အဓမ္မမှုများ ကာကွယ်မယ့် ကွန်ဒုံး

Thursday, December 19, 2013

တောင်အာဖရိမှာ ဆရာဝန်တစ်ယောက်ဟာ အမျိုးသမီးများ အသုံးပြုတဲ့ ကွန်ဒုံးတစ်ခုကိုတီထွင်ခဲ့ပါတယ်။ ထို ကွန်ဒုံးရဲ့  ထူးခြားချက်က အတွင်းမှာ ခွေးသွားစိတ်တွေ တပ်ဆင်ထားတာပါပဲ။
အမျိူးသမီးများကို အဓမ္မပြုကျင့်ခံရတဲ့ ဒဏ်က ကာကွယ်ဖို့ လို့ ဆိုထားပါတယ်။

ဒီ ကွန်ဒုံးကို Rape-aXe လို့ အမည်ပေးထားပါတယ်။ အဓမ္မပြုကျင့်တဲ့ အမျိုးသားများဟာ ထိုနေရာကိုမိမိ လိင်အင်္ဂါ ထည့်သွင်းမိတဲ့ အခါ ခွေးသွားလို အချွန်တွေနဲ့ စူးနေမှာဖြစ်ပြီး ခွဲစိတ်မှသာ ပြန်လည် ထုတ်ပစ်နိုင်မှာ ဖြစ်ပါတယ်။

လို့ .. ဒီ ကွန်ဒုံး ဖန်တီးသူ Dr.Sonnet Ehlers က ဆိုထားပါတယ်။

တောင်အာဖရိက မှာ နှစ်စဉ် အမျိုးသမီးများဟာ နာရီပိုင်းနဲ့ အမျှ အဓမ္မကျင့်ခံနေရတဲ့ အတွက် ထိုအဖြစ်အဖျက်များက
ကင်းဝေးနိုင်ဖို့  မျှော်လင့်ထားပါတယ်။

MM Social Sky

Read More

မိန်းကလေးများသည် တစ်နှစ်ကို တစ်လလောက် မိမိကိုယ်ကို မလှပ ဟုစိုးရိမ်စိတ်ဖြစ်ပေါ်ကြောင်း ဆို

ကမ္ဘာပေါ်ရှိ အမျိုးသမီး အများစုသည် မိမိတို့၏ ရုပ်ရည်နှင့် ပုံပန်းသဏ္ဍန်အတွက် စိုးရိမ်ပူပင်စိတ်ဖြင့် အများအပြား အချိန်ကုန်နေစေကြောင်း သိရှိရသည်။ သုတေသီများက အမျိုးသမီးများသည် တစ်နှစ်လျှင် ပျမ်းမျှအားဖြင့် တစ်လစာမျှ အချိန်ကို မိမိကိုယ်ကိုယ် မလှပဟု စိုးရိမ်စိတ် ဖြစ်ပေါ်ရင်း အချိန်ကုန်နေကြောင်း ပြောကြားခဲ့သည်။ ဆံပင်ဖြီးသင်မှု၊ မိတ်ကပ်လိမ်းခြယ်မှု အစရှိသည့် အလှအပ ပြုပြင်ခြင်းများတွင် မယုံမရဲဖြင့် စိုးရိမ်မှု ဖြစ်ပေါ်နေတတ်သော အခြေအနေမျိုးသည် အမျိုးသမီးများ၌ တစ်နှစ်လျှင် ပျမ်းမျှ (၆၂၇)နာရီနှင့် (၂၈)မိနစ်မျှ ရှိတတ်ကြောင်း ပညာရှင်များက ဆိုသည်။ ထို့ကြောင့် မျက်နှာပေါ်မှ အရေးအကြောင်းများ၊ ဝက်ခြံများကြောင့် စိတ်အနှောင့်အယှက် ဖြစ်ရခြင်း၊ မိမိခန္ဓာကိုယ် ပုံပျက်လာပြီဆိုသော စိတ်ဖြင့် ပူပင်နေရခြင်းများသည် အမျိုးသမီးများ၏ တစ်နှစ်တာ အချိန်ဇယားတွင် တစ်လစာမျှကို ဖဲ့ထုတ်သွားသည့် သဘောမျိုး သက်ရောက်လျှက်ရှိသည်။

ယခုစစ်တမ်းကို ကမ္ဘာ့နိုင်ငံ အချို့မှ အမျိုးသမီး (၂၀၀၀)ကျော်၏ လူနေမှုဘဝကို ဖြန့်ကျက် သုတေသနပြု လေ့လာခဲ့ခြင်း ဖြစ်သည်။ အမျိုးသမီး အများစုသည် မိမိတို့၏ ကိုယ်ပိုင်ရုပ်ရည် အသွင်အပြင်နှင့် ပတ်သက်လျှင် စိတ်ပူပင်တတ်သည့် အခြေခံ တူညီမှုမျိုး ရှိနေကြောင်း ပညာရှင်များက ဆိုသည်။ ထို့အပြင် အမျိုးသမီးများအားလုံး စိတ်အပူဆုံး အရာသည် အဝလွန်ခြင်း၊ ကိုယ်အလေးချိန် တက်လာခြင်းတို့ပင် ဖြစ်ကြောင်းလည်း သိရှိရသည်။ အမျိုးသမီး တစ်ဦးသည် ၎င်းတို့၏ ခန္ဓာကိုယ် အချိုးအစားကို အပြန်ပြန်အလှန်လှန် ဆင်ခြင်သုံးသပ်ရင်း မှန်ကြည့်နေတတ်သည့် အချိန်မျိုး တစ်ပတ်လျှင် အနည်းဆုံး (၂၆)မိနစ် ကြာမြင့်တတ်ကြောင်း ယခုသုတေသန စစ်တမ်းက ဆိုသည်။

ထို့အပြင် မိမိတို့ ခန္ဓာကိုယ်နှင့် မျက်နှာပေါ်မှ တစ်စုံတစ်ရာသော ပြစ်ချက်ကို စိတ်ပျက်လက်ပျက် တွေးတော အချိန်ကုန်နေသည်မှာ တစ်ပတ်လျှင် အနည်းဆုံး (၂၂)မိနစ်မျှ ကြာမြင့်တတ်ကြောင်းလည်း သိရသည်။ ထို့အပြင် ဆံပင်ကို အလှပြင်ခြင်း၊ ဖြီးသင်ခြင်း၊ ခေါင်းလျှော်ပြီး အခြောက်ခံခြင်း အစရှိသည့် ကိစ္စများအတွက် တစ်ပတ်လျှင် အနည်းဆုံး (၅၇)မိနစ်မျှထိ အချိန်ကို အသုံးချတတ်ကြောင်းလည်း ဆိုသည်။ ယခုသုတေသန လုပ်ငန်းကို Lycra အလှကုန် လုပ်ငန်းစု၏ ပိုင်ရှင်ဖြစ်သည့် Invistaaက အထောက်အပံ့ပြု လေ့လာစေခဲ့ခြင်း ဖြစ်သည်။ စစ်တမ်း၏ တွေ့ရှိချက်အရ မိန်းကလေး (၁၀)ယောက်တွင် (၉)ယောက်သည် ခန္ဓာကိုယ်ပေါ်မှ မိမိတို့ စိတ်ကြိုက်မတွေ့သည့် အစိတ်အပိုင်းကို ဖုံးကွယ်သည့် ဝတ်စုံမျိုးဖြင့် အပြင်ထွက်လေ့ ရှိကြောင်းလည်း သိရှိရပြန်သည်။ ထို့အပြင် စစ်တမ်းတွင် ပါဝင်သည့် အမျိုးသမီးများ၏ (၄၈)ရာခိုင်နှုန်းက မိမိတို့သည် စိတ်ကျေနပ်မှု မရှိသည့် ခန္ဓာကိုယ် အစိတ်အပိုင်းအတွက် စိတ်ပူပင်သည့် ပြဿနာမျိုး မကြာခဏ ကြုံရတတ်သည်ဟု ဝန်ခံခဲ့ကြောင်းလည်း အဆိုပါ သုတေသန ရလဒ်၌ ထည့်သွင်း ဖော်ပြသွားသည်။

