Friday, February 14, 2014

လိပ်ခေါင်းရှိသူများ အလွယ်ကုသနည်း ရှစ်သွယ်





လိပ်ခေါင်းကြောင့် နာကျင်မှု၊ ယားယံမှုနဲ့ ရောင်ရမ်းမှုတွေကို ခံစား နေရပါသလား။ လိပ်ခေါင်း ဝေဒနာတွေ သက်သာစေဖို့ အောက်ပါ လွယ်ကူတဲ့ ကုသနည်းတွေကို လိုက်နာပေးပါ။ ၁) ရေကုထုံးသုံးပါ
ရေဟာ ရောင်ရမ်းနာကျင်ကာ ယားယံနေတဲ့ လိပ်ခေါင်းကို သက်သာ စေနိုင်ပါတယ်။ ဒါကြောင့် စအိုတစ်ဝိုက်ကို အေးမြတဲ့ အဝတ်စတစ်စ ကပ်တာ ဒါမှမဟုတ် ၁၀ မိနစ်လောက် ကြက်သီးနွေးရေထဲ စိမ်ပေးတာကို လုပ်ပေးပါ။ လိပ်ခေါင်းရှိသူ အများစုဟာ အိမ်သာသုံးစက္ကူ အစား စိုစွတ်တဲ့ အိမ်သာသုံး တစ်သျှူးနဲ့ ညင်ညင်သာသာ သုတ်ပေးတာကြောင့် လိပ်ခေါင်း သက်သာတာကို တွေ့ရှိရပါတယ်။၂) မိမိဘာသာ အလွယ်တကူ ဝယ်နိုင်သောဆေးများ သုံးပါ
မိမိဘာသာ အလွယ်တကူ ဝယ်နိုင်တဲ့ လိပ်ခေါင်း ပျောက်ဆေးတွေဟာ လိပ်ခေါင်း ဝေဒနာတွေကို ယာယီနဲ့ အမြန် သက်သာ စေပါတယ်။ ခရင်မ်၊ ဂျဲလ်၊ ဟိုက်ဒရိုကော်တီဇုန်း ပါတဲ့ လိပ်ခေါင်းကု လိမ်းဆေးစတာတွေက လိပ်ခေါင်းကို သက်သာ စေနိုင်ပါတယ်။ လိပ်ခေါင်းက နာကျင်ကာ ရောင်ရမ်းနေရင် ပါရာစီတမော၊ အက်စပရင်နဲ့ အိုင်ဗျူ ပရိုဖင်တို့ပါတဲ့ အကိုက်အခဲ ပျောက်ဆေးတွေကို မှီဝဲပေးဖို့ လိုပါတယ်။
၃) အမျှင်ဓာတ် များများစားပါ
အမျှင်ဓာတ်ဟာ ဝမ်းမှန်မှန် သွားစေပြီး အူလှုပ်ရှားမှုကို ကောင်းမွန် စေပါတယ်။ အမျှင်ဓာတ် များများပါတဲ့ အစားအသောက်တွေက လိပ်ခေါင်းကြောင့် နာကျင်မှုကို လျော့ကျစေပြီး ဝမ်းပျော့ပျော့ သွားစေကာ ဝမ်းကို အလွယ်တကူ သွားစေနိုင်ပါတယ်။ အမျှင်ဓာတ် များများပါဝင်တဲ့ အစားအစာတွေက သစ်သီး၊ ဟင်းသီးဟင်းရွက်၊ ပဲအမျိုးမျိုး၊ ဖွဲနု၊ အခွံချွတ်မထားတဲ့ ကောက်နှံနဲ့ လုပ်ထားတဲ့ ပေါင်မုန့်ညို၊ ကွေကာ စတာတွေကို များများ စားပေးပါ။ အမျှင်ဓာတ် များများပါတဲ့ အစားအသောက်တွေကို စားတာက အူမကြီး ကင်ဆာ၊ နှလုံးရောဂါနဲ့ အဝလွန်တာတွေလို ပြင်းထန်တဲ့ ရောဂါတွေရဲ့ ဖြစ်နိုင်ခြေကို လျော့ကျ စေပါတယ်။
၎) အစားအသောက်မှ အမျှင်ဓာတ်မရလျှင် အမျှင်ဓာတ် ဖြည့်စွက်ဆေး မှီဝဲပါ
လူအများစုဟာ အစားအသောက်မှ အမျှင်ဓာတ် အလုံအလောက်ရဖို့ ခက်ခဲ တတ်ပါတယ်။ ဒါဆိုရင် အမျှင်ဓာတ် ပါတဲ့ ဖြည့်စွက်ဆေးကို မှီဝဲသင့်ပါတယ်။ ဒါမှ ဝမ်းပျော့ပျော့သွားမှာ ဖြစ်ပြီး လိပ်ခေါင်း ဖြစ်နိုင်ခြေနဲ့ လိပ်ခေါင်းရှိနေသူတွေမှာ နာကျင်မှုကို လျော့ကျ စေနိုင်ပါတယ်။
၅) ရေဓာတ် ပြည့်ဝအောင် ကြိုးစားပါ
ရေကို များများသောက်တာဟာ ဝမ်းပျော့ပျော့ သွားစေပြီး လိပ်ခေါင်းကြောင့် နာကျင်မှုကို လျော့ကျစေပါတယ်။ ရေအလုံအလောက် သောက်တာက လိပ်ခေါင်းမဖြစ်အောင် ကာကွယ် ပေးနိုင်ပါတယ်။ ယေဘုယျအားဖြင့် ပူတဲ့နေ့တွေနဲ့ လေ့ကျင့်ခန်း လုပ်ချိန်တွေမှာ တစ်နေ့ ရေရှစ်ခွက်လောက် သောက်ပေးပါ။ ဒါ့အပြင် အယ်လ်ကိုဟောနဲ့ ကဖင်းဓာတ်ကို လျှော့သောက်ပါ။ အယ်လ်ကိုဟောနဲ့ ကဖင်းဓာတ်က ခန္ဓာကိုယ်မှ ရေဓာတ်ဆုံးရှုံးမှုကို အားပေးစေပြီး ဝမ်းကို မာကျောစေကာ လိပ်ခေါင်းကြောင့် နာကျင်မှုကို တိုးစေနိုင်ပါတယ်။
၆) လေ့ကျင့်ခန်းကို အလုံအလောက် လုပ်ဆောင်ပါ
လေ့ကျင့်ခန်းဟာ လိပ်ခေါင်း မဖြစ်အောင် ကာကွယ်ရေးနဲ့ ကုသရေးမှာ အရေးပါတဲ့ အချက်ပါပဲ။ နေ့စဉ်ဘဝမှာ အထိုင်များရင် တစ်နာရီကြာတိုင်း မတ်တပ်ရပ်ပြီး လမ်းလျှောက်ကာ လှုပ်ရှားမှုတွေကို လုပ်သင့်ပါတယ်။ အိမ်သာသွားရင် ကြာကြာထိုင်တာ၊ အလေးအပင် မတာတွေကို ရှောင်သင့်ပါတယ်။
၇) ဝမ်းသွားချင်စိတ်ကို အလေးထားပါ
မိသားစုတိုင်း အတွက် နံနက်ခင်း အချိန်က အလုပ်များလှ ပါတယ်။ အိမ်သာသွားဖို့ အချိန် မပေးနိုင်တာကြောင့် ဝမ်းသွား ချင်စိတ်ကို လျစ်လျူရှုမိရာက ဝမ်းချုပ်ကာ လိပ်ခေါင်း ဖြစ်သူတွေ များလှပါတယ်။ ဒါကြောင့် ဝမ်းသွားချင်စိတ် ပေါ်တိုင်း အချိန်ပေးပြီး အိမ်သာ တက်ပေးဖို့ လိုပါတယ်။ ဝမ်းချုပ်တာကြောင့် ဝမ်းသွားချိန် ကြာတာကလည်း လိပ်ခေါင်းကို ပိုဆိုးစေနိုင်ပါတယ်။
၈) ကိုယ်ဝန်ဆောင်ချိန်တွင် အထူးဂရုစိုက်ပါ
ကိုယ်ဝန်ဆောင်ချိန်မှာ လိပ်ခေါင်း အဖြစ် များပါတယ်။ ဒါကြောင့် ကိုယ်ဝန် ဆောင်ချိန်မှာ စအို နာကျင်တာနဲ့ ယားယံတာလို ဝေဒနာတွေ ခံစားရရင် ဆရာဝန်နဲ့ ပြပါ။ ကိုယ်ဝန် ဆောင်ချိန်မှာ အိပ်စက်စဉ်၊ အနားယူစဉ် ခန္ဓာကိုယ်ကို ဘယ်ဘက်စောင်းပြီး လဲလျောင်းတာကြောင့် သွေးပြန် ကြောတွေ အပေါ် ဖိအား သက်ရောက်မှု လျော့ကျ စေပါတယ်။ ဒါကြောင့် လိပ်ခေါင်းကို သက်သာ စေပါတယ်။

