Terry Richardson ရဲ့ဓါတ်ပုံ ရိုက်ကွင်းအတွင်း မှတွေ့ရှိခဲ့ရတဲ့ မိုင်လိဆိုင်းရပ်

Miley Cyrus ရဲ့ Photoshoot ကနေ ဒီနေ့ ပုံအသစ်တွေ အများကြီး ထွက်လာ ပါတယ်။ အကုန်လုံးက အဟမ်း.. ပြောရရင် NSFW [Not Safe For Work] တွေပါ။ ကိုယ့်ဟာနဲ့ ကိုယ် ဘေး ပတ်ဝန်းကျင် ကြည့်ပြီးမှ Link ကိုနှိပ် ကြပါရန်


10 Pictures Of Miley Cyrus In A Very NSFW Photoshoot
Miley Cyrus is at it again, are you really that surprised?
October 4, 2013



Because anything Miley Cyrus related is hot fire these days we now give you a very very NSFW photoshoot by Terry Richardson. Its not the the full 9 yards of amazing but none the less haters and lovers alike of miss Cyrus will indeed have something to say about this very raw set of pictures. What do you think internets?

Shout out to Dave Lee for the heads up on this show stopper.



























Photo cred – Terry Richardson

Read More

အသက် ၁၈ နှစ်ပြည့် မှ ဖတ်ပါ - Medical abortion (1) ကိုယ်ဝန်ကို ဆေးသုံး ဖျက်ခြင်း (၁)

ဆေးပညာမှာ ပါလို့ သိစေဘို့သာ ရေးတာပါ။ ဒီအတိုင်းလုပ်ပါလို့ မညွှန်းပါ။ ကျွန်တော်က မြန်မာပြည်က ဆေးပညာ ဘွဲ့ရထားတာမို့ ကျင့်ဝတ်အရ Induced abortion ကိုယ်ဝန်ကို တမင်ပျက်အောင် လုပ်လဲမပေး၊ အကြံလဲမပေးပါ။ Incomplete abortion ကိုယ်ဝန် တဝက်တပျက် ပျက်သူနဲ့ Septic abortion ကိုယ်ဝန်ပျက်ရင်း ပိုးဝင်နေသူတွေကိုတော့ ဆေးကုပေးပါတယ်။ အထဲမှာ နေခွင့်မရှိလို့ အပြင်မှာနေရပေမဲ့ ကျင့်ဝတ်ဟောင်းဟာ နေရာပြောင်းတာနဲ့ လိုက်ပြောင်းရတယ် မထင်ပါ။

Medical abortion ကိုယ်ဝန်ကို ဆေးနဲ့ဖျက်ဘို့ Mifepristone ဆေးကို ပြင်သစ်မှာ စသုံးခဲ့တယ်။ ၄၉ ရက် ကိုယ်ဝန် ၆ဝ% ပျက်ကျတယ်။ ဆေး ၂ မျိုးတွဲ RU 486 ကို ၂၈-၉-၂ဝဝဝ နေ့မှာ FDA ကနေ အသိအမှတ် ပြုပေးခဲ့တယ်။ ပဌမဆေးက ပျက်စေပြီး၊ နောက်ဆေးက ကျစေတယ်။ ကိုယ်ဝန်ဖျက်ဆေးကို Mifepristone, RU486, Mifeprex, Mifegyne လို့လဲ ခေါ်ကြတယ်။



