ခရီးသွားရာတွင် သယ်ယူရ လွယ်ကူသည့် Wireless Charger နှင့် Power Bank များ ဝယ်ယူနိုင်

iPhone 4, 4s, 5, S4, S3 တို့အတွက် ကြိုးမဲ့အသုံးပြုနိုင်သည့် Wireless Charger သည် သေးငယ်သည့် ပုံစံဖြစ်သည်။ သေးငယ်သည့် အတွက် ခရီးသွားရာမှာလည်း အလွယ်တကူသယ်ယူနိုင်ပြီး အားသွင်းသည့်အခါ ကြိုးမလိုဘဲ ဘက်ထရီတုံးပေးတွင်သာ တင်၍ အားသွင်းထားရုံနှင့် အလွယ်တကူ အားပြည့်နိုင်ပါသည်။ အရောင်က အဖြူရောင်ဖြစ်ပြီး ဈေးနှုန်းမှာ ၆၀,၀၀၀ ကျပ် ဖြစ်ပါသည်။ Power Bank 3000 mAh သည် မိတ်ကပ်ဘူးပုံစံဖြစ်ပြီး iOS, Android ဖုန်းများအတွက် အသုံးပြုနိုင်ပါသည်။ မိတ်ကပ်ဘူးပုံစံ ဖြစ်သည့်အတွက် ဆယ်ကျော်သက် မိန်းကလေးများကို အကြိုက်တွေ့စေပြီး မိမိသွားလိုရာခရီးကို လွယ်ကူစွာ သယ်ဆောင် သွားနိုင်ပါသည်။

အားသွင်းကြိုး ပါဝင်ပြီး အရောင်က အမဲရောင်နှင့် ပန်းရောင်နှစ်မျိုးရှိပါသည်။ Digital Power Bank 10000 mAh သည် မိမိဖုန်း၏ ဘက်ထရီ % အားဘယ်လောက် ရှိသွားပြီိဆိုသည်ကို ပြသပေးပါသည်။ ခရီးသွားလျှင် သယ်ယူသွားနိုင်ပြီး အိတ်ဆောင်ပုံစံ သေးငယ်လို့ သယ်ရတာ လွယ်ကူပါသည်။ အားသွင်းကြိုး ပါဝင်ပြီး ညဘက်လိုအပ်သည့်အခါ သုံးနိုင်ရန် ဓာတ်မီးပါဝင်ပါသည်။ အရောင်က အဖြူရောင်၊ အမဲရောင်တို့ရှိပြီး ဈေးနှုန်းသည် ၃၀,၀၀၀ ကျပ်ဖြစ်ပါသည်။ Power Bank 2600 mAh သည် လေးထောင့်ရှည်ပုံစံဖြစ်ပြီး သေးငယ်သည့် Power Bank ဖြစ်ပါသည်။ လက်ထဲတွင် အလွယ်တကူသယ်နိုင်ပြီး လေးထောင့်ရှည်ဖြစ်သည့်အတွက် အမြင်ဆန်းတဲ့ပုံစံ ဖြစ်ပါသည်။ အလှကြိုးပုံစံလေးနှင့် ချိတ်ရတာလွယ်ကူသည့် စတီးကွင်းပါ ပါဝင်သည်။ အဖြူရောင်၊ အပြာရောင်၊ အစိမ်းရောင်၊ အဝါရောင်၊ အမဲရောင်တို့ ဖြစ်ပြီး ဈေးနှုန်းသည် ၉၀၀၀ ကျပ်ဖြစ်ပါသည်။

Power Bank 18000 mAh သည် လေးထောင့်ပုံစံ ဖြစ်ပါသည်။ ရိုးရှင်းသည့် ပုံစံဖြစ်သည့်အတွက် လူကြီးလူငယ်မရွေး သုံးနိုင်ပြီး အိတ်ဆောင်သုံးလို့ ရပါသည်။ ခရီးသွားရာမှာလည်း လွယ်ကူစွာ သယ်ဆောင်နိုင်ပြီး အပြာရောင်၊ အဖြူရောင်၊ အမဲရောင်၊ ပန်းရောင်၊ အစိမ်းရောင် ဟူ၍ အရောင်ငါးရောင် ရှိပါသည်။ ဈေးနှုန်းသည် ကျပ် ၃၀၀၀၀ ဖြစ်ပါသည်။ အဆိုပါ Power Bank များသည် Power Bank တစ်ခုကို iOS, Android ဖုန်း ခြောက်လုံးလောက်ကို တစ်လုံးပြီးတစ်လုံး တစ်ခါတည်း အားသွင်းနိုင်ပါသည်။ အကယ်၍ Power Bank များသည် အားနည်းသွားပါက ၎င်း Power Bank များအား ပြန်လည်အားသွင်းပြီး အသုံးပြုနိုင်ပါသည်။ ၎င်း Power Bank များနှင့် Wireless Charger များအား Golden Dragon၊ ရန်ကင်းစင်တာရှေ့၊ မဟာဘောဂလမ်း၊ အိမ်အမှတ် ၃၊ ဖုန်း-၇၃၀ ၃၇၆ ၃၉ တွင် ဝယ်ယူနိုင်ပါသည်။

Ref & Credit: Net Guide Journal

Read More

တရားမ၀င် ကုန်သွယ်မှုများ တားဆီးထိန်းချုပ်နိုင်ရန် ပြည်ပသင်္ဘောများ စစ်ဆေးမှုကို စက်တင်ဘာလမှ စ၍ ပို့ကုန်သွင်းကုန် ဥပဒေဖြင့် စတင်စည်းကြပ်မည်

မြန်မာနိုင်ငံ အတွင်းသို့ ပင်လယ်ရေ ကြောင်းမှ တရားမဝင် ကုန်သွယ်မှုများ တားဆီး ထိန်းချုပ် နိုင်ရန်အတွက် ကမ်းရိုးတန်း ပြည်တွင်း ရေယာဉ်များ သြဂုတ်လ ၁၂ ရက်မှ စတင် စစ်ဆေး သကဲ့သို့ ပြည်ပ သင်္ဘောများ စစ်ဆေးမှုကို စက်တင်ဘာလ ၁ ရက်မှ စ၍ မှောင်ခို တင်သွင်းသူ လုပ်ငန်းရှင် များအား စစ်ဆေး၍ တွေ့ရှိပါက ပို့ကုန် သွင်းကုန် ဥပဒေအရ စတင် အရေးယူ သွားမည် ဖြစ်ကြောင်း စီးပွားရေး နှင့် ကူးသန်း ရောင်းဝယ်ရေး ၀န်ကြီးဌာန မှ သိရသည်။


စီးပွားရေး နှင့် ကူးသန်း ရောင်းဝယ်ရေး ၀န်ကြီးဌာန မှ နယ်စပ် မှ တရားဝင် ကုန်သွယ်မှု မြင့်တက် လာစေရန် မှောင်ခို ကုန်သွယ်မှုကို ၂၀၁၂ ခုနှစ် နိုဝင်ဘာလ မှစ၍ Mobile Team အဖွဲ့များဖြင့် စစ်ဆေး ဖမ်းဆီးခဲ့ရာ ယခုနှစ် ဇွန်လကုန် အထိ စာရင်းအရ ငွေကျပ် သန်း ၅၀၀၀ ကျော် ရှိသည်ဟု ယင်း ၀န်ကြီးဌာန မှ တာဝန်ရှိသူ တစ်ဦးက ပြောကြား ခဲ့သည်။


" ဒီနှစ် ဘဏ္ဍာရေးနှစ် ဧပြီလ ကနေ ဇူလိုင်လအထိ ပင်လယ် ရေကြောင်း ပို့ကုန် ပမာဏ အမေရိကန် ဒေါ်လာ ၂၁၄၃ ဒသမ ၃၆ သန်း ရှိတယ် ၊ သွင်းကုန် က အမေရိကန် ဒေါ်လာ ၃၁၁၆ ဒသမ ၆၇ သန်း ရှိတယ် ၊ မနှစ်က ဆို ကုန်သွယ်မှု တန်ဖိုး အမေရိကန် ဒေါ်လာ ၁၈ ဘီလီယံ ကျော်အထိ မြင့်တက်အောင် လုပ်နိုင်တယ် .... " ဟု ယင်းပုဂ္ဂိုလ်က ပြောကြား ခဲ့သည်။


မြန်မာ့ ကုန်သွယ်မှု လိုငွေများ လည်းရှိပြီး ယင်း လိုငွေများသည် ပင်လယ် ရေကြောင်း ကုန်သွယ်မှု တစ်ခုအပြင် နယ်စပ် ကုန်သွယ် လမ်းကြောင်း မှ တစ်ဖက်နိုင်ငံ များသို့ ပို့ကုန် တင်ပို့မှုများ လည်း ပိုမို ပြုလုပ် လာကြောင်း ၊ တရားဝင် ကုန်သွယ်ရေး တန်ဖိုးအရ လိုငွေပြ နေသော်လည်း မြန်မာနိုင်ငံ မှ ထုန်ပြန်သော ကုန်သွယ်မှု ပမာဏ နှင့် တစ်ဖက် နိုင်ငံမှ ထုတ်ပြန် ထားသည့် ကုန်သွယ်မှု ပမာဏ ကွာခြားချက်များ ရှိခြင်းကြောင့် မှောင်ခို ကုန်သွယ် မှုများ ရှိနေသည်ဟု သိရသည်။



ကုန်သွယ်မှု ပမာဏ၏ ၈၀ ရာခိုင်နှုန်း သည် ပင်လယ် ရေကြောင်း ကုန်သွယ်မှု မှ ယခု ဘဏ္ဍာရေး နှစ် လေးလအတွင်း တရားဝင် ကုန်သွယ်မှု ပမာဏမှ အမေရိကန် ဒေါ်လာ ၅ ဘီလီယံ ကျော်ရှိပြီး ကုန်သွယ်မှု လိုငွေ အမေရိကန် ဒေါ်လာ ၁ ဘီလီယံခန့် ရှိကြောင်း သိရှိရသည်။

Read More

တာမွေသချိုင်း နေရာဟောင်း အဆင့်ဆင့် ပြောင်းလဲရာမှ ယခု ဟိုတယ်ဖွင့်

ရန်ကုန်တိုင်းဒေသကြီး၊ တာမွေမြို့နယ်၊ အရှေ့ မြင်းပြိုင်ကွင်းလမ်း၊ အမှတ် (၅၁-ဘီ/၁) ရွှေသံလွင် ကုမ္ပဏီမှ Sky Star အဆင့်မြင့် ဟိုတယ်ကြီးအား ဆီးဂိမ်းပြိုင်ပွဲအမှီ စက်တင်ဘာလ (၃) ရက်နေ့ နံနက်(၉) နာရီက ဖွင့်လှစ် လိုက်သည်။

အခမ်းအနားသို့ လာရောက်သူ တစ်ဦးမှ ပြောကြားရာတွင် “ဒီဟိုတယ် ဆောက်နေတာ (၆) နှစ်လောက်ရှိပြီ ထင်တယ်။ အရင် ဒီနေရာက တာမွေ သချိုင်းလေ။ ကျွန်တော်က ဒီနားက တာမွေကြီး (ခ) ရပ်ကွက်သားပါ။ ကျွန်တော်တို့ အဘိုး၊ အဘွား၊ ဘကြီးတို့ကို ဒီနေရာမှာ ဂူသွင်းပြီး သင်္ဂြိုလ်ခဲ့ကြတာ။ သတိတရ ရှိနေခဲ့တာ ကတော့ ရှစ်လေးလုံး အရေးအခင်းအပြီး (၄) နှစ်အကြာ ၁၉၉၂ ခုနှစ်မှာ ဂူတွေ ဖျက်ခိုင်းပြီး ရေဝေးသချိုင်း အသစ်နဲ့ ကြံတောသချိုင်း ကြိုက်တဲ့ နေရာကို ရွှေ့ခိုင်းတာ ကျွန်တော်တို့က ကြံတောကို ရွှေ့တာ။ ကြံတောမှ မြေနေရာ မရသေးလို့ အရိုးအိုးတွေကို အိမ်မှာ(၂) ရက်လောက် ထားခဲ့ရသေးတယ်။ အဲဒီတုန်းက တူ၊ တူမလေးတွေက ငယ်သေးတော့ ကြောက်နေကြတာ။ ၁၉၉၆ခုနှစ်မှာ ကြံတောသချိုင်း ထပ်ဖျက်တော့ ထိန်ပင်နဲ့ ရေဝေးကို ထပ်ပြောင်းရတယ်။ အဘိုးအဘွားတွေ သေတာတောင် ကောင်းကောင်း သေမသွားကြရဘူး။ ကျွန်တော်တို့နဲ့ နီးတဲ့ ရေဝေးကိုပဲ ထပ်ပြောင်းခဲ့တယ်။ ကိုယ့်စရိတ်နဲ့ကိုယ် ပြောင်းခဲ့ရတာ။ အဲဒီတုန်းက အမေက ပြောခဲ့သေးတယ် “အမိအဖတွေကို ဘယ်တော့မှ မမေ့နဲ့တဲ့ မိဘဆိုတာ ဘုရားနဲ့ တစ်ဂိုဏ်းတည်း မိဘတွေကိုမေ့ရင် ဘုရားကို မေ့တာနဲ့ အတူတူပဲတဲ့” ရေဝေးမှာတော့ အခုထိ မပြောင်းရ သေးဘူး။ နှစ်စဉ်တော့ သွားကန်တော့ နေကြပဲ။ မြို့ပြ အင်္ဂါရပ်နှင့် မညီတော့တဲ့ သုသာန်တွေကို ရွှေ့ပြောင်း ခိုင်းပြီး အစက ပြည်သူ့ အကျိုးပြု စီမံကိန်းကြီးတွေ ဖော်ဆောင်ခဲ့တာ ကောင်းပါတယ်။ အမျိုးသား စာကြည့်တိုက်တွေ တပ်မတော် ကုန်တိုက်ကြီးတွေလေ။ အခုတော့ ဒီလို မဟုတ်တော့ပါဘူး။ ဦးပိုင်က ပါရမီ တက္ကစီကားတွေ ထားတဲ့ နေရာတွေ၊ ဟိုတယ်တွေ၊ စကိုင်းနက် ရုပ်သံလိုင်းတွေ တစ်စတစ်စ ပြောင်းလဲသွားပြီး ကုမ္ပဏီတွေ လက်ထဲ ရောက်သွားကြတယ်”" ဟု မြန်မာသံတော်ဆင့်သို့ ပြောကြားသည်။

မြန်မာသံတော်ဆင့်မှ Sky Star ဟိုတယ်သို့ ဆက်သွယ် မေးမြန်းကြည့်ရာ “ခဏလေးနော်” ဟု ပြောကာ ဖုန်းချသွားပြီး ဆက်၍ ခေါ်သော်လည်း ဖုန်းမကိုင်တော့ပေ။

ဖွင့်ပွဲ အခမ်းအနားသို့ တိုင်းဒေသကြီး ၀န်ကြီးချုပ် ဦးမြင့်ဆွေနှင့် တိုင်းဒေသကြီး အစိုးရအဖွဲ့ ၀န်ကြီးများ၊ တိုင်းဒေသကြီး လွှတ်တော်ဥက္ကဋ္ဌ ဦးစိန်တင်ဝင်း၊ ဒုတိယ ဥက္ကဋ္ဌ ဦးတင်အောင်နှင့် ဖိတ်ကြားထားသော ဧည့်သည်တော်များ တက်ရောက်ကြသည်။

တာမွေအောင်ကို

Read More

၉ လကြာတွဲခဲ့သည့် ချစ်သူနှင့် စေ့စပ်လိုက်သည့် စကားလက်ဂျိုဟန်ဆန်

Friday, September 6, 2013

ဩဂုတ်လကုန်ပိုင်းက ရိုမိန်းက စကားလက်ကို လက်ထပ်ခွင့် တောင်းခဲ့ပြီး Under the Skinစတား မင်းသမီးက လက်သင့်ခံ ခေါင်းညိတ်ခဲ့ကြောင်း People မဂ္ဂဇင်းက ဖော်ပြခဲ့သည်။

စကားလက် ဂျိုဟန်ဆန် အနေဖြင့် သူမနှင့် (၉)လကြာ တွဲလာသည့် ချစ်သူ ရိုမိန်း ဒူရီရက်၏ လက်ထပ်ရန် ခွင့်ပန်မှုကို လက်ခံထားပြီးဖြစ်ကြောင်း သိရှိရသည်။ ဩဂုတ်လကုန်ပိုင်းက ရိုမိန်းက စကားလက်ကို လက်ထပ်ခွင့် တောင်းခဲ့ပြီး Under the Skinစတား မင်းသမီးက လက်သင့်ခံ ခေါင်းညိတ်ခဲ့ကြောင်း People မဂ္ဂဇင်းက ဖော်ပြခဲ့သည်။

"သူတို့နှစ်ယောက် စေ့စပ်ပြီးပါပြီ။ နှစ်ယောက်လုံး ဒီအတွက် ပျော်နေကြတယ်လေ"ဟု စကားလက်နှင့် ရင်းနှီးသူ တစ်ဦးက ဆိုသည်။ အသက်(၂၈)နှစ်ရှိ မင်းသမီး၏ ကိုယ်ရေး အရာရှိကမူ အဆိုပါ ကိစ္စကို တစ်စုံတစ်ရာ မှတ်ချက်မပေးခဲ့ချေ။ လတ်တလောတွင် စကားလက်သည် Under The Skin ဇာတ်ကားသစ်အတွက် Promotion အစီအစဉ်တွင် ပါဝင်ရန် ဗင်းနစ်ရုပ်ရှင် ပွဲတော်သို့ ရောက်ရှိနေခဲ့သည်။

စကားလက်သည် ဗင်းနစ်တွင် ပြင်သစ်သား ချစ်သူ၏ ရွေးချယ်ဝယ်ယူမှုဖြစ်သော ရှေးလက်ရာ စေ့စပ်လက်စွပ်ကို ဂုဏ်ယူစွာ ဝတ်ဆင်လာခဲ့သည်။ Avengersစတား မင်းသမီးသည် (၂၀၁၂)ခုနှစ်၊ နိုဝင်ဘာလက သူငယ်ချင်းများ မိတ်ဆက်ပေးမှုဖြင့် စတင်သိကျွမ်းကာ ချစ်သူများ ဖြစ်လာကြသည်။ ထိုစဉ်က စကားလက်သည် ချစ်သူဟောင်း နိတ်တေလာနှင့် လမ်းခွဲပြီးကာစ ဖြစ်သည်။ ဖေဖော်ဝါရီလက စကားလက်သည် ရွှေကွပ်ထားသည့် ပတ္တမြားလက်စွပ်တစ်ကွင်း ဝတ်ဆင်ခဲ့သော်လည်း ထိုစဉ်က သူမ၏ သူငယ်ချင်းများက ယင်းသည် စေ့စပ်လက်စွပ် မဟုတ်ကြောင်း ငြင်းဆိုခဲ့ကြသည်။

အသက်(၃၀)အရွယ်ရှိ ရိုမိန်းနှင့် စကားလက်တို့ အနေဖြင့် မည်သည့်အချိန်တွင် လက်ထပ်ရန် စီစဉ်ထားသည်ကိုမူ မသိရသေးချေ။ စကားလက်သည် ယခင်က ကနေဒါ ရုပ်ရှင်မင်းသား ရိုင်ယန်ရေးနိုးလ်နှင့် လက်ထပ်ခဲ့ဖူးပြီး အိမ်ထောင်သက်သည် (၂၀၀၈)ခုနှစ်မှ (၂၀၁၀)ပြည့်နှစ်ထိသာ ကြာမြင့်ခဲ့သည်။ Green Lanternစတား ရိုင်ယန်သည် ယခုအခါတွင်မူ ဘလိတ်ခ်လိုက်ဗ်လေနှင့် လက်ထပ်ထားပြီ ဖြစ်သည်။

Planet Myanmar Network

Read More

China Telecom က iPhone မော်ဒယ်သစ်များ စက်တင်ဘာ ၂၀ ရမည်ဟု ကြေညာ

စက်တင်ဘာ ၁၀ ရက်နေ့မှာ တရားဝင်ကြေညာပြသမယ့် iPhone အသစ်များကို စက်တင်ဘာလ ၂၀ ရက်နေ့ဆိုရင် ရရှိနိုင်မှာ ဖြစ်ကြောင်း China Telecom မှ ၎င်းတို့ ဝဘ်ဆိုဒ်မှ တစ်ဆင့် တရားဝင် ကြေညာခဲ့ ပါတယ်။

ပြီးတော့ တရားဝင် မကြေညာသေးတဲ့ အော်ဒါစနစ်ကိုလည်း စတင်ပေးနေပြီလို့ ဆိုပါတယ်။ လာမယ့် စက်တင်ဘာလ ၁၀ ရက်နေမှ အမေရိကန် ကယ်လီဖိုးနီးယားပြည်နယ်နဲ့ ဂျာမနီ ဘာလင်မှာ မိတ်ဆက် ပြသမယ့် စမတ်ဖုန်း ဖြစ်ပါတယ်။ ယင်း အတွက် Apple ကလည်း မီဒီယာနဲ့ အခြား ဧည့်သည်များကို ဖိတ်ကြား ပြီးသွားပါပြီ။ ၎င်းတို့ ကြိုးစားဖန်တီးထားတဲ့ iPhone နောက်ဆုံးထွက် 5S နဲ့ ဈေးသက်သာ 5C ကို တစ်ခါတည်း ချပြမှာ ဖြစ်ပါတယ်။ အခြားသော ထုတ်ကုန်များလည်း ပါဝင်နိုင်ချေ ရှိပါသေးတယ်။ Apple ကတော့ ဖိတ်စာထဲမှာ Legally ထည့်သွင်း မရေး ထားပါဘူး။