ဇွန်ခိုင်ဦး
(ဆေးဝါးတက္ကသိုလ်)

မိခင်နှင့်အစ်မတို့ရန်ဖြစ်စဉ် ၀င်ရောက် သတ်ပုတ်သည့်မောင်ကို အစ်မဖြစ်သူမှ ဓါးဖြင့်ထိုး၍ သေဆုံး




၁၂.၂.၂၀၁၄ ရက်နေ့ ၂၁၃၀ အချိန် ကွမ်းခြံကုန်းမြို့မရဲစခန်းမှ တပ်ဖွဲ့ဝင်များသည် ကွန်းခြံကုန်းမြို့နယ်၊ ဒရယ်လူးကျေးရွာတွင် အစ်မဖြစ်သူမှ မောင်ဖြစ်သူအား ဓါးဖြင့်ထိုး၍ သေဆုံးမှုဖြစ်ပွားကြောင်း သတင်းအရ သွားရောက်စစ်ဆေးခဲ့ပါသည်။

ဖြစ်စဉ်မှာ ယင်းနေ့ ၂၁၀၀ အချိန်ခန့်က မိခင်ဖြစ်သူဒေါ်ထွေးကြည်နှင့် သမီးဖြစ်သူမတင်မာညိုတို့ (၂)ဦးမှာ စကားများရန်ဖြစ်ကြကြောင်း၊ ထိုစဉ် မောင်ဖြစ်သူ ကိုမျိုးမင်းထွန်းက မိခင်နှင့်ရန်ဖြစ်နေသည့် အစ်မဖြစ်သူမတင်မာညိုကို ၀င်ရောက်လုံးထွေးသတ်ပုတ်ခဲ့ကြောင်း၊ ထိုသို့ သတ်ပုတ်ခဲ့၍ အစ်မဖြစ်သူ မတင်မာညိုက အနီးရှိထရံ၌ ထိုးထားသော အရိုးအသွား(၁၀)လက်မခန့်ရှိ ဓါးမြှောင်ဖြင့် မောင်ဖြစ်သူ ကိုမျိုးမင်းထွန်းကို ထိုးခဲ့သဖြင့် ကိုမျိုးမင်းထွန်းတွင် ၀ဲရင်အုံအောက်၌ ထိုးသွင်းဒဏ်ရာ(၁)ချက်ရရှိကာ သေဆုံးခဲ့ခြင်းဖြစ်ကြောင်း သိရှိခဲ့ရ ပါသည်။

ယင်းဖြစ်စဉ်နှင့်ပတ်သက်၍ သေဆုံးသူကိုမျိုးမင်းထွန်း၏ဇနီး မသီတာလွင်မှ အရေးယူပေးပါရန် တိုင်တန်းခဲ့သဖြင့် ကွမ်းခြံကုန်းမြို့မရဲစခန်း (ပ)၂၉/၂၀၁၄၊ ပုဒ်မ ၃၀၂ ဖြင့်အမှုဖွင့်ကာ မတင်မာညိုအား ဖမ်းဆီး စစ်ဆေးလျက်ရှိကြောင်း သတင်းရရှိပါသည်။

ဆေးခတ်မခံရအောင် ဘယ်လိုကာကွယ်မလဲ





အဲလို ဆေးမိရင် ဘယ်လို နည်းနဲ့ လွတ်အောင် မိမိကိုယ်မိမိ ကာကွယ်နိုင်အောင် ဆောင်ရွက်သင့်တယ်ဆိုတာ ရေးပြမှ ဆေးကြော်ညာ မဖြစ်မှာပါ ။။

(Date Rape Drugs သတိလစ်စေရန် ပြုလုပ်နိုင်တဲ့ဆေးဝါးများ ထဲမှာ ရေးထားတာတွေဖြစ်ပါတယ်။)

ကိုယ်နဲ့မသိသူများမှ တိုက်ကျွေးတဲ့ ဖျော်ရည်၊ သောက်ရေစတဲ့ အရည်တွေ မသောက်ပါနဲ့။ အအေးသံဗူးတွေကို ကိုယ်တိုင်ဖွင့်ပြီး သောက်ပါ။ ကိုယ်ပိုင် သောက်ရည်နဲ့ အအေးဗူးတွေကို ကိုယ်နဲ့မကွာထားပြီး၊ အိမ်သာသွားရင်လဲ ယူသွားပါ။ အအေးနဲ့ရေကို တခြားသူနဲ့ မျှဝေမသောက်ပါနဲ့။ ဖျော်ရည်တွေနဲ့ လူအများ စုပေါင်းသောက်သုံးတဲ့ ခွက်တွေ၊ ပုလင်းတွေထဲက အရည်တွေကို မသောက်ပါနဲ့။ ထူးခြားတဲ့ အနံ့နဲ့ အရသာရှိတဲ့ ဘယ်အရည်ကိုမျှ မသောက်ပါနဲ့။ များသောအားဖြင့် GHB မှာ ငန်တဲ့အရသာ ရှိပါတယ်။ သင်္ကြန်လိုအချိန်မျိုး သတိထားကြပါ။

