Wednesday, January 1, 2014
နိုင်ငံပေါင်း ၃၃ နိုင်ငံမှ မိုဘိုင်းဖုန်းများ ပြည်တွင်းသို့ သယ်ဆောင်အသုံးပြုနိုင်
အာဆီယံနိုင်ငံများအပါအဝင် နိုင်ငံပေါင်း ၃၃ နိုင်ငံမှ GSM နှင့် WCDMA မိုဘိုင်းဖုန်းလိုင်းများသည် မြန်မာနိုင်ငံအတွင်းသို့ သယ်ဆောင်အသုံးပြုနိုင်ပြီဖြစ်ကြောင်း မြန်မာ့ဆက်သွယ်ရေးလုပ်ငန်းမှ ထုတ်ပြန်ကြေညာခဲ့သည်။
Roaming စနစ်ဖြင့် ပြည်တွင်းသို့ သယ်ဆောင်အသုံးပြုနိုင်ရန် နိုင်ငံပေါင်း ၃၃ နိုင်ငံမှ အော်ပရေတာပေါင်း ၆၄ ခုနှင့် ချိတ်ဆက် ဆောင်ရွက်ခဲ့သည်ဟု သိရသည်။ မြန်မာ့ဆက်သွယ်ရေးလုပ်ငန်းသည် ယခုကဲ့ နိုင်ငံတကာရှိ မိုဘိုင်းဖုန်းများ ပြည်တွင်းသို့ သယ်ဆောင်အသုံးပြုနိုင်စေရန် ပြင်သစ်နိုင်ငံ အခြေစိုက် Orange ကုမ္ပဏီနှင့် ပူးပေါင်းဆောင်ရွက်ခဲ့ခြင်းဖြစ်သည်ဟု ပြောဆိုခဲ့သည်။
မြန်မာ့ဆက်သွယ်ရေးလုပ်ငန်း၏ ကြေညာချက်၌ ပြည်တွင်းရှိ GSM နှင့် WCDMA မိုဘိုင်းဖုန်း လိုင်းများသည်လည်း အခြားနိုင်ငံများသို့ သယ်ဆောင်အသုံးပြုနိုင်မည်ဖြစ်ပြီး လက်ရှိအချိန်တွင် စက်ပိုင်းဆိုင်ရာ စမ်းသပ်မှုများ ပြုလုပ်နေသည်ဟု သိရသည်။ Roaming စနစ်ကို ပြည်ပမှ ပြည်တွင်းသို့ စတင် ဖွင့်လှစ်ပေးခဲ့ပြီးဖြစ်သော်လည်း Roaming စနစ်အတွက် ကျသင့်သည့် ဈေးနှုန်းများကို မြန်မာ့ဆက်သွယ်ရေးမှ ထုတ်ပြန်ပြောဆိုခဲ့ခြင်းမရှိပေ။
ပြည်ပမှ မိုဘိုင်းဖုန်းလိုင်းများသည် နေပြည်တော်တွင်ကျင်းပသည့် အာဆီယံဆက်သွယ်ရေးနှင့် သတင်းအချက်အလက် နည်းပညာဆိုင်ရာဝန်ကြီးအဆင့် အစည်းအဝေးပွဲ၌ စတင်သယ်ဆောင် အသုံးပြုခွင့် ရရှိခဲ့ခြင်းဖြစ်သည်။ ဂျပန်အပါအဝင် အာဆီယံနိုင်ငံများမှ မိုဘိုင်းဖုန်းလိုင်းများကို နေပြည်တော်နှင့် ရန်ကုန်မြို့တို့၌ သယ်ဆောင်အသုံးပြုခဲ့ခြင်းဖြစ်ပြီး အသုံးပြုခကို နိုင်ငံတကာ ဘီလ်နှုန်းအတိုင်း ကောက်ခံခဲ့သည်ဟုသာ မြန်မာ့ဆက်သွယ်ရေးလုပ်ငန်းက ပြောဆိုသည်။
မြင့်ကျော်လှိုင်
ရင်သားတွဲ ကျခြင်းကို ကာကွယ်နိုင်သော နည်းလမ်းများ
ပြည့်ဖြိုး တင်းရင်းတဲ့ ရင်သားအလှကို ပိုင်ဆိုင်လိုတာ မိန်းကလေးတိုင်းရဲ့ ဆန္ဒဖြစ်ပါ လိမ့်မယ်။ မိန်းကလေး တစ်ယောက်ရဲ့ အလှတရားကို ထင်ရှား ပေါ်လွင်စေပြီး ဆွဲဆောင်မှု ရှိစေတဲ့ အရာတွေထဲမှာ ရင်သားက မရှိမဖြစ်ပါ။
သင့်ကောက်ကြောင်းလေး အထင်သား ပေါ်လွင်စေဖို့ ရင်သားကလည်း ပံ့ပိုးပေးပါတယ်။ ဒါပေမဲ့ တစ်ချိန်မှာ ဒီအလှတရား ဆုံးရှုံးသွားမှာကို သင်စိုးရိမ် နေပါသလား။ အဆီတွေ၊ ဂလင်းတွေ၊ တွယ်ဆက် တစ်သျှူးတွေနဲ့ ဖွဲ့စည်းထားတဲ့ သင့်ရင်သားဟာ တစ်သျှူးတွေ လျော့ရဲ လာတဲ့အခါ၊ တစ်သျှူးရဲ့ ကျုံ့နိုင်ဆန့်နိုင်တဲ့ စွမ်းအား လျော့နည်း လာတဲ့အခါ မျိုးတွေမှာ တွဲကျလာ တတ်ပါတယ်။
မိန်းကလေး အများစုက ရင်သား တွဲကျလာတာကို မလိုလား ကြသလို သင်တို့ရဲ့ အမျိုးသား အဖော်ကလည်း နှစ်သက်မှာ မဟုတ်ပါဘူး။ ရင်သား တွဲကျတာကို နို့သီးခေါင်းရဲ့ အနေအထားပေါ် မူတည်ပြီး ခွဲခြား နိုင်ပါတယ်။ နို့သီးခေါင်းက ပုံမှန် အနေအထားထက် အနည်းငယ် နိမ့်ကျနေပါက ရင်သား တွဲကျတာ သိပ်မဆိုးပါဘူး။ တကယ်လို့ နို့သီးခေါင်းတွေက ပုံမှန် အနေ အထားထက် အလွန်အမင်း နိမ့်ကျပြီး အောက်ဘက်ကို စိုက်နေရင်တော့ ရင်သား တွဲကျတာ ဆိုးနေပါပြီ။
ရင်သား တွဲကျစေသော အကြောင်းအရာများ
၁။ ကိုယ်အလေးချိန် ကျဆင်းခြင်း
ကိုယ်အလေးချိန် ကျဆင်းတာက ရင်သား တွဲကျတာကို ဖြစ်စေတဲ့ အဓိက အကြောင်းရင်းပါ။ ခန္ဓာကိုယ် အလေးချိန် တိုးလာတဲ့အခါ အရေပြားကို ကျယ်ပြန့်အောင် ဆန့်ထားတာကြောင့် တင်းတင်းရင်းရင်း ဖြစ်စေပါတယ်။ ရုတ်တရက် ကိုယ်အလေးချိန် လျော့သွားတဲ့အခါ ခန္ဓာကိုယ် တစ်ခုလုံးက အရေပြားတွေ လျော့တွဲလာသလို သင့်ရင်သားတွေလည်း လျော့တွဲလာ စေပါတယ်။
၂။ ကမ္ဘာမြေကြီး ဆွဲငင်အား
ကမ္ဘာမြေကြီး ဆွဲငင်အားက သင့်ရင်သားကို တွဲကျစေတယ်ဆိုလို့ မအံ့သြ လိုက်ပါနဲ့။ ဒါက အမှန်တကယ်ပါပဲ။ ကမ္ဘာမြေကြီး ဆွဲငင်အားက အရာ အားလုံးကို ဆွဲထားသလို သင့်ရင်သား ကိုလည်း ဆွဲတာကြောင့် တွဲကျ စေတာပါ။ ရင်သား တစ်သျှူးတွေကို လျော့ရဲစေသလို ရင်သားမှာ အရေး ကြောင်းတွေကိုပါ ဖြစ်ပေါ်စေပါတယ်။
၃။ မီးယပ်သွေးဆုံးခြင်း
အမျိုးသမီးတွေ သွေးဆုံးချိန်မှာ အီစထရိုဂျင် လို့ခေါ်တဲ့ မဟော်မုန်းဓာတ် လျော့နည်း သွားပါတယ်။ အဲဒီအချိန်မှာ ရင်သားကို တင်းရင်း ပြည့်ဖြိုးစေတဲ့ ကော်လာဂျင်တွေ လျော့နည်း သွားပြီး သင့်ရင်သားကို လျော့တွဲလာ စေပါ တယ်။
၎။ လျော့ရဲသော ဘရာစီယာ ဝတ်ဆင်ခြင်း
အမျိုးသမီးတွေ အတွက် အရေးကြီးဆုံးက ဘရာစီယာကို ရင်သား အရွယ် အစား အလိုက် သင့်တော်တဲ့ ပုံစံအနေအထား ဝတ်ဆင်ဖို့ပါ။ ဘာကြောင့်လဲ ဆိုတော့ ဘရာစီယာ ပုံစံမှန်မှန် မဝတ်ဆင်တာက သင့်ရင်သားကို တွဲကျ စေတာကြောင့်ပါ။
ဘယ်လို ကာကွယ်ရမလဲ -
၁။ အစားထိုးခြင်း၊ ခွဲစိတ်ခြင်း
ရင်သားပိုမို ပြည့်ဖြိုးစေဖို့နဲ့ တင်းတင်းရင်းရင်း ရှိစေဖို့ ရင်သား အစားထိုး ခြင်းနဲ့ ရင်သား ခွဲစိတ်ပြုပြင်ခြင်းတွေ ပြုလုပ်လို့ ရပါတယ်။ ရင်သား တွဲကျ နေသူ တစ်ယောက်အနေနဲ့ ရင်သား အစားထိုးခြင်းနဲ့ ရင်သား ခွဲစိတ်ပြုပြင် ခြင်းတွေ လုပ်တာက တွဲကျနေတဲ့ ရင်သားကို အပြည့်အဝ မပြုပြင်နိုင်ပါဘူး။ ဘာကြောင့်လဲဆိုတော့ ပြုပြင်တာဟာ ရင်သား ပြည့်တင်း လာပေမယ့် နို့သီး ခေါင်းကတော့ အောက်ဆိုက်နေ နိုင်ပါတယ်။
