ခံတွင်းသန့်စင်သည့် ပလုပ်ကျင်း ဆေးရည်များက နှလုံးကို ထိခိုက်စေနိုင်

ဆေးရည်များတွင် ပါရှိသည့် ပိုးသတ်ဆေးများက လူ့ကျန်းမာရေးကို အထောက်အကူ ဖြစ်စေသည့် အကျိုးပြု ဘက်တီးရီးယားများကိုပါ သေစေတတ်ကြောင်း ပညာရှင်များက မှတ်ချက်ပြုခဲ့


ခံတွင်းသန့်စင် ပလုပ်ကျင်း ဆေးရည်များသည် ရေရှည်တွင် နှလုံးကျန်းမာရေးကို ထိခိုက်သည့် ဆိုးကျိုးမျိုး သက်ရောက်စေတတ်ကြောင်း သုတေသီများက သတိပေး ပြောကြားလိုက်သည်။ အဆိုပါ ဆေးရည်များတွင် ပါရှိသည့် ပိုးသတ်ဆေးများက လူ့ကျန်းမာရေးကို အထောက်အကူ ဖြစ်စေသည့် အကျိုးပြု ဘက်တီးရီးယားများကိုပါ သေစေတတ်ကြောင်း ပညာရှင်များက မှတ်ချက်ပြုခဲ့သည်။ ဗြိတိန်နိုင်ငံမှ သုတေသီများက ဈေးကွက်ထဲရှိ ခံတွင်းသန့်စင် ပလုပ်ကျင်း ဆေးရည် အမှတ်တံဆိပ် အများအပြားကို စုဆောင်းလေ့လာပြီး အကျိုးသက်ရောက်မှုများကို စိစစ် မှတ်သားခဲ့ကြသည်။





ယင်းတို့အနက် Corsodyl အမည်ရှိ အမှတ်တံဆိပ်သည် နေ့စဉ်ပျမ်းမျှ (၂)ကြိမ်အထက် သုံးစွဲခြင်းဖြင့် သွေးတိုးလာတတ်သည်ကိုပါ တွေ့ရှိခဲ့ရသည်။ Corsodylသည် ရောဂါပိုးမွှားများကို သေစေပြီး အနာကျက်စေသည့် ဓာတုဆေးဝါးမျိုး အားကောင်းပြင်းပြစွာ ထည့်သွင်းထားသည့် ပလုပ်ကျင်းဆေးရည်ဖြစ်သည်။ ယခုသုတေသန စစ်တမ်းကို ဦးဆောင်သည့် ပရော်ဖက်ဆာ အမ်ရီတာ အော်လူဝါလီရာက Corsodylကဲ့သို့ ပလုပ်ကျင်းဆေးရည်မျိုးသည် အသုံးပြုပြီး နာရီအနည်းငယ်အတွင်း သွေးဖိအားကို သိသိသာသာ မြင့်တက်လာစေတတ်ကြောင်း သတိပေးခဲ့သည်။ "ပြောရမယ်ဆိုရင် နေ့တိုင်းနေ့တိုင်း ပိုးတွေကို သတ်ပစ်နေတယ် ဆိုတာက ကပ်ဘေးတစ်ခုပါပဲ။ ဒီထဲမှာ လူ့ခန္ဓာကိုယ်ကို အကျိုးပြုတဲ့ ဘက်တီးရီးယားတွေပါ ပါကုန်ကြတယ်။ ပြီးတော့ ဒီဆေးရည်တွေ အသုံးပြုပြီးချိန်မှာ သွေးတိုးနှုန်း နည်းနည်းတက်လာတာက နှလုံးရောဂါတွေနဲ့ လေဖြတ်မှုတွေ ဖြစ်နိုင်ခြေကို အားပေးအားမြှောက် ဖြစ်စေကြောင်း ထင်ရှားတဲ့ ညွှန်ကိန်းတစ်ခုပါပဲ"ဟု သူမက ပြောဆိုသွားသည်။ သုတေသီများက ကျန်းမာရေး ကောင်းသူ (၁၉)ဦးကို နေ့စဉ်နေ့တိုင်း Corsodyl နှစ်ကြိမ် အသုံးပြုစေပြီး စမ်းသပ်ခဲ့သည်။ ထိုအခါ သွေးပေါင်ချိန်သည် (၂)မှ (၃.၅)ကြား ယူနစ်မျှ တိုးပွားလာသည်ကို တွေ့ရှိ အဖြေထုတ်နိုင်ခဲ့သည်။ သွေးပေါင်ချိန် (၂)ယူနစ် တိုးခြင်းသည် နှလုံးဖောက်ပြန် သေဆုံးနိုင်ခြေကို သာမန်ထက် (၇)ရာခိုင်နှုန်း မြင့်တက်စေသည့် အချိုးအစားဟု သုတေသီများက ယူဆထားသည်။

Read More

စာဖတ်နေစဉ် စိတ်ခံစားချက်ကို လှုံ့ဆ်ာပေးနိုင်မည့် ကိရိယာ တီထွင်နေ

မက်ဆာချူးဆက် နည်းပညာဌာန၏ မီဒီယာ သုတေသန စမ်းသပ်ခန်းတွင် လူ့ခန္ဓာကိုယ်၌ တွယ်ဆက်ထားရသည့် စာဖတ်ပစ္စည်းတစ်ခုနှင့် ယင်း၏ လှုံ့ဆော်မှုကို တုံ့ပြန်မည့် စာအုပ်တို့ကို စမ်းသပ်နေပြီ ဖြစ်သည်


အမေရိကန် နိုင်ငံမှ သိပ္ပံပညာရှင်များသည် ရသစာပေများ ဖတ်ရှုချိန်၌ ခန္ဓာကိုယ်၏ တုံ့ပြန်ခံစားမှုကိုပါ လှုံ့ဆော်နိုင်မည့် စာအုပ်မျိုးကို ဖန်တီးတီထွင်နေကြောင်း သိရသည်။ မက်ဆာချူးဆက် နည်းပညာဌာန၏ မီဒီယာ သုတေသန စမ်းသပ်ခန်းတွင် လူ့ခန္ဓာကိုယ်၌ တွယ်ဆက်ထားရသည့် စာဖတ်ပစ္စည်းတစ်ခုနှင့် ယင်း၏ လှုံ့ဆော်မှုကို တုံ့ပြန်မည့် စာအုပ်တို့ကို စမ်းသပ်နေပြီ ဖြစ်သည်။ ထိုသို့ စမ်းသပ်ရာတွင် ဂျိမ်းစ်တစ်ပ်ထရီး ဂျုနီယာ ရေးသားသည့် The Girl Who Was Plugged In စာအုပ်ကို အသုံးပြုလျှက် ရှိသည်။ စာဖတ်သူအနေဖြင့် စာအုပ်ပါ အကြောင်းအရာများ၏ ဖမ်းစားမှုအတိုင်း လိုက်လံခံစားသည့်အခါ ရင်ဘတ်တွင် တွယ်ဆက်ထားသော ကိရိယာက တိကျသည့် တုံ့ပြန်မှုမျိုးဖြင့် အားဖြည့်ပေးမည် ဖြစ်သည်။





ဥပမာအားဖြင့် စာဖတ်သူ စိတ်ထဲတွင် စိတ်လှုပ်ရှားခြင်း၊ ရှက်ခြင်း၊ စိတ်စနိုးစနောင့်ဖြစ်ခြင်းတို့ ခံစားရပါက အပူပေး ကိရိယာ တစ်ခုက ခန္ဓာကိုယ် အပူချိန်ကို ပြောင်းလဲသွားအောင် လှုံ့ဆော်ပေးမည် ဖြစ်သည်။ ယင်းအသိမျိုးကို ဖမ်းယူသိရှိနိုင်ရန်အတွက် အာရုံခံ ကိရိယာများကို တပ်ဆင်ထားပြီး စာအုပ်တွင် ပါရှိသည့် LED မီးလုံးလေးများကလည်း စာဖတ်သူ၏ စိတ်ခံစားချက် တစ်ခုချင်းစီကို ကိုယ်စားပြုကာ အပြောင်းအလဲ ပုံစံအမျိုးမျိုးဖြင့် လင်းလက်နေမည် ဖြစ်သည်။ လတ်တလောတွင် အဆိုပါ တီထွင်မှု အားလုံးသည် စမ်းသပ်အဆင့် ပရောဂျက် အနေဖြင့်သာ ရှိနေဆဲဟု ဆိုသည်။





အကယ်၍ စာဖတ်သူက ကြောက်ရွံ့မှုမျိုး ခံစားရပါက ရင်ဘတ်တွင် စည်းထားသော ကိရိယာက လေအ်ိတ်များကို ဖောင်းကားလာစေပြီး တင်းကျပ်သော ခံစားချက်မျိုး အလိုလို ရရှိလာမည် ဖြစ်သည်။ ဒီပရောဂျက်က စာဖတ်တဲ့ အာရုံခံစားမှုအတွက် အတွေးအမြင်သစ်တွေ ဖန်တီးမှု တစ်ခုပါပဲ။ စိတ်ကူးယဉ် သိပ္ပံဇာတ်လမ်း တစ်ခုကို လိုက်စူးစမ်း ရှာဖွေနေရတာမျိုးထက်ကို ပိုတဲ့ အခြေအနေပါ"ဟု သုတေသီ တစ်ဦးဖြစ်သည့် ဖီးလစ်ဟိုင်းဘက်က ပြောကြားခဲ့သည်။ အဆိုပါ ကိရိယာကို တီထွင်နေသည့် ပညာရှင်များက အနုစိတ် ခံစားမှုများကို အသင့်တော်ဆုံး ရွေးချယ်တုံ့ပြန်နိုင်မည့် အာရုံခံ ထိတွေ့မှုမျိုး ဆက်လက်မြှင့်တင်ရန် ကြိုးပမ်းလျှက်ရှိကြောင်း မှတ်ချက်ပြုထားခဲ့ကြသည်။

