သုတ်နှင့် သုတ်ရည်

အမျိုးသားလိင်အင်္ဂါက ထွက်လာတဲ့ အကြည်ရောင် ချောကျိကျိ အရည်မှာ သုက်ပိုးပါပါသလား။ ပါမယ်ဆိုရင် ဘယ်လောက် ရာခိုင်နှုန်းအထိ ပါတတ်ပါသလဲ။ အဆိုပါ အကြည်ရောင် အရည်ကြောင့် ကိုယ်ဝန် ရသွားနိုင်တဲ့ ဖြစ်ရပ်ကော သုတေသန ရှိပါသလား။

ယောက်ျား တယောက်ဟာ Sexually stimulated လိင်စိတ်ကြွလာတာနဲ့ Seminal vesicles နဲ့ Prostate gland တွေကနေ Seminal fluid အရည်ထွက်လာ တယ်။ အရည်ဆိုတာထဲမှာ Sperm သုတ်ပိုး ရောနေနိုင်တယ်။ (ပညာပိုင်း အခေါ်ဝေါ်တွေကို နောက်မှာ ရေးထားပါတယ်။)
Semen ကိုလဲ သုတ်ရည်လို့ ခြုံခေါ်နေကြတာ များတယ်။ ဆေးပညာ တတ်သိသူတွေကပါ သုံးနှုန်းကြတယ်။ Bulbourethral Glands တွေကနေ ထုတ်ပေးတဲ့ အချွဲရည်ဟာ Lubrication လိင်ဆက်ဆံတဲ့အခါ အသုံးဝင်တဲ့ ချောဆီ သဘော ဖြစ်တယ်။ တိတိကျကျ ပြောရရင် Semen ဆိုတာ Sperm မပါတဲ့ အရည်သာ ဖြစ်တယ်။ အဲဒီ အရည်ဟာ သုတ်မလွှတ်ခင် ထွက်တာမို့ Pre-ejaculate ကနဦး-အရည်လို့ ခေါ်မှ မှန်တယ်။

Spermatozoa သုတ်ပိုး ပါတာကိုသာ Sperm ခေါ်သင့်တယ်။ Semen အရည်ထဲမှာ Sperm cells က ထုထည် ၂-၅% သာပါတယ်။ သုတ်ပိုးရဲ့ Head ခေါင်းပိုင်းမှာ DNA ပါတယ်။ (ဒီအင်န်အေ) ဆိုတာ လူရဲ့ Blueprint ဗီဇ ဘဲ။ အရည် သန့်သန့်က ဗီဇမပါလို့ သန္ဓေ မရစေနိုင်ဘူး။ သူက သုတ်ပိုးတွေကို အကာကွယ်ပေးတယ်။ လှုတ်ရှားစေနိုင်တယ်။ တခြား နေရာဆီကို သွားနိုင်ဘို့ သယ်ပို့ ပေးတယ်။
Sperm cells သုတ် (ဆဲလ်) တွေဟာ Egg cell မ-မျိုးဥ (ဆဲလ်) နဲ့ အဆက်ရတာနဲ့ လျင်မြန် သွက်လက် လာကြတယ်။ ကိုယ်ခန္ဓာမှာ ရှိတဲ့ တခြား (ဆဲလ်) တွေနဲ့ မတူတာက Chromosome (ခရိုမိုဇုန်း) အရေအတွက်ဟာ တဝက်သာ ရှိတာမို့ Haploid လို့ ခေါ်တယ်။

သုတ်ပိုးမပါတဲ့ အရည်ကနေ (သီအိုရီ) အရ ကိုယ်ဝန် မရစေနိုင်ပါ။ ဒါ့ကြောင့် ပဋိသန္ဓေ တားနည်းတွေထဲမှာ Withdrawl method သုတ်ရည် အပြင်ထုတ်ပြစ်နည်း ဆိုတာပါတယ်။ ဒါပေမဲ့ ဒီနည်းကနေ ၁၅-၂၈% ကိုယ်ဝန် ရနိုင်တယ်။ ဘာလို့လဲ။ လိင်ဆက်ဆံနေတုံးမှာ အချိန်ကြာအောင် စိတ်ကို ထိန်းကြတယ်။ ကြိုးစားနိုင်သူ လူတော်ဘဲ။ ခက်တာက သုတ်ရည် အကုန် ပန်းမထွက်အောင် စွမ်းဆောင်နိုင်ပေမဲ့ တစက် (အမှန်က တစက်တောင်မှ မရှိပါ။) ဖြစ်ဖြစ် ထွက်လာနိုင်တယ်။ တကယ့် Orgasm (အော်ဂဇင်) ကို ထိန်းလို့တော့ ရပါရဲ့ သုတ်ပိုး အရေအတွက် သိန်းနဲ့၊ သန်းနဲ့ ပါနေမယ်။
Sympathetic nerves (ဆင်ပသက်တစ်) အာရုံကြောတွေကနေ လိင်ဆန္ဒ ပြည့်ဝချိန်မှာ Ejaculation သုတ်လွှတ်တာ လုပ်ပေးတယ်။ သုတ်လွှတ်လိုက်ရင် Prostate gland ဆီးကျိတ် နဲ့ Seminal vesicles အိတ်တွေကနေ အရည်တွေ ပိုထုတ်ပေးလာတယ်။ Orgasm လိင်ဆန္ဒ ပြည့်ဝချိန် ကြာလေလေ အရည်များ လေလေ။ အသက်ငယ်သူတွေမှာ ပိုများတယ်။ လူ ၃ဝ ကို စမ်းသပ်တာ ပျမ်းမျှ သုတ်ရည် ထုထည် 3.4 ml ရှိကြတာ တွေ့ရတယ်။ အများဆုံး 4.99 ml နဲ့ အနည်းဆုံး 2.3 ml ရှိတယ်။ သုတ်ပိုးပေါင်း 100 to 600 million ပါနေမယ်။

လူတယောက်မှာ Sperm ထုတ်နိုင်စွမ်းက သိပ်မပြောင်းလဲတတ်ပေမဲ့ Semen အရည်ကတော့ အစားအသောက်ကြောင့် ဖြစ်ဖြစ် နည်းနိုင်တယ်၊ များနိုင်တယ်။ ဆွီဒင် နဲ့ ဒိန်းမတ် လေ့လာမှုတခုကတော့ အချိန် ကြာကြာ လိင်ဆက်ဆံတာက Sperm count သုတ်ပိုး ပိုများတယ်။ Semen ထုထည်ကတော့ ပိုမများဘူးတဲ့။

Semen ဘယ်ကလာသလဲ၊ နေရာ ၄ ခုကနေလာတယ်။
1. Seminal vesicle = 65-75% (Seminal vesicles ဆိုတာ နာမယ်ကိုက Semen ထုတ်တဲ့ အဓိပ္ပါယ်ပါတယ်။ ဆီးအိမ် နောက်နား-အောက်နားမှာ အတက် ကလေးတွေလို ရှိတယ်။)
2. Prostate = 25-30% (ဆီးကျိတ်က ယောက်ျားမှာသာ ရှိတယ်။ ဆီးအိမ်အောက်မှာ ကပ်နေတယ်။ သူ့ထဲမှာ ကြည်တဲ့အရည်ကိုပါ လှောင်ထားတယ်။)
3. Testes = 2-5% (ကျား-အစိ ကနေ Sperm သုတ် နဲ့ ကျားဟော်မုန်း Testosterone ကိုလဲ ထုတ်ပေးတယ်။)
4. Bulbourethral glands = < 1% (ဆီးကျိတ်နောက်မှာ ပဲစေ့လောက်၊ Urethra ဆီးသွားပြွန် တဖက်တချက်မှာ ရှိကြတယ်။)

ကျား-အစိနောက်မှာ Epididymis ဆိုတာ ရှိတယ်။ ရှေးခေတ် ဂရိ-စစ်သား ဆောင်း (ဟဲလ်မက်) နဲ့ ဆင်တယ်။ ပေ ၂ဝ လောက် ရှည်ပေမဲ့ နေရာ ကျဉ်းကျဉ်း လေးမှာ ခွေနေလို့ သုတ်ပိုးတွေ များများ လှောင်ထားနိုင်တယ်၊ ကြီးရင့်လာဘို့ အချိန် ရစေတယ်။ ထိရင်-ကိုင်ရင် နာမယ်၊ ပိုးဝင်ရင်လဲ ရောင်တယ်။ အဲဒါ ရောင်တာကို Epididymitis ခေါ်တယ်။ အစိပါရောင်ရင် Epididymo-orchitis ခေါ်တယ်။ ကလေး၊ လူကြီး ဖြစ်တယ်။ Antibiotic ဆေးပေးရတယ်။ ဆေးမကုဘဲ ထားရင် Sterility ကလေးအဖေ မဖြစ်နိုင်ဘူး။

လိင်ဆက်ဆံလို့ ဖြစ်ဖြစ်၊ ဖါသာ-အာသာ ဖြေလို့ ဖြစ်ဖြစ် လိင်ဆန္ဒ ပြည့်ဝသွားချိန်မှာ ၃ဝ စင်တီမီတာလောက် ရှည်တဲ့ Vas deferens (Ductus deferens) ကိုဖြတ်ပြီး လိင်တံထိပ်ဖျားကနေ သုတ်ရည် ထွက်တာကို Ejaculation သုတ်လွှတ်တယ် လို့ ခေါ်တယ်။ ဒီအကြောနဲ့ ဘေးမှာကပ်နေတာလေးတွေကို Spermatic cord လို့ ခေါ်ပြီး၊ ယောက်ျားတွေ ကလေး မရစေအောင် ဖြစ်ပြစ်ရတာကို Vasectomy ခေါ်တယ်။

• သုတ်လွှတ်ပြီးတဲ့နောက် Semen ဟာ ခဲလာတယ်။ (ဂျယ်လီ) လို ဖြစ်လာတယ်။ ၃ဝ မိနစ်လောက် ကြာရင် အရေပျော်လာမယ်။ ဒီဖြစ်စဉ်ဟာ မျိုးပွါးဘို့မှာ အရေးပါတယ်။
• Semen သုတ်ရည်က (အယ်လ်ကာလိုင်း) ဖြစ်တယ်။ ထူးဆန်းတာက အမျိုးသမီး (ဗဂျိုင်းနား) ဟာ အက်စစ်ဓါတ် ရှိတယ်။ Spermicide သုတ်ပိုး သေဆေး တွေကလဲ အက်စစ်ဓါတ် ရှိတယ်။
• Sperm စစ်စစ်မှာ အရသာ မရှိဘူး။ Seminal fluid အရည်ကတော့ ချိုနိုင်တယ်၊ ခါးနိုင်တယ်။ တချို့မှာ ငန်တယ်။ အစားသောက်ပေါ် မူတည်တယ်။ အသား စားရင် ခါးပြီး၊ သက်သတ်လွတ်ဆိုရင် ချိုတယ်။ ချိုရတာက Fructose သကြားဓါတ်ကြောင့် ဖြစ်တယ်။
• Semen ဆိုတာ အများအားဖြင့် အဖြူရောင်၊ မီးခိုးရောင်၊ သွေးပါနေရင် ပန်းရောင် ဖြစ်တယ်။ ဝါတာ၊ စိမ်းတာ ဆိုရင် Infection ပိုးဝင်တာ ဖြစ်နိုင်တယ်။ များသောအားဖြင့် (ဂနိုးရီးယား) လို လိင်ကတဆင့်ကူးစက်ရောဂါ STD ကြောင့် ဖြစ်နိုင်တယ်။
• ပုံမှန်က Chlorine smell (ကလိုရင်း) အနံ့ ရှိတယ်။ Foul-Smelling အနံ့ဆိုးနေရင် ပိုးဝင်နေလို့ဘဲ။
• Dehydration ရေဓါတ် နည်းနေသူမှာ သုတ်က ပျစ်နေလိမ့်မယ်။ Testosterone နည်းလွန်းနေသူတွေမှာ အမြဲ အဲလိုပျစ်နေတယ်။

၁၉၉၂ World Health Organization (ရီပို့တ်) တခုအရ ပုံမှန် သုတ်ရည်ဆိုတာ -
1. တကြိမ် သုတ်လွှတ်ရင် 2 ml အနည်းဆုံး ရှိရမယ်။
2. pH က 7.2 ကနေ 8.0 ရှိရမယ်။
3. Sperm concentration သုတ်ပိုး အနည်းဆုံး 20x106 spermatozoa/ml နဲ့ တခါသုတ်လွှတ်ရင် အနည်းဆုံး 40x106 spermatozoa/ml ရှိရမယ်။
4. အနည်းဆုံး 50% ဟာ Forward progression ရှေ့ကို ဦးတည်သွားလာနိုင်စွမ်း ရှိရမယ်။
5. အနည်းဆုံး 25% ဟာ သုတ်လွှတ်ပြီးနောက် မိနစ် ၆ဝ အတွင်းမှာ Rapid progression သွက်သွက်လက်လက် ရှေ့ဘက်ဆီ လှုတ်ရှားနိုင်ရမယ်။
ယောက်ျား မျိုးပွါးစနစ်မှာ ဦးနှောက်၊ လိင်အင်္ဂါတွေနဲ့ ဟော်မုန်းတွေ ပေါင်းစုပြီး အလုပ်လုပ်ပေးကြတယ်။

• ဦးနှောက်ထဲက Hypothalamus (ဟိုက်ပိုသဲလ်မတ်စ်) ကနေ Gonadotropin-Releasing Hormone (GnRH) ဟော်မုန်းတွေကို ဦးနှောက်ထဲမှာဘဲ ရှိတဲ့ Pituitary gland (ပစ်ကျူထရီ) အိတ်ထဲကို ထုတ်ပေးတယ်။ Luteinizing Hormone (LH) နဲ့ Follicle-Stimulating Hormone (FSH) ဟော်မုန်း ၂ မျိုး ဖြစ်တယ်။
• LH ကြောင့် ကျား-အစိကနေ Testosterone (တက်စ်တိုစတီရုံး) ထွက်စေတယ်။ FSH ကို အကူအညီ ပေးလို့ ကျား-အစိထဲက Seminiferous tubules ပြွန်သေးလေးတွေကနေ နုသေးတဲ့ Sperm တွေကို ရင့်ကျက်စေတယ်။ Testosterone ကို ကျား-ဟော်မုန်းလဲ ခေါ်တယ်၊ Androgen လဲ ခေါ်တယ်။ သုတ်ပိုး ထုတ်တာမှာ မရှိမဖြစ်ပါ။
• သုတ်ပိုးတွေဟာ ကျား-အစိထဲက Seminiferous tubules နံရံတွေမှာ ဖြစ်တယ်။ Epididymis ထဲမှာ နုသေးတဲ့ သုတ်ပိုးတွေ နေကြတယ်။ သုတ်ပိုးတွေဟာ နုရာကနေ ရင့်ကျက်လာဘို့ ၉-၁ဝ ပါတ် အချိန်ယူတယ်။

သုတ်လွှတ်ရင် Epididymis ရဲ့အမြီးပိုင်းကနေ တနာရီ မိုင် ၇ဝ နှုန်းလောက် အရှိန်နဲ့ Ductus deferens ပြွန်ထဲကို ထွက်လာကြတယ်။ ဆက်ပြီး Spermatic cord အကြောထဲ ရောက်မယ်။ Vas deferens ဟာ Seminal vesicle နဲ့ ပေါင်းပြီး Ejaculatory duct ထုတ်ပြွန် ဖြစ်စေတယ်။ သူက Prostate ဆီးကျိတ်နဲ့ Urethra ဆီးပြွန်ထဲကို ပွင့်နေတယ်။ ကျား-အစိကနေ သုတ်ထွက်တာနဲ့ ကြွက်သား အလုပ်လာတယ်။ အချက်ကျကျ ကြွက်သားတွေ ညှစ်လို့မို့ သုတ်ရည်ကို ရှေ့ဆက် တိုးထွက်လာစေတော့တယ်။

သုတ်ရည်ကနေ သယ်ဆောင်ပေးနိုင်တဲ့ ရောဂါတွေထဲမှာ AIDS လဲပါတယ်။ Semen allergy သုတ်ရည်နဲ့ မတဲ့သူတွေလဲ အနည်းအပါး ရှိတယ်။ သုတ်ရည် ထိတာနဲ့ ဗဂျိုင်းနား ယားမယ်၊ ရောင်မယ်၊ နီရဲလာမယ်။ ပိုဆိုးသူတွေက တကိုယ်လုံးမှာ အဲလို ဖြစ်တတ်တယ်။ (ကွန်ဒွမ်) သုံးရင် ရပါတယ်။ ယောက်ျားတွေမှာလဲ သုတ်လွှတ်ပြီး၊ တုပ်ကွေးလို ခံစားရသူတွေလဲ ရှားရှားပါးပါး ရှိတယ်။ Post orgasmic illness syndrome or POIS လို့ ခေါ်တယ်။

သုတ်ရည်ရဲ့ တခြားကောင်းကျိုးတွေလဲ ရှိပါတယ်။ စိတ်ကျရောဂါ ခံစားနေရသူ အမျိုးသမီးတွေဟာ သုတ်ရည်ကြောင့် စိတ်သက်သာ ရစေလို့ Antidepressant သတ္တိရှိတယ်။ ကောလိပ်-ကျောင်းသူ ၂၉၃ ယောက်ကို သုတေသနတခု လုပ်တယ်။ ဆက်ဆံတဲ့အခါ (ကွန်ဒွမ်) မသုံးတဲ့ မိန်းကလေးတွေဟာ လက်ရှိ အဖေါ် ယောက်ျားနဲ့ ခွါပြဲသွားရင် နောက် အသစ်တယောက်ကို မကြာမတင် ရှာချင်တာ တွေ့ရတယ်။ သိပ္ပံသမားတွေက သုတ်ရည်ကို Chemical dependency ဆေးစွဲ သလို Rebound effect ဖြစ်တယ်လို့ ကောက်ချက် ချတယ်။ ဒီလို မိန်းကလေးတွေက ဒီအကျင့်မျိုး ရှိနေတာကိုးလို့ အရပ်စကား ပြောကြမှာဘဲ။

လိင်ဆက်ဆံရာမှာ ပါးစပ်ကို သုံးတာကို Fellatio ခေါ်တယ်။ လက်တင်လို Suck ကနေ လာတာပါ။ တချို့က Semen ingestion သုတ်ရည် မျိုချတဲ့ အကျင့်ရှိတယ်။ St. Priapus Church မှာ လူရှေ့သူ့ရှေ့ သုတ်ရည် သောက်သုံးတာကို ကိုးကွယ်မှု တခုလို့ ယူဆတယ်။ အာဟာရဓါတ်တော့ မရှိသလောက်ပါ။ ရေသာများတယ်၊ Potassium, Magnesium, Selenium, Copper and Zinc ဓါတ်ဆားတွေ ပါတယ်။ 150 mg (ပရိုတင်း)၊ 11 mg ကာဗွန်ဟိုန်ဒရိတ်၊ 6 mg အဆီ နဲ့ 3 mg (ကိုလက်စထော) တွေပါတယ်။

သုတ်ကို ပါးစပ်က မျိုချတာမှာ Health risks ကျန်းမာရေးအရ ဘာဖြစ်နိုင်သလဲ။ အန္တရာယ် မရှိလှပါ။ အမျိုးသမီး ပါးစပ်မှာ အနာအဆာ ရှိမှသာ HIV နဲ့ Herpes ရေယုံပိုးတွေ ဝင်နိုင်တယ်။ ယောက်ျားမှာ Human papillomavirus (HPV) ကြွက်နို့ ဗိုင်းရပ်စ် ရှိနေရင် Oral or Throat cancer ခံတွင်းနဲ့ လည်ချောင်း ကင်ဆာ တွေ ဖြစ်နိုင်ခြေ ပိုများနိုင်တယ်။

ခေတ်ဟောင်း ပညာရှင် Aristotle ကလဲ ဆိုခဲ့သေးတယ်။ “သုတ်ရည်ဆိုတာ အစာအဟာရထဲက ကောင်းပေ့ ဆိုတာကနေ ရတာ” တဲ့။ ခေတ်သစ် လှို့ဝှက်-ထောက်လှမ်းရေးမှာ သုတ်ရည်ဟာ Invisible ink မမြင်နိုင်တဲ့ မင်လို သုံးနိုင်တယ်။

ယဉ်ကျေးမှု မတူတာတွေမှာ မတူတဲ့အမြင်တွေ ရှိကြတယ်။ ဗမာတွေက “ချွေးထွက် များမှ သွေးထွက် နည်းမယ်” လို့ ပြောကြတယ်။ တရုတ်-စကားပုံတခုကတော့ “သုတ်တစက်ဟာ သွေးဆယ်စက်နဲ့ ညီတယ်” တဲ့။ “ကျောက်မျက်ရတနာ Gemstones တွေဟာ Drops of divine semen ဘုရားသခင်ကပေးတဲ့ သုတ်ရည် Celestial Dragon နဂါးမင်းက ဆင်းသက်တာလို့ ယုံကြည်ကြတယ်။

ယောက်ျားတွေဟာ ဒို့မှာသာ ဒါလုပ်နိုင်တယ်လို့ အတင်း ဂုဏ်ယူချင် မနေကြပါနဲ့။ ရိုးရာ ရုရှား-ဆေးပညာကဆိုတာ မှန်တယ်။ “သုတ်ရည်ဆိုတာ ယောက်ျား နဲ့ မိန်မ အကြား ဆန်းပြားလှတဲ့ ဇီဝကမ္မဖြစ်စဉ်ရဲ့ ရလဒ်တခု ဖြစ်တယ်” တဲ့။ အနည်းဆုံး စိတ်ကူးထဲ၊ အိပ်မက်ထဲမှာ မိန်းမ ပါမှသာ သုတ်ရည်ဆိုတာ ထွက်လာနိုင်ပါတယ်။

FROM-DR TINT SWE

Read More

ဘယ်နိုင်ငံခြားသားကိုမျှ မြန်မာ့သမ္မတ အိမ်တော်မှာ တော်ဝင်မိသားစုအဖြစ် နေထိုင်မှာကို ခွင့်မပြုနိုင်ဘူး။

 

 

ဒေါ်အောင်ဆန်းစုကြည်ရဲ့ ဥရောပခရီးစဉ်နဲ့ ပတ်သက်ပြီး ကျွန်တော့်အမြင်လေးတွေကို ပြောချင်ပါတယ်။ ပုဂ္ဂလအမြင်နဲ့ ခံစားချက် ဖြစ်တဲ့အတွက် မှားကောင်းမှားမယ်ဆိုတာ ၀န်ခံလိုပါတယ်။ အခြားသူများရဲ့ အမြင်၊ အတွေးတွေကိုလည်း ၀မ်းမြောက်ဝမ်းသာ ကြိုဆိုလျက်ပါ။

ပထမဆုံး ချီးကျူးစကားနဲ့ စတင်ချင်ပါတယ်။ လူတစ်ယောက်ကို မကောင်းပြောရမှာ ထက် ကောင်းတဲ့ အချက်၊ ချီးကျူးရမယ့်အချက်ကို ကျွန်တော်ပိုပြီး နှစ်သက်ပါတယ်။ ဒေါ်စုနဲ့ ပြုလုပ်ခဲ့သမျှ အင်တာဗျူးတွေ မှာ မြန်မာ့နိုင်ငံရေး အခြေအနေတွေနဲ့ ပတ်သက်လို့ ဒေါ်စု ဖြေခဲ့သမျှတွေကို ချီးကျူးပါတယ်။ တော်ပါပေ တယ်၊ ဖြေတတ်ပါပေတယ်၊ ပညာပါလှပေတယ်လို့လည်း အသိအမှတ် ပြုပါတယ်။ အဲဒီမေးခွန်းတွေနဲ့ အလားသဏ္ဌာန်တူတဲ့ မေးခွန်းပေါင်းများစွာကို လက်ရှိ မြန်မာ့နိုင်ငံရေးမှာ ပါဝင်ကျင်လည်နေကြတဲ့ ပုဂ္ဂိုလ်တွေ အများစု ဖြေဖူးကြပါတယ်။ ဒါပေမယ့် ဘယ်အဖြေကမျှ ဒေါ်စုရဲ့ အဖြေလောက် ပညာသားမပါ သလို၊ တစ်ဖက်မေးသူကိုလည်း အကြပ်မရိုက်စေပါဘူး။ အဲဒီအတွက် ဒေါ်စုကို လှိုက်လှိုက်လှဲလှဲ ချီးကျူးပါ ရစေ။ ဒေါ်စု တော်ပါတယ်။

