မိန်းမယူပြီးမှ ချီးစားစုန်း မှန်းသိ၍ ပြန်ကွာရှင်းခဲ့ရသူ

လွန်ခဲ့သော နှစ် ၅၀ ခန့်  (ခန့် မှန်းခြေသာ ) .. မြစ်ဝကျွန်းပေါ်ဒေသ ဧရာဝတီ တိုင်း ၊ (အင်းရဲ ကြီး - အင်းရဲလေး ) ကြားရှိရွာလေး တစ်ခုဖြစ်ပြီး ငါးများပေါများစွာ ထွက်ရှိရာ ရွာလေးဖြစ်ပါသည်…
ထို ရွာတွင် တောင်ယာ စိုက်ပျိုးလုပ်ကိုင်သူများလည်း ရှိပါသည်.. ထိုရွာတွင် ကိုဖိုးမောင်တို့  ဇနီးမောင်နှံ ကို တော့ ၄င်းတို့ ရွာ၏ စံပြဇနီး မောင်နှံဟု ပြောစမှတ်ပြုကြပါသည်…
အဘယ့်ကြောင်းနည်းဟု ဆိုသော် သူတို့ ဇနီးမောင်နှံသည် “မောင်တစ်ထမ်း မယ်တစ်ရွက် ”ဟုသော စကားပုံနှင့်အညီတဦးကိုတစ်ဦးချစ်ခင်ပြီးအလုပ်ကိုကြိုးစားပမ်းစားလုပ်ကိုင်ကြသောကြောင့်ဖြစ်သည်..။
ကိုဖိုးမောင်မှာ တောင်ယာများစိုက်ပျိုးထွန်ယက်ပြီးချိန် တွင် အင်းရဲကြီးသို့ သွားပြီး .. ဖိုးစံမှတ် ဟု နာမည်ကြီးသော အင်းတွင် သွားရောက် အလုပ်လုပ်ကိုင်ပါသည် … (ဖိုးစံမှတ် ( တစ္ဆေများအား ငါးဖမ်းခိုင်းသူ ) အကြောင်းကို အလျင်းသင့်လျင်ဖော်ပြပေးသွားပါမည် .. ။ ) ဆက်ကြရအောင် … ကိုဖိုးမောင်သည် လယ်ယာရိတ်သိမ်းချိန်တွင်ရွာ ကို ပြန်လည်၍ ရောက်ရှိလာပြီး လယ်ရိတ်သိမ်းပါသည် ..။
ထိုသို့ ကိုဖိုးမောင် အင်းရဲကြီးသို့ သွားချိန်တွင် သူ၏ ဇနီးမှာ ဘေးအိမ်ရှိ အပျိုကြီး တို့ ညီအစ်မတို့ အိမ်တွင် ယက်ကန်း ခက်သော အလုပ်ကို လုပ်ကိုင်ပါသည်.. ။
ထိုကဲ့သို့  နေထိုင်လာခဲ့သည်မှာ လက်ထပ်ပြီး ၃ နှစ်ကြာသည် အထိ ရှိပြီဖြစ်သည်…။
ကိုဖိုးမောင်နှင့် ကျနော် ခင်မင်သည်မှာ လည်း ၂ နှစ်ခန့် ရှိပြီ ဖြစ်ပြီး အင်းတွင် အလုပ်လာရောက်လုပ်ကိုင်ရင်း ညီအကို သမျှ ခင်မင်ရင်းနှီးမိခြင်းဖြစ်သည် … ကျနော် က တော့ အင်းရဲလေးဘက်မှာနေထိုင်တာပါ …
လယ်ယာရိတ်သိမ်း ချိန် သို့ ရောက်ရှိလာချိန် တွင် ကို ဖိုးမောင် သည် ရွာပြန်ဖို့ အကြောင်းဖန်လာခဲ့ ပါပြီ… ကျနော် ကတော့ လူပျို လူလွတ်မို့  ရွာ မပြန်ဘဲ ကိုဖိုးမောင်တို့ ရွာကို အလည်လိုက်ခဲ့ပါသည် …
ထိုရွာကလေးသည် အတော်ကို သာယာပါသည် .. ရွာထိပ်တွင် လူငါးယောက်ဖက်စာလောက်ရှိသော ပညောင်ပင်ကြီး တစ်ပင်ရှိပြီး နွယ်ပင်ကဲ့သို့ သော အမျှင်များ ထူထပ်စွာ ကျရောက်နေပါသည် …
ကိုဖိုးမောင်၏ဇနီးနာမည်မှာ မယ်မှုံဖြစ်ပြီး ရုပ်ရည် မှာ ရွက်ကြမ်းရေကျို ရုပ်ရည်မျိုးဖြစ်ပြီး ခန္ဓာကိုယ်တည်ဆောက်ပုံကတော့ အချိုးကျလှပါသည် ..။
ကိုဖိုးမောင်တို့ ရွာကိုရောက်ပြီး ၂ ရက်ခန့် အကြာ ထိုနေ့ ကလပြည့်ည.. အိုက်စပ်စပ်နှင့်ခြင်များ ကလည်း ကိုက်လှသည်… အချိန်ကတော့ သန်းခေါင်ကျော်ကျော် မိုးမလင်း တလင်းလောက်ရှိပြီထင်… အင်း အိမ်ရှေ့ ကွက်ပျစ်လေးတွင် သွားရောက်ထိုင်ပြီး ဆေးလိပ်ဖွာရန် နောက်ဖေး မီးချောင်သို့ မီးခြစ်သွားအယူ… ကိုဖိုးမောင်တို့ အိပ်ခန်းကို အမှတ်တမဲ့ကြည့်လိုက်မိသည် ..
အား……လာ..လားးးးးးးးးးး ကိုဖိုးမောင်သည်.. ခေါင်းမရှိ ခန္ဓာ ကိုယ်ကြီးကို ဖတ်ပြီး အိပ်နေပါလား….. ကျနော့် ခေါင်းရှိ ဆံပင်မွှေးများ ထောင်သွားပြီး ကြက်သီးများဖျဉ်း ခနဲ ထသွားပါသည် ….
ကျနော့ အတွက် တော်တော့်ကိုတုန်လှုပ်နေပါသည် .. ဒီရွာမှ ထွက်ပြေးလျှင်ကောင်းမလား…. အင်း… လမ်းမှာ ခေါင်းပြတ်နေတဲ့ “ ချီးစားစုန်းမ နဲ့ တွေ့ ရင် ” မဖြစ်သေးပါဘူး ကိုဖိုးမောင် ကို နှိုးမှ ဖြစ်မယ် …
“ကိုဖိုးမောင်…ဟေ့လူ ထထ … ခင်ဗျား မိန်းမကို ကြည့်ပါဦး …. ” ကိုဖိုးမောင် လန့် သွာပြီး ထပြေးပါသည် …ပြီးတော့ ကျနေ်ာ့ ကိုဘယ်လိုလုပ်ကြမလဲ ဟုမေးသည် … ထိုမိန်းမ၏ခေါင်းမှာ ပြတ်သွားသလိုမျိုး တုံးတိကြီးဖြစ်ပြီး…သွေးတော့မှမရှိပေ..
ကျနော် စဉ်းစားမိတာ တခုရှိပြီ… ကျနော် မီးဖိုချောင်ထဲသို့ ဝင်သွားပြီး တရော်ကင်ပွန်း ခေါင်းလျှော်ရည် စိမ်ထားသော ဇလုံကြီး ကို ၄င်း မိန်းမ အနားသို့ ယူလာပြီး တရော်ကင်ပွန်းများ သုတ်လိမ်းလိုက်ပါသည် ..
ထိုအချိန်တွင် စူးဝါးစွာအော်သံကို အိမ်အနောက်ဖက် မန်ကျည်းပင်အောက်မှကြားလိုက်ရပြီး .. ကျနေ်ာ ဆင်းကြည့်လိုက်တော့ … မီးလုံးကြီးတစ်လုံး လေပေါ်မှာ ပျံလာတာကိုတွေ့ လိုက်ရတယ် … ကျနေ်ာလည်း ကြောက်ပြီး အိမ်ပေါ်ကိုတက်ပြေးပြီး ကိုဖိုးမောင်ကို ပြောပြပါတယ် … ထိုမီးလုံးကြီးမှာ … အိမ်ထဲသို့ မဝင်ဘဲ အိမ်တံခါးဝမှာ တဝဲလည်လည် လုပ်နေပါတယ်…. ကျနေ်ာနှင့်ကို ဖိုးမောင် အတင်းပြေးဆင်းပြီး အော်ပါတော့သည် …. ထိုအချိန်တွင် ဘေးအိမ်မှလူများ နိုးလားကြပြီးကြည့်ကြပါတော့သည်…
ချီးစားစုန်းမ မှာ ၄င်း၏ ခန္ဓာကိုယ် တွင် တရော်ကင်ပွန်းများ သုတ်လိမ်းထား၍ တပ်မရဘဲဖြစ်နေပါသည်… အိမ်ရှေ့  နှင့် အိမ်ပြင် တွင် ၄င်းမီးဝင်းဝင်းတောက်နေသော ခေါင်းပြတ်ကြီးမှာ ဝင်လိုက်ထွက်လိုက်နှင့်ရှိနေပါသည် ..။
မိုးလည်းလင်းတော့မည် …. ဘေးမှသူများက ဂရုဏာ သက်ဝင်လာပြီး ထိုသုတ်လိမ်းထားသော တရော်ကင်ပွန်း များ ကို သုတ်ပေးရန်ပြောလာကြပါသည် … ထိုရွာသားများထဲမှ သတ္တိ ခပ်ကောင်းကောင်း ယောကျာင်္း ၃ယောက်ခန့်  က ထို စုန်းမ ကို မောင်းထုတ်ပြီးအိမ်ပေါ်သို့  တက်ရောက်ကာသုတ်လိမ်းထားသော တရော်ကင်ပွန်း များကို အဝတ်တခုဖြင့် ဖယ်ရှားပေးလိုက်ပါသည် ..
ထိုအခါ ကျမှ ၄င်းစုန်းမသည် … သူက ခန္ဓာကိုယ်တွင် ပြန်လည်တပ်ဆင်၍ ရသွားပါသည် ..
ကိုဖိုးမောင်လည်း ထိုမိန်းမကို ဆက်မပေါင်းဝံ့တော့ဘဲ…ကျနော်တို့ ရွာကို အပြီးလိုက်လာပါတော့သည် ..
နောက်ပိုင်းကြားရသော သတင်းများအရ ထိုရွာမှ သူများက သူတို့ ၏ ကလေးများကြောက်လန့်မည် စိုးသောကြောင့် ရွာ အပြင်သို့ မောင်းထုတ်လိုက်ကြောင်း ကြားသိရပါသည် …။
ထိုဖြစ်ရပ်သည် အဖွား ၁၆ နှစ်သမီး အရွယ်တွင် အဘိုး(အဖွား၏အဖေ) ပြောပြခဲ့ဖုးသော သူတွေ့ ကြုံခဲ့ ဖူးသော ချီးစားစုန်း မ တစ်ယောက် အကြောင်းဖြစ်ပါသည် ..။ ယခုအဘွားသည်အသက် (၇၀) ဝန်းကျင်ခန့် ရှိနေပါပီ … ။

Zuu

Read More

ဖိုးလပြည့် ရုတ်တရက် ကွယ်လွန်

နေပြည်တော်၊ ဒီဇင်ဘာ ၁၃

မန္တလေးတိုင်းဒေသကြီး၊ သာစည်မြို့နယ်၊ သပြေ၀ကျေးရွာနေ ကျော်မျိုးသူ(ခ)ဖိုးလပြည့်(၂၀)နှစ်သည် အင်းလည်ကျေးရွာမှ မုံချောင်းကျေးရွာသို့ ရွာချင်းဆက်မြေနီလမ်း ခင်းရန်အတွက် မြေနီကျင်းအား အတွင်းလှိုက်တူးရာမှ မြေပြို၍မြေပိသေဆုံးနေကြောင်းတွေ့ရှိရသဖြင့် ဓမ္မတာအတိုင်းသေဆုံးခြင်းဟုတ်/မဟုတ်စစ်ဆေးရန် ဘော်နယ်မြေရဲစခန်း သေမှုသေခင်းအမှတ်စဉ် (၁/၂၀၁၃)ဖြင့် အမှုဖွင့်စစ်ဆေးလျက်ရှိကြောင်း သတင်းရရှိသည်။

Read More

ဘင်္ဂလားဒေ့ရှ် အတိုက်အခံ ခေါင်းဆောင် ကြိုးပေးစီရင်

ကြိုးပေးကွပ်မျက်ခံလိုက်ရတဲ့ အတိုက်အခံခေါင်းဆောင်ရဲ့ ရုပ်အလောင်း သယ်ဆောင်လာတယ်လို့ ယူဆရတဲ့ အရေးပေါ်လူနာတင်ယာဉ်ကား ထောင်တွင်းမှ ထွက်လာစဉ်။

စစ်ရာဇ၀တ်မှုနဲ့ ပြစ်ဒဏ်ချမှတ်ထားတဲ့ ဘင်္ဂလားဒေ့ရှ် အတိုက်အခံခေါင်းဆောင် တယောက်ကို သူ့ရဲ့ နောက်ဆုံးအချိန် အသနားခံစာကို တရားရုံးချုပ်က ပယ်ချခဲ့ပြီး နာရီပိုင်းအကြာမှာပဲ ကြာသပတေးနေ့က ကွပ်မျက်လိုက်ပါတယ်။ ဘင်္ဂလားဒေ့ရှ် ဒေသစံတော်ချိန် ၁၀ နာရီ ၁ စက္ကန့်မှာ Abdul Qader Mollah ကို ကြိုးပေးကွပ်မျက်လိုက်တဲ့အကြောင်း ဘင်္ဂလားဒေ့ရှ် အရာရှိတွေက အတည်ပြုပါတယ်။

ခုလို ကွပ်မျက်မှုနဲ့ ပတ်သက်လို့ တင်းမာမှုတွေ ရှိနေတာကြောင့် မြို့တော်မှာ လုံခြုံရေး တင်းတင်းကျပ်ကျပ် ချထားတဲ့အကြောင်း ဒါကာမှာရှိတဲ့ ဗွီအိုအေ သတင်းထောက်က ပြောပါတယ်။ မစ္စတာ မိုလာ ရဲ့ Jamaat-e-Islami ပါတီက တနင်္ဂနွေနေ့မှာ တနိုင်ငံလုံး အတိုင်းအတာနဲ့ ဆန္ဒပြပွဲတွေ လုပ်သွားဖို့ တောင်းဆိုထားကြောင်း အေပီသတင်းကလည်း ဖော်ပြပါတယ်။

၁၉၇၀ ခုနှစ် ပါကစ္စတန်လက်အောက်ကနေ လွတ်လပ်ရေး ရယူခဲ့တဲ့ ဘင်္ဂလားဒေ့ရ်ှစစ်ပွဲ ကာလတွေအတွင်း မစ္စတာ မူလန်အနေနဲ့ စစ်ရာဇ၀တ်မှုတွေ ကျူးလွန်ခဲ့တယ်ဆိုပြီး အမိန့်ချမှတ်ထားတာပါ။

သူ့ကို အခုလို ကွပ်မျက်လိုက်တဲ့ အတွက် ရှေ့လထဲ ရွေးကောက်ပွဲတွေ မတိုင်ခင် နိုင်ငံရေး အကြမ်းဖက်မှုတွေ ထပ်မံ ဖြစ်ပွားလာမှာကို ဝေဖန်သူတွေက စိုးရိမ်နေကြပါတယ်။
VOA

Read More

ကမ္ဘာကျော် ဦးပိန်တံတားကြီး၏ ကြံ့ခိုင်မှုမှာ နောင်သုံးနှစ်ကျော်လျှင် အန္တရာယ် ရှိသည့် အနေအထားသို့ ရောက်ရှိလာနိုင်

မန္တလေးမြို့ အထင်ကရ နေရာတစ်ခု နှင့် ပြည်ပ ခရီးသွားများ လာရောက်မှု များသော ကမ္ဘာကျော် ဦးပိန်တံတား ကြီး၏ ကြံ့ခိုင်မှုမှာ နောင်သုံးနှစ် ကျော်လျှင် အန္တရာယ် ရှိလာနိုင်သည့် အနေအထား သို့ ရောက်ရှိ လာနိုင်သည်ဟု ရှေးဟောင်း သုတေသန နှင့် စာကြည့်တိုက် များ ဦးစီးဌာန မန္တလေးတိုင်း ဒေသကြီး ညွှန်ကြားရေးမှူး ဦးဇော်ဟန်ဦး ထံမှ သိရသည်။

" ကြံ့ခိုင်မှု အတွက် အကြီးစား ပြင်ဆင်မှု တွေကို ပြုလုပ်ခြင်းတော့ တစ်ချိန် တစ်ခါမျှ မရှိခဲ့ပါဘူး ၊ အဲဒီ အတွက် ပြင်ဆင်ဖို့ လိုအပ်ပါတယ် ၊ လတ်တလော အခြေအနေ ကတော့ အန္တရာယ် အဆင့် မရောက်သေး ပါဘူး ၊ နောင်သုံးနှစ် လောက်ကြာရင် တော့ အန္တရာယ် ရှိလာ နိုင်ပါတယ် .... " ဟု ၄င်းက ပြောပြသည်။

ပြင်ဆင်မှု လိုအပ်ချက် အပေါ် မူတည်ကာ လိုက်လံ ပြုပြင်ခြင်း မပြုလုပ် နိုင်သော်လည်း အသေးစား ပြင်ဆင်မှုများ ပြုလုပ်ရန် အတွက် ၀န်ထမ်း တစ်ဦးကို ခန့်ထားကြောင်း ၊ လိုအပ်သော အသေးစား ပြင်ဆင်မှု များကို ပြင်ဆင် ဆောင်ရွက်လျက် ရှိကြောင်း နှင့် လာရောက် လေ့လာသူများ ၊ ပတ်ဝန်းကျင် လူထုကြောင့် ပျက်စီးမှု မဖြစ်စေရန် အတွက်လည်း ပိုစတာများ ၊ သတိပေး တားမြစ်သည့် ဆိုင်းဘုတ်များ ကို လူမြင်သာသော နေရာများတွင် ထားရှိကြောင်း သိရသည်။

အကြီးစား ပြင်ဆင်မှု ပြုလုပ်ရန် အတွက် ငွေကြေး ကုန်ကျမှု များမည် ဖြစ်သောကြောင့် သက်ဆိုင်ရာ တာဝန်ရှိ သူများကို တင်ပြထားကြောင်း ၊ လေ့လာရန် လာရောက်သော သူများထံမှ ရရှိသော ငွေဖြင့် ပြင်ဆင်မှု ပြုလုပ် သွားနိုင်ရန်လည်း တင်ပြ ထားကြောင်း သိရသည်။