Read More

ဆေးလိပ်သောက်သူများ ဗီတာမင် E ဆေးဝါးများ သတိပြု သုံးစွဲသင့်

ဆေးလိပ်သောက်သူများတွင် ဖြစ်ပေါ်လေ့ရှိသည့် အဆုတ်ကင်ဆာ အစပျိုးနေချိန်တွင် ဗီတာမင်(E) ဖြည့်တင်းပေးပါက ရောဂါပျံ့နှံ့ ဖြစ်တည်မှုကို အရှိန်မြှင့်ပေးလိုက်ကြောင်း သိရသည်


ပုံမှန် ဆေးလိပ်သောက်သူများတွင် ဗီတာမင်(E) ဆေးဝါးများ ဖြည့်တင်းသောက်သုံးခြင်းသည် ကင်ဆာဖြစ်နိုင်ခြေကို ပိုမို မြင့်တက်လာစေကြောင်း သုတေသီများက သတိပေးလိုက်သည်။ သာမန်အားဖြင့် ဗီတာမင် (A)၊ (C)နှင့် (E)တို့တွင် ဖျားနာမှု ပုံသဏ္ဍန် အမျိုးမျိုးကို ကာကွယ်ပေးနိုင်သည့် အစွမ်းသတ္တိ အသီးသီး ရှိကြပြီး ကင်ဆာရောဂါ ဖြစ်နိုင်ခြေကို လျှော့ချပေးသည်ဟု ယုံကြည်ထားသည်။ သို့သော်လည်း ဆေးလိပ်သောက်သူများတွင် ဖြစ်ပေါ်လေ့ရှိသည့် အဆုတ်ကင်ဆာ အစပျိုးနေချိန်တွင် ဗီတာမင်(E) ဖြည့်တင်းပေးပါက ရောဂါပျံ့နှံ့ ဖြစ်တည်မှုကို အရှိန်မြှင့်ပေးလိုက်ကြောင်း သိရသည်။ ဆွီဒင်နိုင်ငံမှ သုတေသီများသည် ယင်းဖြစ်ရပ်ကို စတင်၍ သတိပြုမိခဲ့ပြီး အနုစိတ် စမ်းသပ်ချက်များ ပြုလုပ်ခဲ့ကြသည်။


ဂိုသင်ဘာ့ဂ် တက္ကသိုလ်မှ သုတေသီများက ကြွက်များကို အဆုတ်ကင်ဆာ အစောပိုင်းအဆင့် ရောဂါပိုးများ ဖြည့်တင်းပေးပြီးနောက် ဗီတာမင်(E)ကို ဖြည့်စွက်ပေးကာ သက်ရောက်မှုကို လေ့လာခဲ့သည်။ ထိုအခါ ဗီတာမင်(E)က အဆုတ်ကင်ဆာ ပျံ့ပွားနှုန်းကို သာမန်အခြေအနေထက် သိသိသာသာ တိုးပွား မြင့်တက်သွားစေကြောင်း တွေ့ရှိရသည်။ ထို့နောက် ယင်းစမ်းသပ်ချက်ကိုပင် လူသားဆဲလ်များတွင် ပြုလုပ်ကြည့်ပြီးနောက် မှန်ကန်ကြောင်း အတည်ပြုချက် ထပ်မံရယူနိုင်ခဲ့သည်။ဗီတာမင်(E)နှင့် အခြားသော Antioxidant ဓာတ်ပစ္စည်း အချို့တို့သည် ဆဲလ်အတွင်း မတည်ငြိမ်သော အခြေအနေ အချို့ကို ဖြစ်ပေါ်စေတတ်ပြီး တစ်သျှူးများကို ထိခိုက်ပျက်စီးစေသည့် သက်ရောက်မှုမျိုးလည်း ဖြစ်ပေါ်တတ်ကြောင်း ပညာရှင်များက ဆိုသည်။


အဆုတ်ကင်ဆာ ဖြစ်ပွားကာစ အခြေအနေများတွင် ဗီတာမင်(E)ကို ဖြည့်စွမ်းလိုက်ပါက ရောဂါအစပျိုးမှုကို တွန်းလှန်နေသည့် ကောင်းမွန်သော တစ်သျှူးများတွင် ထိခိုက်အားနည်းမှုများ ဖြစ်ပေါ်လာပြီး သဘာဝ ကိုယ်ခံစနစ်ကို ကျဆင်းသွားစေကြောင်း သိရသည်။ သုတေသီများက ယခုစစ်တမ်းသည် ဗီတာမင်(E)ကို ကျန်းမာရေးအတွက် အဆိုးဘက်မှ သက်ရောက်စေသည်ဟု စွပ်စွဲနေခြင်း မဟုတ်ဘဲ ဗီတာမင်(E) ဖြည့်တင်းသုံးစွဲရာတွင် သတိရှိရန်သာ အဓိက တိုက်တွန်းခြင်းဟု ပြောကြားခဲ့ကြသည်။

Read More

မီယာမီမှ Victoria's Secret ကြော်ငြာရိုက်ကွင်း

ကမ္ဘာ့အလှဆုံး အမျိုးသမီးများအဖြစ် ညွှန်းဆိုခံရသည့် အက်ဒရီယာနာလီမာ၊ အလက်ဇန္ဒရို အမ်ဘရိုစီနီတို့ကဲ့သို့ နာမည်ကျော် မော်ဒယ်လ်များသည် Victoria's Secret၏ ရေကူးဝတ်စုံများနှင့်အတူ ယခုသီတင်းပတ်အတွင်း မီယာမီ ကမ်းခြေတစ်ခု၌ အလုပ်များနေခဲ့သည်
Victoria's Secret ၏စူပါမော်ဒယ်လ်များ ကြော်ငြာဓာတ်ပုံရိုက်နေသည့် ရိုက်ကွင်းသည် မီယာမီကို နတ်မိမယ်များ ကျူးကျော်လာသည့် မြင်ကွင်းမျိုးဟု သတင်းများက တင်စားရေးသားခဲ့ကြသည်။ ကမ္ဘာ့အလှဆုံး အမျိုးသမီးများအဖြစ် ညွှန်းဆိုခံရသည့် အက်ဒရီယာနာလီမာ၊ အလက်ဇန္ဒရို အမ်ဘရိုစီနီတို့ကဲ့သို့ နာမည်ကျော် မော်ဒယ်လ်များသည် Victoria's Secret၏ ရေကူးဝတ်စုံများနှင့်အတူ ယခုသီတင်းပတ်အတွင်း မီယာမီ ကမ်းခြေတစ်ခု၌ အလုပ်များနေခဲ့သည်။ အဆိုပါ ကြော်ငြာအစီအစဉ်ကို ဒါရိုက်တာ မိုက်ကယ်ဘေးက တာဝန်ယူ ရိုက်ကူးရခြင်း ဖြစ်သည်။





အသက်(၄၈)နှစ်ရှိ ဒါရိုက်တာ အနေဖြင့် ၎င်းကို အပ်နှံထားသည့် အလုပ်အပေါ် အလွန်ကျေနပ် နှစ်သက်စွာ အာရုံစိုက်နေမည် ဆိုခြင်းကို အငြင်းပွားဖွယ် မရှိချေ။ အလက်ဇန္ဒရာသည် မီးခိုးပြာရောင် ရေကူးဝတ်စုံနှင့် ရှိနေသည်ကို တွေ့ရသည်။ ကလေး(၂)ဦး၏ မိခင်ဖြစ်သူ အလက်ဇန္ဒရာ အနေဖြင့် သူမ၏ ကိုယ်ဝန်ဆောင်စဉ် ကိုယ်အလေးချိန် တက်လာမှုကို ပြင်းပြင်းထန်ထန် လေ့ကျင့်ခန်းယူ တိုက်ဖျက်ခဲ့ပြီးနောက် ယခုအခါတွင်မူ အလွန်အချိုးအစား ပြေပြစ်သည့် ခန္ဓာကိုယ် အလှကို ပြန်လည် တည်ဆောက်ယူထားနိုင်ပြီ ဖြစ်သည်။





အက်ဒရီယာနာကမူ အပြာနှင့်အဖြူ ရောစပ်ထားသည့် ရေကူးဝတ်စုံဖြင့် ရှိနေပြီး သူမတို့ နှစ်ဦးသည် အခြားမော်ဒယ်လ်များနှင့်အတူ ကမ်းခြေဟိုတယ် တစ်ခုရှိ လေသာဆောင်တွင် ဓာတ်ပုံရိုက်နေကြခြင်း ဖြစ်သည်။ ရိုက်ကွင်းတွင် ဘီဟာတီ ပရင်ဆလူနှင့် လိုင်ယက်စ်ရီဘီရိုတို့ကဲ့သို့ မော်ဒယ်လ်များကိုလည်း တွေ့ရသည်။ Transformers ဒါရိုက်တာ မိုက်ကယ်အနေဖြင့်မူ ကြမ်းကြမ်းရမ်းရမ်း အက်ရှင်ဇာတ်လမ်းများအစား အလှအပ အသားပေး ယခုကြော်ငြာအတွက် စိတ်ကူးဉာဏ် ရွှင်လန်းနေဖွယ်ရှိကြောင်းလည်း စာနယ်ဇင်းများက အရွှမ်းဖောက် ရေးသားခဲ့ကြသည်။

