ကန် ငွေစုလက်မှတ် အရောင်းအ၀ယ် စည်းမျဉ်းတင်းကျပ်

Thursday, 12 December 2013

အမေရိကန် ပြည်ထောင်စုမှာ ဘဏ်တွေကနေ ငွေစုလက်မှတ်တွေ ရောင်းချမှုတွေကို ကန့်သတ်ဖို့ စည်းမျဉ်းသစ်တွေ ပြဌာန်းလိုက်ပါတယ်။ ဘဏ်တွေအနေနဲ့ သူတို့ဘဏ် အမြတ်အစွန်း ရဖို့အတွက် ငွေစုလက်မှတ်တွေကို အသုံးချ ရောင်းဝယ်တာမျိုးတွေကို အဓိက တားမြစ်တဲ့ စည်းမျဉ်းသစ်ကို အမေရိကန်ပြည်ထောင်စုရဲ့ ငွေကြေးစနစ် စောင့်ကြည့်ထိန်းချုပ်ရေး အေဂျင်စီ ၅ ခုကနေ မနေ့က အတည်ပြုလိုက်တာ ဖြစ်ပါတယ်။ အဲဒီအတွက် ငွေကြေးအေဂျင်စီတွေဟာ ၃ နှစ်လောက်ကြာအောင် ဆွေးနွေးခဲ့ရတာပါ။

Wall Street မှာရှိတဲ့ ငွေကြေးဆိုင်ရာ အကြီးဆုံးအဖွဲ့ တချို့ကလည်း ဒီအပေါ်မှာ အတော်လေးကို ကန့်ကွက် ပြောဆိုခဲ့ကြပါတယ်။ အခု စည်းမျဉ်းသစ်ဟာ ၂၀၁၅ ခုနှစ် အလယ်ပိုင်းကျမှ စပြီးအသက်ဝင်မှာ ဖြစ်ပါတယ်။ ငွေစုလက်မှတ် အရောင်းအ၀ယ် လုပ်တာဟာ JP Morgan Chase, Bank of America, Citigroup စတဲ့ အမေရိကန် ပြည်ထောင်စုရဲ့ ထင်ရှားတဲ့ ဘဏ်ကြီးတွေအတွက် အမြတ်အစွန်းရတဲ့ လုပ်ငန်းတခု ဖြစ်ခဲ့တာပါ။

ဒီအရောင်းအ၀ယ်ကြောင့် လွန်ခဲ့တဲ့ ၅ နှစ်တုန်းက ငွေကြေး အကျပ်အတည်းတွေ ဖြစ်ခဲ့ပြီး ဘဏ်တွေအတော်များများ ထိခိုက်ပျက်စီးရာကနေ အစိုးရက ဘဏ်အတော်များများကို ကျားကန်ကူညီပေးရတဲ့ အခြေအနေအထိ ရောက်ခဲ့တယ်လို့ Wall Street ဝေဖန်သုံးသပ်သူတွေက ပြောပါတယ်။ စာမျက်နှာ ၉၀၀ ကျော်ပါဝင်တဲ့ အခု စည်းမျဉ်းသစ်ကို အရင် ဗဟိုဘဏ်ဥက္ကဋ္ဌ လုပ်ခဲ့သူ ပေါ်လ် ဗောလ်ကာ (Paul Volcker) ရဲ့ အမည်ကို အစွဲပြုပြီး Volcker စည်းမျဉ်းဆိုပြီး အမည်ပေးထားပါတယ်။

၂၀၁၀ ခုနှစ်တုန်းကတော့ အမေရိကန်ငွေကြေးအဖွဲ့အစည်းတွေကို ထိန်းချုပ်ဖို့ စည်းမျဉ်းဥပဒေသစ်ကို လွှတ်တော်က အတည်ပြုခဲ့ပြီး၊ ငွေစုလက်မှတ်တွေ အရောင်းအ၀ယ် လုပ်တဲ့အပေါ် စည်းမျဉ်းသစ်ဆွဲဖို့အတွက် ငွေကြေးစနစ် စောင့်ကြည့်ထိန်းချုပ်သူတွေကို အမိန့်ထုတ်ခဲ့ပါတယ်။ အခု စည်းမျဉ်းသစ်ဟာ အမေရိကန် ငွေကြေးစနစ်ကို ပိုပြီး လုံခြုံစေသလို၊ ဘဏ်ကြီးတွေက မတရား အမြတ်ထုတ် နေတာတွေကို ဟန့်တားနိုင်မယ်လို့ ဒီစည်းမျဉ်းထောက်ခံသူတွေက ပြောပါတယ်။

Read More

အိုဘားမားနှင့် ကက်စထရို လက်ဆွဲနှုတ်ဆက်မှုက အမေရိကန်နှင့်ကျူးဘား တင်းမာမှု လျော့ကျရေး လမ်းပွင့်စေမည်ဟု မျှော်လင့်

Thursday, 12 December 2013



ဒီဇင်ဘာ ၁၀ ရက်က မင်ဒဲလား အောက်မေ့ဖွယ် အခမ်းအနား၌ အိုဘားမားနှင့် ကက်စထရို လက်ဆွဲနှုတ်ဆက်နေစဉ် (Photo:AP)

တောင်အာဖရိက လူဖြူလူမည်း တိုက်ဖျက်ရေးပြယုဂ် နယ်လ်ဆင်မင်ဒဲလား အောက်မေ့ဖွယ် အခမ်းအနား၌ အမေရိကန်သမ္မတ ဘာရက်အိုဘားမားနှင့် ကျူးဘားခေါင်းဆောင် ရာအူးကက်စထရိုတို့ လက်ဆွဲနှုတ်ဆက်မှုက စစ်အေးခေတ် ရန်ဘက်နှစ်နိုင်ငံအကြား တင်းမာမှု ပြေလျော့စေရေးအတွက် လမ်းဖွင့်ပေးမည်ဟု မျှော်လင့်ရကြောင်း လေ့လာသူများက သုံးသပ်ခဲ့ကြသည်။

သို့သော် ယင်းကဲ့သို့ အခိုက်အတန့် တွေ့ဆုံခဲ့မှုအပေါ် မချဲ့ကားသင့်ကြောင်း လေ့လာသူ အချို့ကလည်း သတိပေးခဲ့ပြီး နှစ် ၅၀ ကြာမြင့်ခဲ့သော ရန်ဘက်မူဝါဒကို ပြောင်းလဲစေမည်ဟု အဓိပ္ပာယ် မကောက်ယူသင့်ကြောင်း ပြောကြားခဲ့သည်။

ကျူးဘားနိုင်ငံရေး သုတေသီ စတီဘန်မိုရေးက အဆိုပါ ဖြစ်စဉ်သည် နှစ်နိုင်ငံအကြား စေ့စပ်ဆွေးနွေးရန်အတွက် အဆင်သင့်ဖြစ်သည့် လက္ခဏာတစ်ခုဟု ရှုမြင်ခဲ့ပြီး နောက်တစ်ဆင့်မှာ ဆွေးနွေးပွဲ စတင်ခြင်းဖြစ်ကြောင်း ပြောကြားခဲ့သည်။ ၀ါရှင်တန်ရှိ အတ္တလန္တိတ် ကောင်စီ၏ လက်တင်အမေရိက စင်တာဒါရိုက်တာ ပီတာရှီခ်ျတာက ယင်းအမြင်ကို သဘောတူခဲ့သော်လည်း ဆွေးနွေးပွဲ ဖြစ်လာရန်မှာ နှေးကွေးလိမ့်မည်ဟု ပြောကြားခဲ့သည်။ အိုဘားမားနှင့် ကက်စထရိုတို့ တွေ့ဆုံစဉ် စကားအနည်းငယ်လည်း ပြောကြားခဲ့ကြောင်း တောင်အာဖရိက ရုပ်သံက ထုတ်လွှင့်ခဲ့သော ဓာတ်ပုံများအရ သိရသည်။

အဆိုပါ လက်ဆွဲနှုတ်ဆက်မှုသည် "ကြိုတင်စီစဉ်ထားမှု" မဟုတ်ဘဲ ၀ါရှင်တန်သည် ကျူးဘားတွင် လူ့အခွင့်အရေး အခြေအနေများအတွက် အလွန်အမင်း စိုးရိမ်နေဆဲဖြစ်ကြောင်း အမေရိကန် အမျိုးသားလုံခြုံရေး ဒုတိယအကြံပေး ဘင်ရိုဒီက ပြောကြားခဲ့သည်။ ကျူးဘားနိုင်ငံပိုင် သတင်းစာ Granma က အိုဘားမားနှင့် ကက်စထရို လက်ဆွဲနှုတ်ဆက်မှု ဓာတ်ပုံကို ၀က်ဘ်ဆိုက်တွင် ဖော်ပြခဲ့သော်လည်း မှတ်ချက်မပေးခဲ့ပေ။ ကျူးဘားအစိုးရ ၀က်ဘ်ဆိုက် Cubadebate.cu ကလည်း အဆိုပါ ဓာတ်ပုံကို ဖော်ပြခဲ့ပြီး "အိုဘားမားက ရာအူးကို နှုတ်ဆက်၊ ယင်းဓာတ်ပုံက ကျူးဘားအပေါ် အမေရိကန်၏ ရန်စမှု အဆုံးသတ်ရန် အစပျိုးခြင်းလော" ဟု ပုံစာထိုးခဲ့သည်။

ကျူးဘားတွင် တော်လှန်ရေးအပြီး ဖီဒယ်ကက်စထရို အာဏာရလာခဲ့ပြီးနောက် နှစ်နှစ်အကြာ ၁၉၆၂ ခုနှစ်နောက်ပိုင်း အမေရိကန်နှင့် သံတမန်ဆက်ဆံရေး ပြတ်တောက်ခဲ့သည်။ ကျွန်းစုနိုင်ငံ ကွန်မြူနစ် ကျူးဘားကို အမေရိကန်က ရာစုနှစ် ထက်ဝက်ခန့် ပိတ်ဆို့အရေးယူမှု ပြုလုပ်ထားသည်။

ကမ္ဘာ့ဖလား ကျင်းပမည့် ဆိုဝီတို အားကစားရုံ၌ ကျင်းပခဲ့သော မင်ဒဲလား အောက်မေ့ဖွယ် အခမ်းအနားသို့ ကမ္ဘာ့ခေါင်းဆောင် ၁၀၀ နီးပါးနှင့်အတူ တက်ရောက်ခဲ့သည့် အိုဘားမားက မင်ဒဲလားကို သမိုင်း၏ မဟာလူသား တစ်ဦးအဖြစ် ချီးကျူးဂုဏ်ပြုခဲ့သည်။ အိုဘားမား၏ ချီးကျူးဂုဏ်ပြုမှုကို အခမ်းအနား တက်ရောက်လာသော တောင်အာဖရိက ပြည်သူများက ၀ိုင်းဝန်းအော်ဟစ် ကြွေးကြော်ပြီး ထောပနာ ပြုခဲ့ကြသည်။ ယင်းအခမ်းအနားသို့ ပရိသတ် ၈၀၀၀၀ ခန့် တက်ရောက်မည်ဟု မျှော်လင့်ခဲ့သော်လည်း နံနက်ပိုင်းမှစကာ မိုးသည်းထန်မှုကြောင့် ကွင်း၏သုံးပုံနှစ်ပုံခန့် အထိသာ ပရိသတ် လာရောက်ခဲ့ကြောင်း သိရသည်။

ယင်းအခမ်းအနားတွင် အိုဘားမား၊ ဗြိတိန်ဝန်ကြီးချုပ် ဒေးဗစ်ကင်မရွန်နှင့် ဒိန်းမတ်ဝန်ကြီးချုပ် ဟယ်လီသော်နင်း-ရှမက်တို့သည် ရှမက်၏ စမတ်ဖုန်းဖြင့် သုံးဦးသား ပြုံးလျက် ဓာတ်ပုံတွဲရိုက်နေမှုကို အေအက်ဖ်ပီ သတင်းထောက် ရောဘတ်တိုရှမက်က အမိအရ ရိုက်ကူးထားသော ဓာတ်ပုံမှာ နိုင်ငံတကာ မီဒီယာများနှင့် အွန်လိုင်းတွင် ပျံ့နှံ့ခဲ့ကြောင်း သိရသည်။

Ref:AFP

Read More

Mandela ရုပ်အလောင်း အများပြည်သူ ကြည့်ရှုခွင့်ရ

Thursday, 12 December 2013

ကွယ်လွန်သူ တောင်အာဖရိက သမ္မတဟောင်းလည်းဖြစ်၊ အသားရောင်ခွဲခြားအုပ်ချုပ်မှု ဆန့်ကျင်တိုက်ဖျက်ရေး ခေါင်းဆောင်လည်းဖြစ်တဲ့ Nelson Mandela ရဲ့ ရုပ်အလောင်းကို အများပြည်သူ ဂါရ၀ပြုနိုင်အောင် မြို့တော်မှာ အာဏာပိုင်တွေက စီစဉ်ပေးထားပါတယ်။

မစ္စတာ Mandela ရဲ့ ဇနီး Graca Machel နဲ့ လက်ရှိသမ္မတ Jacob Zuma တို့လည်း မစ္စတာ Mandela ရဲ့ ရုပ်အလောင်းဘေးကဖြတ်ပြီး ဒီကနေ့ ဂါရ၀ပြုခဲ့ကြပါတယ်။ ဖန်သားတွေနဲ့ ပြုလုပ်ထားတဲ့ သူ့ရဲ့အခေါင်းကိုတော့ တောင်အာဖရိက အစိုးရရုံးစိုက်ရာ Union အဆောက်အဦးအတွင်းက ခန်းမကြီးမှာ အများပြည်သူ ကြည့်ရှုနိုင်ဖို့ စီစဉ်ပေးထားတာပါ။

ဒီနေရာဟာ အသားရောင်ခွဲခြားအုပ်ချုပ်တဲ့ လူဖြူအစိုးရကို ဆန့်ကျင်တော်လှန်တဲ့အတွက် မစ္စတာ Mandela ထောင်ဒဏ် ၂၇ နှစ် အကျဉ်းကျခံရပြီး ပြန်လွတ်မြောက်လာပြီးတဲ့နောက် တောင်အဖရိကနိုင်ငံရဲ့ ပထမဆုံး လူမည်းသမ္မတအဖြစ် ၁၉၉၄ ခုနှစ်မှာ ကျမ်းသစ္စာ ကျိန်ဆိုခဲ့တဲ့နေရာလည်း ဖြစ်ပါတယ်။

တောင်အာဖရိက သမ္မတဟောင်း Thabo Mbeki၊ F.W. de Klerk၊ ဇင်ဘာဘွေသမ္မတ Robert Mugabe၊ တန်ဇန်းနီးယား သမ္မတ Jakaya Kikwete နဲ့ တောင်ဆူဒန်သမ္မတ Salva Kiir Mayardit တို့လည်း ဗုဒ္ဓဟူးနေ့မှာပဲ မစ္စတာ Mandela ရဲ့ ရုပ်အလောင်းကို သွားရောက် ဂါရ၀ပြုခဲ့ကြပါတယ်။

