ပြည့်တန်ဆာတွေအတွက် ပြစ်ဒဏ်ကြီးကြီးလာတော့မည်

အတင့်ရဲလာသည့် ပြည့်တန်ဆာ လုပ်ငန်းနှင့် မိန်းကလေးများအား အရောင်းအဝယ် ပြုလုပ်ခြင်းကို နှိပ်ကွပ်ရန် အတွက် ကြီးလေးသည့်ပြစ်ဒဏ် များကိုသာ ချမှတ်ရန် တရားရုံး အားလုံးသို့ ညွှန်ကြားချက် ပေးပို့ထားကြောင်း ရန်ကုန် တိုင်းဒေသကြီး လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီး တင်ဝင်းက ပြောသည်။


အဆိုပါ လုပ်ငန်းများကို ၁၉၄၉ ခုနှစ်တွင် ပြဋ္ဌာန်းခဲ့သည့် ပြည့်တန်ဆာ နှိပ်ကွပ်ရေး ဥပဒေဖြင့်သာ အရေးယူ လျက်ရှိပြီး တရားရုံးချုပ်နှင့် တရား လွှတ်တော်တို့၏ ညွှန်ကြားမှုများ ထပ်မံ ထုတ်ပြန်ကာ ထပ်ဆင့် အားဖြည့်၍ ထိရောက်စွာ အရေးယူနိုင်ရေးကို ဆောင်ရွက်နေသည်ဟု ဝန်ကြီးက ပြောသည်။
ခေတ်ကာလအလျောက် ပြည့်တန်ဆာ လုပ်ငန်းများ များပြားလာသဖြင့် ယင်းကို မနှိမ်နင်းနိုင်ပါက အကျင့်စာရိတ္တ ပျက်ယွင်းခြင်း၊ လူမျိုးဂုဏ် ကျဆင်းခြင်းနှင့် ကျန်းမာရေး ထိခိုက်ခြင်းများ ကြုံတွေ့လာနိုင်သဖြင့် တင်းကျပ်စွာ အရေးယူမှုကို ပြုလုပ်ရခြင်းဖြစ်ကြောင်း ဝန်ကြီးက ပြောသည်။
အစိုးရသစ်လက်ထက် ၂ဝ၁၁ ခုနှစ် မတ်လ ၃၁ ရက်နေ့မှ ၂ဝ၁၃ ခုနှစ် သြဂုတ်လ ၃ဝ ရက်နေ့အထိ ပြည့်တန်ဆာ နှိပ်ကွပ်ရေး ဥပဒေအရ အရေး ယူခဲ့သော အမှု ၄,၈၁၆ မှုရှိကြောင်း ဝန်ကြီးက ပြောသည်။


ယင်းတွင် ကျား ၂၂၂ ဦးနှင့် မ ၄,၉၁၈ ဦးကို အရေးယူနိုင်ခဲ့သည်ဟု ဝန်ကြီး၏ ပြောပြချက်အရ သိရသည်။
ရန်ကုန်တိုင်းဒေသကြီး ဆဋ္ဌမ ပုံမှန်အစည်းအဝေး နောက်ဆုံးနေ့တွင် တိုင်းဒေသကြီး လွှတ်တော် ကိုယ်စားလှယ် ဒေါက်တာညိုညိုသင်းက အစိုးရသစ် လက်ထက်၌ ပြည့်တန်ဆာ နှိပ်ကွပ်ရေး ဥပဒေအရ အရေးယူ ဆောင်ရွက်နေမှုနှင့်ပတ်သက်၍ မေးမြန်းခဲ့ခြင်း ဖြစ်သည်။ ယင်းကို ဝန်ကြီးက အထက် ပါအတိုင်း ဖြေကြားခဲ့သည်။


၁၉၄၉ ခုနှစ် ပြည့်တန်ဆာနှိပ်ကွပ် ရေး ဥပဒေနှင့် ပတ်သက်၍ ဥပဒေပိုင်း ဆိုင်ရာ ဝေဖန်မှုများ ရှိနေပြီး ရှေးရိုး အစဉ်အလာ ထိန်းသိမ်း စောင့်ရှောက်လိုသူများက ယင်းကို လူ့ဘောင် ယဉ်ကျေးမှုအရ ထိန်းသိမ်းသင့်ပြီဟု ဆိုကြပြီး အချို့ မှာ ခေတ်ကာလနှင့် အညီ ပြင်ဆင်ရန် သင့်သည်ဟု ဝေဖန်မှုများ ရှိနေကြောင်း ဒေါက်တာညိုညို သင်းက ပြောသည်။


၁၉၉၈ ခုနှစ် ဧပြီလတွင် ၁၉၄၉ ခုနှစ် ပြည့်တန်ဆာ နှိပ်ကွပ်ရေး ဥပဒေ ပြင်ဆင်သည့်ဥပဒေ ထွက်ပေါ်ခဲ့ပြီး ယင်းတွင် ထောင်ဒဏ်များကို တိုးမြှင့် ချထားပေးရန်နှင့် မကျမနေ ထောင် ဒဏ်အပြင် ငွေဒဏ်ကိုလည်း ချမှတ်ရန် ပြင်ဆင်ခဲ့သည်။


တရားလွှတ်တော်ရှေ့နေဦးကြီး မြင့်က ”ဒီဥပဒေမှာက ပျော်ပါးတဲ့ အမျိုးသားတွေကိုတော့ အရေးမယူဘူး။ အမျိုးသမီးတွေကိုပဲ အရေးယူတယ်။ ဒါကတော့ တစ် မျိုး ဖြစ်နေတာပေါ့”ဟု ပြည့်တန်ဆာနှိပ်ကွပ်ရေးဥပဒေနှင့် ပတ်သက်၍ ပြောသည်။
ဖွံ့ဖြိုးပြီးနိုင်ငံများ၌ ပြည့်တန်ဆာ လုပ်ငန်းကို လိုင်စင်ဖြင့် လုပ်ကိုင်ခြင်းများ ရှိရာ ယင်းကဲ့သို့ စီမံ၍ အများပြည် သူများရှေ့တွင် မဖွယ်မရာ ပြုလုပ်ခြင်းကိုသာ ဥပဒေအရ တားမြစ်ခြင်းဆောင် ရွက်ရန်သင့်သည်ဟု ၄င်းက သုံးသပ် ပြောသည်။


၁၉၄၉ ခုနှစ်၊ ပြည့်တန်ဆာ နှိပ်ကွပ်ရေး ဥပဒေကို ၁၉၉၈ ခုနှစ်တွင် ပြင်ဆင်လိုက်ခြင်းမှာ ပုဒ်မ ၅ ၊ ပုဒ်မခွဲ ၁ တွင် တစ်နှစ်အောက် မနည်း သုံးနှစ်ထက် မပိုသည့် ထောင်ဒဏ် ကျခံရမည်ကို တစ်နှစ်ထက် မနည်း ငါးနှစ်ထက် မပိုသည့် ထောင်ဒဏ်နှင့် ငွေဒဏ် ချမှတ်နိုင်သည်ဟူ၍ လည်းကောင်း၊ ပုဒ်မ ၈ တွင် သုံးနှစ်အထိ ထောင်ဒဏ်ဖြစ်စေ၊ ငွေဒဏ်ဖြစ်စေ စီရင်ရမည်ကို တစ်နှစ်ထက် မနည်း ငါးနှစ်ထက် မပိုသည့် ထောင်ဒဏ်အပြင် ငွေဒဏ်ပါ ချမှတ်ရန် ပြင်ဆင်လိုက်ခြင်းဖြစ်သည်။
By Popular Myanmar

Read More

ဒေါ်လာ ၁၁ ဘီလီယံကိစ္စ မသိရှိကြောင်း ဗဟိုဘဏ်ဥက္ကဋ္ဌ ပြော

သတင်းစာနဲ့ ဂျာနယ်တွေမှာ ဖော်ပြနေတဲ့ မြန်မာနိုင်ငံက ဘဏ်စာရင်း အကောင့် ၅ခုနဲ့ နိုင်ငံခြားဘဏ်တွေမှာ အမေရိကန်ဒေါ်လာ ၁၁ ဘီလီယံ အပ်နှံထားတယ်ဆိုတဲ့ကိစ္စ မသိရှိပါကြောင်း ဗဟိုဘဏ်ဥက္ကဋ္ဌ ဦးကျော်ကျော်မောင်က ပြောပါတယ်။
ဒီနေ့ ကျင်းပတဲ့ ပြည်ထောင်စုလွှတ်တော်အစည်းအဝေးမှာ သူက ခုလို ရှင်းပြတာ ဖြစ်ပါတယ်။
မြန်မာနိုင်ငံအနေနဲ့ နိုင်ငံပိုင်ဘဏ်၊ ပုဂ္ဂလိကဘဏ်တွေကနေ နိုင်ငံခြားဘဏ်တွေမှာ အပ်နှံထားတဲ့ နိုင်ငံခြား အရန်ငွေဟာ စက်တင်ဘာလ ၁၀ ရက်နေ့အထိ စုစုပေါင်း ၇ ဒဿမ ၆ ဘီလီယံပဲ ရှိပြီး ကျန်ဘဏ်စာရင်းနဲ့ ငွေစာရင်းတွေကိုတော့ မသိကြောင်း ပြောဆိုလိုက်တာ ဖြစ်ပါတယ်။
အလားတူ ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးဝင်းရှိန်ကလည်း သတင်းစာ တစောင်မှာ ရေးသားဖော်ပြထားတဲ့ မြန်မာနိုင်ငံက ဘဏ်အကောင့် ၅ ခုနဲ့ ဒေါ်လာ ၁၁ ဘီလီယံ ရှိတာကြောင့် ကမ္ဘာ့ဘဏ်ကနေ အကြွေးတွေ လျော်ပစ်တာ မလုပ်ခဲ့ကြောင်း ရေးသား ဖော်ပြချက်ဟာလည်း မှားယွင်းကြောင်း၊ မြန်မာနိုင်ငံက ကမ္ဘာ့ဘဏ်အပေါ်မှာ တင်နေတဲ့ အကြွေးနဲ့ ပတ်သက်ပြီး ဖြေရှင်းမယ့် နည်းနာ ၄ ခု ရှိကြောင်း၊ ဒီအထဲကမှ အသင့်တော်ဆုံးလို့ ဆိုတဲ့ နိုင်ငံတခုခုကနေ ပေါင်းစည်းချေးငွေရယူပြီး ဖြေရှင်းတဲ့နည်းကို အသုံးပြုခဲ့ခြင်းသာ ဖြစ်ကြောင်း ရှင်းလင်း ပြောဆိုခဲ့ပါတယ်။


From : ..dvb

Read More

အိုဘားမား အာရှခရီးစဉ် အကုန်ဖျက်သိမ်း

အင်ဒိုနီးရှားနိုင်ငံ ဘာလီကျွန်းမှာ ကျင်းပမယ့် အဓိက စီးပွားရေး ထိပ်သီး အစည်းအဝေးဖြစ်တဲ့ အာရှ ပစိဖိတ် စီးပွားရေး ပူပေါင်းဆောင်ရွက်မှု ညီလာခံ APEC အေပက် အစည်းအဝေးကို သမ္မတ အိုဘားမား မတက်ရောက်တော့တဲ့အတွက် အလွန်တရာ စိတ်ပျက်မိကြောင်း အင်ဒိုနီးရှားအ စိုးရက ထုတ်ဖော် ပြောကြားလိုက်ပါတယ်။