Read More

လင်းဇင်းကုန်းသုသာန်ဟောင်းအတွင်းရှိ ထိုင်းဘုရင့်အုတ်ဂူ တူးဖော်ရာမြေနေရာအား ယခုလဆန်းပိုင်းမှစတင်ကာ အမျိုးသားဥယျာဉ်စီမံကိန်းအဖြစ် စတင်လုပ်ဆောင်သွားမည်

ဌေးလှအောင်
လင်းဇင်းကုန်းသုသာန်အား ပြန်လည်တူးဖော်မှုများ ပြုလုပ်နေသည်ကို တွေ့ရစဉ်


အမရပူရမြို့နယ် ဆင်စွယ်ပွတ်တန်းရပ်၊ လင်းဇင်းကုန်းသုသာန်ဟောင်းအတွင်းရှိ ထိုင်းဘုရင့်အုတ်ဂူ တူးဖော်ရာမြေနေရာအား ယခုလဆန်းပိုင်းမှ စတင်ကာ အမျိုးသားဥယျာဉ်စီမံကိန်း (Historical park) အဖြစ် စတင်အကောင်အထည်ဖော်သွားမည် ဖြစ်ကြောင်း ထိုင်းဘုရင့်အုတ်ဂူ တူးဖော်ရေးစီမံကိန်းအဖွဲ့ (မြန်မာ) မှ သိရသည်။

ထိုင်းဘုရင့်အုတ်ဂူ တူးဖော်ရေးစီမံကိန်းအား ၂၀၁၃ ခုနှစ် ဖေဖော်ဝါရီလမှ စတင်ပြီး တူးဖော်မှုများပြုလုပ်ခဲ့ရာ ထိုင်းဘုရင်ဟောင်း ကျောက်ဘွားဒေါက်၏ အရိုးအိုးအား မှန်စီရွှေချသပိတ်နှင့်အတူ မတ် ၁၆ ရက်တွင် တွေ့ရှိခဲ့သည်။ ယင်းနှစ်အတွင်း၌ပင် ထိုင်းဘုရင်နှင့် သက်ဆိုင်သည့် အထောက်အထားများနှင့် ကျောင်းတော်ရာနေရာများကို ထပ်မံရှာဖွေတွေ့ရှိခဲ့ကြသည်။

“ထိုင်းဘုရင့်အုတ်ဂူ တူးဖော်ရေးမြေနေရာကို အမျိုးသားဥယျာဉ်စီမံကိန်းလုပ်ငန်းလုပ်ဖို့အတွက် ဒီလဆန်းလောက်မှာပဲ စတင်သွားမှာပါ။ ကျွန်တော်တို့လုပ်ချင်တဲ့ Historical park စီမံကိန်းအတွက် မြေနေရာက အခုဝင်းခတ်ထားတာနဲ့ လုပ်ဆောင်သွားလို့ မရပါဘူး။ မြေဧကလိုအပ်ချက်က ငါးဧက ၀န်းကျင်လောက်မှ လုပ်ဆောင်ဖို့ အဆင်ပြေမှာပါ။အဲဒီလိုမြေဧကရရှိနိုင်ဖို့အတွက် တိုင်းဒေသကြီးဝန်ကြီးချုပ်နဲ့ စည်ပင်သာယာရေးဝန်ကြီးဆီကိုပါ တင်ပြထားပါတယ်” ဟု ထိုင်းဘုရင့်အုတ်ဂူ တူးဖော်ရေးအဖွဲ့ (မြန်မာ) မှ စီမံကိန်းတာဝန်ခံက ပြောဆိုခဲ့သည်။

လင်းဇင်းကုန်းသုသာန်အတွင်းရှိ ထိုင်းဘုရင့်အုတ်ဂူ တူးဖော်ရေးတွင် နိုင်ငံတကာအဆင့်မီ အမျိုးသားဥယျာဉ်စီမံကိန်းအဖြစ် ထိုင်းဘုရင်နှင့်သက်ဆိုင်သည့် သမိုင်းအထောက်အထားများ၊ ပြတိုက်များနှင့် ပန်းဥယျာဉ်ပုံစံများ၊ မျှော်စင်၊ ထိုင်းဘုန်းတော်ကြီးကျောင်းများ အစရှိသည့် အထိမ်းအမှတ် အဆောက်အအုံများ ထည့်သွင်းဆောက်လုပ်သွားမည် ဖြစ်ကြောင်း ထိုင်းဘုရင့်အုတ်ဂူ တူးဖော်ရေးစီမံကိန်း (မြန်မာ) ထံမှ သိရသည်။

အဆိုပါ လင်းဇင်းကုန်းသုသာန်မြေနေရာအား မန္တလေးမြို့တော်စည်ပင်သာယာရေးကော်မတီမှ မြို့ပြစီမံကိန်းနှင့် ပန်းဥယျာဉ်များ ပြုလုပ်သွားရန် စီစဉ်နေကြောင်းလည်း သိရသည်။

Read More

အိန္ဒိယနိုင်ငံ ဘုံဘေစတော့ အိတ်ချိန်းဈေးကွက်တွင် ပါဝင်ဆောင်ရွက်နေသည့် Bank of India မှ မြန်မာနိုင်ငံတွင် ဘဏ်ကိုယ်စားလှယ်ရုံးခွဲ လာရောက်ဖွင့်လှစ်မည်

Bank of India ရုံးချုပ်အားတွေ့ရစဉ် (ဓာတ်ပုံ-sprealestate.in)

ချမ်းမြေ့သူ


အိန္ဒိယနိုင်ငံ ဘုံဘေစတော့အိတ်ချိန်း ဈေးကွက်တွင် ပါဝင်ဆောင်ရွက်နေသည့် Bank of India မှ မြန်မာနိုင်ငံတွင် ဘဏ်ကိုယ်စားလှယ်ရုံးခွဲ လာရောက်ဖွင့်လှစ်မည်ဖြစ်ကြောင်း သိရသည်။

ယင်းကဲ့သို့ မြန်မာနိုင်ငံတွင် လာရောက်ဖွင့်လှစ်နိုင်ရန်အတွက် ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနတွင် One Stop Services စနစ်ဖြင့် လျှောက်ထားခဲ့ခြင်းဖြစ်ပြီး ဇန်န၀ါရီ ၂၉ ရက်တွင် ယာယီဖွဲ့စည်းမှတ်ပုံတင်ခွင့် ပြန်လည်ရရှိခဲ့ကြောင်း သိရသည်။

Bank of India ကို အိန္ဒိယနိုင်ငံ၊ မွမ်ဘိုင်းတွင် ၁၉၀၆ ခုနှစ်တွင် စတင်တည်ထောင်ကာ ငွေကြေးနှင့်ဘဏ္ဍာရေးဆိုင်ရာ လုပ်ငန်းများကို အကောင်အထည်ဖော် ဆောင်ရွက်နေသည့် အများပိုင်ကုမ္ပဏီတစ်ခုဖြစ်ပြီး ၁၉၂၁ ခုနှစ်တွင် ဘုံဘေစတော့ အိတ်ချိန်းဈေးကွက်သို့ ၀င်ရောက်ခဲ့ခြင်းဖြစ်ကြောင်း သိရသည်။

အမေရိကန်၊ ဗြိတိန်၊ ဂျပန်၊ စင်ကာပူ၊ တရုတ်၊ ဥရောပနှင့် အာဖရိကနိုင်ငံများတွင် ဘဏ်ခွဲများဖွင့်လှစ်ကာ လုပ်ငန်းများ လုပ်ကိုင်လျက်ရှိပြီး ၂၀၀၅ ခုနှစ်တွင် ဗီယက်နမ်နိုင်ငံတွင် ဘဏ်ကိုယ်စားလှယ်ရုံးခွဲ ဖွင့်လှစ်ခဲ့ကြောင်း သိရသည်။

မြန်မာနိုင်ငံတွင် ဗြိတိန်နိုင်ငံအပါအ၀င် နိုင်ငံတကာမှ ဘဏ်ကိုယ်စားလှယ်ရုံးခွဲပေါင်း ၃၀ ကျော် လာရောက်ဖွင့်လှစ်ထားပြီးဖြစ်ပြီး ဆက်လက်၍ ထပ်မံဖွင့်လှစ်ရန် ပြင်ဆင်မှုများလည်း ရှိနေကြောင်း သိရသည်။

လက်ရှိအချိန်တွင် မြန်မာနိုင်ငံရှိ ပြည်တွင်းဘဏ်များနှင့် နိုင်ငံခြားဘဏ်များကြား ဖက်စပ်လုပ်ကိုင်ရန် မြန်မာနိုင်ငံဘဏ်များ အသင်းဝင်ဘဏ်များမှ သဘောတူညီမှု ရရှိထားပြီးဖြစ်သော်လည်း နိုင်ငံခြားဘဏ်များမှ သီးသန့်လုပ်ကိုင်ခွင့်ကိုမူ မြန်မာနိုင်ငံတော်ဗဟိုဘဏ်မှ ခွင့်ပြုထားခြင်း မရှိသေးကြောင်း သိရသည်။

သို့ဖြစ်၍ မြန်မာနိုင်ငံတွင် နိုင်ငံခြားဘဏ်များမှ ဘဏ်ကိုယ်စားလှယ်ရုံးခွဲများ လာရောက်ဖွင့်လှစ်လျက်ရှိရာ ဒီဇင်ဘာ ၁၈ ရက်ကလည်း တောင်ကိုရီးယားအခြေစိုက် The Export-Import Bank of Korea မှ ကိုယ်စားလှယ်ရုံးခွဲဖွင့်လှစ်ရန် မှတ်ပုံတင်ခွင့်ပြုခဲ့ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာမှ သိရသည်။