ဆေးပေးနည်း အမျိုးမျိုး -

ဆေး (၂) မျိုးတွဲသုံးတဲ့နည်းနဲ့ (၁) မျိုးထဲနည်းဆိုပြီးရှိတယ်။
၁။ အမေရိကန် FDA က အသိအမှတ် ပြုထားတာကတော့ ၄၉ ရက် ကိုယ်ဝန်အတွက် Mifepristone 600mg ကို သောက်ရပြီး၊ Misoprostol (Cytotec) 400µg ကို ၂ ရက်အကြာမှာ သောက်ရတယ်။
၂။ ပြင်သစ်မှာ ၄၉ ရက် ကိုယ်ဝန်အတွက် Mifepristone 600mg စသောက်ခိုင်းပြီး၊ ၃၆-၄၈ နာရီ အကြာမှာ Misoprostol (Cytotec) 400µg ကို ပါးစပ်က ဒါမှမဟုတ် Gemeprost 1mg ကို (ဗဂျိုင်းနား) ထဲထည့်ခိုင်းတယ်။
၃။ တခြားနိုင်ငံတွေ (ဗြိတိန် နဲ့ ဆွီဒင်) မှာ ၆၃ ရက်အထိ ကိုယ်ဝန်အတွက် Mifepristone 200 mg ကို ပဌမ အသောက်ခိုင်းပြီး၊ ၂ ရက် အကြာမှာ Misoprostol (Cytotec) 400µg ပါးစပ်က၊ ဒါမှမဟုတ် 800µg ကို (ဗဂျိုင်းနား) ထဲ ထည့်ခိုင်းတယ်။



သတိထားရမှာတွေ -

• ဘာသာရေး၊ လူမှုရေး နဲ့ တရားဥပဒေအရ တားမြစ်ထားတာတွေကို အထူးသတိထားရမယ်။
• ၄၉ ရက် ကိုယ်ဝန် ဖျက်တာမှာ ၉၅% အောင်မြင်တယ်။
• ၆၇% က ဒုတိယဆေးနောက် ၄ နာရီအတွင်း ပျက်ကျစေပြီး၊ ၉ဝ% က ၂၄ နာရီအတွင်း ပျက်ကျစေတယ်။
• အားလုံး ပျက်မကျသူတွေကို Aspiration စုပ်ထုတ်ပေးရတယ်။ တချို့လူနာတွေက စုပ်ထုတ်ပေးပါလို့လဲ ခိုင်းတတ်တယ်။
• ဆေးရဲ့ဘေးထွက်ဆိုးကျိုးတွေကတော့ ပျို့-အန်၊ ဝမ်းပျက်၊ ခေါင်းကိုက်၊ မူးဝေ၊ ချမ်း၊ အားယုတ်တာတွေ ဖြစ်တယ်။ ကိုယ်ဝန်ရင့်လေ အဖြစ်များလေ။ သားဦးဆို ပိုဖြစ်မယ်။
• ဆေးသုံးနေတုံး ရေနဲ့ ဓါတ်ဆား မနည်းစေရပါ။
• ဖျားလာရင် ပိုးဝင်တာနေမယ်။ ဆရာဝန်ကို ချက်ချင်းပြပါ။
• သွေးဆင်းတာ သိပ်များရင် Blood or Drip သွေး-ဆေး သွင်းရနိုင်တယ်။
• ဗိုက်နာရင် အပူကပ်ပေးနိုင်တယ်။ အနာသက်သာဆေး သောက်နိုင်တယ်။ နားပါ။
• ဒီနည်းကို မသုံးရမဲ့သူတွေကတော့ ကိုယ်ဝန်က Ectopic pregnancy သားအိမ်မှာတည်တာ မဟုတ်ရင်၊ သားအိမ်ထဲ ကိုယ်ဝန်တားတဲ့ပစ္စည်း IUCD ထည့်ထားရင်၊ ကျောက်ကပ် မကောင်းသူ၊ အသဲ မကောင်းသူ၊ သွေးအား သိပ်နည်းနေသူ၊ (စတီရွိုက်) ဆေး သောက်နေရသူ၊ သွေးယိုရောဂါ အခံရှိနေသူ၊ ပန်းနာရောဂါ ထနေသူ၊ သွေးတိုး များနေသူ၊ နှလုံးရောဂါ ဆိုးနေသူတွေဖြစ်တယ်။
• အကိုက်အခဲ-အဖျား ပျောက်ဆေး Aspirin (အက်စပရင်) နဲ့ အရက်ကို ရှောင်ပါ။
• ဆေးနည်းနဲ့ ဖျက်မရရင် Surgical abortion ခွဲစိတ်နည်းနဲ့ ဆက်ရမယ်။
• တချို့မှာ စိတ်ပိုင်းဆိုင်ရာ လာထိခိုက်တတ်တာ သတိထားပါ။
• ပြီးရင် အနည်းဆုံး ၇ ရက်တပတ် လင်-မယားအတူနေတာ ရှောင်ပါ။