ချီးကျူးတာနဲ့ စပြီး နောက်ထပ်ပြောမှာတွေက ဝေဖန်သလို ဖြစ်နေလေတော့ ဒါတွေ ရေးချင်တဲ့အတွက် ဟန်လုပ်ပြီး ချီးကျူးခဲ့ရသလို ဖြစ်မှာကိုလည်း စိုးရိမ်မိတာ အမှန်ပါ။ ဒါပေမယ့် ကျွန်တော့်လိပ်ပြာ ကျွန်တော်ယုံတဲ့အတွက် ပွင့်လင်းစွာပဲ ရေးသားဝေဖန်ပါရစေ။ မြန်မာ့နိုင်ငံရေးနဲ့ ပတ်သက်ပြီး ဒေါ်စု ရဲ့ ဝေဖန်ထောက်ပြမှုတွေဟာ အင်မတန်မှ မှန်ကန်သလို၊ ပညာသား ပါလှပါတယ်။ ဒါပေမယ့် အဲဒီဝေဖန် မှုတွေကို ပြည်တွင်းမှာ မပြောဆိုဘဲ ဘာဖြစ်လို့ ပြည်ပခရီးစဉ် သွားတဲ့အခါတိုင်းကျမှ ပြောရသလဲဆိုတာ စဉ်းစားရခက်ပါတယ်။ ဒေါ်စု ပြည်ပကို ခရီးစဉ် တစ်ခုခုသွားတိုင်း ဆုတစ်ခုမဟုတ်တစ်ခု လက်ခံရယူတာကို သတိထားမိကြပါလိမ့်မယ်။ ဒါဟာ ပြည်ပ အထောက်အပံ့ကို တစ်ဖက်လှည့်နဲ့ ယူနေတာဆိုတာ မျက်စိ မှိတ်ပြီး မငြင်းဘူးဆိုရင် အားလုံးသိနေတဲ့ အချက်တစ်ခုပါ။ ဆုတွေကလွဲရင် ဒေါ်စုမှာ အခြားဝင်ငွေ ရပေါက် ရလမ်း မယ်မယ်ရရ မရှိပါ။ ဟိုမျက်မှန်စိမ်းတပ် အမျိုးသမီးပြောသလို ဒေါ်စုဟာ တစ်နှစ်ကို စာအုပ် တစ်အုပ် ရေးတာနဲ့တင် ထိုင်စားလို့ ရတယ်ဆိုတာမျိုးတော့ ဒီခေတ်ကြီးမှာ လာမရွှီးနဲ့ပေါ့ဗျာ။ မြန်မာပြည်သူ သန်း ၆၀ မှာ ဒေါ်စုရဲ့ Freedom from Fear စာအုပ်ကို ဖတ်ဖူးတဲ့သူ ဘယ်နှဦးရှိသလဲ စစ်တမ်းကောက် ကြည့်ပါဦး။ အင်္ဂလိပ်လိုရေးပြီး နိုင်ငံခြားတိုင်းပြည်တွေမှာ ထုတ်ဝေမယ်ဆိုရင်လည်း ကျွန်တော် လက်လှမ်း မမီတော့ မပြောတော့ပါဘူး။ ချင့်ပြီးတော့ စဉ်းစားကြပေါ့ဗျာ။ လမ်းလွဲသွားတဲ့ အတွက် တောင်းပန် ပါတယ်။ ပြောချင်တာက နိုင်ငံခြားခရီးစဉ်သွားပြီး ဆုတစ်ခုခု ယူခါနီးတိုင်း ဒေါ်စုဟာ မြန်မာ့ပြည်တွင်းရေးနဲ့ ပတ်သက်ပြီး အတင်းတုပ်လေ့ ရှိပါတယ်။ မြန်မာ့ဓလေ့အရ ရှေ့မှာမပြောဘဲ ကွယ်ရာမှာပြောရင် အတင်းတုပ်တာပါပဲ။ ပြည်တွင်းမှာတော့ မသိချင်ယောင် ဆောင်နေပြီး ပြည်ပရောက်ပြီဆိုတာနဲ့ ၀မ်းသာအားရ ဝေဖန်တာ၊ ပြစ်တင်တာဟာ စဉ်းစားစရာ ကိစ္စတစ်ခု ဖြစ်လာ ပါပြီ။ ဒေါ်စုဟာ ပြည်တွင်း ထက် ပြည်ပကို အားကိုးမှု ပိုတယ်ဆိုတဲ့ ကောက်ချက်ကို ချရပါလိမ့်မယ်။ ပြောရ ရင် ဒေသတွင်းနိုင်ငံတွေ ထက် အနောက်နိုင်ငံတွေကို အားကိုးမှု ပိုပြီးတော့ များပါတယ်။

ဒေါ်စုဟာ သူ့ကိုယ်သူ တစ်သက်လုံး အတိုက်အခံလို့ပဲ ခံယူတော့မှာလားဆိုတာ မေးခွန်းထုတ်စရာပါ။ အချို့က အင်တာနက်မှာ ပြောကြရေးကြပါတယ်။ မြန်မာလွှတ်တော် ကိုယ်စားလှယ်တစ်ဦး၊ ကော်မတီ ဥက္ကဋ္ဌတစ်ဦး ပြည်ပကိုသွားတာ ဘယ်သံရုံးကမျှ လာမကြိုကြဘူးတဲ့။ ခက်ချေပြီကော... လွှတ်တော် ကိုယ်စားလှယ်တွေ ပြည်ပသွားရင် သံရုံးတွေက ကြိုဆိုနှုတ်ဆက်ရမယ်လို့ ဥပဒေ ပြဋ္ဌာန်းထားတာ ရှိလို့လားဗျ။ နောက်တစ်ခုက ဒေါ်စုဟာ သူ့ကိုယ်သူ လွှတ်တော်ကိုယ်စားလှယ် တစ်ဦးရယ်လို့ သတ်မှတ်ထားရဲ့လား ဆိုတဲ့မေးခွန်းပါ။ လွှတ်တော်နဲ့ပတ်သက်ပြီး သူဘာတွေ ဆောင်ကြဉ်းခဲ့ပါသလဲ၊ သူသွားမယ့် ခရီးစဉ်မှာ လွှတ်တော်နဲ့ ပတ်သက်ပြီး ဘယ်အကြောင်းအရာတွေ ဆွေးနွေးခဲ့ပါမယ်၊ စကား ပါးခဲ့ပါမယ်လို့ မသွားခင် ပြည်ထောင်စုလွှတ်တော် နာယကနဲ့ လွှတ်တော်ဥက္ကဋ္ဌတွေကို တိုင်ပင်ခဲ့မယ်လို့ ခင်ဗျားတို့ ထင်လို့လား။ သူ ဥက္ကဋ္ဌအဖြစ် တာဝန်ယူဆောင်ရွက်နေတဲ့ ကော်မတီအတွက် ဘယ်လိုဆောင်ရွက်ခဲ့မယ်၊ ဘယ်လိုအကြံဉာဏ်တွေ တောင်းခဲ့မယ်လို့ ကော်မတီဝင်တွေကို ပြောခဲ့မယ်လို့ ထင်သလား။ ကျွန်တော့်အမြင်ကတော့ သူဟာ လေဆိပ်ကနေ ထွက်သွားကတည်းက သူ့ကိုယ်သူ မြန်မာ့ အတိုက်အခံ ခေါင်းဆောင်၊ ဒီမိုကရေစီအရေး ဆောင်ရွက်နေသူလို့ စိတ်နှလုံးသွင်းပြီး မြန်မာအစိုးရမှာ ဘယ်လိုအားနည်းချက်တွေရှိတယ်၊ သူသာ လမ်းမပြရင် မြန်မာ့ဒီမိုကရေစီဟာ မှောင်အတိုက်ဖုံးနေမှာ စသဖြင့် ပြောဖို့ကိုသာ စီစဉ်ထားတယ်လို့ မြင်မိပါတယ်။ ဘယ်နိုင်ငံတကာ ခရီးစဉ်မှာမျှ လွှတ်တော် ကိုယ်စားလှယ် တစ်ဦးအနေနဲ့ လွှတ်တော်ဟာ ဘာတွေဆောင်ရွက်နေတယ်၊ သူတို့ကော်မတီဟာ ဘာတွေကို တာဝန်ယူ ဆောင်ရွက်နေတယ် စသဖြင့် ပြောဆိုသံ မကြားရမိပါဘူး။

ဒေါ်စု ပြည်ပထွက်တိုင်း မအော်မဖြစ် အော်နေတာက တစ်ခုပဲရှိတယ်။ ဖွဲ့စည်းပုံ ပြင်ဆင်ရေး ဆိုတာပဲ။ ဖွဲ့စည်းပုံကို မပြင်လျှင်ဘဲ မြန်မာနိုင်ငံဟာ ချက်ချင်းလက်ငင်း သူ့ကျွန်ဘ၀ ရောက်သွားမယ့် ပုံစံမျိုး နဲ့ ပြောဆိုနေတာဟာ အတော်ရယ်စရာ ကောင်းပါတယ်။ မြန်မာပြည်ထဲက ဘယ်သူ့ကိုပဲ မေးမေး (ပြည်ခိုင်ဖြိုး လိုလားသူပဲဖြစ်ဖြစ်၊ NLD လိုလားသူပဲဖြစ်ဖြစ်၊ ကြားနေပဲဖြစ်ဖြစ် ဆိုလိုပါတယ်) ဖွဲ့စည်းပုံကို ဘာလို့ပြင်ဖို့ လိုတာလဲလို့ မေးကြည့်လိုက်။ ဘာအဖြေ ထွက်လာမယ်ထင်သလဲ။ ခင်ဗျားတို့ထင်တာ ကွက်တိပါပဲ။ ၁၀၀ % မှန်ပါတယ်ဗျာ။ အားလုံးက ၂၀၁၅ မှာ ဒေါ်စု သမ္မတဖြစ်ဖို့အတွက် ဖွဲ့စည်းပုံ ကို ပြင်ရမယ်၊ ပြင်ချင်တာလို့ ဖြေကြလိမ့်မယ်။ ခရိုင်အဆင့် ဆန္ဒကောက်ခံပွဲဆိုပြီး လူ ၄၀၀-၅၀၀ လောက် တက်တဲ့အခမ်းအနားမှာ လက်ထောင်ခိုင်းပြီး ပြင်ချင်တာမျိုးကိုတော့ ကလေးကလား လာမပြောနဲ့ဗျာ။ Mr.Bean ရဲ့ သရုပ်ဆောင်ချက်တွေတောင် အဲဒီလောက် မရယ်ရဘူး။ အတိုက်အခံတွေ ပြောနေသလို လက်ညှိုးထောင် ခေါင်းညိတ်ခိုင်းတာချင်း အတူတူ အရင် တပ်မတော်အစိုးရ လက်ထက်က ဆန္ဒ ခံယူပွဲတွေကမှ သူ့အဆင့်နဲ့သူ ပေမီဒေါက်မီ ရှိသေးတယ်။ :D အခုတော့ သူတို့စကားနဲ့သူတို့ အသံတောင် မထွက်ဘူး။ NLD လုပ်ရင် ဘာမဆိုဖြစ်မယ်လို့ ထင်နေတာကိုက သူတို့တွေရဲ့ အမှားပဲ။ အဲ... လိုရင်းကို ပြန်ဆက်ရရင် ဒေါ်စု နိုင်ငံတကာ ခရီးစဉ်သွားတိုင်း ရောက်တဲ့နိုင်ငံတိုင်းမှာ ဖွဲ့စည်းပုံဟာ ဒီမိုကရေစီ စံနှုန်းတွေနဲ့ မကိုက်ညီတဲ့အကြောင်း ပြောပြမယ်၊ ကူညီဖို့၊ ဖိအားပေးဖို့ ပန်ကြားမယ်။ ဒါပါပဲ။ အကွက်တွေက တအားရိုးလာတယ်။ ဖွဲ့စည်းပုံမှာ သူ့ကို သမ္မတမဖြစ်အောင် အဟန့်အတား ဖြစ်နေတဲ့ ပုဒ်မတစ်ခုတည်းကို ပြောလို့ရှိရင် သူအာဏာလိုချင်တာ ပေါ်ပေါ်ထင်ထင် ဖြစ်မှာစိုးတဲ့အတွက် လမ်းလွှဲလို့ အကောင်းဆုံး အကြောင်းပြချက်တစ်ခုက တပ်မတော်သား ၂၅ % ဆိုတာကို ထည့်ပြောဖို့ပဲ။ စစ်တပ်က လွှတ်တော်ထဲမှာ ၂၅ % ၀င်ထိုင်နေတာဟာ ဘယ်လို အနှောင့်အယှက်ဖြစ်ကြောင်း၊ ဘယ်စံတွေနဲ့ မကိုက်ညီကြောင်း ပြောပြလိမ့်မယ်။ ရှင်းရှင်းပြောလိုက်စမ်းပါ ဒေါ်စုရာ။ ၂၀၁၅ မှာ ကျွန်မ သမ္မတဖြစ်ခွင့် မရှိရင် ဘယ်အခြေခံဥပဒေပဲဖြစ်ဖြစ် ကျွန်မ လက်မခံဘူးလို့။ ကျွန်တော်ကတော့ ဒီနေရာမှာ သူ့လို မဟုတ်ဘူးဗျ။ ပြတ်ပြတ်သားသားပဲ ပြောရဲတယ်။ ဒေါ်စုတော်တာကို လက်ခံတယ်၊ အသိအမှတ်ပြုတယ်။ ဒါပေမယ့် နိုင်ငံခြားသားကို ယူခဲ့တဲ့ အကြောင်းပြချက်ရယ်၊ သားသမီးတွေ၊ မြေးတွေဟာ နိုင်ငံခြား သား ဖြစ်နေတယ်ဆိုတဲ့ အကြောင်းပြချက်တွေကြောင့် ဒေါ်စုမျှ မဟုတ်ဘူး၊ သိကြားမင်းက လူဖန်ဆင်းပြီး သမ္မတ လာလုပ်မယ်ဆိုရင်လည်း လက်မခံနိုင်ဘူး။ ဘယ်နိုင်ငံခြားသားကိုမျှ မြန်မာ့သမ္မတ အိမ်တော်မှာ တော်ဝင်မိသားစုအဖြစ် နေထိုင်မှာကို ခွင့်မပြုနိုင်ဘူး။ ဘယ်နိုင်ငံခြားသားကိုမျှ သမ္မတရဲ့ မိသားစုဆိုပြီး အထူးအရေးကြီး ပုဂ္ဂိုလ်တွေအဖြစ် ကြိုဆိုတာ၊ နေရာပေးတာ မလုပ်နိုင်ဘူး။ မြန်မာသမ္မတရဲ့ သားသမီးမြေးမြစ်တွေဆိုပြီး မြန်မာလို မနှုတ်ဆက်ရဘဲ အင်္ဂလိပ်လိုပဲ ပြောဆိုနှုတ်ဆက်ရမှာကို မလုပ်နိုင်ဘူး။ အဲဒါ ဒေါ်စုမျှ မဟုတ်ဘူး။ နောင်လာလတ္တံ့သော သမ္မတဖြစ်ချင်သူ ဘယ်သူဖြစ်ဖြစ် အဲဒီအချက်တွေနဲ့ ငြိနေရင် ဆောရီးပဲ။ အင်္ဂလိပ်ကို ယူထားလို့ မြန်မာတွေက ခွင့်လွှတ်တတ်နေတာ လားဆိုတာ စဉ်းစားလို့ မရဘူး။ တကယ်လို့ ဒေါ်စုယောက်ျားဟာ ဘင်္ဂလားဒေ့ရ်ှက ဘင်္ဂလီ တစ်ဦး ဖြစ်နေမယ်ဆိုရင်၊ ဒါမှမဟုတ် တရုတ်ပြည်က ပေါက်ဖော်တစ်ဦး ဖြစ်နေမယ်ဆိုရင် ခင်ဗျားတို့ ဘယ်လိုစဉ်းစားမလဲ။ အသားဖြူမို့လို့၊ အနောက်နိုင်ငံသားမို့လို့ ခွင့်လွှတ်တယ်ဆိုရင်တော့ အလကား ဒီမိုကရေစီနဲ့ပဲ တန်တယ်လို့ ပြောချင်တယ်။

ဒေါ်စုသွားတဲ့ နိုင်ငံတိုင်းက ဖွဲ့စည်းပုံပြင်ဆင်ရေးကို ထောက်ခံတယ်ဆိုတော့ရော ဘာလုပ်လို့ ရသလဲဗျ။ ခင်ဗျားတို့ ဖြေကြည့်ကြပါဦး။ ဖွဲ့စည်းပုံအခြေခံဥပဒေရဲ့ အခန်း (၁၂) မှာ ပြင်ဆင်ရမယ့် နည်းလမ်းတွေ ကို ပြည့်ပြည့်စုံစုံ ဖော်ပြထားတယ်။ အဲဒီ အချက်တွေထဲမှာ ပြည်ပနိုင်ငံ ဘယ်နှခုက ထောက်ခံရမည် တို့၊ ထောက်ခံသည့် ပြည်ပနိုင်ငံ အနည်းအများအပေါ် မူတည်၍ ဖွဲ့စည်းပုံ အခြေခံဥပဒေ ကို ပြင်ဆင်ရမည်တို့ ဆိုတဲ့ပြဋ္ဌာန်းချက်တွေ မပါဘူးဗျ။ အဲဒီလောက်ဆိုရင် ဘယ်လောက်လွဲနေသလဲဆိုတာ သဘောပေါက်ပေါ့ဗျာ။ ဗြိတိန်ခမျာ သူ့ဟာနဲ့သူ မြောက်အိုင်ယာလန်က ဗြိတိန်ကနေ ခွဲထွက်ဖို့ လုပ်နေတဲ့ကိစ္စကို ဖြေရှင်းလို့ မရတဲ့ကြားထဲ မြန်မာ့ဖွဲ့စည်းပုံအတွက် ကူညီမယ်ဆိုတော့ ကျွန်တော်က ဒီိလိုတွေးမိတယ်။ ဦးသိန်းစိန် အစိုးရကလည်း ကြေညာချက် ထုတ်သင့်တယ်။ မြောက်အိုင်ယာလန် ဗြိတိန် ကနေ ခွဲထွက်မသွားဖို့အတွက် မြန်မာနိုင်ငံက ကူညီမယ်လို့။ မကောင်းဘူးလား။ ကျွန်တော် ဘာပြောချင် တယ်ဆိုတာ သဘောပေါက်မယ် ထင်ပါတယ်။

ဒေါ်စုဟာ သူ့ကိုယ်သူ လွှတ်တော်ကိုယ်စားလှယ်တစ်ဦးလို့ မခံယူသမျှ ကျွန်တော်တို့ကလည်း သူ့ကို မြန်မာ့ အရေးအတွက် ဥပဒေဘောင်ထဲကနေ ကြိုးပမ်းဆောင်ရွက်နေသူလို့ မြင်ဖို့ ခက်ခဲနေဦးမှာပါ။ သူ့ရဲ့အမြင်၊ သူ့ရဲ့အတွေးတွေကို ပြည်တွင်းမှာ နားလည်အောင် ပြောဆိုရှင်းလင်း ဆွေးနွေးခြင်း မပြုဘဲ ပြည်ပရောက် မှ ပြောဆိုမှုတွေ ပြုလုပ်နေသေးသ၍ သူဟာ ပြည်တွင်းအားကို ယုံကြည်သူမဟုတ်ဘဲ ပြည်ပ အားကိုး ဆောင်ရွက်လိုသူလို့ ကျွန်တော်တို့ မြင်နေဦးမှာပါပဲ။ တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီဥက္ကဋ္ဌအဖြစ် အစိုးရနဲ့ လက်တွဲပြီး ကြိုးပမ်းဆောင်ရွက်တာတွေ မလုပ်သေးသ၍ သူဟာ အစိုးရဘာလုပ်လုပ် ဆန့်ကျင်ဝေဖန်မယ့် အတိုက်အခံ ပုဂ္ဂိုလ်တစ်ဦးအဖြစ်ပဲ ကျွန်တော်တို့ မြင်ကြဦးမှာပါ။ နိုင်ငံခြားသားကို ယူခဲ့တာဟာ သူ့အခွင့်အရေးကို သူရွေးချယ်ခဲ့တာလို့ ခံယူနေသေးသမျှ နိုင်ငံခြားသားတစ်ဦးရဲ့ ဇနီးတစ်ဦးကို သမ္မတအဖြစ် လက်မခံနိုင်တာလည်း ကျွန်တော်တို့ရဲ့ အခွင့်အရေးတစ်ရပ် ဖြစ်တယ်ဆိုတာ သူနားလည်ပေးနိုင်ရမယ်လို့ ကျွန်တော်တို့ က တွေးနေဦးမှာပါပဲ။ သူသမ္မတမဖြစ်ရင် မြန်မာ့နိုင်ငံရေးကို ဆူဆူပူပူ လှုပ်လှုပ်ရှားရှားဖြစ်အောင် နည်းလမ်းမျိုးစုံနဲ့ ကြိုးပမ်းမယ်ဆိုရင်တော့ ကျွန်တော်တို့ကလည်း တည်ငြိမ်အေးချမ်းရေးကို ထိပါးလာသူ မှန်သမျှကို ရန်သူအဖြစ် သတ်မှတ်ဆန့်ကျင် ချေမှုန်းသွားမယ်ဆိုတာ သံန္နိဌာန်ချပြီးဖြစ်ကြောင်း အတိ အလင်း ပြောဆိုပါရစေ။

အမှတ်တရ

ကိုဉာဏ် (ပန်းလောင်မြေ)

၂၀၁၃ ခုနှစ်၊ အောက်တိုဘာလ ၂၈ ရက်၊ တနင်္လာနေ့။

ည ၁၀ နာရီ ၂၉ မိနစ်တွင်ပြီး၏

Read More

လိုင်ဇာမှာကတဲ့ အပစ်ရပ်ရေး အကြိုဇာတ်အဖွဲ့ ဇာတ်ခေါင်းမကွဲဖို့လိုပါတယ်

လိုင်ဇာမှာကတဲ့ အပစ်ရပ်ရေး အကြိုဇာတ်အဖွဲ့ ဇာတ်ခေါင်းမကွဲဖို့လိုပါတယ် လိုင်ဇာမြို့မှာ ဒီနေ့တစ်နိုင်ငံလုံးအပစ်အခတ်ရပ်စဲရေး အကြို ညှိနှိုင်းဆွေးနွေး ပွဲကို စတင်ပြုလုပ်နေပြီဖြစ် ပါတယ်။ UNFC အဖွဲ့အပါအ၀င် အခြား တိုင်းရင်းသား လက်နက်ကိုင်အဖွဲ့အစည်းက ခေါင်းဆောင် ပိုင်းတွေ လည်းလာပြီးး တက်ရောက်တာတွေ့ရပါတယ်။ ကျွန်တော်တို့ ဒေသခံ တိုင်းရင်းသားတွေ အတွက်တော့ မျှော်လင့်စောင့်စားရတဲ့ ငြိမ်းချမ်းရေး အိပ်မက်ဟာ တကယ်အကောင်အထည်ပေါ် လာပြီလို့ ပြောရင်း ၀မ်းသာ နေကြပါတယ်။


