အကို ဗိုလ်ကြီး သို့ အိတ်ဖွင့်တောင်းပန်စာ

ကျေးဇူးပြု၍ နားနဲ့မနာ ဖဝါးနဲ့နာပေးပါရှင့်၊ အမေနဲ့ ပထွေးက အကြပ်ကိုင်နေတဲ့ကြားကနေ အကို ဗိုလ်ကြီး ဆီကို၊ ညီမ ယွန်းသော်တာမြတ်နိုး (အထက ၂ မရမ်းကုန်း) ရိုသေစွာ လက်အုပ်ချီလျက် စာရေး လိုက်ပါတယ်၊ ဒီစာလေးက အကို ဗိုလ်ကြီးဆီ တနည်းနည်းနဲ့ ရောက်လိမ့်မယ်လို့ မျှော်လင့်မိပါတယ်။ ဒီအကြောင်းတွေကို post အဖြစ် ဖြန့်ဝေပေးဖို့လည်း သမီး တောင်းဆိုပါရစေရှင့်။

အဖြစ်မှန်ကို လူအများ သိမှသာ ကျေးဇူးရှင် အကို ဗိုလ်ကြီး အပေါ် ပြစ်မှားမိခဲ့တဲ့ ကျွန်မတို့သားအမိ နေ့စဉ်ခံစားနေရတဲ့ စိတ်ဝေဒနာနဲ့၊ အပြစ်တွေကင်းစင်သွားလိမ့်မယ်လို့ ယုံကြည်လို့ ခုလို မရှက်မကြောက် ဝန်ခံရတာပါ။ အကို ဗိုလ်ကြီး ရဲ့ ခွင့်လွှတ်မှုကို မမျှော်လင့်ပေမယ့် ကျွန်မတို့သားအမိရဲ့ ဘဝပေး အခြေအနေ သမီးရဲ့ ရုပ်သေးရုပ်လိုဖြစ်နေတဲ့ ဘဝအပေါ် နားလည်ပေးနိုင်လိမ့်မယ်လို့ မျှော်လင့်မိပါတယ်။

ကျွန်မရဲ့ အမေ ဒေါ်နီလာယု(ခ)ယွန်းမီမီ (Ph 0973176738) ဟာ ယခင်က စင်တင် စားသောက်ဆိုင် တစ်ခုမှာ သီချင်းဆိုခဲ့ဘူးပါတယ်။

အမေဟာ စင်တင်မှာ ညစဉ် သီချင်းဆိုရင်း ဖေါက်သယ်များနဲ့ ငြိစွန်းပြီး ကျွန်မကို မွေးဖွားခဲ့ပါတယ်။ ကလေးအဖေ ကတော့ အခုထိ ဘယ်သူမှန်း မသိခဲ့ရပါဘူး။

နောက်တော့ ကျွန်မတို့သားအမိ စားဝတ်နေရေးအဆင်ပြေစေဖို့ အတွက် အမေဟာ ဇနီးနဲ့ သားသမီးရှိတဲ့ အိမ်ထောင်သည် တစ်ဦးဖြစ်သူ၊ ကားပွဲစား ဦးဝင်းနိုင် Ph 095157790 သင်္ကန်းကျွန်းမြို့နယ် ဝေဇယန္တာ အိမ်ယာ၊ နေထိုင်သူနဲ့ ထပ်မံငြိစွန်းပြီး ကလေး ၂ ယောက် ထပ်ရခဲ့ပါတယ်။

ကျွန်မအမေဟာ ဦးဝင်းနိုင်ရဲ့ မယားငယ်အဖြစ် အမှတ် ၅၀၃ ခ အောင်မြေသာလမ်း၊ ၂ ရပ်ကွက်၊ မရမ်းကုန်းမြို့နယ်၊ သမိုင်းကုလားကျောင်းမှတ်တိုင် အနီးမှာ နေထိုင်နိုင်ခဲ့ပါတယ်။

ဒါပေမယ့် နောက်ပိုင်းမှာတော့ ဦးဝင်းနိုင်ဟာ သူ့မယားကြီးသိမှာ စိုးတာရယ်၊ ကားပွဲစားခေတ် မကောင်းတော့တာရယ်ကြောင့် ကျွန်မတို့ကို ဆက်မထောက်ပံ့ချင်တော့ပါဘူး။ အထူးသဖြင့် ပထွေး ဦးဝင်းနိုင်ဟာ မယားပါသမီးဖြစ်တဲ့ ကျွန်မအတွက် မထောက်ပံ့ချင်တော့ပါဘူး။

ကျွန်မကိုလည်း စင်တင်မှာ သီချင်းဆိုတုန်းက မွေးခဲ့တဲ့ ကောင်မ နင်က စာသင်ကျောင်းနဲ့ မတန်ဘူး စင်တင်သွားဖို့ပဲတန်တယ် လို့ ပထွေးပီပီ နှိမ့်ချဆက်ဆံကာ စာစိတ်မဝင်စားရင် ကျောင်းထုတ်မယ် စင်တင်ပို့မယ်လို့ ခြိမ်းခြောက်ခဲ့ပါတယ်။

နားနဲ့မနာ ဖဝါးနဲ့နာပါရှင့်၊ တကယ်တော့ ဖြစ်စဉ်ဖြစ်တဲ့နေ့က ကျွန်မဟာ ကျူရှင်မတက်ပဲ ရည်းစားနဲ့ တည်းခိုခန်းသွားခဲ့မိတာပါ။ ဒါကို သိသွားတဲ့ ဦးဝင်းနိုင်ဟာ ပထွေးပီပီ ကျွန်မကို ကျောင်းထုတ်မယ်၊ နင့်အမေတုန်းကလို စင်တင်မှာ ရှာစားချေ၊ နင်တို့ကို ဘာမှ ဆက်မထောက်ပံ့တော့ဘူးလို့ပြောဆိုကြိမ်းမောင်းခဲ့ပါတယ်။

အမေနဲ့ ကျွန်မလည်း ကြံရာမရဖြစ်ပြီး ကျွန်မတို့မိသားစု နေမကောင်းဖြစ်တိုင်း ပြသနေကျ၊ ဆေးခန်း ဖွင့်ထား တဲ့ ဗိုလ်ကြီးနဲ့အတူသွားတာဖြစ်ကြောင်း ပြောရင် အခြေအနေမဆိုးနိုင်ဘူးလို့ တွက်ပြီး လိမ်ပြော ဖို့တိုင်ပင်ခဲ့ကြပါတယ်။

ကြံရာမရတဲ့ ကျွန်မတို့သားအမိဟာ ဗိုလ်ကြီးကို အကျိုးအကြောင်းရှင်းပြပြီး ကျွန်မအနေနဲ့ ကျူရှင်လစ်ပြီး ရည်းစားနဲ့ဘုရားသွားမိတဲ့ အကြောင်း၊ တကယ်လို့ ရည်းစားနဲ့ မဟုတ်ပဲ အကို ဗိုလ်ကြီးနဲ့ လမ်းကြုံလို့ ဘုရားဖူးလိုက်သွားတာလို့ ပြောရင် အခြေအနေအားလုံး ပြေလည်မှာမို့၊ ကျွန်မ ကျောင်းထုတ်မခံရရေးနဲ့ ကျွန်မတို့သားအမိ စားဝတ်နေရေးအတွက် ကြားဝင် ကူညီပေးဖို့ ငိုယိုပြီးတောင်းပန်ခဲ့ပါတယ်။

အဲဒီနေ့က ရည်းစားနဲ့ တည်းခိုခန်းသွားအိပ်တာကိုတော့ ဗိုလ်ကြီးခမျာ မသိခဲ့ပါဘူး။ ဦးဝင်းနိုင်က ဗိုလ်ကြီး ဆီ ph ဆက်မေးတော့ ဗိုလ်ကြီးကလည်း ကျွန်မတို့ကို ကူညီတဲ့အနေနဲ့ 'ဟုတ်ပါတယ် ဘုရားသွား ရင်း ညီမလေးက လိုက်ချင်တယ်ဆိုလို့ ကျွန်တော်နဲ့ အတူတူသွားခဲ့တာပါ' လို့ သဘောရိုးနဲ့ ဖြေပေးခဲ့ပါတယ်။

အဲဒီမှာတင် နဂိုကတည်းက ကျွန်မတို့ သားအမိကို ပုတ်ထုတ်ချင်နေတဲ့ ဦးဝင်းနိုင် အတွက် အကွက်ကောင်း ဆိုက်သွားပြီး၊ ဦးဝင်းနိုင် က ဗက နဲ့ ဒီကလေးမနဲ့ တည်းခိုခန်းသွားခဲ့တာ ဗက အနေနဲ့ ဒီကလေးမကို အခု ယူရင်ယူ မယူရင် Media. Facebook, Internet. Journal တွေကနေ တနိုင်ငံလုံးသိအောင်လုပ်မယ်လို့ ခြိမ်းခြောက်ပါတော့တယ်။ ဗိုလ်ကြီးက သူနဲ့ဘာမှမပတ်သက်တဲ့အကြောင်း ကျွန်မတို့သားအမိ အကူ အညီတောင်းလို့ ကူညီပေးတာဖြစ်ကြောင်း ရှင်းပြပါသေးတယ်။

ဒါပေမယ့် ဦးဝင်းနိုင်ရဲ့ အရိပ်ကိုမှီပြီး သူ့သြဇာကို မလွန်ဆန်ဝံ့တဲ့ ကျွန်မအမေဟာ ကျွန်မအနေနဲ့ ဗိုလ်ကြီးနဲ့ညားသွားလည်း ကောင်းတာပဲ အဆိုးထဲကအကောင်းပဲ၊ မညားတောင်မှ နင့်ရှေ့ရေးအတွက် အနည်းဆုံး သိန်း ၃၀ လောက်ရအောင် ဖန်တီးနိုင်တယ် ဆိုပြီး မထူးဇာတ်ခင်းခဲ့ပါတယ်။

ဒါ့ကြောင့် တရားဝင် တိုင်ကြားလို့မဖြစ်ပေမယ့်၊ ကျွန်မတို့ဘက်က မှန်သယောင် အထက်စီးကနေ အတင်း အကြပ်စွတ်စွဲကာ ပိုင်မှ တိုင်သင့်တိုင်မယ်ဆိုပြီး၊ အမေနဲ့ ဦးဝင်းနိုင်တို့ဟာ ကျွန်မတို့သားအမိ အပေါ် စေတနာ ထားခဲ့တဲ့ အကို ဗိုလ်ကြီး အပေါ် media တွေကနေ တစ်ဆင့် တကယ် ရက်ရက်စက်စက် အရှက်ခွဲခဲ့ကြပါတယ်။

မီဒီယာတွေကလည်း အစိုးရမကောင်းကြောင်း၊ စစ်သားမကောင်းကြောင်းဆို ဟုတ်ဟုတ်မဟုတ်ဟုတ် အရမ်း စိတ်ဝင်စားနေပြီး၊ internet ပေါ်မှာလည်း သူ့ထက်ငါ ထမင်းမေ့ ဟင်းမေ့ အလုအယက် ဖွကြတဲ့ အခါ အကို ဗိုလ်ကြီး ခမျာ အတော်ပဲ စိတ်ထိခိုက် နာကျင် ခံစားနေရမယ် ဆိုတာ ကျွန်မ သိပါတယ်။ လူမဆန်စွာ ကျေးဇူးကန်းခဲ့တဲ့ ကျွန်မတို့သားအမိအပေါ် အရမ်းကို နာကျည်းနေမယ်ထင်ပါတယ်။

သမီးဘဝပေးအရ အမေနဲ့ ပထွေး ခိုင်းတဲ့အတိုင်း လုပ်ခဲ့ရတာပါ။

ဒီသတင်းတွေကို internet စာမျက်နှာပေါ်မှာတွေ့တိုင်း သမီးအပေါ် စေတနာနဲ့ ကူညီခဲ့တဲ့ အကို ဗိုလ်ကြီး အတွက် စိတ်မကောင်းဖြစ်လွန်းလို့ အကြိမ်ကြိမ် မျက်ရည်ကျခဲ့ရပါတယ်။

အရင်ကတော့ မထူးဇာတ်ခင်းခဲ့မိတဲ့ ကျွန်မတို့သားအမိရဲ့ မိုက်မဲတဲ့ လုပ်ရပ်တွေသည် အရာထင်လိမ့် မယ်လို့ ထင်မိခဲ့ပေမယ့် အခုတော့ ကျွန်မတို့သားအမိဟာ ပတ်ဝန်းကျင်ကလူတွေရဲ့ မုန်းတီးပစ်ပယ်ခြင်းကို ခံနေရပါပြီ။ အကျင့်စာရိတ္တမကောင်းတဲ့ သားအမိ၊ အိမ်ထောင်ရေး ဖောက်ပြားတတ်တဲ့ မိသားစု လို့ ပြော ဆိုတာကို ခံနေရပါပြီ။

ဘယ်သွားသွား လူတွေက ကျွန်မကို ကြည့်နေတယ် ကျွန်မတို့သားအမိရဲ့ လုပ်ရပ်တွေကို ပြောနေတယ် ကျွန်မကို မုန်းတီးနေတယ် လို့ အလိုလို ခံစားနေရပါတယ်။ ဘုရားစင်နားရောက်တိုင်းလည်း ကျွန်မတို့ သားအမိကို တစ်ခုခုက ခြောက်လှန့်နေသလို စိတ်ထဲမှာ အလိုလို တုန်လှုပ်နေရပါတယ်။

ဒါ့ကြောင့် ရိုးသားတဲ့ ကျေးဇူးရှင် အကို ဗိုလ်ကြီးအပေါ် ပြစ်မှားမိခဲ့တဲ့ သမီးတို့သားအမိကို ခွင့်လွှတ်ပေးပါ လို့ ဒီနေရာကနေ အကို ဗိုလ်ကြီးရဲ့ ခြေအစုံကို ရှိခိုးဦးခိုက် တောင်းပန်လိုက်ရပါတယ်။

အကို့အပေါ် စော်ကားမိလို့ မျက်နှာမဖေါ်ဝံ့တော့တဲ့ - ညီမ ယွန်းသော်တာမြတ်နိုး (အထက ၂ မရမ်းကုန်း)၊ အမှတ် ၅၀၃ ခ အောင်မြေသာလမ်း၊ ၂ ရပ်ကွက်၊ မရမ်းကုန်းမြို့နယ်၊ သမိုင်းကုလားကျောင်းမှတ်တိုင် အနီး။

Min Myanmar - posted via message from ယွန်းသော်တာမြတ်နိုး

Read More

လူ (၂၀) သေဆုံးခဲ့ရသည့် Syria အနောက်မြောက်ဘက်ရှိ ကားဗုံး ပေါက်ကွဲမှု

Thursday 17th October 2013

Syria နိုင်ငံ ၊ တူရကီနယ်စပ် အနောက်မြောက်ဘက် Idlib ပြည်နယ်ရှိ Darkush မြို့၌ ယမန်နေ့က ကားဗုံးပေါက်ကွဲမှု တစ်ရပ် ဖြစ်ပွားခဲ့ရာအနည်းဆုံး လူ (၂၀) သေဆုံးခဲ့ရကြောင်း အစိုးရ မဟုတ်သည့် အဖွဲ့အစည်း တစ်ခု၏ ပြောကြားချက်အရ သိရှိရသည်။

ဒဏ်ရာရရှိသူ အများအပြား ရှိခဲ့ပြီး သေဆုံးသူ အရေအတွက်မှာလည်း ထပ်မံ မြင့်တက်လာနိုင်ဖွယ် ရှိကြောင်း Syria လူ့အခွင့်အရေး လေ့လာဆန်းစစ်သူများ အဖွဲ့က ပြောကြားခဲ့သည်။ အဆိုပါ ဗုံးပေါက်ကွဲမှုသည် Darkush မြို့တွင်းရှိ ဈေးတစ်ခု အနီးတွင် ဖြစ်ပွားခဲ့ခြင်း ဖြစ်ပြီး လက်နက်ကိုင် အကြမ်းဖက်သမားများ၏ လက်ချက် ဖြစ်ကြောင်း ၊ ပေါက်ကွဲမှု ဖြစ်ပွားပြီး မကြာမီ အကြမ်းဖက်သမားများက ကားဗုံးပေါက်ကွဲမှု ဖြစ်စဉ် အဆင့်ဆင့်နှင့် ဖြစ်ပွား ပြီးနောက် သေဆုံးသူများအား အပျက်အစီးများအကြား ခက်ခက်ခဲခဲ သယ်ထုတ်ပုံများအား ရိုက်ကူးထားသော ဗွီဒီယိုဖိုင်များအား အွန်လိုင်းသို့ တင်ခဲ့ကြောင်း သိရှိရသည်။



Source: AFP
http://www.channelnewsasia.com/news/world/car-bomb-kills-20-in/847280.html

Read More

Kaesong နိုင်ငံခြား ရင်းနှီးမြှုပ်နှံမှု လုပ်ဆောင်ချက်အား အချိန် ရွှေ့ဆိုင်းခဲ့သည့် တောင်ကိုရီးယား

Thursday 17th October 2013

တောင်ကိုရီးယား အနေဖြင့် မြောက်ကိုရီးယားနှင့် ချိတ်ဆက်ကာ ပူးပေါင်း ဆောင်ရွက်မည့် Kaesong စက်မှုဇုံ ထူထောင်ရေး လုပ်ငန်းစဉ်အား

အမြန်ဆုံး အောင်မြင်စွာ အကောင်အထည် ဖော်ဆောင် နိုင်ရန် အလို့ငှာ ရည်ရွယ်သည့် နိုင်ငံခြား ရင်းနှီးမြှုပ်နှံမှု စီမံကိန်းအား ခေတ္တခဏ အချိန်ရွှေ့ဆိုင်း ထားလိုက်ကြောင်း ယမန်နေ့က ထုတ်ဖော် ပြောကြားခဲ့သည်။

နှစ်နိုင်ငံ ပြန်လည် ပူးပေါင်းရေး ၀န်ကြီးဌာနမှ တာဝန်ရှိသူ တစ်ဦးက လတ်တလော နယ်စပ်ဒေသ ဆက်ဆံရေး အလှည့်အပြောင်း တချို့နှင့် Kaesong စီမံကိန်းနှင့် ပတ်သက်ပြီး အပြည့်အ၀ အကောင်အထည် ဖော်ဆောင်ရေး စေ့စပ် ဆွေးနွေး လုပ်ဆောင်ချက်များ အားနည်း နှေးကွေးလျက် ရှိကြောင်း ပြောကြားခဲ့သည်။ အောက်တိုဘာလ (၃၁) ရက် နေ့မှ စတင်ကာ မြောက်ကိုရီးယား နယ်နိမိတ် အတွင်း တည်ရှိသော Kaesong ဒေသ၌ အဆိုပါ စီမံကိန်းအား လက်တွေ့ အကောင်အထည် ဖော်ဆောင်မှုများ စတင် လုပ်ဆောင်တော့မည်ဟု စီစဉ်ထားခဲ့သည် မှန်သော်လည်း အဆိုပါ အရေး ကိစ္စနှင့် ပတ်သက်ပြီး နှစ်နိုင်ငံ ခေါင်းဆောင်များအကြား အရှိန်အဟုန်မြှင့် ဆွေးနွေး ညှိနှိုင်းမှု ကဏ္ဍ အားနည်းနေသေးကြောင်း ၊ ယခုကဲ့သို့ တောင်ကိုရီးယားဘက်မှ အချိန်ရွှေ့ဆိုင်းမှု ပြုလုပ်မည်ကို မြောက်ကိုရီးယား ဘက်မှ ပြီးခဲ့သည့် သောကြာနေ့ ကတည်းက သတိပြုမိခဲ့ပြီး ထပ်မံ သတ်မှတ်မည့် အချိန်ကာလကိုမူ ထုတ်ဖော် ပြောကြားခြင်း မရှိသေးကြောင်း သိရှိရသည်။

Source: AFP
http://www.channelnewsasia.com/news/asiapacific/s-korea-postpones-kaeson...