တရုတ်ပြည်က China Telecom ကတော့ ပိုင်သေတွက်ထားပြီး အော် ဒါတောင် လက်ခံနေပြီ ဖြစ်ပါတယ်။ အထူး သဖြင့် iPhone 5C နဲ့ ပက်သက်ပြီးတော့ သတင်းအချက်အလက်နဲ့ ဓာတ်ပုံကို ပိုမို ထွက်ရှိစေ ပါတယ်။ ဒါကြောင့် ဈေးသက်သာ iPhone 5C ထုတ်လုပ်မှုဟာ တရုတ်ပြည်ရဲ့  Apple ဈေးကွက်နဲ့ အများကြီး ဆက်စပ်မှု ရှိတယ်လို့ ယုံကြည်ထားကြ ပါတယ်။ တရုတ်ပြည်မှာ China Telecom အပြင် အခြားသော ကုမ္မဏီ များကလည်း iPhone မှာယူမှုကို လက် ခံနေပြီ ဖြစ်ကြောင်း သိရပါတယ်။
.
Ref: pocketlint
Aung Kham (TSJ team)

Read More

လိင်တူ လက်ထပ်ခွင့် သြစတြေးလျ ဝန်ကြီးချုပ် ထောက်ခံပြီ

တနင်္လာနေ့ ညက ထုတ်လွှင့်သည့် တိုက်ရိုက် ရုပ်မြင်သံကြား အစီအစဉ် တစ်ခု၏ အမေးအဖြေ ခန်းတွင် သမ္မာကျမ်း စာကို ရည်ညွှန်း၍ ရွေးကောက်ပွဲတွင် ဆက်လက် အရွေးချယ် ခံရပါက လိင်တူ ထိမ်းမြားမှုကို တရားဝင်စေသည့် ဥပဒေ ကြမ်း တင်သွင်းမည် ဖြစ်ကြောင်း သြဇီ ဝန်ကြီးချုပ် ကီဗင်ရဒ်က ပြောဆိုလိုက် သည်ဟု သိရ သည်။

စနေနေ့ အမျိုးသား ရွေးကောက်ပွဲ မတိုင်ခင်က မဲအီနေသည့် လေဘာ ခေါင်းဆောင် ကီဗင်ရဒ်ကို ”သမ္မာကျမ်း စာလာသည်ကား ယောက်ျားသည် မိခင် နှင့် ဖခင်တို့ကို စွန့်ခွာ၍ လက်ထပ် ထိမ်း မြားလိမ့်မည်” ဟုဆိုထား၍ သင်သည် ခရစ်ယာန် တစ်ယောက်ဟု မိမိကိုယ် မိမိ ခေါ်ဆိုလျှင် ခရစ်တော်၏ နှုတ်ကပတ် တော်ကို ဘာကြောင့် မယုံကြည် ရသနည်း ဆိုသည်ကို သိချင်ကြောင်း သင်း အုပ်ဆရာ မတ်ပရေတာက ယင်းတီဗီ အစီအစဉ်တွင် မေးမြန်းခဲ့သည်။

ယင်းမေးခွန်းကို ဖြေကြားရာတွင် ဓမ္မသစ်ကျမ်း၌ သူတော်စင် စိန့်ပေါလ် က ကျေးကျွန် တို့သည် သူတို့၏ သခင် တို့ကို နာခံရမည်ဟု ဆို၍ ကျွန်ုပ်တို့ အားလုံး ကျွန်စနစ် ကို ကာကွယ်ဖို့ အမေ ရိကန် ပြည်တွင်း စစ်တုန်းက ကွန်ဖက်ဒ ရေစီ တောင်ပိုင်းသားတွေ ဘက်က ဝိုင်း တိုက်ခဲ့သင့်သည်ဟု ကီဗင်ရဒ်က ခုခံ ပြောဆိုခဲ့သည်။

ယမန်နှစ် က ပါလီမန်တွင် လိင်တူ ထိမ်းမြားခြင်းကို ဆန့်ကျင်ခဲ့သည့် ရဒ် အနေဖြင့် ယခုအချိန်တွင်မှ မဲဆန္ဒရှင် များအကြိုက် မိမိ၏ ယုံကြည်မှု ကို ပြောင်းလဲရခြင်း အကြောင်းရင်း ကို သင်းအုပ် ဆရာက မေးခွန်းထုတ်ခဲ့သည်။

လူသား၏ အခြေအနေနှင့် လူမှု ဝန်းကျင် အခြေအနေများသည် ပြောင်း လဲခဲ့ပြီး လိင် ပုံပန်း သဏ္ဌာန်၏ အနက် အဓိပ္ပာယ် ကိုသာ ကျွန်ုပ်တို့ အာရုံစိုက် နေမည် ဆိုလျှင် ကျမ်းစာ၏ အသက်၊ အခြေခံ သဘောတရား ဖြစ်သည့် ချစ်ခြင်း မေတ္တာ အပေါ် မျက်ခြည် ပြတ်သွားမည် ဖြစ်ကြောင်း၊ ခရစ်ယာန်ကောင်း တစ်ဦး ၏ စိတ်ဓာတ်ကို အခြေခံ ကာ နှစ်လများ စွာ စဉ်းစားပြီးမှ ယခုလို ရပ်တည်မှု ပြောင်းခဲ့ခြင်း ဖြစ်သည်ဟု ရဒ်က ဆက် လက် ဖြေကြားခဲ့သည်။

အချို့ မဲဆန္ဒနယ်များတွင် လိင်တူ ထိမ်းမြားခြင်းမှာ အဓိက ပြဿနာ တစ်ရပ် အနေဖြင့် ရှိပြီး အတိုက်အခံ ကွန် ဆားဗေးတစ် ခေါင်းဆောင် တိုနီ အဘ် ဘော့က လိင်တူ ထိမ်းမြားခြင်းကို ဆန့် ကျင်သူ တစ်ဦး ဖြစ်ကြောင်း သိရသည်။

Ref: Online news: Asia.

Popular Myanmar News Journal

Read More

ကျောင်းသူများကို စကတ်လှန်ခိုင်းသည့် ဆရာအား ဖမ်းဆီး အရေးယူ

ကျောင်းသူများကို ဝတ်ဆင်ထားသည့် စကတ်အားလှန်ခိုင်းပြီး ဓာတ်ပုံရိုက်ယူကာ အင်တာနက်ပေါ်တွင် တင်ထားသည့် ဆရာအား ဖမ်းဆီးအရေးယူသည့်ပြစ်မှုတစ်ခု အမေရိကန်ပြည်ထောင်စု၊ ဂျော်ဂျီယာပြည် နယ် ကိုဝက်တာကောင်တီမြို့တွင် ဖြစ်ပွားခဲ့သည်။


ထိုဆွဲခန့်ကျောင်းဆရာသည် ကျောင်းသူများကို မဖွယ်မရာလုပ်ခိုင်းပြီး ဓာတ်ပုံများကို သူပိုင်ဝက်ဘ် ဆိုက် ပေါ်တွင် တင်ထားခဲ့သည်။ ကျောင်းသူလေးများမှာ အိစ် ကိုဝက်တာအထက်တန်းကျောင်းမှဖြစ်ပြီး မဖွယ် မရာ ပုံစံအမျိုးမျိုးဖြင့် ဓာတ်ပုံအရိုက်ခံထားကြောင်းတွေ့ရသည်။ အမေရိကန်ပြည်ထောင်စုတွင် အသက် ၁၈ နှစ် မပြည့်သေးသည့်သူများ၏ မဖွယ်မရာ ကိုယ်ဟန်ပြနေသည့်ပုံများကို အများပြည်သူသို့ ဖော်ထုပ်ပြ ရန် ဥပဒေ အရ တားမြစ်ပိတ်ပင်ထားသည်။


ထိုကျောင်းသူများသည် မည်သူတို့ဖြစ်ကြကြောင်းကို အတန်းဖော်များက ကောင်းစွာသိကြပြီး ဆရာအား ကန့် ကွက်သည့် အီးမေးလ်များ ကျောင်းသို့အဆက်မပြတ်ရောက်လာကာ ဆရာကို အရေးယူပေးရန် တောင်း ဆိုကြ သည်။


ကျောင်းအုပ်ကြီးကလည်း ယခုဖြစ်ပျက်မှုသည် ကျောင်းအတွက်ပြန်လည်သုံးသပ်ရမည့် ကိစ္စဖြစ်ပြီး အမြန် ဆုံး အရေးယူပေးပါမည်ဟု မီဒီယာသို့ ပြောကြားခဲ့သည်။


ကျောင်းအုပ်ကြီးသည် အဖြစ်အပျက်ကို သိသိချင်း ရဲစခန်းသို့ အကြောင်းကြားခဲ့သည်။ ထိုဆရာကိုလည်း ကျောင်းမှထုတ်လိုက်ပြီး၊ ကျောင်းအတွင်းသို့ လုံးဝမလာရောက်ရန် အမိန့်ထုတ်လိုက်သည်။


ကျောင်းသူများ၏ ဓာတ်ပုံတွင် “ကျွန်တော့်အတန်းမှ ခပ်ဟော့ဟော့ ကောင်မလေးများ” ဟု စာတန်းရေးထိုး ထားသည့်အပြင် “စကတ်လန် ကောင်မလေးများ” ဟု ဖော်ပြထားချက်များ အပေါ် မိဘများက အပြင်း အထန် ကန့်ကွက်ခဲ့ကြသည်။


မိဘတစ်ဦးက “ကျွန်မတို့အနေနဲ့ ကျောင်းကို ယုံကြည်ပြီး သားသမီးတွေကို အပ်နှံထားခဲ့တာ။ ဒီလိုအဖြစ်မျိုး ရောက်အောင် ဆရာကလုပ်တယ်ဆိုတာ အံ့သြလို့မဆုံးဘူး” ဟုပြောကြားခဲ့သည်။


ကျောင်းမှတာဝန်ရှိသူများက ဆရာ၏အမည်ကို ဖော်ထုတ်ခြင်းမရှိပေ။ ရဲစခန်းမှ ထိုဆရာအားဖမ်းဆီးထား ကြောင်းသိရသည်။


မောင်ကျော်သီဟ blog

Read More

လူသတ်မှုမကျူးလွန်ရန်၊ ဆက်ကြေးမကောက်ခံရန် ဘာကြောင့် SSA လက်မခံ တာလဲ

            မြန်မာ နိုင်ငံမှာ လက်ရှိသမ္မတ တက်လာတဲ့အချိန်က စပြီးတော့ ပြည်တွင်းငြိမ်းချမ်းရေး ကို အလေးအနက် ထားပြီးလက်နက်ကိုင်တပ်ဖွဲ့တွေနဲ့ စေ့စပ်ညှိနှိုင်းခဲ့သည်မှာ ပြည်သူလူထုအသိပင် ဖြစ်ပါ တယ်။ ထို့အတူ လက်ရှိအခြေအနေ အထိလဲ ငြိမ်းချမ်းရေးဆွေးနွေးဖို့ အတွက် အဖွဲ့တွေ ဖွဲ့စည်းပြီး ဆောင်ရွက်နေဆဲဖြစ် တာနှင့်အညီ ၊ နှစ်ကာလကြာရှည်စွာတည်တံ့ခဲ့တဲ့ လက်နက် ကိုင် အဖွဲ့အစည်း ၁၁ ဖွဲ့နှင့်လည်း ထာဝရ ငြိမ်းချမ်းရေးရယူပြီးဖြစ်တယ်လို့ ပြန်ကြားရေး သတင်းတွေ အရသိရပါတယ်။

          ဒါပေမယ့်လို့ ဦးအောင်မင်းအပါအ၀င် မြန်မာငြိမ်းချမ်းရေး စင်တာမှ တာဝန်ရှိသူတွေ သြဂုတ်လ ၁၇ ရက်နေ့ ကနေ စက်တင်ဘာ ၃၁ ရက်နေ့အတော အတွင်းမှာ တောင်းပိုင်းရှမ်းတပ်မတော်  နဲ့ ငြိမ်းချမ်းရေး ရယူဖို့ အတွက် အလွတ်သဘော နဲ့ (၂) ကြိမ်တွေ့ခဲ့တယ်လို့ဆိုပါတယ်။ အဲ့ဒီမှာ ဘာဖတ်ရ လဲလို့ ဆိုတော့ SSA ဗိုလ်မှူး စိုင်းလိတ် က MPC ရဲ့ မူ ( ၆ )ချက် အပေါ်မှာ သဘောမကျဘူုး ဆိုတဲ့ အပြော အဆို မျိုးတွေ့ ရတယ်။

       "ကျွန်တော်တို့တိုင်းရင်းသား လက်နက်ကိုင်တွေကို ပိုပြီးထိန်းချုပ်ချင်လာတဲ့ သဘောမှာရှိပါတယ်။မူအသစ်တွေ ထပ်ထွက်လာ ပါတယ်"ဟု ရှမ်းပြည်နယ်ပြန်လည်ထူထောင်ရေးကောင်စီနှင့် တောင်ပိုင်း ရှမ်းတပ်မတော် တို့၏ ပြောရေးဆိုခွင့် ဗိုလ်မှူးစိုင်းလိတ်က စက်တင်ဘာလ ၄ ရက်နေ့ကမြန်မာတိုင်း(မ်)ကို ပြော သည်။

        စက်တင်ဘာလ ၂ရက်နေ့တွင်လည်း ရှမ်းပြည်နယ်တောင်ကြီးမြို့တွင် ပြည်သူ့ လွှတ်တော် ဥက္ကဌဦးသူရရွှေမန်း အပါအ၀င်အခြားအစိုးရတာဝန်ရှိသူများနှင့်လည်းတွေ့ဆုံခဲ့သည်။

        ထိုဆွေးနွေးမှုတွင် ကာကွယ်ရေးဝန်ကြီးဌာန စစ်ဆင်ရေး အထူးအဖွဲ့မှူး ဒုတိယ ဗိုလ်ချုပ်ကြီးအောင်သန်းထွဋ်က တိုင်းရင်းသားလက်နက်ကိုင်များအနေဖြင့် ဥပဒေနှင့်အညီ နေထိုင်ရန် လိုပြီးထိုကဲ့သို့မပြူမူပါက တပ်မတော်က တိုက်ခိုက် ရှင်းလင်းမှုများပြုလုပ်မည် ဟု ပြောကြားခဲ့ကြောင်း

လည်း ဗိုလ်မှူး စိုင်းလိတ်ကပြောသည်။

              ကဲ ဒါဆို ကျွန်တော်တို့ SSA ဗိုလ်မှူး စိုင်းလိတ် က သဘောမကျတဲ့ MPC ရဲ့ မူ ( ၆ )ချက် ကိုကြည့်ရအောင်--

၁။     လူသတ်မှုမကျူးလွန်ရန်

၂။     ဆက်ကြေးမကောက်ခံရန်

၃။     လူသစ်မစုဆောင်းရန်

၎။     တပ်အင်အားမတိုးချဲ့ရန်

၅။     သဘောတူညီချက်မရရှိသည့်နယ်မြေများတွင်စခန်းမချရန်

၆။     အုပ်ချုပ်ရေးကိစ္စများတွင်ဝင်ရောက်မစွက်ဖက်ရန်နှင့် တပ်မတော် လက်အောက်ခံပြည်သူစစ် များကိုမတိုက်ခိုက်ရန်…

ဆိုတဲ့..အချက်(၆) ချက်ဖြစ်ပါတယ်။ ဘယ်လိုရှုထောင့်ကပဲကြည့်ကြည့် ဒီအချက် ၆ ချက် ဟာပြည်သူ လုထု အသက် အိုးအိမ်စည်းစ်ိမ် နဲ့ငြိမ်းချမ်းစွာနေထိုင်စားသောက်နိုင်ရေး နဲ့လမ်းပန်း ဆက်သွယ်မှုကောင်းမွန် စွာရောင်းဝယ်ဖောက်ကားနိုင်ရေး စတဲ့အချက်တွေ အပေါ်အခြေခံပြီး ချမှတ်ထားတယ် ဆိုတာ ဘယ်လိုကြည့်ကြည့်မြင် သိနိုင်ပါတယ်။ ဒီတော့  ဒီအခြေခံမူ (၆)ချက်ကို လိုက်နာဖို့ခဲယဉ်းနေတယ် ၊ လိုက်နာဖို့ မဖြစ်နိုင်ဘူး ဆိုတော့ တောင်ပိုင်း SSA ရဲ့ ရည်ရွယ်ချက်ဟာ ဘာလဲ ဘယ်လဲ ဆိုတာ မေးစရာ ရှိနေပါတယ်။ ဒီတော့ SSA ရဲ့ ရည်ရွယ်ချက်ဟာ တိုင်းပြည်နဲ့ ဒေသခံတွေအတွက်အပေါင်းလက္ခဏာလား၊အနှုတ် လက္ခဏာလားဆိုတာ မေးခွန်း ထုတ်စရာ မလိုပဲ အဖြေက ပါပီးသားဖြစ်နေ ပါတယ်။ ဒါက ပြည်သူလူထု အကျိုးအတွက် တကယ်လိုလား သလား မလိုလားဘူးလား ဆိုတဲ့အပိုင်းပါ။ ။

           နောက်အခြားတစ်ဖက် က တောင်ပိုင်းSSA ရဲ့နေရာကနေ ဘာကြောင့်ဒီ အချက်တွေကို မလိုက်နာ နိုင်တာလဲ ဆိုတာ လဲထည့်သွင်းစဉ်းစားရမယ့်အချက်တစ်ချက်ပါပဲ။ အခုတလော မြန်မာ နိုင်ငံမှာ မူးယစ်ဆေးဝါးတွေကို (တန်ဖိုးငွေကျပ်သိန်းရာ/ထောင်/ သောင်းချီ) မိတာတွေဟာ ၃ရက် တစ်ခါလောက် ဖတ်နေရတဲ့သတင်းဖြစ်လာတာ သတိထားမိမှာပါ။ ဒါ့ထက် သြဂုတ်လ (၆)ရက်နေ့ က သစ်ကား အစီး ၅၀ ကျော် ဖမ်းဆီးမိတဲ့သတင်းကိုလဲကြားမိမှာပါ။ ဒီတော့ မူးယစ်ဆေးဝါးတွေ သစ်ခိုး ထုတ်တာတွေ ဖမ်းမိတာတွေ ၊အရှိန်အဟုန်နဲ့ တားဆီးဖို့ ဆောင်ရွက်နေတာတွေက တောင်ပိုင်း SSA ရဲ့ရှေ့ဆက်ရပ်တည်မှုကိုအပြည့်အ၀ကြီးမဟုတ်တောင်ရာခိုင်းနှုန်းတစ်ခုတော့ခြိမ်းခြောက်နေမှာပါပဲ။

        ဒီတော့အခြားထွက်ပေါက်တစ်ခု အနေနဲ့ ဒေသခံတွေဆီက ဆက်ကြေးတိုးကောက်မယ် ၊ငြင်းဆန်မှုတွေ ရှိလာရင် လူသတ်တာတွေ၊ အတင်းအဓမ္မ မ၀င်မနေရ လူသစ်စုတာတွေ ဖြစ်လာမယ်။ဒါတွေဟာ လုပ်နေကြ SSA အတွက် မဆန်းကြယ်ပေမယ့်၊ မူ ၆ ချက်ကို သဘောတူပြီး တဲ့နောက်ဆိုရင်တော့ လုပ်ချင်တိုင်းလုပ်လို့မရတဲ့ အခြေအနေထဲကို ၀င်ရောက် သွားမှာဖြစ်တဲ့ အတွက် ဒါကိုငြင်းဆန်ရမှာပဲ မဟုတ်ပါလား။ ဒီတော့ တောင်ပိုင်း SSA ရဲ့ ဒေသခံပြည်သူတွေအပေါ် သဘောထားနဲ့ သူရဲ့ရည်ရွယ်ချက်ဟာ ဘာလဲ ၊ ဘယ်လဲလို့မေးစရာရှိလာပြီမဟုတ်ပါလား။

သားရွှေလူ

ကိုးကား- Myanmar Times

Read More

SEX COFFEE နှင့် LADY COFFEE အကြောင်း ဗဟုသုတ အနေနဲ့ သိထားစေချင်တယ်

Sex Coffee (XS-X0020-D) ဒါကိုတော့ ကြောညာသူတွေက Superior Brazilian coffee ဘရာဇီးကော်ဖီ အပြင်းစားလို့ နာမည်ပေးထားပါတယ်။ Fast thawing tea powder အပြော့စားလက်ဖက်ရည်လို့လဲ စာထဲမှာ ရေးထားပါတယ်။


အထဲမှာပါတာတွေကတော့ (၁) သကြားအဖြူမှုံ နဲ့ (၂) အမျိုးသမီးများစိတ်ကို တွန်းအားပြောင်းစေနိုင်တဲ့ ဓါတ်လည်း ပါတယ်လို့ ဆိုပါတယ်။


ဒါကိုသောက်လိုက်တဲ့ မိန်းကလေး၊ အမျိုးသမီးဟာ ဖြေးဖြေးချင်း ဒါတွေဖြစ်လာမယ်။
• Polypnoea အသက်ရှူမြန်လာမယ်၊
• Vagina itches မိန်မကိုယ်ယားယံလာမယ်၊
• Breast inflates ရင်သားထွားလာမယ်၊
• Cloudy water jet stream အင်္ဂါစိုစွပ်လာမယ်၊
• Sexual intercourse anxiously with the opposite sex ဆန့်ကျင်ဘက် လိင်ရှိသူနဲ့ အတူနေချင် စိတ်တွေ ပြင်းပြလာမယ်။
• Spends together with own sexual partner သူ့အဖေါ်နဲ့ အတူတူ အကြာကြီး ချစ်စခန်းဖွင့် နေလိမ့်မယ်။