၂။ အရွယ်အစားနဲ့ ကိုက်ညီသော ဘရာစီယာ ဝတ်ဆင်ပါ
ရင်သား အရွယ်အစားနဲ့ ကိုက်ညီပြီး သင့်တော်တဲ့ ဘရာစီယာအရွယ်အစားကို ရွေးချယ် ဝယ်ယူကာ ၀တ်ဆင်ပါ။ ကိုယ်ဝန်ဆောင်ချိန်နဲ့ နို့တိုက်ကျွေးချိန် တွေက ရင်သား တွဲကျနိုင်တာ ကြောင့် သင့်တော်တဲ့ ဘရာစီယာ ဝတ်ဆင် ပေးဖို့ ပိုမို အရေးကြီးပါတယ်။
၃။ သဘာဝကရတဲ့ ဆေး
ဒါတွေကို အသုံးပြုတာဟာ အန္တရာယ် အကင်းဆုံး၊ ငွေကုန်ကြေးကျ အသက် သာဆုံးနဲ့ ခွဲစိတ်စရာ မလိုတဲ့ နည်းလမ်း တစ်ခုပါ။ သဘာဝကရတဲ့ အရာ တွေနဲ့ ဖော်စပ် ထုတ်လုပ်ထားတဲ့ လိမ်းဆေး၊ ဖျန်းဆေးတွေ အသုံးပြုပြီး သင့်ရင်သား အလှကို ပြုပြင်နိုင်ပါတယ်။ အသင့်တော်ဆုံး နည်းလမ်းဖြစ် ပါတယ်။
၎။ နှိပ်နှယ်ပေးခြင်း
သင့်ရင်သားကို နှိပ်နယ်ပေးတာက ဆိုးကျိုး အန္တရာယ် တစ်စုံတစ်ရာ မပေးဘဲ သင့်ရင်သား တွဲကျတာကို ကာကွယ်ပေး နိုင်ပါတယ်။ နှိပ်နယ် ပေးတဲ့ အခါ ရင်သားအတွက် သီးသန့် ထုတ်လုပ်ထားတဲ့ အဆီနဲ့ လိမ်းဆေး တွေကို အသုံးပြုပြီး နှိပ်နယ်ပေးပါ။
ကင်ဆာ ရောဂါ အတွက် ဒူးရင်းသြဇာ
ကျမတို့ ရုံးနှစ်ပတ်လည် အစည်းဝေး အတွက် နိုင်ငံ အသီးသီးက တက်ရောက်လာတဲ့ ကိုယ်စားလှယ်တွေ ထဲမှာ တယောက် ကျမတွေ့တော့ တော်တော် အံ့အား သင့်သွားတယ်။ ဒီနှစ်စမှာဘဲ ဆေးစစ် တဲ့အခါ ကင်ဆာလို့ အဖြေထွက်ပြီး ကျမတို့ တတွေ စိတ် မကောင်း ဖြစ်နေ ခဲ့တာပါ။
အခု ပြန်တွေ့တော့ လန်းဆန်း ကျန်းမာ တက်ကြွနေတော့ စကား စမြည် ပြောရင်းနဲ့ ဆေးနည်းလေး တစ်ခု ရလာတာကို ဝေမျှခြင်လို့ပါ။
အခုတစ်လော ကင်ဆာဆိုတာနဲ့ လူတွေက လန့်နေကြပါပီ။ ခီမိုသွင်းရတာနဲ့ မိသားစုဝင်တွေ စိတ်ပင်ပန်း ကြတာနဲ့ ရုတ်တရက် သေဆုံး သွားတာနဲ့ ဒါကြောင့် ကျမတို့ ရုံးက အန်တီ ဆိုရင် သူ့ကင်ဆာဖြစ်တာ သူများကို မသိ စေချင်ဘူး၊ သူများတွေ သူ့ကို သေလူလို့ ကြည့်နေတဲ့ အကြည့်တွေ မခံနိုင်ဘူး ဆိုပီးရင် ဖွင့်ရှာပါတယ်။
ကျမ ရဲ့ အချစ်ဆုံး ကြီးကြီးလဲ ကင်ဆာနဲ့ ဆုံးသွားသလို အမလို ခင်မင်ပြီး ချစ်ရတဲ့ ရှေ့နေမမ တစ်ယောက်လဲ ကင်ဆာနဲ့ ဘ၀ဆုံးသွား ရရှာပါတယ်။ အထူးသဖြင့် ကျမတို့ မိသားစုနဲ့ နှစ်အိမ်တစ်အိမ် လိုဖြစ်နေတဲ့ မိုးကောင်းက အန်တီနဲ့အန်ကယ်လဲ ကင်ဆာနဲ့ဘဲ ဆုံးပါး သွားကြတယ်။အရင်ကတော့ ပန်းခါး ဆိုတာ အရမ်းကို နာမည်ကြီးတယ်။ ပန်းပင် အခြောက်လေး တွေကို ရေနွေးကြမ်း လိုလုပ်သောက် ရတာပါ၊ အရမ်းကို ခါးတော့ ကျမတောင် စမ်းသောက်ကြည့်ပီး တွန့်သွားတာနဲ့ မသောက် ဖြစ်တော့ပါဘူး။ ခီမို သွင်းထားတဲ့ လူနာတွေဆို ခံတွင်းထဲ ဘာထည့်ထည့် အရသာ မရှိတော့ဘူး။ အရမ်းလဲ သနားဖို့ ကောင်းပါတယ်။
ကင်ဆာ ရောဂါ ဖြစ်နေ သူများအတွက် သတင်းကောင်းပါ။ အရသာလဲ မဆိုးတဲ့ ဘဘာဝ အသီးပင်ရဲ့ အရွက်ကိုပြုတ် သောက်ရုံတင်နဲ့ ကင်ဆာ ရောဂါကို ပျောက်ကင်းသက် သာစေတာ ကျမမျက်စိရှေ့မှာတင် ၄ ယောက်လောက်တွေ့ခဲ့လို့ ရဲရဲကြီးမျှဝေလိုက်ပါတယ်။
ဆေးပညာ အကြောင်းအစုံလင် နားမလည် ပေမယ့် ခီမိုသွင်းတာ ကင်ဆာ cell အကောင်းရော အဆိုးပါ သတ်ပစ် တာဖြစ်ပီး ဒီဒူးရင်း သြဇာ အရွက်ပြုတ်ရည်ရဲ့ အာနိသင်ကတော့ ကင်ဆာ ဆဲလ် ချည်းသတ်သတ် ကိုသာ သတ်ပစ် တယ်လို့ ရှင်းပြ ပါတယ်။
ကျမ ညီမလေး ကျောင်းက ပရော်ဖက်ဆာကတော့ လူတိုင်းတော့ ပျောက်နိုင်မှာ မဟုတ်ဘူး၊ တစ်ယောက်နဲ့ တစ်ယောက် ကင်ဆာဖြစ်ပုံ အမျိုးစားခြင်း မတူသလို ခန္တာကိုယ်က တုံ့ပြန်ပုံခြင်းလဲ မတူနိုင်ပါ ဘူးလို့ ဆိုပါ တယ်။ ဒါပေမယ့် ကျမ အကြံ ပေးခြင် တာကတော့ အနည်းနဲ့ အများ ပျောက်သွား သည်ဖြစ်စေ သက်သာ သွားသည်ဖြစ်စေ အန္တရယ် မရှိတာမို့ စမ်းသောက် ကြည့်ကြဖို့ တိုက်တွန်း ပါရစေ။ ကိုယ်နဲ့သိတဲ့ မိတ်ဆွေ၊ သူငယ်ချင်း ဆွေမျိုး သားခြင်း များမှာလဲ ကင်ဆာ ရောဂါရှိတဲ့ သူများရှိရင် ထပ်ဆင့် ဝေငှ ပေးကြပါ။
ပန်းသီးနှင့် အသည်းရောင်ဘီပိုး
တစ်နေ့ ပန်းသီး တစ်လုံး စားပါက သက်ရှည် ကျန်းမာပြီး ဆရာဝန်နဲ့ ဝေးဝေး နေခွင့် ရပါ လိမ့်မယ်တဲ့။
တကယ်တော့ လူတွေဟာ မိမိ စားနေကျ အစာအပြင် အသီးအနှံ တစ်မျိုးမျိုးကို နေ့စဉ် စားမယ်ဆိုရင် ကျန်းမာရေး ကောင်းမယ်လို့ ထင်ပါတယ်။ ဥပမာ ငှက်ပျောသီး၊ လိမ္မော်သီး၊ စပျစ်သီး စသဖြင့် မှန်မှန်စားရင် ကျန်းမာရေးနဲ့ ပြည့်စုံမယ်လို့ ထင်တယ်။
ပန်းသီးမှာ ဗီတာမင်စီ များများ ပါတယ်။ Immune System ခေါ်တဲ့ ကိုယ်ခံ စွမ်းအားကို တက်စေတယ်။ အဆီဓာတ် Cholesterol ကိုလည်း ကျစေတယ်။ ကန်စွန်းဥတို့၊ ငှက်ပျောသီးတို့ စားသလို ကိုက်စားရင် သွားချေး မကပ်ဘဲ ခံတွင်းရှင်းတယ်၊ ဦးနှောက်အား ကောင်းတဲ့အတွက် သူငယ်ပြန်မှု နည်းစေတယ်။ ကယ်လိုရီ နည်းတဲ့ အတွက် ငှက်ပျောသီး စားတာလို ဝတာ အားမပေးဘူး။