ဒီတစ်ကြိမ် တွေ့ဆုံဆွေးနွေးတဲ့ အစည်းအဝေးဟာ တစ်နိုင်ငံလုံး အပစ်အ ခတ် ရပ်စဲရေး လက်မှတ်ရေး ထိုးပွဲကို လက်ခံမလား လက်မခံဘူးလားဆိုတဲ့ အဖြေနှစ်ခုကို အဓိကထားပြောဆိုကြမယ်လို့ သိရပါ တယ်။ အောက်တို ဘာလထဲမှာ အစိုးရဘက်က တစ်နိုင်ငံလုံးအပစ်အခတ်ရပ်စဲရေး လုပ်မယ် ဆိုပြီး သတင်းတွေထွက်ပေါ်ခဲ့ပေမယ့် နိုဝင်ဘာလထဲမှာ ကျင်းပမယ် ဆိုပြီး ပြောင်းသွားပြန် ပါတယ်။ အောက် တိုဘာ (၈၊၉၊၁၀) ရက်နေ့တွေ တုန်းက အစိုးရနဲ့ KIO တို့ ပြည်ထောင်စုအဆင့် ငြိမ်းချမ်းရေးတွေ့ ဆုံဆွေးနွေးပွဲ ကျင်းပနိုင်ခဲ့လို့ ဒေသခံအားလုံး ပျော်ခဲ့ ကြတယ်။ KIO ပါတစ်နိုင်ငံလုံး အပစ်အခတ် ရပ်စဲရေးမှာ ပါဝင်ဖို့ UNFC ကမျှော်လင့်စောင့်စားခဲ့တယ်နဲ့ တူပါ တယ်။

အခုလိုင်ဇာမှာ ထိပ်သီးအစည်းအဝေး ကျင်းပတာက သက်သေပြနေ ပါတယ်။ ဒီအစည်းအဝေးကနေ တစ်နိုင်ငံ လုံး အပစ်အခတ်ရပ် စဲရေး ပြုလုပ်နိုင်ပါစေလို့ ဆုတောင်းပေးနေကြပါတယ်။ ကချင်ပြည်နယ် ထဲမှာ တိုက်ပွဲတွေကို မမြင်ချင်တော့သလို သေနတ်သံ၊ ဗုံးသံ၊ မိုင်းကွဲသံတွေကို လည်း မကြားချင်တော့ ပါဘူး။ ငြိမ်းချမ်းချင်ပါပြီ။ ကျွန်တော်တို့ ဒေသခံ တိုင်းရင်းသားအားလုံးရဲ့ အနာဂတ်အတွက် လူနေမှုဘ၀လုံခြုံရေး အာမခံချက် ရချင်လှပါပြီ။ ဒီတော့အဲဒီအစည်းအဝေးက ထွက်ပေါ်လာမယ့် အဖြေကို ကျွန်တော်တို့အနေနဲ့ အကောင်းဘက်ကိုပဲ တွေးထားပါတယ်။
တိုင်းရင်းသားလက်နက်ကိုင်အဖွဲ့အစည်း (၁၁) ဖွဲ့နဲ့ ဖွဲ့စည်းထားတဲ့ UNFC အနေနဲ့ တစ်နိုင်ငံလုံး အပစ်ရပ်ရေး အပေါ် သဘောထားအမြင်အမျိုးမျိုးတွေ ထွက်ပေါ်ခဲ့တာ ရှိပါတယ်။ တစ်ဖွဲ့တစ်မျိုး မရိုးအောင်ပြောနေကြမယ့် ဖက်ဒရယ်ပြည်ထောင်စု၊ ဖက်ဒရယ်တပ်မတော် ကိစ္စတွေကြောင့် ဒီတစ်ကြိမ်ပြုလုပ်မယ့် အပစ်အခတ်ရပ်ရေး ဆွေးနွေးပွဲကို မပျက်စေချင်တော့ပါဘူး။ ဒီတော့ အစိုးရက လက်သင့်ခံနိုင်တဲ့ တောင်း ဆိုမှုမျိုးတွေကိုသာ UNFC အနေနဲ့ ပြုလုပ်ဖို့ လိုသလို အခြားတိုင်းရင်းသား လက်နက်ကိုင် အဖွဲ့အစည်းတွေလည်း ထိုနည်းတူစွာ လုပ်ရမှာပဲ ဖြစ်ပါတယ်။

တစ်နိုင်ငံလုံး အပစ်အခတ်ရပ်စဲရေး မလုပ်နိုင်သမျှ တိုက်ပွဲတွေလည်း ရပ်တန့်သွားမှာ မဟုတ်ပါဘူး။ ကျွန်တော်တို့ ကချင်ပြည်နယ်ထဲမှာ တိုက်ပွဲတွေ ပြန်ဖြစ်နကြတယ်၊ ဒေသခံတွေက မြေဇာပင်ဖြစ်ရတာပါ၊ အလားတူ အခြားတိုင်းရင်းသားဒေသတွေမှာလည်း တိုက်ပွဲတွေ မဖြစ်စေချင်တော့ပါဘူး။ တိုက်ပွဲတွေ မဖြစ်အောင် အစိုးရနဲ့ တိုင်းရင်းသား လက်နက်ကိုင်အဖွဲ့တွေအားလုံး အပစ်အခတ်ရပ်စဲပြီး တိတိကျကျ လိုက်နာဖို့လိုအပ်တယ်လို့ မြင်မိပါတယ်။ဥပမာ ပြောရရင် လိုင်ဇာ မှာ ပြုလုပ်နေတဲ့ အပစ်အခတ်ရပ်ရေး အကြိုညှိနှိုင်းအစည်းအဝေးကို ဇာတ်အဖွဲ့ တစ်ဖွဲ့ဟု သဘောထားပါစို့။ ဇာတ်အဖွဲ့မှာပါဝင်ရတဲ့ သဘင်ပညာရှင်အားလုံး စည်းလုံညီညွတ်မှသာ ဇာတ်နာမည် ထွက်လာမှာဖြစ်သလို ပရိတ်သတ်ကလည်း လက်ခံမှာ ဖြစ်ပါတယ်။

အဲဒီလို မဟုတ်ဘဲ ကိုယ်ထင်ရာကိုယ်ပြော ကိုယ်လုပ်တာမှ အမှန်ထင်ပြီး တစ်ဖို့တည်းဇွတ်လုပ်နေ ရင်တော့ ဇာတ်ခေါင်းကွဲသွားမှာ သေချာပါတယ်။ လိုင်ဇာမှာကတဲ့ အပစ်ရပ်ရေး အကြိုဇာတ်အဖွဲ့ အနေနဲ့ကလည်း ကိုယ့် လူမျိုး ကိုယ့်တိုင်းရင်းသားတွေအတွက် ရှေ့ရှု့ပြီး အစိုးရနဲ့ အပေးအယူ သင့်မြတ်နိုင်တဲ့ တောင်းဆိုမှုတွေ ချမှတ်ဖို့ အရေးကြီးပါတယ်။ မဖြစ်နိုင်တဲ့ဟာကို သွားတောင်းရင်တော့ ဇာတ်ခေါင်းကွဲသွားပြီ တစ်ယောက်တစ် ပေါက် ဖြစ်သွားပါလိမ့်မယ်။

ကျွန်တော်အနေနဲ့ ကချင်ပြည်နယ်မှာရှိတဲ့ တိုင်းရင်းသားအားလုံးနဲ့ မြန်မာနိုင်ငံနေရာအနှံ့အပြားမှာရှိတဲ့ တိုင်းရင်းသားများအတွက် တောင်းဆိုမှုတစ်ခုလောက် ပြောချင်ပါတယ်။ လိုင်ဇာမှာ ကတဲ့ အပစ်ရပ်ရေး အကြို ဇာတ်အဖွဲ့ ဇာတ်ခေါင်းမကွဲဖို့ လိုပါတယ်။

နော်မိုင် ( မြစ်ကြီးနား)
မြန်မာပြည်သား

Read More

ဦးထုပ်အက သီချင်းပိုင်ရှင် Crayon Pop အဖွဲ့ ဆိုးလ်မြို့တွင် အခမဲ့ ဖျော်ဖြေမည်

Wednesday, 30 October 2013

ဦးထုပ်အက သီချင်းဖြင့် ပရိသတ်များကို ဖမ်းစား နိုင်ခဲ့သည့် Crayon Pop ဂီတအဖွဲ့သည် ၎င်းတို့ အဖွဲ့၏ ပထမဆုံး အခမဲ့ ဖျော်ဖြေပွဲ 1st POPCON IN SEOUL ပွဲကို ဆိုးလ်မြို့ Sangam-dong ၌ အောက်တိုဘာ ၃ဝ ရက်တွင် ကျင်းပမည် ဖြစ်ကြောင်း သိရသည်။


Crayon Pop ဂီတအဖွဲ့သည် တောင်ကိုရီးယား ပေါ့ပ်ဂီတ လောကသို့ Saturday Night Bing Bing နှင့် Dancing တေးသီချင်းတို့ဖြင့် ရောက်ရှိ လာခဲ့သော်လည်း မျှော်လင့်ထား သလောက် အောင်မြင်မှု မရရှိခဲ့ပေ။

Crayon Pop အဖွဲ့အား ပရိသတ်များက အသိအမှတ် ပြုခဲ့သော တေးသီချင်းမှာ Bar Bar Bar တေးသီချင်း ဖြစ်ပြီး ၎င်းတေးသီချင်းသည် k-pop ဂီတလောက၏ လူကြိုက် အများဆုံး k-pop တေးသီချင်း ၁ဝဝ စာရင်းတွင် သီတင်းပတ ပေါင်းများစွာ နံပါတ်တစ်နေရာ တွင် ရပ်တည်ခဲ့သည်။

Bar Bar Bar တေးသီချင်းကို မော်တော်ဆိုင်ကယ် ဦးထုပ် အကသီချင်းဟုပင် အမည်တွင် လောက်အောင် ပရိသတ်များက အားပေးခဲ့ပြီးYou Tube ဝက်ဘ်ဆိုက်တွင်လည်း ကြည့်ရှုသူ ပရိသတ် ရှစ်သန်းထက်မနည်း ရှိခဲ့သည်ဟု သိရသည်။

Read More

ရုရှားနိုင်ငံက SUKHOI T-50 ဂျက်တိုက် လေယာဉ်သစ်ကို အောင်မြင်စွာ စမ်းသပ်

Wednesday, 30 October 2013



ရုရှားနိုင်ငံထုတ် Sukhoi T-50 ဂျက်တိုက် လေယာဉ်သစ်ကို နိုင်ငံ့အရှေ့ဘက်စွန်း Komsomolsk-on-Amur မြို့ရှိ Gagarin လေယာဉ်ထုတ်လုပ်ရေး စက်ရုံမှ ထုတ်လုပ်ခဲ့ပြီး


ပထမဆုံး အကြိမ်အဖြစ်မိနစ် ၅ဝ ကြာ စမ်းသပ်ပျံသန်းခဲ့ကြောင်း Sukhoi လေယာဉ် ထုတ်လုပ်သည့် ကုမ္ပဏီက အောက်တိုဘာ ၂၉ ရက်တွင် ထုတ်ဖော် ပြောကြားခဲ့သည်။

အဆိုပါ စမ်းသပ်ပျံသန်းမှုတွင် အင်ဂျင်၏ လုပ်ဆောင်မှုနှင့် ဝေဟင်၌ လေယာဉ်၏ တည်ငြိမ်မှုတို့ အပါအဝင် ၎င်းလေယာဉ်၏ လုပ်ဆောင်ချက် အားလုံးကို အောင်မြင်စွာ စမ်းသပ် နိုင်ခဲ့ကြောင်း ပျံသန်းမှု အစီအစဉ်တွင် ပါရှိသည့် အဆင့်အားလုံးတွင် ကောင်းမွန်စွာ လုပ်ဆောင် ခဲ့ကြောင်းနှင့် လေယာဉ်တွင် တပ်ဆင်ထားသည့် ပစ္စည်း ကိရိယာနှင့်စနစ် များအားလုံးသည် ယုံကြည် စိတ်ချရကြောင်းကို လေယာဉ်မှူးက အတည်ပြုခဲ့ကြောင်း သိရ သည်။

ရုရှားနိုင်ငံ၏ အနာဂတ် တိုက်လေယာဉ်များအတွက် အရေးပါလာမည့် T-50 ဂျက်တိုက် လေယာဉ်သည် ကိုယ်ပျောက်နှင့် နာနိုနည်းပညာ မြင့်မားသည့် စစ်ကစားမှု၊ အသံ ထက်မြန်စွာ ပျံသန်းနိုင်မှုနှင့် X-band ရေဒါပါဝင်သည့် ခေတ်မီ အီလက်ထရွန်နစ် စနစ်များကို ထည့်သွင်းထားသည့် ပဉ္စမမျိုးဆက်ဘက်စုံသုံး ဂျက်တိုက်လေယာဉ် တစ်စင်းဖြစ်ကြောင်း သိရသည်။

Read More

နိုင်ငံသားစိစစ်ရေး ကဒ်များ စမတ်ကဒ် အဖြစ်ပြောင်းမည်

မြန်မာနိုင်ငံမှာ ပြည်သူလူထုတွေ လက်ရှိအသုံးပြုနေတဲ့ နိုင်ငံသားစိစစ်ရေးကတ်ပြား (မှတ်ပုံတင်) တွေကို နိုင်ငံတကာအဆင့်မီ စမတ်ကတ်အဖြစ် ပြောင်းလဲပေးဖို့ စီစဉ်နေပြီလို့ လူဝင်မှုကြီးကြပ်ရေးနဲ့ ပြည်သူ့အင်အားဦးစီးဌာနက ပြောပါတယ်။





လက်ရှိမြန်မာနိုင်ငံမှာ ထုတ်ပေးနေတဲ့ ပန်းရောင် နိုင်ငံသားစိစစ်ရေးကပ်ပြာတွေဟာ အလွယ်တကူ ပျက်စီးနိုင်ပြီး ပုံစံတူ မှတ်ပုံတင်အတုတွေ ပြုလုပ်နိုင်ခြေရှိတဲ့အတွက် နိုင်ငံတကာအဆင့်မီ စမတ်ကတ်တွေအဖြစ် ပြောင်းလဲပေးဖို့ စီစဉ်နေတာလို့ ဆိုပါတယ်။
၂၀၁၄ ပြည်လုံးကျွတ် သန်းခေါင်စာရင်းကောက်ယူပြီး နောက်ပိုင်းနဲ့ ၂၀၁၅ ရွေးကောက်ပွဲ မတိုင်ခင်မှာ စမတ်ကတ်တွေ ပြောင်းလဲထုတ်ပေးနိုင်အောင် စီစဉ်နေတာလို့ ရန်ကုန်တိုင်းဒေသကြီး လူဝင်မှုကြီးကြပ်ရေးနဲ့ အမျိုးသားမှတ်ပုံတင်ဦးစီဌာန ညွှန်ကြားရေးမှူး ဦးကြည်လင်းက ဒီဗွီဘီကို ပြောပါတယ်။
“၂၀၁၄ သန်းခေါင်စာရင်းပြီးရင် အဓိကကတော့ ၂၀၁၅ ရွေးကောက်ပွဲမှာ မဲစာရင်းပြုစုတဲ့ အခါမှာ မထပ် မကျန်အောင် လူစာရင်းတွေ ပါအောင် အထောက်အကူပြုမှာပါ။ လူဦးရေ အပေါ်မှာ ထပ်ပြီးရလာမယ့် အကျိုးအကျေးဇူး အားလုံး၊ ၀န်ကြီးဌာနအားလုံးကို အထောက်အကူ ပြုနိုင်မယ်။ နိုင်ငံတော်အတွက်လည်း အထောက်အကူပြုမယ်။ စိစစ်ရေး ကတ်ပြားတွေ စမတ်ကတ်တွေ ဖြစ်လာမယ်။ နောက် ပီအာရ် စနစ်တွေ ဆက်တိုက်လာမှာပေါ့။ ဒါပေမယ့် နိုင်ငံတော်ရဲ့ ကြွယ်ဝချမ်းသာမှုအပေါ်မှာ မူတည်တာပေါ့။ လုပ်ပေးနိုင်တဲ့ အချက်အလက်တွေ အများကြီးထုတ်ထားပြီးပြီ။ နိုင်ငံတိုင်းမှာ စမတ်ကတ်တွေပဲ သုံးတော့တယ်။ ရေစိုပျက်တာတို့ ဘာတို့ သက်သာတယ်။ တာရှည်ရေရှည်အသုံးပြုနိုင်တယ်။”
မြန်မာ့အိမ်နီးချင်းနိုင်ငံတွေ အပါအ၀င် ဒေသတွင်းနိုင်ငံတွေမှာ မှတ်ပုံတင်ကတ်ပြားတွေကို ကွန်ပျူတာစနစ်သုံး စမတ်ကတ်တွေအဖြစ် အသုံးပြုနေတာဖြစ်ပေမယ့် မြန်မာနိုင်ငံမှာတော့ ကတ္ထူစက္ကူနဲ့ လုပ်ထားတဲ့ နိုင်ငံသားစိစစ်ရေးကတ်ပြားတွေကိုပဲ အသုံးပြုနေကြတာပါ။
ရန်ကုန်မှာ စမတ်ကတ်တွေ လုပ်ပေးနေတဲ့ ဒစ်ဂျစ်တယ် ကောဒစ် ကုမ္ပဏီပိုင်ရှင် ဦးအောင်သပြေကတော့ အချက်အလက်တွေ ထည့်သိမ်းဆီးထားနိုင်တဲ့ နိုင်ငံတကာအဆင့်မီ စမတ်ကတ်တွေကို သုံးသင့်တယ်လို့ ပြောပါတယ်။
“လုပ်မယ်ဆိုရင် အကောင်းဆုံးကတော့ တကယ့် စမတ်ကတ်အစစ် အချက်အလက်တွေလည်း ထည့်ထားရမယ်။ နိုင်ငံတော် ဗဟိုအဆင့်မှာ ပြည်သူလူထုရဲ့ အချက်အလက်တွေကို ထည့်ထားမယ်။ ဒါတွေကို တိုက်ဆိုင်စစ်ဆေးမယ်၊ အဲဒီအဆင့်ထိ လုပ်နိုင်ရင် အကောင်းဆုံးပေါ့။ မြန်မာပြည်မှာ အခု မှားယွင်းနေတာက ဘာမှ ကွန်ပျူတာနဲ့ သုံးလို့မရတဲ့ ပလတ်စတစ်ကတ်ကို စမတ်ကတ်လို့ ခေါ်နေတာက မှားယွင်းနေတာပေါ့။ သူတို့ ပြောတဲ့စမတ်ကတ်ဟာ ရိုးရိုး ပလတ်စတစ်ကတ်ပဲလား၊ ကွန်ပျူတာလုံခြုံရေးစနစ်တွေနဲ့ သုံးနေတဲ့ မခွဲခြားနိုင်လို့ ဖြစ်မှာပေါ့။”
၁၉၈၂ ခုနှစ် နိုင်ငံသားဖြစ်မှု ဥပဒေပေါ်ပြီးနောက်ပိုင်း ၁၉၈၅ ခုနှစ်ကစပြီး နိုင်ငံသားစိစစ်ရေး ကတ်ပြားထုတ်ပေးခဲ့တာဖြစ်ပြီး မြန်မာတနိုင်ငံလုံးအတိုင်အတာနဲ့ ကတ်ပြားပေါင်း ၃၉ သန်းကျော် ထုတ်ပေးထားတယ်လို့ နေပြည်တော် လူဝင်မှုကြီးကြပ်ရေးနဲ့ အမျိုးသားမှတ်ပုံတင် ဦးစီးဌာနက ပြောပါတယ်။

မြန်မာနိုင်ငံမှာ လူဦးရေ သန်း ၆၀ လောက်ရှိမယ်လို့ ခန့်မှန်းထားပေမယ့် လက်ရှိလူဦးရေ စာရင်းအတိ အကျ ကိုတော့ လာမယ့်နှစ် မတ်လမှာ ပြုလုပ်မယ့် ပြည်လုံးကျွတ်သန်းခေါင်စာ ရင်း ကောက်မှုအပြီးမှာမှ အတည်ပြုနိုင်မှာ ဖြစ်ပါတယ်။
dvb

Read More

၂၀၁၄ ပြည်လုံးကျွတ်သန်းခေါင်စာရင်းကို ကောင်းကင်ဂြိုလ်တု အကူအညီဖြင့်ကောက်မည်

၂၀၁၄ ခုနှစ် ပြည်လုံးကျွတ် သန်းခေါင်စာရင်းအား တစ်နိုင်ငံ လုံးကို ကောင်းကင်ဂြိုလ်တုမှ ဓာတ်ပုံရိုက် ယူပြီး ဖော်ဆောင် ထားသော ကောက်ကွက်များ အတိုင်း ၂၀၁၄ ခုနှစ်၊ မတ်လ ၃၀ ရက်မှ ဧပြီလ ၁၀ ရက်အတွင်း တွေ့ရာနေရာတွင် ကောက်ယူ သောဒီဖက်တိုနည်း စနစ်ဖြင့် ကောက်ခံသွား မည်ဖြစ်ကြောင်း လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီးဌာနပြည်ထောင်စု ၀န်ကြီး ဦးခင်ရီကပြောသည်။

ရန်ကုန်တိုင်းဒေသကြီး၊အစိုးရ ရုံးခန်းမဆောင်တွင် ဟိုတယ်လုပ် ငန်းရှင်များ၊ စက်မှုလုပ်ငန်းရှင် များကိုဖိတ်ခေါ်၍ ပြည်လုံးကျွတ် သန်းခေါင်စာရင်းကောက်ယူရေး ဆိုင်ရာ ရှင်းလင်းပွဲကျင်းပပြုလုပ် ခဲ့ရာတွင် ၎င်းကယင်းသို့ပြော ကြားခဲ့ခြင်းဖြစ်သည်။

““ပဋိပက္ခဖြစ်ပွားနေတဲ့နယ် မြေတချို့ဒေသတွေကို ယူရီယန် မြေပုံတွေနဲ့ကြည့်မယ်။ မြေပုံတွေ ကိုလည်း မှာထားပြီ။ နောက်ထပ် တစ်နိုင်ငံလုံးကို ကောင်းကင် ဂြိုလ်တုကနေရိုက်ပြီးတော့ကောက် မယ်။ အဲဒီလိုလုပ်တဲ့အတွက် မရောက်နိုင်တဲ့နေရာတွေမှာရှိတဲ့ အိမ်အရေအတွက်တွေရမယ်။ လုပ်နိုင်မှုကတော့ တစ်နိုင်ငံလုံး ကို ရာခိုင်နှုန်းပြည့်လုပ်နိုင်သွား နိုင်မယ်လို့ ယုံကြည်ပါတယ်”” ဟု ၎င်းကပြောသည်။