Read More

မောတောင် ကုန်သွယ်ရေးစခန်းမှ တစ်ပတ်လျှင် ကျပ်သိန်း ၅၀ အထိ ကုန်သွယ်ခွင့်ပြုထား

  Thursday, December 19, 2013



မောတောင်နယ်စပ် ကုန်သွယ်ရေးဂိတ်အနီး ကုန်အတင်အချ လုပ်နေသော ကုန်တင်ယာဉ်တစ်စီး

တနင်္သာရီမြို့နယ် မောတောင်နယ်စပ် ကုန်သွယ်ရေးစခန်းတွင် တစ်ဦးချင်းကုန် သွယ်မှုကတ် ၁၂ ကတ်အထိသာ ရှိသေးပြီး ကုန်သွယ်မှု ပြုလုပ်ရာတွင် ၅ ရက်တစ်ပတ်လျှင် ကျပ်သိန်း ၅၀ အထိ ခွင့်ပြုထားကြောင်း သိရသည်။ တစ်ဦးချင်း ကုန်သွယ်မှုကတ် (ITC) ဖြင့် ကုန်သွယ်မှု ပြုလုပ်ရာတွင် လိုင်စင်တစ်ခါ လျှောက်ထားလျှင် ကျပ် ၁၀ သိန်းအထိ ခွင့်ပြုထားပြီး တစ်နိုင်တစ်ပိုင်ကုန်သွယ်မှု ပြုသူများအတွက် ရည်ရွယ်ထားကြောင်း သိရသည်။

"လိုင်စင်တစ်ခါလျှောက်ရင် ကျပ် ၁၀ သိန်းအထိ ခွင့်ပြုထားပါတယ်။ တကယ်လို့ နေ့စဉ် ကျပ် ၁၀ သိန်းစီ ကုန်သွယ်မှုမပြုဘဲ ရုံးဖွင့်ရက် ၅ ရက် တစ်ပတ်အတွင်းမှာ စုပေါင်းပြီး ကျပ် သိန်း ၅၀ တစ်ပြိုင်တည်း ကုန်သွယ်မှု ပြုလုပ်ချင်ရင်လည်း ခွင့်ပြုထားပါတယ်" လို့ မောတောင်နယ်စပ် ကုန်သွယ်ရေးစခန်းမှ လက်ထောက်ညွန်ကြားရေးမှူး ဦးနေမင်းထက်က ပြောကြားခဲ့သည်။

မောတောင်နယ်စပ်မှ ကုန်သွယ်မှုပြုလုပ်ရာတွင် လက်ရှိအနေထားအရ တစ်နိုင်တစ်ပိုင် ကုန်သွယ်သူများသာ အများဆုံး ကုန်သွယ်မှုပြုလုပ်နေကြပြီး ဒေသထွက်ကုန်များကို ထိုင်းနိုင်ငံသို့ တင်ပို့ရောင်းချနေကြောင်း သိရသည်။ သွင်းကုန်များ တင်သွင်းရာတွင်လည်း တစ်နိုင်တစ်ပိုင် ကုန်သွယ်သူများ အနေဖြင့် ဒေသအတွင်း အသုံးပြုရန်အတွက် စားသောက်ကုန်များနှင့် လူသုံးကုန် တချို့သာ တင်သွင်းကြပြီး အများအားဖြင့် ထိုင်းနိုင်ငံ၊ ပရာကျွတ်ကရိခံ ခရိုင်မှ အဓိက ထွက်ရှိသောမွေ့ရာ၊ ဖက်ခေါင်းအုံး၊ စောင်နှင့်အခင်းပိုင်းများကို အဓိက တင်သွင်းလာလေ့ရှိကြောင်း သိရသည်။ အဆိုပါ ကုန်စည်များကို တစ်နိုင်တစ်ပိုင် ကုန်သွယ်သူများမှ တနင်္သာရီမြို့နှင့် ညောင်ပင်ကွင်းကျေးရွာ အုပ်စုအတွင်းရှိ ကျေးရွာများသို့ ပြန်လည်ဖြန့်ဖြူးကြကြောင်း သိရသည်။

"တခြားကုန်စည်များကို ထိုင်းနိုင်ငံအတွင်းကို တင်ပို့မှုနှင့် ပတ်သက်ပြီး သက်ဆိုင်ရာ အသင်းအဖွဲ့တွေရဲ့ ထောက်ခံချက်တွေ၊ စာရွက်စာတမ်းတွေ၊ ကျွန်တော်တို့ရုံးချုပ်ရဲ့ ခွင့်ပြုချက်တွေနှင့် ဆောင်ရွက်ပေးလို့ ရပါတယ်။ မောတောင်ဒေသမှာ လိုအပ်တဲ့ကုန်စည်တွေကို ဒေသအတွက် တင်ပို့လာရင်တော့ ရပါတယ်။ ဒါပေမဲ့ အတိုင်းအတာ ပမာဏ ရှိပါတယ်။ ဒီထက်ပိုလာရင် ကျွန်တော်တို့ လုပ်ထုံးလုပ်နည်းအတိုင်း ဆောင်ရွက်ပါမယ်" ဟု ဦးနေမင်းထက်က ပြောကြားသည်။

Read More

ရှမ်းပြည်နယ်အတွင်း အစိုးရနှင့် တိုင်းရင်းသားလက်နက်ကိုင် အဖွဲ့များ အပစ်အခတ် ရပ်စဲထားသော်လည်း ၂၀၁၃ ခုနှစ် မြန်မာနိုင်ငံ၏ ဘိန်းထုတ်လုပ်မှု ယမန်နှစ်ကထက် ၂၆ ရာခိုင်နှုန်း မြင့်တက်လာ

  Thursday, December 19, 2013



ရှမ်းပြည်နယ်အတွင်း တစ်နေရာတွင် စိုက်ပျိုးထားသော ဘိန်းခင်းများအား သက်ဆိုင်ရာက ဖျက်ဆီးနေစဉ်

ရှမ်းပြည်နယ်အတွင်း အစိုးရနှင့် တိုင်းရင်းသားလက်နက်ကိုင် အဖွဲ့များအကြား အပစ်အခတ် ရပ်စဲထားသော်လည်း ၂၀၁၃ ခုနှစ် မြန်မာနိုင်ငံ၏ ဘိန်းထုတ်လုပ်မှုမှာ ယခင်နှစ်ကထက် ၂၆ ရာခိုင်နှုန်း မြင့်တက်လာကြောင်း ကုလသမဂ္ဂ မူးယစ်နှင့် ရာဇ၀တ်မှုဆိုင်ရာရုံး (UNODC)၏ ထုတ်ပြန်ချက်အရ သိရသည်။