Read More

စနေနှင့် ကြာသပတေး ဂြိုဟ်တွင် စိန်မိုးများ ရွာချခဲ့

Thursday 17th October 2013
ဒီသတင်းကို နိုင်ငံတကာ သတင်း အယ်ဒီတာက တင်ဆက်ပေး သွားမှာ ဖြစ်ပါတယ်။
Narration

သိပ္ပံပညာရှင်တွေရဲ့ တွက်ချက် ပြောဆိုချက်တွေ အရ စနေနဲ့ ကြာသပတေး ဂြိုဟ်တွေပေါ်မှာ ဖြစ်ပေါ်နေတဲ့ ကာဗွန် ဓာတ်ငွေ့ထုကြီးဟာ ပုံဆောင်ခဲအသွင်နဲ့ စိန်မိုးများအဖြစ် အဲ့ဒီဂြိုဟ်တွေ ပေါ်မှာ ရွာကျလာ နိုင်တယ်လို့ သိရပါတယ်။ အဲ့ဒီစိန်တုံး တွေဟာ နာမည်ကျော် ဟောလိဝုဒ် ရုပ်ရှင်မင်းသား ၊ မင်းသမီးတွေ လက်စွပ် ကွင်းပြီး ၀တ်ဆင်နိုင်လောက်တဲ့ အထိ အရွယ်အစား ကြီးမားနိုင်တယ် လို့ လည်း အဲ့ဒီသိပ္ပံရှင်တွေက ဆိုပါတယ်။

စနေနဲ့ ကြာသပတေး ဂြိုဟ်ပေါ်မှာ မီသိန်း ဓာတ်ငွေ့တွေ ဖြစ်ပေါ်လျက်ရှိပြီး အဲဒီဓာတ်ငွေ့တွေဟာ မိုးကြိုး မုန်တိုင်းဖြစ်ပေါ်မှုကြောင့် ကာဗွန် အသွင်ပြောင်း လဲသွားကာ တဖြေးဖြေး မာကြောလာနိုင် ပြီးနောက် ဂရမ်ဖိုက် အဆင့်မှ စိန်တုံး၊ စိန်ခဲများ အသွင် ဖြစ်တည် ပြောင်းလဲ သွားနိုင်ကြောင်း၊ အကြီးဆုံး စိန်တုံးရဲ့ အရွယ်အစားဟာ အချင်း တစ်စင်တီ မီတာခန့် ရှိနိုင်ကြောင်း သိရပါတယ်။

ဒါ့အပြင် ဒီလို ရွာချလိုက်တဲ့ စိန်မိုး တွေဟာ စနေဂြိုဟ်မှာ တစ်နှစ်ကို တန်ချိန် တစ်ထောင် ခန့်အထိ ရှိနိုင်ကြောင်းလည်း ၀စ္စကွန်စင်- မက်ဒီဆင် တက္ကသိုလ်မှ သိပ္ပံပညာရှင် တစ်ဦးရဲ့ ပြောကြားချက် အရ သိရပါတယ်။

Read More

ဇနီးက ၀င်ငွေပိုကောင်းလျှင် ခင်ပွန်းသည် ကာမအားတိုးဆေးသောက်ရ

[ဇနီးက ၀င်ငွေပိုကောင်းလျှင် ခင်ပွန်းသည် ကာမအားတိုးဆေး သောက်ရ]

မိမိထက်ဝင်ငွေပိုကောင်းသော အမျိုးသမီးများအား လက်ထပ်ထားသည့် အမျိုးသားများသည်
ကာမအားတိုးဆေး ဗိုင်ယာဂယာကို အခြားအမျိုး သားများထက် ပိုမိုသောက်သုံးလေ့ရှိကြောင်း
ဒိန်းမတ်နိုင်ငံတွင် ပြုလုပ် ခဲ့သည့် သုတေသနတစ်ခုက ဆိုသည်။

ဒိန်းမတ်နှင့်အမေရိကန်နိုင်ငံတို့မှ သုတေသီများသည် ဇနီးမောင်နှံ ၂၀၀,၀၀၀ ကျော်၏ လစာဝင်
ငွေများကို လေ့လာခဲ့ရာ ဗိုင်ယာဂရာ ဆေးအပါအ၀င် အခြားပန်းသေပန်းညှိုးရှိသူများ သို့မဟုတ်
လိင်ဆက်ဆံရာတွင် အခက်အခဲရှိသူများ သုံးစွဲသည့် ဆေးများသည် ဇနီးဖြစ်သူက အဓိက၀င်ငွေ
ရှာသူ ဖြစ်နေသည့် အိမ်ထောင်စုများတွင် အထူးရေပန်းစားနေကြောင်း တွေ့ရှိခဲ့သည်။

ဝင်ငွေ ကောင်းသော ဇနီးသည်များမှာလည်း အိပ်ပျော်စေရန် စိုးရိမ် ပူပန်မှုကို သက်သာစေသည့်
ဆေးများကို ပိုမိုသောက်သုံးရ ကြောင်း ဆရာဝန်များ၏ ဆေးမှတ်တမ်း များအရ သိရသည်။အမျိုး
သားများသည် သိမ်ငယ်စိတ်ဝင်ခြင်းကြောင့် လိင်မှုကိစ္စတွင် အဆင်မပြေမှုများရှိလာ၍ ဆေးသောက်
ရခြင်း ဖြစ်နိုင်ပြီး၊အမျိုးသမီးများမှာမူ သိမ်ငယ်စိတ်ဝင် နေသော ခင်ပွန်းသည်ကြောင့် အိမ်ထောင်
ရေး ပြိုကွဲရမည်ကို စိုးရိမ်ခြင်း ဖြစ်နိုင်ကြောင်း သုတေသီများက ဆိုသည်။

အင်ဝိုင်ဒေးလီး

သက်လှိုင်ဘာသာပြန်သည်။ မြန်မာတိုင်း(မ်)

Read More

လမ်းများများလျှောက်ပါက ရင်သားကင်ဆာဖြစ်တာလျှော့ချနိုင်

အမျိုးသမီးများ အနေဖြင့် လမ်းများများ လျှောက်ခြင်းဖြင့် ရင်သားကင်ဆာ ဖြစ်နိုင်ခြေ ကို လျှော့ ချနိုင်ကြောင်း သုတေသီများက အကြံပြု ပြောကြားလိုက်သည်။ လမ်းလျှောက်ခြင်းနှင့် ရေရှည် ကျန်းမာရေး အကျိုးသက်ရောက်မှု ဆက်စပ်ပုံကို ပထမဆုံးအကြိမ် အနုစိတ် လေ့လာပြီးနောက် အမျိုးသမီးများအတွက် အသက်အရွယ် ကြီးရင့်ချိန်တွင် ရင်သားကင်ဆာ ဖြစ်နိုင်ခြေ ကို လျှော့ ချပေးနိုင်ကြောင်း ဖော် ထုတ် တွေ့ရှိခဲ့သည်။ အသက်(၅၀)ကျော် အရွယ်သည် အမျိုးသမီးများ ရင်သားကင်ဆာ ဖြစ်နိုင်ခြေ အမြင့် ဆုံး ကာလအပိုင်းအခြား ဖြစ်သော်လည်း တစ်နေ့လျှင် တစ်နာရီမျှ လေ့ကျင့်ခန်းယူ လမ်းလျှောက်ပေးခြင်းဖြင့် ကင်ဆာ ဖြစ်ပေါ်နိုင်ခြေကို (၁၄)ရာခိုင်နှုန်းထိ လျှော့ချပေးနိုင်ကြောင်း သိရှိရ သည်။
အကယ်၍ လေ့ကျင့်ခန်းယူ လမ်းလျှောက်မှုကို အားနှင့်မာန်နှင့် အချိန်ပေး လုပ်ဆောင်ပါက ရင်သားကင်ဆာ ဖြစ်နိုင်ခြေသည် (၂၅)ရာခိုင်နှုန်းမျှထိ ကျဆင်းနိုင်ကြောင်းလည်း သုတေသီများက ဆိုသည်။ အမေရိကန် ကင်ဆာ အဖွဲ့ကြီးက လွန်ခဲ့သော (၁၇)နှစ်အတွင်း အမျိုးသမီး (၇၃၆၁၅)ဦး၏ နေထိုင်ဖြတ်သန်းမှု ပုံစံများကို သုတေသန ပြုခဲ့ကြသည်။ ယင်းတို့အနက် ရင်သားကင်ဆာ ရောဂါရှိနေသူ (၄၇၆၀) ပါဝင်သည်။ လေ့လာမှု မှတ်တမ်းများတွင် တစ်ပတ်လျှင် (၇)နာရီမျှ လမ်းလျှောက်လေ့ရှိသည့် အမျိုးသမီးများသည် ရင်သားကင်ဆာ ဖြစ်နိုင်ခြေ (၁၄)ရာခိုင်နှုန်းမျှ လျော့နည်းနေသည်ကို ဖော်ထုတ် တွေ့ရှိခဲ့သည်။
လေ့ကျင့်ခန်းယူ လမ်းလျှောက်မှုကို အလေးအနက် လုပ်ဆောင်လေ့ရှိသည့် အမျိုးသမီးများတွင်မူ ကင်ဆာဖြစ်နိုင်ခြေ ယခုထက် ပိုမိုသိသာစွာ လျော့ကျသွားကြောင်းလည်း ယင်းအဖွဲ့ကြီးမှာ ဒေါက်တာ အယ်လ်ပါပက်တဲလ်က ပြောကြားခဲ့သည်။ "အဓိက ကျတာကတော့ ကာယလှုပ်ရှားမှုနဲ့ အသက်အရွယ် ကြီးရင့်လာချိန်မှာ ရင်သားကင်ဆာ ဖြစ်နိုင်တဲ့ အလားအလာတို့ကြား ခိုင်မာတဲ့ ဆက်နွယ်မှု ရှိနေတယ် ဆိုတာပါပဲ။ လမ်းလျှောက် လေ့ကျင့်ခန်းတွေလို ကာယ လှုပ်ရှားမှုတွေဟာ ကင်ဆာဖြစ်နိုင်ခြေကို လျှော့ချဖို့ အားကောင်းတဲ့ အကျိုးသက်ရောက်မှု ရှိနေပါတယ်"ဟု ဒေါက်တာ ပက်တဲလ်က ရှင်းပြခဲ့သည်။
၎င်းက ဆက်လက်၍ "အချက်အလက်ပိုင်းအရ ကျွန်တော်တို့ရဲ့ တွေ့ရှိချက်ဟာ ကျိုးကြောင်းဆီလျော်မှု ရှိပါတယ်။ တကယ်တော့ လက်တွေ့ လူနေမှု ဘဝမှာ လူတော်တော်များများဟာ ကျန်းမာရေးနဲ့ ညီညွတ်တဲ့ ကိုယ်လက်လှုပ်ရှားမှုနဲ့ ပတ်သက်ပြီး တိကျတဲ့ သတင်းအချက်အလက်မျိုး ရရှိဖို့ အခက်ကြုံနေရတတ်တယ်"ဟုလည်း မှတ်ချက်ပြုခဲ့သည်။ လမ်းလျှောက်ခြင်းနှင့် ကိုယ်လက်လှုပ်ရှားမှုများသည် ရင်သားကင်ဆာ ဖြစ်နိုင်ခြေကို ထိရောက်စွာ အဟန့်အတား ဖြစ်စေကြောင်း ယခင်ကတည်းက သုတေသီအချို့က လက်ခံယုံကြည်ထားသည်။
"ကျွန်မတို့ရဲ့ တွေ့ရှိချက်ကတော့ တစ်နေ့ကို နာရီဝက်လောက် ကိုယ်လက်လှုပ်ရှား လုပ်ဆောင်မှုတွေဟာ ရင်သားကင်ဆာ ဖြစ်နိုင်ခြေကို (၂၀)ရာခိုင်နှုန်းထိ ကျဆင်းစေပါတယ်။ သွေးခုန်နှုန်းကို မြင့်တက်လာစေတဲ့ ဘယ်လို လေ့ကျင့်ခန်းမျိုးမဆို ပုံမှန်လုပ်ဆောင်နေခြင်းက ရေရှည်မှာ ရင်သားကင်ဆာ ဖြစ်နိုင်ခြေကို လျှော့ချပေးမှာပါပဲ။ အလွယ်ဆုံး နည်းလမ်းကတော့ ခပ်သွက်သွက် လမ်းလျှောက်တာမျိုးပေါ့။ လွယ်ကူသလို ခန္ဓာကိုယ်ရဲ့ လှုပ်ရှားနိုးကြွမှုကိုလည်း အပြည့်အဝ အထောက်အကူ ပေးနိုင်ပါတယ်"ဟု Breakthrough ရင်သားကင်ဆာ ဌာနမှ ဒေါက်တာ ဟန်နာဘရစ်ဂ်ျက ပြောဆိုခဲ့သည်။
ဗြိတိန် ရင်သားကင်ဆာ တိုက်ဖျက်ရေး လှုပ်ရှားမှု ဌာနမှ ဒယ်လစ်သ် မော်ဂန်က "ဒီတွေ့ရှိချက်တွေ အားလုံး စုပေါင်းလိုက်တဲ့အခါ အမျိုးသမီးတွေ အနေနဲ့ နေ့စဉ် လူနေမှု ဘဝမှာ လမ်းလျှောက်တာမျိုး၊ ကိုယ်လက်လှုပ်ရှားမှု ပုံမှန် လုပ်ဆောင်တာမျိုး ဖြည့်စွက်သင့်ကြောင်း တွန်းအားတစ်ရပ် ဖြစ်လာပါတယ်။ အခွင့်အလမ်း နည်းနည်းလေးပဲ ဖြစ်နိုင်တယ် ဆိုဦးတော့၊ နေ့စဉ်နေ့တိုင်း ပုံမှန် အလေ့အကျင့် ဖြစ်သွားရင် ကင်ဆာကို တိုက်ဖျက်ဖို့ အထောက်အကူ ရှိလာမှာပါ"ဟု မှတ်ချက်ပြုသွားသည်။ ယခုတွေ့ရှိမှု သုတေသန ရလဒ်ကို Biomakers and Prevention ဆေးပညာ ဂျာနယ်တွင် အသေးစိတ် ပုံနှိပ်ဖော်ပြခဲ့သည်။

Read More

စောစောအိပ်တတ်သူလား၊နောက်ကျမှအိပ်တတ်သူလား?