သတိပေးချက်လည်းရေးထားပါတယ်။
၁။ ဒါဟာ အကြင်လင်မယားတွေသာ သုံးရမှာဖြစ်တယ်။ ဒီလိုသာမသုံးရင် ဥပဒေနဲ့ မညီတာတွေဖြစ် လာစေနိုင် တယ်။
၂။ အမျိုးသမီး (ကြီး) တွေမှာ ဗဂျိုင်းနား ခြောက်နေတာနဲ့ လိင်စိတ် ရှိသင့်တာထက် နည်းနေတာဆိုရင် သုံးနိုင်တယ်။ ဥပမာ သွေးဆုံးချိန်၊ ကလေးမီဖွါးပြီး စိတ်အခြေနေပြောင်းချိန်မျိုးဖြစ်တယ်။


ဘယ်လောက်သောက်ရမလဲ။ တထုပ်ကို ရေနွေးပူပူ ၁ဝဝ စီစီ (မယ်လ်) မှာဖျော်ပါ။ တထုပ်ထက်ပို မသုံးပါနဲ့။ ကပ်ဘူးတခုမှာ 15000mg စီပါတဲ့ 5 ထုပ် 8 ခုပါတယ်။ ထုပ်လုပ်ပြီးနောက် ၃ နှစ်အတွင်း သုံးနိုင်တယ်။


Lady Coffee လေဒီကော်ဖီ



အရသာထူးကဲပြီး အကြာကြီးစွဲစေတယ်။ စိတ်ဖြေနားနေနိုင်တယ်လို့ ရေးထားပါတယ်။ အမေရိကား ကလာတဲ့ ကော်ဖီထဲမှာ တရုပ်ကလာတဲ့ ရိုးရာဆေးရောထားပါသတဲ့။ ဗီတာမင်တွေ၊ ဓါတ်ဆားတွေ၊ အာဟာရဓါတ်တွေပါတယ်လို့ ကြော်ညာပါတယ်။ မ-ဟော်မုန်း (အီစထိုဂျင်) ပါတယ်လို့လဲဖတ်ရပါတယ်။ ဒီဟော်မုန်းဟာ အမျိုးသမီးတွေမှာ အရွယ်ရလာရင် နည်းလာတယ်။ သွေးဆုံးရင် သိသိသာတယ်။ အကောင်း လဲဖြစ်စေပြီး အဆိုးလည်း ဖြစ်စေနိုင်တာ သတိပြုပါ။


သက်ရောက်မှု
1. Lead to enhance sexual desire လိင်စိတ်ပိုစေမည်၊
2. Increse the pleasure and excitement သာယာမှု၊ စိတ်တက်ကြွမှုကဲစေမည်၊
3. The ability to extend the high tide အထွတ်အထိပ်ကာလ ကြာစေမည်၊
4. To increase capacity စွမ်းဆောင်နိုစွမ်းတိုးစေမည်။


တထုပ်ကို ရေနွေးနဲ့သောက်ရင် နောက် ၁၅-၃ဝ မိန်မှာ အစွမ်းပြမယ်။


ဘေးထွက်-ဆိုးကျိုး = ခေါင်းမူးဝေမယ်၊ အိပ်ချင်မယ်။ ဖြေးဖြေးချင်းသောက်တာ ကောင်းတယ်။ ကားမောင် နေတုံး မသောက်ပါနဲ့။ ကိုယ်ဝန်ဆောင်နေရင် မသောက်ပါနဲ့။ အသက်ရှူလမ်းရောဂါ၊ နှလုံးရောဂါရှိရင် မသောက်ပါနဲ့။


အခုရေးတာတွေဟာ ဆေးကြော်ညာထဲမှာ ပါတာတွေသာ ဖြစ်ပါတယ်။ (ကျွန်တော်တို့လို) ဆရာဝန်တွေက အာမမခံပါခင်ဗျား။ ဒီလိုမျိုး ဆေးဆိုတာတွေရှိပါသေးတယ်။ ထပ်ရေးနေရင် ကြောညာထင်နေမှာမို့ မရေး တော့။ မိန်းကလေးများအားလုံး အညာ၊ အညစ် မခံကြရအောင် စားသောက်စရာမှန်သမျှ ပူတာ၊ အေးတာ ဘာမှစိတ်မချရတာကို သိကြပါ။


• SPANISCHE FLIEGE D6, SPANISC FLIEGE D9
• Insect Powder
• Flower yilly medicine for woman
• Ant King - sex medicine for woman
• Gold flysex medicine for woman စတာတွေက ဆေးမှုံ့၊ ဆေးတောင့်၊ ဆေးအဆီတွေဆိုပြီး လာတယ်။ အရောင်မပါ၊ အနံ့အထွက်ဘူး။ တချို့က အရေပြားကို သုတ်လိမ်းပေးတာနဲ့ ကိုယ်ထဲဝင် စေတယ်။ ဒီလိုဆေးအားလုံးဟာ မတော်မတရားပြုဘို့အတွက်သာ သုံးကြတယ်။ ဒါကြောင့် အေးအေးပူပူ သူများကတိုက်တဲ့ အစား၊ အသောက်တွေကို လက်မခံသင့်ဘူး။၊ လူချင်းထိပြီး ပွတ်သပ်ပေးတာကအစ ရှောင်ရှားနိုင်ဘို့ လိုပါလိမ့်မယ်။ သင်္ကြန်ကာလတခုတည်းလည်း မဟုတ်ပါ။ အန္တရာယ်ဆိုတာ ကာလမရွေး၊ နေရာမရွေးပါခင်ဗျား။


ဒေါက်တာတင့်ဆွေ

Read More

မြန်မာဝတ်စုံတွေပဲအ၀တ်များတယ်ဆိုတဲ့ အေးမြတ်သူ

Sexy ဆန်ဆန် ဒီဇိုင်းများ ၀တ်ဆင်လေ့ရှိသော အေးမြတ်သူက ယခုနောက်ပိုင်းတွင် အသက်အရွယ်အရ တည်ငြိမ်သည့်ဘက်သို့ ရောက်ရှိလာသောကြောင့် မြန်မာဝတ်စုံများကို ဦးစားပေးဝတ်ဖြစ်ကြောင်း ပြော
သည်။


“အမျိုးသမီးတစ်ယောက်က သူ့အသက်အချိုးအဆစ်တစ်ခုမှာ အပြောင်းအလဲဖြစ်တယ်။ အဲဒီလို အပြောင်းအလဲလိုမျိုး ကျွန်တော့် အကြိုက်တွေလည်း ပြောင်းလဲသွားတာပါ”ဟု အေးမြတ်သူက ပြောသည်။


အောက်တိုဘာ ၁ ရက်တွင် ကျရောက်မည့် ရဲတပ်ဖွဲ့နေ့ဂုဏ်ပြုဇာတ်လမ်းတွင် ရဲအုပ်တစ်ဦးအဖြစ် သရုပ်ဆောင်မည်ဖြစ်ပြီး ဖြိုးငွေစိုးနှင့် တွဲဖက်သရုပ်ဆောင်ရမည်ဖြစ်ကြောင်း အေးမြတ်သူက ပြောသည်။


“ခေါက်ထီးလေး မလုံ့တလုံ” ရုပ်ရှင်ကားတွင်လည်း ဘ၀ကို လေးလေးနက်နက်မတွေးဘဲနေထိုင်သည့် မိန်းကလေးတစ်ဦး၏ပုံစံ သရုပ်ဆောင်ထားပြီး ရိုက်ရက်အနည်းငယ် ကျန်နေသေးကြောင်း အေးမြတ်သူက ပြောသည်။ “လုပ်ကွက်လည်းရတယ်။ ကိုယ့်ရဲ့အိုက်တင်ကိုလည်း ပြခွင့်ရတယ်။ ကံကောင်းလို့ ရိုက်ခွင့်ရတာပါ” ဟု ၎င်းကပြောသည်။


ယခုရိုက်ကူးပြီးသည်အထိ ဒါရိုက်တာခိုင်းသည့်အတိုင်း လုပ်ဆောင်ခဲ့ပြီး အကောင်းဆုံးကြိုးစားထားကြောင်း အေးမြတ်သူက ပြောသည်။


၂၀၁၂ နှစ်ကုန်ပိုင်းမှ စတင်၍ နိုင်ငံခြားခရီးများ ဆက်တိုက်သွားဖြစ်နေပြီး ပြီးခဲ့သည့် သြဂုတ်လက သွားရောက်ခဲ့သော ကိုရီးယားခရီးစဉ်မှာမူ ဒါရိုက်တာ မောင်မျိုးမင်း၏ ကမ်းလှမ်းမှုကြောင့်ဖြစ်သည်ဟု ၎င်းကပြောသည်။

From : .... Planet Myanmar Network

Read More

ကျောက်ချဉ်များများ ထည့်တဲ့ ဂျုံခေါက်ဆွဲ ကြိုက်သူများ သတိထား

 

 

တရုတ် အစားအစာများ၏ ၃၀ ရာခိုင်နှုန်း မကတွင် အလူမီနီယမ် သတ္တုများ စားသုံးသင့်သည် ထက် ပို၍ပါဝင်နေကြောင်း ပီကင်း သုတေ သနဌာနမှ တွေ့ရှိခဲ့သည်ဟု သိရ သည်။ အလူမီနီယမ် သတ္တုဓာတ်ဆား လွန်ကဲစွာ စားသုံးမိပါက ဦးနှောက် နှင့် အာရုံကြော ဆိုင်ရာနှင့် အသက် ရှူလမ်းကြောင်းဆိုင်ရာ ကျန်းမာရေး ပြဿနာ များနှင့် အရိုးဖွံ့ဖြိုးတိုး တက်မှုဆိုင်ရာ ပြဿနာများ ဖြစ်ပွား ခံစားလာနိုင် သည်ဟု ဆိုသည်။ အလူ မီနီယမ်ဓာတ် အလွန်အမင်း ပါရှိတဲ့ တရုတ် အစားအစာ များ၏ ၄၀ ရာခိုင် နှုန်းမှာ ဂျုံမှုန့်ထဲမှာဖြစ်ကြောင်း အစားအစာဘေးကင်း စိတ်ချလုံခြုံရေး နှင့် အာဟာရဓာတ် ကျွမ်းကျင်ပညာ ရှင် ချန်းဂျန်းရှိက အစားအစာ ဘေး ကင်းစိတ်ချ လုံခြုံရေး ဖိုရမ်တစ်ခုမှာ ပြောကြား လိုက်ခြင်းဖြစ် ပါသည်။
မုန့်ဖုတ်ပေါင်ဒါများ အဖြစ် သုံးတဲ့ ကျော်ကချဉ်ကို ဂျုံမှုန့်ထဲက အဓိကအား ဖြင့် ထည့်လေ့ရှိတာကိုပဲ အပြစ်တင် စရာရှိတယ်လို့ ချန်းက ရှင်းပြပါသည်။ တရုတ်အစားအစာ ထုတ်လုပ် သူများ က ဂျုံမှုန့်ထဲကို အရသာကောင်း၊ အရောင်လှအောင် ကျောက်ချဉ်တွေ ထည့်ခြင်းဟာ ထည့်သင့်တာထက် လွန်မင်းစွာ ထည့်ခြင်းကြောင့်ဖြစ်တယ် လို့ သိရပါသည်။
မုန့်ဖုတ်ပေါင်ဒါတွေက ပိုပြီး ဈေးကြီး လှသဖြင့် တရုတ်ထုတ်လုပ်သူအများ စုဟာ အလူမီနီယမ်လွန်ကဲစွာ မထည့် ဘဲ ဂျုံမှုန့်ထုတ်လုပ်ရန် လက်တွန့် နေကြောင်း သိရသည်။ ကမ္ဘာ့ကျန်းမာရေး အဖွဲ့မှ ကိုယ် အလေးချိန် ၁ ကီလိုဂရမ်လျှင် အလူ မီနီယမ် ၂ မီလီဂရမ်ထက်ပို၍ မစား ရလို့ သတ်မှတ်သတိပေးထားပေမယ့် တရုတ်လူမျိုး ၃၂.၅ ရာခိုင်နှုန်းမှာ ၄င်းပမာဏထက် ပို၍စားသုံးနေ ကြောင်း သုတေသီများက တွေ့ရှိခဲ့ သည်။
တရုတ်ရိုးရာ နံနက်စာ အဖြစ် စားသုံးလေ့ရှိတဲ့ ဂျုံနဲ့လုပ်တဲ့ မုန့်ပေါင်း တွေ ဥပမာ-ပေါက်စီ၊ ဖက်ထုပ် စသည်တို့မှာ ၂၄ ရာခိုင်နှုန်း၊ ဂျုံမှုန့် ညက်နဲ့ အကြော်အလှော်များတွင် ၁၀ ရာခိုင်နှုန်း၊ ဂျုံမှုန့်များတွင် ၄၄ ရာခိုင် နှုန်းစသည်ဖြင့် အလူမီနီယမ်ဓာတ် များပြားစွာ ပါဝင်နေသည်။
တရုတ်ပြည်မြောက်ပိုင်းသား များဟာ ရိုးရာအစား အစာအဖြစ် ဂျုံနဲ့ ပြုလုပ်သည့် ခေါက်ဆွဲများကို နှစ်နှစ် သက်သက် စားသုံးကြသဖြင့် တရုတ် ပြည် တောင်ပိုင်းမှာ နေထိုင်သူများ ထက် အလူမီနီယမ်ဓာတ် ၄ ဆ ပိုများနေကြောင်း တွေ့ရသည်။ ဤသုတေသနကို အစားအစာ ၁၁ မျိုး၏ နမူနာပေါင်း ၆၆၀ဝ မှအခြေ ခံ၍ သုတေသနပြုခဲ့သည်ဟု ဆို၏။
မေ

Read More

ကမ္ဘာ့အကြီးဆုံး စိန်ဖြူ လေလံတင်ရောင်းချမည်

နယူးယောက် စက်တင်ဘာ ၅

ကမ္ဘာ့အကြီးဆုံးစိန်ဖြူအဖြစ် သတ်မှတ်ခံရသော စိန်တစ်လုံးကို အမေရိကန်ပြည်ထောင်စု နယူးယောက်မြို့၌ လေလံတင်ရောင်းချရန် ခင်းကျင်းပြသထားပြီဖြစ်ကြောင်း ဒေသဆိုင်ရာ သတင်းဌာနများက စက်တင်ဘာ ၅ရက်တွင် သတင်းထုတ်ပြန်သည်။ အာဖရိကတိုက်မှ တူးဖော်ရရှိခဲ့ သော အဆိုပါစိန်ဖြူသည် အလေးချိန် ၁၁၈ကရက်ရှိပြီး ဘဲဥပုံသဏ္ဌာန်ဖြစ်သည်။

ကမ္ဘာ့အကြီးဆုံးစိန်ဖြူကို တူးဖော်ရရှိခဲ့ပြီး လွန်ခဲ့ သည့်နှစ်နှစ်က သွေးခဲ့ပြီးချိန်နောက်ပိုင်း ခင်းကျင်းပြသ ခဲ့ခြင်း မရှိပေ။ ယခုအခါတွင် ယင်းစိန်ကို လေလံတင် ရောင်းချရန် ဆုသည်ဘိုင်လေလံကုမ္ပဏီ၏ မင်ဟတ်တန် (နယူးယောက်) ဌာနချုပ်က ခင်းကျင်းပြသထားသည်။
ယင်းစိန်သည် ဒေါ်လာ ၂၈သန်းမှ ဒေါ်လာ ၃၅သန်းအကြား တန်ဖိုးရှိသည်ဟု ခန့်မှန်းရသည်။
ရိုက်တာ။

သတင်းနှင့်စာနယ်ဇင်းလုပ်ငန်း

Read More

ခံတွင်းမှ တစ်ဆင့် အသံကို ကြားနိုင်သည့် ဖားမျိုးစိတ်အား သိပ္ပံ ပညာရှင်များ တွေ့ရှိ

ပြင်ပနားရွက် မပါရှိသော်လည်း အသံများကို ကြားနိုင်စွမ်း ရှိသည့် Gardiner's Seychelles ဖားမျိုးစိတ် များ၏ လျှို့ဝှက်ချက်ကို သိပ္ပံ ပညာရှင် များက ဖော်ထုတ်နိုင်ခဲ့ သည်ဟု အင်တာ နက်သတင်းတစ်ပုဒ် အရ သိရသည်။

Gardiner's Seychelles ဖားမျိုးစိတ်သည် ကမ္ဘာ့ အသေးငယ်ဆုံး ဖားမျိုးစိတ် များထဲတွင် တစ်မျိုး အပါအ၀င် ဖြစ်ပြီး ၎င်းဖားမျိုးစိတ် များကို ဆေးရှဲလ် ကျွန်းများပေါ်၌ တွေ့ရသည်။ Gardiner's ဖားမျိုးစိတ်သည် တစ်စင်တီမိတာ ခန့်သာ ရှည်လျားပြီး ၎င်းတို့တွင် နားရွက်မပါ သော်လည်း အသံများကို ကြားနိုင်စွမ်း ရှိကြသည်။

ယင်းဖားမျိုးစိတ်များ အသံ ကြားနိုင်ရန် အတွက် ၎င်းတို့၏ ခံတွင်းခေါင်းနှင့် တစ်သျှူးကို အသုံးပြုပြီး ပြင်ပမှ ၀င်ရောက်လာသည့် အသံများကို ထိုအင်္ဂါများမှ တစ်ဆင့် အတွင်းပိုင်းရှိ နားများသို့ လွှဲပြောင်း ပေးပို့ကြောင်းကို သိပ္ပံ ပညာရှင် များက တွေ့ရှိ ခဲ့ကြသည်။

ဖားမျိုးစိတ် အများစုသည် လူသားများ ကဲ့သို့ ပြင်ပ နားရွက်များ မပိုင်ဆိုင် ကြသော်လည်း ၎င်းတို့၏ ဦးခေါင်း မျက်နှာပြင် ပေါ်၌ နားစည်တစ်ခု ပါသော ကြားခံ နားရွက်တစ်ခု ပါဝင်လျက် ရှိသည်။ ပြင်ပမှ ၀င်ရောက်လာသည့် အသံလှိုင်း များသည် နားစည်ကို တုန်ခါမှု ဖြစ်ပေါ်စေပြီး ထိုတုန်ခါမှု များသည် ဆံခြည်မျှင် ဆဲလ်များ စုဝေးရာ အတွင်းပိုင်းရှိ နားထံသို့ ရောက်ရှိ သွားကာ ထိုနားမှ တစ်ဆင့် ယင်းတုန်ခါမှုကို လျှပ်စစ် အချက်ပြမှုများ အဖြစ် ဦးနှောက်သို့ ပြန်လည် ပေးပို့ခြင်း ဖြစ်ကြောင်း သိပ္ပံ ပညာရှင် တစ်ဦးဖြစ်သူ ရီနော့ဒ်ဘွိုင် စတာက ပြောကြားခဲ့သည်။

Read More

ဖလော်ရီဒါ ကမ်းရိုးတန်းမှ အမေရိကန် ဒေါ်လာ ၃၀၀၀၀၀ နှင့် ၃၅၀၀၀၀ ကြား တန်ဖိုးရှိ ရှေးဟောင်း ရတနာများ ဆယ်ယူရရှိ

အမေရိကန် ပြည်ထောင်စု ဖလော်ရီဒါ ပြည်နယ် အတွင်းရှိ ရေအောက် အဖိုးတန် ပစ္စည်း ရှာဖွေ ဆယ်ယူရေး ကုမ္ပဏီ တစ်ခုသည် Fort Pierce ကမ်းရိုးတန်း၏ ရေအောက် အနက် ပေ ၁၀၀၀ ခန့်တွင် ရှေးဟောင်း အဖိုးတန် ပစ္စည်းများကို မကြာသေးမီ ကာလ အတွင်းက ဆယ်ယူရရှိ ခဲ့သည်ဟု အင်တာနက် သတင်းတစ်ရပ် အရ သိရသည်။

တွေ့ရှိ ခဲ့ရသည့် ရတနာ သိုက်တွင် ပါရှိသော ရတနာ ပစ္စည်းများ၏ သက်တမ်းမှာ ရာစု နှစ်ပေါင်းများစွာ သက်တမ်းရှိပြီး တန်ဖိုးမှာ အမေရိကန် ဒေါ်လာ ၃၀၀၀၀၀ မှ ၃၅၀၀၀၀ ကြားတွင် ရှိကြောင်း၊ ရတနာ ပစ္စည်းများကို တွေ့ရှိခဲ့သူ အီရစ်စကပ်မစ်က်က ပြောကြားသည်။

အဆိုပါ ရတနာ ပစ္စည်းများတွင် ပေ ၇၀ မှ ၈၀ အထိ ရှည်လျားသော ရွှေကြိုးများ၊ ပီရူး နိုင်ငံသုံး ဒင်္ဂါး လေးပြားလည်း ပါဝင်ကြောင်းနှင့် ၎င်းရွှေထည် ပစ္စည်းများသည် ၁၇ ရာစုခန့်က စပိန် သင်္ဘောတစ်စင်း ပျက်စီးနစ်မြုပ် ခဲ့ရာမှ ကျန်ရှိသည့် ပစ္စည်းများဟု ယူဆရကြောင်း၊ ယခု တွေ့ရှိမှုသည် Fort Pierce ကမ်းရိုးတန်း တစ်လျှောက်တွင် ဆယ်ယူ ရရှိခဲ့သည့် ရတနာ များတွင် တန်ဖိုး အကြီးဆုံးနှင့် အများဆုံး ဆယ်ယူ ရရှိခဲ့သည့် ရတနာ ပစ္စည်းများ ဖြစ်ကြောင်း စကပ်မစ်က်က ပြောကြားသည်။

