အိမ်နီးချင်း နိုင်ငံများသို့ သစ်မှောင်ခို ခိုးထုတ်မှု အရှိန်မြင့်တက်နေဆဲ ဖြစ်သောကြောင့် ကမ္ဘာပေါ်ရှိ သစ်တောပြုန်းတီးမှု အမြင့်ဆုံး နိုင်ငံများတွင် မြန်မာနိုင်ငံ ပါဝင်နေ

မြန်မာနိုင်ငံမှ တစ်ဆင့် အိမ်နီးချင်းနိုင်ငံများသို့ သစ်မှောင်ခို တင်ပို့မှု မြင့်တက်နေသောကြောင့် မြန်မာနိုင်ငံသည် ကမ္ဘာပေါ်ရှိ သစ်တောပြုန်းတီးမှု အမြင့်ဆုံး နိုင်ငံများထဲတွင် ပါဝင်နေကြောင်း မြန်မာနိုင်ငံနှင့် အမြတ်ရလွယ်သော နယ်စပ်ဒေသရှိ တရားမ၀င် ရင်းနှီးမြုပ်နှံ မှုများအကြောင်း ဖော်ပြထားသော နယ်သာလန် အခြေစိုက် Transnational Institute ၏ မကြာမီက ထုတ်ပြန်လိုက်သော ထုတ်ပြန်ချက်အရ သိရသည်။

မြန်မာနိုင်ငံတွင် ၁၉၈၈ ခုနှစ်နောက်ပိုင်း သစ်မှောင်ခို ထုတ်ယူမှု ပိုမိုများပြား လာကြောင်းနှင့် အထူးသဖြင့် တရုတ်နိုင်ငံနှင့် ထိုင်းနိုင်ငံ နယ်စပ်တစ်လျှောက် အဖြစ်များနေကြောင်း၊ အမှန်တွင် ထိုကာလအတွင်း ထိုင်းနိုင်ငံနှင့် တရုတ်နိုင်ငံတို့တွင် သဘာဝ ပတ်ဝန်းကျင်ဆိုင်ရာ ပြဋ္ဌာန်းချက်များ ပြင်းထန်လာခဲ့ခြင်း၊ တစ်နည်းအားဖြင့် ဥပဒေဖြင့် ချမှတ်အကာအကွယ် ပေးလာခြင်းကြောင့် မြန်မာနိုင်ငံမှ သစ်များကို မှောင်ခိုခိုးထုတ်မှု ပိုမြင့်တက်လာခဲ့ခြင်း ဖြစ်ကြောင်း သတင်းရရှိသည်။

Global Witness ၏ ခန့်မှန်းချက်အရ ၂၀၀၆ ခုနှစ် မတိုင်မီ ကာလအတွင်း မြန်မာနိုင်ငံမှ တရုတ်နိုင်ငံ ယူနန်ပြည်နယ်သို့ တရားမ၀င် လမ်းကြောင်းမှ တင်သွင်းနေသော သစ်ပမာဏမှာ နှစ်စဉ်ကုဗမီတာ တစ်သန်းခန့် ရှိကြောင်း၊ ၂၀၀၆ ခုနှစ်တွင် နယ်စပ်ဖြတ်ကျော်၍ သစ်မှောင်ခို ခိုးထုတ်မှု တားဆီးရေးအတွက် နှစ်နိုင်ငံ သဘောတူ လက်မှတ်ရေးထိုး လိုက်သောကြောင့် နယ်စပ်မှ ခိုးထုတ်မှု အထိုက်အလျောက် ကျဆင်းသွားသော်လည်း ရန်ကုန်ဆိပ်ကမ်းမှ တင်ပို့မှု မြင့်တက်နေခဲ့သောကြောင့် သစ်တောပြုန်းတီးမှု မြင့်တက်နေဆဲ ဖြစ်ကြောင်း ဖော်ပြထားသည်။

မြန်မာနိုင်ငံတွင် ပြည်တွင်း လက်နက်ကိုင်များနှင့် အပစ်အခတ် ရပ်စဲရေး ဖြစ်ပေါ်လာပြီး နောက်ပိုင်းတွင် အဆိုပါ သစ်မှောင်ခို ခိုးထုတ်မှုမှာ အမြတ်ရလွယ်သော စီးပွားရေး လုပ်ငန်းဖြစ်လာပြီး တရုတ်၊ အိန္ဒိယနှင့် ထိုင်းကုမ္ပဏီတို့ ၀င်ရောက် ရင်းနှီးမြုပ်နှံ လာကြကြောင်း၊ အထူးသဖြင့် တရုတ်နှင့် ထိုင်းကုမ္ပဏီများက အစိုးရနှင့် လည်းကောင်း၊ လက်နက်ကိုင် အင်အားစုများထံမှ လည်းကောင်း သဘောတူညီမှု ရယူကာ သက်ဆိုင်ရာ နယ်စပ်ဒေသ အသီးသီးတွင် ခုတ်ယူနေခဲ့ကြခြင်း ဖြစ်ကြောင်း အဆိုပါ စစ်တမ်းတွင် ဖော်ပြထားသည်။ အဓိက သစ်မှောင်ခို ခိုးထုတ်မှုဒဏ်ကို ခံနေရသော ပြည်နယ်များမှာ တရုတ်မြန်မာနယ်စပ် ကချင်ပြည်နယ်နှင့် ရှမ်းပြည်နယ်ဖြစ်ပြီး ထိုင်းမြန်မာ နယ်စပ်တွင်မူ ကရင်၊ ကယားနှင့် ရှမ်း ပြည်နယ်တို့ ဖြစ်ကာ တနင်္သာရီတိုင်း ဒေသကြီးမှာလည်း သက်ရောက်မှုရှိသော ဒေသတစ်ခု ဖြစ်ကြောင်း သတင်းရရှိသည်။

