တိုင်းရင်းသားလက်နက်ကိုင်တော်လှန်ရေးနှင့် မြန်မာနိုင်ငံ

စက်တင်ဘာလ ၂ ရက် ၂၀၁၃

        

       မြန်မာနိုင်ငံ၏ တိုင်းရင်းသားများ လက်နက်ကိုင်တော်လှန်ရေးသည် မြန်မာ့လွတ်လပ်ရေးနှင့် အတူတူ မွေးဖွားလာခဲ့ခြင်းဖြစ်ပါတယ်။ မြန်မာနိုင်ငံဟာ ၁၉၄၈ ခုနှစ်ကတည်းက လွတ်လပ်ရေးရခဲ့ သော်လည်းလက်ရှိ အချိန် ထိ တိုင်းရင်းသားအချင်းချင်း တိုက်ခိုက်နေကြပြီး စစ်ဘေးစစ်ဒဏ်ကို ခံနေကြရပါတယ်။ ငြိမ်းချမ်းမှုရှိမှ တိုင်းပြည်တိုးတက်မည်ကို မသိတာလား၊ တခြားသူတွေရဲ့ သွေးထိုးမှုတွေကို နားယောင်ပြိး ညီရင်းအစ်ကို အချင်းချင်း တိုက်ခိုက်သတ်ဖြတ်နေကြပြီး အဓိကခံစားနေရတာကတော့ ဖြစ်ပွားနေတဲ့နေရာဒေသမှာ နေထိုင်နေကြတဲ့ တိုင်းရင်းသားလူမျိုးတွေဘဲဖြစ်ပါတယ်။ ဘာကြောင့် မငြိမ်းချမ်းရတာလဲ??? ဘာကြောင့် တိုင်းရင်းသားညီအစ်ကိုအချင်းချင်း တိုက်ခိုက်နေရတာလဲ??? နိုင်ငံ၏အရေးကို လက်နက်နဲ့ဘဲဖြေရှင်း နေကြ တာလား????

          ယခုကမ္ဘာ့နိုင်ငံငယ်များကို နိုင်ငံကြီးများက ကျူးကျော်သိမ်းပိုက်မှုမရှိသော်လည်း စီးပွားရေး အရ ချယ်လှယ်နိုင်အောင်အမျိုးမျိုး လုပ်ဆောင်နေကြပါတယ်။ ကျုပ်တို့နိုင်ငံမှာရှိတဲ့ တိုင်းရင်းသားတွေ စည်းလုံးပြီး လုပ်ဆောင်နိုင်ငံတဲ့ အချိန်တွေမှာ အရှေ့တောင်အာရှမှာ လက်မထောင် နေနိုင်ခဲ့တဲ့ သာဓကတွေ ရှိခဲ့သလို အချင်းချင်း စည်းလုံးမှုမရှိတဲ့အတွက်လည်း ဒုက္ခအမျိုးမျိုးရောက်ခဲ့ကြရပါတယ်။ အခုလက်ရှိလည်း အချင်းချင်း ယုံကြည်မှုမရှိဘဲ အချင်းချင်းလက်နက်ဆွဲကိုင် တိုက်ခိုက်နေတုန်းပါဘဲ။

          တိုက်ခိုက်နေတာ ဘယ်သူ့အတွက်အကျိုးရှိလဲ။ တဖက်နဲ့တဖက်တိုက်ခိုက်နေတဲ့အတွက် ဒေသခံတွေ အိုးမဲ့အိမ်မဲ့ထွက်ပြေးရ၊ စီးပွားရေးလုပ်ငန်းတွေ စွန့်ခွာထွက်ပြေးရ၊ သလို တဖက်နဲ့တဖက် တိုက်နေကြတဲ့ လက်နက်တွေကျည်တွေက ဘယ်ကငွေနဲ့ဝယ်ယူထုတ်လုပ်နေသလဲ ဒီတိုင်းပြည်သယံဇာတ ဆီကနေဘဲ ၀ယ်ယူသုံးစွဲပြီး ညီအစ်ကိုအချင်းချင်း တိုက်ခိုက်နေကြတာဖြစ်ပါတယ်။ ပြည်တွင်းစစ်ကြီးမရှိရင် အဲဒီငွေတွေနဲ့ နိုင်ငံကို ပိုပြီးကာကွယ်နိုင်သလို နိုင်ငံတော်ကြီးအတွက်ဖွံ့ဖြိုးတိုးတက်အောင် ပိုမိုလုပ်ဆောင်နိုင်မှာ ပဲဖြစ် ပါတယ်။

          မြန်မာနိုင်ငံမှာ တိုင်းရင်းသားပေါင်း ၁၃၅မျိုးရှိပြီး အားလုံးဟာ ရှေ့ယခင်ကတည်းက အတူတူ နေထိုင် လာကြပြီး မြန်မာနိုင်ငံ တိုးတက်ရေးအတွက် အချင်းချင်း ပူးပေါင်းပြီး မြန်မာနိုင်ငံတော် ကြီး ကောင်းစား တိုးတက်ရေးအတွက် မတူတာတွေဘေးကိုဖယ်ပြီး အချင်းချင်း သည်းခံခွင့်လွှတ် ကာ မြန်မာ့ နိုင်ငံရေးအတွက် လုပ်ဆောင်မယ်ဆိုရင် မြန်မာနိုင်ငံဟာ မကြာခင်တိုးတက်လာမယ့် အနေ အထားမျိုးမှာ ရှိနေပါတယ်။

          တစ်ယောက်နဲ့တစ်ယောက် တိုင်းရင်းသားလူမျိုးတစ်မျိုးနဲ့ တစ်မျိုး အပြစ်ရှာနေလို့ မထူးတော့တဲ့ အနေအထားမျိုးမှာ ဖြစ်နေပါပြီး၊ ကချင်၊ကယား၊ ကရင်၊ချင်း၊ ဗမာ၊မွန်၊ရခိုင်၊ရှမ်းစတဲ့ လူမျိုးကြီးတွေက လူမျိုး တစ်မျိုးနဲ့တစ်မျိုး မကောင်းဘူးလို့ ပြောနေကြတယ်။ တိုင်းရင်းသားအားလုံးက ဘယ်သူမှ အားလုံးကောင်း နိုင်တယ် ဆိုတာမရှိပါဘူး။ ဆိုးတဲ့သူက ဆိုးမှာပါဘဲ။ အားလုံးတော့မဆိုးပါဘူး၊ ကချင်ကိုမကောင်းပြောရင် ကချင်တွေကမခံနိုင်သလို အခြားတိုင်းရင်းသားတွေလဲ သူတို့လူမျိုးကို မကောင်းပြောရင် ဘယ်သူမှ လက်မခံ ကြ ပါဘူး။ ဒါကြောင့်မို့ ဘယ်တိုင်းရင်းသားဘဲဖြစ်ဖြစ် မိမိလူမျိုးမှလွဲရင်အခြားတိုင်းရင်းသားတွေကို မကောင်းဘူး ပြောတာထက် မကောင်းတဲ့သူတွေ ကို ကောင်းအောင်စေတနာနဲ့ ၀ိုင်းဝန်းပြုပြင်ပြီး အချင်းချင်း စည်းလုံးစွာနဲ့ နိုင်ငံအရေးကို ပူးပေါင်းပြီး လက်တွဲလုပ်ဆောင်သင့်ပါတယ်။ ညီအစ်ကိုအချင်းချင်း တိုက်ခိုက် သတ်ဖြတ်နေမယ့်အစား စုပေါင်းလက်တွဲပြီးအခြားသူတွေရဲ့ အနိုင်ကျစိုးမိုးမှုမှ ၀ိုင်းဝန်းကာကွယ်သင့်ပါတယ်။

          မြန်မာပြည်ကြီးမှာ သယံဇာတတွေပေါကြွယ်ဝစွာ တည်ရှိနေပေမယ့်လည်း လူမျိုးစုတစ်ခုနဲ့တစ်စု အမြင်မကြည်လင်ဖြစ်မှုတွေကြောင့် နိုင်ငံခြားတို့တင်ပို့ ရောင်းချမှုများရှိသော်လည်း ရသင့်သည့် ဈေးနှုန်း ထက် အဆပေါင်းများစွာ နည်းပြီး အခြားနိုင်ငံတွေကိုရောင်းနေရပြီး ရသင့်တာမရဘဲ ရောင်းချနေရ သလို နိုင်ငံရဲ့ လူတော်လူကောင်းတွေလည်း ကိုယ့်နိုင်ငံကို အကျိုးမပြုဘဲ အခြားနိုင်ငံကို အကျိုးပြုနေကြရတာ ရင်နာလို့ မဆုံးတဲ့ ဖြစ်ရပ်တွေပါ ဒါတွေဟာ တိုင်းရင်းသားအချင်းချင်း ညီညွှတ်မှု မရှိဘဲ တိုက်ခိုက်နေကြလို့သာဖြစ်ပွား နေတာ ဖြစ်ကြောင်း ယူဆ ထင်မြင်ပါတယ်။

          အချင်းချင်းတိုက်ခိုက်မှုတွေကိုရပ်ဆိုင်းပြီး တိုင်ပြည်ကြီးကိုတိုးတက်အောင် တိုင်းရင်းသားလူမျိုး အားလုံး  စုပေါင်းပြီးလုပ်ဆောင်မယ်၊ အချင်းချင်းညီညီညွှတ်ညွှတ်ရှိမယ်ဆိုရင် မြန်မာနိုင်ငံတော်ကြီး အချိန် တိုအတွင်း အလျင်အမြန်တိုးတက်လာမှဖြစ်ပါတယ်။ အမြင်မကြည်လင်မှုတွေကိုဘေးဖယ်ပြီး စုပေါင်းပြီး နိုင်ငံတော်ကြီးတိုးတက်အောင်လုပ်ဆောင်သင့်ပါတယ်။ နိုင်ငံတော်ကြီးတိုးတက်ပါက နိုင်ငံအတွင်းမှာ နေထိုင် နေကြတဲ့ ကချင်၊ ကယား၊ကရင်၊ ချင်း၊ဗမာ၊မွန်၊ရခိုင်၊ရှမ်း စတဲ့ လူမျိုးစုတွေအား ကြွယ်ဝချမ်းသာမှာဖြစ်တဲ့ အတွက် နိုင်ငံတော်ကြီးအေးချမ်းသာယာအောင် တိုင်းရင်းသားအားလုံး၏ ခေါင်းဆောင်များက ၀ိုင်းဝန်းပေါင်းစု ပြီး တိုင်ပင်းဆွေးနွေး လုပ်ဆောင်သင့်ပါတယ်………………………..

တိုင်းရင်းသားနိုင်ငံခေါင်းဆောင်များအားလုံးသို့

(မောင်ထက်မြတ်)

Read More

ထာဝရနုပျိုသော အသက် ၄၂ နှစ်အရွယ် ကလေး ၂ ယောက်အမေ

စက်တင်ဘာလ ၂ ရက် ၂၀၁၃
       ပြောရင်တောင် ယုံရခက်တဲ့ အနေအထား တစ်ခုပါ။ သို့ပေမ့ယ် ဒါဟာ တကယ် အမှန်တရားတစ်ခု ပဲ ဖြစ်ပါ တယ်။ တောင်ကိုရီးယားနိုင်ငံမှာပါ။ Jung Dayeon လို့အမည်ရတဲ့ အသက် ၄၂ ကျော်ပြီဖြစ်တဲ့ ကလေး ၂ ယောက် မိခင် တစ်ဦးပါ။ ကလေးရပြီးနောက် ဝိတ် က ကီလိုဂရမ် ၇၀ ကျော်အထိတောင် တက်ခဲ့ပါတယ်။ နေရထိုင်ရလည်း အဆင်မပြေဖြစ်လာပြီး ဖျားနာလွယ်တဲ့ လူအိုတစ်ဦးလို ဖြစ်လာပါတယ်။ ဒါနဲ့ တစ်မနက်မှာ အိပ်ယာ ထထခြင်း သူ့စိတ်ခံယူချက်ကို ပြောင်းလဲလိုက်ပါတယ်။ ဝိတ်ကျပြီး သွက်လက်ချက်ချာ ကျန်းမာရေး ကောင်းမွန်သူ တစ်ဦး ဖြစ်လာစေရမယ်လို့ ခံယူချက်ထားလို့ ဝိတ်ချတဲ့ အားကစားကို ဆက်တိုက်ပြုလုပ်ပါတော့တယ်။

        ၃ လအတွင်း ဝိတ် ၂၀ ကီလိုဂရမ်အထိ ကျဆင်သွားပြီး သူ့ရဲ့  ပြောင်းလဲလိုက်တဲ့ Life Style ကြောင့် ပုံမှာ မြင်တွေ့ ရတဲ့အတိုင်း နုပျိုသွားတာကို မြင်တွေ့ရမှာပါ။ သူ့ကို အသက် ၄၂ နှစ်လို့ပြောရင်တောင် ဘယ်သူမှ ယုံမှာ မဟုတ်ပါဘူး။ ဒါပေမယ့် သူဟာ တကယ် အသက် ၄၂ နှစ်အရွယ် ဖြစ်ပါတယ်။ ကိုယ်ခန္ဓာ အချိုးအစား ပြေပြစ် လှပလာမှုနဲ့အတူ ရုပ်ရည်လည်း နုသထက်နုသွားပါတယ်။ ဒါကြောင့် ကြည့်လိုက်ရင် ဆက်ကျော်သက်၊ နှစ်ဆယ်ကျော်သက် အရွယ်လိုပဲ အမှန်တကယ် နုပျိုနေပါတယ်။ ကမ္ဘာအရပ်ရပ်က သတင်းမီဒီယာတို့ လာရောက် အင်တာဗျူး၊ လေ့လာရတဲ့အထိ နာမည်ကြီးသွားပြီး ဝိတ်ချနည်း စာအုပ်၊ အရွယ်တင် လေ့ကျင့်ခန်း အားကစားစာအုပ် အစရှိသဖြင့် အမျိုးမျိုး ရေးသား ထုတ်ဝေ ရာမှာလည်း   အောင်မြင်ခဲ့ပါတယ်။ လက်ရှိအချိန်မှာလည်း အားကစားလေ့ကျင့်ရေးခန်းမ ဖွင့်လှစ်သင်ကြားပြီး   အောင်မြင်နေ ပါတယ်။ သူ့ရဲ့  အောင်မြင်မှုက တောင်ကိုရီးယားမှာတင်မကပဲ ဂျပန်နိုင်ငံအထိ ကူးဆက် ခဲ့ပြီး အာရှရဲ့  စံပြ အိမ်ရှင်မ တစ်ဦးအဖြစ် မှတ်တမ်းတင်စေခဲ့ ပါတယ်။ စီးပွားရေးအရလည်း အောင်မြင်တဲ့ လုပ်ငန်းရှင် တစ်ဦး ဖြစ်လာပါတယ်။ အသက် ၄၂ နှစ်အရွယ် တကယ်ရှိပါပြီ။ သူမရဲ့  Facebook Profile Link ကတော့ အောက်ပါအတိုင်း ဖြစ်ပါတယ်။

www.facebook.com/jungdayeon

Aung Kham (International news for myanmar)

Read More

KIA မှဖမ်းဆီးသွားသော ဒေသခံ အမျိုးသမီး (၂) ဦး ဆက်ကြေးငွေပေးဆောင် ၍ ပြန်လည်လွတ်မြောက်

စက်တင်ဘာလ ၂ ရက် ၂၀၁၃

      ၂၀၁၃ ခုနှစ် သြဂုတ် ၂၈ ရက်နေ့တွင် ကချင်လွတ်မြောက်ရေးတပ်မတော် KIA မှ အဖွဲ့တစ်ဖွဲ့၏ ဖမ်းဆီးခြင်း ခံရသော ကချင်ပြည်နယ် မန်စီမြို့နယ် ဟန်ထက်ကျေးရွာနေ ဒေသခံအမျိုးသမီး (၂) ဦးသည် ဆက်ကြေးငွေ ပေးဆောင်၍ သြဂုတ် ၃၁ ရက်နေ့ ညနေ ၅ နာရီခွဲခန့်တွင် နေအိမ်များသို့   ပြန်လည်ရောက် ရှိလာကြောင်း ယင်း ဒေသခံ ရွာသားများ...ထံမှ သိရသည်။

     “ ဟိုတစ်နေ့က မတင်နုနဲ့ မသန်းရီတို့ ရွာကို ပြန်ရောက်လာကြတာတွေ့ရပါ တယ်၊ ဒီရွာကနေ မိုင်းခေါင်ရွာဘက်ကို ဖမ်းခေါ်သွားပြီး ဂျေစွမ်းတိုက်နယ် ရုံးကို ရောက်ခဲ့တယ်လို့ ပြောပါတယ်၊ သူတို့ကို မူးယစ်ဆေးဝါးရောင်းချ ကျော်ဇော်မှုနဲ့ ဖမ်းတယ်လို့ အဲဒီ KIA ခေါင်းဆောင်တစ်ယောက်က ပြောတယ်လို့ သိရပါတယ် ” ဟု ဟန်ထက်ရွာသားတစ်ဦးက ပြောပြသည်။

    အဆိုပါ အမျိုးသမီး (၂) ဦးနှင့် ရင်းနှီးသော ရွာသားတစ်ဦးက “ သူတို့ကို မူးယစ်ဆေးဝါးရောင်း တယ်ဆိုပြီး ဖမ်းတာလို့ ဟိုရောက်မှ ပြောတယ်လေ၊ လက်ပူးလက်ကြပ်မမိဘဲနဲ့ ဖမ်းတာကတော့   ငွေလိုချင်တယ်ဆိုတာ ရှင်းနေ တာပဲ၊ သူတို့က ဒီရွာမှာ ရိုးရိုးသားသားဈေးရောင်းစားနေတာ တစ်ရွာလုံး သိနေတာပဲ ၊ ပိုက်ဆံ ငါးသောင်းစီကို ဆက်ကြေးငွေအဖြစ်ပေးခဲ့ရတယ်လို့ ပြောတယ်၊ အဲဒါ KIA အဖွဲ့က ဆက်ကြေးကောက်တာပဲ ပေါ့ ” ဟုပြောပြခဲ့ သည်။

    ကချင်လွတ်မြောက်ရေးတပ်မတော် KIA အဖွဲ့တစ်ဖွဲ့မှ အဆိုပါ ဒေသခံ အမျိုးသမီး (၂) ဦးအား ဂျေစွမ်းတိုက်နယ်ရုံးတွင် မူးယစ်ဆေးဝါး ကိစ္စနှင့် ပတ်သက်၍ ကျော်ဇော်မှုများ မရှိစေရေးနှင့် ပတ်သက်ဆက် နွယ်မှုများ မရှိစေရန် ဟုအကြောင်းပြကာ ၀န်ခံကတိ လက်မှတ်ရေးထိုး ခိုင်းခဲ့ကြောင်း၊ ဂျေစွမ်းတိုက်နယ်ရုံး အတွက် ရံပုံငွေအဖြစ် တစ်ဦးလျှင် (၅၀၀၀၀) ကျပ်စီ ထည့်ဝင်ခိုင်း ခဲ့ကြောင်း၊ ယခုကဲ့သို့ မူးယစ်ဆေးဝါးကို အကြောင်းပြကာ ဒေသခံအမျိုးသမီး (၂) ဦးအား ဖမ်းဆီးသွားပြီး   ငွေကြေးတောင်းယူမှုမှာ KIA အဖွဲ့အနေဖြင့် ဒေသခံပြည်သူများအပေါ် လိမ်လည်လှည့်ဖြားကာ ဆက်ကြေး ကောက်နေခြင်းသာဖြစ်ကြောင်း၊ ရိုးသားစွာ လုပ်ကိုင်စားသောက် နေကြ သော   ဒေသခံများအပေါ် KIA အဖွဲ့၏ အနိုင်ကျင့် လုပ်ရပ်များကို တရား ဥပဒေနှင့် အညီ ဖြေရှင်းဆောင် ရွက်ပေး ရန် လိုလားနေကြောင်း ယင်းဒေသခံ များ၏ ပြောပြချက်အရ သိရှိရပါသည်။

နော်တူးဇော်

ကချင်နေစဉ်သတင်း  

Read More

တစ်နိုင်ငံလုံး အပစ်အခတ်ရပ်စဲရေးမှာ KIO ပါဝင်ဖို့ သေချာနေပြီလား

စက်တင်ဘာလ ၂ ရက် ၂၀၁၃
   နေပြည်တော်ရှိ ရထားပို့ဆောင်ရေးဝန်ကြီးဌာန အစည်းအဝေးခန်းမတွင် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် တိုင်းရင်းသားကိုယ်စားလှယ်များ သြဂုတ်လ ၃၁ ရက်...နေ့က တစ်နိုင်ငံလုံး အပစ်အခတ်ရပ်စဲရေးအတွက် အကြိုတွေ့ဆုံ ဆွေးနွေးခဲ့ကြပါတယ်။ အဲဒီတွေ့ဆုံပွဲမှာ ပြည်ထောင်စုငြိမ်းချမ်းရေး ဖော်ဆောင်ရေးကော်မတီဥက္ကဌ ဒုသမ္မတ ဒေါက်တာ စိုင်းမောက်ခမ်း၊ ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီး စိုးဝင်း၊ RCSS/SSA နဲ့ KNU အဖွဲ့ ကိုယ်စားလှယ်တွေ၊ ကုလသမဂ္ဂအတွင်းရေးမှူးချုပ် ရဲ့အထူးအကြံပေး မစ္စတာဗီဂျေနမ်ဘီးယား တို့ တက်ရောက်ခဲ့ကြတယ်လို့သိရပါတယ်။

   အဲဒီတွေ့ဆုံဆွေးနွေးပွဲမှာ ပထမအဆင့်အနေနဲ့ တစ်နိုင်ငံလုံး အပစ်အခတ်ရပ်စဲရေးကို   ဆောင်ရွက်မှာ ဖြစ်ကြောင်း၊ ဒုတိယအဆင့်အနေနဲ့ အားလုံးပါဝင်တဲ့ ငြိမ်းချမ်းရေးရဖို့   နိုင်ငံရေးဆွေးနွေး ပွဲကြီးပြုလုပ်ဖို့နဲ့ အဲဒါတွေ ပြီးရင်တော့ အားလုံးပါဝင်တဲ့ ညီလာခံကြီးရှိမှာဖြစ်ကြောင်း MPC မှ အထူး အကြံပေး   ဦးလှမောင်ရွှေက ပြောကြားခဲ့ တယ်လို့ သိရပါတယ်။

    တစ်နိုင်ငံလုံး အပစ်အခတ်ရပ်ဖို့အတွက် တွေ့ဆုံဆွေးနွေးပွဲကို အောက်တိုဘာလထဲမှာ ပြုလုပ်နိုင်မယ် လို့ ပြည်ထောင်စုငြိမ်းချမ်းရေး ဖော်ဆောင်ရေးလုပ်ငန်းကော်မတီ ဒုဥက္ကဌဦးအောင်မင်းက   ပြောကြား ထားခဲ့ပြီး   ဖြစ်ပါ တယ်။ အစိုးရနဲ့ အပစ်အခတ်ရပ်စဲရေး လက်မှတ်ရေးထိုးထားနိုင်တဲ့ တိုင်းရင်းသား လက်နက်ကိုင်အဖွဲ့အစည်း (၁၄) ဖွဲ့ရှိပြီး အပစ်အခတ်ရပ်ဖို့ ကျန်နေတာကတော့ ကချင်လွတ်မြောက်ရေး အဖွဲ့ (KIO)နဲ့ တအေားန် အမျိုးသား တပ်မတော် (TNLA)တို့ဖြစ်ကြောင်း သိရပါတယ်။