ပြည်ပ ခရီးသွားများကို မန္တလေး ၊ အင်းဝ ၊ အမရပူရ သုံးမြို့နယ် သို့ လှည့်လည် ကြည့်ရှုခွင့် နိုင်ငံခြားသား တစ်ဦးလျှင် ငွေကျပ် တစ်သောင်းနှုန်း ကောက်ခံ ဆောင်ရွက်လျက် ရှိကြောင်း ၊ တစ်နေ့လျှင် နိုင်ငံခြားသား ဦးရေ ၇၀၀ ၀န်းကျင် ၀င်ရောက်မှု ရှိကြောင်း သိရသည်။

ထိုကဲ့သို့ ပြင်ဆင်မှု များကို ဌာနဆိုင်ရာ မှ ပြင်ဆင်မှု မလုပ်ဆောင် နိုင်သဖြင့် လူမှု ကူညီရေး အဖွဲ့အစည်းများ ၊ သက်ဆိုင်ရာ နယ်မြေများရှိ ပြည်သူများ ၊ ရှေးဟောင်း အမွေအနှစ် မြတ်နိုးသူများ စုပေါင်းကာ ပြင်ဆင်မှု များကို ပြုလုပ်ပါက လျင်မြန်စွာ ပြင်ဆင်မှု များကို ပြုလုပ်နိုင်မည် ဖြစ်ကြောင်း ၊ ထိုကဲ့သို့သော လုပ်ဆောင်ချက် လုပ်ဆောင်သူ များကို ဌာနအနေဖြင့် ကူညီမှုများ ပေးသွားမည် ဖြစ်ကြောင်း သိရှိရသည်။

Read More

“ဒီဇိုင်နာတွေက သူဌေးတွေ မဟုတ်ဘူး”

ဒီဇိုင်နာ ဆန်းဘောက်ရာ (ဓာတ်ပုံ – ဆန်းဘောက်ရာ facebook မှ)

ကချင်တိုင်းရင်းသူ ဒီဇိုင်နာ ဆန်းဘောက်ရာဟာ ၂၀၀၅ ခုနှစ်ကတည်းက စတင်ပြီး Shayi အမည်နဲ့ လက်ဖြစ် အမျိုး သမီး အဝတ်အထည် တွေကို ဖန်တီး ရောင်းချနေသူ ဖြစ်ပါတယ်။ Shayi ဆိုတာ ကချင် ဘာသာ စကားအရ “မိန်းကလေး” လို့ အဓိပ္ပာယ် ရတဲ့အတွက် အဲဒီတံဆိပ်နဲ့ အမျိုးသမီး ဝတ်စုံတွေကိုသာ ထုတ်လုပ် ရောင်းချ တယ်လို့ သိရပါတယ်။ သူ ဒီဇိုင်း ထုတ်လုပ် ရောင်းချတဲ့ဝတ်စုံတွေဟာ ရိုးရာ ဒီဇိုင်းကို အခြေ ခံပြီး ဆန်းသစ် ထုတ်လုပ်ထားတာဖြစ်လို့ လူကြိုက်များကြပြီး သုံးစွဲထားတဲ့ ပိတ်စနဲ့ Accessories တွေအပေါ် လိုက်လို့ တန်ဖိုးအားဖြင့် ကျပ်သောင်းဂဏန်းကနေ သိန်းဂဏန်း အထိ ရှိတယ်လို့လည်း သိရပါတယ်။ ပြည်တွင်းဈေးကွက်မှာ နေရာတနေရာ ခိုင်မာနေပြီဖြစ်တဲ့ Shayi ရဲ့ ဦးဆောင်သူ ဒီဇိုင်နာ မဆန်းဘောက်ရာကို လတ်တလော ခေတ်စားနေတဲ့ ကချင်ရိုးရာအထည် ဖက်ရှင်ရေစီး အကြောင်းနဲ့ မြန်မာနိုင်ငံကနေ နိုင်ငံတကာမှာ သွားရောက်ယှဉ်ပြိုင်ခဲ့တဲ့ Miss ပြိုင်ပွဲတွေမှာ ပရိသတ် ဝေဖန်မှုရှိခဲ့တဲ့ နိုင်ငံ ကိုယ်စားပြု အမျိုးသားဝတ်စုံ ဒီဇိုင်းတွေအကြောင်း၊ ကချင်တိုင်းရင်းသူတဦး ဖြစ်တဲ့အတွက် စစ်ဘေးဒဏ်သင့် ဒေသတွေက သူတို့ ကချင် တိုင်းရင်းသား တွေနဲ့ပတ်သက်လို့ ဧရာဝတီက မေးမြန်းထားပါတယ်။

မေး။ ။ လတ်တလောမှာ အနုပညာရှင် တော်တော်များများကို ကြည့်လိုက်ရင် ပြန်လည်ဆန်းသစ်ထားတဲ့ ကချင် ၀တ်စုံလေးတွေကို တော်တော်များများ ၀တ်လာကြတာတွေ့နေရတယ်။ ဒါဟာ အနုပညာရှင်တွေ အနေနဲ့ ကချင်ဝတ်စုံတွေအပေါ် စိတ်ဝင်စားမှု ပိုလာတယ်လို့ ပြောလို့ရမလား။

ဖြေ။ ။ ရပါတယ်။ အခု ၀တ်နေကြတာပဲလေ။ အနုပညာသမား Customer တွေ ကျမဆိုင်မှာ ရှိနေကြတာပဲ။ အခု Miss ပြိုင်ပွဲတွေမှာ ဆိုလည်း ကချင်ထည်တွေ ၀တ်ဖို့ဆိုပြီး ဂုဏ်ရည်အေးကျော် ဆိုလည်း သူ Miss International သွားပြိုင်ဖို့ အတွက် လုပ်ပေးရဖို့ ရှိတယ်ပေ့ါ။ နောက် ပြီးခဲ့တဲ့ နန်းခင်ဇေယျာတို့ ပွဲလုပ်တုန်းက၊ တခြား Miss တွေ မြန်မာပြည်ကို လာတုန်းက သူလည်း ကချင်ဝတ်စုံ ၀တ်တာပဲပေ့ါ။ ကချင်ဝတ်စုံက တခြားတိုင်းရင်းသား ၀တ်စုံတွေနဲ့ တန်းစီလိုက်ရင်တောင် ထင်းကနဲလင်းကနဲ ဖြစ်စေတာပေ့ါ။ အရမ်း အရောင်စုံ ဖြစ်တာတခုရယ်၊ နောက်ပြီး အရမ်းတန်ဖိုးရှိတယ်။ ကြည့်လိုက်ရင် ငွေထည်တွေ ပါမယ်၊ ဟန်းမိတ်တွေ အများကြီးပါမယ်၊ ပြီးရင် ပိတ်စတွေကအစ ဂျပ်ခုပ်ထည်တွေ ဖြစ်တယ်ဆိုတော့ ဒါက ဒီဇိုင်းတွေ ထူးပြီး မထွင်ထားဘူး ဆိုရင်တောင်မှ ဒီပစ္စည်းတွေနဲ့တင် ဈေးကြီးတဲ့ အရည်အသွေးက သူ့ဘာသာသူ ထွက်နေတာပဲ။ အဲဒါကြောင့်လည်း လူတွေစိတ်ဝင်စားမှု ပိုများလာတယ်လို့ မြင်တယ်။

မေး။ ။ သာမန်လူတန်းစားတွေအနေနဲ့ ကချင်ဝတ်စုံတွေအပေါ် စိတ်ဝင်စားမှု အနေအထားကရော။

ဖြေ။ ။ ကျမရဲ့ Customer က အယောက် ၁၀၀ ရှိရင် ၉၉ ယောက်က သာမန်လူတွေပဲလေ။ တယောက်လောက်သာ အနုပညာရှင် ဖြစ်မယ်။ ၉၉ ယောက်တောင် ပြောလို့မရပါဘူး၊ ၁ ထောင်မှာ ၉၉၉ ယောက်က သာမန်လူတွေ ချည်းပါပဲ။ ကျမရဲ့ Shayi တံဆိပ်ကို စိတ်ဝင်တစားနဲ့ အားပေးပြီး ၀ယ်ယူနေကြတဲ့သူ အကုန်လုံးကတော့ ဒီကချင်ရိုးရာရဲ့အရသာကို ကြိုက်ကြလို့သာ အားပေးနေကြတယ် ဆိုတော့ တလကို ကျမ အင်္ကျီ တသောင်း ရောင်းရတယ်ဆိုရင်၊ ဒါက လူအယောက်တသောင်းက ဒါကို စိတ်ဝင်စားလို့ပေ့ါ။ ကျမ ဆိုင်ကလည်း ရောင်းနေရတာပဲ ၀တ်နေကြတာပဲ ဆိုတော့ သာမန်လူတွေ စိတ်ဝင်စား လို့သာ ဒီဈေးကွက်ကြီးက ရှိနေတာပါ။ နောက် ကျမအထင်ကတော့ ဒီ ကချင်ထည်တွေကို တခြားတိုင်းရင်းသားလူမျိုးတွေရဲ့ အထည်တွေထက် ပိုပြီး ၀တ်လာကြတာ၊ လူတွေအမြင်မှာ ဒီဇိုင်းလှတယ်လို့ မြင်ပြီး ပိုဝတ်ချင်လာတာဟာ ဒီဇိုင်နာတွေကြောင့် ဖြစ်လိမ့်မယ်လို့ ထင်ပါတယ်။ ကျမတို့ တိုင်းရင်းသား မျိုးနွယ်စုတွေထဲမှာ ဒီဇိုင်နာတွေ ရယ်လို့ ထွက်လာတာ မရှိဘူး။ ကျမတို့ ကချင်မှာဆိုရင် ကျမ အပါအ၀င် တခြားကလေးတွေလည်း ရှိသေးတယ်ဆိုတော့ ကျမတို့က မီဒီယာတွေမှာပဲ ဖြစ်ဖြစ်၊ မဂ္ဂဇင်းတွေမှာပဲဖြစ်ဖြစ် ကချင်ထည်တွေကို များများ ဒီဇိုင်းထွင်ပြီး များများချုပ်ပြလေလေ၊ လှတယ်လို့ မြင်လာပြီး လူတွေက လိုက်ဝတ်ချင် လေလေ ဖြစ်မှာပဲ။ အဲဒီအတွက် ဒီဇိုင်နာတွေက တော်တော်ကို တာဝန် ရှိတယ်လို့ ထင်ပါတယ်။ ဒီဈေးကွက်ကြီး ဖြစ်လာဖို့၊ မဖြစ်လာဖို့ဆိုတာပေ့ါ။ ဥပမာ – ချင်း ထည်တွေဆိုလည်း တော်တော် လှတာတွေ ရှိပါတယ်။ ဟန်းမိတ်တွေမှာဆိုလည်း လှတာတွေ ရှိတာပဲ။ ဒါပေမယ့် အဲဒီ ချင်းထည်အတွက်ကို သီးသန့် ဒီဇိုင်နာရယ်လို့ မရှိပါဘူး။ ကျမဆိုရင် နိုင်ငံတကာ ပွဲတွေမှာ ဒီ ကချင်ထည်ကို အဓိကထား ပြပေးတယ်ဆိုတော့ ဈေးကွက် ကနေ ကျမဆီကို Customer တွေ မလာခဲ့ရင်တောင်မှ နီးစပ်ရာတိုင်းမှာ ဒီကချင်ထည်တွေ ချုပ်ဝတ်ကြတယ်။ ဥပမာ – ဈေးထဲမှာဆို ကချင်ထည်တွေ၊ ပိတ်စတွေ ပိုပြီး ရောင်းကောင်း လာတယ် ဆိုတာမျိုးပေ့ါ။ ကျမ ချုပ်ပေးလိုက်ရတာမျိုး မဟုတ်ဘဲ ကျမလုပ်ထားတဲ့ ဒီဇိုင်းကို လူတွေမြင်ပြီး ၀တ်ချင်လာတယ်။ ကျမကတော့ အဲဒီလိုမျိုး မြင်မိတယ်။

မေး။ ။ အခုလို ကချင်ဝတ်စုံတွေကို စိတ်ဝင်တစားနဲ့ အလေးထား ၀တ်ဆင်လာမှုအပေါ် ကချင်တိုင်းရင်းသူ တယောက် အနေနဲ့ ဘယ်လိုခံစားရလဲ။

ဖြေ။ ။ ကျမကတော့ နိုင်ငံခြားက ပစ္စည်းတွေကို အားပေးနေမယ့်အစား၊ ကိုယ့်ပြည်တွင်းဖြစ်ကို အားပေးမယ်ဆိုရင် နိုင်ငံ တခုလုံးရဲ့ စီးပွားရေးနဲ့ ယှဉ်ကြည့်လိုက်ရင် ဒါက အကျိုးရှိပါတယ်။ နောက် လူမျိုးအနေနဲ့ ကြည့်မယ်ဆိုရင်လည်း ကျမတို့ ကချင် ၀တ်စုံကို လူတိုင်းလူတိုင်းက ၀တ်ကြတယ်ဆိုရင် ကချင်ဆိုတာကို မကြားဘူး၊ မသိဖူးတဲ့သူတောင် ဒါကိုတွေ့ရင် ဒါကဘာဝတ်စုံလဲ၊ လှတယ်ဆိုပြီး သိသွားတာပေ့ါ။ အဲဒီအတွက် ကချင်လူမျိုးတယောက်အနေနဲ့လည်း ဂုဏ်ယူတယ်။ တနိုင်ငံလုံးရဲ့ စီးပွားရေးအမြင်နဲ့ကြည့်မယ်ဆိုရင်လည်း သူများနိုင်ငံကို ပိုက်ဆံရောက်သွားမယ့်အစား ကိုယ့်နိုင်ငံမှာပဲ ပြည် တွင်းဈေးကွက်ကြီး ကြီးလာတယ်ဆိုတာက နိုင်ငံရဲ့ စီးပွားရေးအနေနဲ့လည်း ကောင်းတယ်။ ပြည်တွင်းမှာ ဈေးကွက် ကြီးလာလေ၊ ပြည်တွင်းကလူတွေ၊ ၀န်ထမ်းတွေ အလုပ်ရလေပေ့ါ။ အဲဒီလိုမျိုး ဆိုတော့ အကုန်လုံးအတွက် အကျိုးရှိတဲ့ အရာတွေ အများကြီးပါပဲ။ နိုင်ငံတခုလုံး အတွက်လည်း အကျိုးရှိတယ်၊ လူမျိုးတခုလုံး အတွက်လည်း အကျိုးရှိပါတယ်။ ကျမက ကချင် တိုင်းရင်းသူလည်း ဖြစ်တဲ့အတွက်ကြောင့် ကချင်ဝတ်စုံကို လူတွေဝတ်လေ ကျမကတော့ ကြည့်ပြီး ဂုဏ်ယူလေပါပဲ။ အဲဒီအတွက်ကြောင့် ကျမ နိုင်ငံခြားပွဲတွေမှာပဲ ဖြစ်ဖြစ် ပြည်တွင်း ရှိုးမှာပဲဖြစ်ဖြစ်၊ ဒီ ကချင်ထည်ကို ထည့်ဖြစ်အောင် ထည့်ဖို့ ကြိုးစား ပါတယ်။ ဒါကို တန်ဖိုးတက်သထက် တက်အောင်၊ လှသထက်လှအောင် အမြဲကြိုးစားပြီး လုပ်လေ့ရှိပါတယ်။

မေး။ ။ ဧရာဝတီအတွက် သီးသန့် ဓာတ်ပုံရိုက်ထားတဲ့ မော်ဒယ်လ် ဆောင်းဝတ်ရည်မေရဲ့ ၀တ်စုံကိုကော ဘယ်လိုစိတ်ကူးနဲ့ လုပ်ဖြစ်တာပါလဲ။

ဖြေ။ ။ ကျမ အမြဲတမ်း လုပ်နေကျပုံစံ၊ ကြည့်လိုက်ရင် ရိုးရာရဲ့ Taste လည်း မပျက်ဘူး။ ပြီးတော့ ဒါသည် ပွဲလည်း တိုးလို့ရတယ်။ ကြည့်လိုက်ရင် ဒါဟာ Handmade မို့လို့ ဈေးကြီးမှန်းလည်းသိတယ်။ ကျမတို့ရဲ့ ရိုးရာပစ္စည်းတွေက တန်ဖိုး အရမ်းရှိပြီးတော့ လူတွေအမြင်မှာ ၀တ်လို့မရတဲ့ ၀တ်စုံမျိုး မဖြစ်ချင်ဘူး။ ရိုးရာပုံစံလည်း မပျောက်ရဘူး။ သူသည် ထသွားထလာပဲ ၀တ်မလား၊ အဲဒီလိုပုံစံမျိုးလည်း လုပ်ပေးလို့ရတယ်။ ပွဲနေပွဲထိုင် သွားမလား။ ပွဲနေပွဲထိုင်ဆိုတဲ့ နေရာ မှာလည်း Dinner သွားမလား၊ မင်္ဂလာဆောင်ပွဲပဲ သွားမလား။ နိုင်ငံတော်ပွဲပဲ သွားမလား၊ Miss ပြိုင်ပွဲကြီးပဲ ပြိုင်မလား။ ဒီရိုးရာ ပုံစံလေးလည်း မပျက်အောင်၊ သူဝတ်ချင်တဲ့ နေရာအနေအထားနဲ့ အကုန်လိုက်ဖက်အောင်၊ တန်ဖိုး နည်းတာပဲဖြစ်ဖြစ် တန်ဖိုး ကြီးတာပဲ ဖြစ်ဖြစ် နေရာတိုင်းမှာ ရိုးရာပုံစံလေးတွေကို ၀တ်လို့ရအောင် ကျမလုပ်တဲ့ Shayi Brand က အမြဲတမ်း အဲဒီလို ပုံစံမျိုးပဲ သွားလေ့ရှိတယ်။ အခု သူဝတ်ထားတဲ့ ဂါဝန် အတိုလေးဆိုရင် ဟိုတယ်ပွဲဆိုလည်း တက်လို့ရပြီး နိုင်ငံတော်ပွဲရဲ့ Dinner ပွဲ တခုခုမှာဆိုလည်း သူသွားလို့ရပြီ။ ကြည့်လိုက်ရင် ရိုးရာပုံစံလည်း မပျက်ဘူး၊ ခေတ်လည်းမီတယ်။ တန်ဖိုးရှိရှိ လည်း ၀တ်လို့ရတယ်။