အကယ်၍ ဆေးခတ်ခံရသည် သို့မဟုတ် အဓမ္မကျင့်ခံရသည်ဟုထင်ပါက
• ရဲစခန်း သို့မဟုတ် ဆေးရုံသို့ တိုက်ရိုက်သွားပါ။
• ဖြစ်နိုင်သမျှ ချက်ခြင်း၊ ဆီးစစ်ဆေးမှု ခံယူပါ။ ဆေးအာနိသင်သည်အလွန်လျှင်မြန်စွာ ပျယ်သွားနိုင်ပါသည်။
• Rohypnol သည် ခန္ဓာကိုယ်အတွင်းတွင်နာရီပေါင်းများစွာ နေနိုင်ပြီး ဆေးသောက်သုံးပြီး ၇၂ နာရီအတွင်းတွင် ဆီးအတွင်း စစ်ဆေးတွေ့ရှိနိုင်ပါသည်။ GHB မှာမူ ၁၂ နာရီအထိသာခန္ဓာကိုယ်အတွင်း နေနိုင်ပါသည်။
• တစ်စုံတစ်ရာ အကူအညီမရမချင်း ဆီးမသွားပါနဲ့။ ရေလောင်းဆေးခြင်း၊ ရေချိုးခြင်း၊ သို့မဟုတ် အဝတ်အစားလဲခြင်း၊ မပြုလုပ်ပါနဲ့။ ယင်းအရာများသည် မုဒိမ်းကျင့်ခံရသည်ဆိုတဲ့ သက်သေများ ဖြစ်ပါသည်။
• အရေးပေါ်ဖုန်းနံပါတ် သို့မဟုတ် ရဲဌာနသို့ ဖုန်းခေါ်ပါ။ ရှက်ခြင်း၊၊အပြစ်ရှိသလို ခံစားရခြင်း၊၊ ကြောက်လန့်ခြင်း၊နဲ့ တုန်လှုပ်ခြင်းတို့သည် ပုံမှန်ဖြစ်တတ်သော အရာများ ဖြစ်ပါသည်။ ကျွမ်းကျင်တဲ့ ပညာရှင်များ၏ အကြံဉာဏ် ရရှိရန် အရေးကြီးပါသည်။
• အရက်ဆိုင်၊ ကလပ် သို့မဟုတ် ပါတီပွဲများသို့သွားလျှင် တစ်ဦးတည်းမသွားပါနဲ့။ သူငယ်ချင်းများ စုပေါင်း သွားခြင်း၊ဖြင့် တစ်ဦးကို တစ်ဦးအပြန်အလှန် ကူညီနိုင်ပါသည်။
• သင့်စိတ်တွင် ပုံမှန်မဟုတ်ဟု ခံစားရသော အဖြစ်အပျက်များနဲ့ ခပ်ဝေးဝေးတွင်သာနေပါ။
• သင် အပြည့်အဝ ယုံကြည်နိုင်ခြင်းမရှိသူထံမှ ဘယ်တိုက်ကျွေးမှုကိုမျှ လက်မခံပါနဲ့။
• သင်သောက်နေသော ခွက်အား စိတ်ချရသော စောင့်ကြည့်ပေးမည့်သူမရှိဘဲ အိမ်သာသွားလျှင်ပင် ချန်မထားခဲ့ပါနဲ့။
• အထက်ပါ ဆေးများအား အရက်အပြင် အချိုရည်များ၊ လက်ဘက်ရည်၊ ကော်ဖီနဲ့ချောကလက်ဖျော်ရည်အပူ စတာထဲမှာ ထည့်ခတ်နိုင်ပါတယ်။ ခုခံနိုင်စွမ်း မရှိအောင် ပြုလုပ်နိုင်တဲ့ဆေးဝါး များစွာရှိပြီး အများစုဟာ သောက်သုံးတဲ့ အရည်ထဲ အလွယ်တကူ မသိရှိနိုင်ပါ။
• ပုလင်းအတွင်းမှ အရည်ကို သောက်သုံးပြီး ပုလင်းအဝကို သင့်လက်မနဲ့ပိတ်ထားခြင်းဟာ အကောင်းဆုံးနည်းလမ်း ဖြစ်ပါတယ်။ ပုလင်းကို စောင့်ကြည့်ပေးမည့်သူမရှိဘဲ ထားခဲ့ရင် ပုလင်းအတွင်း ဘယ်သူက ဘာတွေ ထည့်လိုက်တယ်လို့ သိရှိနိုင်စွမ်း မရှိတော့ပေ။
• အကယ်၍ ထိုသို့ထားခဲ့မိ၍ ပြန်လာတဲ့အခါ သင်၏ ပုလင်း သို့မဟုတ် ခွက်သည်နေရာ ရွေ့နေခြင်း၊၊ ပုံစံပြောင်းနေခြင်း၊၊ ပြည့်အောင် ထပ်ဖြည့်ထားသည်ဟုထင်ရခြင်း၊ သို့မဟုတ် အရသာ ထူးခြားနေခြင်း၊တို့ တွေ့ရှိရပါကဆက်လက်သောက်သုံးခြင်း၊ မပြုပါနဲ့။
• အရက်ဆိုင်၊ ကလပ် သို့မဟုတ် ပါတီပွဲတွင် ယခုမှ တွေ့ဖူးသူနဲ့အတူ ပြန်ရမည်ဆိုပါက အထူးစဉ်းစားပြီးမှ ဆုံးဖြတ်ပါ။
• တစ်ခွက်၊ နှစ်ခွက်မျှနဲ့ မူးလာသည်ဟု ခံစားလာရပါက ယုံကြည်ရတဲ့ မိတ်ဆွေ၊ ကလပ်ကလုံခြုံရေးဝန်ထမ်း ဒါမှမဟုတ် အရက်ဆိုင် အုပ်ချုပ်သူများထံကအကူအညီ ရယူပါ။ လုံခြုံစိတ်ချရတဲ့နေရာကို ဖြစ်နိုင်သမျှ မြန်မြန် ရောက်ရှိဘို့ အရေးကြီးပါတယ်။
• သင်အကူအညီတောင်းမည့်သူသည် မည်မျှကြာအောင်ပင် သိရှိနေခဲ့သူ ဖြစ်စေကာမူလုံးဝယုံကြည်ရသူ ဟုတ် မဟုတ် သေချာစွာ ဆင်ခြင်သုံးသပ်ပါ။
• ကျားမ မရွေး ဆေးခတ်ခံရနိုင်ပါတယ်။

ဒါတွေက ဆေးဝါး အသုံးပြုပြီး လိင်ပိုင်းဆိုင်ရာကျူးလွန်ခြင်းအန္တရာယ်ကို လျှော့ချဘို့ နည်းလမ်းတွေ ဖြစ်ပါတယ်။ သင်အပြင်သွားတဲ့အခါတိုင်း အဲဒီအချက်အလက်တွေကို မှတ်မိနိုင်လိမ့်မယ်လို့ မမျှော်လင့်ပါနဲ့။ ဒါကြောင့် ဘယ်အချိန်မှာမဆို အထူးဂရုပြုသင့်ပါကြောင်း။

ပျိုမေတို့သိစေဖို့ မှ ပြန်လည်မျဝေပါသည်။

ဒေါက်တာတင့်ဆွေ

ဘယ်လ်ဂျီယမ်မှာ ညင်သာစွာ အသက်ထွက်ခွင့်ပြု




ဘယ်လ်ဂျီယမ် နိုင်ငံမှာ ရောဂါကျွမ်းနေတဲ့ ကလေးတွေကို ဘယ်အရွယ်မဆို သေချိန် မတိုင်ခင်မှာ ညင်ညင်သာသာနဲ့ အသက် ထွက်ခွင့် ပြုမယ့် ဥပဒေတရပ်ကို ပါလီမန်မှာ မဲခွဲ အတည်ပြုလိုက်ကြပါတယ်။

၂၀ဝ၂ခုနှစ်ကစလို့ အရွယ်ရောက်သူတွေကို စာနာစိတ်နဲ့ အသက်ထွက်သွားစေခွင့် ပြုထားတဲ့ ဥပဒေကို ထပ်တိုးချဲ့ ပြဌာန်းရေးနဲ့ ပတ်သက်လို့ ရိုမန် ကက်သလစ် ခရစ်ယာန် အသင်းတော်ရဲ့ ကန့်ကွက်မှုတွေ ရှိနေတဲ့ ကြားက ပါလီမန်မှာ တခဲနက် ထောက်ခံမဲ ပေးခဲ့ကြပါတယ်။

ညင်ညင်သာသာနဲ့ အသက်ထွက်သွားအောင် လုပ်မယ့် ကလေးဟာ ဆေးဆက်ကုလို့ မရတော့ပဲ ဝေဒနာ မပြတ်ခံစားနေရသူ ဖြစ်ရမယ်။ နိုးနိုးကြားကြား အသိစိတ် ရှိနေပြီး ဆုံးဖြတ်ပိုင်ခွင့် ရှိရမယ်လို့ အဲဒီ ဥပဒေထဲမှာ ဖေါ်ပြထားပါတယ်။

လူထု စစ်တမ်း ကောက်ယူမှုတွေ အရ ဒီ ဥပဒေသစ်ကို ဘယ်လ်ဂျီယမ် နိုင်ငံသားအများစုက ထောက်ခံခဲ့ကြတယ်လို့ သိရပါတယ်။

Antwerp တက္ကသိုလ် ကျင့်ဝတ်ပိုင်းဆိုင်ရာ ဌာနရဲ့ ဥက္ကဌ ပါမောက္ခ Willem Lemmens ကတော့ ဒီဥပဒေသစ်ကြောင့် ဆရာဝန်တွေအတွက် တာဝန် ပိုကြီးလာနိုင်တယ်လို့ ပြောပါတယ်။

ဘီဘီစီ (မြန်မာပိုင်း)



ကလေးငယ်တွေကို အရွယ်မရွေးပဲ အသက် ထွက်ခွင့် ပြုတာ ဘယ်လ်ဂျီယမ်နိုင်ငံ ပထမဆုံးဖြစ်

နိုင်ငံခြားသတင်းထောက်များ ဗီဇာသက်တမ်း အများဆုံးတစ်လထိသာ ပေးတော့မည်




မြန်မာနိုင်ငံအတွင်းသို့ ၀င်ရောက်မည့် နိုင်ငံခြားသတင်းထောက်များ ပြည်ဝင်ခွင့် ဗီဇာသက်တမ်းကို အများဆုံးတစ်လထိသာ ခွင့်ပြုတော့မည်ဟု ပြန်ကြားရေးဝန်ကြီးဌာန ဒုတိယ၀န်ကြီးဦးရဲထွဋ်က မဇ္ဈိမကို အတည်ပြုပြောသည်။