''သစ်မှောင်ခို ခိုးထုတ်မှုတွေက လျော့မသွားလောက်ပါဘူး။ ကျွန်တော်တို့ တန်ချိန်အားဖြင့် အတိအကျ ပြောဖို့ခက်ပေမယ့် ပွင့်လင်းရာသီတွေဆိုရင် ၂၄ ဘီးကားနဲ့ တစ်ရက်ကို အစီး ၇၀၀၊ ၈၀၀ ရှိပါတယ်။ ကိုယ်ပိုင် စက်ကြီးတွေနဲ့ကို တရုတ်သစ်ခုတ်တဲ့ လုပ်ငန်းတွေက လာပြီး ခုတ်ယူကြတာ'' ဟု တရုတ် မြန်မာနယ်စပ်မှ ဒေသခံတစ်ဦးက ပြောပြခဲ့သည်။

(တရုတ်နိုင်ငံ ရွှေလီဘက်သို့ ထွက်ခွာသည့် လမ်းပေါ်တွင် ယခုနှစ်အစောပိုင်းက တွေ့ရသော သစ်လုံးတင်ယာဉ်များ)
EMG

Read More

ယာဉ်မရပ်ရ လမ်းမကြီးများပေါ်တွင် ရပ်နားထားသည့် မော်တော်ယာဉ်များကို ဖယ်ရှားအရေးယူသည့် ဖမ်းဆီးရေး အဖွဲ့များတိုးမြှင့်

ရန်ကုန်တိုင်း ဒေသကြီးအတွင်း ယာဉ်မရပ်ရ လမ်းမကြီးများအဖြစ် သတ်မှတ်ထားသော လမ်းများတွင် စည်းကမ်းမဲ့စွာ ရပ်နားနေသည့် မော်တော်ယာဉ်များကို ကရိန်းယာဉ်များဖြင့် ဖယ်ရှားအရေးယူရာတွင် ထိရောက်စွာ ဆောင်ရွက်နိုင်ရန်အတွက် ဖမ်းဆီးရေး အဖွဲ့များကို တိုးမြှင့်အရေးယူ သွားမည်ဖြစ်ကြောင်း ရန်ကုန်တိုင်း ဒေသကြီး အစိုးရအဖွဲ့ လမ်းပန်းဆက်သွယ်ရေးနှင့် ပို့ဆောင်ရေးဝန်ကြီး ဦးအောင်ခင်က နိုဝင်ဘာ ၂၇ ရက် နံနက်ပိုင်းတွင် ပြောကြားသည်။

ယခုလက်ရှိ အချိန်အထိ ရန်ကုန်တိုင်း ဒေသကြီးအတွင်း ယာဉ်မရပ်ရ လမ်းမကြီး ပေါင်း ၃၇ လမ်း ရှိနေပြီး မကြာမီတွင် ယာဉ်မရပ်ရအဖြစ် လမ်း ၁၀ လမ်းကိုလည်း ထပ်မံတိုးချဲ့ သွားမည်ဖြစ်ကြောင်း သိရသည်။

နေ့စဉ် စည်းကမ်းမဲ့စွာ ရပ်နေသည့် မော်တော်ယာဉ်များကို စစ်ဆေးရေးနှစ်ဖွဲ့ဖြင့် ဖယ်ရှားအရေးယူ နေသော်လည်း ထိရောက်စွာ အရေးယူနိုင်ရန်အတွက် စစ်ဆေးရေး အဖွဲ့နှစ်ဖွဲ့ကို ထပ်မံတိုးချဲ့ လိုက်ပြီးဖြစ်ကြောင်း သိရသည်။

''အရင်တုန်းက ဆိုရင်တော့ ရန်ကုန်တိုင်း တစ်ခုလုံးမှာ တစ်နေ့ကို ဖမ်းဆီးရေး အဖွဲ့နှစ်ဖွဲ့ပဲ လှည့်လည်ပြီး ဖမ်းဆီးနေတာပါ။ အခုဆိုရင် လေးဖွဲ့နဲ့ ဖမ်းဆီးသွားမယ်။ Down Town မြို့နယ်တွေထဲမှာ တစ်ဖွဲ့ထားရှိသွားမယ်'' ဟု လမ်းပန်းဆက်သွယ်ရေးနှင့် ပို့ဆောင်ရေးဝန်ကြီးက ဆိုသည်။

ယင်းကဲ့သို့ ကရိန်းယာဉ်များဖြင့် ဖယ်ရှားအရေးယူမှုကို နိုဝင်ဘာ ၁၁ ရက်မှ စီမံချက်ဖြင့် စတင်ခဲ့ပြီး နိုဝင်ဘာ ၂၆ ရက်အထိ မော်တော်ယာဉ် အစီးရေပေါင်း ၃၀၁ စီးကို အရေးယူခဲ့ကြောင်း အမှတ်(၂)ယာဉ်ထိန်း ရဲတပ်ဖွဲ့ခွဲမှူး ဒုတိယရဲမှူးကြီး လင်းထွဋ်ထံမှ သိရသည်။

(ဘုရင့်နောင် လမ်းမပေါ်တွင် အချိန်ကြာမြင့်စွာ ရပ်တန့်ထားသည့် အငှားယာဉ်တစ်စီးအား ကရိန်းယာဉ်ဖြင့် ဖယ်ရှားသယ်ဆောင် နေသည်ကို နိုဝင်ဘာ ၁၃ ရက်က မြင်တွေ့ရစဉ် (ဓာတ်ပုံ-ဉာဏ်ဝင်းရှိန်))

Read More

အခကြေးငွေရယူကာဘင်္ဂါလီလူမျိုး(၇)ဦးကို ရန်ကုန်သို့ခိုးသွင်းလာသည့် ပါဂျဲရိုးကားကို မှော်ဘီတွင် ဖမ်းဆီးရမိ၊ လိုင်စင်မဲ့ယာဉ်ဖြစ်ပြီး ကျပ် ၃၂သိန်းဖြင့် ပို့ဆောင်ခဲ့ခြင်းဖြစ်ဟု ယာဉ်မောင်းထွက်ဆို