သမ္မတ အိုဘားမားဟာ သူ့အစိုးရအတွက် ဘတ်ဂျက် ဥပဒေ မူကြမ်းကို ကွန်ဂရက်က အတည်မပြုပေးခဲ့တဲ့အတွက် အာရှသွားမယ့် ခရီးစဉ် အကုန်လုံးကို ဖျက်သိမ်းလိုက်တာ ဖြစ်ပါတယ်။

ဒီအတွက် အိုဘားမားဟာ အေပက် အစည်းအဝေး အပါအဝင် ထိပ်သီး အစည်းအဝေး ၂ ခုကို မတက်ရောက်နိုင်တော့တာ ဖြစ်ပါတယ်။

အင်ဒိုနီးရှား ပြန်ကြားရေးဝန်ကြီး တီဆက်တူလ် ဆမ်ဘီရင်းခ်က သမ္မတ အိုဘားမား အေပက်အစည်းအဝေးကို မတက်ရောက်ဘူး ဆိုတာကို သူ့နိုင်ငံအနေနဲ့ ယုံနိုင်ဖို့ ခက်နေတယ်လို့ ပြောကြားပါတယ်။

အေပက်အစည်းအဝေးကို လာမယ့် တနင်္ဂနွေနေ့မှာ ကျင်းပမှာ ဖြစ်ပါတယ်။

From : ..bbc
 

Read More

သတိလေးနဲ့တော့ ရွေးစေချင်

တရုတ်ပြည်မှ တင်သွင်းလာသော အစားအစာများကို လုံးဝ (လုံးဝ) ဝယ်မစားကြပါနဲ့။

၁။ တရုတ်က သွင်းတဲ့ ဆိတ်သားခြောက် ဆိုရင် လုံးဝ ဝယ်စားဖို့ စိတ်မကူးပါနဲ့ တဲ့။ တရုပ်မှာ ဆိတ်သားဟာ တကယ့်ရှားပါးအစာပါ။

ဝက်သားကို ဓါတုဆေးတွေမထည့်ခင်မှာ အာသံ ဘက်က ဝယ်ပြီးလှောင်ထားတဲ့ ဆိတ်ကျင်ငယ်ရည်မှာ ၃၊၄ ရက်စိမ်ပြီး အခြောက်လှမ်းပြီးမှ အပူပေး ဆိတ်သားခြောက်ဖြစ်စေပါသတဲ့။

၂။ မြီးရှည်ဆိုတာ တရုပ်စကားနဲ့ခေါ်တဲ့ မုန့်ဟင်းခါးဖတ်ပါ။ ဆန်နဲ့လုပ်ထားတဲ့ မုန့်ဖတ် အလုံး အကြီး အသေးမှန်သမျှကို တရုပ်တွေက မြီးရှည်လို့ဘဲခေါ်ပါတယ်။

အဲဒီမုန့်ဖတ် ရယ်ဒီမိတ် တွေဟာ တချို့ မုန့်တီဆိုင်တွေက အပြုတ်ခံတယ်၊အလုံးလှတယ်၊ရောင်းပန်းလှပြီး အနံ့ အသက် မွှေး တယ်ဆိုပြီး သုံးကြပါသတဲ့။

အမှန်တော့ အဲဒီမြီးရှည်တွေဟာ ပလပ်စတစ်တွေပါတဲ့။ ကုန်တိုက်တွေ မှာတင်တဲ့ ရယ်ဒီမိတ်တွေကိုမှ သန့်တယ်ဆိုပြီး ကုန်တိုက်တွေမှာ သာ ဈေးဝယ်လေ့ရှိတဲ့ လူတန်းစားသစ်တရပ် မြန်မာပြည်မှာ ပေါ်လာတာ မကြာသေးပါဘူး။ ချင့်ချိန်ဆင်ခြင်ပြီးမှသာ သုံးစွဲသင့်ပါတယ်။

၃။ ပင်လယ်ရေညှိဆို အခုတလော မြန်မာပြည်မှာ သိပ်ပေါ်ပြူလာဖြစ်တာဘဲဆိုပြီး ဟိုတလောက ဘန်ကောက်ကို ရှော့ပင်လာတဲ့ သားအမိတစ်စုက ပြောသွားပါတယ်။

ကိုရီးယားကားကြည့်ရင်း ပင်လယ်ရေညှိလေးဝါးရင်း ဆိုဘဲ။ ကောင်းပါတယ်။ မကောင်းတာကတော့ အဲဒီပင်လယ်ရေညှိကို ပလပ်စတစ်ကျွတ်ကျွတ်အိပ် ကို ပိုကျွတ်အောင် ဓါတုဆေးစိမ်ပြီး အစစ်နဲ့ ရောပြီး ထုတ်လုပ် ပါသတဲ့။

ခေတ်မှီတိုးတက်လာတာနဲ့အမျှ ပလပ်စတစ်လဲ ဗိုက်ထဲ အစာအဖြစ်ရောက်နေပါပြီ။

၎။ နောက်ဆုံးတခုကတော့ အများသိကြတဲ့ ပလပ်စတစ်ကြက်ဥပါ။ သိပြီးသား ဟိုးလေးတကျော် ဆိုတော့ အကျယ်ချဲ့မရေးတော့ပါ။

ဒါတွေအားလုံး တရုပ်ပြည်မှာ အချင်းချင်း လိမ်ရောင်းကြတဲ့ အပြင် ၊ နယ်စပ်ကနေ မြန်မာပြည်ထဲကိုပါ တင်သွင်း ရောင်းချပါသတဲ့။


(ကိုဇော်)

မှတ်ချက် ။ ။ အထက်ဖော်ပြပါ အလွန်အန္တရာယ်ရှိသာ အစားအစာ အတုများ အပြင် ဆန် ၊ ပြားရည် ၊ နွားနို့ ၊ ကလေး သရေစာ မုန့်မျိုးစုံ နှင့် အခြားမြောက်များ လှစွာသော အစားအစာ အတုများ တရုပ်ပြည်၌ နေ့စဉ်ထွက်ရှိနေပြီး တရုပ်ပြည်တွင်း၌သာ မက ၊

နယ်စပ်ဂိတ်များမှ တဆင့်တင်သွင်းကာ မြန်မာပြည်တွင်း ရှိ ဈေးဆိုင်များ၌လည်း ရောင်းချနေပါသောကြောင့် တရုပ်ပြည်မှ တင်သွင်းလာသော အစားအစာများကို လုံးဝ (လုံးဝ) ဝယ်မစားကြပါနဲ့။

Posted From ကို ဂျွန်

Read More

ပြိုင်ကားတစ်စီးနှင့် အိမ်စီးကားတစ်စီး တိုက်မိမှုကြောင့် လူခုနစ်ဦး အပြင်းအထန် ဒဏ်ရာရ

 Created on Friday, 04 October 2013


အရှိန်ပြင်းစွာ ယာဉ်နှစ်စီး တိုက်မိမှုကြောင့် ပက်လက်လှန်သွားသည့် ဘီဘီခွေးဘီလူး အမျိုးအစားယာဉ်ကို တွေ့ရစဉ် (ဓာတ်ပုံ - ဝေလင်းအောင်)

ကုန်သည်ကြီးများ ဟိုတယ်အနီး မီးပွိုင့်တွင် ပြိုင်ကားတစ်စီးနှင့် ဘီဘီခွေးဘီလူး အမျိုးစားယာဉ် တစ်စီးတို့ အရှိန်ပြင်းထန်စွာ တိုက်မိမှုကြောင့် လူခုနစ်ဦး အပြင်းအထန် ဒဏ်ရာရရှိပြီး ရန်ကုန်ပြည့်သူ့ ဆေးရုံကြီး အရေးပေါ် ဌာနတွင် ဆေးကုသ နေရကြောင်း သိရသည်။

ဖြစ်စဉ်မှာ အောက်တိုဘာ ၄ ရက် နံနက် ၄ နာရီ ခွဲခန့်တွင် ဗိုလ်ချုပ်လမ်းမှ လာသော မာဇဒါပြိုင်ကား အမျိုးအစားနှင့် အလံပြ ဘုရားလမ်းမှလာသော ဘီဘီခွေးဘီလူး အမျိုးအစား ယာဉ်တစ်စီးတို့မှာ ကုန်သည်ကြီးများ ဟိုတယ်ထောင့်ရှိ မီးပွိုင့်တွင် ယာဉ်တိုက် တိုက်မှု ဖြစ်ပွားခဲ့ခြင်း ဖြစ်ကြောင်း သိရသည်။

ယာဉ်တိုက်မှု ဖြစ်စဉ်ကြောင့် ကားနှစ်စီးပေါ်ရှိ လူခုနစ်ဦးတို့မှာ ခေါင်းကွဲခြင်း၊ လက်ကျိုး၊ ခြေကျိုးသည့် ထိခိုက်ဒဏ်ရာများ ရရှိခဲ့ကြောင်းနှင့် လူသေဆုံးမှု မရှိကြောင်း ရဲမှုခင်း မှတ်တမ်းများအရ သိရသည်။

''စဖြစ်တဲ့ အချိန်က နံနက်အစောပိုင်း ဆိုတော့ ဖြစ်စဉ်အစအဆုံးကို မျက်မြင်ကိုယ်တွေ့ ရှိတဲ့သူ မရှိပါဘူး။ ကျွန်တော်လည်း ''အုန်း''ဆိုပြီး အသံကျယ်ကြီးကြားတော့ ထွက်ကြည့်တဲ့အခါ အခုလိုပဲ မြင်တွေ့ရတာပါ'' ဟု အနီးရှိ တိုက်တစ်ခု၏ လုံခြုံရေးဝန်ထမ်း တစ်ဦးက ပြောပြခဲ့သည်။

ယင်းသို့ အရှိန်ပြင်းစွာ တိုက်မိမှုကြောင့် လူလေးယောက် စီးနင်းလာသော ဘီဘီခွေးဘီလူး အမျိုးအစားယာဉ်မှာ အနီးရှိ ဓာတ်တိုင်ကို တိုက်မိပြီး ပက်လက်လန်ကာ ကားတစ်စီးလုံး ကြေမွသွားခဲ့ကြောင်း သိရသည်။

အလားတူ လူသုံးယောက် စီးနင်းလာသော မာဇဒါပြိုင်ကား အမျိုးအစားမှာလည်း အင်ဂျင်ဘယ်ဘက်အခြမ်း ပျက်စီးသွားကာ ဘက်အခြမ်းရှိ ကားတာယာမှာ ဆာကူရာတာဝါဘက်သို့ ကျွတ်ထွက်သွားခဲ့ပြီး ယာဉ်မှာ ကုန်သည်ကြီးများ ဟိုတယ်ရှေ့တွင် ရပ်သွားခဲ့ကြောင်း သိရသည်။

''ယာဉ်တိုက်မှု ဖြစ်စဉ်မှာ ဒဏ်ရာရတဲ့သူ ခုနစ်ဦးက ဆေးရုံမှာ ဆေးကုသမှု ခံယူနေပါတယ်။ ထိခိုက်ဒဏ်ရာ ရမှုတွေ ရှိပေမယ့် လူသေဆုံးမှုတွေတော့ မရှိပါဘူး။ ယာဉ်တိုက်မှု ဖြစ်ပွားခဲ့တဲ့ ယာဉ်မောင်းနှစ်ဦး စလုံးကို အမှုဖွင့် စစ်ဆေးနေပါတယ်'' ဟု အောက်တိုဘာ ၄ ရက်နေ့ ညနေပိုင်းတွင် ယာဉ်အမှုစစ် ဒုရဲအုပ်အောင်လှိုင်စိုးကThe Daily Eleven သတင်းစာသို့ ပြောကြားခဲ့သည်။