နောက်တပုဒ်မှာ Misoprostol (Cytotec) ဆေးတမျိုးထဲသုံးနည်းကိုရေးပါမယ်။

Dr. တင့်ဆွေ

Read More

သကြားနဲ့ မျက်နှာကိုချောမွေ့အောင် လုပ်လို့ရပြီ

အဆင့် (၁) သင်နှစ်သက်ရာ မျက်နှာသစ် ဆပ်ပြာကို သုံးပါ။ ရေနွေးနွေးဖြင့် မျက်နှာသစ် ပေးပါ။

အဆင့် (၂) သကြားအနု (Granulated Sugar) ကိုစားပွဲတင်ဇွန်း (၁)ဇွန်း ထည့်ပါ။

အဆင့်(၃) မျက်နှာတစ်ပြင်လုံးကို စက်ဝိုင်း ပုံသဏ္ဍာန်ဖြင့် ညင်သာစွာ ပွတ်ပေးပါ။ (မျက်လုံး ပတ်ဝန်းကျင် တစ်ဝိုက် မပါပါ)

အဆင့် (၄) သကြားမှုန့်များမှ အလိုအလျောက် တာဝန်ယူမည် ဖြစ်သဖြင့် မျက်နှာကို လုံးဝ လုံးဝ ကြမ်းတမ်းစွာ မပွတ်ပါနှင့်။

အဆင့် (၅) လိုအပ်ပါက ရေနွေးနွေး အနည်းငယ် ထပ်ထည့်ပေးပါ။ ရေအရမ်း များပါကလည်း သကြားများ အရည်ပျော် သွားနိုင်ပါတယ်။

ဒီအတိုင်း ၁၅ မိနစ်၊ ၂၀ မိနစ်ခန့် ထားပါ။

အဆင့် (၆) ရေအေးဖြင့် မျက်နှာ သစ်ပေးပါ။ မျက်နှာ ချွေးပေါက်များ ပိတ်သွားစေရန် ဖြစ်ပါတယ်။