Read More

နို့တိုက် သတ္တ၀ါ များတွင် ရောဂါပိုးသစ် ၃၂၀၀၀၀ ခိုအောင်းနိုင်ကြောင်း သုတေသီများ ပြောကြား

နို့တိုက် သတ္တ၀ါ များတွင် အနည်းဆုံး ဗိုင်းရပ်စ်ပိုးသစ် ၃၂၀၀၀၀ ခိုအောင်းနိုင်ဖွယ် ရှိကြောင်း သုတေသန ပြုလုပ်မှု တစ်ရပ်အရ သိရသည်။
လူသားများ ထံသို့ ကူးစက် ပျံ့နှံ့နိုင်သော အဆိုပါ ရောဂါပိုး များကို အမျိုးအစား ခွဲနိုင်ခြင်းသည် အနာဂတ်တွင် ဖြစ်ပေါ် လာနိုင်သည့် ရောဂါပိုး များကို ကြိုတင် ကာကွယ် နိုင်မည် ဖြစ်ကြောင်း သုတေသီ များက ပြောကြားခဲ့သည်။
HIV ရောဂါပိုး၊ အသက်ရှူ လမ်းကြောင်းဆိုင်ရာ ရောဂါပိုး၊ Ebola ရောဂါပိုး အစရှိသည့် လူသားတို့တွင် ကူးစက်တတ်သည့် ရောဂါပိုး ၇၀ ရာခိုင်နှုန်း နီးပါးသည် သားရဲ တိရစ္ဆာန် တို့မှ စတင် အခြေ တည်လာခဲ့ခြင်း ဖြစ်သည်။
စုံစမ်း စစ်ဆေးမှုများ အရ ရောဂါပိုးများသည် Flying fox ဟု အမည် ခေါ်တွင်သည့် လင်းနို့ မျိုးစိတ်များမှ ပျံ့နှံ့လာခြင်း ဖြစ်ကြောင်း၊ လင်းနို့များသည် Nipah ဗိုင်းရပ်စ်ပိုးကို သယ်ဆောင် လာခဲ့ပြီး ၎င်းဗိုင်းရပ်စ်ပိုးသည် လူသားများအား အသက် ဆုံးရှုံးနိုင်သည် အထိ အန္တရာယ် ပေးနိုင်ကြောင်း၊ အဆိုပါ ရောဂါပိုး အရေအတွက် မည်မျှကို တိရစ္ဆာန် များက သယ်ဆောင် လာသည်ကို ခန့်မှန်း၍ မရနိုင်ကြောင်း လင်းနို့များ ထံမှ စုဆောင်းခဲ့သော ဗိုင်းရပ်စ် ပိုးများကို အမေရိကန် ပြည်ထောင်စုနှင့် ဘင်္ဂလားဒေ့ရှ် နိုင်ငံ များတွင် လေ့လာပြီးနောက် သုတေသန အဖွဲ့က ပြောကြားထားသည်။
ရောဂါပိုး များကို အမျိုးအမည် ခွဲခြားရန် အတွက် ဒေါ်လာ ၄ ဘီလီယံခန့်ကို အသုံး ပြုရဖွယ် ရှိမည်ဟု ခန့်မှန်းထားကြောင်း၊ သို့သော် ယင်းကုန်ကျ စရိတ်သည် တစ်ကမ္ဘာလုံးတွင် ဖြစ်ပွားလျက် ရှိသော ရောဂါပိုး တစ်မျိုးနှင့် ပတ်သက်၍ ကုန်ကျစရိတ်၏ တစ်စိတ်တစ်ဒေသ သာဖြစ်ကြောင်း သုတေသန အဖွဲ့က ဆိုသည်။

Read More

ယောကျာ်းလေးများတွင်ပါ ဆီးလမ်းကြောင်းကင်ဆာရှိမရှိစစ်ဆေးနိုင်တဲ့အမျိုးသ္မီးသုံးကိုယ်ဝန်တိုင်းကရိယာ

အမျိုးသ္မီးတွေမှာအသုံးပြုသကဲ့သို့ အသုံးပြုရမှာဖြစ်ပြီး အဖြေထွက်ပေါ်ပုံလည်း အတူတူသာဖြစ်ပါတယ်။
ဒီ့ထက်ယောကျာ်းလေးဆီးလမ်းကြောင်းကင်ဆာကို အကျယ်ချဲ့ ချင်ပါတယ်။

ဆီးလမ်းကြောင်းကင်ဆာ
============

ဆီးလမ်းကြောင်းကင်ဆာကတော့ ကပ္ပါယ်အိတ်နှစ်အိတ်မှာ(သို့ )ဆီးသွားပြွန်
(သို့ )နှစ်မျိုးစလုံးမှာပြိုင်တူ ဖြစ်နိုင်ပါတယ်။
လက္ခဏာအနေနဲ့ ကတော့အဖုအပိန့် တွေဖြစ်ပေါ်လာပြီး
နာကျင်မှုဝေဒနာကိုခံစားရပါလိမ့်မည်။
အသက် 20မှ39နှစ်အကြားတွင်အဖြစ်များပြီး
-ပုံမှန်မဟုတ်သောလိင်အင်္ဂါဖွံ့ ဖြိုးခြင်း
-မိမိဆွေမျိုးများတွင်ဖြစ်ပွါးသူရှိခဲ့ဖူးပါကမိမိတွင်ဖြစ်နိုင်ခြေများနိုင်ပါတယ်။
ကုသမှုတွေကတော့ဖြစ်ပွါးရာနေရာမှနမူနာအသားစကိုစစ်ဆေးပြီး
သေချာပြီဆိုရင်တော့အခြားကင်ဆာရောဂါကုသမှုတွေလို
ဓါတ်ကင်ကုသမှု၊ခွဲစိတ်ကုသမှုနှင့်ကီမိုဆေးသွင်းခြင်းစတဲ့နည်းလမ်းများဖြင့်
ကုသမှုကိုကောင်းစွာခံယူသင့်ပါတယ်။
(လက္ခဏာပေါ်လာတာနှင့်ဆရာဝန်ထံသို့ အမြန်ဆွေးနွေးပြီးကုသမှု
ခံယူနိုင်ရင်အကောင်းဆုံးဖြစ်ပါတယ်။)
ဒီရောဂါဖြစ်ဖူးသူများသည်အိမ်ထောင်ရှင်များဖြစ်ပါက
ကလေးမရနိုင်တော့တာမျိုးရှိနိုင်သလိုလုံးဝမရဘူးလို့ လည်းမပြောနိုင်ပါဘူး။
ဒါ့ကြောင့်ဒီလိုရောဂါရာဂါလက္ခဏာမျိုးဖြစ်လာပါကဆရာဝန်ထံသို့ 
အမြန်ပြပြီးဆေးကုသမှုခံယူတာအကောင်းဆုံးဖြစ်ပါတယ်။

ZK(ကနောင်)

Read More

NAIL COSMETICS လက်သည်းအလှပြင်ခြင်းနဲ့ ကျန်းမာရေး

ဆရာရေ လက်သည်းပေါ်အလှဆင်တဲ့ဆေးတွေဟာ ဘယ်လောက်ဆိုးကျိုးပေးနိုင်သလဲ သိခြင်ပါတယ်။

အလှဗေဒက စရေးပါရစေ။ လက်သည်းခြေသည်း အလှပြင်ရာမှာ ဒါတွေကိုသုံးပါသတဲ့။
• Base coat အောက်ဆုံးလွှာမှာ လသက်သည်းဆိုးဆေး စွဲစေဘို့အရည်ကို စသုံးတယ်။ ဆိုးဆေးအရည် အသွေးလဲ ကောင်းစေပါသတဲ့။
• Nail polish ဆိုးဆေးမှာ Color or Gloss အရောင်အမျိုးမျိုး ကြိုက်တာကိုသုံးမယ်။ Thick liquid ဆေးရည်က ခပ်ထူထူ၊ Nitrocellulose ဆိုတာပါတယ်။ ကပ်နေအောင်လို့ Amyl acetatethat ဆေးထဲမှာ ဖျော်ထားတယ်။ ပျော့ပြောင်းမှုအတွက် Resins နဲ့ Plasticizers တွေလဲပါမယ်။ အရောင်အတွက် Different pigments ရောင်ချယ်ဓါတ်တွေ သုံးတယ်။ ဝေါဟာရတွေအနေနဲ့ Nail polish, Enamel, Lacquer, Varnish နဲ့ Color ဆိုပြီးခေါ်ကြတယ်။
• Top coat ဆေးဆိုးပြီးရင် အရောင်မဲ့ဆေး ထပ်တင်ပါမယ်။ ပိုကောင်းအောင်တဲ့။ တချို့အမျိုးအစား တွေမှာ Sunscreen နေလောင်ခံပါမယ်၊ ဆေးမပျယ်အောင်ထိန်းပေးတာမျိုးပါမယ်။

လက်သည်းဆိုးဆေးရဲ့ ကောင်ကျိုးကတော့ အလှအပအပြင် လက်သည်းခြေသည်းကို တခြား ပြင်းထံတဲ့ အရာတွေက ထိတွေ့မှာကို ကာကွယ်ပေးမယ်။ ခြောက်သွေ့တာ၊ ကြွပ်ဆတ်တာကိုပါ အကာကွယ်ပေးမယ်။

ဘယ်လိုဓါတ်တွေပါသလဲ -
• Nail polish remover လက်သည်းဖျက်ဆေးဆိုတာမှာ Acetone-based solvent ဆေးဖျော်ရည်ကို သုံးတယ်။ Acetone, Alcohol, Ethylacetate or Butyl acetate တွေပါနေတယ်။ Cotton ball ဂွမ်းစလုံး လေးသုံးပြီး ဖယ်ရှင်းပြစ်ရတယ်။
• Cuticle creams ကျူတီကယ်-ခရင်မ် ဆိုတာ လက်သည်းခြေသည်း အနားလေးက အရေပြားနေရာ အတွက် သုံးတာဖြစ်တယ်။ Lanolin, Petroleum or Beeswax တွေပါတယ်။ Dry cuticles ဒီနေရာခြောက် နေတာနဲ့ Brittle nails ကြွတ်ဆတ်တာကို ကာကွယ်ဘို့အတွက်သုံးကြတယ်။
• Cuticle remover အဲတာကိုရှင်းဆေး Alkali နဲ့ glycerin ကို ရေမှာဖျော်ထားတာဖြစ်တယ်။ Hangnails လက်သည်းကုပ်နေတာနဲ့ Excess cuticle အပိုဖြစ်နေတာကိုပါ ကာကွယ်စေတယ်လို့ဆိုတယ်။
• Nail moisturizer လက်သည်းစိုဆေးထဲမှာ Glycerin, Mineral oils, Alpha-hydroxy acids စတာတွေ ပါတယ်။
• Nail hardener လက်သည်းမာဆေးဆိုတာလဲ ရှိသေးတယ်။
• Nail bleach ဆိုတာက လက်သည်းကို အစွန်းအထင်းတွေ ချွတ်ပေးတယ်။ ပိုဖြူသွားစေမယ်။

Artificial nails လက်သည်းတု (၂) မျိုးရှိတယ်။
(၁) Preformed plastic nails ကို ကြိုက်သလို ပုံစံ၊ အတို-အရှည် ကိုက်ဖြတ်ယူနိုင်တယ်။ press-on ဖိလိုက်ယုံ လုပ်နိုင်တာနဲ့ Glue ကော်သုံးရတာဆိုပြီးလာတယ်။
(၂) Sculptured nails ဒီအတုမှာ Acrylic compound ဆေးနဲ့ မာကျောအောင်လုပ်ထားတယ်။ Filed တံစဉ်နဲ့ တိုက်တိုက် Manicured အနုစိတ်လုပ်လုပ် ကြိုသလိုပုံဖေါ်နိုင်တယ်။

Adverse effects of nail cosmetics လက်သည်းအလှပြင်ပစ္စည်း ဘေးထွက်-ဆိုးကျိုးတွေ
• Regular use အမြဲလိုလိုသုံးနေရင် Staining of nails လက်သည်းမှာ အရောင်တွေတင်နေမယ်။ Allergic contact dermatitis အတည့်တဲ့အတွက် အရေပြားနာဖြစ်နိုင်တယ်။
• Acetone-based nail polish remover ဖျက်ဆေးကနေ Nail dryness ခြောက်သွေ့စေပြီး၊ Brittleness ကျွတ်ဆက်စေတယ်။ ဘေးနားကနေရာကိုလဲ ယားယံစေတယ်။
• Cuticle remover ကို တအားသုံးမိရင် Cuticle တခုလုံးပျက်စီးစေနိုင်တယ်။ Sculptured nails ပုံသွင်း ထားတာမျိုးထဲမှာပါတဲ့ Acrylic နဲ့ Nail hardeners ထဲက Formaldehyde ကနေ Allergic reactions (အလားဂျစ်) ဖြစ်စေနိုင်တယ်။ Acrylics ကို ဖယ်ထုတ်လိုက်ရင် Surface layers အပေါ်ယံအလွှာဟာ ထိခိုက်မှု ပိုခံရစေနိုင်တယ်။ လက်သည်းကြားမှာ Moisture ရေဓါတ်အောင်းနေလို့ Fungal infection မှိုပိုး ဝင်တာ ခဏခဏဖြစ်လာစေနိုင်သေးတယ်။
• Artificial nails ကို အကြာကြီးတပ်ထားရင် Nail plate နေရာကို ဖိအားသက်ရောက်စေလို့ ထိခိုက်မှု သဘော ခံရမယ်။
• Nail moisturizers ကနေ တချို့မှာ Stinging နဲ့ Irritant contact dermatitis အရေပြား နာလိုဖြစ် တယ်။

Tips for safer use of nail cosmetics အကြံပြုချက်များ
• Removal or manipulation of cuticle ကို မသုံးသင့်ပါ။
• Acetone-based nail removers ကို မသုံးသင့်ပါ။
• Moisture ကို သက်သာစေအောင် Nail conditioner နေ့တိုင်းသုံးပါ။
• Nail cosmetics သုံးလို့ Burning sensation ပူလောင်သလို ခံစားရရင် ဆက်မသုံးပါနဲ့တော့၊
• Artificial nail သုံးလို့ Irritation နေမထိသလိုခံစားရရင် မသုံးပါနဲ့တော့၊
• Nail polish remover ကို ခဏခဏ မသုံးပါနဲ့၊
• Harsh environmental conditions ကြမ်းတမ်းတဲ့အခြေအနေမှာ လက်သည်းကို အသုံးမပြုပါနဲ့။
• Artificial nails ဆိုရင် တိုတာက သက်သာမယ်။

FDA ကနေထုတ်ထားတဲ့ Nail Care Products Safety and Regulatory Information ပြဌာန်းချက်တွေ
• Potentially harmful ingredients အဆင်မသင့်ရင် အန္တရာယ်ပေးနိုင်တဲ့ဓါတ်တွေပါတယ်။ ပါးစပ်ထဲ၊ မျက်စိထဲ ဝင်ရင် ပိုဆိုးတယ်။
• Labels တံဆိပ်တွေမှာ Warning statement သတိပေးချက်ပါရမယ်။
• Infections ပိုးဝင်နိုင်တာနဲ့ Allergic reactions (အလာဂျီ) ရတာတွေ ဖြစ်စေနိုင်တယ်။
• မီးလောင်လွယ်လို့ သတိထားရမယ်။
• Artificial Nail Removers ထဲမှာ Acetonitrile ပါတယ်။ 500 mg ထက်ပိုပါတာမျိုးကို Child-resistant packaging ကလေးတွေမဖွင့်နိုင်အောင် ထုပ်ပိုးထားရမယ်။
• Nail Hardeners ထဲမှာပါတဲ့ Formaldehyde က စိတ်ချရပေမဲ့ 0.2% by weight ထက်ပိုပြီးမပါစေရပါ။
• Artificial Nails (Acrylics) ထဲက Methacrylate Monomers စိတ်ချရပေမဲ့ တချို့မှာ Nail bed လက်သည့်အခြေကို Redness, Swelling, and Pain နီ-ရောင်-နာတာ ဖြစ်စေနိုင်တယ်။
• Nail Primers ထဲမှာ Methacrylic Acid ပါရင် Child-resistant packaging ကလေးတွေမဖွင့်နိုင်အောင် ထုပ်ပိုးထားရမယ်။
• Nail Polishes and Other Products တွေထဲက Toluene ဟာ 50% ထက်ပိုမပါရဘူး။

လက်သည်းလှ စိတ်ထဲလှ၊ ရောဂါဘယကင်းပကြပါစေ။

ဒေါက်တာတင့်ဆွေ

Read More

ရေခဲတောင်မှာ ဇာတ်ကားရိုက်ဖို့ စီစဉ်နေတဲ့ သားညီ

သားညီက ကိုယ်တိုင် ဒါရိုက်တာအဖြစ် ” ၄” ဆိုတဲ့ ဇာတ်ကားကို ကချင်ပြည်နယ်က မင်းသား၊မင်းသမီးတွေဖြစ်တဲ့ ဒေါင်လွဏ်း၊ အော်လာရီ၊ အမရာဆိုင်းနော် တုိ့နဲ့ အတူ မြစ်ကြီးနားမှာ ရိုက်ကူးနေပါတယ်။ အရင်တုန်းကလည်း ငါးမန်းဇာတ်ကားတစ်ကားကိုကချင်စကားပြောနဲ့ ရိုက်ကူးခဲ့ပြီး အခုဒုတိယ အကြိမ် မြောက် ကချင်စ ကားပြော ဇာတ်ကား ရိုက်ကူးတာဖြစ်ပါတယ်။ ဒီ ဇာတ်ကားတွေကို မြန်မာ စာတန်းထိုးမှာဖြစ်ကြောင်း သားညီက ပြောပါတယ်။ ကချင်လူမျိုးတွေနဲ့မြစ်ကြီး နားမှာရိုက် ကူးရတဲ့ အတွေ့အကြုံတွေကို သားညီက ” ကျောင်းသားလူငယ်လေး ယောက် ရဲ့ဘဝပဲ။ လူငယ်တွေ ကြားမှာ မူးယစ်ဆေးဝါးဆိုတာ မကောင်းဘူးပေါ့။ အခုလောေ လာဆယ် ဖြစ်နေတဲ့ လူငယ်တွေနဲ့ မူးယစ် ဆေးဝါးအကြောင်းလေးပါ။ မြစ် ကြီးနားမြို့ပေါ်မှာ ရိုက်တယ်။ ရေတံခွန်ပါတယ်။ မြစ်ဆုံနည်း နည်းပါတယ်။ ကချင်လူမျိုးတွေ ပဲဆိုတော့ သူတို့ပြောတာတွေ ကျွန်တော်နား မလည်ဘူးလေ။ ကျွန်တော်က မြန်မာလို ဇာတ်ညွှန်းအရင်ရေးလိုက်တယ်။ ပြီးတော့မှ ကချင်လို ဘာ သာပြန်ပြီး ပြောကြတ ယ်။ ကျွန်တော်က မြန်မာလိုတစ်ခေါက် သရုပ်ဆောင်ပြတယ်။
ပြီးတော့ သူတို့ကချင်လို တစ်ခေါက်သရုပ်ဆောင်ကြတယ်။ အခုနည်းနည်းတော့ ကျွန်တော်လည်း ကချင်လို နားလည်စပြုလာပြီ။ ကျွန်တော်တို့ ရောက်မှ ဒီမှာမိုး က တော်တော်ရွာတော့ တော်တော် ဒုက္ခရောက်တယ်။ ကိုယ့်ရဲ့နယ်မြေမဟုတ်တဲ့အတွက် လိုကေးရှင်း အခက်အခဲတွေ ရှိ တာပေါ့။ဒါပေမဲ့ဒီက သရုပ်ဆောင် တွေ အကုန် လုံးက မိုက်တယ်။ ကြိုက်တဲ့ အိမ်မှာ ကြိုက်တဲ့ အချိန်တက်ရိုက်လို့ရတယ်။ ပိုက် ဆံလည်းပေးစရာမလိုဘူး။ လို ချင်တဲ့လူခေါ် ရိုက်လို့ရတယ်။ ဝါသနာလည်းပါကြ တယ်။ အမိန့် လည်းတအားနာခံတယ်။အဲဒါ က အမှတ်တရပါပဲ” လို့ ပြောပါ တယ်။သြဂုတ်လ ၁၉ ရက်နေ့က သား ညီရဲ့မွေးနေ့ပဲ ဖြစ်ပါ တယ်။ မွေးနေ့ တစ်ရက်လုံးကို ရှုတင်မှာ ပဲ ဖြတ်သန်းဖြစ်ပြီး ညပိုင်းမှ ဘုရားသွားဖြစ်ကြောင်း သားညီက ပြောပါတယ်။ သူ့ မွေးနေ့နဲ့ပတ်သက်ပြီး သား ညီက..
” မွေးနေ့တိုင်းမိသားစုနဲ့ ဖြတ်သန်းနေကြပါပဲ။ ဒီတစ်ခါပဲ အတူ မဖြတ်သန်းဖြစ်တာ။ ရှုတင်ကမနက် ၃နာရီလောက် မှ ပြီးတာဆိုတော့ အိပ်ပျော်သွားတယ်။ မနက်အေ စာကြီး ဘုရားသွားမယ်ဆိုပြီး ဘယ် လိုမှ မနိုးကြဘူး။ သြဂုတ် လက ကျွန်တော့်အတွက် ဝမ်းနည်းစရာလည်း ရှိတယ်။ ပျော်ရွှင်မှုလည်းရှိတယ်။ ဘာ လို့လဲဆိုတော့ သြဂုတ် လ ၃၁ ရက်နေ့က ကျွန်တော့် မေမေဆုံး တဲ့ နေ့လေ။ ကျွန်တော့် မွေးနေ့ ရယ်၊မေမေဆုံးတဲ့နေ့ရယ်ရှိတယ်။ ကျွန်တော့်မေမေက ၁၉၉၇ ခုနှစ် ကဆုံးသွားတာပါ” လို့ပြောပါတယ်။သားညီက ကချင်ပြည်နယ်က ဒေါင်လွဏ်းတို့နဲ့အတူ ရေခဲတောင်မှာဇာတ်ကားသွား ရိုက်ဖို့ စီစဉ်နေပြီး ဝတ်စုံတစ်ခုလို အပ်နေတာ ကိုစီစဉ် ပြီးရင် တော့ သွားရိုက်ကူးမှာ ဖြစ်ကြောင်း သားညီက ပြောပါတယ်။
ခိုင်ဝေလွင်
Popular