သင်ဟာအစောစောအိပ်တတ်သူလား၊ဒါမှမဟုတ်နောက်ကျမှအိပ်တတ်သူ
လား။သင့်ရဲ့အိပ်စက်မှုပုံစံဟာသင့်ရဲ့ကျန်းမာရေးကိုညွှန်းဆိုနေပါတယ်။
အိပ်ချိန်ပေါ်မူတည်ကာသင့်ရဲ့ခါးအတိုင်းအတာ၊မျိုးပွားနိုင်ခြေ၊နာကျင်မှုအ
ဆင့်နဲ့ကင်ဆာဖြစ်နိုင်ခြေကိုပြောင်းလဲသွားစေပါတယ်။မိမိရဲ့ကိုယ်ရည်ကိုယ်
သွေးပေါ်မှာတောင်ပြောင်းလဲမှုရှိနိုင်ပါတယ်။
ဆစ်ဒနီနဲ့လီဗားပူးမှသုတေသီတွေကလူပေါင်း၂၀၀ ကျော်ရဲ့ကိုယ်ရည်
ကိုယ်သွေးနဲ့အိပ်စက်တဲ့အကျင့်ကိုမေးမြန်းကာသုတေသနပြုလုပ်ရာမှ
အောက်ပါတို့ကိုတွေ့ရှိခဲ့ပါတယ်။ခန္တာကိုယ်မှာရှိတဲ့တုံ့ပြန်မှုတိုင်း၊ဟော်မုန်း
မျိုးရိုးဗီဇပြောင်းလဲမှုအစရှိတဲ့အားလုံးအပေါ်ဇီဝနရီ ကပဲထိန်းချုပ်ထားပါ
တယ်။ဒီဇီဝနရီကပဲ သင့်ကိုစောစောထတတ်အောင် သင့်ကိုနောက်ကျမှအိပ်
ရာထပြီးညအချိန်ထိအလုပ်လုပ်အောင်ပြုလုပ်ပေးပါတယ်။
စောစောအိပ်တတ်တာ၊ဒါမှမဟုတ်နောက်ကျမှအိပ်တတ်တာတွေကို
Period-3 ခေါ်တဲ့မျိုးရိုးဗီဇ ဂျင်းကဆုံးဖြတ်ပေးပါတယ်။သိပ္ပံပညာရှင်တွေလေ့
လာမှုပြုလုပ်ရာမှာ Long version နဲ့ Short version ဆိုတဲ့မျိုးရိုးဗီဇ ဂျင်း
ရှုထောင့်နှစ်မျိုးရှာဖွေတွေ့ရှိခဲ့ပါတယ်။Long version ရှိတဲ့သူတွေဟာစော
စောအိပ်တတ်သူတွေဖြစ်ပြီး Short version ရှိသူတွေဟာဇီးကွက်လိုမျိုး
နောက်ကျမှအိပ်တတ်သူတွေဖြစ်ပါတယ်။
မိဘတစ်ယောက်ဆီမှ Period-3 မျိုးရိုးဗီဇဂျင်း Two version ကို ရရှိကြပါ
တယ်။Long version နှစ်မျိုးစလုံးရတဲ့သူ ဒါမှမဟုတ် Short version နှစ်မျိုး
စလုံးရရှိသူတွေဟာစောစောအိပ်တတ်တဲ့အကျင့် ဒါမှမဟုတ် နောက်ကျမှ
အိပ်တတ်တဲ့အကျင့်ကိုလွန်လွန်ကဲကဲရရှိသွားတတ်ပါတယ်။ဒါပေမယ့်များ
သောအားဖြင့် မိဘတစ်ယောက်ဆီက Version တစ်မျိုးစီသာရတတ်လေ့ရှိ
ပါတယ်။
အောက်ပါတို့ဟာ စောစောအိပ်တတ်သူ ဒါမှမဟုတ် နောက်ကျမှအိပ်တတ်
သူရဲ့ကျန်းမာရေးအကျိုးသက်ရောက်မှုအပေါ်နောက်ဆုံးသုတေသနပြုလုပ်
ရာမှရရှိထားတဲ့အဖြေတွေပါ။
-စောစောအိပ်တတ်သူများပိုမိုပင်ပန်းတတ်
ဒီမျိုးရိုးဗီဇတွေဟာအိပ်စက်မှုအပေါ်ဖိအားပေးတတ်ပါတယ်။ဒါ့အပြင်
ဇီဝနရီဟာလည်းအိပ်ချိန်၊ထချိန် တွေကို ထိန်းချုပ်ထားပါတယ်။စောစော
အိပ်တတ်သူတွေမှာအိပ်စက်မှုဖိအားဟာ ပိုပြီးမြန်မြန်တည်ဆောက်နိုင်တာ
ကြောင့်ပုံမှန်အတိုင်းအလုပ်လုပ်ပြီးနောက်ပိုင်းမှာ မြန်မြန်မောပန်းလွယ်
တတ်ပါတယ်။

-နောက်ကျမှအိပ်တတ်သူများပိုမိုဆာလောင်တတ်
စောစောအိပ်တတ်သူတွေဟာအိပ်ရာထပြီးနာရီဝက်အတွင်းနံနက်စာ
စားသုံးတတ်ပါတယ်။နောက်ကျမှအိပ်တတ်သူတွေဟာ ညဘက်အလုပ်
လုပ်တတ်တာကြောင့်ညလယ်စာစားသုံးတတ်ကြပါတယ်။နောက်ကျမှအိပ်
တတ်သူတွေဟာ ည၈နာရီနောက်ပိုင်းမှာပုံမှန်စားနေကျထက်ကယ်လိုရီနှစ်
ဆခန့်ပိုမိုစားသုံးတတ်ပါတယ်။ညဘက်စားတဲ့အစာတွေမှန်သမျှဟာနေ့ခင်း
လိုဝမ်းဗိုက်ပြည့်တင်းအောင်စားသုံးတာမဟုတ်ဘဲအစားလွန်ကျူးပြီး ကိုယ်
အလေးချိန်တိုးလာတတ်ပါတယ်။ဦးနှောက်ကိုဗိုက်ပြည့်တင်းတဲ့အကြောင်း
အချက်ပြတဲ့လက်ပတင်ဟော်မုန်း လျေ့နည်းတာကြောင့် လည်းဖြစ်ပါတယ်။
ဒါအပြင်နောက်ကျမှအိပ်တတ်သူတွေဟာမနက်အလုပ်သွားဖို့အိပ်ရာစော
စောထရတဲ့အတွက်ပ်ပန်းနေတတ်ပါတယ်။လေ့လာမှုတစ်ခုအရ အိပ်ချိန်
နည်းသူတွေဟာကာဗိုဟိုက်ဒရိတ် အထူးသဖြင့်သကြားဓာတ်ကို ၃၅ မှ၄၀
ရာခိုင်နှုန်းထိပိုမိုစာသုံးတတ်တယ်လို့သိရပါတယ်။
မကြာခင်ကပြုလုပ်တဲ့လေ့လာမှုအရ နောက်ကျမှအိပ်တတ်သူတွေဟာ
စောစောအိပ်တတ်သူတွေထက်ကိုယ်အလေးချိန်အများကြီးပိုများနေတာ
ကိုတွေ့ရှိခဲ့ပါတယ်။

-နောက်ကျမှအိပ်တတ်သူများပိုမိုဟောက်တတ်
ညဘက်မှာအစာစားထားတာတွေဟာနောက်ကျမှအိပ်တတ်သူတွေရဲ့
ကျန်းမာရေးကိုထိခိုက်စေပါတယ်။ပန်ဆာဗေးနီးယား တက္ကသိုလ် မှလေ့
လာချက်အရနောက်ကျမှအိပ်တတ်သူတွေဟာကောင်းတဲ့ကိုလက်စထရော
(HDL)အဆင့်နိမ့်တာကိုတွေ့ရှိရပါတယ်။နောက်ကျမှအိပ်တတ်သူတွေဟာ
များသောအားဖြင့်ဟောက်တတ်လေ့ရှိပြီးဟောက်တာကြောင့်အိပ်ရာမှနိုး
လာတတ်ပါတယ်။ဒါ့အပြင် နောက်ကျမှအိပ်တတ်သူတွေမှာစိတ်ဖိစီးမှုဟော်
မုန်းအဆင့်တွေလည်းမြင့်တတ်နေတာကြောင့်ဟောက်တာကိုပိုမိုဖြစ်ပေါ်စေ
တတ်ပါတယ်။

-စောစောအိပ်ရာဝင်တတ်သူများကင်ဆာဖြစ်နိုင်ခြေမြင့်မား

လေ့လာမှုအချို့အရစောစောအိပ်တတ်သူတွေမှာသားမြတ်နှင့်အူမကြီး
ကင်ဆာလိုမျိုးတစ်ချို့ကင်ဆာတွေဖြစ်နိုင်ခြေမြင့်မားတယ်လို့သိရပါတယ်။
ဒီကင်ဆာရောဂါတွေဟာ Period-3 မျိုးရိုးဗီဇ Long version နဲ့စပ်ဆက်
နေတာကြောင့်လို့ဆိုပါတယ်။စောစောအိပ်တတ်သူအများစုဟာLong version အမျိုးအစားနှစ်ခုကိုသယ်ဆောင်ထားတတ်တာကြောင့်ပါ။ဒါ့အပြင်
အိပ်စက်မှုကိုအားပေးတဲ့ မယ်လတိုနင် ဟော်မုန်းဟာမှောင်နေတဲ့အချိန်မှာ
အထွက်များပြီး အလင်းရောင်ရှိချိန်မှာ အထွက်နည်းတာကြောင့်ပါ။စောစော
အိပ်တတ်သူတွေဟာအိပ်ရာစောစောထတတ်တဲ့အတွက်အလင်းရောင်နဲ့
ထိတွေ့မှုပိုမိုများပြီးမယ်လတိုနင် အထွက်နည်းတာကြောင့်ပါ။မယ်လတိုနင်
ဟာ ဓာတ်တိုးဆန့်ကျင်တဲ့ဂုဏ်သတ္တိရှိပြီးကင်ဆာကိုလည်းကာကွယ်ထား
နိုင်တာကြောင့်လို့လေ့လာမှုအချို့ကအကြံပေးထားပါတယ်။ဒါပေမယ့်ည
ဘက်မှာအလင်းရောင်နဲ့အလုပ်လုပ်နေတာကြောင့် မယ်လတိုနင် ထုတ်လုပ်
မှုလည်းရပ်တန့်နိုင်တယ်လို့ ကျွမ်းကျင်သူတွေကဆိုထားတာကြောင့်တိတိ
ကျကျအဖြေရဖို့လေ့လာမှုအများအပြားလုပ်ဖို့လိုအပ်နေသေးတယ်လို့
ဆိုထားပါတယ်။

-နောက်ကျမှအိပ်တတ်သူများမှတ်ဥာဏ်အားနည်းနိင်
အိပ်ရာဝင်နောက်ကျတဲ့အတွက်အိပ်ရေးမ၀တာဖြစ်တတ်ပါတယ်။အိပ်
စက်ရာမှာအိပ်စက်တဲ့အဆင့်အမျိုးမျိုးရှိပါတယ်။အိပ်ရာဝင်နောက်ကျပြီး
အလုပ်သွားဖို့မနက်စောစောထရတဲ့အတွက်အိပ်စက်မှုနောက်ဆုံးအဆင့်
ကိုမရောက်ရှိတော့ပါဘူး။အဲဒီနောက်ဆုံးအဆင့်ဟာမှတ်ဥာဏ်ကိုထိခိုက်
တတ်ပါတယ်။ဒီအဆင့်ဟာတစ်နေ့တာလုံးရဲ့အတွေ့အကြုံကိုပြန်လည်မှတ်
မိစေပြီးမှတ်ဥာဏ်အတွက်ကောင်းမွန်စေတာကြောင့်ပါ။

-နောက်ကျမှအိပ်တတ်သူများပျော်ရွင်တတ်သော်လည်းစိတ်ကျနိုင်ခြေမြင့်မား
ခြုံပြီးပြောရမယ်ဆိုရင် နောက်ကျမှအိပ်တတ်သူတွေဟာပိုမိုပျော်ရွင်
တတ်ပါတယ်။လူပေါင်း၈၀၀ ကျော်ကိုပြုလုပ်ထားတဲ့လေ့လာမှုအရစောစော
အိပ်တတ်သူတွေဟာစိတ်ထိန်းချုပ်နိုင်စွမ်းပိုမိုကောင်းမွန်တယ်လို့တွေ့ရှိ
ခဲ့ရပါတယ်။လူပေါင်း၁၀၀ကျော်ကိုပြုလုပ်တဲ့နောက်ထပ်လေ့လာမှုတစ်ခု
အရလည်းသူတို့ဟာညှိနှိုင်းလွယ်ကြပြီးဖြောင့်မတ်သူတွေဖြစ်ကြပါတယ်။
အမှားအမှန်ကိုခွဲခြားနိုင်တယ်လို့သိရပါတယ်။နောက်ကျမှအိပ်တတ်သူတွေ
မှာမူပုံမှန်မဟုတ်တဲ့တစ်ခြားနည်းလမ်းတွေနဲ့ပိုမိုတွေးတောတတ်ကြပါတယ်။
နောက်ကျမှအိပ်တတ်သူတွေဟာစိတ်ကျဝေဒနာဖြစ်နိုင်ခြေမြင့်မားတယ်လို့
အိပ်စက်မှုဆိုင်ရာကျွမ်းကျင်သူတွေကဆိုပါတယ်။

-နောက်ကျမှအိပ်တတ်သူများနာကျင်မှုဝေဒနာပိုခံစားရနိုင်
နောက်ကျမှအိပ်တတ်သူတွေဟာနှစ်နှစ်ခြိုက်ခြိုက်အိပ်ပျော်မှုမရှိတာ
ကြောင့်နာကျင်မှုဝေဒနာကိုပိုမိုခံစားနိုင်တယ်လို့အမေရီကန်နိုင်ငံမှသုတေ
သီတွေကတွေ့ရှိခဲ့ပါတယ်။မနက် ၄နာရီလောက်မှာခန္တာကိုယ်သဘာဝအ
တိုင်းရောင်ရမ်းမှုကိုတွန်းလှန်နိုင်တဲ့ပစ္စည်းတွေအများအပြားထုတ်လုပ်လိုက်
တဲ့အတွက်အဆစ်ရောင်တာ၊အဆစ်ကိုက်တာနဲ့ အဆစ်တောင့်တင်းတာတွေ
သက်သာသွားပါတယ်။စောစောအိပ်တတ်သူတွေဟာဒီအကျိုးကျေးဇူးကိုရ
ရှိစေနိုင်ဖို့အတွက်အချိန်မှီအိပ်ရာနိုးလာတတ်ပေမယ့်နောက်ကျမှအိပ်တတ်
သူတွေအိပ်ရာထတဲ့အခါဒီအကျိုးကျေးဇူးတွေမရနိုင်တော့ပါဘူး။
အိပ်စက်ချိန်ဟာမျိုးရိုးဗီဇဂျင်းကြောင့်ကွဲပြားကြပေမယ့်အသက်အရွယ်ပေါ်
မူတည်ပြီးတော့လည်းပြန်လည်ပြောင်းလဲနိုင်ပါတယ်။အသက် ၁၀နှစ်ကျော်
လာရင်အိပ်ရာဝင်နောက်ကျပြီး အိပ်ရာထတာလည်းနောက်ကျတတ်ပါတယ်။
အမျိုးသားတွေမှာ ၂၀ နဲ့ ၂၁ နှစ်အရွယ်ထိ၊အမျိုးသမီးတွေမှာ၁၉နှစ်ဝန်းကျင်
အထိ ဒီလိုဖြစ်စဉ်တွေဖြစ်တတ်ပါတယ်။ဆယ်ကျော်သက်အရွယ်ကျော်လွန်
ပြီးရင်အမျိုးသားတွေဟာအမျိုးသမီးတွေထက်အိပ်ရာဝင်နောက်ကျသွား
တတ်ပါတယ်။အိပ်ချိန်ပြောင်းလဲတာတွေဟာလည်း Sex ဟော်မုန်းအီစထရို
ဂျင်နဲ့ တက်စတိုစတီရုန်းတို့နဲ့လည်းသက်ဆိုင်ပါတယ်။ဒီဟော်မုန်းတွေ
ခန္တာကိုယ်ထဲမှာလျော့နည်းလာရင်အိပ်ရာဝင်ပိုစောတတ်ပါတယ်။ဒီပြောင်း
လဲမှုဟာအထူးသဖြင့်အမျိုးသမီးတွေ မီးယပ်သွေးဆုံးပြီးနောက်ပိုင်းအီစထ
ရိုဂျင်ကျဆင်းသွားချိန်မှာဖြစ်တတ်ပါတယ်။

-နောက်ကျမှအိပ်တတ်သူတွေက ဘာကြောင့်စောစောအိပ်တတ်သူတွေကို
လက်ထပ်သင့်ပါသလဲ။
အသက်ရှည်တဲ့အိမ်ထောင်သည်တွေဟာနောက်ကျမှအိပ်တတ်သူတွေ
နဲ့စောစောအိပ်တတ်သူတွေ ဖြစ်ပါတယ်။သင့်အိမ်ထောင်ဖက်ရဲ့အိပ်စက်မှု
အမူအကျင့်ကိုလိုက်လျောနိုင်ရင်တခြားကိစ္စတွေမှာလည်းတစ်ယောက်နဲ့
တစ်ယောက်နားလည်မှုရှိနိုင်တာကြောင့်ပါ။တစ်ယောက်ရဲ့အကျင့်ကိုတစ်
ယောက်ကပိုမိုသည်းခံနားလည်နိုင်တဲ့အတွက်ကြောင့်ပါ။

