အီရန်နျူကလီးယား ဆွေးနွေးပွဲ တတိယမြောက်နေ့တွင် သဘောတူညီချက်ရရန် မျှော်လင့်ချက် မြင့်တက်

Sunday, 10 November 2013



နိုဝင်ဘာ ၈ ရက်တွင် ဂျီနီဗာ၌ ဆွေးနွေးပွဲ မစတင်မီ အမေရိကန်နိုင်ငံခြားရေး ၀န်ကြီးဂျွန်ကယ်ရီ၊ ဥရောပသမဂ္ဂ သံတမန် အကြီးအကဲ ကက်သရင်းအက်ရ်ှတန်တို့ကို တွေ့ရစဉ် (Photo:AP)

အီရန်နှင့် ကမ္ဘာ့အင်အားကြီး နိုင်ငံများအကြား ဆွေးနွေးပွဲသည် နိုဝင်ဘာ ၉ ရက်တွင် တတိယမြောက်နေ့သို့ ရောက်ရှိလာရာ သဘောတူညီချက် ရရှိရန် မျှော်လင့်ချက် မြင့်တက်လာသော်လည်း အဓိက အခက်အခဲများ ရှိနေဆဲဖြစ်ကြောင်း ထိပ်တန်းသံတမန်များက ပြောကြားခဲ့သည်။

အမေရိကန် နိုင်ငံခြားရေးဝန်ကြီး ဂျွန်ကယ်ရီသည် ယင်းဆွေးနွေးပွဲကို တက်ရောက်ရန်အတွက် သူ၏အရှေ့အလယ်ပိုင်း ခရီးစဉ်ကို အကျဉ်းချုံးခဲ့ရပြီး နိုဝင်ဘာ ၈ ရက်တွင် ဂျီနီဗာ ဆွေးနွေးပွဲ၌ ဗြိတိန်၊ ပြင်သစ်၊ ဂျာမနီနိုင်ငံခြားရေး ၀န်ကြီးများနှင့် ပူးပေါင်းခဲ့သည်။ သူက "ဒီအဆင့်မှာ သဘောတူညီချက်တစ်ရပ် မရနိုင်သေးပါဘူး။ စားပွဲဝိုင်းမှာ ဖြေရှင်းလို့ မရတဲ့ သိပ်ကိုအရေးကြီးတဲ့ အကြောင်းအရာတချို့ ရှိနေတုန်းပါပဲ" ဟု သတင်းထောက်များအား ပြောကြားခဲ့သည်။

သို့သော် ရုရှားနိုင်ငံခြားရေးဝန်ကြီး ဆာဂေးလက်ရော့ဗ်သည် ဂျီနီဗာသို့ နိုဝင်ဘာ ၉ ရက်တွင် ရောက်ရှိမည်ဖြစ်ရာ သဘောတူညီချက်တစ်ရပ် ရရှိရန်အတွက် မျှော်လင့်ချက်များ မြင့်တက်လာကြောင်း သိရသည်။ လက်ရော့ဗ် ရောက်ရှိလာပါက ကမ္ဘာ့အင်အားကြီး ခြောက်နိုင်ငံအနက် တစ်နိုင်ငံမှလွဲ၍ ကျန်နိုင်ငံအားလုံးမှ နိုင်ငံခြားရေး ၀န်ကြီးများ စုံညီသွားမည်ဖြစ်သည်။ ကမ္ဘာ့အင်အားကြီး ခြောက်နိုင်ငံသည် အီရန်နျူကလီးယား အစီအစဉ်နှင့် ပတ်သက်၍ စေ့စပ်ညှိနှိုင်း လာခဲ့သည်မှာ ဆယ်စုနှစ်တစ်ခု ကြာခဲ့ပြီဖြစ်သည်။

ဂျွန်ကယ်ရီ၊ အီရန်နိုင်ငံခြားရေးဝန်ကြီး မိုဟာမက် ဂျာဗက်ဇာရစ်ဖ်နှင့် ကမ္ဘာ့အင်အားကြီး နိုင်ငံများကို ကိုယ်စားပြုသော ဥရောပသမဂ္ဂ သံတမန် အကြီးအကဲ ကက်သရင်း အက်ရ်ှတန်တို့သည် နိုဝင်ဘာ ၈ ရက်ညက အချိန်အတန်ကြာ ဆွေးနွေးခဲ့ကြသည်။

ယင်းကဲ့သို့ ဆွေးနွေးခဲ့ပြီးနောက် အီရန်ကို ကိုယ်စားပြုကာ စေ့စပ်ညှိနှိုင်းရေးကို ဦးဆောင်နေသည့် အီရန် ဒုတိယနိုင်ငံခြားရေးဝန်ကြီး အက်ဘာအာရက်ချီက ဆွေးနွေးပွဲက အကျိုးရှိခဲ့သော်လည်း လုပ်စရာများစွာ ကျန်သေးကြောင်းနှင့် ဆွေးနွေးပွဲကို နိုဝင်ဘာ ၉ ရက်တွင် ဆက်လက်ပြုလုပ်မည်ဖြစ်ကြောင်း ပြောကြားခဲ့သည်။

ယခု ဆွေးနွေးပွဲ၌ သဘောတူညီချက်အချို့ ရရှိပင်လျှင် အမေရိကန်၊ ဗြိတိန်၊ ပြင်သစ်၊ ဂျာမနီ၊ ရုရှားနှင့် တရုတ်တို့ ပါဝင်သော ကမ္ဘာ့အင်အားကြီး နိုင်ငံများနှင့် အီရန်နိုင်ငံတို့အကြား ဆယ်စုနှစ်တစ်ခု ကြာမြင့်ခဲ့ပြီဖြစ်သည့် ဆွေးနွေးမှု အောင်မြင်သည်ဟု ယူဆရလိမ့်မည်ဟု ဆိုသည်။

နောက်ဆုံး သဘောတူညီချက် မရရှိမီ ပထမခြေလှမ်း တစ်ရပ်အဖြစ် ရရှိရန် မျှော်လင့်ထားသော သဘောတူညီချက်မှာ အီရန်က ၎င်းတို့၏ နျူကလီးယား အစီအစဉ်ကို ခြောက်လကြာအထိ ရပ်ဆိုင်းထားပေးပြီး အပြန်အလှန် အနေဖြင့် အီရန်နိုင်ငံ၏ စီးပွားရေးကို အကြီးအကျယ် အကျပ်တွေ့စေသော ပိတ်ဆို့မှုအချို့ကို ဖြေလျှော့ပေးရန်ဖြစ်ကြောင်း သိရသည်။

Ref:AFP

Read More

တရုတ်ခေါင်းဆောင်များ စီးပွားရေး ပြုပြင်ပြောင်းလဲမှု ထိပ်သီးဆွေးနွေးပွဲ စတင်ကျင်းပ

Sunday, 10 November 2013



စက်တင်ဘာ ၂၈ ရက်က ထျန်းကျင်မြို့ရှိ ပြတိုက်တစ်ခုတွင် ရှီကျင်ပင်း(ယာ)၏ ပုံကို (ယာမှဝဲ) ဟူကျင်တောင်၊ ကျန်ဇီမင်းနှင့် တိန့်ရှောင်ဖိန်တို့၏ ပုံများနှင့်အတူ တွေ့ရစဉ်

ကမ္ဘာ့ ဒုတိယ အကြီးဆုံး တရုတ်စီးပွားရေးကို လာမည့်ဆယ်စုနှစ်တွင် မည်သည့်ဦးတည်ချက်ဖြင့် ဆောင်ရွက်မည် ဆိုသည်ကို ဆွေးနွေးရန်အတွက် စီးပွားရေး ပြုပြင်ပြောင်းလဲမှု ထိပ်သီးဆွေးနွေးပွဲကို တရုတ်ကွန်မြူနစ်ပါတီ ခေါင်းဆောင်များက နိုဝင်ဘာ ၉ ရက်တွင် စတင်ကျင်းပခဲ့သည်။

လေးရက်ကြာ ကျင်းပမည့် အစည်းအဝေးတွင် ကွန်မြူနစ်ပါတီ ဗဟိုကော်မတီသည် တရုတ်စီးပွားရေးအတွက် အဓိက ပြဿနာများကို ပြုပြင်ပြောင်းလဲရန် ဆွေးနွေးသွားမည်ဖြစ်ကြောင်း နိုင်ငံပိုင် ဆင်ဟွာသတင်း အေဂျင်စီက ဖော်ပြခဲ့သည်။ မြေယာပြုပြင် ပြောင်းလဲမှုနှင့် စီမံခန့်ခွဲရေးဆိုင်ရာ ပြုပြင်ပြောင်းလဲမှုများ အပါအ၀င် သြဇာကြီးမားသော နိုင်ငံပိုင် စီးပွားရေး လုပ်ငန်းများအတွက် အကာအကွယ်များ လျှော့ချရေးကိုပါ ဆွေးနွေးသွားမည်ဖြစ်ကြောင်း နိုင်ငံပိုင် မီဒီယာက ဖော်ပြခဲ့သည်။

စီးပွားရေး တိုးတက်မှုကို ခိုင်မြဲတည်တံ့စေရန် မည်ကဲ့သို့ ထိန်းသိမ်းရမည် ဆိုသည်နှင့် သဘာဝ ပတ်ဝန်းကျင်ဆိုင်ရာ ညစ်ညမ်းမှု ပြဿနာများကို တရုတ်က ရင်ဆိုင်နေရသည်။ လုံခြုံရေး တင်းကျပ်စွာနှင့် လျှို့ဝှက်စွာ ကျင်းပသော ဗဟိုကော်မတီ ထိပ်သီးအစည်းအဝေးသည် အစိုးရသစ်အတွက် စီးပွားရေးဆိုင်ရာ လမ်းညွှန်မှုကို ချမှတ်လေ့ရှိသည်။ တရုတ်တွင် ပြီးခဲ့သည့် မတ်လက ရှီကျင်ပင်း သမ္မတ ဖြစ်လာခဲ့ပြီးနောက် ခေါင်းဆောင်မှုဆိုင်ရာ အသွင်ကူးပြောင်းမှု ဖြစ်ပေါ်ခဲ့သည်။ ဗဟိုကော်မတီဝင် ၃၇၆ ဦးလုံး ပါဝင်သည့် ထိပ်သီးအစည်းအဝေးကို ပေကျင်းရှိ ပုဂ္ဂလိက ဟိုတယ်တစ်ခုတွင် ကျင်းပသည်ဟု ယူဆရသည်။

ရရှိထားသော ပါတီ၏ ဆွေးနွေးမှု မူကြမ်းအရ ပါတီတစ်ခုလုံး၏ ဥာဏ်ပညာကို ဖော်ပြနေပြီး ဆယ်စုနှစ် သုံးခုကျော် ကြာမြင့်ခဲ့ပြီဖြစ်သော ပြုပြင်ပြောင်းလဲမှုများကို ရှေ့ဆက်ရန် ဆောင်ရွက်မည်ဟု မျှော်လင့်ရကြောင်း ဆင်ဟွာက ဖော်ပြခဲ့သည်။ သို့သော်လည်း အသေးစိတ်ကို ဆင်ဟွာက မဖော်ပြခဲ့ပေ။ တရုတ်ခေါင်းဆောင်ပိုင်းသည် နိုင်ငံ၏ အစိုးရ ရင်းနှီးမြှုပ်နှံမှုအပေါ် အခြေခံထားသော စီးပွားရေး တိုးတက်မှုပုံစံကို အသိအမှတ် ပြုသော်လည်း စားသုံးသူနှင့် ပုဂ္ဂလိက ကဏ္ဍက တိုးတက်မှုကို ချဲ့ထွင်ရာတွင် ဦးဆောင်ရန် လိုအပ်ကြောင်း လက်ခံထားသည်။

ဗဟိုကော်မတီ ထိပ်သီးအစည်းအဝေးသည် ပြောင်းလဲမှု ကြီးမားသော စီးပွားရေး မူဝါဒများကို ဖော်ထုတ်လိမ့်မည်ဟု မျှော်လင့်ကြောင်း ဆင်ဟွာက မကြာသေးမီက ဖော်ပြခဲ့သည်။ ၁၉၇၈ ခုနှစ်က ဗဟိုကော်မတီ ထိပ်သီးအစည်းအဝေးတွင် ကွန်မြူနစ်ပုံစံ ဗဟိုဦးစီး စီးပွားရေးမှ ခွဲထွက်ရန် ပြုပြင်ပြောင်းလဲမှုများကို ချမှတ်ခဲ့သည်။

