Saturday, December 21, 2013

ဗိုလ်လုပွဲများတွင် မြန်မာဘောလုံးအသင်း ပါဝင်ခြင်း မရှိတော့၍ လက်ရှိကျင်းပနေသည့် ဆီးဂိမ်းစ်ပြိုင်ပွဲများသို့ ကြည့်ရှုသူ ပရိသတ် သိသာစွာလျော့ကျ


 Saturday, 21 December 2013


ဝဏ္ဏသိဒ္ဓိ အားကစားကွင်း အများပြည်သူ ၀င်ပေါက် ဂိတ်နံပါတ် ၄ အား တွေ့ရစဉ်

မြန်မာနိုင်ငံမှ အိမ်ရှင်အဖြစ် လက်ခံကျင်းပနေသည့် ၂၇ ကြိမ်မြောက် အရှေ့တောင်အာရှ အားကစားပြိုင်ပွဲ၏ ဘောလုံးအားကစား ဗိုလ်လုပွဲတွင် မြန်မာအမျိုးသား ဘောလုံးအသင်း ပါဝင်ခြင်း မရှိတော့သည့်အတွက် နေပြည်တော်တွင် ပြုလုပ်သော ဆီးဂိမ်းစ်အားကစား ပြိုင်ပွဲများသို့ လာရောက် ကြည့်ရှုသူ ပရိသတ်ဦးရေ သိသာစွာ လျော့ကျသွားခဲ့ကြောင်း သိရသည်။

ဆီးဂိမ်းစ်ပြိုင်ပွဲ၏ အားကစားနည်း အများစုကျင်းပရာ ၀ဏ္ဏသိဒ္ဓိ အားကစားပြိုင်ကွင်း အတွင်းသို့ ၀င်ရောက်ရန် အသိအမှတ်ပြု ကတ်ပြားများကို ဂိတ်အမှတ် ၄ တွင်သာ ပြုလုပ်ပေးပြီး မြန်မာအမျိုးသား ဘောလုံးအသင်း အုပ်စုအဆင့်မှ မထွက်ခင်ရက်များတွင် ပြိုင်ကွင်းအတွင်းသို့ ၀င်ရောက်ခွင့် ကတ်ပြားများကို ပြုလုပ်သူဦးရေ များပြားခဲ့သည်။

''အရင်ရက်တွေက အားကစားပြိုင်ပွဲတွေကို လာကြည့်တဲ့ ပြည်သူတွေ ဦးရေများပြီး ၀င်ခွင့်ကတ်ပြား ရဖို့အတွက် တန်းစီစောင့်နေရတဲ့ သူတွေပါရှိတယ်။ ဒါပေမဲ့ မြန်မာအမျိုးသား ဘောလုံးအသင်း အုပ်စုက ထွက်ခဲ့ပြီး နောက်ရက်တွေမှာတော့ ၀င်ခွင့်ကတ်တွေ လာလုပ်တဲ့ ပရိသတ် အတော်ကို နည်းသွားတယ်။ ၀င်ခွင့်ကတ်ပြား လာလုပ်တာလည်း သိပ်မရှိတော့ဘူး။ အရင်လုပ်ပြီးသား လူတွေလောက်ပဲ လာကြည့်တာ တွေ့ရတယ်။ တချို့ဒေသက လူတွေလာကြည့်တာ နည်းနည်းပါးပါးတော့ ရှိတယ်။ ဘုရားဖူး ခရီးစဉ်တွေသွားရင်း ဆီးဂိမ်းစ်ကို ၀င်ကြည့်ကြတာတွေလည်း ရှိတယ်'' ဟု ၀င်ခွင့်ကတ်ပြားများ ပြုလုပ်ပေးနေသည့် ဂိတ်အမှတ် ၄ မှ လုံခြုံရေး တာဝန်ရှိသူ တစ်ဦးက ပြောကြားခဲ့သည်။