ဒီဇင်ဘာ ၁၈ ရက်က ထုတ်ပြန်ခဲ့သော အဆိုပါ ထုတ်ပြန်ချက်တွင် မြန်မာအစိုးရ အနေဖြင့် ဘိန်းထုတ်လုပ်မှုကို လျှော့ချရန် ကြိုးပမ်းနေသည့်ကြားမှ ထိုသို့ဘိန်းထုတ်လုပ်မှု မြင့်တက်လာရခြင်းမှာ ဒေသခံလယ်သမားများ အနေဖြင့် စားဝတ်နေရေး အခက်အခဲကို ဖြေရှင်းရန်အတွက် အခြားနည်းလမ်း မရှိသောကြောင့် ဖြစ်သည်ဟုလည်း ကုလသမဂ္ဂက ဒီဇင်ဘာ ၁၈ ရက်တွင် ပြောကြားသည်။

(UNODC) ၏ ခန့်မှန်းချက်အရ မြန်မာနိုင်ငံသည် ၂၀၁၃ ခုနှစ်တွင် ဘိန်းတန်ချိန် ၈၇၀ ထုတ်လုပ်မည်ဖြစ်ပြီး ကမ္ဘာပေါ်တွင် အာဖဂန်နစ္စတန်အပြီး ဘိန်းထုတ်လုပ်မှု ဒုတိယအများဆုံး နိုင်ငံအဖြစ် ဆက်လက်ရပ်တည်နေမည် ဖြစ်သည်။ ထိုပမာဏသည် ခုနစ်နှစ်ဆက်တိုက် ဘိန်းထုတ်လုပ်မှု ဆက်တိုက်မြင့်တက် လာခဲ့ခြင်းဖြစ်သည်။ ယခုနှစ်တွင် အာဖဂန်နစ္စတန်၏ ဘိန်းထုတ်လုပ်မှုသည် ၅၅၀၀ တန်ချိန်ထိ ရှိမည်ဖြစ်ပြီး ယမန်နှစ်က ထုတ်လုပ်မှုထက် ၄၉ ရာခိုင်နှုန်း မြင့်တက်လာခြင်းဖြစ်သည်။ အာရှတွင် မူးယစ်ဆေး လိုအပ်ချက် မြင့်မားလာမှုက မြန်မာနိုင်ငံ၏ ဘိန်းထုတ်လုပ်မှု မြင့်တက်လာခြင်း၏ အကြောင်းရင်းဖြစ်ကြောင်းကိုလည်း အစီရင်ခံစာတွင် ဖော်ပြထားသည်။

မြန်မာနိုင်ငံတွင် ဘိန်းစိုက်ပျိုးလေ့ရှိသော နယ်မြေများမှာ ကချင်ပြည်နယ်၊ ချင်းပြည်နယ်၊ ရှမ်းပြည်နယ်နှင့် ကယားပြည်နယ်တို့တွင် ဖြစ်ကြပြီး ရှမ်းပြည်နယ်တွင် ဘိန်းစိုက်ပျိုးမှု အများဆုံး ရှိနေသည်။ ရှမ်းပြည်နယ် အတွင်းရှိ အဓိကတိုင်းရင်းသား လက်နက်ကိုင်အဖွဲ့ ငါးဖွဲ့ခန့်ရှိနေပြီး "၀" သွေးစည်းညီညွတ်ရေး တပ်မတော် (UWSA)၊ မိုင်းလားအဖွဲ့ (NDAA)၊ ရှမ်းပြည်ပြန်လည် ထူထောင်ရေးကောင်စီ/ရှမ်းပြည်တောင်ပိုင်းတပ်မတော် (RCSS/SSA)၊ ရှမ်းပြည်တိုးတက်ရေးပါတီ/ရှမ်းပြည်မြောက်ပိုင်းတပ်မတော် (SSPP/SSA) နှင့် တအောင်း (ပလောင်)အမျိုးသားလွတ်မြောက်ရေး တပ်မတော် (TNLA/PSLF)တို့အပြင် အခြားအဖွဲ့များ၊ ပြည်သူ့စစ်အဖွဲ့များစွာ ရှိနေသည်။

ထိုအဖွဲ့များအနက် TNLA အဖွဲ့တည်းသာ အစိုးရနှင့် အပစ်အခတ် ရပ်စဲရေး သဘောတူညီချက် မရရှိထားသည့် အဖွဲ့ဖြစ်သည်။ TNLA အဖွဲ့သည် ရှမ်းပြည်နယ်အတွင်း ပြည်သူ့စစ်အဖွဲ့များ၏ ဘိန်းဖြန့်ဖြူးမှုများကို လိုက်လံဖမ်းဆီး တိုက်ခိုက်ရာမှ အစိုးရနှင့် မကြာခဏ တိုက်ပွဲဖြစ်ပွားနေသော အဖွဲ့ဖြစ်သည်။

UWSA၊ NDAA နှင့် RCSS/SSA၊ SSPP/SSA အဖွဲ့များမှာ အစိုးရနှင့် အပစ်အခတ်ရပ်စဲရေး ရယူထားသော အဖွဲ့များဖြစ်ပါသည်။ "၀" နှင့် "မိုင်းလား" အဖွဲ့မှာ မြန်မာနိုင်ငံ၏ ဘိန်းဖြန့်ဖြူးမှုနှင့် ပတ်သက်ပြီး သံသယဖြစ်သူများ စာရင်းတွင် ဆက်လက်ပါဝင် နေဆဲဖြစ်ပြီး RCSS/SSA နှင့် SSPP/SSA အဖွဲ့များမှာလည်း ၎င်းတို့ဒေသတွင်း၌ ရှိနေသော ဘိန်းခင်းများနှင့် ပတ်သက်ပြီး သံသယထားခံရသူများ စာရင်းတွင် ဆက်ရှိနေပါသည်။

အစိုးရနှင့် အပစ်အခတ် ရပ်စဲရေး မရခင်ကာလက အဖွဲ့များ၏ ရံပုံငွေနှင့် ဒေသခံများ၏ စားဝတ်နေရေးအတွက် ဘိန်းစိုက်ပျိုး ထုတ်လုပ်မှုမှာ အဓိကကျသော လုပ်ငန်းတစ်ခု ဖြစ်ခဲ့သော်လည်း အပစ်အခတ်ရပ်စဲရေး ရရှိပြီးနောက် ဘိန်းစိုက်ပျိုးထုတ်လုပ်မှုများ လျော့ကျသွားခြင်းမရှိဘဲ တိုးမြှင့်နေခြင်း ဖြစ်ပါသည်။

မြန်မာနိုင်ငံသည် ၂၀၁၃ ခုနှစ်တွင် ဘိန်းတန်ချိန် ၈၇၀ ထုတ်လုပ်မည်ဖြစ်ပြီး ကမ္ဘာပေါ်တွင် အာဖဂန်နစ္စတန်အပြီး ဘိန်းထုတ်လုပ်မှု ဒုတိယအများဆုံး နိုင်ငံအဖြစ် ဆက်လက်ရပ်တည်နေမည် ဖြစ်သည်။ ထိုပမာဏသည် ခုနစ်နှစ်ဆက်တိုက် ဘိန်းထုတ်လုပ်မှု ဆက်တိုက်မြင့်တက် လာခဲ့ခြင်းဖြစ်သည် . . . . .