လွန်ခဲ့သော ၃၅ နှစ်က တိန့်ရှောင်ဖိန် ချမှတ်ခဲ့သော အမြော်အမြင်ကြီးမားသည့် ပြုပြင်ပြောင်းလဲမှုမျိုးကို ယခုထိပ်သီး အစည်းအဝေးက ချမှတ်နိုင်လိမ့်မည်ဟု တရုတ်ပညာရှင် အများစုက မျှော်လင့်ထားကြောင်း ဟောင်ကောင်ရှိ Chinese University မှ တရုတ်နိုင်ငံရေး ကျွမ်းကျင်သူ ၀ီလီလမ်းက ပြောကြားခဲ့သည်။

Ref:AFP

Read More

နှောင့်နှေးမှု ကြုံခဲ့ရသော မော်လ်ဒိုက်သမ္မတ ရွေးကောက်ပွဲကို နိုဝင်ဘာ ၉ ရက်တွင် ကျင်းပ

Sunday, 10 November 2013


မော်လ်ဒိုက်သမ္မတဟောင်းနှင့် သမ္မတ ကိုယ်စားလှယ်လောင်း မိုဟာမက်နာရှိက မြို့တော်မေးလ်တွင် နိုဝင်ဘာ ၉ ရက်က မဲပေးနေစဉ် (Photo:AP)

ပထမဆုံးအကြိမ် ဒီမိုကရေစီနည်းကျ ရွေးကောက်ပွဲ တင်မြှောက်ခံရသော သမ္မတရာထူး ဖြုတ်ချခံရပြီးနောက် ၂၁ လကြာ ဖြစ်ပွားခဲ့သော မတည်ငြိမ်မှုများ ရပ်တန့်နိုင်ရေးအတွက် မော်လ်ဒိုက်တွင် သမ္မတ ရွေးကောက်ပွဲကို နိုဝင်ဘာ ၉ ရက်က ကျင်းပခဲ့သည်။ ယင်းရွေးကောက်ပွဲမှာ ယခင်ရွေးကောက်ပွဲ နှစ်ကြိမ်၌ နှောင့်နှေးကြန့်ကြာမှု ကြုံတွေ့ခဲ့ရပြီးနောက် သမ္မတတစ်ဦးကို ရွေးချယ်နိုင်ရေးအတွက် တတိယအကြိမ်မြောက် ကြိုးပမ်းမှုအဖြစ် ယခုကဲ့သို့ ကျင်းပခဲ့ခြင်း ဖြစ်သည်။

နိုင်ငံတစ်ဝန်းရှိ မဲ ၄၇၅ ရုံတွင် မဲပေးမှု စတင်ခဲ့ပြီး နိုင်ငံအများအပြားရှိ မြို့တော်များတွင် နေထိုင်သော မော်လ်ဒိုက်နိုင်ငံသားများက မဲပေးခဲ့ကြကြောင်း ရွေးကောက်ပွဲ ကော်မရှင် တာဝန်ရှိသူ အီရှာရီမားက ပြောကြားခဲ့သည်။ နိုဝင်ဘာ ၁၀ ရက်တွင် ရလဒ်ထွက်ပေါ်မည်ဟု မျှော်လင့်ထားပြီး ကိုယ်စားလှယ်လောင်း သုံးဦးအနက် တစ်ဦးမှ မဲရာခိုင်နှုန်း ၅၀ မကျော်ပါက ဒုတိယအကျော့ကို ယင်းနေ့တွင်ပင် ကျင်းပရန် စီစဉ်ထားသည်။

တစ်ချိန်က နိုင်ငံရေး အကျဉ်းသားနှင့် သဘာဝ ပတ်ဝန်းကျင်အရေး တက်ကြွလှုပ်ရှားသူဖြစ်သော အသက် ၄၆ နှစ်ရှိ မိုဟာမက်နာရှိက ၂၀၀၈ ခုနှစ်က ပထမဆုံးအကြိမ် ပါတီစုံ ရွေးကောက်ပွဲတွင် အနိုင်ရခဲ့ပြီး အာဏာရှင် မာမွန်းအဗ္ဗဒူဂါယွန်း၏ အနှစ် ၃၀ ကြာ အာဏာချုပ်ကိုင်မှုကို အဆုံးသတ်နိုင်ခဲ့သည်။ သို့သော် တရားစီရင်ရေးနှင့် လုံခြုံရေး တပ်ဖွဲ့များ အပါအ၀င် အဓိက အဖွဲ့အစည်းများနှင့် ပဋိပက္ခ ဖြစ်ပွားခဲ့ပြီးနောက် ၂၀၁၂ ခုနှစ် ဖေဖော်ဝါရီလတွင် နာရှိသည် ဖိအားပေးခံရပြီး ရာထူးမှ နုတ်ထွက်ခဲ့ရကာ ယင်းဖြစ်စဉ်ကို "အာဏာသိမ်းမှု" ဟု နာရှိက စွပ်စွဲခဲ့သည်။

အတိုက်အခံ မော်လ်ဒိုက်ဒီမိုကရက်တစ်ပါတီ (MDP) မှ လူငယ်ခေါင်းဆောင် ရှူနာအမီနက်က ၎င်းတို့ခေါင်းဆောင် နာရှိသည် နိုဝင်ဘာ ၉ ရက် ပထမအကျော့ ရွေးကောက်ပွဲတွင်ပင် ပြတ်ပြတ်သားသား အနိုင်ရမည်ဟု ပြောကြားခဲ့သည်။ ထို့ပြင် သမ္မတမိုဟာ မက်ဝါဟိကလည်း ယခုရွေးကောက်ပွဲတွင် ယှဉ်ပြိုင်မည် မဟုတ်ဟု ဆုံးဖြတ်ခဲ့မှုကြောင့် နာရှိအနိုင်ရရန် အခွင့်အလမ်း ပိုမိုကောင်းမွန် စေခဲ့သည်ဟု ရှုမြင်ခံရသည်။

နာရှိသည် စက်တင်ဘာ ၇ ရက်က ကျင်းပခဲ့သော ရွေးကောက်ပွဲတွင် ပြိုင်ဘက်နှစ်ဦးအပေါ် မဲအသာ ရခဲ့သော်လည်း မဲရာခိုင်နှုန်း ၅၀ ကျော် မရခဲ့ပေ။ ယင်းရွေးကောက်ပွဲ မဲစာရင်းများ မမှန်ကန်မှု ရှိသဖြင့် အဆိုပါရလဒ် ရပ်ဆိုင်းထားရန် တရားရုံးချုပ်က ဆုံးဖြတ်ခဲ့သည်။ အောက်တိုဘာ ၁၉ ရက်တွင် ကျင်းပရန် စီစဉ်ထားသည့် သမ္မတ ရွေးကောက်ပွဲအတွက် မဲစာရင်းများကို အသိအမှတ်ပြုရန် ဂါယွန်း၏ အဖေတူ အမေကွဲ ညီအစ်ကိုတော်သူ အဗ္ဗဒူလာယာမင်းနှင့် စီးပွားရေး လုပ်ငန်းရှင် ကာဆင်အီဗရာဟင်က ငြင်းဆန်ခဲ့ပြီး ရဲတပ်ဖွဲ့က ဟန့်တားခဲ့သဖြင့် ယင်းရွေးကောက်ပွဲမှာ မပြုလုပ်ဖြစ်ခဲ့ပေ။

Ref:AFP

Read More

ပညာရေး ကော်မတီဥက္ကဋ္ဌ ဒုတိယ ဗိုလ်ချုပ်ကြီး ခင်ညွန့် လက်ထက်မှစ၍ ပိတ်ပင်ခဲ့သည့် တက္ကသိုလ် အဆောင်နေခွင့် ရရှိစေရန် သက်ဆိုင်ရာသို့ တင်ပြထား

 Created on Sunday, 10 November 2013


ရန်ကုန်မြို့ အင်းစိန်မြို့နယ်ရှိ ရန်ကုန် စက်မှုတက္ကသိုလ် ၀င်းအတွင်းမှ အဆောင်တစ်ခုအား တွေ့ရစဉ်

ပညာရေး ကော်မတီဥက္ကဋ္ဌ ဒုတိယ ဗိုလ်ချုပ်ကြီး ခင်ညွန့် လက်ထက် ၁၉၉၆ ခုနှစ်မှ စတင်ပြီး ကျောင်းသားများ စုစည်းနေထိုင်ခွင့် ရခဲ့သည့်တက္ကသိုလ်များ အဆောင်နေခွင့်ကို ပိတ်ပင်ခဲ့ပြီးနောက် ရန်ကုန် နည်းပညာတက္ကသိုလ် (YTU) နှင့် မန္တလေး နည်းပညာတက္ကသိုလ် (MTU) တို့တွင် ၂၀၁၃-၁၄ ပညာသင်နှစ်မှ စတင် တက်ရောက်ကြမည့် ကျောင်းသား ကျောင်းသူများ အဆောင်နေထိုင်ခွင့် ရရှိရန် အဆင့်မြင့် နည်းပညာတက္ကသိုလ်များ ဦးစီးကော်မတီမှ သက်ဆိုင်ရာသို့ တင်ပြထားကြောင်း သိရသည်။

"ရန်ကုန်နဲ့ မန္တလေး နည်းပညာတက္ကသိုလ်တွေကို နယ်အသီးသီးကနေ သက်ဆိုင်ရာ တက္ကသိုလ် တည်ရှိရာ နေရာဒေသတွေမှာ ကျောင်းလာတက်ရတဲ့အခါ ဆွေမျိုးမရှိရင် တည်းခိုဖို့ဆိုတာ ခက်ခဲလှပါတယ်။ ဒါ့ကြောင့် နုနယ်တဲ့ ကလေးတွေ အထူးသဖြင့် ပထမနှစ်၊ ဒုတိယနှစ် ကျောင်းသား ကျောင်းသူတွေအတွက် အဆောင်နေထိုင်ခွင့် ရရှိဖို့ကို အဆင့်မြင့် နည်းပညာတက္ကသိုလ်များ ဦးစီးကော်မတီကနေ သက်ဆိုင်ရာကို တင်ပြထားပါတယ်"ဟု အဆင့်မြင့် နည်းပညာတက္ကသိုလ်များ ဦးစီးကော်မတီဥက္ကဋ္ဌသိပ္ပံနှင့် နည်းပညာဝန်ကြီးဌာန ဒုတိယ၀န်ကြီး (ငြိမ်း) ဦးညီလှငယ်က ဆိုပါသည်။

နည်းပညာတက္ကသိုလ် အပါအ၀င် ၁၉၉၀ ခုနှစ် ၀န်းကျင်နောက်ပိုင်း အသစ်ဆောက်လုပ်ခဲ့သည့် တက္ကသိုလ်ကျောင်းများ၏ တည်နေရာမှာ မြို့နှင့်ဝေးသည့် အရပ်များတွင် ဆောက်လုပ်ခဲ့သည့်အတွက် ကျောင်းတက်ရာတွင် သွားရေးလာရေး ခက်ခဲခြင်း၊ ကျောင်းသားများ ငွေအကုန်အကျ ပိုများခြင်း၊ လမ်းခရီးတစ်လျှောက် ပင်ပန်းသည့်အတွက် လူပန်းသဖြင့် အိမ်တွင်စာကြည့်ရန် စိတ်မ၀င်စား ဖြစ်ရခြင်း၊ ကျောင်းပြေးခြင်း၊ စည်းကမ်းပျက်ခြင်း၊ ကျူရှင်ကို အားကိုးကြရခြင်း စသည့် ဆိုးကျိုးများကို ဖြစ်ပေါ်စေသည့်အတွက် ကျောင်းသား ကျောင်းသူများ အဆောင်နေထိုင်ခွင့် ရရှိရေး အစီအစဉ်အား သက်ဆိုင်ရာသို့ တင်ပြရခြင်းဖြစ်ပြီး သက်ဆိုင်ရာမှလည်း ခွင့်ပြုနိုင်ဖွယ် ရှိနေကြောင်း သိရသည်။

အလားတူ ရန်ကုန်နှင့် မန္တလေး တက္ကသိုလ်များတွင် ယခုပညာသင်နှစ်မှ စတင်ကာ တက်ရောက်ခွင့် ရရှိမည်ဖြစ်သည့် ထူးချွန်ကျောင်းသား ကျောင်းသူများအတွက်လည်း အဆောင်နေထိုင်ခွင့်ပြုမည့် အစီအစဉ်များ ရှိနေသည်ဟုလည်း သိရပြီး ကျောင်းဝင်ခွင့် စိစစ်ပြီးပါက အဆိုပါ ကိစ္စရပ်များအား ဆက်လက် ဆွေးနွေးဆောင်ရွက်သွားမည် ဖြစ်ကြောင်းလည်း သိရသည်။