Read More

ပျက်စီးကြောင်းတရားလေးပါး

(၁) မိန်းမ လိုက်စား၍ အပျော်အပါးကျူးလွန်ခြင်း
ထိုသူသည် အလုပ်အကိုင်တွင် စိတ်မ၀င်စားနိုင်ရုံသာမက ထိုမိန်းမတို့ကို ပေးကမ်းရသဖြင့် ရှိသမျှ ဥစ္စာတွေ ကုန်ခန်းသည့် တိုင်အောင် ပျက်စီးတတ်လေသည်။

(၂) သေရက်အရက်( ဘိန်း၊ကစော်)ကြူး၍ ယစ်မူးမေ့လျော့ ခြင်း

သေရက်အရက်ကြူး၍ အလုပ်ကိစ္စတွင်မေ့လျော့နေသဖြင့် တိုးတက်သင့်သော ဥစ္စာများ မတိုးပွားဘဲ ဆုတ်ယုတ်ပျက်ပြားတတ်သည်။

(၃) အလောင်းအစားကြူးခြင်း

တစ်ရာလျှင် ကိုးဆယ့်ကိုးယောက်သည် အလုပ်လစ်ဟင်း၍ ရှိရင်းဥစ္စာများ ကုန်ဆုံးရမည်သာတည်း။
ရန်ကုန်မြို့ ကြီးများကဲ့သို့ ကြီးကျယ်သောမြို့ ကြီးများတွင် အလောင်းအစားလုပ်ဖို့ ရာ မြင်းပွဲစသော ကလပ်တွေ များစွာရှိနေသည်မှာ နိုင်ငံသူ၊ နိုင်ငံသားတို့ ပျက်ပြား ဆုတ်ယုတ်ဖို့ အကြောင်းချည်းသာ ဖြစ်လေသည်။

(၄) မကောင်းသော မိတ်ဆွေများ နှင့် ကိုယ်ရောစိတ်ပါ ပေါင်းခြင်း

မိန်းမ လိုက်စားသူ နှင့် ပေါင်းလျှင် မကြာခင် မိန်းမလိုက်စားသူ ဖြစ်တတ်သည်။
အရက်သမား နှင့် ပေါင်းသူသည် အရက်သမား ဖြစ်တတ်၏။
မြင်းသမား ကစားသမား နှင့် ပေါင်းသူလည်း မြင်းသမား ကစားသမား၊ဖြစ်တတ်သည်။
ထိုမိတ်ဆွေများ နှင့် ပေါင်းသင်းသူသည် ဥစ္စာပျက်ကြောင်းသုံးပါး၏ အခြေခံတရားပင်ဖြစ်သည်။

အရှင်ဇနကာဘိဝံသ (ဗုဒ္ဓဘာသာ လက်စွဲစာအုပ်မှ)

မေတ္တာဖြင့် စာစီပူဇော်သူ
အနှိုင်းမဲ့စာတိုပေစများ

Read More

တစ်ဦးတည်းသော ငြိမ်းချမ်းရေးနိုဘယ်ဆုရှင် ဒေါ်စု ထာဝရငြိမ်းချမ်းရေး ချင်းမိုင်ဆွေးနွေးပွဲ မတက်ပြန်

ညီညွတ်သော တိုင်းရင်းသားလူ မျိုးများ ဖက်ဒရယ်ကောင်စီ ( UNFC ) နှင့် ပြည်ထောင်စုအဆင့် ငြိမ်းချမ်းရေး ဖော်ဆောင်ရေးအဖွဲ့တို့ ၏ နိုင်ငံရေး တွေ့ ဆုံေ ဆွးနွေးပွဲသို့ ဒေါ်အောင်ဆန်း စုကြည် တက်ရောက်နိုင်မည် မဟုတ် ကြောင်း ကိုယ်ရေးအရာ ရှိ ဒေါက် တာ ဒေါ်တင်မာအောင်က ပြောသည်။

ယခုလ ၈ ရက်နေ့တွင် ထိုင်းနိုင်ငံ ချင်းမိုင်မြို့၌ ကျင်းပမည့် နိုင်ငံရေးတွေ့ ဆုံဆွေးနွေးပွဲသို့ တက်ရောက်ရန် ဒေါ် အောင်ဆန်းစုကြည်အား ပထမဆုံးအ ကြိမ်အဖြစ် UNFC က ဖိတ်ကြားခဲ့ သည်။

ဒေါက်တာဒေါ်တင်မာအောင်က ”အစ်မ(ဒေါ်အောင်ဆန်းစုကြည်)က အပွိုင့်မန့်ယူထားပြီးရင် ပျက်ကွက်လေ့ မရှိပါဘူး။ ကြိုတင်စီစဉ်စရာတွေ ရှိနေ လို့ပါ”ဟု ပြော သည်။

ဒေါ်အောင်ဆန်းစုကြည်အနေ ဖြင့် ယခုလ ၁ဝ ရက်မှစ၍ ဥရောပ သုံးနိုင်ငံခရီးစဉ် ရှိနေသည့်အတွက် မအားမလပ်သည့်အကြောင်း ယခင်လ ၂၈၊ ၂၉ ရက်ကပင် အကြောင်းပြန်ကြား ထားသည်ဟု UNFC မှ တွဲဖက်အထွေ ထွေ အတွင်းရေးမှူးဗိုလ်မှူးကြီးခွန်ဥက္ကာ က ပြောသည်။

”သူ့အနေနဲ့ ဆွေးနွေးပွဲကို စိတ် ဝင်စားတယ်။ မတက်ရောက်နိုင်တဲ့အ တွက် ဝမ်းနည်းတယ်။ ဖိတ်ကြားတဲ့ အတွက် ကျေးဇူးတင်တယ်ဆိုတာ အကြောင်းပြန်ပါတယ်။ ပြီးတော့ ကျွန် တော်တို့ရဲ့ စီစဉ်ထားတဲ့စာရွက် စာတမ်း တွေ အယူအဆတွေလည်းသူက သိချင် တယ်။ တချို့ကိုဆိုလည်း သူ လေ့လာ နိုင်အောင် ပို့ထားတာရှိပါတယ်” ဟု ၄င်းက ပြောသည်။

UNFC အနေဖြင့် ဒေါ်အောင် ဆန်းစုကြည်အား နိုင်ငံရေးဆွေးနွေးပွဲသို့ ဖိတ်ကြားရခြင်းမှာ တိုင်းရင်းသား လက် နက်ကိုင်များနှင့် အစိုးရ ကြား ဆွေးနွေး ချက်များ၊ ရရှိသည့်သဘောတူညီမှု များ စသည်တို့ အပေါ်လိုအပ်လျှင် သက်သေ ခံနိုင်ရန်တစ်နေ့တစ်ချိန်တွင် အထောက် အထားရနိုင်ရန် မျက်မြင်သက်သေ အဖြစ်ပါဝင်ပြီး လုပ်ဆောင်ရန် ဖိတ်ခဲ့ ခြင်းဖြစ်ကြောင်း၊နောက်နောင်တွင် မည် သူ့တွင် တာဝန်ရှိသည်ကို ရှင်းရှင်းလင်း လင်း ဒေါ်အောင်ဆန်းစုကြည် အနေ ဖြင့်သိနိုင်ကြောင်း ဗိုလ်မှူး ကြီးခွန်ဥက္ကာ က ပြောသည်။

UNFC သည် ပြည်ထောင်စုအ ဆင့် ငြိမ်းချမ်းရေးဖော်ဆောင်ရေး အဖွဲ့ နှင့် တွေ့ဆုံဆွေးနွေးရန် အကြိုညှိနှိုင်း တွေ့ဆုံပွဲကို ယခင်လနှောင်း ပိုင်းက ချင်းမိုင်တွင် ပြု လုပ်ခဲ့သည်။ UNFC ကို ကချင်လွတ်လပ်ရေးအဖွဲ့ ( KIO ) ၊ ကရင်အမျိုးသား အစည်းအရ ( KNU )၊ ပအိုဝ်းအမျိုးသား လွတ်မြောက်ရေး အဖွဲ့ ( PNLO ) ၊ ရခိုင် အမျိုးသားကောင် စီ ( ANC ) အပါအဝင် အဖွဲ့ ၁၁ ခုဖြင့် ၂ဝ၁၁ ခုနှစ်တွင် ဖွဲ့စည်းခဲ့သည်။

From : .. popular

Read More

အထက်တန်းအဆင့်မရောက်မီ ကျောင်းသူလေးများအား အပျိုစစ်မစစ် စစ်ဆေးရန်စီစဉ်

အင်ဒိုနီးရှားနိုင်ငံ စူမားတြား ကျွန်းရှိ Prabumulih မြို့မှ ပညာ ရေးဌာနအကြီးအကဲဖြစ်သူ မူဟာ မက်ရာရှစ်က အထက်တန်းတက် ရောက်မည့် မြီးကောင်ပေါက် ကျောင်းသူလေးများအား အပျို ရည်စစ်ဆေးသင့်ကြောင်း ထုတ် ဖော်ပြောကြားခဲ့ရာ လူအများ ဒေါသထွက်ကြပြီး အမျိုးသမီး အရေး လှုပ်ရှားတက်ကြွသူများ က အမျိုးသမီးများအပေါ် လိင် ပိုင်းဆိုင်ရာ အကြမ်းဖက်မှုအား ပေးကြောင်း စွပ်စွဲခဲ့ကြသည်။
ပြည့်တန်ဆာလုပ်သည်ဟု စွပ်စွဲချက်ဖြင့် ဖမ်းဆီးခြင်းခံရသော အထက်တန်းကျောင်းသူခြောက် ဦး၏ သတင်းထွက်ပေါ်လာပြီး နောက် ၎င်းအကြံပြုချက်ထွက် ပေါ်လာခဲ့ခြင်းဖြစ်သည်။ ထိုအစီ အစဉ်အား လာမည့်၂၀၁၄ခုနှစ် မှစ၍ အကောင်အထည်ဖော်
သွားမည်ဟုပြောသော်လည်း မြို့ တော်ဝန်နှင့် ဒေသပါလီမန်မှ အတည်ပြုချက်လိုကြောင်းလည်း သိရသည်။
သင်၏ကလေးများကို ဆိုး ကျိုးသက်ရောက်မှုမှကာကွယ်ရန် အခြားနည်းလမ်းများရှိကြောင်း၊ ယခုအစီအစဉ်သည် အမြော် အမြင်မရှိကြောင်း ပညာရေးဝန် ကြီး မိုဟာမက်နုမှ ဦးဆောင်ပြီး ဝေဖန်ပြစ်တင်ကြသည်။
ယခုအစီအစဉ်အား ဒေသ အာဏာပိုင်များမှ မထောက်ခံ ၍ အကောင်အထည်ပေါ်မည် မဟုတ်ကြောင်း၊ ဒုတိယမြို့တော် ဝန်က ပြောသည်။
၂၀၁ဝပြည့်နှစ်ကလည်း Jami ပြည်နယ်တွင် ယခုကဲ့သို့ အပျိုရည်စစ်ဆေးမည့်အစီအစဉ် တင်ပြခဲ့ရာ ဗဟိုအစိုးရကန့်ကွက် မှုကြောင့် အစီအစဉ်ပျက်ခဲ့ရဖူး သည်။


From : ..YMG

Read More

သားအိမ်ကင်ဆာကို ခွေးဖြင့် အနံ့ခံခိုင်းပြီး သိနိုင်ဟုဆို

အမျိုးသမီးများတွင် ဖြစ်ပွားလေ့ရှိသည့် သားအိမ် ကင်ဆာကို ခွေးများ အား လေ့ကျင့်ပေးပြီး အနံ့ခံခိုင်းရုံဖြင့် သိရှိနိုင်ကြောင်း အမေရိကန်ပြည်ထောင်စု ဖီလာဒဲလ်ဖီးယား သုတေသီများက လက်တွေ့ ပြသခဲ့သည်။

လူနာများ လှူဒါန်းသည့် သွေးနှင့် တစ်သျှူး နမူနာများကို အသုံးပြုပြီး ပင်ဆယ်ဗေးနီးယားတက္ကသိုလ်ရှိ ခွေး သုတေသန ဌာနသည် ခွေး သုံးကောင်ကို အနံ့ခံ တတ်စေရန် လေ့ကျင့်ပေးခဲ့ကြောင်း၊ အထူးသဖြင့် သားအိမ်ကင်ဆာကို အနံ့ခံတတ်ရန် လေ့ကျင့်ပေးခဲ့ခြင်း ဖြစ်ကြောင်း သုတေသီများက ဆိုသည်။

မိုနဲလ် ဓာတု အာရုံခံစနစ် ဌာနကလည်း ခွေးများနည်းတူ အာရုံခံနိုင်သည့် အီလက်ထရွန်နစ် ဆင်ဆာ စနစ်ကို တီထွင်နိုင်ခဲ့ကြောင်း ဓာတုဗေဒ ပညာရှင် ဂျော့ပရက်တီက ပြောကြားခဲ့သည်။


From : ..the voice

Read More

ထန်းကုန်းတွင် ဗုဒ္ဓမြန်မာမိန်းကလေးအား မုဒိန်းကျင့်ရန်ကြိုးစားသည့် ကုလားအား ထောင် (၇) နှစ်ချ

စစ်ကိုင်းတိုင်းဒေသကြီး ကန့်ဘလူမြို့နယ် ထန်းကုန်းမြို့၌ အလုပ်မှ ပြန်လာသည့် အမျိုးသမီးတစ်ဦးကို အဓမ္မပြုကျင့်ရန် ကြံစည်သူ အစ္စလာမ်ဘာသာဝင် အမျိုးသားကို စက်တင်ဘာလ ၄ ရက်တွင် ထောင်ဒဏ်ခုနစ်နှစ် ချမှတ်ခဲ့ကြောင်း ကန့်ဘလူမြို့နယ် ရဲတပ်ဖွဲ့မှူးရုံးမှ တာဝန်ရှိသူတစ်ဦးက ပြောကြားသည်။

အဆိုပါ အမျိုးသားကို ကန့်ဘလူမြို့နယ် တရားရုံးက ပုဒ်မ ၃၇၆ ဖြင့် ထောင်ဒဏ်ငါးနှစ်နှင့် ပုဒ်မ ၅၁၁ ဖြင့် ထောင်ဒဏ် ၂ နှစ်ကို သီးခြားစီကျခံစေရန် ချမှတ်ခဲ့ပြီး မန္တလေး အိုးဘိုအကျဉ်းထောင်သို့ ယနေ့ မွန်းလွဲ ၃နာရီတွင် ပို့ဆောင်လိုက်ကြောင်း ကန့်ဘလူမြို့ခံတစ်ဦးက The Voice သို့ ပြောကြားသည်။

ယင်းအမျိုးသားသည် ထန်းကုန်းမြို့တွင် နေထိုင်သူဖြစ်ပြီး ၄င်း၏မွေးစာရင်းအရ အသက် ၁၆ နှစ်နှင့် နှစ်လနီးပါးသာ ရှိသေးကြောင်း၊ ဉာဏ်ရည် ကောင်းစွာမပြည့်ဝသူ ဖြစ်သဖြင့် ခုနစ်တန်း အရောက်တွင် မိဘများက ကျောင်းဆက်မထား တော့ကြောင်း အစ္စလာမ်ဘာသာရေး ဆရာတစ်ဦးဖြစ်သူ ဦးရန်နိုင်က ပြောကြားသော်လည်း ဒေသခံအများစု ကမူ ၄င်းအမျိုးသားသည် သာမန်လူတစ်ဦးကဲ့သို့ ပြောဆို ဆက်သွယ်နိုင်ပြီး အသက် ၁၉ ခန့်ရှိပြီ ဖြစ်ကြောင်း ပြောကြားကြသည်။

ကန့်ဘလူမြို့နယ် ထန်းကုန်းမြို့တွင် သြဂုတ်လ ၂၄ ရက် နေ့က ထန်းကုန်းမြို့ရှိ အလုပ်မှ ပြန်လာသည့် အမျိုးသမီးတစ်ဦးကို အစ္စလာမ်ဘာသာဝင် ဆန်းမင်းဦး(ခ) လွတ်ခမန်းက အဓမ္မပြုကျင့်ရန် ကြံစည်ခဲ့သည်ကို အကြောင်းပြု၍ အကြမ်းဖက် မီးရှို့မှုများ ဖြစ်ပွားခဲ့ပြီး ၄င်းအပါအဝင် လူ ၁၁ ဦးကို ဖမ်းဆီးခဲ့ကာ၊ သြဂုတ်လ ၂၈ ရက်နေ့တွင် အုတ်ဖိုကျေးရွာသားတစ်ဦး ဖြစ်သူ ဦးဆန်းချိုမှာ ရွှေဘိုမြို့နယ် ဆေးရုံတွင် သေဆုံးခဲ့သည်။

"ဖမ်းဆီးခံထားရတဲ့ ကျန်တဲ့သူတွေကိုတော့ စစ်ဆေးဆဲလို့ပဲ သိရတယ်။ သူတို့ကတော့ ရွှေဘိုအကျဉ်းထောင်မှာ၊ အခု ကောင်လေးကို ခုနစ်နှစ်ချလိုက်တာနဲ့ ပတ်သက်ပြီး ထူးထူးထွေထွေ ပြောစရာမရှိပါဘူး၊ ပြဿနာတစ်ခု အေးသွားတယ်လို့ပဲ မြင်ပါတယ်" ဟု အစ္စလာမ်ဘာသာဝင် ဦးမင်းကြည်ဦးက ပြောကြားသည်။

အဆိုပါ ထန်းကုန်းမြို့တွင် ၂၀၀၃ ခုနှစ်ကလည်း အမျိုးသမီးတစ်ဦးကို အစ္စလာမ်ဘာသာဝင် တစ်ဦးက အဓမ္မ ပြုကျင့်ခဲ့မှုဖြင့် ၄င်းတရားခံကို ထောင်ဒဏ် ၂၇ နှစ် ချမှတ်ခဲ့ကြောင်း ယင်းဒေသခံများထံမှ စုံစမ်းသိရှိရသည်။

From : ..the voice

Read More

နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP) ပြည်ပထောက်ပံ့ငွေ အလွဲသုံးစားလုပ်ခဲ့မှုများ ဖွင့်ချ

နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP) ကိုလက်ကျန်နိုင်ငံရေး အကျဉ်းသားစီစစ် ရေးကော်မတီ မှထုတ်ပယ်ပေးရန် နိုင်ငံတော် သမ္မတထံ တင်ပြတောင်း ဆိုမည်ဖြစ်ကြောင်း ယမန်နေ့က ပြုလုပ်သော နိုင်ငံရေး အကျဉ်းသားဟောင်းအင်အားစု(ယာယီ) စတင်ဖွဲ့စည်းခြင်းအခမ်းအနားတွင် ၎င်းအဖွဲ့ဝင် ကိုရဲထွဋ်ခေါင်မှ ပြောသည်။

ထိုသို့တောင်းဆိုရခြင်းမှာ နိုင်ငံတကာအကူညီများကို AAPP (AssistanceAssociation for Political Prisoners) နေဖြင့် မြန်မာ့နိုင်ငံရေးအကျဉ်းသားများကို ထောက်ပံ့ရာတွင်ငွေစာရင်းကွာဟမှုများရှိနေကြောင်း ၎င်းကပြောဆိုပြီး ပွင့်လင်းမြင်သာမှုရှိအောင် စာရင်းဇယား အတိအကျ ရှင်းလင်းပြရန်နှင့် စာရင်းကွာဟမှုများရှိနေပါကဥပဒေအရအရေးယူနိုင်ရန် ဆက်လက်ဆောင်ရွက်သွားမည်ဖြစ်ကြောင်း ၎င်းမှ ရှင်းပြသည်။

“၁၂နှစ်တာကာလ အတွင်းမှာ AAPP အနေနဲ့ ငွေကြေးအလွဲသုံးစားလုပ်ခဲ့တာ မြန်မာငွေနဲ့ ကိန်းဂဏန်းပေါင်း ရင်တောင်ပေါင်းလို့တောင် ရတော့မှာမဟုတ်ဘူး”ဟု ကိုရဲထွဋ်ခေါင်က မှတ်ချက်ပြုသည်။