Read More

ဒေါ်အောင်ဆန်းစုကြည် သမ္မတဖြစ်ရန် ရာခိုင်နှုန်း ၉၀ မကျိန်းသေ ဟု ဆို

ဒေါ်အောင် ဆန်းစုကြည် သမ္မတဖြစ်ရန် ရာ ခိုင်နှုန်း ၉ဝမကျိန်းသေဟု ဝါရင့် နိုင်ငံရေးလေ့လာသုံးသပ်သူ ဦးဘ တင့်ဆွေက သုံးသပ်ပြောသည်။ အခြေခံဥပဒေပြင်ဆင်ရာ တွင် တပ်မတော်၏ပါဝင်မှုအခန်း ကဏ္ဍကို လျှော့ချရေးမှာ ထိပ်တန်း မှ ပြင်ဆင်သင့်သည့်အရာတစ်ခု ဖြစ်သော်လည်း သမ္မတဖြစ်ရေး ကိုပြင်ဆင်ရမည့်အချက်မှာ ပိုမို ခက်ခဲသောကြောင့် ဒေါ်အောင် ဆန်းစုကြည် သမ္မတဖြစ်ရန်မှာ ရာခိုင်နှုန်း၉၀ မကျိန်းသေခြင်းဖြစ် သည်ဟု ယင်းက သုံးသပ်သည်။

ဦးဘတင့်ဆွေက ''အများစု အမြင်မှားနေတာတစ်ခုက ၂၀၀၈ ဖွဲ့စည်းပုံရဲ့ သမ္မတဖြစ်ရေးဥပဒေ ဟာ ဒေါ်စုတစ်ဦးတည်းကို ရည် ရွယ်ရေးဆွဲထားတာလို့ ထင်နေ ကြတယ်။ တကယ်တော့ မဟုတ် ပါဘူး။ ဖွဲ့စည်းပုံတစ်ခုက တိုင်း ပြည်ရဲ့ ရေမြေ သဘာဝနဲ့ ကိုက် ညီအောင် လုပ်ရတာပါ။ ဒီဖွဲ့စည်း ပုံကလဲ စစ်အစိုးရလက်ထက်မှာ ရေးဆွဲထားတာဆိုတော့ သူတို့ရဲ့ အကျိုးစီးပွားကို လုံခြုံဖို့ အဓိက ထားတဲ့အချက်ပါ။ ဖွဲ့စည်းပုံမှာ သမ္မတတစ်ယောက်ဖြစ်ဖို့အတွက် မလိုလားအပ်တဲ့ ကန့်သတ် ချက် တွေပါတယ်။ ဒါပေမဲ့ ဒီအချက် တွေကိုပြင်ဖို့က တပ်မတော်ပါဝင် မှုကိုပြင်ဖို့ထက်ခက်တယ်။ ဒီတော့ ဒေါ်စုသမ္မတဖြစ်ဖို့ ၂၀၁၅မှာမဖြစ် နိုင်ဘူး။ ဒေါ်စုမဟုတ်တဲ့ တခြား ပြည်သူတစ်ဦးဆိုရင်လဲ မဖြစ်နိုင် ပါဘူး။ မြန်မာနိုင်ငံရဲ့ နိုင်ငံရေး ဇာတ်ခုံ အခင်းအကျင်းအရရော ဖွဲ့စည်းပုံအရ ဒေါ်စုသမ္မတဖြစ်ဖို့ ရာခိုင်နှုန်း၉၀ မကျိန်းသေပါဘူး'' ဟု ပြောသည်။

ယင်းနှင့်ပတ်သက်၍ အမျိုး သားဒီမိုကရေစီအဖွဲ့ချုပ်မှ ပြည် သူ့လွှတ်တော်ကိုယ်စားလှယ် ဦး ဝင်းမြင့်က ''အစိုးရအနေနဲ့ ဒီမို ကရေစီတည်ဆောက်ချင်ရင် လွှတ် တော်အနေနဲ့ ဒီမိုကရေစီတည် ဆောက်ချင်ရင် တပ်မတော်အနေ နဲ့ ဒီမိုကရေစီ တည်ဆောက် ချင် တယ်ဆိုရင် သမ္မတရွေးချယ်ခွင့်ရ အောင် လုပ်ပေးသင့်ပါတယ်။ ဒေါ် အောင်ဆန်းစုကြည် သမ္မတဖြစ် ဖို့ ကန့်သတ်ထားတဲ့ ကန့်သတ် ချက်တွေက ၄ရအခြေခံဥပဒေနဲ့ ၇၄အခြေခံဥပဒေထဲမှာလဲ မပါ ပါဘူး။ နိုင်ငံတကာမှာလဲ ဒါမျိုး မရှိဘူး။ နိုင်ငံသူ၊ နိုင်ငံသားတွေ ရဲ့အကျိုးစီးပွားအတွက် လုပ်ပေး နိုင်တဲ့သူ၊ ပြည်တွင်းပြည်ပက လက်ခံတဲ့သူကို ပိတ်ပင်ထားရင် ဒီမိုကရေစီနိုင်ငံ မဖြစ်နိုင်ဘူး''ဟု ပြောသည်။

၂၀၁၅တွင် ဒေါ်အောင်ဆန်း စုကြည် သမ္မတဖြစ်ရေးနှင့်ပတ် သက်၍ အဓိကကန့်သတ်ချက်မှာ ၂၀၀၈ခုနှစ်၊ နိုင်ငံတော်ဖွဲ့စည်း အုပ်ချုပ်ပုံ အခြေခံဥပဒေအခန်း (၃) နိုင်ငံတော်သမ္မတနှင့် ဒုတိယ သမ္မတများမှ ပုဒ်မ-၅၉(စ) ဖြစ် သည်။ အဆိုပါ ပုဒ်မ-၅၉(စ)နှင့် ပတ်သက်၍ ကရင်ပြည်နယ် ကြာ အင်းဆိပ်ကြီးမြို့နယ် အမျိုးသား လွှတ်တော်ကိုယ်စားလှယ် ဦးမန်း အောင်တင်မြင့်က ''တကယ်တော့ ပုဒ်မ-၅၉(စ)က ဘောင်ခတ်ထား သလိုဖြစ်နေပါတယ်။ ဒါပေမဲ့လဲ ကျွန်တော် တို့ပါတီ အနေနဲ့ ကတော့ ဘယ်သူဘယ်ဝါ သမ္မတဖြစ်ပါဆို တာထက် နိုင်ငံ့အကျိုး၊ ပြည်သူ့ အကျိုးကို ရှေးရှုမယ့်သူမျိုးကိုမျှော် လင့်တယ်။ ဆုံးဖြတ်ရမှာကတော့ ပြည်သူတွေပါပဲ''ဟု ပြောသည်။

ဒီခေတ်နေ

Read More

အပြစ်မဲ့ပြည်သူများကို KIA အဖွဲ့က ဖမ်းဆီးသွားတဲ့ကိစ္စနှင့် ပက်သက်၍ ရှမ်းနီပါတီမှ ဦးအောင်မင်းနှင့် ကုလလူ့အခွင့်အရေးကော်မရှင်သို့ စာပို့

ကချင်ပြည်နယ်၊ မံစီမြို့နယ်၊ မန်ဖွရွာမှ အပြစ်မဲ့ပြည်သူများအား တပ်သားသစ် ဖမ်းဆီးစုဆောင်းသွားတဲ့ကိစ္စနှင့် ပက်သက်၍ ဦးအောင်မင်းနှင့် ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံးသို့ နောက်နောင် ဤကဲ့သို့ လုပ်ဆောင်ခြင်းမပြုလုပ်ရန် ဆောင်ရွက်ပေးဖို့ တင်ပြစာ ပေးပို့လိုက်တယ်လို့ သိရှိရသည်။

အဆိုပါ တင်ပြပေးပို့စာတွင် မံစီမြို့နယ်၊ မန်ဖွရွာသား (၂၇)ဦးကို KIA က ဖမ်းဆီးခေါ်ဆောင်သွားသည့်ကိစ္စ၊ မိုးညှင်းမြို့နယ်၊ ပန်းလားကျေးရွာက မိမိသဘောဆန္ဒမပါဘဲ စစ်သင်တန်းတက်ခဲ့ရသော မောင်ကျော်ကျော်လွင်အား KIA မှ ဒီဇင်ဘာလ (၂၄) ရက် အရောက်ပြန်လာရန် ညွှန်ကြားစာ ပေးပို့ခဲ့ခြင်းကိစ္စနှင့် ရှမ်းရွာ(၁၄)ရွာအား တစ်ရွာလျှင် (၁၅) ဦး KIA ရဲဘော်အဖြစ် သင်တန်းပေးရန် ခေါ်ဆောင်နေခြင်းကိစ္စတို့ကို ထည့်သွင်းထားပြီး၊ ငြိမ်းချမ်းဖေါ်ဆောင်ရေး လုပ်ငန်းကော်မတီနှင့် KIO တို့ နောက်ဆုံးသဘောတူခဲ့သော သဘောတူညီချက်နှင့် ဆန့်ကျင်နေသည့်အပြင် တိုင်းရင်းသား စည်းလုံးညီညွှတ်ရေးနှင့် ငြိမ်းချမ်းရေးကို ထိခိုက်နိုင်သည့် အခြေအနေတစ်ရပ်ကို ဖြစ်စေနိုင်သည်ဟုလည်း ရေးသားဖေါ်ပြထားပါသည်။

From : ရှမ်းနီသတင်းဌာန

 

 

Read More

နိုင်ငံရေးအကျဉ်းသား ၄၀ ကျော်လွတ်မြောက်

Thursday, 12 December 2013

၂၇ ကြိမ်မြောက် အရှေ့တောင်အာရှ အားကစားပြိုင်ပွဲ စတင်ဖွင့်လှစ်လိုက်တဲ့နေ့မှာပဲ မြန်မာနိုင်ငံအကျဉ်းထောင်တွေမှာ ကျန်ရှိနေတဲ့ နိုင်ငံရေးအကျဉ်းသား ၄၀ ကျော်ကို နိုင်ငံတော်သမ္မတရဲ့ လွတ်ငြိမ်းချမ်းသာခွင့်နဲ့ ဒီနေ့ ထပ်မံ လွှတ်ပေးလိုက်ပါတယ်။

နိုင်ငံရေးအကျဉ်းသား စိစစ်ရေးကော်မတီကတော့ အကျဉ်းထောင်တွေအတွင်းမှာ နိုင်ငံရေးအကျဉ်းသား အနည်းဆုံး ၄၀ ကျော်လောက် ထပ်မံ ကျန်ရှိနေသလို၊ နိုင်ငံရေးပုဒ်မနဲ့ ရင်ဆိုင်နေရတဲ့ အမှုပေါင်း ၂၀၀ ကျော်လောက်လည်း ကျန်ရှိနေဆဲ ဖြစ်ပါတယ်။ သူတုိ့လွတ်မြောက်ရေးကို ဆက်လက် ဆောင်ရွက်သွားမယ်လို့ ပြောပါတယ်။ အပြည့်အစုံကိုတော့ ရန်ကုန်အခြေစိုက် ဗွီအိုအေ-မြန်မာပိုင်းအစီအစဉ် သတင်းထောက် ကိုမိုးဇော်က သတင်းပေးပို့ခဲ့ပါတယ်။

ဒီကနေ့ လွတ်မြောက်လာတဲ့ နိုင်ငံရေးအကျဉ်းသားတွေကတော့ အင်းစိန်၊ သာယာဝတီ၊ မန္တလေး၊ ပုသိမ်၊ ပဲခူး၊ သထုံ၊ ကော့သောင်း၊ မြစ်ကြီးနား၊ ဘူးသီးတောင်နဲ့ တောင်ငူ စတဲ့ ထောင်တွေက ဖြစ်ပါတယ်။ ဒီလို လွတ်မြောက်လာသူတွေဟာ နိုင်ငံရေးအကျဉ်းသားများ စိစစ်ရေးကော်မတီက တင်ပြထားတဲ့သူ ၄၁ ယောက် ပါဝင်တယ်လို့ နိုင်ငံရေးအကျဉ်းသားဟောင်းများအဖွဲ့က ဦးသက်ဦးက ပြောပါတယ်။

“ကျနော်တို့ စာရင်းအရက ၄၁ ယောက်၊ စုစုပေါင်း ၄၄ ယောက်လွတ်တယ်လို့ သိရပါတယ်။ ကျန်တဲ့ ၃ ယောက်ဟာက ကျနော်တို့ စာရင်းမရသေးဘူး။ ဥပမာ-ဘယ်ထောင်က လွတ်တယ်၊ နာမည်ဘယ်သူလဲ အဲ့ဒီဥစ္စာ စာရင်းမရသေးဘူး။ အများစုကတော့ ပုဒ်မ ၁၈ အဲ့ဒီဥစ္စာ အများစုပဲ။”

ဒီကနေ့ အင်းစိန်ထောင်က လွတ်မြောက်လာသူတွေထဲမှာ လက်ပန်းတောင်းတောင် သပိတ်စခန်းကို အင်အားသုံး ဖြိုခွင်းတာကို ကန့်ကွက်ဆန္ဒပြခဲ့ပြီး၊ ပုဒ်မ ၁၈ နဲ့ ထောင်တစ်လ ချမှတ်ခံရတဲ့ ကိုဒီငြိမ်းလင်းလည်း ပါဝင်ပါတယ်။ သူ့ကို ထောင်က လွှတ်ပေးတဲ့အပေါ်မှာ ကိုဒီငြိမ်းလင်းက အခုလို သုံးသပ်ပါတယ်။
“ကျနော်တို့ကိုဗျာ တရားဥပဒေမဲ့ ဖမ်းဆီးပြီး အမိန့်ချ ထောင်ချလိုက်တယ်။ ပြီးတော့ ပြန်လွှတ်ပေးလိုက်တယ်ဆိုတာကြီးက နိုင်ငံတော်သမ္မတရဲ့ ဒီနှစ်ကုန် နိုင်ငံရေးအကျဉ်းသား အကုန်ပြန်လွတ်ရမယ်ဆိုတဲ့မူကို မဖြစ်မနေ အကောင်အထည်ဖော်တယ်လို့ ကျနော်တို့ ခံစားမိပါတယ်။ ကျနော်တို့ကို ဒီအချိန်မှာ ပြန်လွှတ်ပေးတယ်ဆိုတာက နိုင်ငံရေးသမားတွေကို သူတို့တွေက နိုင်ငံရေးကစားကွက်အနေနဲ့ အပေးအယူတခုအနေနဲ့ ကစားနေတယ်လို့ပဲ ကျနော်တို့ မြင်ပါတယ်။ ကစားကွက်တခုအနေနဲ့ နိုင်ငံတကာမှာ ပြလို့ကောင်းလို့ လုပ်ဆောင်လိုက်တယ်လို့ပဲ ကျနော်တို့ မြင်ပါတယ်။”

ကိုဒီငြိမ်းလင်းနဲ့ အမှုတွဲတူသူ ၆ ဦးကို နိုဝင်ဘာလ ၂၁ ရက်နေ့က ထောင်ဒဏ် ချမှတ်ခဲ့တာကြောင့် နောက်တပတ်ဆိုရင် ပြန်လည်လွတ်မြောက်ဖို့ ရှိနေတာလည်း ဖြစ်ပါတယ်။ နိုင်ငံရေးအကျဉ်းသားများ စိစစ်ရေးကော်မတီဝင် ဦးဘိုကြည်က လတ်တလော စိစစ်ထားတဲ့ စာရင်းအရဆိုရင် အကျဉ်းထောင်တွေအတွင်းမှာ နိုင်ငံရေးအကျဉ်းသား ၄၀ ကျော်လောက် ကျန်ရှိနေသေးတယ်လို့လည်း ပြောပါတယ်။

“လက်ရှိ အကျဉ်းထောင်ထဲမှာ ကျန်နေတာက ၄၄ ဦး ကျန်နေပါသေးတယ်။ ဒါက ထောင်ကျပြီးသားပေါ့။ အမှုရင်ဆိုင်နေရတာတွေလည်း ရှိနေပါသေးတယ်။ ရဲမင်းဦးတို့လိုမျိုး ဥပမာ အင်းစိန်ထောင်ထဲမှာ အမှုရင်ဆိုင်နေရတာတွေရှိတယ်။ ဒေါ်မြင့်မြင့်အေးတို့လို မိတ္ထီလာဘက်မှာ အသင်းအဖွဲ့ပုဒ်မ ၆ နဲ့ အမှုရင်ဆိုင်နေရတာတွေ ရှိပါတယ်။ ပြီးတော့ ပုဒ်မ ၁၈ နဲ့ အမှုရင်ဆိုင်နေရတာတွေကလည်း ၂၀၀ လောက်ရှိပါတယ်။”