"၁၉၉၀ ခုနှစ် နောက်ပိုင်းကျတော့ တက္ကသိုလ်အသစ်တွေ ထပ်ဆောက်လိုက်ကြတယ်။ ဒဂုံတက္ကသိုလ်၊ အရှေ့ပိုင်းတက္ကသိုလ်၊ အနောက်ပိုင်း တက္ကသိုလ်တွေလိုမျိုး တက္ကသိုလ်တွေကို မြို့နဲ့ အလှမ်းဝေးတဲ့ နေရာတွေမှာ ထပ်ဆောက်လာကြတယ်။ အဲဒီအတွက် ခုနောက်ပိုင်း ကလေးတွေဟာ ကျောင်းသွားချိန်၊ အသွားအပြန်ချိန်တွေနဲ့တင် အချိန် အရမ်းကုန်နေကြတယ်။ ကျောင်းရောက်တဲ့ အချိန်မှာလည်း စာကိုမယ်မယ်ရရ မသင်ကြဘူး။ ကျောင်းတွေမှာလည်း စာကြည့်တိုက်တွေ၊ ကျောင်းသား လှုပ်ရှားမှုတွေကိုလည်း အရင်တုန်းကလို မထားရှိပေးကြတော့ ကျောင်းသားတွေမှာ ထွက်ပေါက် မရှိကြတော့တဲ့အတွက် မလိုလားအပ်တဲ့ ထွက်ပေါက်မျိုးတွေ ရှာလာကြတယ်။ အခုခေတ် တက္ကသိုလ် ကျောင်းသားကလေးတွေဟာ မဖြစ်သင့် မဖြစ်ထိုက်တဲ့ အဖြစ်မျိုးတွေ ဖြစ်နေကြတာတွေ ရှိလာကြတယ်။ ဖြစ်နိုင်ရင် မြို့နယ်အလှမ်းဝေးတဲ့ ကျောင်းတွေတိုင်းမှာ ကျောင်းသားတွေအတွက် အဆောင်တွေ ပြန်ထားပေးနိုင်မယ်ဆိုရင် အခုလိုမျိုး မလိုလားအပ်တဲ့ ပြဿနာတွေကို တားဆီးနိုင်မယ်လို့ ထင်ပါတယ်"ဟု မြန်မာနိုင်ငံ ပုဂ္ဂလိက ဆရာများအသင်းချုပ် ဥက္ကဋ္ဌ ဒေါက်တာစိုးဝင်းဦး က ပြောကြားသည်။



ရန်ကုန်မြို့ အင်းစိန်မြို့နယ်ရှိ ရန်ကုန်စက်မှုတက္ကသိုလ် ၀င်းအတွင်းမှ အဆောင်တစ်ခုအား တွေ့ရစဉ် (ဓာတ်ပုံ- ဥာဏ်ဝင်းရှိန်)

ပဲခူးဆောင်တွင် နေထိုင်ခွင့်ရခဲ့သည့် မြန်မာစာ အဓိက ကျောင်းသားဟောင်း ဦးကျော်ထင်က "ကျောင်းတက်တယ်ဆိုတာ အဆောင်နေမှ တက္ကသိုလ် ကျောင်းသားဘ၀ ပီပြင်တာပါ။ Day တက်တဲ့လူနဲ့ အဆောင်နေတဲ့ ကျောင်းသားနဲ့ ဘ၀မတူဘူး။ နယ်ပေါင်းစုံကလာတဲ့ လူတွေအားလုံးက အဆောင်တွေမှာ စုံကြတယ်။ ဒါကြောင့် အစိုးရက ကောင်းတယ်၊ ဆိုးတယ်၊ မှန်တယ်၊ မှားတယ် ဆိုတာအားလုံးကို အဆောင်နေ ကျောင်းသားတွေ သိကြတယ်။ ရှင်းရှင်းပြောရရင် အဆောင်နေ ကျောင်းသားတွေက အစိုးရကို ပိုပြဿနာရှာကြတယ်။ ဒါကြောင့်လည်း အစိုးရက တက္ကသိုလ်တွေကို အဝေးကြီး ပို့လိုက်ပြီး အဆောင်တွေလည်း မထားတော့ဘူး။ တက္ကသိုလ်ဆိုတာ လွတ်လပ်တဲ့ အဖွဲ့အစည်းတစ်ခု ဖြစ်ရမည်၊ အစိုးရက ဘယ်သူတွေ အဆောင်နေ၊ ဘယ်သူတွေ မနေနဲ့လို့ သတ်မှတ်တာကိုက အဓိပ္ပာယ်မရှိဘူး။" ဟု ဖြေကြားခဲ့သည်။

၁၉၈၇ ခုနှစ်က ငွေစက္ကူများ သိမ်းဆည်းလိုက်သဖြင့် အဆောင်နေ ကျောင်းသားများမှ စတင်ကာ ဆန္ဒပြခဲ့သောကြောင့် ကျောင်းသားများအား မီးရထားစီးလုံးဖြင့် နေရပ်များအား ပြန်လည်ပို့ဆောင်ခဲ့ရပြီး ၁၉၈၈၊ မတ်လတွင် စတင် ဖြစ်ပွားသည့် ဖုန်းမော် အရေးအခင်းတွင်လည်း စက်မှုတက္ကသိုလ် အဆောင်များမှ စတင်ဖြစ်ပွားခဲ့သည်။

ထို့နောက် ၁၉၉၆ ခုနှစ်တွင် ဖြစ်ပွားခဲ့သည့် ကျောင်းသားများ ဆန္ဒပြပွဲနောက်ပိုင်းတွင် ပညာရေး ကော်မတီ ဥက္ကဋ္ဌအဖြစ် တာဝန်ယူခဲ့သော ဒုတိယဗိုလ်ချုပ်ကြီး ခင်ညွန့် လက်ထက်တွင် တက္ကသိုလ် ကျောင်းများအား လူသူမနီးသည့် နေရာများသို့ ပို့ဆောင်လိုက်ပြီး အဆောင်နေခွင့်ကိုလည်း ပိတ်ပင်လိုက်သဖြင့် ကျောင်းသားများ နေထိုင်ရေး ခက်ခဲကာ ရပ်ကွက်များထဲတွင် ဖြစ်သလို နေထိုင်ခဲ့ရသဖြင့် လူမှုရေး ပြဿနာများလည်း ဖြစ်ပွားခဲ့ကြောင်း သိရှိရသည်။ ထို့ပြင် ကျောင်းများနှင့် ပတ်သက်၍ ယင်းကဲ့သို့ လုပ်ဆောင်ခဲ့သူ ယခင်ပညာရေး ကော်မတီဥက္ကဋ္ဌ ဒုတိယ ဗိုလ်ချုပ်ကြီး ခင်ညွန့်သည် ကျောင်းသားများကို နှိမ်နင်းခဲ့သည့် ဦးနေ၀င်း၏ လက်ရင်းတပည့်တစ်ဦး ဖြစ်ကြောင်း သိရသည်။

"ကျွန်တော်တို့ တက္ကသိုလ် ကျောင်းသားဘ၀တုန်းကလည်း အဆောင်နေခဲ့ပါတယ်။ အဲဒီတုန်းက အဆောင်နေရတဲ့ ကျောင်းသား၊ ကျောင်းသူတွေရဲ့ Life ဟာ ဘာနဲ့မှ လဲလို့မရပါဘူး။ တက္ကသိုလ် ကျောင်းတွေနဲ့ တက္ကသိုလ် ကျောင်းသားတွေရဲ့ဘ၀တွေကို ဖျက်ဆီးခဲ့သူဟာ သမိုင်းရဲ့ တရားခံ ဖြစ်ပါလိမ့်မယ်"ဟု Eleven Media Group ၏ CEO ဒေါက်တာသန်းထွဋ်အောင်က ပြောကြားခဲ့သည်။

EMG

Read More

စက်မှုဝန်ကြီးဌာနပိုင် အဆောက်အအုံ ငါးလုံးကို တစ်လကျပ်နှစ်သိန်းဖြင့် Myanmar Egress သို့ ငှားရမ်းထား

 Created on Sunday, 10 November 2013


Myanmar Egress သို့ ငှားရမ်းထားသည့် ကျိုက်ဝိုင်းဘုရားလမ်းနှင့် မင်းဓမ္မလမ်းထောင့်ရှိ စက်မှုဝန်ကြီးဌာနပိုင် မြေနေရာပေါ်မှ အဆောက်အအုံများအား တွေ့ရစဉ်

ရန်ကုန်မြို့တွင် အိမ်ငှားရမ်း နေထိုင်ရသူ အများပြည်သူ အနေဖြင့် အထပ်မြင့် တိုက်ခန်းကျဉ်း တစ်ခန်းကိုပင် တစ်လလျှင် ကျပ်တစ်သိန်းခွဲအထိပေးကာ ငှားရမ်းနေထိုင်ရသည့် အချိန်တွင် စက်မှုဝန်ကြီးဌာနပိုင် အဆောက်အအုံ ငါးလုံးကို တစ်လကျပ်နှစ်သိန်းဖြင့် Myanmar Egress သို့ ငှားရမ်းထားကြောင်း စုံစမ်းသိရှိရသည်။

ရန်ကုန်တိုင်းဒေသကြီး၊ မရမ်းကုန်းမြို့နယ် ကျိုက်ဝိုင်းဘုရားလမ်းနှင့် မင်းဓမ္မလမ်းထောင့်ရှိ စက်မှုဝန်ကြီးဌာနပိုင် မြေ ၂ ဒသမ ၄၇၈ ဧကပေါ်တွင် အဆောက်အအုံ ၁၂ လုံး တည်ဆောက်ထားကြောင်း၊ အဆိုပါ အဆောက်အအုံ ၁၂ လုံးထဲမှ ငါးလုံးအား တစ်နှစ်လျှင် ကျပ် ၂၄ သိန်းဖြင့် ငါးနှစ်အထိ ငှားရမ်းခွင့် ပေးထားခြင်းဖြစ်ကြောင်း သိရသည်။

အဆောက်အအုံ ငါးလုံးအား တစ်နှစ်ကျပ် ၂၄ သိန်းဖြစ်ရာ အဆောက်အအုံ တစ်လုံးလျှင် တစ်လ ကျပ် ၄၀၀၀၀ နှုန်းသာ ကျသင့်သည့်အတွက် လက်ရှိရန်ကုန်မြို့တွင် အိမ်ရာတိုက်ခန်း၊ အဆောက်အအုံ ငှားရမ်းခ ပေါက်ဈေးဖြင့် နှိုင်းယှဉ်လျှင် များစွာသက်သာသည့်နှုန်းဖြင့် ငှားခွင့်ရခြင်းလည်း ဖြစ်သည်။

မည်သည့်အတွက်ကြောင့် ယခုကဲ့သို့သော ပြင်ပပေါက်ဈေးထက် သက်သာသော နှုန်းထားများဖြင့် ငှားရမ်းခဲ့ခြင်းဖြစ်ကြောင်း ရှင်းလင်းစွာ မသိရပါ။ ထို့အပြင် ယခုအစိုးရသစ် လက်ထက်တွင် ပုဂ္ဂလိကပိုင် ပြုလုပ်ရေး ကော်မရှင် အနေဖြင့် ပုဂ္ဂလိကသို့ ရောင်းချခြင်း၊ ငှားရမ်းခြင်းနှင့် လုပ်ကိုင်ခွင့်များ ချထားပေးခြင်း အများအပြားတွင် စံနှုန်းသတ်မှတ်ချက် မရှိဘဲ ယခုကဲ့သို့ လက်သင့်ရာ ငှားရမ်းမှုများကြောင့် နိုင်ငံဘဏ္ဍာအတွက် နစ်နာဆုံးရှုံးခဲ့သော ဖြစ်ရပ်များစွာ ရှိခဲ့ကြောင်း ရရှိထားသော သတင်းအချက် အလက်များအရ သိရသည်။

မကြာသေးမီကလည်း ယခင်အစိုးရလက်ထက် ပြောင်းခါနီးတွင် ထူးကုမ္ပဏီ အုပ်စုသို့ ရန်ကုန်တိရစ္ဆာန် ဥယျာဉ်ကို သက်သာသော ဈေးနှုန်းဖြင့် ငှားရမ်းခဲ့သည့်အတွက် နှုန်းထားများ ပြန်လည်ပြင်ဆင်ရန် တောင်းဆိုမှုများ ရှိခဲ့ကြောင်း သိရသည်။

ယခုအစိုးရသစ် လက်ထက်တွင် ပုဂ္ဂလိကပိုင် ပြုလုပ်ရေး ကော်မရှင် အနေဖြင့် ပုဂ္ဂလိကသို့ ရောင်းချခြင်း၊ ငှားရမ်းခြင်းနှင့် လုပ်ကိုင်ခွင့်များ ချထားပေးခြင်း အများအပြားတွင် စံနှုန်းသတ်မှတ်ချက် မရှိဘဲ ယခုကဲ့သို့ လက်သင့်ရာ ငှားရမ်းမှုများကြောင့် နိုင်ငံဘဏ္ဍာအတွက် နစ်နာဆုံးရှုံးခဲ့သော ဖြစ်ရပ်များစွာ ရှိခဲ့ . . . . .


