရေချိုလင်းပိုင်မျိုးစိတ်အသစ်တွေ မတွေ့ ရှိခဲ့ရာကနေ နှစ်ပေါင်း ၁၀၀ နီးပါးကြာပြီးနောက် ပထမဆုံးတွေ့ ရှိရတဲ့ မြစ်လင်းပိုင်မျိုးစိတ်အသစ် ဖြစ်လာပါတယ်။

တောင်အမေရိကဟာ ပန်းရောင်လင်းပိုင်တွေလို့ နာမည်ကျော်တဲ့ အမေဇုန်မြစ်လင်းပိုင်တွေ ရဲ့ သိုက်မြုံ ဖြစ်ပြီး ဘိုတို လို့ လည်းခေါ်တဲ့ ပန်းရောင်လင်းပိုင်မျိုးစိတ်တွေဟာ ရေချိုလင်းပိုင်မျိုးစိတ်အားလုံးထဲမှာ အသိဥာဏ် အရှိဆုံး သတ္တ၀ါတွေ ဖြစ်ပါတယ်။

သိပ္ပံပညာရှင်တွေရဲ့ လေ့လာချက်အရ အခုတွေ့ ရတဲ့ “အာရာဂွာရာ” လင်းပိုင်မျိုးစိတ်ဟာ တခြား လင်းပိုင်တွေ နဲ့  သွားအရေအတွက် ကွာခြားမှုရှိပြီး သူတို့ ရဲ့ မျိုးရိုးဗီဇထဲမှာ သူတို့ သဘာဝနဲ့ ကွဲပြားတဲ့ အထောက်အထားတွေ တွေ့ ရှိခဲ့ရတယ်လို့ ဆိုပါတယ်။

Ref: mirror.co.uk

Read More

ပြိုင်ပွဲတွေ ၀င်မပြိုင်ဖြစ်တော့ပေမယ့် အနုပညာအလုပ်တွေကို ကြိုးစားဆက်လုပ်သွားမယ့် နှင်းယမုံဦး

Miss Now How ဆုရခဲ့ပြီးချိန်ကစလို့ မော်ဒယ်လ်လောကမှာ နေရာတစ်နေရာ ရရှိလာခဲ့တဲ့ နှင်းယမုံဦးက သူမရဲ့ လတ်တလောအနုပညာလှုပ်ရှားမှုတွေကို ခုလို ပြောပြပေးသွားပါတယ်။ ‘ခုလတ်တလောက မဂ္ဂဇင်းတွေ ရိုက်ဖြစ်တယ်။ အမ်တီဗီတွေ ရိုက်ဖြစ်တယ်။ ပြိုင်ပွဲတွေက မပြိုင်တော့ဘူး။ တော်ပြီ။ ပြီးရင် ကိုဂျွန်ပွဲတော့ လျှောက်ဖို့ရှိတယ်။’ လို့ သူမက ပြောပါတယ်။

လာမယ့် ချစ်သူများနေ့ကို သူမဘယ်လိုဖြတ်သန်းဖြစ်မယ် ဆိုတဲ့အကြောင်းကိုတော့ သူမက ‘အလုပ်လုပ်ဖြစ်မယ်။ အလုပ်မရှိရင် အိပ်မယ်ထင်တာပဲ။ နှစ်တိုင်းလဲ ချစ်သူများနေ့ဆို တိုက်ဆိုင်တာပေါ့နော်။ ပန်းခြံတွေမှာ ရှုတင်ရှိနေတတ်တယ်။ အဲ့ဒီမှာ အတွဲချောင်းလိုက်တယ်။ နှစ်တိုင်းတော့ ကိုယ့်ရှုတင်နဲ့ပဲ ပြီးသွားတာပါပဲ။ အရင်နှစ်တွေတုန်းကတော့ လူငယ်သဘာဝဆိုတော့ ကိုယ်ချစ်တဲ့ မိတ်ဆွေတွေနဲ့ အပြန်အလှန်ပေးကြတာမျိုးပဲ ရှိပါတယ်။ ဒီနှစ်က သူများကိုပေးဖို့ အစီအစဉ်မရှိပါဘူး။ သူများကို ရိုမန်တစ်ဖြစ်အောင် မလုပ်ပေးတတ်ဘူး။ ကိုယ်ချစ်တဲ့ သူငယ်ချင်းတွေလောက်ပဲ မုန့်သွားစားဖြစ်တယ်။ ပစ္စည်းချင်းလဲတာလောက်ပဲ လုပ်ဖြစ်ခဲ့တာ။ ပန်းစည်းလေးတွေ၊ ချောကလက်လေးတွေတော့ ရဖြစ်တယ်’ တဲ့။