လက်ရှိ စိစစ်ထားတဲ့စာရင်းအပြင် ထပ်မံ ကျန်ရှိနိုင်တဲ့ နိုင်ငံရေးအကျဉ်းသားတွေကို ဆက်လက် စိစစ်သွားမယ့် အစီအစဉ်ကို ဦးဘိုကြည်က အခုလို ပြောပါတယ်။

“တကယ်လို့ မိမိရဲ့ မိသားစုဝင်တယောက်ယောက်က နိုင်ငံရေးအရ ထိန်းသိမ်းခံထားရတယ်၊ ဖမ်းဆီးခံထားရတယ် ဆိုတာမျိုးကို အချက်အလက် အထောက်အထား ခိုင်ခိုင်မာမာနဲ့ သမ္မတရုံးကိုပဲဖြစ်ဖြစ်၊ ၈၈ ရုံးကိုပဲဖြစ်ဖြစ်၊ ကျနော်တို့ ဒီ နိုင်ငံရေးအကျဉ်းသားများအဖွဲ့ ရုံးကိုပဲဖြစ်ဖြစ် ကျနော်တို့ ဒီ ထိုင်းနိုင်ငံမှာဆိုရင်လည်း AAPP ကိုပဲဖြစ်ဖြစ် ဆက်သွယ်ပြီးတော့ အကြောင်းကြားကြဖို့၊ အဲ့ဒီလိုအကြောင်းကြားလာတယ်၊ အချက်အလက် ခိုင်ခိုင်မာမာ ဖြစ်တယ်ဆိုရင် ကျနော်တို့ စိစစ်သွားမှာပါ။ အဲ့လို ကြေညာချက်မျိုးတွေ ထုတ်ဖို့ကိုလည်း အစိုးရဘက်ကို ကျနော်တို့ တိုက်တွန်းထားပါတယ်။ သတင်းစာတွေထဲမှာ ထည့်ပြီး ကြေညာဖို့ကိုလည်း သဘောတူထားပြီ ဖြစ်ပါတယ်။”


လောလောဆယ် နိုင်ငံရေးပုဒ်မနဲ့ အမှုရင်ဆိုင်နေရတဲ့ အမှုပေါင်း ၂၀၀ အတွက်လည်း ဆောင်ရွက်နေဆဲရှိကြောင်းနဲ့ မြန်မာနိုင်ငံမှာ နိုင်ငံရေးအကျဉ်းသား မရှိဖို့ဆိုရင် အစိုးရနဲ့ လွှတ်တော်ကပါ ပူးပေါင်းဆောင်ရွက်ဖို့လည်း လိုမယ်လို့ ဦးဘိုကြည်က သုံးသပ်ပါတယ်။

“ကျနော်တို့ကတော့ နိုင်ငံရေးအကျဉ်းသား ၁ ယောက်လောက် ကျန်နေတယ်ဆိုရင်တောင်မှ ဒီ ကျန်နေတဲ့ နိုင်ငံရေးအကျဉ်းသား ၁ ယောက် လွတ်မြောက်လာဖို့အတွက်ကို ဆက်ပြီးတော့ လုပ်ဆောင်နေကြရမှာပါ။ အဲ့လိုဒီ တခြား နိုင်ငံရေးအကျဉ်းသားများအဖွဲ့တွေ၊ နောက် ဒီ တခြားနိုင်ငံရေးပါတီအဖွဲ့အစည်း အသီးသီးတွေကလည်း ဒီနိုင်ငံရေးအကျဉ်းသားတွေ လွတ်မြောက်ဖို့အတွက်ကို ပူးပေါင်းပါဝင်လုပ်သွားဖို့ လိုပါတယ်။ အဲ့ဒီလိုပဲ လွှတ်တော်ဘက်ကရော၊ အစိုးရဘက်ကရော ပူးပေါင်းပါဝင် ဆောင်ရွက်သွားဖို့ လိုပါတယ်။ အခု မြန်မာနိုင်ငံမှာ ရှိနေတဲ့ နိုင်ငံရေးအကျဉ်းသားပြဿနာက တိုင်းပြည်ရဲ့ပြဿနာဖြစ်ပါတယ်။ အဲ့ဒီအတွက် အကုန်လုံးက ပူးပေါင်းဖြေရှင်းမယ်ဆိုရင် နိုင်ငံရေးအကျဉ်းသား ကုန်မသွားစရာအကြောင်း ဘာမှ မရှိပါဘူး။ ဒါပေမဲ့ ပူးပေါင်းဆောင်ရွက်မှုမရှိဘူးဆိုရင် တချို့ဌာနဆိုင်ရာတွေက ပူးပေါင်းဆောင်ရွက်မှု အပြည့် မရှိဘူးဆိုရင်တော့ ဒီပြဿနာက ပြီးဆုံးသွားမှာ မဟုတ်ဘဲနဲ့ ၂၀၁၄ ထဲကို ကူးသွားမှာပါ။”

ပြီးခဲ့တဲ့ နိုဝင်ဘာလ ၁၅ ရက်နေ့ကတော့ နိုင်ငံရေးအကျဉ်းသား ၆၉ ဦးကို အကျဉ်းထောင် ၁၈ ခုကနေ လွှတ်ပေးခဲ့ပါတယ်။ မြန်မာနိုင်ငံ နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့ AAPP ရဲ့စာရင်းအရဆိုရင် နိုင်ငံတော်သမ္မတ ဦးသိန်းစိန် ခေါင်းဆောင်တဲ့ အစိုးရလက်ထက်မှာ လွတ်ငြိမ်းချမ်းသာခွင့်နဲ့ အကျဉ်းသား ၁၄ ကြိမ် လွှတ်ပေးခဲ့ပြီး နိုင်ငံရေးအကျဉ်းသား စုစုပေါင်း ၁၁၄၁ လွတ်မြောက်ခဲ့ပြီး ဖြစ်ပါတယ်။

Read More

ယူကရိန်းဆန္ဒပြမှု ရဲလုံခြုံရေးတပ်တွေ ရုပ်သိမ်း

Thursday, 12 December 2013

ယူကရိန်းနိုင်ငံမှာ ဥရောပသမဂ္ဂကို လိုလားတဲ့ဆန္ဒပြသူတွေနဲ့ အဓိကရုဏ်းထိန်းရဲတွေအကြား ရုန်းရင်းဆန်ခတ် ဖြစ်ခဲ့ကြပြီးနောက် Kyiv မြို့လယ် ရင်ပြင်ရှိ ဆန္ဒပြစခန်းတခုကို ၀ိုင်းထားတဲ့ လုံခြုံရေးတပ်ဖွဲ့တွေ ရုပ်သိမ်းပေးလိုက်ပါတယ်။

Kyiv မြို့ လွတ်လပ်ရေးရင်ပြင်မှာ ဆန္ဒပြသူတွေရဲ့ ယာယီတဲတန်းကို လုံခြုံရေးတွေက ၀င်စီးပြီး ဖြိုချခဲ့ပြီး နာရီအတန်ကြာ ဗုဒ္ဓဟူးနေ့ မနက်ပိုင်းက မြို့တော်ခန်းမထဲမှာ နှစ်ဘက် ရုန်းရင်းဆန်ခတ် ဖြစ်ခဲ့ကြတာပါ။

ယူကရိန်းသမ္မတ Viktor Yanukovych က ဆန္ဒပြသူတွေကို အင်အားသုံး နှိမ်နင်းတာတွေ မလုပ်တော့ပါဘူးလို့ ကတိပေးလိုက်ပြီး အတိုက်အခံတွေနဲ့ ဆွေးနွေးဖို့ တောင်းဆိုလိုက်ပါတယ်။

အတိုက်အခံဘက်ကတော့ ဆန္ဒပြသူတွေကို အကြမ်းဖက်ခဲ့တဲ့ လုံခြုံရေးရဲတွေကို အပြစ်ပေးပြီး၊ ဖမ်းဆီးထားတဲ့ ဆန္ဒပြသူတွေကို လွှတ်ပေးရမယ်၊ သမ္မတအနေနဲ့ သူ့အစိုးရကို ဖျက်သိမ်းပေးရမယ်၊ ဒါတွေကို လက်တွေ့ အကောင်အထည် မဖော်မချင်း ဘယ်လို စေ့စပ်ဆွေးနွေးမှုမျိုးကိုမဆို မစဉ်းစားဘူးလို့ ထပ်ခါတလဲလဲ ပြောထားပြီးဖြစ်ပါတယ်။

မစ္စတာ Yanukovych ဟာ ယူကရိန်း အကြပ်အတည်း အဖြေရှာဖို့ Kyiv မြို့ကို ရောက်ရှိခဲ့တဲ့ အမေရိကန် လက်ထောက်နိုင်ငံခြားရေးဝန်ကြီး Victoria Nuland နဲ့ရော EU ဥရောပသမဂ္ဂ နိုင်ငံခြားရေးရာမူဝါဒ အကြီးအကဲ Catherine Ashton နဲ့ပါ တွေ့ဆုံဆွေးနွေးပြီးနောက်ပိုင်း အတိုက်အခံနဲ့ ဆွေးနွေးမယ်လို့ ကမ်းလှမ်းလိုက်တာပါ။

လက်ထောက်ဝန်ကြီး Victoria Nuland ဟာ Kyiv မြို့ လွတ်လပ်ရေးရင်ပြင်မှာ ဆန္ဒပြသူတွေနဲ့ တွေ့ဆုံခဲ့ရာမှာ ရဲတွေက အင်အားသုံးနှိမ်နင်းတာနဲ့ ပတ်သက်လို့ သမ္မတ Yanukovych ကို တိုင်ကြားခဲ့တယ်လို့ ပြောပါတယ်။

Read More

အမေရိကန်အစိုးရအသုံးစရိတ် လွှတ်တော်ညှိနှိုင်းမှုစတင်

Thursday, 12 December 2013
 
အမေရိကန် ဥပဒေပြုလွှတ်တော်အမတ်တွေက အစိုးရဌာနတွေ နောက်တကြိမ်ထပ်ပြီး ပိတ်ပစ်ရမယ့်အရေး ရှောင်လွှဲနိုင်အောင် ဗဟိုအစိုးရရဲ့ ၂၀၁၄ ခုနှစ် အသုံးစရိတ် အစီအစဉ်နဲ့ ပတ်သက်ပြီး အပေးအယူ ညှိနှိုင်းမှုတွေလုပ်ဖို့ စတင် စဉ်းစားနေကြပါပြီ။ ဒါပေမဲ့ အရေးကြီးဆုံး အဓိက ဆုံးဖြတ်ရမယ့် ရေရှည်ဘဏ္ဍာရေးပြဿနာကိုတော့ ထပ်ပြီး ရွှေ့ဆိုင်းထားရပါတယ်။

ဘားဂျက် ရသုံးမှန်းခြေငွေစာရင်းနဲ့ ပတ်သက်ပြီး သတ်မှတ်ရက်မတိုင်မီ နောက်ဆုံးအချိန်ထိ အခြေအတင် ငြင်းခုံရတာတွေ ထပ်မဖြစ်ရအောင် လွှတ်တော်စေ့စပ်ရေးမှူးတွေက အသုံးစရိတ် အစီအစဉ် အသေးစိတ်ကို ပါတီကြီး ၂ ရပ်စလုံးကို ဗုဒ္ဓဟူးနေ့က တင်ပြခဲ့ကြပါတယ်။

လွှတ်တော်မှာ ဘားဂျက်အရေး မပြေလည်ခဲ့တာကြောင့် အောက်တိုဘာလအတွင်းက ၁၆ ရက်ကြာ အစိုးရဌာနတချို့ ပိတ်ထားခဲ့ရပါတယ်။ နောက်ဆုံး ယာယီပြေလည်အောင် ညှိနှိုင်းနိုင်ခဲ့ပေမဲ့ လာမယ့် ဇန်န၀ါရီလ ၁၅ ရက်နေ့အထိပဲ အစိုးရအသုံးစရိတ် ခွင့်ပြုထားတာဖြစ်ပါတယ်။

အခု လွှတ်တော်စေ့စပ်ရေးမှူးတွေ အဆိုပြုချက်အရ ၂၀၁၄ နဲ့ ၂၀၁၅ ခုနှစ်မှာ ဗဟိုအစိုးရ အသုံးစရိတ်ဟာ တနှစ်ကို ၁ ထရီလီယံ ဒေါ်လာကျော်ကျော် ခွင့်ပြုနိုင်ပါတယ်။ ဒီဘားဂျက်ဟာ လွှတ်တော်က လာမယ့် ၂ နှစ်အတွင်း နဂိုက ခွင့်ပြုထားတာထက်ပိုပေမဲ့၊ ၁၀ နှစ်အတွင်းမှာတော့ တချို့ ဖြတ်တောက်ပစ်ဖို့ အစီအစဉ်လည်း ပါဝင်ပါတယ်။ ဒီရသုံးမှန်းခြေ အဆိုပြုချက်ကို လွှတ်တော်မှာ လာမယ့်ရက်တွေအတွင်း မဲခွဲကြဖို့ ရှိပါတယ်။

Read More

အမျိုးသမီးများ လျှို့ ဝှက်ကင်မရာ ရန်မှကင်းဝေးရန် ကာကွယ်နည်းများ

Thursday, 12 December 2013

အ၀တ်လဲခန်းထဲမှာ hidden camera (လျှို့ဝှက် ကင်မရာ) တပ်ဆင်ထားမထား ဘယ်လိုသိနိုင်မလဲ အ၀တ်အထည်စတိုးဆိုင်ကြီးတွေနဲ့ ပလာဇာတွေရဲ့ အ၀တ်အစားလဲခန်း (အ၀တ်အထည်အသစ်တွေကို စမ်းသပ်ဝတ်ဆင်ကြည့်တဲ့အခန်း) တွေမှာ မသမာသူတွေက hidden camera (လျှို့ဝှက် ကင်မရာ) တွေ တပ်ဆင်ထားနိုင်ပါတယ်။ ကင်မရာတွေဟာ သေးငယ်လွန်းတာကြောင့် ဘယ်နားမှာတပ်ဆင်ထားလဲဆိုတာ တော်ရုံတန်ရုံမသိနိုင်ပါဘူး။ ဒီပြဿနာကို ဖြေရှင်းဖို့ အလွယ်ကူဆုံး နည်းလမ်းကတော့ မိမိမှာပါလာတဲ့ mobile phone နဲ့စမ်းသပ်တဲ့နည်းပါပဲ။

1. အ၀တ်လဲခန်းထဲကိုမ၀င်မီ မိမိဖုန်းကို ဖုန်းခေါ်ဆိုမှု လုပ်လို့ရမရ စစ်ဆေးထားပါ။

2. အ၀တ်လဲခန်းထဲကိုရောက်သွားတဲ့အခါ မိမိရဲ့ mobile phone ကို ဖုန်းခေါ်ဆိုမှု ပြုလုပ်ကြည့်ပါ။

3. ဖုန်းခေါ်လို့မရဘူးဆိုရင် အဲဒီအ၀တ်လဲခန်းထဲမှာ hidden camera ရှိနေဖို့များသွားပါပြီ။ ဖုန်းခေါ်မရတဲ့အကြောင်းအရင်းကတော့ hidden camera ရဲ့ ဖိုင်ဘာကေဘယ်က mobile phone လိုင်းကို အနှောက်အယှက်ဖြစ်စေလို့ပါပဲ။