ဆက်လက်၍ ၂၀၀၇ စက်တင်ဘာ သံဃာအရေးအခင်းတွင် ထောင်ဒဏ်ကျခံခဲ့ရသောကိုကြည်ဖြူကလည်း AAPP အနေဖြင့် ငွေကြေးထောက်ပံ့ရာတွင်နာမည်မကြီးသောသာမန် နိုင်ငံရေးအကျဉ်းသားများကို ချန်လှပ်ထားလေ့ရှိကြောင်းနှင့် သူတွေ့ကြုံဖူးသမျှနိုင်ငံရေးအကျဉ်းသားများထဲတွင်လည်း AAPP ၏မူအတိုင်း ရရှိကြသူများမှာ နာမည်ကြီး နိုင်ငံရေးအကျဉ်းသာများသာဖြစ်ကြောင်းယခုလို ပြောသည်။

“AAPP ဆိုတာ နာမည်ကြီးနိုင်ငံရေးအကျဉ်းသားကူညီစောင့်ရှောက်ရေးပါဗျာ”

ကိုရဲထွဋ်ခေါင်က AAPP ကိုတစ်ဖက်သတ် စွပ်စွဲပြောဆိုခြင်းမဟုတ်ကြောင်းနှင့်သူတို့ထံတွင် နိုင်ငံရေးအကျဉ်းသားဟောင်း ၇၅၀ ခန့်၏ ထောက်ခံမှုကိုရရှိထားကြောင်း ပြောသည်။

AAPP ၏စာရင်းဇယားများတွင် စာရင်းအတုများသာရှိနေကြောင်းစွပ်စွဲလိုက်ပြီးတိုက်ဆိုင် စစ်ဆေးလျှင်အဖြေမှန်ထွက်လာရန်အတွက် ၎င်းတို့အဖွဲ့မှ ကြိုးစားဆောင်ရွက်သွားမည်ဖြစ်ကြောင်း ထပ်မံရှင်းပြခဲ့သည်။

ယခုအခမ်းအနားသို့ AAPP တာဝန်ရှိသူ ဦးဘိုကြည်နှင့် ဦးတိတ်နိုင်တို့ကိုဖိတ်ကြားထားသော်လည်းလာရောက်ခြင်းမရှိကြောင်း ကိုရဲထွဋ်ခေါင်ကပြောသည်။

ဦးဘိုကြည်နှင့်ဦးတိတ်နိုင်တို့အား မော်ကွန်းမဂ္ဂဇင်းက ဖုန်းဖြင့်ဆက်သွယ်မေးမြန်းရန်ကြိုးစားသော်လည်းဖုန်းပိတ်ထားပါ သည်ဟုသာ အလိုအလျောက်ပြန်လည်ဖြေကြားခဲ့သည်။

ထိုင်းနိုင်ငံအခြေစိုက် AAPP အဖွဲ့သည် မြန်မာ့နိုင်ငံရေးအကျဉ်းသားများကို၁၃နှစ်ကြာ ကူညီထောက်ပံ့မှုများပြုလုပ်ပေးခဲ့ပြီး ယခုနှစ် ဇန်န၀ါရီတွင် အစိုးရက ပြည်တွင်း သို့ဖိတ်ခေါ်ကာလက်ကျန်နိုင်ငံရေးအကျဉ်းသားစီစစ်ရေးကော်မတီ တွင်ပါဝင်စေခဲ့သည်။ ။


FRIDAY, SEPTEMBER 06, 2013 MYANMAR EXPRESS GROUP From : .. YPI

Read More

အိုဇေးလ်ကို အာဆင်နယ်ထံ မရောင်းဖြစ်ရန် စပါးဥက္ကဋ္ဌ ကန့်ကွက်အရေးဆိုခဲ့

စပါးဥက္ကဋ္ဌ ဒန်နီလီဗိုင်းသည် အိုဇေးလ်အနေဖြင့် လန်ဒန်သို့ ဦးတည်နေကြောင်း သိရှိလာချိန်တွင် အဆိုပါ အပြောင်းအရွှေ့ကို တားဆီးရန် အလေးအနက် ကြိုးပမ်းခဲ့ရီးယဲလ်မက်ဒရစ် အသင်းက မီဆွတ်အိုဇေးလ်ကို အာဆင်နယ်အသင်းထံ ရောင်းချမှုကို တော့တင် ဟမ် ဟော့ စပါး အသင်းက လိုက်လံ တားဆီးရန် ကြိုးပမ်းခဲ့သေးကြောင်း သတင်းများက ဖော်ပြခဲ့သည်။

စပါးသည် ၎င်းတို့၏ တောင်ပံလူ ဂါရတ်သ်ဘေးလ်ကို ဈေးကွက်ပိတ် ရက်တွင် ရီးယဲလ်ထံသို့ ကမ္ဘာ့စံချိန်တင် ပြောင်းရွှေ့ကြေး စတာလင်ပေါင် (၈၆)သန်းဖြင့် ရောင်းချခဲ့သည်။ ထိုနေ့တွင်ပင် ရီးယဲလ်ကလည်း ဂျာမန်လက်ရွေးစင် ကွင်းလယ်ဖန်တီးရှင် အိုဇေးလ်ကို စပါး၏ ခါးသီးမြို့ခံပြိုင်ဘက် အာဆင်နယ်ထံ စတာလင်ပေါင် (၄၂.၅)သန်းဖြင့် ပြန်လည် ရောင်းထုတ်ခဲ့သည်။ ရလဒ်အနေဖြင့် စပါးက ဈေးကွက်ပိတ်သည့်နေ့တွင် ကမ္ဘာ့အဆင့် ကစားသမား တစ်ဦးကို ဆုံးရှုံးပြီး အာဆင်နယ်က ကမ္ဘာ့အဆင့် ကစားသမား တစ်ဦးကို ဝယ်ယူရရှိသည့် သဘောမျိုး သက်ရောက်သွားသည်။

စပါးဥက္ကဋ္ဌ ဒန်နီလီဗိုင်းသည် အိုဇေးလ်အနေဖြင့် လန်ဒန်သို့ ဦးတည်နေကြောင်း သိရှိလာချိန်တွင် အဆိုပါ အပြောင်းအရွှေ့ကို တားဆီးရန် အလေးအနက် ကြိုးပမ်းခဲ့ကြောင်း သိရသည်။ ရီးယဲလ်သည် ဘေးလ်ကို ဝယ်ယူစဉ်က လီဗိုင်းအား မိမိတို့ အနေဖြင့် အိုဇေးလ်ကို ရောင်းမည် မဟုတ်ဟု ကတိခံခဲ့ကြောင်း သတင်းများ ထွက်ပေါ်ခဲ့သည်။ သို့သော်လည်း အိုဇေးလ်ကဲ့သို့ ကစားသမားကောင်း တစ်ဦးကို အာဆင်နယ်ထံ လက်လွှဲပေးမည်ဟု သတင်းကြားရချိန်တွင် လီဗိုင်းက ရီးယဲလ်ဥက္ကဋ္ဌ ဖလော်ရန်တီနို ပီရက်ဇ်ထံ ချက်ချင်း ဆက်သွယ် ကန့်ကွက်ခဲ့ကြောင်း Daily Mailက ဖော်ပြခဲ့သည်။

လီဗိုင်းအနေဖြင့် အိုဇေးလ်၏ အပြောင်းအရွှေ့သည် ရီးယဲလ်က စပါးအပေါ် ကတိကဝတ် ချိုးဖောက်မှုအဖြစ် ခံစားနေရကြောင်းလည်း သိရသည်။ စပါးနှင့် ရီးယဲလ်တို့သည် ပြီးခဲ့သည့် ရာသီကတည်းက လူကာမိုဒရစ် အရောင်းအဝယ် ကိစ္စ ဖြစ်မြောက်ခဲ့ပြီး ကလပ်အသင်း နှစ်ခုကြား အပြောင်းအရွှေ့ ကိစ္စများတွင် ညှိနှိုင်းဆောင်ရွက်ရန် သဘောတူညီခဲ့ကြသည်။ စပါးသည် ယခုနွေရာသီတွင် ပေါင်စတာလင် သန်းပေါင်း(၁၀၀)ကျော် အကုန်အကျခံကာ ကစားသမားသစ်များကို ဝယ်ယူခဲ့ပြီး ဖြစ်သည်။

Planet Myanmar Network

Read More

ဖယ်လိုင်နီကို ယူနိုက်တက် ခေါ်ယူခဲ့မှုအား အူစိန်ဘော့တ် ကြိုဆို

အင်္ဂလန် ချန်ပီယံ အသင်း၏ အမာခံ ပရိသတ် တစ်ဦးလည်းဖြစ်သည့် ကမ္ဘာ့ချန်ပီယံ တာတိုအပြေးသမားသည် ဖယ်လိုင်နီ၏ ဘယ်လ်ဂျီယံ လက်ရွေးစင် အသင်းဂျာစီကို ကိုင်မြှောက်ကာ ဓာတ်ပုံ အရိုက်ခံခဲ့

မန်ချက်စတာ ယူနိုက်တက် အသင်းက မော်ရို ဖယ်လိုင်နီ ကို ခေါ် ယူခဲ့မှုကို ထောက်ခံ ကြိုဆိုကြောင်း အူစိန်ဘော့တ်က ပြသလိုက်သည်။

အင်္ဂလန် ချန်ပီယံ အသင်း၏ အမာခံ ပရိသတ် တစ်ဦးလည်းဖြစ်သည့် ကမ္ဘာ့ချန်ပီယံ တာတိုအပြေးသမားသည် ဖယ်လိုင်နီ၏ ဘယ်လ်ဂျီယံ လက်ရွေးစင် အသင်းဂျာစီကို ကိုင်မြှောက်ကာ ဓာတ်ပုံ အရိုက်ခံခဲ့ကြောင်း သိရသည်။ မီတာ(၁၀၀)နှင့် မီတာ(၂၀၀) ကမ္ဘာ့အပြေးချန်ပီယံသည် အိုးလ်ထရက်ဖို့ဒ် ကွင်းကြီးသို့ ရောက်ရှိနေစဉ် ယခုကဲ့သို့ ဖယ်လိုင်နီ ဂျာစီကို ကိုင်ဆောင်ကာ ဓာတ်ပုံ အရိုက်ခံခဲ့ခြင်း ဖြစ်သည်။ ၎င်းသည် မကြာသေးမီက ယူနိုက်တက် အနေဖြင့် ကွင်းလယ် ကစားသမား တစ်ဦး ဝယ်ယူသင့်ကြောင်း အသင်းမန်နေဂျာ ဒေးဗစ်မိုယက်စ်ကို တောင်းဆို တိုက်တွန်းခဲ့ဖူးသည်။

"မိုယက်စ်ရေ။ ကျွန်တော်တို့တော့ ဖန်တီးမှု စွမ်းရည် မြင့်မားတဲ့ ကွင်းလယ်လူ တစ်ယောက် လိုနေပြီ။ ဘောလုံးကို အကောင်းဆုံး ဖြန့်ဝေပြီး အခွင့်အရေးတွေ ဖန်တီးပေးတတ်သူမျိုးပေါ့။ ခုကို လိုနေတာ။ ပွဲတွေကို ပိုထိန်းချုပ်နိုင်ဖို့က အရေးတကြီး လိုနေပါပြီ"ဟု MUTVနှင့် အင်တာ ဗျူးတွင် ဘော့တ်က ပြောကြားခဲ့သည်။ ၎င်းသည် လတ်တလောတွင် ပြိုင်ပွဲကြီးများနှင့် အတန်ငယ် ကင်းကွာနေပြီး (၂၀၁၆)ခုနှစ် ရီယိုဒီဂျနေရို အိုလံပစ်တွင် ပါဝင်ယှဉ်ပြိုင်ရန် တိတိကျကျ မဆုံးဖြတ်သေးကြောင်းလည်း သိရသည်။ "ကျွန်တော် ပုံစံကောင်း ရနေရင်တော့ အဲဒီပြိုင်ပွဲမှာ သွားပြိုင် မှာပါ။ ဒါပေမဲ့ အားကစားလောကမှာ အချိန်တော်တော်ကြာကြာ လွှမ်းမိုးပြီး တဲ့နောက် အအောင်မြင်ဆုံး ကာလမှာ အနားယူလိုက်တာမျိုး လည်း ဖြစ်ကောင်းဖြစ်နိုင်ပါတယ်"ဟု ဘော့တ်က မှတ်ချက်ပြုသွားသည်။

Planet Myanmar Network

Read More

အနာဂတ် အလုပ်အကိုင် အခွင့်အလမ်း ကောင်းလာနိုင်မည့် MSc (International Banking and Finance) စင်ကာပူတွင် တက်ရောက်သင်ကြားနိုင်

စင်ကာပူ နိုင်ငံ Auston Institute of Management တွင် တက်ရောက်ပြီး London South Bank University, UK မှ ပေးအပ်သော မြန်မာနိုင်ငံ၏ အနာဂတ် အလုပ်အကိုင် အခွင့်အလမ်း ကောင်းလာနိုင်မည့် MSc (International Banking and Finance) ဘာသာရပ်ကို တက္ကသိုလ် တစ်ခုခုမှ ဘွဲ့ရရှိထားသူများ လျှောက်ထားနိုင်ကြောင်း CROWN Education မှ သိရသည်။

International Banking and Finance ဘာသာရပ်တွင် Global Financial Markets, International Banking & Bank Performance, Research Design and Methods, Corporate Financing and Investment, Financial Accounting, Data Management, Derivatives, International Financial Management စသည့် မော်ဂျူးများကို Case Studies, Research Proposal နှင့် Problem-Based Learning ပုံစံတို့ဖြင့် သင်ယူရမည် ဖြစ်ကာ နောက်ဆုံး Semester တွင် Dissertation လုပ်ဆောင်ရမည် ဖြစ်သည်။
လျှောက်ထားသူများ အနေဖြင့် IELTS 6.5 ရှိရန် လိုအပ်ပြီး ရမှတ်မရှိပါက Auston Institute of Management ၏ English Placement Test ကို CROWN Education တွင် အခမဲ့ ဖြေဆိုနိုင်သည်။ ကျောင်းဝင်ခွင့်လမှာ အောက်တိုဘာလ ဖြစ်ပြီး တစ်နှစ်ကြာ ကျောင်းလခ စင်ကာပူဒေါ်လာ ၂၄၁၀၂ ဖြစ်သည်။ အရစ်ကျ သုံးကြိမ်ခွဲသွင်းမည် ဆိုပါက ၂၄၉၇၀ ကုန်ကျမည် ဖြစ်သည်။

ယခုအခါ ပြည်တွင်းဘဏ်နှင့် နိုင်ငံတကာဘဏ်များ ပူးပေါင်း၍ ဝန်ဆောင်မှု အသစ်များ စတင်လာခြင်း၊ အာရှဖွံ့ဖြိုးရေးဘဏ် (ADB) ၊ OCBC စသော နိုင်ငံတကာ ဘဏ်လုပ်ငန်း အဖွဲ့ကြီးများ၊ ပြည်တွင်း၌ ကိုယ်စားလှယ် ရုံးဖွင့်လာကြခြင်း၊ မကြာမီ ကာလ၌ Stock Market စတင် တော့မည်ဖြစ်ရာ International Banking and Finance ကဲ့သို့ ဘာသာရပ်မျိုးသည် မြန်မာနိုင်ငံ၏ ဘဏ်လုပ်ငန်း စနစ် ဖွံ့ဖြိုးရန်များစွာ အထောက်အကူဖြစ်လာမည် ဖြစ်ကြောင်း သိရသည်။

ကျောင်းလျှောက်ထားခြင်းနှင့် အသေးစိတ်သိရှိလိုပါက CROWN Education အမှတ် ၂၇၀၊ ပထမထပ်၊ အခန်း (၁ဃ) မြေနီကုန်း၊ ပြည်လမ်း၊ စမ်းချောင်း၊ ဖုန်း-၀၉-၇၃၂၇၃၂၇၇ နှင့် ၀၉-၅၀၈၅၁၈၅သို့ ဆက်သွယ် စုံစမ်း မေးမြန်းနိုင်သည်။

အတွဲ (၁၄)၊ အမှတ် (၃၄)
Internet Journal

Read More

အသားဖြူဆေးက အရေးပြားကင်ဆာနှင့် အမြင်အာရုံ ထိခိုက်ခြင်းများ ဖြစ်စေနိုင်

လူမှုမီဒီယာများတွင် ကျယ်ပြန့်စွာ ကြော်ငြာနေသော အသားဖြူဆေးနှင့် လိမ်းဆေးကရင်မ်များသည် မျက်စေ့အမြင် ကွယ်စေမှု (သို့မဟုတ်) အရေးပြားကင်ဆာကဲ့သို့ ရောဂါများ ဖြစ်ပွားစေနိုင်ကြောင်း ထိုင်းအစိုးရ ကျန်းမာရေး ၀န်ကြီးဌာနမှ အရေပြားရောဂါ ပညာရှင်တစ်ဦးက ပြောကြားလိုက်သည်ဟု သိရသည်။

ထိုင်းပြည်သူ့ကျန်းမာရေး ၀န်ကြီးဌာန၏ အရေပြားရောဂါဆိုင်ရာ အင်စတီကျူ၏ ဒါရိုက်တာဂျင်ဒါရော်ဂျန်နတ်မသင်က အရေးပြားကို ဖြူဖွေးရန် ဖန်တီးပေးသည့် ယင်းအသားဖြူဆေးလုံး၊ အရည်နှင့် အလှကုန်လိမ်းဆေး ပစ္စည်းများတွင် AHA ခေါ် Alpha Hydroxyl Acid များပမာဏ မြင့်မားစွာ ပါဝင်နေပြီး အရည်အချင်း ပြည့်ဝကာ ကျွမ်းကျင်သည့် အရေးပြားရောဂါကု ဆရာဝန်များ၏ ညွှန်ကြားချက်ဖြင့်သာ သုံးစွဲသင့်ကြောင့်ပြောသည်။

ဆရာဝန်တစ်ဦးလည်းဖြစ်သည့် ဒေါက်တာဂျင်ဒါက အသားဖြူဆေးဟုခေါ်သည့် ဆေးများသည် အရေးပြား ပူစပ်မှု၊ မီးလောင်ကွက် (သို့မဟုတ်) အရေပြားအလွှာ ကွာခြင်းကဲ့သို့ အတွေ့အကြုံများ ဖြစ်နိုင်ပြီး ထိုဆေး လိမ်းတတ်သူများသည် နေရောင်ခြည် ထိုးသည်ကို ခံနိုင်ရည် နည်းပါးလွန်းသည့် အရေပြားပိုင်ရှင်များ ဖြစ်လာနိုင်ကြောင်း ပြောသည်။

ထို့အပြင် အသားဖြူဆေးများသည် ကာလအတိုင်းအတာ တစ်ခုထက် ပို၍ သုံးစွဲလျှင် အရေးပြားကင်ဆာလည်း ဖြစ်နိုင်ပြီး မျက်လုံးနှင့် နီးသည့် နေရာများတွင် သုံးစွဲမှု ပြုလုပ်ပါက အမြင်အာရုံ ကွယ်စေနိုင်ကြောင်း သိရပါသည်။ အသားဖြူချင်တဲ့ လှချင်ရက် စက်စက်ယိုတွေ ဆင်ခြင် နိုင်စေဖွယ်ရာ တင်ပြလိုက်ရပါသည်။

Myanmar ICT

Read More

အများသုံးယာဉ်စနစ် မကောင်းသော မြန်မာနိုင်ငံ၌ ကိုယ်ပိုင်မော်တော်ယာဉ်များ မသုံးရနေ့ ရန်ကုန်တိုင်း ဒေသကြီးအစိုးရ သတ်မှတ်မည့်အပေါ် လူအများက ဝေဖန်ကြ

 Created on Friday, 06 September 2013


ရန်ကုန်မြို့တွင်း ပြေးဆွဲလျက်ရှိသော ခရီးသည်တင် ယာဉ်များနှင့် ခရီးသည်လိုင်းကား စောင့်နေသူများကို တွေ့ရစဉ်

ရန်ကုန်တိုင်း ဒေသကြီး အစိုးရအဖွဲ့က စက်တင်ဘာ ၂၂ ရက်ကို ရန်ကုန်မြို့၌ ကိုယ်ပိုင် မော်တော်ယာဉ်များ မသုံးရနေ့အဖြစ် သတ်မှတ်မည့်အပေါ် ဝေဖန်မှုများ ရှိနေသည်။

ကိုယ်ပိုင် မော်တော်ယာဉ် မသုံးရနေ့ဟု သတ်မှတ်သည့် စက်တင်ဘာ ၂၂ ရက်တွင် နံပါတ်ပြား အနီရောင် (အငှားယာဉ်)များ၊ အဖြူရောင် (သံရုံးယာဉ်)များ၊ သံဃာတော် စီးယာဉ်များ မပါဝင်ဘဲ အနက်ရောင် နံပါတ်ပြားများ ဖြစ်သော အလုပ်ရုံ၊ စက်ရုံ၊ ကျောင်း၊ စက်မှုဇုန် (ယာဉ်နံပါတ်အနက်) တို့အားလုံး ပါဝင်သည်။

ရန်ကုန်မြို့တွင် ယာဉ်များ ပိုမိုများပြား လာခြင်း၊ ၎င်း၏ နောက်ဆက်တွဲ ရလဒ်အဖြစ် လေထုညစ်ညမ်းမှုများ ဖြစ်ပေါ်လာခြင်း တို့ကြောင့် ယခုလို သတ်မှတ်လိုက်သည့် အတွက် အဆိုပါနေ့တွင် ယာဉ်အန္တရာယ် ပိုကင်းပြီး စက်သုံးဆီ ချွေတာရာရောက်ခြင်း၊ ကမ္ဘာ့နိုင်ငံ အသီးသီး၌ စက်တင်ဘာ ၂၂ ရက် ယာဉ်မသုံးရ နေ့အဖြစ် သတ်မှတ်ထားရှိ ခြင်းကြောင့် ထိုသို့သတ်မှတ်ရခြင်း ဖြစ်ကြောင်း သိရသည်။