ဆီးဂိမ်း အားကစားပြိုင်ကွင်း အတွင်းသို့ ၀င်ရောက် ကြည့်ရူခွင့်ရရန် ၀င်ခွင့်ကတ်ပြားများကို တစ်ဦးလျှင် ကျပ် ၂၅၀၀ ဖြင့် ပြုလုပ်ပေးခြင်းဖြစ်ပြီး ယင်းကတ်ပြားများသည် ပိတ်ပွဲအခမ်းအနားနှင့် ဘောလုံးပွဲများသို့ ၀င်ခွင့်မရှိကြောင်း သိရှိရသည်။

''အရင်ရက်တွေ တုန်းကဆို ၀င်ခွင့်ကတ်ပြားအတွက် တန်းစီးစောင့်နေတဲ့ လူတွေက အတန်းလိုက်ကြီးပါ။ ဒါပေမဲ့ ဆီးဂိမ်းစ်ပြိုင်ပွဲ ပြီးဆုံးဖို့ နီးလာလေ့လာတဲ့ ပရိသတ်နည်းလာလေပဲ။ မြန်မာအမျိုးသား ဘောလုံးအသင်း ရှုံးတာလည်း ပါသလို ပြိုင်ပွဲကို လာဖို့အတွက် ဝေးတာလည်း ပါမယ်လို့ ထင်ပါတယ်'' ဟု ၀ဏ္ဏသိဒ္ဓိ အားကစား ပြိုင်ကွင်းရှေ့တွင် ဆီးဂိမ်းအထိမ်းအမှတ်တရ ပစ္စည်းများ ရောင်းချနေသူ တစ်ဦးက ဆိုသည်။

မြန်မာ အမျိုးသား ဘောလုံးအသင်းသည် အုပ်စုအဆင့် ပွဲစဉ်တွင် အင်ဒိုနီးရှား အမျိုးသား ဘောလုံးအသင်းကို ၁-၀ ဂိုးဖြင့် ရှုံးနိမ့်ပြီးနောက် အုပ်စုအဆင့်မှ ထွက်ခဲ့ရပြီး နေပြည်တော်တွင် ပြုလုပ်မည့် ဗိုလ်လုပွဲသို့ တက်ရောက်ခွင့် လွဲချော်ခဲ့သည်။

''ကျွန်တော့် မိသားစုကို ဆီးဂိမ်းစ်ပြိုင်ပွဲ ရောက်ဖူးစေချင်လို့ ပို့တာပါ။ ဘောလုံးအသင်း ထွက်ပြီးတော့ နေ့တိုင်းလာမကြည့် ချင်တော့ဘူး။ ဗိုလ်လုပွဲကလည်း ကိုယ့်နိုင်ငံ အသင်းမှ မပါတော့တာ သွားမကြည့်ချင် တော့ဘူး။ ပိတ်ပွဲအခမ်းအနား ကြည့်ချင်ပေမယ့် ဘယ်မှာ ၀ယ်ရမှန်း မသိဘူး။ သိတဲ့လက်မှတ် ဈေးကလည်း သောင်းဂဏန်း အထက်တွေချည်းပဲ'' ဟု ဆီးဂိမ်းစ်ပြိုင်ပွဲသို့ လာရောက် ကြည့်ရှုသူ ပျဉ်းမနားမြို့နေ ဦးမျိုးသန့်က ပြောကြားခဲ့သည်။

လက်ကျန်နိုင်ငံရေး အကျဉ်းသားစိစစ်ရေး ကော်မတီ အစည်းအဝေး ရန်ကုန်မြို့၌ ယနေ့ပြုလုပ်မည်


 Friday, 20 December 2013


ရန်ကုန်မြို့ အင်းစိန်မြို့နယ်ရှိ အင်းစိန်အကျဉ်းထောင်အား တွေ့ရစဉ်

လက်ကျန်နိုင်ငံရေး အကျဉ်းသား စိစစ်ရေးကော်မတီ အစည်းအဝေးအား ဒီဇင်ဘာ ၂၁ ရက်(ယနေ့)တွင် ရန်ကုန်မြို့၌ ပြုလုပ်မည် ဖြစ်ကြောင်း ကော်မတီဝင်များ၏ ပြောကြားချက်အရ သိရသည်။