ရှေ့ဆက်ပြီးတော့ အနုပညာအလုပ်ကိုပဲ အားစိုက်လုပ်သွားမယ့်အကြောင်းကိုလည်း ‘ညီမ ဒီအလုပ်ကိုတော့ ကြိုးစားပြီး ဆက်လုပ်သွားမှာပါ။ ပြီးတော့ ဒီအလုပ်က သင်ယူလို့မဆုံးတဲ့အလုပ်၊ လေ့လာလို့မဆုံးတဲ့ အလုပ်ဆိုတော့ ကြိုးစားအားထုတ်သွားဖို့တော့ အစီအစဉ်ရှိပါတယ်။’ လို့ သူမက ပြောပြခဲ့ပါတယ်။

Read More

ဗယ်လင်တိုင်းမှာ ကိုယ့်ချစ်သူကောင်မလေးကို ဘယ်လိုလက်ဆောင်မျိုးတွေ ပေးသင့်လဲ

လက်ဆောင်ဆိုတာ မြတ်နိုးတန်ဖိုးထားစရာပါ။ ကိုယ့်ချစ်သူ ကောင်မလေးကို ချစ်သူများနေ့မှာပေးမယ့် လက်ဆောင်ကို တွေ့ရာကောက်ဝယ်ပေးတာမျိုး မဖြစ်ဘဲ ကိုယ်တကယ်ရွေးချယ်ဝယ်ထားတဲ့ လက်ဆောင် ဖြစ်တယ်ဆိုတာမျိုးဟာ ကိုယ်ပေးတဲ့ လက်ဆောင်က ပြသပေးနိုင်ဖို့ အရေးကြီးပါတယ်။ သူ့ကို ဂရုစိုက်တယ်၊ သူဘယ်လိုမျိုးလေးတွေ ကြိုက်တတ်တယ်၊ နောက် သူမရှိရင် ကိုယ်မနေနိုင်ပါဘူး ဆိုတာမျိုးတွေကို ပါးစပ်ကနေ တတွတ်တွတ်ပြောနေတာထက်စာရင် ကိုယ့်လက်ဆောင်ကတစ်ဆင့် သူသိသွားဖို့ ဘယ်လို လက်ဆောင်ပစ္စည်းတွေကို ရွေးချယ်သင့်သလဲ ကြည့်ရအောင်။

၁။ ကိုယ်က လက်စွပ်ပေးဖို့ စဉ်းစားထားတယ်ဆိုရင်တော့ ရိုးရိုးစင်းစင်း မောင်းကွင်းလိုဟာမျိုး ပေးမယ့်အစား အချစ်ဆိုတဲ့ သင်္ကေတလေး၊ စာလုံးလေးတွေပါတာပဲဖြစ်ဖြစ်၊ အသဲပုံလေးပါတာလေးဖြစ်ဖြစ် ကိုယ့်အချစ်ကို ကိုယ်စားပြုနိုင်တဲ့လက်ဆောင်မျိုးရွေးချယ်ပါ။



၂။လက်ကောက်ဆိုရင်လည်း လက်ကောက်သားမှာ အချစ်စာသား၊ အတွင်းသားမှာ အချစ်သင်္ကေတ တစ်ခုခုပါတဲ့ဟာမျိုးကိုသာ ရွေးချယ်စေချင်ပါတယ်။



၃။ဆွဲကြိုးဆိုရင်လည်း ပုံမှာပြသလို အထူးအဆန်းပုံစံမျိုးလေးတွေ ရှာကြည့်ပါ။ ကိုယ်ပြောချင်တာလေးတွေ ရေးပြီး ဆွဲကြိုးလော့ကတ်ထဲ ထည့်ပေးတာလောက် ကဗျာဆန်တာ ဘာရှိဦးမှာလဲ။ ကိုယ့်ချစ်သူအတွက် အချိန်ပေးရှာရတာဆိုတော့ တန်ပါတယ်နော်။