ယခု အစိုးရ လက်ထက်တွင် ယင်းကဲ့သို့ ငှားရမ်းမှုများသည် တိုင်းပြည် ဘဏ္ဍာငွေများ နစ်နာမှုများ ရှိခဲ့သဖြင့် လွှတ်တော်နှင့် အဖွဲ့အစည်း အဆင့်ဆင့်မှ စစ်ဆေးပြီး အစိုးရ အနေဖြင့် ပွင့်လင်းမြင်သာစွာ ဖော်ပြပြီး နှုန်းထားများ ပြန်လည်ပြင်ဆင် သတ်မှတ်သင့်ကြောင်း သုံးသပ်မှုများ ရှိနေသည်။

၂၀၀၆ ခုနှစ်က စတင်တည်ထောင်ခဲ့သော Myanmar Egress သည် NGO အဖွဲ့အစည်း တစ်ခုဖြစ်ပြီး သုတေသနနှင့် စွမ်းဆောင်ရည် မြှင့်တင်ရေး သင်တန်းများကို ပို့ချရန် ရည်ရွယ်ချက်ဖြင့် တည်ထောင်ခဲ့ခြင်း ဖြစ်ပါသည်။ အဖွဲ့ကို Living Color မဂ္ဂဇင်းနှင့် The Voice ဂျာနယ်ထုတ်ဝေသူ ဒေါက်တာနေ၀င်းမောင် (ကွယ်လွန်) အပါအ၀င် လုပ်ငန်းရှင် ခုနစ်ဦးက တည်ထောင်ခဲ့ခြင်းဖြစ်ကြောင်း သိရပြီး အဖွဲ့ဥက္ကဋ္ဌ တာဝန်ကို ဦးတင်မောင်သန်း (မြန်မာနိုင်ငံ ငါးလုပ်ငန်း အဖွဲ့ချုပ်)က တာဝန်ယူခဲ့ကာ ဦးလှမောင်ရွှေက ဒုတိယဥက္ကဋ္ဌ၊ ဦးဆန်နီညွန့်သိန်းက ဒုတိယဥက္ကဋ္ဌ၊ ဒေါက်တာနေ၀င်းမောင်က အထွေအထွေ အတွင်းရေးမှူး၊ ဒေါက်တာကျော်ရင်လှိုင်က ပညာရပ်ဆိုင်ရာနှင့် သုတေသန ဒါရိုက်တာ၊ ဦးကျော်နီခင်က စီမံကိန်း ဒါရိုက်တာ၊ ဦးရဲမြတ်သူက နည်းပညာဆိုင်ရာ ဒါရိုက်တာအဖြစ် ဆောင်ရွက်ခဲ့ကြောင်း Myanmar Egress ၀က်ဘ်ဆိုက်တွင် ဖော်ပြထားချက်အရ သိရသည်။

မြန်မာ့နိုင်ငံရေးတွင် "တတိယ အင်အားစု" ဟု သတ်မှတ်ခံခဲ့ရသော Myanmar Egress ကို ၂၀၀၈ ဖွဲ့စည်းပုံ အခြေခံဥပဒေနှင့် ၂၀၁၀ ပြည့်နှစ် ရွေးကောက်ပွဲကို ထောက်ခံသော NGO အဖြစ် ရှုမြင်မှုများ ရှိခဲ့ပြီး ၂၀၁၀ ပြည့်နှစ် ရွေးကောက်ပွဲတွင် နိုင်ငံရေးပါတီ အချို့ကို ငွေကြေးထောက်ပံ့မှုများ ရှိခဲ့သည်ဟု သတင်းများ ထွက်ပေါ်ခဲ့သည်။

၂၀၁၀ ရွေးကောက်ပွဲအပြီး သမ္မတဦးသိန်းစိန် အစိုးရ တက်လာပြီးနောက် Myanmar Egress အဖွဲ့မှ ဦးတင်မောင်သန်း၊ ဦးလှမောင်ရွှေနှင့် ဒေါက်တာကျော်ရင်လှိုင်တို့သည် နိုင်ငံတော် သမ္မတရုံးက ဖွဲ့စည်းခဲ့သော အမျိုးသား စီးပွားရေးနှင့် လူမှုရေး အကြံပေး ကောင်စီတွင် အဖွဲ့ဝင်များအဖြစ် ပါဝင်ခဲ့သည်။

ထို့အတူ အစိုးရ၏ ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုတိယဥက္ကဋ္ဌ ဦးအောင်မင်းက ဦးဆောင်ခဲ့ပြီး ပြည်ထောင်စုဝန်ကြီး ဦးစိုးသိန်းနှင့် ဦးခင်ရီတို့ ပါဝင်သော မြန်မာငြိမ်းချမ်းရေး ဖော်ဆောင်မှု ဗဟို (MPC) တွင်လည်း Myanmar Egress မှ ဦးတင်မောင်သန်း၊ ဦးလှမောင်ရွှေ၊ ဒေါက်တာကျော်ရင်လှိုင်နှင့် ဦးကျော်စိုးနိုင်တို့ ပါဝင်လျက် ရှိသည်။

EMG

Read More

နိုက်ကလပ် အများစု ဖွင့်လှစ်ထားသည့် မင်္ဂလာဈေးဝင်းအတွင်း ညဥ့်နက်ပိုင်း အချိန်တွင် အုပ်စုဖွဲ့ ရိုက်နှက်မှုကြောင့် ကလပ်များနှင့် စားသောက်ဆိုင်များ ရက်အကန့်အသတ်မရှိ ပိတ်

 Created on Sunday, 10 November 2013


မင်္ဂလာဈေးအတွင်းရှိ နိုက်ကလပ် တစ်ခုအား တွေ့ရစဉ်

ရန်ကုန်မြို့ အတွင်းရှိ နိုက်ကလပ် အများစု ဖွင့်လှစ်ထားသည့် မင်္ဂလာဈေး အတွင်း၌ နိုဝင်ဘာ ၇ ရက် နံနက် ၃ နာရီခွဲခန့်တွင် အုပ်စုဖွဲ့ ရိုက်နှက်မှု ဖြစ်ပွားခဲ့မှုကြောင့် မင်္ဂလာဈေးဝင်း အတွင်းရှိ နိုက်ကလပ်များ၊ စင်တင်တေး ဂီတစားသောက်ဆိုင်များနှင့် ကေတီဗွီများ အားလုံးကို ရက်အကန့်အသတ်မရှိ ပိတ်ထားကြောင်း ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ တာဝန်ရှိသူနှင့် မင်္ဂလာတောင်ညွန့်မြို့နယ် အုပ်ချုပ်ရေးမှူးတို့က နိုဝင်ဘာ ၉ ရက် နံနက်ပိုင်းက ပြောကြားခဲ့သည်။

နိုဝင်ဘာ ၇ ရက် နံနက် ၃ နာရီခွဲခန့်က မင်္ဂလာဈေးဝင်းအတွင်း လူအုပ်စုလိုက် ခိုက်ရန်ဖြစ်ပွား ခဲ့မှုကြောင့် နိုဝင်ဘာ ၈ ရက်မှ စတင်၍ နိုက်ကလပ်များနှင့် စားသောက်ဆိုင်များ အားလုံးကို ပိတ်ခိုင်းထားကြောင်း သိရသည်။

အဆိုပါ ဖြစ်စဉ်မှာ နိုဝင်ဘာ ၆ ရက် နံနက် ၃ နာရီခွဲခန့်တွင် သာကေတဘက်မှလာသည့် လူငယ်တစ်စုနှင့် ကလပ်တစ်ခုမှ ၀န်ထမ်းများ လက်ဖက်ရည်ဆိုင် တစ်ဆိုင်တွင် စကားများ ရန်ဖြစ်ခဲ့ကြကြောင်း သိရသည်။

ထို့နောက် နိုဝင်ဘာ ၇ ရက် ကလပ်ပိတ်သည့်အချိန် နံနက် ၃ နာရီခွဲခန့်တွင် အဆိုပါ သာကေတမြို့နယ် ဘက်မှလာသည့် လူငယ်တစ်စုက တုတ်၊ ဓားများဖြင့် ရောက်ရှိလာခဲ့ပြီး ကလပ်ဝန်ထမ်းများနှင့် အပြန်အလှန် အုပ်စုဖွဲ့ ရိုက်နှက်ခဲ့ကြပြီး ၎င်းလူငယ် တစ်စုမှ တွေ့သမျှလူများအား ၀င်ရောက်ရိုက်နှက် ခဲ့ကြကြောင်း မျက်မြင်ကိုယ်တွေ့များက ပြောကြားသည်။

"မင်္ဂလာဈေးဝင်းထဲမှာ ဖွင့်ထားတဲ့ နိုက်ကလပ် တစ်ခုကို လာရင်းနဲ့ ရန်ဖြစ်တာတွေ ရှိခဲ့လို့ မြို့နယ်အဆင့်ကနေ ဆိုင်တွေကို ပိတ်ထားခိုင်းပါတယ်။ အသေးစိတ် အချက်အလက်တွေကတော့ ကျွန်တော်တို့ဆီ တက်မလာသေးပါဘူး" ဟု ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ တာဝန်ရှိသူ ရဲမှူးမြင့်ထွေးက နိုဝင်ဘာ ၉ ရက် နံနက်ပိုင်းက ပြောကြားခဲ့သည်။

အဆိုပါဖြစ်စဉ်နှင့် ပတ်သက်၍ မင်္ဂလာတောင်ညွန့်မြို့နယ် အုပ်ချုပ်ရေးမှူးဖြစ်သူ ဦးဇေယျာကိုက "နိုဝင်ဘာ ၇ ရက် နံနက်ပိုင်းက မင်္ဂလာဈေးဝင်း အတွင်းမှာ သာကေတမြို့နယ်ဘက်ကလာတဲ့ လူအုပ်စုတွေနဲ့ အခြားသူတွေ ခိုက်ရန်ဖြစ်ပွားခဲ့လို့ လုံခြုံရေးအရ ဆိုင်တွေအားလုံးကို ရက်အကန့်အသတ်မရှိ ပိတ်ခိုင်းထားပါတယ်။ ဒီဖြစ်စဉ်မှာတော့ လူသေဆုံးမှု မရှိခဲ့ပါဘူး။ ပြန်ပြီးဖွင့်ခွင့် ပြု၊ မပြုကလည်း အေးချမ်းမှု ရှိ၊ မရှိအပေါ် မူတည်ပြီးတော့ စဉ်းစားမှာ ဖြစ်ပါတယ်" ဟု နိုဝင်ဘာ ၉ ရက်က ပြောကြားခဲ့သည်။

မင်္ဂလာဈေးဝင်းအတွင်း ညပိုင်းအငှားယာဉ်ဆွဲသည့် သူတစ်ဦးက "ရန်မဖြစ်ခင် အရင်တစ်ညက ကိုးလွှာကလပ်က ၀န်ထမ်းတွေနဲ့ သာကေတဘက်က လူငယ်တွေ လက်ဖက်ရည်ဆိုင် တစ်ဆိုင်မှာ စကားများ ရန်ဖြစ်ခဲ့တယ်လို့ သိရတယ်။ ပြီးတော့ နောက်တစ်ရက် ကလပ်ပိတ်တဲ့ အချိန်မှာ အဲ့ဒီ သာကေတဘက်က လူငယ်တွေ အုပ်လိုက်ရောက်လာပြီး ကလပ်ဝန်ထမ်းတွေနဲ့ အပြန်အလှန် ရိုက်နှက်ခဲ့တယ်။ အဲ့ဒီ လူအုပ်စုက ၀င်းထဲမှာ တွေ့သမျှလူတွေ အကုန်လိုက်ရိုက် ခဲ့တယ်" ဟု ရှင်းပြသည်။

အဆိုပါဖြစ်စဉ်နှင့် ပတ်သက်၍ မင်္ဂလာတောင်ညွန့် မြို့မရဲစခန်းသို့ ဆက်သွယ်မေးမြန်းခဲ့ရာ တာဝန်ကျ တာဝန်မှူး တစ်ဦးက "အဲ့ဒီနေ့က ကလပ်ဝင်းထဲမှာ ရန်ဖြစ်တယ်လို့တော့ ကြားမိတယ်။ ဒါပေမဲ့ ဒီဖြစ်စဉ်နဲ့ ပတ်သက်ပြီး စခန်းမှာ အမှုဖွင့်ထားတာ မရှိပါဘူး" ဟု ပြန်လည်ဖြေကြား ခဲ့သည်။