သန်းခေါင်စာရင်းကောက်ယူ ရာတွင် မြန်မာနိုင်ငံအခြေစိုက် သံရုံးများနှင့် ကောင်စစ်ဝန်ရုံးများ တွင် တာဝန်ထမ်းဆောင်နေ သော နိုင်ငံခြားသားသံတမန်များ နှင့် မိသားစုဝင်များ၊ ၂၀၁၄ ခုနှစ် မတ် ၂၉ ရက်၊ ညဥ့်သန်းခေါင် ကျော်လွန်ပြီးမှ မွေးဖွားလာသော ကလေးများမှလွဲ၍ ကျန်သန်း ခေါင်စာရင်းရည်ညွှ န်း ချိန်အတွင်း မြန်မာနိုင်ငံနယ်နိမိတ်အတွင်း နေထိုင်သူအားလုံးကို စာရင်း ကောက်ယူမှုသည် မြန်မာနိုင်ငံ တွင်လွတ်လပ်ရေးရပြီးနောက်ပိုင်း နှစ်ကြိမ်သာကောက် ယူနိုင်ခဲ့ကြောင်း သိရသည်။

Read More

ကမ္ဘာ့အရပ်အရှည်ဆုံး တူရကီ အမျိုးသား ဆီးရီးယား အမျိုးသမီးနှင့် လက်ထပ်

Wednesday, October 30, 2013



  Created on Tuesday, 29 October 2013


ကမ္ဘာ့အရပ်အရှည်ဆုံးပုဂ္ဂိုလ် စူတန်ကိုဆင် (၀ဲ) နှင့် ဇနီးတို့ကို အောက်တိုဘာ ၂၇ ရက်က လက်ထပ်မင်္ဂလာ အခမ်းအနားတွင် တွေ့ရစဉ် (Photo:AFP)


ကမ္ဘာ့အရပ်အရှည်ဆုံး တူရကီ အမျိုးသား စူတန်ကိုစင်သည် ဆီးရီးယား အမျိုးသမီး တစ်ဦးနှင့် အောက်တိုဘာ ၂၇ ရက်က လက်ထပ်လိုက်ပြီဖြစ်ကြောင်း သိရသည်။

အရပ် ၂ ဒသမ ၅၁ မီတာရှည်သော အသက် ၃၁ နှစ်အရွယ် ကိုဆင်သည် အရပ် ၁ ဒသမ ၇၅ မီတာမြင့်ပြီး အသက် ၂၀ အရွယ်ရှိသော မာဗီဒီဘိုအား လက်ထပ်လိုက်ခြင်းဖြစ်ကြောင်း သိရသည်။

"ကျွန်တော့်ရဲ့ ခံစားမှုတွေကို စကားလုံးတွေနဲ့ မဖော်ပြနိုင်ပါဘူး။ ကမ္ဘာပေါ်မှာ ကျွန်တော်က အပျော်ဆုံးသူ ဖြစ်သွားပါပြီ" ဟု တူရကီနိုင်ငံ အရှေ့တောင်ပိုင်းရှိ ကိုဆင်၏ ဇာတိမြို့ဖြစ်သော မာဒင်၌ ပြုလုပ်ခဲ့သည့် မင်္ဂလာပွဲ အခမ်းအနားတွင် ကိုဆင်က ပြောကြားခဲ့သည်ဟု နိုင်ငံပိုင် အနာလိုတီယာ သတင်းအေဂျင်စီ၏ ၀က်ဘ်ဆိုက်တွင် ဖော်ပြခဲ့သည်။

ဟာဆာကာ မြို့သူဖြစ်သော မာဗီဒီဗိုက "ဒီပျော်ရွှင်မှုဟာ တစ်သက်လုံး ဖြစ်ပါစေလို့ ကျွန်မမျှော်လင့်ပါတယ်" ဟု ပြောကြားခဲ့သည်။ မင်္ဂလာပွဲ အခမ်းအနားတွင် ချည်အရှည်ရှိသော ရက်ထည်ဖြင့် ပြုလုပ်ရသည့် ရိုးရာဝတ်စုံအား ကိုစင်က ၀တ်ဆင်ခဲ့ကြောင်း သိရသည်။ တူရကီနိုင်ငံ အရှေ့တောင်ပိုင်းရှိ လယ်သမား မိဘများမှ မွေးဖွားလာခဲ့သူ ကိုစင်သည် ဂင်းနစ်ကမ္ဘာ့မှတ်တမ်းများ စာအုပ်တွင် ကမ္ဘာပေါ်၌ အရပ်အရှည်ဆုံးဖြစ်ကြောင်း ၂၀၀၉ ခုနှစ်က သတ်မှတ်ခံခဲ့ရပြီးနောက် လူသိများလာ ခဲ့သည်။ ထိုအချိန်က ကိုဆင်၏ အရပ်အမြင့်မှာ ၂ ဒသမ ၄၇ မီတာသာ ရှိသေးသည်။

ဦးနှောက်အတွင်းရှိ ခန္ဓာကိုယ် ကြီးထွားမှုနှင့်ဆိုင်သော ပစ်ကျူထရီ ဂလင်းအား သက်ရောက်စေသော အသားပို တစ်ခုကြောင့် ၎င်း၏အရပ် ထပ်မံရှည်ထွက်လာခြင်းဖြစ်ကြောင်း သိရသည်။

Gamma Knife ဟုခေါ်သည့် ခွဲစိတ်ပစ္စည်း အသုံးပြုပြီး ကြိမ်နှုန်းမြင့် ဓာတ်ရောင်ခြည်နှင့် ပစ်ခတ်ကာ ကိုစင်၏ အသားပိုအား အမေရိကန် ဆရာဝန်များက ၂၀၁၀ ပြည့်နှစ် သြဂုတ်လ၌ ကုသပေးခဲ့သည်။

အရပ်ဆက်လက် ရှည်စေသည့် ဟိုမုန်းဖောက်ပြန်မှု ရောဂါ ကိုဆင့်တွင် မရှိတော့ကြောင်း ဆရာဝန်များက ၂၀၁၂ ခုနှစ်အတွင်းက ပြောကြားခဲ့သည်။ ကိုစင်သည် ချိုင်းထောက်အသုံးပြု၍ သွားလာနေရသည်။

Ref:AFP

Read More

တူရကီက ပင်လယ်အောက် ဥမင်လိုဏ်ခေါင်း ရထားလမ်း ဖောက်လုပ်မည့် စီမံကိန်း စတင်

Wednesday, October 30, 2013


ဘော့စဖရပ်စ် ရေလက်ကြားတွင် ငါးဖမ်းနေသူများအနီး ရပ်နေသူ တစ်ဦးကို အောက်တိုဘာ ၂၈ ရက်က တွေ့ရစဉ် (Photo:AFP)

တူရကီနိုင်ငံသည် ဘော့စဖရပ်စ် ရေလက်ကြား အောက်မှနေ၍ မြေအောက်ဥမင်လိုဏ်ခေါင်း ရထားလမ်း ဖောက်လုပ်မည့် အစီအစဉ်ကို အောက်တိုဘာ ၂၉ ရက်တွင် ထုတ်ဖော်ကြေညာခဲ့သည်။ ယင်းစီမံကိန်းအတွက် ယူရိုသုံးဘီလျံကု န်မည်ဖြစ်ပြီး အစ္စတန်ဘူလ်မြို့၏ ဥရောပဘက်ပိုင်းနှင့် အာရှဘက်ပိုင်းကို ဆက်သွယ်ပေးမည့် ရထားလမ်းဖြစ်သည်။ ယင်းသည် တူရကီ အစိုးရ၏ ကြီးမားသော စီမံကိန်းများထဲမျှ တစ်ခုဖြစ်သည်။

ဥမင်လိုဏ်ခေါင်းသည် ၁၃ ဒသမ ၆ ကီလိုမီတာ (၈ ဒသမ ၅ မိုင်) ရှည်လျားမည်ဖြစ်ပြီး ကမ္ဘာ့အနက်ဆုံး ဥမင်လိုဏ်ခေါင်း ရထားလမ်း ဖြစ်လာမည်ဖြစ်သည်။ ယင်းသည် ပင်လယ်ကြမ်းပြင်အောက် ၆၀ မီတာ (ပေ ၂၀၀ နီးပါး) ၌ ရှိမည်ဖြစ်သည်။

အဆိုပါ ရထားလမ်း ဖောက်လုပ်ရန် ကြေညာသည့်နေ့သည် ခေတ်သစ်တူရကီနိုင်ငံကို ထူထောင်ခဲ့သည့် နှစ် ၉၀ မြောက် နှစ်ပတ်လည်နေ့နှင့် တိုက်ဆိုင်နေသည်။

ယခု ဥမင်လိုဏ်ခေါင်း ရထားလမ်းသည် ရှိပြီးသား ဆင်ခြေဖုံးဒေသ ရထားလမ်းများ အဆင့်မြင့် ချဲ့ထွင်မှု စီမံကိန်း တစ်စိတ်တစ်ဒေသဖြစ်ပြီး ရထားလမ်း တစ်ခုလုံးသည် ၇၆ ကီလိုမီတာ (၄၇ မိုင်) ရှည်လျားပြီး ဥရောပတိုက်နှင့် အာရှတိုက်ကို ဆက်သွယ်ပေးမည်ဖြစ်သည်။

ယခု ရထားလမ်း စီမံကိန်းကို အော့တမန် အင်ပါယာဘုရင် ဆူလတန်အဗ္ဗဒူမက်ဂျစ်က ၁၈၆၀ ပြည့်နှစ် ကတည်းက စိတ်ကူးထားခဲ့သော်လည်း ထိုစဉ်က အကောင်အထည်ဖော်ရန်အတွက် လုံလောက်သော နည်းပညာဆိုင်ရာ ကိရိယာများ မရှိခဲ့ပေ။ ၁၉၈၀ ပြည့်လွန်နှစ်များအတွင်း ပင်လယ်အောက်မှနေ၍ ဥမင်လိုဏ်ခေါင်း ရထားလမ်း ဖောက်လုပ်ရန် စိတ်ကူးခဲ့ပြီး လေ့လာချက်များအရ ယင်းကဲ့သို့ ဥမင်လိုဏ်ခေါင်းမျိုးသည် တည်ဆောက်ရန်ဖြစ်နိုင်ပြီး အကုန်အကျလည်း သက်သာဖွယ်ရှိကြောင်း တွေ့ရှိခဲ့ရသည်။ အစ္စတန်ဘူလ်မြို့၏ မြို့တော်ဝန်ဟောင်း တစ်ဦးဖြစ်သော ၀န်ကြီးချုပ် ရေဆက်တေယစ်အာဒိုဂန်သည် လူဦးရေ ၁၆ သန်းရှိသော အစ္စတန်ဘူလ်မြို့အတွက် ဆောက်လုပ်ရေး စီမံကိန်းများကို စိတ်ကူးခဲ့ရာတွင် ၂၀၀၄ ခုနှစ်၌ ယခုရထားလမ်း ဖောက်လုပ်မည့် အစီအစဉ်ကို ပြန်လည်အသက်သွင်းခဲ့ခြင်း ဖြစ်ကြောင်း သိရသည်။

Ref:AFP

Read More

တရုတ်က နျူကလီးယား ရေငုပ်သင်္ဘော အင်အားကို နှစ် ၄၀ အတွင်း ပထမဆုံးအကြိမ် ပြသ

Wednesday, October 30, 2013



ရက်စွဲမဖော်ပြထားသော ဓာတ်ပုံတွင် တရုတ်ပြည်သူ့ တပ်မတော်၏ နျူကလီးယား စွမ်းအင်သုံး ရေငုပ်သင်္ဘော တစ်စင်းပေါ်တွင် ရေတပ်တပ်ဖွဲ့ဝင်များကို တွေ့ရစဉ် (Photo:AFP)

ပိုင်နက်အငြင်းပွားမှုများ မြင့်တက်နေချိန်တွင် တရုတ်က ဆယ်စုနှစ် လေးခုခန့်အတွင်း ပထမဆုံး အကြိမ်အဖြစ် နျူကလီးယား ရေငုပ်သင်္ဘောတပ်စုကို အောက်တိုဘာ ၂၉ ရက်၌ လူထုသို့ ပြသခဲ့ပြီး နိုင်ငံပိုင် မီဒီယာက တရုတ်၏ တိုက်ခိုက်နိုင်စွမ်းအားကို အခြားနိုင်ငံများအား ပြသရန် လိုအပ်ကြောင်း ရေးသားခဲ့သည်။ မကြာသေးမီ ရက်များအတွင်းက စစ်ရေးလေ့ကျင့်မှုများကို နိုင်ငံပိုင်ရုပ်သံ စီစီတီဗီက ထုတ်လွှင့်ပြသခဲ့ပြီး ယခုအခါတွင်လည်း တရုတ်ရေငုပ် သင်္ဘောများ အကြောင်းကို နိုင်ငံပိုင် သတင်းစာများ၏ ရှေ့မျက်နှာဖုံးတွင် ဖော်ပြခဲ့ပြီး တရုတ်၏ ရေပြင်စွမ်းအားကို ကြေညာခဲ့သည်။

တရုတ်၏ ပထမဆုံး နျူကလီးယား စွမ်းအားသုံး ရေငုပ်သင်္ဘောကို ၁၉၇၀ ပြည့်နှစ်တွင် စတင်သုံးစွဲခဲ့ကြောင်း နိုင်ငံပိုင် သတင်းစာ ဂလိုဘယ်လ်တိုင်းမ်က ဖော်ပြခဲ့ပြီး ကျန်ရေငုပ်သင်္ဘောများ၏ အကြောင်းကိုမူ မဖော်ပြခဲ့ပေ။ "ခိုင်မာယုံကြည်ရတဲ့ နျူကလီးယား တိုက်ခိုက်မှုစွမ်းရည်ကို ပိုင်ဆိုင်ထားတဲ့ တရုတ်ဟာ အင်အားကြီးမား ပါတယ်။ အချို့နိုင်ငံတွေဟာ သူတို့ရဲ့ တရုတ်ဆိုင်ရာ မူဝါဒကို ကျင့်သုံးရာမှာ ဒီစွမ်းရည်ကို ထည့်သွင်းစဉ်းစားခြင်း မရှိတာကြောင့် လူထုအမြင်မှာ တရုတ်ကို အလေးအနက် မထားတဲ့ သဘောထားတွေကို ဖြစ်စေပါတယ်" ဟု ဂလိုဘယ်လ်တိုင်းမ်၏ အယ်ဒီတာ့အာဘော်တွင် ရေးသားခဲ့သည်။ အရှေ့နှင့် တောင်တရုတ်ပင်လယ်တို့တွင် နယ်မြေအငြင်းပွားမှုများ၌ တရုတ်က ခက်ထန်သော သဘောထား ပြသလာကြောင်း စွပ်စွဲမှုများကို ဂလိုဘယ်လ်တိုင်းမ် အယ်ဒီတာ့အာဘော်က "ဒီလို အင်အားပြသတာက တရုတ်ခြိမ်းခြောက်မှုဆိုတဲ့ ခန့်မှန်းပြောကြား မှုတွေအတွက် ဆင်ခြေပေးစရာ ဖြစ်ကောင်းဖြစ်လာနိုင်ပါတယ်။ ဒါပေမဲ့ ဒီအကျိုးရလဒ်က အပြင်က သဘောထားတွေကြောင့် ဖြစ်လာတဲ့ အကျပ်အတည်းတွေကို မှေးမှိန်စေပါလိမ့်မယ်" ဟု ဆက်လက်ဖော်ပြခဲ့သည်။

တရုတ်က ရေငုပ်သင်္ဘောသစ်များထက် ပင်လယ်အောက်မှ ဒုံးကျည်ပစ်လွှတ်နိုင်သော မျိုးဆက်ဟောင်း ရေငုပ်သင်္ဘောများကို အဓိကထား ပြသခဲ့ကြောင်း လေ့လာသုံးသပ်သူများက ပြောကြားခဲ့သည်။

Ref:AFP

Read More

ဥရောပ မြောက်ပိုင်းတွင် မုန်တိုင်းတိုက်ခတ်မှုကြောင့် လူ ၁၁ ဦး သေဆုံး

Wednesday, October 30, 2013


လန်ဒန်တွင် မုန်တိုင်းကြောင့် သစ်ပင်များ ပြိုလဲပြီးနောက် အောက်တိုဘာ ၂၈ ရက်က အပျက်အစီးများ ရှင်းလင်းနေစဉ် (Photo:AFP)

ဥရောပ မြောက်ပိုင်းတွင် အင်အားပြင်း မုန်တိုင်းတိုက်ခတ်မှုကြောင့် အောက်တိုဘာ ၂၈ ရက်တွင် လူ ၁၁ ဦးထက်မနည်း သေဆုံးခဲ့ကာ ပို့ဆောင်ရေး ၀န်ဆောင်မှုများ နှောင့်နှေးကြန့်ကြာခဲ့ကြောင်း သိရသည်။

မိုးသည်းထန်စွာ ရွာသွန်းပြီး လေပြင်းတိုက်ခတ်မှုကြောင့် ဗြိတိန်တွင် လေးဦး၊ ဂျာမနီတွင် သုံးဦး၊ နယ်သာလန်တွင် နှစ်ဦး၊ ပြင်သစ်တွင် တစ်ဦးနှင့် ဒိန်းမတ်တွင် တစ်ဦး သေဆုံးခဲ့သည်။ သေဆုံးသူ ၁၁ ဦးသည် သစ်ပင်ပိမိခြင်း၊ ဓာတ်ငွေ့ပိုက် ပေါက်မှုကြောင့် ပေါက်ကွဲမှု ဖြစ်ပွားကာ နေအိမ်ပြိုလဲမှုအတွင်း ပိမိခြင်း၊ ရေနစ်ခြင်း၊ အုတ်ခဲထိမှန်ခြင်း စသည်တို့ကြောင့် သေဆုံးခဲ့ခြင်းဖြစ်သည်။

အောက်တိုဘာ ၂၇ ရက်တွင် အင်္ဂလန်တောင်ပိုင်း ကမ်းခြေတစ်ခုတွင် ရေလွှာလျှော စီးနေစဉ် ပျောက်ဆုံးသွားသော အသက် ၁၄ နှစ်အရွယ် ယောက်ျားလေးတစ်ဦးကို ကယ်ဆယ်ရေး ၀န်ထမ်းများက ရှာဖွေရာတွင် ပင်လယ်ပြင်တွင် ဆိုးရွားသော ရာသီဥတု အခြေအနေများက အတားအဆီး ဖြစ်နေသည်။

ဗြိတိန်ဝန်ကြီးချုပ် ဒေးဗစ်ကင်မရွန်က ယင်းမုန်တိုင်းကြောင့် သေဆုံးမှုများကို အလွန်ဝမ်းနည်းဖွယ်အဖြစ် ပြောကြားခဲ့သည်။

အင်္ဂလန်တောင်ပိုင်း ကမ်းရိုးတန်း တောင်ပိုင်းအနီးဝိုက်ကျွန်းတွင် တစ်နာရီ ၉၉ မိုင်နှုန်းဖြင့် လေပြင်းတိုက်ခတ်ခဲ့ကြောင်း ဗြိတိန်မိုးလေ၀သ ဌာနက ထုတ်ပြန်ခဲ့သည်။ လေပြင်းများကြောင့် ဗြိတိန်နှင့် ပြင်သစ်တွင် နေအိမ် ၅၀၀၀၀၀ ကျော် လျှပ်စစ်ဓာတ်အား မရရှိဘဲ နေထိုင်နေခဲ့ရကြောင်း သိရသည်။

တစ်နာရီ မိုင် ၈၀ နှုန်းဖြင့် တိုက်ခတ်သော လေပြင်းနှင့် မိုးသည်းထန်စွာ ရွာသွန်းမှုကြောင့် သစ်ပင်ထောင်ပေါင်းများစွာ လဲပြိုပြီး ကိုပင်ဟေဂင်လေဆိပ်တွင် ခရီးသည် ထောင်ပေါင်းများစွာ သောင်တင်ခဲ့သည်။ အင်္ဂလန်တောင်ပိုင်း၊ ဒိန်းမတ်၊ နယ်သာလန်နှင့် ဂျာမနီတို့တွင် ရထားပို့ဆောင်ရေး ၀န်ဆောင်မှုများစွာ ဖျက်သိမ်းခဲ့ရသည်။ အင်္ဂလန် အရှေ့တောင်ပိုင်းရှိ နျူကလီးယား ဓာတ်အားပေးစက်ရုံ တစ်ခုတွင်လည်း ဓာတ်ပေါင်းဖိုနှစ်ခုစလုံး အလိုအလျောက် ပိတ်သွားခဲ့ကြောင်း သိရသည်။

Ref:AFP

Read More

အထပ်မြင့် အဆောက်အအုံ ဆောက်လုပ်ခွင့် ကန့်သတ်သည့် ရွှေတိဂုံစေတီတော် ကန့်သတ်ဧရိယာအား ထပ်မံတိုးချဲ့လိုက်ကြောင်း ထုတ်ပြန်

 Created on Tuesday, 29 October 2013


ရွှေတိဂုံစေတီတော် ပတ်ဝန်းကျင် တစ်ဝိုက်အား အောက်တိုဘာလ အတွင်းက တွေ့ရစဉ် (ဓာတ်ပုံ-ကျော်ထင်)

ရန်ကုန်မြို့တော်အတွင်း အထပ်မြင့် အဆောက်အအုံ ဆောက်လုပ်ခွင့် ကန့်သတ်သည့် ရွှေတိဂုံစေတီတော် ကန့်သတ်ဧရိယာအား ထပ်မံတိုးချဲ့လိုက်ကြောင်း ရန်ကုန်မြို့တော် စည်ပင်သာယာရေး ကော်မတီ၊ အဆောက်အအုံဌာနမှ ဌာနမှူး ဦးမောင်မောင်ဇော်က အောက်တိုဘာ ၂၉ ရက်က ပြောကြားသည်။

အထပ်မြင့် အဆောက်အအုံ ဆောက်လုပ်ခွင့် ကန့်သတ်သည့် ရွှေတိဂုံစေတီတော် ကန့်သတ်ဧရိယာအား ၁၉၉၄ ခုနှစ်တွင်တစ်ကြိမ် သတ်မှတ်ခဲ့ကြောင်း၊ ၂၀၁၂ ခုနှစ်တွင် ရန်ကုန်တိုင်းဒေသကြီး လွှတ်တော်အဆောက်အအုံ ၀န်းကျင်ဖြစ်သော ရှင်စောပုလမ်းနှင့် ဗဟိုလမ်းကိုပါ တိုးချဲ့သတ်မှတ် ခဲ့ကြောင်းနှင့် ယခု ၂၀၁၃ ခုနှစ် စက်တင်ဘာလတွင် ရန်ကုန်တိရစ္ဆာန်ဥယျာဉ် တစ်ဝိုက်ကိုပါ ထပ်မံတိုးချဲ့ ခဲ့ခြင်းဖြစ်ကြောင်း ဦးမောင်မောင်ဇော်က ပြောကြားသည်။

"ကန်တော်ကြီးကလည်း ရွှေတိဂုံစေတီတော် ကန့်သတ်နယ်မြေထဲမှာ ပါပြီးသားပါ။ ကန်တော်ကြီးရဲ့ မျက်နှာချင်းဆိုင်ဖြစ်တဲ့ အခုတိရစ္ဆာန် ဥယျာဉ်ကိုပါ ထပ်သတ်မှတ်ခြင်းအားဖြင့် တစ်ဆပ်တစ်စပ်တည်း ဖြစ်သွားအောင်လို့ပါ" ဟု ဦးမောင်မောင်ဇော်က ပြောကြားသည်။