ပန်းနာရင်ကျပ် ရောဂါတို့၊ အဆုတ် ရောဂါတို့ နည်းစေတယ်လို့ ပြောကြတယ်။ တစ်ခါက အားကစား သမား တစ်ယောက် ကပြောတယ်။ သူ့မှာ အရင်တုန်းက အသည်းရောင် ဘီပိုး မရှိဘူးတဲ့။ နိုင်ငံခြားကို သွားပြိုင်ဖို့ စခန်းသွင်းပြီး လေ့ကျင့်တဲ့အခါမှသာ အသည်းရောင်ဘီပိုး ပေါ်လာရတယ်လို့ ဆိုတယ်။ အဆောင်အတူ နေသူတွေ အများကြီးရှိပေမယ့် သောက်ရေခွက်လည်း သီးသန့်သုံးတယ်၊ သွားပွတ်တံလည်း သုံးတယ်၊ ဟင်းချိုခွက် နဲ့ဇွန်း သီးသန့်သုံးတယ်။ ဘီးနဲ့ မုတ်ဆိတ်ရိတ် ကိရိယာတွေလည်း သီးသန့်သုံးတယ်။ ဘာကြောင့် ကူးရတာလဲလို့ ဆိုတယ်။ ဒါပေမဲ့ တစ်ခုတော့ရှိတယ်။ ကျွန်တော်တို့က တစ်ယောက်နဲ့ တစ်ယောက် အလွန် ခင်မင်တယ်၊ ပန်းသီး တစ်လုံးရရင် သူတစ်ကိုက်၊ ကိုယ်တစ်ကိုက် စားကြတယ်။
လက်ဖက်သုပ်ကိုလည်း ဇွန်းတစ်ချောင်း၊ နှစ်ချောင်းနဲ့ ဝိုင်းစားကြတယ်၊ ဒါပဲလို့ ဆိုတယ်။ ဘီပိုးဟာ သွေးသွင်းရာ၊ ဆေးထိုးရာ၊ လိင်ဆက်ဆံရာက အဓိကကူးတဲ့ ရောဂါပိုးဖြစ်တယ်။ အတိအကျ ကူးတယ်လို့ ပြောနိုင်တဲ့နည်း ရှိသလို အတိအကျ မပြောနိုင်တဲ့ နည်းတွေနဲ့လည်း ကူးမှာပါပဲ။ ဒီနှစ် ကမ္ဘာ့အသည်းရောင် အထိမ်းအမှတ်နေ့ “World Hepatitis Day” ရဲ့ဆောင်ပုဒ်က “This is hepatitis…It is closer than you think” အသည်းရောဂါပိုးဟာ မင်းထင်တာထက် ပိုကူးလွယ်တယ်၊ လက်တစ်ကမ်းမှာပဲ အသည်းရောင်ပိုးက ရှိနေတယ်။ အသည်းရောင်ပိုးတွေရဲ့ ရောဂါလက္ခဏာတစ်ခုက ရောဂါလက္ခဏာ မပြတာဘဲ။ ဒါကြောင့် သွေးစစ်ကြည့်ရတယ်၊ သွေးစစ်ကြည့်မှ ရှိမှန်းသိမယ်။ မရှိရင် ကာကွယ်ဆေးထိုးမယ်။
သိလည်းသိ၊ စစ်လည်းစစ်၊ ကာကွယ်ဆေး လည်းထိုး လုပ်တာကို လုပ်ရမယ်။ အသည်းရောင် ဘီပိုးကို ရန်ကုန် သံဃာ့ တက္ကသိုလ်က စစ်ဆေးတယ်၊ ကာကွယ် ဆေးထိုး တယ်။ မှော်ဘီ၊ ရွှေပေါက်ကံ၊ ပဲခူးက တောရကျောင်း စာသင်တိုက်တွေမှာ သွေးစစ်၊ ကာကွယ်ဆေးထိုး ပြုလုပ်တယ်။
တရုတ် (တိုင်ပေ) ဆရာတော်တစ်ပါးက မန္တလေးက ကျောင်းတိုက် တွေမှာ အသည်းရောင် ဘီပိုး ကာကွယ် ဆေးလှူတယ်။ မန္တလေးက သံဃာတွေကိုလည်း ထိုးပေးတာ ဖတ်ရတယ်။ မွန်ပြည်နယ်၊ ဇင်းကျိုက်က အထက်တန်း ကျောင်းသား၊ ကျောင်းသူတွေက အသည်းရောင် ဘီပိုးကို စစ်ကြည့်တယ်၊ ကာကွယ်ဆေး ထိုးကြတယ်၊ ဒါဟာ ကောင်းတဲ့ ခြေလှမ်းတွေပဲ။
ကေအင်န်ယူ၊ ကေအိုင်အေနှင့် ရှမ်းလက်နက်ကိုင် အဖွဲ့ဝင်များ အပါအ၀င် နိုင်ငံရေးအကျဉ်းသား စာရင်းဝင် ၃၅ ဦးမှာ သမ္မတ၏ နိုင်ငံရေးနှင့် ဆက်နွှယ်သည့် လွတ်ငြိမ်းသက်သာခွင့်တွင် ပါဝင်သော်လည်း အခြားပြစ်မှုများဖြင့် အကျဉ်းထောင်များတွင် ကျန်ရှိနေဆဲဖြစ်
လွတ်မြောက်လာမည့် အကျဉ်းသားများအား ဒီဇင်ဘာ ၃၁ ရက်က ရန်ကုန်မြို့ အင်းစိန်အကျဉ်းထောင်ရှေ့တွင် လာရောက်စောင့်ကြိုနေသော မိသားစုဝင်များအား တွေ့ရစဉ်
ကေအင်န်ယူ၊ ကေအိုင်အေနှင့် ရှမ်းလက်နက်ကိုင် အဖွဲ့ဝင်များ အပါအ၀င် နိုင်ငံရေး အကျဉ်းသား စာရင်းဝင် ၃၅ ဦးမှာ နိုင်ငံတော်သမ္မတ၏ နိုင်ငံရေးနှင့် ဆက်နွှယ်သည့် လွတ်ငြိမ်းသက်သာခွင့်တွင် ပါဝင်သော်လည်း အခြားပြစ်မှုများဖြင့် အကျဉ်းထောင်များတွင် ကျန်ရှိနေဆဲဖြစ်သည်ဟု လက်ကျန်နိုင်ငံရေး အကျဉ်းသားများ စိစစ်ရေးကော်မတီ အဖွဲ့ဝင် ဦးရဲအောင်က ပြောကြားသည်။
နိုင်ငံရေး ပုဒ်မများဖြင့် ပြစ်ဒဏ်ခံနေရသူများအပြင် ကြားနာစစ်ဆေးဆဲ ခံနေရသူများနှင့် စုံစမ်းအရေးယူဆဲ ခံနေရသူများအား နိုင်ငံတော်သမ္မတရုံး (အမိန့်အမှတ် ၅၁/၂၀၁၃) ဖြင့် ဒီဇင်ဘာ ၃၀ ရက် နေ့စွဲဖြင့် နိုင်ငံတော်သမ္မတက အမိန့်တစ်ရပ် ထုတ်ပြန်ကာ လွတ်ငြိမ်းသက်သာခွင့် ပြုခဲ့သည်။
“ကျွန်တော်တို့ နိုင်ငံရေးအကျဉ်းသားဟောင်းများ စာရင်းမှာရှိနေတဲ့ အရင်စစ်အစိုးရ လက်ထက်မှာ ထောင်ကျခဲ့တဲ့သူတွေက များသောအားဖြင့် နိုင်ငံရေးပုဒ်မအပြင် အခြားပုဒ်မတွေနဲ့ တွဲပြီးတော့ ထောင်ကျခဲ့တာတွေ ဖြစ်ပါတယ်။ အဲဒီအတွက်ကြောင့် ကျွန်တော်တို့ ဒီစာရင်းထဲမှာ ရှိတဲ့သူတွေက နိုင်ငံရေးပုဒ်မ၊ မနေ့က လွတ်ငြိမ်းချမ်းသာခွင့်ပေးတဲ့ ပုဒ်မတွေနဲ့တော့ သူတို့ဟာ ဒီပြစ်ဒဏ်တွေနဲ့ လွတ်ငြိမ်းချမ်းသာခွင့် ရခဲ့ပေမယ့် အခြားပြစ်ဒဏ်တွေ တခြားဒီထဲမှာ မပါတဲ့ ပုဒ်မတွေနဲ့ ကျခဲ့တဲ့ ပြစ်ဒဏ်တွေက ဆက်ပြီးတော့ ခံစားနေရတာ ရှိပါတယ်။ အဲဒါကြောင့်မို့ သူတို့ဒီနေ့ မလွတ်လာနိုင်ပါဘူး။ ထောင်ထဲမှာပဲ ဆက်ရှိနေကြပါတယ်” ဟု ဦးရဲအောင်က ဒီဇင်ဘာ ၃၁ ရက်တွင် ပြောကြားသည်။
လက်ရှိတွင် အကျဉ်းထောင်များ၌ နိုင်ငံရေးပုဒ်မများအပြင် အခြားပုဒ်မများဖြင့် ပြစ်ဒဏ်ကျခံနေရသူများ၊ နိုင်ငံရေးပုဒ်မ မပါသော်လည်း နိုင်ငံရေး လှုပ်ရှားမှုများကြောင့် အခြားပုဒ်မများနှင့် ဖမ်းဆီးခံရပြီး ထောင်ကျနေသူများ စုစုပေါင်း ၃၅ ဦး ကျန်ရှိနေသေးပြီး အဆိုပါ ကျန်ရှိနေသူများအား အမြန်ဆုံး လွှတ်ပေးလိမ့်မည်ဟု မျှော်လင့်ထားကြောင်း၊ ထိုသို့လွှတ်ပေးရန် နားလည်မှု ရရှိထားသည်ဟု ဦးရဲအောင်က ပြောပြသည်။
“ကျန်နေသေးတဲ့လူ ဒီ ၃၅ ဦးက အဓိကကတော့ တိုင်းရင်းသား အဖွဲ့အစည်းတွေနဲ့ ပတ်သက်တယ်။ လက်နက်ကိုင် အဖွဲ့အစည်းတွေနဲ့ ပတ်သက်တယ်။ ကေအင်န်ယူပါတယ်။ အေဘီအက်စ်ဒီအက်ဖ်ပါတယ်။ ကေအိုင်အေပါပါတယ်။ ရှမ်းပါပါတယ်။ ဒီလိုအဖွဲ့အစည်းတွေနဲ့ ပတ်သက်တဲ့ သူတွေပါ။ အစိုးရကို ဘာတိုက်တွန်းချင်တာလဲဆိုရင် နိုင်ငံရေး အကျဉ်းသားတွေအားလုံး ဒီနှစ်ကုန်မှာ မရှိစေရဘူးဆိုတဲ့ ကတိအတိုင်း မနေ့က ထုတ်ပြန်ခဲ့ပါတယ်။ အဲဒီလို ထုတ်ပြန်ခဲ့သလိုပဲ ဒီလူတွေကို လွှတ်ပေးဖို့အတွက် ကျွန်တော်တို့ ဆွေးနွေးမှုတွေ အားလုံးကို အတည်ဖြစ်အောင် ဆောင်ရွက်ပေးလိမ့်မယ်လို့ ကျွန်တော်တို့က မျှော်လင့်ပါတယ်။ အဲဒီလိုဖြစ်ဖို့ ကတိတည်တည်နဲ့ ဆောင်ရွက်ပေးဖို့ တိုက်တွန်းပြောဆို ချင်ပါတယ်” ဟု ဦးရဲအောင်က အစိုးရအဖွဲ့အား တိုက်တွန်းပြောကြားသည်။