Read More

ယောင်္ကျားလေးများ မိန်းကလေးတွေကိုမြင်ရင် အရင်ဆုံးကြည့်တတ်ခြင်းသည် ရင်သားဟုဆို

အမျိုးသားတွေ တစ်ဦးနဲ့တစ်ဦးအသွင်အပြင် စရိုက်လက္ခဏာတွေ မတူကြပေမယ့် တူတဲ့နေရာ တစ်ခုတော့ရှိတယ်နော်။ အဲဒါကတော့ အမျိုးသမီးတွေကို တွေ့လိုက်ရင် ဘယ်အရာတွေကို သတိထားကြည့် မလဲဆိုတာပါပဲ။ ရင်ဘတ်တွေကိုတော့ သတိမထားမိလိုက်ပါဘူးကွာလို့ပြောရင် အဲဒီလူ ညာနေပါပြီ။

အမျိုးသမီးတစ်ယောက် အပေါ် အမျိုးသားတိုင်း သတိထားမိတတ်တဲ့ အရာ (၈)မျိုးရှိပါတယ်။

(၁) ဆံပင်

မိန်းကလေးတစ်ယောက်ရဲ့ ဆံပင်ပုံစံဟာ သူမကိုယ်သူမ ဘယ်လိုထိန်းသိမ်းထားလဲဆိုတာနဲ့ အများကြီးသက်ဆိုင်ပါတယ်။ တကယ်လို့များ သူမဟာ ဆံပင်ကို အလွန်မွမ်းမံထားပြီး ဆန်းပြားတဲ့ ဖက်ရှင်မျိုးနဲ့ဆိုရင်တော့ သူမဟာ ဆံပင်ကိုအတော်လေး ပြုပြင်ထိန်းသိမ်းလေ့ရှိသူလို့ သိနိုင်ပါတယ်။

(၂) ကိုယ်ဟန်သွင်ပြင်

သူမရဲ့ ခန္ဓာကိုယ်အနေအထားလောက် သူမကို အကဲဖြတ်နိုင်စွမ်းရှိတာ မရှိပါဘူး။ သူမရဲ့ ခန္ဓာကိုယ် သွင်ပြင် အနေအထား တည်ဆောက်ပုံတွေကို ကြည့်ပြီး ကိုယ့်ကိုယ်ကို ဘယ်လောက် ယုံကြည်မှုရှိတယ် ၊ မရှိဘူး စသဖြင့် အကဲဖြတ်ကြည့်လို့ရပါတယ်။

(၃) နှုတ်ခမ်း

ဟုတ်တာပေါ့။ အမျိုးသားတွေကို ပထမဆုံးဆွဲဆောင်နိုင်တဲ့ အရာတစ်ခုက နှုတ်ခမ်းပါပဲ။

(၄) အပြုံး

လှပတဲ့အပြုံးတစ်ခုဟာ အမျိုးသားတွေအတွက် များစွာအဓိပ္ပါယ်ရှိပြီး ဒါကိုသူတို့လည်း သိကြပါတယ်။ ဒါကြောင့်ပဲ မိန်းကလေးတွေကိုတွေ့တဲ့အခါ အပြုံးတွေကို ဂရုတစိုက် ဖတ်မိတတ်တာပေါ့။

(၅) ဖိနပ်တွေ

ဒီခေါင်းစဉ်ကို မြင်လိုက်ရတဲ့ တချို့သောအမျိုးသမီးတွေက ဖြစ်နိုင်ပါ့မလားလို့ မယုံချင်တတ်ကြဘူး။ ဒါပေမယ့် အမျိုးသားတွေဟာ တကယ်ပဲ ရှူးတွေကို သတိပြုမိတတ်ကြပါတယ်။ အမျိုးသမီးတွေ heels ၀တ်တာက သူတို့တွေအတွက် တကယ်ပဲ sexy ကျပါတယ်။

(၆) မျက်လုံး

ရုတ်တရက် လှမ်းကြည့်လိုက်တဲ့ ခပ်စူးစူးအကြည့်တွေ ၊ ဒါမှမဟုတ် မြူဆွယ်လိုတဲ့ မျက်လွှာချဟန်တွေ ဒါတွေအားလုံး လုပ်နိုင်တဲ့ မျက်ဝန်းတစ်စုံဟာ အမျိုးသားတွေအတွက် အန္တရာယ်အကြီးဆုံးပါ။ ဒါကြောင့် သူတို့က မျက်လုံးတွေကိုလဲ သတိထားကြပါသေးသတဲ့။

(၇) နေပုံထိုင်ပုံ

နေပုံထိုင်ပုံဆိုလို့ ဒီခေတ်ကြီးအတွက် ရှေးတုန်းကလို အိနြေ္ဒကြီးတစ်ခွဲသားကို မဆိုလိုပါဘူး။ သူမရဲ့ ပြောပုံဆိုပုံ ၊ အနေအထိုင်တွေနဲ့ အပြုအမူတွေအားလုံးဟာ သူမရဲ့ အဆင့်အတန်းကို ဖော်ပြနေပါတယ်။ ဒါကြောင့် အမျိုးသားတွေက ဒါမျိုးကိုလည်း လက်မလွတ်စတမ်း အကဲခတ်ကြပါသေးတယ်။

(၈) ရင်သားများ

ဝန်ခံလိုက်ပါ ။ အမျိုးသားတွေအားလုံး ဒါကိုတော့ မလွဲမသွေ သတိပြုမိကြမှာပါ။ သိသိသာသာကြီး မဟုတ်တောင် ဖျတ်ခနဲလောက်တော့ အကဲခတ်တတ်ကြပါတယ်။ ဒါနဲ့ပတ်သက်လို့တော့ သူတို့ ကြိုက်သလို ယူဆကြမှာပေါ့။