       တစ်နိုင်ငံလုံး အပစ်အခတ်ရပ်စဲရေး တွေ့ဆုံဆွေးနွေးဖို့က အောက်တိုဘာလထဲမှာဆိုတော့ တစ်လပဲ ကျန် တော့တာဖြစ်ပါတယ်။ အဲဒီကာလမှာ အစိုးရအဖွဲ့နဲ့ KIO၊ TNLA တို့က အပစ်အခတ်ရပ်စဲတဲ့ သဘောတူလက်မှတ် ရေးထိုးမှုတွေ ပြုလုပ်ရတော့မှာဖြစ်ပါတယ်။ ဒါကြောင့် KIO အနေနဲ့ အစိုးရအဖွဲ့နဲ့ တကယ်ပဲ သဘောတူ လက်မှတ်ရေးထိုးနိုင်မလားဆိုတာ စောင့်ကြည့်ရမှာဖြစ်ပါတယ်။ လတ်တလော အခြေအနေတွေအရ KIO အနေနဲ့ တစ်နိုင်ငံလုံး အပစ်အခတ်ရပ်စဲရေးမှာ ပါဝင်နုိင်ဖို့ သေချာရေရာမှုရှိ၊ မရှိဆိုတဲ့ အဖြေက အရေးကြီးပါတယ်။ ပြီးခဲ့တဲ့ သြဂုတ်လ ၁၇ ရက်နဲ့ ၁၈ ရက်နေ့တွေမှာ ပန်ဝါဒေသမှာ NDAK အဖွဲ့ကနေ အသွင်ပြောင်းထားတဲ့ နယ်ခြားစောင့် တပ်နဲ့ KIA တပ်ဖွဲ့တွေ ထိတွေ့တိုက်ပွဲဖြစ်ပွားခဲ့တယ်။ တစ်ဆက်တည်းဆိုသလို သြဂုတ်လ ၂၈ ရက်နေ့နဲ့ ၂၉ ရက်နေ့တွေမှာ လည်း တိုက်ပွဲတွေ ထပ်မံဖြစ်ပွားခဲ့ပါတယ်။ အဲဒီတိုက်ပွဲတွေ ဘာကြောင့် ဖြစ်ပွားခဲ့တာလဲဆိုတဲ့ အဖြေဟာ နှစ်ဘက်အငြင်းပွားမှုအဖြေတွေကြောင့် သံသယရှိစရာ ကောင်းနေခဲ့ပါတယ်။ KIA ဘက် ကပြောတော့ အစိုးရတပ်တွေဟာ KIA တပ်တွေရှိတဲ့ဘက်ကို ၀င်လာတဲ့အတွက် တိုက်ပွဲတွေဖြစ်ပွားခဲ့ တာပါလို့ ဖြေရှင်းချက်ပေး တယ်။ ပြည်သူ့စစ်အဖွဲ့ကလည်း ရိက္ခာပို့သွားတဲ့အချိန်မှာ KIA အဖွဲ့က ခြုံခိုမိုင်းဆွဲတိုက်ခိုက်တာပါလို့ ဖြေရှင်း ထားပါတယ်။ အဲဒီပဋိပက္ခတွေကြောင့် တည်ငြိမ်အေးချမ်းဖို့ အရှိန်ယူနေဆဲ ကချင်ပြည်နယ်အတွက် ထိုးနှက်ချက် တစ်ခုဖြစ်ခဲ့ရပါတယ်။

      လက်နက်ကိုင်အဖွဲ့အစည်း (၂)ဖွဲ့ဖြစ်တဲ့ KNU နဲ့ RCSS/SSA တို့နှင့် တွေ့ဆုံဆွေးနွေးပွဲမှာ ဒေါက်တာ စိုင်းမောက်ခမ်းက ငြိမ်းချမ်းရေးရရှိစေရန် ဆောင်ရွက်ခြင်းမှာ အပြောလွယ်သလောက် အလုပ်ခက်တဲ့ ကိစ္စ ဖြစ် ကြောင်း၊ အတိတ်က ဖြစ်ပျက်ခဲ့မှုများကို ရည်ညွှန်းကာ တစ်ဖက်နှင့်တစ်ဖက် ယိုးမယ်ဖွဲ့ ထိုးဆွနေကြရန် မလိုအပ် သလို အပေးအယူအလျော့အတင်း မဖြစ်မနေလုပ်နိုင်ရန်လိုအပ်ကြောင်း၊ မိမိတို့နိုင်ငံဟာ တိုင်းရင်းသားပေါင်းစုံရှိတဲ့ နိုင်ငံဖြစ်တာနဲ့အညီ တိုင်းရင်းသားပေါင်းစုံ၊ လူမျိုးပေါင်းစုံရှိနေမှု ကို စိန်ခေါ်မှုလို့ သဘောမထားဘဲ အခွင့်အရေး တစ်ရပ်၊ သူမတူတဲ့ အင်အားတစ်ရပ်အဖြစ် သဘောထား ကာ ပူးပေါင်းလက်တွဲသွားရန် လိုအပ်ကြောင်း ပြောကြား သွားခဲ့တယ်လို့ သိရပါတယ်။

   ဒါဆိုရင် KIO က အစိုးရအဖွဲ့နဲ့ အပစ်အခတ်ရပ်စဲပြီး တစ်နိုင်ငံလုံး အပစ်အခတ်ရပ်စဲရေး   တွေ့ဆုံဆွေးနွေး ပွဲမှာ ပါဝင်လာလိမ့်မယ်လို့ တိုင်းရင်းသားအားလုံး မျှော်လင့်နေကြပြီဖြစ်ပါတယ်။ လိုင်ဇာမြို့ကို ရောက်ရှိခဲ့တဲ့ ကုလသမဂ္ဂမြန်မာနိုင်ငံဆိုင်ရာ အထူးကိုယ်စားလှယ် အကြံပေးပုဂ္ဂိုလ် မစ္စတာ ဗီဂျေနမ်းဘီးယားကလဲ အစိုးရနဲ့ ဆွေးနွေးခဲ့သည့် မြစ်ကြီးနားသဘောတူညီချက်အတိုင်းသာ ဆက်လက် အကောင်အထည်ဖော်သွားသင့်ကြောင်း KIO ခေါင်းဆောင်ပိုင်းတွေကို တိုက်တွန်းပြောကြားခဲ့တယ်လို့ သိရပါတယ်။

   အဲဒီသဘောတူညီချက်တွေကို အကောင်အထည်ဖော်ဖို့ KIO အနေနဲ့ နည်းပညာရှင်များအဖွဲ့(Technical Team) ကိုဖွဲ့စည်းပြီး အစိုးရနည်းပညာအဖွဲ့၏ ညှိနှိုင်းကမ်းလှမ်းမှုကိုစောင့်နေခဲ့သော်လည်း ယနေ့အချိန် အထိ ဖိတ်ကြားခြင်းမရှိသေးကြောင်း KIO ဆီမှ သတင်းတွေထွက်ပေါ်လာခဲ့ပါတယ်။ ဒါပေမဲ့ အစိုးရ နည်းပညာရှင်များ အဖွဲ့ကတော့ KIO နည်းပညာရှင်အဖွဲ့နဲ့ တွေ့ဆုံဆွေးနွေးရန် ရှိသည်ဟု မကြာခဏ   ပြောဆိုနေသော်လည်း မည်သည့်အချိန်တွင် တွေ့ဆုံဆွေးနွေးမည်ကို ထုတ်ဖော်ပြောဆိုခြင်းမ ရှိသေးကြောင်း သိရပါတယ်။

  တစ်နိုင်ငံလုံးအပစ်အခတ်ရပ်စဲရေးအတွက် အစိုးရအဖွဲ့နဲ့ ကျန်ရှိနေတဲ့ KIO၊ TNLA တို့ဟာ တွေ့ဆုံ ဆွေးနွေးမှုကို မဖြစ် ဖြစ်အောင် ပြုလုပ်ရတော့မှာ ဖြစ်ပါတယ်။ သဘောတူညီချက်(၇)ချက် အတိုင်း ဆွေးနွေးရင် ပြဿနာမရှိသော်လည်း တစ်ဖက်ဖက်က အခွင့်အရေး ပိုတောင်းဆိုတာမျိုးနဲ့ တစ်ဖက်ဖက်က လိုက်လျော လိုက်ရတာမျိုးတွေလည်း ဖြစ်လာနိုင်ပါတယ်။ အဲဒီလိုအခြေအနေမျိုးမှာ ဘယ်အဖွဲ့အစည်းက ပြည်သူ့အကျိုးစီးပွား ကိုရှေးရှုဆောင်ရွက်မလဲ ဆိုတာ စောင့်ကြည့်ရမှာဖြစ် ပါတယ်။ မြန်မာနိုင်ငံသား တစ်ဦးအနေနဲ့ ထင်မြင်ယူဆမိတာ ကတော့ လက်တလောအခြေအနေကို အခွင့်ကောင်းယူပြီး ကိုယ်ကျိုးစီးပွားရှာသွားနိုင်တဲ့အဖွဲ့အစည်းတွေလည်း ရှိနိုင်တယ်ဆိုတာပါပဲ။ အဲဒီ လိုတောင်း သမျှ အခွင့်အရေးကို ပေးလိုက်မယ်ဆိုရင်တော့ တစ်နိုင်ငံလုံးအပစ်အခတ်ရပ်စဲ ရေး သဘောတူညီမှုအတွက် စတေးလိုက်ရတယ်လို့ပဲ ပြည်သူတွေကို မြင်အောင်ချပြပေးရမှာဖြစ်ပါတယ်။
မြန်မာနိုင်ငံသားအားလုံးကတော့ ဒီမိုကရေစီစနစ်ကျင့်သုံးနေဆဲကာလမှာ တစ်နိုင်ငံလုံး အပစ်အခတ် ရပ်စဲရေးကို အကောင်အထည်ဖော်စေချင်တာ ထပ်တူထပ်မျှဆန္ဒပါ။ ဒါမှလည်း တစ်တိုင်းပြည်လုံး ငြိမ်းချမ်းရေး ရရှိမှာ ဖြစ်ပြီး ပိုမိုတိုးတက်ထွန်းကားတဲ့ ဒီမိုကရေစီနိုင်ငံတော်ကြီးအဖြစ်ပဲ မြင်ချင်ကြတာပါ။
ဒါကြောင့် တစ်နိုင်ငံလုံး အပစ်အခတ်ရပ်စဲရေး မှာ KI0 ပါဝင်ဖို့ သေချာနေပြီလားဆိုတာ တိကျသေချာ တဲ့အဖြေတစ်ခုတော့ ရှိသင့်ပြီလို့ ထင်မြင်ယူဆမိပါတယ်။

နေနိုင်လင်း

ကချင်နေစဉ်သတင်း 

Read More

ရခိုင် ပြည်နယ် ပဋိပက္ခ နိုင်ငံတကာ အမြင်လွဲမှုရှိဟု နမ်ဘီယာ ပြော

S

မစ္စတာ ဗီဂျေ နမ်ဘီယာ နှင့် ရခိုင်ပြည်နယ် အစိုးရ ယမန်နေ့က တွေ့ဆုံ ဆွေးနွေးနေစဉ် (ဓာတ်ပုံ – Rakhine Straight Views / Facebook)

ရခိုင်ပြည်နယ်အတွင်း ဖြစ်ပွားခဲ့သည့် ပဋိပက္ခများနှင့်ပတ်သက်၍ နိုင်ငံတကာက အမြင်လွဲမှားမှုရှိနေ သည်ဟု ကုလသမဂ္ဂ အထွေထွေ အတွင်းရေးမှူးချုပ် ၏ အထူးကိုယ်စားလှယ် မစ္စတာ ဗီဂျေ နမ်ဘီယာ က ပြောဆိုကြောင်း သိရသည်။

မစ္စတာ ဗီဂျေနမ်ဘီယာ သည် ရခိုင်ပြည်နယ် စစ်တွေ မြို့နှင့်ဒေသတွင်း နေရာတချို့သို့ သွားရောက်ကာ အစိုးရ အာဏာပိုင် များနှင့်ဒုက္ခသည် အရေးကိစ္စများကို ယမန်နေ့က ဆွေးနွေးစဉ် ထိုသို့ ထည့်သွင်း ပြောဆို သွားကြောင်း ရခိုင်ပြည်နယ် အစိုးရ ၏ ပြန်ကြားရေး တာဝန်ခံ ဦးဝင်းမြိုင် က ဧရာဝတီ ကို ပြောသည်။

“ပြည်နယ်အစိုးရရဲ့ လုပ်ဆောင်ချက်တွေကို အားရကျေနပ်တဲ့ အကြောင်း၊ ပဋိပက္ခတွေ အပေါ် မှာ နိုင်ငံတကာက အမြင်လွဲ မှားနေတာတွေကိုလည်း လက်ရှိအခြေတွေနဲ့ ယှဉ်ပြီးတော့ နားလည် လာအောင် ပြောပေးမယ်၊ ကုလသမဂ္ဂ အဖွဲ့ကြီးဆီကို လည်း တင်ပြပေးမယ်လို့ ပြောသွားတယ်”ဟု ၎င်းက ဆိုသည်။

အာဏာပိုင်များနှင့် ဆွေးနွေးရာတွင် ပြည်နယ်အစိုးရ၏ လုပ်ဆောင်ချက်များကို အသိ အမှတ်ပြုကြောင်း၊ နိုင်ငံတကာမှ ပြော ဆိုနေမှုများနှင့်လက်တွေ့ အခြေအနေမှာ ကွာခြားကြောင်း၊ ဒုက္ခသည်များ အတွက် လိုအပ်သည့် အကူအညီ များကို ဆောင် ရွက်ပေးသွားမည် ဟု ပြောဆိုသွားကြောင်းလည်း ဦးဝင်းမြိုင် က ပြောသည်။

အကူအညီပေးမည်ဟု ဆိုသော်လည်း မည်သည့်အကူအညီမျိုး ပေးမည်ဆိုသည်ကို တိတိကျကျ ပြောဆိုမှု မရှိဟု ပြည်နယ် အစိုးရ ပြောခွင့်ရသူ က ဆိုသည်။ မစ္စတာ နမ်ဘီယာ၏ ရခိုင် ခရီးစဉ်သည် စက်တင်ဘာလ ၁ ရက်နေ့က စတင်ခဲ့ပြီး ၃ ရက်ကြာ မည်ဖြစ်ကာ ဒုတိယ ခရီးစဉ်လည်း ဖြစ်သည်။

၎င်းသည် ရခိုင်သို့ ရောက်ရှိစဉ် စစ်တွေ၊ မောင်တော၊ ပေါက်တော၊ သံတွဲ စသည့် ဒေသများသို့ သွားရောက်ခဲ့ကြောင်း ပြည် နယ် အစိုးရအဖွဲ့က ပြောသည်။ မစ္စတာ နမ်ဘီယာ သည် ပေါက်တော မြို့နယ်အတွင်းရှိ မွတ်စလင် ဒုက္ခသည် စခန်းများသို့ သွားရောက်၍ ဒုက္ခသည်များနှင့်တွေ့ဆုံခဲ့ကြောင်း သိရသည်။

မစ္စတာ နမ်ဘီယာသည် မောင်တောဒေသသို့ ယမန်နေ့က ရောက်ရှိခဲ့ပြီး မီးရှို့ခံရ၍ အိုးအိမ်မဲ့ ဖြစ်သွားခဲ့ရသော ဒေသခံ ရခိုင် တိုင်းရင်းသားများနှင့် လည်း တွေ့ဆုံ သည်။ ဒေသခံ များနေထိုင်သည့် မောရ၀တီ ကျေးရွာသို့ သွားရောက် တွေ့ဆုံစဉ် ဒေသခံများ၏ အခက်အခဲများ ကို မေးမြန်း၍ အားပေးစကားများ ပြောကြားခဲ့ကြောင်း ဒေသခံများ က ပြောသည်။

ဒေသခံ တိုင်းရင်းသားများ အနေဖြင့် မိမိတို့ ဒေသကို စွန့်ခွာ၍ တခြား ဒေသများသို့ ပြောင်းရွှေ့ မသွားကြရန် အရေးကြီးကြောင်း တိုက်တွန်းသွားခဲ့သည်ဟု မစ္စတာ နမ်ဘီယာ နှင့်ဒေသခံများ တွေ့ဆုံပွဲသို့ တက်ရောက်ခဲ့သည့် မောင်တော ဒေသခံ ဦးလှရွှေ က ဧရာဝတီ ကို ပြောသည်။

“ဒေသခံ တိုင်းရင်းသားတွေကို မိမိတို့ဒေသကို စွန့်ခွာမသွားဖို့ နမ်ဘီယာက ပြောပါ တယ်၊ ဒေသ ခံတွေကလည်း နမ်ဘီယာ လာပြီး အားပေးစကား ပြောလို့ အရမ်းကျေးဇူးတင်တဲ့ အကြောင်း၊ နောင်လည်း ခဏခဏ လာကြည့်ပေးဖို့ နမ်ဘီယာ ကို ဖိတ်ခေါ်လိုက်ကြတယ်”ဟု ၎င်း က ဆိုသည်။

မစ္စတာ နမ်ဘီယာသည် ယနေ့တွင် သံတွဲမြို့သို့ ရောက်ရှိနေပြီး မနက်ဖြန်တွင် ၎င်း၏ ရခိုင် ခရီးစဉ်နှင့်ပတ်သက်၍ သတင်း များ ထုတ်ပြန်ပေးသွားမည်ဟု ရခိုင်ပြည်နယ် အစိုးရ အဖွဲ့တာဝန်ရှိသူ က ပြောသည်။

မစ္စတာ နမ်ဘီယာ ၏ ရခိုင်ပြည် ခရီးစဉ်တွင် နယ်စပ်ရေးရာ ၀န်ကြီး ဒု ဗိုလ်ချုပ်ကြီး သက်နိုင်ဝင်း၊ လူဝင်မှု ကြီးကြပ်ရေးနှင့် ပြည်သူ့ အင်အား ၀န်ကြီးဌာန ၀န်ကြီး ဦးခင်ရီ၊ ရခိုင်ပြည်နယ် ၀န်ကြီးချုပ် ဦးလှမောင်တင်နှင့်သက်ဆိုင်ရာ အာဏာပိုင် အဖွဲ့ များ ပါဝင်ကြောင်း ဦးဝင်းမြိုင်က ပြောပြသည်။

မစ္စတာ နမ်ဘီယာသည် မြန်မာနိုင်ငံသို့ သြဂုတ် ၂၅ ရက်နေ့က ရောက်ရှိခဲ့ပြီး ကချင်ပြည်နယ်၊ မန္တလေးတိုင်း ဒေသများသို့ လည်း သွားရောက်ခဲ့သည်။ ကချင် ခရီးစဉ်တွင် ကေအိုင်အို ဥက္ကဋ္ဌ အပါအ၀င် ဗဟိုကော်မတီဝင်များနှင့် တွေ့ဆုံကြောင်း၊ မန္တလေးတိုင်း၊ မိတ္ထီလာမြို့တို့တွင်လည်း ဘာသာရေး ခေါင်းဆောင် များနှင့် သြဂုတ် ၂၈ ရက်နေ့တွင် တွေ့ဆုံခဲ့ကြောင်း သိရ သည်။

ကုလသမဂ္ဂ၏ မြန်မာနိုင်ငံဆိုင်ရာ လူ့အခွင့်အရေး အထူး စုံစမ်း စစ်ဆေးရေးမှူး မစ္စတာ သောမတ်စ် အိုဟေး ကင်တာနာ သည်လည်း ပြီးခဲ့သည့် သြဂုတ်လဆန်းပိုင်းတွင် ရခိုင်ပြည်နယ်သို့ သွားရောက်ခဲ့ရာ ၄င်းသည် မွတ်စလင်များဘက်မှ ရပ်တည် ဘက်လိုက်ခြင်း၊ ၎င်း၏အစီရင်ခံစာသည်လည်း မျှတမှု မရှိခြင်းဟု ဆိုကာ ဒေသခံတချို့၏ ကန့်ကွက် ဆန္ဒပြမှုများနှင့် ကြုံခဲ့ရသည်။

ရခိုင်ပြည်နယ်အတွင်း ၂၀၁၂ ခုနှစ် ဇွန်လက စတင်ပြီး ရခိုင်တိုင်းရင်းသားများနှင့် မွတ်စလင်များအကြား ပဋိပက္ခ ဖြစ် ပွားမှုကြောင့် ထောင်နှင့်ချီသည့် အိုမဲ့အိမ်မဲ့များသည် ဒုက္ခသည် စခန်းများ ၌ နေထိုင်နေ ရဆဲ ဖြစ်သည်။

Irrawaddy

Read More

ဦးသိန်းစိန်နှင့် ဦးရွှေမန်း မပြေလည်မှု ထပ်ဆိုးလာမည်လော

ဦးသိန်းစိန်နဲ့ ဦးရွှေမန်း အားပြိုင်မှုက ကျောင်းတော်က ရန်စလား (ကာတွန်း – လဂွန်းအိမ်)