ယခုပြုလုပ်မည့် အစည်းအဝေးတွင် မည်သည့် အကြောင်းအရာများ ဆွေးနွေးမည်ကိုမူ မသိရှိရသေးဘဲ အစည်းအဝေး ပြုလုပ်မှသာ အသေးစိတ် သိရှိရမည်ဖြစ်ပြီး မြောက်ကိုရီးယားနှင့် မြန်မာနိုင်ငံ၏ ဆက်ဆံရေးအား ဖော်ထုတ်ခဲ့သဖြင့် သေဒဏ်ချမှတ်ခြင်း ခံထားရသော တပ်မတော်အရာရှိ ဗိုလ်မှူးဝင်းနိုင်ကျော်၏ ကိစ္စရပ်အား ဆွေးနွေးမှု ပြုလုပ်မည်၊ မပြုလုပ်မည်ကိုလည်း မသိရှိရသေးကြောင်း လက်ကျန်နိုင်ငံရေး အကျဉ်းသား စိစစ်ရေး ကော်မတီ အဖွဲ့ဝင် နိုင်ငံရေး အကျဉ်းသားဟောင်းများ အဖွဲ့မှ ဦးရဲအောင်က ဆိုသည်။

အဆိုပါ အစည်းအဝေးတွင် လက်ရှိ ပုဒ်မ ၁၈ ကဲ့သို့သော နိုင်ငံရေးနှင့် ဆက်နွှယ်ထောင်ကျ နေသူများ ကိစ္စရပ်အား စိစစ်ဖွယ်ရှိပြီး RCSS/SSA ၏ တပ်မှူးတစ်ဦး အနေဖြင့် ဖမ်းဆီးခံခဲ့ရကာ သာယာဝတီ အကျဉ်းထောင်တွင် ထောင်ကျခံနေရသော ၁၉၉၁/၉၂ ခုနှစ်က ကချင်ပြည်နယ် ပါဂျောင်ဒေသရှိ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး(ABSDF) အဖွဲ့တွင်း၌ ဖြစ်ပွားခဲ့သော ကျောင်းသားရဲဘော် ၃၉ ဦးအား စစ်ထောက်လှမ်းရေးဟု စွပ်စွဲကာညှဉ်းပန်း သတ်ဖြတ်ခဲ့မှုတွင် အဓိကတာဝန်ရှိသူ စာရင်းတွင် ပါဝင်သူ တစ်ဦးလည်းဖြစ်သူ သံချောင်း(ခေါ်)စ၀်ခွန်ကျော်၏ ကိစ္စရပ်ကိုလည်း ဆွေးနွေးဖွယ်ရှိသည်။

ထို့အပြင် နိုင်ငံတော်သမ္မတ ဦးသိန်းစိန် ယခုနှစ်ကုန်တွင် နိုင်ငံရေး အကျဉ်းသားများ တစ်ဦးတစ်ယောက်မျှ မရှိအောင် လုပ်ဆောင်မည်ဟု ပြောကြားထားသည့်အတိုင်း ဆိုပါက ယခုပြုလုပ်မည့် အစည်းအဝေးသည် နောက်ဆုံး အစည်းအဝေး ဖြစ်သော်လည်း လက်ကျန်နိုင်ငံရေး အကျဉ်းသား စိစစ်ရေး ကော်မတီအဖွဲ့ဝင် AAPP အဖွဲ့မှ ဦးဘိုကြည်က နောက်ဆုံးအစည်းအဝေး မဖြစ်နိုင်သေးကြောင်း ပြောကြားသည်။