မေး။ ။ ပြီးခဲ့တဲ့ Miss ပြိုင်ပွဲတွေမှာ ဒီဇိုင်နာတွေရဲ့ အားနည်းမှုတွေ ရှိတယ်။ နိုင်ငံတကာနဲ့ ယှဉ်ရတဲ့ Miss တွေကို ဘယ်လို ဒီဇိုင်းမျိုးတွေ ချုပ်ပေးလိုက်တာလဲ ဆိုတဲ့ ပြည်သူတွေရဲ့ ဝေဖန်သံတွေ ညံသွားခဲ့တာ အားလုံးလည်း အသိပါပဲ။ အထူးသဖြင့် နိုင်ငံတနိုင်ငံရဲ့ ရိုးရာကို ချပြရတဲ့ တကယ့် အမျိုးသားဝတ်စုံကို ဖန်တီးပေးမှုတွေအပေါ် အားရကျေနပ်မှုမရှိကြဘူးပေါ့။ ဆိုတော့ … ဒါတွေက ဒီဇိုင်နာတွေရဲ့ ဖန်တီးမှုအပိုင်း အားနည်းချက်တွေလား။ ဒါမှမဟုတ် ဘယ်လို အကြောင်းအရာတွေက နိုင်ငံရဲ့ ရိုးရာဝတ်စုံကို နိုင်ငံတကာက လူတွေအမြင်မှာ “ဟာ” ကနဲ ဖြစ်သွားအောင် မချပြနိုင်ရလဲဆိုတာ ဒီဇိုင်နာ တယောက် အနေနဲ့ ဘယ်လို သုံးသပ်ချင်ပါလဲ။

ဖြေ။ ။ မြန်မာလူမျိုးတွေမှာ နည်းနည်း ရှေးရိုးစွဲတာတွေ၊ ရှေးရိုးဆန်တာတွေ ရှိတယ်ပေါ့။ ဆီးဂိမ်းနဲ့ ပတ်သက်တာပဲ ဖြစ်ဖြစ်၊ ကျမတို့ တိုင်းရင်းသား ၀တ်စုံတွေကို လုပ်ရတယ်။ အဲဒီမှာ ၀တ်စုံတစုံ ဖန်တီးဖို့ဆိုရင် ကျမတို့မှာ အဆင့်ဆင့် ၀န်ကြီးကို အကြိမ်ကြိမ် ပြရတယ်။ ပြီးတော့ ကချင်ဆိုရင်လည်း ကချင်တိုင်းရင်းသား စာပေ ယဉ်ကျေးမှုတွေရှိတယ်။ တိုင်းရင်းသား စာပေယဉ်ကျေးမှု ဘက်ကအစ အဆင့်ဆင့်စစ်ပြီးတော့ ဒါဆိုရင် ဘယ်လိုလုပ်ရမယ်၊ ဒါဆိုရင် ဘယ်လိုဆိုတာမျိုးတွေ ရှိတယ်။ ကျမတို့ဆီမှာ အဲဒီလိုမျိုး ရှေးရိုးစွဲနေတဲ့ လူကြီးတွေက ရှိနေတယ်ဆိုတော့ မြန်မာ ၀တ်စုံတွေဆိုရင် အဲဒီလိုမျိုး မထွင်တာ ဖြစ်လိမ့်မယ်။ ဒါက ကျမတို့ ဆီးဂိမ်းမှာ ဒီဇိုင်နာတွေ အကုန် ၀ိုင်းလုပ်ရတဲ့ပွဲမှာ အဲဒါမျိုးကြီးက အရမ်းကြုံရပြီးတော့ ရှေ့ကို မရောက်တော့ဘဲနဲ့ တက်လိုက်ရတဲ့ အဆင့်ဆင့်တွေ။ ဒီဝတ်စုံ တခု ထွက်လာရဖို့ အရေး အတွက်ကိုလေ။

ကျမ ပြောချင်တာက ကျမတို့ ကချင်ဝတ်စုံကို ဆန်းသစ် ပေးပါဆိုရင် ဒါက ဆန်းသစ်ထားတဲ့ ၀တ်စုံလေ။ ရိုးရာအတိုင်း ချွတ်စွပ်လိုချင်ရင် ကျမတို့ ဒီဇိုင်နာတွေ မလိုဘူးလေ။ အင်္ကျီချုပ်တဲ့ သူတွေကို အပ်လိုက်လို့ရတယ်။ သူတို့က ဒီဇိုင်နာရဲ့ ဒီဇိုင်းလည်းပဲ လိုချင်သေးတယ်။ ရိုးရာအတိုင်း ခေါင်းပေါင်းဆိုရင် ဘယ်ဘက်ကို သွားရမယ်၊ အမြိတ်ဆိုရင် ဘယ်လိုချရတယ် ဆိုတာကအစ လိုက်ပြီး ပြောနေတဲ့ဟာတွေက အများကြီးရှိပြီး ကျမတို့ အရမ်းကို ရင်ဆိုင်ပြီး လုပ်ရတဲ့ အပိုင်းတွေ များပါတယ်။ အဲလိုမျိုးတွေ ရှိနေသေးတဲ့ အတွက်ကြောင့်မို့လို့၊ အဲဒီလို နိုင်ငံတော်ပွဲတွေမှာ ကျမတို့ ၀တ်စုံလုပ်ရရင် အခက်အခဲတွေ တော်တော်များများ ရှိပါတယ်။

ကျမဆိုရင် ကချင်ဝတ်စုံကို တော်တော် ကွဲကွဲပြားပြား လုပ်လေ့ရှိတယ်။ ဘာကြောင့်လဲ ဆိုတော့ ကျမတို့ ကချင်ဝတ်စုံက ကျမတို့ဆီမှာ မျိုးနွယ်စုက အများကြီး ရှိတဲ့အတွက်ကြောင့်မို့၊ နိုင်ငံတော် လူကြီးတွေက အဲဒီလောက် အများကြီး ဘယ်သူမှ မသိနိုင်တဲ့ အတွက်ကြောင့်မို့ ကျမကို ဘယ်သူမှ လက်ညှိုးမထိုးနိုင်ဘူး။ မြန်မာဝတ်စုံဆိုရင် Point ၀ိုင်းလုပ်မယ့်သူတွေ အများကြီးပဲ။ ဒီဇိုင်နာတွေက အဲဒီပေါ်မှာလည်း အများကြီး မူတည်ပါတယ်။ လုပ်ရကိုင်ရတာ အရမ်းခက်ပါတယ်။

အခု ဆီးဂိမ်းဆိုရင် ကွင်းထဲမှာ ကတဲ့သူတွေ အကုန်လုံးရဲ့ ၀တ်စုံတွေကို ကျမတို့ ဒီဇိုင်နာတွေ အကုန်လုံးက ၀ိုင်းလုပ် ပေးရတယ်။ အစကတည်းက ဒီဇိုင်နာတွေခေါ်ပြီး လုပ်ခိုင်းတယ် ဆိုကတည်းက သူတို့က ဆန်းသစ်ချင်လို့၊ ဒီဇိုင်း ဆန်းဆန်းလေး လိုချင်လို့ လို့ထင်တယ်။ ဒါပေမယ့် ကျမတို့က ဒီဇိုင်းဆန်းလိုက်ရင် လူကြီးတွေက အကုန် ပြန်ဝေဖန်ပြီး အကုန်ပြန်ပြောင်းခိုင်းတယ်။ ၀တ်စုံတစုံဖြစ်ဖို့ကို ကချင်ဆို ကချင်က လူကြီးတွေ ဆင်းလာတယ်။ ချင်းဆို ချင်းလူကြီးတွေ အကုန်လုံး ရန်ကုန်မှာ အစည်းအဝေး အကြိမ်ကြိမ်ထိုင် ဆုံးဖြတ်ပြီး နောက်ဆုံး သူတို့ရိုးရာ ဘောင်ထဲပဲ ပြန်ဝင်သွားတာပဲ။ အဲဒီလိုမျိုးတွေ အများကြီးရှိတဲ့အခါမှာ ဒီဇိုင်နာတွေ လုပ်ရတဲ့အပိုင်းတွေမှာ အခက်အခဲ အများကြီးရှိပါတယ်။

နောက်တခုက Miss ပြိုင်ပွဲပဲဖြစ်ဖြစ်၊ နိုင်ငံတော်ပွဲ ဆီးဂိမ်းလိုဟာမျိုးပဲ ဖြစ်ဖြစ်၊ အဲဒီအချိန်မှာ ကျမတို့က ဘတ်ဂျက် ကန့်သတ်ချက် အရမ်းရှိတယ်။ ဥပမာ – ကချင်ဝတ်စုံဆိုရင် ငွေမောင်းလည်း ပါရသေးတယ်၊ ကချင်ထမီလည်း ဖြစ်ရ သေးတယ်၊ အင်္ကျီ၊ ခေါင်းပေါင်း ခြေစွပ်လည်း ပါရတယ်။ အဲဒါကို ကျမတို့ကို ဘတ်ဂျက်ချပေးတာ အရမ်းနည်းတယ်။ လုံးဝ မဖြစ်နိုင်တဲ့ ဈေးမျိုး ချပေးတာဆိုတော့ ကျမတို့ ဒီဇိုင်နာတွေက သူဌေးတွေ မဟုတ်ဘူးလေ။ နောက် နိုင်ငံတော်ပွဲ သွားပြိုင်ရတဲ့ Miss တွေဆိုရင် အကုန်လုံး စပွန်ဆာပေးရတာ။ သူများနိုင်ငံမှာ အဲဒီလို စပွန်ဆာပေးရတယ်ဆိုတာ ရှိမယ်မထင်ဘူး။ သူတို့ နိုင်ငံတော်က ပံ့ပိုး ပေးတာလေ။

ကျမတို့ဆိုရင် နိုင်ငံတကာကို ရှိုးသွားပြတာပဲ ဖြစ်ဖြစ်၊ ဘာဖြစ်ဖြစ် နိုင်ငံတော်က ထောက်ပံ့ ပေးတယ်ဆိုတာ ဘယ်တော့မှ မရှိဘူး။ ပိုက်ဆံဆို တပြားမှ ရတယ်ဆိုတာမရှိခဲ့ဘူး။ ၀တ်စုံတခု ကောင်းဖို့ဆိုတာ Creation ကောင်းရုံ၊ Idea ကောင်းရုံနဲ့ မရပါဘူး။ ထောက်ပံ့ပေးရတဲ့ အရာတွေ အများကြီးရှိတယ်ဆိုတော့ ကျမတို့ဆီမှာ ဘောင်က အရမ်း ကျဉ်းလွန်းတဲ့ အခါကျတော့ လုပ်ရကိုင်ရတာ အရမ်းခက်တယ်။ အဲဒီအထဲကမှ ကျမတို့က ရအောင် ထိုးဖောက်ရပါတယ်။

မေး။ ။ ဒီလို နိုင်ငံတနိုင်ငံရဲ့ ရိုးရာတွေကို နိုင်ငံတကာသိဖို့ ချပြရတဲ့ နိုင်ငံတကာပွဲတွေ အတွက်ကိုတောင် ကျမတို့ နိုင်ငံတော် အနေနဲ့ ပံ့ပိုးမှု မရှိတဲ့အပေါ် ဘာပြောချင်ပါသေးလဲ။

ဖြေ။ ။ ကျမတို့က ရိုးနေပြီမို့လို့ ဘာမှ မပြောချင်တော့ပါဘူး။ ကျမဆိုရင် နိုင်ငံတော် ပွဲတွေကို ၂၀၀၉ ကတည်းက သွားရပါတယ်။ ၂၀၀၉ မှာ ပထမဆုံး အာဆီယံပွဲကို မြန်မာ ဒီဇိုင်နာတွေ စလွှတ်ကတည်းက အခု အချိန်အထိ တောက်လျှောက် ပါရတာပေ့ါ။ ပါရတာ၊ သွားရတာ မှန်တယ်၊ ဒါပေမယ့် ဘယ်တုန်းကမှ ဘာမှမရဖူးဘူး။ အခုနောက်ဆုံး ဂျပန်က အာဆီယံဖက်ရှင်ရှိုးပွဲဆိုရင် ကျမတို့သွားရတယ်။ ဘာမှကို မရဘူး။ ထိုင်းကိုသွားရင် ထိုင်းကလူတွေက ဟိုတယ်တွေ ဘာတွေ ပေးတယ်ပေ့ါ။ ဂျပန်သွားရင် ဂျပန်က လူတွေက စီစဉ်ပေးတယ်။ တခါမှ မြန်မာပြည်က ဘာဆိုဘာမှ ထောက်ပံ့ပေးတယ် ဆိုတာ မရှိဘူးလို့ ကျမတို့က ရိုးတောင် ရိုးနေပြီဆိုတော့ ဘာဆို ဘာမှကို မပြောချင်ပါဘူး။ ကျမတို့ တတွေက ကိုယ့်ကချင် ၀တ်စုံကို နိုင်ငံတကာက သိစေချင်လို့ သွားတယ်။ ဒါမျိုးတွေ လုပ်ရတာပေ့ါ။ အဲဒီမှာ ဘာပြန်ရလဲ ဆိုတော့ ကိုယ်ဖြစ်စေချင်တဲ့ ဒီဈေးကွက်ကြီး ကြီးလာတယ်။ ဒါကတော့ ပီတိကိုစား အားရှိ၏ပေ့ါ။ ကျန်တာကတော့ ကျမတို့အတွက် အကျိုးအမြတ်ဆိုတာ ဘယ်တုန်းကမှ ဘာမှကို မရခဲ့ပါဘူး။

မေး။ ။ ကချင်ရိုးရာတွေကို ပြန်ပြီး ဆန်းသစ်တဲ့ နေရာမှာရော မဆန်းဘောက်ရာ အနေနဲ့ တာဝန်ကြီးတယ်လို့ ခံစားမိလား။

ဖြေ။ ။ ကျမကတော့ ဒီကချင်ဝတ်စုံကိုပဲ စိတ်ဝင်စားပြီး ဒီဇိုင်းလုပ်မယ် ဆိုတဲ့အခါမှာ ဒီ ကချင်ဝတ်စုံအကြောင်းကို သေချာ သိတဲ့သူ ဖြစ်တယ်ပေ့ါ။ ပြီးတော့ ကျမ ငယ်ငယ်ကတည်းက ထိတွေ့လာတဲ့အရာ ဖြစ်တယ်ဆိုတော့ ဒါသည် ပွဲတက်ရင် ၀တ်ရတယ်၊ ဒါမျိုးသည် မင်္ဂလာဆောင်မှာ ၀တ်ရတာဖြစ်တယ်၊ ဒါသည် ခေါင်းမှာထားရတယ်၊ ဒါသည် ခြေထောက်မှာထားရတယ်ဆိုတာကို ကျမကို သင်ပေးစရာမလိုဘဲ သိပြီးသား ဖြစ်တဲ့အတွက်ကြောင့်မို့လို့ ကျမအတွက်က ထူးပြီး သတိထားစရာ မဟုတ်ဘူးပေ့ါ။ ကျမအတွက်ကတော့ တာဝန်မကြီးပါဘူး။

ဒီလို ၀တ်စုံဒီဇိုင်းတွေကို လုပ်ရတာကိုပျော်တယ်။ ပြီးတော့ ခုနကပြောခဲ့သလိုပဲ ရိုးရာပုံစံ အစစ်ကိုလိုချင်ရင် ရိုးရာပုံစံပဲယူလေ။ ဒါက ဒီဇိုင်နာရဲ့ ဆန်းသစ်ထားတဲ့ အ၀တ်အစားဖြစ်လို့ ခေါင်းမှာ ထားတဲ့အရာကို ကျမက ခြေထောက်မှာ သွားမတပ်လိုက်ရင် ပြီးရောပေ့ါ။ ကျမအတွက်က ဘယ်တော့မှ ဒီဟာသည် တာဝန်ကြီးတယ်လို့ မခံစားရဘူး။ ဒီဇိုင်းလုပ်သမျှထဲမှာ ကချင်ဒီဇိုင်းလုပ်ရတာ အပျော်ဆုံးပါပဲ။

မေး။ ။ ကချင်ဒီဇိုင်းတွေ ဆန်းသစ်တီထွင်မှုနဲ့ ပတ်သက်လို့ ရိုးရာကို ဖျက်ဆီးပြီး ဆန်းသစ်တယ်လို့ အထင်ခံရတာမျိုး၊ အပြောခံရတာမျိုး ကြုံခဲ့ရတာမျိုးတွေ ရှိခဲ့ဖူးလား။

ဖြေ။ ။ အဲဒီလိုမျိုး မရှိခဲ့ဖူးဘူး။ ကျမတို့ ကချင်လူမျိုးတွေက အချင်းချင်း ချစ်ကြတယ်။ တယောက်က အောင်မြင်လာရင် နောက် တယောက်က လိုက်ပြီး အပုပ်ချတယ်ဆိုတာ မရှိသလောက် ရှားတဲ့အတွက်ကြောင့်ပါ။ မြန်မာနိုင်ငံမှာ ကချင်လူမျိုးက လူနည်းစုလည်း ဖြစ်တဲ့အတွက်ကြောင့် တယောက်က ထွန်းပေါက်လာပြီ ဆိုရင် တယောက်က လိုက်ပြီး Appreciate လုပ်ပေးဖို့ပဲ ၀ိုင်းပြီး စဉ်းစားကြတာ။ အပြင်က လူတွေကျတော့ ကချင်ဒီဇိုင်းကို ဒါက ရိုးရာနဲ့ မကိုက်ညီဘူးလို့ ပြောရအောင် သူတို့က ဒီရိုးရာအကြောင်း သိတာ မဟုတ်ဘူးလေ။ ကချင်လူမျိုးတွေပဲ ရိုးရာအကြောင်းသိတယ်။ ခုနက ကျမပြောသလိုပဲ ခေါင်းမှာ တပ်ရမယ့်ကိစ္စကို ခြေထောက်မှာ မတပ်ဘူးလေ။ ဆိုတော့ … ပြောစရာကြီးလည်း အဲဒီလောက်အထိ ရှိမနေပါဘူး။ ကျမအထင်တော့ ကျမကိုယ်တိုင် မကြားခဲ့ရဖူးသလို၊ သူများပြောတာလည်း မရှိဘူးလို့တော့ ထင်တာပဲ။ ကျမ နောက်ကွယ်မှာ ပြောကြရင်တော့ မသိဘူးပေ့ါ။

မေး။ ။ လက်ရှိ မြန်မာနိုင်ငံမှာလည်း ကချင်ပြည်နယ်က မပြီးသေးတဲ့ စစ်မီးတွေနဲ့ ပတ်သက်လို့ မဆန်းဘောက်ရာရဲ့ အမြင်ကို သိချင်ပါတယ်။