ဒေါက်တာခင်မိုးမိုး
By- Good Health

Read More

မယ်စကြ်ာဠာပြိုင်ပွဲနှင့် နိုင်ငံရေး

မြန်မာပြည်က တရုတ်၊မြန်မာ၊ရှမ်းကပြားမလေးမိုးစက်ဝိုင် ကိုမြန်မာပြည် ကိုယ်စားပြုမယ်အဖြစ်မသတ်မှတ်ဖို့  အချို့ က ကန့် ကွက်ကြချိန်မှာ ကိုဆိုဘိုက အလှမယ်လေးကတော့ မိုးစက်ဝိုင်လောက်ကံမကောင်းရှာပါဘူး။
သြဂုတ်စ်လမှာ မီရီဂျက်တာဟာ ကိုဆိုဘိုအလှမယ်အဖြစ်အရွေးခံခဲ့ရပါတယ်။
ဒီနှစ်မယ်စကြ်ာပြိုင်ပွဲမှာ ၂၀၁၃ ရဲ့ သရဖူကိုသူရနိုင်ချေရှိတယ်လို့ ထင်ကြေးပေးမှုတွေရှိပြီး ထိပ်တန်း၅ ယောက်ထဲမှာထည့်သွင်းခန့် မှန်းခြင်းခံရသူလည်းဖြစ်ပါတယ်။
ဒါပေမယ့် မယ်စကြ်ာပြိုင်ပွဲမှာ ကိုဆိုဘိုက အလှမယ်ပါဝင်ယှဉ်ပြိုင်ခွင့်ကိုရုရှားကလက်မခံခဲ့ပါဘူး။
ရုရှားက ကိုဆိုဘိုကို ပြောလိုက်တဲ့စကားကတိုတိုတုတ်တုတ်ပါပဲ။
"ဘာဖြစ်လို့ လဲဆိုတော့ ကိုဆိုဘိုဟာမလွတ်လပ်လို့ ပဲ"တဲ့။"Because you are not independent." - Russia to Kosovo

ကိုဆိုဘိုက ၂၀၀၈ ခုနှစ်မှာ ဆားဘီးယားထံကလွတ်လပ်ရေးကြေငြာခဲ့ပေမယ့် ကိုဆိုဘိုနိုင်ငံလွတ်လပ်ရေးဟာ ကမ္ဘာပေါ်အငြင်းပွားစရာကိစ္စတခုအဖြစ်ရှိနေတုန်းပါ။ ရုရှားနဲ့ အချို့ သောနိုင်ငံတွေက ကိုဆိုဘိုရဲ့ လွတ်လပ်ရေးကို လက်မခံကြပါဘူး။တိတိကျကျပြောရရင် ကုလသမဂ္ဂအဖွဲ့ ဝင်နိုင်ငံ ထဲက နိုင်ငံပေါင်း ၈၀ကဖြစ်ပါတယ်။
the melting pot 4 U

Read More

မူမမှန်သော လိင်စိတ် စုံမက်ခြင်း Paraphilias အကြောင်းသိကောင်းစရာ

မူမမှန်သော လိင်စိတ် စုံမက်ခြင်း Paraphilias သည်အလွန့် အလွန် ရှားပါးသော ရောဂါစု တစ်ခု ဖြစ်ပြီး အသက် ၁၅နှစ် မှ ၂၅နှစ် အရွယ် အမျိုးသား များတွင် အများဆုံး ဖြစ်လေ့ ရှိပါသည်။


အမေရိကန် စိတ် ကျန်းမာရေး ဆရာဝန်များ အသင်းကြီးမှ ထုတ်ဝေသော စိတ်ရောဂါ အညွှန်း (Diagnostic and Statistical Manual of Mental Disorders - DSM) တွင် "လိင် စိတ်ကြွ ခြင်းသို့ ရောက်ရှိ နိုင်သော ပြင်းထန် သော စုံမက်ခြင်းမျိုး ဖြစ်ရမည် ဖြစ်ပြီး မိမိကိုယ်တိုင် သို့မဟုတ် တစ်ပါးသူကို စိတ်ရော ကိုယ်ပါ ထိခိုက် စေသည့် အတိုင်း အတာ ထိ ဖြစ်မှ သာလျှင် ရောဂါဟု သတ်မှတ်သည်။" ဟုအဓိပ္ပါယ် ဖွင့်ဆို ထားပါသည်။ လူတိုင်းတွင် ဆန်းပြားသော လိင်စိတ် ရှိတတ် ကြသည်ကို ထည့်သွင်း စဉ်းစား သဖြင့် ရောဂါဟု သတ်မှတ်ရန် မိမိ သို့မ ဟုတ် သူတပါးအား ထိခိုက် စေသည် ဟူသည့် အချက် လိုအပ် ပါသည်။ အခြားသော စိတ်ရောဂါ များနည်းတူ ရောဂါ လက္ခဏာ အနည်းဆုံး ခြောက်လ ရှိရမည် ဖြစ်ပြီး မိမိ၏ လူမှု ဆက်ဆံရေး၊ အလုပ်အကိုင်နှင့် နေ့စဉ်ဘဝ တို့တွင် ထိခိုက် လာသည့် အနေအထား ရောက်မှ သာလျှင် ရောဂါဟု အမည် တပ်၍ ရပါသည်။




မူမမှန် လိင်စိတ် စုံမက်ခြင်း ရောဂါစု (Paraphilias)
မူမမှန်သော လိင်စိတ် စုံမက်ခြင်းတွင် ဖော်ချွတ် ပြခြင်း (Exhibitionism)၊ သက်မဲ့ အရာဝတ္ထု တစ်ခုခုကို လိင်စိတ် အလို့ငှာ တပ်မက်ခြင်း (Fetishism)၊ ပွတ်သပ်ခြင်း (Frotteurism)၊ ကလေး များကို တပ်မက်ခြင်း (Pedophilia)၊ အနာတရ ဖြစ်ပြီး လိင်စိတ် ကြွစေခြင်း (Sexual masochism)၊ ညှင်းပန်း နှိပ်စက်ပြီး လိင်စိတ် ကြွစေခြင်း (Sexual sadism)၊ ဆန့်ကျင်ဘက် လိင်၏ အဝတ် အစားများ ဝတ်ရန် နှစ်သက်ခြင်း (Transvestism) နှင့်ချောင်းကြည့်ခြင်း (Voyeurism - Peeping Tom) စသည့် ရောဂါ အခြေ အနေ ရှစ်မျိုးတို့ ပါဝင် ပါသည်။




ဖော်ချွတ်ပြ သူများမှာ အမျိုးသား များ ဖြစ်ကြပြီး အမျိုးသမီး များကို ပြသလေ့ ရှိပါသည်။ သက်မဲ့ အရာ ဝတ္ထု တစ်ခုခုကို လိင်စိတ် အလို့ငှာ တပ်မက်သူ များသည် ခြေဖဝါး စသော ကိုယ်ခန္ဓာ အစိတ်အပိုင်း သို့မဟုတ် ဖိနပ်၊ အတွင်းခံ စသော သက်မဲ့ အရာဝတ္ထု များကို တွေ့မြင်ရုံ၊ ကိုင်ထိရုံဖြင့် ပြင်းပြသော လိင်စိတ် ကြွခြင်း ဖြစ်နိုင်ကြ သူများ ဖြစ်ကြ ပါသည်။ ပွတ်သပ်ကြ သူများသည် အများ အားဖြင့် လူစည် ကားရာ နေရာ များတွင် သူတပါးအား ခွင့်ပြုချက် မရှိဘဲ လိင်စိတ် သက်သက်ဖြင့် ပွတ်သပ် အာသာဖြေ ကြသူများ ဖြစ်ကြသည်။ ကလေးငယ် များကို တပ်မက်ခြင်း ဆိုသည်မှာ အပျိုဖော်၊ လူပျိုဖော် မဝင် သေးသော ကလေးငယ် များကို လိင်စိတ် အလို့ငှာ တပ်မက်ကြပြီး ပြုလုပ်သူသည် အနည်းဆုံး အသက် ဆယ့်ခြောက်နှစ် ရှိရမည် ဖြစ်ပြီး ကလေး ငယ်နှင့် အနည်းဆုံး အသက် ငါးနှစ် ကွာခြား ရမည်ဟု ရည်ညွှန်း စာအုပ်တွင် ပါရှိပါသည်။



အနာတရ ဖြစ်ပြီး လိင်စိတ် ကြွအောင် ပြုလုပ်သူ များနှင့် ညှင်းပန်း နှိပ်စက်ပြီး လိင်စိတ် အာသာဖြေ သူများမှာမူ ရိုက်နှက်ခြင်း၊ ကြိုးတုတ်ခြင်း၊ လည်ပင်း ညှစ်ခြင်း စသည့် အန္တရာယ် ကြီးပြီး ရက်စက်သည့် အပြုအမူ များကို မိမိကိုယ်ကို လည်းကောင်း၊ တပါးသူကို လည်းကောင်း ပြုလုပ်ပြီး လိင်စိတ်ကြွ အာသာဖြေ သူများ ဖြစ်ကြသည်။ ၎င်းမူမမှန်သော လိင်စိတ်သည် အသက် အန္တရာယ် ကြီးပြီး လူကို သေစေ နိုင်လောက် သော သာဓက များလည်း များစွာ ရှိခဲ့ပါသည်။ ဆန့်ကျင်ဘက် လိင်၏ အဝတ် အစားများ ဝတ်ရန် နှစ်သက် သူများကို ယခင်က လိင်ကွဲ နှစ်သက်သူ အမျိုးသားများ အတွက် သာဟု သတ်မှတ် ထားပြီး နောက်ဆုံး ထုတ် ရည်ညွှန်း စာအုပ်တွင် လိင်တူ၊ လိင်ကွဲ၊ အမျိုးသား၊ အမျိုးသမီး အားလုံးကို သတ်မှတ် နိုင်သည်ဟု ပြောင်းလဲ ပါရှိပါသည်။ ချောင်းကြည့် သူများမှာ ရေချိုးစဉ်၊ ကိုယ်လုံးတီး ဖြစ်နေစဉ်၊ အဝတ် လဲချိန်၊ လိင်ဆက်ဆံ နေချိန်တို့တွင် လိင်အင်္ဂါ သို့မဟုတ် ကာမ စပ်ယှက်မှု တို့ကို စောင့်ကြည့်ပြီး အာသာ ဖြေ ကြသူ များဟု သတ်မှတ် ပါသည်။


ရောဂါ အကြောင်းရင်းခံ (Pathophysiology)
မူမမှန်သော လိင်စိတ် စုံမက်ခြင်း ဖြစ်ရသည့် အကြောင်းရင်း များကို သီအိုရီ မျိုးစုံ ထုတ်ပြီး ရှင်းလင်း ကြသော် လည်း မည်သည့် သီအိုရီကမှ ပြည့်စုံသော အဖြေကို မပေးနိုင် သေးပေ။ စိတ်ပညာ ဘာသာ ရပ်၏ ဖခင်ကြီး Sigmund Freud ၏စိတ်ကို ခွဲခြမ်း လေ့လာ သည့် သီအိုရီ (Psychoanalytical Theory) အရ မိတ်ဖက် ရှာခြင်း (Courtship) တွင် အဖော် ရှာခြင်း၊ အထိ အတွေ့ မရှိမီ အဆင့် (စကားပြော ကြည့်ခြင်း၊ ကြူခြင်း)၊ ထိတွေ့ ကိုင်တွယ်ခြင်းနှင့် လိင်ဆက် ဆံခြင်း ဟူ၍ အဆင့် လေးဆင့် ရှိရာ မူမမှန်သော စုံမက် ခြင်းသည် အဆင့် တစ်ဆင့်စီ တိုင်းတွင် ပုံမှန် မိတ်ဖက် ရှာသည့် အပြု အမူ ဖွံ့ဖြိုးမှု မရှိခဲ့၍ သော် လည်းကောင်း၊ ဖွံ့ဖြိုးမှု အတား အဆီးများ ရှိခဲ့၍ သော် လည်းကောင်း ဖြစ်နိုင် သည်ဟု ဆိုသည်။ ဤသီအိုရီ အရ ချောင်းကြည့် ခြင်းဖြင့် စိတ် အာသာ ဖြေတတ် သူများသည် ပထမ အဆင့် ဖြစ်သည့် မိတ်ဖက် ရှာခြင်းတွင် ပြဿနာများ ရှိခဲ့၍ ဖြစ်နိုင် သည်ဟု ယူဆရသည်။ ယောင်္ကျားလေး ကလေး ငယ်များ လိင်စိတ် သတ်မှတ် ချိန်တွင် မိခင် ဖြစ်သူက လိင်မတူ၍ 'ကျား' လိင်အဖြစ် သတ်မှတ်ခြင်း ခံရသည်ဟု ဖော်ချွတ် ပြခြင်းဖြင့် လိင်စိတ် ဖြေဖျောက် တတ်သူ များက ၎င်းတို့၏ မသိစိတ်တွင် ယူဆကြ သောကြောင့် ဖော်ချွတ် ပြသပြီး 'မ' လိင်တို့၏ အသိ အမှတ် ပြုမှုကို ရယူကြ သည်ဟု စိတ်ကို ခွဲခြမ်း လေ့လာသည့် သီအိုရီက ဆိုသည်။ ပွတ်သပ် ခြင်းဖြင့် လိင်စိတ် ဖြေဖျောက် သူများ မှာမူ ထိတွေ့ ကိုင်တွယ်ခြင်း အဆင့်တွင် အလွန်အကျူး တပ်မက် ခြင်းကြောင့် ဟုယူဆ ရသည်။



ဥပဒေ ရေးရာနှင့် ငြိစွန်းခြင်း (Legal implications)
မူမမှန်သော လိင်စိတ် စုံမက်ကြ သူများသည် ထိုအပြုအမူ တို့ကြောင့် ဥပဒေ အရ အရေးယူ ခံရနိုင် သည်ကို သိရှိကြ သော်လည်း၊ လူမှုရေး နယ်ပယ်တွင် အရှုံ့ချ ခံရမည် ကိုပင် စိတ်မပူ ကြဘဲ မိမိတို့ ပြုသော အပြုအမူ၏ စွန့်စားဖွယ် ကောင်းမှု၊ စိတ်လှုပ်ရှားဖွယ် ကောင်းမှု တို့တွင် သာယာ လာသော ကြောင့် ထပ်ခါ ထပ်ခါ ပြုမူ ကြသည် ကိုလည်း လေ့လာမှု များအရ သိရှိလာ ရပါသေးသည်။ မိမိပြု လိုက်သည့် အပြုအမူ ထက် ထိုအပြု အမူကို ပြုလုပ် လိုက်ခြင်းကြောင့် ဖြစ်လာသော စိတ်လှုပ်ရှား မှုက လိင်စိတ် အာသာ ပြေမှုကို ဖြစ်စေ သည်ဟု ဆိုလိုခြင်း ဖြစ်ပါ သည်။ ၎င်း အပြု အမူ များသည် လူမှု ပတ်ဝန်းကျင် အတွက် မသင့်လျော် သည့်အပြင် အချို့သော တပ်မက်ခြင်း များသည် အသက် အန္တရာယ် ကိုပါ ထိခိုက်နိုင် သောကြောင့် အရေးယူရန် ဥပဒေများ ထားရှိ ပါသည်။ မြန်မာ နိုင်ငံတွင် မူမမှန် လိင်စိတ် တပ်မက်မှု အားလုံးကို ရာဇ သတ်ကြီး ဥပဒေ ပုဒ်မ ၃၇၇ ဖြင့် အရေးယူ နိုင်ပါသည်။ ပုဒ်မ ၃၇၇တွင် မူမမှန် လိင်စိတ် တပ်မက်ခြင်း အပြင် ဓမ္မတာနှင့် ဆန့်ကျင် သော လိင်တူ လိင်ကွဲ ဆက်ဆံမှု (Homosexuality, Oral sex, Anal sex) အားလုံး ပါရှိပြီး တစ်သက် တစ်ကျွန်း ပြစ်ဒဏ် သို့မဟုတ် ထောင်ဒဏ် ၁၀နှစ် သို့မဟုတ် ငွေဒဏ် တို့ကို ချမှတ် နိုင်ပါ သည်။



ရောဂါ ဖော်ထုတ် အမည် တပ်ခြင်း (Diagnosis)
မူမမှန်သော လိင်စိတ်ကို ပင်ရင်း စိတ်ရောဂါ တစ်ခု အဖြစ် သတ်မှတ်ကြ သည့်အပြင် စိတ်ကစဥ့် ကလျား ရောဂါ၊ အရက်စွဲ ရောဂါ၊ ဉာဏ်ရည် မမီခြင်း၊ စိတ်ဓာတ် ကျဆင်းခြင်း စသည့် အခြားစိတ် ရောဂါ များ၏ ရောဂါ လက္ခဏာလည်း ဖြစ်နိုင် သောကြောင့် အခြားသော ဖြစ်နိုင်ချေ ရှိသည် တို့ကိုပါ ထည့်သွင်း စဉ်းစားရန် လိုအပ် ပါသည်။ ထို့အပြင် ဦးနှောက် ဆစ်ဖလစ်၊ ခုခံအား ကျဆင်းမှု ကူးစက် ရောဂါ (AIDS)၊ ဦးနှောက် တွင်း ဒဏ်ရာရခြင်း၊ ဦးနှောက် တွင်း အကျိတ် အလုံးများ ဖြစ်ခြင်း တို့ကြောင့်လည်း မူမမှန်သော လိင်စိတ် စုံမက်ခြင်း ဖြစ်နိုင် သောကြောင့် ရောဂါ သမိုင်းကြောင်း မေးခြင်းနှင့် လူနာကို စမ်းသပ် စစ်ဆေးချိန် တို့တွင် ၎င်းရောဂါ တွေကိုပါ ရှာဖွေ ကြည့်ရန်မှာ အလွန် အရေးကြီး လှပါသည်။ မူမမှန်သော လိင်စိတ် စုံမက်သည့် ရောဂါရှိသူ တို့သည် မိမိတို့၏ စိတ်ဆန္ဒကို မထိန်းချုပ် နိုင်ကြဘဲ စိတ်ဖိစီးမှု များလာ တတ်ကြပြီး ထိုစိတ်ဖိစီးမှု များကို ဖြေဖျောက် ရန် သက်ဆိုင်ရာ အပြုအမူ များကို ပြုလုပ် တတ် ကြသဖြင့် ဝေဒနာရှင် ကိုယ်တိုင် တွင်လည်း စိတ်ဖိစီးမှု အတိုင်း အတာ တစ်ခု အထိ ရှိကြသည်ကို လူမှု အသိုင်း အဝိုင်းက နားလည် သတိပြု ရန်လည်း လိုအပ်လှ ပေသည်။