White Card ကိုင်ဆောင်ထားသူ ဘင်္ဂလီနှစ်ဦးအပါအ၀င် ဘင်္ဂလီလူမျိုး (၇)ဦးကို ငွေကျပ် (၃၂)သိန်း ယူဆောင်ကာ လိုင်စင်မဲ့ ပါဂျဲရိုးကားနဲ့ ရန်ကုန်မြို့ကို ခိုးသွင်းလာမှုကို နိုဝင်ဘာလ (၂၆)ရက်နေ့ ညနေပိုင်းက မှော်ဘီမြို့နယ်မှ ရဲတပ်ဖွဲ့ဝင်တွေနဲ့ လူဝင်မှုကြီးကြပ်ရေးနဲ့ အမျိုးသားမှတ်ပုံတင်ရေးဌာန တို့က ဖမ်းဆီးရမိခဲ့ပါတယ်။

မှော်ဘီမြို့မရဲစခန်းက ရဲတပ်ဖွဲ့ဝင်တွေနဲ့ လူဝင်မှုကြီးကြပ်ရေးနဲ့ အမျိုးသားမှတ်ပုံတင်ရေးဦးစီးဌာနတို့က အမှတ် (၄)လမ်း ပူးပေါင်းစစ်ဆေးရေး ဂိတ်မှာ မစ်ဆူဘီရှိ ပါဂျဲရိုး ခဲရောင်၊ ၃ဂ/၈၄၄၉ ကို သတင်းအရး စစ်ဆေးဖို့ တားဆီးတဲ့အခါ မောင်းနှင်ထွက်ပြေးတာကြောင့် လိုက်လံ ဖမ်းဆီးရာ မှော်ဘီမြို့ နယ် (၇၄)တပ်ကွေ့မှာ ဖမ်းမိခဲ့တာ ဖြစ်ပါတယ်။

ယာဉ်ပေါ်မှာ White Card ကိုင်ဆောင်ထားသူနှစ်ဦးအပါအ၀င် ဘင်္ဂလီ (၇)ဦးပါလာပြီး ဘင်္ဂလီလူမျိုးတွေဟာ ရခိုင် ပြည်နယ် ကျောက်တော်မြို့နယ်မှာ နေထိုင်သူတွေဖြစ်ကာ အသက် (၂၂)နှစ်ရှိ ဘင်္ဂလီလူမျိုး အမျိုးသမီးနှစ်ဦးနဲ့ အသက် (၂၀)ကျနေ၊ အသက်(၃၀) ဘင်္ဂလီလူမျိုး အမျိုးသား (၅)ဦးတို့ ပါလာပါတယ်။

ဖမ်းဆီးရမိသည့် ဘင်္ဂါလီ လူမျိုးများမှာ ရခိုင်ပြည်နယ် ကျောက်တော်မြို့နယ်တွင် နေထိုင်သည့် ရှော်ဘီရော်မာန် (အသက် ၂၀ နှစ်)၊ လှမောင် (အသက် ၂၈ နှစ်)၊ ကျော်မောင် (အသက် ၂၀ နှစ်)၊ ဇော်မာလက်ဒီး (အသက် ၃၀ နှစ်)၊ မာမွတ်ဆာဟဲလ် (အသက် ၂၅ နှစ်)၊ မသိန်းနု (ခ) ဆော်ဖီရာ (အသက်၂၂ နှစ်)၊ မသန်းနု (ခ) မောစ်တော်ဘာ (အသက် ၂၂ နှစ်) တို့ဖြစ်ကြောင်း သိရသည်။

သူတို့ကို ယာဉ်မောင်း အောင်မိုးထိုက်ဆိုသူက ရခိုင်ပြည်နယ်၊ မင်းဘူးနဲ့ ပဒ္ဒန်းကြား မိုင်တိုင် (၁၇)ကတဆင့် ရန်ကုန်မြို့ရှိ ရွေပြည်သာကားဂိတ်ကို ငွေကျပ် (၃၂)သိန်းနဲ့ ပို့ဆောင် ပေးတာဖြစ်ပြီး စရံနေနဲ့ ကျပ် (၈)သိန်း လက်ခံရယူထားတယ်လို့ သိရပါတယ်။

ယာဉ်ကို သက်ဆိုင်ရာရဲတပ်ဖွဲ့က ရှာဖွေစစ်ဆေးခဲ့ရာ ဘင်္ဂလီ (၇)ဦးအပါအ၀င် ပါတ်ဆံအိတ်အနက်ရောင် (၁)လုံး၊ ၇၂လက်မ အရွယ် ပလပ်စတစ် ပါကင်အိတ် တစ်ထုပ်၊ ၃ဂ/၈၄၄၉ စာတန်းပါ မှတ်ပုံတင်သက်သေခံလက်မှတ်၊ လက်ကိုင်ဖုန်းတစ်လုံး၊ CDMA အထိုင်ဖုန်းခွံတစ်လုံးတို့ကို ရှာဖွေ တွေ့ရှိခဲ့ပါတယ်။

ဒါ့အပြင် လက်ကိုင်ဖုန်းထည့်တဲ့ ဘူးခွံတစ်ခု၊ လက်ကိုင်ဖုန်းအားသွင်းပစ္စည်း (၃)မျိုး၊ Sumsung တံဆိပ်ပါ လက်ကိုင်ဖုန်းကဒ်ပါ တစ်လုံး၊ ငွေစက္ကူ ငါးထောင်ကျပ်တန် ၈၈ရွက်နဲ့ ၃ဂ/၈၄၄၉ ခဲရောင် မစ်ဆူဘီရှိ ပါဂျဲရိုးကား လိုင်စင်မဲ့တို့ကိုလည်း သိမ်းဆည်းရမိခဲ့ပါတယ်။

ဖမ်းဆီးရမိတဲ့ ဘင်္ဂလီတွေနဲ့ပါတ်သက်ပြီး မှော်ဘီမြို့နယ် လူဝင်မှုကြီးကြပ်ရေးနဲ့ အမျိုးသားမှတ်ပုံတင်ရေးဌာနက ဥပဒေအရ အရေးယူဆောင်ရွက်နိုင်ဖို့ စစ်ဆေးနေတယ်လို့ သိရပါတယ်။

EMG

Read More

ကျပ် သိန်းပေါင်း တစ်သောင်းကျော်တန် Rolls Royce ကားများကို ငြိမ်းချမ်းရေး ပါမစ်ဖြင့် နယ်စပ်မှ သွင်းရာတွင် ဖုံးအုပ်ကာ အလုံပိတ် ပုံစံမျိုးဖြင့် ပြောင်းလဲတင်သွင်း