Ref:mensxp

Read More

အန္တရာယ်ရှိသောအစားအစာ ဆယ်မျိုး

မြေပဲ(သို့) မြေပဲမှုန့် ၊ ပဲသိးအမျိုးမျိုး ၊ ကြီးမားသောပင်လယ်ငါးအမျိုးမျိုး ၊ Bubble Tea ၊ ငါးသေးသေး
အမျိုးမျိုး ၊ Salad ။ ဝက်ကျောက်ကပ် ၊ ပုဇွန် ၊ ပြည်ကြီးငါး ၊ ကော်ဖီမှုန့်တို့ဖြစ်ပါတယ် ။
❉ မြေပဲတွင်Aflatoxin ဆိုတဲ့အဆိပ်က သာမန်တွေ့ရှိရတဲ့ဒြပ်ဖြစ်ပါတယ် ။
အဲဒီအဆိပ်က အသည်းကင်ဆာကိုဖြစ်စေတဲ့အဆိပ်ပြင်းတစ်မျိုးဖြစ်တယ် ။
မြေပဲ ၊ မြေပဲယို စားသုံးရာတွင်လည်းအထုးသတိပြုသင့်ပါတယ် ။
❉ ပဲသီးအမျိုးမျိုး ကို အဆက်မပြတ် ဆွတ်ခုးနိင်တာမို့ ပိုးသတ်ဆေးများ လွန်ကဲစွာ ပဲသီးများတွင် ကျန်ရှိနေနိင်ပါတယ် ။ဒါကြောင့်မို့ပဲသီးရဲ့အပြင်ဖက်ကို သေချာ ပွတ်သပ်ဆေးကြောပါ ။
Soda (စား ဆော်ဒါ ကိုရေနှင့်ဖျော်ပြီး ) ရေထဲမှာ ၅မိနစ် စိမ်ထားပါ ။
ရေနိင်နိင်ဆေးခြင်းဖြင့်ပိုးသတ်ဆေးများကိုဖယ်ရှားနိင်ပါတယ် ။
❉ Bubble Tea (Pearl milk tea ) ထဲမှာပါတဲ့ လဖက်ခြောက်ထဲမှာ ပိုးသတ်ဆေးများပါဝင်နိင်တယ် ။ Pearl ကို မပုတ်သိုး မပျက်အောင် ဆေးများထည့်ထားတတ်ပါတယ် ။ ရေခဲတွင် ဗက်တီးရီးယားပိုးများရှိနေတတ်ပြီး လွန်ကဲသောသကြားများပါဝင်တယ် ။
Pearl လုံးတွေကို ကြွပ်တဲ့အရသာရှိအောင် ဆေးများထည့်ထားတာမို့
" ဓာတု ပာင်းရည် " နဲ့ တုတယ် ။
❉ကြီးမားသောပင်လယ်ငါးများ (swordfish, tuna, sharks....etc) တွင် မာကူရီ ဒြပ် ( Mercury ) ပါတာမို့ သတိထားစားသုံးသင့်ပါတယ် ။
❉ငါးအသေးအမျိုးမျိုး (အထုးသဖြင့်) ငါးခြောက်များတွင်လွန်ကဲသောဆားဒြပ်နဲ့ အရောင်းလှဖို့ ချွတ်ဆေးများ ၊ အရောင်တင်ဆိုးဆေး များကို သုံးတတ်တာမို့သတိထားသင့်ပါတယ် ။
❉ salad ထဲမှာပါဝင်သောပာင်းသီးပာင်းရွှက်များတွင် Parasites(ကပ်ပါးကောင်) ၊ ပိုးသတ်ဆေး များကျန်ရစ်နေတတ်တာမို့
အစိမ်းစားတာထက် အကျက်စားတာက ပိုသင့်တော်ပါတယ် ။
❉ စားကြွင်းစားကျန်များကို စားသောဝက်များက
အလွယ်တကူ ကျောက်ကပ်ရောဂါများဖြစ်တတ်တယ် ။
❉ ပုဇွန် ကို ကြွပ်စေဖို့ Borax ( လက်ချား) ဖြင့်စိမ်ထားတာမို့
(မပုတ်သိုးစေတဲ့စွမ်းအားရှိတယ် ။) ကျောက်ကပ်ကိုထိခိုက်နိင်ပါတယ် ။
❉ ပြည်ကြီးငါး ကို မပုတ်သိုး မပျက်အောင် ဆေးစိမ်ထားတတ်မို့
ကျန်းမာရေးကိုထိခိုက်နိင်ပါတယ် ။
❉ မှိုတက်နေသောကော်ဖီစေ့မှာ Ochratoxin ဆိုတဲ့ဒြပ်က အဆိပ်ဖြစ်တာမို့ကော်ဖီမှုန့်ကြိတ်သောက်မိလျှင် ကျောက်ကပ်ကိုထိခိုက်စေနိင်ပါတယ် ။ ဒါကြောင့်မို့လတ်ဆတ်သောကော်ဖီမှုန့်ကို ဖျော်သောက်သင့်ပါတယ် ။။။။။
ချစ်ခင်လေးစားရသောသူငယ်ချင်းတို့
ခေတ်နဲ့အညီ အစားအသောက်တွေကလည်း စားချင်စဖွယ် ၊ စားကောင်းအောင် ချက်ပြုတ်နည်းကလည်းစုံ ။ သဘာဝမပာုတ်သော
ပာင်းခတ်အမွေးအကြိုင်များကိုထည့်သုံးတာလည်း ကျင့်သားဖြစ်နေပြီ ။
အငန် အဆီအစိမ့်အချို နည်းနည်းလျှော့လိုက်တာနဲ့ အရသာမရှိတော့ဘုး ၊
စားမကောင်းဘုးဆိုပြီး စိတ်အလိုလိုက်မိတော့ ကျန်းမာရေးကို ထိခိုက်မယ်ဆိုတာ မတွေးမိတော့ဘုး ။ နေထိုင်စားသုံး အလေ့အထ တွေ
ခေတ်မှီလာတာနဲ့အမျှ ရောဂါ တွေပေါင်းစုံ ပေါ်ထွက်လာတာကိုတွေ့ရတယ် ။ ရောဂါထဲမှာ အမြဲ ပထမက ကင်ဆာ ပါပဲ ။ လုလတ်ပိုင်းအရွှယ်
ဖြစ်တတ်တာက သွေးတိုး နဲ့ဆီချို ==> အခြေအနေဆိုးလျှင် ကျောက်ကပ်ဆေး ရတဲ့ ဝေဒနာရှင်တွေများလာတာကိုတွေ့ရတယ် ။ သွေးတိုးနဲ့ဆီချိုက မျိုးရိုး အလိုက် ဖြစ်နိင်သလို အနေအထိုင် အစားအသောက် နဲ့လည်း ဆိုင်ပါတယ် ။ ဘဝမှာကျန်းမာရေးကအရေးကြီးတာမို့ဂရုစိုက်ပါ ။
သူငယ်ချင်းများအားလုံးကျန်းမာပါစေ

Read More

မုန်ညင်းဆီရဲ့ ကျန်းမာရေး အကျိုးပြု အာနိသင်များ

မုန်ညင်းဆီဟာ မြောက်ပိုင်း အိန္ဒိယ၊ ကိုရီးယား၊ နီပေါနဲ့ ဘင်္ဂလားဒေ့ရှ် နိုင်ငံတွေမှာ သုံးစွဲမှု များပြားတဲ့ ဆီတစ်မျိုး ဖြစ်ပါတယ်။

အမေရိကန် ဥရောပနဲ့ ကနေဒါနိုင်ငံ တွေမှာတော့ လူသားတွေ စားသုံးဖို့ မသင့်တော်ဘူးလို့ သတ်မှတ် ကြပါတယ်။ သူ့မှာ ပါဝင်တဲ့ erucic acid ကြောင့်ပဲ ဖြစ်ပါတယ်။ ဒါပေမယ့် ဒီမုန်ညင်းဆီကို နှိပ်နယ်တဲ့ နေရာမှာတော့ အသုံးများ ကြပါတယ်။

မုန်ညင်းဆီဟာ အခြားဟင်း ချက်ဆီတွေထက် စာရင် ပြည့်ဝဆီတွေ များပြားတဲ့ အတွက် ဟင်းချက်ရာမှာ အသုံးမပြုဘဲ ဆေးဝါး အဖြစ်သာ အသုံးပြု ကြပါတယ်။ ဆီး၊၀မ်း စွန့်ထုတ်ခြင်း၊ သွေးလှည့်ပတ်ခြင်းနဲ့ အစာခြေဖျက်ခြင်း ဖြစ်စဉ်တွေလို ကိုယ်ခန္ဓာအတွက် အရေးပါတဲ့ဖြစ် ရပ်တွေမှာ အရေးကြီးတဲ့ သည်းခြေရည်နဲ့ အစာခြေရည်တွေ ထုတ်လုပ်ခြင်းကို မုန်ညင်းဆီက အားပေး ပါတယ်။ နောက်ပြီး အ၀လွန်ခြင်းနဲ့ ကျောက်ကပ် ရောဂါတွေကို မုန်ညင်းဆီ အနည်းငယ် စားသုံးပေးခြင်းက ကာကွယ် နိုင်ပါတယ်။

နောက်ပြီး မုန်ညင်းစေ့မှာ phytonutrients တွေပါဝင်တဲ့အတွက် အစာအိမ် ကင်ဆာနဲ့ အူမကြီး ကင်ဆာကို ကာကွယ် နိုင်ပါတယ်။ မုန်ညင်းဆီ လိမ်းပြီး နှိပ်နယ် ပေးမယ်ဆိုရင် အဆစ်အမြစ် ရောင်ရောဂါနဲ့ လေးဖက် နာရောဂါတွေ၊ ကြွက်သား နာကျင် ကိုက်ခဲခြင်းတွေကို သက်သာ စေပါတယ်။ မုန်ညင်းဆီမှာ ပါဝင်တဲ့ selenium ကြောင့် ရှူပေးမယ်ဆိုရင် ပန်းနာရင်ကြပ် ရောဂါနဲ့ အဆစ်ကိုက်ခြင်း တွေကို သက်သာ စေပါတယ်။

မုန်ညင်းဆီမှာ ပါဝင်တဲ့ ဗီတာမင်အီးက အရေပြား ကျန်းမာရေးကို အထောက်အကူ ပြုစေရုံသာမက ခရမ်းလွန် ရောင်ခြည် ဒဏ်ကနေ ကာကွယ်ပေးသလို အရေးအကြောင်း ဖြစ်ပေါ်ခြင်း ကိုလည်း တားဆီး ပေးပါတယ်။ အအေးမိခြင်း၊ နှာစေး ချောင်းဆိုးခြင်း၊ ခေါင်းကိုက်ခြင်း တွေမှာ မုန်ညင်းဆီကို အသုံးပြုပေးရင် သက်သာ စေတယ်လို့ သိရပါတယ်။ ဟင်းချက်တဲ့ အခါမှာလည်း မုန်ညင်းစေ့ လေးတွေကို ဖြူးပေးရင် အရသာ တစ်မျိုးလေး ကောင်းမွန် စေပါတယ်။

သန့်စင်

Read More

ဘီလီယံ ၅၀၀ ကြွေးကျန် မတ်လ ၁၅ မတိုင်မီ အပြီးရှင်းမည်

သက်ဆိုင်ရာဝန်ကြီးဌာနအသီးသီးရဲ့ နှစ်အဆက်ဆက် ကြွေးကျန် ကျပ်ငွေ ဘီလီယံ ၅၀၀
ကိစ္စကို ဒုသမ္မတ ဦးဥာဏ်ထွန်း ဦးဆောင်ပြီး လာမယ့် မတ် ၁၅ ရက်နေ့မှာ အပြီး ဖြေရှင်းမယ်လို့ လွှတ်တော် ငွေစာရင်းပူးပေါင်းကော်မတီက အစီရင်ခံပါတယ်။

ဇန်န၀ါရီ ၂၈ ရက်နေ့က ကျင်းပတဲ့ ပြည်ထောင်စုလွှတ်တော်ကို တင်သွင်းတဲ့ အစီရင်ခံစာမှာ ဖြေရှင်းမယ့် နည်းနာတွေနဲ့ တကွ ဖော်ပြထားတာပါ။

ပုဂ္ဂလိက ကြွေးကျန်တွေဖြစ်နေရင် ဒီအတိုင်းတောင်းလို့ မရရင် ဥပဒေအရ ဆောင်ရွက်မယ်၊ ရဖို့ ပေးဖို့ ကိုက်ညီနေတာတွေကို စာရွက်ပေါ်မှာ စာရင်းလွှဲပြောင်းတဲ့ နည်းနဲ့ ဆောင်ရွက်မယ်၊ ရဖို့ ပေးဖို့ မကိုက်ညီတဲ့ ဌာနဆိုင်ရာ ကြွေးနဲ့ ပုဂ္ဂလိက ကြွေးကျန် တွေကို ဆုံးရှုံးမှုအဖြစ် သတ်မှတ်ပြီး စာရင်းကနေ ပယ်ဖျက်လိုက်မယ်လို့ ဖော်ပြထားပါတယ်။