နှစ်ဘက်မြင်မှန် (two way mirror) နဲ့ ရိုးရိုးကြေးမုံမှန်ကို ဘယ်လိုခွဲခြားမလဲ ဟိုတယ်တွေရဲ့ သန့်စင်ခန်းတွေ၊ စတိုးဆိုင်ကြီးတွေက အ၀တ်အစားလဲခန်းတွေ၊ ဟိုတယ်အိပ်ခန်းတွေ မှာတပ်ဆင်ထားတဲ့ မှန်တွေဟာ တကယ့်ကြေးမုံပြင်စစ်စစ်တွေလား၊ ဒါမှမဟုတ် နှစ်ဘက်မြင်မှန် (two way mirror) တွေလား ဆိုတာ သင် သံသယ၀င်ဖူးပါသလား? Two way mirror ဆိုတာကတော့ သင့်ဘက်ကကြည့်ရင် ကြေးမုံပြင်အနေနဲ့ သင့်ပုံရိပ်ကို သင်ပြန်မြင်နေရပေမယ့် အခြားတစ်ဘက်က ကြည့်ရင် သင်လုပ်သမျှကို တစ်ဘက်လူက အကုန်မြင်နေရမှာပါ။ ဟောလိဝုဒ် စုံထောက်ကားတွေမှာ တရားခံကို စစ်မေးတဲ့အခန်းထဲမှာ သုံးတဲ့မှန်မျိုးပေါ့။ အပေါ်ယံကြည့်ရုံနဲ့တော့ ကြေးမုံအစစ်လား၊ နှစ်ဘက်မြင်မှန်လားဆိုတာ သိနိုင်ဖို့ အင်မတန်ခဲယဉ်းပါတယ်။ ဒါပေမယ့် နှစ်ဘက်မြင်မှန်တွေကို သိနိုင်တဲ့ လွယ်ကူရိုးရှင်းသော စမ်းသပ်နည်းတစ်ခု ရှိပါတယ်။

1. သင့်ရဲ့ လက်ချောင်းတစ်ချောင်းကို မှန်ရဲ့ မျက်နှာပြင်နဲ့ ထိထားလိုက်ပါ။

2. သင့်ရဲ့ လက်ချောင်းထိပ်က လက်သည်းခွံနဲ့ မှန်ထဲမှာပေါ်နေတဲ့ သင့်လက်ချောင်းလက်သည်းခွံကြားမှာ အနည်းငယ်ကွာဟနေတယ်ဆိုရင်၊ ဒါဟာ သာမန် ကြေးမုံပြင်ပါ။

3. သင့်ရဲ့လက်ချောင်းလက်သည်းခွံနဲ့ မှန်ထဲမှာပေါ်နေတဲ့ လက်ချောင်းလက်သည်းခွံ နှစ်ခုဟာ တိုက်ရိုက်ထိစပ်နေသလိုဖြစ်နေတယ်၊ ကြားထဲမှာ အကွာအဝေးမရှိဘူးဆိုရင်တော့၊ ဒါဟာ နှစ်ဘက်မြင်မှန် (two way mirror) ပါပဲ။

ဒီလိုဖြစ်ရခြင်းရဲ့အကြောင်းအရင်းကတော့ သာမန်ကြေးမုံပြင်တွေမှာ မှန်ရဲ့ တစ်ဘက်မျက်နှာပြင်ကို ပြဒါးသုတ်လိမ်းထားပြီး မှန်ကြည့်သူဘက်က မျက်နှာပြင်မှာတော့ ပြဒါးသုတ်လိမ်းထားခြင်းမရှိပါဘူး။ ဒါ့ကြောင့် သင့်လက်ချောင်းထိပ်နဲ့ မှန်ထဲကပုံရိပ်ရဲ့ လက်ချောင်းထိပ်ကြားမှာ မှန်တစ်ချပ်စာ ကွာခြားနေမှာဖြစ်ပါတယ်။ နှစ်ဘက်မြင်မှန်မှာတော့ ပြဒါးကို မှန်ကြည့်သူဘက်က မျက်နှာပြင်မှာ သုတ်လိမ်းထားတာမို့ သင့်လက်ချောင်းနဲ့ မှန်ထဲကလက်ချောင်းကြားမှာ ကွာဟမှုမရှိတော့တာပါ။ ဒါ့ကြောင့် ဘယ်နေရာမှာပဲဖြစ်ဖြစ်၊ မှန်ရှေ့ရောက်ရင် မှန်မျက်နှာပြင်ကို လက်သည်းထိပ်လေးနဲ့ ထိကြည့်ဖို့မမေ့ပါနဲ့။

ဒီစာလေးကို သင့်ရဲ့ "သူငယ်ချင်းတွေ၊ ညီအစ်ကို မောင်နှမ" တွေဆီကို forward လုပ်ပေးပါ။ ဒီစာလေးကိုမျှဝေခြင်းအားဖြင့် "အမျိုးကောင်းသမီးများစွာရဲ့ အရှက်နဲ့ သိက္ခာ" ကို ကယ်တင်နိုင်မှာဖြစ်ပါတယ်။

Read More

လူထုအားနဲ့ အာဏာသိမ်းမယ့် ထိုင်းနိုင်ငံရေး

 
Thursday, 12 December 2013

Written by စိန်ကျော်လှိုင်



၂၀၁၃ ဒီဇင်ဘာ ၁၀ ရက်တွင် ဘန်ကောက်မြို့ရှိ အစိုးရအိမ်တော်အနီးတွင် ဆန္ဒပြနေသူများ

ထိုင်းအိမ်စောင့်အစိုးရ ၀န်ကြီးချုပ် ယင်လက်ကို ဗုဒ္ဓဟူးနေ့ (ဒီဇင်ဘာ ၁၁ ရက်) နောက်ဆုံးထားပြီး ရာထူးကဆင်းပေးဖို့ ဆန္ဒပြခေါင်းဆောင် ဆူထက်က ရာဇသံပေးထားပါတယ်။ အင်္ဂါနေ့ အစောပိုင်းမှာ ၀န်ကြီးချုပ် ယင်လက်က အောက်လွှတ်တော်ကို ဖျက်သိမ်းပြီး နှစ်လအတွင်း ရွေးကောက်ပွဲလုပ်ဖို့ ကတိပေးပါတယ်။ ဒါပေမဲ့ ထိုင်းအစိုးရယူထားတဲ့ အာဏာကို ပီဒီအာစီခေါ်ပြည်သူ့ဒီမိုကရက်တစ် ပြုပြင်ပြောင်းလဲရေးကော်မတီက အာဏာပြန်သိမ်းတယ်လို့ ပီဒီအာစီအတွင်းရေးမှူးလည်းဖြစ်တဲ့ ဆူထက်က တိုင်းပြည်ကို ကြေညာပါတယ်။

စိတ်ဝင်စားဖို့ကောင်းတာက ဆူထက် ရဲ့ကြေညာချက်ဖြစ်ပါတယ်။ သူ့အဆိုအရ " ထိုင်းအစိုးရဟာ လုပ်ပိုင်ခွင့်ကို အလွဲသုံးစားလုပ်ခဲ့သလို တရားဥပဒေစိုးမိုးရေးနဲ့ ကောင်းမွန်တဲ့ အုပ်ချုပ်ရေးကိုပါချိုးဖောက်ခဲ့လို့ အစိုးရကိုပေးထားတဲ့ အာဏာကို ပြည်သူတွေက ပြန်သိမ်းယူခွင့်ရှိတယ် " ဆိုတဲ့ အချက်ဖြစ်ပါတယ်။ ဒါကြောင့် ထိုင်းအခြေခံဥပဒေပါ အချုပ်အခြာအာဏာကို ထိုင်းပြည်သူတွေသာ ပိုင်ဆိုင်သည်ဆိုတဲ့ အခြေခံဥပဒေပုဒ်မ ၃ ကို ပီဒီအာစီအဖွဲ့က ကျင့်သုံး မယ် လို့ဆိုပါတယ်။

ထိုင်းဘာသာနဲ့ ပရာချာဖိဝပ်လို့ခေါ် တဲ့ ထိုင်းဆန္ဒပြလှုပ်ရှားမှုဟာ ပြည်သူ့တော်လှန်ရေးဖြစ်တယ်။ ပီဒီအာစီအဖွဲ့က ပြန်သိမ်းမယ့် အချုပ်အခြာအာဏာဟာ လက်နက်ကိုင် အာဏာသိမ်းပြီးရလာတဲ့ အချုပ်အခြာ အာဏာနဲ့တူတယ်လို့ ဆူထက်က နှိုင်းပြပါတယ်။ ဆိုလိုတဲ့သဘောက တိုင်းပြည်အာဏာကို လက်နက်နဲ့သိမ်းယူလို့ရသလို လူထုအားနဲ့လည်း ပြန်သိမ်းနိုင်တယ်လို့ ဆန္ဒပြခေါင်းဆောင်လည်းဖြစ် ဒီမိုကရက်ပါတီ အမတ်ဟောင်းလည်းဖြစ်တဲ့ ဆူထက်က ထိုင်းပြည်သူတွေကို ရှင်းပြတာဖြစ်ပါတယ်။

အစိုးရအာဏာကို ဖွဲ့စည်းပုံအခြေခံဥပဒေအရ လူထုအားနဲ့ ပြန်ယူတယ်ဆိုတာ ထိုင်းနိုင်ငံရေးလောကမှာ အရင်ကမရှိခဲ့တဲ့ အတွက် ပီဒီအာစီခေါ် ပြည်သူ့ဒီမိုကရက်တစ် ပြုပြင်ပြောင်းလဲရေးကော်မတီရဲ့ ကြေညာချက်အပေါ် ထိုင်းနိုင်ငံရေးသမားတွေကြား၊ ထိုင်းပညာရှင်တွေကြား အငြင်းပွားစရာ ဖြစ်ခဲ့ပါတယ်။

တနင်္ဂနွေနေ့ကမှ ဒီမိုကရက်ပါတီအမတ်အဖြစ်က နုတ်ထွက်ခဲ့တဲ့ ၀ီရပ်ကလျာသီရိ ကတော့ အောက်လွှတ်တော် ဖျက်ပေးရုံနဲ့ မလုံလောက်ဘူး။ ယင်လက်ရဲ့ အိမ်စောင့်အစိုးရတစ်ဖွဲ့လုံး နုတ်ထွက်ရမယ်။ ရွေးကောက်ပွဲ ကော်မရှင်အဖွဲ့ဝင်တွေလည်း နုတ်ထွက်ရမယ်။ ဘုရင့်ထောက်ခံမှု ရအောင် အထက်လွှတ်တော် ဥက္ကဋ္ဌက ကြားနေ ၀န်ကြီးချုပ်တစ်ဦး ခန့်ဖို့လျာထားရမယ်။ ပြည်သူကခန့်ထားတဲ့ အိမ်စောင့်အစိုးရသစ်က နောက်ကျင်းပမယ့် ရွေးကောက်ပွဲသစ်အတွက် လုပ်ကိုင်ရင်း ပြုပြင်ပြောင်းလဲရေးအတွက် လိုတဲ့ဥပဒေတွေပြင်ပေးရင်း အနည်းဆုံး ခြောက်လကနေ တစ်နှစ်ထိ တာဝန်ယူရမယ်လုိ့ ပြောပါတယ်။ ဒါ့ပြင် ပြည်သူတွေကနေ ၀န်ကြီးချုပ်သစ်တစ်ဦးခန့်ပြီး အစိုးရသစ်ဖွဲ့ရမယ်။ ပြီးရင် ဥပဒေပြုကိစ္စတွေဆောင်ရွက်ဖို့ ပြည်သူ့ ကောင်စီတစ်ခု ဖွဲ့ရမယ်လို့ ဆန္ဒပြခေါင်းဆောင် ဆူထက်က တနင်္လာနေ့ ညကကြေညာပါတယ်။

ဆူထက်တို့ရဲ့ လူထုနည်းနဲ့ အာဏာသိမ်းရေး စီမံချက်သာ အောင်မြင်ခဲ့ရင် ထိုင်းနိုင်ငံရေးလောကမှာ ကြီးမားတဲ့ အပြောင်းအလဲ ဖြစ်သွားနိုင်သလို အခြေခံဥပဒေအပေါ် အငြင်းပွားနေတဲ့ မြန်မာနိုင်ငံလို အိမ်နီးချင်းနိုင်ငံတွေအတွက်လည်း နိုင်ငံရေးဂယက်ရိုက်သွားနိင်ပါတယ်။ ဥပမာ-မြန်မာနိုင်ငံရဲ့ အခြေခံဥပဒေ ၂၀၀၈ မှာလည်း နိုင်ငံတော်ရဲ့ အချုပ်အခြာအာဏာဟာ နိုင်ငံသားများထံမှ ဆင်းသက်ပြီး နိုင်ငံတော်တစ်ဝန်းလုံး၌ တည်သည် လို့ ပုဒ်မ ၄ မှာ ပြဋ္ဌာန်းထားပါတယ်။ သဘောကတော့ မြန်မာနိုင်ငံရဲ့ အချုပ်အခြာအာဏာကို တစ်နိုင်ငံလုံးရှိ မြန်မာပြည်သူတွေသာ ပိုင်ဆိုင်သည်ဆိုတဲ့ အဓိပ္ပာယ်ဖြစ်ပါတယ်။

အချုပ်အခြာအာဏာကို ထိုင်းပြည်သူတွေသာ ပိုင်ဆိုင်သည်ဆိုတဲ့ အချက်ကို ဆူထက်ခေါင်းဆောင်တဲ့ ဆန္ဒပြသူတွေက လက်တွေ့ကျကျ အကောင်အထည်ဖော်တော့မှာမို့ ထိုင်းနိုင်ငံရေး ဘာဆက်ဖြစ်မလဲဆိုတာ ခါတိုင်းထက် တွက်ရခက်လာပါတယ်။

ထိုင်းဘာသာနဲ့ ပရာချာဖိဝပ်လို့ခေါ် တဲ့ ထိုင်းဆန္ဒပြလှုပ်ရှားမှုဟာ ပြည်သူ့တော်လှန်ရေးဖြစ်တယ်။ ပီဒီအာစီအဖွဲ့က ပြန်သိမ်းမယ့် အချုပ်အခြာအာဏာဟာ လက်နက်ကိုင် အာဏာသိမ်းပြီးရလာတဲ့ အချုပ်အခြာအာဏာနဲ့ တူတယ်လို့ ဆူထက်က နှိုင်းပြပါတယ်။ ဆိုလိုတဲ့သဘောက တိုင်းပြည် အာဏာကို လက်နက်နဲ့သိမ်းယူလို့ရသလို လူထုအားနဲ့လည်းပြန်သိမ်းနိုင်တယ်လို့ ဆန္ဒပြခေါင်းဆောင်လည်းဖြစ် ဒီမိုကရက်ပါတီအမတ်ဟောင်းလည်း ဖြစ်တဲ့ ဆူထက်က ထိုင်းပြည်သူတွေကိုရှင်းပြတာဖြစ်ပါတယ် . . .