ထို့ပြင် နိုင်ငံတွင်းပြုလုပ်သည့် အစည်းအဝေးများ၊ ပွဲများကို ၀င်ရောက်သတင်းယူလိုသူများသည် ယင်းအစည်းအဝေးမကျင်းပမီ နှစ်ရက်၊ အစည်းအဝေးကျင်းပနေချိန်နှင့် အစည်းအဝေးပြီး နောက်နှစ်ရက်တို့ကိုသာ ခွင့်ပြုသွားမည်ဟု ဆိုသည်။ နိုင်ငံခြားသတင်းထောက်များ မြန်မာနိုင်ငံအတွင်း နေထိုင်ရန် ဗီဇာသက်တမ်းကို ယခင်က ခြောက်လအထိ ခွင့်ပြုပေးထားခဲ့သည်။

“အဓိကကတော့ ဆီးဂိမ်းရယ်၊ ကမ္ဘာ့စီးပွားရေးဖိုရမ်ရယ် လုပ်တဲ့အချိန်မှာ သတင်းထောက်တွေဝင်ဖို့ လွယ်ကူအောင် လုပ်ပေးခဲ့တယ်။ အဲဒီလိုဝင်လာတဲ့သူတွေက အခု ပြည်တွင်းမှာ ရုံးတွေဖွင့်ပြီးတော့ ပြည်တွင်းမှာပဲ သက်တမ်းတိုးပြီး နေနေတာတွေ၊ ဒီလိုမျိုးတွေကျတော့ တကယ်ရုံးဖွင့်ခွင့်ရသူတွေနဲ့ သူ တို့က အခွင့်အရေးတူသလိုဖြစ်နေတယ်။ ဒါကြောင့် ဗီဇာသက်တမ်းတွေကို ပြန်စိစစ်လိုက်တာ”ဟု ဦးရဲ ထွဋ်က ပြောသည်။

ပြည်တွင်း၌ ရုံးခန်းဖွင့်မည့် နိုင်ငံခြားသတင်းမီဒီယာများသည် နိုင်ငံခြားသတင်းထောက်များအသင်းနှင့် ဆက်သွယ်ဆောင်ရွက်ရန် လိုအပ်မည်ဖြစ်ပြီး ဆီးဂိမ်းနှင့် ကမ္ဘာ့စီးပွားရေးဖိုရမ်များ ပြုလုပ်ချိန်အတွင်း ၀င် ရောက်လာကြသည့် နိုင်ငံခြားသတင်းထောက်များသည် ဆက်သွယ်ဆောင်ရွက်ခြင်းမရှိဘဲ ပြည်တွင်း တွင် ရုံးသဖွယ် ဖွင့်လှစ်နေထိုင်နေခြင်းတို့ကြောင့် ယခုကဲ့သို့ ဗီဇာသက်တမ်းလျှော့ချလိုက်ခြင်း ဖြစ်သည် ဟု ဆိုသည်။

ရခိုင်ပြည်နယ်၊ မောင်တောမြို့နယ်၊ ဒုချရားတန်းကျေးရွာအတွင်း အကြမ်းဖက်မှုတွင် ဘင်္ဂါလီအယောက် ၄၀ သေဆုံးသည်ဆိုသော သတင်းများ Irrawaddy၊ AP တို့တွင်ဖော်ပြခဲ့သည်ကို အစိုးရဘက်မှ သတင်း မှားများဖော်ပြသည်ဟု ပြောဆိုပြီးနောက်ပိုင်း ယခုကဲ့သို့ နိုင်ငံခြားသတင်းထောက်များအား ဗီဇာသက် တမ်းလျှော့ချခဲ့ခြင်းဖြစ်သည်ဟုလည်း ပြည်တွင်းမီဒီယာအသိုင်းအ၀န်းများဘက်မှ သုံးသပ်ပြောဆိုကြ သည်။

အဆိုပါကိစ္စနှင့်ပတ်သက်၍ မြန်မာနိုင်ငံ စာနယ်ဇင်းကောင်စီ အတွင်းရေးမှူး ဦးကျော်မင်းဆွေက “တ ကယ်သာ အဲလိုလျှော့ခဲ့တယ်ဆိုရင် ကောင်းတဲ့အခြေအနေမဟုတ်ဘူး။ ဒီမိုကရေစီပြောင်းတာ ပိုတိုး တက်လာရမှာ။ ကျန်တာတိုးတက်ပြီး ဒါလျော့တာ မကောင်းဘူး”ဟု မဇ္ဈိမကို ပြောသည်။

Irrawaddy ၏ “နိုင်ငံခြားသတင်းသမား ပြည်ဝင်ခွင့်ဗီဇာ ဦးသိန်းစိန်အစိုးရ ပြန်ကန့်သတ်ပြီ” ဆိုသည့် သတင်းထဲတွင် ယခုလို ဗီဇာကန့်သတ်မှုများကြောင့် ရန်ကုန်အခြေစိုက် နိုင်ငံတကာသတင်းဌာနများမှ နိုင်ငံခြားသတင်းထောက်တချို့ မြန်မာနိုင်ငံမှ ပြန်လည်ထွက်ခွာနေရသည်ဟု ဖော်ပြထားသည်။

၃၈ လမ်းမှ တရားမဝင် သင်္ဘောသားများ စေလွှတ်သည့် ရုံးခန်းကို စသုံးလုံး ဝင်ဖမ်း





ရန်ကုန်၊ မဇ္ဈိမ။ ။ ကျောက်တံတားမြို့နယ် ၃၈လမ်းအတွင်းရှိ သင်္ဘောသားများ စေလွှတ်ပေးနေသည့် ရုံးခန်းတစ်ခုကို တရားမဝင် လိမ်လည်လုပ်ဆောင်နေသည်ဟုဆိုကာ ဖေဖော်ဝါရီ ၁၁ရက်တွင် အထူးစုံစမ်းစစ်ဆေးရေး (စသုံးလုံး) တပ်ဖွဲ့က ဝင်ရောက်ဖမ်းဆီးလိုက်သည်။

အဆိုပါ တပ်ဖွဲ့မှ စုံစမ်းရေး ဦးစီးအရာရှိဖြစ်သူ ဦးခင်ဇော်နှင့်အဖွဲ့သည် (၈)ရပ်ကွက်၊ ၃၉ လမ်း၊ အမှတ် (၂၀၆)တွင် နေသူတစ်ဦးနှင့် အဖွဲ့ကို သင်္ဘောသားနှင့် သက်ဆိုင်သော စာအုပ်၊ စာရွက်စာတမ်းများ အတုပြုလုပ်ပြီး တရားမဝင်သင်္ဘော လိုင်းများဖြင့် ချိတ်ဆက်၍ သင်္ဘောသားများထံမှ ငွေကြေးရယူ ပို့ဆောင်ပေးလျက်ရှိကြောင်း သတင်းရရှိခဲ့ခြင်း ဖြစ်သည်။

ထို့ကြောင့် ၎င်းတို့ ရုံးခန်းရှိရာ ကျောက်တံတားမြို့နယ်၊ (၆)ရပ်ကွက်၊ (၃၈)လမ်း၊ အမှတ် (၉၀)သို့ ဦးစီးအရာရှိ ဦးခင်ဇော်နှင့် အဖွဲ့က ဝင်ရောက်ရှာဖွေခဲ့ခြင်းဖြစ်သည်ဟု ရန်ကုန်တိုင်းရဲတပ်ဖွဲ့က သတင်းထုတ်ပြန်ထားသည်။

အဆိုပါ ရှာဖွေမှုကြောင့် စာအုပ်စာတမ်းများ အတုပြုလုပ်သော ကွန်ပျူတာ၊ ပရင့်တာနှင့် သင်္ဘောတက်ရောက်ခွင့် မှတ်တမ်းစာအုပ်(CDC)၊ သင်္ဘောသားအရာရှိ ကျွမ်းကျင်လက်မှတ်စာအုပ်(COC)၊ ဆက်သွယ်ရေးဆိုင်ရာ ကျွမ်းကျင်မှုစာအုပ် (GOC) နှင့် သင်္ဘောသား ကျွမ်းကျင်မှုဆိုင်ရာ ထောက်ခံချက်ပုံစံအလွတ်များ အတုပြုလုပ်နေကြောင်း တွေ့ရှိခဲ့သည်။