ဖြေ။ ။ ကျမဆိုရင် အခုလောလောလတ်လတ် တင်ပဲ အဲဒီ ဒေသကနေ ပြန်ရောက် ထားတာလေ။ စစ်ဖြစ်တဲ့ နေရာတို့ စစ်ဘေး ဒုက္ခသည်စခန်းတို့ကို တော်တော်များများကို ကျမ အကုန်ရောက်ခဲ့တယ်။ ပြီးခဲ့တဲ့ ၁၀ ရက်နေ့က ဆိုရင် ရှိုးပွဲ သွားလုပ်တယ်ပေ့ါ။ ကချင်ရှိုးပွဲ သွားလုပ်ပြီးတော့ ဒုက္ခသည်စခန်းက ကလေးတွေအတွက် ရံပုံငွေ ရှာပေးခဲ့ပါတယ်။ ပြီးရင် ကျမ ရန်ကုန်မှာလည်း ရံပုံငွေရှာတဲ့ပွဲလေး ထပ်လုပ်ဖို့ရှိတယ်ဆိုတော့ ကျမတို့က စစ်ဖြစ်တာနဲ့ပတ်သက်လို့ နိုင်ငံရေးကတော့ သိပ်နားမလည်ပေမယ့် ကိုယ့်လူမျိုးကို ထိရင်တော့ ဘယ်သူမှ မကြိုက်ဘူး။ ဘယ်သူမှတော့ မခံချင်ဘူး။ စိတ်ဆင်းရဲရတာ မျိုးတော့ ရှိတာပေ့ါ။ ကျမကတော့ ကျမတို့ လူမျိုးတွေ ဒုက္ခရောက်နေတာကို ထိုင်ပြီး လက်ပိုက် ကြည့်နေမှာတော့ မဟုတ်ဘူး။ တတ်နိုင်သလောက် ကတော့ ကိုယ်က ရန်ပုံငွေ ရှာပေးတာပဲ ဖြစ်ဖြစ်၊ ကျမတို့ ကိုယ်တိုင် ကိုယ်ကျ သွားပြီးတော့ စိတ်ဓာတ် ရေးရာ အားပေးခဲ့တာပဲ ဖြစ်ဖြစ်၊ ကျမကတော့ စစ် စဖြစ်ကတည်းက ကျမတို့ စပြီးလုပ်ခဲ့တယ်။ အခုချိန်ထိလည်းလုပ်တယ်။ နောက်လည်း လုပ်မှာပါပဲ။ သေနတ် မကိုင်ရုံတမယ်ပဲ။ ကျန်တာတော့ ကျမတို့ အကုန်လုံး လုပ်မှာပါပဲ။

မေး။ ။ ကချင် တိုင်းရင်းသူ တယောက်အနေနဲ့ ဒုက္ခသည်စခန်းက ကချင်တိုင်းရင်းသားတွေ ကိုယ်စား ဘာပြောချင်ပါ သလဲ။

ဖြေ။ ။ ကျမတို့ ကချင်တိုင်းရင်းသားတွေက ဘုရားသခင်ကို ယုံကြည်တဲ့ ခရစ်ယာန် ဘာသာဝင်တွေ ဖြစ်တဲ့အတွက်ကြောင့် မို့လို့ ဒီအချိန်မှာတော့ အားလုံးကို သည်းခံ၊ ကြိတ်မှိတ် သည်းခံဆိုပြီး ကျမတို့က အချင်းချင်း အားပေးနေကြတယ်။ ဒီအချိန် မှာတော့ အားတင်း ထားဖို့ပေ့ါ။ စစ်ဘေး ဒုက္ခသည်စခန်းမှာ စစ်ဘေး ဒုက္ခရောက်နေတဲ့ သူတွေ၊ သူတို့တွေပဲ ဒုက္ခ ရောက်နေတာ မဟုတ်ဘူး။ သူတုို့ ခံစားရသလိုပဲ ကျမတို့ ကမ္ဘာအနှံ့မှာ ရှိနေတဲ့ ကချင်လူမျိုးတွေ အကုန်လုံးရဲ့ ခံစားချက်ကလည်း အတူတူပါပဲ။ သူတို့ကို နှိပ်စက်ရင် ကျမတို့ကို နှိပ်စက်သလိုပဲ ခံစားရတယ်။ အဲဒီအတွက်ကြောင့်မို့လို့ ကျမတို့က ဘယ်တော့မှ ငြိမ်နေမှာ မဟုတ်ဘူး။ တကမ္ဘာလုံးမှာ ရှိနေတဲ့ ကချင်တွေလည်း ငြိမ်နေကြမှာမဟုတ်ဘူး။ အကုန်လုံး ၀ိုင်းပြီးတော့ အကောင်းဆုံးဖြစ်အောင် လုပ်နေကြတယ်ဆိုတော့ ဒုက္ခသည်စခန်းက လူတွေကို ဘာမှ အားငယ်စရာမလိုဘူးလို့ ကျမက ပြောချင်ပါတယ်။ တချိန်ချိန်မှာတော့ ကျမတို့ အလှည့်ရောက်မှာပေ့ါ။

From: ဧရာဝတီ

Read More

ဆား လျော့စားခြင်းက သေချာပေါက် အကျိုးရှိ

ဘာကြောင့်ဆိုတော့ ဆားထဲမှာ ဆိုဒီယမ် (ဆား = ဆိုဒီယမ် ကလိုရိုဒ်)က သွေးပေါင်ချိန် မြင့်တက်တဲ့ နည်းလမ်းနှင့် မဟုတ်ဘဲ အခြားနည်းလမ်း များနှင့် ဦးနှောက် သွေးကြောများ ထိခိုက်ပျက်စီး မှုနှင့် လေဖြတ်ခြင်းကို အားပေး ပါတယ်လို့ မင်နီဆိုဒါ တက္ကသိုလ် သွေးတိုးရောဂါ ဌာန အကြီးအကဲ Dr.louis Tobian က ဆိုပါတယ်။
သင့်မှာ သွေးတိုး အပြင် ကျောက်ကပ် ဒါမှမဟုတ် နှလုံး ပြဿနာများ ရှိနေရင်တော့ ဆားကို သေချာပေါက် လျှော့စား သင့်ပါတယ် လို့ Dr.louis Tobian က သတိပေးလိုက် ပါတယ်။

Read More

ဒေသတွင်း လူကုန်ကူးမှုတိုက်ဖျက်ရေး အစီအစဉ်များ

Friday, 13 December 2013




Written by ၀င်းနိုင်ထွန်း
လူကုန်ကူးမှု တိုက်ဖျက်ရေးဆိုင်ရာ ကုလသမဂ္ဂစီမံချက် အသစ်ဖြစ်သော Action for Cooperation against Trafficking in Persons (ACTIP) ၏ ကာလသည် ၂၀၁၄ ခုနှစ် ဇန်န၀ါရီ ၁ ရက်မှ ၂၀၁၈ ခုနှစ် ဒီဇင်ဘာ ၃၁ ရက်အထိ ဖြစ်သည်။ ထိုငါးနှစ် အစီအမံအသစ်ကို UNDP ကုလသမဂ္ဂဖွံ့ဖြိုးမှု အစီအစဉ်က စီမံခန့်ခွဲသွားမည်ဖြစ်သည်။ထိုစီမံချက်အသစ်သည် ၂၀၀၀ ပြည့်နှစ်မှ ၂၀၁၃ ခုနှစ်ထိUNIAP (United Nation Inter-Agency Project) ၏ မဲခေါင်ဒေသတွင်း လူကုန်ကူးမှုပူးပေါင်းတိုက်ဖျက်မှု အားကောင်းအောင် ဆောင်ရွက်ခဲသည့် အစီအမံ လုပ်ဆောင်ခဲ့မှုများပေါ် မူတည်ကာ ဆက်လက်တိုးချဲ့ လုပ်ကိုင်ဆောင်ရွက်သွားမည့် အစီအစဉ်အသစ်ဖြစ်သည်။

အလားတူ လူကုန်ကူးမှု တိုက်ဖျက်ရေးဆိုင်ရာ အခြားစီမံကိန်းများလည်းရှိနေသည်။လူကုန်ကူးမှုကို ထိရောက်စွာတိုက်ဖျက်ရန် တားဆီးခြင်း၊ တရားစွဲဆိုခြင်းနှင့် လူကုန်ကူးခံရသူများကို အကာအကွယ်ပေးခြင်းလုပ်ငန်း စသည့်ကဏ္ဍများ ကွဲပြားနေသည့်တိုင် ပေါင်းစည်းသည့် တုံ့ပြန်မှုများရှိရန် လိုအပ်သည်။

လူကုန်ကူးမှုတိုက်ဖျက်ရေးဆိုင်ရာ
သြစတြေးလျ-အာရှ အစီအစဉ်

လူကုန်ကူးမှုတိုက်ဖျက်ရေးဆိုင်ရာ သြစတြေးလျ-အာရှအစီအစဉ် (Australia-Asia Program to Combat Trafficking in Persons-AAPTIP) သည် ငါးနှစ်စီမံကိန်း ( ၂၀၁၃-၂၀၁၈) ဖြစ်သည်။ ထိုအစီအစဉ်သည် သြစတြေးလျ၏ ကိုးနှစ်တာ ဒေသတွင်းအတွေ့အကြုံများကို အခြေပြုကာ စီစဉ်ထားခြင်းဖြစ်သည်။ ထိုစီမံကိန်းသည် ကမ္ဘောဒီးယား၊ လာအို၊ မြန်မာ၊ ဖိလစ်ပိုင်၊ အင်ဒိုနီးရှား၊ ထိုင်းနှင့် ဗီယက်နမ်နိုင်ငံတို့၏ လူကုန်ကူးမှု တိုက်ဖျက်ရေးဆိုင်ရာ တရားစွဲဆိုရေးတို့ကို အာရုံစိုက်ဆောင်ရွက်မည် ဖြစ်သည်။

ဒေသတွင်းအဆင့်တွင် လူကုန်ကူးမှု တိုက်ဖျက်ရန်အတွက် ထိရောက်သောပြစ်မှုတရားစီရင်ရေး တုံ့ပြန်မှုများကို အထောက်အကူပြုသည့် ဥပဒေပြုမူဘောင်များ ခိုင်မာစေရေး၊ လူကုန်ကူးအမှုများနှင့် စပ်လျဉ်းသည့် ဒေသတွင်း စုံစမ်းစစ်ဆေးရေးနှင့် တရားစီရင်ရေးဆိုင်ရာ ပူးပေါင်းဆောင်ရွက်မှု ပိုမိုကောင်းမွန်စေရန်၊ မူဝါဒရေးဆွဲခြင်း နှင့် အဆုံးအဖြတ်ပေးခြင်း ကိစ္စတို့အတွက် အထောက်အထားကို အခြေခံသည့်မူများ ကျယ်ပြန့်စွာ ရှိစေရေးတို့ကို အကောင်အထည်ဖော် ဆောင်ရွက်မည်။

နိုင်ငံတော်အဆင့်တွင် လူကုန်ကူးမှု တိုက်ဖျက်ရန် ထိရောက်သော ပြစ်မှုတရားစီရင်ရေး တုံ့ပြန်မှုပေးစွမ်းနိုင်သည့် ဥပဒေအရာရှိများ ပေါ်ပေါက်ရေး၊ လူကုန်ကူးအမှုများကို တရားမျှတစွာနှင့် လျင်မြန်စွာ အမိန့်ချမှတ်နိုင်ရေး၊ ပြစ်မှုတရားစီရင်ရေးလုပ်ငန်းစဉ် တစ်လျှောက်လုံးတွင် ကျူးလွန်ခံရသူများအား အကူအညီအပြည့်အ၀ပေးရေး၊ လူကုန်ကူးမှုများကို ထိရောက်ပြီး တုံ့ပြန်မှုကောင်းသည့် စုံစမ်းစစ်ဆေးမှုများပြုလုပ်နိုင်ရေး စသည်တို့ကို အကောင်အထည်ဖော်ကြလိမ့်မည်။

၂၀၀၃ ခုနှစ်မှစကာ သြစတြေးလျနိုင်ငံသည် ထိုချဉ်းကပ်နည်းသုံးမျိုးဖြင့် ဆောင်ရွက်ခဲ့သည့် အစီအစဉ်ဖြစ်သည်။ သြစတြေးလျနိုင်ငံသည် လူကုန်ကူးမှုအပေါ် ပြစ်မှုဆိုင်ရာတရားစီရင်ရေးစနစ်ဖြင့် တုံ့ပြန်ဆောင်ရွက်ရေးအတွက် ပံ့ပိုးပေးနေသည့် အလှူရှင်တစ်ဦးဖြစ်သည်။ အာရှဒေသဆိုင်ရာ လူကုန်ကူးမှုပူးပေါင်း တားဆီးရေးစီမံချက် (Asia Regional Cooperation to Prevent People Trafficking-ARCPPT, 2003-2006) ဖြင့် လည်းကောင်း၊ အာရှဒေသတွင်း လူကုန်ကူး မှုဆိုင်ရာစီမံချက် (Asia Regional Traffic-king in Persons Project- ARTIP, 2006-2012) ဖြင့်လည်းကောင်း ပံ့ပိုးကူညီပေးခဲ့သည်။

ထိုအစီအစဉ်သည် အာဆီယံအတွင်းရေးမှူးရုံး၊ ဒေသဆိုင်ရာ လူကုန်ကူးမှုတိုက်ဖျက်ရေးဆိုင်ရာ အဖွဲ့အစည်းများ၊ သီးခြားလက်တွဲဖော်နိုင်ငံများနှင့်အတူ ပူးပေါင်းဆောင်ရွက်ကာ၊ အရှေ့တောင်အာရှနိုင်ငံများအသင်း (အာဆီယံ) အားပံ့ပိုး ကူညီသွားမည်ဖြစ်သည်။ AAPTIP ၏ ရည်မှန်းချက်ပန်းတိုင်သည် အာဆီယံဒေသတွင်း လူကုန်ကူးမှုများ ပေါ်ပေါက်စေသည့် မက်လုံးများနှင့် အခွင့်အလမ်းများ လျှော့ချရန်အတွက်ဖြစ်သည်။

ဝေါလ်ဗွီးရှင်း၏ လူကုန်ကူးမှုအဆုံးသတ်ရေးစီမံကိန်း (World Vision's End Trafficking in Persons-ETIP)

ထိုစီမံကိန်းကာလသည် ငါးနှစ် (၂၀၁၁- ၂၀၁၅) ဖြစ်သည်။ လူကုန်ကူးမှုတိုက်ဖျက်ရေးတွင် တိုက်ဖျက်ရမည့် နယ်ပယ်လေးခုရှိရာ ထိုအထဲမှ ကြိုတင်ကာကွယ်ရေး၊ လူကုန်ကူးသူများအား အကာအကွယ်ပေးရေးနှင့် မူဝါဒရေးရာ စသည့်နယ်ပယ်တို့ကို အဓိကအကောင်အထည်ဖော်ဆောင်ရွက်ပေးနေသည်။ မဲခေါင်ဒေသတွင်းရှိ လူကုန်ကူးမှု ပြဿနာများ လျော့ပါးစေရန် ရည်ရွယ်သည်။ ထို့အပြင် လူကုန်ကူးခံရသူများကို လူ့အသိုင်းအ၀ိုင်းသို့ ပြန်လည်ပေါင်းစည်းရေးနှင့် အစိုးရများ၏ လူကုန်ကူးခံရသူများအပေါ် ကာကွယ်စောင့်ရှောက်ရေး မူဝါဒများကိုပါ တိုးတက်ဖြစ်ထွန်းရန် နည်းပညာပိုင်းဆိုင်ရာ အကြံပြုလုပ်ဆောင်ပေးနေသည်။

မဲခေါင်ဒေသတွင်း ရွှေ့ပြောင်းအလုပ်သမားများအပေါ် လုပ်အားခေါင်းပုံဖြတ်မှုမှ အကာအကွယ်ပေးသည့်စီမံချက် (The Tripartite Action to Protect Migrants Workers in the Grater Mekong Sub-region from Labour Explo-itation-the GMS TRIANGLE Project)

ထိုစီမံကိန်းသည် အလုပ်သမားအဖွဲ့အစည်း၊ အလုပ်ရှင်အဖွဲ့အစည်းနှင့် အစိုးရတို့ သုံးဦးသုံးဖလှယ်ပူးပေါင်းကာ ဒေသတွင်း ရွှေ့ပြောင်းအလုပ်သမားအား အကာအကွယ်ပေးရန် ရည်ရွယ်လုပ်ဆောင်နေသည်။ စီမံကိန်းကာလသည် ၂၀၁၀ ပြည့်နှစ်မှ ၂၀၁၅ ခုနှစ်ထိဖြစ်သည်။ ရွှေ့ပြောင်းအလုပ်သမားများ စုဆောင်းခြင်း၊ အကာအကွယ်ပေးခြင်းတို့ဆိုင်ရာ အလေ့အကျင့်ကောင်းများနှင့် မူဝါဒကောင်းများ ဖော်ထုတ်ကာလုံခြုံစိတ်ချရသည့် ရွှေ့ပြောင်းသွားလာရာမှ သိက္ခာရှိသော အလုပ်အကိုင်ရရှိစေရေးတို့အတွက် ရည်ရွယ်သည်။ ကမ္ဘောဒီးယား၊ လာအို၊ မလေးရှား၊ မြန်မာ၊ ထိုင်းနှင့် ဗီယက်နမ်နိုင်ငံတို့တွင် ထိုစီမံကိန်းကို အကောင်အထည်ဖော်ဆောင်ရွက်နေသည်။ မူဝါဒနှင့်ဥပဒေများအား ကောင်းလာစေရန်၊ သက်ဆိုင်သူများအားလုံး အရည်အသွေးများ မြင့်မားစေရန်နှင့် ရွှေ့ပြောင်းအလုပ်သမားများအား အကူအညီပေးရန်တို့ကို ဦးတည်ဆောင်ရွက်နေသည်။

အာဆီယံ သုံးပွင့်ဆိုင်စီမံကိန်း (The ASEAN TRIANGLE Project )