အိမ်စောင့် အစိုးရ၀န်ကြီးချုပ်က အောက်လွှတ်တော်ဖျက်ပြီး နှစ်လအတွင်း ရွေးကောက်ပွဲလုပ်ပေးမယ်လို့ ကတိပေးတာကို ဆူထက်နဲ့ ဆန္ဒပြထိုင်းပြည်သူတွေ ဘာကြောင့် လက်မခံရသလဲဆိုတာ စဉ်းစားထိုက်ပါတယ်။ ထိုင်းပြည်သူတွေရဲ့ အကျပ် အတည်းက ရွေးကောက်ပွဲသာကျင်းပမယ် ဆိုရင် ၀န်ကြီးချုပ်ဟောင်း သက်ဆင်ရဲ့ပါတီ ကသာ အမြဲနိုင်နေမှာဖြစ်တဲ့အချက် ဖြစ်ပါ တယ်။

ထိုင်းနိုင်ငံရေးအတွက် အကြီးမားဆုံး အနှောင့်အယှက်က သက်ဆင်ရဲ့ ကြီးမားတဲ့ ကြွယ်ဝချမ်းသာမှုဖြစ်ပါတယ်။ သူ့ချမ်းသာမှုက ပြည်ပကနေတောင် ထိုင်းဘုရင်ရဲ့ ပလ္လင်ကို ကိုင်လှုပ်နိုင်စွမ်းရှိပါတယ်။ မဲဝယ်တဲ့နေရာမှာ သူ့လောက်ငွေသုံးနိုင်တာမရှိ။ ထိုင်းမှာ ရွေးကောက်ပွဲလုပ်နေသမျှ သက်ဆင်ပါတီ တစ်ခုတည်းကချည်း နိုင်နေမှာဖြစ်တယ်။ ထိုင်းနိုင်ငံရေးမှာ သက်ဆင်ပါတီကို ပြိုင်နိုင်တဲ့ပါတီ မပေါ်သေးပါ။ ဒီမှာတင် ၂၀၀၆ ခုနှစ် ရွေးကောက်ပွဲမှာ ဒီမိုကရက်ပါတီနဲ့ တခြားပါတီတချို့ ရွေးကောက်ပွဲကို သပိတ်မှောက်ခဲ့တယ်။ ပြိုင်ဘက်မရှိ တစ်ဖက်သတ် အနိုင်ရသွားတဲ့ သက်ဆင်ရဲ့ အဲဒီအချိန် ထိုင်းရပ်ထိုင်းပါတီကို ဒီမိုကရေစီနည်းလမ်းမကျဘူးလို့ ဘုရင်က ထောက်ပြပြီး မကြာမီ ထိုင်းစစ်တပ်က အာဏာသိမ်းပါတယ်။ သက်ဆင်လည်း ပြည်ပကို ထွက်ပြေးရပါတယ်။

သက်ဆင်ဘက်က သူ့ပါတီဟာ ရွေးကောက်ပွဲနဲ့ တက်လာတာမို့ ဒီမိုကရေစီ နည်းလမ်းကျတယ်လို့ နိုင်ငံတကာကို ရှင်းလင်းတယ်။ ဒါမှန်ပါတယ်။ ခက်တာက ထိုင်းမှာ ရွေးကောက်ပွဲလုပ်နေသမျှ သူ့ပါတီချည်းပဲ နိုင်နေမှာကို လူတိုင်းသိနေတဲ့ အချက်ဖြစ်တယ်။ ဒါကြောင့် ရွေးကောက်ပွဲ ဆိုတာ ထိုင်းနိုင်ငံအတွက် ဒီမိုကရေစီနည်းလမ်း ကျရဲ့လားဆိုတာ မေးခွန်းထုတ်စရာဖြစ်နေပါတယ်။ တစ်ခါရွေးကောက်ပွဲနည်း နဲ့မဟုတ်ဘဲ ပြည်သူ့ကောင်စီကို အာဏာ အပ်ပါလို့ ဆန္ဒပြသူတွေ တောင်းဆိုနေတာကလည်း အခြေခံဥပဒေနဲ့ မညီပါလို့ ထိုင်းပညာရှင်တချို့က ထောက်ပြတယ်။ တချို့ပညာရှင်တွေကလည်း ဆန္ဒပြသူတွေ တောင်းဆိုတာကို ထောက်ခံပါတယ်။

ဒါကြောင့် ရွေးကောက်ပွဲလုပ်ဖို့ ကြေညာတဲ့အတွက် ထိုင်းအိမ်စောင့် အစိုးရ၀န်ကြီးချုပ် ယင်လက်ကို ချီးကျူးစရာမလိုပါ။ ယင်လက်ဘက်ကလည်း ပြည်သူကတောင်းဆိုလို့ ပြည်သူ့အကျိုးအတွက် အောက်လွှတ်တော် ဖျက်ပြီး ရွေးကောက်ပွဲကျင်းပဖို့ ကြေညာတာမဟုတ်ဘဲ ပြန်နိုင်မှာသေချာလို့ နှစ်လ အတွင်း ရွေးကောက်ပွဲလုပ်ဖို့ ကမ်းလှမ်းခဲ့တာဖြစ်ပါတယ်။ ယင်လက်ရဲ့ပါတီကလည်း လာမယ့်ရွေးကောက်ပွဲမှာ ယင်လက်ကို နံပါတ်တစ် ပါတီခေါင်းဆောင်အဖြစ် လျာထားတဲ့အတွက်နိုင်ရင် နောက်တစ်ခါ ယင်လက်ပဲ ၀န်ကြီးချုပ်ဖြစ်မှာပါ။

ဆန္ဒပြသူတွေဘက်က ကြည့်တော့လည်း ယင်လက်ရာထူးကထွက်ပြီး အောက်လွှတ်တော်ဖျက်ရုံနဲ့ ထိုင်းနိုင်ငံရေး မပြေလည်နိုင်။ သက်ဆင်ရဲ့ သြဇာလွှမ်းမိုးမှု စနစ်ကြီးကိုပါ အမြစ်ပြတ်အောင် နုတ်ပစ်နိုင်မှ အောင်ပွဲရမယ်လို့ ခံယူထားပါတယ်။ တကယ် လက်တွေ့ကျကျ အောင်မြင်နိုင်မလားဆိုတာတော့ စောင့်ကြည့်ရမှာဖြစ်ပါတယ်။

Read More

တရုတ်သမ္မတ ရှီကျင်ပင်းနှင့် ဂျပန်ဝန်ကြီးချုပ် အာဘေးတို့ကို အာရှအထင်ရှားဆုံး ပုဂ္ဂိုလ်များအဖြစ် Straits Times သတင်းစာက ရွေးချယ်

Thursday, 12 December 2013



ဒီဇင်ဘာ ၉ ရက်က တိုကျို၌ သတင်းစာ ရှင်းလင်းပွဲ လုပ်နေသော အာဘေး (Photo:AFP)



ဇွန် ၇ ရက်က ကယ်လီဖိုးနီးယား၌ အိုဘားမားနှင့် တွေ့ဆုံနေသော ရှီကျင်ပင်း (Photo:AP)

တရုတ်သမ္မတ ရှီကျင်ပင်းနှင့် ဂျပန်ဝန်ကြီးချုပ် ရှင်ဇိုအာဘေးတို့ကို ၂၀၁၃ ခုနှစ်အတွက် "Asians of the Year" အဖြစ် စင်ကာပူ သတင်းစာ Straits Times က ဒီဇင်ဘာ ၁၁ ရက်တွင် ရွေးချယ်ခဲ့ကာ ပဋိပက္ခ တစ်ခုကို ရှောင်လွှဲရန်အတွက် တစ်ဦးနှင့်တစ်ဦး အပြန်အလှန် လက်ကမ်းကြရန် တိုက်တွန်းခဲ့ကြောင်း သိရသည်။

"အာရှတွင် လတ်တလော၌ စီးပွားရေး တည်ဆောက်မှု၊ ကမ္ဘာ့ဘုံ အကျိုးစီးပွားများကို ကာကွယ်မှုနှင့် အာရှသာယာဝပြောမှုကို ကာကွယ်ရန်အတွက် ငြိမ်းချမ်းရေးကို ထိန်းသိမ်းရန် ထိုခေါင်းဆောင်နှစ်ဦးထက် တာဝန်ပိုကြီးမားသော ခေါင်းဆောင်များ မရှိ" ဟု ယင်းသတင်းစာတွင် ဖော်ပြခဲ့သည်။

တရုတ်နှင့် ဂျပန်သည် အရှေ့တရုတ်ပင်လယ်ပြင်ရှိ ဂျပန်တို့ ထိန်းချုပ်ထားသော ဆင်ကာကူ ကျွန်းစုပိုင်ဆိုင်မှုနှင့် ပတ်သက်၍ ယမန်နှစ် ကတည်းက အငြင်းပွားမှု မြင့်တက်လာခဲ့သည်။

တရုတ်၏ လေကြောင်းကာကွယ်ရေး ဇုန်သစ်ကြေညာမှုနှင့် ပတ်သက်၍ မကြာသေးမီက တင်းမာမှုမြင့်တက်လာခြင်းက နှစ်ဖက်စလုံးတွင် အလွန်အမင်းစိုးရိမ်ပူပန်မှု ရှိနေခြင်း၏ သက်သေပင်ဖြစ်သည်။ ယင်းက နှစ်နိုင်ငံစလုံးတွင် အမျိုးသားရေး စိတ်ဓာတ်ထက်သန်မှုကို ပြနေပြီး ယင်းတင်းမာမှုကို ကောင်းစွာမစီမံနိုင်ပါက ဖိအားမြင့်တက်လာနိုင်ကာ နိုင်ငံရေးခေါင်းဆောင်များ၏ ထိန်းချုပ်နိုင်စွမ်းထက် ကျော်လွန်နိုင်ကြောင်း Straits Times တွင် ဖော်ပြခဲ့သည်။

တရုတ်လေကြောင်း ကာကွယ်ရေးဇုန်သစ်တွင် ဂျပန်နှင့် တောင်ကိုရီးယားတို့က လွန်ခဲ့သည့် ဆယ်စုနှစ်များအတွင်း သတ်မှတ်ခဲ့သည့် လေကြောင်းဧရိယာများနှင့် ပိုင်ဆိုင်မှု အငြင်းပွား ဧရိယာများ ပါဝင်နေသည်။ အရှေ့ပင်လယ်အတွင်း ယင်းကျယ်ပြန့်သော ဧရိယာတစ်ခုကို လေကြောင်းကာကွယ်ရေး ဇုန်သစ်အဖြစ် တရုတ်က နိုဝင်ဘာ ၂၃ ရက်တွင် တစ်ဖက်သတ် ကြေညာခဲ့သည်။ ယင်းဇုန်ကို ၀င်ရောက်မည့် လေယာဉ်အားလုံးကို မူရင်းနိုင်ငံနှင့် ခရီးစဉ်တို့ကို ဖော်ပြရန်နှင့် မလိုက်နာပါက အရေးပေါ် ကာကွယ်ရေး စီမံချက်များအတိုင်း ဆောင်ရွက်မည်ဖြစ်ကြောင်း တရုတ်က ထုတ်ပြန်ခဲ့သည်။

Straits Times က Asian of the Year ကို ၂၀၁၂ ခုနှစ်တွင် စတင်ရွေးချယ် သတ်မှတ်ခဲ့ပြီး ၂၀၁၂ ခုနှစ်အတွက် Asian of the Year အဖြစ် မြန်မာသမ္မတ ဦးသိန်းစိန်ကို ရွေးချယ်ခဲ့ကြောင်း သိရသည်။

Ref:AFP

Read More

ဥရောပသမဂ္ဂနှင့် သဘောတူညီချက် လက်မှတ်မရေးထိုးမီ ချေးငွေ ဒေါ်လာ ၂၇ ဘီလျံကျော် ရရှိရန် ယူကရိန်း ကြိုးပမ်း

Thursday, 12 December 2013

 

ဒီဇင်ဘာ ၁၁ ရက်တွင် ကိဗ်မြို့ရှိ လွတ်လပ်ရေးရင်ပြင်၌ ဆန္ဒပြသူများနှင့် အဓိကရုဏ်း နှိမ်နင်းရေး ရဲတပ်ဖွဲ့ဝင်များအကြား ပဋိပက္ခ ဖြစ်ပွားနေစဉ် (Photo:AFP)

ဥရောပ သမဂ္ဂနှင့် သမိုင်းဝင် သဘောတူညီချက်စာချုပ် လက်မှတ်မရေးထိုးမီ ချေးငွေဒေါ်လာ ၂၇ ဒသမ ၅ ဘီလျံ ရရှိလိုကြောင်း ယူကရိန်း ၀န်ကြီးချုပ် မိုက်ကိုလာအဇာရော့က ဒီဇင်ဘာ ၁၁ ရက်တွင် ပြောကြားခဲ့သည်။ ဥရောပသမဂ္ဂနှင့် ကုန်သွယ်ရေး သဘောတူညီချက်နှင့် နိုင်ငံရေး သဘောတူညီချက်တို့ လက်မှတ်ရေးထိုးပါက ယူကရိန်းသည် အိမ်နီးချင်း ရုရှားနှင့် ကုန်သွယ်ရေး ဆုံးရှုံးမှုကြောင့် နစ်နာမည်ဟုဆိုကာ ယူကရိန်းက သဘောတူညီချက်ကို လက်မှတ်ရေးထိုးရန် နိုဝင်ဘာလက ပယ်ချခဲ့သည်။

ယင်းပယ်ချမှုကြောင့် ယူကရိန်းတွင် ၂၀၀၄ ခုနှစ် လိမ္မော်ရောင် တော်လှန်ရေးနောက်ပိုင်း အကြီးမားဆုံးသော ကန့်ကွက်ဆန္ဒပြမှုများ ပေါ်ပေါက်ခဲ့ပြီး ၀န်ကြီးချုပ် အဇာရော့ကို နုတ်ထွက်ရန် တောင်းဆိုခဲ့ကြသည်။ ယူကရိန်းမြို့တော်ကိဗ်ရှိ လွတ်လပ်ရေး ရင်ပြင်တွင် ဆန္ဒပြသူများကို မောင်းထုတ်ရန် ရဲတပ်ဖွဲ့က ကြိုးပမ်းခဲ့ပြီးနောက် ပဋိပက္ခများ ဖြစ်ပွားခဲ့ပြီး နာရီပိုင်း အနည်းငယ်အကြာတွင် ၀န်ကြီးချုပ် အဇာရော့က အရေးပေါ် အစည်းအဝေး ခေါ်ယူခဲ့ပြီး ဥရောပ သမဂ္ဂထံမှ ချေးငွေရလိုကြောင်း ပြောကြားခဲ့သည်။ ယင်းချေးငွေများကို ယူကရိန်းအခြေခံ အဆောက်အအုံများတွင် သုံးစွဲသွားမည်ဖြစ်ကြောင်း အဇာရော့က ပြောကြားခဲ့သည်။

ယူကရိန်းမြို့တော် ကိဗ်ရှိ လွတ်လပ်ရေး ရင်ပြင်တွင် နေရာယူထားသော ဆန္ဒပြသူများကို ယူကရိန်း အဓိကရုဏ်း နှိမ်နင်းရေး အထူးရဲတပ်ဖွဲ့က ညသန်းခေါင်အချိန်တွင် ၀င်ရောက်ဖြိုခွင်းခဲ့သည်။ အမေရိကန် နိုင်ငံခြားရေးဝန်ကြီး ဂျွန်ကယ်ရီက ယင်းနှိမ်နင်းမှုကို ရှုတ်ချခဲ့ပြီး လက်ထောက်အမေရိကန် နိုင်ငံခြားရေးဝန်ကြီး ဗစ်တိုးရီးယား နူလမ်နှင့် ဥရောပသမဂ္ဂ နိုင်ငံခြားရေး မူဝါဒ အကြီးအကဲ ကက်သရင်းအက်ရ်ှတန်တို့က ယူကရိန်းနိုင်ငံ၏ အကျပ်အတည်းအတွက် ပူးပေါင်းဖြေရှင်းကြရန် တိုက်တွန်းခဲ့သည်။ ရဲတပ်ဖွဲ့ဝင်များက ရင်ပြင်နေရာ အချို့ကို ထိန်းချုပ်ခဲ့သော်လည်း ဆန္ဒပြမှုများ ဆက်လက်ဖြစ်ပွားခဲ့ပြီး အရုဏ်တက်ချိန်တွင် ဆန္ဒပြသူများက ယင်းနေရာများကို ပြန်လည်သိမ်းပိုက်နိုင်ခဲ့သည်။