ထို့ပြင် အတုပြုလုပ်ရာတွင် အသုံးပြုသည့် စာအုပ်မျက်နှာဖုံးများအတွင်း စာရွက်စာသားများ ပုံစံစာရွက်များနှင့် အတူ ပူးတွဲအသုံးပြုသည့် လဝက ဗီဇာ တံဆိပ်တုံးအတု၊ ရေကြောင်းပို့ဆောင်ရေး ညွှန်ကြားမှု ဦးစီးဌာန၏ တံဆိပ်တုံးအတုများကို ရှာဖွေတွေ့ရှိခဲ့သည်ဟုလည်း ဆိုထားသည်။

ယင်းအပြင် ပနားမားတူးမြောင်းနှင့် ပြည်ပသင်္ဘော ကုမ္ပဏီအသီးသီးတို့တွင် အသုံးပြုသည့် တံဆိပ်တုံးအတုများ၊ ဆေးစာတံဆိပ်တုံးအတုနှင့် နိုင်ငံတော် တံဆိပ်ပါရှိသည့် အသားတံဆိပ်တုံး အတုများနှင့်အတူ အတုပြုလုပ်သည့် စာရေးကိရိယာ ပစ္စည်းများကိုပါ ဖမ်းဆီးရမိလိုက်သည်။

ထို့ကြောင့် ယင်းကဲ့သို့ လိမ်လည်အတုပြုလုပ်နေသူကို အရေးယူပေးရန် ဦးခင်ဇော်က တရားလိုပြုလုပ် တိုင်တန်းလိုက်ခြင်း ဖြစ်သည်ဟု တိုင်းရဲတပ်ဖွဲ့က ဆိုထားသည်။

ယင်းတိုင်တန်းမှုကို ကျောက်တံတားရဲစခန်းက (ပ)၅၃/၂၀၁၄ဖြင့် အမှုဖွင့်လိုက်ပြီး ပြစ်မှုပုဒ်မ ၄၂၀/၄၆၈/၄၇၁/၁၀၉ တို့ဖြင့် အရေးယူရန် အမှုစစ် တရားလိုကိုယ်တိုင် ဆက်လက်စစ်ဆေးစုံစမ်းနေသည်ဟု တိုင်းရဲတပ်ဖွဲ့က သတင်းထုတ်ပြန်ထားသည်။

ဆေးထိုးမှား၍ သေဆုံးရသည် စွပ်စွဲပြီး အထူးကုဆေးရုံ ဆရာဝန်ကို အမှုဖွင့်




 အင်းစိန်မြို့နယ်တွင် ဆေးထိုးမှား၍ လူတစ်ဦးသေဆုံးရသည်ဟု စွပ်စွဲပြီး အထူးကုဆေးရုံမှ ဆရာဝန်ကို အမှုဖွင့်တိုင်တန်းထားသဖြင့် မြို့နယ်ရဲစခန်းက ဖေဖော်ဝါရီ ၁၂ ရက်တွင် စစ်ဆေးဆောင်ရွက်နေသည်ဟု တိုင်းရဲတပ်ဖွဲ့မှူးရုံးက သတင်းထုတ်ပြန်သည်။

အမှုကို ရွှေပြည်သာမြို့နယ်၊ လှော်ကားကျေးရွာ၊ ပြည်တော်သာလမ်းတွင် နေထိုင်သည့် သေဆုံးသူ၏ ဇနီးတော်စပ်သူက အမှုဖွင့် တိုင်တန်းထားသည်ဟု ရဲတပ်ဖွဲ့က ဆိုသည်။

ယင်းဖြစ်စဉ်တွင် ဆေးထိုးမှားခြင်း လုံးဝမရှိခဲ့ဘဲ လူနာ၏ နှလုံးရောဂါ အခံကြောင့်သာ အမောဖောက်ပြီး ဆေးရုံတင်ပို့စဉ် သေဆုံးသွားရခြင်း ဖြစ်သည်ဟု အဆိုပါပုဂ္ဂလိကဆေးရုံမှ ဆေးရုံအုပ်ကြီးဖြစ်သူ ဒေါက်တာစိန်ဌေးက မဇ္ဈိမကို ပြောကြားခဲ့သည်။

အမှုမှာ ဇန်နဝါရီလ ၂၅ ရက် ည၁၀နာရီအချိန်က ခင်ပွန်းဖြစ်သူသည် ရင်ခါင်းပူ၍ ဗိုက်အောင့်သဖြင့် ကိုယ်တိုင်ကားမောင်းပြီး အင်းစိန်မြို့နယ်၊ စဥ့်ငူရပ်ကွက်ရှိ အထူးကုဆေးရုံသို့ သွားရောက်ပြသခဲ့သည်ဟု တရားလိုက ရဲထံတွင် ပြောပြထားသည်။

ထို့နောက် ၎င်းဆေးရုံမှ ဆရာဝန်ဖြစ်သူ ဒေါက်တာထက်အောင်က အကြောဆေး(၁)လုံးထိုးပေးပြီး (၁)မိနစ်ခန့်အကြာတွင် ပါးစပ်မှ အမြှုပ်ထွက်၊ နှုတ်ခမ်းပြာ၊ လျှာခေါက်၊ မျက်လုံးပြူး၊ ဆီး/ဝမ်းများထွက်၍ အင်းစိန်ဆေးရုံသို့ ဆက်လက်တင်ပို့ကုသစဉ် ည ၁၁နာရီ ၁၅မိနစ်အချိန်တွင် သေဆုံးသွားခဲ့သည်ဟု ဆိုထားသည်။

ထို့ကြောင့် ခင်ပွန်းဖြစ်သူကို ဆေးထိုးပေးခဲ့သည့် ပုဂ္ဂလိကဆေးရုံမှ ဒေါက်တာထက်အောင်၏ ဆေးမှားယွင်းထိုးသွင်းခြင်းကြောင့် သေဆုံးရခြင်းဖြစ်သည်ဟု ယူဆရသဖြင့် အရေးယူပေးရန် ဒေါ်ခင်ခင်ထွေးက စွပ်စွဲတိုင်တန်းထားသော အမှုဖြစ်သည်။

“လူနာက ဗိုက်အောင့်လို့ ဆေးရုံကို ရောက်လာတယ်။ အဲဒါကို စစ်ဆေးပြီး ဗိုက်အောင့်ရင်ထိုးတဲ့ ပန်တိုးစစ်(Pentozic) ကိုထိုးပေးလိုက်တယ်။ ဒီဆေးက ဘာမှဘေးထွက်ဆိုးကျိုးမရှိပါဘူး၊ ဒါပေမယ့် လူနာက နှလုံးရောဂါအခံရှိတော့ အမောဖောက်လာတယ်။ အဲဒါကြောင့် ဆရာဝန်ကိုယ်တိုင် ဆေးရုံကို လိုက်ပို့ရင်း လမ်းမှာပဲ ဆုံးသွားတာပါ” ဟု ဆေးရုံအုပ် ဒေါက်တာစိန်ဌေးက ရှင်းပြခဲ့သည်။


ထို့ပြင် ဆေးထိုးမှားခြင်း လုံးဝမဟုတ်ကြောင်းနှင့် အဆိုပါ လူနာနှင့် ပက်သက်သည့် ဆေးကုသမှုမှတ်တမ်းများကိုလည်း သက်ဆိုင်ရာများအနေဖြင့် အချိန်မရွေးလာရောက် စစ်ဆေးနိုင်သည်ဟု ဆရာဝန်ကြီးက ဆိုသည်။

ယင်းတိုင်တန်းမှုကို အင်းစိန်ရဲစခန်းက (ပ)၁၅၀/၂၀၁၄ဖြင့် အမှုဖွင့်ပြီး စခန်းမှူးဖြစ်သူ ဒုရဲမှူး မောင်မောင်ဦးကိုယ်တိုင် အမှုဖြစ်စဉ်အား စစ်ဆေးနေပြီး ပြစ်မှုပေါ်ပေါက်ပါက ပုဒ်မ ၃၀၄-က ဖြင့် အရေးယူသွားမည်ဟု တိုင်းရဲတပ်ဖွဲ့၏ ထုတ်ပြန်ချက်တွင် ဖော်ပြထားသည်။