၎။သူမကော်ဖီသောက်တိုင်း ကိုယ့်ကို သတိရနေစေဖို့ ကော်ဖီခွက်ပေးမယ်လို့ စဉ်းစားထားရင် ကော်ဖီခွက်မှာ သူမနဲ့ ကိုယ်ကြားမှာရှိတဲ့ အမှတ်တရစာသား၊ စကားလုံးစတာလေးတွေ ပါတဲ့ ခွက်လေးကို ရွေးပါ။



၅။ဘယ်လိုလက်ဆောင်တွေပေးပေး ကိုယ့်အချစ်တွေကို ညွှန်းဖွဲ့ရေးချထားတဲ့ ကတ်လေးတစ်ကတ်တော့ထည့်ပေးမှတော့ ဖြစ်မှာနော်။ အဲ့ဒီတော့ အမိုက်စား ကတ်လေးတစ်ကတ်တော့ မဖြစ်မနေ ရွေးချယ်ထားလိုက်တော့ပေါ့။





Ref:luckymag.com

Read More

ပန်းသွေးရောင် မျက်နှာမျိုး ပိုင်ဆိုင်စေဖို့အတွက် ခြယ်သရာမှာ သိထားသင့်တဲ့အချက် ၆ ချက်

ကိုယ့်ရဲ့မျက်နှာလေး ပန်းသွေးရောင်ခြယ် လှပနေဖို့ဆိုတာ skin care ကောင်းနေဖို့၊ ဒါမှမဟုတ် အောက်ခံလိမ်းထားတဲ့ မိတ်ကပ်သားကောင်းနေဖို့ဆိုတာထက် ကိုယ်ရွေးချယ်ထားတဲ့ ပါးနီအရောင်တွေကလည်း ကိုယ်နဲ့လိုက်ဖက်နေဦးမှပါ။ ကိုယ့်အသားအရေက တစ်ရောင်၊ ကိုယ်ရွေးထားတဲ့ ပါးနီရောင်က တစ်မျိုးဖြစ်နေရင်တော့ ဒါဟာ တော်တော်ကြည့်ရဆိုးနေမှာမို့ ကိုယ့်မျက်နှာနဲ့ဘယ်လို ပါးနီရောင်တွေက သင့်တော်တယ်ဆိုတာ ခွဲခြားနိုင်ဖို့ ခုလို ဖော်ပြပေးလိုက်ပါတယ်။

၁။အသားရောင်တော်တော်များများအတွက် ရွေးချယ်ဖို့သင့်တဲ့ အရောင်ကတော့ ပန်းရောင်ပါပဲ။ အသက်အရွယ်ပိုင်းပြန်ကြည့်ရင်တော့ ၂၀ကျော် ပျိုမေတွေအတွက် ပိုသင့်တော်ပါတယ်။



၂။ကိုယ့်အသားအရေက အ၀ါဘက်သမ်းတဲ့ဆိုရင်တော့ ကြေးနီရောင်သမ်းတဲ့ ပါးနီကို ရွေးချယ်လိုက်ပါ။ ရွှေအိုရောင်ဆိုရင်လည်း အဲ့ဒီအသားအရေပိုင်ရှင်တွေနဲ့ လိုက်ဖက်တာပါပဲ။



၃။ကိုယ့်ရဲ့အသားကမည်းတယ်ဆိုရင်တော့ ဇီးသီးရောင်သမ်းတဲ့ ပါးနီမျိုးကို ရွေးချယ်ကြည့်ဖို့ ညွှန်ပါရစေ။



၎။ကိုယ့်ရဲ့အသားအရေဟာ ရာသီကိုကိုလိုက်ပြီး အပြောင်းအလဲရှိတတ်ပါတယ်။ ဆောင်းရာသီဆိုရင် အေးတဲ့ရာသီမို့ ကိုယ့်ရဲ့ ပါးတွေ၊ မေးဖျားလေးတွေဟာ ပန်းသွေးရောင်သမ်းနေတတ်ပါတယ်။ အဲ့ဒါဆိုရင်တော့ ကိုယ်သုံးမယ့် ပါးနီက ပန်းနုရောင်လေးတွေ ဖြစ်ရင်အကောင်းဆုံးပါပဲ။ နွေရာသီအတွက်ကတော့ ကြေးနီရောင်ဟာ ကိုယ့်အသားအရေအတွက် သင့်တော်စေပါတယ်။