သမ္မတ ဦးသိန်းစိန်က အစိုးရနဲ့ လွှတ်တော် ကြားမှာ နိုင်ငံရေးအရ ထိပ်တိုက်တွေ့မှုတွေ၊ ပွတ်တိုက်မှုတွေ ရှိနေတဲ့ အကြောင်း ပထမဆုံး အကြိမ် ၀န်ခံ ပြောဆိုလိုက်ပြီး ဒီထိပ်တိုက်တွေ့မှုတွေ မပြေလည်ရင် တပ်အာဏာသိမ်းမှုထိ ဖြစ်ကောင်းဖြစ်လာနိုင်တယ်လို့ နိုင်ငံရေးအသိုင်းအဝိုင်းက စိုးရိမ်တကြီး ဖြစ်လာနေပါတယ်။
သမ္မတဦးသိန်းစိန်က ပြုပြင် ပြောင်းလဲရေး ကာလ ဖြစ်တာမို့ အုပ်ချုပ်ရေးမဏ္ဍိုင်၊ ဥပဒေပြုရေးမဏ္ဍိုင် တို့အကြားမှာ လတ်တလော ဖြစ်ပွားနေတဲ့ “နိုင်ငံရေး ပွတ်တိုက်မှု” တွေက သဘာဝကျတဲ့ ကိစ္စရပ်တွေဖြစ်ပြီး ဘယ်သူမှားတယ်၊ ဘယ်သူမှန်တယ်ဆိုတာ ပွတ်တိုက်မှု တွေ ကိုကြည့်ပြီး သင်ခန်းစာ ယူရမယ်၊ အနာဂတ်နိုင်ငံ အတွက် ပိုမိုကောင်းမွန်တဲ့ စနစ်ဖြစ်ဖို့ ဒီမိုကရေစီ ကို အခြေခံတဲ့ အုပ်ချုပ်ရေးမဏ္ဍိုင် နဲ့ ဥပဒေပြုရေး မဏ္ဍိုင်အကြား အပြန်အလှန် ထိန်းကျောင်းနိုင်ဖို့ လက်ရှိ မြန်မာနိုင်ငံရေး ခေါင်းဆောင် တွေ အနေနဲ့ ၀ိုင်းဝန်းပါဝင် ထိန်းကျောင်း ပေးဖို့ ပန်ကြားလိုက်ပါတယ်။
“ကျနော်အပါအ၀င် လက်ရှိ မြန်မာ့နိုင်ငံရေးခေါင်းဆောင်များအနေနဲ့ နိုင်ငံရေးပွတ်တိုက်မှုတွေကို နားလည်လက်ခံပြီး ရေရှည် တည်ဆောက်ရေးသင်ခန်းစာများ ရယူကာ ဆွေးနွေးညှိုနှိုင်းခြင်းတွေ၊ မျှတတဲ့ အပေးအယူ ပြုလုပ်ခြင်းတွေနဲ့ ခိုင်မာတဲ့နိုင်ငံရေး ဖြစ်စဉ်နဲ့ နိုင်ငံရေး ယဉ်ကျေးမှုသစ် တည်ဆောက်ရေးတို့ကို ရည်သန်ထိန်းကျောင်းပေးဖို့ တိုက်တွန်းလိုပါတယ်” လို့ သမ္မတဦးသိန်းစိန်က ဆိုပါတယ်။
ဒီမိန့်ခွန်းကို ထုတ်လွှင့်မယ့်အချိန်မှာပဲ ဒေါ်အောင်ဆန်းစုကြည်ကို ဦးသိန်းစိန်က ဖိတ်ကြားပြီး ၂ ဦး သီးသန့် တွေ့ဆုံခဲ့ ပါသေးတယ်။ ဒီလို နှစ်ဘက်တွေ့ဆုံမှုတွေဟာ ခပ်စိပ်စိပ် ဖြစ်လာနေတယ်လို့ သမ္မတရုံးနဲ့ နီးစပ်သူတွေက ဆိုပါတယ်။
“ဒေါ်အောင်ဆန်းစုကြည်နဲ့ ဦးသိန်းစိန်တွေ့ဆုံတာကို သမ္မတက ဘယ်သူ့ကိုမှ အသိမပေးဘဲ တွေ့ခဲ့တာ။ ကျနော် သိသ လောက် တော့ ဒေါ်အောင်ဆန်းစုကြည် နဲ့ ဦးသိန်းစိန် တွေ့တာက သတင်း ထုတ်ပြန်မှု မရှိဘဲ ခဏခဏ တွေ့ခဲ့ကြ တယ်။ ဒီတကြိမ် တော့ ဒေါ်အောင်ဆန်းစုကြည် ဘက်က သတင်းထုတ်ပြန်လိုက်တာပေါ့။ သမ္မတရုံးက တာဝန်ရှိသူတွေ တောင် သူတို့ ၂ ဦး တွေ့တာကို မသိလိုက်ဘူး။ ဒေါ်အောင်ဆန်းစုကြည်အနေနဲ့ အရင်တုန်းက ဦးရွှေမန်းနဲ့ ဦးသိန်းစိန် အကြားမှာ သုံးပွင့်ဆိုင် အလုပ်လုပ်ဖို့ ကြိုးစားတာပဲ။ ဒါပေမယ့် နောက်ဆုံးမှာ ဦးရွှေမန်းဘက်ကို ရောက်သွားတဲ့ ပုံစံမျိုးဖြစ်သွားတယ်။ အဲဒီလို အခြေအနေမှာ ဦးသိန်းစိန်နဲ့ ဒေါ်အောင်ဆန်းစုကြည် တွေ့တာ ကောင်းတယ် လို့ ယူဆလို့ရ တယ်” လို့ သမ္မတရုံးနဲ့ နီးစပ်သူတဦးက ဆိုပါတယ်။
အမျိုးသားဒီမိုကရေစီအဖွဲ့ချုပ်နာယက ဟံသာဝတီဦးဝင်းတင်ကလည်း ဦးသိန်းစိန်နဲ့ ဦးရွှေမန်းရဲ့ ခေါင်းဆောင်ပိုင်း ပြိုင်ဆိုင်မှုက လွှတ်တော် အမတ်တွေနဲ့ အစိုးရကြားမှာ အက်ကွဲကြောင်း သိသိသာသာ ပေါ်လာစေတယ်လို့ ဆိုပါတယ်။
“ဦးသိန်းစိန်နဲ့ ဦးရွှေမန်း အားပြိုင်မှုက ကျောင်းတော်က ရန်စပေါ့။ ၂၀၁၀ ရွေးကောက်ပွဲပြီးကတည်းက သမ္မတ ဦးရွှေမန်း ဖြစ်မယ်လို့ အများက ထင်ထားခဲ့ရာကနေ ဦးသိန်းစိန်ဖြစ်သွားခဲ့တယ်။ အဲဒီကနေ စတာပဲ။ နောက်တော့ အခြေခံဥပဒေ ခုံရုံးဥက္ကဋ္ဌ နုတ်ထွက်သွားရတဲ့ ကိစ္စ။ ဒီကိစ္စပြီးတဲ့နောက် ခုံရုံးဥက္ကဋ္ဌ အသစ်နဲ့ အဖွဲ့ ပေါ်လာပေမယ့် အခုအချိန်အထိ တုတ်တုတ်မှ မလှုပ်ဝံ့ဘူး။ အပြိုင်အဆိုင် ကိစ္စ တော်တော်များတယ်။သူတို့ ၂ ဦးကြား ပြိုင်ဆိုင်မှုက အောက်ခြေမှာ အမတ်တွေ ကြားမှာ စစ်တပ်နဲ့ ကြံ့ခိုင်ရေး အမတ်တွေကြားမှာပါ ပိုပြီးတော့ ပြိုင်ဆိုင်မှုတွေဖြစ်လာတယ်။ ဦးသိန်းစိန်ရဲ့ တူတာတွေ တွဲလုပ်ပြီး မတူတာတွေ ဘေးဖယ်ထားမယ်၊ မလုပ်ဘူး ဆိုတဲ့ မူဝါဒ လမ်းစဉ်ကြောင့် တိုင်းပြည်မှာ ပြဿနာ ပေါင်း သောင်းခြောက်ထောင် ရှိနေတဲ့အချိန်မှာ အစိုးရနဲ့ လွှတ်တော်ကြားမှာ အားပြိုင်တာက တိုင်းပြည်အတွက် မကောင်းနိုင်ဘူး” လို့ ဦးဝင်းတင်က ဆိုပါတယ်။
ဒေါ်အောင်ဆန်းစုကြည်၊ ဦးရွှေမန်းနှင့် ဦးသိန်းစိန်တို့ ၃ ဦးအကြား နိုင်ငံရေး ကစားမှုက တိုင်းပြည်အပေါ် သက်ရောက်မှု ကြီးမားနိုင်တယ်လို့ ဦးဝင်းတင်က ပြောပါသေးတယ်။
“ဒေါ်အောင်ဆန်းစုကြည်က ပထမတော့ ဦးသိန်းစိန်နဲ့ တော်တော်ကို ဆက်ဆံရေးအဆင်ပြေတယ်။ အဲဒီကနေ အမေရိကန် ခရီးစဉ်အပြီးမှာ ဦးရွှေမန်းနဲ့ တော်တော်တွဲဖြစ်တယ်။ အပြင်မှာ သုံးသပ်ကြတာတော့ အခြေခံဥပဒေ ပြင်ဆင်ရေးအတွက် ဒေါ်အောင်ဆန်းစုကြည်အနေနဲ့ ဦးရွှေမန်းဘက်ကနေ ပုံအောပြီး လောင်း လိုက်တာက ဘာမှ အကျိုးမဖြစ်ထွန်းဘူး ဆိုတာမျိုးတွေ ပြောကြတယ်။ ဦးရွှေမန်း၊ ဦးသိန်းစိန်နဲ့ ဒေါ်အောင်ဆန်းစုကြည် ၃ ဦးရဲ့ နိုင်ငံရေး ကစားမှုက နိုင်ငံရေးပေါ်မှာ သက်ရောက်မှု အများကြီးရှိလိမ့်မယ်” လို့ ဦးဝင်းတင်က ဆိုတယ်။
၂၀၀၈ ဖွဲ့စည်းပုံအခြေခံဥပဒေအရ အစိုးရနဲ့ လွှတ်တော်အကြား တဦးနဲ့ တဦး စွပ်စွဲပြစ်တင်တာတွေ လုပ်လာလို့ နိုင်ငံရေး မတည်မငြိမ် ဖြစ်လာရင် တပ်မတော်အနေနဲ့ တရားဝင် အာဏာသိမ်းခွင့်ရှိတယ်ဆိုတဲ့ အချက်ကို ခေါင်းဆောင်အားလုံး သတိရှိသင့်ပြီး စစ်တပ် အာဏာသိမ်းမှု မဖြစ်ရေးက လက်ရှိ အစိုးရခေါင်းဆောင်၊ လွှတ်တော်ခေါင်းဆောင်နဲ့ နိုင်ငံရေး ခေါင်းဆောင် တွေအပေါ်မှာ အဓိက မူတည်နေတယ်လို့ ဒေါ်အောင်ဆန်းစုကြည်နဲ့ နီးစပ်တဲ့ လွှတ်တော်ကိုယ်စားလှယ်တဦးက ဧရာဝတီကို ပြောဆိုပါတယ်။
လတ်တလော တပ်မတော်က သမ္မတဦးသိန်းစိန် ဘက်က ရှိနေပေမယ့် တပ်မတော်သားလွှတ်တော်ကိုယ်စားလှယ်တွေနဲ့ အာဏာရ ပြည်ခိုင်ဖြိုး ပါတီရဲ့ လွှတ်တော်ကိုယ်စားလှယ် သဘောထား ကွဲလွဲမှု၊ မတူညီမှုက မြန်မာ့ နိုင်ငံရေးမှာ သက်ရောက်မှု ကြီးမားနိုင်ကြောင်း၊ သြဂုတ်လ ၂၃ ရက်နေ့ ပြည်သူ့လွှတ်တော်မှာ တပ်မတော်သားကိုယ်စားလှယ်တွေနဲ့ ကြံ့ခိုင်ရေး ကိုယ်စားလှယ် တွေအကြား အပြန်အလှန် ဝေဖန်ပြောဆိုချက်တွေက အနာဂတ်မြန်မာ့နိုင်ငံရေးအတွက် လျှော့တွက် လို့မရတဲ့ သက်ရောက်မှုတွေ ရှိနိုင်တယ်လို့ သမ္မတရုံးနဲ့ နီးစပ်သူက ဆိုပါတယ်။
“လွှတ်တော်ကိုယ်စားလှယ်တာဝန်မှ ပြန်လည်ရုပ်သိမ်းခြင်း ဆိုင်ရာ ဥပဒေကြမ်း အတည်ပြုပေးဖို့ ဆွေးနွေးတဲ့ တပ်မတော်သား ကိုယ်စားလှယ် တွေမှာ ဗိုလ်မှူးကြီးဥာဏ်နိုင် လေ့ကျင့်ရေးတပ်ကျောင်းက။ ဗိုလ်မှူးကြီး မြင့်ကိုကို ဆိုတာက တကယ်တန်းက ဗိုလ်မှူးချုပ် ရာထူးဖြစ်နေတဲ့ ဆက်သွယ်ရေးဌာနမှူးကြီးပေါ့။ ဗိုလ်မှူးကြီး တင့်ဆန်းက လာရှိုး ဒုတိယ တိုင်းမှူးလို့ ကြားရတယ်။ တပ်မတော်ဘက်က ပုဂ္ဂိုလ်တွေက အင်မတန်မှ အရေးပါတဲ့ ပုဂ္ဂိုလ်တွေပဲ။ အဲဒီတော့ ဒါကို လျော့တွက်လို့မရဘူး။ ပွတ်တိုက်မှုတွေ များပြီးတော့ ခဏခဏဖြစ်လာရင်တော့ သိပ်ပြီးတော့ အလားအလာ မကောင်းဘူး” ဟု သူက ဆိုတယ်။
ဒီလို ထိပ်သီးအကွဲအပြဲတွေကို ထိန်းကျောင်းပေးနိုင်သူဆိုလို့ အခုအငြိမ်းစားနေတဲ့ ဗိုလ်ချုပ်မှူးကြီး သန်းရွှေသာရှိတာကြောင့် သူ့ကို ကြားဝင်ဖို့ ပန်ကြားမှုတွေ ရှိတယ်လို့ နေပြည်တော် နိုင်ငံရေး အသိုင်းအဝိုင်းကတဆင့် ဧရာဝတီက ကြားသိရပါတယ်။
ဒါ့ကြောင့် ဦးသန်းရွှေအိမ်ကို အဝင်အထွက်ရှိတဲ့ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ ဒု-ဥက္ကဌ ဦးဌေးဦးကို မေးမြန်းရာမှာ တပ်မတော်သား လွှတ်တော်ကိုယ်စားလှယ်တွေနဲ့ ကြံ့ခိုင်ရေးအမတ်တွေအကြား အကွဲအပြဲ ဖြစ်နေတာ မရှိတဲ့အပြင် ကြံ့ခိုင်ရေးပါတီ အတွင်းမှာလည်း အုပ်စုကွဲတာမျိုးတွေ မရှိကြောင်း၊ ဗိုလ်ချုပ်မှူးကြီးသန်းရွှေက အစိုးရနဲ့ လွှတ်တော် အကြား ပဋိပက္ခကို ခေါ်ယူ သတိပေး ပြေလည်အောင် ညှိုနှိုင်းပေးတယ်ဆိုတဲ့ သတင်းတွေကလည်း မဟုတ်မှန်ကြောင်း ရှင်းလင်းပြောဆိုပါတယ်။
“တပ်နဲ့ ပြည်ခိုင်ဖြိုးအကြားမှာ နိုင်ငံရေး ပေါ်လစီ ကွဲတယ်ဆိုတာ မဟုတ်ပါဘူး။ ကြီးကြီးမားမား ပြဿနာမဟုတ်ပါဘူး။ တယောက်နဲ့ တယောက် ကိုယ့်အယူအဆ ကိုယ်မှန်တယ်လို့ ပြောကြတာပေါ့။ သိပ်ပြီးတော့ ထူးခြားလှတယ်မဟုတ်ဘူး။ တခုခု အမြင်မတူတာ သဘာဝပဲ။ ပါတီမှာ အစည်းအဝေးတွေ လုပ်ပြီး ညှိုနှိုင်းရှင်းပြ၊ သဘောထားတခုပဲရမှာပေါ့” လို့ ဦးဌေးဦးက ဆိုတယ်။
လက်ရှိ နိုင်ငံရေး သဘောထားကွဲလွဲမှုတွေ ရှိနေပေမယ့် ဖြေရှင်းလို့မရတဲ့အထိ မဖြစ်နိုင်ဘူးလို့လည်း ဦးဌေးဦးက ဆိုပါတယ်။
“အားလုံး ပြေလည်ရမယ်။ ဒီအဖွဲ့တွေက ဖွဲ့စည်းပုံအခြေခံဥပဒေအရ ပေါ်ပေါက်လာတဲ့ အရေးပါတဲ့ အဖွဲ့ ၂ ဖွဲ့ပဲ။ ထိပ်တိုက် ဆိုတာထက် တယောက်နဲ့ တယောက် သဘောမတူညီတာတွေထက် သဘောထားတူညီအောင် အဖြေတခု ရအောင် ရှင်းရမှာပေါ့။ ကျနော်က ဒီလိုပဲ မြင်ပါတယ်။ အယူအဆ မတူကြတာတွေရှိမှာပေါ့။ ဒီအပေါ်မှာ မူတည်ပြီး ညှိုနှိုင်း ပေါင်းစပ် ဖို့လိုပါတယ်။ ဥပဒေပြုရေး၊ အုပ်ချုပ်ရေး၊ တရားစီရင်ရေး တို့ ပေါင်းစပ်တော့မှပဲ နိုင်ငံတော် အချုပ်အခြာ အာဏာ ဖြစ်လာတာလေ။ ပေါင်းစပ်ညှိုနှိုင်းလို့ရတဲ့ အခြေအနေရှိပါတယ်။ ပေါင်းစပ်လို့ ရရမှာပေါ့” လို့ ဦးဌေးဦးက ဆိုတယ်။
လတ်တလော ဦးသိန်းစိန်နဲ့ ဦးရွှေမန်းကြား နောက်ဆုံး ထိပ်တိုက်တွေ့ဆုံမှုဖြစ်နိုင်တဲ့ ကိစ္စတွေကတော့ လွှတ်တော် ကိုယ်စားလှယ် တာဝန်မှ ရုပ်သိမ်းခြင်းဆိုင်ရာ ဥပဒေကြမ်းနဲ့ ဖွဲ့စည်းပုံ အခြေခံဥပဒေ ပြင်ဆင်ရေး ကိစ္စဖြစ်တယ်လို့ လွှတ်တော် ကိုယ်စားလှယ် အချို့က သုံးသပ်ပါတယ်။
လွှတ်တော် ကိုယ်စားလှယ် တာဝန်မှ ရုပ်သိမ်းခြင်းဆိုင်ရာ ဥပဒေကြမ်း နဲ့ပတ်သက်လို့ အစိုးရနဲ့ လွှတ်တော်အကြား အမြင့်ဆုံး အားပြိုင်မှုကို ရောက်ရှိနေပြီး အထူးသဖြင့် ပြည်ထောင်စုရွေးကောက်ပွဲကော်မရှင်ထံကို လွှတ်တော်ကိုယ်စား လှယ်တွေ အဖြစ် ရပ်စဲဖို့ ပြည်သူ ၁ ရာခိုင်နှုန်းကျော်က လက်မှတ်ရေးထိုး တိုင်ကြားခံ ထားရတဲ့ လွှတ်တော် ကိုယ်စားလှယ် ၄ ဦးလောက် ရှိတယ်လို့ သိရပါတယ်။
အောက်တိုဘာလ မှာ ပြန်လည်ခေါ်ယူမယ့် လွှတ်တော်အစည်းအဝေးတွေမှာ တဖက်နဲ့ တဖက် မညှိုနှိုင်းကြတော့ဘူးဆိုရင် ဖွဲ့စည်းပုံ အခြေခံဥပဒေ ပြင်ဆင်ရေး၊ ငြိမ်းချမ်းရေးနဲ့ ၂၀၁၅ ရွေးကောက်ပွဲ ကျင်းပရေး လုပ်ငန်းစဉ်တွေ မသေချာ မရေရာ ဖြစ်နိုင်ပါတယ်။

Irrawaddy

Read More

Myanmar Sexy Girls Collection 1

 

Myanmar Celebrities

Read More

ဆုမြတ်နိုးကျော် လန်းချက် ၉လောက်ရှိတယ်ဗျို့...

Read More

အစီအစဉ်ကျမှု နဲ့ ပညာရှိမှု

တခါက ဗဟုသုတ သိပ်နှံ့စပ်ပြည့်စုံတဲ့ ပညာရှိကြီးတစ်ယောက်နဲ့ လူငယ်လေး တစ်ယောက် ရထားပေါ်မှာ ဆုံမိကြသတဲ့..။

စကားစမြည်ပြောကြည့်ရင်းကနေ တစ်ယောက်နဲ့တစ်ယောက် ဥာဏ်စမ်းမေးခွန်းတစ်ခု အပြန်အလှန်မေးဖို့ သဘောတူကြတယ်..။

လောင်းကြေးက.. နှစ်အချိုး တစ် သတ်မှတ်လိုက်တယ်..။

ပညာရှိကြီးက.. လူငယ်လေးမေးတဲ့မေးခွန်းမဖြေနိုင်ရင် ငွေငါးဆယ်ပေး
ရမယ်..။ ပညာရှိကြီးအမေးကို လူငယ်လေးက မဖြေနိုင်ရင်တော့ ငွေအစိတ်ပေးရမယ်..။

အဲ့ဒီမှာ လူငယ်လေးက.. မေးခွန်းကို အရင်မေးခွင့်ရတယ်..။ ပညာရှိကြီးဆိုတော့..လူငယ်ကို ဦးစားပေးတဲ့ သဘောပေါ့..။

ချာတိတ်က အဲ့ဒီမှာ အခုလို မေးတယ်..။

'' မေးစေ့မှာ ချို ကြီးနဲ့ .. မျက်စိက နဖူးမှာ.. ခြေထောက်သုံးဖက်.. လက်တစ်ဖက်နဲ့ လမ်းလျှောက်ရင် ခုန်ဆွခုန်ဆွ နဲ့.. အဲ့ဒီအကောင် ဘာကောင်လဲ '' တဲ့..။

ပညာရှိကြီးခမျာ့.. နဖူးကချွေး-ခြေမကျသည်အထိ စဉ်းစားပေမယ့် အဖြေမရတော့.. ငွေငါးဆယ် ပေးလိုက်ရတယ်..။

အဲ့ဒီနောက် ပညာရှိကြီး မေးခွန်း-မေးရမယ့်အလှည့်..။ ခုနက အကောင် ဘာကောင်လဲဆိုတာ.. သူသိပ်သိချင်နေတယ်..။ အဲ့ဒါနဲ့ပဲ.. ချာတိတ်ကို သူမေးတယ်..။

'' ခုနက မောင်ရင်ပြောတဲ့အကောင်က  ဘာကောင်လဲ '' တဲ့..။

ချာတိတ်က.. '' ကျွန်တော်လည်း မသိဘူး.. ရော့အစိတ် '' ဆိုပြီး ငွေအစိတ်ပြန်ပေးလိုက်တယ်..။ ဟဲဟဲဟဲ..။

စားပြီး သောက်ပြီး ငွေအစိတ် ကျန်သွားတာပေါ့..။

မှတ်မှတ်ရရ အဲ့ဒီအကြောင်းကို မိုးသောက်ပန်းထဲမှာ ခုနှစ်တန်းနှစ်လောက်က ဖတ်ဖူးတာ.. အခုထိမှတ်မှတ်ထင်ထင် ရှိနေတယ်..။

ဖတ်စတုံးကတော့.. ဟာသသဘောနဲ့ ခံစားနှစ်သက်ခဲ့တာပဲ..။

ဒါပေမယ့်.. နောက်ပိုင်း အဲ့ဒီအကြောင်းနဲ့ စပ်လျဉ်းပြီး ဆက်စပ်တွေးတောနိုင်တာ- ချဲ့ထွင်သင်ယူနိုင်တာတွေ မြင်လာတယ်..။

မျက်စိ-နား-ချို-ခြေထောက်-လက် စတာတွေဟာ ကျွန်တော်တို့သိတဲ့ အရာတွေပဲ..။ ဒါပေမယ့် အဲ့ဒီ အရာတွေကို သူ့နေရာနဲ့သူ အစီအစဉ်တကျ နေရာချနိုင်မှသာ အဓိပ္ပါယ်ရှိတဲ့.. ကျွန်တော်တို့သိတဲ့နောက်အရာတစ်ခု ရုပ်လုံးပေါ်လာတာ..။

ဆိုလိုတာက.. ကိုယ်သိတဲ့အရာတွေနဲ့ တည်ဆောက်ထားတိုင်း အစီအစဉ်မကျရင်..ကိုယ်သိချင်မှ သိမယ်.. ကိုယ်လိုချင်တဲ့ရုပ်လုံး ပေါ်ချင်မှပေါ်မယ် ဆိုတာပဲ..။ puzzles game လိုပေါ့..။

ုရုပ်လုံးပေါ်ဖို့ဆိုတာ.. အစီအစဉ်ကျဖို့ လိုတယ်..။ တစ်နဲ့နှစ်နဲ့ကို သူ့အစီအစဉ်အတိုင်း သွားရတယ်..။ ကျော်ခွသွားလို့.. ကျော်ခွထားလို့ မရဘူး..။ တစ်ပြီး နှစ်လာ ရမယ်ဆိုတဲ့ အစီအစဉ်အတိုင်း ပုံဖော်ရမယ်ဆိုရင် အဲ့ဒီအတိုင်း ပုံဖော်နိုင်မှ.. ရုပ်လုံးပေါ်မှာ..။