ဒီငွေ ဘီလီယံ ၅၀၀ ကျော်ဟာ ၀န်ကြီးဌာန ၂၁ ခုနဲ့ နေပြည်တော် စည်ပင်က နိုင်ငံတော်ကို ပေးသွင်းဖို့ ကျန်နေတဲ့ ငွေတွေ ဖြစ်ပါတယ်။

Read More

တောင်ကြီး၌ အမျိုးသမီး တဦးအား အုပ်စုလိုက် ရိုက်နှက်

တောင်ကြီးမြို့ မြို့မဈေး အပေါ်ထပ်တွင် အမျိုးသားတဦးအား မတော်တဆ တိုက်မိသည့် အမျိုးသမီး တဦးကို အဆိုပါအမျိုးသား၏ အပေါင်းအပါ ၅ ဦးက ၀င်ရောက် ထိုးကြိတ် ရိုက်နှက်ရာ အမျိုးသမီးမှာ ဒဏ်ရာအပြင်း အထန်ဖြင့် ဆေးရုံ တင်လိုက် ရသော်လည်း အမျိုးသားများအား ရဲစခန်းက အာမခံဖြင့် လွှတ်ထားဆဲဖြစ်ကြောင်း သိရှိရပါသည်။
“ကျမတို့ ရဲစခန်းမှာအမှုသွားဖွင့်တာလဲ အချိန် ၆ နာရီတောင်ကြာတယ် ၊ ကျမ တို့ကို ဆင်းရဲသား ဈေးသည် ဆိုပြီး အဘက်ဘက်က အနိုင်ကျင့်နေတာ ၊ ကျမသမီး သွေးသံတရဲရဲနဲ့ အကျီကြယ်သီး တွေ ပြုတ်ပြီး ကျမဆီပြေးလာတဲ့မြင်ကွင်း ကျမ မြင်ယောင်နေမိတယ်။ ကျမ မခံစားနိုင်ဘူး။ အမှားကျူးလွန် တဲ့ ဟို ၆ ယောက်ကိုလဲအာမခံနဲ့ပြန် လွှတ်ပေးတယ် ” ဟု မမြင့်မြင့်အေး၏ မိခင်ဖြစ်သူ ဒေါ်သီ က ပြောသည်။
ယမန်နေ့မနက်က ဂျန္နဝါရီလ ၂၈ ရက်က မြို့မဈေးအပေါ်ထပ် ရွှေရုပ်လွှာ အထည်ဆိုင်ရှေ့ တွင် လမ်းလျှောက်ဖြတ် လာသော ချမ်းမြသာစည် ရပ်ကွက်သူ မမြင့်မြင့်အေး (၂၄)နှစ် က အဆိုပါဆိုင်မှ ၀န်ထမ်း အမျိုးသား တဦးနှင့် မတော်တဆ ၀င်တိုက်မိရာမှ သူမအား ဝိုင်းဝန်းထိုးကြိတ် ခဲ့ကြခြင်းဖြစ် သည်။
“ကျမတို့ အရင်ကလည်း ဘာရန်ငြိုး ရန်စမှမရှိပါဘူး။ ကျမ မတော်တဆ ၀င်တိုက်မိတာပါ။ သံလက်သီး တွေ စွပ်ပြီး ကျမကို တစ်ယောက်က အရင်ထိုးတယ်။ ကျမနှုတ်ခမ်းပေါက်သွားတယ်။ ကျန်တဲ့လူတွေ က ရောက် လာ ပြီး ကျမကိုထပ်ဝိုင်းထိုးကြတယ်။ ဘယ်နှစ်ချက်မှန်း မသိဘူး ကျမ မူးပြီးသွေးအန်တဲ့အထိ ဘဲ ” ဟု မမြင့်မြင့်အေးမှ ရှင်းပြသည်။
မမြင့်မြင့်အေး၏ မိခင်ဖြစ်သူမှာ အဆိုပါ ဆိုင်တန်းတွင်မူ ဈေးရောင်းကြောင်း၊ အဆိုပါ အမျိုးသား ၆ ဦးထိုးကြိတ်ရိုက်နှက်ပြီး ထွက်ပြေးသွားပြီးနောက် မိန်းခလေးမှာ မိခင်ဈေးရောင်းရာ ဈေးဆိုင်သို့ ပြေး ကာ အကူအညီတောင်း ဆိုကြောင်း ဒဏ်ရာပြင်းထန်သဖြင့်ဆေးရုံသို့ ပို့ဆောင်ကုသပြီး အဆိုပါ အမျိုး သား များကိုလည်း အမှုဖွင့်အရေးယူထားကြောင်း မိခင်ဖြစ်သူ ဒေါ်သီက ပြောပါသည်။
ယင်းအကြမ်းဖက်မှုဖြစ်ပွားချိန်တွင် ၀င်ရောက်ဖျန်ဖြေပေးသော မရွှေသဲ ဆိုသူအားလည်း မြို့မဈေး၊ ဈေးခေါင်းရုံးက မျက်မြင်သက်သေအဖြစ် လက်မှတ်ရေးထိုးခိုင်းခဲ့ကြောင်း ဒေါ်သီက ဆိုပါသည်။
အဆိုပါ အမျိုးသား ၆ ဦးအား အမှတ်(၁) မြို့မရဲစခန်း၌ (ပ)၃၁/ ၂၀၁၄ ပုဒ်မ ၂၉၄ ညစ်ညမ်းစွာ ဆဲဆိုခြင်း ၊ ပုဒ်မ ၃၅၄ မိန်းမ ကာယိနြေ္ဒ ပျက်စီးအောင် ကိုယ်ထိလက် ရောက်ကျူးလွန်ခြင်း၊ ပုဒ်မ ၃၂၃ နာကျင်အောင် ကိုယ်ထိလက်ရောက်ကျူးလွန်ရိုက်နှက်ခြင်း အစရှိ အမှုများဖွင့်ထားကြောင်း ၊ သို့သော် အမျိုးသားခြောက်ဦး အား အာမခံချက်ဖြင့် ရဲစခန်းက လွှတ်ပေးထားကြောင်း သိရှိရပါသည်။
သျှမ်းသံတော်ဆင့်

Read More

ရင်သားအတွင်း ဆီလီကွန် ထည့်ခြင်း

ရင်သားခွဲစိတ်ပြုပြင်ခြင်းဟာ အမျိုးသမီးတွေအတွက် အလှအပရေးရာဆိုင်ရာ ကုထုံးအဖြစ် အတော်လေး ရေပန်း စားလုိ့လာ ပါပြီ ။ မြန်မာနိုင်ငံမှာသာ ယဉ်ကျေးမှုအရ ဓလေ့ထုံးတမ်းစဉ်လာတွေအရ ရင်သားခွဲစိတ်ပြုပြင်ခြင်းဟာ သိပ်ပြီးခေတ်မစားပေမယ့် အနောက်နိုင် ငံတွေ မှာတော့ ရေပန်း စားတွင် ကျယ်လာခဲ့တာ အတော်လေးကြာပြီဖြစ်ပါတယ် ။ အမှန်တော့ ရင်သားခွဲစိတ်ပြုပြင်တယ်ဆိုတာ အမျိုးသမီး တစ်ယောက်ရဲ့ရင်သားအရွယ်အစား ၊ ပုံသဏ္ဍာန် ၊ အလုံးအကြိတ်တွေခွဲထုတ်ပြီးလို့ ရင်သားကို ပြန်လည် ပြုပြင်ခြင်း ( post-mastectomy breast reconstruction) အတွက် ခွဲစိတ်ပြုပြင်ခြင်းတစ်မျိုးဖြစ်ပါတယ် ။ ဒါ့အပြင် မွေး ရာ ပါ ရင်အုံ ( chect wall ) ပုံသဏ္ဍာန်မမှန်ခြင်း နဲ့ အမျိုးသားကနေ အမျိုးသမီး အဖြစ် အသွင် သဏ္ဍာန်ပြောင်းလဲခြင်း မှာလည်း ရင်သားခွဲစိတ်ပြုပြင်ခြင်းဟာ အဓိက အခန်းကဏ္ဍ အဖြစ် ပါဝင်ပါတ် သတ်လာပြီဖြစ်ပါတယ် ။ ရင်သားအတွင်း ထည့်သွင်းတဲ့နေရာမှာ breast implant devices တွေဖြစ်တဲ့ saline ၊ silicon နဲ့ silicon+saline ဆိုပြီး သုံးမျိုးရှိပါတယ် ။ Saline implant ဟာ elastomer silicone အခွံ ပါဝင်ပြီး saline အရည် တွေဖြည့်ထားခြင်းဖြစ်ပြီး Silicon implant ကတော့ အခွံခြင်းတူပေမယ့် အထဲမှာ silicon gel ထည့်သွင်းထားခြင်းဖြစ်ပါတယ် ။ ပေါင်းစပ်ထည့်သွင်းခြင်းဖြစ်တဲ့ Alternative composition မှာတော့ များစွာသောအရာတွေဖြစ်တဲ့ soy အဆီ ၊ polypropylene ကြိုး ၊ et cetera စသည်တို့ ပါဝင်ပါတယ် ။