သီးခြားအတည်မပြုနိုင်သေးသော ကိန်းဂဏန်းများအရ UWSA နှင့် RCSS/SSA၊ SSPP/SSA အဖွဲ့များတို့သည် အစိုးရက ထောက်ပံ့မှု အနေဖြင့် ပေးအပ်ထားသော ငြိမ်းချမ်းရေး ကားပါမစ်ကို တစ်ဖွဲ့လျှင် အစီး ၁၂၀ နှုန်းဖြင့် အစီးရေ ၄၀ အားလုံး အခွန်ကင်းလွတ်ခွင့်၊ ကျန်အစီးရေ ၆၀ အား ၆၀ ရာခိုင်နှုန်း အခွန်ဆောင်ခြင်းများဖြင့် ရရှိထားကြောင်း သိရသည်။

၂၀၁၂ ခုနှစ်အတွင်း ရရှိထားသော ကိန်းဂဏန်းများအရ ရှမ်းပြည်နယ်အတွင်း၌ မြို့နယ် ၅၅ မြို့နယ် ရှိသည့်အနက် ၄၉ မြို့နယ်တွင် ဘိန်းစိုက်ပျိုးမှုများ ရှိနေပြီး မြန်မာနိုင်ငံ၏ ဘိန်းစိုက်ပျိုးမှုများအနက် ၉၀ ရာခိုင်နှုန်းမှာ ရှမ်းပြည်နယ်မှ ဖြစ်သည်။ ထို့အပြင် မူးယစ်ဆေးဝါး ဖြန့်ချိရာ လမ်းကြောင်းသည် ရွှေတြိဂံနယ်မြေမှတစ်ဆင့် တရုတ်နိုင်ငံနှင့် လာအိုနိုင်ငံတို့ကို ဖြတ်ကျော်ပြီး ထိုင်းနှင့်ကျန်ရှိသော အရှေ့တောင်အာရှ နိုင်ငံများသို့ ရောက်ရှိကာ ကမ္ဘာအနှံ့ ပျံ့နှံ့သွားခြင်း ဖြစ်သည်။

အရှေ့တောင်အာရှ နိုင်ငံများနှင့် တရုတ်နိုင်ငံတောင်ပိုင်းတို့ စီးပွားရေး ပူးပေါင်းဆောင်ရွက်မှု မြှင့်တင်နေခြင်းနှင့် အခြေခံအဆောက်အဦများ တိုးမြှင့်နေခြင်းက မူးယစ်ကုန်သွယ်မှု အတွက်လည်း အခွင့်အရေးများ ဖြစ်ပေါ်နေစေသည့်အတွက် ယခုအစီရင်ခံစာ ရလဒ်သည် အထူးအရေးကြီးကြောင်း ကုလသမဂ္ဂကလည်း ဒီဇင်ဘာ ၁၈ ရက်တွင် ပြောကြားသည်။

"အသေအချာ ဖွဲ့စည်းထားတဲ့ မူးယစ်အဖွဲ့အစည်းတွေက ဒေသတွင်းနိုင်ငံများ ပူးပေါင်းဆောင်ရွက်ရေး အခြေအနေကို အခွင့်ကောင်းယူနေ ကြပါတယ်" ဟု အရှေ့တောင်အာရှနှင့် ပစိဖိတ်ဒေသ UNODC ကိုယ်စားလှယ် ဂျယ်ရမီဒေါက်ကလပ်စ်က ဆိုသည်။ အစီရင်ခံစာ၏ ဖော်ပြချက်အရ အရှေ့နှင့် အရှေ့တောင်အာရှတွင် မူးယစ်ဆေးများ ဖမ်းဆီးရမိမှုသည် တစ်နှစ်ထက်တစ်နှစ် ပိုမိုမြင့်မားလာနေကြောင်း သိရသည်။



ရှမ်းပြည်နယ် တစ်နေရာတွင် စိုက်ပျိုးထားသော ဘိန်းခင်းအား သက်ဆိုင်ရာက ဖျက်ဆီးနေသည်ကို တွေ့ရစဉ်

"ဒီအချက်အလက်တွေက ဘာကိုဖော်ပြနေလဲဆိုရင် အဲဒီမှာရှိတဲ့ လူတွေအတွက် တကယ်ကို ၀င်ငွေရရှိစေနိုင်တဲ့ နည်းလမ်းတွေနဲ့ အကူအညီပေးမှုတွေ အများကြီး လိုနေသေးတာကို ရှင်းရှင်းလင်းလင်း ဖော်ပြနေတာပါ။ ရွာသူရွာသားတွေဟာ အစားအသောက် မလုံလောက်မှုနဲ့ ဆင်းရဲမွဲတေမှုတွေကို ခံစားနေရတယ်။ အဲဒါကို အကူအညီပေးနိုင်အောင် ကြိုးစားရပါမယ်။ အဲလိုမှ မဟုတ်ဘူးဆိုရင် ဒီလူတွေက ဆက်ပြီးဘိန်းစိုက်ပျိုးနေဦး မှာပါပဲ" ဟု UNODC မှ စီမံအုပ်ချုပ်မှု ဒါရိုက်တာ Yury Fedotov က ပြောကြားသည်။

အစီရင်ခံစာက ဆက်လက်ဖော်ပြရာတွင် ဘိန်းစိုက်ပျိုးမှုသည် တည်ငြိမ်အေးချမ်းမှုနှင့် လုံခြုံမှု ကင်းမဲ့နေခြင်းတို့နှင့်လည်း ယေဘူယျအားဖြင့် ဆက်စပ်လျက်ရှိပြီး အဆိုပါဒေသများတွင် နိုင်ငံရေးစီးပွားရေး အဖြေရှာရန် လိုအပ်နေကြောင်းကို ညွှန်ပြနေသည်ဟု ဖော်ပြခဲ့သည်။

မြန်မာနိုင်ငံသည် ၂၀၁၄ ခုနှစ်အရောက်တွင် ဘိန်းစိုက်ပျိုးမှု ကင်းစင်ရမည်ဟု ၁၉၉၉ ခုနှစ်တွင် ကြေညာချက် ထုတ်ပြန်ခဲ့ပြီး ၂၀၀၆ ခုနှစ်ထိ ဘိန်းစိုက်ပျိုးမှု ၃၁၅ တန်ထိရောက်အောင် ကျဆင်းသွားခဲ့သည်။ သို့သော် ထိုနောက်ပိုင်းတွင်တော့ ဘိန်းစိုက်ပျိုးမှု ဆက်တိုက်မြင့်တက် လာခဲ့သည်။ မြန်မာနိုင်ငံသည် ၁၉၈၀ ပြည့်နှစ် ၀န်းကျင်များက ကမ္ဘာပေါ်တွင် ဘိန်းထုတ်လုပ်မှု အမြင့်ဆုံး နိုင်ငံတစ်နိုင်ငံဖြစ်ပြီး ၁၉၉၁ ခုနှစ်တွင် အာဖဂန်နစ္စတန်က မြန်မာနိုင်ငံ၏ နေရာကို ၀င်ယူခဲ့ပြီး ကမ္ဘာ့အမြင့်ဆုံး ဘိန်းထုတ်လုပ်သည့် နိုင်ငံတစ်နိုင်ငံ ဖြစ်လာသည်။

Read More

မြ၀တီနယ်စပ်မှ တစ်ဖက်နိုင်ငံသို့ တစ်ပတ်အတွင်း လယ်ယာထွက်ကုန် ကန်ဒေါ်လာ ၀ ဒသမ ၁၆၁ သန်းဖိုး တင်ပို့နိုင်ခဲ့