ယင်းယာဉ်တိုက်မှု ဖြစ်စဉ်နှင့် ပတ်သက်၍ အဆိုပါ ယာဉ်မောင်းနှစ်ဦးအား ကျောက်တံတား ရဲစခန်းတွင် ယာဉ်အမှုစစ် ဒုရဲအုပ်အောင်လှိုင်စိုးက တရားလို ပြုလုပ်၍ (ပ)၂၉/၁၃ ဖြင့် အမှုဖွင့် စစ်ဆေးနေကြောင်း သိရသည်။

Read More

ရေကြီးရေလျှံမှုအပြီး ကလေးမြို့နယ် အတွင်းရှိ ဒေသအချို့တွင် သွားလာရေး ခက်ခဲနေဆဲဖြစ်

 Created on Friday, 04 October 2013


နတ်တံခါးချောင်း တံတားကျိုးကျမှုကြောင့် ဒေသခံများ ခက်ခဲစွာ ဖြတ်ကူးနေရသည်ကို တွေ့ရစဉ်

ရေကြီးရေလျှံမှုကြောင့် ပိတ်နေခဲ့သည့် ကလေးမြို့နှင့် ဆက်သွယ်ထားသော လမ်းမကြီးများ ပြန်လည်သွားလာ နိုင်ပြီဖြစ်သော်လည်း ဒေသတွင်း လမ်းအချို့မှာ သွားလာမှု ခက်ခဲနေဆဲ ဖြစ်သည်ဟု သိရသည်။

''အခုဆိုရင် ကလေးမြို့နဲ့ ဆက်သွယ်ထားတဲ့ ကလေးဝ၊ တမူး၊ ဂန့်ဂေါ၊ မုံရွာ၊ မန္တလေးလမ်းတွေ သွားလာလို့ရပါပြီ။ ရေပြန်ကျသွားတော့ ရေဘေးဒုက္ခသည်တွေ အားလုံးလဲ သူတို့နေထိုင်ရာဆီကို ပြန်ကြပါပြီ။ ဖောင်ကူးကျေးရွာက ဒုက္ခသည်အချို့ပဲ ကျန်တော့တယ်'' ဟု ကလေးမြို့နယ် အထွေထွေ အုပ်ချုပ်ရေးမှူး ဦးအေးနိုင်က ပြောကြားသည်။



နတ်တံခါးချောင်း တံတားကျိုးမှုကြောင့် ဒေသခံများ ခက်ခဲစွာ ဖြတ်ကူးနေရသည်ကို တွေ့ရစဉ်

လမ်းမကြီးများတွင် သွားလာ၍ ရပြီဖြစ်သော်လည်း ဒေသတွင်း လမ်းအချို့၌ တံတားကျိုးနေသဖြင့် သွားလာမှု ခက်ခဲနေဆဲ ဟုလည်း သိရသည်။ ''နတ်တခါးချောင်း တံတားက ကွန်ကရစ် တံတားကြီးပါ။ ဒါပေမဲ့ နတ်တံခါးချောင်း ရေကျတော့ ကျိုးသွားပြီး P5 အခန်းတစ်ခန်း ပါသွားတယ်။ ဟိုဘက်ရွာက ဒေသခံတွေ သွားလာမှု ခက်ခဲတယ်။ ရေစီးကသန်တယ်။ ဆိုင်ကယ်တွေကို ၀ါးလုံးနဲ့ လျှိုထမ်းရတယ်။ ရေကူးတတ်တဲ့ လူနှစ်ယောက်က ဘေးကအထိန်းနဲ့ ကူးကြရပါတယ်။ အန္တရာယ် အရမ်းများပါတယ်။ တံတားကိုလည်း ကူးလို့ရအောင် ယာယီကြိုးတံတား ဆောက်နေတယ်။ ကြိုးတံတား လုပ်နေရင်း ဦးဆောင်လုပ်ကိုင်တဲ့ သူတစ်ယောက် အောက်တိုဘာ ၂ ရက်က ရေထဲကျပြီး ဆုံးသွားတယ်'' ဟု ဒေသခံတစ်ဦးက ပြောကြားသည်။

ကလေးမြို့၏ အနောက်မြောက် ဒေသတွင်လည်း ဆည်ကြီးတံတားနှင့် ပြည်တော်သာ ကျေးရွာများတွင် တံတားများ တောင်ကျရေနှင့်အတူ မျောပါသွားမှုကြောင့် သွားလာမှု ခက်ခဲနေပြီး၊ နန်းကျင်းဆောင် ကျေးရွာနှင့် ရာဇဂြိုဟ်ရွာ ဖြတ်ကူးသော တံတားမှာလည်း ရေလမ်းကြောင်း ပြောင်းပြီး တောင်ကျရေ စီးမှုကြောင့် သွားလာမှု ခက်ခဲရကြောင်း သိရသည်။

EMG

Read More

တန်းတူဆက်ဆံမှု မရှိသောကြောင့် အမျိုးသမီးများ ဥပဒေပြုရေး၊ အုပ်ချုပ်ရေး၊ တရားစီရင်ရေး မဏ္ဍိုင်များတွင် ပါဝင်ခွင့် နည်းပါးနေကြောင်း ဒေါ်အောင်ဆန်းစုကြည် ပြောကြား

Created on Saturday, 05 October 2013


နိုင်ငံရေးတွင် အမျိုးသမီးများ၏ ဦးဆောင်မှု ခေါင်းစဉ်ဖြင့် ပြုလုပ်သော ဆွေးနွေးပွဲတွင် ဒေါ်အောင်ဆန်းစုကြည်မှ မိန့်ခွန်း ပြောကြားနေစဉ်

အမျိုးသား-အမျိုးသမီး တန်းတူရည်တူ မရှိခြင်း၊ ဒုတိယ လူတန်းစားအဖြစ် သတ်မှတ်ထားခြင်းကြောင့် ဥပဒေပြုရေး အုပ်ချုပ်ရေးနှင့် တရားစီရင်ရေးတို့တွင် အမျိုးသမီးများ အနေဖြင့် ပါဝင်ခွင့် နည်းပါးနေကြောင်း အမျိုးသား ဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က ပြောကြားသည်။

အမျိုးသား-အမျိုးသမီး တန်းတူရည်တူ အခွင့်အရေး ရရှိရေးအတွက် ဖွဲ့စည်းပုံကို ပြင်ဆင်ရမည် ဖြစ်ကြောင်း၊ ထိုသို့ ဖွဲ့စည်းပုံ အခြေခံဥပဒေ ပြင်ဆင်ရာတွင်လည်း ၇၅ ရာခိုင်နှုန်းကျော် ထောက်ခံမှ အတည်ဖြစ်သည့် အတွက် ၂၅ ရာခိုင်နှုန်း ဖြစ်သည့် တပ်မတော် သားများတွင် အမျိုးသမီး မပါဝင်ခြင်းမှာ အမျိုးသားများကို ပိုမိုအခွင့်အရေး ပေးထားကြောင်း ဒေါ်အောင်ဆန်းစုကြည်က ဆိုသည်။

ထို့အပြင် အမျိုးသမီးများ၏ အခွင့်အရေးများ ကာကွယ်ရန်နှင့် အမျိုးသားများ နည်းတူ အခွင့်အရေး တန်းတူရရှိရေး အတွက် ဥပဒေတစ်ခု ရေးဆွဲရန် လိုအပ်ကြောင်းလည်း ပြောကြားသည်။

အမျိုးသမီးများ အနေဖြင့်လည်း ရှေးရိုးဆွဲ မထားဘဲ မိမိကိုယ်မိမိ ယုံကြည်မှုရှိရန်၊ အရည်အချင်း ပြည့်ဝစေရန် အတွက် ဆောင်ရွက်ရန် လိုအပ်ကြောင်း အကြံပြုခဲ့သည်။

ဒေါ်အောင်ဆန်းစုကြည်သည် မိခင်ဖြစ်သူ ဒေါ်ခင်ကြည်၏ ဗိုလ်ချုပ်အောင်ဆန်းအား ဇနီးကောင်းအဖြစ် ထောက်ပံ့ပေးခဲ့သူ၊ သားသမီးများကိုလည်း မိခင်ကောင်း တစ်ဦးအဖြစ် ပြုစုပျိုးထောင် ပေးခဲ့သူတစ်ဦး ဖြစ်ကြောင်း အမျိုးသမီးများ အနေဖြင့် စံပြနမူနာယူရန် ၎င်း၏ မိခင်ကို ဥပမာပေး ပြောကြားသည်။

''ကျွန်မအနေနဲ့ တိုက်တွန်းချင်တာက မြန်မာနိုင်ငံအတွက် အဖြေတွေကို ရှာပါ။ အမျိုးသမီးတွေ နိုင်ငံရေးမှာ ပါဝင်နိုင်ခွင့် တစ်ခုတည်း မဟုတ်ဘဲ နိုင်ငံရေး ယဉ်ကျေးမှု ပို့ချပေးနိုင်ဖို့ပါ စဉ်းစားစေချင်ပါတယ်။ ယဉ်ကျေးမှုပုံစံ ဖြစ်လာတဲ့ အခါမှာ မြန်မာနိုင်ငံမှာ ဒီမိုကရေစီ လမ်းစဉ်ကို လုံလုံလောက်လောက် လုံခြုံစွာ ရောက်နေပြီလို့ ထင်ရအောင် အောင်မြင်ဖို့ အဖြေတွေကို ရှာပေးပါ။ ကြိုးစားပြီး ဆောင်ရွက်မယ်'' ဟု ဒေါ်အောင်ဆန်းစုကြည်က တိုက်တွန်း ပြောကြားသည်။

အဆိုပါ ဆွေးနွေးပွဲကို အောက်တိုဘာ ၄ ရက်နှင့် ၅ ရက်တို့တွင် နှစ်ရက်ကြာပြု လုပ်မည်ဖြစ်ပြီး အဆိုပါ ဆွေးနွေးပွဲသို့ ဒေါ်အောင်ဆန်းစုကြည် အပါအ၀င် အမျိုးသမီး လွှတ်တော်ကိုယ်စားလှယ်များ၊ အီးယူပါလီမန်မှ ကိုယ်စားလှယ်များ၊ လက်ရှိတွင် ၀န်ကြီးချုပ်အဖြစ် အမျိုးသမီးက ထမ်းဆောင်နေသော ဂျာမနီနိုင်ငံ၊ ထိုင်းနိုင်ငံ အပါအ၀င် နိုင်ငံ ၂၀ မှ နိုင်ငံတကာမှ အမျိုးသမီးလွှတ်တော် အမတ်များ၊ အမျိုးသမီး အဖွဲ့အစည်းများ တက်ရောက်ခဲ့သည်။

မြန်မာနိုင်ငံသည် ဒေါ်အောင်ဆန်းစုကြည်ကြောင့် အမျိုးသမီးကဏ္ဍတွင် အပြောင်းအလဲကြီးမားစွာ ဖြစ်ပေါ်လာနိုင်ကြောင်း အီးယူပါလီမန် ကိုယ်စားလှယ် Edit BAUER က မြန်မာနိုင်ငံ အမျိုးသမီးရေးရာနှင့် ပတ်သက်၍ The Daily Eleven သို့ ပြောကြားသည်။

EMG

Read More

ခွေးရူးပြန် ရောဂါရှိသည့်မြင်း အကိုက်ခံရမှုကြောင့် လူလေးဦး ဆေးရုံတက်ရ

Created on Saturday, 05 October 2013


သေဆုံးသွားသည့် ခွေးရူးပြန် ရောဂါရှိသည့် မြင်းအား တွေ့ရစဉ် (ဓာတ်ပုံ-ဒေါက်တာကျော်နိုင်ဦး)