ထိုစီမံကိန်းသည် အာဆီယံဒေသတွင်း ရွှေ့ပြောင်းသွားလာသူများ တရားဝင်စေရန်၊ လုံခြုံစိတ်ချမှုရှိစေရန်နှင့် အကာအကွယ်ပေးမှုများ တိုးမြှင့်ပေးရန်တို့ကို ဆောင်ရွက်ရင်း ရွှေ့ပြောင်းအလုပ်သမားများအပေါ် ခေါင်းပုံဖြတ်မှုများ သိသိသာသာ လျော့ကျစေရေးအတွက်ရည်ရွယ်ကာ လုပ်ဆောင်နေသည်။ ကမ္ဘောဒီးယား၊ လာအို၊ မြန်မာ၊ ထိုင်း၊ ဖိလစ်ပိုင်၊ အင်ဒိုနီးရှားနှင့် ဗီယက်နမ်နိုင်ငံ တို့တွင် ထိုစီမံချက်အား အကောင်အထည်ဖော်ဆောင်မည်ဖြစ်သည်။ ထိုစီမံချက်၏ ရည်မှန်းချက်များသည် အာဆီယံအလုပ်သမားဝန်ကြီးများ၏ လုပ်ငန်းအစီအမံများ ချမှတ်ထားသော မဟာဗျူဟာမြောက်ဦးစားပေး အစီအစဉ်များ (၂၀၁၀-၂၀၁၅) နှင့် ထပ်တူထပ်မျှ ဖြစ်သည်။

MTV Exit

ထိုအစီအစဉ်သည် အရှေ့အာရှနိုင်ငံများမှ လူငယ်များအား လူကုန်ကူးမှုအန္တရာယ်နှင့် ပတ်သက်သည့် အသိပညာပေးရန် အတွက်ရည်ရွယ်သည်။ အသိပညာပေးရာတွင် ဖျော်ဖြေပွဲများ၊ အသံလွှင့်ဌာနများ၊ ကြော်ငြာခြင်းများ၊ မှတ်တမ်းတင်ရုပ်သံလွှင့်မှုများ၊ လူထုဆက်သွယ်ရေးကဏ္ဍ၊ ပြန်ကြားရေးကဏ္ဍ စသည့် နည်းလမ်းမျိုးစုံဖြင့် အသိပညာပေးလျက်ရှိသည်။

အထက်ဖော်ပြပါ စီမံကိန်းများအပြင် IOM's Global Assistance Fund (GAF) နှင့် IOM's Voluntary Return Support and Reintegration Assistance for Bali Process Member States (AVRR) Project တို့သည် လည်း ဒေသတွင်းမှ လူကုန်ကူးခံရသူများကို အကူအညီပေးခြင်း၊ အကာအကွယ်ပေးခြင်း စသည့် လုပ်ငန်းစဉ်များသာမက ပုံမှန်မဟုတ်သော ရွှေ့ပြောင်းသွားလာမှုများဆိုင်ရာ ကိစ္စရပ်များကိုလည်း ကျယ်ကျယ်ပြန့်ပြန့်ဆောင်ရွက်နေကြသည်။

ရွှေ့ပြောင်းသွားလာသူများထဲတွင် အလုပ်အကိုင် သွားရောက်ရှာဖွေကြသူများ သာမက ဒုက္ခသည်များ၊ အိုးအိမ်စွန့်ခွာ ထွက်ပြေးလာကြသူများနှင့် နိုင်ငံမဲ့သူများတို့ပါဝင်ကြသည်။ အရှေ့အာရှဒေသထဲမှ မဲခေါင်ဒေသတွင် ဖြစ်ပေါ်နေသော ရွှေ့ပြောင်းသွားလာမှုနှင့် လူကုန်ကူးမှု၏ပုံစံ၊ ဖြစ်ပျက်ပုံချင်း တူညီကြသည်ကိုတွေ့ရှိရသည်။အရှေ့တောင်အာရှဒေသမှ ရွှေ့ပြောင်းသွားလာသူ အားလုံး ၏ ရာခိုင်နှုန်း ၃၀-၄၀ သည် အထောက်အထားမဲ့သူများနှင့် တရားမ၀င်သွားလာကြသူများဖြစ်ကြသည်။ တရားမ၀င် ရွှေ့ပြောင်းသွားလာမှု အများစုသည် မလေးရှားနှင့် ထိုင်းနိုင်ငံတို့ဆီသို့ ဦးတည်သွားလာနေကြသည်။ ၎င်းင်းနိုင်ငံများသည် ရွှေ့ပြောင်းသွားလာသူများ၏ ခရီးဆုံးနိုင်ငံများဖြစ်နေသည်။ ရွှေ့ပြောင်းသွားလာသူ သုံးသန်းခန့်ရှိမည်ဟု သုတေသီများက ခန့်မှန်းထားကြသည်။ ရွှေ့ပြောင်းသွားလာမှုနှင့် လူကုန်ကူးမှုဖြစ်ပွားမှု တို့ ဆက်စပ်၍လည်း ဒေသတွင်း စီမံကိန်းများ ချမှတ်ဆောင်ရွက်နေကြခြင်းဖြစ်သည်။လူကုန်ကူးမှုနှင့် ရွှေ့ပြောင်းသွားလာခြင်းဆိုင်ရာကိစ္စရပ်များကို ဆောင်ရွက်ကြသည့်အခါ ထိုနယ်ပယ်နှစ်ခု မည်သို့မည်ပုံ ဆက်စပ်မှု ရှိနေသည်ကိုပါ ထည့်သွင်းစဉ်းစားဆောင် ရွက်ရန်လိုသည်ကို တွေ့ရပေသည်။

EMG

Read More

နှစ်နိုင်ငံ တပ်မတော်နှစ်ရပ်ကြား ပူးပေါင်းဆောင်ရွက်မှု တိုးမြှင့်ရေး မြန်မာ-အိန္ဒိယ ဆွေးနွေး

 Thursday, 12 December 2013


ဒုတိယတပ်မတော်ကာကွယ်ရေးဦးစီးချုပ်၊ ကာကွယ်ရေးဦးစီးချုပ် (ကြည်း)ဒုတိယဗိုလ်ချုပ်မှူးကြီး စိုးဝင်းနှင့် အိန္ဒိယကြည်းတပ်ဦးစီးချုပ် ဗိုလ်ချုပ်ကြီး Bikram Singh တို့အား နယူးဒေလီမြို့တွင် ဒီဇင်ဘာ ၁၁ ရက်က တွေ့ရစဉ် (Photo:AFP)

အိန္ဒိယနိုင်ငံသို့ ခြောက်ရက်ကြာခရီး ရောက်ရှိနေသော ဒုတိယတပ်မတော် ကာကွယ်ရေးဦးစီးချုပ်၊ ကာကွယ်ရေးဦးစီးချုပ် (ကြည်း)ဒုတိယဗိုလ်ချုပ်မှူးကြီး စိုးဝင်းသည် အိန္ဒိယတပ်မတော် အရာရှိများနှင့်တွေ့ဆုံကာ နှစ်နိုင်ငံတပ်မတော်နှစ်ရပ်ကြားပူးပေါင်း ဆောင်ရွက်မှုတိုးမြှင့်ရေးဆွေးနွေးခဲ့ကြောင်း အိန္ဒိယမီဒီယာများ၏ ဖော်ပြချက်အရသိရသည်။

ထိုသို့ တွေ့ဆုံရာတွင် နှစ်နိုင်ငံတပ်မတော်နှစ်ရပ်ကြား ပူးပေါင်းဆောင်ရွက်မှု တိုးမြှင့်ရေးသာမက လုံခြုံရေးကိစ္စရပ်များ ကိုလည်း ဆွေးနွေးခဲ့ကြောင်းနှင့် အိန္ဒိယနိုင်ငံ ဖို့တ်ဝီလျံရှိ အရှေ့ပိုင်းတိုင်းစစ်ဌာနချုပ်သို့လည်း သွားရောက်လေ့လာခဲ့ကြောင်း သိရသည်။ ကာကွယ်ရေးဦးစီးချုပ်(ကြည်း)ဒုတိယဗိုလ်ချုပ်မှူးကြီး စိုးဝင်းသည် အိန္ဒိယနိုင်ငံ ဂယာမြို့တွင် ကျင်းပမည့် Officers Train-ing Academy ကျောင်းဆင်းပွဲစစ်ရေးပြ အခမ်းအနားတက်ရောက်ရန် အိန္ဒိယနိုင်ငံသို့ ဒီဇင်ဘာ ၁၀ ရက်က ထွက်ခွာသွားကြောင်း အစိုးရသတင်းစာများက ဖော်ပြခဲ့သည်။

ဒုတိယတပ်မတော် ကာကွယ်ရေးဦးစီးချုပ်၊ ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်း၏ ခရီးစဉ်တွင် ကာကွယ်ရေးဦးစီးချုပ်ရုံး (ကြည်း) မှ တပ်မတော်အရာရှိကြီးများနှင့် မြန်မာနိုင်ငံဆိုင်ရာ အိန္ဒိယ စစ်သံမှူးတို့ လိုက်ပါသွားခဲ့ကြောင်းသိရသည်။

အလားတူ အိန္ဒိယနိုင်ငံနှင့် မြန်မာနိုင်ငံ နှစ်နိုင်ငံရေတပ်ဆက်ဆံမှုများ တိုးမြှင့်နိုင်ရန်အတွက် ကာကွယ်ရေးဦးစီးချုပ် (ရေ) ဒုတိယဗိုလ်ချုပ်ကြီး သူရသက်ဆွေသည် အိန္ဒိယနိုင်ငံသို့ ဇူလိုင်က အလည်အပတ်သွားရောက်ခဲ့ပြီး ခရီးစဉ်အတွင်း မြန်မာ့ရေတပ် အဆင့်မြှင့်တင်နိုင်ရေးအတွက် အိန္ဒိယနိုင်ငံက ရေတပ်လက်နက်များ အကူအညီတောင်းခံခဲ့ကြောင်း သိရသည်။

ယင်းကဲ့သို့ မြန်မာနိုင်ငံမှ တပ်မတော်အရာရှိကြီးများ အိန္ဒိယနိုင်ငံသို့ နှစ်နိုင်ငံ တပ်မတော်နှစ်ရပ်ကြား ပူးပေါင်းဆောင်ရွက်မှုတိုးမြှင့်ရေး သွားရောက်လည်ပတ်မှုများရှိသလို အိန္ဒိယကြည်းတပ်ဦးစီးချုပ် ဗိုလ်ချုပ်ကြီး Bikram Singh သည်လည်း မြန်မာနိုင်ငံသို့ ပြီးခဲ့သည့် အောက်တိုဘာလက လာရောက်လည်ပတ်ခဲ့သည်။

၎င်းင်း၏ မြန်မာနိုင်ငံခရီးစဉ်အတွင်း ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယ ဗိုလ်ချုပ်မှူးကြီးစိုးဝင်းနှင့်လည်း တွေ့ဆုံဆွေးနွေးခဲ့ပြီး အိန္ဒိယ တပ်မတော်မှ မြန်မာ့တပ်မတော်သို့ လေ့ကျင့်ရေးသင်ထောက်ကူ CDR & INFCOTT ဆော့ဝဲလ်ကို လွှဲပြောင်းပေးအပ်ခဲ့သည်။

မြန်မာနိုင်ငံသည် အာဆီယံနိုင်ငံများအနက် အိန္ဒိယနှင့် နှစ်နိုင်ငံနယ်စပ်ရေပိုင်နက် များ ထိစပ်လျက်ရှိသော တစ်ခုတည်းသော နိုင်ငံတစ်နိုင်ငံဖြစ်ပြီး နယူးဒေလီသည် မြန်မာ့တပ်မတော်ကို လေ့ကျင့်ပေးခြင်း၊ လက်နက် ပစ္စည်းများ တပ်ဆင်ပေးခြင်းအစရှိသည့် တပ်မတော်စွမ်းရည်တိုးမြှင့်နိုင်ရေးလုပ်ငန်းများကို အကူအညီပေးလျက်ရှိသည်။

မြန်မာနိုင်ငံသို့ စစ်လက်နက်ပစ္စည်းများ ထောက်ပံ့ပေးရာတွင် ရေကြောင်းကင်းလှည့်လေယာဉ်နှင့် စက်သေနတ်တပ်လှေများမှစ၍ ၁၀၅ မမ အပေါ့စားအမြောက်သေနတ်များ၊ လက်ပစ်ဗုံးလောင်ချာနှင့် ရိုင်ဖယ်များစသည်ထိ ပါဝင်ကြောင်း သိရသည်။ ထို့ပြင် မြန်မာ့စစ်သင်္ဘောများတွင် တပ်ဆင်ရန်အတွက် ရေဒါကဲ့သို့သော အီလက်ထရွန်နစ်စစ်ပစ္စည်းများကိုလည်း အိန္ဒိယနိုင်ငံမှ အကူအညီပေးလျက်ရှိကြောင်းသိရသည်။အိန္ဒိယသည် တရုတ်နိုင်ငံ၏ အင်အားကို ထိန်းညှိနိုင်ရန်အတွက် မြန်မာနိုင်ငံနှင့် သံတမန်ရေး၊ စစ်ရေး၊ စီးပွားရေးကဏ္ဍများ ပူးပေါင်းဆောင်ရွက်မှုကိုတိုးမြှင့်လျက်ရှိပြီး အိန္ဒိယနှင့်မြန်မာနှစ်နိုင်ငံ နယ်နိမိတ်ထိစပ်မှုသည် ၁၆၄၅ ကီလိုမီတာရှိသည်။

EMG

Read More

City Mart ပိုင်ရှင်နှင့် ဆက်နွှယ်နေသော ဂိုဒေါင်တွင် တွေ့ရှိရသည့် ၀ိုင်၊ အရက်များအတွက် တရားဝင် အထောက်အထားမူရင်း သတ်မှတ်ရက်အတွင်း ပြသနိုင်ခြင်း မရှိသဖြင့် ပို့ကုန်၊ သွင်းကုန် ဥပဒေဖြင့် အရေးယူရန် စီစဉ်

Friday, 13 December 2013


တရားမ၀င်ဝိုင်နှင့် အရက်ပုလင်းများ Mobile Team က စစ်ဆေးနေသည်ကို ဒီဇင်ဘာ ၁၂ ရက်က တွေ့ရစဉ်

City Mart ပိုင်ရှင်နှင့် ဆက်နွှယ်မှုရှိသော Premium Food Sevice Products ကုမ္ပဏီမှ ၀ိုင်၊ အရက်တို့ကို တရားမ၀င် တင်သွင်းခဲ့သည့်အတွက် ပို့ကုန်၊ သွင်းကုန် ဥပဒေ ပုဒ်မ ၈ ဖြင့် အရေးယူမှုကို ဒီဇင်ဘာ ၁၂ ရက်က ပြုလုပ်ခဲ့ကြောင်း တရားမ၀င် ကုန်သွယ်မှု တားဆီးထိန်းချုပ်ရေးအဖွဲ့ Mobile Team မှ သိရသည်။

သာကေတ စက်မှုဇုန်ရှိ Premium Food Sevice Products ကုမ္ပဏီမှ လုပ်ကိုင်နေသော ဂိုဒေါင်ကို ဒီဇင်ဘာ ၄ ရက်မှစ၍ ၀င်ရောက် စစ်ဆေးရာ ၀ိုင်ပုလင်း၊ အရက်နှင့် အေးခဲအသားများကို တွေ့ရှိခဲ့ပြီး ကုမ္ပဏီမှ အေးခဲအသားများနှင့် ပတ်သက်သော တင်သွင်းခွင့် အထောက်အထားများကို ပြသနိုင်ခဲ့ပြီး ၀ိုင်၊ အရက်များနှင့် ပတ်သက်၍မူ တရားဝင် အထောက်အထား အပြည့်အစုံကိုမူ သတ်မှတ်ရက် ရှစ်ရက်အတွင်း တစ်စုံတစ်ရာ ပြသနိုင်ခြင်းမရှိ၍ တရားမ၀င်ကြောင်း ပေါ်လွင်ခဲ့ကာ အရေးယူရန် စီစဉ်ခဲ့ခြင်း ဖြစ်ကြောင်း သိရသည်။

ဝင်ရောက်စစ်ဆေးသည့် ရက်မှစ၍ သုံးရက်အတွင်း အထောက်အထားများ မပြသနိုင်သဖြင့် ဒီဇင်ဘာ ၈ ရက်၌ Premium Food Sevice Products ကုမ္ပဏီမှ ဒါရိုက်တာ၊ လက်ရှိ City Mart Holding ကုမ္ပဏီ အုပ်ချုပ်မှု ဒါရိုက်တာ ဒေါ်ဝင်းဝင်းတင့်ထံ အကြောင်းကြားခဲ့ပြီး ၎င်းမှတစ်ပတ်ခန့် အချိန်စောင့်ဆိုင်းရန် မေတ္တာရပ်ခံစာဖြင့် ပြန်လည် အကြောင်းကြားခဲ့ကြောင်း Mobile Team မှ တာဝန်ရှိသူ တစ်ဦးက ပြောကြားသည်။

သို့သော်လည်း တရားမ၀င် ကုန်သွယ်မှု တားဆီးထိန်းချုပ်ရေး ဗဟိုကော်မတီမှ အချိန်တစ်ပတ်ခန့် ပေးရန် မဖြစ်နိုင်သော်လည်း ဒီဇင်ဘာ ၁၂ ရက် ညနေ ၄ နာရီခွဲအထိ သတ်မှတ်ပေးခဲ့ကြောင်း သိရသည်။

ယင်းသတ်မှတ်ထားသည့်အချိန် ရောက်ရှိခဲ့သော်လည်း လာရောက်တင်ပြနိုင်ခြင်း မရှိခဲ့သဖြင့် သွင်းကုန်ပို့ကုန် ဥပဒေပုဒ်မဖြင့် အရေးယူမှု ပြုလုပ်မည်ဖြစ်ကြောင်း သိရသည်။



စစ်ဆေးမှုတွင် တွေ့ရှိထားသော ၀ိုင်းပုလင်း အရေအတွက်နှင့် အေးခဲအသားများမှာ Mobile Team မှ ၀င်ရောက်ရှာဖွေ စစ်ဆေးသည့် ကာလတစ်လျှောက်တွင် အများဆုံးဖြစ်ပြီး ၀ိုင်ပုလင်းများမှာ တန်ဖိုးကြီး အမှတ်တံဆိပ်များဖြစ်ကာ အမေရိကန်၊ ပြင်သစ်၊ အီတလီ၊ သြစတြေးလျ၊ တောင်အာဖရိက နိုင်ငံထုတ်များ ဖြစ်သည်။ လက်ရှိတွင် အဆိုပါ ဂိုဒေါင်အား စစ်ဆေးပြီးစီးခဲ့ပြီဖြစ်ရာ...