  Thursday, December 19, 2013



မြန်မာ-ထိုင်း နယ်စပ်ဂိတ် ချစ်ကြည်ရေးတံတားကို တွေ့ရစဉ်

မြ၀တီနယ်စပ် ကုန်သွယ်ရေးစခန်းမှ ပြီးခဲ့သည့် နိုဝင်ဘာက ပို့ကုန်တင်ပို့မှုမှာ သွင်းကုန်ထက် ခြောက်ဆကျော် လျော့ကျခဲ့သော်လည်း ယခုလတွင် တစ်ဖက်နိုင်ငံသို့ တစ်ပတ်အတွင်း လယ်ယာထွက်ကုန်ပစ္စည်း ကန်ဒေါ်လာ ၀ ဒသမ ၁၆၁ သန်း တင်ပို့ခဲ့၍ ပို့ကုန်တင်ပို့မှု မြင့်တက်လာနိုင်ကြောင်း သိရသည်။

မြန်မာ-ထိုင်း နယ်စပ်ရှိ မြ၀တီနယ်စပ် ကုန်သွယ်ရေးဇုန်မှ တစ်ဖက်ထိုင်းနိုင်ငံသို့ တင်ပို့ရာတွင် ဒီဇင်ဘာ ၄ ရက်မှ ၁၀ ရက်အတွင်း လယ်ယာထွက်ကုန်များဖြစ်သော နနွင်းတက် တန် ၂၀၊ ငရုတ်သီးခြောက် ၃၇ တန်၊ ဆန်တန် ၁၀၀ နဲ့ ကြက်သွန်နီ တန် ၁၀၀ တင်ပို့နိုင်ခဲ့ပြီး တန်ဖိုးအားဖြင့် ကန်ဒေါ်လာ ၀ ဒသမ ၁၆၁ သန်းရှိကြောင်း သိရသည်။

"ယခုလမှာ ဆန်၊ ဆန်ခွဲနဲ့ လယ်ယာထွက်ကုန်၊ သတ္တုခနောက်စိမ်းတွေလည်း တရားဝင် ပို့လာနိုင်တဲ့အတွက် ပို့ကုန်ပြန်လည် မြင့်တက်လာနိုင်ပါတယ်။ ပြီးခဲ့တဲ့လကတော့ ပဲမျိုးစုံ၊ ငရုတ်သီးခြောက်၊ မြေပဲဆန်နဲ့ ရေထွက်ပစ္စည်းများကိုပဲ တင်ပို့ခဲ့ပါတယ်" ဟု မြ၀တီ နယ်စပ်စခန်းမှ တာဝန်ရှိသူ တစ်ဦးက ပြောကြားသည်။

မြ၀တီ နယ်စပ်ကုန်သွယ်ရေး စခန်းမှ ယခင်အပတ်က မြေပဲဆန် တစ်မျိုးတည်းသာ တင်ပို့နိုင်ခဲ့ပြီး နနွင်းတက်၊ ငရုတ်သီးခြောက်၊ ဆန်နဲ့ကြက်သွန်နီတို့ တင်ပို့နိုင်ခဲ့ခြင်း မရှိခဲ့ကြောင်း၊ ယခုအပတ်တွင်လည်း မြေပဲဆန်တင်ပို့မှု မရှိသေးဟု ဆိုသည်။

မြ၀တီနယ်စပ်မှ နိုဝင်ဘာလ အတွင်းက ပြည်ပသို့တင်ပို့ရာတွင် လယ်ယာထွက် ပစ္စည်းများဖြစ်သည့် ပဲမျိုးစုံ၊ ငရုတ်သီးခြောက်၊ မြေပဲဆန်နှင့် ရေထွက်ပစ္စည်းများဖြစ်သော ငါး၊ ကဏန်းနှင့် ပုစွန်တို့သာ တင်ပို့နိုင်ခဲ့ပြီး ပမာဏအားဖြင့် ၃ ဒသမ ၂၇၂ ဒေါ်လာသန်းဖိုးသာ ကုန်သွယ်နိုင်ခဲ့ကြောင်း သိရသည်။

ပြီးခဲ့သည့် နိုဝင်ဘာလအတွင်းက ရေထွက်ပစ္စည်း ငါး၊ ပုစွန်တင်ပို့မှုတွင် တန်ချိန် ၄၀၄ ဒသမ ၁၂၃ တန် တင်ပို့နိုင်ခဲ့၍ တန်ဖိုးအားဖြင့် ဒေါ်လာ ၀ ဒသမ ၉၉၇ သန်း တင်ပို့ခဲ့ကာ လယ်ယာထွက် ပစ္စည်းဖြစ်သည့် မတ်ပဲ ၅၉ တန်၊ တန်ဖိုး (ဒေါ်လာ ၀ ဒသမ ၀၃၆ သန်း)၊ ပဲမျိုးစုံ၊ မြေပဲဆန် ၁၆၃၆ ဒသမ ၉၇၂ တန် တင်ပို့နိုင်ခဲ့ကာ အာလူး၊ ငရုတ်သီးခြောက်များလည်း တင်ပို့ခဲ့ကြောင်း သိရသည်။

Read More

ကျပ်သုံးသောင်းကျသင့်ကာ အချိန် ၁၂ နာရီကြာမြင့်မည့် ရန်ကုန်-ဘန်ကောက် နေ့ချင်းရောက် ခရီးစဉ်ကို Yangon Air Bus-Taxi ကုမ္ပဏီမှ ၂၀၁၄ ခုနှစ်တွင် စတင်ပြေးဆွဲမည်

Thursday, December 19, 2013



ခရီးစဉ်ပြေးဆွဲမည့် နှစ်ထပ်ဘတ်စ်ကားအား တွေ့ရစဉ်

ကျပ် ၃၀၀၀၀ ကျသင့်ကာ အချိန် ၁၂ နာရီ ကြာမြင့်မည့် ရန်ကုန်-ဘန်ကောက် နေ့ချင်းရောက် ခရီးစဉ်ကို Yangon Air Bus-Taxi ကုမ္ပဏီမှ အဲကွန်းနှစ်ထပ် ဘတ်စ်ကားဖြင့် ၂၀၁၄ ခုနှစ်တွင် စတင်ပြေးဆွဲရန် စီစဉ်နေကြောင်း သိရသည်။

"ရန်ကုန်-ဘန်ကောက် နေ့ချင်းရောက် ပြေးဆွဲပေးမှာ ဖြစ်ပါတယ်။ လက်မှတ်ခ အနေနဲ့ကတော့ တစ်ဦးကို ကျပ် ၃၀၀၀၀ ကျသင့်မှာဖြစ်ပြီး နိုင်ငံခြားသားဆိုရင် အမေရိကန်ဒေါ်လာ ၄၀ ကျသင့်မှာ ဖြစ်ပါတယ်။ ခရီးစဉ်ကို လိုက်ပါမယ့် ခရီးသည်တွေ အနေနဲ့ နိုင်ငံကူးလက်မှတ် လိုအပ်မှာ ဖြစ်ပါတယ်။ မြ၀တီကို ရောက်ရင်တော့ Free Visa အတွက် ဘတ် ၅၀ ပေးသွင်းရမှာ ဖြစ်တယ်။ Free Visa နဲ့ဆိုရင် ရက်ပေါင်း ၄၅ ရက်လောက် ထိုင်းမှာနေလို့ရမှာပါ။ နိုင်ငံကူးလက်မှတ် မပါဘူး။ Free Visa မလုပ်တဲ့ ခရီးသည်တွေက မဲဆောက်မှာ ခရီးဆုံးမှာ ဖြစ်ပါတယ်" ဟု Yangon Air Bus-Taxi လိုင်းသစ်ကုမ္ပဏီ ဥက္ကဋ္ဌ ဦးဇွန်မောင်မောင်က ပြောကြားသည်။

