ရန်ကုန်က ကားနဲ့ သွားရင် သိပ်မဝေးတဲ့ မှော်ဘီမြို့နယ်က တချိန်က လူအသွားအလာ နည်းတဲ့ အောင်ဇဗ္ဗူတောရ ဓမ္မရိပ်သာကျောင်းဟာ အခုတော့ ဘုရားဖူးတွေနဲ့ စည်ကားနေပါတယ်။
ဖြစ်စဉ်ကို ကျမ မေးကြည့်တော့မှ ဗုဒ္ဓဘာသာကို ကြည်ညိုလွန်တဲ့ အတွက် ဂျပန်နိုင်ငံသား မစ္စတာ Kasuyuki Kumano ဟာ အောင်ဇဗ္ဗူတောရ ဓမ္မရိပ်သာကျောင်းကို သူ့မှာ လက်ဝယ် သိမ်းဆည်းထား တဲ့ ရှေးဟောင်း ဘုရား ဆင်းတုတော်တွေကို လှူဒါန်းခဲ့ပြီး ထူးခြားတဲ့ ရှေးဘုရား ဆင်းတုတော်တွေ ကို အခုလို အများ သူငါ ဖူးခွင့်ရတာဖြစ်ပါတယ်လို့ သိရပါတယ်။
ဒါကြောင့်ပဲ ဘုရားဖူးလာသူ အများကတော့ ဂျပန်လူမျိုးက လှူတဲ့ ဘုရားတွေဖြစ်လို့ ဂျပန်ဘုရားလို့
ခေါ်ဆိုကြပါတယ်။
ဆင်းတုတော် တဆူချင်းစီမှာ ထူးခြားတဲ့ အကျိုးတွေပေးတယ်လို့လည်း ဘုရားဖူးတွေက ယုံကြည်ကြပါတယ်။ တချို့ ဆင်းတုတွေက နှစ် ပေါင်း ရာချီရှိပြီလို့လည်း ဆိုပါတယ်။
လို၊ တ ရတာ၊ ရောဂါ ဘယကင်းဝေးတာ၊ အိမ်ထောင်မပြိုကွဲပဲ မိသားစု အတူစည်းစည်းလုံးလုံ နေခွင့်ရတာ၊ အတိုက်အခိုက်၊ ရန်အသွယ်သွယ်က ကင်းဝေးတာ၊ အောင်မြင်ကျော်ကြားတာ စတဲ့ အကျိုး ထူးတွေ ပေးတယ်လို့ ယုံကြည်ကြပြီး လာ ရောက်ကြတာလို့ ဘုရားဖူးတွေက ဆိုပါတယ်။
ဂျပန်လူမျိုးဖြစ်တဲ့ Kasuyuki Kumano ဟာ တရားစခန်း လာရောက်ဝင်တဲ့ အခါမှာ ဆရာတော်ကို ကြည်ညိုပြီးတန်ခိုး ကြီးတဲ့ ဆင်းတုတွေကို လှူဒါန်းခဲ့တာဖြစ်တယ်လို့ သိရပါတယ်။
ယခင်ကဆိုရင် အောင်ဇဗ္ဗူတောရကျောင်း တည်ရှိတဲ့နေရာဟာ တိတ်ဆိပ်ငြိမ်သက်ပြီး လူသူ လာရောက်မှု လည်း နည်းခဲ့တာပါ။ ယခုအချိန်မှာတော့ ဈေးတန်းတွေ၊ ဈေးသည်တွေနဲ့ စည်ကားလို့ နေတာတွေ့ရပါတယ်။
ရှေးဟောင်းဘုရားဆင်းတုတွေကို လာရောက်ဖူးမျှော်သူတွေဟာ ရန်ကုန်မှာ နေထိုင်သူတွေသာမက ရပ်ဝေး၊ ရပ်နီးက လာ ရောက် ကြတာ လို့သိရပါတယ်။
ရုံးပိတ် ရက်တွေဖြစ်တဲ့ စနေ၊ တနင်္ဂနွေနေ့တွေ ဆိုရင်တော့ ရန်ကုန်ကနေ မှော်ဘီ အောင်ဇဗ္ဗူ
တောရ ကျောင်းသို့ သွားရာ လမ်းကြောင်း တလျှောက် ယာဉ်ကြောများပိတ်ဆို့နေပြီး အချိန်တော်တော်
ကြာတဲ့အထိ စောင့်ဆိုင်းပြီးမှာ သွားရောက် ဖူးမျှော်နိုင်မှာ ဖြစ်ပါတယ်။
နေ့စဉ်နေ့တိုင်း ဘုရားဖူးတွေနဲ့ အလှူရှင်တွေကလည်း ပြည့်နေသလို နာမည်ကြီး အနုပညာရှင် တော်တော် များများ လည်း လာရောက်ဖူးမျှောက်ကြပါတယ်။
တောရ ဆောက်တည်သူတွေ၊ ဥပုဒ်သီလ ဆောက်တည်သူတွေနဲ့ တရားစခန်း ၀င်သူတွေလည်း အတော် များပါတယ်။
ရှေးဟောင်းဘုရားတွေကို ဖူးမျှော်တဲ့အခါမှာတော့ လက်ကိုင်ဖုန်းနဲ့ ကင်မရာတွေကို ယူဆောင်ခွင့် မပြုထားတာကို တွေ့ရပါတယ်။ ယူဆောင်ခွင့် မပြုရတာကတော့ ရှေးယောင်းဘုရားများဖြစ်တဲ့အတွက် ကင်မရာ ရိုက်တဲ့အခါမှာ အလင်းပြန်မှုကြောင့် ဆေးသားတွေ ပျက်စီးမှာဖြစ်တာကြောင့်လို့ ဂေါပက အဖွဲ့က ဆိုပါတယ်။
အိမ့်သံစဉ် ~
ဓာတ်ပုံတွေကို ကြည်ညိုနိုင်ဖို့ အဆိုပါ ဘုရားဂေါပကရဲ့ ဘုရားဖူးတွေကို ရောင်းချပေးတဲ့ စီဒီချပ်က တဆင့် ကူးယူပြီး ဖော်ပြပေးလိုက်ပါတယ်။
Irrawaddy
0 comments:
Post a Comment