သမ္မတ၏ လွတ်ငြိမ်းချမ်းသာခွင့်ဖြင့် ဒီဇင်ဘာ ၃၁ ရက်တွင် ရန်ကုန်၊ မော်လမြိုင်နှင့် တောင်ကြီးအကျဉ်းထောင်များမှ အကျဉ်းသားငါးဦး၊ အမှုရင်ဆိုင်နေရသူ ၁၂၀ ၀န်းကျင် လွတ်မြောက်ခဲ့ကြောင်းနှင့် နိုင်ငံတစ်ဝန်းရှိ အကျဉ်းထောင်များနှင့် အမှုရင်ဆိုင်နေရဆဲ လွတ်မြောက်လာသူ စာရင်းကို ကောက်ယူဆဲဖြစ်ကြောင်း သိရသည်။
“ကျွန်တော် ၅၀၅ (ခ) နဲ့ တရားစွဲခံထားရပါတယ်။ ဒီနေ့ လွတ်မြောက်မှု အပေါ်မှာတော့ သမ္မတကြီးကို ကျေးဇူးတင်ပါတယ်။ သို့ပေမဲ့ အထဲမှာ ရဲဘော်တွေ အများကြီး ကျန်သေးပါတယ်။ နိုင်ငံရေး အကျဉ်းသားတွေကို ဒီနှစ်ကုန်မှာ အကုန်လွှတ်ပေးမယ်လို့ ပြောသော်ငြားလည်း ပထမ ဖမ်းစဉ်တုန်းက လက်နက်ကိုင် တပ်ဖွဲ့ဝင်တွေကိုလည်း အခြားပုဒ်မတွေနဲ့ ဖမ်းဆီးထားတာ ရှိပါတယ်။ အဲဒီအပေါ်မှာ ကျန်ခဲ့တာတွေလည်း အများကြီးရှိတယ်။ ဒါကိုကြည့်ခြင်းအားဖြင့် သမ္မတကြီးရဲ့ လွတ်ငြိမ်းချမ်းသာခွင့်ဟာ နှစ်တိုကျနေတဲ့ နိုင်ငံရေးသမားသာ အဓိကပါခြင်း ဖြစ်ပါတယ်။ ဒါဟာ အရမ်းမှားယွင်းတယ်လို့ ကျွန်တော်မြင်ပါတယ်။ တကယ်တမ်း လွှတ်ပေးမယ်ဆိုရင် နှစ်အဆက်ဆက်က ဖမ်းဆီးထားတဲ့ ဒီမိုကရေစီရေးအတွက် လက်နက်ကိုင်ဆောင် တော်လှန်တဲ့ ရဲဘော်တွေကို ပုဒ်မမျိုးစုံနဲ့ ဖမ်းဆီးထားတဲ့ အမှုတွေကို လွှတ်ပေးဖို့ တောင်းဆိုချင်ပါတယ်” ဟု လက်ပံတောင်းတောင် အကြမ်းဖက်ဖြိုခွင်းမှု တစ်နှစ်ပြည့်တွင် တရုတ်အလံအား မီးရှို့ဆန္ဒပြခဲ့သူ ကိုတင်ထွဋ်ပိုင်က ပြောကြားသည်။
လက်ရှိတွင် အကျဉ်းထောင်များ၌ နိုင်ငံရေးပုဒ်မများအပြင် အခြားပုဒ်မများဖြင့် ပြစ်ဒဏ်ကျခံနေရသူများ၊ နိုင်ငံရေးပုဒ်မ မပါသော်လည်း နိုင်ငံရေး လှုပ်ရှားမှုများကြောင့် အခြားပုဒ်မများနှင့် ဖမ်းဆီးခံရပြီး ထောင်ကျနေသူများ စုစုပေါင်း ၃၅ ဦး ကျန်ရှိနေသေးပြီး အဆိုပါ ကျန်ရှိနေသူများအား အမြန်ဆုံး လွှတ်ပေးလိမ့်မည်ဟု မျှော်လင့်ထားကြောင်း
ရန်ကုန်မြို့မှ ကချင်ပြည်နယ် လိုင်ဇာမြို့သို့ ငြိမ်းချမ်းရေး လမ်းလျှောက်ခဲ့၍ ပုဒ်မ ၁၈ ဖြင့် ထောင်ကျခဲ့သူ ကိုရန်နိုင်ထွန်းက “ပြည်တွင်းစစ်ကြီး ရပ်စဲဖို့အတွက် ရန်ကုန်ကနေ လိုင်ဇာထိ လမ်းလျှောက်ခဲ့လို့ ပုဒ်မ ၁၈ နဲ့ ထောင်ထဲကို ရှစ်လပြစ်ဒဏ်ပေးခဲ့တာ ဖြစ်ပါတယ်။ အခု အားလုံးအတွက်တော့ ဒါလွတ်ငြိမ်းချမ်းသာခွင့် ဖြစ်လိမ့်မယ်။ ကျွန်တော်တို့ အတွက်တော့ လွတ်ငြိမ်းချမ်းသာခွင့် မဟုတ်ဘူး။ အပြင်မှာရှိတဲ့ ကျွန်တော်တို့ရဲ့ ညီအစ်ကိုတွေရဲ့ ကြိုးစားအားထုတ်မှုရဲ့ ရလဒ်တစ်ခု။ နောက်တစ်ခုက ဒါသမ္မတရဲ့ ကတိတည်ကြည်မှု တစ်ခုလို့ ကျွန်တော်မြင်တယ်။ တရားစီရင်ရေးရဲ့ အားနည်းချက်ကို ဖာထေးတဲ့ လုပ်ရပ်တစ်ခုလို့ ကျွန်တော်မြင်ပါတယ်” ဟု ပြောကြားသည်။
ထို့အတူ အင်းစိန်အကျဉ်းထောင်မှ လွတ်မြောက်လာသူ ကိုအောင်မင်းနိုင်က “အခုလို ပြန်လွတ်လာတာ နိုင်ငံရေး အကျဉ်းသားတွေရဲ့ ကြိုးပမ်းအားထုတ်မှုနဲ့ မီဒီယာတွေရဲ့ ကြိုးစားမှုတွေ အများကြီး ပါပါတယ်။ ပုဒ်မ ၁၈ ဆိုတာက အခြေခံဥပဒေအပေါ် ရောက်နေတယ်။ တရားသူကြီးတွေ ကိုယ်တိုင်ကလည်း အခြေခံဥပဒေကို လေးစားလိုက်နာမှု မရှိပါဘူး။ ပြည်သူကို ဖိနှိပ်တဲ့ ဥပဒေမှန်သမျှ ဆက်ပြီးလည်း ဆန့်ကျင်သွားမှာပါ။ နိုင်ငံရေး သမားတွေဟာ ခေတ်အဆက်ဆက် အစိုးရတွေရဲ့ကစားစရာ အရုပ်တွေ ဖြစ်နေပါတယ်” ဟု ပြောကြားသည်။
နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် ရန်ကုန်အကျဉ်းထောင်မှ လွတ်မြောက်လာသော နိုင်ငံရေး အကျဉ်းသားများကို လာရောက်ကြိုဆိုသော မကွေးဆရာတော် ဦးပါမောက္ခက “နိုင်ငံရေး အကျဉ်းသားတွေကို လွှတ်ပေးတဲ့အပေါ်မှာ ဘုန်းကြီးအနေနဲ့ ၀မ်းမြောက်တယ်။ ကြိုဆိုတယ်။ သမ္မတကြီးကိုလည်း ကျေးဇူးတင်ပါတယ်။ သို့သော်လည်း ဒီပုဂ္ဂိုလ်တွေဟာ အမှန်တကယ်တော့ အကျဉ်းထောင်တွေထဲမှာ ရောက်သင့်တဲ့ ပုဂ္ဂိုလ်တွေ မဟုတ်ပါဘူး။ ၅၀၅ (ခ) တို့၊ ပုဒ်မ ၁၈ တို့ဆိုတာ နိုင်ငံတကာမှာ မရှိတဲ့ ပုဒ်မတွေပါ။ ဒါဟာ ခရိုနီ လူတစ်စု ကောင်းစားရေးအတွက် ရေးဆွဲထားတဲ့ ပုဒ်မတွေပါ။ ဥပမာ ရဲမင်းဦး အမှုဆိုရင် ပြစ်ဒဏ်မချဘဲ အချုပ်ချထားတာ ကိုးလကျော်ရှိနေပါပြီ။ အဲဒီလို လုပ်ရပ်မျိုးဟာ ဒီမိုကရေစီသွားတဲ့ လမ်းကြောင်းမှာ မရှိသင့်ပါဘူး။ မဏ္ဍိုင်ကြီး သုံးရပ်ကလည်း ပြိုလဲနေတယ်။ ဒီမိုကရေစီ ဒီမိုကရေစီလို့သာ ပြောနေကြတယ်။ တကယ်တမ်း ဘာနဲ့အလားသဏ္ဌာန် တူလဲဆိုရင် ဆိတ်ခေါင်းပြပြီး ခွေးသားရောင်းနေတယ်။ ပြောတော့ ဒီမိုကရေစီ၊ လုပ်တော့ အာဏာရှင်။ တိုင်းပြည်နဲ့ပြည်သူရဲ့ မျက်နှာကို ကြည့်မယ်ဆိုရင် အဲဒီ ၅၀၅ (ခ) တို့၊ ပုဒ်မ ၁၈ တို့ကို ဖျက်သိမ်းပါ။ အဲလို မဖျက်သိမ်းဘူးဆိုရင် ယနေ့လွတ်လာတဲ့ ပုဂ္ဂိုလ်သည်ပင်လျှင် မနက်ဖြန် ဟောဒီအကျဉ်းထောင်ထဲကို ပြန်ရောက်လာနိုင်တယ်။ နောက်ပြီးတော့ အဲဒီပုဒ်မတွေကကို မတရားဘူး။ မတရားတဲ့ ဥပဒေတွေနဲ့ မတရားတဲ့ သက်သေတွေခေါ်ပြီး မတရားသဖြင့် ထောင်ဒဏ်ချမှတ်ခြင်းဟာ ဒီမိုကရေစီနဲ့ ဖြောင့်ဖြောင့်ကြီး ဆန့်ကျင်နေပါတယ်။ တိုင်းပြည်ကို အုပ်ချုပ်နေတဲ့သူတွေ၊ လွှတ်တော်အမတ်တွေ ပြည်သူလူထုနဲ့ မိမိနိုင်ငံ ကောင်းစားချင်တယ်ဆိုရင် အမြန်ဆုံး ပြုပြင်ကြပါ၊ ညီညွတ်ကြပါလို့ ဘုန်းကြီးတိုက်တွန်း လိုပါတယ်” ပြောကြားသည်။