''နောက်ဆုံး ဆိုတာမျိုးတော့ မဟုတ်သေးဘူး ထင်ပါတယ်။ ဒါပေမဲ့ အစည်းအဝေးကျမှပဲ ကျွန်တော်တို့ သေချာသိရမှာပေါ့။ မပြီးသေးဘူး ထင်ပါတယ်'' ဟု ဦးဘိုကြည်က ဆိုသည်။

ပြစ်ဒဏ်ကျခံနေရဆဲ ဖြစ်သည့် ထောက်လှမ်းရေး တပ်ဖွဲ့ဝင်များအား နိုင်ငံရေး အကျဉ်းသားအဖြစ် ထည့်သွင်းစိစစ်ရန် ကော်မတီ အဖွဲ့ဝင်များအကြား သဘောကွဲလွဲမှုများ ရှိခဲ့ပြီး ၎င်းတို့အား ထည့်သွင်းခြင်း စိစစ်ခြင်း မရှိသော်လည်း ဆွေးနွေးမှုများ ရှိခဲ့ကာ နိုင်ငံရေး အကျဉ်းသား ခေါင်းစဉ်အောက်တွင် လွှတ်မည်ကို သဘောမတူဘဲ အခြားပုံစံ တစ်မျိုးမျိုးဖြင့် သမ္မတ၏ လုပ်ပိုင်ခွင့်အရ လွှတ်ပေးပါက ကန့်ကွက်ရန် မရှိကြောင်း ဦးဘိုကြည်က ဆက်လက် ပြောကြားသည်။

''လူသားချင်း စာနာတဲ့ ရှုထောင့်ကဖြစ်ဖြစ်၊ တခြားခေါင်းစဉ် အနေနဲ့လွှတ်ရင် မကန့်ကွက်ဘူး။ ဒါပေမဲ့ နိုင်ငံရေး အကျဉ်းသား ခေါင်းစဉ်အောက်ကနေ မလွှတ်ဖို့ဘဲ ကျွန် တော်တို့က ပြောတာပါ'' ဟု ဦးဘိုကြည်က ပြောကြားသည်။

လက်ကျန်နိုင်ငံရေး အကျဉ်းသား စိစစ်ရေး ကော်မတီ၏ စိစစ်မှုဖြင့် လွှတ်မြောက်သွားသော နိုင်ငံရေး အကျဉ်းသား ၃၀၀ ကျော်ရှိပြီး ကော်မတီအဖွဲ့ဝင် နိုင်ငံရေး အကျဉ်းသား ဟောင်းများအဖွဲ့၊ နိုင်ငံရေး အကျဉ်းသား ဟောင်းများ အဖွဲ့ချုပ်၊ ရှမ်းတိုင်းရင်းသားများ ဒီမိုကရေစီ အဖွဲ့ချုပ်၊ ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့ အဖွဲ့အစည်းတို့မှ စုစည်းထားသော စာရင်းများအရ နိုင်ငံရေးနှင့် ဆက်နွှယ်၍ လတ်တလော အမှုရင်ဆိုင် နေရသူ ၂၀၀ ကျော်ရှိကာ ယခင်အစိုးရ လက်ထက်နှင့် လက်ရှိအစိုးရ လက်ထက် နှစ်ခုပေါင်း ထောင်ကျနေသူ ၄၄ ဦးရှိကြောင်း သိရသည်။

EMG

ပဲခူးရှိ ပြည်ပစက်မှု စီမံကိန်းနယ်မြေတွင် ဘီယာထုတ်လုပ် ရောင်းချမည့် Myanmar Carlsberg ကုမ္ပဏီမှ ရင်းနှီးမြှုပ်နှံရန် လုပ်ငန်းပိုင်းဆိုင်ရာ စတင်ဆောင်ရွက်


 Friday, 20 December 2013


မလေးရှားနိုင်ငံရှိ Carlsberg အဖျော်ယမကာ ထုတ်လုပ်သည့်စက်ရုံ (ဓာတ်ပုံ-carlsbergmalaysia.com)