Ref:AFP

Read More

ဆေးခြောက် တရားဝင် ထုတ်လုပ်ရောင်းချ သုံးစွဲခွင့် ဥပဒေအား ဥရုဂွေး အထက်လွှတ်တော်က သဘောတူ

Thursday, 12 December 2013



ဒီဇင်ဘာ ၁၀ ရက်က အထက်လွှတ်တော် ဆေးခြောက်တရားဝင် (Photo:AFP)

ဆေးခြောက်ကို တရားဝင် ထုတ်လုပ်ရောင်းချ သုံးစွဲခွင့်ပေးသည့် ဥပဒေကို ဥရုဂွေး အထက်လွှတ်တော်က ဒီဇင်ဘာ ၁၁ ရက်တွင် တရားဝင် အတည်ပြုပေးခဲ့ပြီးနောက် ဥရုဂွေးသည် ဆေးခြောက်ကို ပထမဆုံး တရားဝင် သုံးစွဲခွင့် ရရှိသည့်နိုင်ငံ ဖြစ်လာမည်ဖြစ်သည်။

အထက်လွှတ်တော် မဲခွဲဆုံးဖြတ်မှုတွင် လွှတ်တော်အမတ် ၂၉ ဦးအနက် လက်ဝဲယိမ်း ၁၆ ဦးက သမ္မတဟိုဆေးမူဂျီကာ ထောက်ခံသည့် ယင်းဥပဒေကို ထောက်ခံမဲ ပေးခဲ့ကြသည်။ အထက်လွှတ်တော် အဆောက်အအုံ အပြင်ဘက်တွင် ဆေးခြောက်သုံးစွဲမှုကို ထောက်ခံသူ ရာပေါင်းများစွာက မီးရှူးမီးပန်းများ ပစ်လွှတ်ခဲ့ကြပြီး အတိုက်အခံ ပါတီများက ယင်းဥပဒေကို ကန့်ကွက်ခဲ့သည်။ ဆေးဆိုင်များတွင် ဆေးခြောက်ရောင်းချစေမည့် အကြံဥာဏ်ကို ဆေးရောင်းချသူ များကလည်း ကန့်ကွက်ခဲ့သည်။

လွှတ်တော်နှစ်ရပ်စလုံးကို လက်ရှိအာဏာရ ညွန့်ပေါင်းအဖွဲ့က ထိန်းချုပ်ထားသည့် ဥရုဂွေးတွင် ယင်းဥပဒေကို အောက်လွှတ်တော်က ပြီးခဲ့သည့် ဇူလိုင်တွင် အတည်ပြုခဲ့ပြီးဖြစ်သည်။ ယင်းဥပဒေက ဆေးခြောက် ထုတ်လုပ်မှု၊ ဖြန့်ဖြူးမှုနှင့် ရောင်းချမှုကို တရားဝင်ဖြစ်စေကာ မည်သူ့ကိုမဆို ပမာဏ အနည်းငယ် စိုက်ပျိုးခွင့်ပြုပြီး သုံးစွဲသူ အသင်းများ ဖန်တီးခွင့် ပြုထားသည်။ သို့သော် ယင်းခွင့်ပြုချက် အားလုံးကို နိုင်ငံတော် ကြီးကြပ်ကွပ်ကဲမှုနှင့် ထိန်းချုပ်မှုအောက်တွင် ထားရှိမည်ဖြစ်သည်။

ယင်းဥပဒေ ပြဋ္ဌာန်းမှုက ဥရုဂွေး၏ အိမ်နီးချင်း ဘရာဇီးနှင့် အာဂျင်တီးနားတို့ကို မသက်မသာ ဖြစ်စေသည်။ ယင်းဥပဒေသည် အမေရိကန်၏ ကော်လိုရာဒိုနှင့် ၀ါရှင်တန်တို့တွင် မကြာသေးမီက အတည်ပြုခဲ့သော ဆေးခြောက်ဥပဒေ ပြဋ္ဌာန်းမှု စီမံချက်များ သို့မဟုတ် နယ်သာလန်နှင့် စပိန်တို့ရှိ အလားတူ ဥပဒေများထက် သာလွန်သည်။

ဥရုဂွေးတွင် ဆေးခြောက်သုံးစွဲသူသည် အသက် ၁၈ နှစ် ပြည့်ရမည်ဖြစ်ပြီး တစ်ဦးလျှင် ဆေးခြောက်ပင် ခြောက်ပင်အထိ စိုက်ပျိုးသုံးစွဲခွင့်ရှိမည် ဖြစ်သည်။ သုံးစွဲသူများ အသင်းတွင်လည်း သုံးစွဲနိုင်ကာ ဆေးဆိုင်များမှ တစ်လလျှင် ၄၀ ဂရမ်အထိ ၀ယ်ယူသုံးစွဲခွင့် ရှိမည်ဖြစ်သည်။ ဥပဒေ ချိုးဖောက်သူများသည် ထောင်ဒဏ် လ ၂၀ မှ ၁၀ နှစ် ချမှတ်ခံရနိုင်သည်။

Ref:AFP

Read More

မင်္ဂလာမွန်ဈေးအနီး၊ အောင်မင်္ဂလာ အဝေးပြေးဝင်း အနီးနှင့် ကမာရွတ် မြို့နယ်တို့တွင် မြေပြင်နှင့် အထပ်မြင့် ယာဉ်ရပ်နားစခန်းများ တည်ဆောက်သွားရန် စီစဉ်

Thursday, 12 December 2013



မင်္ဂလာတောင်ညွန့်မြို့နယ် မင်္ဂလာမွန်ဈေးအနီး ၀န်းကျင်အား တွေ့ရစဉ် (ဓာတ်ပုံ-ဝေလင်းအောင်)

ရန်ကုန်မြို့၊ မင်္ဂလာတောင်ညွန့်မြို့နယ် မင်္ဂလာမွန်ဈေးအနီး၊ မြောက်ဥက္ကလာပမြို့နယ် သုဓမ္မာလမ်းမကြီးဘေး အောင်မင်္ဂလာ အဝေးပြေး ယာဉ်ရပ်နားစခန်း အနီးနှင့် ကမာရွတ်မြို့နယ် လှည်းတန်းလမ်းနှင့် ထန်းတပင်ကျောင်း လမ်းဆုံအနီးတို့တွင် မြေပြင်ယာဉ်ရပ်နားစခန်းနှင့် အလွှာများ ပါဝင်သည့် အထပ်မြင့် ယာဉ်ရပ်နားစခန်းများ တည်ဆောက်သွားရန် စီစဉ်လျက်ရှိကြောင်း ရန်ကုန်မြို့တော် စည်ပင်သာယာရေး ကော်မတီမှ သိရသည်။

ရန်ကုန်မြို့တော်အတွင်း ယာဉ်ကြောပိတ်ဆို့မှုများ ဖြစ်ပွားနေခြင်းကြောင့် လမ်းပေါ်စည်းကမ်းမဲ့ ရပ်နားသည့် ယာဉ်များကို ရှင်းလင်းခဲ့ရာ ယခုနှစ် အတွင်း၌ပင် ယာဉ် ၅၀၀ ကျော်ရှိပြီး ယင်းအထဲမှ အစီး ၄၀၀ ကျော်ကို ၂၀၁၃ ခုနှစ် ရန်ကုန်မြို့တော် စည်ပင်သာယာရေး ဥပဒေဖြင့် စည်ပင်သာယာ တရားရုံးတွင် အရေးယူခဲ့ကြောင်း သိရသည်။

ထိုသို့ ယာဉ်ရပ်နားရန် သတ်မှတ်ထားသည့် နေရာများတွင် ယာဉ်ရပ်နား နိုင်စေရန်အတွက် ဒဂုံမြို့နယ် ပြည်လမ်းနှင့် ရှင်စောပု လမ်းထောင့်တွင် ယာဉ်ရပ်နားစခန်းကို ယခုနှစ်ဆန်းပိုင်းက ဖွင့်လှစ်ပေးခဲ့ပြီးဖြစ်ပြီး ထပ်မံ၍ မင်္ဂလာတောင်ညွန့်မြို့နယ် မင်္ဂလာမွန် ဈေးအနီး၊ မြောက်ဥက္ကလာပမြို့နယ် သုဓမ္မာ လမ်းမကြီးနံဘေး အောင်မင်္ဂလာ အဝေးပြေး စခန်းအနီး၊ ကမာရွတ်မြို့နယ် လှည်းတန်းလမ်းနှင့် ထန်းတပင်ကျောင်း လမ်းဆုံအနီးတို့တွင် မြေပြင်ယာဉ်ရပ်နားစခန်းနှင့် အထပ်မြင့် ယာဉ်ရပ်နားနေရာများ တည်ဆောက်နိုင်ရန် မြေနေရာများ ရှာဖွေစီစဉ် နေခြင်းဖြစ်ပြီး အခကြေးငွေဖြင့် ယာဉ်ရပ်နားခွင့်ပြုမည့် အစီအစဉ်မျိုးဖြစ်ကြောင်း၊ ဆိပ်ကမ်းသာလမ်းရှိ ရန်ကုန်မြို့တော် စည်ပင်သာယာရေး ကော်မတီပိုင် မြေနေရာတွင်လည်း အခပေး ရပ်နားရမည့် ၁၅ ထပ်အမြင့်ရှိ အထပ်မြင့် ကားပါကင် ဆောက်လုပ်ရန်အတွက် စီစဉ်နေသည်ဟု သိရသည်။

ထို့ပြင် ရန်ကုန်မြို့တွင်း၌ မော်တော်ယာဉ် ရပ်နားနေရာ ပြုလုပ်လိုကြောင်း လျှောက်ထားလာပါက ခွင့်ပြုရန် ရန်ကုန်တိုင်းဒေသကြီး အစိုးရအဖွဲ့ အနေဖြင့် ရန်ကုန်မြို့တော် စည်ပင်သာယာရေး ကော်မတီသို့ ညွှန်ကြားထားပြီး ဖြစ်ကြောင်းနှင့် လျှောက်ထားလာမှုများကို စိစစ်ပြီးခွင့်ပြု ပေးသွားမည်ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီက ထုတ်ပြန်ထားသည်။

EMG

Read More

မြန်မာ့ဆက်သွယ်ရေး ကဏ္ဍတွင် အမေရိကန်ဒေါ်လာ ၁၅ ဘီလျံအထိ မြှုပ်နှံမည့် ကာတာအခြေစိုက် Ooredoo ကုမ္ပဏီမှ လုပ်ငန်းပိုင်းဆိုင်ရာ ဆောင်ရွက်မှုများ စတင်

Thursday, 12 December 2013



ကာတာနိုင်ငံရှိ Ooredoo ရုံးချုပ်အား တွေ့ရစဉ် (ဓာတ်ပုံ-Reuters)

မြန်မာ့ဆက်သွယ်ရေး ကဏ္ဍတွင် အမေရိကန်ဒေါ်လာ ၁၅ ဘီလျံအထိ မြှုပ်နှံလုပ်ကိုင်မည့် ကာတာအခြေစိုက် Ooredoo ကုမ္ပဏီက မြှုပ်နှံမှုများ ပြုလုပ်ရန်အတွက် လုပ်ငန်းပိုင်းဆိုင်ရာ ဆောင်ရွက်မှုများကို စတင်ဆောင်ရွက် နေပြီဖြစ်ကြောင်း သိရသည်။

မြန်မာနိုင်ငံ၏ တယ်လီကွန်မြူနီကေးရှင်း ကဏ္ဍတွင် ရင်းနှီးမြှုပ်နှံမှုများနှင့် ပတ်သက်သည့် လုပ်ထုံးလုပ်နည်းများ၊ ဥပဒေများနှင့် အခွင့်အလမ်းများကို သိရှိနိုင်ရန် Ooredoo Myanmar Ltd; မှ အကြံပေး အရာရှိဖြစ်သူ Mr.Edwin Vanderbrueegn နှင့် တာဝန်ရှိသူများမှ ဒီဇင်ဘာ ၉ ရက်တွင် နေပြည်တော်၊ ရုံးအမှတ် ၃၂ ရှိ ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနသို့ လာရောက်၍ ညွှန်ကြားရေးမှူးချုပ် ဦးအောင်နိုင်ဦးနှင့် တွေ့ဆုံကာ ဆွေးနွေးမေးမြန်းမှုများ ပြုလုပ်ခဲ့သည်ဟု သိရသည်။

မြန်မာ့ဆက်သွယ်ရေး ကဏ္ဍတွင် ပုဂ္ဂလိက ကုမ္ပဏီများ ၀င်ရောက်လုပ်ကိုင်ရန်အတွက် တင်ဒါခေါ်ယူမှုများ ပြုလုပ်ခဲ့ရာ လုပ်ငန်းဝင်ရောက် လုပ်ကိုင်ခွင့် ရရှိရန် လျှောက်ထားခဲ့သည့် ကုမ္ပဏီပေါင်း ၉၀ ကျော်အနက်မှ ကုမ္ပဏီနှစ်ခုအား လုပ်ငန်းဝင်ရောက်လုပ်ကိုင်ရန် စိစစ်ရွေးချယ်မှုများ ပြုလုပ်ခဲ့ရာ Ooredoo ကုမ္ပဏီမှာ တစ်ခုအပါအ၀င် ဖြစ်ခဲ့ကြောင်း သိရသည်။



ကာတာနိုင်ငံရှိ ပြပွဲတစ်ခုတွင် Ooredoo ပြခန်းတစ်ခုအား တွေ့ရစဉ် (Photo: Ooredoo Qatar)

မြန်မာနိုင်ငံတွင် ဆက်သွယ်ရေးလိုင်စင် တင်ဒါအောင်မြင်ထားသည့် ကုမ္ပဏီ ဖြစ်သည့်အတွက် မြန်မာနိုင်ငံ၌ ကမ္ဘာ့အဆင့်မီ တယ်လီဖုန်း ဆက်သွယ်ရေးကွန်ရက် ထူထောင်နိုင်ရန်အတွက် တာဝါတိုင်များ တည်ဆောက်ရန် Digical Asia Holdings ကုမ္ပဏီနှင့် သဘောတူညီချက် လက်မှတ်ရေးထိုးခြင်းကိုလည်း ပြုလုပ်ခဲ့ကြောင်း ထုတ်ပြန်ချက်များအရ သိရသည်။

Ooredoo ကုမ္ပဏီသည် နိုင်ငံတကာ ဆက်သွယ်ရေး ၀န်ဆောင်မှု လုပ်ငန်းများတွင် ဦးဆောင်နေသည့် ကုမ္ပဏီတစ်ခုဖြစ်ပြီး ကာတာ၊ ကူဝိတ်၊ အိုမန်၊ အယ်လ်ဂျီးရီးယား၊ တူနီးရှား၊ ပါလက်စတိုင်းနှင့် မော်ဒိုက်ဗ်နိုင်ငံများတွင် ဈေးကွက်ဖြန့်ကျက်ထားပြီး ၂၀၁၂ ခုနှစ်တွင် ဆက်သွယ်ရေး ကွန်ရက်အား အသုံးပြုသူ စုစုပေါင်း ၉၂ သန်းကျော်ရှိခဲ့ပြီး ၂၀၁၂ ခုနှစ်တွင် ၀င်ငွေအမေရိကန်ဒေါ်လာ ၉ ဒသမ ၃ ဘီလျံ ရရှိခဲ့ကြောင်း သိရသည်။