ကုသရန် နည်းလမ်းများ (Clinical management)
မူမမှန် လိင်စိတ် ရှိသူတို့ကို ကုသရာတွင် အခြားသော စိတ်ရောဂါ များကို ကုသသည့် နည်းလမ်း များနည်းတူ ဆေးပေး ကုသခြင်း (Biological approach)၊ မိမိစိတ်ကို သိမြင် ထိန်းချုပ် နိုင်စေရန် အားပေးသည့် စိတ်ကုထုံး (Psychological approach) နှင့်လူမှု ပတ်ဝန်းကျင်တွင် ပြန်လည် ဝင်ဆန့် နိုင်စေရန် လူမှုရေး ကုထုံး (Social approach) စသည့် (Bio-psycho-social approach) နည်းလမ်း သုံးသွယ်ဖြင့် ကုသကြ ရပါသည်။ ဝေဒနာရှင်၊ စိတ်ရောဂါ ဆရာဝန် (Psychiatrist)၊ စိတ် ပညာရှင် (Clinical psychologist)၊ မိသားစု၊ ဘာသာရေး ခေါင်းဆောင် စသူ တို့အပြင် ပတ်ဝန်းကျင် လူထုကပါ တွဲဖက် ကုသမှသာ အမှန်တကယ် ထိရောက်မှု ရှိပါသည်။ ဝေဒနာရှင် ကိုယ်တိုင် သို့မဟုတ် တပါးသူ တို့ကို အသက် အန္တရာယ် ရှိစေ နိုင်သော မိမိကိုယ်ကို သတ်သေရန် ကြိုးပမ်းခြင်း ကဲ့သို့ အခြေ အနေ အားလုံး အတွက် စိတ် ကျန်းမာရေး ဆေးရုံတွင် အတွင်းလူနာ အဖြစ် ကုသ ရမည် ဖြစ်ပါသည်။



ဆေးဝါးဖြင့် ကုသမှုတွင် စိတ်ကျ ပျောက်ဆေး (Antidepressants)၊ လိင်စိတ်ကို လျှော့ချ ပေးသည့် ဆေးတို့ကို ကျွမ်းကျင် သော စိတ်ရောဂါ ကု ဆရာဝန်က တာဝန်ယူ ကုသ ရပါသည်။ စိတ်ကုထုံးဖြင့် ကုသ ရာတွင် မိမိ၏ လိင်စိတ် မူမမှန်မှုကို သတိပြု နားလည် စေပြီး ထိန်းချုပ် နိုင်စေရန် ကူညီရ သည့်အပြင် မူမမှန်သည့် စွဲလမ်း မှုများ နေရာတွင် လူမှု ပတ်ဝန်း ကျင်တွင် လက်သင့် ခံနိုင်သော လိင်စိတ် လှုံ့ဆော်သည့် အရာများကို အစားထိုး စေခြင်း တို့ဖြင့် ဝေဒနာရှင်၏ လိင်စိတ်ကို တစ်ဆင့်ချင်း ပုံသွင်းယူပြီး မူမမှန် စွဲလမ်းမှုကို သက်သာ စေခြင်းပင် ဖြစ်သည်။ ယခင် အလားတူ ဝေဒနာကို ခံစားခဲ့ ဖူးပြီး ကုသ ပျောက်ကင်း သွားသူ များနှင့် တွေ့ဆုံ စကားပြော စေခြင်း သည်လည်း စိတ်ရောဂါ ကုသ ရေး၏ အရေး ပါသော အခန်း ကဏ္ဍ တစ်ခု ဖြစ်ပါသည်။ ထို့အပြင် ၎င်းဝေဒနာရှင် အများစုသည် လူမှု ဆက်ဆံရေးတွင် အခက်အခဲ ရှိသူများ ဖြစ်တတ် ကြသဖြင့် တစ်ကိုယ်တည်း နေလျှင် မူမမှန် စုံမက် မှုများ ပြန်ဖြစ်လာ နိုင်သောကြောင့် လူမှုရေး၊ ပေါင်းသင်း ဆက်ဆံရေး စသည် တို့ကိုလည်း သင်ကြား ပေးရန် လိုအပ် ပါသည်။ လူမှု ပတ်ဝန်း ကျင် ကလည်း မူမမှန်သော စုံမက် မှုသည် စိတ်ရောဂါ အခြေအနေ တစ်ခု ဖြစ်သည်ကို နားလည် သိရှိရန် လိုအပ်ပြီး ပတ်ဝန်း ကျင်မှ ကြဉ်ထား ခြင်းမျိုး မပြု လုပ်ဘဲ စိတ်ကျန်း မာရေး အသိဖြင့် ကူညီ ပေးကြ ရန်လည်း အလွန် အရေးကြီး လှပါသည်။

References
(1) Medscape - Paraphilias
(2) Wikipedia - Paraphilias
(3) American Psychiatrist Association Paraphilia Fact Sheet
(4) Myanmar - The Penal Code

Read More

ပေါ်တူဂီ၊ ပြင်သစ်၊ ဆွီဒင်၊ ခရိုအေးရှားတို့ ပါဝင်နေသည့် ဥရောပဇုန် ကမ္ဘာ့ဖလားခြေစစ်ပွဲ Play-Offs ပွဲစဉ်မဲခွဲမှုများ အောက်တိုဘာ ၂၁ တွင်ပြုလုပ်မည်

ဥရောပဇုန်မှ ကမ္ဘာ့ဖလားခြေစစ်ပွဲစဉ် အုပ်စုနောက်ဆုံးပွဲစဉ်များကို ပြီးခဲ့သည့် ဗုဒ္ဓဟူးနေ့က ယှဉ်ပြိုင် ကစားခဲ့ရာ တိုက်ရိုက်ခြေစစ်ပွဲ အောင်မြင်သည့် အသင်းများ အဖြေထွက်ခဲ့သလို Play-Offs ကစားရမည့် အသင်းများလည်း ထွက်ပေါ်လာခဲ့ပြီဖြစ်သည်။


နာမည်ကျော်အသင်းများဖြစ်သည့် အင်္ဂလန်၊ စပိန်၊ ရုရှ စသည့် အသင်းများ ခြေစစ်ပွဲကို တိုက်ရိုက်အောင်မြင်ခဲ့သလို ဘော့စနီးယားအသင်းမှာလည်း အသင်းသမိုင်းတစ်လျှောက် ကမ္ဘာ့ဖလား ပြိုင်ပွဲကို ပထမဆုံးအကြိမ်အဖြစ် ပါဝင်ယှဉ်ပြိုင်ခွင့်ရရှိခဲ့သည်။ ခြေစစ်ပွဲအောင်ရန် နာမည်ကြီးခဲ့သော်လည်း တိုက်ရိုက်မအောင်မြင်ခဲ့ဘဲ Play-Offs အဆင့်ဖြင့် နောက်တစ်ဆင့် ယှဉ်ပြိုင်ရမည့်အသင်းများထဲတွင် နာမည်ကြီး ပေါ်တူဂီ၊ ဆွီဒင်၊ ပြင်သစ်၊ ခရိုအေးရှား စသည့် အသင်းများ ပါဝင်နေပြီး အဆိုပါ Play-Offs ပွဲစဉ်များ အတွက် မဲခွဲပွဲကို လာမည့်အောက်တိုဘာ ၂၁ ရက်တွင် ဖီဖာရုံးစိုက်ရာ ဆွစ်ဇာလန်နိုင်ငံ၊ ဇူးရစ်မြို့တွင် ကျင်းပပြုလုပ်သွားမည်ဖြစ်သည်။

ဥရောပဇုန် အုပ်စု(၉) အုပ်စုထဲမှ အုပ်စု ဒုတိယရရှိသည့် အသင်း ကိုးသင်းထဲမှ အကောင်းဆုံးရှစ်သင်းမှာ Play-Offs ပွဲစဉ်များ ကစားခွင့်ရရှိမည်ဖြစ်ပြီး အုပ်စု(ခ)မှ ဒိန်းမတ်အသင်းမှာ အုပ်စုဒုတိယနေရာတွင် ရပ်တည် နိုင်ခဲ့သော်လည်း အခြားအုပ်စုများမှ ဒုတိယရရှိသောအသင်းများထက် ရလဒ်များ ဆိုးရွားခြင်းကြောင့် နောက်ဆုံး ရှစ်သင်းထဲတွင် ပါဝင်နိုင်ခဲ့ခြင်းမရှိပေ။ ထို့ကြောင့် Play-Offs အဆင့်သို့ အုပ်စု(က)မှ ခရိုအေးရှား၊ အုပ်စု(ဂ)မှ ဆွီဒင်အသင်း၊ အုပ်စု(ဃ)မှ ရိုမေးနီးယား၊ အုပ်စု(င)မှ အိုက်စလန် အသင်း၊ အုပ်စု (စ)မှ ပေါ်တူဂီအသင်း၊ အုပ်စု(ဆ)မှ ဂရိအသင်း၊ အုပ်စု(ဇ)မှ ယူကရိန်းအသင်းနှင့် အုပ်စု(ဈ)မှ ပြင်သစ် အသင်းတို့ တက်ရောက်လာနိုင်ခဲ့ကြသည်။ နာမည်ကျော်တိုက်စစ်မှူး စီရော်နယ်ဒို ပါဝင်သည့် ပေါ်တူဂီ အသင်းမှာ ခြေစစ်ပွဲတိုက်ရိုက်အောင်မြင်ရန် နာမည်ကြီးခဲ့သော်လည်း ကာပယ်လို၏ ရုရှနောက်တွင်သာ ရပ်တည်နိုင်ခဲ့သဖြင့် Play-Offs ဖြင့်သာ ကျေနပ်ခဲ့ရခြင်းဖြစ်ပြီး ပြင်သစ်အသင်းမှာလည်း လက်ရှိ ကမ္ဘာ့ချန်ပီယံစပိန်၏ နောက်ကောက်ချခြင်းခံရကာ အုပ်စုဒုတိယနေရာဖြင့်သာ ရပ်တည်နိုင်ခဲ့ခြင်းဖြစ်သည်။

မဲခွဲပွဲများပြုလုပ်ရာတွင် Play-Offs အဆင့်တွင် ပါဝင်ခွင့်ရထားသည့် အသင်းရှစ်သင်းအား ယနေ့ (ကြာသပတေး)တွင် ထုတ်ပြန်မည့် အောက်တိုဘာလအတွက် ကမ္ဘာ့အဆင့်သတ်မှတ်များအပေါ် အခြေခံပြီး ဆီဒင်အဆင့် သတ်မှတ်သွားမည်ဖြစ်ကြောင်း သိရသည်။

ဆီဒင်အဆင့်သတ်မှတ်ချက်အရ ကမ္ဘာ့အဆင့်အမြင့်ဆုံးအသင်းလေးသင်းမှာ အနိမ့်ဆုံးအသင်းများနှင့် ရင်ဆိုင်ရမည်ဖြစ်သည်။ Play-Offs မဲခွဲပွဲပြီး နောက်ထွက်ပေါ်လာသော ပွဲစဉ်များအား အိမ်ကွင်း၊ အဝေးကွင်း နှစ်ကျော့ ကစားရမည်ဖြစ်ပြီး ပထမအကျော့ပွဲစဉ်များကို လာမည့်နိုဝင်ဘာ ၁၅ ရက်နှင့် ဒုတိယအကျော့ ပွဲစဉ်များကို နိုဝင်ဘာ ၁၉ ရက်များတွင် ကစားကြရမည်
ဖြစ်သည်။
By Mizzima

Read More

ရေသောက်နည်းသောအခါဖြစ်တက်သောရောဂါများ

လူကြီးတစ်ယောက်၏ ခန္ဓာကိုယ်တွင် ရေဓာတ်သည် ၅၀ ရာခိုင်နှုန်းမှ ၆၀ ရာခိုင်နှုန်းနှင့် ကလေးတစ်ဦးတွင် ၇၅ ရာခိုင်နှုန်းအထိ ပါဝင်ဖွဲ့စည်းထားသည်။

ပါဝင်မှုများပြားသည့် ရေသည် ခန္ဓာကိုယ်တစ်ခုလုံး၏ အင်္ဂါအစိတ်အပိုင်းများ ဟန်ချက်ညီစွာ လုပ်ငန်းဆောင်ရွက်နိုင်ရန်အတွက် မရှိမဖြစ်လိုအပ်သည့် အရာတစ်ခုလည်းဖြစ်သည်။ ရေရှိနေ၍သာ ဦးနှောက်မှအစ အသည်း၊ ကျောက်ကပ်၊ နှလုံးနှင့် အင်္ဂါအစိတ်အပိုင်းများသည် ခန္ဓာကိုယ်၏ လုပ်ငန်းများအား ဆောင်ရွက်နေနိုင်ခြင်းဖြစ်ကြောင်း သိရသည်။

ထိုအရေးပါသည့် ရေအား လုံလောက်စွာ ဖြည့်တင်းပေးနိုင်ရန် လိုအပ်ပြီး မကြာသေးမီက နိုင်ငံတကာအဖွဲ့အစည်းတစ်ခု၏ လေ့လာသုတေသန ဆောင်ရွက်မှုတစ်ခုတွင် ရေသောက်သုံးမှု နည်းပါးနေကြောင်း လေ့လာချက်တစ်ခုအား ဖော်ပြထားသည်ကို နိုင်ငံပိုင်သတင်းစာများတွင် ဖော်ပြခဲ့ကြသည်။
ခန္ဓာကိုယ်တွင် ရေသည် ပုံမှန်ရာသီဥတုအရ တစ်နေ့လျှင် လူကြီးတစ်ယောက်အတွက် 2000 ml-3000 ml
(ပုံမှန်ရေဖန်ခွက် ၁၀ ခွက်ခန့်)အထိ လိုအပ်ပြီး ပူပြင်းသည့်အချိန်တွင် ထို့ထက်ပိုမိုလိုအပ်ကြောင်း အထွေထွေရောဂါကုဆရာဝန် ဒေါက်တာလှိုင်စိုးဝယ်က ပြောသည်။

“ကျန်းမာတဲ့လူတစ်ဦးက ဆီးကနေ ရေစွန့်ထုတ်မှု တစ်နေ့ကို 1000-1500ml လောက်ရှိတယ်။ ဒါ့အပြင် အရေပြားကနေ ထွက်သွားတာတွေ၊ အသက်ရှူရာကနေ ထွက်သွားတာတွေ၊ မျက်ရည်အဖြစ် ထွက်သွားတာတွေ စတာတွေ ပေါင်းလိုက်ရင် 500-1000 ကြားလောက် နေ့စဉ်ဆုံးရှုံးနေတယ်”ဟု ဒေါက်တာလှိုင်စိုးဝယ်က ပြောသည်။
ထို့အတွက် ရေဓာတ်သည် ခန္ဓာကိုယ်အတွင်း မဖြစ်မနေ လိုအပ်သည့် အရာတစ်ခုဖြစ်ပြီး ရေဓာတ်နည်းပါးခြင်းကြောင့် ရေတိုတွင် ချက်ချင်းကျန်းမာရေး ထိခိုက်မှုများမဖြစ်နိုင်သော်လည်း ရေရှည်တွင် ရေဓာတ်နည်းပါးခြင်း၏ နောက်ဆက်တွဲဆိုးကျိုးများ ခံစားရရှိစေနိုင်သည်များလည်းရှိကြောင်း သိရသည်။

ရေသောက်နည်းသူများတွင် အရည်ဆုံးရှုံးခြင်း လက္ခဏာများဖြစ်သည့် အစာမစားချင်ဖြစ်ခြင်း၊ အော့အန်ခြင်း၊ အားအင်ကုန်ခန်းခြင်း၊ မူးမော်ခြင်း၊ မျက်တွင်းကျခြင်း၊ ဆီးနည်းခြင်း၊ နှလုံးတုန်ခြင်း ဝေဒနာများအား ခံစားကြရလေ့ရှိပြီး အကြောင်းအမျိုးမျိုးကြောင့်ရေဓာတ်ခန်းခြောက်မှု အလွန်များပြားသွားပါက သွေးလန့်ခြင်း၊ သတိလစ်မေ့မြောခြင်းများကိုပါ ခံစားကြရမည်ဖြစ်ကြောင်း သိရသည်။ ရေသောက်နည်းသူများ ရေရှည်တွင် ကြုံတွေ့ရသည့် ကြီးမားသည့် ပြဿနာတစ်ခုမှာ ဆီးနှင့်ပတ်သက်သည့် ရောဂါများဖြစ်ကြောင်း အများသိရှိပြီးဖြစ်သည်။
ရေသောက်နည်းခြင်းကြောင့် ဆီးသွားမှုနည်းပါးသည့်အခါ ဆီးလမ်းကြောင်းတွင် ဆီးထဲမှအနည်များ စုပြုံလာသည့်အတွက် ယနေ့အချိန်တွင် အဖြစ်များလာသည့် ကျောက်ကပ်တွင် ကျောက်တည်ခြင်းရောဂါသည် ရေသောက်နည်းခြင်းကြောင့် ဖြစ်လာသည့် အကျိုးဆက်ရောဂါတစ်ခုလည်းဖြစ်သည်။
“အခု ဆီးနဲ့ပတ်သက်တဲ့ ရောဂါတွေထဲမှာ ကျောက်ကပ်မှာ ကျောက်တည်တဲ့ လူနာတွေကတော့ အရမ်းများနေတယ်”ဟု ရန်ကုန်ဆေးရုံကြီးသစ်မှ ဆီးနှင့် ကျောက်ကပ် အထူးကုဆရာဝန်တစ်ဦးက ပြောသည်။