ထို့ပြင် နိုဝင်ဘာ ၃ ရက် နံနက် ၂ နာရီခွဲခန့်ကလည်း မင်္ဂလာဈေးဝင်းအတွင်း လူငယ်နှစ်ဖွဲ့ ရန်ဖြစ်ခဲ့ကြပြီး လူငယ်နှစ်ဦး ဒဏ်ရာရရှိခဲ့ကြပြီး တစ်ဦးကို ဆေးရုံသို့ တင်ပို့ခဲ့ရကြောင်း မင်္ဂလာတောင်ညွန့် မြို့မရဲစခန်းမှ သိရသည်။

မင်္ဂလာဈေးဝင်းအတွင်း Asia ကလပ်၊ NASA ကလပ်၊ JJ ကလပ်၊ 9Floor ကလပ်၊ Channal V ကလပ်၊ MZ စသည့်ကလပ်များ ဖွင့်လှစ်ထားကြောင်း သိရသည်။

EMG

Read More

ဆင်ဦးစီးကို အစွယ်ဖြင့်ထိုးခဲ့သော ဆင်ဖြူတော်အား အခြားသူများ ထပ်မံမထိခိုက်စေရန် ဥယျာဉ်ဝင်းအတွင်း ပြောင်းရွှေ့ထား

 Created on Sunday, 10 November 2013


ဆင်ဖြူဥယျာဉ်အတွင်း ဆက်လက်ပြသထားသော ဆင်ဖြူတော် (အမ)နှစ်ကောင်

ဆင်ဦးစီးကို အစွယ်ဖြင့် ထိုးခဲ့သော ဆင်ဖြူတော်ကို အခြားသူများ ထပ်မံမထိခိုက် စေရန်နှင့် မုန်ယိုနေသော ကာလဖြစ်သောကြောင့် မူလထားရှိသည့် နေရာမှ ရတနာ ဆင်ဖြူတော် ဥယျာဉ်ဝင်း၏ အတွင်းပိုင်းနေရာသို့ ပြောင်းရွှေ့ထားကြောင်း သိရသည်။

နိုဝင်ဘာ ၂ ရက် နံနက်ပိုင်းတွင် အဆိုပါ ဥယျာဉ်အတွင်းရှိ ဆင်ဖြူတော်များကို ဆင်ဦးစီးများမှ လမ်းလျှောက်လေ့ကျင့်နေစဉ် ရာဇဂ္ဂသီရိပစ္စယဂဇရာဇာ ဆင်ဖြူတော် (အထီး)သည် ဆင်ဦးစီး ဦးသိန်းစိန်၏ ၀ဲဘက်ရင်အုံကို အစွယ်ဖြင့် ထိုးခဲ့ကြောင်း၊ ထိုသို့ အထိုးခံရမှုကြောင့် ဦးသိန်းစိန်သည် နံရိုးကျိုး ဒဏ်ရာများဖြင့် အင်းစိန်ဆေးရုံသို့ ပို့ဆောင်စဉ် သေဆုံးသွားကြောင်း သိရသည်။

ယင်းသို့ ဆင်ဖြူတော် နေရာပြောင်းရွှေ့မှုနှင့် ပတ်သက်ပြီး ရတနာ ဆင်ဖြူတော် ဥယျာဉ်မှ ဦးစီးအရာရှိ ဦးတင်ဌေးဦးက "ဆင်ကို တခြားနေရာကို ပြောင်းတာမဟုတ်ပါဘူး။ ဥယျာဉ်အတွင်းပိုင်း နေရာမှာ ပြောင်းထားတာပါ။ တခြားဆင်မဲ အထီးနှစ်ကောင်နဲ့ ထိန်းကျောင်းမှုတွေ လုပ်နေပါတယ်။ ဆရာဝန်တွေ၊ ဆင်ဦးစီးတွေလည်း သူကို ထိန်းသိမ်းမှုတွေ လုပ်နေတယ်။ မုန်ကျနေတဲ့ ကာလလေးအတွင်း နောင်ထပ်မဖြစ်အောင် ကျွမ်းကျင်ဆရာဝန်ကြီးတွေနဲ့ တိုင်ပင်ပြီး ဆက်လက်ထိန်းသိမ်း မှာပါ" ဟု ရှင်းပြခဲ့သည်။

ရခိုင်ပြည်နယ် ရသေ့တောင်မြို့နယ် အထက်နန်းရာ အုပ်စုမှ တွေ့ရှိခဲ့သော အဆိုပါ စွယ်စုံဆင်ဖြူတော်သည် ၂၀၁၁ ခုနှစ် နိုဝင်ဘာ ၁၅ ရက်တွင် ရန်ကုန်မြို့သို့ ရောက်ရှိလာခဲ့ကြောင်း သိရသည်။ အဆိုပါ ဆင်ဖြူတော်သည် အမြင့်ပေ ကိုးပေ ကိုယ်လုံးပတ် ၁၄ ထိ ရှည်လျားကြောင်း သိရသည်။

ယခုအခါ မင်းဓမ္မ ဆင်ဖြူတော်ဝန်းအတွင်း အများပြည်သူ လာရောက်ကြည့်ရှုရန် ဆင်ဖြူတော် (အမ) နှစ်ကောင်ကိုမူ ဆက်လက်ပြသ ထားကြောင်းလည်း သိရသည်။

EMG

Read More

လျှပ်စစ်ဓာတ်အားခ နှုန်းထားနှင့် ပတ်သက်၍ ပြည်ထောင်စု လွှတ်တော်၏ ဆန္ဒနှင့် ဆုံးဖြတ်ချက်အတိုင်း နာခံလိုက်နာ ဆောင်ရွက်သွားမည်ဖြစ်ကြောင်း လျှပ်စစ်စွမ်းအား ၀န်ကြီးဌာန ပြည်ထောင်စုဝန်ကြီး ပြောကြား

 Created on Sunday, 10 November 2013


စက်မှုဇုန် လုပ်ငန်းရှင်များနှင့် တွေ့ဆုံပွဲ၌ လျှပ်စစ်စွမ်းအား ၀န်ကြီးဌာန ပြည်ထောင်စုဝန်ကြီး ဦးခင်မောင်စိုး ရှင်းလင်းပြောကြားနေစဉ်

လျှပ်စစ်ဓာတ်အားခ နှုန်းထားနှင့် ပတ်သက်၍ ပြည်ထောင်စု လွှတ်တော်၏ ဆုံးဖြတ်ချက်အတိုင်း နာခံလိုက်နာ ဆောင်ရွက်သွားမည်ဖြစ်ကြောင်း လျှပ်စစ်စွမ်းအား ၀န်ကြီးဌာန ပြည်ထောင်စုဝန်ကြီး ဦးခင်မောင်စိုးက နိုဝင်ဘာ ၉ ရက် မွန်းလွဲပိုင်းက ရန်ကုန်မြို့တော် လျှပ်စစ်ဓာတ်အားပေးရေး အဖွဲ့တွင် စက်မှုဇုန် လုပ်ငန်းရှင်များနှင့် တွေ့ဆုံရာ၌ ပြောကြားခဲ့သည်။

လျှပ်စစ်ဓာတ်အားခ နှုန်းထားများနှင့် ပတ်သက်၍ ပြည်ထောင်စု လွှတ်တော်မှ ပြန်လည်သုံးသပ်ရန် တင်ပြလာသည့်အတွက် ပြန်လည်သုံးသပ်မည်ဖြစ်ကြောင်း၊ ပြည်ထောင်စု လွှတ်တော်က ဓာတ်အားခ နှုန်းထားအား ဒီလောက်ပဲ တက်သင့်သည်ဆိုလျှင် ဒီလောက်ပဲ တက်မည်ဖြစ်ပြီး ဒီလောက်ပဲ လုပ်ဆိုလျှင် လုပ်ဖို့အသင့်ဖြစ်ကြောင်း ပြည်ထောင်စုဝန်ကြီးက ဆိုသည်။

"ကျွန်တော်တို့ ဒါနဲ့ပတ်သက်ပြီး ရန်ကုန်မြို့က မြို့နယ် ၂၅ ခုလောက်မှာ ရှင်းပြပါတယ်။ ကျွန်တော်တို့ အနေနဲ့ ပြည်သူ့အသံကို အမြဲနားထောင်ပါတယ်။ ဓာတ်အားခနဲ့ ပတ်သက်လို့ ပြည်ထောင်စု လွှတ်တော်က သုံးသပ်ဖို့ ပြောတဲ့အတွက် ဒီမှာတော့ ကျွန်တော် ဒီလောက်ပဲပြောပြီး ပြည်ထောင်စု လွှတ်တော်ကျမှ ပြောမှာဖြစ်ပါတယ်။ စက်မှုဇုန်တွေကိုလည်း အခက်အခဲရှိရင် ဆိုင်းပေးဖို့အတွက် ကျွန်တော်တို့ စဉ်းစားပေးမှာ ဖြစ်ပါတယ်။ ဒါကြောင့် ဒီနေရာမှာ ချပြဆွေးနွေး ချင်တာက ပြည်ထောင်စု လွှတ်တော်က ဒါပဲလုပ်ဆိုရင် လုပ်ဖို့အဆင်သင့်ပဲ။ ဒီလောက်ပဲတက်ဆိုရင် ဒီလောက်ပဲ တက်သွားမှာ ဖြစ်ပါတယ်" ဟု ပြည်ထောင်စုဝန်ကြီးက စက်မှုဇုန် လုပ်ငန်းရှင်များနှင့် တွေ့ဆုံရာတွင် ပြောကြားခဲ့သည်။

"ကျွန်တော်တို့ အနေနဲ့ အမှန်အတိုင်း ပြောချင်တာက ပြည်သူတွေ ၂၄ နာရီ လျှပ်စစ်ဆိုတာကို မသိစေချင်ပါဘူး။ ဆိုလိုတာက မီးထွန်းလိုက်ရင် မီးခလုတ် နှိပ်လိုက်ရင် မီးလာနေရမယ်။ လျှပ်စစ်ဆိုတာကို မေ့သွားတဲ့ အဆင့်ထိ လုပ်ပေးချင်ပါတယ်။ ဒါတွေလုပ်ဖို့ ငွေအလုံအလောက်ရှိဖို့ လိုပါတယ်" ဟု ပြည်ထောင်စုဝန်ကြီးက ဆက်လက်ပြောကြားသည်။

ယင်းသို့ ပြည်ထောင်စုဝန်ကြီး၏ ပြောကြားမှုများအပြီး ရန်ကုန်မြို့ရှိ စက်မှုဇုန် လုပ်ငန်းရှင်များမှ ဓာတ်အားခ နှုန်းထားများ တိုးမြှင့်ခြင်းအပေါ် ၎င်းတို့၏ အခက်အခဲနှင့် အမြင်များကို ဆွေးနွေးပြောကြားခဲ့ပြီး လျှပ်စစ်ဓာတ်အားခ တိုးခြင်းအား အချိန်အတိုင်းအတာ တစ်ခုအထိ ဆိုင်းငံ့ပေးထားမည် ဆိုပါက အဆင်ပြေနိုင်ကြောင်း၊ စက်မှုဇုန်များအတွက် တစ်ယူနစ်လျှင် ကျပ် ၁၅၀ တိုးမည်ဆိုပါက သံရည်ကျို လုပ်ငန်းများအတွက် အဆင်မပြေကြောင်း၊ မဖြစ်မနေ တက်မည်ဆိုပါက တစ်ယူနစ်လျှင် ကျပ် ၁၀၀ အထိလောက်သာ သတ်မှတ်ရန်၊ ထို့ပြင် လျှပ်စစ်ဓာတ်အားခများအား ယူနစ်ဘယ်လောက် ကျော်လွန်ပါက ဘယ်ဈေးနှုန်းစ သည်ဖြင့် သတ်မှတ်ပေးမည့်အစား သုံးသမျှ ယူနစ်အားလုံးကို သင့်တင့်သည့် ဈေးနှုန်းတစ်ခုတည်းဖြင့် ကောက်ခံပေးရေးတို့ကို တင်ပြဆွေးနွေးမှုများ ရှိခဲ့သည်။

လှိုင်သာယာ စက်မှုဇုန်ဥက္ကဋ္ဌ ဦးမြတ်သင်းအောင်က "လျှပ်စစ်ဓာတ်အားခနဲ့ ပတ်သက်ပြီး အချိန်အတိုင်းအတာ တစ်ခုထိ ဆိုင်းပေးမယ်ဆိုရင် လုပ်လို့ရပါတယ်" ဟု တင်ပြဆွေးနွေးခဲ့သည်။