ထိုသို့သတ်မှတ်ရန် အတွက်လည်း ရန်ကုန်တိုင်း ဒေသကြီး အစိုးရအဖွဲ့က ခွင့်ပြုပေးပြီး ဖြစ်ကြောင်း၊ ယင်းနေ့တွင် နံပါတ်အနက်ရောင်ယာဉ်များ မောင်းနှင်ပါကလည်း မှတ်သားထားရှိ မည်သာဖြစ်ပြီး အရေးယူမည် မဟုတ်ကြောင်း၊ ကိုယ်ပိုင်ယာဉ်များ ဒီမိုကရေစီ ကျင့်ဝတ်များနှင့် ထိုက်တန်မှု ရှိမရှိကို စောင့်ကြည့်သွားမည် ဖြစ်ကြောင်း မထသ(ဗ ဟို)မှ ဒုတိယဥက္ကဋ္ဌ ဦးလှသောင်းမြင့်က ပြောကြားသည်ဟု အစိုးရ သတင်းစာတွင် ဖော်ပြထားသည်။

ထိုသို့ အစိုးရ၏ ကိုယ်ပိုင်မော်တော်ယာဉ် မသုံးရနေ့ သတ်မှတ်ခြင်းသည် အချို့နိုင်ငံများတွင် ရှိသော်လည်း ပြည်သူများ သွားလာရေး အဆင်ပြေစေမည့်စနစ် မရှိသေးသည့် နိုင်ငံအနေဖြင့် ကျင့်သုံးရန် အချိန်စော နေသေးကြောင်းနှင့် အဓိက ထိတွေ့ခံစားရမည်မှာ ပြည်သူလူထုသာ ဖြစ်သောကြောင့် ပြည်သူလူထု သဘောထား ခံယူပြီးမှသာ သတ်မှတ်သင့်ကြောင်း ဝေဖန်မှုများ ရှိနေသည်။



ရန်ကုန်မြို့တွင်း ပြေးဆွဲနေသော ခရီးသည်တင် ယာဉ်တစ်စီး (ဓာတ်ပုံ-ဉာဏ်ဝင်းရှိန်)

''ရန်ကုန် အခြေအနေက သွားရေးလာရေး ခက်ခဲတာ အားလုံးအသိပဲ ဖြစ်ပါတယ်။ တချို့နိုင်ငံတွေမှာ မသုံးရတဲ့ နေ့ရှိတယ်။ ဒါပေမဲ့ ဒီစနစ်ဟာ မြန်မာပြည် အနေနဲ့ နည်းနည်းစိမ်းနေသေးတယ်။ အားလုံးလက်ခံ နိုင်အောင် လုပ်သင့်တယ်။ လက်ခံဖို့ ခက်ခဲနေတယ်။ ပြည်သူကို အသေအချာ ရှင်းပြသင့်တယ်။ ဒီတော့မှ ဒီစနစ်ကို ပြည်သူတွေ လက်ခံမလက်ခံဆိုတာ အသံတွေ ထွက်လာမှာ။ ပြည်သူတွေက လက်မခံရင်တော့ လိုက်လျောရမှာပါ'' ဟု မင်္ဂလာတောင်ညွန့်မြို့နယ် ပြည်သူ့လွှတ်တော် ကိုယ်စားလှယ် ဒေါ်ဖြူဖြူသင်းက ပြောကြားသည်။

ပြည်သူများ အနေဖြင့် သက်ဆိုင်ရာ အုပ်ချုပ်ရေး အဖွဲ့အစည်းများမှ ထုတ်ပြန်သည့် စည်းမျဉ်း စည်းကမ်းများကို လိုက်နာရမည် ဖြစ်သော်လည်း ပြည်သူများ လိုက်နာနိုင်ရန် ရေးဆွဲသင့်ကြောင်းလည်း ဝေဖန်ပြောဆို နေကြသည်။

တောင်ဥက္ကလာပ မြို့နယ်မှ ကိုလင်းလင်းအောင်က ''အရင်တုန်းက အစိုးရဌာနတွေ ယာဉ်မသုံးရနေ့ဆိုပြီး သတ်မှတ်ခဲ့တယ်။ ဒါက သဘာဝကျပါတယ်။ ဒါပေမဲ့ အခု ပြည်သူတွေ ကိုယ်ပိုင်ယာဉ် မသုံးရနေ့ သတ်မှတ်မယ် ဆိုတာကတော့ ပြောစရာ ဖြစ်ပါတယ်။ ကျွန်တော်တို့ မိဘပြည်သူတွေက အစိုးရရဲ့ ဥပဒေတွေ၊ စည်းမျဉ်းစည်းကမ်းတွေ အောက်မှာ နေရမယ့် သူတွေပါ။ အစိုးရရဲ့ ရပ်တည်မှုတွေ၊ အကောင်အထည် ဖော်မှုတွေ၊ ချမှတ်တဲ့ လုပ်ငန်းစဉ်တွေ၊ အယူအဆနဲ့ ကျင့်သုံးတဲ့ မူဝါဒတွေပေါ် မူတည်ပြီး ပြည်သူတွေပဲ ခံရစံရတာပါ။ ဒါကြောင့် အစိုးရအနေနဲ့ တိုင်းပြည်အတွက်ရော ပြည်သူအတွက်ပါ ဘယ်လောက် အကျိုးရှိတယ် ဆိုတဲ့ ပေတံနဲ့ ချိန်ပြီးတော့ ဖြစ်သင့်လား မဖြစ်သင့်လား၊ သဘာဝကျလား သဘာဝ မကျဘူးလားဆိုတာ စဉ်းစားသင့်ပါတယ်။ ဒီမိုကရေစီ သွားချင်တယ်ဆိုရင် ပြည်သူတွေကို ဒီမိုကရေစီရဲ့ နေထိုင်ရှင်သန်မှု သဘောသဘာဝတွေကို နားလည်အောင် လုပ်ပေးတာ မှန်ပေမယ့် အစိုးရ ကိုယ်တိုင်လည်း ဒီမိုကရေစီကျကျ၊ အရေးကြီး ဆုံးကတော့ ဘယ်အရာမဆို ပြည်သူအပေါ် ကောင်းမယ် မကောင်းဘူးဆိုတာ အရင်ဆုံး စဉ်းစားသင့်ပါတယ်'' ဟု ပြောကြားသည်။

ဒေသဆိုင်ရာ အာဏာပိုင်များ အနေဖြင့် ရန်ကုန်မြို့ ယာဉ်ကြောပိတ်ဆို့မှုကို ဖြေရှင်းသည့်ပုံစံ တစ်မျိုးအနေဖြင့် ယာဉ်မသုံးရနေ့ သတ်မှတ်သည်မှာ ကောင်းမွန်သော်လည်း ဒီမိုကရေစီ ကျင့်ဝတ်များနှင့် ကြည့်မည်ဆိုသည်မှာ မေးခွန်းထုတ်စရာ ဖြစ်နေကြောင်း ဗဟန်းမြို့နယ်မှ ယာဉ်ပိုင်ရှင် တစ်ဦးဖြစ်သူ ဦးအောင်ကိုကိုက ဝေဖန်ပြောကြားသည်။

ယာဉ်စည်းကမ်း ထိန်းသိမ်းရေး ကြီးကြပ်မှု ကော်မတီမှ ပညာပေးရေး ဥက္ကဋ္ဌနှင့် မထသ (ဗဟို)မှ ဒုတိယဥက္ကဋ္ဌ ဦးလှသောင်းမြင့်က ''အကြမ်းဖျင်းတော့ သတ်မှတ်ပြီးပြီ။ တစ်နှစ်တစ်ကြိမ် လုပ်မှာပါ။ နောက်နှစ်လည်း လုပ်မယ်ဆိုတာက ဒီနှစ်စတင်လုပ်တဲ့ အပေါ်မှာ မူတည်ပြီး သုံးသပ်ပြီးတော့မှ နှစ်စဉ်လုပ်မှာပါ။ ဒီနေ့လုပ်တာ တစ်ယောက်မှ မကြိုက်ကြဘူး၊ အကုန်လုံးက မကြိုက်ဘူး ဆိုလည်း ကမ္ဘာက မြို့ပေါင်း ၁၅၀၀ လုပ်ပြီး မြန်မာပြည်က ရန်ကုန်မြို့ တစ်မြို့တည်း လုပ်တာတောင် မကြိုက်ဘူး ဆိုရင်လည်း နောက်နှစ်ဆက်လုပ်ဖို့ အစီအစဉ်လည်း မရှိပါဘူး''ဟု The Daily Eleven သို့ ပြောကြားသည်။

အစိုးရ သတင်းစာတွင် ဖော်ပြထားသည့် ဒီမိုကရေစီ ကျင့်ဝတ်များနှင့် ထိုက်တန်မှုရှိ၊ မရှိကို ကြည့်သွားမည် ဖြစ်ကြောင်း ၎င်း၏ ပြောကြားမှုနှင့် ပတ်သက်၍ မေးမြန်းရာတွင် ၎င်းအနေဖြင့် ယင်းကဲ့သို့ ပြောဆိုခဲ့ခြင်း မရှိကြောင်း ငြင်းဆိုခဲ့သည်။

လက်ရှိတွင် တပ်မတော်နှင့် အစိုးရ အရပ်ဘက်ဌာန ယာဉ်များကို လစဉ် တနင်္ဂနွေ နှစ်ရက်ကို ယာဉ်မသုံးရနေ့ အဖြစ် သတ်မှတ်ထားသည်။

နိုင်ငံတကာတွင် ကားအသုံးမပြုရနေ့တွင် အခမဲ့ဘတ်စ်ကားများ စီစဉ်ပေးခြင်း၊ ရထားများ ပိုမိုတိုးချဲ့ ပြေးဆွဲပေးခြင်း စသည့် လူထုပို့ဆောင် ဆက်သွယ်ရေးများကို မြှင့်တင်ပေးခြင်း၊ လမ်းလျှောက်သူများနှင့် စက်ဘီးစီးသူများ အတွက် သီးသန့်လမ်းများ စီစဉ်ပေးခြင်း၊ လမ်းလျှောက်ခြင်းနှင့် စက်ဘီးစီးခြင်းတို့၏ ကောင်းကျိုးများကို ဟောပြောပွဲများ ပြုလုပ်ပေးခြင်း၊ ကားအသုံးပြုမှုများကို ကန့်သတ်နိုင်ရန် အတွက် လမ်းအချို့ ပိတ်ထားခြင်းများ လုပ်ဆောင်ပေးလေ့ ရှိကြောင်း သိရသည်။

သင်္ဃန်းကျွန်းမြို့နယ်မှ လူငယ်စီးပွားရေး လုပ်ငန်းရှင် တစ်ဦးက ''အဲဒီနေ့မှာ ကိုယ်ပိုင်ကား မစီးရဘူး။ စီးတာဟာ ဒီမိုကရေစီ ကျင့်ဝတ်နဲ့ ထိုက်တန်မှုရှိမရှိ ကြည့်မယ်ဆိုတာကတော့ ဒီမိုကရေစီ နည်းမကျဘူးလို့ ထင်ပါတယ်။ ကိုယ်ပိုင်ကားကို ကိုယ်ကြိုက်တဲ့နေ့မှာ စီးမှာပေါ့။ ဒါဟာ ကိုယ့်ရဲ့လွတ်လပ်ခွင့်ပဲ။ တခြားသူရဲ့ လွတ်လပ်မှုကို မထိခိုက်ဘဲ ကိုယ့်ပစ္စည်း ကိုယ်သုံးမှာပဲ။ နိုင်ငံတကာမှာ သတ်မှတ်တဲ့ အဲဒီနေ့မှာ ကိုယ်ပိုင်ယာဉ် မသုံးရလို့ သတ်မှတ်ဖို့ လိုင်းကားတွေက နိုင်ငံတကာ အဆင့်မီလား၊ တက္ကစီတွေကရော နိုင်ငံတကာ အဆင့်မီရဲ့လား၊ သွားလာရေး စနစ်ကရော နိုင်ငံတကာ အဆင့်မီလား ဆိုတာ တာဝန်ရှိသူတွေ စဉ်းစားသင့်တယ်။ အခုဟာက အဓိပ္ပာယ် လုံးဝမရှိဘူး။ ကျွန်တော်ကတော့ အငေါ်တူးပြီး ပြောချင်တယ်။ အစိုးရ အဖွဲ့အနေနဲ့ ထူးပြီးလုပ်ချင်တယ်ဆိုရင် အစိုးရက လာဘ်ပေးလာဘ်ယူ ကင်းရှင်းတဲ့နေ့ဆိုပြီး သတ်မှတ်ပြုလုပ် သင့်ပါတယ်'' ဟု ပြောကြားသည်။

Eleven Media Group

Read More

ဘက်စုံလွှမ်းခြုံနိုင်သော ပညာရေးကဏ္ဍ လေ့လာသုံးသပ်ရေး လုပ်ငန်းစဉ်များကို ၂၀၁၄ ခုနှစ်အထိ ဆက်လက် ဆောင်ရွက်မည်

 Created on Friday, 06 September 2013


ဘက်စုံလွှမ်းခြုံနိုင်သော ပညာရေးကဏ္ဍ လေ့လာသုံးသပ်ရေး လုပ်ငန်းဆွေးနွေးပွဲ မြင်ကွင်းအား တွေ့ရစဉ်

မြန်မာနိုင်ငံ၏ ပညာရေး ကဏ္ဍအား တိုးတက်မြင့်မားလာစေရေး၊ နိုင်ငံတကာအဆင့်မီ ဖြစ်စေရေးအတွက် ဆောင်ရွက်ရာတွင် ဘက်စုံလွှမ်းခြုံနိုင်သော ပညာရေးကဏ္ဍ လေ့လာသုံးသပ်ရေး လုပ်ငန်းစဉ်များကို ၂၀၁၂ မှ ၂၀၁၄ ခုနှစ်အထိ ဆက်လက် ဆောင်ရွက်သွားမည် ဖြစ်ကြောင်း သိရသည်။

မြန်မာနိုင်ငံ၏ ပညာရေးစနစ်အား ပြုပြင်ပြောင်းလဲမှုများ ပြုလုပ်ရန် ဆွေးနွေးမှုများ ဆောင်ရွက်ရာတွင် အာဆီယံနိုင်ငံများတွင် ကျင့်သုံးနေသည့် ပညာရေး စနစ်များနှင့် လိုက်လျောညီထွေမှု ရှိစေမည့် ပညာရေးစနစ်အား ပြုပြင်ပြောင်းလဲရန် ဆွေးနွေးလျက်ရှိရာ အဆိုပါ ဘက်စုံလွှမ်းခြုံနိုင်သော အခြေခံ ပညာရေးကဏ္ဍ လေ့လာသုံးသပ်ရေး လုပ်ငန်းစဉ်များအား အကောင်အထည်ဖော် ဆောင်ရွက်ခဲ့ခြင်း ဖြစ်သည်။

အခြေခံပညာကဏ္ဍ၊ အမျိုးသားပညာရည် မြင့်မားရေးအနှစ် ၂၀ စီမံကိန်းကို ၂၀၁၁ -၁၂ ပညာသင်နှစ်မှ ၂၀၃၀-၃၁ ပညာသင်နှစ်အထိ နှစ်တိုငါးနှစ် စီမံကိန်းလေးခု ပိုင်းခြားပြီး အကောင်အထည်ဖော် ဆောင်ရွက်သွားမည်ဖြစ်ပြီး ခေတ်စနစ်နှင့် လိုက်လျောညီထွေစွာ အခြေခံပညာကဏ္ဍ ဖွံ့ဖြိုးတိုးတက်စေရေးအတွက် အခြေခံဖွဲ့စည်းမှုပုံစံနှင့် ပတ်သက်၍ နိုင်ငံတကာ အဆင့်မီ ဆောင်ရွက်သင့်သည့် လုပ်ငန်းအစီအစဉ် များကိုလည်း ဆောင်ရွက်သွားရန်အတွက် ဆွေးနွေးညှိနှိုင်း လျက်ရှိကြောင်း ပညာရေး ၀န်ကြီးဌာနမှ အဆင့်မြင့် အရာရှိတစ်ဦးက ပြောကြားသည်။ မြန်မာနိုင်ငံ၌ ပညာရေးကဏ္ဍ လေ့လာသုံးသပ်ရေး လုပ်ငန်းများကို ပထမဆုံးအကြိမ် ၁၉၉၇ ခုနှစ်တွင် ပြုလုပ်ခဲ့ပြီး ၂၀၁၂ ခုနှစ်၊ သြဂုတ်တွင် ဒုတိယအကြိမ်အဖြစ် ဘက်စုံလွှမ်းခြုံနိုင်သော ပညာရေးကဏ္ဍ လေ့လာသုံးသပ်ရေးလုပ်ငန်း (CESR) ကိုဆောင်ရွက်ခဲ့ပြီး မြန်မာနိုင်ငံ၏ ပညာရေးစနစ်နှင့် အာဆီယံ နိုင်ငံများ၏ ပညာရေး စနစ်များအား နှိုင်းယှဉ်လေ့လာမှုများ ပြုလုပ်ခဲ့ကြခြင်း ဖြစ်သည်။

အခြေခံပညာ ကဏ္ဍတွင် နှစ်စဉ် ကျောင်းဝင်နှုန်းများ မြင့်မားမှု ရှိသော်လည်း အတန်းပြီးဆုံးသည်အထိ သင်ယူနိုင်မှုနှုန်းမှာ မြို့ပြထက် ကျေးလက်ဒေသများတွင် သိသာစွာ နိမ့်ကျနေဆဲဖြစ်ပြီး မူလတန်း ပညာရေးပြီးဆုံးမှုနှုန်း လျော့ကျရခြင်း၏ အဓိကအကြောင်းရင်းမှာ ကျောင်းသားမိဘများ၏ စားဝတ်နေရေးနှင့် စီးပွားရေး အခြေအနေ နိမ့်ကျခြင်းတို့ကြောင့် ဖြစ်ကြောင်း ဘက်စုံလွှမ်းခြုံနိုင်သော ပညာရေးကဏ္ဍ လေ့လာသုံးသပ်ရေး လုပ်ငန်း အစီရင်ခံစာ (မူကြမ်း) ဖော်ပြချက်အရ သိရသည်။


Eleven Media Group

Read More

လီဗာပူးနည်းပြဖြစ်လာရန် ဂျရတ် မျှော်မှန်းနေ

လီဗာပူး အသင်းခေါင်းဆောင် စတီဗင်ဂျရတ်က ကစားသမားဘ၀မှ အနားယူပါက နည်းပြအဖြစ် ဆောင်ရွက်သွားမည်ဖြစ်ပြီး
လီဗာပူးတွင် နည်းပြအဖြစ်ဆောင်ရွက်ရန်မှာ ၎င်း၏အိပ်မက်ဖြစ်ကြောင်း ဖွင့်ဟသွားခဲ့သည်။ ဂျရတ်မှာ လက်ရှိအချိန်ထိ လီဗာပူး၏ အဓိက ကစားသမားဖြစ်နေသော်လည်း ကစားသမားဘ၀မှ အနားယူပါက ၎င်း၏ဘ၀အတွက် စီမံကိန်းရေးဆွဲနေပြီး လာမည့်နှစ် အနည်းငယ်အတွင်း နည်းပြအဖြစ်ဆောင်ရွက်ရန် ပြင်ဆင်လျှက်ရှိသည်။

“ကျွန်တော့်အနေနဲ့ အသက်အရွယ် ရလာတာကြောင့် ဘောလုံးလောကက အနားယူရင် ဘာဆက်လုပ်မလဲဆိုတာ အလေးထား စဉ်းစားနေပါတယ်။ လာမယ့်နှစ်အတွင်း နည်းပြလိုင်စင်ရဖို့ ကျွန်တော် ကြိုးပမ်းသွားမှာဖြစ်ပေမယ့် ကျွန်တော့်ကိုယ်ကျွန်တော် နည်းပြတစ်ယောက်ထက် မန်နေဂျာတစ်ယောက်လို့ပဲ မြင်မိပါတယ်”

“လက်ရှိအချိန်မှာ နာမည်ကျော်နည်းပြ အများအပြားရှိနေပေမယ့် ကိတ်မုန့်ပေါ်က အမွေးအရသာတွေ ဖြစ်နေနိုင်တာကြောင့် ဘာဆက်ဖြစ်မလဲဆိုတာ စောင့်ကြည့်သွားရပါမယ်။ တကယ်လို့ ကျွန်တော် နည်းပြလုပ်မယ့် အချိန်မှာ လီဗာပူးနည်းပြအဖြစ် လစ်လပ်နေပြီး ဆောင်ရွက်ခွင့်ရမယ်ဆိုရင်တော့ ကျွန်တော့်အိပ်မက်တွေ တကယ်ဖြစ်လာတာပါပဲ”ဟု ဂျရတ်က ပြောခဲ့သည်။

ဇော်ထွန်း(ရိုးရာလေး)

Read More

အိုဘားမား အစိုးရ၏ မြန်မာနှင့် စစ်ရေးဆက်ဆံမှု ပြန်လည်ပြုလုပ် လိုခြင်းကို စောသေးကြောင်း အမေရိကန် လွှတ်တော်အမတ်အချို့ ဝေဖန်