နိုင်ငံရေး အကျဉ်းသားများလွှတ်သည့် ဒီဇင်ဘာ ၃၁ ရက်က အင်းစိန်အကျဉ်းထောင်တွင် အခြားပုဒ်မများဖြင့် ကျခံနေရသူများပါ လွတ်ငြိမ်းချမ်းသာခွင့် ရမည်အထင်နှင့် ၎င်းတို့၏ မိသားစုဝင်များလည်း လာရောက်စောင့်မျှော် ခဲ့ကြသည်။
EMG
တိုက်ပွဲအပြင်းအထန် ဖြစ်ပွားပြီးနောက် အာဏာသိမ်းမှုကို နှိမ်နင်းနိုင်ခဲ့ကြောင်း တောင်ဆူဒန်သမ္မတ ပြောကြား
ဒီဇင်ဘာ ၁၄ ရက်တွင် ဆူဒန်မှနေ၍ တောင်ဆူဒန်သို့ ပြန်လည်သွားရောက်ရန် ပြင်ဆင်နေသော တောင်ဆူဒန်ဒေသခံများ (Photo:AFP)
ကမ္ဘာ့သက်တမ်း အနုဆုံးဖြစ်သည့် တောင်ဆူဒန်နိုင်ငံ၏ မြို့တော်တွင် နှစ်ဖက်တပ်များအကြား တစ်ညလုံး တိုက်ပွဲအပြင်းအထန် ဖြစ်ပွားခဲ့ပြီးနောက် အာဏာသိမ်းရန် ကြိုးပမ်းမှုတစ်ရပ်ကို အောင်မြင်စွာ နှိမ်နင်းနိုင်ခဲ့ကြောင်း တောင်ဆူဒန်သမ္မတက ဒီဇင်ဘာ ၁၇ ရက်တွင် ကြေညာခဲ့သည်။
ညသန်းခေါင်ယံအချိန် မတိုင်မီကလေးတွင် မြို့၏အလယ်ဗဟိုနှင့် အလွန်နီးကပ်သော နေရာတွင်ရှိသည့် စစ်တန်းလျားတစ်ခုအတွင်း တိုက်ပွဲစတင် ဖြစ်ပေါ်ခဲ့သည်ဟု သံတမန်များနှင့် မျက်မြင်သက်သေများက ပြောကြားခဲ့သည်။ တိုက်ပွဲဖြစ်ပွားရာတွင် လက်နက်ကြီးများနှင့် စက်သေနတ်များကို အသုံးပြုခဲ့သည်ဟု ဆိုသည်။
ကြောက်လန့်နေသည့် ရာပေါင်းများစွာသော အရပ်သားများသည် ကုလသမဂ္ဂ အဆောက်အအုံ တစ်ခုအတွင်းသို့ ပြေးဝင်ခိုလှုံ ခဲ့ကြသောကြောင့် ကုလသမဂ္ဂက တိုက်ပွဲဖြစ်ပွားမှုအပေါ် လွန်စွာစိုးရိမ်မိကြောင်း ပြောကြားခဲ့သည်။
တောင်ဆူဒန်မြို့တော် တစ်လွှားတွင် နေထိုင်ကြသူများအနက် အချို့သည် အိမ်တံခါးများ အလုံပိတ်လျက် ပုန်းအောင်းနေကြပြီး အချို့က ဘေးလွတ်ရာ နေရာများသို့ ထွက်ပြေးရန် ကြိုးပမ်းနေကြကြောင်း အေအက်ဖ်ပီ သတင်းထောက်တစ်ဦးက သတင်းပေးပို့ခဲ့သည်။ ပြဿနာမျိုးစုံဖြင့် ရုန်းကန်နေရသော တောင်ဆူဒန်နိုင်ငံတွင် ယခုဖြစ်ပွားခဲ့သည့် နောက်ဆုံးအကြမ်းဖက်မှုသည် ယင်းနိုင်ငံ၏ အလွန်စိုးရိမ်ဖွယ် အနေအထားကို စောင့်ကြည့်နေသော အမေရိကန် အစိုးရအား အကြီးအကျယ် သတိပေး နှိုးဆော်လိုက်ခြင်းလည်း ဖြစ်သည်။
ယခုတိုက်ခိုက်မှုအတွက် ဒုတိယသမ္မတ ဟောင်းရိတ်မာချာ၏ သစ္စာခံ တပ်ဖွဲ့ဝင်များကို တောင်ဆူဒန်သမ္မတ ဆယ်လ်ဗာကားက အပြစ်တင်ခဲ့သည်။ မာချာသည် ဇူလိုင်လတွင် အစိုးရအဖွဲ့မှ ထုတ်ပယ်ခံခဲ့ရသူ ဖြစ်သည်။ မာချာက သူ့အတွက် တရားမျှတမှု ရရှိအောင် ပြုလုပ်မည်ဟု ကတိပြု ကြွေးကြော်ထားသူလည်း ဖြစ်သည်။
ဆူဒန်သမ္မတက ရုပ်မြင်သံကြားမှတစ်ဆင့် ပြည်သူများသို့ မိန့်ခွန်းပြောကြားရာတွင် "သင်တို့ရဲ့ အစိုးရက ဂျူဘာမှာ လုံခြုံရေး အခြေအနေတွေကို အပြည့်အ၀ ထိန်းချုပ်ထားပါတယ်။ တိုက်ခိုက်သူတွေ ထွက်ပြေးသွားပြီး သင်တို့ရဲ့တပ်တွေက လိုက်လံချေမှုန်းနေပါတယ်။ တရားမျှတမှုသာ လွှမ်းမိုးရမယ်လို့ ကျွန်ုပ်သင်တို့ကို ကတိပေးပါတယ်" ဟုဆိုသည်။ သူက ညမထွက်ရ အမိန့်ကို ညနေ ၆ နာရီမှ နံနက် ၆ နာရီထိ ထုတ်ပြန်ထားကြောင်းနှင့် နောက်ထပ်အမိန့်များ မထုတ်ပြန်ခင်အထိ ယင်းအတိုင်း ဆက်လက်တည်ရှိနေဦးမည် ဖြစ်ကြောင်းလည်း ကြေညာခဲ့သည်။ မြို့အတွင်း၌ ရှိနေသော သံတမန်တစ်ဦးက သမ္မတတပ်များသည် အဓိက လမ်းဆုံများ၌ နေရာယူထားကြောင်းနှင့် ဂျုဘာလေဆိပ်ကို ပိတ်ထားကြောင်း ပြောကြားခဲ့သည်။
Ref:AFP
ဒီဇင်ဘာ တတိယပတ်အထိ နယ်စပ်တစ်လျှောက်နှင့် တရားမ၀င် ကုန်သွယ်မှုလမ်းကြောင်းများမှ တရားမ၀င် ကုန်ပစ္စည်းတန်ဖိုး စုစုပေါင်း ကျပ် ၇ ဒသမ ၅ ဘီလျံကျော် ဖမ်းဆီးအရေးယူခဲ့
မူဆယ်-မန္တလေး လမ်းကြောင်းတွင် တရားမ၀င် သယ်ဆောင်လာသည့် ပစ္စည်းများအား တွေ့ရစဉ်
ဒီဇင်ဘာ တတိယပတ်အထိ နယ်စပ်တစ်လျှောက်နှင့် တရားမ၀င် ကုန်သွယ်မှု လမ်းကြောင်းများမှ တရားမ၀င် ကုန်ပစ္စည်းတန်ဖိုး စုစုပေါင်း ကျပ် ၇ ဒသမ ၅ ဘီလျံကျော်အား ဖမ်းဆီးအရေးယူခဲ့ကြောင်း တရားမ၀င်ကုန်သွယ်မှု တားဆီးထိန်းချုပ်ရေး ဗဟိုကော်မတီမှ သိရသည်။
တရားမ၀င် ကုန်သွယ်မှုများအား ဖမ်းဆီးရာတွင် မြ၀တီ-ရန်ကုန်လမ်းကြောင်း၊ မူဆယ်-မန္တလေးလမ်းကြောင်း၊ မူဆယ်ထုတ်နှုတ်အင်အား၊ တမူးထုတ်နှုတ်အင်အား၊ တာချီလိတ် ထုတ်နှုတ်အင်အားနှင့် ကန်ပိုက်တီး(OSS) အင်အားတို့မှ ဖမ်းဆီးအရေးယူခဲ့သည့် ထုတ်နှုတ်စုစုပေါင်းဖြစ်ကြောင်း သိရသည်။
တရားမ၀င် ကုန်သွယ်မှုများ လျော့နည်းပပျောက်စေရန်အတွက် ကန့်သတ်ကုန်ပစ္စည်း စစ်ဆေးရေးဂိတ်များအား ရုပ်သိမ်းခြင်း၊ လုပ်ထုံးလုပ်နည်းများ၊ အခွန်အခများ ဖြေလျှော့ပေးခြင်းများကို ဆောင်ရွက်ပေးခဲ့သော်လည်း တရားဝင်ကုန်သွယ်မှု တန်ဖိုးမှာ သိသာစွာ တိုးတက်လာခြင်း မရှိသည့်အတွက် ၂၀၁၂ ခုနှစ် နိုဝင်ဘာ ၁ ရက်မှစ၍ Mobile Team အဖွဲ့များ ဖွဲ့စည်း၍ တရားမ၀င် ကုန်သွယ်မှုများကို ဖမ်းဆီးအရေးယူမှုများ စတင်ပြုလုပ်ခဲ့ခြင်းဖြစ်ကြောင်း သိရသည်။