ခွေးရူးပြန် ရောဂါရှိသည့် မြင်းကိုက်ခံရမှုကြောင့် ဆေးရုံတက်ရောက်ရသည့် လူနာလေးဦး ရှိနေကြောင်း အောက်တိုဘာ ၄ ရက် ည ၁၁ နာရီခွဲတွင် ရရှိသည့် သတင်းများအရ သိရသည်။

ခွေးရူးပြန် ရောဂါရှိသည့် မြင်းကိုက်ခံရမှုကြောင့် လက်ရှိတွင် အင်းစိန်အထွေထွေ ရောဂါကုဆေးရုံကြီး အမျိုးသမီး ခွဲစိတ်ကုသ ဆောင်တွင် အသက် (၄) နှစ်၊ (၆) နှစ်၊ (၂၈) နှစ်နှင့် (၂၀)နှစ်အရွယ် မိန်းကလေး လေးဦးတို့မှာ ဆေးကုသမှု ခံယူလျက်ရှိပြီး ညပိုင်းတွင် မြင်းသွားရည်၊ သွေးများနှင့် ထိမိခြင်းကြောင့် လူလေးဦး ထပ်မံရောက်ရှိ ခဲ့ကြောင်း၊ ရန်ကုန် ပြည်သူ့ ဆေးရုံကြီးတွင် ရှစ်နှစ်အရွယ် မိန်းကလေးတစ်ဦး နံနက်ပိုင်း၌ တက်ရောက် ကုသခဲ့ပြီး ယင်းနေ့၌ပင် ဆေးရုံမှ ဆင်းသွားကြောင်း သိရသည်။

ဖြစ်စဉ်မှာ အောက်တိုဘာ ၄ ရက် နံနက်ပိုင်း ၇ နာရီမှ စတင်ကာ မရမ်းကုန်းမြို့နယ် အမှတ်(၁)ရပ်ကွက်တွင် ခွေးရူးပြန်ရောဂါ ရှိသည်ဟု သံသယရှိသည့် မြင်းသည် ရပ်ကွက်အတွင်းရှိ လမ်းများသို့ ၀င်ထွက်၍ လမ်းပေါ်တွင် တွေ့ရှိသည့်လူနှင့် တွေ့သမျှ လှုပ်ရှားနေသည့် အရာများအား လိုက်လံကိုက်နေပြီး ကလေးငယ်များ၊ လူများအား ကိုက်ဆွဲကာ ကဆုန်ပေါက် ပြေးလွှားနေသည့် အတွက် ရပ်ကွက်အတွင်းရှိ ပြည်သူများက အဆိုပါ မြင်းအား ဖမ်းဆီးသတ်ဖြတ် ခဲ့ကြကြောင်း သိရသည်။



အဲဒီမြင်းက လွန်ခဲ့တဲ့ သုံးရက်လောက်က ခွေးရူးကိုက်ခံရတယ်။ အဲဒီရက်တွေကစပြီး မြင်းပိုင်ရှင်က သူ့မြင်းကို ကိုင်တွယ်လို့ မရတာ ကြိုးချည်လို့ မရတာ ထိန်းလို့ မရတာတွေ ဖြစ်တာတွေ့ခဲ့ရတယ်...




ယင်းသို့ ဖမ်းဆီးသတ်ဖြတ် ပြီးနောက် ရပ်ကွက်မှ တာဝန်ရှိသူများက အင်းစိန်မြို့နယ် မွေးမြူရေးနှင့် ကုသရေး ဦးစီးဌာနရှိ ဓာတ်ခွဲခန်းသို့ ယင်းမြင်းတွင် ခွေးရူးပြန်ရောဂါပိုး ရှိမရှိကို ဓာတ်ခွဲခန်းတွင် ပေးပို့စစ်ဆေးရာ ခွေးရူးပိုး စစ်ဆေးတွေ့ရှိခဲ့ကြောင်း သိရသည်။

''ကျွန်တော်တို့ဆီမှာ ဒီမြင်းသေကောင်ကို ဓာတ်ခွဲစစ်ဆေးခဲ့တဲ့ ရလဒ်တွေ အရကတော့ ဒီမြင်းမှာ ခွေးရူးပိုးကို တွေ့ရှိခဲ့ပါတယ်။ ဌာနကို ရောက်ရောက်ချင်း စစ်ဆေးခဲ့တာ ဒီနေ့ညနေမှာပဲ အဖြေထွက်တယ်'' ဟု မွေးမြူရေးနှင့် ကုသရေး ဦးစီးဌာန၊ ရောဂါပျံ့နှံ့မှု လေ့လာရေး ဌာနစိတ်မှ လက်ထောက် ညွှန်ကြားရေးမှုး ဒေါက်တာကျော်နိုင်ဦးက ပြောကြားသည်။



သေဆုံးနေသော ခွေးရူးပြန်ရောဂါရှိသည့် မြင်းအား တွေ့ရစဉ် (ဓာတ်ပုံ-ဒေါက်တာကျော်နိုင်ဦး)

''အဲဒီမြင်းကို ရာအိမ်မှူးတွေ၊ ဆယ်အိမ်မှူးတွေ၊ ရပ်ကွက်ကလူတွေ ပေါင်းပြီးတော့ မြင်းကိုဝိုင်းရိုက်ပြီး သတ်လိုက်တယ်။ နောက်ပြီး မြင်းကိုဓာတ်ခွဲ စမ်းသပ်ဖို့ မွေးမြူရေးနှင့် ကုသရေး ဦးစီးဌာန ဓာတ်ခွဲခန်းသို့ ပို့လိုက်တယ်။ ညနေ ၄ နာရီမှာ ရောဂါထိန်းချုပ်ရေး ဌာနမှ ဒုတိယ ညွှန်ကြားရေးမှူးဖြစ်သူ ဒေါက်တာ ဒေါ်အေးအေးမာက ဒီမြင်းမှာ ခွေးရူးရောဂါပိုး တွေ့တယ်လို့ အဖြေထွက်လာပါတယ်။ ည ၁၀ နာရီလောက်မှာ မြင်းသွားရည်နဲ့ သွေးနဲ့ ထိမိတဲ့လူ လေးယောက်ကိုတော့ အင်းစိန်ဆေးရုံကြီးကို ထပ်မံပို့လိုက်ပါတယ်'' ဟု (၁) ရပ်ကွက် အုပ်ချုပ်ရေးမှူးရုံးမှ ကိုတင်မောင်စိုးမှ ပြောကြားသည်။

''ကျွန်မက အဖွားအတွက် ဆေးဝယ်ဖို့ဆိုပြီး လမ်းထိပ်ကို ထွက်လာတယ်။ အဲဒီအချိန်မှာ မြင်းက ကျွန်မကို ၀င်တိုက်မိပြီး လဲသွားတဲ့ အချိန်မှာ ကျွန်မရဲ့ခြေထောက် အောက်ပိုင်းကို ကိုက်ခံလိုက်ရပါတယ်'' ဟု မြင်းကိုက်ခံရသူ (၄) လမ်းနေ အမျိုးသမီး တစ်ဦးက ပြောကြားသည်။

''အဲဒီမြင်းက လွန်ခဲ့တဲ့ သုံးရက်လောက်က ခွေးရူးကိုက်ခံရတယ်။ အဲဒီရက်တွေကစပြီး မြင်းပိုင်ရှင်က သူ့မြင်းကို ကိုင်တွယ်လို့ မရတာ ကြိုးချည်လို့ မရတာ ထိန်းလို့ မရတာတွေ ဖြစ်တာ တွေ့ခဲ့ရတယ်။ အဲဒီမြင်းက အစကတည်းက ရပ်ကွက်ထဲမှာ ဒီအတိုင်း လွှတ်ထားပြီးတော့ ရပ်ကွက်ထဲက လူတွေက အစာကျွေးတာတွေ လူတွေနဲ့ လက်ပွန်းတတီး နေတာတွေ ရှိတယ်။ ခုတလောမှ သူ့အမူအယာတွေက အရမ်းကြမ်းလာတယ်။ ပြီးတော့ ခုမနက် အစောပိုင်းကနေပြီး ရပ်ကွက်ထဲမှာ ကဆုန်ပေါက် လျှောက်ပြေးတယ်။ ပြီးကျ သူ့ရှေ့မှာ မြင်နေတဲ့ ကလေးတွေ ပစ္စည်းတွေကို ပါးစပ်နဲ့ကိုက်ပြီး လျှောက်ပြေး ရန်မူနေတယ်။ အဲဒါနဲ့ ကျွန်တော်တို့ ရပ်ကွက်ထဲက လူတွေကစုပြီး ၀ိုင်းဖမ်းပြီး ရိုက်သတ် လိုက်ကြတယ်။ ပြီးတော့ မွေးကု ဦးစီးဌာနကို ပို့လိုက်တယ်'' ဟု မရမ်းကုန်း (၁) ရပ်ကွက်နေသူ တစ်ဦးက ဆိုသည်။

အဆိုပါမြင်းသည် မြင်းထီးဖြစ်ပြီး မရမ်းကုန်းမြို့နယ်၊ (၁) ရပ်ကွက်တွင် နေထိုင်သူ တစ်ဦးက မွေးမြူထားခြင်း ဖြစ်သည်။

EMG

Read More

သံတွဲမြို့နယ်တွင် ပဋိပက္ခများ ထပ်မဖြစ်တော့ဘဲ သံသယကြောင့် တင်းမာမှု ဆက်ရှိနေ

Created on Friday, 04 October 2013


သံတွဲမြို့နယ် ဇီးကျွန်းကျေးရွာရှိ ကိုးန၀င်း မဟာဝိဟာရ ကျောင်းတိုက်တွင် ခိုလှုံနေကြရသော ဒေသခံရခိုင် တိုင်းရင်းသားများကို အောက်တိုဘာ ၄ ရက်က တွေ့ရစဉ် (ဓာတ်ပုံ- ၀င်းမြင့်ကျော်)

သံတွဲမြို့နယ်အတွင်း စက်တင်ဘာ ၂၉ ရက်က စတင်ဖြစ်ပွားခဲ့သည့် ပဋိပက္ခဖြစ်စဉ်မှာ အောက်တိုဘာ ၃ ရက်တွင် ဆက်လက်ဖြစ်ပွားမှု မရှိတော့ဘဲ ငြိမ်သက်နေသော်လည်း အတူယှဉ်တွဲ နေထိုင်နေသည့် ရခိုင်လူမျိုးများနှင့် ကမန်လူမျိုးတို့မှာ တစ်ဖက်နှင့် တစ်ဖက် သံသယ စိတ်များဖြင့် တင်းမာမှုများ ဖြစ်ပေါ်နေကြောင်း ဒေသခံများ၏ ပြောကြားချက်အရ သိရသည်။

ယင်းကဲ့သို့ ဖြစ်ပွားခဲ့သည့် ပဋိပက္ခ ဖြစ်စဉ်ကြောင့် သံတွဲမြို့နယ်ရှိ သဗြုချိုင်၊ ပေါက်တော၊ ရွှေလှေ၊ တလိုင်းတဲ၊ လင်းသည် စသည့် ကျေးရွာများရှိ နေအိမ်များ မီးရှို့ဖျက်ဆီးခံရကာ လူငါးဦးသေဆုံးပြီး အိမ်ထောင်စု ၁၀၃ စု၊ လူဦးရေ ၄၄၈ ဦး အိုးမဲ့အိမ်မဲ့ ဖြစ်ခဲ့ရသည်။ ပဋိပက္ခများကို စတင်ဖန်တီးသူများမှာ အနီးပတ်ဝန်းကျင်ရှိ ကျေးရွာများမှ လာရောက် ကျူးလွန်ခဲ့ခြင်းဖြစ်ပြီး မြို့ပေါ်နေထိုင်သူများနှင့် တိုက်ရိုက်သက်ဆိုင်ခြင်း မရှိကြောင်း ဒေသခံများက ဆိုသည်။

ပဋိပက္ခဖြစ်စဉ်ကြောင့် အများဆုံး ထိခိုက်ဆုံးရှုံးခဲ့သည့် ကျေးရွာများမှ ကမန်လူမျိုးများက အုပ်စုဖွဲ့ မီးရှို့ဖျက်ဆီးမှုတွင် ကျေးရွာများတွင် နေထိုင်နေသည့် ဒေသခံအချို့နှင့် အခြားကျေးရွာများမှ ဒေသခံများ ပါဝင်သည်ဟု ပြောကြားခဲ့သည်။ သို့သော် ဒေသခံရခိုင် လူမျိုးများကမူ ကျေးရွာအတွင်း နေထိုင်သည့် ရခိုင်လူမျိုးများ ပါဝင်ခြင်း မရှိသလို မည်သူပါဝင်သည်ကို သတိမထားဘဲ မိမိ၏ အသက်အန္တရာယ် ထိခိုက်မှု မရှိအောင် ကိုယ်လွတ်ရုန်း ထွက်ပြေးနေရသည်ဟု ပြောကြားသည်။



ဒီမှာက ရခိုင်နဲ့ ကမန်တိုင်းရင်းသားတွေ အတူယှဉ်တွဲ နေထိုင်တာ နှစ်အတော်လေးကြာပြီ။ တချို့အိမ်ထောင် စုတွေမှာဆိုရင် ရခိုင်ရော၊ ကမန်ပါ မိသားစုဝင်တွေ ရှိကြတယ်။ ဒီလိုဖြစ်သွားတော့ စိတ်မကောင်းဘူး...