စစ်ဆေးမှုတွင် တွေ့ရှိထားသော ၀ိုင်းပုလင်း အရေအတွက်နှင့် အေးခဲအသားများမှာ Mobile Team မှ ၀င်ရောက်ရှာဖွေ စစ်ဆေးသည့် ကာလတစ်လျှောက်တွင် အများဆုံးဖြစ်ပြီး ၀ိုင်ပုလင်းများမှာ တန်ဖိုးကြီး အမှတ်တံဆိပ်များဖြစ်ကာ အမေရိကန်၊ ပြင်သစ်၊ အီတလီ၊ သြစတြေးလျ၊ တောင်အာဖရိက နိုင်ငံထုတ်များ ဖြစ်သည်။ လက်ရှိတွင် အဆိုပါ ဂိုဒေါင်အား စစ်ဆေးပြီးစီးခဲ့ပြီဖြစ်ရာ နိုင်ငံခြားဖြစ် ၀ိုင်ပုလင်းများမှာ အမျိုးပေါင်း ၁၀၀ ကျော်ရှိပြီး အလုံးရေ ၈၇၆၀၀ နှင့် အရက်ပုလင်း ၁၃၀၀ ရှိကြောင်း သိရသည်။

ယင်းဖြစ်စဉ်များ၏ နောက်ဆက်တွဲ အခြေအနေမှာ City Mart Holding လက်အောက်ရှိ City Mart၊ Ocean၊ City Express ဆိုင်များတွင် အရက်၊ ဘီယာ၊ ၀ိုင်ရောင်းချမှုများကို ယာယီရပ်ဆိုင်းလိုက်ကြောင်း City Mart Holding ကုမ္ပဏီအုပ်ချုပ်မှု ဒါရိုက်တာ ဒေါ်ဝင်းဝင်းတင့်က ဒီဇင်ဘာ ၆ ရက်က ပြည်တွင်းမီဒီယာ အချို့ကို ပြောကြားထားကြောင်း သိရသည်။

စီးတီးမတ် အရောင်းဆိုင်များတွင် တစ်ရက်လျှင် အရက်၊ ဘီယာ၊ ၀ိုင်နှင့် စီးကရက် ကျပ်သိန်း ၃၀ ခန့်ရောင်းချ နေရသည်ဟု ဆိုထားပြီး ရန်ကုန်နှင့် မန္တလေးမြို့များတွင် စီးတီးမတ် အရောင်းဆိုင် ၂၀၊ Ocean Super Center၊ City Mart Holding ဆိုင်ခွဲပေါင်း ငါးဆိုင်နှင့် City Express ဆိုင်ခွဲပေါင်း ၂၆ ဆိုင် ဖွင့်လှစ်ရောင်းချ လျက်ရှိကြောင်း သိရသည်။

တရားမ၀င် ကုန်သွယ်မှု တားဆီးထိန်းချုပ်ရေး ဗဟိုကော်မတီသို့ ၂၀၁၃ ခုနှစ် အောက်တိုဘာ ၂၈ ရက် ရက်စွဲဖြင့် သာကေတမြို့နယ်၊ မြမာလာလမ်းရှိ ဂိုဒေါင်တစ်ခု၌ တရားမ၀င် ကုန်ပစ္စည်းများ သိုလှောင်၊ ဖြန့်ဖြူး၊ ရောင်းချနေကြောင်း သတင်းပေးပို့ တိုင်ကြားလာသည့် အတွက် စုံစမ်းစစ်ဆေးမှုများ ပြုလုပ်ခဲ့ပြီး ဒီဇင်ဘာ ၃ ရက်တွင် တိုင်ကြားချက်မှာ ပေါ်လွင်သဖြင့် ဒီဇင်ဘာ ၄ ရက်တွင် ၀င်ရောက်စစ်ဆေးခဲ့ခြင်း ဖြစ်သည်။

Mobile Team အဖွဲ့မှ လက်ရှိစစ်ဆေးနေသော ဂိုဒေါင်မှာ သုံးလအတွင်း ငါးခုမြောက် တိုင်ကြားချက်အရ စစ်ဆေးမှု အပါအ၀င် ယင်းမတိုင်မီ စစ်ဆေးခံခဲ့ရသော စက်ရုံများမှာ ပို့ကုန်၊ သွင်းကုန် ဥပဒေပုဒ်မဖြင့် တရားစွဲဆို ခံထားရကြောင်း သိရသည်။

ပို့ကုန်၊ သွင်းကုန် ဥပဒေပုဒ်မ ၈ ၏ ပြစ်မှုပြစ်ဒဏ်အရ မည်သူမဆို ပုဒ်မ ၅ သို့မဟုတ် ပုဒ်မ ၆ ပါ တားမြစ်ချက်ကို ဖောက်ဖျက်ကျူးလွန်ကြောင်း ပြစ်မှုထင်ရှား စီရင်ခြင်းခံရလျှင် ထိုသူအား သုံးနှစ်ထက်မပိုသော ထောင်ဒဏ်ဖြစ်စေ၊ ငွေဒဏ်ဖြစ်စေ ဒဏ်နှစ်ရပ်လုံးဖြစ်စေ ချမှတ်ခံရမည်ဟု ပြဋ္ဌာန်းထားသည်။
EMG

Read More

တရုတ်-မြန်မာ ကုန်သွယ်မှု ပြုရာတွင် တရုတ်အစိုးရ၏ စီးပွားရေးမူဝါဒ မမျှတသည့်အတွက် ပြုပြင်ရန် တရုတ်အစိုးရသို့ အကြံပြု

Thursday, 12 December 2013


ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်မှ တွဲဖက်အတွင်းရေးမှူး ဦးအေးလွင် အကြံပြု ပြောကြားစဉ်

တရုတ်-မြန်မာ ကုန်သွယ်မှု ပြုရာတွင် တရုတ်အစိုးရ၏ စီးပွားရေး မူဝါဒမှာ မမျှတသောကြောင့် မျှတသည့် ကုန်သွယ်မှု ဖြစ်စေရန်အတွက် တရုတ်အစိုးရ အနေဖြင့် ပြုပြင်ပြောင်းလဲမှုများ ပြုလုပ်ပေးရန် အကြံပြု တင်ပြကြောင်း ပြည်ထောင်စု မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်မှ တွဲဖက်အတွင်းရေးမှူး ဦးအေးလွင်က ပြောကြားသည်။

တရုတ်အစိုးရ၏ စီးပွားရေးမူဝါဒမှာ မြန်မာနိုင်ငံဘက်မှ ကုန်ကြမ်းများ တင်သွင်းရာတွင် တရုတ်နိုင်ငံဘက်မှ အခွန်ဖြေလျော့ ပေးထားသော်လည်း ကုန်ချောများ တင်သွင်းရာတွင်မူ အခွန်ကြီးမြင့်သည့် အတွက် တရုတ်နိုင်ငံ၏ အဆိုပါ အခွန်စနစ်ကို ဖြေလျော့ပေးကာ ပိုမိုကောင်းမွန်သည့် ကုန်သွယ်မှု စနစ်အတွက် တရုတ်အစိုးရသို့ အကြံပြု ပြောကြားလိုကြောင်း ၎င်းကဆက်လက် ပြောကြားသည်။

''အထူးသဖြင့် သတ္တုသယံဇာတများ၊ ကျောက်မျက်၊ ကျောက်စိမ်း၊ အခြားသတ္တု သယံဇာတများဟာ တရုတ်ပြည်ကို ကုန်ကြမ်းပဲ သွားတယ်။ ကျွန်တော် တင်ပြချင်တာကတော့ တရုတ်ပြည်ကို ကုန်ကြမ်းတွေ သွားတဲ့အခါမှာ အခွန်အခတွေကို တတ်နိုင်သမျှ သက်သာပြီးတော့ တရုတ်အစိုးရက ကင်းလွတ်ခွင့် ပေးပေမယ့် ကျွန်တော်တို့ဆီက ပရိဘောဂ၊ ကျောက်မျက်ပစ္စည်း၊ ကုန်ချောတွေ တင်သွင်းတဲ့အခါမှာ ကျွန်တော်တို့ မိတ်ဘက် ကုန်သည်များက ကုန်ချောများကို ၀ယ်ယူလိုသော်လည်း တရုတ်ပြည်သူ့ အစိုးရရဲ့ စီးပွားရေး မူဝါဒအရ ကုန်ချောများကို တင်သွင်းရင် အခွန်အခ ကြီးမားနေတဲ့အတွက် ကျွန်တော်တို့အတွက် တင်သွင်းခွင့် အခွင့်အရေး နည်းပါးနေတယ်။ ဒါကြောင့် သက်ဆိုင်ရာ အစိုးရကို မျတတဲ့ကုန်သွယ်မှု အခွန်အခကောက်ခံမှုကို ပြုလုပ်ပေးဖို့ အကြံပြုတင်ပြ လိုပါတယ်'' ဟု ၎င်းက ဆိုသည်။

ထို့အပြင် တရုတ်နိုင်ငံ အနေဖြင့် မြန်မာနိုင်ငံဘက်မှ ကုန်ကြမ်းများကို ယူဆောင်မည့်အစား မြန်မာနိုင်ငံအတွင်း စက်ရုံများ တည်ဆောက်ကာ မြန်မာလုပ်ငန်းရှင်များ နှင့်ကုန်ချောများ ထုတ်လုပ်ပြီး ကမ္ဘာ့ဈေးကွက်သို့ တင်ပို့နိုင်သည့် နည်းလမ်းကို ကျင့်သုံးသင့်ကြောင်း ၎င်းကဆက်လက် အကြံပြု ပြောကြားသည်။

အဆိုပါ အကြံပေးမှုကိုလည်း တရုတ် အစိုးရသို့ တင်ပြပေးသွားမည် ဖြစ်ကြောင်းThe Department of Foreign Trade & Economic Cooperation of Guandong Province မှ ဒုတိယ ညွှန်ကြားရေးမှူး Mrs. Ren Shao ကပြောကြားသည်။

EMG

Read More

နိုင်ငံရေး ဆွေးနွေးပွဲများတွင် ချင်းနိုင်ငံရေး အဖွဲ့အစည်းများ အနေဖြင့် ချင်းအမျိုးသား ညီလာခံမှ သဘောတူညီသည့် မူဘောင်များကိုသာ အဓိကထား ဆွေးနွေးသွားမည်

Thursday, 12 December 2013


ဟားခါးမြို့တွင် ချင်းအမျိုးသား ညီလာခံကို နိုဝင်ဘာ ၁၂ ရက်က စတင်ကျင်းပစဉ် (ဓာတ်ပုံ-အောင်သူထွန်း)

အစိုးရနှင့် တိုင်းရင်းသား လက်နက်ကိုင်များ၊ တစ်နိုင်ငံလုံးရှိ နိုင်ငံရေး အဖွဲ့အစည်းများကြား ပြုလုပ်မည့် နိုင်ငံရေး ဆွေးနွေးပွဲများတွင် ချင်းနိုင်ငံရေး အဖွဲ့အစည်းများ အနေဖြင့် ဒုတိယအကြိမ်မြောက် ချင်းအမျိုးသား ညီလာခံမှ သဘောတူညီသည့် မူဘောင်များကိုသာ အဓိက ဆွေးနွေးသွားမည် ဖြစ်ကြောင်း ချင်းအမျိုးသား တပ်ဦးမှ ဒေါက်တာရွှေခါးရ်က ပြောကြားသည်။

ဒေါက်တာရွှေခါးရ်က ''ကျွန်တော်တို့ အနေနဲ့ ချင်းနိုင်ငံရေး အဖွဲ့အစည်းတွေ အားလုံး နိုင်ငံရေး ဆွေးနွေးပွဲတွေမှာ ချင်းအမျိုးသား ညီလာခံက သဘောတူညီမှု ရရှိထားတာတွေကိုပဲ အဓိကထား ဆွေးနွေးမယ်။ ဒါတွေက ချင်းလူမျိုးတွေရဲ့ လိုအပ်ချက်တွေနဲ့ သဘောတူညီချက်တွေ ဖြစ်တဲ့အတွက် ဒီဟာကိုပဲ အဓိကထား ဆွေးနွေးသွားမှာ ဖြစ်ပါတယ်။ အခုဆိုရင် ဆွေးနွေးမယ့် မူဘောင်တွေလည်း အဆင်သင့် ဖြစ်နေပါပြီ။ ဒါပေမဲ့ အာမခံရှိတဲ့ ညှိနှိုင်းမှုတွေတော့ လိုမှာပေါ့ '' ဟု ပြောကြားသည်။

ချင်းအမျိုးသား ညီလာခံကို ချင်းပြည်နယ် ဟားခါးမြို့တွင် နိုဝင်ဘာ ၁၂ ရက် မှ ၁၅ ရက်အထိ ကျင်းပခဲ့ပြီး ဘုံသဘော တူညီချက် ၁၅၁ ချက်ရရှိခဲ့ကာ ၁၃ ချက်အား ချင်းအမျိုးသား ညီလာခံမှ ကြေညာချက်အဖြစ် ထုတ်ပြန်ခဲ့သည်။

ချင်းအမျိုးသား ညီလာခံ ကျင်းပရေး ကော်မတီမှ ညှိနှိုင်းရေးမှူး ဦးဆလိုင်း အိုက်ဇက်ခင်က'' ချင်းအမျိုးသား ညီလာခံက ရရှိတဲ့ အခြေခံမူတွေက ချင်းလက်နက်ကိုင် အဖွဲ့အစည်းတွေ၊ ချင်းနိုင်ငံရေး အဖွဲ့အစည်းတွေ၊ ချင်းလူမှုရေး အဖွဲ့အစည်းတွေက နိုင်ငံရေး ဆွေးနွေးပွဲတွေမှာ ကိုင်စွဲသွားမယ့် မူဘောင်တွေ ဖြစ်ပါတယ်။ အဲ့ဒီမှာ ဆုံးဖြတ်သဘောတူချက် ၁၅၁ ချက်ရှိတယ်။ နိုင်ငံရေးမှာဆိုရင် သဘောတူညီချက် ကိုးခုရှိတယ်။ ဒါတွေက နိုင်ငံရေး တွေ့ဆုံဆွေးနွေးပွဲမှာ ဒီချင်းအမျိုးသားတပ်ဦး၊ ချင်းနိုင်ငံရေး အဖွဲ့အစည်းတွေရော၊ ချင်းလူမှု အဖွဲ့အစည်းတွေကပါ နိုင်ငံတော် အစိုးရနဲ့ တွေ့ဆုံဆွေးနွေးတဲ့ အခါမှာ အဓိကကိုင်စွဲပြီး ဆွေးနွေးသွားမယ့် အချက်တွေပါ။ ပြီးတော့ အစိုးရကို ပူးပေါင်းခိုင်းဖို့ ဆိုတာထက် အစိုးရကို တိုက်ရိုက်ပြောရမယ့် ဟာတွေလည်း ရှိတယ်'' ဟု ဆိုသည်။

အဆိုပါ ချင်းအမျိုးသား ညီလာခံမှ နိုင်ငံရေး မူဘောင်များနှင့် ပတ်သက်၍ ကြေညာချက် ထုတ်ပြန်ခဲ့သည့် ဘုံသဘော တူညီချက်ကိုးခုတွင် ဖွဲ့စည်းပုံ အခြေခံဥပဒေ ပြင်ဆင်ရေး၊ ၂၀၁၅ ရွေးကောက်ပွဲ မတိုင်မီ ပင်လုံကဲ့သို့ ညီလာခံကျင်းပ နိုင်ရေးနှင့် ပြည်ထောင်စုစာချုပ်ကို ၂၀၁၅ ရွေးကောက်ပွဲ ပြီးသည်နှင့် လက်မှတ်ရေးထိုးနိုင်ရေး စသည်တို့ ပါဝင်သည်။

ပြည်တွင်းငြိမ်းချမ်းရေး ဖော်ဆောင်မှုကို အစိုးရက ငြိမ်းချမ်းရေး မဟာဗျူဟာများအရ အဆင့်သုံးဆင့် သတ်မှတ်ထားပြီး ပထမအဆင့် အပစ်အခတ် ရပ်စဲရေး အပြီးတွင် ဒုတိယအဆင့် အနေဖြင့် နိုင်ငံရေး တွေ့ဆုံဆွေးနွေးမှုများ ပြုလုပ်မည်ဖြစ်ရာ ယင်းအတွက် ချင်းပြည်နယ်ရှိ နိုင်ငံရေး အဖွဲ့အစည်းများမှ ဆွေးနွေးသွားမည့် နိုင်ငံရေးဆိုင်ရာ အခြေခံမူဘောင်များအား ကြိုတင်ရေးဆွဲ ထားခြင်းဖြစ်ကြောင်း သိရသည်။

EMG

Read More

ငွေကျပ် ၃၂ ဘီလျံ မတည်ရန် လျာထားသည့် ရန်ကုန်စတော့ အိတ်ချိန်းအတွက် ဖက်စပ်လုပ်ကိုင်ရန် ဂျပန်ဘက်မှ Daiwa တစ်ခုတည်း မဟုတ်ဘဲ အခြားကုမ္ပဏီများ ပါဝင်မည်

 Thursday, 12 December 2013


မြန်မာနိုင်ငံသားများ စာရင်းဝင်ရန် စိတ်ဝင်စားမှု မြင့်မားနေသည့် စင်ကာပူ စတော့အိတ်ချိန်း (Photo-heraldsun.com.au)

ရန်ကုန်စတော့အိတ်ချိန်း ပေါ်ပေါက်ရန် ပထမအရစ်အဖြစ် ငွေကျပ် ၃၂ ဘီလျံ မတည်ရင်းနှီးမှု ပြုလုပ်ရန် လျာထားပြီး မြန်မာနှင့် ဖက်စပ်လုပ်ကိုင်ရန် ဂျပန်ဘက်မှ Daiwa ကုမ္ပဏီ တစ်ခုတည်း မဟုတ်ဘဲ အခြားဂျပန် ကုမ္ပဏီများလည်း ပါဝင်မည် ဖြစ်ကြောင်း Japan Exchange Group, Inc မှ တာဝန်ရှိသူ တစ်ဦးက ပြောကြားသည်။

ထိုသို့ ဖက်စပ်လုပ်ကိုင်ရာတွင် မြန်မာဘက်မှ ၅၁ ရာခိုင်နှုန်း ထည့်ဝင်မည်ဖြစ်ပြီး ဂျပန်ဘက်မှ ၄၉ ရာခိုင်နှုန်း ထည့်ဝင်သွားမည်ဖြစ်ရာ မြန်မာနိုင်ငံ အနေနှင့် ၁၆ ဒသမ ၃၁ ဘီလျံကျပ် ထည့်ဝင်ရမည် ဖြစ်ကြောင်း ဘဏ္ဍာရေး ၀န်ကြီးဌာန ဒုတိယ၀န်ကြီး ဦးမောင်မောင်သိမ်းက ပြောကြားသည်။