EMG

Read More

"ဖမ်းလိုက် လွှတ်လိုက်" မကြာသေးမီက ပုဒ်မ ၁၈ ဖြင့် ဖမ်းဆီးခံရသူများ အပါအ၀င် နိုင်ငံရေး အကျဉ်းသား ၄၁ ဦး ထပ်မံလွှတ်ပေး

 Thursday, 12 December 2013


အင်းစိန်အကျဉ်းထောင်မှ ဒီဇင်ဘာ ၁၁ ရက်က လွတ်မြောက်လာသည့် ကိုဒီငြိမ်းလင်းက မီဒီယာများ၏ မေးမြန်းမှုကို ဖြေကြားစဉ်

မြန်မာနိုင်ငံတွင် လက်ခံကျင်းပသည့် (၂၇)ကြိမ်မြောက် ဆီးဂိမ်းစ်ပြိုင်ပွဲ ဖွင့်ပွဲနေ့ဖြစ်သော ဒီဇင်ဘာ ၁၁ ရက်တွင် မြန်မာနိုင်ငံ အနှံ့အပြားရှိ အကျဉ်းထောင် အသီးသီးမှ နိုင်ငံရေး အကျဉ်းသား ၄၁ ဦး ထပ်မံလွတ်မြောက် လာခဲ့သည်။

ယခု ထပ်မံလွတ်မြောက်လာသည့် နိုင်ငံရေး အကျဉ်းသား ၄၁ ဦးတွင် ယခုအစိုးရ လက်ထက်တွင်မှ ပုဒ်မအမျိုးမျိုးဖြင့် ဖမ်းဆီးထောင်ချ ခံခဲ့ရသည့် အကျဉ်းသားများလည်း ပါဝင်လာခဲ့ကြောင်း သိရသည်။

လွတ်မြောက်လာခဲ့သူများမှာ အင်းစိန်ထောင်မှ ၁၁ ဦး၊ မန္တလေးထောင်မှ တစ်ဦး၊ တောင်ကြီးထောင်မှ တစ်ဦး၊ ပုသိမ်ထောင်မှ နှစ်ဦး၊ သာယာဝတီထောင်မှ နှစ်ဦး၊ ဘားအံထောင်မှ တစ်ဦး၊ တောင်ငူထောင်မှ တစ်ဦး၊ ကော့သောင်းထောင်မှ လေးဦး၊ သထုံထောင်မှ ၁၀ ဦး၊ ပဲခူးထောင်မှ ခြောက်ဦး၊ မြစ်ကြီးနားထောင်မှ တစ်ဦးနှင့် ဘူးသီးတောင်ထောင်မှ တစ်ဦးတို့ဖြစ်ကြောင်း သိရသည်။

အင်းစိန်ထောင်မှ လွတ်မြောက်လာသူများတွင် မကြာသေးမီကမှ ငြိမ်းချမ်းစွာ စီတန်းလှည့်လည်ခွင့် ပုဒ်မ ၁၈ ဖြင့် ထောင်ကျထားသူ အများစု ပါဝင်လာခဲ့ကြောင်း သိရသည်။

ပုဒ်မ ၁၈ ဖြင့် ဖမ်းဆီးထောင်ချခြင်း ခံခဲ့ရသည့် ကျောင်းသားများသမဂ္ဂ ဖြစ်မြောက်ရေး ကော်မတီမှ ကိုဒီငြိမ်းလင်းက "ကျွန်တော်တို့ ပုဒ်မ ၁၈ နဲ့ ထောင်ဒဏ်တစ်လဆီ ချမှတ်ခံခဲ့ရတယ်။ အခု တစ်လမပြည့်ခင် လွှတ်ပေးတာပါ။ ကျွန်တော့်အထင်တော့ နိုင်ငံရေး အကျဉ်းသားတွေကို နိုင်ငံရေးပုဒ်မတွေနဲ့ ထောင်ထဲမှာ မထားစေချင်လို့ လွှတ်ပေးတယ်လို့ ထင်တယ်။ ဒါပေမဲ့ သူတို့မလွှတ်ပေးရင်လည်း နောက်တစ်ပတ်ဆိုရင် ကျွန်တော်တို့ လွတ်ပါပြီ။ ကျွန်တော်ကတော့ ဒီပုဒ်မ ၁၈ က မဖြစ်သင့်ဘူးလို့ ထင်တယ်။ ဒီမိုကရေစီ နည်းလမ်းအရ လုပ်ခွင့်ပေးနေတယ် ဆိုပေမယ့်လည်း ဘာပဲဖြစ်ဖြစ် ပုဒ်မ ၁၈ ဆိုတဲ့ဟာနဲ့ အတားအဆီး လုပ်ထားတဲ့အတွက် ကျွန်တော်တို့ ဘာပဲလုပ်လုပ် ဒီပုဒ်မ ၁၈ က မလွတ်ကင်းနိုင်ဘဲ ဖြစ်နေပါတယ်။ နောက်ကျွန်တော် အခု ကျောင်းသားတစ်ယောက် အနေနဲ့ ထောင်ထဲမှာ စာမေးပွဲဖြေခွင့် ပေးတယ်။ ဒါပေမဲ့ ကျွန်တော်တို့တွေပဲ သီးခြားမဟုတ်ဘဲ အခြားအမှုတွဲတွေနဲ့ ကျနေတဲ့ အကျဉ်းသားတွေလည်း ဒီလိုအခွင့်အရေးမျိုး ရသင့်တယ်လို့ ထင်ပါတယ်" ဟု ဆိုသည်။

"အခုက ကျွန်မတို့ကို ပြန်လွှတ်လိုက်၊ ဖမ်းသွားလိုက်ဆိုတဲ့ ပြဿနာမှာ ကျွန်မတို့မှာ ပြောပိုင်ခွင့်မရှိဘူး။ ပြောလိုက်၊ ဖမ်းလိုက် ထောင်ထဲရောက်လိုက်ဆိုတဲ့ ပြဿနာနဲ့ပဲ သံသရာလည်နေတယ်။ ကျွန်မတို့ တကယ်လိုချင်တာက လွတ်လပ်စွာ စည်းရုံးခွင့်၊ ဟောပြောခွင့်၊ ဆန္ဒထုတ်ဖော်ခွင့်ပဲ။ တကယ့်တကယ်ကျတော့ ဆန္ဒထုတ်ဖော်ဖို့ လိုအပ်လာရင် ပုဒ်မ ၁၈ အရ သွားပြီး ခွင့်ပြုချက် တင်နေဖို့ အချိန်မရဘူး" ဟု ပုဒ်မ ၁၈ ဖြင့် အဖမ်းခံရပြီး အင်းစိန်ထောင်မှ ပြန်လည်လွတ်မြောက်လာသည့် မသန္တာက ပြောကြားသည်။

သမ္မတ ဦးသိန်းစိန်သည် ၂၀၁၃ နှစ်မကုန်မီ နိုင်ငံရေး အကျဉ်းသား အားလုံးကို ပြန်လွှတ်ပေးမည်ဟု ဗြိတိန်နိုင်ငံ ခရီးစဉ်အတွင်း ပြောကြားထားသည်။ ယခုလွှတ်ပေးသူများသည် လက်ရှိထောင်ဒဏ်ကျ ခံနေရသူများဖြစ်ပြီး အခြားနိုင်ငံရေးနှင့် ဆက်နွှယ်၍ တရားရင်ဆိုင် နေရသူပေါင်း ၂၅၀ ကျော် ကျန်ရှိနေသေးကြောင်း လက်ကျန်နိုင်ငံရေး အကျဉ်းသားများ စိစစ်ရေးကော်မတီမှ သိရသည်။

အဆိုပါ ပုဒ်မ(၁၈)၊ ပုဒ်မ ၅၀၅(ခ)စသည့် နိုင်ငံရေး ပုဒ်မများဖြင့် အမှုရင်ဆိုင် နေရသူများအား သမ္မတလုပ်ပိုင်ခွင့်ဖြင့် လွှတ်ပေးရန် နှစ်မကုန်မီ သမ္မတထံ မူကြမ်းရေးဆွဲကာ အကြံပြု သွားမည်ဖြစ်ကြောင်း လက်ကျန်နိုင်ငံရေး အကျဉ်းသားများ စိစစ်ရေး ကော်မတီမှ သိရသည်။

ဒီဇင်ဘာ ၁၁ ရက်တွင် အကျဉ်းသား ၄၁ ဦး လွှတ်ပေးခဲ့သော်လည်း အင်းစိန်ထောင်မှ ပြန်လည်လွတ်မြောက်လာသည့် ကိုထင်ကျော်ကို မြောက်ဥက္ကလာပ တရားရုံးက ပုဒ်မ ၅၀၅(ခ)ဖြင့် အာမခံ မပေးသည့်အတွက် အင်းစိန်ထောင်သို့ အဆိုပါနေ့ ညနေပိုင်းတွင် ပြန်လည်ခေါ်ဆောင်သွားကြောင်း သိရသည်။

"အခုလို ဖမ်းလိုက်၊ လွှတ်လိုက် လုပ်နေတာက ဘယ်ဟာအတွက်မှ အလားအလာ မကောင်းဘူး။ အင်မတန်မှ ၀မ်းနည်းစရာ ကောင်းတယ်။ တကယ်ဆိုရင် လွတ်ငြိမ်းချမ်းသာခွင့် ပေးပြီးမှသာလျှင် တရားရေးမဏ္ဍိုင် ယိုင်ယဲ့တာကို ပြင်ဆင်သင့်တယ်။ ပြစ်ဒဏ်နဲ့ ပြစ်မှုမမျှတာတွေ၊ အမျိုးသား ပြန်လည်သင့်မြတ်ရေးအတွက် ခြေလှမ်းစတာတွေ လုပ်ရမှာ ဖြစ်တယ်။ ပုဒ်မ ၁၈၊ ၅၀၅ (ခ)ဆိုတာတွေကို ပြည်ထဲရေးက အသက်သွင်းတာ ဖြစ်တယ်။ ဒီပုဒ်မတွေ ရှိနေသမျှ နိုင်ငံရေး အကျဉ်းသားကတော့ ရှိနေမှာပဲ" ဟု ဒီဇင်ဘာ ၁၁ ရက်တွင် လွတ်မြောက်လာသည့် နိုင်ငံရေးအကျဉ်းသား ကိုစိုးမိုးထွန်းက ပြောကြားသည်။

EMG

Read More

မြန်မာ-တရုတ်နယ်စပ်ရှိ မူဆယ်-ရွှေလီဂိတ်ကို အပြည်ပြည်ဆိုင်ရာ ၀င်/ထွက်ပေါက်အဖြစ် တိုးမြှင့်ဖွင့်လှစ်ရန် ဆောင်ရွက်နေ

Thursday, 12 December 2013


တရုတ်-မြန်မာနယ်စပ် မူဆယ်ရှိ နန်းတော်စစ်ဆေးရေး စခန်းအား တွေ့မြင်ရစဉ်

မြန်မာနိုင်ငံနှင့် ထိုင်းနယ်စပ်များတွင် ၂၀၁၃ ခုနှစ် သြဂုတ် ၂၈ ရက်က ဖွင့်လှစ်ခဲ့သည့် အပြည်ပြည်ဆိုင်ရာ ၀င်/ထွက်ပေါက်များကဲ့သို့ မြန်မာ-တရုတ်နယ်စပ်ရှိ မူဆယ်-ရွှေလီဂိတ်ကိုလည်း အပြည်ပြည်ဆိုင်ရာ ၀င်/ထွက်ပေါက် (International Check-point) အဖြစ် တိုးမြှင့်ဖွင့်လှစ်သွားရန် ဆောင်ရွက်လျက်ရှိကြောင်း လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာနမှ ဒုတိယညွှန်ကြားရေးမှူး ဦးဝင်းကိုက ပြောကြားသည်။

ယင်းကဲ့သို့ ဖွင့်လှစ်ပြီးပါက သက်တမ်းရှိသော နိုင်ငံကူးလက်မှတ် (Valid Passport) နှင့် သက်တမ်းရှိသော ဗီဇာ (Valid Visa) ကိုင်ဆောင်သည့် တရုတ်နိုင်ငံသားများနှင့် တတိယ နိုင်ငံသားများကို ၀င်/ထွက်ခွင့် ပြုသွား မည်ဖြစ်ကြောင်း သိရသည်။

ထို့ပြင် အဆိုပါ တရုတ်နိုင်ငံသားများနှင့် တတိယ နိုင်ငံသားများသည် မြန်မာနိုင်ငံ၏ အပြည်ပြည်ဆိုင်ရာ ၀င်/ထွက်ပေါက် (International Checkpoint) များဖြစ်သည့် တာချီလိတ်၊ မြ၀တီ၊ ထီးခီး၊ ကော့သောင်း ၀င်/ထွက်ပေါက်များနှင့် ရန်ကုန်၊ မန္တလေးနှင့် နေပြည်တော် လေဆိပ်များမှ ၀င်ထွက်ခွင့်များ ရရှိမည်ဖြစ်ကြောင်း သိရသည်။

ပြည်ထောင်စုသမ္မတ မြန်မာနိုင်ငံတော် အစိုးရနှင့် တရုတ်ပြည်သူ့ သမ္မတနိုင်ငံ အစိုးရတို့အကြား နယ်စပ်ဒေသ စီမံခန့်ခွဲရေးနှင့် ပူးပေါင်းဆောင်ရွက်ရေး သဘောတူစာချုပ်ကို ၁၉၉၇ ခုနှစ် မတ် ၂၅ ရက်က ရန်ကုန်မြို့တွင် လက်မှတ်ရေးထိုး ခဲ့ကြခြင်းဖြစ်ကြောင်း၊ အဆိုပါ သဘောတူ စာချုပ်အရ တရားဝင် သတ်မှတ်ထားသည့် ၀င်/ထွက်ပေါက်ရှစ်ခု သတ်မှတ်ခဲ့ကြောင်း သိရသည်။

လက်ရှိကာလ၌ နမ့်ခမ်း-နောင်ဒါအို၊ မူဆယ်-ရွှေလီဂိတ်များတွင် ၀င်/ထွက်ပေါက်များအား နံနက် ၆ နာရီမှ ည ၁၀ နာရီ ၃၀ မိနစ်အထိ ၀င်/ထွက်ခွင့်ပြုလျက်ရှိကြောင်း သိရသည်။

မြန်မာ-တရုတ် နယ်စပ်ဒေသ နှစ်နိုင်ငံသားများအား နယ်စပ်ဖြတ်သန်းခွင့်လက်မှတ် (Border Pass)၊ ယာယီနယ်စပ် ဖြတ်သန်းခွင့်လက်မှတ် (Temporary Border Pass)များဖြင့် ၀င်/ထွက်ခွင့်ပြုလျက် ရှိကြောင်းနှင့် တစ်ကြိမ်လျှင် ခြောက်ညအိပ် ခုနစ်ရက် ၀င်/ထွက်ခွင့်ပြုလျက်ရှိကြောင်း သိရသည်။

မြန်မာ-တရုတ်နယ်စပ်ရှိ တရားဝင် သတ်မှတ်ထားသည့် ၀င်/ထွက်ပေါက်များ

(၁) ကန်ပိုက်တီး - ဟွဂျိုး
(၂) လွယ်ဂျယ် - ကျန်းဖန်
(၃) နမ့်ခမ်း - နောင်ဒါအို
(၄) မူဆယ် - ရွှေလီ
(၅) ကြူကုတ် - ၀မ်တိန်
(၆) ရန်လုံကျိုင်း - နမ့်ဆန်
(၇) ချင်းရွှေဟော် - မန်တိန်း
(၈) မိုင်းလား - တာ့လော်