ယင်းသို့ တင်ပြဆွေးနွေးမှုများအပေါ် လျှပ်စစ်စွမ်းအား ၀န်ကြီးဌာန ပြည်ထောင်စု ၀န်ကြီးက "ဒါနဲ့ပတ်သက်လို့ ကျွန်တော့်အနေနဲ့ ဆုံးဖြတ်ခွင့် မရှိပါဘူး။ မရှိဘူး ဆိုတာကလည်း အထက်မှာ အစိုးရအဖွဲ့ ရှိတယ်။ အစိုးရအဖွဲ့က ဒါကို ဒီလိုလုပ်ပေးလိုက်ဆိုရင် လုပ်ပေးလိုက်မယ်။ ဒါပေမဲ့ နောက်ထပ် ရေအားလျှပ်စစ်တွေ တိုးထုတ်လာနိုင်မယ် ဆိုရင်တော့ ဓာတ်အားခတွေ လျော့သွားမှာပေါ့။ စက်မှုဇုန်တွေကိုလည်း အလွှာလိုက် ဘယ်လိုလုပ်သင့်သလဲဆိုတာ ပြန်စဉ်းစားပြီး တင်ပြပေးသွားပါမယ်။ နောက်ဆုံးပြောချင်တာက ပြည်ထောင်စု လွှတ်တော်က ဆုံးဖြတ်တဲ့ အပေါ်မှာ လျှပ်စစ်စွမ်းအား ၀န်ကြီးဌာန အနေနဲ့ ဆောင်ရွက်မှာ ဖြစ်ပါတယ်" ဟု ဆိုသည်။

EMG

Read More

(၂၃) ကြိမ်မြောက် အာဆီယံနိုင်ငံ တပ်မတော် (ကြည်း) များ သေနတ်ပစ်ပြိုင်ပွဲ ဗိုလ်လုပွဲ၊ ဆုချီးမြှင့်ပွဲနှင့် ပိတ်ပွဲကျင်းပ

 Created on Sunday, 10 November 2013


(၂၃) ကြိမ်မြောက် အာဆီယံနိုင်ငံ တပ်မတော် (ကြည်း) များ သေနတ်ပစ်ပြိုင်ပွဲ ဗိုလ်လုပွဲ၊ ဆုချီးမြှင့်ပွဲနှင့် ပိတ်ပွဲကျင်းပ

မြန်မာနိုင်ငံတွင် အိမ်ရှင်အဖြစ် လက်ခံကျင်းပသည့် (၂၃) ကြိမ်မြောက် အာဆီယံနိုင်ငံ တပ်မတော် (ကြည်း) များ သေနတ်ပစ်ပြိုင်ပွဲ၏ ဗိုလ်လုပွဲ၊ ဆုချီးမြှင့်ပွဲနှင့် ပိတ်ပွဲအခမ်းအနားကို အောက်တိုဘာ ၉ ရက်၊ မွန်းလွဲပိုင်းတွင် ပြင်ဦးလွင်မြို့ရှိ တပ်မတော် စက်ပစ်ကွင်းတွင် ကျင်းပခဲ့ကြောင်း မြန်မာ့ရုပ်မြင်သံကြား၏ သတင်းကြေညာချက်အရ သိရသည်။

အဆိုပါ အခမ်းအနားသို့ ဒုတိယ တပ်မတော်ကာကွယ်ရေး ဦးစီးချုပ် ကာကွယ်ရေး ဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်းက တက်ရောက်ကြည့်ရှု အားပေးပြီး ဆုများချီးမြှင့် ပေးအပ်ခဲ့ကြောင်း သိရသည်။

ဗိုလ်လုပွဲ ပြိုင်ပွဲမစခင် ဒုတိယ တပ်မတော်ကာကွယ်ရေး ဦးစီးချုပ်၊ ကာကွယ်ရေး ဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်းနှင့်အတူ ပြိုင်ပွဲဝင် အာဆီယံနိုင်ငံများမှ (ကြည်း) တပ်ဦးစီးချုပ်များသည် တပ်မတော် စက်ပစ်ကွင်း အတွင်း၌ (၂၃) ကြိမ်မြောက် အာဆီယံနိုင်ငံ တပ်မတော် (ကြည်း)များ သေနတ်ပစ်ပြိုင်ပွဲ အမှတ်တရ ခရေပင်များ စိုက်ပျိုးခဲ့ကြောင်း သိရသည်။

ထို့နောက် ရိုင်ဖယ်ပွဲစဉ် (၅) မလေးရှားနိုင်ငံ တပ်မတော် သေနတ်ပစ် အသင်းနှင့် ထိုင်းနိုင်ငံ တပ်မတော် သေနတ်ပစ် အသင်းတို့၏ ဗိုလ်လုပွဲ ယှဉ်ပြိုင်ပစ်ခတ် နေမှုများကို အားပေးခဲ့ကြကြောင်း သိရသည်။

ဆက်လက်ပြီး ရိုင်ဖယ်ပွဲစဉ် (၅) ဗိုလ်လုပွဲ ပြိုင်ပွဲတွင် ပထမဆု ရရှိခဲ့သည့် ထိုင်းနိုင်ငံ သေနတ်ပစ်အသင်း၊ ဒုတိယဆု ရရှိသည့် မလေးရှားနိုင်ငံ သေနတ်ပစ်အသင်း၊ တတိယဆု ရရှိသည့် အင်ဒိုနီးရှားနိုင်ငံ သေနတ်ပစ် အသင်းနှင့် အသီးသီး ဆုရရှိသူများအား ဒုတိယ တပ်မတော်ကာကွယ်ရေး ဦးစီးချုပ် ကာကွယ်ရေးဦးစီးချုပ် (ကြည်း) ဒုတိယ ဗိုလ်ချုပ်မှူးကြီး စိုးဝင်းက ဆုများချီးမြှင့် ပေးအပ်ခဲ့ကြောင်း သိရသည်။

EMG

Read More

ပြည်ထောင်စုလွှတ်တော် နာယက မန္တလေးမြို့ ဒေသခံများနှင့် တွေ့ဆုံ၊ NLD ပါတီနှင့် ပြည်ခိုင်ဖြိုး ပါတီတို့မှာ ရန်သူမဟုတ်ဘဲ မိတ်ဖက်များသာဖြစ်ကြောင်း သူရဦးရွှေမန်း ပြောကြား

 Created on Sunday, 10 November 2013


နိုဝင်ဘာ ၉ ရက်က ပြည်ထောင်စုလွှတ်တော် နာယက သူရဦးရွှေမန်း မန္တလေးမြို့ခံများနှင့် တွေ့ဆုံစဉ်

ပြည်ထောင်စုလွှတ်တော် နာယက သူရဦးရွှေမန်းနှင့် မန္တလေးမြို့ ဒေသခံများ နိုဝင်ဘာ ၉ ရက်တွင် တွေ့ဆုံခဲ့ကြသည်။

တွေ့ဆုံပွဲသို့ ပြည်ထောင်စု အစိုးရအဖွဲ့မှ တာဝန်ရှိသူများ၊ ပြည်ထောင်စု လွှတ်တော်ကိုယ်စားလှယ်များ၊ မန္တလေးတိုင်း ဒေသကြီး အစိုးရအဖွဲ့မှ ၀န်ကြီးချုပ် ဦးရဲမြင့် အပါအ၀င် တိုင်းဒေသကြီး အစိုးရအဖွဲ့ ၀န်ကြီးများ၊ တိုင်းဒေသကြီးလွှတ်တော် ဥက္ကဋ္ဌနှင့် တိုင်းဒေသကြီး လွှတ်တော်ကိုယ်စားလှယ်များ၊ အသင်းအဖွဲ့များမှ တာဝန်ရှိသူများနှင့် ဒေသခံပြည်သူများ တက်ရောက်ခဲ့ကြသည်။

တွေ့ဆုံပွဲတွင် ပြည်သူများအား ပြည်ထောင်စုလွှတ်တော် နာယက သူရဦးရွှေမန်းက မိန့်ခွန်းပြောကြားရာတွင် "ဒီဖွဲ့စည်းပုံ အခြေခံဥပဒေ ရေးဆွဲပြဋ္ဌာန်းနိုင်လို့ ဒီနေ့ကျွန်တော်တို့နိုင်ငံက ပါတီစုံ ဒီမိုကရေစီစနစ်နဲ့ ဈေးကွက်စီးပွားရေး ဖြစ်လာတယ်။ ဒီဟာ မရှိလို့ မဖြစ်ဘူး။ ဒီလိုဖြစ်ဖို့ဆိုတဲ့ နေရာမှာ ခုနက အာဏာကိုတော့ ခင်ဗျားတို့ ယူတော့ဗျာ။ ခင်ဗျားတို့ ကြိုက်သလိုသာ လုပ်တော့ဆိုတဲ့ အခါမှာ လွှဲပေးရမယ့်သူက စိုးရိမ်စိတ် ရှိကြလိမ့်မယ်။ ဒါကြောင့်မို့လို့ သူများနိုင်ငံတွေ မလွှဲပေးတာပေါ့။ စစ်တွေဖြစ်နေ ကြတာပေါ့။ အာဏာလေ။ အာဏာကို တစ်ဖက်ကရတော့ တစ်ဖက်ကနေ အာဏာရတဲ့ အခါမှာ ချပစ်မယ်၊ နှက်ပစ်မယ်၊ တစ်ခုခု လုပ်ပစ်မယ်ဆိုတဲ့ အရင်သူတွေ ဘယ်လိုဖြစ်နေလဲ။ စိတ်ကောင်းစေတနာကောင်းနဲ့ လုပ်ခဲ့ပေမယ့် ခုနက အခြေအနေပေါ် မူတည်ပြီး မအောင်မြင်တာဘဲ ရှိမယ်။ အဲဒီလိုဖြစ်အောင် ဖွဲ့စည်းပုံ အခြေခံဥပဒေကို ရှင်းရှင်းလင်းလင်း ပြောရမယ်ဆိုရင် တပ်မတော်သား ကိုယ်စားလှယ်တွေ ဒီလောက်ထည့်တယ်ဆိုတာ အဲဒီအတွက်ပဲ။ ဘာကြောင့်လဲ၊ လုံခြုံအောင်၊ စိတ်ချအောင်။ ကျွန်တော်တို့တစ်တွေ လွှတ်တော်ထဲမှာလည်း ဆွေးနွေးပါတယ်။ အချိန်တန်ရင်တော့ သူ့နေရာသူ ပြန်ကြရမှာပေါ့။ အချိန်တန်ရင် ဆိုတာက ဒီနေ့ အချိန်တန်ပြီလား။ မတန်ဘူးလားဆိုတာ ကျွန်တော်တို့ ပြန်စဉ်းစားရမယ်။ အဲဒီ စဉ်းစားချက်တွေက မှန်မှန်ကန်ကန် စဉ်းစားနိုင်မှ ဖြစ်မယ်။ အရေးကြီးတာက ကျွန်တော်တို့တစ်တွေ ပါတီစုံ ဒီမိုကရေစီ ပြုပြင်ပြောင်းလဲရေးမှာ မှန်မှန်နဲ့ ထိထိရောက်ရောက် အောင်မြင်သွားဖို့ လိုပါတယ်။ အဲဒီလိုမှ မဟုတ်ဘဲ ဆန္ဒတွေစောပြီး လုပ်တဲ့အခါကျရင် မလိုလားအပ်တဲ့ ပြဿနာတွေ ဖြစ်သွားမှာပဲ ဆိုတဲ့နေရာမှာ တချို့ပြောနေကြတာက အရပ်စကားပါ။ နောက်ကြောင်းပြန်မှာလည်း ကြောက်တယ်တဲ့။ ဒါဆို ဘာသဘောလဲ။ ပြီးတဲ့အခါ နောက်ကြောင်းလှန်မှာလဲ ကြောက်တယ်တဲ့။ ဒီနှစ်ခုကြားမှာ စဉ်းစားပြီး နောက်ကြောင်းက ဘယ်သူပြန်နိုင်လဲ၊ နောက်ကြောင်းက ဘယ်သူလှန်နိုင်သလဲ။ ဒါစဉ်းစားပြီးတဲ့ အခါမှာ ကျွန်တော်တို့သွားမယ့် စစ်မှန်သော ဒီမိုကရေစီနိုင်ငံတော် စစ်မှန်သောဆိုတာ ဘာလဲမေးမယ်။ သူ့နိုင်ငံ သူ့အခြေအနေနဲ့ လျော်ညီတာပဲ။ သူ့နိုင်ငံအတွက် ကောင်းတာဖြစ်မယ်။ ကျွန်တော်တို့ နိုင်ငံအတွက်လည်း ကောင်းတဲ့ကျင့်သုံးမှုပဲ လိုတယ်။ ဘာလို့ ကျွန်တော်ဒီလို တင်ပြရလဲဆိုတော့ တခြားမဟုတ်ပါဘူး။ ကျွန်တော့်လိုပဲ ဒီထဲမှာ ထိုင်နေကြတဲ့ ပုဂ္ဂိုလ်အသီးသီးက ကိုယ့်နိုင်ငံ တိုးတက်ချင်ကြတာပဲ။ ကိုယ့်နိုင်ငံ ကိုယ်ချစ်ကြတာပဲ။ အဲဒီလို ချစ်တဲ့နေရာမှာ ချစ်တတ်ဖို့ လိုတယ်။ တိုးတက်ဖို့ဆိုရင် တိုးတက်အောင် လုပ်နိုင်ဖို့ လိုတယ်။ အဲဒီအခါမှာ ကျွန်တော့်ရဲ့ ခံယူချက်က နိုင်ငံတိုးတက် ဖွံ့ဖြိုးအောင် တိုင်းရင်းသား စည်းလုံးညီညွတ်ဖို့ လိုတယ်။ အမျိုးသား ပြန်လည်သင့်မြတ်ဖို့ လိုတယ်။ ပြောရမယ်ဆိုရင် ဒီနေ့ NLD ပါတီနဲ့ ပြည်ခိုင်ဖြိုးပါတီနဲ့ ရန်သူမဟုတ်ဘူး NDF နဲ့ NLD လည်း ရန်သူမဟုတ်ဘူး။ အရင်တုန်းက ဘယ်လိုရှိခဲ့ရှိခဲ့ ကျွန်တော်တို့က ရန်သူမဟုတ်ဘူး။ မိတ်ဖက်တွေ။ ဘယ်အတွက်လဲ တိုင်းပြည်အတွက်။ အတိတ်က သင်ခန်းစာက ကျွန်တော်တို့က ရန်တွေဖြစ်ခဲ့ကြတယ်။ ရွေးကောက်ပွဲမှာ ပြိုင်၊ နိုင်တဲ့သူလုပ်၊ တရားသဖြင့် ပြိုင်၊ နိုင်တဲ့သူလုပ်၊ For the People, By the People, Of the People ပါပဲ" ဟု ပြောကြားသည်။