လူနေအိမ် အများဆုံး မီးရှို့ဖျက်ဆီးခံရသည့် သဗြုချိုင်ဒေသခံ ကမန်လူမျိုး ဦးနေ၀င်းက ''အောက်တိုဘာ ၁ ရက်က ကျေးရွာထဲကို ဆင်ခေါင်းကျေးရွာ ဘက်ကနေ လူတစ်စုက ဆင်းလာပြီးတော့ တွေ့တဲ့အိမ်တွေ အကုန်လုံးကို မီးရှို့ဖျက်ဆီးခဲ့တယ်။ အဲဒီလိုဖြစ်စဉ် မဖြစ်ခင်ကတည်းက ဒီကျေးရွာမှာရှိတဲ့ ဒေသခံအချို့ကို လာပြီး စည်းရုံးလှုံ့ဆော် ကြတယ်။ ဒါကို ကျွန်တော်တို့ ရိပ်မိခဲ့တယ်။ သက်ဆိုင်ရာကိုလည်း အကြောင်းကြားခဲ့တယ်။ ဒါပေမဲ့ တကယ်တမ်း ဖြစ်လာတဲ့ အချိန် မှာ အဲဒီလူအုပ်ကြီးကို ရဲတပ်ဖွဲ့ဝင်တွေက သေနတ်ပစ်ဖောက်ပြီး ခြောက်လှန့်ခဲ့ပေမယ့်လည်း မထိန်းနိုင်ခဲ့ဘူး။ နောက်ကြာတော့ စစ်တပ်လာမှပဲ သူတို့ဆင်ခေါင်း ကျေးရွာဘက်ကိုပဲ ပြန်ဆုတ်သွားကြပါတယ်။ ဒီလို ဖြစ်စဉ်တွေ ထပ်မဖြစ်ဖို့ ဆိုတာက ပြစ်မှုကျူးလွန်တဲ့ တရားခံကို တရားဥပဒေအရ ထိထိရောက်ရောက် အရေးယူဖို့ လိုပါတယ်။ အခုဖြစ်သွားတဲ့ ပုံစံက တရားဥပဒေ စိုးမိုးမှု လုံးဝမရှိဘူးလို့တောင် ပြောလို့ရတယ်။ ကျေးရွာကိုဝင်ပြီး ဖျက်ဆီးတဲ့ သူတွေထဲမှာ ကျွန်တော်တို့နဲ့ ကျောင်းနေဖက် သူငယ်ချင်းတွေ၊ စီးပွားရေး လုပ်ဖော်ကိုင်ဖက်တွေ ပါဝင်နေတာ တွေ့ရတာ တော်တော်လေး အံ့သြမိတယ်။ ဒီလိုမျိုးတွေကြောင့် အရင်ကတည်းက အတူတူနေလာတဲ့ တိုင်းရင်းသားလူမျိုး အချင်းချင်း ယုံကြည်မှု မရှိတော့သလို သံသယစိတ်တွေလည်း အများကြီး ၀င်နေပါတယ်'' ဟု အောက်တိုဘာ ၄ ရက် မွန်းလွဲပိုင်းက ပြောကြားသည်။



သဗြုချိုင်ကျေးရွာရှိ ကမန်လူမျိုးများအား အောက်တိုဘာ ၄ ရက်က တွေ့ရစဉ် (ဓာတ်ပုံ-၀င်းမြင့်ကျော်)

ပဋိပက္ခ ဖြစ်ပွားနေချိန်တွင် ကမန်လူမျိုး အချို့က ရခိုင်လူမျိုးများကို ခြိမ်းခြောက်မှုများ ပြောကြားခဲ့သဖြင့် ကမန်လူမျိုးအများစု နေထိုင်သည့် ကျေးရွာအနီး နေထိုင်နေသည့် ဒေသခံရခိုင်လူမျိုးများက စိုးရိမ်မှုများဖြင့် နီးစပ်ရာ ဘုန်းကြီးကျောင်းများတွင် သွားရောက်နေထိုင် နေရကြောင်း သိရသည်။

''သဗြုချိုင် အလယ်ပိုင်းမှာ နေအိမ်တွေနဲ့ ဗလီမီးရှို့ ခံရတုန်းက ကျွန်မတို့ ဒေသခံတွေ ထွက်ကြည့်တဲ့အခါမှာ ကမန်လူမျိုးတချို့က ကျွန်မတို့ဘက်ကို လှည့်ပြီး ခြိမ်းခြောက်တယ်။ အဲဒါကြောင့် ကျွန်မတို့ ကျေးရွာမှာရှိတဲ့ ရခိုင်လူမျိုးတွေအားလုံး ရွာထဲမှာ မနေရဲတော့ဘူး။ အဲဒါကြောင့် အနီးနားမှာရှိတဲ့ န၀င်းကျောင်းတိုက်မှာ အားလုံးလာပြီး နေကြတယ်'' ဟု ဇီးကျွန်းကျေးရွာရှိ ကိုးန၀င်း မဟာဝိဟာရကျောင်းတွင် လာရောက်ခိုလှုံ နေသည့် ဒေါ်အေးကြူက ပြောကြားသည်။

ဒေသခံ ရခိုင်လူမျိုး ၂၁၄ ဦးမှာ အဆိုပါ ကိုးန၀င်း မဟာဝိဟာရကျောင်းတွင် လာရောက်ခိုလှုံနေပြီး အများစုမှာ နတ်မှော်ကျေးရွာနှင့် ပျဉ်ထောင်ကျေးရွာမှ ဖြစ်ကြောင်း သိရသည်။

''သံတွဲမြို့နယ် တစ်ခုတည်း မဟုတ်ဘူး။ တစ်နိုင်ငံလုံး ငြိမ်းငြိမ်းချမ်းချမ်း ဖြစ်စေချင်တယ်။ ငြိမ်းငြိမ်းချမ်းချမ်းနဲ့ နေနိုင်အောင်လို့လည်း လုပ်ပေးစေချင်တယ်။ မတော်တဆ မှားခဲ့တဲ့ ဖြစ်စဉ်တွေကို တတ်နိုင်သမျှ ညီညွတ်ပြီး အေးအေးဆေးဆေး ဖြေရှင်းစေချင်တယ်'' ဟု ကိုးန၀င်း မဟာဝိဟာရ ကျောင်းတိုက်မှ ကျောင်းထိုင် ဆရာတော်ကြီး ဦးဥတ္တမသီရိက မိန့်ကြားသည်။

လက်ရှိတွင် သံတွဲမြို့နယ်အတွင်း ပဋိပက္ခဖြစ်ပွားမှု တည်ငြိမ်သွားပြီ ဖြစ်သော်လည်း နှစ်ဖက်ဒေသခံ တိုင်းရင်းသားများက အပြန်အလှန် စိုးရိမ်မှုများကြောင့် လုံခြုံရေး တပ်ဖွဲ့ဝင်များ ယခုထက်ပို၍ ချထားပေးရန် လိုလားနေကြကြောင်း သိရသည်။ ဖြစ်စဉ် အများဆုံး သက်ရောက်ခဲ့သည့် ကျေးရွာများတွင် နေအိမ်များ မီးရှို့ခံရသည့် ဒေသခံများက ဆွေမျိုးသားချင်း နေအိမ်များတွင်သာ သွားရောက်နေထိုင် နေရကြောင်း သိရသည်။ လက်ရှိအချိန်အထိ တရားဝင် ကယ်ဆယ်ရေးစခန်း တစ်ခုမှ မရှိသေးကြောင်း ပဋိပက္ခ ဖြစ်ပွားခဲ့သည့် ကျေးရွာများသို့ သွားရောက် လေ့လာချက်အရ သိရသည်။



ပေါက်တောကျေးရွာရှိ နေအိမ်တစ်လုံးအား မီးရှို့ခံရပြီးနောက် တွေ့ရစဉ် (ဓာတ်ပုံ-၀င်းမြင့်ကျော်)

သဗြုချိုင်တောင်ပေါ်အပိုင်း ကျေးရွာခွဲ အုပ်ချုပ်ရေးမှူး ဦးမောင်မောင်ကြီး (ရခိုင်လူမျိုး) က ''ဒီမှာက ရခိုင်နဲ့ ကမန်တိုင်းရင်းသားတွေ အတူယှဉ်တွဲ နေထိုင်တာ နှစ်အတော်လေးကြာပြီ။ တချို့အိမ်ထောင် စုတွေမှာဆိုရင် ရခိုင်ရော၊ ကမန်ပါ မိသားစုဝင်တွေ ရှိကြတယ်။ ဒီလိုဖြစ်သွားတော့ စိတ်မကောင်းဘူး။ ဗုဒ္ဓဘာသာဝင်တွေအပြင် အခြားဘာသာ ၀င်တွေလည်း သတိရှိဖို့ လိုအပ်တယ်။ စည်းလုံးမှု ရှိဖို့လည်း လိုအပ်တယ်။ နောက်ကွယ်က သူတွေက ဘာသာရေး ဆက်နွှယ်ပြီးတော့ ပြဿနာ ကြီးထွားအောင် သွေးထိုးလှုံ့ဆော် နေတယ်လို့ပဲ သုံးသပ်ပါတယ်'' ဟု အောက်တိုဘာ ၄ ရက် ညနေပိုင်းက ပြောကြားသည်။

''ကျွန်တော်တို့ ရွာမှာရှိတဲ့ နေအိမ်တွေရဲ့ အိမ်ရှေ့တွေမှာ သာသနာ့အလံတွေ ထောင်ထားတယ် ဆိုတာက ဘာအကြောင်းရင်းမှ မရှိဘူး။ အဓိက ဆွမ်းလောင်း ပွဲတော်ကာလ ရောက်တော့မှာမို့လို့ နှစ်တိုင်း လုပ်နေကျ အထိမ်းအမှတ်အဖြစ် သာသနာ့အလံ ထောင်တာဖြစ်ပါတယ်'' ဟု သဗြုချိုင်ရွာမှ ဒေသခံ ရခိုင်လူမျိုး ဦးတင်သောင်းက ပြောကြားသည်။