၅။ကိုယ်ရွေးချယ်ထားတဲ့ ပါးနီးဆိုးတဲ့ ဘရက်ရ်ှဟာ ပျော့ပျောင်းမှုရှိဖို့ကလည်း ပါးနီးဆိုးတဲ့အခါ သတိထားရမယ့် အရေးကြီးတဲ့ အချက်တွေထဲက တစ်ချက်ပါ။ ခြယ်သတဲ့အခါ ဘရက်ရ်ှကို အတင်းဖိပြီး မျက်နှာကို ခြယ်သခြင်းမျိုးရှောင်ရမှာဖြစ်သလို ဘရက်ရှပ်ဝယ်ဖို့စဉ်းစားနေတယ်ဆိုရင် နေ့ခင်းဘက်အချိန်တွေမှာသာ ၀ယ်ဖို့ အကြံပေးပါရစေ။



၆။ကိုယ့်အသားအရေက အရမ်းခြောက်တယ်ဆိုရင်တော့ ပါးနီဆိုးတဲ့အခါ ပေါင်ဒါတွေ ရိုးရိုးပါးနီတွေထက် ခရင်မ်ကိုသာ ရွေးချယ်ဆိုးပါ။



Ref: luckymag.com

Read More

သူငယ်ချင်းလေးကို ချစ်သူလေးလို ရင်ခုန်မိတာကြောင့်

သင့်မှာ အစစအရာရာ ဖြည့်ဆည်းပေးတတ်ပြီး အနွံတာလည်းခံတတ်တဲ့ ငယ်သူငယ်ချင်း ကောင်မလေးတစ်ယောက် ရှိခဲ့မယ်ဆိုပါစို့။ အချိန်တွေကြာလာတဲ့အခါ သူ့ကို လိုက်ပိုးပန်းတတ်တဲ့ ကောင်လေးတွေကို ကြည့်မရ ဖြစ်လာမယ် ၊ သူက တခြားကောင်လေးတွေကို အရောဝင်တဲ့အခါ ပြောမပြတတ်တဲ့ ခံစားမှုတွေနဲ့ ဒေါသထွက်လာမယ်။ ဒါဆိုရင်တော့ သင့်အနေနဲ့ သူမကိုချစ်မိနေပါပြီ။

state ကျောင်းမှာကတည်းက ပေါင်းသင်းခဲ့တဲ့ သူငယ်ချင်းလေးကို တက္ကသိုလ်ကျောင်းတော်ရာကြီး အရောက်မှာ တစ်နည်းတစ်ဖုံ ပြောင်းလဲခင်တွယ်မိတယ်ဆိုပါတော့။ ဒီအခါ သင်တို့နှစ်ဦးကြားက အဖြူရောင် သံယောဇဉ်လေးကို ဘယ်လိုများ ပြောင်းလဲပစ်မလဲ။ ပြောရတာ ထင်သလောက်တော့ မလွယ်ကူပါဘူး။ ဒီလိုဆို အခုဖော်ပြမယ့် အချက်လေးတချို့ကို လိုက်နာကြည့်ကြပါစို့။

(၁) လက်ရှိအခြေအနေကို သုံးသပ်ပါ။

နံပါတ်တစ်ကတော့ နံပါတ်တစ်ပါပဲ။ သင့်အနေနဲ့ ဘာပြောင်းလဲမှုမှ မကြိုးစားခင်လက်ရှိအခြေအနေကို ကောင်းစွာနားလည်ထားရပါမယ်။ ရှိထားတဲ့ ခင်မင်မှုလေးပါ ပြောက်ပျက်မသွားစေဖို့ ရုတ်တရက် ဖွင့်ပြောမှုမျိုး မလုပ်မိအောင် သတိထားရပါမယ်။ တကယ်လို့များ သူမအနေနဲ့ သင့်ကို သူငယ်ချင်းအနေနဲ့ပဲ မြင်ထားတယ်ဆိုရင် ရုတ်တရက်ကြီး ဖွင့်မပြောသင့်ပါဘူး။ အခြေအနေတွေကို လိမ္မာပါးနပ်စွာနဲ့ တဖြည်းဖြည်းချင်းပြောင်းလဲယူရမှာ ဖြစ်ပါတယ်။ ဒါကြောင့် ဖြတ်လမ်းနည်းမသုံးပါနဲ့လို့ သေသေချာချာ မှာပါရစေ။