ထို့ပြင် ဒေသခံများက တင်ပြသည့် လက်ရှိကြုံတွေ့နေရသည့် အခက်အခဲများ၊ ဥပဒေဆိုင်ရာ ပြင်ဆင်ပေးစေလိုသည့် အချက်များနှင့် ဒေသဆိုင်ရာ လိုအပ်ချက်များကို သက်ဆိုင်ရာ တာဝန်ရှိသူများနှင့် ညှိနှိုင်းဖြေရှင်း ပေးခဲ့သည်။

EMG

Read More

NLD ပါတီ၏ ၂၀၀၈ ခုနှစ် ဖွဲ့စည်းပုံ အခြေခံဥပဒေဆိုင်ရာ ပြည်သူ့ဆန္ဒသဘောထား ရယူရေး ရန်ကုန်တိုင်းလုံးကျွတ် လူထုဟောပြောပွဲ ယနေ့ပြုလုပ်မည်

 Created on Sunday, 10 November 2013


နိုဝင်ဘာ ၁၀ ရက်တွင် ပြုလုပ်မည့် NLD ပါတီ၏ ၂၀၀၈ ဖွဲ့စည်းပုံ အခြေခံဥပဒေဆိုင်ရာ ပြည်သူ့ဆန္ဒသဘောထား ရယူရေး လူထုဟောပြောပွဲအတွက် ကြိုတင်ပြင်ဆင်နေသည်ကို နိုဝင်ဘာ ၉ ရက်က တွေ့ရစဉ် (ဓာတ်ပုံ-ဇင်ဘိုလွင်)

အမျိုးသားဒီမိုကရေစီ အဖွဲ့ချုပ် (NLD) ပါတီမှ ပြုလုပ်မည့် ၂၀၀၈ ခုနှစ် ဖွဲ့စည်းပုံ အခြေခံဥပဒေနှင့် ပတ်သက်၍ ရန်ကုန်တိုင်းဒေသကြီး တိုင်းလုံးကျွတ် ဟောပြောပွဲကို နိုဝင်ဘာ ၁၀ ရက်(ယနေ့)တွင် ပြုလုပ်သွားမည်ဖြစ်သည်။

အဆိုပါ ဟောပြောပွဲကို ဗဟန်းမြို့နယ်ရှိ ဗိုလ်စိန်မှန် အားကစားကွင်းတွင် ပြုလုပ်သွားမည်ဖြစ်ပြီး ပွဲတက်ရောက်ရန် လူဦးရေ ၁၀၀၀၀ ကျော်ကို ဖိတ်ကြားထားပြီး မည်သူမဆို တက်ရောက်ဆန္ဒသဘောထား ပေးနိုင်ရန် NLD ပါတီက ဖိတ်ခေါ်ထားသည်။

အဆိုပါ ဟောပြောပွဲသို့ အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်ကိုယ်တိုင် တက်ရောက်ဟောပြောရန်ရှိပြီး ပွဲအစီအစဉ်ထဲတွင် ထည့်သွင်းထားသည်ဟု ရန်ကုန်တိုင်း အလုပ်အမှုဆောင်အဖွဲ့ ဒုတိယဥက္ကဋ္ဌ ဒေါက်တာစိုးဝင်းဦးက ပြောကြားသည်။

"ဒေါ်အောင်ဆန်းစုကြည်ကိုတော့ ဖွဲ့စည်းပုံနဲ့ ပတ်သက်ပြီး နှုတ်ခွန်းဆက်စကား ပြောပေးဖို့ အခမ်းအနား အစီအစဉ်မှာ ထည့်သွင်းထားတယ်။ တနင်္ဂနွေဆိုတော့ လွှတ်တော်ကလည်း နားထားတာ ဖြစ်တဲ့အတွက် လာဖို့များပါတယ်။ ရန်ကုန်မှာရှိတဲ့ တိုင်းရင်းသားပါတီတွေ အားလုံးကိုလည်း ဖိတ်ထားတယ်။ ပြီးတော့ ဖွဲ့စည်းပုံ ကိစ္စတွေ လုပ်နေတဲ့ လူမှုအဖွဲ့အစည်းတွေ၊ ရုပ်ရှင်အစည်းအရုံး၊ ဂီတအစည်းအရုံးတွေကိုလည်း ဖိတ်ထားတယ်" ဟု ဒေါက်တာစိုးဝင်းဦးက ပြောကြားသည်။

NLD ပါတီ၏ ၂၀၀၈ ခုနှစ် ဖွဲ့စည်းပုံ အခြေခံ ဥပဒေအပေါ် ရန်ကုန်တိုင်းဒေသကြီး၏ သဘောထား ရယူမှုများအတွက် အောက်တိုဘာ ၁၂ ရက်တွင် စတင်ခဲ့ကာ ခရိုင်တစ်ခုလျှင် သုံးပွဲစီနှင့် မြို့နယ်တစ်မြို့နယ်ချင်းစီ အလိုက်လည်း ဟောပြောပွဲများ ပြုလုပ်ခဲ့ပြီး ယခုအခါ တိုင်းလုံးကျွတ် အတိုင်းအတာဖြင့် ဟောပြောပွဲ ပြုလုပ်ခြင်းဖြစ်သည်။

NLD အနေဖြင့် တစ်နိုင်ငံလုံး အတိုင်းအတာဖြင့် ဖွဲ့စည်းပုံပြင်ဆင်ရေး သို့မဟုတ် အသစ်ရေးဆွဲရေးအပေါ် ပြည်သူလူထုသဘောထားများ ကောက်ယူနေခြင်းဖြစ်ပြီး အဆိုပါ ဟောပြောပွဲများမှ ရရှိလာသည့် ပြည်သူ့ဆန္ဒ သဘောထားများကို ပြည်ထောင်စုလွှတ်တော် ဖွဲ့စည်းပုံ အခြေခံဥပဒေ လေ့လာသုံးသပ်ရေး ပူးပေါင်းကော်မတီသို့ တင်ပြသွားမည်ဖြစ်ကြောင်း သိရသည်။

EMG

Read More

ပြည်ပသို့ ရေထွက်ကုန် မက်ထရစ်တန်ချိန် နှစ်သိန်းနီးပါး တင်ပို့ရာတွင် တရုတ်နိုင်ငံသို့ အများဆုံး တင်ပို့ထား

 Sunday, 10 November 2013


ပြည်ပတင်ပို့မည့် ရေထွက်ပစ္စည်းများကို အအေးခန်း စက်ရုံတွင် ပြုပြင်ထုတ်လုပ်နေစဉ်

ပြည်ပနိုင်ငံများသို့ ရေထွက်ကုန် မက်ထရစ်တန်ချိန် နှစ်သိန်းနီးပါး တင်ပို့ထားရာတွင် တရုတ်နိုင်ငံသို့ အများဆုံး တင်ပို့ထားပြီး နိုင်ငံခြားဝင်ငွေ ရရှိမှုမှာလည်း အများဆုံးဖြစ်ကြောင်း ငါးလုပ်ငန်း ဦးစီးဌာန၊ FIQC ဌာနမှ တာဝန်ရှိသူ တစ်ဦးက ပြောကြားသည်။

လက်ရှိတွင် တရုတ်နိုင်ငံသို့ ငါးရှဥ့်၊ ကဏန်း၊ ငါးမြစ်ချင်း စသည်တို့ကို အများဆုံး တင်ပို့လျက်ရှိကြောင်း သိရသည်။

ပြည်ပသို့ မြန်မာ့ရေထွက်ကုန်များကို တင်ပို့ရာတွင် ယခု ၂၀၁၃-၂၀၁၄ ဘဏ္ဍာရေးနှစ်တွင် ဧပြီ ၁ ရက်မှ အောက်တိုဘာ လကုန်အထိ ရေထွက်ကုန် မက်ထရစ်တန်ချိန် နှစ်သိန်းနီးပါး တင်ပို့ထားနိုင်ပြီး စုစုပေါင်း နိုင်ငံခြားဝင်ငွေ ရရှိမှုမှာ အမေရိကန်ဒေါ်လာ ၃၁၅ သန်းကျော် ရရှိထားကြောင်း ငါးလုပ်ငန်း ဦးစီးဌာန၊ FIQC ဌာန၏ သတင်းထုတ်ပြန်ချက်အရ သိရသည်။

ထို့သို့ ရေထွက်ကုန်များ တင်ပို့ရာတွင် ပုံမှန်ကုန်သွယ် တင်ပို့မှု အနေဖြင့် တင်ပို့ရာ၌ ယခုဘဏ္ဍာရေးနှစ် အောက်တိုဘာလကုန်အထိ ရေထွက်ကုန် မက်ထရစ်တန်ချိန် ၈၆၀၀၀ ကျော် တင်ပို့ထားနိုင်ပြီး နိုင်ငံဝင်ငွေ ရရှိမှုမှာ အမေရိကန်ဒေါ်လာ သန်း ၁၅၀ ကျော် ရရှိထားကြောင်း သိရသည်။

ဆက်လက်ပြီး နယ်စပ်ကုန်သွယ် တင်ပို့မှု အနေဖြင့် တင်ပို့ရာတွင်လည်း ရေထွက်ကုန် မက်ထရစ်တန်ချိန် တစ်သိန်းကျော် တင်ပို့ထားနိုင်ပြီး နိုင်ငံခြားဝင်ငွေ ရရှိမှုမှာ အမေရိကန်ဒေါ်လာ သန်း ၁၆၀ ကျော် ရရှိထားကြောင်း သတင်းထုတ်ပြန်ချက်များအရ သိရသည်။

ယခု ၂၀၁၃-၂၀၁၄ ဘဏ္ဍာရေးနှစ်တွင် ပြည်ပသို့ ရေထွက်ကုန် တင်ပို့ရာ၌ စုစုပေါင်း အမေရိကန်ဒေါ်လာ သန်း ၇၀၀ ရရှိရန် လျာထားပြီး ယခုဘဏ္ဍာရေးနှစ် အောက်တိုဘာ လကုန်အထိ စုစုပေါင်း နိုင်ငံခြားဝင်ငွေ အမေရိကန်ဒေါ်လာ ၃၁၅ သန်းကျော် ရရှိထားကြောင်း သိရသည်။