ပဲခူးတိုင်းဒေသကြီး၊ ပဲခူးမြို့နယ်ရှိ ပြည်ပစက်မှု စီမံကိန်း နယ်မြေတွင် ဘီယာထုတ်လုပ် ရောင်းချမည့် Myanmar Carlsberg ကုမ္ပဏီမှ ရင်းနှီးမြှုပ်နှံမှု ပြုလုပ်ရန်အတွက် လိုအပ်သည့် လုပ်ငန်းပိုင်းဆိုင်ရာ ဆောင်ရွက်မှုများကို စတင်ဆောင်ရွက်မှုများ ပြုလုပ်လျက်ရှိကြောင်း သိရသည်။

ဒီဇင်ဘာ ၁၈ ရက်တွင် နေပြည်တော်ရှိ ရုံးအမှတ် ၃၂ သို့ လာရောက်၍ ရင်းနှီးမြှုပ်နှံမှု ပြုလုပ်ရာတွင် လိုအပ်သည့် အချက်အလက်များကို Myanmar Carlsberg ကုမ္ပဏီမှ ဘဏ္ဍာရေးနှင့် စီးပွားရေး စီမံကိန်းဆိုင်ရာ ညွှန်ကြားရေးမှူးဖြစ်သူ Mr. Dheeraj Mishra မှ ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာန ညွှန်ကြားရေးမှူးချုပ် ဦးအောင်နိုင်ဦးနှင့် လာရောက်တွေ့ဆုံ ဆွေးနွေးခဲ့ကြောင်း သိရသည်။

Myanmar Carlsberg ကုမ္ပဏီသည် Carlsberg Group နှင့် မြန်မာနိုင်ငံမှ MGS Breweries ကုမ္ပဏီတို့၏ ဖက်စပ်ကုမ္ပဏီ တစ်ခုဖြစ်ပြီး ၂၀၁၂ ခုနှစ်၊ ဒီဇင်ဘာ ၁၄ ရက်တွင် ဖွဲ့စည်း မှတ်ပုံတင်ခွင့် ရရှိခဲ့ပြီး လုပ်ငန်းများ ၀င်ရောက်လုပ်ကိုင်ရန် မြန်မာနိုင်ငံ ရင်းနှီးမြှုပ်နှံမှု ကော်မရှင်သို့ တင်ပြခဲ့ရာ ၂၀၁၃ ခုနှစ် ဖေဖော်ဝါရီ ၂၆ ရက်တွင် မြန်မာနိုင်ငံ ရင်းနှီးမြှုပ်နှံမှု ကော်မရှင်မှ ပြုလုပ်ခဲ့သည့် (၆)ကြိမ်မြောက် အစည်းအဝေးတွင် နိုင်ငံခြား ရင်းနှီးမြှုပ်နှံမှု ဥပဒေအရ လုပ်ကိုင်မည့် လုပ်ငန်းအဖြစ် ပြန်လည်ခွင့်ပြု ပေးခဲ့ခြင်း ဖြစ်သည်။ Myanmar Golden Star(MGS) ကုမ္ပဏီနှင့် ပူးပေါင်း၍ ဘီယာထုတ်လုပ်ကာ ဥရောပ ဈေးကွက်သို့ တင်ပို့ရောင်းချရန် စီစဉ်နေပြီး လုပ်ငန်းအတွက် ရင်းနှီးမြှုပ်နှံမှု ပမာဏ အမေရိကန်ဒေါ်လာ ၃၅ သန်းမှ သန်း ၅၀ အထိ မြှုပ်နှံရန် လျာထားကြောင်း Carlsberg Group မှ ထုတ်ပြန်ချက်များအရ သိရသည်။