ယင်းကဲ့သို့ Mobile Team အဖွဲ့များမှ ဖမ်းဆီးမှုများ ပြုလုပ်ရာတွင် အရက်၊ ဘီယာ၊ ကျောက်စိမ်း၊ စက်သုံးဆီနှင့် ဖုန်းဟန်းဆက် စသည့်ကုန်စည်များကို အများဆုံး ဖမ်းဆီးရမိခဲ့ပြီး နယ်စပ်တစ်လျှောက်ရှိ ရှောင်ကွင်းလမ်းများမှတစ်ဆင့် ကုန်သွယ်မှုများ ပြုလုပ်ခဲ့ခြင်းဖြစ်ကြောင်း သိရသည်။
လမ်းကြောင်းအလိုက် တရားမ၀င် ကုန်သွယ်မှုများအား ဖမ်းမိရာတွင် မူဆယ်-မန္တလေးလမ်းကြောင်းမှ တရားမ၀င် ကုန်သွယ်မှုတန်ဖိုး အများဆုံးဖြစ်ပြီး ကျပ် ၃ ဒသမ ၅ ဘီလျံကျော်ဖိုး ရှိခဲ့ကြောင်း သိရသည်။
လှုပ်ရှားရှာဖွေ တားဆီးစစ်ဆေးရေးအဖွဲ့ (Mobile Team) များက တရားမ၀င် ကုန်သွယ်မှုများကို နယ်စပ်ကုန်သွယ်ရေး လမ်းကြောင်းအပြင် ရန်ကုန်အပြည်ပြည်ဆိုင်ရာ လေဆိပ်နှင့် ဆိပ်ကမ်းများတွင်လည်း စစ်ဆေးအရေးယူမှုများ ပြုလုပ်နေပြီဖြစ်ကြောင်း သိရသည်။
ယခုဘဏ္ဍာနှစ်အတွင်း နိုင်ငံသား လုပ်ငန်းရှင်များက ဟိုတယ်၊ ခရီးလုပ်ငန်း ကဏ္ဍတွင် ကျပ် ၂၅၇ ဘီလျံကျော် ၀င်ရောက်မြှုပ်နှံထားပြီး ပမာဏအများဆုံး ကဏ္ဍဖြစ်
Star Sapphire Hotel ကုမ္ပဏီမှ BOT စနစ်ဖြင့် ငှားရမ်းလုပ်ကိုင်ခွင့် ရခဲ့သည့် ထားဝယ်မြို့ရှိ မြေနေရာအား တွေ့ရစဉ် (ဓာတ်ပုံ-ဖြိုးဇင်-ထားဝယ်)
ယခုဘဏ္ဍာနှစ်အတွင်း နိုင်ငံသား လုပ်ငန်းရှင်များက ဟိုတယ်နှင့် ခရီးသွားလာရေး လုပ်ငန်းကဏ္ဍတွင် ကျပ် ၂၅၇ ဘီလျံကျော် ၀င်ရောက်မြှုပ်နှံမှု ပြုလုပ်ထားပြီး မြှုပ်နှံမှုပမာဏ အများဆုံးကဏ္ဍအဖြစ် ရပ်တည်နေကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနမှ သိရသည်။
ဟိုတယ်နှင့် ခရီးသွားလာရေးလုပ်ငန်း ကဏ္ဍတွင် နိုင်ငံသား လုပ်ငန်းရှင်များ မြှုပ်နှံမှု ဆက်တိုက်ပြုလုပ်ခဲ့ပြီး ယခင်က မြှုပ်နှံမှုများခဲ့သည့် ကုန်ထုတ်လုပ်မှုကဏ္ဍနှင့် အခြားဝန်ဆောင်မှုလုပ်ငန်း ကဏ္ဍများတွင် မြှုပ်နှံမှုပမာဏ ထက်ကျော်လွန်ကာ ၀င်ရောက်မြှုပ်နှံမှု ပြုလုပ်ခဲ့ခြင်းဖြစ်သည်။
သို့သော် ကုန်ထုတ်လုပ်မှု ကဏ္ဍမှာ တတိယအများဆုံး ၀င်ရောက်မြှုပ်နှံသည့် ကဏ္ဍအဖြစ် ရပ်တည်နေပြီး ဒုတိယနေရာ၌ အခြားဝန်ဆောင်မှု လုပ်ငန်းကဏ္ဍနှင့် ဆောက်လုပ်ရေး၊ စွမ်းအင်၊ အိမ်ခြံမြေကဏ္ဍတို့တွင်လည်း ၀င်ရောက်မြှုပ်နှံမှု များခဲ့ကြောင်း သိရသည်။
ဟိုတယ်နှင့် ခရီးသွားလာရေးလုပ်ငန်း ၀န်ကြီးဌာနက ထုတ်ပြန်ချက်အရ ပြည်နယ်နှင့်တိုင်းအလိုက် လိုင်စင်ရဟိုတယ် အလုံးပေါင်း ၈၃၄ လုံးရှိကြောင်း သိရပြီး မြန်မာနိုင်ငံ ရင်းနှီးမြှုပ်နှံမှု ကော်မရှင်အနေဖြင့်လည်း ရန်ကုန်တိုင်းဒေသကြီး၊ မန္တလေးတိုင်းဒေသကြီးနှင့် တနင်္သာရီတိုင်း ဒေသကြီးတို့တွင် နိုင်ငံသားလုပ်ငန်းရှင်များ မြှုပ်နှံလုပ်ကိုင်မည့် ဟိုတယ်စီမံကိန်း ခုနစ်ခုကို ၂၀၁၃ ခုနှစ်အတွင်း ထပ်မံခွင့်ပြုပေးခဲ့ကြောင်း သိရသည်။
လုပ်ကိုင်ခွင့်ရရှိခဲ့သည့် နိုင်ငံသားပိုင် ကုမ္ပဏီများမှာ Shwe Taung Development ကုမ္ပဏီ၊ Taw Win Family Construction ကုမ္ပဏီ၊ Max(Myanmar) Hotel ကုမ္ပဏီ၊ Star Sapphire Hotel ကုမ္ပဏီ၊ Win & Win Family Construction ကုမ္ပဏီ၊ Grand Park Hotel ကုမ္ပဏီနှင့် Ayeyarwaddy Resorts and Lodges တို့မှ BOT စနစ်ဖြင့် နှစ်ရှည်ငှားရမ်း၍ ဟိုတယ်တည်ဆောက်ခြင်းအပြင် ကိုယ်ပိုင်မြေ၀ယ်ယူ၍ တည်ဆောက်ခြင်းများကို ပြုလုပ်မည်ဖြစ်ကြောင်း သိရသည်။
မြန်မာနိုင်ငံသို့ ခရီးသွားဝင်ရောက်မှုမှာ ၂၀၁၀ ပြည့်နှစ်နောက်ပိုင်းမှစ၍ နှစ်စဉ်မြင့်တက်မှုရှိနေပြီး ၂၀၁၄ ခုနှစ်တွင် ခရီးသွားဦးရေ သုံးသန်းအထိ တိုးတက်ဝင်ရောက်နိုင်ရန် ဟိုတယ်နှင့် ခရီးသွားလာရေးလုပ်ငန်း ၀န်ကြီးဌာနမှ လျာထားပြီး မြန်မာနိုင်ငံတွင် နိုင်ငံသား လုပ်ငန်းရှင်များနည်းတူ နိုင်ငံခြား လုပ်ငန်းရှင်များကလည်း ၀င်ရောက်မြှုပ်နှံမှုများရှိကြောင်း သိရသည်။
တရုတ်တွင် ပြတ်သွားသောလက်ကို မူလနေရာ၌ မဆက်နိုင်သေးမီ ခြေထောက်၌ တပ်ဆင်
ဒီဇင်ဘာ ၄ ရက်က ချန်ရှာဆေးရုံ၌ ရိုက်ကူးခဲ့သောပုံတွင် ရှောင်ဝေ၏ လက်ပြတ်ကို ခြေထောက်၌ တပ်ဆင်ထားသည်ကို တွေ့မြင်ရစဉ်
တရုတ်နိုင်ငံမှ ဆရာဝန်များသည် လူတစ်ယောက်၏ ပြတ်သွားသောလက်ကို တစ်လကြာ ရှင်သန်နေအောင် ထိန်းထားရန်အတွက် ခြေထောက်တွင် တပ်ဆင်ထားခဲ့ကြောင်း ဒီဇင်ဘာ ၁၇ ရက်တွင် သတင်းတစ်ပုဒ်က ဖော်ပြသည်။
ရှောင်ဝေဟုသာ အမည်လွှဲဖြင့် ဖော်ပြသော အသက် ၂၅ နှစ်အရွယ်ရှိ လူတစ်ဦးသည် တရုတ်နိုင်ငံ အလယ်ပိုင်း ဟူနန်ပြည်နယ် ချန်တီမြို့တွင် လွှစက်ကို အသုံးပြုစဉ် ညာဘက်လက်ကို မတော်တဆ ဖြတ်မိခဲ့သည်။ လက်ပြတ်သွားသည့် နေရာတွင် ဒဏ်ရာသည် ကြီးမားလွန်းသောကြောင့် လက်ကိုမူလနေရာတွင် ချက်ချင်းပြန်ဆက်ရန် မဖြစ်နိုင်ပေ။ ထို့ကြောင့် ဟူနန်ပြည်နယ်မြို့တော် ချန်ရှာမှ ခွဲစိတ်ဆရာဝန်များသည် ပြတ်နေသည့်လက်ကို ခြေထောက်ရှိ ဖနောင့်အထက်နားတွင် တပ်ဆင်ပေးကာ အနာကျက်အောင် ပြုလုပ်ခဲ့သည်။
ပြတ်သွားသော ခြေလက်များသည် အခြေအနေရပ်များပေါ်တွင် မူတည်လျက် နာရီပေါင်း အတန်ကြာအတွင်း သွေးထောက်ပံ့မှု ရရှိအောင် ဆောင်ရွက်ပေးနိုင်ပါက ပြန်လည်ရှင်သန်နိုင်သည်။
ယခုလ အစောပိုင်းတွင် ဆရာဝန်များသည် လက်ကိုခြေထောက်မှ ပြန်ဖြတ်ယူကာ မူလနေရာတွင် အောင်မြင်စွာ ပြန်လည်တပ်ဆင် ပေးနိုင်ခဲ့ကြောင်း Xiaoxiang Morning Herald က ဖော်ပြခဲ့သည်။ ယင်းကဲ့သို့ လက်ကိုပြန်လည် တပ်ဆင်မှု ပြုလုပ်ရာတွင် ကိုးနာရီ ကြာခဲ့သည်ဟု ဆိုသည်။