ကျပ်သိန်းပေါင်း တစ်သောင်းကျော်တန် ကြေးရှိ Rolls Royce ကားများကို ငြိမ်းချမ်းရေး ပါမစ်ဖြင့် မြန်မာ-ထိုင်း နယ်စပ်မှတစ်ဆင့် တင်သွင်းရာတွင် ယခင်ကကဲ့သို့ မဟုတ်ဘဲ ကားအမျိုးအစားကို အလွယ်တကူ မမြင်တွေ့နိုင်သည့် ဖုံးအုပ်သယ်ယူသည့် ပုံစံဖြင့် ပြောင်းလဲတင်သွင်း လာသည်ဟု ဒေသခံများထံမှ သတင်းရရှိသည်။

ယခင်က ကားတင်သွင်းရာတွင် Rolls Royce ကဲ့သို့ကားများ အပါအ၀င် တန်ဖိုး ကီး၊ တန်ဖိုးနည်း မည်သည့်ကား အမျိုးအစားကိုမဆို ကားသယ်ယူသည့် ယာဉ်ကြီးများပေါ်တွင် မြင်မြင်ထင်ထင်တင်ကာ ငြိမ်းချမ်းရေး ပါမစ်များဖြင့် တင်သွင်းခဲ့ကြခြင်း ဖြစ်သည်။

နိုဝင်ဘာ ၂၇ ရက်တွင်မူ ငြိမ်းချမ်းရေး ကားပါမစ်ဖြင့် တင်သွင်းလာသည့် Rolls Royce အမျိုးအစား ကားနှစ်စီးနှင့် Lexus အမျိုးအစား ကားတစ်စီး စုစုပေါင်း သုံးစီးကို မြ၀တီမှတစ်ဆင့် တင်သွင်းရာတွင် ဖုံးအုပ်ထားပြီးမှ ကားသယ်ဆောင်သည့် ယာဉ်ကြီးများဖြင့် တင်သွင်းသည့်ပုံစံ ပြောင်းလဲတင်သွင်း လာခြင်းဖြစ်ကြောင်း သိရသည်။

အခွန်ကင်းလွတ်ခွင့်ရသည့် ငြိမ်းချမ်းရေး ကားပါမစ်များဖြင့် မြန်မာနိုင်ငံသို့ တင်သွင်းထားသည့် ကျပ်သိန်းပေါင်း တစ်သောင်းကျော် တန်ကြေးရှိ Rolls Royce ကားမှာ ယခုအခါ အစီး ၂၀ ၀န်းကျင်အထိ ရှိလာပြီဖြစ် သည်။

Rolls Royce ကားတစ်စီးအား ပုံမှန်အခွန် ပေးဆောင်၍ တင်သွင်းမည်ဆိုပါက တစ်စီးလျှင် ကျပ်သိန်းပေါင်း ၁၃၀၀၀ ကျော်အထိ ကျသင့်မည်ဖြစ်ပြီး အခွန်အရပ်ရပ်ပင် ကျပ်သိန်းပေါင်း ၈၅၀၀ ကျော် ပေးဆောင်ရမည် ဖြစ်သည်။

ကျပ်သိန်းပေါင်း တစ်သောင်းကျော် တန်ကြေးရှိ Rolls Royce ကားအား တင်သွင်းမည်ဆိုပါက အကောက်ခွန် ကျပ်သိန်း ၁၉၆၀၊ ကုန်သွယ်လုပ်ငန်းခွန် ကျပ်သိန်း ၁၇၁၅ နှင့် ကညနယာဉ် မှတ်ပုံတင်ကြေး ကျပ်သိန်း ၄၈၉၀ ကျော်၊ စုစုပေါင်း ကျပ်သိန်း ၈၅၀၀ ကျော်အထိ ပေးဆောင်ရမည် ဖြစ်သည်။

ထို့အတွက် ငြိမ်းချမ်းရေးပါမစ်ဖြင့် ၀ယ်ယူတင်သွင်းသူသည် ကျပ်သိန်း ၁၃၀၀၀ ၀န်းကျင်ကျသင့်မည့် Rolls Royce ကားတစ်စီးအား ကျပ်သိန်း ၅၅၀၀ ၀န်းကျင်ဖြင့် စီးနင်းနိုင်မည် ဖြစ်သည်။

ငြိမ်းချမ်းရေးပါမစ် တစ်စောင်လျှင် ယခုအခါ ကျပ်သိန်း ၅၀၀ မှ ကျပ်သိန်း ၁၅၀၀ အထိ တန်ကြေးရှိပြီး ပါမစ်ရသည့် လက်နက်ကိုင် တိုင်းရင်းသား အဖွဲ့အစည်းများသည် ပါမစ်ဖိုးသာ အများဆုံး ရရှိကြခြင်းဖြစ်သည်။

ပါမစ်ဝယ်ယူ တင်သွင်းသူများနှင့် ကြားပွဲစားများမှာမူ ပါမစ်ဖိုးသာ ကုန်ကျပြီး ကျပ်သိန်း ၈၅၀၀ ကျော်အထိ အခွန်ကင်းလွတ်ခွင့် ရသွားသည့်အတွက် ပြည်သူ့ဘဏ္ဍာနှင့် ပါမစ်ဖိုးသာရသော ငြိမ်းချမ်းရေး အဖွဲ့အစည်းများသာ နစ်နာသွားခြင်းဖြစ်သည်။

(နိုဝင်ဘာ ၂၇ ရက်က ငြိမ်းချမ်းရေးပါမစ်ဖြင့် Rolls Royce ကား နှစ်စီးနှင့် Lexus ကား တစ်စီးအား ဖုံးအုပ်၍ တင်သွင်းလာစဉ် )
EMG

Read More

နယ်စပ်ဂိတ်ပေါက် ကိုးခုနှင့် ဆီးဂိမ်းစ်ပြိုင်ပွဲ လက်ခံကျင်းပမည့် နေပြည်တော်အပါအ၀င် တိုင်းဒေသကြီး သုံးခုတို့တွင် အမြင့်ဆုံးအဆင့် လုံခြုံရေး ဆောင်ရွက်မှုစတင်