ချစ်စရာကောင်းတဲ့ မုသား





ဇူလိုင်လရဲ့ အနောက်တောင်မုတ်သုန်လေက အားကောင်းနေဆဲ။ စခန်းကုန်းပေါ်ရှိ ကိုးတောင်ပြည့်
ဘုရားပေါ်ကနေ အရှေ့မြေညက်ဘက်ဆီကိုငေးကြည့်နေမိတယ်။ ပလက်ခိုတောင်ကြောက မြူခိုး
ဝေဝေကြားမှာ ထီးထီးမားမာ။ ပေ ငါးထောင်ကျော်မြင့်တဲ့ တောင်ကြောပေါ်မှာ ကျောက်တုံးတွေနဲ့ အပင်ခတ်ကြဲကြဲက နေရာယူလို့။

ရှေ့တန်းရဲဘော်တွေအတွက် အရေးကြီးဆုံးက "ရေ" ။ ပလက်ခိုတောင်ကြောပေါ်ကရဲဘော်တွေ ဘယ်လိုများနေရှာကြမလဲ။ စကခ ၃ ဗျူဟာ ၁ ခမရ ၃၈၅ က အဲ့ဒီတောင်ကြောပေါ်မှာနေရာယူထားတာ။

ကရင်ပြည်နယ်က မိုးကောင်းတယ်ဆိုပေမယ့် တခါတလေ တပါတ်လောက်မရွာတတ်။
ရေမရှိရင် အောက်ဆင်းခတ်ရတဲ့ ဒုက္ခကလည်း မသေးလှ။ ကိုယ်ချင်းစာမိသည်။

ကျနော့်ကို တလမ်းလုံး စောင့်ရှောက်ပေးခဲ့တဲ့ ညီလေးကတော့ ၂၈၃၃ ဘက်ဆက်လက် ခရီးဆက်လေပြီ။ တပ်မမှူးထံ ကျနော့်ကိုအပ်လို့ ခပ်ပြုံးပြုံးပဲနှုတ်ဆက်သွားတယ်"ကံမကုန်ရင် ပြန်ဆုံကြတာပေါ့ အကို"
တဲ့။

ရောက်တဲ့နေ့ကပဲ တပ်မမှူးနဲ့ တွေ့ဆုံတယ်။ ညွှန်ကြားချက်နာခံပါတယ်။ "ဇီဝက စခန်းအောက် ရေဆင်းမချိုးရ" တဲ့။ ရဲဘော်တွေအလှည့်ကျ ရေခပ်ပေးလိမ့်မယ် အပေါ်မှာချိုးပါတဲ့။ ဘယ်လိုမှမဖြစ်နိုင်။ ဘယ်လိုစိတ်နဲ့မှ ရဲဘော်တွေ ပေ ၁၀၀၀ ကျော်ပေါ်ခပ်တင်ထားတဲ့ရေကို မချိုးနိုင် မချိုးရက်။ အောက်ဆင်းချိုးပါရစေဆိုတာ လည်းငြင်းမရ။ ကျနော် ၇ရက်ဆက်တိုက်ရေမချိုးပဲနေမှ တပ်မမှူးက ဇီဝက ရေဆင်းချိုးရင် လုံစုက ၁ အပေါင်း ၅ လိုက်ပါ၍ရေဆင်းချိုးပါလို့ပြောလေတော့သည်။

ကျနော်ရေချိုးရင် ၄၉ က လုံစုမှူးအရာရှိ ညီလေးနဲ့ ၅ ယောက်က ရေအတူဆင်းချိုးရတယ်။ ညီလေးက ကျနော်ရေချိုးရင် သေနတ်ကိုင်ပြီး ကင်းစောင့်ပေးတယ်။ ကျနော်ပြီးမှ သူချိုးတယ်။
"အကိုကြီး သတိထားရမှာက ရှေ့ကတောင်ကြောလမ်းပဲ။ ညာဘက်တောင်ကုန်းပေါ်မှာက ကျတော်တို့စခန်းရှိတယ်။ ရှေ့က တောင်ကြောလမ်းမှာ အရိပ်မြင်တာနဲ့ ပစ်သာပစ်အကို အဲ့ဒီနေရာက လွတ်နေတယ်" ပြောပြီးမှရေချိုးတယ်။ ရေချိုးနေရင်း ကျနော့်ကို လှည့်ကြည့်လှည့်ကြည့်နဲ့ စိတ်မချရှာ။

ညနေဘက်ဆို လုံစုဘက် လမ်းရှောက်ထွက်ရင်း စိတ်ပါရင် တခါတည်း ထမင်းဝင်စားတယ်။ "အကိုကြီး ညီတို့ဆီ အမြဲလာစားပါတဲ့ " ညီတို့က တိုက်ကင်းထွက်ရတော့ ဟင်းစားပေါတယ်တဲ့"။ မျှစ် ငှက်ပြောဖူး ဒရင်ကောက်ညွှန့် တွေအမြဲပါလာတတ်တယ်။

အမြဲတော့မစားဖြစ်ပါဘူး ကိုယ့်မှာလည်း တပ်စုရှိသေးတာ။ လာမစားတဲ့နေ့ဆို ဟင်းလေးတစ်ခွက်တော့ ရဲဘော်နဲ့ပေးခိုင်းရှာသည်။ ကျနော်ကိုတော့ အတော်ချစ်ရှာတဲ့ညီလေး။ တိုက်ကင်းထွက်ပြီး ပြန်လာတိုင်း တစ်ခုမဟုတ်တစ်ခု ကျနော့်ဘန်ကာထဲ ဝင်ပေးပြီးမှ ပြန်တတ်တဲ့ညီလေးပါ။ တောဝက်များရလာတဲ့နေ့ဆို စခန်းကုန်းတစ်ခုလုံး လိုက်ဝေတော့တာပဲ။ "တပ်မမှူးနဲ့ အကိုကြီးအတွက်က ပေါင်သားလေ" တဲ့ သူပြောနေကြစကားပါ။

မိုးကုန်ပိုင်းလောက်ရောက်လာတော့ ကျနော့်ကို မာစတာ ဝင်ခွင့်ဖြေဖို့ ကြေးနန်းဝင်လာတယ်။

ခွဲရပေဦးမည်။ နှုတ်ဆက်ရပေဦးမည်။ ညီလေးတို့လုံစုကပဲ မူသဲအထိလိုက်ပို့ပြီး ဟိုဘက်အဖွဲ့နဲ့ချိတ်ပြီး ကျနော်ပြန်ခဲ့ရတယ်။

နှုတ်ဆက်တော့ ညီလေးမျက်နှာ မကောင်းရှာ။

လတွေနှစ်စားလို့ မာစတာပင် ၃ နှစ်တိုင်ခဲ့ပါပြီ။ ကိုယ့်အလုပ်နဲ့ကိုယ်မို့ တခါတရံ သတိရပေမယ့် အဆက်အသွယ်မရှိတော့ပေ။

ဒီနေ့ ဆေးရုံ တာဝန်ကျမှပဲ ညကရောက်တဲ့ EA လူနာတွေဘက် ပါရဂူနဲ့ လိုက်ပါရင်း ညီလေးကို ရုတ်တရက်တွေ့လိုက်ရတယ်။

ပြန်တွေ့မယ်လို့ ထင်ထားခဲ့ပေမယ့် ဒီလို အခြေအနေမျိုးနဲ့တော့ မထင်ထားမိတာအမှန်ပါညီလေးရယ်။

ဘယ်လက်ခြေထောက်တစ်ဖက်မရှိတော့ဘူး။ ညာလက်မှာလည်း ကျောက်ပတ်တီးနဲ့ ။ ရင်ဘက်နဲ့ ဗိုက်မှာလည်း ပိုက်တွေတန်းလန်း။

ကျနော့်ကိုတွေ့တော့ ဖက်ပြီး ငိုရှာသည်။ တာဝန်ချိန်ကြီးမို့ မျက်ရည်မကျအောင်ထိန်းတဲ့ကြားက ကျခဲ့မိတယ်။

ဝမ်းမနည်းပါနဲ့ညီရယ်ဆိုတော့

"ကျနော်ဝမ်းမနည်းပါဘူး အကိုနဲ့တွေ့ရလို့ ဝမ်းသာလို့ငိုတာပါ" တဲ့။

သြော် °°°°°°°°°°

ချစ်စရာကောင်းတဲ့ မုသားပါလားညီရယ်။

သူများစိတ်ချမ်းသာဖို့ကို အခုအချိန်အထိ စဉ်းစားပေးနေတုန်းပါလားကွာ..။

•••••••••••စိုးထိုက်သူ••••••••••

လျှို့ဝှက်လက်နက်စက်ရုံ သတင်းဖော်ပြမှုနှင့် ပတ်သက်၍ ဖမ်းဆီးခံထားရသော ယူနတီဂျာနယ်မှ အမှုဆောင်အရာရှိချုပ် ဦးတင့်ဆန်းနှင့် သတင်းထောက်သုံးဦး ပခုက္ကူအကျဉ်းထောင်သို့ ရောက်ရှိလာပြီး ဖေဖော်ဝါရီ ၁၄ ရက် ရုံးထုတ်စစ်ဆေးမည်