EMG

Read More

ဒေါ်အောင်ဆန်းစုကြည်ကို ပါတီခေါင်းဆောင် တစ်ယောက်ဟု သဘောမထားဘဲ နိုဗယ်ငြိမ်းချမ်းရေး ဆုရှင်တစ်ဦးအဖြစ် သဘောထား၍ အခြေခံဥပဒေနှင့် ပတ်သက်ပြီး ဆွေးနွေးပေးပါရန် 10D အုပ်စု တောင်းဆို

 Thursday, 12 December 2013


Orchid ဟိုတယ်တွင် ကျင်းပသည့် စာအုပ်မိတ်ဆက်ပွဲ အခမ်းအနားအား တွေ့ရစဉ်

ဒေါ်အောင်ဆန်းစုကြည်ကို သာမန်ပါတီ တစ်ခု၏ ခေါင်းဆောင်တစ်ဦးအဖြစ် မသတ်မှတ်ဘဲ ငြိမ်းချမ်းရေး နိုဗယ်ဆုရှင် တစ်ဦးအဖြစ် သတ်မှတ်၍ ပြည်သူလူထု လိုလားနေသည့် ၂၀၀၈ အခြေခံဥပဒေ ပြင်ဆင်ရေးနှင့် ပတ်သက်ပြီး သမ္မတ၊ ကာကွယ်ရေး ဦးစီးချုပ်၊ လွှတ်တော်ဥက္ကဋ္ဌနှင့် ဒေါ်အောင်ဆန်းစုကြည်တို့လေးဦး တွေ့ဆုံဆွေးနွေးပါရန် ၁၉၉၁ ခုနှစ် ဒီဇင်ဘာ ၁၀ ရက်တွင် ဒေါ်အောင်ဆန်းစုကြည် နိုဗယ်ငြိမ်းချမ်းရေးဆု ရရှိသဖြင့် ရန်ကုန်တက္ကသိုလ်အတွင်း ဂုဏ်ပြုပွဲ ကျင်းပသောကြောင့် ဖမ်းဆီးပြီး ထောင်ဒဏ်နှစ်ရှည် ချခံခဲ့ရသည့် ကျောင်းသားများအုပ်စု (10D) အုပ်စုက ဒီဇင်ဘာ ၁၀ ရက် Orchid ဟိုတယ်၌ ကျင်းပသည့် စာအုပ်မိတ်ဆက်ပွဲတွင် တောင်းဆိုလိုက်သည်။

စာအုပ်မိတ်ဆက်ပွဲတွင် 10D အမှုတွဲ တစ်ဦးဖြစ်သည့် ဦးမြတ်လှိုင်က "၁၉၉၁ ခု ဒီဇင်ဘာ ၁၀ ရက် ဒေါ်အောင်ဆန်းစုကြည်ကို နိုဗယ်ငြိမ်းချမ်းရေးဆု ပေးတဲ့အချိန်မှာ ကျွန်တော်တို့ ကျောင်းသားတွေဟာ စစ်အစိုးရ ၀ါဒဖြန့်နေသလို မဟုတ်ဘူး။ ဒေါ်စုကို အင်နဲ့အားနဲ့ ထောက်ခံတယ်ဆိုတာကို ပြဖို့အတွက် ရန်ကုန်တက္ကသိုလ်၊ စက်မှုတက္ကသိုလ်၊ GTI၊ အထကကျောင်းတွေ အစရှိတဲ့ ကျောင်းသားတွေ စုပြီးတော့ ဆန္ဒပြပွဲ တစ်ခုကို ပြုလုပ်ခဲ့တဲ့အတွက် လူပေါင်းထောင်နဲ့ချီ အဖမ်းခံရ၊ စစ်ကြောရေး စခန်းတွေ ရောက်ဖြစ်ကြရတယ်။ နောက်ဆုံးမှာ လူငယ် ၂၀၀ ကျော် ထောင်ကျခဲ့ပြီး အနည်းဆုံး ထောင်ကျတဲ့လူက ၁၀ နှစ်၊ အများဆုံး တစ်သက်တစ်ကျွန်း ကျခံခဲ့ကြရပါတယ်။ အဲဒါက ဒီမိုကရေစီရေးအတွက် ကြိုးပမ်းခဲ့ကြတာပါ။ အခုလည်း မြန်မာပြည်မှာ စစ်မှန်တဲ့ ဒီမိုကရေစီရဖို့ ဒေါ်အောင်ဆန်းစုကြည် အပါအ၀င် နိုင်ငံကို ဦးဆောင်နေတဲ့ လူလေးဦး တွေ့ဆုံဆွေးနွေးမှသာလျှင် ရရှိမှာ ဖြစ်ပါတယ်။ အခြေခံဥပဒေကို ပြင်ဆင်နိုင်မှသာလျှင် စစ်မှန်တဲ့ ပြည်တွင်းငြိမ်းချမ်းရေး ရမှာဖြစ်လို့ ဒေါ်အောင်ဆန်းစုကြည်နဲ့ သမ္မတ၊ ကာချုပ်၊ လွှတ်တော်ဥက္ကဋ္ဌ လေးဦးတွေ့ဆုံရပါမယ်။ ဒေါ်အောင်ဆန်းစုကြည်ကို နိုဗယ်ငြိမ်းချမ်းရေး ဆုရှင်တစ်ဦးအဖြစ်နဲ့ တွေ့ဆုံဖို့ ကျွန်တော်တို့ တိုက်တွန်းပါတယ်" ဟု ပြောကြားလိုက်ပြီး ဆက်လက်၍ ထိုတွေ့ဆုံမှုမျိုး ဖြစ်ပေါ်လာစေရန်အတွက် တွန်းအားပေးသွားမည် ဖြစ်သည်ဟုလည်း ပြောကြားသည်။

ထို့ပြင် ပြည်တွင်းငြိမ်းချမ်းရေးအတွက် တိုင်းရင်းသားများနှင့် ဆွေးနွေးသည့် ပွဲများတွင် ဒေါ်အောင်ဆန်းစုကြည် ကမ်းလှမ်းချက်ကို လက်ခံပြီး ဒေါ်အောင်ဆန်းစုကြည်အား ထည့်သွင်းဆွေးနွေးခွင့် ပြုပါရန်လည်း တောင်းဆိုလိုက်သည်ဟု ပြောကြားခဲ့သည်။

ထို့ပြင် အမျိုးသားလွှတ်တော် ကိုယ်စားလှယ် ဦးသိမ်းဆွေကလည်း 10D အမှုတွင် ၎င်းအနေနှင့် ထောင်ဒဏ်ချမှတ် ခံခဲ့ရသူ ဖြစ်ပြီး ယခုအခါ ဒီမိုကရေစီ အရေးအတွက် ကြိုးစားဆောင်ရွက်နေကြောင်းနှင့် နိုင်ငံတကာနှင့် ရင်ပေါင်တန်းနိုင်သည့် မြန်မာပြည်သူများ ဖြစ်စေချင်သည့် ဆန္ဒရှိကြောင်း ပြောကြားလိုက်ပြီး ထိုသို့ ဒီမိုကရေစီ အခွင့်အရေး အပြည့်အ၀ရှိသည့် ပြည်သူများ ဖြစ်စေရန်အတွက် ၂၀၀၈ အခြေခံဥပဒေကို ပြင်ဆင်ရန် လိုအပ်သည်ဟု ပြောကြားလိုက်သည်။

ထို့ပြင် NLD ပါတီမှ နာယက တစ်ဦးဖြစ်သူ ဦးတင်ဦးကလည်း ၎င်းတို့အကျဉ်းထောင် အတွင်းရှိစဉ် ၁၉၉၁ ကျောင်းသားလှုပ်ရှားမှုအကြောင်း ကြားရချိန်တွင် အင်အားတစ်ခု ဖြစ်ခဲ့သည်ဟု ပြောကြားလိုက်ပြီး ယခုအချိန်တွင် ရေပန်းစားနေသည့် ၂၀၀၈ ဖွဲ့စည်းပုံ အခြေခံနှင့် ပတ်သက်ပြီး ဆက်လက်လှုပ်ရှားနေမှု၊ ကျောင်းသားများ၏ အင်အားဖြင့် ပြည်တွင်းငြိမ်းချမ်းရေး တည်ဆောက်ရန် အတွက်လည်း အားတစ်ခုဖြစ်ကြောင်း ပြောကြားခဲ့သည်။ ထိုပွဲသို့ ဦးဝင်းတင်လည်း တက်ရောက်ခဲ့ပြီး ကျန်းမာရေး မကောင်းသည့်ကြားမှ မိန့်ခွန်းပြောကြားခဲ့သည်။

၁၉၉၁ ခုနှစ်က ဒေါ်အောင်ဆန်းစုကြည် နိုဗယ်ငြိမ်းချမ်းရေးဆု ရရှိခဲ့သဖြင့် နိုဗယ်ဆုပေးသည့် ဒီဇင်ဘာ ၁၀ ရက်တွင် ရန်ကုန်တက္ကသိုလ်၊ စက်မှုတက္ကသိုလ်၊ လှိုင်နယ်မြေတို့တွင် ကျောင်းသားဆန္ဒပြပွဲများ ကျင်းပကာ ဖမ်းဆီးထားသည့် ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားများအား လွှတ်ပေးရန်၊ ကျောင်းသားသမဂ္ဂ ဖွဲ့စည်းခွင့်ပေးရန် တောင်းဆိုခဲ့ကြသည်။

EMG

Read More

(၂၇) ကြိမ်မြောက် အရှေ့တောင်အာရှ အားကစားပြိုင်ပွဲ ဖွင့်ပွဲအခမ်းအနား နေပြည်တော်တွင် ကျင်းပ

 Thursday, 12 December 2013


ဒီဇင်ဘာ ၁၁ ရက် ညနေပိုင်းက နေပြည်တော် ၀ဏ္ဏသိဒ္ဓိ အားကစားကွင်းအတွင်း ဖွင့်ပွဲအခမ်းအနား ကျင်းပစဉ်မြင်ကွင်း (ဓာတ်ပုံ- ညီညီစိုးညွန့်)

နှစ်ပေါင်း ၄၄ နှစ်အကြာတွင် မြန်မာနိုင်ငံ၌ အိမ်ရှင်အဖြစ် ပြန်လည်ကျင်းပခွင့် ရရှိခဲ့သည့် ဆီးဂိမ်းစ်ပြိုင်ပွဲ ဖွင့်ပွဲအခမ်းအနားကို ဒီဇင်ဘာ ၁၁ ရက်က နေပြည်တော်ရှိ ၀ဏ္ဏသိဒ္ဓိ ဘောလုံးကွင်းတွင် ကျင်းပခဲ့ကြောင်း သိရသည်။



ဖွင့်ပွဲအခမ်းအနားတွင် ပါဝင်တင်ဆက်နေသည့် လူငယ်မောင်မယ်များ (ဓာတ်ပုံ - အောင်ဇော်ထွန်း)

ဖွင့်ပွဲအခမ်းအနား ကျင်းပမည့် နံနက်ပိုင်းတွင် ဆီးဂိမ်းစ်မီးရှူးတိုင်ကို ရန်ကုန်မြို့ အမျိုးသား အားကစားပြိုင်ပွဲရုံ (၁) သုဝဏ္ဏမှ ပါရမီ လမ်းဆုံအထိ၊ နေပြည်တော် မြို့တော်ခန်းမမှ ၀ဏ္ဏသိဒ္ဓိ ဘောလုံးကွင်းအထိ နိုင်ငံ့ဂုဏ်ဆောင် လက်ရွေးစင် ကစားသမားဟောင်း ၇၀ ကျော်က လက်ဆင့်ကမ်း သယ်ဆောင်ခဲ့ကြသည်။ ညနေ ၆ နာရီတွင် ဖွင့်ပွဲအခမ်းအနားကို လူအင်အား ၉၀၀၀ ကျော်ဖြင့် စည်ကားသိုက်မြိုက်စွာ စတင်ကျင်းပခဲ့ပြီး ဖျော်ဖြေရေး အစီအစဉ်များ၊ တေးသရုပ်ဖော် အစီအစဉ်များလည်း ပါဝင်ခဲ့သည်။ ယင်းအခမ်းအနားသို့ နိုင်ငံတော်သမ္မတ ဦးသိန်းစိန်နှင့်ဇနီး၊ ဒုတိယသမ္မတနှင့် ဦးဥာဏ်ထွန်း၊ လွှတ်တော်ဥက္ကဋ္ဌများနှင့် ဒေသတွင်းနိုင်ငံများမှ တာဝန်ရှိသူများလည်း တက်ရောက်အားပေး ခဲ့ကြသည်။ အခမ်းအနား မစတင်မီ ဖျော်ဖြေရေး အစီအစဉ်တွင် နိုင်ငံကျော် တေးသံရှင်များဖြစ်သည့် မြန်မာပြည်သိန်းတန်၊ ဇော်ဝင်းထွဋ်၊ ဖြိုးကြီး+ယုဇန၊ ထူးအယ်လင်း+ဆုန်သင်းပါရ်၊ စောခူဆဲ၊ ဖြူဖြူကျော်သိန်း၊ မေခလာတို့က တေးသီချင်းများဖြင့် ဖျော်ဖြေခဲ့ကြပြီး လက်ရွေးစင် ကစားသမားဟောင်းများ သယ်ဆောင်လာသည့် မီးရှူးတိုင်ကို မြားပစ်ထွန်းညှိကာ ဖွင့်လှစ်ခဲ့သည်။



မြန်မာ့စောင်း၊ မြန်မာ့ဆိုင်းဝိုင်းတို့ဖြင့် ဖျော်ဖြေတင်ဆက်နေစဉ် (Photo:AFP)

ထို့နောက် ပြိုင်ပွဲဝင်နိုင်ငံများမှ အားကစားသမားများနှင့် တာဝန်ရှိသူများက ပရိသတ်များကို နှုတ်ဆက်ပြီး မြန်မာအားကစား အဖွဲ့၏ အလံကို ပိုက်ကျော်ခြင်း ကစားသမား အောင်ချိုမြင့်က ကိုင်ဆောင်ခဲ့ကြောင်း သိရသည်။ ယင်းနောက် "အမျိုးသား အမွေအနှစ် မဟာပုဂံ"၊ "ပွဲဦး အလင်္ကာ"၊ "ရွှေနိုင်ငံက ကြိုနေမယ်"၊ "သွေးချင်းတို့ဌာနေ မြန်မာပြည်"၊ "အနာဂတ် ကမ္ဘာမြေ"၊ "တို့မြန်မာ့ခြင်းလုံး"၊ "ပြည်ထောင်စုကြီးတို့ရဲ့ မြန်မာ" စသည့် တေးသရုပ်ဖော်ပြကွက်များကို ထူးခြားသော အပြင်အဆင်များဖြင့် ဖျော်ဖြေတင်ဆက်ခဲ့သလို ခေတ်ပေါ်တေးသီချင်းများဖြင့်လည်း ဆက်လက်တင်ဆက်ခဲ့ကြောင်း သိရသည်။ စုစုပေါင်း အခမ်းအနား ကျင်းပချိန် သုံးနာရီကျော် ကြာမြင့်ခဲ့သည်။



ဝဏ္ဏသိဒ္ဓိ အားကစားကွင်းအတွင်း ဖွင့်ပွဲအခမ်းအနားတွင် မီးရှူးမီးပန်းများဖောက်၍ ဖွင့်လှစ်နေသည်ကို ကွင်းပြင်ပမှ တွေ့ရစဉ် (ဓာတ်ပုံ - သက်ထွန်းအောင်)





ဒေသတွင်းနိုင်ငံများ၏ အလံများနှင့် ဖျော်ဖြေတင်ဆက်နေစဉ် (ဓာတ်ပုံ - စိုးညွန့်)

Read More