Pectoral implant လို့ခေါ်တဲ့ ရင်ဘတ်တစ်ခုလုံး ခွဲစိတ်ပြုပြင်ခြင်းဟာ ယောင်္ကျားလေးတွေမှာ အလှအပရေး ရာအတွက် ( ကျားမှ မပြောင်းခြင်း) ဖြစ်စေ ၊ ရောဂါတစ်ခုခုကြောင့်ဖြစ်စေ ( gynecomastia - အမျိုးသားတွင် ရင်သားကြီးခြင်း ) စသည်တို့ကြောင့်ခွဲစိတ်ပြုပြင်ခြင်းဖြစ်ပါတယ် ။ ရင်သားခွဲစိတ်ပြုခြင်ခြင်းမှာ ရင်သားတစ် ရှူးတွေ ကြီးအောင် လုပ်တဲ့ breast tissue expander ဟာ ရင်သားခွဲစိတ်ပြုပြင်ခြင်းအဆင့်မှာ ယာယီသုံးတဲ့ ပစ္စည်းတစ်ခုပဲဖြစ်ပါတယ် ။ လွန်ခဲ့တဲ့ ၁၉ ရာစုနှစ်တုန်းက breast implant device တွေကို ရင်သားရဲ့ အရွယ်အစား ၊ ပုံသဏ္ဍာန်နဲ့ အမျိုးသမီးတစ်ယောက်ရဲ့ ရင်သား အာရုံခံစားမှု ( feel) စသည်တို့ကို ပြုပြင်ပြောင်း လဲရန်အတွက် အသုံးပြုခဲ့ကြပါတယ် ။ ၁၉၈၅ ခုနှစ်မှာတော့ ခွဲစိတ် ဆာဂျင် Vincez Czerny ဟာ လူနာရဲ့ ကိုယ်ပိုင် adipose တစ်ရှူး တွေ ၊ ဖယ်ထုတ်လိုက်တဲ့ အန္တရာယ်ရှိ benign lumbar lipoma တွေကိုအသုံးပြုပြီး ကျူမာတစ်ခုကနေ သူဖယ်ထုတ်လိုက်လို့ တစ်ဖက်နဲ့တစ်ဖက်ရင်သားမညီတဲ့ ပြဿနာကို ဖြေရှင်းခဲ့ခြင်းအားဖြင့် ခွဲစိတ် မှုကို ပြုလုပ်ခဲ့ပါတယ် ။ ၁၈၈၉ ခုနှစ်မှာတော့ ခွဲစိတ်ဆာဂျင် Robert Gersuny ဟာ ပါရာဖင် ထိုးဆေးထိုး သွင်းခြင်း ကိုစမ်းသပ်လုပ်ဆောင်ခဲ့တယ် ။ ၂၀ ရာစုအစောပိုင်းမှာတော့ ဆရာဝန်တွေဟာ breast implant filters တွေဖြစ် တဲ့ ivory ၊ ဖန်ဘောလုံး ၊ ရာဘာ ၊ နွားထီး အရိုးနု ၊ Terylene wool ၊ gutta-percha ၊ Dicora ၊ polyethylene အစရှိတို့ကို ဆက်လက် အသုံးပြုလာခဲ့ကြပါတယ် ။

Breast Implant သုံးမျိုး

၁ ။ saline impants ( saline အရည် ထည့်သွင်းထားခြင်း)
၂ ။ silicone implants ( ဆီလီကွန်ဂျယ် ထည့်သွင်းထားခြင်း)
၃ ။ Alternative- composition implants ( soy အဆီ ၊ polypropylene string ၊ et cetera စသည်တို့ ထည့်သွင်းခြင်း ) စတဲ့ သုံးမျိုးဖြစ်ပါတယ် ။

ရင်သားအတွင်းဆီလီကွန်ထည့်ခြင်းနှင့်ပတ်သတ်သော အမေးအဖြေများ

မေးခွန်း ၁ - ရင်သားထဲမှာ ဆီလီကွန် ထည့်တာက နှစ်နှစ်တစ်ကြိမ်လောက်ထုတ်ပြီးလဲရတယ်လို့ကြားရတယ် ။ ဟုတ်ပါ သလား ။

အဖြေ - ရင်သားကို ဆီလီကွန်ထည့်တာက အရွယ်အစားအမျိုးမျိုးရှိပါတယ် ။ ခွဲစိတ်ထည့်ပေးမယ် ။ ဆရာဝန် နဲ့ ဆွေးနွေး တိုင်ပင်ပြီးမှ ထည့်ကြတာပါ ။ ထည့်တာမှန်မယ် ၊ ခွဲစိတ်တာလည်းကောင်းမယ် ၊ ပုံစံလည်းကျ တယ်ဆိုရင် ပြန်ထုတ်ပြီးလဲစရာမလိုဘူး ။ တစ်သက်လုံးလဲစရာမလိုပါဘူး ။ နှစ်နှစ်တစ်ခါ လဲရတယ်ဆိုတာလည်း မဟုတ်ပါဘူး ။

မေးခွန်း ၂ - နှာခေါင်း ၊ နှုတ်ခမ်းတို့မှာ ထည့်သူတွေရော ထုတ်လဲဖို့ လိုပါသလား ။ တစ်ချို့ကလည်း တစ်သက် လုံး ထုတ်လဲစရာမလိုဘူးပြောပါတယ် ။ တိတိကျကျမသိကြပါဘူး ။ နှာခေါင်းမှာ ဆီလီကွန်ထည့်ထားရင် မထိ ခိုက် မိအောင် ဂရုစိုက်ရတယ်လို့လည်း ပြောကြပါတယ် ။ Accident တစ်ခုခုဖြစ်သွားခဲ့ရင် ဘာတွေ ဖြစ်နိုင် ပါသလဲ ။

အဖြေ - နှာခေါင်း ၊ နှုတ်ခမ်းတွေမှာ ထည့်တာကျတော့ ဆီလီကွန်မဟုတ်ပါဘူး ။ နှုတ်ခမ်းဆိုရင် Fat လို့ခေါ်တဲ့ အဆီ ကို ထိုးထည့်တာပါ ။ အဲဒီ Fat က ကိုယ့်ရဲ့အဆီပဲ ။ ဘယ်ကယူသလဲဆိုရင် အများသောအားဖြင့် တင်ပါး ကနေ ယူတာပါ ။ အဲဒါကိုစုပ်ယူပြီးသန့်စင်ရတယ် ။ အဲဒီသန့်စင်ထားတဲ့ အဆီကိုမှ လိုအပ်သ လို နှုတ်ခမ်းမှာ ပြန်ထိုးထည့်ပေးတာပါ ။ နှာခေါင်းမှာ ထည့်တာကလည်း ဆီလီကွန် အပျော့မဟုတ်ဘူး ။အမာထည့်ရတာ ။ သူ့အတွက် သပ်သပ်စီစဉ်ထားတဲ့ ပစ္စည်းရှိတယ် ။ အမာပြားလေးပေါ့ ။ ဒီတော့ ရင်သားရယ် ၊ နှုတ်ခမ်းရယ် ၊ နှာခေါင်း ရယ်မှာ ထည့်တဲ့ပစ္စည်းချင်းမတူဘူး ။ ထည့်ထားတာမှန်ရင် ခွဲစိတ်ပြုပြင် ထားတာက လည်း ကောင်း ရင်ပြန် လုပ်စ ရာမလိုဘူး ။ နှာခေါင်းမှာထည့်တာကျတော့ အမာပြားဖြစ်တဲ့အတွက် ပြင်းပြင်းထန်ထန် ထိခိုက်မိ တာမျိုးကိုတော့ ဂရုစိုက်ဖို့လိုတယ် ။ မတော်တဆ ထိခိုက်မှုမဆိုရာမှာ အခန့်မသင့်လို့ ပိုးဝင်တာ မျိုး တော့ ဖြစ် တတ်တယ် ။ နောက်ပြီးခွဲစိတ်ပြုထားတာပုံမကျရင် ပြန်ပြုပြင်ရတာမျိုးရှိပါတယ် ။ ခွဲတာမကောင်း လို့ အမာ ရွတ်ကျန်တာတို့ ၊ ပြန်ထုတ် ၊ ပြန်ပြင်လို့ ရရင် ပိုးဝင်တာမျိုးတွေတော့ဖြစ်တတ်ပါတယ် ။ ပုံပျက်တာ ၊ ကိုယ်လို ချင်တဲ့ပုံစံ မရတာမျိုးလောက်ပဲရှိပါတယ် ။ ထူးခြားတဲ့အန္တရာယ်တော့မရှိပါဘူး ။

(အရေပြားဆိုင်ရာ အထူးကုဆရာဝန်ကြီး ဒေါက်တာစိုးဝင်းဦးမှဖြေကြားပါသည်။)

Ref : wikipadia/breast implant
Q & A they want to know about health produced by Ziwaka

သက်တန့်ချို

Read More

မွတ်ဆလင်သူပုန်များကို အစွမ်းကုန်ဖြိုခွင်းမည်ဟု ဖိလစ်ပိုင်သမ္မတဆို

ဖိလစ်ပိုင်တွင် ဆယ်စုနှစ်နှင့်ချီ ကြာညောင်းသည်အထိ အုံကြွနေသော ခွဲထွက်ရေး စစ်သွေးကြွများကို စစ်တပ်က ပြင်းပြင်းထန်ထန် ထိုးစစ်ဆင်မှု ပြုလုပ်နေပြီ ဖြစ်သည်။