Carlsberg Group သည် ဒိန်းမတ်နိုင်ငံ၊ ကိုပင်ဟေဂင်မြို့ အခြေစိုက်ကာ ၁၈၄၇ ခုနှစ်တွင် စတင်တည်ထောင် ခဲ့ခြင်းဖြစ်ပြီး ဘီယာ၊ ဆိုဒါနှင့် အချိုရည်စသည့် အဖျော်ယမကာ ထုတ်လုပ်ခြင်း လုပ်ငန်းကို လုပ်ကိုင်နေပြီး ထုတ်ကုန်များကို အမေရိကန်၊ ဥရောပနှင့် အာရှနိုင်ငံ ဈေးကွက်များသို့ ဖြန့်ဖြူးရောင်းချလျက် ရှိကြောင်း သိရသည်။

ဂျပန်၊ ထိုင်းနှင့် ဥရောပနိုင်ငံများမှ ရင်းနှီးမြှုပ်နှံရန် လာရောက်သူများအား မြန်မာနိုင်ငံ၏ အခြေခံ အဆောက်အအုံ ကဏ္ဍတွင် ၀င်ရောက်လုပ်ကိုင်ရန် ဖိတ်ခေါ်ထားကြောင်း UMFCCI ဒုဥက္ကဋ္ဌ ပြောကြား

 Friday, 20 December 2013


နိုဝင်ဘာ ၁၃ ရက်တွင် ပြုလုပ်ခဲ့သည့် အီးယူ-မြန်မာ နှစ်နိုင်ငံ စီးပွားရေး ဆွေးနွေးပွဲအား တွေ့ရစဉ်

မြန်မာနိုင်ငံတွင် စီးပွားရေးလုပ်ငန်း လုပ်ကိုင်ရန်အတွက် ဂျပန်၊ ထိုင်းနှင့် ဥရောပနိုင်ငံများမှ လာရောက်သူများအား မြန်မာနိုင်ငံ၏ အခြေခံ အဆောက်အအုံ ကဏ္ဍတွင် ၀င်ရောက် လုပ်ကိုင်မှုများ ပြုလုပ်ရန် အဓိကထား ဖိတ်ခေါ်ထားကြောင်း မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) ၏ ဒုတိယဥက္ကဋ္ဌ ဦးဇော်မင်းဝင်းက ပြောကြားသည်။

ပြည်ပနိုင်ငံများ အနေဖြင့် မြန်မာနိုင်ငံတွင် စီးပွားရေး လုပ်ငန်းများ ပြုလုပ်ရန်အတွက် စီးပွားရေးဆိုင်ရာ အခွင့်အလမ်းများကို UMFCCI တွင် လာရောက်စုံစမ်း ဆွေးနွေးမေးမြန်းမှုများ ပြုလုပ်လျက်ရှိပြီး UMFCCI အနေဖြင့်လည်း စီးပွားရေး လုပ်ငန်းရှင်များ အချင်းချင်း ကုန်သွယ်မှု ဆိုင်ရာနှင့် ရင်းနှီးမြှုပ်နှံမှု ဆိုင်ရာများကို ပူးပေါင်းလုပ်ကိုင်ရန် အတွက် လာရောက်သည့် နိုင်ငံများနှင့် နှစ်နိုင်ငံ တွေ့ဆုံဆွေးနွေးပွဲများကို စီစဉ်ပေးလျက် ရှိကြောင်း သိရသည်။

''အသင်းချုပ်ကို လာပြီးဆွေးနွေးတာ ဂျပန်၊ ထိုင်းနဲ့ ဥရောပ နိုင်ငံတွေများတယ်။ ဒီနှစ်ထဲမှာဆိုရင် အမေရိကန် နိုင်ငံလည်း လာတယ်။ လာတဲ့အခါမှာလည်း မြန်မာနိုင်ငံမှာ အဓိက လိုအပ်ချက်ဖြစ်တဲ့ အားနည်းနေတဲ့ အခြေခံ အဆောက်အအုံ ကဏ္ဍတွေမှာပဲ ၀င်ရောက်လုပ်ကိုင် ကြဖို့အတွက် ဖိတ်ခေါ်ဆွေးနွေးမှုတွေ ပြုလုပ်ပါတယ်။ ပြည်ပနိုင်ငံတွေက ဆွေးနွေးတဲ့ အခါမှာလည်း လျှပ်စစ်မီးရရှိမှု အခြေအနေတွေကို မေးမြန်းပါတယ်။ ဒါ့အပြင် အခုဆိုရင် အထူးစီးပွားရေးဇုန် တွေကိုလည်း ဖော်ထုတ်နေပြီ ဖြစ်တဲ့အတွက် အထူးစီးပွားရေး ဇုန်တွေမှာ ၀င်ရောက်မြှုပ်နှံ လုပ်ကိုင်ဖို့ ဆွေးနွေးပါတယ်'' ဟု မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်မှ ဒုတိယဥက္ကဋ္ဌ ဖြစ်သည့် ဦးဇော်မင်းဝင်းက ပြောကြားသည်။