မြန်မာနိုင်ငံအတွင်းသို့ နယ်စပ်များမှ ၀င်ရောက်လာနိုင်သည့် ဂိတ်ပေါက်ကိုးခုနှင့် ဆီးဂိမ်းစ်ပြိုင်ပွဲ လက်ခံကျင်းပမည့် နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီးနှင့် ဧရာဝတီတိုင်း ဒေသကြီးတို့တွင် အမြင့်ဆုံး အဆင့်ဖြင့် လုံခြုံရေးဆောင်ရွက်မှုကို စတင်နေပြီဖြစ်ကြောင်း ၂၇ ကြိမ်မြောက် ဆီးဂိမ်းစ်ပြိုင်ပွဲ လုံခြုံရေး ဆပ်ကော်မတီမှ ရုံးအဖွဲ့မှူး ရဲမှူးကြီး အောင်မြတ်မိုးက နိုဝင်ဘာ ၂၇ ရက် နံနက်ပိုင်းတွင် The Daily Eleven သို့ ပြောကြားသည်။

ယင်းကဲ့သို့ လုံခြုံရေးကို အမြင့်ဆုံးအဆင့်ဖြင့် ဆောင်ရွက်မှုတွင် အင်တာပို ရဲတပ်ဖွဲ့နှင့် အာဆီယံရဲတပ်ဖွဲ့တို့မှ Black List စာရင်းသွင်းထားသည့် ပြစ်မှုကျူးလွန်သူများ၏ မှတ်တမ်းများကို ရယူကာ လုံခြုံရေး ဆောင်ရွက်လျှက် ရှိနေကြောင်း သိရသည်။

ထို့အပြင် ဆီးဂိမ်းစ်ပြိုင်ပွဲ လက်ခံကျင်းပမည့် အားကစားပွဲရုံများနှင့် ဆက်စပ်တည်ရှိနေသည့် ရပ်ကွက်၊ မြို့နယ်များတွင်လည်း လုံခြုံရေးကို အထူးတင်းကျပ်ထားပြီး မိုင်းရှာဖွေရေး လုပ်ငန်းများကို စတင်ဆောင်ရွက်နေပြီ ဖြစ်ကြောင်း သိရသည်။

"မြန်မာပြည်မှာကျင်းပမယ့် ဆီးဂိမ်းစ်ပြိုင်ပွဲကြီးကို စည်စည်ကားကားနဲ့ အောင်မြင်စွာ ကျင်းပနိုင်အောင် ကျွန်တော်တို့ ရဲတပ်ဖွဲ့အနေနဲ့ လုံခြုံရေးအပိုင်းတွေမှာ အမြင့်ဆုံးအဆင့်နဲ့ ဆောင်ရွက်မှုတွေ ပြုလုပ်နေပါပြီ။ ပြည်ပ နယ်စပ်တွေကနေ နိုင်ငံအတွင်းကို ၀င်ရောက်လာနိုင်တဲ့ လမ်းကြောင်းတွေ၊ အားကစားပြိုင်ပွဲမှာ ကျင်းပမယ့် နေရာတွေ၊ ဟိုတယ်တွေနဲ့ အခြားနေရာတွေ အကုန်လုံးမှာ လုံခြုံရေးကို အသေးစိတ် ပိုမိုတိကျပြီး စနစ်ကျတဲ့ ရဲလုပ်ငန်းစဉ်တွေနဲ့ လုပ်ဆောင်နေပါတယ်။ လုံခြုံရေးစစ်ဆေးမှုမှာ အသုံးပြုမယ့် နည်းပညာအထောက်အကူ ပစ္စည်းတွေကိုလည်း အလုံအလောက် ဖြည့်ဆည်းထားပါတယ်"ဟု ၂၇ ကြိမ်မြောက် ဆီးဂိမ်းစ်ပြိုင်ပွဲ လုံခြုံရေးဆပ်ကော်မတီမှ ရုံးအဖွဲ့မှူး ရဲမှူးကြီး အောင်မြတ်မိုးက ပြောကြားသည်။

ဆက်လက်၍ "အဆင့်မြင့် နည်းပညာတွေနဲ့ အထောက်အကူ ပစ္စည်းတွေကို အလုံအလောက်ထားရှိပြီးတော့ စစ်ဆေးသွားမယ့်အပြင် လုံခြုံရေးအင်အားကိုလည်း ၁၀၀ ရာခိုင်နှုန်းအပြည့်နဲ့ လုပ်ဆောင်သွားမှာ ဖြစ်ပါတယ်"ဟု ရဲမှူးကြီး အောင်မြတ်မိုးက ပြောကြားသည်။

မြန်မာနိုင်ငံတွင် နှစ် ၄၀ အတွင်း ပြန်လည်ကျင်းပမည့် ဆီးဂိမ်းစ် အားကစားပွဲတော်ကို အောင်မြင်စွာ ကျင်းပနိုင်ရန် လုပ်ငန်းဆပ်ကော်မတီ ၁၄ ခုဖြင့် ဖွဲ့စည်း ဆောင်ရွက်နေကြောင်း အားကစားရေးဝန်ကြီးဌာန ဒုတိယ၀န်ကြီး ဦးဇော်ဝင်းက နိုဝင်ဘာ ၂၇ ရက် နံနက်ပိုင်းတွင် ပြောကြားသည်။

(မင်္ဂလာတောင်ညွန့်မြို့နယ်ရှိ မြက်ခင်းတု ဟော်ကီကွင်းတွင် ဆီးဂိမ်းစ်အကြိုပြိုင်ပွဲ ပြုလုပ်နေစဉ် လုံခြုံရေးဆောင်ရွက်နေသည့် ရဲတပ်ဖွဲ့ဝင်တစ်ဦးအား တွေ့ရစဉ် (ဓာတ်ပုံ-အောင်မျိုးသန့်))
EMG

Read More

တောင်သမန်အင်းအတွင်းသို့ ဆောင်းခိုငှက်များ စတင်ရောက်ရှိ

တောင်သမန်အင်းသို့ နိုဝင်ဘာ လလယ်ခန့်မှစ၍ ဆောင်းခိုငှက်များဖြစ်သော ငဟစ်မွဲနှင့် ဒေါင်းလန်းခြေထောက် ငှက်မျိုးစိတ်များ စတင် ၀င်ရောက်လျှက်ရှိကြောင်း သိရသည်။