ပြီးခဲ့သည့် ၂၀၁၂-၂၀၁၃ ဘဏ္ဍာရေးနှစ်တွင်လည်း ပြည်ပသို့ ရေထွက်ကုန် တင်ပို့ရာ၌ အမေရိကန်ဒေါ်လာ သန်း ၇၀၀ ရရှိရန် လျာထားပြီး စုစုပေါင်း ရရှိခဲ့သည်မှာ အမေရိကန်ဒေါ်လာ သန်း ၅၆၀ ကျော် ရရှိခဲ့ကြောင်း သိရပြီး အဆိုပါ ဘဏ္ဍာရေးနှစ်တွင် ရေထွက်ကုန်များကို တရုတ်နိုင်ငံ အများဆုံး တင်ပို့ထားပြီး ယင်းနိုင်ငံမှ နိုင်ငံခြားဝင်ငွေ အမေရိကန်ဒေါ်လာ ၂၄၄ သန်းကျော် ရရှိခဲ့ကြောင်း ငါးလုပ်ငန်း ဦးစီးဌာန၏ သတင်းထုတ်ပြန်ချက်များအရ သိရသည်။

လက်ရှိ ဘဏ္ဍာရေးနှစ်အတွင်း ပြည်ပသို့ ရေထွက်ကုန်များ တင်ပို့ရာတွင် တရုတ်နိုင်ငံသို့ တင်ပို့မှု အများဆုံး ဖြစ်သော်လည်း အီးယူနိုင်ငံများသို့ တင်ပို့မှုများလည်း ရှိနေကြောင်း ငါးလုပ်ငန်း ဦးစီးဌာနမှ ထုတ်ပြန်သော ပို့ကုန်စာရင်းများအရ သိရသည်။

EMG

Read More

အရှုံးပေါ်နေသော ရထားကဏ္ဍအတွက် ရထားလိုင်းများတွင် ကြော်ငြာတပ်ဆင်ခြင်းနှင့် ဖျော်ဖြေရေးလုပ်ငန်းများ လုပ်ကိုင်ခွင့်ပြုမည်

Sunday, 10 November 2013


ရန်ကုန်မြို့ပတ်ရထား တစ်စင်းအား တွေ့ရစဉ်(ဓာတ်ပုံ-အောင်မျိုးသန့်)

အရှုံးပေါ်နေသော ရထားကဏ္ဍအတွက် ရန်ကုန်-မန္တလေးနှင့် ရန်ကုန်မြို့ပတ် ရထားလိုင်းရိုးရိုးတွဲ ၁၄ ဆိုင်းတွင် ကြော်ငြာတပ်ဆင်ခြင်းနှင့် ရုပ်မြင်သံကြား တပ်ဆင်ခြင်းစသည့် ဖျော်ဖြေရေးလုပ်ငန်းများ လုပ်ကိုင်ခွင့်ပြုရန်အတွက် ပုဂ္ဂလိက လုပ်ငန်းရှင်များအား တင်ဒါစတင် ခေါ်ယူ သွားမည်ဖြစ်ကြောင်း ရထားပို့ဆောင်ရေး ၀န်ကြီးဌာန၏ ထုတ်ပြန်ချက်အရ သိရသည်။

ယင်းအပြင် မြန်မာမီးရထားပိုင်မြေများနှင့် မြစ်ကူးတံတားများ၊ လူကူး ခုံးကျော်တံတားများတွင်လည်း ကြော်ငြာများတပ်ဆင်ခြင်း လုပ်ငန်းများကိုလည်း ပုဂ္ဂလိကသို့ တင်ဒါစနစ်ဖြင့် လုပ်ကိုင်ခွင့်ကို ခေါ်ယူမည်ဖြစ်ကြောင်း သိရသည်။

စက်တင်ဘာလအတွင်းက ရထားပို့ဆောင်ရေး ပြည်ထောင်စုဝန်ကြီး ဦးသန်းဌေး ပြောကြားချက်အရ ရထားပို့ဆောင်ရေး ကဏ္ဍတွင် လက်ရှိပြေးဆွဲနေသည့် ရထားအခါက်ရေ ၁၀၀ ရာခိုင်နှုန်းတွင် ခုနစ် ရာခိုင်နှုန်းခန့်သာ အမြတ်အစွန်း အနည်းငယ် ကျန်ရှိနေသည့်အတွက် ရန်ကုန်ဘူတာကြီးနှင့် မြန်မာနိုင်ငံအတွင်း ပြေးဆွဲနေသော ရထားလိုင်းများတွင် ကြော်ငြာလုပ်ငန်းများကို လက်ခံသွားမည် ဖြစ်ကြောင်း သိရသည်။

ယင်းသို့ ပြောကြားချက်အရ နိုဝင်ဘာလ ၈ ရက်က ကြော်ငြာနှင့် ဖျော်ဖြေရေး လုပ်ငန်းများအတွက် တင်ဒါခေါ်ယူမှု ပြုလုပ်ခဲ့ပြီး တင်ဒါခေါ်ယူမှု စနစ်တွင် မြန်မာနိုင်ငံသား ပုဂ္ဂလိက လုပ်ငန်းရှင်များကို ခေါ်ယူထားပြီး တင်ဒါ အဆိုပြုလွှာနှင့် ငွေကြေးဆိုင်ရာ အဆိုပြုလွှာတို့ကို နိုဝင်ဘာ ၂၂ ရက်တွင် နောက်ဆုံးထား တင်ပြရမည် ဖြစ်ကြောင်း သိရသည်။

တင်ဒါ ခေါ်ယူမှုစနစ်အရ ယခုနှစ် နောက်ဆုံးထားပြီး ယင်းလုပ်ငန်းများကို ပုဂ္ဂလိကသို့လုပ်ဆောင်ခွင့်ပေးရန် ရှိမည်ဖြစ်ကြောင်း ရထားပို့ဆောင်ရေး ၀န်ကြီးဌာနမှ သိရသည်။

မြန်မာနိုင်ငံ၏ ရထားကဏ္ဍတွင် ယခုနှစ် နောက်ပိုင်း၌ ပြည်ပ၏ အကူအညီ ချေးငွေများဖြင့် ပြုလုပ်ရန် စီစဉ်နေသည့်အပြင် ကိုယ်ပိုင်မီးရထား စက်ခေါင်းများ၊ လူစီးတွဲများကိုပါ ထုတ်လုပ်နိုင်ရန်အတွက် စီစဉ်နေပြီဖြစ်ကြောင်း သိရသည်။

လက်ရှိတွင် ရန်ကုန်ဘူတာကြီးနှင့် မန္တလေး ဘူတာကြီးတို့ကို အဆင့်မြှင့်တင်မှုများ ပြုလုပ်ရန်နှင့် ဟိုတယ်များ ပြုလုပ်ရန်အတွက် ပြည်တွင်း ပုဂ္ဂလိက လုပ်ငန်းရှင်းများနှင့် ပြည်ပလုပ်ငန်းရှင်များကို လက်ခံ လုပ်ကိုင်နိုင်ရန် ဆွေးနွေးနေကြောင်း ရထားပို့ဆောင်ရေး ၀န်ကြီးဌာနမှ သိရသည်။

EMG

Read More

ရန်ကုန်တိုင်းဒေသကြီးအတွင်း ယာဉ်မရပ်ရ လမ်းမကြီးများအဖြစ် လမ်း ၁၁ လမ်းအား ထပ်မံတိုးချဲ့ခဲ့ပြီး ကရိန်းယာဉ်ဖြင့် ဖယ်ရှားခြင်းကို ရက်ပိုင်းအတွင်း စတင်မည်

Sunday, 10 November 2013


ယာဉ်မရပ်ရ နေရာအဖြစ် သတ်မှတ်ထားသည့် ဗညားဒလလမ်းအား အောက်တိုဘာလ အတွင်းက တွေ့ရစဉ် (ဓာတ်ပုံ-ရန်မျိုးအောင်)

ရန်ကုန်တိုင်း ဒေသကြီးအတွင်း ယာဉ်မရပ်ရ လမ်းမကြီးများအဖြစ် လမ်း ၁၁ လမ်းအား ထပ်မံတိုးချဲ့ သတ်မှတ်ခဲ့ပြီး အဆိုပါ လမ်းမကြီးများပေါ်တွင် ရပ်သည့်ယာဉ်များအား ကရိန်းယာဉ်ဖြင့်ဆွဲ၍ ဖယ်ရှားမည့်အပြင် စည်ပင်သာယာ ဥပဒေဖြင့် အရေးယူမှုကို ယခုရက်ပိုင်းအတွင်း စတင်မည်ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့၊ လမ်းပန်းဆက်သွယ်ရေးနှင့် ပို့ဆောင်ရေးဝန်ကြီး ဦးအောင်ခင်က နိုဝင်ဘာ ၉ ရက် နံနက်ပိုင်းတွင် ပြောကြားခဲ့သည်။

အောက်တိုဘာလ အတွင်းက ရန်ကုန်တိုင်းဒေသကြီး အတွင်းရှိ ခြောက်လမ်းသွား လမ်းမများ အပါအ၀င် လမ်းမကြီးပေါင်း ၂၆ လမ်းအား ယာဉ်မရပ်ရ နေရာအဖြစ် သတ်မှတ်ထားကြောင်း အများပြည်သူသို့ အသိပေးထားပြီးဖြစ်ကြောင်း သတင်းရရှိသည်။

ယခုလ အတွင်း၌ ထပ်မံ၍ ယာဉ်မရပ်ရ လမ်းမအဖြစ် လမ်း ၁၁ လမ်းအား တိုးချဲ့ခဲ့ပြီး စုစုပေါင်း ယာဉ်မရပ်ရသည့် လမ်းမကြီးပေါင်း ၃၇ လမ်းထိ ရှိလာခဲ့ကြောင်း သိရသည်။

"နိုဝင်ဘာ ၈ ရက်က ရန်ကုန်တိုင်းဒေသကြီး အတွင်းမှာ ယာဉ်မရပ်ရတဲ့ လမ်းတွေကို ထပ်မံတိုးချဲ့ပြီးတော့ သတ်မှတ်ခဲ့ပါတယ်။ အခု ယာဉ်မရပ်ရတဲ့ လမ်းပေါင်းက ၃၇ လမ်း ဖြစ်ပါတယ်။ အဲ့ဒီ လမ်းတွေပေါ်မှာ ရပ်တဲ့ယာဉ်တွေကို ကရိန်းယာဉ်တွေနဲ့ ဖယ်ရှားပြီးတော့ အရေးယူမယ်။ ဒါ့အပြင် ရန်ကုန်မြို့တော် စည်ပင်သာယာ ဥပဒေအရလည်း စည်းကမ်းဖောက်တဲ့အပေါ် မူတည်ပြီးတော့ ဒဏ်ငွေအပြင် ထောင်ဒဏ်နဲ့လည်း ချမှတ်အရေးယူ သွားပါမယ်။ ဒီအရေးယူမယ့် အစီအစဉ်တွေကိုတော့ လာမယ့်သုံးလေးရက် အတွင်းမှာ ဆောင်ရွက်သွားမှာပါ" ဟု ရန်ကုန်တိုင်းဒေသကြီး အစိုးရအဖွဲ့၊ လမ်းပန်းဆက်သွယ်ရေးနှင့် ပို့ဆောင်ရေးဝန်ကြီး ဦးအောင်ခင်က နိုဝင်ဘာ ၉ ရက် နံနက်ပိုင်းတွင် ပြောကြားခဲ့သည်။

ရန်ကုန်တိုင်းဒေသကြီး အစိုးရအဖွဲ့မှ ယာဉ်မရပ်ရ နေရာအဖြစ် သတ်မှတ်ထားသည့် လမ်းမ ၃၇ လမ်းအနက် အချို့မှာ လှည်းတန်းလမ်းဆုံမှ လှည်းတန်းလမ်းအတိုင်း ကြည့်မြင်တိုင် ကမ်းနားလမ်းအထိ၊ ဦးဝိစာရအ၀ိုင်းမှ အလုံလမ်းအတိုင်း ဗဟိုလမ်းအထိ၊ ကမ်းနားလမ်းနှင့် မဟာဗန္ဓုလ လမ်းဆုံမှ မဟာဗန္ဓုလ လမ်းအတိုင်း ယမုံနာ လမ်းဆုံအထိ၊ လှည်းတန်းလမ်းနှင့် နာနတ်တော လမ်းဆုံမှ ကြည့်မြင်တိုင် ကမ်းနားလမ်း၊ ၀ါးတန်းလမ်းနှင့် ကမ်းနားလမ်း လမ်းဆုံအထိ၊ ထောက်ကြန့်လမ်းဆုံမှ ပြည်လမ်းအတိုင်း၊ ၎င်းမှဘုန်းကြီးလမ်းနှင့် ကမ်းနားလမ်းဆုံအထိ၊ သင်္ဃန်းကျွန်းမြို့နယ် လေးဒေါင့်ကန်လမ်းဆုံး (ပြည်ထောင်စု ခုံးကျော်တံတား)မှ သံသုမာလမ်းအတိုင်း၊ သမိန်ဗရမ်းလမ်းဆုံ (ကြက်ဘဲဈေး) ရှေ့ထိတို့ ပါဝင်ကြောင်း သိရသည်။

EMG

Read More