ရွှေတိဂုံစေတီတော် ကန့်သတ်ဧရိယာအတွင်း အထပ်မြင့် ဆောက်လုပ်ခွင့် ကန့်သတ်ကာ ဆောက်လုပ်မည့် အဆောက်အအုံများသည့် အမြင့် ၆၂ ပေထက် မပိုရကြောင်း၊ စီးပွားရေးဆိုင်ရာ အဆောက်အအုံများ ဆောက်လုပ်မည် ဆိုပါက အဆောက်အအုံ အမြင့်သည် ရွှေတိဂုံ စေတီတော်ကြမ်းပြင် (ပင်လယ်ရေမျက်နှာပြင်အထက် အမြင့်ပေ ၁၉၀) ထက် မကျော်လွန်စေရန် သတ်မှတ်ထားပြီး ရွှေတိဂုံ စေတီတော် ကန့်သတ်ဧရိယာ ပြင်ပတွင်ဖြစ်ပါက မည်သည့်အဆောက်အအုံမျှ စေတီတော်၏ ငှက်ပျောဖူးအောက်ခါးစည်း (ပင်လယ်ရေမျက်နှာပြင် အထက်အမြင့်ပေ ၄၁၇ ပေ) ထက် မကျော်စေရန် သတ်မှတ်ထားကြောင်း ရန်ကုန်မြို့တော် စည်ပင်သာယာရေး ကော်မတီက ထုတ်ပြန်ထားသည်။

ယခု ထပ်မံတိုးချဲ့သည့် တိရစ္ဆာန်ဥယျာဉ် ပတ်ဝန်းကျင် မပါဝင်မီ ရွှေတိဂုံစေတီတော် ကန့်သတ်ဧရိယာသည် မြောက်ဘက်တွင် ဓမ္မစေတီလမ်းနှင့် ရှင်စောပုလမ်း၊ တောင်ဘက်တွင် မင်းရဲကျော်စွာလမ်း-မြို့ပတ်ရထားလမ်း-ရွှေတိဂုံဘုရား လမ်းဆုံမှ ယောမင်းကြီးဦးဖိုးလှိုင်လမ်း၊ အရှေ့ဘက်တွင် အလံပြ ဘုရားလမ်း-တိရစ္ဆာန်ဥယျာဉ်လမ်း-ကန်လမ်း-စက်ရုံလမ်း-နတ်မောက်လမ်း-ကမ္ဘာအေး စေတီလမ်း၊ အနောက်ဘက်တွင် ဗဟိုလမ်းတို့အထိ အကျုံးဝင်သည်ဟု သိရသည်။

ယင်းသို့ ရွှေတိဂုံစေတီတော် ကန့်သတ်ဧရိယာ သတ်မှတ်ထားသည့်ကြားမှ ကန့်သတ်ဧရိယာအတွင်း ပါဝင်သည့် ရွှေဂုံတိုင် ၅ လမ်း၊ အနောက်ရွှေဂုံတိုင်ရပ်ကွက်၊ ဗဟန်းမြို့နယ်တွင် ၁၀ ထပ်တိုက် (မြေအောက် ၁ ထပ် ကားပါကင်) ပါဝင်သည့် အဆောက်အအုံ ဆောက်လုပ်ရန်နှင့် မြေတိုင်းအမှတ် ၂၀ အေ၊ ဗဟန်းမြို့နယ်တွင် ၂၂ ထပ် (Commercial Complex) ဆောက်လုပ်ခွင့် တင်လာသည့် အဆောက်အအုံနှစ်လုံး တင်ပြလာခြင်းတို့အား ကန့်သတ်ဧရိယာတွင် ဖြစ်နေ၍ ဆောက်လုပ်ခွင့် မပြုခဲ့ကြောင်း ရန်ကုန်မြို့တော် စည်ပင်သာယာရေး ကော်မတီ၊ အထပ်မြင့် အဆောက်အအုံများ စစ်ဆေးရေး ကော်မတီမှ သြဂုတ်လ အတွင်းက ထုတ်ပြန်ခဲ့သည်။

EMG

Read More

ရန်ကုန်မြို့တွင် ယာဉ်ကြောပိတ်ဆို့မှု ဆိုးရွားလာ၍ အသစ်ဆောက်လုပ်မည့် အဆောက်အအုံများတွင် ကားပါကင်များ ထည့်သွင်းရန် တင်းကျပ်စွာ စစ်ဆေးဟုဆို

 Created on Wednesday, 30 October 2013


ယာဉ်ကြောပိတ်ဆို့မှု ပုံမှန်ဖြစ်လေ့ ရှိနေသည့် သျှင်ပါကူ ဆေးခန်းရှေ့အား အောက်တိုဘာ၂၉ ရက် နေ့လယ်ပိုင်းက တွေ့ရစဉ်

ရန်ကုန်မြို့တွင် ယာဉ်ကြောပိတ်ဆို့မှုများ ဆိုးရွားလာခြင်းကြောင့် ၂၅၀၀ စတုရန်းပေ (ပေ ၅၀ ပတ်လည်) တွင် အသစ်ဆောက်လုပ်မည့် အဆောက်အအုံများတွင် ကားပါကင်များ ထည့်သွင်းစေပြီး တင်းကျပ်စွာ စစ်ဆေးနေကြောင်း ရန်ကုန်မြို့တော် စည်ပင်သာယာရေး ကော်မတီ အဆောက်အအုံဌာနမှ ဌာနမှူး ဦးမောင်မောင်ဇော်က အောက်တိုဘာ ၂၉ ရက်တွင် ပြောကြားသည်။

"ရန်ကုန်မြို့မှာ နေ့စဉ်ခံစား နေရတာက ကားပိတ်ဆို့မှုပဲ ဖြစ်ပါတယ်။ ဒါကြောင့် ပေ ၅၀ ပတ်လည် မြေကွက်မှာ ဘယ်လိုအဆောက်အအုံမျိုးပဲ အသစ်ဆောက်ဆောက် ကားပါကင်ကို မဖြစ်မနေ တင်းတင်းကျပ်ကျပ် ထည့်ခိုင်းပါတယ်။ အခုဆိုရင် ရှော့ပင်းမောလ်တွေရှေ့မှာ ကားတွေပိတ်တယ်။ ကမ္ဘာအေး ဂမုန်းပွင့်ရှေ့၊ တော်ဝင်စင်တာ ရှေ့တို့မှာ ယာဉ်ထိန်းရဲတွေတောင် မနိုင်တော့ဘူး။ တာမွေက သျှင်ပါကူ ဆေးခန်းရှေ့မှာလည်း ကားတွေပိတ်နေပါတယ်" ဟု ၎င်းကပြောကြားသည်။

အသစ်ဆောက်မည့် အဆောက်အအုံများတွင် ကားပါကင်အား အဆောက်အအုံ၏ မြေညီထပ်တွင်ဖြစ်စေ၊ မြေအောက်ထပ်တွင်ဖြစ်စေ၊ ဘေးမြေကွက်လွတ် ရှိပါက မြေကွက်လွတ်တွင်ဖြစ်စေ အဆင်ပြေသည့် နေရာ၌ ထည့်သွင်းရန် သတ်မှတ်ထားပြီး အဆိုပါ သတ်မှတ်ချက်ကို ပြီးခဲ့သည့် ၂၀၁၂ ခုနှစ်မှ စတင်ကာ သတ်မှတ်ခဲ့ခြင်း ဖြစ်သည်။

ရန်ကုန်မြို့တွင် လမ်းများ၏ အနေအထားနှင့် ယာဉ်အစီးရေ မမျှတခြင်း၊ ယာဉ်ရပ်နားနိုင်သည့် ကားပါကင်များ မရှိခြင်း၊ လမ်းများပေါ်တွင် စည်းကမ်းမဲ့ ယာဉ်ရပ်နားမှု အချို့ကြောင့် ယာဉ်ကြောပိတ်ဆို့မှုများ ဆိုးရွားစွာ ဖြစ်ပေါ်နေခြင်းဖြစ်ပြီး အဆောက်အအုံများတွင်လည်း အခန်းပမာဏနှင့် လုံလောက်သည့် ကားပါကင်များ မရှိသေးကြောင်း သိရသည်။ ယင်းကိစ္စအား ဖြေရှင်းရန် ယာဉ်ရပ်နားစခန်း အသစ်များ ထပ်မံတည်ဆောက်မည်ဟု ရန်ကုန်မြို့တော် စည်ပင်သာယာရေး ကော်မတီမှ ယခင်ထုတ်ပြန် ထားခဲ့သော်လည်း အကောင်အထည် ဖော်နိုင်ခြင်း မရှိသေးကြောင်း သိရသည်။

ရန်ကုန်မြို့တွင်း ယာဉ်ကြောရှုပ်ထွေးမှုများ မရှိစေရေးနှင့် ယာဉ်ရပ်နားရန် နေရာများ တည်ဆောက်ရန် ကျပ်သန်း ၇၅၀ ကို ရန်ကုန်မြို့တော် စည်ပင်သာယာရေး ကော်မတီ၏ ၂၀၁၃-၂၀၁၄ ဘဏ္ဍာနှစ် ဖြည့်စွက်ခွင့်ပြုငွေအဖြစ် စက်တင်ဘာလအတွင်း ပြုလုပ်ခဲ့သည့် ပထမအကြိမ် ရန်ကုန်တိုင်းဒေသကြီးလွှတ်တော် ဆဋ္ဌမပုံမှန် အစည်းအဝေးမှ ခွင့်ပြုပေးခဲ့သည်။

EMG

Read More

လမ်းညွှန်ဆိုင်းဘုတ် အသစ်တပ်ဆင်မှုနှင့် ပျက်စီးနေသော လမ်းပိုင်းများ ပြုပြင်မှုကို ဆီးဂိမ်းစ်မတိုင်မီ အပြီးဆောင်ရွက်မည်

 Created on Wednesday, 30 October 2013

ရန်ကုန်မြို့အတွင်း နိုင်ငံခြားသား ခရီးသွား ဧည့်သည်အချို့မှ လမ်းညွှန်စာအုပ်ဖြင့် သွားလာနေမှုမြင်ကွင်း (ဓာတ်ပုံ-အောင်မျိုးသန့်)

ရန်ကုန်တိုင်းဒေသကြီးအတွင်း လမ်းညွှန်ဆိုင်းဘုတ် အသစ်တပ်ဆင်မှုနှင့် ပျက်စီးနေသော လမ်းပိုင်းများပြုပြင်ကို ဆီးဂိမ်းစ်ပွဲတော်ကာလ မတိုင်မီ အပြီးဆောင်ရွက် သွားမည်ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့ လမ်းပန်းဆက်သွယ်ရေး ၀န်ကြီးဌာန ၀န်ကြီးဖြစ်သူ ဦးအောင်ခင်က အောက်တိုဘာ ၂၉ ရက် နံနက်ပိုင်းတွင် Daily Eleven သို့ ပြောကြားခဲ့သည်။

ယင်းကဲ့သို့ ဆောင်ရွက်မည့် လမ်းပြင်ဆင်မှုနှင့် လမ်းညွှန်ဆိုင်းဘုတ်များ အသစ်ရေးဆွဲပြီး တပ်ဆင်ဆောင်ရွက်မှုများကို ယခုပွင့်လင်း ကာလတွင် စတင်အကောင်အထည်ဖော် ဆောင်ရွက်နေပြီး စုစုပေါင်း လမ်း ၆၀ ကျော်တွင် လမ်းညွှန်ဆိုင်းဘုတ် ၆၉၅ ခုကို အသစ်ရေးဆွဲပြီးဖြစ်ကြောင်း ယာဉ်ထိန်းဒုတပ်ဖွဲ့ခွဲမှူးရုံး (ရန်ကုန်)မှ တာဝန်ရှိသူ ရဲမှူးသာဌေးက ဆိုသည်။

"အခုအချိန် အထိတော့ လမ်းမ ၆၀ မှာရှိတဲ့ ဆိုင်းဘုတ် ၆၀၀ ကျော်ကို အသစ်ရေးဆွဲ ပြီးသွားပါပြီ။ ကျန်နေတဲ့ လမ်းပေါင်း ၄၀ကျော်က လမ်းညွှန်ဆိုင်းဘုတ် ၁၈၆ ခုကိုလည်း နိုဝင်ဘာလ အတွင်းမှာ အပြီးတပ်ဆင်သွားဖို့ စီစဉ်ဆောင်ရွက် နေပါတယ်" ဟု ရဲမှူးသာဌေးက ဆက်လက်ပြောကြားသည်။

လမ်းပြင်ဆင်မှုနှင့် လမ်းညွှန်ဆိုင်းဘုတ်များ အသစ်ရေးဆွဲပြီး တပ်ဆင်ဆောင်ရွက်မှုများကို ယခုပွင့်လင်း ကာလတွင် စတင်အကောင်အထည်ဖော် ဆောင်ရွက်နေပြီး စုစုပေါင်း လမ်း ၆၀ ကျော်တွင် လမ်းညွှန်ဆိုင်းဘုတ် ၆၉၅ ခုကို အသစ်ရေးဆွဲပြီးဖြစ် . . . . .


ထို့အပြင် ပျက်စီးနေသော လမ်းပိုင်းများ ပြင်ဆင်မှုနှင့် ပတ်သက်၍လည်း ရန်ကုန်မြို့တော် စည်ပင်သာယာရေး ကော်မတီ လမ်း/တံတား ဌာနမှ ဒုတိယ ဌာနမှူး ဦးမျိုးလွင်က "ပြင်ရမယ့် လမ်းတွေကတော့ အများကြီး မရှိဘူး။ ဒါပေမဲ့ ပျက်စီးနေတဲ့ လမ်းပိုင်းတွေကို ဒီလအကုန်အတွင်း အမြန်ဆုံး ပြီးစီးအောင် ဆောင်ရွက်သွားပါမယ်။ အရင်တုန်းက လိုမျိုးတော့ ပျက်စီးနေတဲ့ ချိုင့်ခွက်ကြီးတွေ မရှိတော့ပါဘူး" ဟု ပြောကြားခဲ့သည်။

ယင်းကဲ့သို့ ၂၇ ကြိမ်မြောက် အရှေ့တောင်အာရှ အားကစားပွဲတော်ကာလ မတိုင်မီ ပြီးစီးအောင် ဆောင်ရွက်သွားမှုနှင့် ပတ်သက်၍ "အဓိကတော့ ပွဲတော်ကာလမှာ နိုင်ငံခြားသား အားကစား သမားတွေရော၊ နိုင်ငံခြားသား ခရီးသွား ဧည့်သည်တွေပါ အများကြီး လာရောက်နိုင်ရန်အတွက် မြို့တော်အင်္ဂါရပ်နဲ့ သန့်ရှင်းသာယာလှပဖို့ ဆောင်ရွက်ရခြင်း ဖြစ်ပါတယ်" ရန်ကုန်တိုင်းဒေသကြီး အစိုးရအဖွဲ့ လမ်းပန်းဆက်သွယ်ရေး ၀န်ကြီးဌာန ၀န်ကြီးဖြစ်သူ ဦးအောင်ခင်က ပြောကြားခဲ့သည်။

EMG

Read More

အပြည်ပြည်ဆိုင်ရာ လေဆိပ်ကြီး သုံးခုတွင် မူးယစ်ဆေးဝါးများ အများဆုံး ဖမ်းမိ

Wednesday, 30 October 2013

အောက်တိုဘာ ၂၈ ရက်က ရန်ကုန်အပြည်ပြည်ဆိုင်ရာ လေဆိပ်အတွင်း လုံခြုံရေး စစ်ဆေးနေသော လေကြောင်းရဲမေ တစ်ဦးကို တွေ့ရစဉ်(ဓာတ်ပုံ-၀င်းမြင့်ကျော်)

မြန်မာနိုင်ငံအတွင်း အပြည်ပြည်ဆိုင်ရာ လေဆိပ်ကြီးသုံးခုတွင် ဖမ်းဆီးစစ်ဆေး အရေးယူနေသည့် အမှုများအနက် မူးယစ်ဆေးဝါး သယ်ဆောင်နေမှုကြောင့် အရေးယူနေရသည့် ဖြစ်စဉ်မှာ အများဆုံးဖြစ်ကြောင်း လေကြောင်းရဲ တပ်ဖွဲ့မှူးဖြစ်သူ ရဲမှူးချုပ်နေ၀င်းက အောက်တိုဘာ ၂၈ ရက် ညနေပိုင်းတွင် Daily Eleven သို့ ပြောကြားသည်။

ရန်ကုန်၊ မန္တလေး၊ နေပြည်တော်တို့ရှိ အပြည်ပြည်ဆိုင်ရာ လေဆိပ်ကြီးသုံးခုတွင် လေကြောင်းရဲတပ်ဖွဲ့ အနေဖြင့် မူးယစ်ဆေးဝါး သယ်ဆောင်နေမှုများကို အများဆုံး စစ်ဆေးတွေ့ရှိ အရေးယူနေရပြီး နိုင်ငံခြား ခရီးသည် အချို့ထံမှလည်း ကျည်ဆန်အချို့ သယ်ဆောင်လာမှုများကိုလည်း စစ်ဆေးအရေးယူ နေရကြောင်း သိရသည်။

"ဒီအပြည်ပြည်ဆိုင်ရာ လေဆိပ်ကြီး သုံးခုမှာ စစ်ဆေးရေး စက်ကိရိယာတွေက အဆင့်အမြင့်ဆုံး ပစ္စည်းတွေ ဖြစ်ပါတယ်။ တဖြည်းဖြည်းလည်း ဒီထက်ကောင်းတာတွေ ပေါ်လာရင်တော့ ထပ်မံဖြည့်စွက်သွားဖို့ အစီအစဉ် ရှိပါတယ်။ ဒီလေဆိပ်တွေမှာတော့ မူးယစ်ဆေးဝါး အမှုတွေကို အများဆုံး စစ်ဆေးတွေ့ရှိ နေရပါတယ်" ဟု မြန်မာနိုင်ငံ ရဲတပ်ဖွဲ့ ဌာနချုပ်၊ လေကြောင်းရဲတပ်ဖွဲ့မှူးရုံးမှ တပ်ဖွဲ့မှူးဖြစ်သူ ရဲမှူးချုပ် နေ၀င်းက ပြောကြားသည်။

ယခုနှစ်ပိုင်းအတွင်း မူးယစ်ဆေးဝါး ဖမ်းဆီးအရေးယူခဲ့သည့် အမှုများအနက် အရေအတွက် အများဆုံး ဖမ်းဆီးခဲ့သည့် ဖြစ်စဉ်တစ်ခုမှာ ၂၀၁၃ ခုနှစ် အောက်တိုဘာ ၇ ရက် နံနက် ၉ နာရီခန့်တွင် ရန်ကုန်အပြည်ပြည်ဆိုင်ရာလေဆိပ် ပြည်ပထွက်ခွာဆောင်၌ ဘုရားလမ်း၊ ဆ/ကရပ်ကွက်၊ သင်္ဃန်းကျွန်း မြို့နယ်နေသူ မဖြူဥ၏ ခရီးဆောင် အိတ်အတွင်းမှ မြင့်မြင့်ဝေနှင့် ကမ္ဘာစန်း တံဆိပ်ပါ ထိုးမုန့်ဗူးခွံ (၁၈) ဗူးထဲတွင် သိုဝှက်သယ်ဆောင်လာသော စုစုပေါင်း ကျပ် ၂၇၄၁ သိန်းခန့် တန်ဖိုးရှိ WY စာတမ်းပါ ပန်းရောင်စိတ်ကြွဆေးပြား ၅၄၇၂၀ ပြားနှင့် ဆေးပြားအကြေ (၀ ဒသမ ၀၁)ကီလိုဂရမ်၊ PHYU OU အမည်ဖြင့် ပတ်စ်ပို့တစ်စောင်၊ မဖြူဥ အမည်ပါ မှတ်ပုံတင် တစ်ခု၊ ရန်ကုန်-ဘန်ကောက်-ဒါကာ၊ ဘန်ကောက်-ရန်ကုန် အသွားအပြန် လေယာဉ်လက်မှတ် တစ်စောင်၊ အမေရိကန်ဒေါ်လာ ၄၀၀၊ ခေါက်ပိုက်ဆံအိတ် တစ်လုံးနှင့် လက်ကိုင်ဖုန်း တစ်လုံးတို့ ကို ဖမ်းဆီးသိမ်းဆည်း ရမိခဲ့ကြောင်း သိရသည်။

EMG

Read More

ရွှေတောင်-မြောင်းတကာ မဟာဓာတ်အားလိုင်း ပြတ်တောက်မှုကြောင့် တစ်နိုင်ငံလုံး အတိုင်းအတာဖြင့် အချိန်တစ်နာရီကျော် ဓာတ်အားပြတ်တောက်မှု ဖြစ်ပွား

 Created on Wednesday, 30 October 2013

အောက်တိုဘာ ၂၉ ရက် ညပိုင်းက ရန်ကုန်မြို့တွင် လျှပ်စစ်မီးများ ပြတ်တောက်စဉ်

အောက်တိုဘာ ၂၉ ရက် ညပိုင်းက တစ်နာရီကျော်ကြာ ဓာတ်အားပြတ်တောက်ခဲ့ရခြင်းမှာ ပြည်မြို့နှင့် မှော်ဘီမြို့နယ်ကြားရှိ ရွှေတောင်-မြောင်းတကာ မဟာဓာတ်အား လိုင်းကြိုး အနည်းငယ် ပြတ်တောက်မှုကြောင့် ဖြစ်ပြီး နိုင်ငံတစ်ဝန်း တစ်နာရီခွဲကြာ မီးပြတ်မှု ဖြစ်ပွားခဲ့ရကြောင်း ရန်ကုန်မြို့ လျှပ်စစ်မီးပေးရေးအဖွဲ့မှ ဒုဥက္ကဋ္ဌဖြစ်သူ ဗိုလ်မှူးကြီး မောင်မောင်လတ်၏ ပြောကြားချက်အရ သိရသည်။

နိုင်ငံတစ်ဝန်း မီးပြတ်မှုမှာ အောက်တိုဘာ ၂၉ ရက် ည ၆ နာရီမှ စတင်၍ဖြစ်ပွားခဲ့ပြီး ည ၇ နာရီခွဲတွင် မီးပြန်လာခဲ့ကြောင်း သိရသည်။ အဆိုပါ ဓာတ်အားလိုင်း ပြတ်တောက်ရသည့် အကြောင်းအရင်းကိုမူ အသေးစိတ် မသိရသေးသော်လည်း ဓာတ်အားလိုင်း ပြင်ဆင်သူများအနေဖြင့် အချိန်အနည်းအတွင်း ပြန်လည် ပြင်ဆင်ခဲ့ကြောင်း သိရသည်။

"တစ်နာရီခွဲကြာ နိုင်ငံတစ်ဝန်း မီးပြတ်တောက်မှု ဖြစ်ပွားရတာက ရွှေတောင်-မြောင်းတကာ မဟာဓာတ်အားလိုင်းက ဖော့(စ်) ဖြစ် သွားလို့ပါ။ ဖြစ်တဲ့အကြောင်းအရင်းကို အသေးစိတ်တော့ မသိရသေးပါဘူး။ သစ်ပင်တစ်ခုက လဲကျပြီး ပိနေတာမျိုး၊ တစ်ခြား အကြောင်းကြောင်းကြောင့် ပြတ်တာမျိုးလည်း ဖြစ်နိုင်ပါတယ်" ဟု ရန်ကုန်မြို့ လျှပ်စစ်မီးပေးရေးအဖွဲ့မှ ဒုဥက္ကဋ္ဌ ဗိုလ်မှူးကြီး မောင်မောင်လတ်က အောက်တိုဘာ ၂၉ ရက် ညပိုင်း The Daily Eleven သတင်းစာသို့ ပြောကြားသည်။

အဆိုပါ ရွှေတောင်-မြောင်းတကာ မဟာဓာတ်အားလိုင်းမှာ နိုင်ငံတစ်ဝန်းသို့ ဖြန့်ဖြူးပေးသည့် မဟာဓာတ်အားလိုင်း တစ်လိုင်း ဖြစ်ကြောင်း သိရသည်။