ယခုနှစ်တွင် အင်းရေကျဆင်းမှု နောက်ကျခြင်းကြောင့် ဆောင်းခိုငှက်များ ၀င်ရောက်မှု နောက်ကျခဲ့ပြီး ပုလိပ်အင်းသို့ ဆောင်းခိုငှက် ၀င်ရောက်မှု မရှိသေးကြောင်း၊ ယခုဝင်ရောက်သည့် ဆောင်းခိုငှက်များမှာ အနည်း ငယ်သာရှိပြီး နှစ်စဉ်ဝင်နေကျ ငှက်မျိုးစိတ်များ ကျန်ရှိနေကာ အကောင်အရေအတွက် ပြည့်မီခြင်း မရှိသေးကြောင်း သိရသည်။

"တောင်သမန်ကို ဆောင်းခိုငှက်တွေ စ၀င်နေပြီဆိုပေမယ့် အနည်းငယ်ပဲ ရှိပါသေးတယ်။ ဒေါင်းလန်းခြေထောက် ငှက်မျိုးစိတ်နဲ့ ငဟစ်မွဲငှက်မျိုးတွေပဲ ၀င်သေးတယ်။ ဒေါင်းလန်း ခြေထောက်ကတော့ ရာချီဝင်နေပြီ။ ပုလိပ်အင်းကတော့ ရေသိပ်မကျသေးတဲ့အတွက် ၀င်ရောက်ခြင်း မရှိသေးပါဘူး"ဟု မြန်မာနိုင်ငံငှက်နှင့် သဘာဝပတ်ဝန်းကျင် ထိန်းသိမ်းရေးအသင်းမှ ဒုဥက္ကဋ္ဌ ဦးဇေမောင်သိန်းက ပြောကြားသည်။

တောင်သမန်အင်းသို့ အောက်တိုဘာလအတွင်း၌ ဆောင်းခိုငှက်မျိုးစိတ်အချို့ စတင်ဝင်ရောက်မှုရှိခဲ့ပြီး အောက်တိုဘာ လကုန်ပိုင်းတွင် မိုးရွာသွန်းမှုများကြောင့် အ၀င်ရပ်တန့်သွားကာ အင်းရေကျချိန် နိုဝင်ဘာ လလယ်တွင် ပြန်လည် ၀င်ရောက်လာခြင်း ဖြစ်ကြောင်း၊ ယခင်နှစ် ဆောင်းခိုငှက်ရာသီတွင် တောင်သမန်အင်းသို့ စင်ရော်၊ ဟင်္သာ၊ နှုတ်သီးလန် ဒေါင်းလန်းခြေထောက်အစရှိသည့် ဆောင်းခိုငှက်နှင့် ဌာနေငှက်မျိုးစိတ် ၅၀ ကျော် ၀င်ရောက်ခဲ့ကြောင်း၊ ပလိပ်အင်းသို့ ငန်းရိုင်း၊ ခရုတုတ်နှင့် ခရုစုတ် (ခေါင်းနက်)ငှက်မျိုးစိတ်များ အပါအ၀င် ငှက်မျိုးစိတ်ပေါင်း ၆၀ ကျော် လာရောက်ကျက်စားခဲ့ပြီး အချို့ငှက်မျိုးစိတ်များမှာ နှစ်စဉ် လာရောက်လေ့ရှိကြောင်း သိရသည်။

(တောင်သမန်အင်းတွင် ရောက်ရှိနေသော ဒေါင်းလန်းခြေထောက် ငှက်မျိုးများအား နိုဝင်ဘာ ၂၄ ရက်က တွေ့ရစဉ် (ဓာတ်ပုံ-ဦးဇေမောင်သိန်း))

EMG

Read More

ဂျပန်အောက်လွှတ်တော် ဥက္ကဋ္ဌ၏ ဖိတ်ကြားချက်အရ ပြည်ထောင်စု လွှတ်တော်နာယက သူရဦးရွှေမန်း ဂျပန်နိုင်ငံသို့ ထွက်ခွာ

၂၈.၁၁.၂၀၁၃၊ ကြာသပတေးနေ့

ဂျပန်အောက်လွှတ်တော် ဥက္ကဋ္ဌ၏ ဖိတ်ကြားချက်အရ ပြည်ထောင်စု လွှတ်တော်နာယက၊ ပြည်သူ့လွှတ်တော်ဥက္ကဋ္ဌ သူရဦးရွှေမန်း ဦးဆောင်သည့် ချစ်ကြည်ရေး ကိုယ်စားလှယ် အဖွဲ့သည် နိုဝင်ဘာ ၂၇ ရက်၊ ည ၁၀ နာရီ ၁၀ မိနစ်ခန့်တွင် ရန်ကုန်အပြည်ပြည်ဆိုင်ရာ လေဆိပ်မှတစ်ဆင့် ဂျပန်နိုင်ငံသို့ ထွက်ခွာသွားသည်။

''ကျွန်တော်တို့ရဲ့ လွှတ်တော်နာယကကြီးကို ဂျပန်နိုင်ငံရဲ့ အောက်လွှတ်တော် ဥက္ကဋ္ဌက ဖိတ်တဲ့အတွက် သွားကြတာ ဖြစ်ပါတယ်။ သွားတဲ့အထဲမှာ လွှတ်တော်ကိုယ် စားလှယ်တွေရော၊ စီးပွားရေးအရ ပူးပေါင်း ဆောင်ရွက်နိုင်မယ့် အဖွဲ့တွေရောပါတယ်။ ဂျပန်နဲ့မြန်မာက ဆက်ဆံရေး အင်မတန် ကောင်းပါတယ်။ အရင်ကတည်းက ကောင်းတယ်။ အစိုးရချင်း ဆက်ဆံရေးကလည်း ကောင်းတဲ့အပြင် ပူးပေါင်းဆောင်ရွက် မှုတွေလည်း အများအပြား ရှိတယ်'' ဟု ဂျပန်ချစ်ကြည်ရေး ခရီးစဉ်၌ လိုက်ပါမည့် ပြည်သူ့လွှတ်တော် ကိုယ်စားလှယ် ဦးဌေးဦးက ပြောကြားသည်။