“ကျွန်တော်ဆီးလမ်းကြောင်းမှာ ကျောက်တည်တုန်းက ဆရာဝန်ကမေးတယ်။ ဆေးလိပ်သောက်လား၊ ကွမ်းစားလားဆိုတော့ တစ်ခုမှမလုပ်ဘူးဆိုတဲ့အခါ ဒါဆို ရေသောက်နည်းလို့ဖြစ်တာလို့ ပြောတယ်။ ကျွန်တော်က အိမ်မှာနေတဲ့အချိန်ပဲ ရေနွေးသောက်ဖြစ်တာ။ ကျန်တာတစ်နေ့လုံး အပြင်ရောက်နေတဲ့အချိန်ဆိုရင် ရေမသောက်ဖြစ်သလောက်ဘဲ”ဟု အသက် ၃၀ ခန့် ကုမ္ပဏီဝန်ထမ်း အမျိုးသားတစ်ဦးက ပြောသည်။
ရေသောက်နည်းသည့်အခါတွင် အင်္ဂါအစိတ်အပိုင်းများသို့ ရေမှပို့ဆောင်ပေးရသည့် အစာထဲတွင် ပါဝင်သော ပရိုတိန်းဓာတ်များ၊ ကာဗိုဟိုက်ဒရိုက်များ၊ အဆီများ၊ ဗီတာမင်များ သွေးနှင့်အတူ လိုအပ်သည့် ဓာတ်များရောက်ရှိမှု နှေးကွေးကာ

လှုပ်ရှားမှုစနစ်များ ကောင်းစွာအလုပ်မလုပ်နိုင်ခြင်း ပြဿနာများ ဖြစ်ပွားလာနိုင်ကြောင်း သိရသည်။
“ခန္ဓာကိုယ်ထဲမှာ လိုအပ်တဲ့ ရေဓာတ်ပြည့်ဝနေရင်တော့ အများပြောကြတဲ့ အသားအရေလှတာအပြင် ခန္ဓာကိုယ်ထဲက အင်္ဂါအစိတ်အပိုင်းတွေအတွက်ပါပိုပြီးကျန်းမာစေတဲ့ အကျိုးတွေ
ရနိုင်ပါတယ်။ ဒါပေမဲ့ အဲဒီအတွက် ရေကိုတစ်နေ့ ဆယ်ခွက်မပြည့်ပြည့်အောင် သောက်ရမယ်လို့ မဆိုလိုဘူး။ မပြည့်ပြည့်အောင် သောက်စရာအထိလည်း မလိုပါဘူး။ အတတ်နိုင်ဆုံး သောက်နိုင်သလောက်လေးပဲ ပုံမှန်သောက်ရင်တော့ ပိုကောင်းတာပေါ့”ဟု ဒေါက်တာလှိုင်စိုးဝယ်က ဆက်လက်ပြောသည်။
ခန္ဓာကိုယ်အတွင်း ရေဓာတ်လုံလောက်စွာ ဖြည့်တင်းရန် အရေးကြီးသည်ဆိုသည်မှာ ပုံမှန်ကျန်းမာနေသူများအတွက် မှန်ကန်သော နည်းလမ်းတစ်ခုဖြစ်သော်လည်း သောက်ခြင်းသည် ရောဂါဝေဒနာအချို့ ခံစားနေရသူများအတွက် ထိုခံစားနေရသည့် ဝေဒနာအား ပိုမိုဆိုးရွားသွားစေနိုင်သည် ဆိုသည်အားလည်း မမေ့လျော့သင့်ကြောင်း အဆိုပါ ဆရာဝန်ကပြောသည်။

ခန္ဓာကိုယ်ထဲတွင် ရေနှင့် ဓာတ်ဆား အချိုးအဆညီမျှစေရန် ထိန်းချုပ်ပေးသည့် အစိတ်အပိုင်းများလည်းရှိပြီး နှလုံးကောင်းစွာ ပုံမှန်အလုပ်မလုပ်သူများ၊ အသည်းကောင်းစွာ အလုပ်မလုပ်သူများနှင့် ကျောက်ကပ်အလုပ် ကောင်းစွာမလုပ်သည့်အတွက် ရောဂါဝေဒနာ ခံစားနေရသူများသည် ပိုလျှံလွန်းသည့် ရေဓာတ်ကြောင့် ရောဂါများအား ဆိုးရွားသွားစေနိုင်ကြောင်း သိရသည်။

“အဲလိုလူနာတွေမှာ ရေဓာတ်ပမာဏများရင် ပိုပြီးဖောရောင်လာမယ်။ အသက်ရှူကျပ်မယ်။ နှလုံးခုန်မြန်တာတွေ၊ ကျောက်ကပ်ကြောင့် ဖောရောင်တဲ့ရောဂါတွေကို ခံစားရနိုင်တယ်။ ဒါကြောင့် ရေအရမ်းသောက်တာ ကောင်းတယ်ဆိုပြီးတော့လည်း အလွန်အကျွံမလုပ်ဖို့လိုတယ်။ တချို့က ရေသောက်တာ ကောင်းတယ်ဆိုတာကိုပဲ ကြည့်ပြီး ဆိုးကျိုးတွေလည်း သိပ်ဂရုမပြုဘဲ ရေတွေကို မဖြစ်မနေသောက်နေကြတာမျိုးလည်း ကြုံဖူးတယ်”ဟု အဆိုပါဆရာဝန်က ပြောသည်။

တစ်ညလုံး ခန္ဓာကိုယ်သည် အိပ်စက်အနားယူနေသော်လည်း အင်္ဂါအစိတ်အပိုင်းများမှာ အနားယူခြင်း မရှိကြပေ။ ထို့ကြောင့် မနက်မိုးလင်းသည့်အခါတွင် ထိုအစိတ်အပိုင်းများအတွက် လိုအပ်သည့် ရေအား ပြန်လည်ဖြည့်တင်းပေးခြင်းသည် သင့်လျော်သည့်အတွက် အိပ်ရာထပြီး ရေသောက်ခြင်းသည်လည်း ကျန်းမာရေးအရ ကောင်းမွန်သည့် အမူအကျင့်တစ်ခုဖြစ်ကြောင်း သိရသည်။ ထို့ပြင် ထမင်းမစားခင် တစ်နာရီခန့်ကြိုပြီး ရေသောက်ခြင်းသည်လည်း အစာကြေလွယ်သည့် အာနိသင်ကို ခံစားရနိုင်ကြောင်း နိုင်ငံတကာရှိ ကျန်းမာရေးဆိုင်ရာ ပညာရှင်များက အကြံပြုထားသည်များလည်းရှိသည်။

ထိုခန္ဓာကိုယ်အတွက် အရေးကြီးလှသည့် ရေသည်သန့်ရှင်းရန်လည်း လိုအပ်ပြီး မသန့်ရှင်းသည့် ရေများကြောင့် ကျန်းမာရေးဆိုင်ရာ ဆိုးကျိုးများဖြစ်ပေါ်ပြီး ရောဂါများခံစားကြရသည် များလည်းရှိသဖြင့် သောက်သုံးရေသန့်ရှင်းစေရန်လည်း ဂရုပြုသင့်ကြောင်း ဒေါက်တာလှိုင်စိုးဝယ်က ဆက်လက်ပြောသည်။

Read More

တွဲဖက်၍ မစားသင့်သော အစားအစာများ

။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။

• ကကတစ် နှင့် ကြာဟင်း
• ကုန်းကျေး နှင့် ပုစွန်
• ကန့်ချုပ်နီ နှင့် သေရည်သေရက်အမျိုးမျိုး
• ကျွဲခေါင်းသီး နှင့် အချဉ်အမျိုးမျိုး (သံပရာသီး)
• ကျွဲခေါင်းသီး နှင့် လက်ဖက်
• ကြေးခွက် နှင့် အချဉ်အမျိုးမျိုး
• ကုန်းငှက်သား နှင့် ကြက်ဆူဆီ
• ကန်စွန်းမြစ် နှင့် နှမ်းမှုန့်
• ကြာစွယ် နှင့် ဝက်သား
• ကြက်ဆူဆီ နှင့် ခါသား
• ကြက်ဆူသီး နှင့် ငှက်သား
• ကောက်ညှင်း နှင့် ရေငန်သီး
• ကတိုး နှင့် သရက်သီး
• ကြံတင်လဲ နှင့် နှမ်းမှုန့်ဆုပ်
• ကင်းပုံရွက်/သီး နှင့် နှမ်းဆီ
• ကင်းပိတ်ရွက် နှင့် နှမ်းဖတ်ချဉ် နှမ်းဆီ
• ကြာပဒုမ္မာစေ့ နှင့် ငှက်တော်သား
• ကျောက်ဖရုံ နှင့် အိုးမဲ
• ကြောင်လျှာသီး နှင့် ငါးသေတ္တာ
• ကြောင်လျှာသီး နှင့် ကြက်သား
• ကျေးသား နှင့် ဘူးသီး
• ကျွဲသား နှင့် ကြာစွယ်ကြာဥ
• ကြက်သွန်ဖြူ နှင့် နိူ့ရည်
• ကြံ့သား နှင့် ငါးခူ၊ ငါးဒန်
• ကြက်သား နှင့် အင်ဖူး
• ကြက်ဟင်းခါးသီး နှင့် မှို
• ကြက်ဟင်းခါးသီး နှင့် ကြက်သား

• ကိုင်းဥ နှင့် ပုဇွန်ချဉ်
• ကြက်ဥ နှင့် ခံသီး
• ကြက်ဥ နှင့် တမာရွက်၊ တမာဖူး
• ချင်း နှင့် သင်္ဘောသီး၊ သင်္ဘောပွင့်
• ချောကလက် နှင့် စောင်းလျား
• ချောကလက် နှင့် ပဲမြစ်
• ချိုချဉ် နှင့် ပဲငါးပိ
• ချဉ်ဆီ နှင့် ထောပတ်
• ခရမ်းပိမ့်သီး နှင့် နိူ့ရည်
• ခရု နှင့် အမဲသား
• ခိုသား နှင့် ချင်းစိမ်း
• ခိုသား နှင့် ခြေလေးချောင်းသား
• ခိုသား နှင့် မုန်ညင်းဆီ
• ခံသီး နှင့် ငရုတ်ကောင်း
• ခံသီး နှင့် နို့ရည်
• ချီးသီး နှင့် နို့ရည်
• ခံသီး နှင့် ပီလောပီနံဥ
• ချိုချဉ်သကြားလုံး နှင့် စိမ်းစားဥ
• ဂွေးရွက် နှင့် နို့ရည်
• ဂွေးသီး နှင့် အာတာလွတ်ဥ
• ဂွေးသီး နှင့် နို့အေးချောင်း
• ဂွေးသီး နှင့် ပီလောပီနံဥ
• ဂျယ်လီ နှင့် ကော်ဖီ
• ငရုပ်ကောင်း နှင့် ခံသီး
• ငွေ နှင့် ရှိန်းခို
• ငါးချက်သောအိုး နှင့် ပိတ်ချင်းရွက်
• ငါးဆီ နှင့် ပိတ်ချင်းရွက်
• ငှက်ပျောသီး နှင့် မှို
• ငါးရံ့သား နှင့် ပွေးသား
• ငုံးသား နှင့် စောင်းလျား
• ငုံးသား နင့် ခိုသား
• ငှက်သား နှင့် ကြက်ဆူဆီ
• ငါးပူတင်းဥများ
• ငှက်ပျောသီး စားပြီရေအေးသောက်ခြင်း
• စတော်ဘယ်ရီ နှင့် သီးသီး
• စားတော်ပဲ နှင့် သီးသီး
• စိန် နှင့် သံပရာသီး
• စိမ်းစားဥ နှင့် ချောကလက်
• စိမ်းစားဥ နှင့် ရေခဲချောင်း
• စပါးကြီးမြွေသား နှင့် ကြောင်လျှာသီး
• စောင်းလျားသီး နှင့် ခိုသား
• စောင်းလျားသီး နှင့် ရှောက်သီး
• ဆေးခြောက် နင့်နနွင်းရည်
• ဆီ နှင့် ဆီခဲစပ်တူ
• ဆင်သမနွယ်ရွက် နှင့် နို့ရည်
• ဆောင်မေခါးရွက် နှင့် နို့ရည်
• ဆိတ်ဖူး နှင့် ငှက်ပျောဖူး
• ဆိတ်သား နှင့် ကျွဲသား
• ဆတ်သား နှင့် ဆူးပန်းရွက်
• ဆတ်သား နှင့် နို့ရည်
• ဆိတ်နို့ နှင့် ဆူးပန်းရွက်
• ဆပ်ပြာ နှင့် အုန်းရည်
• ဆပ်ပြာ နှင့် အချဉ်မျိုး
• ဆိတ်နို့ဆိတ်သား နှင့် ငါးကြီးဆီ
• စောင်းလျားသီး နှင့် ပီလောပီနံဥ
• ဥာဏ်ရွက် နှင့် သေရက် အမျိုးမျိုး
• တလည်းသီး နှင့် နို့ရည်
• တလည်းသီး နှင့် ပဲကြီး
• တောပဲရိုင်း နှင့် နို့
• တောင်ပိန္နဲသီး နှင့် နို့ရည်
• တေဇောဘမ်း နှင့် ခါချဉ်ကောင် ကိုက်သည် ကိုမလိမ်းရ၊
• ထနောင်းရွက် နှင့် မန်ကျည်းသီးမှည့်
• ထုံး နှင့် မြင်းသား
• ထန်းလျက် နှင့် နလင်ကျော်
• ထန်းလျက် နှင့် သပြေသီး
• ထန်းရည်ချို နှင့် ဝက်သား
• ထန်းသီး နှင့် နို့မျိုး ချဉ်
• ထန်းလျက် နှင့် သပြေသီး
• ထောပတ် နှင့် ကြေးခွက်
• ထောပတ် နှင့် ဆီခဲအမျိုးမျိုး
• ထုံးရေတို့တွင် ဖြစ်သောငါး လိပ်အစရှိသည် နှင့် နို့ရည်
• ထန်းရည်ကိုငှက် ပျောသီး စားပြီး သောက်ခြင်း
• ထန်းသီးကိုငှက်ပျော သီးစားပြီး စားခြင်း
• ဒန့်သလွန်ရွက် နှင့် နို့ရည်
• ဒန့်သလွန်သီး နှင့် ကလောဥ
• ဒိန်ချဉ် နှင့် ထန်းသီးမုန့်
• ဒုတ္တာ နှင့် အချဉ်မျိုး
• ဒူးရင်းသီး နှင့် ရှိန်းခို
• ဒေါင်းသား နှင့် နို့ချဉ်
• ဒေါင်းသား နှင့် ပီလောပီနံ
• နလင်ကြော် နှင့် ထန်းလျက်
• နလင်ကြော် နှင့် အချဉ်
• နို့ခဲပျက် နှင့် ပဲဒလက်
• နို့မျိုး နှင့် ဆား
• နို့မျိုး ချဉ် နှင့် ပီလောပီနံဥ
• နို့စိမ်း နှင့် အချဉ်မျိုး
• နို့ရည် နင့် စောင်းလျားသီး
• နို့ရည် နှင့် ကုလားပဲ
• နို့အေးချောင်း နှင့် သခွားသီး
• နို့အေးချောင်း နှင့် ဘူးသီး
• နှမ်းမှုန့်ဆုပ် နှင့် တလည်းသီး
• ပတဲကော နှင့် သံပရာသီး
• ပဒုမ္မာကြာရွက်နု နှင့် ပျားရည်
• ပရုတ်ဆီ နှင့် ကရင်နီကောင်ကိုက်သည့်နေရာကို မလိမ်းပါနှင့်
• ပဲကြီး နှင့် မုန်လာ
• ပဲဒလက်စေ့ နှင့် ဆူးပန်း
• ပဲလင်းမြွေသီး နှင့် လင်းမြွေသား
• ပဲဒလက်စေ့ နင့်ဆိတ်သား
• ပဲစိမ်းစားဥ နှင့် ချိုချဉ်အမျိုးမျိုး
• ပိန္နဲသီး နှင့် ပျားရည်
• ပီလောပီနံ နှင့် ပျားရည်
• ပီလောပီနံ နှင့် ပေအူ
• ပေရည် နှင့် ငှက်သား
• ပျားရည် နှင့် သင်္ကန်းဖွယ် ငှက်သား
• ပျားရည် နှင့် မိုးရည်
• ပျားရည် နှင့် ကင်းပိတ်ရွက်
• ပျားရည် နှင့် ရှားစောင်း
• ပျားရည် နှင့် ပိတ်ချင်းရွက်
• ပုန်းရည် နှင့် ဗျိုင်းအောက်သား
• ပြောင်းသား နှင့် နို့ရည်
• ပိုင်ရီတွန် (Piriton) နှင့် အရက်
• ဖရဲသီး နှင့် နို့မျိုး
• ဖရဲသီး နှင့် ဘဲဥ
• ဖားသား နှင့် မှို
• ဖွတ်သား နှင့် ကြက်ဆူဆီ
• ဖောင်စီးဂဏန်း နှင့် မှို
• ဖန်ခါးသီး နှင့် ပုဒမ္မာကြာရွက်
• ဖန်ခါးသီး နှင့် ပီလောပီနံဥ
• ဗုံလုံသီး နှင့် ပီလောပီနံ
• ဗျိုင်းသား နှင့် ဝက်ဆီ
• ဗျိုင်းအောက်သား နှင့် ဝက်ဆီ
• ဗျိုင်းနှမ်းနှင် သေရည်
• ဘူးသီး နှင့် ကြက်တူရွေးသား
• ဘာစပရိုဆေးပြား နှင့် သံပရာသီး
• ဘာမီတွန် Burmeton ဆေးပြား နှင့် ထန်းလျက်ခဲ
• ဘာမီတွန် Burmeton နှင့် Tiffy တစ်ဖီအစိမ်းရောင် ကတ်
• ဘီလုံးငှက်သား နှင့် ကြက်ဆူဆီ
• ဘာစပရို Buspro ဆေးပြားကို အစာခံမရှိဘဲမသောက်ရ၊
• မဲနယ်အိုး နှင့် သားငါး
• မဲဇလီဖူးရွက် နှင့် လက်ဖက်သုပ်
• မိချောင်းသား နှင့် နနွင်း
• မန်ကျည်းသီး နှင့် နို့ရည်
• မင်းကွတ်သီး နှင့် သကြား
• မတ်ပဲ နှင့် တင်လဲ
• မတ်ပဲ နှင့် မုန်လာ
• မုန်ညှင်းဆီ နှင့် သင်္ကန်းဖွက်ငှက်
• မုန်လာမြစ် နှုင့်ပျားရည်
• မုန်လာ နှုင့် မတ်ပဲ
• မှို နှင့် ရှားစောင်း
• မြေပဲဆန် နှင့် ကြက်ဟင်းခါးသီး
• မြေဇာဥ နှင့် သစ်ကြားသီး
• မျောက်တည်သီး နှင့် နို့ရည်
• မြွေသား နှင့် ငါးရံသား
• မြန်မာလျက်ဆား နှင့် သွားတိုက်ဆေး
• မြင်းခွာရွက် နှင့် သခွားသီး
• မက်ထရိုနီဒါဇော (Meronidazole) နှင့် အရက်
• ယုန်သား နှင့် မှို
• ရာဘာချဉ် နှင့် ဆိတ်သား
• ရှာလကာချဉ် နှင့် ပီလောပီနံ
• ရိုးနီပီလောပီနံ နှင့် အချဉ်မျိုး
• ရေခဲသုပ် နှင့် ချင်းသုပ်
• ရေငန်သီး နှင့် လက်ဖက်
• ရှားစောင်းချဉ် နှင့် အမဲသား
• ရှားစောင်း နှင့် ကုလားဗရာကြော်
• ရှောက်သီး နှင့် စောင်းလျားသီး
• ရှောက်သီး နှင့် ပီလောပီနံ
• ရှောက်သီး နှင့် ပဲစိမ်းစားဥ
• ရှောက်သီး နှင့် ခိုသား
• ရှောက်သီး နှင့် နို့ရည်
• ဝက်သားချဉ် နှင့် မဲနယ်အိုး
• ဝက်သား နှင့် ဒိန်ချဉ်
• ဝက်သား နှင့် နွားနို့
• ဝမ်းဘဲဥ နှင့် ဖရဲသီး
• ဝမ်းဘဲဥ နှင့် ပေသီးပေရည်
• ဝါစေ့/ ဝါဆီ နှင့် သမင်သား
• ဝါးမျှစ် နှင့် အင်ဥ
• သမုန်းမြစ် နှင့် အချဉ်ချက်သောအိုး
• သမုန်းရွက် နှင့် ငါးချက်သောအိုး
• သကြားပြာ နှင့် ပျားရည်
• သမင်သား နှင့် ဝါရွက်
• သပြေသီး နှင့် ပီလောပီနံ
• သံပရာသီး နှင့် ပီလောပီနံ
• သံပရာသီး နှင့် နို့ရည်
• သံပရာသီး နှင့် စိမ်းစားဥ
• သားငါးအဆီ နှင့် ထောပတ်
• သားငါးတို၏အဆီ နှင့် ချဉ်ဆီ
• သားမျိုးဟင်း နှင့် နှမ်းမှုန့်
• သေရက်မျိုး နှင့် သမုန်း ဧကရာဧ်
• သေရည်သေရက် နှင့် နှမ်းမှုန့်ဆုပ်
• သေရက်မျိုး နှင့် ပိတ်ချင်းရွက်
• သေရည် နှင့် ဗျိုင်းအောက်သား
• သေရည်သေရက် နှင့် နို့အမျိုးမျိုး
• သစ်ကြားသီး နှင့် ဝက်မြေဇာဥ
• သည်းခြေ နှင့် သားဟင်းမျိုး
• ဟင်းငန်ရွက် နှင့် နှမ်းဖတ်
• ဟစ်တမင်း (Histamine) နှင့် အရက်
• အင်ဥ နှင့် ပြောင်းဆန်
• အမဲသားချဉ် နှင့် မဲနယ်အိုး
• အရက် နှင့် ဘိန်း
• အရက် နှင့် Burmeton ဘာမီတွန်
• အချဉ်မျိုး နှင့် နို့မျိုး
• အိမ်ဆီးချို နှင့် နို့ရည်
• အုန်းသီး နှင့် နိုရည်
• အုန်းရည် နှင့် ပျားရည်
• အုံတုံဆံ နှင့် ကလောဥ
• ဥသျှစ်သီး နှင့် ပျားရည်
• ဥဒေါင်းသား နှင့် ကြက်ဆူဆီ
• ဥမျိုး နှင့် ကြက်ဆူဆီ
• ဥသျှစ်သီး နှင့် ကင်းပိတ်ရွက်
• သြဇာသီး နှင့် ပျားရည်