ယခုဓာတ်အားပြတ်တောက်မှု ဖြစ်ပွားချိန်မှာ ရန်ကုန်မြို့တွင် ၀န်ထမ်းအများစု ရုံးဆင်းအပြီး အိမ်ပြန်ချိန်တွင် ဖြစ်ပွားခဲ့ခြင်းကြောင့် ယာဉ်ကြောပိတ်ဆို့မှု ဖြစ်ပေါ်ခဲ့ရကြောင်းလည်း သိရသည်။

"ရုံးဆင်းချိန်ဖြစ်သလို မိုးကလည်း ရွာထားတဲ့အတွက် အရင်ကမှ ယာဉ်ကြောပိတ်ဆို့မှု ဖြစ်နေရတဲ့အထဲမှာ မီးပြတ်ပြီး မီးပွိုင့်တွေပါ ရပ်သွားတော့ ယာဉ်ကြောပိတ်သွားတာ တော်တော်ကြာပါတယ်။ နောက်ပြီး မီတာခတွေ တိုးပြီး ကောက်မယ်လို့ ရုတ်တရက် ကြေညာအပြီးနောက်မှာ ဖြစ်တဲ့အတွက် တမင်လုပ်တာလို့တောင် ထင်မိတယ်။ ဘာမှ စောဒကမတက်နိုင်တဲ့ ပြည်သူတွေကို လုပ်ချင်သလို လုပ်နေကြတယ်လို့ပဲ ခံစားရပါတယ်"ဟု ရန်ကုန်မြို့နေ ပုဂ္ဂလိက၀န်ထမ်း ကိုမောင်က ပြောကြားသည်။

EMG

Read More

လျှပ်စစ်ဓာတ်အားခ နှစ်ဆအထိ တိုးမြှင့်ခြင်းအား နှစ်ရက်သာ ကြိုတင်အကြောင်းကြား ခဲ့သည့်အတွက် ဝေဖန်မှုများ ပြင်းထန်

 Created on Wednesday, 30 October 2013

ရန်ကုန်မြို့အတွင်း တစ်နေရာတွင် လိုင်းကားစောင့်ဆိုင်း နေသူများအား တွေ့ရစဉ်

လျှပ်စစ်ဓာတ်အားခများကို နှစ်ဆနီးပါးအထိ ရုတ်တရက် တိုးမြှင့်ခြင်းအား နှစ်ရက်သာ ကြိုတင်အသိပေး အကြောင်းကြားခြင်းအပေါ် လူအများကြား ဝေဖန်မှုများ ပြင်းထန်လျက် ရှိသည်။

နိုဝင်ဘာ ၁ ရက်တွင် စတင်တိုးမြှင့် ကောက်ခံမည့် လျှပ်စစ်ဓာတ်အားခ နှုန်းထားများ အကြောင်းကို လျှပ်စစ်စွမ်းအား ၀န်ကြီးဌာန၊ ရန်ကုန်မြို့တော် လျှပ်စစ်ဓာတ်အားပေးရေး အဖွဲ့က အောက်တိုဘာ ၂၉ ရက်ထုတ် အစိုးရ သတင်းစာများတွင် ထည့်သွင်းကြေညာခဲ့ခြင်း ဖြစ်သည်။

အသိပေး ကြေညာရာတွင်လည်း လျှပ်စစ်စွမ်းအား ၀န်ကြီးဌာန၊ ရန်ကုန်မြို့တော် လျှပ်စစ်ဓာတ်အားပေးရေး အဖွဲ့သည် ဓာတ်အားထုတ်လုပ်မှု ကုန်ကျစရိတ်နှင့် ဓာတ်အားဝယ်ယူမှု ကုန်ကျစရိတ်များ တတ်နိုင်သမျှ ကာမိစေရန်အတွက် ၂၀၁၃ ခုနှစ် နိုဝင်ဘာလ ဓာတ်အားသုံးစွဲမှုအပေါ်မှ စတင်ကာ ဓာတ်အားခ နှုန်းထားများ ပြင်ဆင်သတ်မှတ် လိုက်သည်ဟူသော အကြောင်းပြချက်၊ ဖြေရှင်းချက် တစ်ရပ်ကိုသာ ဖော်ပြထားသည်။

ပြင်ဆင်သတ်မှတ်လိုက်သည့် ဓာတ်အားခ နှုန်းများမှာ အများပြည်သူ (အိမ်သုံး) တစ်ယူနစ်မှ ၁၀၀ ယူနစ်အထိ အသုံးပြုသူများအား လက်ရှိဈေးအတိုင်း ၃၅ ကျပ်၊ ၁၀၁ ယူနစ်နှင့်အထက် သုံးသူများ တစ်ယူနစ် ကျပ် ၅၀ ဖြစ်ပြီး အများပြည်သူ (စက်မှု၊ စီးပွားရေး၊ တစ်လုံးတစ်ခဲတည်း၊ ယာယီ) တစ်ယူနစ်မှ ၅၀၀၀ ယူနစ်အထိ သုံးသူများ ၁၀၀ ကျပ်၊ ၅၀၀၁ ယူနစ်နှင့်အထက် သုံးသူများမှာ ၁၅၀ ကျပ်ဖြစ်ပြီး အစိုးရဌာန ရုံးသုံးအတွက် တစ်ယူနစ် ၅၀ ကျပ်၊ အစိုးရဌာန စက်မှုသုံးအတွက် တစ်ယူနစ် ၁၀၀ ကျပ်ဖြစ်ကြောင်း သိရသည်။

တိုးမြှင့်လိုက်သည့် နှုန်းထားသစ်များဖြင့် လာမည့်နိုဝင်ဘာ ၁ ရက်မှ စတင်ကာ သတ်မှတ်ကောက်ခံ သွားမည်ဖြစ်ကြောင်း အသိပေး ကြေညာထားသည်။ မိသားစုတစ်စု၏ လျှပ်စစ်ဓာတ်အား အသုံးပြုသည့် ပမာဏမှာ တစ်လလျှင် မည်မျှပင် ချွေတာသုံးစွဲသည်ဖြစ်စေ အများစုမှာ ၁၀၀ ယူနစ်အထက် သုံးစွဲကြရသည့်အတွက် ပြည်သူအများစုမှာ တစ်ယူနစ် ကျပ် ၅၀ ဖြင့် ပေးဆောင်ကြရမည်သာ ဖြစ်သည်။

အများပြည်သူသုံး မီတာခမှာ ယခင်ကထက် ရာခိုင်နှုန်း ၄၀ မြင့်တက်လာပြီး စီးပွားရေးလုပ်ငန်း အသုံးပြုသည့် မီတာခမှာ နှစ်ဆအထိ တက်လာခြင်းဖြစ်သည်။

ဒီလို ဖွဲ့စည်းပုံ အခြေခံဥပဒေ ပြင်ဆင်ရေး၊ ပြည်တွင်းငြိမ်းချမ်းရေးတွေကို ပြည်သူတွေ အာရုံစိုက်နေတဲ့ အချိန်မှာ ဒါဟာနောက်ထပ် ဖောက်ခွဲလိုက်တဲ့ ဗုံးတစ်လုံးပေါ့ဗျာ။ ကုန်ဈေးနှုန်းတွေ တက်နေတယ်။ ပြည်တွင်း ပဋိပက္ခတွေ ပြဿနာတွေကြောင့် လူတွေစီးပွားရေး မကောင်းဘူး။ နိုင်ငံခြား ရင်းနှီးမြှုပ်နှံမှုတွေ ထင်သလောက် မ၀င်လာဘူး။ ပြည်သူတွေ ပိုကျပ်တည်း လာနေတယ်။ ဒီအခြေအနေမျိုးမှာ လျှပ်စစ်ခကို ဒီလိုနှစ်ဆ တိုးလိုက်တယ်ဆိုတာ . . . . .


ရှေ့နေ ဦးသန်းမောင် (စစ်တွေ) က ရုတ်ချည်းမီတာခများ တိုးမြှင့်မှုအပေါ် "ဒီလို တိုးမြှင့်လိုက်တာ အများပြည်သူနဲ့ စီးပွားရေး လုပ်ငန်းတွေအပေါ် သက်ရောက်မှာပါ။ ပြည်သူလူထုက အာဏာအပ်နှင်းထားတဲ့ အစိုးရ အနေနဲ့ ပြည်သူကိုတော့ ကြိုတင်ပြင်ဆင်ခွင့်ရအောင် အကျိုးအကြောင်းနဲ့ ရှင်းပြသင့်ပါတယ်" ဟု ထောက်ပြပြောကြား သွားခဲ့သည်။

"ကျွန်တော်တို့ ဆေးရုံက တစ်လကို ယူနစ်လေးသိန်းကနေ ခြောက်သိန်းကြား သုံးစွဲပါတယ်။ ကျန်းမာရေးဆိုတော့ ချွေတာလို့ ဘယ်ရမလဲဗျာ။ ယူနစ် ၅၀၀၀ အထိက ၁၀၀ ဆိုပေမယ့် တစ်ကယ်ကျတော့ လျှပ်စစ်ခက ၇၅ ကျပ်ကနေ ကျပ် ၁၅၀ နှစ်ဆတက်တဲ့ သဘောဖြစ်နေတယ်။ တစ်ခြားနိုင်ငံတွေမှာ ၂၀ ရာခိုင်နှုန်းလောက်တက်တောင် ကြိုတင်အကြောင်းကြားကြတယ်။ လွှတ်တော်မှာ အကြိတ်အနယ် ဆွေးနွေးဆန္ဒတွေ ပြကြဘာလုပ်ကြနဲ့ ဒီမှာတော့ ရုတ်တရက်ကြီး နှစ်ဆတက်လိုက်တာ ဆိုတော့ဗျာ တော်တော်ခက်ပါတယ်" ဟု အာရှတော်ဝင် ဆေးရုံမှ မန်နေဂျင်းဒါရိုက်တာ ဒေါက်တာမြတ်သူက ပြောကြားခဲ့သည်။

ဓာတ်အားနှုန်းများကို အဆင့်ဆင့် တိုးမြှင့်ကောက်ခံရာတွင် ၂၀၀၆ ခုနှစ် ဇန်န၀ါရီ ၅ ရက်မှ စတင်ကာ အိမ်သုံးအတွက် တစ်ယူနစ်လျှင် ၂၅ ကျပ်၊ စီးပွားရေးသုံးအတွက် တစ်ယူနစ်လျှင် ကျပ် ၅၀ သို့ အသီးသီး တိုးမြှင့်ခဲ့ပြီး ၂၀၁၂ ခုနှစ် ဇန်န၀ါရီ ၁ ရက်မှ စတင်ကာ အိမ်သုံးအတွက် တစ်ယူနစ်လျှင် ၃၅ ကျပ်၊ စီးပွားရေး လုပ်ငန်းသုံးအတွက် တစ်ယူနစ်လျှင် ၇၅ ကျပ်သို့ အသီးသီး ထပ်မံတိုးမြှင့် ကောက်ခံခဲ့ခြင်းဖြစ်သည်။



ရန်ကုန်မြို့တွင်း တစ်နေရာအား အောက်တိုဘာလ အတွင်းက တွေ့ရစဉ်

ယခင်က တိုးမြှင့်ရာတွင် တစ်ယူနစ် မည်မျှအရှုံးပေါ်သည့်အတွက် တိုးမြှင့်ရခြင်းကို တွက်ချက်ပြခြင်း၊ တစ်လနီးပါး ကြိုတင်အသိပေးခြင်းများ ပြုလုပ်ခဲ့သော်လည်း ယခုအကြိမ်တွင်မူ စတင်ကောက်ခံမည့်နေ့ မရောက်မီ နှစ်ရက်အလို၌သာ ကြိုတင်အသိပေးခြင်း၊ တိကျသည့် တွက်ချက်ပြမှု မရှိခြင်း၊ အထူးသဖြင့် ပုဂ္ဂလိက ကုမ္ပဏီကြီးများသို့ လျှပ်စစ်ဓာတ်အား ဖြန့်ဖြူးခြင်း လုပ်ငန်းလွှဲပြောင်းပြီး မကြာမီ ယခုကဲ့သို့ တိုးမြှင့်လိုက်ခြင်း၊ ပုဂ္ဂလိက ကုမ္ပဏီများသို့ လွှဲပြောင်းရာတွင် လည်းကောင်း၊ ပုဂ္ဂလိက ကုမ္ပဏီများထံမှ နိုင်ငံတော် အနေဖြင့် ဓာတ်အားပြန်လည် ၀ယ်ယူရာတွင် လည်းကောင်း မည်သည့်ဈေးဖြင့်ပေးကာ ၀ယ်ယူရသည်ကို ပွင့်လင်းမြင်သာစွာ ထုတ်ပြန်မှု မရှိခဲ့ခြင်း၊ ပုဂ္ဂလိက ကုမ္ပဏီများ ပိုမိုအကျိုးရှိစေခြင်း၊ အများပြည်သူ၏ ၀င်ငွေတိုးတက်အောင် လုပ်ဆောင်ပေးနိုင်ခြင်း မရှိမီ ပြည်သူလူထု၏ လူနေမှုစရိတ် မြင့်တက်အောင် ဆောင်ရွက်လိုက်ခြင်း များကြောင့်လည်း လူအများမှ ဝေဖန်ထောက်ပြလာခြင်း ဖြစ်သည်။

၂၀၁၃ ခုနှစ် ဇူလိုင်လ မတိုင်ခင် ကတည်းက လျှပ်စစ်စွမ်းအား ၀န်ကြီးဌာန အနေဖြင့် ပုဂ္ဂလိက ကုမ္ပဏီများသို့ လျှပ်စစ်ဓာတ်အား ဖြန့်ဖြူးရေး လုပ်ငန်းများကို စာချုပ်ချုပ်ဆို လုပ်ကိုင်ခွင့် ပေးနေခဲ့ပြီး မြို့နယ်ပေါင်း ၈၄ မြို့နယ်အား လုပ်ကိုင်ခွင့် ပေးခဲ့သည်။

ပုဂ္ဂလိကသို့ လုပ်ကိုင်ခွင့် ပေးရာတွင်လည်း မြန်မာနိုင်ငံတွင် လုပ်ငန်းပေါင်းများစွာ လုပ်ကိုင်ခွင့် ရရှိထားသည့် ဦးထွန်းမြင့်နိုင်၏ အေးရှားဝေါလ် ကုမ္ပဏီ (Gold Energy Co.,Ltd အမည်ဖြင့်)၊ ဆန်စပါး လုပ်ငန်းဖြင့် အကျိုးအမြတ် ရရှိနေသည့် ဦးချစ်ခိုင်၏ ဧဒင်စွမ်းအင်နှင့် သဘာဝ အရင်းအမြစ်များ ဖွံ့ဖြိုးတိုးတက်ရေး ကုမ္ပဏီ၊ လုပ်ငန်းပေါင်းများစွာ လုပ်ကိုင်ခွင့် ရရှိထားသည့် ဒေါက်တာကိုကိုကြီး၏ Capital Development Ltd၊ ကျောက်မျက်တွင်းထွက် လုပ်ငန်းဖြင့် ကြွယ်ဝလာသည့် Ruby Dragon ကုမ္ပဏီ အပါအ၀င် မြို့နယ် ၈၄ မြို့နယ်ကို ပုဂ္ဂလိက ကုမ္ပဏီ ၂၀ ကျော်တည်းမှ ရယူထားခဲ့ ကြသည်။

အေးရှားဝေါလ် ကုမ္ပဏီ (Gold Energy Co.,Ltd အမည်ဖြင့်) ဆိုပါက ကုမ္ပဏီ တစ်ခုတည်းဖြင့် ပဲခူးတိုင်းဒေသကြီး အရှေ့ရှိ မြို့နယ်ပေါင်း ၂၇ မြို့နယ်ကို တစ်ဦးတည်း ဖြန့်ဖြူး ခွင့်ရရှိပြီး မြို့နယ်အများဆုံးကို လုပ်ကိုင်ခွင့် ရရှိသော ကုမ္ပဏီဖြစ်သည်။

ထို့ပြင် ပြည်တွင်းပြည်ပ ကုမ္ပဏီများသို့ BOT စနစ်ဖြင့် လျှပ်စစ်ဓာတ်အား ထုတ်လုပ်ရောင်းချခွင့် ပြုခဲ့ပြီး BKB ကုမ္ပဏီ၊ Toyo-Thai ကုမ္ပဏီ၊ UPP Holding၊ မြန်မာဗဟိုစွမ်းအား၊ Myanmar Power Pte.,Ltd တို့ အပါအ၀င် ကုမ္ပဏီများစွာကို လုပ်ကိုင်ခွင့်ပြုခြင်း၊ လုပ်ကိုင်ခွင့်ပေးရန် စီစဉ်နေခြင်းများ ရှိသည်ဟု သိရသည်။

ဒီလို တိုးမြှင့်လိုက်တာ အများပြည်သူနဲ့ စီးပွားရေး လုပ်ငန်းတွေအပေါ် သက်ရောက်မှာပါ။ ပြည်သူလူထုက အာဏာအပ်နှင်းထားတဲ့ အစိုးရ အနေနဲ့ ပြည်သူကိုတော့ ကြိုတင်ပြင်ဆင်ခွင့်ရအောင် အကျိုးအကြောင်းနဲ့
ရှင်းပြသင့်ပါတယ် . . . . .


ပုဂ္ဂလိက ကုမ္ပဏီများသို့ လုပ်ကိုင်ခွင့်ပြုခြင်းထက် အဆိုပါ ပုဂ္ဂလိက ကုမ္ပဏီများထံမှ လျှပ်စစ်ပြန်ဝယ်ရမည့်ဈေးအား ပွင့်လင်းမြင်သာစွာ ထုတ်ပြန်ခြင်း မရှိပဲ စာချုပ်ချုပ်ဆိုခွင့် ပြုခဲ့ခြင်းများသည် အဓိက ဝေဖန်စရာအဖြစ် ရှိခဲ့သည်။

အေးရှားဝေါလ် ကုမ္ပဏီ (ရွှေစွမ်းအင်ကုမ္ပဏီ) မှ BOT စနစ်ဖြင့် တည်ဆောက်လုပ်ကိုင်ခွင့် ရရှိသွားသော သောက်ရေခပ် (၂) ရေအားလျှပ်စစ် စီမံကိန်းမှ ထွက်ရှိသည့် ဓာတ်အားများကို လျှပ်စစ်စွမ်းအား ၀န်ကြီးဌာနမှ ပြန်လည်ဝယ်ရာတွင် တစ်ယူနစ်လျှင် ၇၀ ကျပ်အထိ ပေးရမည်ဖြစ်ပြီး ထိုသို့ပေးရန် အတွက်လည်း လျှပ်စစ်စွမ်းအား ၀န်ကြီးဌာနမှ သဘောတူ စာချုပ်ခဲ့ခြင်းဖြစ်သည်။

၁၂၀ မဂ္ဂါဝပ် စက်တပ်ဆင်အားရှိသည့် အလုံသဘာဝဓာတ်ငွေ့သုံး လျှပ်စစ်ဓာတ်အားပေး စက်ရုံကို တည်ဆောက်လုပ်ကိုင်ရန် Toyo-Thai ကုမ္ပဏီအား ခွင့်ပြုစဉ်က တစ်ယူနစ် ဓာတ်အားခ ကျသင့်ငွေမှာ အမေရိကန်ဒေါ်လာဖြင့် ၁၃ ဒသမ ၃၁ ဆင့် မြန်မာကျပ်ငွေဖြင့် (လက်ရှိ တစ်ဒေါ်လာ ၉၇၅ ကျပ်ဖြင့် ဆိုပါက) တစ်ယူနစ် ၁၃၀ ကျပ်နီးပါးဖြင့် ခွင့်ပြုပေးခဲ့ခြင်း ဖြစ်သည်။

BKB ကုမ္ပဏီမှာလည်း ထိုသို့ပင် တစ်ယူနစ် ၁၃၀ ကျပ်နီးပါး ကျသင့်ပြီး ယခုသဘောတူ စာချုပ်ချုပ်ဆိုရန် စီစဉ်နေသည့် Myanmar Power ဖြင့် ဆိုပါက ဓာတ်အားခမှာ တစ်ယူနစ် ၁၂၀ ကျပ်အထိ ပေးရဖွယ် ရှိနေပြီး UPP Holding ဖြင့် ဆိုပါက တစ်ယူနစ်လျှင် ဓာတ်အားခဈေးမှာ ၁၅၂ ကျပ်ကျော်အထိ (တစ်ဒေါ်လာ ၉၇၅ ကျပ်နှုန်းဖြင့်) ကျသင့်မည်ဖြစ်သည်။

အရှုံးခံ၍ မည်သည့်ပုဂ္ဂလိက ကုမ္ပဏီမှ စေတနာသက်သက် လုပ်ပေးမည် မဟုတ်ပဲ ဖော်ပြပါ ဈေးနှုန်းများသည် ၎င်းတို့ အမြတ်အစွန်းအတွက် ထည့်တွက်ပြီး ဈေးနှုန်းများဖြစ်ရာ နောက်ဆုံးတွင် ပုဂ္ဂလိက ကုမ္ပဏီများသာ အကျိုးအမြတ်ရှိမည့် အနေအထား ဖြစ်နေကြောင်း၊ ပုဂ္ဂလိက ကုမ္ပဏီ အများစုနှင့် စာချုပ်ချုပ်ဆို လွှဲပြောင်းပြီးမှ ယခုကဲ့သို့ အများပြည်သူထံမှ ဓာတ်အားခ တိုးကောက်ရန် စီစဉ်ခြင်းမှာလည်း ၀န်ကြီးဌာနမှ ပုဂ္ဂလိက ကုမ္ပဏီများ လိုချင်သည့် ဈေးအတိုင်း ပေးချေနိုင်ရန် တိုးကောက်သည့်သဘော ဖြစ်နေသည်။

ပုဂ္ဂလိက ကုမ္ပဏီများ ရှုံးမရှုံး တွက်ချက်ကြည့်ပါက ဥပမာအားဖြင့် အေးရှားဝေါလ် ကုမ္ပဏီ (Gold Energy Co.,Ltd အမည်ဖြင့်) လုပ်ကိုင်ခွင့် ရထားသည့် သောက်ရေခပ် စီမံကိန်းမှ ကုမ္ပဏီက အစိုးရသို့ ပြန်ရောင်းရာတွင် ယခု ၂၀၁၃ ခုနှစ် တစ်နှစ်တည်း အတွက်ပင် ကုမ္ပဏီမှ ကျပ်ဘီလျံ ၃၀ အထိ ရမည်ဖြစ်ပြီး ကုမ္ပဏီမှ ရင်းနှီးမြှုပ်နှံထားသည့် ပမာဏမှာ ကျပ် ၂၃၀ ဘီလျံသာ ရှိကြောင်း၊ နှစ်ရှည်လုပ်ကိုင်ခွင့် ပြုထားသည့်အတွက် ၁၀ နှစ် မပြည့်မီ အချိန်၌ပင် အမြတ်အစွန်း ပမာဏ ကြီးမားစွာ စတင်ရရှိနိုင်သည့် အခြေအနေ ရှိသည်။