အဆိုပါ ချစ်ကြည်ရေး ခရီးစဉ်တွင် ပြည်ထောင်စု လွှတ်တော်နာယက သူရဦးရွှေမန်း ဦးဆောင်သည့် ကိုယ်စားလှယ် အဖွဲ့သည် ဂျပန်နိုင်ငံ၌ လွှတ်တော်၏ ဆောင်ရွက်မှုများ၊ ဖွဲ့စည်းမှု၊ ဥပဒေပြုမှုများကို အဓိကထား လေ့လာဆွေးနွေး သွားမည်ဖြစ်ကြောင်း သိရပြီး စီးပွားရေး ကိစ္စရပ်များကိုလည်း လေ့လာဆွေးနွေး သွားမည်ဖြစ်ကြောင်း ဂျပန်ချစ်ကြည်ရေး ခရီးစဉ်၌ လိုက်ပါမည့် ပြည်သူ့လွှတ်တော် နိုင်ငံတကာ ဆက်ဆံရေး ကော်မတီဥက္ကဋ္ဌ ဦးလှမြင့်ဦးက ပြောကြားသည်။

ပြည်ထောင်စု လွှတ်တော်နာယက၊ ပြည်သူ့လွှတ်တော်ဥက္ကဋ္ဌ သူရဦးရွှေမန်းအား ဂျပန်အောက်လွှတ်တော် ဥက္ကဋ္ဌအပြင် ဂျပန်-မြန်မာ ချစ်ကြည်ရေးအသင်း၊ နီပွန်ဖောင်ဒေးရှင်းတို့မှလည်း ဖိတ်ကြားထားသည်။

Eleven Media Group

Read More

မန္တလေးမြို့ ရေ၊ အမှိုက်၊ လမ်းပန်းဆက်သွယ်ရေး လုပ်ငန်းများအတွက် ပြင်သစ်နိုင်ငံမှ အမေရိကန်ဒေါ်လာ ၁.၂သန်း ကူညီ

မန္တလေးမြို့၏ ရေပေးဝေရေးစနစ်၊ အမှိုက်သိမ်းဆည်းရေး လုပ်ငန်းများ၊ လမ်းပန်း ဆက်သွယ်ရေး လုပ်ငန်းများတွင် အသုံးပြုရန် ပြင်သစ်နိုင်ငံက အမေရိကန်ဒေါ်လာ ၁ ဒသမ ၂ သန်း (ယူရိုငွေ ၉၆၉၀၀၀) ကူညီပေးမည် ဖြစ်ကြောင်း မန္တလေးမြို့တော် စည်ပင်သာယာရေး ကော်မတီထံမှ သတင်းရရှိသည်။

ပြင်သစ်နိုင်ငံ အခြေစိုက် Sasege Engirenerring ကုမ္ပဏီက မန္တလေးမြို့တော် စည်ပင်သာယာရေး ကော်မတီသို့ ယင်းလုပ်ငန်းများ ဆောင်ရွက်ရန် အကူအညီပေးခြင်းဖြစ်ကာ နည်းပညာပိုင်းဆိုင်ရာ လိုအပ်ချက်များကို မြို့တော်စည်ပင် ၀န်ထမ်းများအား ကဏ္ဍအလိုက် သင်ကြားပို့ချသွားမည် ဖြစ်ကြောင်း သိရသည်။

"အဓိကကတော့ MRT (Mass Rapit Transport ) လူအများ သွားလာရေးစနစ်ကို ကောင်းမွန်အောင် ပြောင်းလဲချင်တယ်။ လက်ရှိမန္တလေးရဲ့ လမ်းပန်းဆက်သွယ်ရေးစနစ်ကို ပြောင်းလဲပြီး အဆင့်မြင့်တဲ့ ဘတ်စ်ကား ပြေးဆွဲစေတာမျိုး လုပ်ဖို့ဆန္ဒရှိကြတယ် " ဟု လမ်းတံတားဌာနမှူး ဒေါ်ခင်မေဌေးက ဆိုသည်။

Green City အတွက် မန္တလေးမြို့ကို အာရှဖွံ့ဖြိုးရေးဘဏ်မှ အဆက်မပြတ် လာရောက်လေ့လာ ဆွေးနွေးလျှက်ရှိရာ အခြားနိုင်ငံအသီးသီးမှလည်း ပါဝင်လျက်ရှိကြောင်း၊ ထို့ကြောင့် မန္တလေးမြို့၏ ယင်းလုပ်ငန်း သုံးခုအတွက် အကူအညီပေးခြင်း ဖြစ်ကြောင်း မြို့တော်စည်ပင်ကော်မတီဝင် ဦးထွန်းကြည်က ပြောကြားခဲ့သည်။

"လမ်းပန်း ဆက်သွယ်ရေးအပြင် မြို့ရဲ့ အမှိုက်သိမ်းစနစ်နဲ့ ရေပေးဝေရေးတွေအတွက်ပါ လိုအပ်တဲ့ နည်းပညာတွေကို မြို့တော်စည်ပင်က ကဏ္ဍအလိုက် အင်ဂျင်နီယာတွေကို သင်ကြားပေးသွားမယ်။ သင်ထောက်ကူ ပစ္စည်းတွေပါ ပါဝင်ပါတယ်။ အခုကူညီတာက Green City နဲ့ မဆိုင်ပါဘူး။ ပြင်သစ်နိုင်ငံက ကူညီတာပါ" ဟု ကော်မတီဝင် ဦးထွန်းကြည်က ပြောကြားသည်။

(မန္တလေးမြို့ရှိ အမှိုက်စွန့်ပစ်ရာ နေရာတစ်ခုအား တွေ့ရစဉ်)
EMG

Read More

ပုဂံတွင် ကမ္ဘာလှည့်ခရီးသွား လာရောက်မှု များပြားလာခြင်းနှင့်အတူ ယဉ်ကျေးမှုနှင့် မလျော်ညီသော အပြုအမူများ ပိုမိုကြုံတွေ့လာရ