ယင်းဖြစ်စဉ်အတွင်း လူသေဆုံးမှုနှင့် ဒဏ်ရာရရှိမှု ဖြစ်စဉ်အပေါ် ကျူးလွန်သည်ဟု ယူဆရသူ ငါးဦးကို ဖမ်းဆီးစစ်ဆေးနေကြောင်း သံတွဲခရိုင် ရဲတပ်ဖွဲ့မှူး ဒုတိယရဲမှူးကြီး ကျော်တင့်က အောက်တိုဘာ ၄ ရက် ညနေက ပြောကြားသည်။

EMG

Read More

နာမည်ကြီးထိပ်တန်း ကုမ္ပဏီကြီးများ အခွန်ရှောင်တိမ်းမှုကို ပြန်လည်စစ်ဆေးနေပြီး အခွန်ရှောင် ကုမ္ပဏီများအား ဥပဒေအရ အရေးယူသွားမည်

Created on Friday, 04 October 2013

ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးဝင်းရှိန် မီဒီယာများ၏ မေးမြန်းမှုကို ဖြေကြားနေစဉ်

ဆောက်လုပ်ရေး လုပ်ငန်းများ အပါအ၀င် နာမည်ကြီး ထိပ်တန်း ကုမ္ပဏီကြီးများ အခွန်ရှောင်တိမ်းမှုကို ပြန်လည် စစ်ဆေးနေပြီး အခွန်ရှောင်တိမ်းသည့် ကုမ္ပဏီများအား ဥပဒေအရ အရေးယူမည်ဟု ဘဏ္ဍာရေး ၀န်ကြီးဌာန ပြည်ထောင်စုဝန်ကြီး ဦးဝင်းရှိန်က အောက်တိုဘာ ၄ ရက်တွင် သတင်းထောက်များသို့ ပြောကြားသည်။

အောက်တိုဘာ ၄ ရက်က ပြုလုပ်သည့် ပြည်ထောင်စု လွှတ်တော် အစည်းအဝေးအပြီး သတင်းထောက်များ မေးမြန်းသည့် ဆောက်လုပ်ရေး ကုမ္ပဏီများ အပါအ၀င် နာမည်ကြီး ကုမ္ပဏီများ၏ အခွန်ရှောင်မှုများကို မည်သို့ ဆောင်ရွက်မည်ကို ပြန်လည် ဖြေကြားရာတွင် ထည့်သွင်း ပြောကြားခဲ့ခြင်း ဖြစ်သည်။

ဘဏ္ဍာရေး ၀န်ကြီးဌာန၊ ပြည်ထောင်စုဝန်ကြီး ဦးဝင်းရှိန်က ပြန်လည် ဖြေကြားရာတွင်'' အခွန်တွေနဲ့ ပတ်သက်ပြီး ၀င်ငွေခွန်တို့၊ ကုန်သွယ်လုပ်ငန်းခွန်တို့ အားလုံးက ခုနက ပြောတဲ့အတိုင်းပဲ လစ်ဟာနေတဲ့ ဟာတွေရှိတယ်။ ဒီဟာနဲ့ ပတ်သက်လို့ ဆောင်သင့်၊ ဆောင်ထိုက်တဲ့ဟာတွေ မဆောင်ရွက်ရင် အခွန်ကြပ်မတ်ရေး အဖွဲ့က တစ်ခုချင်းပြန်လိုက် ဆွေးနွေးနေတာ ဖြစ်ပါတယ်။ လုပ်ငန်းတွေ အားလုံးကို ပြန်လိုက် ဆွေးနွေးနေတာ ဖြစ်ပါတယ်။ အဲဒါတွေနဲ့ ပတ်သက်ပြီးတော့လည်း အခွန်ပြန်ဆောင်လာဖို့ လမ်းကြောင်းကို ပြန်တင်နေတာ ဖြစ်ပါတယ်။ ဒါ့ကြောင့်လည်း အခွန်ရငွေတွေ တက်လာတာ ဖြစ်ပါတယ်'' ဟု ပြန်လည် ဖြေကြားသည်။

ဆက်လက်၍ ဦးဝင်းရှိန်က ''ကျွန်တော် ခုနက ပြောပြီးပါပြီ။ အခွန်စိစစ် ထိန်းကွပ်ရေး အဖွဲ့က တစ်ဖွဲ့ချင်း လိုက်ဆွေးနွေးနေတာ ရှိတယ်။ ဘယ်အဖွဲ့တွေကတော့ ရသင့်ရထိုက် တာတွေကို အရှုံးပြနေသလား။ အဲဒါနဲ့ ပတ်သက်ပြီး အခွန်ဆိုင်ရာ စိစစ်ကြပ်မတ်ရေးအဖွဲ့ သူရဦးသောင်းလွင် ဦးစီးတဲ့ အဖွဲ့က တစ်ခုချင်း လိုက်စစ်ဆေးနေတာ ဖြစ်ပါတယ်။ ဒါတွေ တွေ့လာမှာပါ'' ဟု ပြောကြားသည်။



စစ်ဆေးတွေ့ရှိချက်ဆိုတာ အားလုံးကလည်း ခုနက ကျွန်တော်ပြောသလိုပဲ အခွန်မဆောင်တဲ့ သူတွေ အခွန်ဆောင်လာဖို့နဲ့ လွတ်နေတာတွေ ရှိရင်လည်း ဘာတွေလွတ်နေလဲ ဆိုတာ ပြန်လည်စိစစ်နေတဲ့ အပိုင်းပေါ့။ အရေးယူတာက နောက်တစ်ပိုင်းပေါ့။ လက်ရှိ အနေအထားမှာ တကယ်တမ်း အခွန်လွတ်နေတာ ဟုတ်သလား။ ဆောင်သင့် သူတွေရော ဆောင်ရဲ့လား...




ထို့နောက် သတင်းထောက်များက အခွန်တိမ်းရှောင်သည့် ကုမ္ပဏီများအား ဥပဒေအရ အရေးယူသွားရန် ရှိမရှိ မေးမြန်းခဲ့ရာ ဦးဝင်းရှိန်က ဆက်လက်၍ ''ဥပဒေအရ လုပ်ရမှာပေါ့။ အခွန်ဥပဒေမှာ ပါတဲ့ဟာ၊ ၀င်ငွေခွန် ဥပဒေမှာ ပါတဲ့ဟာ၊ ကုန်သွယ်လုပ်ငန်းခွန် ဥပဒေမှာ ပါတဲ့ဟာ နောက်တစ်ခါ လုပ်ထုံးလုပ်နည်းတွေ အဲဒီအပေါ်မှာ မူတည်ပြီး ကျွန်တော်တို့ ဆောင်ရွက်သွားမယ်'' ဟု ဆိုသည်။

ဆက်လက်၍ ဦးဝင်းရှိန်က ''စစ်ဆေးတွေ့ရှိချက်ဆိုတာ အားလုံးကလည်း ခုနက ကျွန်တော်ပြောသလိုပဲ အခွန်မဆောင်တဲ့ သူတွေ အခွန်ဆောင်လာဖို့နဲ့ လွတ်နေတာတွေ ရှိရင်လည်း ဘာတွေလွတ်နေလဲ ဆိုတာ ပြန်လည်စိစစ်နေတဲ့ အပိုင်းပေါ့။ အရေးယူတာက နောက်တစ်ပိုင်းပေါ့။ လက်ရှိ အနေအထားမှာ တကယ်တမ်း အခွန်လွတ်နေတာ ဟုတ်သလား။ ဆောင်သင့် သူတွေရော ဆောင်ရဲ့လား။ ဆောင်ကို ဆောင်ရမယ်ဆိုတဲ့ လမ်းကြောင်းပေါ် တင်နေတာပါ'' ဟု ဆိုသည်။

အခွန်ရှောင်တိမ်း သူများအား အရေးယူမည်ဆိုလျှင် လက်ရှိတည်ဆဲ အခွန်ဥပဒေ အရသော် လည်းကောင်း၊ ကုမ္ပဏီကြီး နှစ်ခုအား အရေးယူခဲ့ဖူးသည့် ဖြစ်စဉ်အရ သော်လည်းကောင်း တမင်ကြံရွယ်၍ စာရင်းလိမ်လည်ပြကာ အခွန်တိမ်းရှောင် ထားပါက ကုန်သွယ်လုပ်ငန်းခွန် ဖြစ်စေ၊ ၀င်ငွေခွန် ဖြစ်စေ နှစ်အကန့်အသတ်မရှိ နောက်ကြောင်းပြန် စစ်ဆေးကာ အခွန်ပြန်လည် ကောက်ခံခွင့်ရှိကြောင်း၊ ပုံမှန်အတိုင်း မကြံရွယ်ဘဲ အခွန်ရှောင်တိမ်းသလို ဖြစ်ခဲ့သည် ဆိုလျှင်ပင် သုံးနှစ်စာ နောက်ကြောင်းပြန် အခွန်ချခွင့် ရှိနေသည်။

Forever Group နှင့် Sky Net ရုပ်သံလိုင်း တည်ထောင်ထားသည့် ရွှေသံလွင် မီဒီယာတို့၏ အခွန်ပေးဆောင်မှု အခြေအနေများနှင့် ပတ်သက်၍ ကုန်သွယ်လုပ်ငန်းခွန် ပေးဆောင်မှု အပေါ်တွင် သတ်မှတ်ချက်များအတိုင်း လုပ်ဆောင်ခြင်း ရှိမရှိအပေါ် ဝေဖန်မှုများ ရှိနေပြီး ဆောက်လုပ်ရေး ကုမ္ပဏီပေါင်း ၁၀၀၀ ကျော်တွင် ၃၅ ခုသာ အခွန်ပေးဆောင် စာရင်းတွင် ပါဝင်လာမှု၊ Shine, Father Land, Mother Land, Naing Group, တော်ဝင်မိသားစု ဆောက်လုပ်ရေး ကုမ္ပဏီကဲ့သို့ ဆောက်လုပ်ရေး ကုမ္ပဏီကြီးများ ထိပ်တန်း အခွန်ဆောင် စာရင်းတွင် မပါဝင်မှု၊ အခြားကဏ္ဍ များတွင်လည်း ဒဂုံအင်တာနေရှင်နယ်ကဲ့သို့ နာမည်ကျော် ကုမ္ပဏီကြီးအချို့ ထိပ်တန်းအခွန်ထမ်း စာရင်းတွင် မပါဝင်မှုများမှာလည်း အများပြည်သူကြားတွင် ဝေဖန်မှု ရှိနေကြောင်း သိရသည်။

EMG

Read More

နိုင်ငံတော်၏ နိုင်ငံခြားသုံး သီးသန့်ငွေမှာ အမေရိကန်ဒေါ်လာ ၇ ဒသမ ၆ ဘီလျံခန့်ရှိပြီး ၁၁ ဘီလျံရှိသော ငွေစာရင်းငါးခုနှင့် ဆက်စပ်သက်ဆိုင်ခြင်း မရှိသည့်အပြင် အဆိုပါ ငွေစာရင်းငါးခု အကြောင်းကို မသိရှိဟု ဗဟိုဘဏ်ဥက္ကဋ္ဌ လွှတ်တော်သို့ လာရောက်ရှင်းလင်း