ခရီးစဉ်တွင် အသုံးပြုမည့် အဲကွန်းနှစ်ထပ် ဘတ်စ်ကားများကို ကိုရီးယားနှင့် ဂျပန်နိုင်ငံရှိ ခရီးသည်တင် ဘတ်စ်ကားထုတ် ကုမ္ပဏီများမှ တင်သွင်းရောင်းချသည့် ကားများကို ပြန်လည်ဝယ်ယူ ထားခြင်းဖြစ်ပြီး ခရီးသည် ၁၂၀ စီးနင်းနိုင်မည်ဖြစ်ကြောင်း သိရသည်။

ရန်ကုန်-ဘန်ကောက် နေ့ချင်းရောက် ခရီးစဉ် ပြေးဆွဲရာတွင် (၁) ရန်ကုန်-ဘားအံ-မြ၀တီ-မဲဆောက်-ဘန်ကောက်ခရီးစဉ်၊ (၂) ရန်ကုန်-ထားဝယ်-ထီးခီး-ကန်ချနာပူရီ-ဘန်ကောက်ခရီးစဉ်၊ (၃) ရန်ကုန်-ထားဝယ်-မြိတ်-မောတောင်-ပရာကျွတ် ခရီးစဉ်၊ (၄) ရန်ကုန်-ထားဝယ်-မြိတ်-ကော့သောင်း-ရနောင်း-ဟိုင်းဂျိုင်း-ပီနန်-ကွာလာလမ်ပူ ခရီးစဉ်၊ (၅) ရန်ကုန်-နေပြည်တော်-မန္တလေး-လားရှိုး-မူဆယ်-ရွှေလီ-ယူနန်-ကူမင်း ခရီးစဉ်၊ (၆) ရန်ကုန်-နေပြည်တော်-မန္တလေး-မုံရွာ-ကလေး-တမူး-မိုးရေး-အင်ဖာလ်ခရီးစဉ်နှင့် (၇) ရန်ကုန်-နေပြည်တော်-မန္တလေး-တောင်ကြီး-ကျိုင်းတုံ-တာချီလိတ်-ချင်းမိုင်-ဘန်ကောက်ခရီးစဉ်ဟူ၍ သတ်မှတ်ထားကြောင်း သိရသည်။

ခရီးစဉ်ကို ရန်ကုန်မြို့ ကမ်းနားလမ်းရှိ ကျန်းမာရေးဆိပ်ကမ်း ကားဝင်းမှ နံနက် ၆ နာရီ စတင်ထွက်ခွာမည်ဖြစ်ပြီး ဘားအံမြို့သို့ နံနက် ၁၀ နာရီ၊ ကော့ကရိတ်မြို့သို့ နံနက် ၁၁ နာရီ၊ မြ၀တီမြို့သို့ မွန်းလွဲ ၁ နာရီတွင် ရောက်ရှိမည်ဖြစ်ပြီး မဲဆောက်မြို့မှ ဘန်ကောက်မြို့သို့ မွန်းလွဲ ၂ နာရီတွင် ထွက်ခွာမည်ဖြစ်ပြီး ဘန်ကောက်မြို့သို့ ည ၆ နာရီတွင် ရောက်ရှိမည်ဖြစ်ပြီး ခရီးစဉ်အတွက် စုစုပေါင်းအချိန် ၁၂ နာရီ ကြာမြင့်မည်ဖြစ်ပြီး တစ်ရက်ခြားစီ ပြေးဆွဲမည်ဟု သိရသည်။

Read More

ဂျပန်နိုင်ငံက အမေရိကန်ဒေါ်လာ ၂၉၂ သန်းကျော်မြှုပ်နှံရန် ခွင့်ပြုချက် ရယူထားသော်လည်း သက်တမ်းကုန်ဆုံးမှုနှင့် လုပ်ငန်းဖျက်သိမ်းမှုများကြောင့် မြှုပ်နှံမှုပမာဏ ဒေါ်လာ ၁၈၉ သန်းကျော်သာရှိ

Thursday, December 19, 2013



နိုဝင်ဘာလ နောက်ဆုံးပတ်တွင် ဖွင့်လှစ်ခဲ့သော သီလ၀ါ အထူးစီးပွားရေးဇုန် စီမံကိန်းတည်ဆောက်မှု စတင်ခြင်းအခမ်းအနားအား တွေ့ရစဉ် (ဓာတ်ပုံ-နီလာဦး)

ဂျပန်နိုင်ငံက မြန်မာနိုင်ငံ၏ လုပ်ငန်းများတွင် အမေရိကန်ဒေါ်လာ ၂၉၂ သန်းကျော် ၀င်ရောက်မြှုပ်နှံရန် ခွင့်ပြုချက် ရယူထားသော်လည်း သက်တမ်းကုန်ဆုံးမှုနှင့် လုပ်ငန်းဖျက်သိမ်းမှုများကြောင့် လက်ရှိအချိန်တွင် မြှုပ်နှံမှုပမာဏမှာ အမေရိကန်ဒေါ်လာ ၁၈၉ သန်းကျော်ရှိကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနမှ သိရသည်။

မြန်မာနိုင်ငံတွင် နိုင်ငံခြား ရင်းနှီးမြှုပ်နှံမှု ဥပဒေကို ပြဋ္ဌာန်းခဲ့ပြီး ၁၉၈၈ ခုနှစ်နောက်ပိုင်းမှစ၍ ပြည်ပနိုင်ငံများမှ ၀င်ရောက်မြှုပ်နှံမှု ပြုလုပ်ရန်အတွက် ခွင့်ပြုချက် ရယူခဲ့သည့် နိုင်ငံများတွင် ဂျပန်နိုင်ငံလည်း တစ်နိုင်ငံ အပါအ၀င်ဖြစ်ပြီး မြန်မာနိုင်ငံ၏ လုပ်ငန်းများတွင် ၀င်ရောက်မြှုပ်နှံမှုများ ပြုလုပ်ခဲ့ရာ နှစ်ပေါင်းများစွာ ကြာရှည်လာသည်နှင့်အမျှ လုပ်ငန်းစီမံကိန်းများတွင် လုပ်ကိုင်ခွင့်သက်တမ်းပြည့်၍ ပြန်လည်ထွက်ခွာသွားသော လုပ်ငန်းများ၊ သက်တမ်းကုန်ဆုံးသည့် ကုမ္ပဏီများနှင့် လုပ်ငန်းအရှုံးပေါ်၍ ဖျက်သိမ်းသွားသော လုပ်ငန်းများကြောင့် ယင်းကဲ့သို့ လျော့နည်းသွားခြင်းဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနမှ တာဝန်ရှိသူ တစ်ဦးက ရှင်းပြခဲ့သည်။