ယူနတီဂျာနယ်မှ အမှုဆောင်အရာရှိချုပ် ဦးတင့်ဆန်းနှင့် သတင်းထောက် ၄ ဦးတို့အား ထားရှိရာ ပခုက္ကူ အကျဉ်းထောင်အား မြင်တွေ့ရစဉ်


လျှို့ဝှက်လက်နက်စက်ရုံ သတင်းဖော်ပြမှုနှင့် ပတ်သက်၍ အင်းစိန်အကျဉ်းထောင်၌ ဖမ်းဆီးခံထားရသော ယူနတီဂျာနယ်မှ အမှုဆောင်အရာရှိချုပ် ဦးတင့်ဆန်းနှင့် ရာဇာဦး၊ ပိုင်သက်ကျော်၊ စည်သူစိုးတို့ သတင်းထောက် သုံးဦးသည် ယခုလ ၁၂ ရက်နေ့တွင် ပခုက္ကူအကျဉ်းထောင်သို့ ရောက်ရှိလာပြီး တရားစွဲဆိုခံရသူ အားလုံးအား ယခုလ ၁၄ ရက်တွင် ပထမဆုံးအကြိမ် ရုံးထုတ်စစ်ဆေးမည် ဖြစ်ကြောင်း ဖမ်းဆီးခံထားရသူ ပေါက်မြို့နယ် သတင်းထောက် ကိုလူမော်နိုင်၏ ဇနီးဖြစ်သူ၏ ပြောကြားချက်အရ သိရသည်။

မလွင်လွင်မြင့်သည် ယခုလ ၁၃ ရက် နံနက်ပိုင်းတွင် ကိုလူမော်နိုင်အား ပခုက္ကူအကျဉ်းထောင်သို့ ထောင်ဝင်စာလာရောက် တွေ့ဆုံရာမှ ဦးတင်ဆန်းနှင့် သတင်းထောက် သုံးဦးတို့ ပခုက္ကူအကျဉ်းထောင်သို့ ရောက်ရှိနေကြောင်းနှင့် ၁၄ ရက်တွင် ရုံးထုတ်စစ်ဆေးမည် ဖြစ်ကြောင်း ကိုလူမော်နိုင်နှင့် တာဝန်ရှိသူများ ပြောကြားချက်အရ မလွင်လွင်မြင့် သိရှိခဲ့ရခြင်း ဖြစ်သည်။

“ကျွန်မဒီနေ့(၁၃ ရက်) ပခုက္ကူ အကျဉ်းထောင်မှာ ကိုလူမော်နိုင်ကို ထောင်ဝင်စာ သွားတွေ့ရင်း ကိုလူမော်နိုင်နဲ့ စကားပြောရင်း ဦးတင့်ဆန်းတို့အားလုံး ပခုက္ကူအကျဉ်းထောင်ကို ရောက်နေကြောင်း သိခဲ့ရပါတယ်။ ကိုလူမော်နိုင်က ပခုက္ကူထောင်ကို ဦးတင့်ဆန်းတို့အားလုံး မနေ့(၁၂ ရက်နေ့)က ရောက်တယ်။ စကားလည်း ပြောရတယ်။ ထမင်းလည်း အတူစားရတယ်။ အိပ်ရာတော့ တစ်နေရာစီ ထားတယ်ဆိုပြီး ပြောပါတယ်။ ဧည့်တွေ့ဆုံမှာ ကိုလူမော်နဲ့ ကျွန်မစကား ပြောတုန်းမှာပဲ ရာဇာဦးနဲ့ စည်သူစိုးကို ရဲအရာရှိတွေက လက်ထိပ်ခတ်ပြီး ခေါ်သွားတာ တွေ့လိုက်ပါတယ်။

ခေါ်သွားတဲ့ အရာရှိတွေထဲမှာ ကျွန်မကို စစ်တဲ့သူတွေလည်း ပါပါတယ်။ ဒီသတင်းထောက် နှစ်ယောက်ကိုလည်း ပေါက်မြို့မှာ သတင်းလာယူတုန်းက အချိန်အကြာကြီး တွေ့ဖူးထားတဲ့အတွက် သေသေချာချာ မှတ်မိပါတယ်” ဟု ကိုလူမော်နိုင်၏ ဇနီးမလွင်လွင်မြင့်က ပြောကြားသည်။

တရားစွဲဆို ခံထားရသူ အားလုံးအား ပခုက္ကူတရားရုံးတွင် မနက်ဖြန်ရုံးထုတ်မည့် အကြောင်းနှင့် ပက်သက်၍ “ထောင်မှူးကနေ ကျွန်မကို မနက်ဖြန်မှာ ကိုလူမော်တို့ အာလုံးကို ရုံးထုတ်မယ့်အကြောင်း ပြောတယ်။ တခြားရဲအရာရှိတွေကို မေးတော့လည်း ဟုတ်တဲ့အကြောင်း ပြန်ဖြေတယ်။ ကျွန်မရော လာပြီးနာေးထာင်လို့ ရလာမေးတော့ သူတို့က ရတဲ့အကြောင်း ပြန်ဖြေသွားတယ်။

ကိုလူမော်နိုင်အမှုနဲ့ပတ်သက်ပြီး ရှေ့နေအနေနဲ့ ဦးရောဘတ်စန်းအောင်ကို ငှားထားပါတယ်” ဟု ၎င်းက ဆက်ပြောသည်။

တရားစွဲဆို ခံထားရသော ယူနတီဂျာနယ်မှ အမှုဆောင်အရာရှိချုပ် ဦးတင့်ဆန်းနှင့် သတင်းထောက် သုံးဦးတို့ ပခုက္ကူ အကျဉ်းထောင်သို့ ရောက်ရှိနေမှုအား ထပ်မံအတည်ပြုနိုင်ရန် ပခုက္ကူအကျဉ်းထောင်မှူးအား သွားရောက်မေးမြန်းခဲ့ရာ ၎င်းအိပ်နေကြောင်း အကျဉ်းထောင်တာဝန်ရှိသူ တစ်ဦးမှ ပြန်လည်ဖြေကြား ခဲ့သည့်အတွက် တွေ့ဆုံခွင့်မရှိခဲ့ပေ။
ရုံးထုတ်မည့် အခြေအနေနှင့် ပက်သက်၍ ပေါက်မြို့မရဲစခန်းသို့ ဆက်သွယ်မေးမြန်းရာ တာဝန်ရှိသူတစ်ဦးက အဆိုပါ အမှုနှင့်ပက်သက်ပြီး ၎င်းတို့ဘာမှမသိရှိကြောင်း ပြန်လည်ဖြေကြားခဲ့ပြီး ပခုက္ကူခရိုင် ရဲတပ်ဖွဲ့မှူးရုံးသို့ ဆက်လက်မေးမြန်းရာ တာဝန်ရှိသူ တစ်ဦးမှ ၎င်းတို့အနေနှင့် ရုံးလုပ်ငန်းများကိုသာ လုပ်ဆောင်ရကြောင်းနှင့် အဆိုပါအမှုနှင့် ပက်သက်၍ အမှုဖွင့်ထားသော ရဲစခန်းသို့သာ ဆက်သွယ်မြန်းရန် ပြန်လည်ဖြေကြားခဲ့သည်။