 Created on Friday, 04 October 2013


အောက်တိုဘာ ၄ ရက်က ကျင်းပခဲ့သော ပြည်ထောင်စု လွှတ်တော် အစည်းအဝေး တွေ့ရစဉ်

နိုင်ငံတော်၏ နိုင်ငံခြားသုံး သီးသန့်ငွေမှာ အမေရိကန်ဒေါ်လာ ၇ ဒသမ ၆ ဘီလျံ ခန့်သာရှိပြီး ၁၁ ဘီလျံရှိသည့် ငွေစာရင်း ငါးခုနှင့် ဆက်စပ်သက်ဆိုင်ခြင်း မရှိသည့်အပြင် အဆိုပါ ၁၁ ဘီလျံရှိသည့် ငွေစာရင်း ငါးခုအကြောင်းကို မသိရှိဟု ပြည်ထောင်စု လွှတ်တော်၌ မြန်မာနိုင်ငံတော် ဗဟိုဘဏ်ဥက္ကဋ္ဌ ဦးကျော်ကျော်မောင်က ရှင်းလင်းပြောကြားသည်။

အောက်တိုဘာ ၄ ရက်က ပြုလုပ်သော ပြည်ထောင်စု လွှတ်တော် အစည်းအဝေးတွင် ပြည်တွင်းပုဂ္ဂလိက သတင်းစာဆောင်းပါး တစ်ခုတွင် ပါရှိခဲ့သည့် ''အမေရိကန်ဒေါ်လာ ၁၁ ဘီလျံထိရှိသော ဘဏ်စာရင်းငါးခုကို နိုင်ငံခြား ဘဏ်များတွင် မြန်မာနိုင်ငံက အပ်နှံထားသည့် အတွက် မြန်မာနိုင်ငံအပေါ် ကမ္ဘာ့ဘဏ်က အကြွေးလျှော် မပေးခဲ့ခြင်း'' ဆိုသည့် အချက်နှင့် စပ်လျဉ်း၍ ဗဟိုဘဏ် ဥက္ကဋ္ဌက လာရောက်ရှင်းလင်း ခဲ့ခြင်းဖြစ်သည်။

မြန်မာနိုင်ငံ၏ နိုင်ငံခြားသုံး သီးသန့်ငွေများကို မြန်မာနိုင်ငံတော် ဗဟိုဘဏ်၊ နိုင်ငံပိုင်ဘဏ်နှင့် ပုဂ္ဂလိက ဘဏ်များ၏ ပြည်ပရှိ ၎င်းတို့နှင့် အဆက်အသွယ် ဘဏ်များတွင် ဘဏ်ငွေစာရင်းများ ဖွင့်လှစ်၍ အပ်နှံထားကြောင်း၊ အဆိုပါ ငွေကြေးများကို မြန်မာနိုင်ငံ၏ ပြည်ပစီးပွားရေးနှင့် ကုန်သွယ်ရေးဆိုင်ရာ ဆောင်ရွက်ချက်များအတွက် နေ့စဉ်ပေးချေမှုနှင့် စာရင်းရှင်းလင်းမှုများ အတွက် အသုံးပြုကြောင်း၊ ပြည်ပရှိ ဘဏ်ငွေစာရင်း လက်ကျန်များနှင့် ပြည်တွင်းဘဏ်များ လက်ဝယ်ရှိ နိုင်ငံခြားသုံး ငွေလက်ကျန်ငွေသား စုစုပေါင်းမှာ ၂၀၁၃ ခုနှစ် စက်တင်ဘာ ၁၀ ရက် အထိ အမေရိကန်ဒေါ်လာ ၇ ဒသမ ၆ ဘီလျံ ခန့်ရှိကြောင်း ဗဟိုဘဏ် ဥက္ကဋ္ဌက ဆိုသည်။

''ယခုပြောဆို နေကြတဲ့ ၁၁ ဘီလျံရှိတဲ့ ငွေစာရင်း ငါးခုအကြောင်းကို ကျွန်တော်တို့ မသိရှိပါ။ ကျွန်တော်တို့ အနေနဲ့ နိုင်ငံ၏ ၂၀၁၃ ခုနှစ် စက်တင်ဘာ ၁၀ ရက်အထိ နိုင်ငံခြားသုံး သီးသန့်ငွေ အမေရိကန်ဒေါ်လာ ၇ ဒသမ ၆ ဘီလျံခန့်သာ ရှိကြောင်း တင်ပြအပ်ပါတယ်။ သို့ဖြစ်၍ ဗဟိုဘဏ်၊ နိုင်ငံပိုင်ဘဏ်တွေနဲ့ ပုဂ္ဂလိက ဘဏ်တွေမှာရှိတဲ့ နိုင်ငံခြားသုံး သီးသန့်ငွေ လက်ကျန်ပမာဏနဲ့ အခုပြောဆို နေကြတဲ့ ၁၁ ဘီလျံရှိတဲ့ ငွေစာရင်း ငါးခုတို့ဟာ ဆက်စပ်သက်ဆိုင်ခြင်း မရှိပါကြောင်း တင်ပြအပ်ပါတယ်'' ဟု ဗဟိုဘဏ်ဥက္ကဋ္ဌ ဦးကျော်ကျော်မောင်က ပြောကြားသည်။

အလားတူ ဘဏ္ဍာရေး ၀န်ကြီးဌာန ပြည်ထောင်စုဝန်ကြီး ဦးဝင်းရှိန်က လွှတ်တော်၌ ပြောကြားရာတွင် အမေရိကန်ဒေါ်လာ ၁၁ ဘီလျံရှိသော ဘဏ်စာရင်း ငါးခုကို နိုင်ငံခြားဘဏ်များတွင် မြန်မာနိုင်ငံမှ အပ်နှံထားသည့် အတွက် မြန်မာနိုင်ငံအပေါ် ကမ္ဘာ့ဘဏ်မှ အကြွေးလျှော်မပေးခဲ့ခြင်း ဖြစ်ကြောင်း ကမ္ဘာ့ဘဏ် အာရှဒေသဆိုင်ရာ ဒါရိုက်တာ Mr.Jelson Garcia က စက်တင်ဘာ ၁၀ ရက်တွင် ပြောကြားခဲ့ကြောင်း သတင်းစာနယ်ဇင်းများ၏ ဖော်ပြရေးသားချက် ပေါ်ထွက်ခဲ့ကြောင်း၊ အဆိုပါ ရေးသားချက်သည် မှန်ကန်မှု မရှိကြောင်း၊ သို့ဖြစ်၍ ပြည်သူလူထုက အဖြစ်မှန် သိရှိနိုင်ရန် သတင်းမီဒီယာများနှင့် တွေ့ဆုံရှင်းလင်းခဲ့ကြောင်း ပြောကြားသည်။

ထို့နောက် မြန်မာနိုင်ငံ အနေဖြင့် ကမ္ဘာ့ဘဏ် အပေါ်တွင် တင်ရှိနေသော ကြွေးမြီရှင်းလင်းရာတွင် အာရှဖွံ့ဖြိုးရေးဘဏ်၊ ကမ္ဘာ့ဘဏ်တို့၏ အကြံပြုချက် နည်းလမ်း လေးခုအနက် မြန်မာနိုင်ငံမှ အခြားအဖွဲ့အစည်း၊ နိုင်ငံတစ်ခုခုထံမှ ကာလတို ပေါင်းကူးချေးငွေ ရယူပြီး ပေးဆပ်ရှင်းလင်းခြင်း နည်းလမ်းအား အသုံးပြုခဲ့ပြီး ကြွေးမြီများအား ပေးဆပ်ရှင်းလင်း ခဲ့ကြောင်း ဦးဝင်းရှိန်က ပြောကြားသည်။

ဆက်လက်၍ Mr.Jelson Garcia သည် ကမ္ဘာ့ဘဏ် အဖွဲ့အစည်းနှင့် သက်ဆိုင်ခြင်း မရှိဘဲ ကမ္ဘာ့ဘဏ် ကိုယ်စားပြု ပြောရေးဆိုခွင့်ရှိသူ မဟုတ်ကြောင်း ကမ္ဘာ့ဘဏ်မှ သတင်းထုတ်ပြန်ချက်အား ဖတ်ကြား ရှင်းလင်းခြင်း၊ ကမ္ဘာ့နိုင်ငံ အသီးသီးတွင် နိုင်ငံခြား အရန်ငွေကြေး တရားဝင် ထိန်းသိမ်းထားရှိကြပြီး မိမိနှင့် အဆက်အသွယ်ပြုရာ ဘဏ်များ၌ ငွေစာရင်း ဖွင့်လှစ်ကာ ကုန်သွယ်မှုဆိုင်ရာ ငွေပေးငွေယူ ကိစ္စများ ဆောင်ရွက်ကြသည့် အခြေအနေများ၊ မြန်မာနိုင်ငံ အနေဖြင့်လည်း တရားဝင် နိုင်ငံခြားအရန် ငွေကြေးကိုသာ ဗဟိုဘဏ်၊ အစိုးရဘဏ်နှင့် နိုင်ငံခြားဘဏ်များတွင် စာရင်းဖွင့်လှစ် ထားရှိခြင်းဖြစ်ကြောင်း စသည်တို့ကို ပြည်ထောင်စုဝန်ကြီး ဦးဝင်းရှိန်က ရှင်းလင်းပြောကြားသည်။

''မြန်မာနိုင်ငံက ၁၁ ဘီလျံရှိတဲ့ ငွေစာရင်းငါးခုကို နိုင်ငံခြား ဘဏ်များတွင် အပ်နှံထားသည့်အတွက် ကမ္ဘာ့ဘဏ်က မြန်မာနိုင်ငံအပေါ် အကြွေးလျှော်မပေး ခဲ့ခြင်းဆိုသည့် ဖော်ပြချက်မှာ မှားယွင်းပြီး ကမ္ဘာ့ဘဏ်၏ ကြွေးမြီရှင်းလင်းရေး လုပ်ငန်းစဉ်များအား ကမ္ဘာ့ဘဏ်၏ စည်းမျဉ်းစည်းကမ်း၊ လုပ်ထုံးလုပ်နည်းနှင့်အညီ မြန်မာနိုင်ငံအတွက် အသက်သာဆုံး၊ အဆင်ပြေဆုံးနှင့် လျင်မြန်စွာ ဖြေရှင်းနိုင်သည့် နည်းလမ်းကို ဆုံးဖြတ်ရွေးချယ် ဆောင်ရွက်ခဲ့ခြင်း ဖြစ်ပါတယ်'' ဟု ဆိုသည်။