အများပြည်သူ ဘဏ္ဍာငွေအား ခွဲဝေသုံးစွဲမှုပိုင်းကို ပြန်ကြည့်လျှင်လည်း လျှပ်စစ်စွမ်းအား ၀န်ကြီးဌာနသည် ၁၉၈၉ ခုနှစ်မှ ၂၀၁၁ ခုနှစ်အထိ တည်ဆောက်ခဲ့သည့် စီမံကိန်းပေါင်း များစွာထဲမှ ရဲနွယ်၊ ဆည်တော်ကြီး၊ ရဲရွာ၊ ရွှေကျင် အပါအ၀င် စီမံကိန်း ၁၄ ခုထဲ အတွက်ပင် ကျပ်သန်းပေါင်း ၄၂၇၈၇၂ ကျော်နှင့် အမေရိကန်ဒေါ်လာ ၈၂၂ သန်းကျော်အထိ အသုံးပြု တည်ဆောက်ခဲ့ကြသည်အထိ ဘဏ္ဍာငွေ အမြောက်အများကို သုံးစွဲခဲ့သည့် ၀န်ကြီးဌာန ဖြစ်သည်။

အများပြည်သူ ဘဏ္ဍာငွေများစွာ အသုံးပြုကာ စီမံကိန်းများစွာကို အကောင်အထည် ဖော်ခဲ့သော်လည်း ယနေ့အထိ လျှပ်စစ်မီး ရရှိမှု တည်ငြိမ်သင့်သလောက် တည်ငြိမ်မှု မရှိပဲ လိုအပ်ချက်များစွာ ဖြစ်ပေါ်နေဆဲ ဖြစ်သည်။

ထို့ထက်ပို၍ ယခု ၂၀၁၃-၂၀၁၄ ဘဏ္ဍာနှစ်တွင်လည်း ခွင့်ပြုပေးထားသည့် ဘတ်ဂျက်မလောက်၍ အပိုဆောင်း ထပ်တောင်းခံသည့် ၀န်ကြီးဌာန များထဲတွင် ကျပ် ၂၀၄ ဒသမ ၅၅၀ ဘီလျံဖြင့် ဒုတိယ အများဆုံး ထပ်မံတောင်းခံသည့် ၀န်ကြီးဌာနတစ်ခု ဖြစ်နေပြန်သည်။

အများပြည်သူ ၀င်ငွေနှင့် ပြည်သူများ၏ စီးပွားရေး လုပ်ငန်းများကို ပြန်ကြည့်လျှင် ယခင်အတိုင်းပင် ရုန်းကန်နေရဆဲ အခြေအနေ၌ပင် ရှိနေပြီး ပြည်သူအများစု၏ ၀င်ငွေမှာလည်း သိသာစွာ တိုးတက်လာခြင်း မရှိသည့် အနေအထားဖြစ်သည်။



ရန်ကုန်မြို့တွင်း လမ်းဘေးတစ်နေရာတွင် တောင်းရမ်းနေသည့် အဘွားအို တစ်ဦးအား တွေ့ရစဉ် (ဓာတ်ပုံ-အောင်မျိုးသန့်)

ရွှေယမုံ ကုမ္ပဏီ၏ လုပ်ငန်းရှင် ဦးထွန်းအေးကလည်း "နိုင်ငံတကာမှာ ပို့ကုန်လုပ်ငန်းရှင်တွေ အခက်အခဲတွေ့ရင် တိုင်းပြည်စီးပွားရေးလဲ အခက်အခဲ တွေ့တာပဲ။ အခုလို တိုးလိုက်တဲ့အတွက် မြန်မာလုပ်ငန်းရှင်တွေ အနေနဲ့ အထူးသဖြင့် ကျွန်တော်တို့လို အအေးခန်းစက်ရုံ လုပ်ငန်းရှင်တွေ အနေနဲ့ နိုင်ငံတကာ ဈေးကွက်မှာ ယှဉ်ပြိုင်ရတာ ပိုခက်သွားမယ်။ ဒီမှာလျှပ်စစ်ဓာတ်အားခ တိုးလိုက်လို့ ပြည်ပဈေးကွက်မှာ သွားပြီးဈေးတိုးတောင်းလို့ မရဘူး။ ဒီတော့ ခေတ်ကာလ ကုန်ကျစရိတ်နဲ့ လျော်ညီအောင် အလုပ်သမားတွေကို လခတိုးပေးဖို့ထက် အခုမီတာခ အတွက်ကိုပဲ အာရုံပိုစိုက်ရမယ့်သဘော ဖြစ်နေတယ်။ ကျွန်တော့် စက်ရုံက တစ်လကို ယူနစ် ၂၇၀၀၀၀ လောက် အသုံးပြုတယ်။ ကျပ်သိန်းရာနဲ့ချီပြီး ပိုကုန်ကျတော့မယ်။ ပြင်ဆင်ချိန်ရအောင် ကြိုတင်လည်း အသိပေးသင့် ပါတယ်။ လက်ရှိစီးပွားရေး လုပ်ငန်းတွေကလည်း အရင်ကထက် ပိုကောင်းနေတာ မဟုတ်ဘူး။ တစ်ကယ်လို့ တိုးမယ်ဆိုရင်တောင် ဘယ်ကာလမှာ ဘယ်လောက်တိုးမယ်၊ နောက်ဘယ်လောက်ကြာရင် ဘယ်လောက်တိုးမယ် ဆိုတာကို ကြိုတင်အသိပေး သင့်တယ်။ မြန်မာနိုင်ငံက ရေထွက်ပစ္စည်းပို့တာ ဒေါ်လာသန်း ၆၀၀ ဖိုးလောက်ပဲ ရှိတယ်။ ထိုင်းက ဘီလျံပေါင်းများစွာ ရှိတယ်။ ဗီယက်နမ်လည်း မြန်မာထက် များတာပဲ။ အဲဒီ အနေအထားမှာ ထိုင်းက မီတာခနဲ့တွက်ပြီး တိုးတောင်းတာမျိုး ဆိုရင်တော့ မဖြစ်သင့်ဘူး" ဟု ပြောကြားခဲ့သည်။

မြန်မာနိုင်ငံ ငါးလုပ်ငန်း အဖွဲ့ချုပ်၏ တာဝန်ရှိသူ ဦးဝင်းကြိုင်က "ဓာတ်အားခ တိုးလိုက်တဲ့အတွက် အများပြည်သူရော လုပ်ငန်းရှင်ရော နှစ်ဖက်စလုံး ဒီဒဏ်ကို ခံစားရမှာ မလွဲမသွေပဲ။ မီတာခတက်ရင် ကုန်ထုတ်စရိတ်တက်ရင် ပို့ကုန်လုပ်ငန်းရှင်က ပြည်ပဈေးကွက်မှာ တစ်ခြားနိုင်ငံနဲ့ မယှဉ်နိုင်တဲ့အတွက် ဈေးကွက်ရှာဖွေရာမှာ ကိုယ့်နိုင်ငံက လုပ်ငန်းရှင်တွေပဲ နောက်ကျကျန်ခဲ့မယ်။ ပြည်ပပို့ကုန် လုပ်ငန်းရှင်တွေက လက်ရှိပို့ကုန်တွေအတွက် ပြည်ပက လုပ်ငန်းရှင်ဆီမှာ ဈေးတိုးတောင်းလို့ ဘယ်လိုမှ ရစရာ မရှိဘူး။ ပို့ကုန်လုပ်ငန်းရှင်ကတော့ အရှုံးမခံဘူး။ သူအဆင်ပြေအောင် ပြည်ပမှာ ဈေးတိုးတောင်းလို့ မရရင် ပြည်တွင်းက ကုန်ကြမ်းထုတ်တဲ့ သူတွေဆီမှာ ဈေးလျှော့ဝယ်မှာပဲ။ ဒါဆို ကုန်ကြမ်းထုတ်ရောင်းတဲ့ အများပြည်သူပဲ ထပ်ပြီးထိမယ်။ လျှပ်စစ်မီး အချိန်မှန် ရမယ်လို့ အာမခံနိုင်တဲ့အချိန် သင့်တင့်တဲ့ဈေးကိုတိုးတာ အကြောင်းမဟုတ်ဘူး။ စီးပွားရေး လုပ်ငန်းတွေကလည်း ကောင်းလားမေးရင် အရင်အတိုင်းပဲ အများပြည်သူရဲ့ နေ့စဉ်ဝင်ငွေကလည်း တိုးလာတာ မဟုတ်ဘူး။ ဓာတ်အားခ တိုးမယ်ဆိုရင်လည်း ပြင်ဆင်ချိန်ရအောင် အချိန်လုံလောက်စွာနဲ့ အသိပေးသင့်တယ်။ အများပြည်သူက မဲပေးရွေးချယ်ထားတဲ့ အစိုးရ ဖြစ်တယ်လို့ ဆိုတဲ့အတွက် အများပြည်သူကို သေချာချပြပြီးမှ လုပ်သင့်တယ်လို့ ထင်တယ်" ဟု သုံးသပ်ပြောကြားခဲ့သည်။

အခြေခံ လုပ်သားများ ရရှိသည့် ၀င်ငွေနှင့် လူနေမှုစရိတ် ကာမိစေရန် လစာတိုးပေးရေးအတွက် ဆန္ဒပြမှုများ ရှိနေပြီး အသေးစား အလတ်စား စီးပွားရေး လုပ်ငန်းများမှာလည်း သိသာသည့် အထောက်အပံ့များ မရဘဲ ကိုယ့်အားကိုယ်ကိုး ရပ်တည်နေရဆဲ ဖြစ်သည်။

အိမ်ငှားခမှအစ စားစရိတ်အဆုံး နေမှုစားမှု စရိတ်များ မြင့်တက်နေ၍ အများပြည်သူမှာ ၀င်ငွေဖြင့် ကိုက်ညီစွာ နေနိုင်ရန် ရုန်းကန်နေရချိန်တွင် ယခုကဲ့သို့ လူနေမှုစရိတ် ပိုမိုမြင့်တက် ကုန်ကျစေမည့် ဓာတ်အားခ တိုးမြှင့်ခြင်းမျိုးကို ပြုလုပ်သည့် အတွက်လည်း ပြင်းပြင်းထန်ထန် ဝေဖန်လာကြခြင်း ဖြစ်သည်။

"ဒီလို ဖွဲ့စည်းပုံ အခြေခံဥပဒေ ပြင်ဆင်ရေး၊ ပြည်တွင်းငြိမ်းချမ်းရေးတွေကို ပြည်သူတွေ အာရုံစိုက်နေတဲ့ အချိန်မှာ ဒါဟာနောက်ထပ် ဖောက်ခွဲလိုက်တဲ့ ဗုံးတစ်လုံးပေါ့ဗျာ။ ကုန်ဈေးနှုန်းတွေ တက်နေတယ်။ ပြည်တွင်း ပဋိပက္ခတွေ ပြဿနာတွေကြောင့် လူတွေစီးပွားရေး မကောင်းဘူး။ နိုင်ငံခြား ရင်းနှီးမြှုပ်နှံမှုတွေ ထင်သလောက် မ၀င်လာဘူး။ ပြည်သူတွေ ပိုကျပ်တည်း လာနေတယ်။ ဒီအခြေအနေမျိုးမှာ လျှပ်စစ်ခကို ဒီလိုနှစ်ဆ တိုးလိုက်တယ်ဆိုတာ အတော်ကြီး မညှာမတာ လုပ်ရာကျပါတယ်။ ဒီ Impact က အရမ်းကြီးတယ်။ ၂၀၀၇ ခုနှစ်က စက်သုံးဆီဈေး တက်သလို ဖြစ်လာလိမ့်မယ်" ဟု Eleven Media Group ၏ CEO ဒေါက်တာသန်းထွဋ်အောင်က ပြောကြားသည်။

လျှပ်စစ်ဓာတ်အားခ နှစ်ဆအထိ တိုးမြှင့်ခြင်းနှင့် ပတ်သက်၍ ဝေဖန်ပြောကြားချက်များ

"အခုက အိမ်ငှားခတွေကကြီး၊ အခြား အသုံးစရိတ်တွေပါ လိုက်တက်ရင် ပြည်သူ့ဘ၀က မချောင်လည်ဘူး။ အခုက ပြောင်းလဲတယ်လို့ပြောတာ ဒုံရင်းက ဒုံရင်းပဲ။ ဘာမှလည်း ဟုတ်တိပတ်တိ ဖြစ်မလာဘူး။ စားဝတ်နေရေးပိုင်း၊ ၀င်ငွေပိုင်း၊ တိုးတက်မှု မရှိတဲ့အပြင် ပိုကျပ်လာသလိုပဲ။ ဒီလိုပုံစံကြီးနဲ့ ဘယ်လောက်ကြာကြာ သွားရမလဲဆိုတာ တွေးတိုင်း ရင်မောနေတယ်။ အပြင်က ရင်းနှီးမြှုပ်နှံမှု ဆိုတာလည်း ဒီမိုကရေစီစစ်စစ် အစိုးရ မဟုတ်ရင် မလာဘူး။ ပေါ်လစီက အခုတစ်မျိုး၊ တော်ကြာတစ်မျိုးနဲ့ စီးပွားရေး လုပ်ငန်းတွေ ဘယ်လာချင်မလဲ။ လာပြီး ဖျာခင်းထားတာလောက်ပဲ ရှိတယ်။ အဲဒါ ပကတိ အခြေအနေပဲ။ ဒါကို ဖုံးကွယ် မထားပါနဲ့။ ကြီးကြီးကျယ်ကျယ် တိုင်းပြည်ပြောင်းလဲ ချင်တယ်ဆိုရင် အရင်လူတွေ စိတ်လျှော့လိုက်ပါတော့။ လွတ်လပ်ခွင့် ပေးပါတော့။ နှစ်ငါးဆယ်လုံး ခံစားနေရတဲ့ ပြည်သူတွေကို သနားသောအားဖြင့် ကြိုးဖြေပေးလိုက်ပါလို့ပဲ ပြောချင်ပါတယ်"
စာရေးဆရာကောင်းသန့်

"သတင်းစာထဲမှာ ပါလာတဲ့ မီတာခ တိုးကောက်တဲ့ သတင်းက စိတ်ညစ်စရာပါ။ ကျွန်မတို့နိုင်ငံက အိမ်နီးချင်း နိုင်ငံတွေကို လျှပ်စစ်ဓာတ်အားတွေ ထုတ်ရောင်းတာလည်း တစ်နိုင်ငံလုံး အသိပါ။ အခုလို နိုင်ငံခြားကို လျှပ်စစ်ထုတ်ရောင်းပြီး နိုင်ငံတွင်းမှာ မီတာခ တိုးကောက်တာက မဖြစ်သင့်ပါဘူး။ လျော့မကောက်ရင်တောင် မီတာခကို တိုးမကောက်သင့်ပါဘူး။ မီတာခသာ တိုးကောက်တယ် မီးက ရန်ကုန်တစ်မြို့လုံး ၂၄ နာရီ မီးအပြည့် မလာတဲ့ နေရာတွေ အများကြီး ရှိတယ်။ အခု ဆိုရန်ကုန်မှာ နေထိုင်စားသောက် စရိတ်က အဘက်ဘက် မြင့်တက်နေတယ်။ အဆောင်ခဆိုလည်း မနှစ်ကထက် နှစ်သောင်းလောက် တိုးလာတယ်။ အခုရတဲ့ လစာထဲက အိမ်ပြန်ပို့ရတဲ့ငွေ ပိုပြီးနည်းလာဖို့ပဲ ရှိတယ်"
မမာလာ (ကုမ္ပဏီဝန်ထမ်း)

"ကျွန်တော်တို့ ပြည်သူတွေကတော့ ဖောင်စီးရင်း ရေငတ်နေတာပါဗျာ။ လျှပ်စစ်ဓာတ်အားကို ၂၄ နာရီ မပေးနိုင်သေးဘဲ မီတာခကို ဈေးနှုန်းမြှင့်တာမျိုးတော့ မဖြစ်သင့်ပါဘူး။ ကျွန်တော်တို့အိမ်ဆို တစ်လ မီတာဆောင်ရတာ ၆၀၀၀၀ နဲ့ ၇၀၀၀၀ ကြားမှာ ရှိတယ်။ အိမ်မှာက အ၀တ်လျှော်စက် သုံးတယ်။ အဲကွန်းသုံးတယ်။ ရေခဲသေတ္တာ သုံးတယ်။ ထမင်းချက်တယ်။ ခုလိုမျိုးတိုးတော့ အရင်ကလို သုံးလို့မဖြစ်တော့ဘူး။ ချွေတာရမှ ဖြစ်တော့မယ်။ တစ်လကို ဘယ်လိုသုံးသုံး ယူနစ်တစ်ရာတော့ အသာလေး ကျော်တယ်။ မကျော်ချင်ရင်တော့ မိန်းချထားမှပဲ ရမယ်"
ကိုမင်းမင်းဦး (မင်္ဂလာတောင်ညွှန့်)

"အိမ်ငှား စရိတ်တွေ တအားတက်လာတဲ့ အချိန်မှာ ငှားပြီးဖွင့်ရတဲ့ လုပ်ငန်းတွေက ဒုက္ခရောက်ပြီ။ အစ်မတို့က အခု ရုံးခန်းလေးတောင် တစ်လကို တစ်သိန်းကျော် မီတာဆောင်ရတယ်။ စက်ရုံ အလုပ်ရုံ အတွက်ဆိုရင်တော့ တစ်မျိုးပေါ့။ ဆိုင်းဘုတ်မြင်တာနဲ့ စီးပွားရေး လုပ်ငန်းဆိုပြီး လုပ်ငန်းသုံးလို့ ကောက်တာကတော့ ဘာစီးပွားရေးမှ လုပ်ကိုင်စားလို့ မရဘဲနဲ့ လူတွေအကုန်လုံး ၀န်ထမ်းပဲ လုပ်ကြ၊ ကိုယ်ပိုင်လုပ်ငန်း ထောင်မစားနဲ့လို့ ပြောတာနဲ့ တူနေသလိုပဲ။ လုပ်ငန်းသုံး မီတာကို စက်မှုဇုန်တွေမှာ ကောက်တာကို မပြောလိုပါဘူး။ ဆိုင်းဘုတ်ထောင်တာ မြင်တာနဲ့ စီးပွားရေး လုပ်ငန်းဆိုပြီး ကောက်တာကတော့ လွန်ပါတယ်။ လူတိုင်းကတော့ ဆိုင်းဘုတ်ကလေးတော့ တင်ချင်ကြတာပဲ။ အဲလိုလေး တင်မိတာနဲ့ကို စီးပွားရေးလုပ်ငန်းသုံးထဲ ပို့မယ်ဆိုတာကတော့ ဘယ်လိုမှ အဆင်ပြေမှာ မဟုတ်တော့ဘူး။ ဗေဒင်ဆရာတောင်မှ စီးပွားရေး လုပ်ငန်းသုံးဆိုပြီးကောက်ရင် ဘယ်လိုလုပ်တော့မလဲ။ ဆိုင်းဘုတ်ထောင်လိုက်တာနဲ့ ရုံးဖြစ်သွားလို့ လုပ်ငန်းသုံးနဲ့ ပေးရမယ် ဆိုတာကြီးက လုံးဝအဓိပ္ပါယ်မှ မရှိတာ။ ရုံးသေးသေးလေးတွေကအစ စီးပွားရေးမီတာ လိုက်ကောက်တာတော့ အဓိပ္ပာယ် မရှိပါဘူး"
မနွေ (တောင်ဥက္ကလာပမြို့နယ်)

"လျှပ်စစ်မီးဈေးနှုန်း သက်သက်သာသာနဲ့ မရရင် ဘယ်တော့မှ စက်ရုံအလုပ်ရုံတွေ ဖြစ်လာမှာ မဟုတ်ဘူး။ လျှပ်စစ်မီးကို ၂၅ ကျပ်နဲ့ ပေးတော့မယ်ဆိုပြီး သတင်းတွေ ထွက်လာတယ်။ နေ့ရွှေ့ညရွှေ့နဲ့ ပျောက်သွားတာပါပဲ။ နောက်နှစ်ဆို ပေးမယ်ဆိုတဲ့ စကားတွေက ရိုးသွားပြီ။ နောက်နှစ်တွေများ ကုန်ပြီ။ တကယ်တော့ ပြည်သူတွေဟာ မျှော်လင့်ချက် ကြီးစွာနဲ့ အောင့်အီးသည်းခံပြီး တာဝန်ရှိသူတွေ လုပ်သမျှကို ခါးစည်းခံစား နေကြရတာ ဖြစ်တယ်လို့ မြင်ပါတယ်။ တကယ်တိုးတက် စေချင်ရင် တကယ်လုပ်ဖို့ လိုတယ်။ အပြောနဲ့ မပြီးဘူး။ လက်တွေ့လုပ်ပြရမယ်။ လျှပ်စစ်မီးကိုသာ ကောင်းကောင်းလုပ် မပေးနိုင်ရင် ရခိုင်ပြည်နယ်ဟာ အခုထက် ဆင်းရဲတွင်း နက်နေဦးမယ်လို့ မြင်ပါတယ်"
ဦးသိန်းထွန်း (စီးပွားရေး လုပ်ငန်းရှင်၊ စစ်တွေ)

"တစ်လကုန်တိုင်း ကုန်ကျမယ့် အိမ်လခ စရိတ်တွေက များပြားရတဲ့အထဲ မီတာခက ထပ်ပြီးတော့ တိုးကောက်အုံးမယ်၊ မီတာခတွေက ထပ်ပြီးရင်း ထပ်ပြီးရင်း တက်နေတာတော့ ကုန်ကျစရိတ်တွေမှာ ပိုပြီးအကြပ်အတည်း တွေ့ပြီပေါ့၊ တစ်ခါတလေ ပိုပြီးကောက်တာမျိုးလည်း ရှိတယ်၊ တစ်ရာယူနစ်ကျော်ရင် ငါးဆယ်ဖြစ်ပြီ၊ မီတာခတွေ တိုးကောက်တာမျိုးကတော့ လွန်တာပေါ့။ ကျပ်တည်းနေတဲ့ မိသားစုတွေဆို ပိုဆိုးတာပေါ့"
ဒေါ်ပွင့်မော် (ဒေါပုံမြို့နယ်)

"အိမ်ခြံမြေဈေး၊ အိမ်လခတွေ၊ မီတာခတွေသာ တက်လာတယ်၊ ကျွန်တော်တို့ ၀န်ထမ်းလစာက တက်လာတာ မရှိဘူး။ ဒီကြားထဲ ဘာရီရ စရိတ်တွေပါ တက်လာတော့ ဘယ်လိုမှ ပိုလျှံလောက်ငဖို့ဆိုတာ မဖြစ်နိုင်ဘူး။ အခု မီတာခက ယူနစ်တစ်ရာကျော်တာနဲ့ တစ်ယူနစ်ကို ကျပ် ၅၀ တောင် ပေးရတော့မှာ။ ယူနစ်တစ်ရာ ဆိုတာက အိမ်တစ်အိမ် အတွက်တော့ ဘယ်လိုပဲ လျှပ်စစ်မီး ခြွေခြွေတာတာသုံးသုံး ကျလောက်တဲ့ ယူနစ်အနေအထားပါ။ အရင်ထဲက မီတာခက သုံးသည်ဖြစ်စေ မသုံးသည်ဖြစ်စေ ရှစ်ထောင်ကျော် ကိုးထောင်နီးပါးလောက် ကျတာ၊ ဒီလောက် ငွေက ပိုက်ဆံရှိတဲ့ လူချမ်းသာတွေအတွက် မပြောပလောက်တဲ့ငွေ ဖြစ်ပေမယ့် ကျွန်တော်တို့လို အခြေခံဝန်ထမ်း မိသားစုများအတွက်တော့ မဖြစ်နိုင်တဲ့ ငွေပမာဏပါ"
ဦးခင်ကြိုင် (သာကေတ)