• တွဲဖက်စားလျှင် သေ စေနိင်သောအစားအစာများ

• ကြက်ဆူသီး + ငှက်သား = သေ
• ကျေးသား + ဘူးသီး = သေ
• ကြောင်လျှာသီး + ငါးသေတ္တာ = သေ
• ကြောင်လျှာသီး + ပဲဒလက် = သေ
• ကြောင်လျှာသီး + စပါးကြီးမြွေ = သေ
• ကျွဲကောသီးး + သံပရာသီး = သေ
• ကျွဲခေါင်းသီး + သံပရာသီး = သေ
• ကိုင်းဥ + ပုစွန်ချဉ် = သေ
• ချောကလက် + စောင်းလျားသီး = သေ
• ချောကလက် + ပဲမြစ် = သေ
• ခိုသား + ချင်း = သေ
• ခိုသား + ဖရုံသီး = သေ
• ချင်း + သင်္ဘောသီး = သေ
• ဂွေးသီး + အာတာလွတ် = သေ
• ငှက်ပျောသီး + ထန်းသီး = သေ
• တညင်းသီး + ရှိန်းခို = သေ
• ထန်းလျက် + နလင်ကျော် = သေ
• ထန်းလျက် + ၂၇ ပါးဆေး = သေ
• နို့ဆီ + ကိုးပါးဆေး = သေ
• နွားနို့ + အချဉ်အမျိုးအမျိုး = သေ
• နွားနို့ + မှို = သေ
• နို့အေးချောင်း + ဂွေးသီး = သေ
• ပျားရည် + သြဇာသီး = သေ
• ပျားရည် + အုန်းသီး = သေ
• ပျားရည် + ဥသျှစ်သီး = သေ
• ပီလောပီနံ + ပဲကြားလှော် = သေ
• ပီလောပီနံ + မျှစ်ချဉ် = သေ
• ပီလောပီနံ + ဒေါင်းသား = သေ
• ပီလောပီနံ + အချဉ်အမျိုးမျိူး = သေ
• မင်းကွတ်သီး + သကြား = သေ
• မှို + တညင်းသီး = သေ
• မိုင်လို + ပဲမြစ် = သေ
• မှို + ဖားသား = သေ
• မှို + လယ်ကဏန်း = သေ
• မှို + ယုန်သား = သေ
• ရေခဲမုန့် + ချင်းသုပ် = သေ
• ရှောက်သီး + နွားနို့၊ နို့ရည် = သေ
• လက်ဖက် + ကျွဲခေါင်းသီး = သေ
• ဝက်သား + ထန်းရည်ချို = သေ
• ဝက်သား + ဗျိုင်းသား = သေ
• ဝက်သား + ကြာရိုးကြာစွယ် = သေ
• သပြေသီး + ထန်းလျက် = သေ
• သိုးသား + စောင်းလျားသီး = သေ
• အမဲသား + ခရု = သေ
• အုန်းနို့ခေါက်ဆွဲ + Pepsy ပက်ပစီ = သေ

Read More

တပ်မတော် ကာကွယ်ရေးဦးစီးချုပ်နှင့် တရုတ်သမ္မတတို့ နှစ်နိုင်ငံ ဆက်ဆံရေးနှင့် စစ်ရေး ပူးပေါင်းဆောင်ရွက်မှု တိုးမြှင့်ရေး ဆွေးနွေး

 Created on Thursday, 17 October 2013


တပ်မတော်ကာကွယ်ရေးဦးစီးချုပ်ဗိုလ်ချုပ်မှူးကြီးမင်းအောင်လှိုင်နှင့် တရုတ်ပြည်သူ့ လွတ်မြောက်ရေး တပ်မတော် ဗဟိုစစ်ကော်မရှင် ဒုတိယဥက္ကဋ္ဌ ဗိုလ်ချုပ်ကြီး Fan Changlong တို့ တွေ့ဆုံဆွေးနွေးစဉ်

တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် တရုတ်သမ္မတ ရှီကျင်ပင်းတို့သည် အောက်တိုဘာ ၁၆ ရက် က ပေကျင်းမြို့တွင် တွေ့ဆုံခဲ့ကြောင်း သိရသည်။

အဆိုပါ တွေ့ဆုံမှုတွင် တရုတ်တပ်မတော် ဗဟိုစစ်ကော်မရှင်၏ ဥက္ကဋ္ဌလည်းဖြစ်သော သမ္မတ ရှီကျင်ပင်းက နှစ်နိုင်ငံ ဆက်ဆံရေးအပေါ် ဂုဏ်ပြုစကား ပြောကြားခဲ့ပြီး တရုတ်နှင့် မြန်မာနိုင်ငံတို့သည် အိမ်နီးချင်းကောင်းများ၊ မိတ်ဆွေကောင်းများနှင့် စီးပွားဖက်ကောင်းများ ဖြစ်ကြောင်း ပြောကြားခဲ့သည်ဟု ဆင်ဟွာသတင်းဌာနက ဖော်ပြခဲ့သည်။

တရုတ် အစိုးရအနေဖြင့် မြန်မာနိုင်ငံနှင့် ဆွေမျိုးပေါက်ဖော် မူဝါဒကို ဆက်လက် ကိုင်စွဲထားကာ နှစ်နိုင်ငံဆက်ဆံရေးကို အားကောင်းတည်ငြိမ်ပြီး ဆက်လက် တိုးတက်မှုများ အဆင်ပြေချောမွေ့စွာ ဖြစ်ပေါ်စေရန်အတွက် မဟာဗျူဟာမြောက် ဆက်သွယ်ရေးနှင့် ခေတ်မှီပြီး လက်တွေ့ကျသည့် ပူးပေါင်းဆောင်ရွက်မှုကို မြန်မာနိုင်ငံနှင့်အတူ ဆောင်ရွက်သွားမည် ဖြစ်ကြောင်း ရှီကျင်ပင်းက ပြောကြားသည်။

ထို့ပြင် နှစ်နိုင်ငံကြား ဆက်ဆံရေး တိုးမြှင့်ရန်နှင့် နှစ်ဖက် စစ်ဘက်ဆိုင်ရာ အပြန်အလှန် လည်ပတ်ခြင်း တိုးမြှင့်ရန်တို့ကိုလည်း တရုတ်သမ္မတက ပြောကြားသည်။

မြန်မာနိုင်ငံ မြောက်ပိုင်းတွင် ငြိမ်းချမ်းရေးနှင့် တည်ငြိမ်မှုကို အမြန်ဆုံးရရှိမည်ဟု တရုတ်အစိုးရအနေဖြင့် မျှော်လင့်ကြောင်းနှင့် ယင်းကဲ့သို့ ဖြစ်လာစေရန် တရုတ်အစိုးရ အနေဖြင့် အပြုသဘောဆောင်သည့် ကဏ္ဍမှ ဆက်လက် ပါဝင်ရန် ဆန္ဒရှိပါကြောင်း ရှီကျင်ပင်းက ဆက်လက်ပြောကြားသည်။

ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က နှစ်နိုင်ငံအကြား မဟာဗျူဟာမြောက် ပူးပေါင်းဆောင်ရွက်မှုသည် လက်ရှိအခြေအနေများအရ များစွာ အရေးပါနေကြောင်း ပြန်လည် ပြောကြားသည်။

တရုတ်အစိုးရအနေဖြင့် မြန်မာနိုင်ငံအား နှစ်ကာလများစွာကပင် အကူအညီပေးမှုများနှင့် မြန်မာနိုင်ငံ မြောက်ပိုင်း၌ ငြိမ်းချမ်းရေးနှင့် တည်ငြိမ်ရေးကို ထိန်းသိမ်းရာတွင် အပြုသဘောဆောင်သည့် ကဏ္ဍမှ ပါဝင်မှုအပေါ် ကျေးဇူးတင်ကြောင်းနှင့် နှစ်နိုင်ငံဆက်ဆံရေး ပိုမိုကောင်းမွန်မှုအတွက် မိမိတို့အနေဖြင့် ပိုမို ပူးပေါင်းဆောင်ရွက်ရန် ဆန္ဒရှိကြောင်း ၎င်းက ပြောကြားသည်။

နှစ်နိုင်ငံအကြား ဆက်ဆံရေး ကောင်းမွန်စေရန် လုပ်ဆောင်ရာတွင် မြန်မာ့တပ်မတော်အနေဖြင့် မမှိတ်မသုန် ကြိုးပမ်းသွားမည်ဟု ဗိုလ်ချုပ်မှူးကြီးမင်းအောင်လှိုင်က ပြောကြားသည်။

တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် တရုတ်ပြည်သူ့ လွတ်မြောက်ရေး တပ်မတော် ဗဟိုစစ်ကော်မရှင် ဒုတိယဥက္ကဋ္ဌ ဗိုလ်ချုပ်ကြီး Fan Chang- long တို့သည် အောက်တိုဘာ ၁၅ ရက်က ပေကျင်းမြို့၌ တွေ့ဆုံကာ နှစ်နိုင်ငံ တပ်မတော် နှစ်ရပ်အကြား အကျိုးတူ ကိစ္စရပ်များ အရှိန်အဟုန် တိုးမြှင့်ပူးပေါင်း ဆောင်ရွက်ရေး ဆွေးနွေးခဲ့ကြသည်ဟု သိရသည်။

EMG

Read More

ခြံဖွင့်ရာသီ ရောက်နေပြီ ဖြစ်သော်လည်း မြန်မာပြည်အောက်ပိုင်း ဒေသများတွင် မိုးရွာသွန်းမှု ရှိနေခြင်းကြောင့် ရော်ဘာခြံ အားလုံးနီးပါး ပြန်ဖွင့်နိုင်ခြင်း မရှိသေး

Created on Thursday, 17 October 2013

တနင်္သာရီတိုင်းဒေသကြီး အတွင်းရှိ ရော်ဘာခြံတစ်ခြံအား တွေ့ရစဉ် (ဓာတ်ပုံ-မင်းသီဟဇော်)

ခြံဖွင့်ရာသီသို့ ရောက်ရှိနေပြီ ဖြစ်သော်လည်း မြန်မာပြည်အောက်ပိုင်း ဒေသများတွင် မိုးရွာသွန်းမှု ရှိနေခြင်းကြောင့် ရော်ဘာခြံ အားလုံးနီးပါး ပြန်ဖွင့်နိုင်ခြင်း မရှိသေးကြောင်း မြန်မာနိုင်ငံ ရော်ဘာစိုက်ပျိုး ထုတ်လုပ်သူများအသင်း အတွင်းရေးမှူး ဦးခိုင်မြင့်၏ ပြောပြချက်အရ သိရသည်။

ပုံမှန်အားဖြင့် နှစ်စဉ် စက်တင်ဘာလ အလယ်ပိုင်းတွင် ခြံဖွင့်ရာသီ စတင်ကာ ရော်ဘာကုန်ကြမ်း ထုတ်လုပ်မှုများ စတင်လေ့ ရှိသော်လည်း ယခုနှစ်တွင်မူ မိုးရပ်သည့် အချိန်တွင် ရော်ဘာစေးများခြစ်ပြီး မိုးပြန်ရွာသည့် အချိန်တွင် အစေးခြစ်ယူမှု ရပ်နားထားရခြင်းကြောင့် ခြံအားလုံးနီးပါး ပြန်မဖွင့်နိုင်ခြင်းဖြစ်ကြောင်း သိရသည်။

မြန်မာနိုင်ငံတွင် ရော်ဘာစိုက်ပျိုးမှုများကို မန္တလေးနှင့် မကွေးတိုင်းဒေသကြီးမှအပ ကျန်ပြည်နယ်နှင့် တိုင်းများအားလုံးတွင် စိုက်ပျိုးထုတ်လုပ်မှုရှိကြောင်း သိရသည်။