ဒီထက် ကြီးကြီးကျယ်ကျယ်ပြောရရင်.. သယံဇာတတွေရှိတယ်- အရင်းအမြစ်တွေရှိတယ်- လူ့စွမ်းအားတွေရှိတယ်- ခြိမ်းခြောက်မှုတွေ ရှိတယ်- အခွင့်အလမ်းတွေရှိတယ်- စတဲ့ အရာတွေအားလုံးကို သူ့နေရာနဲ့သူ အံဝင်ခွင်ကျ စီမံနိုင်မှ ဒီမိုကရေစီ ရုပ်လုံးက ကြွလာမှာ..။ ပုံက ပေါ်လာမှာ ပဲ..။

နို့မို့ဆိုလို့ကတော့.. ဘာကောင်မှန်းမသိတဲ့ အကောင်တစ်ကောင်ကို မွေးထုတ်တာနဲ့ အဆုံးသတ်ဖို့ ရှိတယ်..။

ဒီထက်ဆိုးတာက.. ကိုယ့်အခြေအနေက သူထက်သာတိုင်း.. လောင်းကြေးနိုင်ချင်မှ နိုင်မယ်ဆိုတာကိုလည်း မမေ့သင့်ဘူး..။ ဘာကိုလောင်းမှာလဲ..လောင်းကြေးကဘယ်လိုလဲ စတာတွေကိုပါ မှန်းဆစေ့ငုနိုင်မှ.. ပညာရှိမည်ပါတယ်..။

အဲ့သလိုမဟုတ်ရင်တော့.. ပညာရှိကြီး ငွေအစိတ်ရှုံးသတဲ့ ဆိုတဲ့ သတင်း.. ကျော်မကောင်းကြားမကောင်း ထွက်လာဖို့ ရှိတယ်..။
ko-navana

Read More

AIDS ဝေဒနာရှင်မိန်းမတစ်ယောက် တိုက်ပေါ်မှခုန်ချ၍ အဆုံးစီရင်

စစ်ကိုင်းတိုင်းဒေသကြီး၊ ကလေးမြို့၊ စမ်းမြို့ရပ်ကွက်တွင် ယခုလ ၃၀ ရက်နေ့ ညနေ ၃ နာရီ ခွဲ အချိန်ခန့်က အသက် (၄၃)နှစ် အရွယ် ခုခံအားကျဆင်းမှုရောဂါ ဝေဒနာရှင် အမျိုးသမီးတစ်ဦးသည် စတိုးဆိုင်တိုက်၏ အပေါ်ထပ်မှ ခုန်ချ၍ မိမိ ကိုယ်ကို အဆုံးစီရင်ခဲ့ကြောင်း တောင်ဖီလာရပ်ကွက်နေ ဒေသခံ ပြည်သူတစ်ဦးမှ ဆက်သွယ်ပြောကြားသည်။
“ သေဆုံးသူက စတိုးဆိုင်ပိုင်ရှင်နဲ့ အဒေါ်တော်စပ်တယ်လို့ သိရပါတယ်..” ဟု ၎င်း ဒေသခံ ဆက်လက်၍ ပြောသည်။

ခုခံအားကျဆင်းမှုရောဂါ ဝေဒနာရှင် အမျိုးသမီးတစ်ဦး စတိုးဆိုင်တိုက်၏ အပေါ်ထပ်မှ ခုန်ချ၍ မိမိကိုယ်ကို အဆုံးစီရင်ခဲ့ခြင်း နှင့်ပတ်သက်၍ သက်ဆိုင်ရာသို့ ဆက်သွယ်မေးမြန်းခဲ့ရာ တာဝန်ရှိသူ တစ်ဦးမှ “ သေဆုံးသူကတော့ တောင်ဇလပ်ရပ်ကွက် မှနေတဲ့ ဒေါ်စောအီယံ အသက် ၄၃ နှစ် ဆိုသူဖြစ်ပါတယ်..။ ခုခံအားကျဆင်းမှုရောဂါ ခံစားနေရသူတစ်ဦးလို့လည်း သေဆုံး သူရဲ့ အသိုင်အ၀န်းက ဆိုပါတယ်..” ဟု ၎င်းမှ တုန့်ပြန်ပြောကြားသည်။

အဆိုပါ လူသေဆုံးရမှုနှင့် ပတ်သက်၍ ကလေးမြို့မရဲစခန်းက သေမှုသေခင်း အမှတ်စဉ် ၁၉ / ၂၀၁၃ အရ အမှုရေးဖွင့်၍ မည်သည့်အတွက်ကြောင့် သေဆုံးရသည်ကို သိရှိနိုင်ရန် တာဟန်းရဲစခန်းမှုး ရဲအုပ် မြင့်စိုး မှ ဆက်လက်၍ ဆောင်ရွက် လျက်ရှိကြောင်း သိရှိရသည်။

သတင်း၊ ကိုတိုးကြီး
By Myanmarnewsnow

Read More

အိချောပိုပြောတဲ့ အဓိက

 

အိချောကို ပရိသတ်တွေက အချိန်တို အတွင်းမှာ အနုပညာလုပ် ငန်းလုပ်တဲ့  အခါမှာ အချိန်တိုတွင်းနဲ့ အောင်မြင် သွားတယ်လို့ ထင်ကြ တယ်။ ဒါပေမဲ့ အိချော လုပ်နေတဲ့ အနုပညာ အလုပ်တွေက ကြာပါပြီ။
 
၂၀ဝ၆၊ ၂၀ဝ၇ ခုနှစ်တုန်းက အိချော ဆယ်တန်းပဲ ရှိပါသေးတယ်။ အဲဒီ တုန်းကစပြီး ကြော်ငြာကနေ အနု ပညာလောက ထဲကို စတင်ဝင်ရောက် ခဲ့တယ်။ ကြော်ငြာမှာ ကိုခန့်တို့ မအူဝဲတို့နဲ့ စတွဲခဲ့တယ်။ အဲဒီအချိန် မှာ ကိုခန့်က အိချောကို ကားရိုက် တာဝါသနာ ပါလား ဆိုပြီးမေးတော့ အိချောက ဝါသနာ ပါတယ်ဆိုတာ ကြောင့် ကိုခန့်ကနေ ဆွဲခေါ်ခဲ့တာ၊ အဲဒီအချိန် ကစပြီး ဇာတ်ကားစရိုက် ဖြစ်ခဲ့တယ်။
အဲဒီနောက်ပိုင်းမှာ ကျောင်းတစ်ဖက်နဲ့ ဘွဲ့လည်း ရအောင် ယူတယ်။ အဲဒါနဲ့ အနုပညာ အလုပ်ကို တဖြည်းဖြည်းနဲ့ အားရင် အားသလို လုပ်သွား ခဲ့တာပါ။ ၂၀၁၁ ခုနှစ်မှာ ဘွဲ့ရခဲ့တယ်။ အဲဒီ အချိန်မှာ အနု ပညာပျိုးခင်းက နေမင်းသမီးတင် တယ်။ အဲဒီ ကနေစပြီး မင်းသမီး အနေနဲ့ ဇာတ်ကားတွေ တောက်လျှောက် ရိုက်ဖြစ်ခဲ့ တာပါ။ အရင်တုန်းက တော့ကြော်ငြာ ရိုက်တယ်။
ဇာတ်လမ်း နည်းနည်းပါးပါး လောက်ပဲ ရိုက်ဖြစ်ခဲ့တာ။ တစ်ဖက်ကကျောင်း နဲ့ကိုး။ အောင်မြင်ခြင်းနှင့် ကျရှုံးခြင်း ဆိုတဲ့ နှစ်ခုကြားမှာ ကိုယ့်ရဲ့ထင်မြင် ချက်၊ ယူဆချက်တွေနဲ့ အတူ ဘယ်လိုမျိုး ကြိုးစား သွားမလဲ ဆိုတော့ အောင်မြင်ခြင်း ဆိုတာထက် အိချော က ကိုယ့်ရဲ့အနုပညာကို ပရိသတ် တွေလက်ခံ လာအောင် အတတ်နိုင် ဆုံး ကိုယ့်ဘက်က အကောင်းဆုံး ဖြစ်အောင် ကြိုးစား သွားတာပါ။

တချို့ အနုပညာရှင် အသစ်တွေ အ နေနဲ့ကြိုးစားတဲ့ အခါမှာ အောင်မြင် သွားကြသလို တချို့ကျတော့ တစ် နေရာတည်းမှာပဲ ရပ်တည်နေတာရှိ တယ်။ တချို့ကျတော့လည်း ဇွဲမရှိ ဘဲနဲ့ထွက်သွား ကြတယ်။ ဒါနဲ့ပတ် သက်ပြီး အကြံပေး စကားပြောချင် တာက အဓိကက ကိုယ့်ရဲ့ဝါသနာ ပါပဲ။ အိချောကတော့ ဝါသနာပါတဲ့ အတွက် ဆက်ပြီးကြိုးစား သွားမှာပဲ။ ပရိသတ်တွေ အတွက် လက်လှမ်းမီ သလောက်ပီပြင်စွာ အကောင်းဆုံး ဖြစ်အောင် သရုပ်ဆောင် သွားမှာပါ။ ပရိသတ်ရဲ့ရင်ထဲကို အနက်ရှိုင်းဆုံး နေရာရောက်ဖို့ အတွက် အများကြီး လိုအပ်ပါသေးတယ်။ တစ်ခါတလေ မှာလည်း အိချောတို့မှာ အမှားအ ယွင်းလေးတွေရှိ ပါတယ်။ အဲဒီအ တွက်လည်း ခွင့်လွှတ်ပေးကြပါ။

အကောင်းဆုံး ဖြစ်အောင် ပြင်ဆင်သွား မှာပါ။ အောင်မြင်ခြင်းနဲ့ ကျရှုံးခြင်း ဆိုတဲ့ ခေါင်းစဉ်အောက်မှာ အိချော ပြောချင်တာက အောင်မြင်တာက လည်းကိုယ့်ရဲ့ကြိုးစား မှုပါပဲ။ ကျရှုံး ခြင်းဆိုတာ ကလည်း ကိုယ့်ရဲ့ကြိုး စားမှုပါပဲ။ ကိုယ့်ရဲ့ကြိုးစားမှု ကံနဲ့ လည်းဆိုင်မယ်။ ကိုယ်ရဲ့ကြိုးစားမှု ကလည်း မပြတ်တမ်း ကြိုးစားမယ် ဆိုရင်အောင်မြင်မှုကို အမြဲတမ်း ရရှိ နေမှာပါ။  
By 8 Days

Read More

ပွဲသိမ်းမြန်၍ ပရိသတ်အကြိုက် တွေ့ခဲ့သည့် MMA ကမ္ဘာ့ဟဲဗီးဝိတ် ချန်ပီယံလုပွဲ ကျင်းပ

ရန်ကုန် ၊ ၁-၉-၂၀၁၃

မြန်မာနိုင်ငံတွင် ပထမဦးဆုံး အကြိမ် ကျင်းပသည့် MMA ကမ္ဘာ့ ဟဲဗီးဝိတ် ချန်ပီယံ လုပွဲအား ယမန်နေ့ ညနေ ၃ နာရီမှ စတင်ခဲ့ကာ ည ၆ နာရီခန့်တွင် အောင်မြင်စွာ ကျင်းပ ခဲ့ကြောင်း သိရသည်။

အဆိုပါ ပြိုင်ပွဲများတွင် ပထမဦးဆုံးပွဲ ဖြစ်သော MMA Myanmar National Championship လုပွဲ၌ မန္တလေး မှ ဖိုးသားကြီး နှင့် တောင်ကလေး ကလပ်မှ ထက်အောင်ဦး တို့ပွဲတွင် ဒုတိယအချီ ၁၀ စက္ကန့်တွင် ဖိုးသားကြီး ၏ တိုက်ရိုက် လက်သီးချက်ဖြင့် ပွဲသိမ်းခဲ့၍ ဖိုးသားကြီးမှာ MMA Myanmar National Championship ဖြစ်သည်။

ဆက်လက်၍ MMA Myanmar Indochina Bantamweight Championship ပွဲအား ဆက်လက် ကျင်းပရာ ဆွီဒင်နိုင်ငံသား Ricky Granstad နှင့် ဖိလစ်ပိုင် နိုင်ငံသား Joel " Sniper " Rafols တို့အတွဲတွင် ဆွီဒင် နိုင်ငံသား Ricky Granstad က ပထမအချီ ၃၀ စက္ကန့်၌ ပင့်လက်သီးဖြင့် ပွဲသိမ်းခဲ့သည်။

MMA Myanmar Indochina Featherweight Championship ပွဲတွင် နာမည်ကြီး ဖိလစ်ပိုင် နိုင်ငံသား Dean Bermude နှင့် ထိုင်းနိုင်ငံသား Jitsada Pong Thong တို့ပွဲတွင် ပထမအချီ ၃၂ စက္ကန့်၌ ထိုင်းနိုင်ငံသား Jitsada Pong thong ကအလဲထိုး၍ နိုင်သည်။ ၄င်းပွဲမှာ ပရိသတ်များ အကြိုက် တွေ့ခဲ့သည့် ပွဲကောင်း တစ်ပွဲ ဖြစ်ခဲ့သည်ကို တွေ့ရှိရသည်။

MMA Myanmar Indochina Lightweight Championship ပွဲတွင် နယူးဇီလန် နိုင်ငံသား Bradley Stephen Riddell နှင့် မလေးရှား နိုင်ငံသား Chee Jian Kai တို့ပွဲတွင် နယူးဇီလန် နိုင်ငံသားက ဒုတိယအချီ မိနစ် ၂၀ တွင် အလဲထိုး အနိုင်ယူခဲ့သည်။

MMA Myanmar Indochina Welterweight Championship ပွဲတွင် သြစတြေးလျ နိုင်ငံသား Ashley Bren နှင့် အီရန် နိုင်ငံသားး Alierza " King Punisher " Jadidi တို့ပွဲတွင် ပထမအချီ ၁ မိနစ် ၁၀ စက္ကန့် ၌ အီရန် နိုင်ငံသား မှ အနိုင် ရရှိခဲ့သည်။

MMA Myanmar Indochina Welterweight Championship ပွဲတွင် ဂျပန်နိုင်ငံသား Kenko Samurai Ura နှင့် သြစတြေးလျ နိုင်ငံသား တို့ပွဲတွင် ဒုတိယအချီ ၂၄ စက္ကန့်၌ ဂျပန်နိုင်ငံသား မှ အနိုင် ရရှိခဲ့သည်။

နောက်ဆုံးပွဲ ဖြစ်သော MMA World Series Heavyweight Championship ပွဲတွင် အီရန် နိုင်ငံသား Akbar Karimi နှင့် ဟောင်ကောင် နိုင်ငံသား Northerwan " Pak Attack " Khanzada ဖြစ်သူတို့ ယှဉ်ပြိုင် ထိုးသတ်ခဲ့ရာ ပထမအချီ ပြီးဆုံးရန် စက္ကန့် အနည်းငယ် အလိုမှာပင် အရှေ့တိုင်း ရိုးရာဖြစ်သော ကရာတေး ကိုယ်ခံပညာ ဖြင့် ဟောင်ကောင် နိုင်ငံသား အား ယှဉ်ပြိုင် ထိုးသတ်ခဲ့ရာ ဟောင်ကောင် နိုင်ငံသား မယှဉ်နိုင်ဘဲ အရှုံးပေး ခဲ့ရသည်။ ယင်းပွဲ၌ အီရန် နိုင်ငံသား မှ MMA World Series Heavyweight Championship ရရှိသည်။

MMA ကမ္ဘာ့ ဟဲဗီးဝိတ် ချန်ပီယံ လုပွဲများအား ပရိသတ်များ အကြိုက် တွေ့ခဲ့သော်လည်း ပွဲများ၏ စည်းမျဉ်းများ နှင့် အနည်းငယ် စိမ်း နေသောကြောင့် ပရိသတ် တို့မှာ မည်သူရှုံးမည် ဆိုသည်ကို မဆုံးဖြတ် တတ်ကြကြောင်း တွေ့ရှိရသည်။

The Myawady Daily

Read More

ဆရာဝန်လုပ်မှာလား၊ ဈေးရောင်းမှာလား

တလောက ကျောင်းနေဖက်ငယ် သူငယ်ချင်းတစ်ယောက်နှင့် ပြန်တွေ့ သည်။ ကိုးတန်းတုန်းကသူနှင့် အထက (၁)ပြည်မြို့မှာ စာသင်ခန်း တစ်ခန်းထဲမှာ ကျောင်းအတူနေဖူး၊ ပညာဆည်းပူး ဖူး သည်။ သူက ဟိန္ဒူဘာသာဝင်။ ကျွန်တော် တက္ကသိုလ်တက်နေစဉ် သူသည် ဆေးကျောင်းသူ တစ်ယောက်နှင့် အိမ် ထောင်ကျသွားသလိုလို သတင်းကြား သည်။ နောက်တော့ သူနှင့် ကျွန်တော် အဆက်ပြတ်သွားသည်မှာ နှစ် (၂၀) ခန့် ကြာသည်။ ပြီးခဲ့သောလကတော့သူနှင့် မမျှော်လင့်ဘဲ ပြန်တွေ့သည်။ သူသည် တိုက်နှင့်ကားနှင့် ချမ်းသာသော လူတစ် ယောက်ဖြစ်နေပါပြီ။ သားတစ်ယောက် သမီးတစ်ယောက်ရ၍ စော်ဘွားကြီးကုန်းတွင် ရေပိုက်နှင့် ပိုက်ဆက်ပစ္စည်း အရောင်းဆိုင် ဖွင့်ထားကာ စီးပွားရေး အတော် အဆင်ပြေနေလေသည်။ သူ့ အမျိုးသမီးဘာလုပ်နေသလဲဟုကျွန်တော် ကမေးရာ

`ဆေးကျောင်းပြီးလို့ ဆရာဝန်ဘွဲ့တော့ရတယ်။ ဒါပေမဲ့ဆရာဝန်အလုပ်က ဘာလုပ်မှာလဲကွာ။ ငါသူ့ကို ငါ့ဆိုင်မှာပဲ ရေပိုက်တွေရောင်းခိုင်းထားတယ်။ အခု ဆိုရင် သူကအရောင်းအဝယ်မှာငါ့ထက်တောင်တော်နေသေးတယ်။ သူ့ခြေ၊ သူ့ လက်အားလုံး သူ့ကိုလွှဲထားလို့ ရတာကြောင့် ငါလဲဆိုင်ကိုသူနဲ့ပဲ လွှဲထားပြီး တစ်နေ့တစ်နေ့ကလေးကို ကျောင်းကြို ကျောင်းပို့ လုပ်လိုက်၊ ကားတစ်စီးနဲ့ လျှောက်လည်လိုက်နဲ့ ဟန်ကျနေတယ် ကွ´

`ဒါဆို မင်းမိန်းမဆေးမကုတော့ ဘူးပေါ့´

`မင်းကလဲ . . . ကျားကိုက်ပါတယ်ဆို အပေါက်ကလေးနဲ့လား မေးနေပါပြီ။ ဘာဖြစ်လို့ ဆေးကုတော့မလဲကွ။ ငါ့ဆိုင်က ဝင်ငွေဒီလောက်ကောင်းနေမှပဲ´

သူ့စကားဆုံးသည်နှင့် ကျွန်တော့် မျက်စိထဲဝယ် ရုပ်ရှင်ဆန်ဆန် မြင်ယောင် လာသည်မှာ ဖုန်များတက်နေသောနား ကြပ်တစ်စုံ၊ ဆေးကျောင်းတက်ခွင့်ရအောင် ငယ်စဉ်သူငယ်တန်းမှစကာ နောက်ဆုံးနှစ်အပိုင်း(ခ)အထိကျက်မှတ်ထားခဲ့သော စာအုပ်များ၊ အသစ်ကျပ်ချွတ် ငွေစက္ကူများ၊ ရေပိုက်၊ ပိုက်ဆက်ပစ္စည်း၊ ဘုံဘိုင်ခေါင်း၊ ဆော့ကက်၊ ချက်ဘားများကို ကိုင်တွယ်ရောင်းချနေသောလက်များ၊ ဂဏန်းပေါင်းစက်တစ်ခု၊ ဆရာဝန်မရှိသဖြင့်မျှော်နေကြသော တောမြို့၊ နယ်စွန် နယ်ဖျား ဆေးရုံ၊ ဆေးခန်းမှ လူနာများ နောက်ဆုံးပေါ် ALPHARD ကားဖြူကြီး။

လောကကြီးဝယ်မည်သည့်အလုပ်၊ မည်သည့် အသက်မွေးဝမ်းကျောင်းမှုသည် အခြားမည်သည့် အလုပ်တစ်ခု၊ အသက်မွေးဝမ်းကျောင်းမှုတစ်ခုထက် သာလွန်မြင့်မြတ်သည်ဟု ကျွန်တော်မဆုံး ဖြတ်ဝံ့ပါ။ ဆရာဝန်တစ်ယောက်သည် လူ့ အသိုင်းအဝန်းအတွက် အရေးကြီးသလို၊ ပိုက်ဆက်သမားတစ်ယောက်၊ ဖိနပ်ချုပ် သမားတစ်ယောက်သည်လည်း လောကကြီးအတွက် အသုံးဝင်ပါသည်။ မည်သူသည် မည်သူထက်သာသည်ဟု ပြောရခက်ပါသည်။ အလုပ်တစ်ခုကိုနှိမ့်ချပြောဆိုရန် ကျွန်တော့်တွင်ရည်ရွယ်ချက်မရှိပါ။

နောက်ထပ်တွေးစရာတစ်ခုထပ်ရသည်မှာ Real Lives, Real Stories မဂ္ဂဇင်းတွင် ဆရာဝန်တစ်ယောက်အကြောင်း ဖတ်ရ၍ဖြစ်သည်။ ထိုဆရာဝန်သည်လည်း အမျိုးသမီးဆရာဝန်တစ်ဦးဖြစ်ပါသည်။ သူသည် ဆေးကျောင်းတက်၍ ဘွဲ့ရပြီးသောအခါ အိမ်ထောင်ကျ၍ ယောက္ခမများ၏ စီမံမှုအရ ဆရာဝန်အလုပ်ကို မလုပ်ရတော့ပဲ ရန်ကုန်မြို့ မဟာဗန္ဓုလလမ်းတွင် ရွှေဆိုင်ထွက်၍ ရွှေဆိုင်ပိုင်ရှင်ဘဝကို ခံယူခဲ့သူဖြစ်ပါသည်။ ထိုစာအုပ်ထဲ၌ခရေစေ့တွင်းကျပင် ရွှေလောကသို့အစိမ်းသက်သက် ဝင်ရောက်ခဲ့ပုံ၊ ယောက္ခမ၏ သင်ကြားပေးမှုဖြင့် တဖြည်းဖြည်းနားလည်လာပုံ၊ ခေတ်ပညာတတ်တစ်ယောက်ဖြစ်သဖြင့် ခေတ် မီစီမံခန့်ခွဲမှုပညာများဖြင့် ပေါင်းစပ်လိုက်သောအခါ သူ့ရွှေဆိုင်သည် တဟုန်ထိုး အောင်မြင်လာပုံ။ သူသင်ယူလာခဲ့သော ဆေးပညာကို နှမျောသော်လည်းဆရာဝန် အဖြစ် ဆေးကုသရန် ရည်ရွယ်ချက် မရှိတော့ပုံများကို အင်တာဗျူးဆောင်းပါး၌ ထည့်သွင်းပြောပြထားပါသည်။
ဆရာဝန်ဖြစ်မှ ဈေးသည်အဖြစ်သို့ ပြောင်းလဲရောက်ရှိသွား သူနှစ်ယောက် အကြောင်းကိုဥပမာအဖြစ်တင်ပြရသော်လည်း အကယ်စင်စစ်အပြင်လောကကြီး ၌ဆရာဝန်ဘွဲ့ရကာမှ အဆိုတော်လုပ်နေသူများ၊ ရုပ်ရှင်မင်းသားမင်းသမီးလုပ်နေ သူများ၊ စာရေးဆရာလုပ်နေသူများ၊ ခြံစိုက်စားနေသူများ၊ ဆေးဆိုင်ဖွင့်ရောင်း နေသူများ၊ ဆောက်လုပ်ရေး ကန်ထရိုက်လုပ်နေသူများ၊ ပွဲစားလုပ်နေသူများစွာလဲ ရှိသေးသည်။ ဤကမ္ဘာပေါ်ဝယ် မည်သူတစ်ဦးတစ်ယောက်မှ ကိုယ်ရထားသောဘွဲ့နှင့် အသက်မွေးဝမ်းကျောင်းအလုပ်ကို လုပ်စားပါမည်ဟု သစ္စာဓိဌါန်ပြုထားခြင်း မရှိလေရာ မည်သူမဆို ဘာဘွဲ့ကိုရရ ကိုယ်ကြိုက်တာကိုယ်လုပ်နိုင်သည်မှာ ထို သူများ၏ အခွင့်အရေးဖြစ်သည်။