"အခုပြောတာ စီးပွားရေး လုပ်ငန်းတွေကို ပိုတိုးကောက်တဲ့ သဘောပေါ့။ တိုးကောက်တော့ သူတို့ရဲ့ ထုတ်လုပ်မှု ကုန်ကျစရိတ် တက်လာမယ်။ တက်လာတော့ သူ့ပစ္စည်းလည်း ဈေးတက်လာမှာပေါ့။ ဒါလည်း သွယ်ဝိုက်တဲ့နည်းနဲ့ ပြည်သူကို ထိမှာပဲလေ။ ဥပမာ အထည်ချုပ်စက်ရုံ ဆိုပါတော့ အထည်ချုပ် လုပ်သမလေးတွေရဲ့ ၀င်ငွေက တစ်လမှ ၇၀၀၀၀ ကျပ်လောက်ပဲ ရှိတယ်။ ထုတ်လုပ်မှု ကုန်ကျစရိတ်တက်ရင် ၀န်ထမ်းလစာ မတိုးနိုင်ဘူး။ ဒါလည်း ပြည်သူဆီက သွယ်ဝိုက်တဲ့နည်းနဲ့ ပြန်ယူသွားတာပါပဲ"
အထည်ချုပ် လုပ်ငန်းရှင်တစ်ဦး

"စီးပွားရေးကလည်း အခက်အခဲတွေနဲ့ အကြပ်အတည်းတွေ ဖြစ်နေတဲ့ အချိန်မှာ ရုတ်တရက် မီတာခတွေ တိုးမြှင့်လိုက်တော့ ငွေကုန်ကြေးကျ ပိုများလာတာပေါ့။ အိမ်မှာက သားသမီးတွေရဲ့ ၀န်ထမ်းလစာတွေကလည်း မလောက်ငဘူး။ သွားလာရတဲ့ ခရီးစရိတ်နဲ့တင် လစာကထက်ဝက် ကျိုးနေတာ အခုတော့ မီတာခကပါ ထပ်ပြီးတက်မယ်ဆိုတော့ ပိုပြီးဒုက္ခရောက်ဖို့ပဲ ရှိတော့တာပေါ့။ ကုန်ကျမယ့် စရိတ်တွေကသာ ပိုပြီးများလာတယ်၊ ပိုပြီးလျော့သွားတယ် ဆိုတာမျိုးတော့ မရှိပါဘူး"
မသူဇာ (ကုမ္ပဏီဝန်ထမ်းတစ်ဦး)

"မီတာခ တိုးကောက်တာ ငွေကြေးတတ်နိုင်တဲ့ သူတွေအတွက်ကတော့ ဘာမှမပြောလောက်ပါဘူး။ ဒါပေမဲ့ လူအများအတွက်ကို ကြည့်ပြီးတော့မှ မီတာခ တက်တာကို လုပ်ဆောင်သင့်ပါတယ်။ အခုက တိုက်ခန်းငှားတဲ့ ဈေးနှုန်းတွေတက်တဲ့ ဒုက္ခတွေကို ပြည်သူတွေ ခံစားနေရတဲ့အပြင် အခုမီတာခပါ တက်တယ်ဆိုတော့ တိုက်ခန်းငှားခတောင် တစ်လတစ်လ အနိုင်နိုင် စုနေရတဲ့သူတွေ အဖို့တော့ ရင်လေးစရာပါပဲ။ နောက်ပိုင်းကျရင် ရန်ကုန်ကိုတက်ပြီး တက်လမ်းရှာမယ့် အခြေခံ လူတန်းစား လူငယ်တွေအဖို့ မလာရဲလောက်အောင် ဖြစ်သွားပါမယ်"
ကိုညီနိုင်(ဗဟန်းမြို့နယ်)

"အစိုးရက အသေးစား စီးပွားရေး လုပ်ငန်းတွေ လုပ်သာကိုင်သာရှိဖို့ ထောက်ပံ့ရမယ့်အစား အခုလိုတွေ လုပ်တာက ရေနစ်သူ ၀ါးကူထိုးသလိုပဲ။ ကောင်းမွန်ပြီး မှန်ကန်တဲ့ မူဝါဒတွေ မချဘဲ ဆေးမြီးတိုနဲ့ ကုတာမျိုးကတော့ မကောင်းပါဘူး။ ထစ်ကနဲဆို ပြည်သူဆီက တိုးယူတာကြီးက ပြင်သင့်ပါပြီ။ အစိုးရက အရှုံးပေါ်လို့ ပုဂ္ဂလိကကိုလွှဲမှ ပိုဆိုးလာရင် ပြည်သူတွေပဲ ပိုကျပ်တည်းမှာပါ။ ရေမီးဆိုတာ တကယ့်အခြေခံ လိုအပ်ချက်တွေပါ"
ကိုမောင်မောင်မြင့် (ပုံနှိပ်လုပ်ငန်း လုပ်ကိုင်သူ)

EMG

Read More

မြန်မာနိုင်ငံက ပထမဆုံးအကြိမ် အိမ်ရှင်အဖြစ် လက်ခံကျင်းပသည့် အာဆီယံနိုင်ငံ တပ်မတော်(ကြည်း)များ သေနတ်ပစ်ပြိုင်ပွဲ စတင်

 Created on Wednesday, 30 October 2013

 အာဆီယံနိုင်ငံ တပ်မတော်(ကြည်း)များ သေနတ်ပစ်ပြိုင်ပွဲကို အောက်တိုဘာ ၂၉ ရက်က ပြင်ဦးလွင်မြို့၌ စတင်ကျင်းပစဉ်

အောက်တိုဘာ ၂၉ ရက် နံနက်ပိုင်းက ပြင်ဦးလွင်မြို့တွင် မြန်မာနိုင်ငံက ပထမဆုံးအကြိမ် အိမ်ရှင်အဖြစ် လက်ခံကျင်းပသော (၂၃)ကြိမ်မြောက် အာဆီယံနိုင်ငံ တပ်မတော် (ကြည်း)များ သေနတ်ပစ်ပြိုင်ပွဲ(AARM)ကို ပြင်ဦးလွင်ရှိ တပ်မတော် စက်ပစ်ကွင်း၌ စတင် ကျင်းပခဲ့ကြောင်း သိရသည်။

ယင်းအာဆီယံနိုင်ငံ တပ်မတော် (ကြည်း) များ သေနတ်ပစ်ပြိုင်ပွဲတွင် အာဆီယံအဖွဲ့ဝင် ၁၀ နိုင်ငံစလုံးမှ တပ်မတော်သား အားကစားသမားများ ပါဝင်ယှဉ်ပြိုင်ကြမည်ဖြစ်ပြီး ပြိုင်ပွဲအမျိုးအစားများအနေဖြင့် ရိုင်ဖယ် သေနတ်ပစ်ပြိုင်ပွဲ၊ စက်သေနတ်ပစ် ပြိုင်ပွဲ၊ ကာဘိုင်သေနတ်ပစ် ပြိုင်ပွဲ၊ ပစ္စတို(ကျား)သေနတ်ပစ် ပြိုင်ပွဲနှင့် ပစ္စတို(မ)သေနတ်ပစ် ပြိုင်ပွဲဟူ၍ ပြိုင်ပွဲအမျိုးအစား ငါးမျိုးဖြင့် ယှဉ်ပြိုင်ကြမည်ဖြစ်ကြောင်း သိရသည်။

အဆိုပါ အာဆီယံနိုင်ငံ တပ်မတော် (ကြည်း)များ သေနတ်ပစ်ပြိုင်ပွဲကို အောက်တိုဘာ ၂၉ ရက်မှ နိုဝင်ဘာ ၉ ရက်အထိ ပြုလုပ်မည်ဖြစ်ပြီး ပြိုင်ပွဲဝင် တပ်မတော်များမှ အားကစားသမားများသည် (AARM)Village တွင် တည်းခို ယှဉ်ပြိုင်ကြမည် ဖြစ်ကြောင်း သိရသည်။

အာဆီယံနိုင်ငံ တပ်မတော်(ကြည်း)များ သေနတ်ပစ်ပြိုင်ပွဲ(AARM)ကို ၁၉၉၁ ခုနှစ်တွင် မလေးရှား ကြည်းတပ်ဦးစီးချုပ်၏ ကွပ်ကဲမှုဖြင့် စတင်ဆောင်ရွက်နိုင်ခဲ့ပြီး မလေးရှားနိုင်ငံတွင် ပထမဆုံးအကြိမ်အဖြစ် စတင် ကျင်းပခဲ့သည်။ စတင်ကျင်းပခဲ့စဉ်အချိန်က ဘရူနိုင်း၊ အင်ဒိုနီးရှား၊ မလေးရှား၊ ဖိလစ်ပိုင်၊ စင်ကာပူ၊ ထိုင်းနိုင်ငံတို့နှင့် ဖွဲ့စည်းခဲ့ပြီး နှစ်စဉ်နှစ်တိုင်းတွင် အလှည့်ကျစနစ်ဖြင့် အဖွဲ့ဝင်နိုင်ငံတိုင်း ကျင်းပနိုင်ခဲ့ပြီး ယခု (၂၃)ကြိမ်မြောက် ပြိုင်ပွဲတွင်မှ မြန်မာနိုင်ငံက ပထမဆုံးအကြိမ် အိမ်ရှင်အဖြစ် လက်ခံကျင်းပခဲ့ခြင်း ဖြစ်သည်။

ယခုပြိုင်ပွဲ ဖွင့်ပွဲသို့ ညှိနှိုင်းကွပ်ကဲရေးမှူး(ကြည်း၊ ရေ၊ လေ)ဗိုလ်ချုပ်ကြီး လှဌေးဝင်း အပါအ၀င် အာဆီယံနိုင်ငံ တပ်မတော်များမှ ဒုတိယ(ကြည်း)တပ် ဦးစီးချုပ်များ၊ စစ်သံမှူးများနှင့် ဖိတ်ကြားထားသူများတက် ရောက်ခဲ့ကြသည်။

Read More

တရုတ်၏ ဖိအားပေးမှု အပါအ၀င် အခြားကိစ္စ ရပ်များကြောင့် လိုင်ဇာ ထိပ်သီးဆွေးနွေးပွဲသို့ "၀" နှင့် "မိုင်းလား" အဖွဲ့တို့ တက်ရောက်မည် မဟုတ်

 Created on Wednesday, 30 October 2013


အောက်တိုဘာ ၃၀ ရက်တွင် စတင်ပြုလုပ်မည့် တိုင်းရင်းသား လက်နက်ကိုင် အဖွဲ့များ၏ ထိပ်သီးဆွေးနွေးပွဲအတွက် ကြိုတင်ပြင်ဆင် နေသည်ကို အောက်တိုဘာ ၂၉ ရက်ကတွေ့ရစဉ် (ဓာတ်ပုံ-အောင်ဇော်ထွန်း)


တရုတ်၏ ဖိအားပေးမှု အပါအ၀င် အခြားကိစ္စရပ်များကြောင့် တိုင်းရင်းသား လက်နက်ကိုင်များ၏ လိုင်ဇာထိပ်သီး ဆွေးနွေးပွဲသို့ "၀" သွေးစည်းညီညွတ်ရေး ပါတီ (UWSP)နှင့် မိုင်းလားအဖွဲ့ (NDAA) တို့ တက်ရောက်မည် မဟုတ်ကြောင်း သိရသည်။

လိုင်ဇာထိပ်သီး ဆွေးနွေးပွဲကို အောက်တိုဘာ ၃၀ ရက် (ယနေ့တွင်)စတင်မည်ဖြစ်ပြီး ဆွေးနွေးပွဲသို့ တိုင်းရင်းသား လက်နက်ကိုင် (၁၉)ဖွဲ့ကို ဖိတ်ကြားခဲ့သည့်အနက် "၀" နှင့် "မိုင်းလား" အဖွဲ့တို့က တက်ရောက်နိုင်မည် မဟုတ်ဟု အကြောင်းပြန်ခဲ့ခြင်း ဖြစ်သည်။

"ဗဟိုကော်မတီ အစည်းအဝေးမှာ တင်ပြချက် အရတော့ ၁၉ ဖွဲ့ ဖိတ်တယ်။ ဒါပေမဲ့ ၁၇ ဖွဲ့ပဲ တက်နိုင်မယ်။ နှစ်ဖွဲ့တော့ မတက်နိုင်ဘူး။ "၀" နဲ့ "မိုင်းလား" အဖွဲ့က သူတို့ကို ဖိတ်ကြားတဲ့အတွက် ၀မ်းသာကြောင်း ပြောတယ်။ ဒါပေမဲ့ သူတို့ရဲ့ ခေါင်းဆောင်တွေ ကျန်းမာရေး မကောင်းတဲ့အတွက် မလာနိုင်ဘူးလို့ အကြောင်းပြန်ပါတယ်" ဟု ကေအိုင်အို အဖွဲ့၏ စစ်ပြေးဒုက္ခသည် ကယ်ဆယ်ရေး ကော်မတီ တာဝန်ခံ ဦးဒွဲပီဆားက ပြောကြားသည်။

"၀" နဲ့ "မိုင်းလား" အဖွဲ့တို့ မတက်ရောက်နိုင်ခြင်းအပေါ် မှတ်ချက်ပေးရန်ကိုမူ ဦးဒွဲပီဆားက ငြင်းဆန်ခဲ့ပါသည်။

"ကျွန်တော်ဖြေဖို့တော့ တာဝန်မရှိဘူး။ ပြောရခက်တယ်လေ" ဟု ၎င်းကဆိုသည်။

ကချင်ငြိမ်းချမ်းရေး အကျိုးဆောင်အဖွဲ့ (PCG)၏ တာဝန်ရှိသူ ဦးလမိုင်ဂွမ်ဂျာက တရုတ်ဘက်မှ ခွင့်ပြုချက် မရသဖြင့် "၀" နှင့် "မိုင်းလား" အဖွဲ့တို့ မတက်ရောက်နိုင်ဆိုသော သတင်းများ ကြားနေရသည်ဟု ဆိုသည်။

"သူတို့ ဘာကြောင့်မတက်တာလဲဆိုတော့ ကျွန်တော်တို့ သိရသလောက်ဆို တရုတ်ဘက်ကနေပြီး နည်းနည်းလေး ခွင့်ပြုချက် မရဘူးလိုလို၊ ဘာလိုလို ကောလာဟလလည်း ဖြစ်ချင်ဖြစ်မှာပေါ့ဗျာ။ ဒါပေမဲ့ အဲဒီလိုတော့ အသံကြားတယ်" ဟု ကချင်ငြိမ်းချမ်းရေး အကျိုးဆောင်အဖွဲ့ (PCG) မှ ဦးလမိုင်ဂွမ်ဂျာက ပြောကြားသည်။

ထိုကိစ္စရပ်နှင့် ပတ်သက်ပြီး "၀" သွေးစည်းညီညွတ်ရေး ပါတီ (UWSP)၏ နိုင်ငံခြားရေးဌာန ဒုတိယတာဝန်ခံ ဦးဆမ်ခွန်းထံသို့ ဆက်သွယ်မေးမြန်းခဲ့ရာ UWSP ၏ ပြောရေးဆိုခွင့်ရပုဂ္ဂိုလ် ဦးအောင်မြင့်ထံသို့ ဆက်သွယ်မေးမြန်းရန် ပြန်လည်ဖြေကြားသည်။ ထို့ကြောင့် ဦးအောင်မြင့်ထံသို့ ဆက်သွယ်ခဲ့ရာ အဆက်အသွယ် မရရှိခဲ့ပေ။

တိုင်းရင်းသား လက်နက်ကိုင်များနှင့် နီးစပ်မှုရှိပြီး တရုတ်-မြန်မာ နယ်စပ်ရှိ စစ်ရေးလေ့လာသူ ဦးအောင်ကျော်ဇောကမူ "၀" နှင့် "မိုင်းလား" အဖွဲ့တို့ လိုင်ဇာထိပ်သီး ဆွေးနွေးပွဲ မတက်ရောက်ခြင်းမှာ တရုတ်၏ ဖိအားပေးမှုကြောင့် ဖြစ်သည်ဆိုသော အချက်က "ဖြစ်နိုင်ခြေများကြောင်း" ပြန်လည်ဖြေကြားသည်။

"ဖြစ်နိုင်ခြေ များပါတယ်။ အပိုင်းသုံးပိုင်း ရှိနိုင်တယ်။ ပထမပိုင်းကတော့ သူတို့က အပစ်အခတ် ရပ်စဲရေးအတွက် လက်မှတ်ထိုးပြီးပြီ။ ထပ်ထိုးစရာ မလိုတဲ့အတွက် လိုင်ဇာပွဲကို မတက်တော့ဘူးဆိုတာ ဖြစ်နိုင်တယ်။ ဒုတိယ တစ်ချက်က မြန်မာပြည်နိုင်ငံရေးကို နားမလည်တဲ့အတွက် ၀င်မပါတာလည်း ဖြစ်နိုင်တယ်။ နောက်ဆုံးတစ်ချက်ကတော့ အမှောင့်ပယောဂ တွေကြောင့်ပေါ့ဗျာ။ မတက်တာလည်း ဖြစ်နိုင်တယ်။ ဘာပဲဖြစ်ဖြစ် တစ်နိုင်ငံလုံးနဲ့ သက်ဆိုင်တဲ့ ဒီလိုပွဲမျိုးကို သူတို့တက်သင့်တယ်လို့တော့ ယူဆပါတယ်" ဟု ဦးအောင်ကျော်ဇောက The Daily Eleven သို့ ပြောကြားသည်။

"၀" နှင့် "မိုင်းလား" အဖွဲ့သည် နီးစပ်မှုရှိသော မဟာမိတ် အဖွဲ့နှစ်ဖွဲ့ဖြစ်ပြီး "၀" အဖွဲ့က လိုင်ဇာထိပ်သီး ဆွေးနွေးပွဲကို တက်ရောက်ခြင်း မရှိသဖြင့် "မိုင်းလား" အဖွဲ့လည်း မတက်ရောက်ခြင်းဖြစ်ကြောင်း သိရသည်။

EMG

Read More

ဆီးဂိမ်းမတိုင်မီ Mobile Banking စနစ် အသုံးပြုနိုင်ရန်အတွက် မြန်မာနိုင်ငံတော် ဗဟိုဘဏ်မှ သမ္မတရုံးသို့ တင်ပြမည်

  Wednesday, 30 October 2013 01:25


မြန်မာနိုင်ငံတော် ဗဟိုဘဏ် အဆောက်အအုံအား တွေ့ရစဉ် (ဓာတ်ပုံ-ဖြိုးဝေ)

မိုဘိုင်းဖုန်းမှတစ်ဆင့် ငွေပေးချေနိုင်သည့် မိုဘိုင်း ဘဏ်ကင်းစနစ်ကို မြန်မာနိုင်ငံတွင် ဆီးဂိမ်းမတိုင်မီ အသုံးပြုနိုင်ရန်အတွက် မြန်မာနိုင်ငံတော် ဗဟိုဘဏ်မှ နောက်ဆုံးအဆင့် အနေဖြင့် သမ္မတရုံးသို့ တင်ပြထားကြောင်း မြန်မာနိုင်ငံတော် ဗဟိုဘဏ်မှ သိရသည်။

"ဆရာတို့အနေနဲ့ ဒီစနစ်ကို အသုံးပြုနိုင်ဖို့အတွက် စီစဉ်ဆောင်ရွက်နေတာ ကြာပါပြီ။ နောက်ဆုံးအဆင့်အနေနဲ့ သမ္မတရုံးကို တင်ပြဖို့ရှိပါတယ်။ သမ္မတရုံးက ခွင့်ပြုချက် ရပြီဆိုတာနဲ့ စတင်ပြီးတော့ လုပ်ကိုင်မှာပါ။ လုပ်ကိုင်ဖို့ လာပြီးတင်ပြထားတဲ့ ဘဏ်တွေလည်းရှိတယ်။ ကျွန်တော်တို့ဘက်ကလည်း ဒီစနစ်ကို သုံးနိုင်ဖို့အတွက် အဆင့်ဆင့် ဆောင်ရွက်နေပါတယ်"ဟု မြန်မာနိုင်ငံတော် ဗဟိုဘဏ်မှ ဒုတိယညွှန်ကြားရေးမှူးချုပ် ဆရာဦးအောင်ကျော်သန့်က ဆိုသည်။

မိုဘိုင်းဘဏ် လုပ်ငန်းဆိုင်ရာ ညွှန်ကြားချက်မူ ကြမ်းအပေါ် ပြည်ထောင်စုရှေ့နေချုပ်၏ သဘောထားမှတ်ချက်အား ၂၀၁၃ ခုနှစ် သြဂုတ် ၁၄ ရက်တွင် ရရှိခဲ့ပြီး ညွှန်ကြားချက် ထုတ်ပြန်နိုင်ရေးအတွက် သြဂုတ် ၃၀ ရက်တွင် တင်ပြခဲ့ပါသည်။ စီးပွားရေးရာ ကော်မတီမှ ၂၀၁၃ ခုနှစ် စက်တင်ဘာ ၁၈ ရက်စွဲပါ စာအမှတ်၁၂/၁၆ သမ္မတရုံးဖြင့် မြန်မာနိုင်ငံတော် ဗဟိုဘဏ်သည် ပြည်ထဲရေး ၀န်ကြီးဌာန ဘဏ္ဍာရေးဝန်ကြီးဌာန၊ သက်ဆိုင်ရာ ၀န်ကြီးဌာနများနှင့် ညှိနှိုင်းပြီး နိုင်ငံတော်သမ္မတထံ ဆက်လက်တင်ပြရန်ဟု လမ်းညွှန်သဖြင့် ပြည်ထဲရေးဝန်ကြီးဌာန၊ ဘဏ္ဍာရေး ၀န်ကြီးဌာန၊ မိုဘိုင်းဘဏ်လုပ်ငန်းနှင့် သက်ဆိုင်သည့် ဆက်သွယ်ရေးနှင့် သတင်း အချက်အလက် နည်းပညာဝန်ကြီးဌာနတို့ ၂၀၁၃ ခုနှစ် အောက်တိုဘာ ၃ ရက် တွင် မိုဘိုင်းဘဏ် လုပ်ငန်းဆိုင်ရာ ညွှန်ကြားချက် ပူးတွဲပေးသဘောထား မှတ်ချက်များ တောင်းခံခဲ့ကြောင်း သိရသည်။

အဆိုပါကိစ္စနှင့် စပ်လျဉ်း၍ သက်ဆိုင်ရာ ၀န်ကြီးဌာနသုံးခုနှင့် မြန်မာနိုင်ငံတော် ဗဟိုဘဏ်တို့အကြား ညှိနှိုင်းအစည်းအဝေးကို ၂၀၁၃ ခုနှစ် အောက်တိုဘာ ၂၂ ရက် တွင် ပြုလုပ်ခဲ့ကြောင်း သိရသည်။

နောက်ဆုံးအဆင့်အနေဖြင့် အစည်းအဝေးတွင် ညှိနှိုင်းရရှိချက်များနှင့် မြန်မာနိုင်ငံတော် ဗဟိုဘဏ်၏ ပြန်လည် ရှင်းလင်းဆွေးနွေးချက်များကို နိုင်ငံတော် သမ္မတရုံးသို့ တင်ပြသွားမည် ဖြစ်ကြောင်း သိရသည်။

မိုဘိုင်း ဘဏ်လုပ်ငန်းစနစ်ကို အသုံးပြုနိုင်ရန်အတွက် ပထမပုဂ္ဂလိကဘဏ်၊ သမ၀ါယမဘဏ် လီမိတက်၊ အင်းဝဘဏ် လီမိတက်၊ မြ၀တီဘဏ်၊ ဧရာဝတီဘဏ်၊ ကျေးလက်ဖွံ့ဖြိုးရေးဘဏ်၊ မြန်မာနိုင်ငံသားဘဏ် တို့မှ လုပ်ကိုင်ရန်အတွက် တင်ပြထားကြောင်း သိရသည်။

EMG

Read More