(၂) မိမိကိုယ်ကိုယ် အရင်ပြုပြင်ပါ။

သူမကတော့ သင့်ကိုသူငယ်ချင်း တစ်ယောက်အနေနဲ့ကလွဲပြီး တခြားအမြင်နဲ့ ပြောင်းလဲ သုံးသပ်ဖူးမှာ မဟုတ်ပါဘူး။ ဘာကြောင့်လဲဆိုတော့ သင့်ကို သူငယ်ချင်းတစ်ယောက်လို့ပဲ စိတ်ထဲ မှတ်ထားတာကိုး။ သင့်ရဲ့ အတွင်းစိတ်က သူမအတွက် အစကတည်းက လှပပြီးသားပါ။ ဒီတော့ သင့်ရဲ့ ပြင်ပအသွင်အပြင်ကို အရင်ပြုပြင်ရပါမယ်။ လူပျိုတစ်ယောက်အဖြစ် ခံ့ခံ့ညားညား ထည်ထည်ဝါ၀ါ ဖြစ်လာပြီး ဖွံ့ဖြိုးလာတဲ့ ခန္ဓာကိုယ်အသွင်အပြင်နဲ့ အမျိုးသမီးအများစု လည်ပြန်ကြည့်ရလောက်အောင် သင့်ကိုယ်သင် ပြောင်းလဲယူရပါမယ်။ ဒါမှသာ သူမအနေနဲ့ သင့်ကို တခြားအမျိုးသားတစ်ဦးအဖြစ် ပြောင်းလဲ သတိထားမိနိုင်မှာပါ။

(၃) လူကြားထဲ တွဲဖက် ပွဲတက်မှုတွေလုပ်ပါ။

တခြားသူငယ်ချင်း စုံတွဲတွေနဲ့ တွေ့ဆုံပြီး ညစာစားတာမျိုး၊ ပျော်ပွဲစားခရီးထွက်တာမျိုး စတဲ့ အစီအစဉ်တွေ ပြုလုပ်ပါ။ သင်တို့နှစ်ဦးက သူငယ်ချင်းဖြစ်တာကြောင့် သူငယ်ချင်းအနေနဲ့ပဲ သွားပါ။ ဒါပေမယ့် အတွဲတွေကြားကို ရောက်သွားတဲ့အခါ သူမအနေနဲ့ သင့်ကိုလည်း သူမရဲ့ ချစ်သူရည်းစားနေရာမှာထားပြီး စိတ်ကူးကြည့်မိမှာ ကျိန်းသေပါတယ်။ တခြားအတွဲတွေကိုကြည့်ပြီး သင်ဟာ သူမရဲ့ဘေးမှာ အချိန်အကြာကြီး ရပ်တည်ပေးခဲ့ပြီး သူမရဲ့ဘ၀အတွက် ဘယ်လောက်အရေးပါတယ်ဆိုတာကို သတိပြုမိသွားပါလိမ့်မယ်။



(၄) ကြိုတင်မတောင်းဆိုပဲ တွေ့ဆုံမှုတွေ ပြုလုပ်ပါ။

သင်တို့နှစ်ဦးဟာ သူငယ်ချင်းအနေအထားက တစ်ဆင့်တက်မှာဖြစ်တဲ့အတွက် အခြား အတွဲတွေလို date လုပ်ဖို့ ကြိုတင်ချိန်းဆိုတာမျိုး မလုပ်သင့်ပါဘူး။ ဒီလို တခမ်းတနား ခွင့်တောင်းလိုက်ရင် သူမအနေနဲ့လည်း လက်ခံရခက်သလို သင့်အနေနဲ့လည်း မရိုးသားမှုကို တမင်ဖော်ပြရာ ရောက်ပါတယ်။ ဒါကြောင့် သူမတစ်ဦးတည်း ရှိတတ်မယ့်နေရာ ၊ ရှိတတ်မယ့်အချိန်ကို မှန်းပြီး တွေ့ဆုံနိုင်အောင် ကြိုးစားပါ။