မြန်မာနိုင်ငံတွင် ၂၀၁၅ ခုနှစ် အောက်တိုဘာတွင် စတော့အိတ်ချိန်း ပေါ်ပေါက်ရန် ရည်မှန်းချက်ထား လုပ်ဆောင်နေပြီး စတော့အိတ်ချိန်း အဆောက်အအုံအဖြစ် ကမ်းနားလမ်းရှိ မြ၀တီဘဏ် ရုံးချုပ်ဟောင်းတွင် စတင်လုပ်ဆောင် သွားမည်ဖြစ်ကြောင်း သိရသည်။

လက်ရှိအချိန်တွင် မြန်မာနိုင်ငံတွင် အများပိုင်အဖြစ် ဖွဲ့စည်းထားသည့် ကုမ္ပဏီပေါင်း ၁၀၀ ကျော်ရှိသော်လည်း စတော့အိတ်ချိန်းတွင် စာရင်းဝင်ရန် အရည်အချင်း ပြည့်မီသည့် အများပိုင်ကုမ္ပဏီ ငါးခုခန့်သာ ရှိနေသေးကြောင်း စတော့အိတ်ချိန်း ပေါ်ပေါက်ရေး ကူညီလုပ်ဆောင် နေသူများထံမှ သိရသည်။

စတော့အိတ်ချိန်းတွင် စာရင်းဝင်ရန် အများပိုင်ကုမ္ပဏီ အနည်းဆုံး ၈၀ ခန့် လိုအပ်နေကြောင်း သိရသည်။

မြန်မာနိုင်ငံတွင် တရားဝင် အသိအမှတ် ပြုထားခြင်း မဟုတ်ဘဲ ရောင်းသူဝယ်သူ တိုက်ရိုက် ဆွေးနွေးရောင်းဝယ်သည့် စနစ်ဖြင့် စတော့ရှယ်ယာ အရောင်းအ၀ယ် ပြုလုပ်သည့်ဈေးကွက် (Over the Counter Market) လည်း မရှိသေးဘဲ Myanmar Securities Exchange Center (MSEC) တွင် စာရင်းဝင်ထားသည့် ကုမ္ပဏီနှစ်ခုသာ ရှိနေသည်။

အဆိုပါ အများပိုင်ကုမ္ပဏီ နှစ်ခုမှာ သစ်တောထွက်ပစ္စည်း ဖက်စပ်ကော်ပိုရေးရှင်းနှင့် မြန်မာနိုင်ငံသားများ ဘဏ်တို့ဖြစ်ကြောင်း သိရသည်။

မြန်မာငွေချေး သက်သေခံ လက်မှတ်များ လဲလှယ်ရောင်းဝယ်ရေး ဥပဒေကို ပြီးခဲ့သည့် ဇူလိုင် ၃၁ ရက်က လွှတ်တော်တွင် အတည်ပြု ပြဋ္ဌာန်းခဲ့ပြီး ဖြစ်သည်။ လက်ရှိအချိန်တွင် ဆက်စပ်အဖွဲ့အစည်းများ ဖွဲ့စည်းနိုင်ရန် နည်းဥပဒေများကို စောင့်ဆိုင်းလျက်ရှိသည်။

EMG

Read More

အစိုးရ တစ်ရပ်ကို ဖြုတ်ချလိုစိတ် မရှိဘဲ စနစ်ပြောင်းလိုစိတ်သာ ရှိကြောင်း အတိုက်အခံ ခေါင်းဆောင် ဒေါ်အောင်ဆန်းစုကြည် ပြောကြား

Thursday, 12 December 2013


ကမ္ဘာ့ကျန်းမာရေး စွန့်ဦးတီထွင်မှု ညီလာခံတွင် ဒေါ်အောင်ဆန်းစုကြည် မိန့်ခွန်းပြောကြားစဉ်

အစိုးရတစ်ရပ်ကို ဖြုတ်ချလိုစိတ် မရှိဘဲ စနစ်တစ်ခု ပြောင်းလိုစိတ်သာ ရှိကြောင်း အတိုက်အခံ ခေါင်းဆောင် အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က ပြောကြားသည်။

ဒီဇင်ဘာ ၁၁ ရက်က ကာတာနိုင်ငံ ဒိုဟာမြို့တွင် မြန်မာမိသားစုများနှင့် တွေ့ဆုံစဉ် ဒေါ်အောင်ဆန်းစုကြည်က ထိုသို့ ပြောကြားခဲ့ခြင်း ဖြစ်သည်။

''အစိုးရ တစ်ခုကို ဖြုတ်ချချင်လို့ မဟုတ်ဘူး။ စနစ်တစ်ခုကို ပြောင်းချင်လို့။ အားလုံးကတော့ တစ်နေရာတည်းမှာ မြဲနေဖို့ဆိုတာတော့ မဖြစ်ဘူးပေါ့။ အပြောင်းအလဲ ဆိုတာတော့ ရှိရမှာပါ။ ဘယ်သူမှ မနာအောင်လို့တော့ အမေတို့ ကြိုးစားမယ်။ အားလုံးကလည်း ဒီရည်ရွယ်ချက်နဲ့ လုပ်ပါ။ ဂလဲ့စားချေချင်တဲ့ စိတ်ဓာတ်နဲ့၊ နာကျည်းတဲ့ စိတ်ဓာတ်နဲ့၊ မုန်းတီးတဲ့စိတ်ဓာတ်နဲ့ မလုပ်ပါနဲ့'' ဟု ကာတာရောက် မြန်မာများနှင့် တွေ့ဆုံစဉ် ဒေါ်အောင်ဆန်းစုကြည်က ပြောကြားသည်။

လက်ရှိမြန်မာ့နိုင်ငံရေး ပြဿနာ တစ်ခုဖြစ်သည့် ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးနှင့် ပတ်သက်၍လည်း မည်သူ့အပေါ်မှ အနိုင်လိုချင်သည့်စိတ်နှင့် ဆောင်ရွက်ခြင်း မဟုတ်ဘဲ တစ်နိုင်ငံလုံး၏ အကျိုးစီးပွား အတွက်သာ ဆောင်ရွက်နေခြင်း ဖြစ်ကြောင်းလည်း ဒေါ်အောင်ဆန်းစုကြည်က ပြောကြားသည်။



ကမ္ဘာ့ကျန်းမာရေး စွန့်ဦးတီထွင်မှု ညီလာခံတွင် ဒေါ်အောင်ဆန်းစုကြည် မိန့်ခွန်းပြောကြားစဉ်

''တချို့က လိုလားသလိုလို မလိုလား သလိုလို လုပ်နေတဲ့ ကိစ္စတွေကို အမေပွင့်ပွင့်လင်းလင်းပဲ ပြောမယ်။ ဒီဟာ မရိုးသားဘူး။ တကယ်ပဲ ဒီမိုကရေစီ လိုချင်တယ်ဆိုရင် ဒီဖွဲ့စည်းပုံ အခြေခံဥပဒေကို ပြုပြင်ပြောင်းလဲချင်စိတ် ရှိကိုရှိရမယ်။ အဲဒီစိတ် မရှိဘူးဆိုရင် တကယ့်ဒီမိုကရေစီကို မလိုလားလို့ဘဲ။ အဲဒါကိုတော့ အမေ ခပ်မာမာပဲ ကိုင်ထားတယ်။ ဒါပေမဲ့ ဒီလိုကိုင်ထားလို့ အမေတို့ အနေနဲ့ ဥပဒေကို ပြုပြင်ပြောင်းလဲတာ အောင်မြင်လို့ရှိရင် ဘယ်သူ့အပေါ်မှာမှ အနိုင်ကျင့်ဖို့ အနိုင်ယူဖို့ ကြောဖို့ဆိုတာ လုံးဝစိတ်ထဲမှာ မရှိဘူး။ အဲဒါကို အားလုံးနားလည် စေချင်တယ်။ ဖွဲ့စည်းပုံ အခြေခံဥပဒေ ပြုပြင်ပြောင်းလဲရေးဆိုတာ နိုင်ငံတစ်နိုင်ငံ လုံခြုံရေးအတွက်၊ နိုင်ငံတစ်နိုင်ငံလုံး သာယာရေးအတွက် ပြည်သူတွေ အားလုံးကြားမှာ ညီညွတ်မှု ရှိရေးအတွက် ဒါတွေကို ဦးတည်ပြီးတော့ လုပ်သွားမှာ ဖြစ်တယ်'' ဟု ဒေါ်အောင် ဆန်းစုကြည်က ပြောကြားသည်။

ထို့အပြင် နိုင်ငံသားများ အဖြင့်လည်း တာဝန်ယူစိတ်ရှိရန်နှင့် ညီညွတ်စွာနေထိုင်ရန် လိုအပ်ကြောင်းလည်း အသိပေး ပြောကြားသည်။

ထိုသို့ ဒေါ်အောင်ဆန်းစုကြည်နှင့် ကာတာရောက် မြန်မာများနှင့် တွေ့ဆုံပွဲသို့ ကမ္ဘာ့ကျန်းမာရေး စွန့်ဦးတီထွင်မှု ညီလာခံသို့ တက်ရောက်ရန် ကာတာနိုင်ငံသို့ ရောက်ရှိနေသော သီတဂူဆရာတော် အရှင်ဉာဏိဿရလည်း ကန်တော့ခံ တက်ရောက်ခဲ့ပြီး သြ၀ါဒ မိန့်ကြားခဲ့သည်။

EMG

Read More

အာဆီယံ-ဂျပန် ဆက်ဆံရေးနှစ် (၄၀) ပြည့် ထိပ်သီးဆွေးနွေးပွဲသို့ တက်ရောက်ရန် သမ္မတဦးသိန်းစိန် ဂျပန်နိုင်ငံသို့ သွားရောက်

 Thursday, 12 December 2013


ဒီဇင်ဘာ ၁၂ ရက် ညပိုင်းက ဂျပန်နိုင်ငံသို့ ထွက်ခွာရန် ရန်ကုန်အပြည်ပြည်ဆိုင်ရာ လေဆိပ်သို့ နိုင်ငံတော်သမ္မတ ဦးသိန်းစိန်နှင့် တာဝန်ရှိသူများ ရောက်ရှိလာစဉ် (ဓာတ်ပုံ-၀င်းမြင့်ကျော်)

ဂျပန်နိုင်ငံ တိုကျိုမြို့တွင် ဒီဇင်ဘာ ၁၃ ရက်မှ ၁၅ ရက်ထိ ပြုလုပ်မည့် အာဆီယံ-ဂျပန်ဆက်ဆံရေး နှစ်(၄၀)ပြည့် ထိပ်သီးဆွေးနွေးပွဲသို့ တက်ရောက်ရန် သမ္မတဦးသိန်းစိန်သည် ဒီဇင်ဘာ ၁၂ ရက် ညပိုင်းက ရန်ကုန် အပြည်ပြည်ဆိုင်ရာလေဆိပ်မှတစ်ဆင့် ဂျပန်နိုင်ငံသို့ ထွက်ခွာသွားသည်။

သမ္မတဦးသိန်းစိန်သည် ခရီးစဉ်အတွင်း ဂျပန်ဝန်ကြီးချုပ်နှင့်လည်း သီးခြားတွေ့ဆုံရန် အစီအစဉ်ရှိကြောင်းသိရသည်။

အဆိုပါဆွေးနွေးပွဲသို့ တက်ရောက်ရန် သမ္မတဦးသိန်းစိန်နှင့်အတူ သမ္မတရုံးမှ တာဝန်ရှိသူများ၊ နိုင်ငံခြားဝန်ကြီးဌာနမှ တာဝန်ရှိသူများ လိုက်ပါသွားမည်ဖြစ်ကြောင်းသိရသည်။ သမ္မတဦးသိန်းစိန်သည် ဂျပန်နိုင်ငံ ခရီးစဉ်အတွင်း ဂျပန်ဝန်ကြီးချုပ်နှင့် သီးခြားတွေ့ဆုံဆွေးနွေးသွားရန်ရှိပြီး အိုဆာကာ၊ ကျိုတို၊ ဟာမမက်ဆု၊ နာဂိုယာတို့သို့လည်း သွားရောက်မည်ဖြစ်ကာ ဆူဇူကီးမော်တာ၊ တိုယိုတာသို့လည်း သွားရောက်လေ့လာရန် ရှိကြောင်းသိရသည်။

မြန်မာသမ္မတနှင့် ဂျပန်ဝန်ကြီးချုပ်တို့ တွေ့ဆုံရာတွင် နှစ်နိုင်ငံသံတမန်ဆက်ဆံရေး နှစ်(၆၀)ပြည့်အတွက် ပူးပေါင်းဆောင်ရွက်မှု၊ မြန်မာနိုင်ငံတွင် အမျိုးသားပြန်လည် စည်းလုံးညီညွတ်ရေးအတွက် မြန်မာ၏ ကြိုးစားအားထုတ်မှုကို ထောက်ခံမှု၊ ရင်းနှီးမြှုပ်နှံမှုများအတွက် ဥပဒေကြောင်းခိုင်မာရေး၊ ကျန်းမာရေးနှင့် ဆေးဝါးကဏ္ဍတို့တွင် ပူးပေါင်းဆောင်ရွက်မှု တိုးမြှင့်ရေးတို့ကို ဆွေးနွေးသွားရန်ရှိကြောင်းသိရသည်။ ထို့ပြင် ထားဝယ်အထူးစီးပွားရေးဇုန်တွင် ဂျပန်မှ ရင်းနှီးမြှုပ်နှံမည့် အလားအလာများနှင့် စပ်လျဉ်း၍လည်း ဆွေးနွေးသွားဖွယ်ရှိကြောင်းသိရသည်။

အာဆီယံ-ဂျပန် ဆက်ဆံရေး နှစ်(၄၀) ပြည့် ထိပ်သီးဆွေးနွေးပွဲသို့ အာဆီယံနိုင်ငံများမှ ခေါင်းဆောင်များတက်ရောက်ကြမည် ဖြစ်သော်လည်း ထိုင်းနိုင်ငံတွင် ပြည်တွင်း အခြေအနေများကြောင့် ၀န်ကြီးချုပ် တက်ရောက်နိုင်မည်မဟုတ်ဘဲ ဒုတိယ၀န်ကြီးချုပ်သာ တက်ရောက်မည်ဖြစ်ကြောင်းသိရ သည်။

EMG

Read More

ကျွန်းဆွယ်ဘောလုံးချန်ပီယံ ပထမဆုံးဆုကို မြန်မာအသင်း ဘယ်လိုရယူခဲ့ရသလဲ ဆီးဂိမ်းဘောလုံးချန်ပီယံ ပထမဆုံးဆုကို မြန်မာအသင်း ဘယ်လိုရယူမလဲ

ဘောလုံးရွှေမှ မရရင် ဆားမပါတဲ့ ဟင်းပဲ

(၂၇) ကြိမ်မြောက် ဆီးဂိမ်းပြိုင်ပွဲကြီး၏ ဘောလုံးပွဲ ပြိုင်ပွဲများကို ဒီဇင်ဘာလ ၇ ရက်နေ့က စတင်ပြီး ကျင်းပနေပြီ ဖြစ်ပါသည်။ မြန်မာအသင်း ပါဝင်သော အုပ်စု(ခ)မှ ထိုင်း အသင်းသည် တီမောလက်စ်တီ အသင်းကို ၃-၁ ဖြင့် အနိုင်ရခဲ့သလို မြန်မာယူ-၂၃ အသင်းသည်လည်း ကမ္ဘောဒီးယား အသင်းကို ၃-၀ ဂိုးဖြင့် အနိုင်ရခဲ့သည်။ အင်ဒိုနီးရှားအသင်းမှာ ပွဲကြည့် ပရိတ်သတ်လုပ်ပြီး ပြိုင်ဘက်လေးသင်း၏ ခြေစွမ်းခြေစများကို အကဲခတ်ခွင့် ရခဲ့လေသည်။ ဘာဘဲပြောပြော ပွဲဦးထွက်တွင် အနိုင်ရလိုက်၍ မြန်မာ ယူ-၂၃ အသင်းအတွက် ဆီးဂိမ်းအောင်မြင်မှု ရရှိရန် ခွန်အားဖြစ်သလို ပြည်သူများ၏ မျှော်လင့်ချက်များလည်း ပိုမိုရှင်သန်လာ ကြပြီဖြစ်သည်။

တချိန်က အာရှအဆင့်အထိ ထိုးဖောက် အောင်မြင်ခဲ့ဖူးသည့် အရသာကို ခံစားဖူးသူ သို့မဟုတ် နားအရသာ ခံစားဖူးသူ မြန်မာပြည်သူပြည်သားများသည် ယခုဆီးဂိမ်းပြိုင်ပွဲတွင် မြန်မာအသင်းအပေါ် ချန်ပီယံဖြစ်စေရန် မျှော်လင့်လျက် ရှိကြပါသည်။ အခြားရွှေတွေ ဘယ်လောက်ပဲရရ ဘောလုံးရွှေမရရင် ဆားမပါတဲ့ဟင်းကို စားရသလိုဘဲဟု ဆိုသူတွေက ဆိုနေကြပါပြီ။

ဤသို့ဆိုကြသည်မှာ အကြောင်းမဲ့ မဟုတ်ပေ။ မြန်မာဘောလုံးအသင်းများသည် တစ်ချိန်က မြင့်မားသော အောင်မြင်မှု ကြီးများကို ရယူနိုင်ခဲ့သည့် အသင်းများဖြစ်ပါလျက် လက်ရှိတွင် အောင်မြင်မှုနှင့် ဝေးကွာလျက်ရှိနေခြင်းကြောင့် အောင်မြင်မှုကို ဆာလောင်မွတ်သိပ်မှုများမှ တစ်ဆင့် အန်ထွက်လာသော ဆန္ဒအမှန် သစ္စာစကားများ ဖြစ်ပါသည်။ ယခု ဆီးဂိမ်းပြိုင်ပွဲကြီးမှာ မိမိ မြေ မိမိနိုင်ငံက အိမ်ရှင်လုပ်ပြီး ကျင်းပခွင့်ရသောပြိုင်ပွဲဖြစ်၍ ဗိုလ်စွဲပြီး ချန်ပီယံဖြစ်ရန် ပိုမို မျှော်လင့်နေကြခြင်းလည်း ဖြစ်သည်။

ကျွန်းဆွယ်ခေတ် ငါးကြိမ်ဆက် ချန်ပီယံမြန်မာ

မြန်မာဘောလုံးအသင်းသည် ဆီးဂိမ်းပြိုင်ပွဲများတွင် အောင်မြင်မှုများနှင့် ပြဒါးတစ်လမ်း သံတစ်လမ်း ဖြစ်နေသော်လည်း ကျွန်းဆွယ်ခေတ်ကာလကမှု ငါးကြိမ်ဆက် ချန်ပီယံအသင်းအဖြစ် စံချိန်တင် အောင်မြင်မှုရခဲ့သည့် အသင်းဖြစ်သည်။ ၁၉၅၉ ခုနှစ် ပထမအကြိမ် ဗန်ကောက်ကျွန်းဆွယ်ပြိုင်ပွဲနှင့် ၁၉၆၁ ခုနှစ် ဒုတိယအကြိမ် ရန်ကုန်ကျွန်းဆွယ်ပြိုင်ပွဲ တို့တွင် မြန်မာအသင်း အောင်မြင်မှု မရခဲ့ပေ။ ၁၉၆၁ ခုနှစ် ဒုတိယကျွန်းဆွယ်ပွဲတွင် မြန်မာအသင်းသည် မလေးရှားကို ရှုံးကာ ဒုတိယဖြင့်သာ ကျေနပ်ခဲ့ ရသည်။