လုပ်ငန်းအားဖြင့် ဆိုပါက လုပ်ငန်းပေါင်း ၄၀ တွင် ၀င်ရောက်မြှုပ်နှံရန် ခွင့်ပြုချက် ရယူထားခြင်းဖြစ်ပြီး ၂၀၁၃ ခုနှစ် နိုဝင်ဘာလကုန်အထိ စာရင်းများအရ လုပ်ငန်းပေါင်း ၂၉ ခုသာ ၀င်ရောက်လုပ်ကိုင်မှုများ ရှိတော့ကြောင်း သိရသည်။

၂၀၁၃ ခုနှစ်အတွင်း၌ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနသို့ ဂျပန်နိုင်ငံမှ စီးပွားရေး လုပ်ငန်းရှင်များ လာရောက်၍ မြန်မာနိုင်ငံ၏ စီးပွားရေး အခွင့်အလမ်းဆိုင်ရာများ၊ ဥပဒေနှင့် လုပ်ထုံးလုပ်နည်းများကို ဆွေးနွေးမေးမြန်းမှု အများဆုံးဖြစ်ခဲ့ကြောင်း ညွှန်ကြားရေးမှူးချုပ် ဦးအောင်နိုင်ဦးက ဆိုသည်။

သို့သော် ဂျပန်နိုင်ငံအနေဖြင့် ၀င်ရောက်မြှုပ်နှံမှု ပြုလုပ်ရာတွင် အလုံးအရင်းနှင့် ၀င်ရောက်မြှုပ်နှံခြင်း မရှိသေးဘဲ ဟောင်ကောင်၊ ဗြိတိန်၊ ကိုရီးယား၊ စင်ကာပူနှင့် မလေးရှားနိုင်ငံတို့မှ ဆက်တိုက်ဝင်ရောက် မြှုပ်နှံမှုများ ပြုလုပ်ကာ ဂျပန်နိုင်ငံ၏ ရင်းနှီးမြှုပ်နှံမှု ပမာဏထက် ပိုများကြောင်း သိရသည်။

JETRO (ရန်ကုန်)မှ Executive Managing Director ဖြစ်သူ Mr.Masaki Takahara က "ဂျပန်နိုင်ငံရဲ့ ရင်းနှီးမြှုပ်နှံမှု ပမာဏက အခြားနိုင်ငံတွေနဲ့ ယှဉ်ရင်တော့ နည်းနေသေးတယ်။ နောက်ပိုင်းမှာ ဂျပန်ရဲ့ ရင်းနှီးမြှုပ်နှံမှုတွေ တိုးတက်လာမှာပါ။ အခုလောလောဆယ်မှာတော့ ဂျပန်လုပ်ငန်းရှင်တွေ အနေနဲ့ မြန်မာနိုင်ငံရဲ့ အထည်ချုပ်နဲ့ ကုန်ထုတ်လုပ်ငန်းတွေမှာ အများဆုံး ၀င်ရောက်လုပ်ကိုင်နေပြီး အခြားကဏ္ဍတွေမှာလည်း ၀င်ရောက်မြှုပ်နှံဖို့အတွက် လေ့လာစုံစမ်းမှုတွေ ပြုလုပ်နေပါတယ်" ဟု ပြောကြားသည်။

မြန်မာနိုင်ငံတွင် ဂျပန်နိုင်ငံ၏ ရင်းနှီးမြှုပ်နှံမှု ပမာဏအရ ရပ်တည်မှုအဆင့် ၁၁ နေရာတွင် ရပ်တည်နေပြီး နံပါတ် ၁ နေရာတွင် တရုတ်နိုင်ငံနှင့် နံပါတ် ၂ နေရာတွင် ထိုင်းနိုင်ငံတို့မှ မြှုပ်နှံမှုပမာဏ အများဆုံးဖြင့် ရပ်တည်နေကြောင်း သိရသည်။

Read More

ကွမ်းလုံကြိုးတံတားအနီးဗုံး လူ ၃ ဦးသေ

Thursday, December 19, 2013

တရုတ်-မြန်မာနယ်စပ်ဒေသက နာမည်ကျော် ကွမ်းလုံကြိုးတံတားအနီးမှာ အင်အားပြင်းထန်တဲ့ ပေါက်ကွဲမှုတခု ဖြစ်ပွားခဲ့တာကြောင့် အနည်းအဆုံး လူ ၃ ယောက်သေဆုံးခဲ့ပြီး ၂ ယောက် ဒဏ်ရာရခဲ့ပါတယ်။ ဒီပေါက်ကွဲမှုဟာ လေးလုံးထိုး ထော်လာဂျီယာဉ်ပေါ်က ပေါက်ကွဲတာလို့ ဒေသခံတွေက ပြောဆိုပေမဲ့ ကွမ်လုံရဲတပ်ဖွဲ့ကတော့ ဗုံးဟောင်းတစ်လုံး ပေါက်တာဖြစ်တယ်လို့ ပြောပါတယ်။ အပြည့်အစုံကိုတော့ ရန်ကုန်အခြေစိုက် ဗွီအိုအေသတင်းထောက် ကိုမိုးဇော်က သတင်းပေးပို့ထားပါတယ်။

ရှမ်းပြည်နယ်မြောက်ပိုင်း ကွမ်းလုံမြို့မှာဖြစ်ခဲ့တဲ့ ပေါက်ကွဲမှုဟာ အင်္ဂါနေ့ညနေပိုင်း ၃ နာရီ ၀န်းကျင်လောက်မှာ ပေါက်ကွဲခဲ့တာဖြစ်ပါတယ်။ ဒီပေါက်ကွဲမှုဖြစ်ပွားပုံကို ကွမ်းလုံမဲဆန္ဒနယ်က ပြည်သူ့လွှတ်တော်ကိုယ်စားလှယ် ဦးဟော်ရှောက်ချန်းက အခုလို ပြောပါတယ်။

“ကွဲတာက ကွမ်လုံတံတားနဲ့ ကိုက် ၁၀၀ လောက်ပဲကွာတယ်။ ကွဲတယ်ဆိုတာ ဒီလို ကြီးကြီးမားမားကွဲတယ်။ အဲ့လောက်ကွဲဖူးတာ ဘယ်လောက်ထိဖြစ်ရတယ်ဆိုတာ ကျနော်တို့ ဘေးပတ်ဝန်းကျင်မှာ ရှိတာတောင်မှ မှန်ကွဲသေးတယ်။ မြို့ထဲမှာလည်း မှန်ကွဲတယ်။ ခရိုင်ရုံး၊ မြို့နယ်ရုံး ပတ်ဝန်းကျင်လည်း မှန်ကွဲသွားပါတယ်။ ကွဲတဲ့နေရာက တော်တော်ဝေးတယ်နော်။ ရုံးနဲ့ဆိုရင်တော့ ကိုက်ကတော့ ၃၀၀ လောက်ရှိတယ်။”

ပေါက်ကွဲမှုကြောင့် ၃ ပေလောက်နက်တဲ့ ကျင်း ဖြစ်သွားတယ်လို့လည်း ပြောပါတယ်။ ဦးဟော်ရှောက်ချန်းက ပေါက်ကွဲမှုကြောင့် လတ်တလော သေဆုံးသူ ၄ ယောက်ရှိတယ်လို့ ပြောပါတယ်။