မြန်မာနိုင်ငံတွင် နိုင်ငံပေါင်း ၃၃ နိုင်ငံ မှ ၀င်ရောက်မြှုပ်နှံမှု ပြုလုပ်ထားကာ တရုတ်နိုင်ငံမှ မြှုပ်နှံမှုပမာဏ အများဆုံးဖြစ်ပြီး ကုန်သွယ်မှု အနေဖြင့် ထိုင်း၊ တရုတ်၊ မလေးရှား၊ အိန္ဒိယ၊ စင်ကာပူ၊ ဂျပန်၊ ကိုရီးယား၊ ဂျာမနီ၊ ဟောင်ကောင်၊ အင်ဒိုနီးရှားနှင့် ဗြိတိန်နိုင်ငံတို့နှင့် ကုန်သွယ်မှု ပြုလုပ်လျက် ရှိကြောင်း သိရသည်။

ဂျပန်ချေးငွေ အမေရိကန်ဒေါ်လာ သန်း ၅၀၀ ဖြင့် ရန်ကုန်-မန္တလေး ရထားလမ်းပိုင်းကို အပိုင်းသုံးပိုင်းခွဲ၍ လာမည့်နှစ်တွင် စတင်အကောင်အထည်ဖော်မည်

  Friday, 20 December 2013


ရန်ကုန်-မန္တလေး ရထားလမ်းပိုင်း အချို့အား တွေ့ရစဉ်

ဂျပန်မှချေးယူရန် သဘောတူညီမှု ရရှိခဲ့သော အမေရိကန်ဒေါ်လာ သန်း ၅၀၀ ဖြင့် ရန်ကုန်-မန္တလေး ရထားလမ်းပိုင်းကို အပိုင်းသုံးပိုင်းခွဲ၍ လာမည့်နှစ်တွင် စတင်အကောင်အထည် ဖော်မည်ဖြစ်ကြောင်း ရထားပို့ဆောင်ရေး ၀န်ကြီးဌာနမှ သိရသည်။

အဆင့်မြှင့်တင်ရန် စီစဉ်ထားသော ရန်ကုန်-မန္တလေး ရထားလမ်းပိုင်းအတွက် ယခုနှစ် အောက်တိုဘာလ အတွင်းမှစပြီး သဘာဝ ပတ်ဝန်းကျင် ထိခိုက်နိုင်မှုနှင့် လူနေမှုဘ၀ ထိခိုက်နိုင်မှုတို့အပေါ် ၂၀၁၃ ခုနှစ် အောက်တိုဘာလ အတွင်းက စတင်လေ့လာခဲ့ကြောင်း သိရသည်။