ထိုကဲ့သို့ ဘဏ္ဍာရေး ၀န်ကြီးဌာန ပြည်ထောင်စုဝန်ကြီးနှင့် မြန်မာနိုင်ငံတော် ဗဟိုဘဏ် ဥက္ကဋ္ဌတို့၏ ၁၁ ဘီလျံနှင့် ပတ်သက်၍ လွှတ်တော်၌ ရှင်းလင်းတင်ပြမှုအား ရှင်းလင်းမှု မရှိဟု ယူဆသည့် လွှတ်တော် ကိုယ်စားလှယ်ရှိပါက မေးမြန်းနိုင်ကြောင်း ပြည်ထောင်စု လွှတ်တော်နာယက သူရဦးရွှေမန်းက ပြောကြားခဲ့ရာ အမျိုးသား ဒီမိုကရေစီ အဖွဲ့ချုပ်မှ ပုသိမ်မဲဆန္ဒနယ် ပြည်သူ့လွှတ်တော် ကိုယ်စားလှယ် ဦးဝင်းမြင့်က ''ကျွန်တော်တို့ဒီမှာ သက်ဆိုင်ရာ ပြည်ထောင်စု ၀န်ကြီးနဲ့ ဗဟိုဘဏ်က ရှင်းလင်းတဲ့ အခါမှာ မစ္စတာ Mr.Jelson Garcia ရဲ့ ပြောကြားမှုကို ရှင်းလင်းတာ တွေ့ရပါတယ်။ ကြွေးမြီရှင်းလင်းရန် နည်းလမ်းလေးခုရဲ့ အားသာချက် အားနည်းချက်တွေကို ရှင်းလင်းတာလည်း တွေ့ရပါတယ်။ ကမ္ဘာဘဏ်ရဲ့ သတင်းထုတ်ပြန် ချက်ကိုသာ ရှင်းလင်းခြင်းဖြစ်ပြီး ကြွေးမြီရှင်းလင်းပြီးစီးမှု အခြေအနေများကို ရှင်းလင်းတာ တွေ့ရပါတယ်။ ပြည်ပဘဏ်များမှာ မြန်မာနိုင်ငံမှ ဘဏ်စာရင်း ငါးခုနဲ့ အပ်နှံထားတဲ့ ငွေပမာဏ အမေရိကန်ဒေါ်လာ ၁၁ ဘီလျံနဲ့ စပ်လျဉ်းပြီးတော့ ပြည်သူများကြားမှာ ရပ်ထဲရွာထဲမှာ သူထက်ငါ အလုအယက် စိတ်ဝင်စားနေတဲ့ ကိစ္စဖြစ်ပါတယ်။ ဒါကို ကျွန်တော်တို့ ပြည်ထောင်စု လွှတ်တော် ကိုယ်စားလှယ်များ အနေနဲ့ ဥပက္ခာပြုလို့ မရပါဘူး။ နောက်တစ်ခုက ပြည်ထောင်စု အစိုးရအဖွဲ့ ဥပဒေပုဒ်မ ၄ မှာ နိုင်ငံတော် သမ္မတက ပြည်ထောင်စု လွှတ်တော်အား တာဝန်ခံရမှုဆိုတဲ့ ပုဒ်မလည်း ရှိပါတယ်။ ဒါကြောင့်မို့လို့ ပြည်ထောင်စုလွှတ်တော် ကိုယ်စားလှယ် တစ်ယောက်အနေနဲ့ ရှင်းလင်းချက် အပေါ်မှာ ကျွန်တော်တို့ မရှင်းလင်း သိချင်တာလေးတွေကို မေးခွင့်ပြုတဲ့ အတွက်လည်း ကျေးဇူးအများကြီး တင်ပါတယ်။ ပြည်ပဘဏ်များမှာ မြန်မာနိုင်ငံက ဘဏ်စာရင်း ငါးခုနဲ့ အပ်နှံထားတဲ့ အမေရိကန်ဒေါ်လာ ၁၁ ဘီလျံရှိကြောင်း မီဒီယာတွေမှ သိရှိရတယ်ဆိုတာ ကျွန်တော်တို့ မီဒီယာတွေပြောမှ သိရပါတယ်။ ဒီဟာက အများပြည်သူ အကျိုးစီးပွား တိုင်းပြည်ရဲ့ ဂုဏ်သိက္ခာနဲ့ ဆက်စပ်နေလို့ တရားဥပဒေ စိုးမိုးရေးနဲ့လည်း ပတ်သက်နေပါတယ်။ ကောင်းမွန်တဲ့ အုပ်ချုပ်ရေးနဲ့ သန့်ရှင်းတဲ့ အစိုးရဖြစ်ဖို့ဆိုရင် ပွင့်လင်းမြင်သာမှုနဲ့ တာဝန်ယူမှု၊ တာဝန်ခံမှု ရှိရမှာ ဖြစ်ပါတယ်။ ဒါကြောင့် ဒီလိုကိစ္စမျိုးကို ယခင်က ဘာကြောင့်များ မရှင်းလင်း၊ မထုတ်ပြန်ခဲ့သလဲ ကျွန်တော် မရှင်းလို့ သိချင်ပါတယ်။ နောက်တစ်ချက်က အခုရှင်းတဲ့ အခါမှာ ၁၁ ဘီလျံကိစ္စနဲ့ စပ်လျဉ်းပြီး ဖြေကြားရာမှာ ဒီကိစ္စ ပါမသွားပါဘူး။ နဂို ကျွန်တော်တို့ ဂျာနယ်တွေမှာ တွေ့ရတာက အမျိုးမျိုး ကွဲပြားခြားနား နေပါတယ်။ ဥပမာ ပြောမယ်ဆိုရင် အဲဒီတုန်းက ဘဏ္ဍာ/ အခွန်ဝန်ကြီးက ၇ ဒသမ ၆ ဘီလျံလို့ ပြောပါတယ်။ မြန်မာနိုင်ငံ ရင်းနှီးမြှုပ်နှံမှု ကော်မရှင် အဖွဲ့ဝင် တစ်ဦးကတော့ ၇ ဘီလျံလို့ ပြောပါတယ်။ ဗဟိုဘဏ်ဥက္ကဋ္ဌက ၇ ဒသမ ၆ ဘီလျံလို့ ပြောပြန်တယ်။ ပြီးတော့ ပြန်ကြားရေး ဒုတိယ၀န်ကြီးက အစိုးရအနေနဲ့ နိုင်ငံပိုင်ငွေကို အဲဒီလိုပြည်ပမှာ အပ်ထားတာ လုံးဝမရှိပါဘူးလို့ ဖြေကြားပါတယ်။ ဒါကြောင့်မို့လို့ အဘယ့်ကြောင့် ကိန်းဂဏန်းက အမျိုးမျိုး ကွဲပြားနေပါသလဲ။ ဘယ်သူ့ ပြောကြားချက်က ပြည်သူတွေ၊ ပြည်ထောင်စုလွှတ်တော် ကိုယ်စားလှယ်တွေ၊ အမှန်လို့ ထင်မြင်ယူဆ ရပါမလဲ။ ဒါကို သိလိုပါတယ်။ ဒါ့အပြင် နိုင်ငံပိုင်၊ နိုင်ငံခြားရန်ပုံငွေကိုသာ ပြောကြားတာ ဖြစ်ပြီးတော့ ဒီ ၇ ဒသမ ၆ ဘီလျံကိုသာ ဖြေရှင်းပြောကြားတာ ဖြစ်ပြီးတော့။ ဒါဖြင့် ၃ ဒသမ ၄ ဘီလျံက ဘယ်သူပိုင်ငွေ ဖြစ်သလဲ။ ဘယ်လုပ်ငန်း အမျိုးအစားတွေက ရပြီးတော့ ဘယ်လိုငွေ အမျိုးအစားတွေ ဖြစ်သလဲ။ ဒါတွေကိုလည်း သိဖို့လိုပါတယ်။ဘာဖြစ်လို့လဲဆိုတော့ နိုင်ငံတော်ပိုင်ငွေ ဆိုတာဟာ ပြည်သူပိုင်ငွေ ဖြစ်ပါတယ်။ တိုင်းပြည်ရဲ့ ရန်ပုံငွေဆိုတာ၊ ပြည်သူပိုင်ငွေဆိုတာ တစ်ဦးတစ်ယောက်ပိုင်တဲ့ ပစ္စည်းလည်း မဟုတ်ပါဘူး။ အမွေခံ ပစ္စည်းလည်း မဟုတ်ပါဘူး။ ပြည်သူအားလုံး ပိုင်ငွေဖြစ်တဲ့ အတွက်ကြောင့် လူထုကို ရှင်းလင်းတိကျစွာ အသိပေးဖို့လည်း လိုအပ်ပါတယ်။ ဒါကြောင့်မို့ ဒီကိစ္စနဲ့ စပ်လျဉ်းပြီး နိုင်ငံတော်က ပွင့်လင်းမှန်ကန်စွာ အရေးယူ ဆောင်ရွက်နိုင်မယ်ဆိုရင် နိုင်ငံ့ဘဏ္ဍာငွေ တစ်နည်းအားဖြင့် ပြည်သူ့ဘဏ္ဍာငွေ ဆုံးရှုံးမှုမရှိမယ့်အပြင် ကမ္ဘာ့အလယ်မှာ ကျွန်တော်တို့ နိုင်ငံရဲ့ ပုံရိပ်ပါ တင့်တယ်မှာ ဖြစ်တဲ့အတွက် ဒီဟာလေးတွေနဲ့ ပတ်သက်လို့ ပြန်လည် ဖြေကြားပေးပါလို့ မေတ္တာရပ်ခံပါတယ်'' ဟု မေးခွန်းမေးမြန်းခဲ့သည်။

အဆိုပါ မေးမြန်းမှုအား ဗဟိုဘဏ်ဥက္ကဋ္ဌက ''ကျွန်တော်တို့ အခုနက ၇ ဒသမ ၆ ဘီလျံလို့ ပြောတဲ့အခါမှာ ဒီအချက်အလက်က အတိအကျပါ။ အတိအကျ ဆိုတာက ကျွန်တော်တို့ အခုန အစီရင်ခံသွားတဲ့ အတိုင်းပါပဲ။ ဗဟိုဘဏ်၊ နိုင်ငံပိုင်ဘဏ်တွေ ရှိပါတယ်။ နောက်ပုဂ္ဂလိက ဘဏ်တွေလည်း နိုင်ငံခြားငွေ ကိုင်ဆောင်ခွင့် ပေးထားတဲ့ အတွက်ကြောင့် သူတို့မှာလည်း နိုင်ငံခြားငွေ ကိုင်ဆောင်တဲ့ စာရင်းတွေ ဖွင့်ထားကြပါတယ်။ အဲဒါတွေ စုစုပေါင်း က ၂၀၁၃ ခုနှစ် စက်တင်ဘာ ၁၀ ရက်အထိ နိုင်ငံခြားသုံးငွေ ၇ ဒသမ ၆ ဘီလျံဆိုတာ အနီးဆုံးယူထားတဲ့ အချက်အလက် ဖြစ်ပါတယ်။ အခုနက ၀န်ကြီးတွေ အဆက်ဆက်က ပြောသွားတဲ့ဟာက ၇ ဘီလျံ ၀န်းကျင်လို့ ပြောတဲ့သဘောမျိုးပါပဲ။ ၇ ဒသမ ၆ ဘီလျံ ဆိုတာက ကျွန်တော်က တိတိကျကျ အစီရင်ခံ တင်ပြခြင်း ဖြစ်ပါတယ်'' ဟု ပြန်လည်ဖြေကြားခဲ့သည်။

ဆက်လက်၍ ဦးဝင်းမြင့်က ဗဟိုဘဏ် ဥက္ကဋ္ဌ ဖြေကြားသည့် ၇ ဒသမ ၆ ဘီလျံမှာ နိုင်ငံခြားသုံး သီးသန့်ရန်ပုံငွေ ရှိသည်ဆိုပါက ၃ ဒသမ ၄ ဘီလျံနှင့် ပတ်သက်၍ အဖြေမရရှိ သေးသဖြင့် သိရှိလိုကြောင်း ထပ်ဆင့်မေးမြန်းရာ ဗဟိုဘဏ်ဥက္ကဋ္ဌက လွှတ်တော်သို့ အစီရင်ခံ တင်ပြခဲ့ရာတွင် ဖြေကြားခဲ့သည့် အတိုင်းပင် ၁၁ ဘီလျံနှင့် ဆက်စပ်မှု မရှိသည့် အတွက် ၇ ဒသမ ၆ ဘီလျံနှင့် ၁၁ ဘီလျံ တို့အား ဆက်စပ်ပြောကြား၍ မရကြောင်းသာ ရှင်းလင်းပြောကြားခဲ့ပြီး ပြည်ထောင်စုအဆင့် အဖွဲ့အစည်းဝင်များ၏ ဖြေကြားချက်များအား လွှတ်တော်မှ မှတ်တမ်းတင်ကြောင်း ပြည်ထောင်စု လွှတ်တော်နာယက သူရဦးရွှေမန်းက ပြောကြားသည်။

EMG

Read More