သို့သော် ရှောင်ဝေအနေဖြင့် လက်၏လုပ်ငန်းဆောင်တာများကို ပြန်လည်ရရှိအောင် နောက်ထပ်ခွဲစိတ် ကုသမှုများစွာနှင့် နာလန်ထကုထုံးများ ခံယူရဦးမည်ဟု ဆရာဝန်များက ပြောကြားခဲ့သည်။
ရုရားတွင် အသေခံ ဗုံးဖောက်ခွဲမှုများကြောင့် သေဆုံးသူ ၃၃ ဦးထိ မြင့်တက်လာ၊ ကျူးလွန်သူများကို ဥပဒေနှင့်အညီ ရှာဖွေဖမ်းဆီးသွားမည်ဟု ပူတင်ကတိပြုခဲ့
ဗော်ဂိုဂရပ်မြို့တွင် အသေခံကားဗုံးခွဲမှုကြောင့် လျှပ်စစ်ဘတ်စ်ကား အပျက်အစီးကို ပြည်ထဲရေးဝန်ကြီးဌာနက ဒီဇင်ဘာ ၃၀ ရက်တွင် ထုတ်ပြန်ခဲ့သော ဓာတ်ပုံ (Photo:AFP)
ရုရှားနိုင်ငံတောင်ပိုင်း ဗော်ဂိုဂရပ်မြို့၌ ဗုံးဖောက်ခွဲမှု နှစ်ကြိမ်ကျူးလွန်ခဲ့သူများကို ရှာဖွေဖမ်းဆီးရာတွင် အပြည်ပြည်ဆိုင်ရာ ဥပဒေနှင့်အညီ ဆောင်ရွက်သွားမည်ဟု ရုရှားသမ္မတ ဗလာဒီမာပူတင်က ဒီဇင်ဘာ ၃၀ ရက်တွင် ကတိပြုခဲ့ကြောင်း ကုလသမဂ္ဂက ထုတ်ပြန်ခဲ့သည်။
ဒီဇင်ဘာ ၂၉ ရက်နှင့် ၃၀ ရက် အစောပိုင်းတွင် ဗုံးဖောက်ခွဲမှု နှစ်ကြိမ်ဖြစ်ပွားခဲ့ပြီး လူ ၃၃ ဦးထက်မနည်း သေဆုံးခဲ့ပြီးနောက် ကုလသမဂ္ဂ အတွင်းရေးမှူးချုပ် ဘန်ကီမွန်နှင့် တွေ့ဆုံဆွေးနွေးခဲ့သည့် ပူတင်က ယခုကဲ့သို့ ကတိပြုခဲ့ခြင်းဖြစ်သည်။ အကြမ်းဖက် တိုက်ခိုက်မှုများကို တိုက်ဖျက်ရာတွင် နိုင်ငံတကာ အသိုင်းအ၀ိုင်းက လက်တွဲဆောင်ရွက်ခဲ့ကြောင်း ပူတင်က မှတ်ချက်ပြုခဲ့သည်။ ထို့ပြင် အဖွဲ့အစည်းဖြင့် ကျူးလွန်သော ရာဇ၀တ်မှုများနှင့် အကြမ်းဖက် တိုက်ခိုက်မှုများကို ပူးပေါင်းတိုက်ဖျက်ရာတွင် ကုလသမဂ္ဂက အရေးပါသော ကဏ္ဍမှ ပါဝင်သင့်ကြောင်းကို ပူတင်က ပြောကြားခဲ့သည်။
ဗုံးဖောက်ခွဲမှု ကျူးလွန်သူများကို တရားခွင်တင်ရာတွင် ရုရှားသည် အပြည်ပြည်ဆိုင်ရာ ဥပဒေဘောင်အတွင်းမှ လုပ်ဆောင်သွားမည်ဟု ပူတင်က ဘန်ကီမွန်ကို အာမခံချက် ပေးခဲ့ကြောင်း ကုလသမဂ္ဂ ပြောခွင့်ရပုဂ္ဂိုလ် မာတင်နစ်ဆာကီက ပြောကြားခဲ့သည်။ ဘန်ကီမွန်ကလည်း တိုက်ခိုက်မှုများအတွင်း သေဆုံးခဲ့သူများအတွက် အလွန်အမင်း ၀မ်းနည်းမိကြောင်း ထုတ်ဖော်ပြောကြားခဲ့ပြီး အကြမ်းဖက် တိုက်ခိုက်မှုများကို တိုက်ဖျက်ရာတွင် နိုင်ငံတကာက အလေးအနက်ထား ပူးပေါင်းဆောင်ရွက်ကြရန် တိုက်တွန်းခဲ့သည်ဟု နစ်ဆာကီက ပြောကြားခဲ့သည်။
ယင်းဗုံးခွဲ တိုက်ခိုက်မှုများကို အဖွဲ့ဝင် ၁၅ နိုင်ငံပါဝင်သော ကုလသမဂ္ဂ လုံခြုံရေးကောင်စီကလည်း ကန့်ကွက်ရှုတ်ချသည့် အစီရင်ခံစာ ထုတ်ပြန်ခဲ့ပြီး ဗုံးဖောက်ခွဲမှု ကျူးလွန်သူများကို တရားခွင်တင်နိုင်ရေးအတွက် ကြိုးပမ်းရာတွင် နိုင်ငံတိုင်းက ရုရှားနှင့် တက်တက်ကြွကြွ ပူးပေါင်းဆောင်ရွက်ရန် တိုက်တွန်းခဲ့သည်။
ဗော်ဂိုဂရပ်၌ ဖြစ်ပွားခဲ့သော အသေခံ ဗုံးဖောက်ခွဲမှုများ၌ ရရှိခဲ့သည့် ဒဏ်ရာများဖြစ် လူနှစ်ဦး ထပ်မံသေဆုံးခဲ့သဖြင့် သေဆုံးသူ ၃၃ ဦးထိ မြင့်တက်လာခဲ့သည်ဟု အရေးပ်ါအခြေအနေ တုံ့ပြန်ဖြေရှင်းရေး ၀န်ကြီးဌာနက ဒီဇင်ဘာ ၃၀ ရက်တွင် ထုတ်ပြန်ခဲ့သည်။ ဖေဖော်ဝါရီ ၇ ရက်တွင် ဆိုချီဆောင်းရာသီ အိုလံပစ်ပြိုင်ပွဲ စတင်ကျင်းပရန် စီစဉ်နေစဉ် ယခုကဲ့သို့ အသေခံဗုံးခွဲမှုများ ဖြစ်ပွားခဲ့ခြင်းဖြစ်သည်။ မြောက်ကော့ကေးဆပ် ဒေသတစ်လျှောက် အစ္စလာမ္မစ်ပြည်နယ် ထူထောင်ရန် ကြိုးပမ်းနေသော စစ်သွေးကြွခေါင်းဆောင် ဒိုကူအူမာရော့သည် ယင်းဒေသ အပြင်ဘက်ရှိ အရပ်သားများကို ပစ်မှတ်ထားတိုက်ခိုက်ရန်နှင့် အိုလံပစ်ပြိုင်ပွဲ ပျက်ပြားစေရန်အတွက် တိုက်ခိုက်ကြရန် အဖွဲ့ဝင်များကို ညွှန်ကြားထားသည်။
ဂျပန်နှင့် စင်ကာပူနိုင်ငံတို့က ကမ်းလှမ်းထားသော ရန်ကုန်ဘူတာကြီး အဆင့်မြှင့်တင်မှု လုပ်ငန်းအတွက် ယခုလအတွင်း တင်ဒါခေါ်ယူမည်
အဆင့်မြှင့်တင်မှု ပြုလုပ်မည့် ရန်ကုန်ဘူတာကြီးအား တွေ့ရစဉ်
ဂျပန်နှင့် စင်ကာပူနိုင်ငံတို့က ကမ်းလှမ်းထားသော ရန်ကုန်ဘူတာကြီး အဆင့်မြှင့်တင်မှု လုပ်ငန်းအတွက် ယခုလအတွင်း တင်ဒါခေါ်ယူသွားမည်ဖြစ်ကြောင်း ရထားပို့ဆောင်ရေး ၀န်ကြီးဌာနမှ သိရသည်။
ယင်းတင်ဒါခေါ်ယူမှုအတွက် မကြာသေးမီက နိုင်ငံတော်က ခွင့်ပြုမိန့်ချထားပေးခဲ့ပြီး လက်ရှိတွင် တင်ဒါခေါ်ယူမှု လုပ်ငန်းများ၏ လိုအပ်ချက်များကို ဂျပန်နိုင်ငံမှ အကူအညီ တောင်းခံထားပြီးဖြစ်ကြောင်း တာဝန်ရှိသူ တစ်ဦးက ဆိုသည်။
“နိုင်ငံတကာ လုပ်ငန်းအဖြစ် လုပ်ဆောင်မယ့်အစီအစဉ် ဖြစ်တာကြောင့် တင်ဒါခေါ်ယူမှုတွေကို စနစ်တကျ လုပ်ဆောင်နေရပါတယ်။ ပြီးတော့ ဂျပန်နိုင်ငံရဲ့ အကူအညီကိုလည်း တောင်းခံထားတယ်။ အခု ဇန်န၀ါရီလအတွင်းမှာ အပြီးသတ် ခေါ်ယူနိုင်အောင်တော့ စီစဉ်ထားပါတယ်” ဟု ရထားပို့ဆောင်ရေး ၀န်ကြီးဌာနမှ တာဝန်ရှိသူတစ်ဦးက ပြောကြားသည်။
၂၀၁၂ ခုနှစ်အတွင်း ကတည်းက စီစဉ်ထားခဲ့သော ရန်ကုန်ဘူတာဝင်းကြီး တစ်ခုလုံးအား နိုင်ငံတကာအဆင့်မီ လုပ်ဆောင်မည့် အစီအစဉ်တွင် ဂျပန်နှင့် စင်ကာပူနိုင်ငံများမှ ကုမ္ပဏီနှစ်ခုစီက လာရောက်တင်ပြခြင်းနှင့် ပြည်တွင်းကုမ္ပဏီတစ်ခုက လာရောက်တင်ပြခြင်းတို့ ရှိခဲ့ကြောင်း ရထားပို့ဆောင်ရေး ၀န်ကြီးဌာနမှ သိရသည်။