သို့သော်ပြောစရာရှိသည်မှာ မြန်မာပြည်၏အနေအထားနှင့် တက္ကသိုလ်ဝင်ခွင့် ရွေးချယ်ပုံများဖြစ်သည်။ အများသိကြသည့်အတိုင်း မြန်မာနိုင်ငံ၌ တက္ကသိုလ်ဝင် ခွင့်ရွေးချယ်ပုံမှာ ဆယ်တန်းအောင်သော အမှတ်အနည်းများကိုလိုက်၍ အမှတ်အ များဆုံးလူ( )ကို ရန်ကုန်ဆေးတက္ကသိုလ်၊ နောက်ထပ်တိုင်းနှင့် ပြည်နယ်များ မှအများဆုံးလူ ( ) ကို မန္တလေးဆေးတက္ကသိုလ်၊ မကွေးဆေးတက္ကသိုလ်စသည် ဖြင့်လူဦးရေကို အမှတ်ဖြင့်ကန့်၍ ခေါ်ယူခြင်းဖြစ်သည်။ ထို့ကြောင့် ဥပမာ - အမှတ် အများဆုံးလူ (၁၀ဝ)ကို ဆေးတက္ကသိုလ်တစ်ခုက ခေါ်ယူသည်ဆိုလျှင် အမှတ်တစ် မှတ်မျှကပ်လျော့နေသော (၁၀၁)ယောက်မြောက် ကျောင်းသား၊ ကျောင်းသူမှာ (အမှတ်တစ်မှတ်လျော့နည်းမှုအတွက်နှင့်) မည်မျှဆေးပညာကို တန်ဖိုးထားဝါသနာ ပါသည်ဖြစ်စေ ဆေးတက္ကသိုလ်တက်ခွင့် မရတော့ပေ။ ဆေးပညာကိုမည်မျှဝါသနာ မပါသူဖြစ်စေ ဆယ်တန်းတွင် အမှတ်ကောင်းနှင့်အောင်ပါက ဆေးတက္ကသိုလ် တက်ခွင့်ရရှိမည်ဖြစ်သည်။ ဤနေရာ၌ ဝါသနာမပါဘဲ ဆေးတက္ကသိုလ်ဝင်ခွင့်ရခဲ့သော ကျောင်းသား/သူ တစ်ယောက်အတွက် တက်ချင်ပါလျက် အမှတ်တစ်မှတ် နှစ်မှတ်ကြောင့် ကပ်၍ပြုတ်ကျန်ရစ်ခဲ့သော ဆေးပညာကို ဝါသနာပါသည့် ကျောင်း သားမှာ ဘဝနှင့်ချီ၍ နစ်နာရတော့သည်။ ဘွဲ့ရကာမှဆေးမကုပဲ ဈေးသည်လုပ်မည့် ဆေးကျောင်းသားလောင်း တစ်ယောက် အတွက် နေရာဖယ်ပေးခဲ့ရသော (၁၀၁) ယောက်မြောက် ကျောင်းသားမှာသူလည်း ဆရာဝန်မဖြစ်။ သူ့နေရာတွင်အရွေးခံခဲ့ရ သူတစ်ဦးမှာလည်း အချိန်ကုန် လူပန်း၊ နိုင်ငံတော်၏ ဘဏ္ဍာများပြုန်းတီးပြီး သဲထဲ ရေသွန်ဖြစ်ကြခြင်းမှာ စနစ်မကောင်းသောကြောင့်ဖြစ်သည်။

ဆယ်တန်းအောင်စ၊ အသက်(၁၆) နှစ်သာသာအရွယ်သည် ဘဝအတွေ့အကြုံ နည်းသေးသည်ဖြစ်ရာထိုအရွယ်တွင်ဘဝ တစ်ခုလုံးနှင့်ဆိုင်သော တက္ကသိုလ်ဝင်ခွင့်ကို (ပြင်ဆင်ခွင့်မရှိ)တစ်ခါတည်း အပြီးသတ် ရွေးချယ်လျှောက်ထားစေခြင်းမှာ အကောင်းထက်အဆိုးကိုပို၍ ဖြစ်စေမည် ဖြစ်သည်။ ဝါသနာပါသည်ဖြစ်စေ၊ မပါ သည်ဖြစ်စေ၊ ပါရမီပါသည်ဖြစ်စေ၊ မပါ သည်ဖြစ်စေ ဆယ်တန်းတွင် မျက်စေ့စုံ မှိတ်ကျက်အားကြောင့် အမှတ်ကောင်းသူသာ ဆရာဝန်ဖြစ်ခွင့်ရှိ၍ အမှတ်မကောင်း သော်လည်း အိုင်ကျူ (IQ) မြင့်သော၊ ဆရာဝန်တကယ်ဖြစ်လိုသော၊ ဆေးပညာ ကိုဝါသနာပါသော၊ လူ့အသက်ကယ်ရတာ ဂုဏ်ယူသောလူငယ်များ ဆရာဝန်ဖြစ်ခွင့် လုံးဝလမ်းဆုံးနေသောစနစ်သည် နိုင်ငံနှင့်လူမျိုးအတွက် မကောင်းသော အကျိုးဆက်များကိုသာ ပေါ်ထွန်းလာစေမည်ဖြစ်သည်။
ထိုစနစ်အစား တက္ကသိုလ်ဒုတိယနှစ်အောင်မှ ဝင်ခွင့်စာမေးပွဲစစ်၍ ဆေးတက္ကသိုလ်၊ စက်မှုတက္ကသိုလ်စသည်ဖြင့် လက်သင့်ခံသောစနစ်သည်ပို၍ လူမှန်နေရာမှန် ရွေးချယ်နိုင်ပေ၏။ ကျောင်းသားများအနေနှင့်လည်း အသက်(၁၆)နှစ်အရွယ်တွင်မိဘကခိုင်း၍ လုပ်ရသည်ထက်၊ တက္ကသိုလ်တွင်(၂)နှစ်တက်ပြီးကာမှ ကိုယ့်ဝါသနာကို ကိုယ်အချိန်ယူစဉ်းစားပြီးဆုံး ဖြတ်ခြင်းကပို၍ အမှန်တရားနှင့် နီးစပ်နိုင်ပေသည်။ နိုင်ငံကျော်စာရေး ဆရာမ ကြီးကြည်အေးသည် ရိုးရိုးဝိဇ္ဇာဘွဲ့ (B.A)ဘွဲ့ကိုရယူပြီးမှ ဆေးတက္ကသိုလ်ဝင်ခွင့်ကို ဝင်ဖြေပြီး အောင်မြင်သဖြင့်ဆရာဝန်တစ်ယောက် ဖြစ်လာခဲ့ကြောင်း သိမှတ်ဖူးပါသည်။ ယခုလိုစနစ်မျိုးနှင့်ဆိုလျှင် ဆယ်တန်းအောင်ကတည်းက တစ်ခါတည်း ဆုံးဖြတ်လိုက်သဖြင့် ကြည်အေးလည်းဆရာဝန် ဖြစ်လာနိုင်မည်မဟုတ်ချေ။
နိုင်ငံခြားတိုင်းပြည်များတွင် လူတစ်ယောက်သည် မည်သည့်အသက်အရွယ်သို့ ရောက်နေသည်ဖြစ်စေ ဆေးပညာ အပါအဝင် သက်ဆိုင်ရာဘာသာရပ်တွင် တက္ကသိုလ်တစ်ခုခုက ဝင်ခွင့်စစ်ဆေးပြီး အရည်အချင်းကို ကျေနပ်လက်ခံပါက တက်ရောက်၍ ဆက်လက်ပညာသင်ခွင့် ရှိပေသည်။ ထို့ကြောင့် အသက်ကြီးမှ ပါရဂူဘွဲ့ရသူများ၊ ဆေးပညာဘွဲ့ရသူများ၊ ဘီအေ၊ အမ်အေ၊ ရှေ့နေဘွဲ့ရသူများလည်း မရှားပေ။ ပညာလိုအိုသည်မရှိပေ။

မြန်မာပြည်မှာလိုလူတစ်ရာကိုပဲ ရွေးလိုက်ပြီဖြစ် ၍(၁၀၁)ယောက်မြောက်ပြုတ်ကျန်ခဲ့ပေတော့ဆိုသည်မှာ တိုးတက်သောနိုင်ငံများ ၌မရှိတော့ပေ။ ဤကဲ့သို့ တစ်လမ်းသွား တစ်ဖက်ပိတ် ပညာရေးစနစ်မျိုးကိုသာ ကျင့်သုံးခဲ့မည်ဆိုပါက အမေရိကန်ပြည် ထောင်စု၌ သမ္မတကြီးအေဘရာဟမ်လင် ကွန်းသည်ပင်လျှင် ဥပဒေဘွဲ့ရလာစရာ အကြောင်းမရှိပေ။

ဝါသနာမပါပဲ နုနယ်ပျိုရွယ်စဉ် အသက်(၁၆)နှစ်နှင့် (၂၀)ကြားတွင် မိဘ ကဝင်ဆုံးဖြတ်၍ ဆရာဝန်၊ အင်ဂျင်နီယာ ဖြစ်လာရသူများသည် သူတို့ဆန္ဒမပါဘဲ ဘဝကိုရွေးချယ်ခဲ့ရသူများဖြစ်၍ လုပ်ငန်းခွင်၌မပျော်ပိုက်ချေ။ အချို့မှာ အရည် အချင်းမပြည့်မီပေ။ ဆေးရုံဆေးခန်းများ၌ မကြာခဏကြားရတတ်သော ပေါင်းသင်း ဆက်ဆံရေးဆိုးသည့် ဆရာဝန်၊ လူနာ များအား အလွဲလွဲအမှားမှား ကုသမှုပေးသည့် ဆရာဝန်၊ ပေါ့လျော့၍ လူသေစေသောဆရာဝန်၊ ငွေမျက်နှာမှတစ်ပါး အခြားဘာမှ စိတ်မဝင်စားသော ဆရာဝန်၊ လူနာများအား အောက်လက်ငယ်သားသဖွယ် အော်ငေါက်ဆက်ဆံတတ်သော ဆရာဝန် စသည်များမှာ ဝါသနာမပါဘဲဆေးပညာကို ဝါသနာအရမဟုတ်ပါပဲ ဆယ်တန်းအောင်စဉ်ပွင့်လာသော အခွင့်အရေးတံခါး တစ်ချပ်မှတစ်ဆင့် လျှောတိုက်မျှောချလာ ခဲ့သူများဖြစ်သည်။ ဝါသနာကိုအခြေခံကာ ကြိုးစားလာခဲ့သော ဆရာဝန်များကတော့ တစ်စထက်တစ်စ နာမည်ကျော်ကြားကာ အများက လေးစားချစ်ခင်ရသောအောင်မြင်သည့် ဆရာဝန်ကြီးများ ဖြစ်လာကြ သည်သာများလေသည်။

တချို့ကလည်း ဆေးပညာနှင့် ဘွဲ့ရပြီးမှ အခြားဝါသနာပါရာ အလုပ်များသို့ ပြောင်းလဲစွန့်ခွာသွားလေသည်။ ဆရာဝန်တစ်ယောက် သူ့အလုပ်ကို စွန့်ခွာသွားတိုင်း တိုင်းပြည်၌တစ်မျိုးနစ်နာလေသည်။ အထူးသဖြင့် လူတစ်သိန်းလျှင် ဆရာဝန် (၃၀) ယောက်နှုန်းသာရှိသော မြန်မာနိုင်ငံလို နိုင်ငံမျိုး၌ ဆရာဝန်တစ်ယောက်လျော့ သွားခြင်းမှာ လူ(၃၃၃၃)ဦး၏ ကျန်းမာရေးစောင့်ရှောက်မှု ဟာကွက်ကြီးတစ်ခုဖြစ် သွားခြင်းဖြစ်သည်။ ရွှေရောင်းခြင်းကြောင့် ရေပိုက်ရောင်းခြင်းကြောင့် ထိုလူ(၂)ဦး၏ မိသားစုများ ချမ်းသာ ကြွယ်ဝကောင်း ကြွယ်ဝသွားပါမည်။ သို့သော်လူများစု၏ ကျန်းမာရေးစောင့်ရှောက်မှု ကွက်လပ်ကြီး ဖြစ်သွားသည်ကိုကား မည်သို့မျှ အစား မထိုးနိုင်ပါပေ။ နဂိုထဲကဝါသနာမပါ၍ ဝင်မလျှောက်ခဲ့လျှင် ထိုလူနှစ်ယောက်၏ နေရာတွင် အမှန်ကပ်၍ပြုတ်ကျန်ခဲ့သော လူနှစ်ဦးလည်း ဆရာဝန်ဖြစ်မည်၊ နိုင်ငံ တော်နှင့် ပြည်သူတွေအတွက်လဲ အကျိုးရှိမည်။ ဝါသနာမပါပဲ ဆေးကျောင်းတက် ခဲ့ရသော ကျောင်းသားများအတွက်လဲ ခြောက်နှစ်ကျော်ကာလပတ်လုံးငွေကုန်၊ လူပန်းခဲ့သည်များလည်း သက်သာမည်။ အားလုံးအတွက် အကျိုးရှိမည်ဖြစ်သည်။ ဝါသနာအရဖြစ်လာရသောဆရာဝန်၊ အင် ဂျင်နီယာ၊ ဥပဒေပညာရှင်၊ စစ်ဗိုလ် စသည်တို့သည် ဝင်ငွေဘယ်လောက်ပဲ နည်းပါးသည်ဖြစ်စေ ပညာရှင်မာနတော့ ရှိကြမည်ဖြစ်သည်။ မည်မျှဝင်ငွေနည်း သည်ပဲဖြစ်ဖြစ် မိမိရွေးချယ်ခဲ့သော Professional အလုပ်တစ်ခုကို တန်ဖိုးထား လေးစားမည်ဖြစ်သည်။ ကိုယ့်ကိုယ်ကို ဥပမာပေး၍ ပြောရလျှင်တစ်နေ့ကို ငွေ တစ်သိန်းပေးမည်၊ စာရေးခြင်း၊ စာဖတ် ခြင်းကို တစ်သက်လုံးစွန့်လွှတ်ရမည်ဆိုလျှင် ကျွန်တော်သည်ဘယ်တော့မှ လက် ခံမည်မဟုတ်ချေ။ ငွေသည် အရေးကြီးသည် မှန်သော်လည်း လောကကြီး၌ ငွေ ထက်တန်ဖိုးရှိသော အရာများစွာလည်းရှိ ပါသေးသည်။

အခြားနိုင်ငံများ၌လည်း ဆရာဝန်ဘွဲ့ရကာမှ အခြားအလုပ်လုပ်သူများလဲ ရှိသည်ဟု စောဒက တက်ချင်လဲတက်နိုင်ပါသည်။ သို့သော်တိုးတက်ပြီးနိုင်ငံများ၌ လူဦးရေနှင့်စာလျှင်ဆရာဝန်အရေအတွက်မှာ အလွန်များပြားသဖြင့် တစ်ယောက် တစ်လေလျော့သွားခြင်းမှာ မထောင်းသာပါ။ ဥပမာ - အမေရိကန်ပြည်ထောင်စု၌ လူတစ်သိန်းလျှင် ဆရာဝန်(၅၄၉)ယောက် ရှိပါသည်။ ဗြိတိန်တွင် လူတစ်သိန်းလျှင် ဆရာဝန်(၁၆၆)ယောက်၊ စင်္ကာပူတွင် (၁၄၀)၊ အီတလီတွင် (၆၀၆)ယောက်၊ ရုရှားတွင် (၄၁၇)ယောက်၊ တရုတ်တွင် (၁၆၄)ယောက်၊ မြန်မာတွင်(၃၀)ယောက် သာရှိပါသည်။ ရှင်နည်းရာအဂ္ဂလူထွက် ဆိုသကဲ့သို့ မရှိမဲ့ရှိမဲ့ ဆရာဝန်များက ဆေးမကုကြသောအခါ တိုင်းပြည်မှာ မိအေးနှစ်ခါနာဆိုသလို ဖြစ်နေပေသည်။

မြန်မာနိုင်ငံ၌ ပြုပြင်ရမည်မှာ မိဘ တို့၏ (Mind Set) စိတ်နေစိတ်ထားကို လည်းပြင်ရမည်ဖြစ်သည်။ လောကကြီး၌ ဆရာဝန်၊ အင်ဂျင်နီယာ၊ စစ်ဗိုလ်အလုပ် သာ အမြတ်ဆုံးဖြစ်ဘိသည့်အလား ထိုလမ်းကြောင်းသို့ မိမိသားသမီးများကို ဖား စီးငါးစီးအတင်းအဓမ္မ ပုံစံဝင်အောင်လမ်းကြောင်းနေကြခြင်းသည် တကယ်တမ်း၌ ဟုတ်ရောဟုတ်ရဲ့လား၊ ငါ့သားသမီး ဝါသနာနှင့်ရောကိုက်ရဲ့လားဟု တက္ကသိုလ် ဝင်ခွင့်မလျှောက်မီ အပြန်ပြန်အလှန်လှန် စဉ်းစားကြဖို့လိုမည်ဖြစ်သည်။ လူ့လောက၌ ဆရာဝန်အားလုံး လူတော်များ မဟုတ်ကြသလို၊ ဆရာဝန်မဟုတ်သူတိုင်းလည်း လူညံ့များမဟုတ်ကြပါ။ ဝါသနာကို မူတည်၍အံဝင်ခွင်ကျ ကြိုးစားသူများသည် သူ့နယ်ပယ်နှင့်သူ အစွမ်းထက်သော ခေါင်းဆောင်များဖြစ်လာကြမည်ဖြစ်သည်။
အရေးကြီးသည်မှာ လူများသည် မိမိဝါသနာပါရာအလုပ်ကို သင်ကြားခွင့်ရ ကြဖို့ပဲလိုပါသည်။ ထိုသို့မဟုတ်ပါကဆရာ ဝန်ဖြစ်ပြီးမှဈေးရောင်းခြင်း၊ ဈေးသည်ဖြစ် ပြီးမှ အပ်ပုန်းကိုင်ခြင်းစသော ကမောက်ကမကိစ္စများ အတောမသတ်အောင်ဖြစ် လာနေမည်ဖြစ်ပါကြောင်း . . . . .

သရဝဏ်(ပြည်)
ကိုးကား -
World Statistics
Jacaranda Atlas (Sixth Edition)

News Watch(စောင့်ကြည့်သတင်းဂျာနယ်)

Read More

NLD ဘာလဲ၊ ဘယ်လဲ၊ ဘယ်လမ်းလျှောက်နေသလဲ

 အမျိုးသား ဒီမိုကရေစီအဖွဲ့ချုပ် (NLD)ဟာ ရှစ်လေးလုံးအရေးတော်ပုံကြီးနဲ့အတူ ပေ့က်ဖွားလာတဲ့ ပါတီပါ အောင်၊ စု၊ တင် (ဦးအောင်ကြီး၊ ဒေါ်အောင်ဆန်းစုကြည်၊ ဦးတင်ဦး)ဆိုတဲ့ ကြီးသုံးကြီးအပေါ် အခြေခံပြီး ဖွဲ့စည်းခဲ့တာ ဖြစ်ပါတယ်။ ဖွဲ့စည်းပြီး မကြာမီ ဥကဋ္ဌ ဦးအောင်ကြီးက NLD အတွင်း လက်ဝဲဝီ ကွန်မြူနစ်တွေ ကြီးစိုးနေကြောင်း စွပ်စွဲပြီး သူ့ရဲ့အဆိုအပေါ် မဲခွဲရာ ဦးအောင်ကြီးရူံးနှိမ့်တဲ့အတွက် ပါတီမှ ထွက်ခွာခဲ့ရပါတယ်။ ဆိုလိုတာက NLD ဟာ အကွဲအပြဲနဲ့စခဲ့တယ်ပြောတာပါ။

NLD က "မတရားတဲ့ အမိန့်အာဏာမှန်သမျှ ဆန့်ကျင်ကြ"ဆိုပြီး ကြွေးကြော်ပါတယ်။ အဲဒီလို ကြွေကြော်ပြီး မကြာမီ ကျင်းပတဲ့ အာဇာနည်နေ့အခမ်းအနားကို လူစုလူဝေးနဲ့ ချီတတ်ဖို့ NLD က လုပ်ပါတယ်။ စစ်အစိုးရကလည်း လူစုလူဝေးနှင့် မချီတတ်ရ။ အမိန့်မနာခံရင် ဖမ်းဆီးအရေးယူမှာဖြစ်ကြောင်း ကြေညာပါတယ်။ အဲဒီအချိန်မှာ ရန်ကုန်တိုင် မြို့နယ်အသီသီးရှိ NLD အဖွဲ့ဝင်များ အထူးသဖြင့် လူငယ်အဖွဲ့ဝင်များဟာ အာဇာနည်ကုန်းသို့ ချီတတ်ဖို့ ပြင်ဆင်နေကြပါပြီ။ အဲဒီအချိန်မှာ NLD ပါတီ CEC က အာဇာနည်နေ့ ချီတတ်ရေးအစီအစဉ် ဖျက်သင့်၊ မဖျက်သင့် ဒေါ်စုပဲ ဆုံးဖြတ်ပါဆိုပြီး ပုံအပ်ပါတယ်။ ဒေါ်အောင်ဆန်းစုကြည်ဟာ အဲဒီကိစ္စကို တစ်ညလုံးစဉ်းစားပြီး နံနက်ရောက်ခါမှ ချီတတ်ပွဲပယ်ဖျက်ဖို့ ဆုံးဖြတ်ကြောင်း သိရပါတယ်။ ဆုံးဖြတ်ချက်ကို မြို့နယ်များသို့ ချက်ချင်းအကြောင်းကြားပါတယ်။ ဒါပေမယ့် နောက်ကျနေပါပြီ။ အလွန်အမင်း တတ်ကြွတဲ့ NLD အဖွဲ့ဝင်အချို့ အာဇာနည်ကုန်းသို့ ချီတတ်နေကြပါပြီ။ လမ်းခုလတ်တွင် စစ်အစိုးရလုံခြုံရေးတပ်ဖွဲ့များရဲ့ ဖမ်းဆီးခြင်းခံရပြီး ထောင်ထဲရောက်ကုန်ကြပါတယ်။ ဒါဟာ NLD ပါတီအနေနဲ့ ဒေါ်အောင်ဆန်းစုကြည်အပေါ် ပုဂ္ဂိုလ်ရေးအရ အလွန်အမင်း အားကိုးလွန်းတယ်။ အရေးကြီးကိစ္စရပ်များနှင့် ပတ်သက်ပြီး ပါတီတွင်း ဆွေနွေးတိုင်ပင်တဲ့ အလေ့အထမရှိကြောင်း ဖော်ပြရာရောက်ပါတယ်။