ဇန်နဝါရီ ၂၅ ရက်ထုတ် ယူနတီစာစောင် အတွဲ(၃) အမှတ်(၄) တွင် အမှတ်(၂၄) ကာကွယ်ရေးပစ္စည်း စက်ရုံအား လျှို့ဝှက်ဓာတု လက်နက်စက်ရုံ ခေါင်းစဉ်ဖြင့် ဓာတ်ပုံမှတ်တမ်းနှင့်တကွ ဖော်ပြထုတ်ဝေခဲ့သည်ကို တွေ့ရှိရပြီး ယင်းဖော်ပြထုတ်ဝေချက်သည် နိုင်ငံတော်လျှို့ဝှက်ချက် ပေါက်ကြားစေခြင်း၊ စက်ရုံ၏ တားမြစ်နယ်မြေအတွင်း ခွင့်ပြုချက်မရှိဘဲ ချဉ်းကပ်ခြင်း၊ ကြည့်ရှု့စစ်ဆေးခြင်း၊ ကျော်ဖြတ်ခြင်း၊ ဝင်ရောက်ခြင်း၊ ဓာတ်ပုံရိုက်ခြင်း၊ အားပေးကူညီခြင်းတို့ကြောင့် သတင်းရေးသား ပေးပို့သူနှင့် ဂျာနယ်တိုက် တာဝန်ရှိသူအား စုံစမ်းအရေးယူပေးပါရန် ဇန်နဝါရီ ၃ဝ ရက်တွင် သက်ဆိုင်ရာဌာနက ပေါက်မြို့မရဲစခန်းတွင် တရားလိုပြုလုပ် တိုင်တန်းခဲ့သဖြင့် (ပ)၈။၂ဝ၁၄ မြန်မာနိုင်ငံ လျှို့ ဝှက်ချက် အက်ဥပဒေပုဒ်မ ၄(၁)(က)၉ ဖြင့် အမှုဖွင့် ဆောင်ရွက်ခဲ့သည်ဟု ပြည်ထဲရေး ဝန်ကြီးဌာန၏ ထုတ်ပြန်ချက်ကို နိုင်ငံပိုင်သတင်းစာတွင် ဖော်ပြခဲ့သည်။

EMG

ချစ်သူများနေ့နှင့် မိန်းမသားတို့ စောင့်ထိန်းရမည့် အပျိုစင်ဘဝ




(ဦးမာဃ)

မကြာမီ ကျရောက်မည့် ချစ်သူများနေ့တွင် မသိနားမလည်သော အပျိုစင် မိန်းကလေးများ ဖျက်ဆီးခံရမည်ကို သတိပေးချင်ပါသည်။ ချစ်သူများနေ့သည် (လင်မယားနေ့) မဟုတ်ပါလို့ ပြောချင်ပါသည်။ ချစ်သူများနေ့ ရောက်တိုင်း တည်းခိုခန်းများ၊ ဟိုတယ်များတွင် စုံတွဲများဖြင့် ပြည့်နေသည်ကို နှမသားချင်း စာနာ၍ စိတ်မကောင်းစွာ ကြားသိရပါသည်။

ချစ်သူစုံတွဲများသည် စိတ်ချင်းချစ်၍ ရပါသည်။ လူချင်း နယ်ကျွံ၍ ချစ်လို့မရပါ။ မိန်းကလေးများသည် မိမိချစ်သောသူသည် လက်ထပ်ရမည့်သူ ဟုတ် မဟုတ် မည်သူမျှ အတပ်မပြောနိုင်ပါ။ အိမ်ထောင်မပြုမီ အတူနေပါက မယူဖြစ်လျှင် နောက်ဆုံး မိန်းကလေးသာ နစ်နာရမည် ဖြစ်သည်။ အိမ်ထောင် မပြုမီ အတူနေပါက အင်တာနက်ခေတ်တွင် နေရာတိုင်း၌ မျက်စိများ ရှိသဖြင့် အချိန်မရွေး အင်တာနက်ပေါ် ရောက်သွားနိုင်ပြီး မိန်းကလေးနောက်က မိဘဆွေမျိုးများ အရှက်တကွဲ ဖြစ်မည်ကို သတိပြုသင့်သည်။ မိမိတို့နိုင်ငံသည် ဗုဒ္ဓဘာသာနိုင်ငံ ဖြစ်သဖြင့် အနောက်နိုင်ငံများမှ အတူနေခြင်း (Living Together) ကို အားကျ၍ မရပါ။

မိမိတို့ နိုင်ငံသည် အရှက်နှင့် သိက္ခာဖြင့် လူလုပ်သော နိုင်ငံဖြစ်ပါသည်။ မိမိကြောင့် မိဘဆွေမျိုးများ အရှက်တကွဲ အကျိုးနည်းမည်ကို စဉ်းစားသင့်ပါသည်။ မိန်းကလေး များသည် မိမိတို့ အပျိုစင်ဘဝကို တန်ဖိုးထား ထိန်းသိမ်းသင့်ပါသည်။ အင်တာနက်ပေါ်တွင် မိန်းကလေးများ အခက်အခဲရှိ၍ အပျိုစင်ဘဝကို လေလံတင် ရောင်းချရာ မြန်မာငွေ သိန်းရာချီရ ရှိသည်ကို ကြားသိရသဖြင့် မိမိတို့၏ အပျိုစင်ဘဝကို မည်မျှ တန်ဖိုးရှိသည်ကို သိသင့်ပါသည်။ ယောက်ျားလေးများသည် မိမိဘယ်လောက်ပဲ ရှုပ်ပါစေ မိမိနှင့် လက်ထပ်မည့် မိန်းကလေးကို အပျိုစင်သာ လိုချင်သည်ကို သိသင့်ပါသည်။

ယောက်ျားလေးအတွက် Sex သည် တစ်ခဏတာ၊ ထမင်းစားရေသောက် အဆင့်သာဖြစ်ပြီး မိန်းကလေးများအတွက် Sex မှာ ဘဝနှင့် ရင်းရမည်ကို သိသင့်ပါသည်။

ချစ်သူဘဝတွင် အတူနေခြင်းကြောင့် ရရှိသော ဆိုးကျိုးများမှာ လက်မထပ်မီ ကိုယ်ဝန်ရှိခြင်းကြောင့် မိဘဆွေမျိုးများနှင့် မိမိပါ အရှက်ရနိုင်ခြင်း၊ HIV၊ B ပိုး၊ C ပိုး စသော ရောဂါပိုးများ ကူးစက်နိုင်ခြင်း၊ ချစ်သူကြောင့် (Sex Feeling) ကို ခံစားတတ်ပြီး ချစ်သူဖြင့် မယူဖြစ်၍ နောက်ချစ်သူတစ် ယောက်ပြောင်း ခံစားခြင်းဖြင့် နောက်ဆုံး KTV, (Massage) မာဆတ်စသော ပျက်စီးခြင်း လမ်းပေါ် ရောက်သွားသော မိန်းကလေးများစွာ ရှိပါသည်။

ချစ်သူ ယောက်ျားလေးများကလည်း လက်မထပ်ဘဲ မိမိချစ်သူကို အတူနေပြီး ဖျက်ဆီးခြင်းသည် လူသားတို့ ရှောင်ကြဉ်အပ်သော ငါးပါးသီလထဲမှ ကာမေသုမိစ္ဆာစာရကံဟူသော အုပ်ထိန်းသူရှိသော သမီးပျိုများကို ဖျက်ဆီးခြင်းဟူသော ကံထိုက်သည်ဟု သတိပြုသင့်ပါသည်။

ယောက်ျားလေးများသည် မိမိချစ်သူ၏ အပျိုစင်ဘဝကို စတင်ဖျက်ဆီးပြီး ချစ်သူ မိန်းကလေးကို မယူဖြစ်ဘဲ KTV, (Massage) မာဆတ်စသော ပျက်စီးခြင်းလမ်းပေါ် ရောက်သွားပါက စတင်ဖျက်ဆီးသူသာ တရားခံ ဖြစ်သည်ကို သတိပြုသင့်ပါသည်။ ချစ်သူ မိန်းကလေး များကလည်း မိမိကိုချစ်သော သူသည် Sex ကို အရင်းခံ၍ ချစ်သလား၊ တကယ့်မေတ္တာစစ်နှင့် ချစ်သလားကို ဝေဖန် ဆန်းစစ်သင့်ပါသည်။ Sex ကို အရင်းခံသော အချစ်သည် အကြာကြီး မတည်မြဲပါ။ တကယ်မေတ္တာနှင့် ချစ်သောအချစ်သာ တစ်ဘဝလုံး အကြာကြီး တည်မြဲမည်ကို သိထားသင့်ပါသည်။

ချစ်သူများနေ့တွင် မိန်းကလေးများ အပျိုစင်ဘဝကို ထိန်းသိမ်းနိုင်ပါစေ..

Related Posts Plugin for WordPress, Blogger...