  Created on Friday, 06 September 2013


အိုဘားမား မြန်မာနိုင်ငံသို့ မရောက်မီ USS Bonhomme Richard အမေရိကန် စစ်သင်္ဘောပေါ်သို့ မြန်မာရေတပ်မှ အရာရှိများ လာရောက်ကြစဉ် (ဓာတ်ပုံ-stripes.com)

အိုဘားမား အစိုးရအဖွဲ့သည် ရှစ်လေးလုံး အရေးတော်ပုံ နောက်ပိုင်း နှစ်ပေါင်း ၂၅ နှစ်ကြာ ရပ်ဆိုင်းထားသော မြန်မာနိုင်ငံသို့ စစ်ရေးလေ့ကျင့် သင်ကြားရေး အစီအစဉ်ကို ပြန်လည်စတင်ရန် အလိုရှိနေသည်။ စစ်ရေးလေ့ကျင့် သင်ကြားပေးရေးသည် တိုက်ခိုက်ရေးအတွက် မဟုတ်သော်လည်း အမေရိကန် နိုင်ငံရှိ ဥပဒေပြု အမတ်များကမူ မြန်မာနိုင်ငံသည် လူမျိုးရေး ဘာသာရေး တိုက်ခိုက်မှုများအတွက် စွပ်စွဲခံနေရဆဲပင် ရှိသေးသောကြောင့် ၀ါရှင်တန်၏ လုပ်ရပ်သည် စောလွန်းသည်ဟု ငြင်းခုံနေကြကြောင်း အေပီသတင်းဌာန၏ ဖော်ပြထားချက်အရ သိရသည်။

အိုဘားမား အစိုးရအဖွဲ့သည် မြန်မာနိုင်ငံကို ပြုလုပ်ထားသော ပိတ်ဆို့အရေးယူမှုများကို ရုပ်သိမ်းပေး ခဲ့သည့်အပြင် စစ်ဗိုလ်ချုပ်ကြီးဟောင်း တစ်ဦးဖြစ်သူ သမ္မတဦးသိန်းစိန်ကိုလည်း ၀ါရှင်တန်သို့ ဖိတ်ကြားခဲ့သည်။ သို့သော် စစ်ရေးဆက်ဆံမှု ပြန်လည်ပြုလုပ်ရန် ကိစ္စမှာတော့ အထိမခံနိုင်သေးသော ကိစ္စဖြစ်ပြီး ၀ါရှင်တန် အနေဖြင့် မြန်မာအစိုးရအပေါ် ဖိအားပေးနိုင်ရန် ကျန်ရှိသည့် တစ်ခုတည်းသော အရာတစ်ခုအဖြစ် ရှုမြင်ကြသည်။

အတိုက်အခံခေါင်းဆောင် ဒေါ်အောင်ဆန်းစုကြည်၏ အကူအညီဖြင့် အမေရိကန် ကာကွယ်ရေး ကျွမ်းကျင်သူများသည် မြန်မာနိုင်ငံသို့ ယခင်အပတ်က သွားရောက်ခဲ့ကြ ပြီး လူ့အခွင့်ရေးနှင့် ဥပဒေစည်းမျဉ်းများနှင့် ပတ်သက်၍ မည်သည့် အကူအညီများ ပေးအပ်နိုင်မည်ကို ဆန်းစစ်ခဲ့ကြသည်။ လွန်ခဲ့သည့် ကြာသပတေး နေ့တွင်လည်း အမေရိကန် ကာကွယ်ရေးဝန်ကြီး Chuck Hagel သည် ဘရူနိုင်းနိုင်ငံတွင် ကျင်းပသည့် ကာကွယ်ရေး ၀န်ကြီးများ တွေ့ဆုံပွဲတွင် မြန်မာကာကွယ်ရေးဝန်ကြီး ဒုတိယဗိုလ်ချုပ်ကြီး ဝေလွင်နှင့် တွေ့ဆုံခဲ့ရာ နှစ်နိုင်ငံ ကာကွယ်ရေး ၀န်ကြီးများ နှစ်ပေါင်းများစွာအတွင်း ပထမဦးဆုံးအကြိမ် တွေ့ဆုံသည့်ပွဲ ဖြစ်ခဲ့သည်။

အမေရိကန်သည် မြန်မာနိုင်ငံမှ အရာရှိများအား အမေရိကန်နိုင်ငံတွင် ၁၉၈၈ မတိုင်မီ အချိန်ထိ စစ်သင်တန်း ပေးလေ့ရှိခဲ့ပြီး သွေးထွက်သံယိုမှု များခဲ့သည့် ရှစ်လေးလုံး အရေးတော်ပုံ နောက်ပိုင်းတွင် စစ်ရေးအကူအညီများ အားလုံး ရပ်ဆိုင်းခဲ့သည်။ ထိုအချိန်မှစ၍ မြန်မာနိုင်ငံသည် စစ်ရေး အကူအညီများနှင့် အထောက်အပံ့များ အတွက် တရုတ်၊ ရုရှားနှင့် မြောက်ကိုရီးယားတို့ အပေါ်တွင် မှီခိုနေခဲ့ရသည်။

ဦးသိန်းစိန်အစိုးရ တက်လာခဲ့ပြီး ပြုပြင်ပြောင်းလဲရေးများ ပြုလုပ်လာသည့် အခါတွင် အိုဘားမား အစိုးရသည် မြန်မာနှင့် စစ်ရေးအဆက်အဆံ ပြန်လည် ပြုလုပ်ခြင်းဖြင့် အမေရိကန် စစ်တပ်မှ ဒီမိုကရေစီ လုပ်ထုံးလုပ်နည်းများကို မြန်မာစစ်တပ် အနေဖြင့် လေ့လာသင်ယူ နိုင်လိမ့်မည်ဟု ပြောဆိုခဲ့ပြီး စစ်ရေးအဆက်အသွယ် ပြန်လည်ပြုလုပ်ရန် တိုက်တွန်းလာခဲ့သည်။

အိုဘားမား အစိုးရအဖွဲ့ကို မြန်မာနိုင်ငံ အရေးနှင့် ပတ်သက်၍ သြဇာကြီးမားသူ ရီပတ်ဘလစ်ကန် အထက်လွှတ်တော်အမတ် Mitch McConnell က ထောက်ခံထားပြီး သြဂုတ်လတွင် ပြောကြားခဲ့သော ၎င်း၏မိန့်ခွန်းတွင် နှစ်နိုင်ငံစစ်တပ်ချင်း ပိုမိုပူးပေါင်း ဆောင်ရွက်သင့်သည်ဟု ထည့်သွင်း ပြောကြားခဲ့သည်။ သို့သော်လည်း စစ်ရေးဆက်ဆံမှု ပြန်လည်တည်ဆောက်မည့် ကိစ္စအပေါ် အခြားဥပဒေပြု အမတ်များက ဆန့်ကျင်လျက်ရှိပြီး စစ်ရေးအဆက်အသွယ် ပြန်လည်ပြုလုပ်ခြင်းဖြင့် လူသိန်းပေါင်းများစွာ နေရာရွှေ့ပြောင်း ခံရသည့် ကချင်ပြည်နယ်တွင် ဖြစ်ပေါ်ခဲ့သော စစ်ပွဲများနှင့် ပတ်သက်၍ မြန်မာစစ်တပ်အပေါ် ထောက်ခံလိုက်သလို ဖြစ်သွားနိုင်သည်ဟု ဝေဖန်ကြသည်။

''မြန်မာနဲ့ အမေရိကန် စစ်ရေးဆက်သွယ်မှု ပြန်လည်စတင်ဖို့အတွက် အချိန်စောလွန်းပါတယ်။ မြန်မာစစ်တပ်က အရပ်သား အစိုးရအပေါ် လွှမ်းမိုးမှု ရှိနေသေးတဲ့အပြင် လူ့အခွင့်အရေးဆိုင်ရာနဲ့ တိုင်းရင်းသားရေးရာ ကိစ္စတွေမှာ ချိုးဖောက်မှုတွေ ရှိနေဆဲပါ'' ဟု ရီပတ်ဘလစ်ကန် ပါတီအမတ် အရှေ့အာရှရေးရာ မူဝါဒဥက္ကဋ္ဌ Steve Chabot က အေပီသတင်းဌာနသို့ ပြောဆိုခဲ့သည်။

အမေရိကန် အစိုးရအနေဖြင့် ချီတုံချတုံ ဖြစ်နေသော်လည်း အနောက်နိုင်ငံများမှာ အမေရိကန်ထက် ရှေ့ကိုရောက်နေပြီ ဖြစ်သည်။ ဗြိတိန်နိုင်ငံသည် မြန်မာအရာရှိ ၃၀ အား အဆင့်မြင့် ကာကွယ်ရေး ဆွေးနွေးပွဲသို့ ဖိတ်ခေါ်ခဲ့သလို သြစတြေးလျ နိုင်ငံကလည်း ကာကွယ်ရေး ကဏ္ဍအတွက် မြန်မာစစ်တပ်နှင့် ပူးပေါင်းလုပ်ဆောင်မှုများ ပြုလုပ်နေပြီဖြစ်သည်။


Eleven Media Group

Read More

နေပြည်တော်ရှိ သိမ်းဆည်းခံ လယ်ယာမြေများအား စစ်ဘက်အရာရှိ တစ်ဦးထံမှ လာရောက်ညှိနှိုင်းမှု သမ္မတ လျော်ကြေးထက် နည်း၍ တောင်သူများ လက်မခံ

Created on Thursday, 05 September 2013



နေပြည်တော်ရှိ သိမ်းဆည်းခံ လယ်မြေတစ်ခုပေါ်တွင် ထွန်ယက်နေမှုကို သြဂုတ်လဆန်းပိုင်းက တွေ့ရစဉ်

၂၀၁၃ ခုနှစ် သြဂုတ် ၃၁ ရက်က နေပြည်တော်ရှိ သိမ်းဆည်းခံ လယ်ယာမြေများအား စစ်ဘက်အရာရှိ တစ်ဦးထံမှ လာရောက်ညှိနှိုင်း ခဲ့သော်လည်း သမ္မတ၏ လျော်ကြေးထက် နည်းသည့်အတွက် တောင်သူများက လက်မခံခဲ့ကြောင်း သိရသည်။

ဝဲကြီးကျေးရွာနေ တောင်သူတစ်ဦးက ''သတင်းစာထဲမှာပါပြီး သြဂုတ် ၃၁ ရက်မှာပဲ ခေတ်အေးကျေးရွာ ဥက္ကဋ္ဌဟောင်းကို မောင်အေးနဲ့ ဗိုလ်ချုပ်ခင်မောင်ထွန်း ကိုယ်စားတစ်ယောက် ကျွန်တော်တို့ တောင်သူတွေဆီ ရောက်လာတယ်။ သူတို့လာညှိတာက သမ္မတကြီး ပေးလျော်သလို မဟုတ်ဘဲ ကာလပေါက်ဈေးထက်နည်းပြီး တစ်ဧကကို ၆ သိန်းနှုန်းပဲ ပေးမယ်ဆိုပြီး ညှိပါတယ်။ သမ္မတလျော်ကြေးထက် ကာလပေါက်ဈေး ထက်နည်းပြီး ပေးမယ်ဆိုတော့ ကျွန်တော်တို့ တောင်သူအနေနဲ့ ဒီပေးလျော်မှုကို လက်မခံခဲ့ပါဘူး။ နှစ်နဲ့ချီ ကျွန်တော်တို့ လယ်ယာမြေတွေ သိမ်းဆည်းခံဘ၀ ရောက်ပြီး တောင်သူမိသားစုတွေ ဘ၀ပျက်ခဲ့ရတာကို စာနာသင့်ပါတယ်'' ဟု ပြောကြားသည်။

ဇေယျာသီရိမြို့နယ် ၀ံပြန်ကျေးရွာရှိ သိမ်းဆည်းခံ လယ်ယာမြေဧက ၁၀၀ ကို စစ်ဘက်အရာရှိများ ဖြစ်သော ဗိုလ်ချုပ်ခင်မောင်ထွန်း၊ ဗိုလ်ချုပ်အုန်းမြင့်၊ ဗိုလ်ချုပ်ဝေလွင်၊ ဗိုလ်ချုပ်လှရွှေနှင့် ဦးမောင်မောင်လတ်၊ ဗိုလ်ချုပ်ခင်မောင်သန်းတို့က သိမ်းဆည်းထားဆဲဖြစ်ပြီး ၎င်းမြေယာများကို ပိုင်ဆိုင်သော တောင်သူများအား လျော်ကြေးပေးရန် လာရောက် ဆက်သွယ်မှု မရှိသေးဘဲ ဗိုလ်ချုပ်ခင်မောင်ထွန်း တစ်ယောက်သာ လာရောက် ညှိနှိုင်းခဲ့ခြင်း ဖြစ်သည်။

ဗိုလ်ချုပ်ခင်မောင်ထွန်းထံမှ လာရောက်ညှိနှိုင်းသော မြေဧကမှာ ၂၈ ဧကရှိပြီး ၎င်းမြေဧကများမှာ ဇေယျာသီရိမြို့နယ် ချောင်းဖျားရွာတွင် တည်ရှိပြီး တစ်ဧကလျှင် ကျပ် ၆ သိန်းနှုန်းဖြင့် လာရောက်ညှိနှိုင်း သော်လည်း သိမ်းဆည်းခံ လယ်ယာမြေ ပိုင်ဆိုင်သူ တောင်သူသုံးဦးက လက်မခံကြောင်း ၀ဲကြီးကျေးရွာ ဒေသခံ ကိုဇော်လတ်က The Daily Eleven သို့ ပြောကြားသည်။

သမ္မတက သိမ်းဆည်းခံ လယ်မြေဧက ၃၅ ဒသမ ၀၅ ဧကကို သီဟမင်း ကုမ္ပဏီမှ မြေတစ်ဧကလျှင် ကားလမ်းနှင့်နီးလျှင် ကျပ်သိန်း ၂၀၊ ကားလမ်းနှင့်ဝေးလျှင် ကျပ် ၁၀ သိန်းနှုန်းဖြင့် တောင်သူ ရှစ်ဦးအား သြဂုတ် ၂၈ ရက်တွင် ပေးလျော်ခဲ့ကြောင်း သိရသည်။ သို့ရာတွင် သီဟမင်း ကုမ္ပဏီက မည်သည့် အတွက်ကြောင့် သမ္မတကိုယ်စား ပေးလျော်ခဲ့သည် ဆိုခြင်းကိုမူ ယခုအချိန်အထိ သိရခြင်း မရှိပေ။

Eleven Media Group

Read More

KNU ငြိမ်းချမ်းရေးအဖွဲ့မှ နံပါတ်တပ်ဆင်ထားသော ယာဉ်သုံးစီးအား တနင်္သာရီတိုင်း ရဲတပ်ဖွဲ့က ထိန်းသိမ်းထား

  Created on Thursday, 05 September 2013


ထားဝယ်မြို့နယ် ရဲတပ်ဖွဲ့စခန်းတွင် ထိန်းသိမ်းထားသော KNU ငြိမ်းချမ်းရေးအဖွဲ့ နံပါတ်ပါ ကားများအား တွေ့ရစဉ်

တနသာင်္ရီတိုင်း ဒေသကြီး ထားဝယ်မြို့ပေါ်တွင် သွားလာနေသော K7။---နံပါတ်ပါ ကားသုံးစီးအား စက်တင်ဘာလ ၄ ရက်က ထားဝယ်မြို့ နယ် ရဲတပ်ဖွဲ့ စခန်းတွင် ထိန်းသိမ်းထားကြောင်း သတင်းရရှိသည်။

၎င်းကားများမှာ K7။၀၅၆ မှ K7။၀၅၈ အထိ နံပါတ်ပါကား သုံးစီးဖြစ်ပြီး ကရင်အမျိုးသား အစည်းအရုံး (KNU) ပိုင် ကားများဖြစ်ကြောင်း ကနဦး သတင်းအရ သိရသည်။

အဆိုပါကားများ ထိန်းသိမ်းထားမှုနှင့် ပတ်သက်၍ တနသာင်္ရီတိုင်း ဒေသကြီး ရဲတပ်ဖွဲ့ရုံးသို့ ဆက်သွယ် မေးမြန်းခဲ့ရာ ''အဲဒီကားတွေကို စက်တင်ဘာ ၄ ရက်က ထိန်းသိမ်းထားတာပါ။ Without ကား ဟုတ်မဟုတ် စိစစ်နေတုန်းပဲ။ က.ည.န ဆီက အတည်ပြုပြီးမှ တိုင်းဒေသကြီး အစိုးရဆီ တင်ပြပြီး ဆက်လုပ်ရမှာပါ။ လောလောဆယ်တော့ သတင်းလာပို့လို့ တွေ့တဲ့ကားတွေပဲ သိမ်းထားပါတယ်။ နောက်ထပ် ဘယ်လောက်ရှိမလဲတော့ မသိပါဘူး။ KNU ဘက်ကတော့ အစိုးရက သူတို့ကိုတရားဝင် သတ်မှတ်ချထား ပေးတဲ့ပစ္စည်း မဟုတ်ရင် သူတိုနဲ မသက်ဆိုင်ဘူးလို့ ပြောပါတယ်။ စိစစ်ပြီးလို့ အဖြေထွက်လာရင် အစိုးရအဖွဲ့ကနေ သက်ဆိုင်ရာ အဖွဲ့ကို ဆက်သွယ်ပြီး ဆွေးနွေးရမှာပေါ့။ အခုလည်း ကားကိုပဲ ထိန်းသိမ်းထားပါတယ်။ လူကတော့ပြစ်မှု ကျူးလွန်ထားတာ မဟုတ်လို့ မဖမ်းထားပါဘူး'' ဟု ပြောကြားခဲ့သည်။

၎င်းကိစ္စနှင့် ပက်သက်၍ KNU တပ်မဟာ(၄) ဆက်ဆံရေးရုံး(ထားဝယ်) ကို ဆက်သွယ်မေးမြန်းခဲ့ရာ ''အခုထိန်းသိမ်းထားတဲ့ ကားတွေက အစ်ကိုတို့  KNU တပ်မဟာ(၄) က ကားတွေမဟုတ်ပါဘူး။ အစ်ကိုတို့ဆီမှာ အစိုးရက ခွင့်ပြုထားပြီး က.ည.န က ထုတ်ပေးထားတဲ့ မြန်မာနံပါတ်နဲ့ ကားတွေပဲ ရှိပါတယ်။ အင်္ဂလိပ်နံပါတ်နဲ့ ကားတွေမရှိပါဘူး။ အခြား KNU နယ်မြေတွေကလည်း မသုံးဘူး။ အခုသိမ်းထားတဲ့ K7။---နံပါတ်နဲ့ ကားတွေက အစိုးရနဲ့ ငြိမ်းချမ်းရေး ယူထားတဲ့ ဘားအံ KNU တပ်မဟာ(၇)နယ်မြေ ငြိမ်းချမ်းရေး ကောင်စီကနေ ထောက်ခံချက် ပေးထားတဲ့ကားတွေပါ။ သူတို့ပြတဲ့ ထောက်ခံစာထဲမှာ ငြိမ်းချမ်းရေးကောင်စီက ဗိုလ်ချုပ်ဒေါက်တာတင်မိုးသီရဲ့ လက်မှတ်ပါတယ်။ အစ်ကိုတို့ KNU နံမည်အောက်မှာ ငြိမ်းချမ်းရေးယူထားတဲ့ အဖွဲ့နဲ့အပစ်အခတ် ရပ်စဲထားတဲ့အဖွဲ့ဆိုပြီး ရှိပါတယ်။ အခုက အစိုးရနဲ့ ငြိမ်းချမ်းရေး ယူထားတဲ့အဖွဲ့ရဲ့ ကားတွေပါ။ ဒေသတွင်းမှာလည်း KNU အဖွဲ့ ရဲ့ကားဆိုပြီး ပုံမှားရိုက်တာတွေလည်း ရှိနေပါတယ်။ အဲဒီကားတွေကြောင့် အဖွဲ့ရဲ့နံမည် အဖျက်ခံနေရပါတယ်။ အစ်ကိုဆီက အခြားနယ်မြေတွေ သွားရင်လည်း သက်ဆိုင်တဲ့ဌာနနဲ့ ဆက်ဆံရေးရုံးတွေကို အကြောင်းကြားပြီးမှ သွားပါတယ်'' ဟု KNU တပ်မဟာ(၄) ဆက်ဆံရေးရုံး (ထားဝယ်)မှ တာဝန်ရှိသူ တစ်ဦးက ပြောကြားသည်။

ထားဝယ်ဒေသတွင်းရှိ KNU တပ်ဖွဲ့များ၏ ကားများမှာ သတ်မှတ်နံပါတ် မတပ်ဆင်၍ KNU ဌာနချုပ်ကို အကြောင်းကြား ကန့် ကွက်ပြီး KNU ဌာနချုပ်မှအဆိုပါကားများကို ဖမ်းဆီးအရေးယူနိုင်ကြောင်း အကြောင်းပြန်ခဲ့သည်ဟု သြဂုတ် ၁၆ ရက်က တိုင်းဒေသကြီး ရဲမှူးကြီးကြည်လင်းက ပြောကြားခဲ့ဖူးသည်။ ပြီးခဲ့သည့် သြဂုတ်လကုန်ပိုင်းကလည်း KNU အမည်ခံ လူပို့ပေးနေသော without ကားတစ်စီးအား သရက်ချောင်းမြို့ တွင် ဖမ်းဆီးရမိခဲ့ဖူးပြီး အဆိုပါ ကားများမှာ KNU တပ်ဖွဲ့ ၏ အမည်ကို အသုံးပြု၍မောင်းနှင် အသုံးပြုနေသော ကားများဖြစ်ကြောင်း သိရသည်။

Eleven Media Group

Read More