ပုဂံဒေသသို့ ကမ္ဘာလှည့် ခရီးသွားဧည့်သည် အများအပြား ၀င်ရောက်လာခြင်းနှင့်အတူ ယဉ်ကျေးမှုနှင့် မလျော်ညီသော အပြုအမူများ ပိုမိုကြုံတွေ့လာရကြောင်း သိရသည်။

ကမ္ဘာလှည့် ခရီးသွားများ၏ လုံခြုံရေးဆောင်ရွက်ရာတွင် ဒေသတွင်း ၀င်ရောက်လာသော ခရီးသွားဧည့်သည်များ၏ လုံခြုံရေး၊ ၎င်းတို့၏ ငွေကြေးပစ္စည်းများ လုံခြုံရေးထိခိုက် ဆုံးရှုံးမှု မရှိအောင် ဆောင်ရွက်ရသကဲ့သို့ ၀င်ရောက်လာသည့် ကမ္ဘာလှည့်ခရီးသွားများထဲမှ အဆင့်အတန်းမရှိသော ဧည့်သည်တချို့၏ ကျူးလွန်လာမည့် ယဉ်ကျေးမှုနှင့် မှုခင်းဆိုင်ရာ ချိုးဖောက်မှုများကိုလည်း ဒေသခံအဖွဲ့အစည်းများ အနေဖြင့် ဆောင်ရွက်နေကြောင်း သိရသည်။

မကြာသေးမီက ပုဂံရွှေဆံတော်ဘုရားပေါ်တွင် စရိတ်ချွေတာသည့် အနေဖြင့် နိုင်ငံခြားသားတချို့ ညအိပ်ခြင်း၊ ဖိနပ်စီးခြင်းများ ပြုလုပ်ခဲ့ကြောင်း သတင်းများ ထွက်ပေါ်လာခဲ့သည်။"ညအိပ်တာတော့ မဖြစ်နိုင်ပါဘူး။ ကျွန်တော်တို့မိသားစုက ဒီဘုရားမှာ ညစောင့်ပါ။ညဘက်ဆို ခွေးသုံးကောင် လွှတ်ထားတာလည်း ရှိတယ်။ ခွေးက လူစိမ်းအကပ်မခံပါဘူး။ ဒါပေမဲ့ မနက်ဘက် လေးနာရီဆိုရင်တော့ Sun-Rise ကြည့်မယ့်သူတွေ ရောက်လာပြီ။ တစ်ခါတစ်ရံ မနက်ဘက် ရန်ကုန်ကားက သုံးလေးနာရီဆိုက်လို့ တည်းခိုခန်းမှာ ညမအိပ်တော့ဘဲ Sun-Rise ကြည့်ရင်း ရောက်လာတဲ့ ဧည့်သည်မျိုးတော့ ရှိပါတယ်"ဟု ရွှေဆံတော်ဘုရား လုံခြုံရေးဝန်ထမ်း ကိုအောင်ကျော်ဦးက ပြောကြားသည်။

"ပြဿဒ်ကြီးတို့ ရွှေဆံတော်တို့ဆိုတာ လုံခြုံရေး ၂၄ နာရီရှိတဲ့ ဘုရားတွေပါ။ ညအိပ်တယ်ဆိုတာတော့ မဖြစ်နိုင်ပါဘူး။ ပုဂံမှာက တစ်နေ့ကို ကမ္ဘာလှည့်ခရီးသွား တစ်ထောင်လောက် ၀င်တယ်။ ဒီမှာ နှစ်ရက်သုံးရက်နေ့ကျတော့ ခရီးသွားပေါင်း လေးငါးထောင်ရှိတယ်။ အ၀န်းအ၀ိုင်းကလည်း အကျယ်ကြီး။ ခရီးသွားတွေအနေနဲ့လည်း သတ်မှတ်ထားတဲ့ စည်းကမ်းချက်တွေ လိုက်နာဖို့သင့်ပါတယ်"ဟု ကမ္ဘာလှည့် ခရီးသွားလုပ်ငန်း လုံခြုံရေးရဲတပ်ဖွဲ့ ၊ပုဂံတပ်ဖွဲ့စုမှူး ဒုရဲမှူး ခိုင်ဝင်း က ပြောကြားသည်။

ထို့ပြင် ပုဂံဒေသတွင် ဧည့်လမ်းညွှန်မပါသော FIT ခရီးသွားတချို့သည် ရှေးဟောင်း သုတေသနဌာနမှ ခွင့်ပြုထားခြင်းလည်း မရှိသည့် ရှေးဟောင်းဘုရား တချို့အပေါ်တွင် နံနက်သို့မဟုတ် ညနေခင်းဘက်များတွင် တက်ရောက်ကာ ပုဂံရှုခင်းများ ကြည့်ရှုလေ့လာမှု ပြုနေခြင်းသည် မတော်တဆ ဖြစ်နိုင်ခြေ များပြားလှကြောင်း ဒေသခံဧည့်လမ်းညွှန်များ၊ ခရီးသွားလုပ်ငန်း လုပ်ကိုင်သူများက ပြောဆိုကြသည်။

ပုဂံဒေသတွင် နိုင်ငံခြားသား ခရီးသွားများပြားလာခြင်းနှင့် နိုင်ငံခြားသားတချို့သည် လမ်းဘေးတွင် ညအိပ်ခြင်း၊ အခမဲ့ တည်းခိုဆောင်တွင် တည်းခိုခြင်းများ ပြုလုပ်လေ့ ရှိလာရာ ဒေသခံ လုံခြုံရေးအဖွဲ့အစည်းများမှ ကူညီဖြေရှင်းပေးခဲ့ရကြောင်း၊ ပစ္စည်းပျောက်ဆုံးခြင်း၊ နှိုက်ယူခံရခြင်းများ လာရောက်တိုင်တန်းရာ၌ အမှန်အကန်တိုင် တန်းသူများရှိသကဲ့သို့ လီဆယ်တိုင်တန်းမှုများလည်း ရှိကြောင်း သိရသည်။

(ပုဂံရွှေဆံတော်စေတီသို့ ကမ္ဘာလှည့်ခရီးသွားများ လာရောက် လည်ပတ်နေကြစဉ်)

EMG

Read More