သို့ရာတွင် ၁၉၆၅ ခုနှစ် တတိယအကြိမ် ကွာလာလမ်ပူ ကျွန်းဆွယ်ပြိုင်ပွဲတွင်မှု မြန်မာအသင်း အောင်မြင်မှု စတင် ရရှိခဲ့ သည်။ မြန်မာအသင်း၏ ပထမဆုံးကျွန်းဆွယ်အောင်မြင်မှု ဖြစ်ပြီး ထိုင်းနှင့် ပူးတွဲချန်ပီယံ ဖြစ်ခဲ့ခြင်းဖြစ်ပါသည်။ ထို့နောက် ၁၉၆၇၊ ၁၉၆၉၊ ၁၉၇၁ နှင့် ၁၉၇၃ ကျွန်းဆွယ်ပြိုင်ပွဲများတွင် လွတ်လွတ်ကျွတ်ကျွတ် ဆက်တိုက်ချန်ပီယံဖြစ်ခဲ့သည်။ ငါးကြိမ် ဆက်တိုင် ချန်ပီယံဖြစ်ခဲ့ခြင်းဖြစ်ရာ ထိုစဉ်က မြန်မာအသင်း၏အောင်မြင်မှုမျိုးကို ဘယ်ကျွန်းဆွယ် အသင်းကမှ လိုက်မမီခဲ့ပေ။ နောက်ဆုံးကျွန်းဆွယ်ပြိုင်ပွဲ ဖြစ်သည့် ၁၉၇၅ ခုနှစ် ဗန်ကောက်ပြိုင်ပွဲတွင်မှု ငါးကြိမ်ဆက် ကျွန်းဆွယ်ချန်ပီယံမြန်မာအသင်းသည် စင်ကာပူနှင့် အတူ တတိယသာရရှိကာ ကျွန်းဆွယ်ချန်ပီယံဘဝ ဇတ်သိမ်းခဲ့လေသည်။

ဆီးဂိမ်းတစ်ခေတ် ရွှေစော်မနံသေး

၁၉၇၇ ခုနှစ် ပြိုင်ပွဲမှ စတင်၍ ကျွန်းဆွယ်ပြိုင်ပွဲ အဖြစ်မှ ဆီးဂိမ်းပြိုင်ပွဲ ဖြစ်လာသည်။ ထိုပြိုင်ပွဲမှ ၂၀၁၁ ခုနှစ် ပြိုင်ပွဲအထိ ဆီးဂိမ်း ၁၈ ကြိမ်ကာလအတွင်း မြန်မာအသင်းသည် တစ်ကြိမ်တစ်ခါမျှ ချန်ပီယံ ပြန်မဖြစ်တော့ပေ။ ထို ၁၈ ကြိမ်အတွင်း အမြင့် ဆုံး အဆင့်အဖြစ် ၁၉၉၃ ခုနှစ် စင်ကာပူဆီးဂမ်းတွင် ဒုတိယသာ ရရှိခဲ့ဖူးလေသည်။ ထို့ကြောင့် ကျွန်းဆွယ်တစ်ခေတ် အအောင် မြင်ဆုံးဖြစ်ခဲ့သည့် မြန်မာအသင်းအနေဖြင့် ဆီးဂမ်းတစ်ခေတ်တွင် ရွှေတံဆိပ် ရရှိသူ ချန်ပီယံအသင်းဖြစ်ရန် လိုအပ်နေခြင်းလည်း ဖြစ်ပေသည်။

ပထမဆုံးချန်ပီယံဆုကို ဘယ်လိုရယူခဲ့သလဲ

၁၉၆၅ ခုနှစ် တတိယအကြိမ် ကျွန်းဆွယ်ပွဲတွင် မြန်မာအသင်းသည် ကျွန်းဆွယ်ချန်ပီယံဘွဲ့ကို ဆွတ်ခူးရယူခဲ့ရာမှာ စိတ်ဝင်စားဖွယ်၊ အတုယူဖွယ် အလွန်ကောင်းပါသည်။ ထိုစိတ်ဝင်စားဖွယ် နောက်ခံအကြောင်းများကို ဒီဇင်ဘာလ ၄ ရက်က နေ့ က ထိုချန်ပီယံအသင်းတွင် ပါဝင်ခဲ့ကြသည့် ဦးစိုးမြင့်၊ ဦးအောင်ခင်၊ ဦးဘပု တို့နှင့် တွေ့ဆုံစဉ် ရှေးဟောင်းနှောင်းဖြစ်များ ပြော ကြရင်း သိခဲ့ရခြင်းဖြစ်သည်။

ထိုကျွန်းဆွယ်ပြိုင်ပွဲ၏ ဘောလုံးပြိုင်ပွဲတွင် ကမ္ဘောဒီးယားနှင့် လာအိုတို့ မပါဝင်ဘဲ စင်ကာပူအသင်း ပထမဆုံး ပါဝင်လာ ပြီး မြန်မာ၊ ထိုင်း၊ တောင်ဗီယက်နမ် နှင့် အိမ်ရှင် မလေးရှားနိုင်ငံ အသင်းတို့ ပါဝင်ယှဉ်ပြိုင်ခဲ့ကြသည်။ ပြိုင်ပွဲဝင် ငါးသင်းသာ ရှိ၍ ရှုံးထွက်စနစ်ဖြင့် ကစားစေကာ နိုင်သည့်အသင်း အကြိုဗိုလ်လုပွဲသို့ တက်ရောက်ခွင့်ရသည်။

မြန်မာအသင်းသည် ဘပု၏ဂိုးဖြင့် စင်ကာပူကို ဖြင့် အနိုင်ရပြီး အကြိုဗိုလ်လုပွဲသို့ တက်လာသည်။ ထိုင်းကလည်း တောင်ဗီယက်နမ်ကို ၂-၁ ဖြင့် နိုင်ပြီး အကြိုဗိုလ်လုပွဲသို့ တက်သည်။ အိမ်ရှင်မလေးရှားအသင်းက ဘိုင်ရပြီး အကြိုဗိုလ်လုပွဲက စောင့်နေသည်။ ကျန်ဆီးမီးတစ်နေရာအတွက် တောင်ဗီယက်နမ်နှင့် စင်ကာပူတို့ကစားရာ တောင်ဗီယက်နမ်က ၅-၁ ဂိုးဖြင့်နိုင် ကာ ဆီးမီးသို့တက်လာသည်။ ဆီမီးဖိုင်နယ်တွင် မြန်မာအသင်းသည် လက်ရှိချန်ပီယံ အိမ်ရှင်မလေးရှားကို ၂-၁ ဖြင့်အနိုင်ယူကာ ဗိုလ်လုပွဲသို့တက်သည်။ မြန်မာအသင်းအတွက် ဂိုးများကို မောင်မြင့်နှင့် အောင်ခင်တို့က သွင်းယူပေးသည်။ နှစ်ဂိုးစလုံးကို ဒုတိယ ပိုင်းတွင် သွင်းယူခြင်းဖြစ်သည်။

မြန်မာအလံကို ထိုင်းအလံက ဖုံးအုပ်ရစ်ပတ်

တောင်ဗီယက်နမ်ကို ၂-၀ ဖြင့် အနိုင်ယူခဲ့သော ထိုင်းအသင်းနှင့် မြန်မာအသင်းတို့ ဗိုလ်လုပွဲတွင် တွေ့ကြသည်။ ထိုပွဲ တွင် မြန်မာဂိုးသမား(ဦး) တင်အောင်သည် လက်အိတ် မဝတ်ဘဲ ဖမ်းခဲ့သည်။ ကစားဖော်များက လက်အိတ်ဝတ်ရန် တိုက်တွန်း ခဲ့သော်လည်း ဂိုးတင်အောင် က မဝတ်ခဲ့။ မိုးကလည်း ရွှာနေသည်။ လေကလည်း တဟူဟူးတိုက်နေသည်။ ပွဲမကစားမီကပင် ကွင်းထိပ်ရှိ အလံတိုင်မှ ထိုင်းအလံသည် မြန်မာအလံအပေါ် လွှမ်းခြုံဖုံးအုပ်ထားသည်။ မြန်မာအလံမှာ ထိုင်းအလံအောက်တွင် ငုပ်လျှိုးပျောက်ကွယ် နေသည်။

ဦးစိုးမြင့်က “နမိတ်ပေါ့ဗျာ။ မကစားခင်ကတည်းက ဒီလိုဖြစ်နေတာ။ ဒါကိုမြင်ပြီး ကျွန်တော်တို့တွေးကြတယ်။ နမိတ်ပြနေတာလား။ ဒီအတိုင်းဆိုရင် ဟန်ကျပါ့မလားဆိုပြီး တွေးပူနေကြတာ။ ပူတဲ့အတိုင်းပဲ ထိုင်းက ဂိုးသွင်းတယ်။ ကိုတင်အောင် ကလက်အိတ်ဝတ်မထားတော့ ဘောလုံးက လက်ထဲက ချော်ထွက်ပြီး ဝင်သွားတာ” ဟုပြောပြပါသည်။

ပထမပိုင်းပြီးခါနီးတွင် ထိုင်းက ပထမဂိုးကို စသွင်းလိုက်သည်။ မြန်မာအသင်းခြေစွမ်းကောင်းသော်လည်း ဂိုးကံမရှိ ဖြစ်နေသည်။ အောင်ခင် နှင့် မောင်မြင့်တို့ သေချာပေါက် ဂိုးသွင်းခွင့်များ လက်လွတ်ခဲ့ကြသည်။ ဒုတိယပိုင်းပြန်စသည်နှင့် ထိုင်း က ဖိကစားပြီး ဒုတိယဂိုးကို သွင်းယူလိုက်ပြန်သည်။ အလံတိုင်တွင် ထိုင်းအလံသည် မြန်မာအလံကို လွှမ်းခြုံအုပ်ထားဆဲ။ မြန်မာ အသင်းသည် ၂-၀ ဂိုးဖြင့် ရှုံးနေဆဲ။ ပွဲကလည်းပြီးဖို့ ဘယ်လောက်မှ မလိုတော့။ ၁၅ မိနစ်လောက်ပဲလိုတော့သည်။ မြန်မာ အသင်းသည် အရှုံးဂိုးများကို ချေပနိုင်ရန် ကြိုးစားသော်လည်း အရာမထင်။

မကြာပါချေ။ မိုးကလည်းစဲ။ လေလည်း ငြိမ်သွားသည်။ ထိုအချိန်တွင် မောင်မြင့် ထိုးဖောက် တင်ပေးသည်ကို အောင်ခင် က ခေါင်းတိုက်သွင်းယူလိုက်နိုင်၍ ၂-၁ ဖြစ်သွားသည်။ မှုလကတည်းက စိတ်ဓာတ်ကို ဂိတ်ဆုံးမြှင့်တင် ကစားနေသော မြန်မာ အသသင်းမှာ ချေပဂိုး ရလိုက်၍ နိုင်လိုစိတ်များ ပိုမိုထက်သန်လာကြပြီး ဖိကစားရာ ထိုင်းအသင်းမှာ ခံစစ်ဖြင့်သာ ကစားနေရ သည်။ ၂၇ မိနစ်တွင် အုန်းကြွယ် ပို့ပေးသည်ကို အောင်ခင်ကပင် သွင်းယူလိုက်၍ နှစ်ဂိုးစီ သရေဖြစ်သွားသည်။ အချိန်ပို ၁၀ မိနစ်စီ ကစားရာတွင် မြန်မာအသင်းပင် ဖိကစားနိုင်သော်လည်း ဂိုးမရတော့သဖြင့် ပူးတွဲချန်ပီယံ ဖြစ်ခဲ့သည်။ ၁၉၆၁ ခုနှစ် ရန်ကုန် ကျွန်းဆွယ်ပွဲတွင် အိမ်ရှင်ဖြစ်ပါလျက် မလေးရှားကို ရှုံးကာ ဗိုလ်မစွဲခဲ့သော မြန်မာအသင်းသည် မလေးရှားမြေပေါ်တွင် ပထမဆုံးဗိုလ်စွဲနိုင်ခဲ့ခြင်းလည်း ဖြစ်သည်။

“အချိန်ကိုကြည့်လိုက်တော့ ဘယ်လောက်မှမကျန်တော့ဘူး။ ကျွန်တော်တို့ ၂-၀ နဲ့ ရှုံးနေတယ်။ ဒီတော့ ကျွန်တော်က ဘပု ကိုပြောတယ်။ ဒီအတိုင်းဆို မဖြစ်တော့ဘူး။ ငါရောက်တဲ့နေရာကိုသာကြည့် ဘောလုံးကို ငါ့ဆီရောက်အောင်ပို့ပေး ဆိုပြီး ကိုယ့်အချင်းချင်း ကွင်းထဲမှာ ညှိပြီး ကစားလိုက်တော့မှ လိုချင်တဲ့ချေပဂိုးတွေ ရတယ်။ အဓိက ကတော့ စိတ်ဓာတ်ပေါ့ဗျာ။ အရှုံး မပေးစိတ်ဓာတ်။ ပြီးတော့အဲဒီတုန်းက အချင်းချင်း ညီညွတ်ခဲ့တဲ့စိတ်ဓာတ်ကလည်း မယုံနိုင်လောက်ကို ကောင်းခဲ့တာ။ ဒီလို စိတ်ဓာတ်ကြောင့်ပဲ ရှုံးနေရာကနေ ချန်ပီယံ ဖြစ်ခဲ့တာပါ” ဟု ဦးအောင်ခင်က ပြောပြခဲ့သည်။

ဗိုလ်လုပွဲတွင် မြန်မာအသင်းသည် ဂိုး- တင်အောင်၊ နောက်တန်း- သန်းလွင်၊ ကျော်သောင်း၊ ဝင်းကြည်၊ အုံးကြွယ်၊ အလယ်တန်း-အောင်သန်း နှင့် ဘရီ၊ ရှေ့တန်း- မောင်မြင့်၊ ကျော်ကျော်၊ အောင်ခင် နှင့် ဘပု တို့ကို ပွဲထုတ်ကာ ကစားစေခဲ့ခြင်း ဖြစ်သည်။ စိုးမြင့်နှင့် ကပ္ပတိန် လှဌေးတို့မှာ နာနေ၍ ပါဝင်ကစားခွင့်မရခဲ့ပေ။

စိတ်ဓာတ်ကြောင့် ရခဲ့တဲ့ ချန်ပီယံ

ဦးအောင်ခင်၏ ပြောစကားအရ မြန်မာအသင်းသည် ပထမဆုံး ကျွန်းဆွယ်ချန်ပီယံဆုကို ရယူနိုင်ခဲ့ခြင်းမှာ အကြောင်း ခြင်းရာ များများစားစား မရှိကြောင်း တွေ့ရသည်။ ကစားဖော်အချင်းချင်း ညီညတ်ကြသည်။ စည်းလုံးကြသည်။ အနိုင်မခံ အရှုံးမပေး စိတ်ဓာတ်ကြီးမားသလောက် ပြင်းပြင်းပြပြရှိကြသည်။ ထိုအဓိကအကြောင်းများကြောင့်သာ နှစ်ဂိုးပြတ်ဖြင့် ရှုံးနေရာမှ အချိန်တိုလေးအတွင်း နှစ်ဂိုးသွင်းကာ ချန်ပီယံဆုကြီးကို ထိုက်ထိုက်တန်တန် ရယူနိုင်ခဲ့ကြခြင်းသာ ဖြစ်သည်။ ထိုက်ထိုက် တန်တန် ဆိုသည်မှာ မြန်မာအသင်းသည် ထိုင်းအသင်းကို အရှုံးကနေ သရေကစားနိုင်ခြင်းမျိုးလောက်ကိုသာ ရည်ညွှန်းပြောဆို ခြင်းမဟုတ်ဘဲ ဆီမီးဖိုင်နယ်တွင် လက်ရှိ ချန်ပီယံလည်းဖြစ်၊ အိမ်ရှငိလည်းဖြစ်သည့် မလေးရှားအသင်းကိုပါ အနိုင်ယူခဲ့ခြင်းကို ရည်ညွှန်းပြောလိုရင်းဖြစ်၏။

ဆီးဂိမ်းခေတ် ချန်ပီယံကို ရယူဖို့အတွက်

ကျွန်းဆွယ်ခေတ် ပထမဆုံးချန်ပီယံဆုကို မြန်မာအသင်း ဘယ်လိုရယူခဲ့ရသလဲဆိုသည်ကို သိကြပါပြီ။ ထို့ကြောင့် ဆီးဂိမ်း ၁၈ ကြိမ်တစ်ခေတ်တွင် ချန်ပီယံ မဖြစ်ဖူးသေးသည့် မြန်မာအသင်းအနေဖြင့် ယခု ( ၂၇ ) ကြိမ်မြောက် ဆီးဂိမ်းတွင် ချန်ပီယံ ဖြစ်ခဲ့မည်ဆိုသော် ပထမဆုံးဆီးဂိမ်းချန်ပီယံဆုကို ရခြင်းပင် ဖြစ်ပေမည်။ ထိုပထမဆုံးသော ဆီးဂိမ်းချန်ပီယံဖြစ်ရန် အတွက် ဘာတွေလုပ်ရမည်၊ ဘာတွေလိုအပ်သည်ဆိုသည်ကို ပထမဆုံး ကျွန်းဆွယ်ချန်ပီယံဆုရစဉ် ဖြစ်စဉ်ဖြစ်ရပ်များက အထောက်အကူပေးနိုင်လိမ့်မည်ဟု ယူဆ၍ ဖော်ပြလိုက်ရခြင်းဖြစ်ပါသည်။

ယခုသာ ဘောလုံးရွှေရ၍ ချန်ပီယံဖြစ်ခဲ့မည်ဆိုလျှင် ရွှေတံဆိပ်ပေါင်း သန်း၆၀ ကို ရခြင်းပင် ဖြစ်ကြောင်း ညီငယ် ဘောလုံးသမားလေးများ တန်ဖိုးသိ ကြားစေချင်လှပါဘိ။

ရေးသူ - ဖေဒီ

Read More