ဖိလစ်ပိုင် သမ္မတ ဘီနီဂို အကွီနိုက အဖျက်သမား မွတ်ဆလင် ခွဲထွက်ရေး သူပုန်အဖွဲ့များကို ဖြိုခွင်းရန် အပြင်းအထန် လုပ်ဆောင်သွားမည်ဟု ပြောကြားလိုက်သည်။ ဖိလစ်ပိုင်တွင် ဆယ်စုနှစ်နှင့်ချီ ကြာညောင်းသည်အထိ အုံကြွနေသော ခွဲထွက်ရေး စစ်သွေးကြွများကို စစ်တပ်က ပြင်းပြင်းထန်ထန် ထိုးစစ်ဆင်မှု ပြုလုပ်နေပြီ ဖြစ်သည်။ ယခုရက်ပိုင်းအတွင်း စစ်တပ်၏ ထိုးစစ်များကြောင့် စစ်သွေးကြွ (၃၈)ဦးထက်မနည်း သေဆုံးခဲ့သလို ယင်းတိုက်ခိုက်မှုများကို ဆက်လက် မြှင့်တင်ရန် သံဓိဋ္ဌာန် ချထားကြောင်း အကွီနိုက ဆိုသည်။

အစိုးရသည် နိုင်ငံ၏ အင်အားတောင့်တင်းသော သူပုန်အဖွဲ့ တစ်ခုဖြစ်သည့် ဘန်ဆာမိုရို အစ္စလာမ်မစ် လွတ်မြောက်ရေး စစ်သည်များ (BIFF)နှင့် ငြိမ်းချမ်းရေး ဆွေးနွေးမှုကို စနေနေ့က ရပ်ဆိုင်းလိုက်သည်။ ထို့နောက် ချက်ချင်းလိုလိုပင် သူပုန်တပ်များ အခြေစိုက်ရာ နယ်မြေများတွင် တပ်များဖြန့်ကျက်ကာ ထိုးစစ်ကို စတင်ခဲ့သည်။ "လက်နက်ကိုင် တပ်ဖွဲ့တွေဟာ ဒီစစ်ဆင်ရေးတွေကို အလေးအနက် လုပ်ဆောင်မှာပါ။ ကျွန်တော်တို့ ဖိလစ်ပိုင် လူထုကို ထိခိုက်လာစေမယ့် ဥပဒေမဲ့ လှုပ်ရှားမှုတိုင်းကို တိုက်ဖျက်သွားပါမယ်။ အဖျက်သမားတွေရဲ့ လုပ်ဆောင်မှုတိုင်းကို ဆိုးဆိုးရွားရွား ကျဆင်းထိခိုက်သွားစေရမယ်။ သူတို့ဟာ ငြိမ်းချမ်းမှုကို နှောင့်ယှက် ဖျက်ဆီးနေသူတွေ ဖြစ်ပါတယ်"ဟု အကွီနိုက မနီလာမြို့တော်တွင် သတင်းထောက်များအား ပြောကြား သွားခဲ့သည်။

ဖိလစ်ပိုင်တွင် အင်အားအကြီးဆုံး အစ္စလာမ်မစ် သူပုန်အဖွဲ့မှာ မိုရိုအစ္စလာမ်မစ် လွတ်မြောက်ရေး တပ်ဦးဖြစ်ပြီး (၁၉၇၀)ပြည့်လွန် နှစ်များကတည်းက မွတ်ဆလင်ဦးရေ ထူထပ်သည့် နယ်မြေများကို ခွဲထွက်ခွင့်ပေးရန် အစိုးရကို ထောင်ထားခြားနား တိုက်ခိုက်လျှက် ရှိသည်။ ဖိလစ်ပိုင်သည် ကက်သလစ် ဘာသာဝင် အများစု နေထိုင်သော နိုင်ငံဖြစ်သည်။ အဆိုပါ နှစ်များအတွင်း သူပုန်များ၏ တိုက်ခိုက်မှုကြောင့် သေဆုံးသူ အရေအတွက်သည် (၁၅၀၀၀၀)ကျော် ရှိခဲ့ကြောင်းလည်း သိရှိရသည်။

Planet Myanmar Network

Read More

၁၃နှစ် အရွယ် မိန်းကလေးအား မုဒိမ်းကျင့်

၂၄.၁.၂၀၁၄ ရက်နေ့ ညနေ ၆း၃၀ နာရီ အချိန်ခန့်က ရန်ကုန်တိုင်းဒေသကြီး၊ သုံးခွမြို့နယ်၊ တင်းတောင်းချောင်ကျေးရွာနေ (ဘ)ဦးဖိုးထောင်၏သမီး မစု ၊အသက် ၁၃ နှစ်သည် တောစွန်းကျေးရွာသို့ ဗီစီဒီ အခွေ သွားရောက်ငှားရမ်းပြီး နေအိမ်သို့ စက်ဘီးဖြင့် တစ်ဦးတည်းပြန်လာစဉ် အဓမ္မပြုကျင့် ခံရကြောင်း သစ်ထူးလွင် မှ သတင်းရရှိပါတယ်။
တောစွန်းကျေးရွာနှင့် တင်းတောင်းချောင် ကျေးရွာ အကြား ကွင်းထဲလမ်းတွင် သုံးခွမြို့နယ်၊ တင်းတောင်းချောင်ကျေးရွာ၊ ဓမ္မပါလ ကျောင်းတိုက် ကျောင်းထိုင်ဘုန်းကြီး ဦးကုဝေရ ၊သက်တော် ၄၀ နှစ်၊ ၀ါတော် ၂၀ နှင့် တောစွန်းကျေးရွာနေ (ဘ)ဦးထွန်းအောင်၏သား မောင်မျိုးဦး၊ အသက် ၃၃ နှစ် တို့နှစ်ဦးက အဓမ္မပြုကျင့်ခဲ့တာလို့ ဆိုပါတယ်။
အဆိုပါ စွပ်စွဲခံရသူ နှစ်ဦးက မစု၏ စက်ဘီးအား ရှေ့မှ တားဆီး ရပ်တန့်စေကာ မောင်မျိုးဦးက စက်ဘီးအား ဆွဲယူသွားပြီး၊ ဘုန်းကြီးဦးကုဝေရ က မစုအား အဓမ္မ လက်ကိုဆွဲ၍ အနီးရှိ ရေခမ်းခြောက်နေသည့် ချောင်းထဲသို့ ခေါ်ဆောင်သွားပြီး အလိုမတူ သားမယားအဖြစ် ပြုကျင့်ခဲ့သည့် အတွက် ဖခင်ဖြစ်သူ ဦးဖိုးထောင်က တင်းတောင်းချောင် ကျေးရွာ အုပ်ချုပ်ရေးမှူးနှင့် အလန်းကုန်း ကျေးရွာ ရဲစခန်းတွင် ချက်ချင်း တိုင်တန်း ခဲ့တာဖြစ်ပါတယ်။
အဆိုပါ အမှုကို ၂၉.၁.၂၀၁၄ ရက်နေ့တွင် သုံးခွမြို့မ ရဲစခန်းတွင် အမှုဖွင့် တိုင်တန်းခဲ့ကြောင်း ၊ရဲစခန်းက ပြစ်မှုဆိုရာ ဥပဒေပုဒ်မ ၃၇၆ အရ အမှုဖွင့်ကာ စခန်းမှုးဦးစောဝင်းက အမှုကို လက်ခံ စစ်ဆေးနေကြောင်း သစ်ထူးလွင် မှ စုံစမ်းသိရှိရပါတယ်။

Read More

မကွေးမြို့ ဖန်ခါးမြေ ဟိုတယ်မှ ကြေးဆင်းတုတော် ဘယ်ဘက် မျက်လုံးတော် ပွင့်သည့် သတင်းကြောင့် ဖူးမြော် သူများဖြင့် စည်ကား

မကွေးတိုင်းဒေသကြီး ရန်နိုင်ရပ်ကွက် မြို့ပတ်လမ်း ဖန်ခါးမြေဟိုတယ် ဘုရားခန်းအတွင်း၌ သီတင်းသုံး နေတော်မူ သည့် ကြေးဆင်းတုတော်၏ ဘယ်ဘက် မျက်လုံးတော်မှာ ထူးထူးခြားခြား ပွင့်တော်မူ၍ လာရောက်ဖူးမြော်သူ များ နှင့် စည်ကားလျက်ရှိကြောင်း

သိရသည်။ ဘုရားခန်းအတွင်း တွေ့ရသော ဖန်ခါးမြေ ဟိုတယ်မန်နေဂျာ၏ ဇနီးက ''ယနေ့ နံနက် ၆ နာရီ ၄၅ မိနစ်တွင် ဟိုတယ်က လူငယ်တစ်ဦး ရေချမ်းသွားကပ်တာ ဘယ်ဘက်မျက်လုံး တော် ပွင့်နေကြောင်း လာပြောတယ်၊ ဒါနဲ့ ကျွန်မတို့သွားကြည့်တယ်၊ ပထမတော့ မပွင့်တပွင့်ကနေ တဖြည်းဖြည်းနဲ့ ပွင့် လာတာ အခု မြင်ရတဲ့အတိုင်းပဲ၊ တစ်ယောက်စကား တစ်ယောက်နားနဲ့ ဘုရားဖူးတွေ ဝိုင်းအုံလာကြတာပဲ''ဟု ရှင်း ပြသည်။ ရုပ်ပွားတော်မှာ ကြေးဆင်းတုတော ဖြစ်ပြီး စိန်ဖူးတော်အထိ ဥာဏ်တော် ၁၁ လက်မရှိကြောင်း၊၂ဝ၁၃ ခု နှစ် ဘုရားပွဲဈေး နိဗ္ဗာန်ကုန်ဆိုင်မှ ပင့်ဆောင် ပူဇော်ခဲ့ခြင်း ဖြစ်ကြောင်း သိရသည်။

Read More