(၅) ဆောင်းပါးရိပ်ခြည် စကားသန်းပါ။

ဒီအဆင့်အတွက်တော့ သင့်မှာအနည်းငယ် ကျွမ်းကျင်မှုရှိဖို့လိုပါတယ်။ ဖော်ပြခဲ့သလို နှစ်ဦးတည်း ရှိနေမယ့် အခြေအနေတစ်ခု ရောက်တဲ့အခါ သင့်ရဲ့ သဘောထားကို ဆောင်းပါးရိပ်ခြည် ဖော်ပြဖို့လိုပါတယ်။ ဥပမာ- “ငါသာ မင်းရဲ့ ကောင်လေးဆို မင်းကို ဒီလိုမျိုး တစ်နေကုန်လွှတ်မထားဘူး” စသဖြင့် သင့်ရဲ့ စိတ်ဝင်စားမှုကို သူမရိပ်မိနိုင်အောင် လိမ္မာပါးနပ်စွာ ဖော်ပြတတ်ရပါမယ်။ ဒီအဆင့်မှာ သူမဆီက လက်ခံနိုင်တဲ့ အခြေအနေ ၊ နှစ်သက်တဲ့ အမူအရာတွေ တွေ့ရပြီဆိုရင်တော့ နောက်တဆင့်ကို ရဲရဲသာတက်လိုက်ပါ။



(၆) ဖိုမ သဘာဝ အဆင့်ကို ရောက်ပါပြီ။

စောစောကအဆင့်မှာ စကားလုံးတွေနဲ့ ဖော်ပြခဲ့တာအောင်မြင်သွားပြီဆိုပါစို့။ ဒီအဆင့်ကတော့ ရုပ်ပိုင်းဆိုင်ရာ ထိတွေ့မှုတွေနဲ့ သူမကို ဆွဲဆောင်ရမှာပါ။ ဒါမျိုးကတော့ အမျိုးသားအများစု သိထားပြီးသား ဖြစ်လို့ အထူးတလည်ဖော်ပြမနေတော့ပါဘူး။ မသိသေးဘူးဆိုရင်လည်း ဆရာ့ ဆရာ စီနီယာအစ်ကိုကြီးတွေ ဆီက နည်းနာယူပါ။ ဥပမာ - သူမရဲ့ နောက်ကျော ၊ လည်ပင်း စတဲ့နေရာမျိုးတွေကတဆင့် ရင်ခုန်မှုကို လှုပ်နိုးပါ။

(၇) အောင်ပန်းကို ဆွတ်ခူးလိုက်ပါ။

အပေါ်ကပြောခဲ့တဲ့ အဆင့်(၆)ဆင့်လုံးကို ကျေကျေနပ်နပ်ကြီး ဖြတ်သန်းနိုင်ခဲ့ပြီဆိုတာ သေချာရင်တော့ သင့်ရဲ့ သဘောထားကို အတိအလင်းဖော်ပြပြီး သူငယ်ချင်းသံယောဇဉ်ကနေ ရုန်းထွက်လိုက်ပါတော့။ သူမကို သင်ဘယ်လောက်ချစ်ခဲ့ရကြောင်း၊ ဘယ်လောက်မျှော်လင့်ခဲ့ရကြောင်း စသဖြင့် ပြောပြပါ။

ဒါပေမယ့် ဒီအဆင့်ပြီးလို့ အနိုင်ရပြီလို့တော့ မထင်လိုက်ပါနဲ့။ တကယ် ရှုပ်ထွေးတဲ့ အချစ်ရေး ဇာတ်လမ်းက အခုမှစတာပါ။ သင့်အနေနဲ့ သူငယ်ချင်းထက်ပိုပြီး ခက်ခဲလေးနက်တဲ့ သမီးရည်းစား သံယောဇဉ်ကို အောင်မြင်အောင် ဆက်လက်ထိန်းသိမ်းဖို့ လေ့လာရဦးမယ့် အရာတွေ အများကြီးရှိသေး တာကြောင့် တကယ့်အချစ်စစ်မှာ ကံကောင်းပါစေလို့ ဆုတောင်းပေးလိုက်ပါတယ်။

Ref:mensxp

Read More