ယင်းလေ့လာမှုများ အပြီးတွင် ရထားလမ်းကို အဆင့်မြှင့်တင်မှုအပိုင်း သုံးပိုင်းခွဲခဲ့ပြီးနောက်တွင် ရန်ကုန်-တောင်ငူ၊ တောင်ငူ- ရမည်းသင်း၊ ရမည်းသင်း-မန္တလေးတို့ဖြစ်ပြီး ၎င်းအပိုင်းများအတွက် ဂျပန်နိုင်ငံမှ ရထားလမ်းပိုင်းဆိုင်ရာ လေ့လာရေး အဖွဲ့များနှင့် ထပ်မံအတည်ပြု လုပ်ဆောင်သွားရမည်ဖြစ်ပြီး လာမည့်နှစ်အတွင်း အကောင်အထည် ဖော်နိုင်မည်ဖြစ်ကြောင်း ရထားပို့ဆောင်ရေး ၀န်ကြီးဌာနမှ တာဝန်ရှိသူ တစ်ဦး၏ ပြောကြားချက်အရ သိရသည်။

''ရန်ကုန်-မန္တလေး ရထားလမ်းပိုင်းအတွက် အပိုင်းသုံးပိုင်း ခွဲပြီးတဲ့နောက်မှာ ဂျပန်က ပညာရှင်တွေနဲ့ အစီအစဉ်တွေ ရေးဆွဲရမယ်။ ထပ်ပြီးတော့ လေ့လာမှုတွေ ထပ်လုပ်ရမယ်။ နောင်နှစ်အတွင်းမှာတော့ အကောင်အထည် ဖော်နိုင်မှာပါ'' ဟု ရထားပို့ဆောင်ရေး ၀န်ကြီးဌာနမှ တာဝန်ရှိသူ တစ်ဦးက ပြောကြားသည်။

အဆင့်မြှင့်တင် သွားမည်ဖြစ်သော ရန်ကုန်-မန္တလေး လမ်းပိုင်းတွင် တစ်နာရီ ကီလိုမီတာ ၁၀၀(မိုင်၆၀) နှုန်းအထိ မောင်းနိုင်အောင် ဆောင်ရွက်သွားမည် ဖြစ်ကြောင်း၊ ယင်းအတွက် ယခင်က ကြာမြင့်ချိန် ၁၅ နာရီရှိသော ခရီးစဉ်ကို ၈ နာရီသို့ လျော့ချနိုင်မည် ဖြစ်ကြောင်း သိရသည်။

ရန်ကုန်-မန္တလေး ရထားလမ်း အဆင့်မြှင့်တင်ခြင်း အပိုင်းများတွင် ရထား-ကား လမ်းဆုံများကို ပြုပြင်ခြင်း၊ ရထားလမ်းရှိ တံတားများကို အဆင့်မြှင့်တင်ခြင်း၊ ဘူတာရုံ၊ ရထား အလုပ်ရုံများအား ပြုပြင်ခြင်း၊ အချက်ပြ စနစ်များ၊ ဆက်သွယ်ရေး စနစ်များ၊ ထိန်းချုပ်ရေး ဌာနများကို ခေတ်မီအောင် ဆောင်ရွက်ခြင်းနှင့် တွဲ-စက်ခေါင်းများ၏ စက်ရုံများကို အဆင့်မြှင့်တင်ခြင်းတို့ ပါဝင်မည် ဖြစ်ကြောင်း သိရသည်။

ယခုနှစ် နိုဝင်ဘာ ၂၄ ရက်မှ စတင်ကာ ရထားပို့ဆောင်ရေး ၀န်ကြီးဌာနက ၎င်းတို့ အစီအစဉ်ဖြင့် ရန်ကုန်-မန္တလေး အစုန်-အဆန် ပြေးဆွဲနေသော ရထားကြာမြင့်ချိန် ၁၅ နာရီတွင် တစ်နာရီခွဲအထိ လျော့ချမည်ဖြစ်ပြီး ရန်ကုန်-နေပြည်တော် ရထား ကြာမြင့်ချိန်ကိုမူ တစ်နာရီထိ လျော့ချပြေးသွားမည်ဖြစ်ပြီး ခရီးစဉ် အခေါက်ရေကိုပါ လျှော့ချသွားမည် ဖြစ်ကြောင်း ထုတ်ပြန်ထားပြီး ဖြစ်သည်။

EMG

Related Posts Plugin for WordPress, Blogger...