စာရေးသူအနေနဲ့ ဒေါ်အောက်ဆန်းစုကြည်ကို လေးစားပါတယ်။ အမျိုးသားခေါင်းဆောင်ကြီး ဗိုလ်ချုပ်အောင်ဆန်းရဲ့သမီးဖြစ်တာကြောင့်လည်း ဖအေတူသမီးပီပီ တိုင်းပြည်နဲ့လူမျိုးအတွက် ကိုယ်ကျိုးစွန့်အနစ်နာခံလုပ်ဆောင်လိမ့်မယ်လို့ ယုံကြည်ကိုးစားခဲ့ပါတယ်။ ဒါကြောင့် လွန်ခဲ့တဲ့ ၁၄-၅နှစ် သူမ နေအိမ်အကျယ်ချုပ်ကျနေစဉ်ကာလက စာရေးသူအနေနဲ့ မိတ်ဆွေတစ်ဦးကို "She is the only person who can save our country."ဆိုပြီး လွန်လွန်ကဲကဲ ပြောခဲ့ဖူးပါတယ်။

ဒေါ်အောင်ဆန်းစုကြည်ကိုယ်တိုင်ကလည်း ဖအေတူသမီးပီပီ အာဇာနည်မျိုးရိုး ပီသကြောင်း သက်သေပြခဲ့ပါတယ်။ သူမဟာ ဒီမိုကရေစီအတွက် အစိုးရကို ဆန့်ကျင်တိုက်ပွဲဝင်ခဲ့တာကြောင့် ၁၇ နှစ်ကြာ နေအိမ်အကျယ်ချုပ်ကျခဲ့ပါတယ်။ ဓနုဖြူမြို့ ခရီးစဉ်၊ ဒီပဲရင်း ခရီးစဉ်တို့မှာ အသက်အန္တရာယ်နဲ့ ကြုံတွေ့ခဲ့ရပါတယ်။ သူမရဲ့ ယုံကြည်ချက်အတွက် ကင်ဆာရောဂါနဲ့ သေကောင်းပေါင်းလဲဖြစ်နေတဲ့ ခင်ပွန်းရှိရာ အင်္ဂလန်သို့ မသွားခဲ့ပါဘူး။ သွားမယ်ဆိုရင် စစ်အစိုးရက မြန်မာနိုင်ငံသို့ ပြန်လာခွင့်မပြုမှာ စိုးလို့ပါ။ ဒီလိုနဲ့ ခင်ပွန်းဖြစ်သူသာ သေသွားရော၊ တွေ့ဆုံခွင့်၊ ပြုစုခွင့် မရခဲ့ပါ။ ဒါဟာ နဲနဲနောနော စွန့်လွှတ်အနစ်နာခံမှုမှ မဟုတ်တာ။

ပြည်သူတွေကလည်း NLDနှင့် ဒေါ်အောင်ဆန်းစုကြည်ကို ပြန်ကြည့်ပါတယ်။ ၉၀ ပြည့်နှစ်ရွေးကောက်ပွဲတုန်းက ဒေါ်အောင်ဆန်းစုကြည်ကိုယ်တိုင် မပါဝင်နိုင်ပေမယ့် NLDဟာ တခဲနက် အနိုင်ရခဲ့ပါတယ်။ တဖန် ၂၀၁၂ ခုနှစ် ကြားဖြတ်ရွေးကောက်ပွဲတုန်းကလည်း ပြည်သူလူထုဟာ ဒေါ်အောင်ဆန်းစုကြည်နဲ့ NLD ကို အပြည့်အဝ ထောက်ခံမဲပေးခဲ့ပါတယ်။ ဒေါ်စုနဲ့NLD လွှတ်တော်ထဲရောက်ရင်တော့ ပြည်သူတွေရဲ့ ကိုယ်စား မားမားမတ်မတ် ရပ်တည်လုပ်ဆောင်ပေးမယ်ဆိုတဲ့ မျှော်မှန်းချက်နဲ့ပေါ့ဗျာ။ လက်ရှိ တိုင်းပြည်အုပ်ချုပ်နေတဲ့သူတွေကို အားမရတာလဲ ပါ ပါတယ်။ဒီမိုး ဒီလေ ဒီလူတွေနဲ့ဆိုရင် တိုင်းပြည်ဟာ ကမ္ဘာ့အဆင်းရဲဆိုးစာရင်းဝင်နိုင်ငံများအနက်တစ်ခု အာဆီယံအဖွဲ့ထဲမှာတောင် နောက်ဆုံးပိတ်ဘဝက လွတ်မြောက်မှာမဟုတ်ဘူးဆိုတာ ပြည်သူလူထုအနေနဲ့ ယူဆနေကြလို့ ဖြစ်ပါတယ်။

ကဲ၊ ဒေါ်စုနဲ့NLD လွှတ်တော်ထဲရောက်တာ တစ်နှစ်ပြည့်ပါတော့မယ်။ ပြည်သူတွေရဲ့ မျှော်လင့်ချက်ကို ဘယ်လောက်ထိဖြည့်ပေးနိုင်ပြီလဲ။ အာဏာရပါတီက လေးစားခန့်ညား၊ ဖြုံရတဲ့ အတိုက်အခံပါတီကြီးတစ်ခုရဲ့ အခန်းကဏ္ဍကို ဘယ်လောက်ထိ ဖြည့်ဆည်းနိုင်ခဲ့ပြီလဲ။

"လွှတ်တော်ထဲဝင်တာကြာပြီ။ NLD အမတ်တွေ လွှတ်တော်ထဲ ဘာလုပ်နေကြသလဲ။ အာဏာရပါတီက တင်လာတဲ့အဆိုကို ဘယ်နှစ်ခေါက် ဝေဖန်ဖူးလဲ။ တင်လာသမျှ အမြဲတမ်း ဝေဖန်စရာ မလိုဘူး။ တချို့ကိစ္စကို ကောင်းတာပါရင် လက်ခံပေါ့။ တချို့ကိစ္စတွေက Modified လုပ်ပေါ့။ ပြုပြင် ပြင်ဆင်ပြီးတော့ ဖြည့်စွက်တာရှိမယ်။ အချို့ကိစ္စတွေမှာ ဝေဖန်တာရှိမယ်။ အချို့ ကန့်ကွက်တာရှိမယ်" လို့ ဆောင်းပါးရှင် မင်းဇင်က အင်တာဗျုးတစ်ခုမှာ ပြောပါတယ်။

စာရေးသူ သိရ၊ ကြားရသလောက် NLD လွှတ်တော်အမတ်တွေဟာ လွှတ်တော်တွင်းမှာ လွတ်လပ်စွာ အဆိုတင်းသွင်းခွင့်၊ ဆွေးနွေးခွင့် ရှိကြတယ်ဆိုပဲ။ ဒါဟာ ကောင်းပေမယ့် ဘဝင်မကျစရာ ဖြစ်ပါတယ်။ နိုင်ငံရေးပါတီကြီး တစ်ရပ်ဟာ မိမိအဖွဲ့ဝင်တစ်ဦးက ပါတီကိုယ်စာပြုပြီး လွှတ်တော်မှာ အဆိုတင်သွင်းဝေဖန်ဆွေးနွေးခြင်းမပြုမီပါတင်တွင်းမှာ ကြိုတင်ဇာတ်တိုက်သင့်ပါတယ်။ ပွဲမဝင်မီ လေ့ကျင့်သင့်ပါတယ်။ NLD မှာ အဲဒီအလေ့အထ ရှိရဲ့လား။ အဆိုဆုံးက မြန်မာ့ဆက်သွယ်ရေးတင်ဒါရွေးချယ်မှု ကြေညာခါနီးမှကပ်ပြီး ခရိုနီတွေရဲ့ အကျိုးစီးပွားရှေ့ရှုကာ ရပ်ဆိုင်းဖို့ ပြည်သူလွှတ်တော်က အရေးပေါ်အဆိုတင်သွင်းထောက်ခံအတည်ပြုရာမှာ NLD လွှတ်တော်အမတ်များရဲ့ ဝေဖန်ဆွေးနွေးအသံ လုံးဝမကြားရတာပါပဲ။ နောက်ပြီး ပြန်ကြားရေးဝန်ကြီးဌာနကတင်သွင်းတဲ့ ပုံနှိပ်မီဒီယာဥပဒေနှင့် ပတ်သက်ပြီး မီဒီယာလောကမှာ ဒီလောက် ဆူပူပွက်လောရိုတ်နေတာ ပြည်သူ့ကိုယ်စားလှယ်များဆိုတဲ့ NLD အမတ်များရဲ့အသံတိတ်နေပြီး ပြည့်သူ့လွှတ်တော်က အတည်ပြုခဲ့တာပါပဲ။ နိုင်ငံရေးပါတီတစ်ရပ်မှာ အမတ်တွေအနေနဲ့ မိမိတင်လိုက်တဲ့ အဆို ရူံးချင်ရူံးမယ်။ အင်အားကြီးတဲ့ အာဏာရပါတီရဲ့ ပယ်ချတာခံရချင်ခံရမယ်။ ရူံးရူံးနိုင်နိုင် ပြည်သူတွေအတွက် အကျိုးရှိရင် တင်ပြရမယ် အကျိုးမဲ့ရင် ကန့်ကွက်ရမှာ တာဝန်သိ အတိုက်အခံပါတီရဲ့ အလုပ်ပဲဖြစ်ပါတယ်။ NLD ပြည့်သူ့လွှတ်တော်ကိုယ်စားလယ်များဟာအဲဒီတာဝန်ကို မလုပ်ကြသလောက်ပဲ ဖြစ်ပါတယ်။

ဒေါ်အောင်ဆန်းစုကြည်အပါအဝင် NLD အမတ်တွေရဲ့ လွှတ်တော်တွင်း ဆောင်ရွှတ်ချက်ကို ပြည်သူတွေအနေနဲ့ အားမလို အားမရ ဖြစ်နေပါတယ်။ ပေါင်းသင့်ကပေါင်း ခွဲသင့်ကခွဲ။ အာဏာရပါတီက သူ့အလုပ်သူလုပ်၊ အတိုက်အခံပါတီကလည်း သူ့အလုပ်သူလုပ်ရပါမယ်။

နောက်ပြီး ဒေါ်အောင်ဆန်းစုကြည်ဟာ လွှတ်တော်ရေးရာ ကိစ္စတွေနဲ့ အချိန်ကုန်လွန်နေတယ်။NLD ပါတီရဲ့စည်းရုံးတည်ဆောက်ရေးအပေါ် အာရုံမစိုက်နိုင်ဘူးလို့ အချို့ကဝေဖန်ထောက်ပြနေပါတယ်။ ဗဟိုအလုပ်အမှုဆောင်အဖွဲ့ကို တာဝန်သတ်သတ်မှတ်မှတ်ပေးတာ မရှိဘူးလို့ အထူးသဖြင့် လူငယ်တွေကို လေ့ကျင့်ပျိုးထောင်ပေးမှု မရှိကြောင်း ကြားရပါတယ်။ ခုဆိုရင် ၂၀၁၃ ခုနှစ် ထက်ဝက်ကျိုးနေပြီး ၂၀၁၄ ခုနှစ်ဆိုရင် လာမဲ့ရွေးကောက်ပွဲကြီးအတွက် မဲဆွယ်စည်းရုံးမှုတွေ လုပ်ရတော့မယ်။ NLD ပါတီ ဘာတွေလုပ်နေသလဲ။ ဒေါ်အောင်ဆန်းစုကြည်က လွှတ်တော်တတ် နိုင်ငံခြားဧည့်သည် လက်ခံတာလောက်ပဲ ရှိပြီး အောက်ခြေ NLD ပါတီဝင်တွေရဲ့ လှုပ်ရှားမှုကို ရေရေရာရာ မတွေ့ရပါဘူး။ NLD ပါတီဝင်တွေဟာ ကိုယ်ကျိုးစွန့်သူတွေ၊ အနစ်နာခံသူတွေဖြစ်ကြတယ်ဆိုတဲ့ ပုံရိပ်တွေ လူထုကြားတွင် လျော့ကျလာနေကြေသတိထားရပါမယ်မယ်။

ဒေါ်အောင်ဆန်းစုကြည်ကတော့ မိမိနှင့် အာဏရပါတီထိပ်ပိုင်းခေါင်းဆောင်တွေ ရင်းနှီချစ်ကြည်ချင်းဖြင့် ၂၀၁၅ ခုနှစ် ရွေးကောက်ပွဲ မတိုင်မီ ၂၀၀၈ ဖွဲ့စည်းပုံဥပဒေ ပြင်ဆင်ရေးဖြစ်နိုင်မယ်လို့ ယုံကြည်နေပုံ ရပါတယ်။ ဖွဲ့စည်းပုံဥပပြင်ဆင်ရေးနှင့် ပတ်သက်ပြီး အာဏာရပါတီရဲ့ဥကဋ္ဌက တစ်မျိုးပြော၊ ဒုတိယဥကဋ္ဌက တစ်မျိုးပြောနဲ့ အချိန်မီပြင်ဆင်ရေး ဖြစ်မြောက် မထင်ပါဘူး။ ဖွဲ့စည်းပုံဥပဒေပြင်ဆင်ရာမှာ အခရာကျတဲ့ တပ်မတော်ကလည်း၂၀၀၈ ခုနှစ်ဖွဲ့စည်းပုံဥပဒေကာကွယ်စောင့်ရှောင့်ရန်ကိုပဲ ကြုံကြိုက်တိုင်းပြောဆိုနေပြီး ပြင်ဆင်ရေးကိစ္စ လုံးဝပြောဆိုသံမကြားရပါဘူး။

ဒါကြောင့် ဒေါ်အောင်ဆန်းစုကြည်နှင့်NLDကို အကြံပြုချင်တာက ဖွဲ့စည်းပုံဥပဒေပြင်ဆင်ရေးဆွဲရေးကိစ္စကို ဇောင်းပေးမနေဘဲ ပါတီတည်ဆောက်ရေး၊ လူထုစည်းရုံးရေးအပေါ် ယခုအချိန်မှစပြီး အာရုံစိုက်ကြပါ။ အာဏာရပါတီနှင့် NLD ပါတီရဲ့ မှုဝါဒသဘောထား၊ ရပ်တည်ချက်မတူကြောင်း ပြည်သူလူထုသိရှိအောင် ဖော်ပြကြပါ။ အာဏရပါတီကြီးနဲ့အတိုက်အခံပါတီဟာကိစ္စတော်တော်များများမှာ တူလွန်နေရင်တော့ ရွေချယ်ရမည့်ပြည်သူများအတွက် ဇဝေဇဝါဖြစ်နိုင်ပါတယ်။ အာဏာရပါတီကို ထောက်ခံသင့်တဲ့နေရာမှာ ထောက်ခံ၊ တချို့နေရာတွင် ပြတ်ပြတ်သားသား ဝေဖန်ဆွေးနွေးကန့်ကွက်ရပါမယ်။ အာဏာရပါတီနှင့်ချစ်ကြည်ရင်းနှီးလွန်းရင် ပါတီခေါင်းဆောင်မတွက်ရော ပါတီအတွက်ပါ သိက္ခာကျစရာ ဖြစ်နိုင်ပါတယ်။ လေးစား၊ ခံ့ညား၊ ဂုဏ်သိက္ခာကြီးမားတဲ့ ပြည်သူများက ယုံကြည်အားထားရတဲ့ ပါတီကြီးတစ်ရပ်ဖြစ်အောင် ရပ်တည်ပြီး ရွေးကောက်ပွဲမှာ အပြတ်အသတ် အနိုင်ရရေး ရည်မှန်းချက်ထားစေချင်တယ်။

အခုလောလောဆယ် NLD ဟာ ပါတီရဲ့ ဦးတည်ချက်များကို လျှောက်လှမ်းရာမှာ နည်းဗျုဟာအရ ဝေဝါးနေပါတယ်။ NLD ဘယ်လဲ၊ ဘာလဲဆိုပြီး ပြည်သူလူထုအများစုကြီးက မေးခွန်းထုတ်နေကြကြောင်းပါဗျာ။

ဝိုင်းတော်သားတစ်ဦး
News Watch(စောင့်ကြည့်သတင်းဂျာနယ်) 

Read More

သုံးလောင်းပြိုင်လူသတ်မှု ဖြစ်ရပ်မှန်ဇာတ်လမ်း ရိုက်မည်

ရန်ကုန်၊ စက်တင်ဘာ ၁

သုံးလောင်းပြိုင် လူသတ်မှု ဖြစ်ရပ်မှန်ဇာတ်လမ်းကို မြန်မာနိုင်ငံရုပ်ရှင် အစည်းအရုံးနှင့် မြန်မာနိုင်ငံ ရဲတပ်ဖွဲ့ဌာနချုပ်တို့ ပူးပေါင်းကာ ‘လွတ်လမ်းမရှိ’ အမည်ဖြင့် ဇာတ်ကားရိုက်ကူးမည် ဖြစ်ကြောင်း မြန်မာနိုင်ငံ ရုပ်ရှင်အစည်းအရုံး ဥက္ကဋ္ဌ ဦးလူမင်းက ပြောကြားသည်။

အောက်တိုဘာလ ၁ ရက်နေ့တွင် ကျရောက်မည့် (၄၉) ကြိမ်မြောက် မြန်မာနိုင်ငံ ရဲတပ်ဖွဲ့နေ့ကို ဂုဏ်ပြုသည့်အနေနှင့် ၂၀၀၁ ခုနှစ်တွင် ရွှေပြည်သာမြို့နယ်၌ ဖြစ်ပွားခဲ့သော သုံးလောင်းပြိုင် လူသတ်မှု အကြောင်းကို ရိုက်ကူးမည် ဖြစ်ကြောင်း ယင်းအမှုသည် အချိန် ၅ နှစ်ခန့်ကြာမှ တရားခံကို ပြန်လည် ဖော်ထုတ်နိုင်ကြောင်း၊ ယင်းဇာတ်လမ်းတွင် အဓိက ပညာပေးလိုသည်မှာ လူယုံသတ်၍ သေနိုင်သည်ဆိုသော အကြောင်းဖြစ်ပြီး ပထမဆုံး ဇာတ်လမ်းအဖြစ် ဖော်ပြခြင်းခံရ၍ ဝမ်းသာကြောင်း အဆိုပါ ဇာတ်ကားအတွက် ဝတ္ထုဇာတ်လမ်းရေးသားသူ ရဲအုပ်မောင်မောင်အေး (ငြိမ်း) စုံထောက်မောင်ရေခဲက ပြောကြားသည်။

“ဒီဇာတ်လမ်းမှာ အေးမြတ်သူက ရဲမေတစ်ယောက်အနေနဲ့ သရုပ်ဆောင်ရမှာပါ။ ဒီဇာတ်လမ်းက အစ်မအတွက် ပထမဆုံး ဂုဏ်ပြုဇာတ်လမ်းတစ်ခုဖြစ်တဲ့အတွက် အရမ်းဝမ်းသာပါတယ်။ ဂုဏ်ယူပါတယ်။ အခုလို ဒီမိုကရေစီ လမ်းကြောင်းကို သွားနေတဲ့ခေတ်မှာ ပြည်သူတွေကို အကျိုးပြုတဲ့ ရဲတပ်ဖွဲ့ကို ဂုဏ်ပြုရတဲ့အတွက် ဝမ်းသာပါတယ်” ဟု သရုပ်ဆောင်အေးမြတ်သူက ပြောကြားသည်။

ယင်းဇာတ်လမ်း ရိုက်ကူးရာတွင် မြန်မာနိုင်ငံ ရဲတပ်ဖွဲ့မှ လိုအပ်သည်များကို ဖြည့်ဆည်းပေးမည် ဖြစ်ပြီး ဖြစ်ရပ်မှန်ဇာတ်လမ်းကို ရိုက်ကူးရန်အတွက် အကောင်းဆုံး ရိုက်ကူးသွားမည် ဖြစ်ကြောင်း၊ ယခု ရိုက်ကူးမည့် ဇာတ်လမ်းသည် ပညာပေးဇာတ်လမ်း ဖြစ်သောကြောင့် ပြည်သူများထံသို့ လောင်းကစားနှင့် ပတ်သက်သည့် အသိတစ်ခု ပေးစွမ်းနိုင်မည် ဖြစ်ကြောင်း ဒါရိုက်တာမီးပွားက ပြောကြားသည်။

အဆိုပါဇာတ်လမ်းကို ဝတ္ထုဇာတ်လမ်း စုံထောက် မောင်ရေခဲက ရေးသားထားပြီး ဇာတ်ညွှန်းမြမြင့်မိုရ်၊ ဒါရိုက်တာမီးပွားနှင့် သရုပ်ဆောင်ဖြိုးငွေစိုး၊ အေးမြတ်သူ၊ သားညီတို့က အဓိကပါဝင် ရိုက်ကူးမည်ဖြစ်ပြီး အောက်တိုဘာလ ၁ ရက်နေ့တွင် ရုပ်သံလိုင်းများမှ ထုတ်လွှင့်ပြသမည် ဖြစ်သည်။

The Voice Weekly

Read More

သမ္မတ ဦးသိန်းစိန် တရုတ်ပြည်သို့ ထွက်ခွာ

သမ္မတ ဦးသိန်းစိန် တရုတ်ပြည်သို့ ထွက်ခွာ ။ ဓါတ်ပုံ - သမ္မတရုံး ၀က်ဆိုဒ်

နိုင်ငံတော်သမ္မတ ဦးသိန်းစိန်နှင့်အဖွဲ့ တရုတ်ပြည်သူ့သမ္မတနိုင်ငံ နန်နင်းမြို့သို့ရောက်ရှိ။ ဓါတ်ပုံ - သမ္မတရုံး ၀က်ဆိုဒ်

မြန်မာ သမ္မတ ဦးသိန်းစိန်ဟာ တရုတ်နိုင်ငံ ကွမ်းရှီးပြည်နယ် နမ်နင်းမြို့မှာ မနက်ဖြန်ကနေ စလို့ ၄ ရက်ကြာ ကျင်းပမယ့် ၁၀ ကြိမ်မြောက် တရုတ် ဆာဆီယံ ကုန်စည်ပြပွဲကို တက်ရောက် ဖို့ ဒီကနေ့ နေ့လယ်ပိုင်းက နေပြည်တော် လေဆိပ်ကနေ ထွက်ခွာသွားပြီ ဖြစ်ပါတယ်။

သမ္မတ ဦးသိန်းစိန်နဲ့အတူ အစိုးရအဖွဲဝင် ပြည်ထောင်စု ဝန်ကြီးတွေဖြစ်တဲ့ စိုက်ပျိုးရေးဝန်ကြီး ဦးမြင့်လှိုင်၊ မွေးရေနဲ့ ကျေးလက် ဖွံ့ဖြိုးရေးဝန်ကြီး ဦးအုန်းမြင့် တို့အပြင် မြန်မာနိုင်ငံ ကုန်သည် စက်မှု အသင်းချုပ်က လုပ်ငန်းရှင် တစ်ရာကျော်လဲ လိုက်ပါသွားပါတယ်လို့ သိရပါတယ်။

အခု ဒီခရီးစဉ်ဟာ သမ္မတဦး သိန်းစိန်ရဲ့ သမ္မတသက်တမ်းမှာ တရုတ်ကို သွားတဲ့ စတုတ0x081တမြောက် ခရီးစဉ်ဖြစ်ပြီးတော့ တရုတ် အာဆီယံ ခေါင်းဆောင်တွေနဲ့ စီးပွားရေးနဲ ရင်းနှီးမြုပ်နှံမှုဆိုင်ရာ ထိပ်သီး ဆွေးနွေးမှုတွေ ပြုလုပ်ဦးမှာ ဖြစ်ပါတယ်။

ဦးသိန်းစိန်ဟာ တရုတ် ဝန်ကြီးချုပ် လီကေချန်းနဲ့လဲ တွေ့ဆုံလိမ့်မယ်လို့ မျှော်လင့်ရပါ တယ်။

ဘီဘီစီ (မြန်မာပိုင်း)

Read More

(၇၁) နှစ်ပြည့် မင်္ဂလာ ဆုတောင်း

ဒီနေ့ဟာ ၀ါခေါင်လပြည့်ကျော်(၁၂)ရက်တနင်္ဂလာနေ့ ဖြစ်တာနဲ့ အညီ အမျိုးသားခေါင်းဆောင် တပ်မတော် ရဲ့ဖခင် ဖြစ်တဲ့ ဗိုလ်ချုပ် အောင်ဆန်း နဲ့  မဟာသီရိ သုဓမ္မ ဒေါ်ခင်ကြည်တို့ရဲ့ မင်္ဂလာဆွမ်းကျွေး ၇၁ နှစ်ပြည့်တဲ့ နေ့ပဲဖြစ်ပါတယ်။ ဇူလိုင် ၁၉ နီး တဲ့အချိန်တွေမှာတော့ သည်းသည်းလှုပ်  ဗိုလ်ချုပ်အောင်ဆန်းကိုချစ်ပြနေကြပေမယ့်  ဒီနေ့ ဒီလို အချိန်ကို တော့ ဗိုလ်ချုပ်ကို ချစ်ပါတယ်ဆိုတဲ့
သူတွေဟာ တစ်ဦးတစ်ယောက်မျှ မှတ်မိသိရှိကြဟန် မတူပါဘူး ။ယခင်ကငွေ ရတု ၊ ရွှေရတုနဲ့ဆုတောင်း ပွဲတွေ ၊ အောက်မေ့သတိရပွဲတွေ  ပလူပျံအောင် လုပ်နေကြပေမယ့် ဒီနေ့ဒီအခါကိုတော့ အားလုံး ဆုတောင်းပေးကြဖို့အောက်မေ့သတိရပေးကြဖို့မေ့နေကြတဲ့ အတွက်  ရွှေသတင်းသစ် အွန်လိုင်းသတင်းစာ မျက်နှာမှ ဗိုလ်ချုပ်အောင်ဆန်း နှင့်ဒေါ်ခင်ကြည် ဘ၀ အဆက်အဆက် ပါရမီ ဖြည့်ဘက် များ ဖြစ်နိုင်ကြပါစေလို့ ဆုတောင်းရင်းဖြင့်…..