“အခု သေသွားတာက ၄ ယောက်၊ ၄ ယောက်မှာ Asia World က အလုပ်သမားက ၂ ယောက်၊ နောက် နတလက ကျောင်းဆရာ ၁ ယောက်သေသွားတယ်။ နောက်တခါ တပ်က ဒီကောင်တွေက မြို့ထဲသွားတဲ့ကောင်တွေ အနီးနားထိတော့ အဲ့ကောင်လည်း သေသွားတယ်။”

ပြည်သူ့လွှတ်တော်ကိုယ်စားလှယ် ဦးဟော်ရှောက်ချန်းကတော့ ဒီပေါက်ကွဲမှုဟာ လေးလုံးထိုး ထော်လာဂျီပေါ်က ပေါက်ကွဲတာဖြစ်တယ်။ ယာဉ်ပေါ်ပါလာတဲ့ အမျိုးသမီးတယောက်၊ အမျိုးသားတယောက်သေဆုံးဖွယ်ရှိကြောင်းနဲ့ ပေါက်ကွဲမှုကြောင့် ထော်လာဂျီဟာ တစစီ ဖြစ်သွားသလို ယာဉ်ပေါ်ပါသူတွေကိုလည်း အစအန ရှာမရတော့ဘူးလို့ ပြောပါတယ်။

“လေးလုံးထိုးထော်လာဂျီနော်၊ ဒီကောင် ကားပေါ်တင်ထားတဲ့ ယမ်းဆိုတာ ဘယ်သူမှမသိဘူးလေ။ ကားပေါ်မှာက မိန်းကလေး ၁ ယောက်ပါတယ်။ ယောကျာ်း ၁ ယောက်ပါတယ်။ ကားပေါ်ပါတာ အစတောင် ရှာလို့မတွေ့ဘူး။ ဒီထော်လာဂျီဟာ အပိုင်းအစ တချို့ဆို ဘယ်ရောက်သွားမှန်းတောင် မသိတော့ဘူး။”

ဒီပေါက်ကွဲမှုနဲ့ပတ်သက်ပြီး ကွမ်းလုံရဲစခန်းကို ဆက်သွယ်မေးမြန်းရာမှာတော့ တာဝန်ကျရဲအရာရှိတဦးက အခုလို ပြောပါတယ်။

“မနေ့က ၁၇ ရက် ၂ နာရီ ၄၅ မိနစ်မှာ ပေါက်ကွဲမှုဖြစ်တာပါ။ ကွမ်လုံတံတားနဲ့ ၂ ဖာလုံလောက်တော့ ဝေးပါတယ်ခင်ဗျ။ အဲ့ဒီမှာ လူကြီးပိုင်းတွေကလည်း လိုက်ပြီးတော့ စစ်ဆေးနေပါတယ်။ ဗုံးအဟောင်းဆိုပြီးတော့ပဲ သူတို့ ယူဆနေကြတာပဲ။ ဟုတ်ကဲ့ခင်ဗျ ထော်လာဂျီနဲ့တင်တယ်လို့တော့ လူကြီးပိုင်းက မသုံးသပ်ပါဘူးခင်ဗျ။ နဂိုလက်ကျန် ဗုံးအဟောင်းကနေ မြေတူးဆွရင်းနဲ့ ပေါက်ကွဲတယ်ဆိုတာပဲ ထွက်လာတာပါ။ ပေါက်ကွဲမှုကတော့ တော်တော်လေး ပြင်းပါတယ်။ ဒါပေမဲ့ ထော်လာဂျီကနေ ဆိုတာကလည်း ဘယ်သူမှကို ပြောလို့မရသေးဘူးခင်ဗျ အခုအချိန်မှာ။ လူကြီးပိုင်းတွေအားလုံးက အခုအချိန်မှာ လိုက်လံစစ်ဆေးတယ်။ ထော်လာဂျီကိစ္စတွေ လိုက်ပြီး ဖော်ထုတ်နေကြတယ်။ သေဆုံးသူ ၃ ဦးတော့ ရှိပါတယ်ခင်ဗျ။ ဒဏ်ရာရတဲ့သူကတော့ ၂ ဦးပါ။”

သေဆုံးသူတွေကတော့ ကွမ်းလုံစစ်ဗျူဟာက ဒုတပ်ကြပ် ၁ ဦးနဲ့ Asia World ကုမ္ပဏီက လုပ်သား ၂ ဦးဖြစ်ကြောင်း၊ ဒဏ်ရာရသူတွေကတော့ Asia World လုပ်သား ၁ ဦးနဲ့ နယ်စပ်ဒေသနဲ့ တိုင်းရင်းသား လူမျိုးများ ဖွံ့ဖြိုးတိုးတက်မှု အကောင်အထည်ဖော်ရေး လုပ်ငန်းကော်မတီ (နတလ) က နည်းပြဆရာ ၁ ဦးဖြစ်ကြောင်းနဲ့ နောက် ဒီပေါက်ကွဲမှုဟာ ဘာကြောင့်ဆိုတာ တိတိကျကျ မဖော်ထုတ်နိုင်သေးသလို ဘယ်သူ့လက်ချက်ဆိုတာလည်း သုံးသပ်တာ မရှိသေးကြောင်း ကွမ်းလုံက တာဝန်ကျ ရဲအရာရှိက ပြောပါတယ်။
ကွမ်းလုံမြို့ပေါက်ကွဲမှုဟာ မြန်မာနိုင်ငံမှာ အရှေ့တောင်အာရှ အားကစားပြိုင်ပွဲကျင်းပနေတာကြောင့် လုံခြုံရေးအရ အထူးသတိထားချိန်မှာ ပေါက်ကွဲခဲ့တာဖြစ်ပြီး ဒီလ ၈ ရက်နေ့ကလည်း ရှမ်းပြည်နယ် တောင်ကြီးမြို့မှာ ပေါက်ကွဲမှုတခု ဖြစ်ပွားခဲ့ပါတယ်။ တောင်ကြီးမြို့ ပေါက်ကွဲမှုကိုတော့ ဗုံးပေါက်ကွဲတာမဟုတ်ဘဲ ငါးမိုင်းခွဲဖို့ ပြင်ဆင်ရာကနေ ပေါက်ကွဲတာဖြစ်ကြောင်း ရှမ်းပြည်နယ် ရဲတပ်ဖွဲ့က သတင်းထုတ်ပြန်ပါတယ်။

ပြီးခဲ့တဲ့ အောက်တိုဘာလအတွင်းကတော့ ရန်ကုန်၊ မန္တလေး၊ စစ်ကိုင်း၊ တောင်ငူနဲ့ နမ့်ခမ်းမြို့တွေမှာ ဗုံး ၈ လုံးပေါက်ကွဲခဲ့သလို၊ မပေါက်ကွဲသေးတဲ့ ဗုံး ၄ လုံး တွေ့ရှိခဲ့ပါတယ်။ ရှမ်းပြည်နယ်မြောက်ပိုင်း ကွမ်းလုံမြို့က သံလွင်ကို ဖြတ်ပြီး တည်ဆောက်ထားတဲ့ ကွမ်းလုံကြိုးတံတားဟာ ၁၉၇၁ နိုဝင်ဘာကနေ ၁၉၇၂ ဇန်န၀ါရီထိ ဗမာပြည်ကွန်မြူနစ်ပါတီနဲ့ မြန်မာစစ်တပ်တို့အကြား ရက် ၄၀ ကျော်ကြာ တိုက်ပွဲကြောင့် မြန်မာပြည်မှာ လူသိများထင်ရှားတာလည်း ဖြစ်ပါတယ်။

Read More