အဓိကအားဖြင့် မွန်ပြည်နယ်၊ တနင်္သာရီတိုင်း ဒေသကြီးနှင့် ကရင်ပြည်နယ်တို့မှ ရော်ဘာစိုက်ပျိုး ထုတ်လုပ်မှု အများဆုံးဖြစ်ပြီး ပြည်နယ်နှင့် တိုင်းအလိုက် စိုက်ပျိုးထားသည့် ရော်ဘာစိုက်ဧကမှာ တစ်သန်းလေးသိန်းသုံးသောင်း ဧကရှိနေပြီဖြစ်ကြောင်း သိရသည်။

ရော်ဘာစိုက်ဧကများကို နှစ်စဉ်တိုးချဲ့ စိုက်ဧက စီမံကိန်းအရ တိုးချဲ့စိုက်ပျိုးလျက်ရှိရာ အဆိုပါ စိုက်ကွက်များမှ ထွက်ရှိသည့် ရော်ဘာအထွက်နှုန်းများ နှစ်စဉ်တိုးတက်နေကြောင်း သိရသည်။

၂၀၁၀-၂၀၁၁ ဘဏ္ဍာနှစ်တွင် ရော်ဘာကုန်ကြမ်း ထုတ်လုပ်မှုတန်ချိန် ၁၂၀၀၀၀ ကျော်ရှိပြီး တန် ၉၁၃၀၀ ကျော်တင်ပို့မှုမှ အမေရိကန်ဒေါ်လာ ၃၀၂ သန်းကျော် ရရှိခဲ့ပြီး ၂၀၁၁-၂၀၁၂ ဘဏ္ဍာနှစ်တွင် ရော်ဘာကုန်ကြမ်းတန်ချိန် ၁၂၈၀၀၀ ကျော် ထုတ်လုပ်ခဲ့ပြီး တန်ချိန် ၇၈၀၀၀ ကျော် တင်ပို့မှုမှ အမေရိကန်ဒေါ်လာ ၃၁၁ သန်းကျော် ရရှိခဲ့ကြောင်း သိရသည်။

EMG

Read More

မြန်မာနိုင်ငံမှ ထွက်ရှိသည့်သစ်သီးများကို ပြည်ပနိုင်ငံများသို့ တင်ပို့ရာတွင် GMP လက်မှတ်ပြသနိုင်ခြင်း မရှိသဖြင့် ဈေးနှိမ်ဝယ်ယူခြင်း ခံနေရပြီး နယ်စပ်ကုန်သွယ်ရေး လမ်းကြောင်းကိုသာ အားထားနေရ

Created on Thursday, 17 October 2013

မူဆယ်နယ်စပ် ကုန်သွယ်ရေးစခန်းမှ တရုတ်သို့ တင်ပို့မည့် သစ်သီးများကို တွေ့ရစဉ် (ဓာတ်ပုံ)-ထွန်းနေလှိုင်

မြန်မာနိုင်ငံမှ သစ်သီးများအား ပြည်ပနိုင်ငံများသို့ တင်ပို့ရာတွင် GMP (Good Manufacturing Process) လက်မှတ်ပြသနိုင်ခြင်း မရှိသဖြင့် ဈေးနှိမ်ဝယ်ယူခြင်း ခံနေရပြီး နယ်စပ်ကုန်သွယ်ရေး လမ်းကြောင်းကိုသာ အားထားနေရကြောင်း မြန်မာနိုင်ငံ သစ်သီးဝလံ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများ အသင်းမှ တာဝန်ရှိသူ တစ်ဦး၏ ပြောပြချက်အရ သိရသည်။

မြန်မာနိုင်ငံမှ ထွက်ရှိသည့် သစ်သီးများအား စင်ကာပူ၊ တရုတ် စသည့်နိုင်ငံများသို့ ပင်လယ်ရပ်ခြား ကုန်သွယ်မှု (Oversea Trade)အပြင် နယ်စပ်ကုန်သွယ်မှု (Boder Trade) လမ်းကြောင်းများဖြင့် တင်ပို့လျှက်ရှိရာ နယ်စပ်မှတစ်ဆင့် တင်ပို့ရမှုမှာ ပိုမိုများပြားကြောင်း သိရသည်။

နယ်စပ်မှတစ်ဆင့် တင်ပို့ရာတွင် တရုတ်နိုင်ငံသို့ အများဆုံး တင်ပို့လျှက်ရှိနေပြီး GMP လက်မှတ် ပြသနိုင်ခြင်း မရှိသည့်အတွက် တရုတ်ပြည်တွင်းသို့ တင်ပို့နိုင်ခြင်းမရှိဘဲ တရုတ်နိုင်ငံ နယ်စပ်ဒေသများသို့သာ ပေါက်ဈေးထက် နိမ့်သည့်ဈေးဖြင့် တင်ပို့နေရကြောင်း သိရသည်။

"သစ်သီးတွေက Boder Trade က သွားတာများတယ်။ Oversea ကနေဆိုရင် နိုင်ငံကြီးတွေကို တင်ပို့ရမှာ ဖြစ်တဲ့အတွက် GMP လို လက်မှတ်မျိုး မပြနိုင်တဲ့အတွက် တောင်တွေအနေနဲ့ နယ်စပ်ကိုပဲ အားထားနေရတယ်။ ဈေးကွက်အသစ် ထပ်မချဲ့နိုင်ဘူး ဖြစ်နေတယ်။ အခုဆိုရင် နိုင်ငံတော်တော်များများက မြန်မာနိုင်ငံက ထွက်ရှိတဲ့ အသီးနဲ့ ဟင်းသီးဟင်းရွက်တွေကို တင်သွင်းချင်ကြတယ်။ လာပြီးလည်း ဆွေးနွေးနေတာတွေ ရှိတယ်။ ဒါပေမဲ့ သူတို့နိုင်ငံက သတ်မှတ်တဲ့ စံနှုန်းကိုမပြောနဲ့  GMP လက်မှတ်ကိုတောင် မပြနိုင်တဲ့အတွက် ကုန်သွယ်မှုပိုင်းမှာ အခက်အခဲတွေရှိတယ်။ ဒါကို သက်ဆိုင်ရာ ၀န်ကြီးဌာနကနေ Guide Line ထုတ်ပြန်ပေးပြီး လက်မှတ်ပေးတဲ့ အဖွဲ့တွေကို ဖွဲ့စည်းပေးဖို့ လိုအပ်ပါတယ်။ စိုက်ပျိုးရေးနဲ့ အရည်အသွေးဆိုင်ရာ လက်မှတ်တွေက နိုင်ငံကြီးလေ ပိုလိုလေပါပဲ" ဟု မြန်မာနိုင်ငံ သစ်သီးဝလံ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ ရောင်းချသူများအသင်း အတွင်းရေးမှူး ဦးစိုးသန်းမင်းဒင်က ပြောကြားသည်။

သစ်သီးများ တင်ပို့ရာတွင် ရရှိသည့် ဈေးမှာလည်း တင်ပို့သည့် လမ်းကြောင်းပေါ် မူတည်၍ ကွာဟချက်ရှိပြီး ပျမ်းမျှအားဖြင့် နယ်စပ်မှတစ်ဆင့် တင်ပို့သည့် သရက်သီးတစ်တန်လျှင် အမေရိကန်ဒေါ်လာ ၇၀၀ ရရှိပြီး ပင်လယ်ရပ်ခြား ကုန်သွယ်မှုလမ်းကြောင်းမှ တင်ပို့ပါက တစ်တန်လျှင် အမေရိကန်ဒေါ်လာ ၁၅၀၀ အထိ ရရှိကြောင်း သိရသည်။

EMG

Read More

ထိုင်းနိုင်ငံရှိ အကြီးဆုံး ဆောက်လုပ်ရေး လုပ်ငန်းတစ်ခုဖြစ်သည့် Sika ကုမ္ပဏီက မြန်မာနိုင်ငံ၏ ဆောက်လုပ်ရေး လုပ်ငန်းများတွင် ၀င်ရောက်လုပ်ကိုင်မည်

Created on Thursday, 17 October 2013

Sika ၏ ဆောက်လုပ်ရေး ပစ္စည်းများ အသုံးပြု တည်ဆောက်ခဲ့သည့် အင်ဒိုနီးရှားနိုင်ငံရှိ Pacific Place mall အား တွေ့ရစဉ် (ဓာတ်ပုံ-ses.sika.com)

ထိုင်းနိုင်ငံရှိ အကြီးဆုံး ဆောက်လုပ်ငန်းတစ်ခုဖြစ်သည့် Sika(Thailand)Ltd မှ မြန်မာနိုင်ငံ၏ ဆောက်လုပ်ရေး လုပ်ငန်းများတွင် ၀င်ရောက် လုပ်ကိုင်မည်ဖြစ်ကြောင်း သိရသည်။

အဆိုပါကုမ္ပဏီမှ မြန်မာနိုင်ငံတွင် လုပ်ငန်းများ လုပ်ကိုင်ရန်အတွက် ရုံးခွဲဖွင့်လှစ်နိုင်ရန် ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနတွင် လျှောက်ထားခဲ့ရာ အောက်တိုဘာ ၄ ရက်တွင် ခွင့်ပြုပေးခဲ့ခြင်း ဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနမှ သိရသည်။

Sika(Thailand) ကုမ္ပဏီအား ၁၉၈၉ ခုနှစ်တွင် ထိုင်းနိုင်ငံတွင် စတင် တည်ထောင်ခဲ့ခြင်းဖြစ်ပြီး ဆောက်လုပ်ရေးအပြင် ဧရိယာ ၁၇၀၀၀ စတုရန်းမီတာ အကျယ်ရှိ စက်ရုံတည်ဆောက်ကာ ဆောက်လုပ်ရေးဆိုင်ရာ ပစ္စည်းမျိုးစုံကို ထုတ်လုပ်နေပြီး ISO 9001:2000& 14001၊ ISO 9001:2000 နှင့် ISO 14001: 2004 အသိအမှတ်ပြု လက်မှတ်များ ရရှိထားကြောင်း သိရသည်။

ရုံးချုပ်မှာ ဆွစ်ဇာလန်နိုင်ငံတွင် တည်ရှိပြီး ထိုင်းနိုင်ငံ အပါအ၀င် အာဖရိက၊ အမေရိက၊ အာရှ ပစိဖိတ်ဒေသနှင့် ဥရောပစသည့် နိုင်ငံပေါင်း ၈၀ တွင် လုပ်ငန်းများ လုပ်ကိုင်နေသည့် အများပိုင် ကုမ္ပဏီတစ်ခုဖြစ်ပြီး ယခုအခါ မြန်မာနိုင်ငံသို့ လာရောက်၍ ဆောက်လုပ်ရေး ၀န်ဆောင်မှုများ လုပ်ကိုင် သွားမည်ဖြစ်ကြောင်း သိရသည်။

ယခုနှစ်အတွင်း မြန်မာနိုင်ငံ၏ ဆောက်လုပ်ရေး လုပ်ငန်းများတွင် ၀င်ရောက်လုပ်ကိုင်ရန် စင်ကာပူနှင့် ယူအေအီးနိုင်ငံမှ လာရောက် လျှောက်ထားချက်များအပေါ် မြန်မာနိုင်ငံ ရင်းနှီးမြှုပ်နှံမှု ကော်မရှင်မှ ပြန်လည်ချထားပေးမှုများ ရှိပြီး ဟိုတယ်၊ ရုံးခန်းနှင့် စီးပွားရေး အဆောက်အအုံများ တည်ဆောက်မည်ဖြစ်ကြောင်း သိရသည်။ မြန်မာနိုင်ငံ၏ ဆောက်လုပ်ရေး ကဏ္ဍတွင် နိုင်ငံခြား ရင်းနှီးမြှုပ်နှံမှု ပမာဏမှာ အမေရိကန်ဒေါ်လာ ၃၇ ဒသမ ၇၆၇ သန်းရှိပြီး နိုင်ငံတကာမှ ၀င်ရောက်မြှုပ်နှံမှု နည်းနေသေးသော်လည်း နိုင်ငံသားများမှ ၀င်ရောက်မြှုပ်နှံမှုမှာ မြင့်တက်လျှက်ရှိကြောင်း သိရသည်။

EMG

Read More

မြန်မာနိုင်ငံ၏ ကုန်သွယ်မှုပမာဏ အမေရိကန်ဒေါ်လာ ၁၁ ဘီလျံကျော်ရှိပြီး ကုန်သွယ်မှုလိုငွေ သန်း ၄၆၀ နီးပါးရှိနေ

Created on Thursday, 17 October 2013


မြ၀တီနယ်စပ် ချစ်ကြည်ရေး တံတားအနီး ကုန်ကားများကို တွေ့ရစဉ် (ဓာတ်ပုံ)-ကိုရွှေသိန်း(မြ၀တီ)

၂၀၁၃-၁၄ ဘဏ္ဍာရေးနှစ် ဧပြီ ၁ ရက်မှ အောက်တိုဘာ ၁၁ ရက်အထိ မြန်မာနိုင်ငံ၏ ကုန်သွယ်မှုပမာဏမှာ အမေရိကန်ဒေါ်လာ ၁၁ ဘီလျံကျော်ရှိပြီး ကုန်သွယ်မှုလိုငွေမှာ အမေရိကန်ဒေါ်လာ သန်း ၄၆၀ နီးပါးရှိနေကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန၏ ကိန်းဂဏန်းအရ သိရသည်။

ကုန်သွယ်မှုပမာဏ ၁၁ ဘီလျံကျော်တွင် ပို့ကုန်ပမာဏမှာ အမေရိကန်ဒေါ်လာ ၅၄၈၇ ဒသမ ၂၂၂ သန်း၊ သွင်းကုန်ပမာဏမှာ အမေရိကန်ဒေါ်လာ ၅၉၄၇ ဒသမ ၁၉၃ သန်း ရှိသောကြောင့် ပို့ကုန်ထက် သွင်းကုန်ပမာဏ များပြားနေပြီး ကုန်သွယ်မှုလိုငွေ အမေရိကန် ဒေါ်လာ ၄၅၉ ဒသမ ၉၇၁ သန်း(သန်း ၄၆၀ နီးပါး)ရှိခဲ့ကြောင်း သိရသည်။

၂၀၁၂-၁၃ ဘဏ္ဍာရေးနှစ် အလားတူကာလတွင် မြန်မာနိုင်ငံ၏ ကုန်သွယ်မှုပမာဏမှာ အမေရိကန်ဒေါ်လာ ၈၉၆၅ ဒသမ ၂၅၅ သန်းရရှိခဲ့သဖြင့် ယခုဘဏ္ဍာနှစ်၏ ကုန်သွယ်မှု ပမာဏမှာ ယခင်နှစ်ထက် အမေရိကန်ဒေါ်လာ ၂၄၆၉ ဒသမ ၁၆၀ သန်းပိုမို ရရှိခဲ့ကြောင်း သိရသည်။

လက်ရှိ ဘဏ္ဍာနှစ်တွင် မြန်မာနိုင်ငံ၏ ကုန်သွယ်မှုပမာဏကို အမေရိကန်ဒေါ်လာ ၂၅ ဘီလျံကျော် ရရှိရန် လျာထားခဲ့ပြီး နယ်စပ်ကုန်သွယ်မှုမှ ၂၀ ရာခိုင်နှုန်းနှင့် ပင်လယ်ရေကြောင်း ကုန်သွယ်မှုမှ ၈၀ရာခိုင်နှုန်း ကုန်သွယ်မှု ပြုလုပ်နိုင်ရန် လျာထားကြောင်း သိရသည်။

ကုန်သွယ်မှုပမာဏ တိုးတက်ရေးအတွက် တရားမ၀င် ကုန်သွယ်မှု တားဆီးထိန်းချုပ်ရေး လုပ်ငန်းများကို နယ်စပ်ကူးသန်း ရောင်းဝယ်ရေး လမ်းကြောင်းများတွင် ပြုလုပ်နေသကဲ့သို့ ကုန်သွယ်မှု အများဆုံး ပြုလုပ်နေသည့် ပင်လယ်ရေကြောင်း ကုန်သွယ်ရေး လမ်းကြောင်းများတွင်ပါ စတင် စစ်ဆေး နေပြီဖြစ်ကြောင်း သိရသည်။

ပို့ကုန် ဖွံ့ဖြိုး တိုးတက်စေရန်နှင့် ယှဉ်ပြိုင်နိုင်စွမ်း ရှိရန်အတွက် အမျိုးသားအဆင့် ပို့ကုန် မဟာဗျူဟာကိုလည်း နိုင်ငံတကာ ကုန်သွယ်ရေးစင်တာ နည်းပညာ အကူအညီဖြင့် ရေးဆွဲ အကောင်အထည်ဖော်ရန် စီစဉ်ဆောင်ရွက် လျှက်ရှိကြောင်း သိရသည်။

လက်ရှိကာလတွင် မြန်မာနိုင်ငံ၏ ပြည်ပပို့ကုန် ဖွဲ့စည်းပုံမှာ ပင်မထုတ်ကုန် အနည်းငယ်အပေါ်၌သာ လုံးဝမှီခိုအားထားနေရပြီး ယင်းထုတ်ကုန်များမှာ သယံဇာတများ၊ သဘာဝဓာတ်ငွေ့၊ ကျွန်းသစ်နှင့် စိုက်ပျိုးရေး၊ ရေထွက်ကုန် စသည်များ ဖြစ်ကြောင်း သိရသည်။

EMG

Read More