Myawady News

Read More

ဗြိတိသျှကောင်စီမှ အင်္ဂလိပ်စာသင်တန်းသစ်များကို ၂ဝ၁၃ ခုနှစ် အောက်တိုဘာလတွင် စတင်ဖွင့်လှစ်

ဗြိတိသျှကောင်စီမှ အင်္ဂလိပ်စာသင်တန်းသစ်များကို ၂ဝ၁၃ ခုနှစ် အောက်တိုဘာလတွင် စတင်ဖွင့်လှစ်မည်ဖြစ်ပါသည်။

ဝင်ခွင့် စာမေးပွဲများကို ၂ဝ၁၃ ခုနှစ် အောက်တိုဘာလတွင် ကျင်းပသွားမည်ဖြစ်သဖြင့် (အသက် ၇ နှစ်နှင့် အထက် မည်သူမဆို) တက်ရောက်လိုသူများ လာရောက်ဖြေဆိုနိုင်ပါသည်။ ဝင်ခွင့် စာမေးပွဲကြေးမှာ မြန်မာငွေ တစ်သောင်းကျပ်ဖြစ်ပြီး မှတ်ပုံတင်ကဒ်ပြား (သို့မဟုတ်) သန်းခါင်စာရင်း/မွေးစာရင်း မူရင်းဖြင့် ဝင်ခွင့် စာမေးပွဲဖြေရန် အောက်ပါအချိန်စာရင်းအတိုင်း ၂ဝ၁၃ ခုနှစ် စက်တင်ဘာလ (၉) ရက်နေ့ မှစ၍ တနင်္လာနေ့မှ သောကြာနေ့ နံနက် (၈:၃ဝ) မှ ညနေ (၅:ဝဝ) အတွင်းလာရောက် စာရင်းပေးသွင်းနိုင်ပါပြီ။

အသက် (၁၈) နှစ် နှင့်အထက် - စက်တင်ဘာလ ၉ ရက် မှ ၁၃ ရက်
အသက် (၁၃) နှစ် မှ (၁၇) နှစ် - စက်တင်ဘာလ ၁၆ ရက် မှ ၂ဝ ရက်
အသက် (၇) နှစ် မှ (၁၂) နှစ် - စက်တင်ဘာလ ၂၃ ရက် မှ ၂၇ ရက်

မှတ်ချက် ။ ။ ဗြိတိသျှကောင်စီမှ အင်္ဂလိပ်စာသင်တန်းများကို အသက်အရွယ်အလိုက် အောက်ပါအတိုင်းခွဲခြားသတ်မှတ်ထားပါသည်။

အသက်(၇) နှစ် မှ (၉)နှစ် - Primary Learners
အသက်(၁၀) နှစ် မှ (၁၂)နှစ် - Tween Learners
အသက်(၁၃) နှစ် မှ (၁၅)နှစ် - Secondary Learners
အသက်(၁၆) နှစ် မှ (၁၇)နှစ် - Young Adults
အသက်(၁၈) နှစ် နှင့် အထက် - Adult Learners

ဤသင်တန်းများမှာ အင်္ဂလိပ်စာစွမ်းရည် (၄)မျိုးစလုံး ပိုမိုတိုးတက်လာစေရန် ခေတ်မီသင်ကြားရေးအထောက်အကူပြု ပစ္စည်းများစွာဖြင့် သင်ကြားပို့ချပေးမှာ ဖြစ်ပါသည်။

အသေးစိတ်သိရှိလိုပါက British Council Customer Service & Sales Department ဖုန်းနံပါတ် ၂၅၆၂၉ဝ ၊ ၂၅၆၂၉၁ (လိုင်းခွဲ - ၃၃၂၅, ၃၃၂၆, ၃၃၁၇) သို့ တနင်္လာနေ့မှ စနေနေ့ နံနက် (၈:၃ဝ) မှ ညနေ (၆:ဝဝ) အတွင်း ဆက်သွယ်မေးမြန်နိုင်ပြီး enquiries@mm.britishcouncil.orgသို့လည်း အီးမေးလ်ပို့၍ ဆက်သွယ်မေးမြန်းနိုင်ပါသည်။

Read More

ဆီးရီးယားကိုတိုက်မည့်အစီအစဉ် အိုဘားမား ရွှေ့ဆိုင်း

Ref-AFP ၊စက်တင်ဘာ(၂) ၊ ရန်ကုန်တိုင်းမ်နေ့စဉ်သတင်းစာ

သမ္မတဘားရက်အိုဘား မားက ဆီးရီးယားသမ္မတဘာ ရှားအယ်လ်အာဆတ်၏ အစိုး ရကိုပြစ်ဒဏ်ပေးမည့် ဒုံးကျည် ဖြင့်တိုက်ခိုက်မည့်အစီအစဉ်ကို ရွှေ့ဆိုင်းခဲ့ကြောင်း သိရသည်။

ဓာတုလက်နက်အသုံးပြု တိုက်ခိုက်မှုပြုသည်ဟူသော စွပ် စွဲချက်ဖြင့် ဆီးရီးယားအစိုးရအား အရေးယူရေးအတွက် လွှတ်တော် မှ ထောက်ခံမှုရရှိရန်ကြိုးပမ်းမည် ဟူ၍ ထုတ်ဖော်ပြောဆိုခဲ့ပြီး နောက် ယခုကဲ့သို့အစဉ်အလာ နှင့်ဆန့်ကျင်သော အစီအစဉ်ကို ရွှေ့ဆိုင်းခဲ့ခြင်းမှာ အားလုံးကို အံ့ အားသင့်စေခဲ့သည်ဟုဆိုသည်။

စင်စစ်အားဖြင့် စစ်ရေးအ ရအရေးယူဆောင်ရွက်မှုအား အ မေရိကန်လွှတ်တော်အမတ်များ အားလပ်ရက်အနားယူရာမှ ပြန် လာချိန် အနည်းဆုံး စက်တင်ဘာ ၉ရက်အထိ ရွှေ့ဆိုင်းထားမည် ဖြစ်သည်။

သို့ရာတွင် သမ္မတအို ဘားမားက သူ့အနေနှင့် လွှတ် တော်၏ဆုံးဖြတ်ချက်ကို ဂရုမ ထားဘဲ တိုက်ခိုက်ပိုင်ခွင့်ကို ဆုပ် ကိုင်ထားမည်ဖြစ်ကြောင်း အခိုင်အမာပြောကြားခဲ့သည်။

အိမ်ဖြူတော်အရာရှိတစ်ဦးကမူ ရပ်နားထားသည့်အချိန်အတွင်း နိုင်ငံတကာမှ ထောက်ခံအားပေး မှုရရှိရန် သမ္မတအိုဘားမား အနေ နှင့် ဆောင်ရွက်နိုင်မည့်အချိန် ရ ရှိမည်ဖြစ်ကြောင်း ပြောကြားခဲ့ သည်။

လွန်ခဲ့သည့်ရက်က ကိုင်ရို တွင် အာရပ်အဖွဲ့ချုပ်၏ တွေ့ဆုံ ဆွေးနွေးပွဲတွင် သမ္မတအာဆတ် ကို ပြစ်တင်ရှုတ်ချမည်ဟု မျှော် လင့်ကြောင်း သိရသည်။

လာမည့် ရက်သတ္တပတ်တွင် ဆီးရီးယားအ ကျပ်အတည်းအရေးကိစ္စက လွှမ်း ခြုံနေမည့် ဂျီ- ၂ဝထိပ်သီးဆွေး နွေးပွဲကျင်းပမည့် ရုရှားနိုင်ငံသို့ သမ္မတအိုဘား မားတက်ရောက် မည်ဖြစ်ကြောင်း သိရသည်။

သမ္မတအိုဘားမားအနေ နှင့် ဆီးရီးယားအားစစ်ရေးအရ အရေးယူရန် ဗြိတိသျှပါလီမန်တွင် မဲခွဲဆုံးဖြတ်ရာ၌ ဝန်ကြီးချုပ်ဒေး ဗစ်ကင်မရွန်းကြုံတွေ့ခဲ့ရသော အဖြစ်နှင့် အလားတူရင်ဆိုင်ရ မည်ဖြစ်ကြောင်း လေ့လာအကဲ ခတ်သူတို့က သတိပေးခဲ့ကြောင်း သိရသည်။

အိမ်ဖြူတော်ရို့စ်ဂါး ဒင်းတွင် မိန့်ခွန်းပြောကြားမှုအ တောအတွင်း သမ္မတအိုဘား မားက တိုက်ခိုက်မှုအတွက် မည် သည့်အချိန်တွင် တိုက်ခိုက်သည် ဖြစ်စေ တိုက်ခိုက်ရန်အတွက် ပြင် ဆင်ထားမည်ဖြစ်ကြောင်း၊

တိုက် ခိုက်မည့်အချိန်သည် မနက်ဖြန် သို့မဟုတ် နောက်ထပ်ရက်သတ္တ ပတ် သို့မဟုတ် နောက်တစ်လ လည်းဖြစ်သွားမည်ဖြစ်ကြောင်း သမ္မတအိုဘားမားက ထည့်သွင်း ပြောကြားသွားခဲ့ကြောင်း သိရ သည်။

အမေရိကန်ပြည်ထောင် စု၏ တိုမာဟော့ဒုံးကျည်များ တပ်ဆင်ထားသော စစ်သင်္ဘော ငါးစင်းခန့်သည် အရှေ့မြေထဲ ပင်လယ်တွင် ဆီးရီးယားအစိုးရ ပစ်မှတ်များကို အတိအကျထိ မှန်အောင်ပစ်ခတ်ရန်အသင့် ရှိ နေကြောင်းသိရသည်။

အလား တူပင် ပြင်သစ်နိုင်ငံကလည်း အမေရိကန်ပြည်ထောင်စုနှင့် ဆုံးဖြတ်ချက်တစ်သားတည်းရှိ နေမည်ဖြစ်ကြောင်း သိရသည်။

Yangon Media Group

Read More

ချွေးပေါက်ကျဉ်းပြီး တင်းရင်းတဲ့အသားအရေဖြစ်စေဖို့

သင့်ချွေးပေါက်တွေဟာ မှန်ဘီလူးအောက်ရောက်နေသလို ကျယ်နေလို့ စိတ်ညစ်နေလား??? စိတ်မညစ်ပါနဲ့။ ချွေးပေါက်ကျဉ်းစေတဲ့ လွယ်ကူတဲ့နည်းလေးတွေရှိပါတယ်။ ချွေးပေါက်လေးတွေ ပြန်ကျဉ်းအောင်က အပေါ်က ချွေးပေါက်ကျယ်စေတဲ့အကြောင်းတွေကိုလည်း သတိထားရပါမယ်။
ပြီးတော့ ချွေးပေါက်လေးတွေ ကျဉ်းသွားအောင် လုပ်ဆောင်ရမှာတွေကို ပြောပြပေးမယ်နော်။

အသားအရေထိန်းသိမ်းမယ်

- အဆီပိုတွေနဲ့ ဆဲလ်သေတွေကြောင့် ချွေးပေါက်တွေပိုကျယ်လာစေပြီး ၀က်ခြံတွေလည်း ဖြစ်စေတော့ အသားအရေကို သေချာသန့်စင်ပေးဖို့ အရေးကြီးတယ်နော်။
- တစ်ရက်ကို ၂ ကြိမ် ကိုယ့်အသားအရေနဲ့ အဆင်ပြေတဲ့ Facial Cleanser နဲ့ မျက်နှာသစ်ပေးပါ။
- ညဘက် ဘယ်လောက်ပဲအိပ်ချင်နေပါစေ မိတ်ကပ်တွေဖျက်ပြီးမှ အိပ်ပါ။
- မျက်နှာသစ်ပြီးတိုင်း Toner သုံးပေးရမယ်နော်။
- ဗီတာမင်စီပါတဲ့ ခရမ်တွေကို လိမ်းပေးရင်လည်း အသားအရေကို သန့်စင်စေသလို အသားအရေကို တင်းရင်းစေတဲ့ ကော်လာဂျင် ထုတ်လုပ်မှုကိ်ု အားပေးလို့ ချွေးပေါက်တွေကျဉ်းစေဖို့ အထောက်အကူ ပေးပါတယ်။
- ဆဲလ်အသေတွေကို သေချာဖယ်ရှားနိုင်ဖို့ တစ်ပတ်ကို အနည်းဆုံးတစ်ကြိမ် Scrud နဲ့ မျက်နှာချေးချွတ်ပါ။
- တစ်ပတ်ကိုတစ်ကြိမ် မျက်နှာပေါင်းတင်ပေးဖို့လည်း မမေ့ပါနဲ့။ ချွေးပေါက်တွေကို သန့်စင်စေတဲ့ မျက်နှာပေါင်းတင်ကပ်ခွာ (Pore refining mark) ကို သုံးပေးတာပိုကောင်းပါတယ်နော်။
- Alpha Hydroxy Acid (AHA) 10% ပါတဲ့ လိမ်းဆေးတွေကို သုံးပေးနိုင်ရင်တော့ အကောင်းဆုံးပါပဲ။

နေရောင်ခြည်ဒဏ်က ကာကွယ်မယ်

- နေရောင်ခြည်က အသားအရေရဲ့ တကယ့်ရန်သူပဲနော်။
- ချွေးပေါက်တွေကျယ်စေတဲ့ အဓိကအချက်လည်း ဖြစ်နေတော့ ဒီဆိုးကျိုးအရမ်းပေးတဲ့ နေရောင်ခြည်ဒဏ်ကို ကာကွယ်မယ်။
- နေရောင်ကာကွယ်ဆေးတွေ လိမ်းမယ်။
- နေကာမျက်မှန်၊ ထီး၊ ဦးထုပ်ပါမှ အပြင်ထွက်ကြမယ်လေ။


မိတ်ကပ်ကို အားမကိုးပါနဲ့

- ချွေးပေါက်တွေကို ဖုံးအောင်ဆိုပြီး မိတ်ကပ်တွေကို အထူကြီးလိမ်းမလို့လား။ မလုပ်လိုက်နဲ့နော်။
- သင့်အရေပြားလေး ကောင်းကောင်းအသက်ရှုပါစေလား။
- မိတ်ကပ်ကို အထူကြီးလိမ်းလေလေ ချွေးပေါက်တွေကို ပိတ်ဆို့စေပြီး အသားအရေကို ပိုထိခိုက်လေလေပဲလေ။
- မျက်နှာပြောင်ဖြစ်နေမှာဆိုးရင်တော့ ပေါင်ဒါမှုန့်တွေ၊ ပေါင်ဒါခဲ (Powder Cake) တွေ လိမ်းရင်ကို OK တယ်နော်။
- Oil Control အမျိုးအစားကိုပဲ ရွေးချယ်ဖို့တော့ မမေ့ပါနဲ့။
- မိတ်ကပ်လိမ်းတာ နဲလေ ကောင်းလေပါနော်။
- မိတ်ကပ်လိမ်းရင် အသုံးပြုတဲ့ ရေမြုပ်၊ ဘရှပ် စတာတွေကိုလည်း အမြဲသန့်ရှင်းအောင်ထားပါ။
- ရေမြုပ်၊ ဘရှပ်တွေပေါ်မှာရှိနေတဲ့ အဆီတွေ ဘက်တီးရီးယားတွေဟာ သင့်ချွေးပေါက်တွေထဲကို ၀င်ပြီး ကောင်းကောင်းဒုက္ခပေးနိုင်တယ်လေ။
- အဲဒီတော့ ရေမြုပ်၊ ဘရှပ်တွေကို အမြဲသန့်ရှင်းနေအောင် ဂရုစိုက်ရမယ်နော်။

ကျန်းမာရေးနဲ့ ညီညွှတ်တဲ့ စားသောက်မှုပုံစံပြောင်းမယ်

- ရေကို များများသောက်ပါ။ ဒါမှ ခန္ဓာကိုယ်ထဲက အညစ်အကြေး အဆိပ်အတောက်တွေကို ဖယ်ရှားနိုင်မှာလေ။
- အသီးအရွက်၊ အဆီနည်းတဲ့အသား၊ ငါး များများစားပါ။
- ရယ်ဒီမိတ်စားစရာတွေ၊ အချိုတွေ၊ အဆီအဆိမ့်တွေ၊ ကော်ဖီတွေက အရေပြားက အဆီထုတ်လုပ်မှုကို များစေလို့ ချွေးပေါက်ထဲမှာ အဆီတွေကြောင့် ချွေးပေါက်ပိုကျယ်လာစေသလို ချွေးပေါက်ပိတ်ပြီး ၀က်ခြံတွေပါ ဖြစ်စေနိုင်လို့ ဝေးဝေးက ရှောင်ရမယ်နော်။

ချွေးပေါက်လေးတွေ ပြန်ကျဉ်းစေမယ့် သဘာဝရဲ့စွမ်းအားများ

ဆဲလ်အသေတွေကို ပုံမှန်ဖယ်ရှားခြင်းဟာ ချွေးပေါက်တွေကို ပြန်ကျဉ်းစေမယ့် အကောင်းဆုံးနည်းပါပဲ။ ဆဲလ်အသေတွေကို ဖယ်ရှားတာကို အိမ်မှာပဲ သဘာဝပစ္စည်းတွေနဲ့ လုပ်လို့ရတယ်နော်။
- အရင်ဆုံး မျက်နှာသစ်ပါ။
- ပြီးတော့ မျက်နှာသုတ်ပုဝါကို ရေနွေးဆွတ် အရေညှစ်ပြီး မျက်နှာပေါ်ခဏတင်ထားပါ။
- ဒါမှ ချွေးပေါက်တွေကို ပွင့်စေပြီး ဆဲလ်သေတွေကို ထိထိရောက်ရောက် ဖယ်ရှားပေးနိုင်စေပါတယ်။
- ဂျုံ (သို့) မုန့်ဖုတ်ဆော်ဒါနဲ့ ရေကို ဆတူရောပြီး မျက်နှာပေါ်လိမ်းပါ။
- ခဏနေရင် ရေဆေးချလိုက်ရုံပါပဲ။
- တစ်ပတ်မှာ တစ်ခါထက်တော့ ပိုပြီး မလုပ်မိစေနဲ့နော်.. အလွန်အကျွံလုပ်ရင် အသားအရေကို ထိခိုက်သွားနိုင်တယ်လေ။

ချွေးပေါက်လေးတွေကျဉ်းစေတဲ့ အကုန်အကျလည်းမများ လွယ်ကူအစွမ်းထက်တဲ့ သဘာဝပစ္စည်းတွေနဲ့ ပေါင်းတင်နည်းတွေကိုလည်း လေ့လာကြည့်ရအောင်..။

သခွားသီးနဲ့ ထောပတ်သီး မျက်နှာပေါင်းတင်ဆေး

- ပါးပါးလှီးထားတဲ့ သခွားသီး လ္ဘက်ရည်ပန်းကန်လုံးတစ်ဝက်၊ ထောပတ်သီး လ္ဘက်ရည်ပန်းကန်လုံးတစ်ဝက်၊ ကြက်ဥအကာ တစ်လုံး၊ နို့မှုန့် လ္ဘက်ရည်ဇွန်း ၂ ဇွန်းအားလုံးကို သေချာသမပြီး ပျစ်ပျစ်လေးဖြစ်သွားအောင် Blender နဲ့ ရောမွှေလိုက်နော်။
- ရရှိလာတဲ့ အနှစ်ကို မျက်နှာနဲ့ လည်ပင်းမှာ နှံ့စပ်အောင်လိမ်းပေးပါ။
- ၃၀ မိနစ် (သို့) ခြောက်သွားတဲ့အခါ ရေနွေးနွေးလေးနဲ့ အရင်ဆေးချပြီး ရေအေးနဲ့ ပြန်ဆေးလိုက်ပါ။
- မျက်နှာနဲ့ လည်ပင်းကို ခြောက်သွေ့အောင် သုတ်ပြီးတဲ့အခါ သင့်ချွေးပေါက်လေးတွေကျဉ်းပြီး နူးညံ့ချောမွေ့နေတဲ့ မျက်နှာလေးကို တွေ့ပြီး သင်လည်း အရမ်းကို ပျော်ရွှင်သွားမှာနော်။