သို့သော် နိုင်ငံတကာအဆင့်မီ လုပ်ဆောင်မည်ဖြစ်သည့်အတွက် ပြည်ပကုမ္ပဏီများသို့သာ လုပ်ကိုင်ခွင့်ကို ပြုသွားမည်ဖြစ်ပြီး ကုန်ကျမည့်ငွေမှာလည်း အမေရိကန်ဒေါ်လာ သန်းနှင့်ချီ ကုန်ကျနိုင်မည်ဖြစ်သောကြောင့် ပြည်တွင်းကုမ္ပဏီများကို လုပ်ကိုင်ခွင့် မပေးခဲ့ခြင်းဖြစ်ကြောင်း ရထားပို့ဆောင်ရေး ၀န်ကြီးဌာနမှ ရုံးအဖွဲ့မှူး ဦးဝင်နောင်က ပြောကြားသည်။
အဆင့်မြှင့်တင်မှု ပြုလုပ်မည့် ရန်ကုန်ဘူတာကြီးတွင် နိုင်ငံတကာ စံနှုန်းနှင့်အညီ လူနေအဆောက်အအုံများ၊ အပန်းဖြေအနားယူနိုင်မည့် ပါဝင်သည့် Public Service နေရာများ အများစု ထည့်သွင်းလုပ်ကိုင်မည် ဖြစ်ကြောင်းနှင့် ရထားလမ်းကြောင်း၊ ရထားပို့ဆောင်ရေး စနစ်မှာလည်း အဆင့်မြင့်သွားမည်ဖြစ်ကြောင်း သိရသည်။
အရှုံးပေါ်နေသည်ဟု ဆိုထားသော ရထားပို့ဆောင်ရေး ကဏ္ဍအတွက် ရန်ကုန်ဘူတာကြီးကို ပြည်ပပုဂ္ဂလိကသို့ လုပ်ကိုင်ခွင့်ပေးခဲ့ခြင်းဖြစ်ပြီး၊ လက်ရှိတွင်လည်း ရန်ကုန်-မန္တလေးနှင့် ရန်ကုန်မြို့ပတ် ရထားလိုင်းများတွင် ကြော်ငြာလုပ်ငန်းနှင့် ဖျော်ဖြေရေးလုပ်ငန်းများကို ပြည်တွင်လုပ်ငန်းရှင်များအား လုပ်ကိုင်ခွင့် ပြုသွားမည်ဖြစ်ကြောင်း ထုတ်ပြန်ထားသည်။
လက်ရှိတွင် မြန်မာ့မီးရထား ကဏ္ဍတွင် ဂျပန်နိုင်ငံနှင့် ကဏ္ဍအသီးသီး၌ ပူးပေါင်းလုပ်ဆောင်ခြင်းနှင့် ချေးငွေများရယူခြင်းတို့ ပြုလုပ်နေပြီး၊ ရန်ကုန်-မန္တလေး ရထားလမ်းပိုင်း အဆင့်မြှင့်တင်ခြင်း လုပ်ငန်းနှင့် ရန်ကုန်မြို့ပတ် ရထားတွဲများကို အဲယားကွန်းရထား၊ အဆင့်မြှင့်ရထားတို့ အစားထိုးပြေးဆွဲမှုများ ပြုလုပ်နေသည့်အပြင် ပြည်တွင်းလုပ်ငန်းရှင်များသို့ ရန်ကုန်မြို့ပတ် အပါအ၀င် အခြားရထားလိုင်းများကိုလည်း လုပ်ကိုင်နိုင်ရန်အတွက် စီစဉ်နေကြောင်း သိရသည်။
သီလ၀ါ အထူးစီးပွားရေးဇုန်အဖြစ် မြေဧက ၆၀၀၀ နီးပါး သတ်မှတ်ခဲ့ပြီး MEC ၏ ဖန်ချက်စက်ရုံနှင့် သွပ်ပြား၊ ဖိနပ်စက်ရုံများကို ချန်လှပ်မြေအဖြစ် ခွင့်ပြုခဲ့
သီလ၀ါစက်မှုဇုန် တစ်နေရာအား ၂၀၁၃ ခုနှစ်အတွင်း တွေ့ရစဉ် (ဓာတ်ပုံ-မင်းသီဟဇော်)
သီလ၀ါ အထူးစီးပွားရေးဇုန်အဖြစ် မြေဧက ၆၀၀၀ နီးပါးအား နယ်နိမိတ် သတ်မှတ်ခဲ့သော်လည်း ယင်းနယ်နိမိတ်အတွင်း မြန်မာစီးပွားရေး ကော်ပိုရေးရှင်း (MEC) ၏ ဖန်ချက်စက်ရုံ၊ သွပ်ပြားစက်ရုံ၊ ဖိနပ်စက်ရုံများကို ချန်လှပ်မြေအဖြစ် ခွင့်ပြုပေးခဲ့ကြောင်း သိရသည်။
သီလ၀ါ အထူးစီးပွားရေးဇုန် နယ်နိမိတ်သတ်မှတ်ခြင်းကို ပြည်ထောင်စုသမ္မတ မြန်မာနိုင်ငံတော် ပြည်ထောင်စု အစိုးရအဖွဲ့က အမိန့်ကြော်ငြာစာ ထုတ်ပြန်ပြီး ၂၀၁၃ ခုနှစ် စက်တင်ဘာလ အတွင်းက သတ်မှတ်ပေးခဲ့ခြင်းဖြစ်ကြောင်း သိရသည်။
ယင်းသို့သတ်မှတ်ရာတွင် ရန်ကုန်တိုင်းဒေသကြီး၊ ရန်ကုန်တောင်ပိုင်းခရိုင် အတွင်းရှိ နယ်နိမိတ် တိုင်းတာပြီးစီးမှု အမှတ်ပေါင်း ၁၇၉ ခုဖြစ်သည့် နယ်မြေဧရိယာ စတုရန်း ကီလိုမီတာအားဖြင့် ၂၃ ဒသမ ၄၂၂၁ (ဧရိယာ အကျယ်အ၀န်းအားဖြင့် ၅၇၈၇ ဒသမ ၇၁၈ ဧက) ကို သီလ၀ါ အထူးစီးပွားရေးဇုန်အဖြစ် သတ်မှတ်လိုက်ခြင်းဖြစ်သည်။
မြန်မာစီးပွားရေး ကော်ပိုရေးရှင်းမှာ ကာကွယ်ရေး ၀န်ကြီးဌာနအောက်ရှိ စီးပွားရေးလုပ်ငန်းစု တစ်ခုဖြစ်ကြောင်း သိရသည်။
သီလ၀ါ အထူးစီးပွားရေးဇုန်အဖြစ် သတ်မှတ်ခဲ့သည့် နယ်နိမိတ်အတွင်း (MEC) ၏ ဖန်ချက်စက်ရုံ၊ သွပ်ပြားစက်ရုံ၊ ဖိနပ်စက်ရုံများ အပါအ၀င် ဌာနဆိုင်ရာ၊ အဖွဲ့အစည်း၊ ရပ်ကွက်များနှင့် ဘာသာရေး အဆောက်အအုံများ အသုံးပြုထားသည့် အ၀န်းအ၀ိုင်းများ တည်ရှိရာ ၁၃၄၅ ဒသမ ၆၄၄ ဧကကို ချန်လှပ်ထားရမည်ဟု ထည့်သွင်းဖော်ပြထားကြောင်း သိရသည်။
ယင်းသို့ ချန်လှပ်ရာတွင် မြန်မာစီးပွားရေး ကော်ပိုရေးရှင်း၏ ဖန်ချက်စက်ရုံနှင့် စက်မှုဝန်ကြီးဌာန၏ ဓာတ်ဘူးစက်ရုံ၊ စက်မှုဝန်ကြီးဌာန၏ ဓာတ်အားခွဲရုံ၊ စက်မှုဝန်ကြီးဌာန၏ စက်ရုံတည်ဆောက်ရန် လျာထားမြေ၊ မြန်မာစီးပွားရေး ကော်ပိုရေးရှင်း၏ သွပ်ပြားစက်ရုံနှင့် ဖိနပ်စက်ရုံ၊ စက်မှုဝန်ကြီးဌာန၏ ထုပ်ပိုးစက်ရုံနှင့် အထည်ချုပ်စက်ရုံများ၊ သီလ၀ါဆည်၊ ရေကြောင်းတက္ကသိုလ်၊ ရေကြောင်းတက္ကသိုလ်အဆောင်၊ အေးမြသီတာရပ်ကွက်၊ ရွှေပြည်သာယာရပ်ကွက်၊ ဖန်ချက်တောရကျောင်း၊ ဖလမ်းကန်ဦးကျောင်း၊ ဖလမ်းရွာဦး ဘုရားလေးကျောင်း၊ သီလ၀ါ ကုန်းတန်းတောရကျောင်း၊ ခရစ်ယာန်ရှိခိုးကျောင်း၊ ဟိန္ဒူဘုရားကျောင်းတို့ ပါဝင်ကြောင်း သိရသည်။
သီလ၀ါ အထူးစီးပွားရေးဇုန်သည် ရန်ကုန်မြို့၏ အရှေ့တောင်ဘက် ကီလိုမီတာ ၂၀ ခန့်အကွာတွင် တည်ရှိသည်။ သီလ၀ါ အထူးစီးပွားရေးဇုန် စီမံကိန်းကို ပထမအဆင့် ဧရိယာနှင့် ဒုတိယအဆင့် ဧရိယာဟု ပိုင်းခြားသတ်မှတ်ထားကာ ပထမအဆင့် ဧရိယာကို ပထမဦးစားပေး ဆောင်ရွက်သွားမည်ဖြစ်ကြောင်း သိရသည်။
ထိုသို့ ပထမဦးစားပေး ဆောင်ရွက်ရခြင်းမှာ ယင်းဧရိယာသည် ရန်ကုန်မြို့နှင့် ပိုမိုနီးကပ်ခြင်း၊ မြေမှာလည်း တစ်ဆက်တစ်စပ်တည်း ရှိခြင်းနှင့် လိုအပ်သည့် အခြေခံ အဆောက်အအုံများ တည်ဆောက်ရန် ကောင်းမွန်ခြင်းတို့ကြောင့် ရွေးချယ်ခဲ့ခြင်းဖြစ်ကြောင်း သိရသည်။ သီလ၀ါ အထူးစီးပွားရေးဇုန် ပထမအဆင့် စီမံကိန်း ဧရိယာအား ဂျပန်ကုမ္ပဏီများ၏ ရင်းနှီးမြှုပ်နှံမှုဖြင့် အကောင်အထည် ဖော်သွားမည်ဖြစ်ကြောင်း သိရသည်။
Subscribe to:
Posts (Atom)