ကြက်ဥနဲ့ သံပုရာသီး မျက်နှာပေါင်းတင်ဆေး

- သံပုရာသီးတစ်ခြမ်းကို အရည်ညှစ်ပြီး ကြက်ဥအကာတစ်လုံးနဲ့ ၃ မိနစ်ခန့်ကြာအောင် ခေါက်မွှေပါ။
- ပြီးတော့ မျက်လုံးတ၀ှိက်ကို ချန်ထားပြီး မျက်နှာအနှံ့လိမ်းလိုက်ပါ။
- ၃၀ မိနစ်ကြာတဲ့အခါ ရေနွေးလေးနဲ့ ဆေးချပြီး အစိုဓာတ်ထိန်းခရမ်တစ်ခုခု လိမ်းပေးလိုက်ရင် ချွေးပေါက်လေးတွေကျဉ်းပြီး လန်းဆန်းချောမွေ့နေတဲ့ မျက်နှာလေးကို ရရှိပါလိမ့်မယ်နော်။

ငှက်ပျောသီးနဲ့ ပျားရည် မျက်နှာပေါင်းတင်ဆေး

- ဒါကတော့ အလွယ်ဆုံးနည်းလေးပါပဲ။
- ချေထားတဲ့ ငှက်ပျောသီးနဲ့ ပျားရည်ကိုရော သမအောင်မွှေပြီး အနှစ်ပျစ်ပျစ်လေးရလာတဲ့အခါ မျက်နှာပေါ်မှာ လိမ်းပါ။
- ၁၀ မိနစ်နေရင် ရေနွေးလေးနဲ့ ဆေးချလိုက်ရုံပါပဲ။
- အရမ်းလွယ်တယ်နော်.. ဒါပေမယ့် အရမ်းလည်း အစွမ်းထက်ပါတယ်။
- ငှက်ပျောသီးမှာပါတဲ့ သဘာဝအက်စစ်က ဆဲလ်ဟောင်းတွေကို ဖယ်ရှားပေးပြီး ပျားရည်က အသားအရေကို နူးညံ့ချောမွေ့စေတယ်လေ။
- ဒီနည်းနဲ့ပဲ ချွေးပေါက်လေးတွေကို ကျဉ်းစေတာပါ။
- ငှက်ပျောသီးအစား ချေထားတဲ့ စပျစ်သီး (သို့) စတော်ဘယ်ရီသီးနဲ့ ပျားရည်ကို ရောပြီးတော့လည်း လုပ်လို့ရတယ်နော်။

ချက်ချင်းလက်ငင်း ချွေးပေါက်ကျဉ်းစေ

- ချက်ချင်းလက်ငင်း ချွေးပေါက်ကျဉ်းစေဆိုတော့ စိတ်ဝင်စားသွားပြီ ဟုတ် ??
- ချွေးပေါက်တွေ ချက်ချင်းကျဉ်းစေဖို့အတွက် အအေးဓာတ်ကို သုံးရမှာပါ။
- နို့ထဲမှာပါတဲ့ လက်တစ်အက်စစ်လို့ခေါ်တဲ့ Alpha Hydroxy Acid ဟာ အသားအရေကို နူးညံ့ချောမွေ့စေသလို ဆဲလ်အသစ်ပွားတာကိုလည်း အားပေးတယ်လေ။
- အဲဒီတော့ အအေးဓာတ်နဲ့ နို့ရဲ့ အစွမ်းတွေကို အသုံးချပြီး ချွေးပေါက်တွေကျဉ်းအောင် လုပ်ကြစို့နော်။
- အ၀တ်သန့်သန့်တစ်ခုကို အအေးခံထားတဲ့နို့ထဲ နှစ်လိုက်ပါ။
- အ၀တ်မှာ ပိုနေတဲ့နို့တွေကို ညှစ်လိုက်ပြီး အ၀တ်ကိုမျက်နှာပေါ် ကပ်ထားပါ။
- ၅-၁၀ မိနစ်ကြာတဲ့အခါ အ၀တ်ကိုဖယ်ပြီး ရေအေးအေးလေးနဲ့ မျက်နှာသစ်လိုက်ရုံပါပဲ။
- ဒီနည်းလေးဟာ ချွေးပေါက်တွေကို ယာယီကျဉ်းသွားစေပြီး အသားအရေကို ချောမွေ့သွားစေသလို ချွေးပေါက်တွေထဲကို မိတ်ကပ်တွေ မ၀င်အောင်လည်း ကာကွယ်ပေးပါတယ်။
- အားလုံးအတွက် အသုံးတည့်မှာပါနော်။

ရင်နှင်းအပေါ်မှာ ပြောပြခဲ့တာလေးတွေကို သေချာလိုက်လုပ်ပေးရင် ချွေးပေါက်လေးတွေ တဖြည်းဖြည်းကျဉ်းလာမယ့်အပြင် အသားအရေလည်း တကယ်ကို လှလာမှာနော်။ ချွေးပေါက်တွေကျဉ်းပြီး တင်းရင်းချောမွေ့လှပတဲ့ မျက်နှာလေးကို မြန်မြန်ပိုင်ဆိုင်နိုင်ပါစေရှင်။

Read More

အမျိုးသမီးများအပေါ် အကာအကွယ် ပေးမည့် ဥပဒေတစ်ရပ် ဆော်ဒီပြဒါန်း

ဆော်ဒီအာရေဗျနိုင်ငံ (Saudi Arabia) မှာ အမျိုးသမီးတွေ အပေါ် စိတ်ပိုင်းဆိုင်ရာ/ ရုပ်ပိုင်းဆိုင်ရာ နှောက်ယှက်မှုတွေကို ပြင်းထန်စွာ အရေးယူနိုင်မဲ့ ဥပဒေတစ်ရပ်ကို လွှတ်တော်က အတည်ပြုပေးလိုက်ပြီ ဖြစ်ကြောင်း သိရှိရပါတယ်။ ဆော်ဒီအာရေဗျနိုင်ငံရဲ့ လူ့အခွင့်အရေးကြိုးပမ်းသူတွေရဲ့ တောင်းဆိုချက်တွေပေါ် အခြေပြုပြီး ဥပဒေပြု အာဏာပိုင်တွေက ယခုလို အတည်ပြု ပေးခဲ့တာ ဖြစ်တယ်လို့ ဆိုပါတယ်။


ယခုပြဒါန်းလိုက်တဲ့ ဥပဒေဟာ အမျိုးသမီးတွေ အပေါ် ကိုယ်ထိလက်ရောက် ကျူးလွန်မှုသာမက စိတ်ပိုင်းဆိုင်ရာ ထိခိုက်အောင် ပြုလုပ်ရင်တောင် အရေးယူနိုင်တယ်လို့ ဆိုပါတယ်။ ဒါ့အပြင် ကျူးလွန်ခံရတဲ့ အမျိုးသမီးတွေအတွက် ဆေးဝါးကုသမှု အကူအညီတွေပါ သတ်မှတ်ပြဒါန်းပေးထားတယ်လို့ ဆိုပါတယ်။ အပြစ်ကျူးလွန်သူတွေဟာ ပြစ်ဒါဏ်အလျောက် အမေရိကန်ဒေါ်လာ (၁၃၀၀) ကျော်ကနေ (၁၃,၀၀၀) ကျော်အထိ ဒါဏ်ရိုက်ခံရဖွယ် ရှိကြောင်း ဖော်ပြထားပါတယ်။


အမျိုးသမီးအခွင့်အရေး ဆုံးရှုံးမှုတွေ ရှိနေတယ်လို့ ဆော်ဒီနိုင်ငံရဲ့ လူ့အခွင့်အရေး လှုပ်ရှားသူတွေက ထောက်ပြတောင်းဆိုမှုတွေ ပြုလုပ်လာပြီး ချက်ချင်းဆိုသလို ဆော်ဒီလွှတ်တော်မှာ အဆိုတင်သွင်းပြီး အတည်ပြုခဲ့တာ ဖြစ်ပါတယ်။ ဆော်ဒီနိုင်ငံရဲ့ လူ့အခွင့်အရေး ဆောင်ရွက်တဲ့ National Society for Human Rights အဖွဲ့ ခေါင်းဆောင်ဖြစ်သူ Mufleh Qahtani က
“ဒီဥပဒေပြဒါန်းနိုင်ခြင်းဟာ နိုင်ငံအတွင်း လူ့အခွင့်အရေးကဏ္ဍရဲ့ ပြောင်းလဲမှုတစ်ရပ်ပါ၊ အမျိုးသမီးတွေကို အကာအကွယ် ပိုမိုပေးအပ်နိုင်ရေး အပါအဝင်ပေါ့” လို့ ပြောဆိုလိုက်ပါတယ်။


လူ့အခွင့်အရေး လှုပ်ရှားသူတစ်ဦးဖြစ်တဲ့ Jaafar Shaieb ကလည်း “ဒါဟာ ပြောင်းလဲမှု ခြေလှမ်းတစ်ခုပါ၊ ဆော်ဒီအမျိုးသမီးတွေ သာမက အိမ်ဖော်အနေနဲ့ နိုင်ငံအတွင်း လာရောက် အလုပ်လုပ်ကိုင်သူ အမျိုးသမီးတွေကိုပါ အကာအကွယ်ပေးမှာ ဖြစ်ပါတယ်” လို့ ဆိုပါတယ်။ အချို့ကတော့ ဒီဥပဒေရဲ့ ထိရောက်မှုနဲ့ လက်တွေ့ကျင့်သုံးနိုင်မှု အပေါ် သံသယတွေ ရှိနေသော်လည်း
ဆော်ဒီနိုင်ငံရဲ့ လူမှုရေးရာဝန်ကြီးကတော့ ဥပဒေကို လက်တွေ့အကောင်အထည်ဖော်မဲ့ လုပ်ငန်းစဉ်၊ နည်းနာတွေကို အမြန်ဆုံး ချမှတ် ဆောင်ရွက်သွားမှာ ဖြစ်တယ်လို့ ဆိုပါတယ်။


ကိုးကား –myanmarmuslimsvoice

Read More

ဒေါ်အောင်ဆန်းစုကြည် စင်ကာပူနိုင်ငံသို့သွားမည်

အမျိုးသား ဒီမိုကရေစီအဖွဲ့ချုပ် NLD ပါတီ ဥက္ကဋ္ဌ ဒေါ်အောင်ဆန်းစုကြည်ဟာ စက်တင်ဘာလ ထဲမှာ စင်ကာပူနိုင်ငံကို သွားဖို့ ရှိပါတယ်။

စင်ကာပူနိုင်ငံမှာ လာမယ့် စက်တင်ဘာလ ၂၀ ရက်နေ့မှာ စတင် ကျင်းပမယ့် The Singapore Summit 2013 အစည်းအဝေးကို တက်ရောက်ဖို့ သွားမှာဖြစ်ပါတယ်။

အဆိုပါ အစည်းအဝေးမှာ ဒေါ်အောင်ဆန်းစုကြည်က မြန်မာ့ အသွင်ကူးပြောင်းရေး (Myanmar in Transition ) ခေါင်း စဉ် နဲ့ စက်တင်ဘာလ ၂၁ ရက်နေ့မှာ ဆွေးနွေးသွားဖို့ ရှိတယ်လို့ The Singapore Summit ရဲ့ တရားဝင် အင်တာနက် စာမျက်နှာမှာ ဖော်ပြထားပါတယ်။

Singapore Summit ထိပ်သီး အစည်းအဝေးပွဲကို ရှန်ဂရီလာ ဟော်တယ်၊ Island Ballroom ခန်းမမှာ ကျင်းပမှာ ဖြစ်ပြီး အစည်းအဝေးမှာ ပညာရှင်တွေ၊ အစိုးရ အကြီးအကဲတချို့နဲ့ နယ်ပယ်အသီးသီးက ထိပ်တန်း ပုဂ္ဂိုလ်တွေက အာရှ အရေး၊ ကမ္ဘာ့အရေး နယ်ပယ်ပေါင်းစုံက အကြောင်းတွေကို ဆွေးနွေး ကြမှာဖြစ်ပါတယ်။

အဆိုပါ The Singapore Summit ရဲ့ တရားဝင် အင်တာနက်စာမျက်နှာမှာ ဖော်ပြထားတဲ့ ထိပ်သီး အစည်းအဝေး တက် ရောက်ဟောပြောဆွေးနွေးမယ့် အစီအစဉ် အသေးစိပ်ကိုလည်း ပြန်လည် ကူးယူ ဖော်ပြေပေးလိုက်ပါတယ်။


Day One
20th September 2013, Friday
Venue: Island Ballroom, Shangri-La Hotel, Singapore
Dress Code: Lounge Suit

ref :Irrawaddy

Read More

မယားကောင်းဆိုတာ အိပ်ယာထဲမှာ ပြည့်တန်ဆာလို နေရ-ကျင့်ရတယ်

မေး ။ဆရာရှင့် ကျွန်မရဲ့စိတ်အကြောင်းမေးချင်လို့ပါ။ ကျွန်မနဲ့ကျွန်မအမျိုသား အတူနေတဲ့အခါ ကျွန်မယောက်ျား ကပြောပါတယ် ကျွန်မကို ကျောက်ရုပ်ကြီးကျနေတာပဲတဲ့။ သူ့ကိုစိတ်ပါသေးရဲ့ လားလို့လဲ မေးပါတယ်။ ကျွန်မဘာလို့အဲဒီ့လိုဖြစ်နေရတာလဲ။ အမှန်တိုင်းပြောရရင် ကျွန်မတို့အိမ်ထောင်သက် ၂ နှစ်ပြည့်ခါနီးပေ မယ့် ကျွန်မရှက်တုန်းပဲ။ ကလေးတစ်ယောက် ရသွားပေမယ့် ရှက်နေတုန်းပဲ။ အဲဒါဘာဖြစ်လို့ပါလည်းရှင်။ သူ့အပေါ်တာဝန်မကျေသလို ခံစားရပါတယ်။ သူ့အပေါ် တာဝန်ကျေချင်ပါတယ်ရှင့်။ ပြောပြပေးပါဦး။

မေးတဲ့သူဟာ အခုလိုမေးသင့်တယ်လို့ထင်တဲ့၊ စိတ်ဆန္ဒရှိနေတာဟာ အလားအလာအတော်ကြီး ကောင်းပါ တယ်။ ရှက်စိတ်ရှိတာ ပုံမှန်ပါ၊ လူဆန်ပါတယ်။ အကြံတခုပေးချင်တာက ဒီလိုရှက်စိတ်ဟာ “ကြိုက်မရှက်၊ ငိုက်မရှက်၊ ငတ်မရှက်" ဆိုတာ လူတိုင်းအသိပါ။ ပြောဘို့ မယဉ်ကျေးတဲ့ မရှက်တရား နောက် တပါးကတော့ “တရားဝင် အကြင်လင်မယား နှစ်ဦးသားဟာ ဆက်ဆံရာမှာ
ရှက်နေစရာ မလိုဘူး”။ ဒါဖြင့်ရင်“အရှက်ကိုမရှိရတော့မှာလား”ဆိုတာတော့လဲမဟုတ်ပါ။ လင်မယားတွေ ပေါင်းလာကြတာ နှစ်တွေ အများကြီးကြာပေမဲ့လဲ ဘယ်အရေးကိစ္စမှာမဆို သူသူကိုယ်ကိုယ် ရှက်နေကြရသေးတာပါ။ အဖိုးကြီး၊ အဖွါးကြီးဖြစ်တဲ့အထိပါ။

ဒါပေမဲ့ အခုမေးလာသူလို လိုအပ်ချက်ရယ်လို့ရှိလာပြီဆိုရင်တော့ ပြင်ယူရပါလိမ့်မယ်။ တနှစ်က သတင်းစာမှာ ဖတ်ရတယ်။ ကမ္ဘာ့နံပါတ်တစ် အားကစားမယ်တယောက် ရုပ်ရည်ကလဲ အင်မတန်ချော ပါတယ်။ သူ့ (ဘွိုင်း-ဖရင်း) က ပြောတယ် “အိပ်ယာထဲမှာဆို ဒီမိန်းကလေးဟာ သစ်တုံးလိုဘဲ” တဲ့။ သူတို့ဆီကတော့ အကြင်လင်မယားမဖြစ်သေးလဲ အဲလို နေကြတာကထုံးစံပါ။ နာမည်ကြီးသူဆိုရင် သတင်းလိုက်သူတွေကလဲ ရှောင်လို့မရဘူး။ ပြန်ပြောပေါ့ “ကျမတယောက်တည်း မဟုတ်ဘူး (ဆယ်လီဘရက်တီ) အပျိုမလဲ ကျမလိုပါဘဲ” လို့။

မြန်မာအရပ်စကားတခုလဲ ရှိသေးတယ်။ “မယားကောင်းဆိုတာ အိပ်ယာထဲမှာ ပြည့်တန်ဆာလို နေရ-ကျင့်ရတယ်” တဲ့။ ဒီအကြံပေးချက်ဟာ လက်တွေ့ဘဝတွေကနေ လာပုံရတယ်။ တခုရှိတာက ကိုယ်ခန္ဓာ ရောင်းစားသူတွေ၊ ငွေယူပြီး လိင်ဇာတ်ကား ရိုက်ပေးသူတွေဟာ ကြည့်တဲ့သူတွေပို သဘောကျ၊ အားကျစေအောင် တမင်တကာ သရုပ်ဆောင်ကြရတယ်။ ဥပမာ အမျိုးသမီးတွေက ခံစားမှုရှိနေသယောင်၊ သာယာနေသယောင် သရုပ်ဆောင်ကြတယ်။ ဒါတင်မကဘူး လိင်ဆန္ဒ ပြည့်ဝ ပြီးစီးတာကိုပါ အတုလုပ်လေ့ရှိတယ်။ ဒါကို Women Fake Orgasm လို့ခေါ်တယ်။

ဒီလိုအတုလုပ်ကြတာက ကြေးစာမိန်းမတွေမှ မဟုတ်သေးဘူး။ အနောက်နိုင်ငံတွေမှာ (မြန်မာနိုင်ငံမျာတော့ လေ့လာမှု မရှိလို့ မပြောနိုင်ပါ။) အတွဲထားတဲ့ အမျိုးသမီးများကလဲ ပြီးစီးမှု အတုလုပ်တတ်ကြတယ်။ AskMen.com ကနေ အမေရိကန်၊ ကနေဒါ၊ ယူကေနဲ့ သြစတြေးလျ မှာ ယောက်ျား-မိန်မပေါင်း ငါးသောင်းကို လေ့လာမှုလုပ်တော့ ၃ ပုံ ၁ ပုံသော အမျိုးသမီးတွေက (အော်ဂဇင်) ရသယောင်ဆောင်ပါသတဲ့။ (ကိုလန်ဘီယာ) က Farnaz Kaighobadi ကနေလုပ်တဲ့ သုတေသနအရ ၄ဝ-၆ဝ% အမျိုးသမီးတွေက အဲလိုအတုလုပ်ကြရတာဟာ Mate retention tactic သူတို့ ယောက်ျားဖေါ်တွေ သူတို့ဆီကနေ ခွါမသွားစေအောင်လုပ်ရတဲ့ ဗျူဟာလို့ ဆိုပါတယ်။

နောက်တခုလဲ ကြားဘူးကြမှာပါ။ “ယောက်ျားသား ဖေါက်ပြားတာဟာ သူ့မိန်းမက အလိုကို လိုသလို မဖြည့်နိုင် လို့” ဆိုတာ။ ဒီအချက်က တဝက်တပျက်သာ မှန်ပါမယ်။ ဖေါက်ပြားချင်သူ ဆိုတာ ယောက်ျားဖြစ်ဖြစ် မိန်းမဖြစ်ဖြစ် စ (ဇ) ရှိသူတွေက ဇနီးမယား၊ ယောက်ျား ခင်ပွန်းဘက် က ပြောစရာမလိုပေမဲ့ ဖေါက်ပြန်ကြပါတယ်။

လင်မယားနေကြရာမှာ အချိန်ကာလအရ တိုးတက်လာကြရတယ်။ မေးတဲ့သူလဲ တိုးတက်လာအောင် လုပ်သင့်ပါတယ်။ ပိုပြီး နားလည်လာရမယ်။ သာယာမှုရှာတဲ့နေရာမျိုးမှာ ပိုပြီးသာယာမှုကိုဖြစ်လာစေ သင့်တယ်။ ခွင့်လွှတ်စရာမျိုးကို ပိုပြီး ခွင့်လွတ်လာကြတာမျိုးလိုပါဘဲ။ အပြန်အလှန်ပါဘဲ။ ယောက်ျား လုပ်သူကလဲ နားလည်မှု ပြန်ပေးဘို့လိုတယ်။ မိန်းမသဘာဝဟာ တမျိုးဆိုတာ သိသင့်တယ်။ ပိုးပြီးရှက် တတ်တယ်။ လိင်စိတ်ဖြစ်လာတာ အချိန်ပိုယူတယ်။ အခါတိုင်း အပြီးမသတ်ပေမဲ့ သိပ်ကိစ္စမရှိတတ်ဘူး။ လစဉ်ဓမ္မတာနဲ့အတူ ဟော်မုန်းသတ္ကိကြောင့် လိင်စိတ် အတက်အကျ ရှိတတ်တယ်။ အိမ်ထောင်မကျ ခင်ဘဝ၊ နောက်ခံ (လိင်) ကျန်းမာရေးသုတ ဆိုတာမျိုးကို တမင်တကာ လိုက်ရှာနေတတ်သူမျိုး ဆိုတာ ယောက်ျားတွေနဲ့ယှဉ်ရင် အရေအတွက်နည်းပါးတယ်။ ဒီတော့ လိုနေတယ်ထင်ရင် ပြင် လာစေအောင် ကူညီရမယ်။ သုတအရလိုနေရင် သုတဖြည့်ပေးပါ။ ကျန်းမာရေးကြောင့်ဆိုရင် ခွင့်လွတ်ပေးပါ။ တိုးတက်လာတိုင်း အသိအမှတ်ပြုပေးပါ။

လိင်မှုကိစ္စဟာ တခြားအရေးအရာတွေလိုဘဲ။ နှစ်ဦးနှစ်ဘက် ပါဝင်ပတ်သက်ရတယ်။ လက်လုပ်တီးတာ လက်နှစ်ဖက် ပါရသလိုမျိုး။ လက်နှစ်ဖက်တော့ ဟုတ်ပါရဲ့ တဖက်လက်ဝါးက ဖြန့်ကော့ထားရင် မည်တဲ့ လက်ခုပ်သံက မပြီသဘူး။ တက်ညီ-လက်ညီ ရှိကြတာ ကောင်းတဲ့ဂုဏ်တရပ်ပါ။ ရှေ့သွား၊ နောက်လိုက် ညီကြတယ်ဆိုတာ အများအမြင်သာ ဖြစ်တယ်။ ဘက်ညီတယ်ဆိုတာမှာ အတူနေတဲ့ကိစ္စလဲ ပါသင့်တယ်။

စိတ်မပျက်ပါနဲ့။ အားငယ်စရာမဟုတ်ပါ။ အိမ်ထောင်ရေး ပိုသာယာတာ အခုမေးတဲ့သူမှာ သေခြာပေါက်ဖြစ် လာမယ်လို့ ယူဆပါတယ်။ ဖတ်ပါ၊ လိုက်နာပါ။ မေးမြန်းပါ၊ လိုက်လုပ်ပါ။ ကိုယ့်က ကျောက်ရုပ် (သစ်တုံး) လိုဖြစ်မနေအောင် လိုသေးရင် ဆရာဝန်ကိုမေးပါ။

Read More