အဆင့် (၇) ထို့နောက် မျက်နှာကို မျက်နှာသစ် တာဝါ အသန့်ဖြင့် ညင်သာစွာ သုတ်ပေးပါ။

အဆင့် (၈) သင့်စိတ်ကြိုက် Moisturizer ကိုအသုံးပြုပေးပါ။

မှတ်ချက်။ ။ မျက်စိအတွင်း မဝင်အောင် အထူးဂရုစိုက်ပါ။ အရမ်းပူပြီးစပ်ပါတယ်။

Read More

ခွေးလေခွေးလွင့်များ စောင့်ရှောက်ရေး ဂေဟာ ဖွင့်မည်

လမ်းဘေးရောက် ခွေးလေခွေးလွင့်များ နှင့် စွန့်ပစ်ခွေးများကို ထိန်းသိမ်း စောင့်ရှောက်ပေးသွားမည့် ပုဂ္ဂလိက ခွေးစောင့်ရှောက်ရေး ဂေဟာတခု ဖွင့်လှစ်ရန် စီစဉ်နေကြောင်း သိရသည်။
ရန်ကုန်တိုင်း၊ ကျောက်တန်းမြို့၊ ရွှေပျောက်ကျေးရွာတွင် ယာယီခြံဖြင့် စောင့်ရှောက်ထားသည့် ခွေးကောင်ရေ ၁၀၀ ဝန်းကျင် အပါအဝင် နောက်ထပ် ရောက်ရှိလာနိုင်သည့် လမ်းဘေးလေလွင့်ခွေးများကိုပါ ဆက်လက် စောင့်ရှောက် သွားနိုင်ရေးအတွက် ခွေးစောင့်ရှောက်ရေး ဂေဟာ ဖွင့်လှစ်ရန် စီစဉ်နေခြင်း ဖြစ်ကြောင်း ခွေးချစ်သူတတ်သူ တဦးဖြစ်သည့် မမြတ်သက်မွန်က ပြောသည်။
မမြတ်သက်မွန်သည် ပြီးခဲ့သည့် သြဂုတ်လအတွင်းက မန္တလေးတိုင်း၊ ပလိပ်မြို့မှ ဦးထွန်းလင်းဆိုသူ တရုတ်နိုင်ငံသို့ ပို့ဆောင်မည့် ခွေးကောင်းရေ ၁၃၉ ကောင်ကို ကယ်တင်ပြီး ရန်ကုန်မြို့သို့ သယ်ယူ စောင့်ရှောက်ထားခဲ့ပြီးနောက် တခြား လမ်းဘေး ခွေးလေခွေးလွင့်များ အပါအဝင် မည်သည့်ခွေးကိုမဆို စောင့်ရှောက်ပေးရန် ကြိုးစားနေသည့် ခွေးချစ်တတ်သူ တဦးဖြစ်သည်။
“ယာယီခြံကလည်း အမြဲ အဆင်မပြေနိုင်တော့ ခွေးစောင့်ရှောက်ရေး စခန်းတခုဖွင့်ပြီး တနိုင်ငံလုံးမှာရှိတဲ့ ခွေးတွေအတွက် တနေရာတည်းနဲ့ အဆင်ပြေသွားအောင် လုပ်လိုက်တာ၊ စခန်းဖွင့်ပြီးရင်တော့ တနိုင်ငံလုံးက လာပို့သမျှ ခွေးတွေကို ခြံနဲ့ ဆန့်သလောက် အထိ အကုန်လက်ခံမှာ” ဟု မမြတ်သက်မွန်က ရှင်းပြသည်။
ယာယီ စောင့်ရှောက်ပေးထားသည့် ခြံမှပြောင်းရွှေ့ရမည် ဖြစ်သဖြင့် ရန်ကုန်မြို့နှင့် တဝိုက် လူနေရပ်ကွက်များနှင့် ဝေးပြီး ရေ၊ မီး အဆင်ပြေနိုင်သော နေရာကို ရှာနေပြီး ရန်ကုန်မြို့တော်စည်ပင် သာယာရေး ကော်မတီနှင့် ညှိနှိုင်း ဆောင်ရွက်နေကြောင်း သိရသည်။
“ကျမတို့ စောင့်ရှောက်ပေးနေတဲ့ ခွေးတွေက လမ်းဘေးခွေး မြန်မာခွေးတွေချည်းပဲ။ တချို့ဆို လက်တို၊ ခြေတို လေးတွေပါတယ်။ အရမ်းသနားဖို့ ကောင်းတယ်။ အခုက မိုးတွင်းဆိုတော့ ရောဂါလေးတွေဖြစ်ပြီး သေကုန်ကြတာတွေလည်း ရှိတယ်။ ခွေးပေါက်လေးတွေလည်း လာပစ်ကြတယ်” ဟု မမြတ်သက်မွန်က ပြောသည်။
ယင်းခွေးအကောင်ရေ ၁၀၀ ဝန်းကျင်ကို နေ့စဉ် မနက် ဆန် ၄ ပြည်၊ ညနေ ဆန် ၄ ပြည်နှင့် အသားစများ ရောနှော ချက်ပျြတ်ကာ ကျွေးမွေးပြီး ခွေးများကို ကြည့်ရှု စောင့်ရှောက်ပေးမည့် မိသားစုတစုလည်း ငှားရမ်းထားကြောင်း၊ ကျန်းမာရေး အတွက်လည်း ဆရာဝန်တဦးက အခမဲ့ ပုံမှန်စစ်ဆေးမှု ပြုလုပ်ပေးသည်ကြောင်း၊ အချို့ ခွေးချစ်သူများကလည်း ခွေးခြံသို့လာပြီး ခွေးများအတွက် ဆန်အပါအဝင် ထန်းလျက်ခဲ၊ ပေါင်မုန့်စသည့် စားစရာများ လှူဒါန်းပေးကြကြောင်း သိရသည်။
ထို့အပြင် ယာယီခွေး စောင့်ရှောက်ရေးခြံသို့ အနီးတဝိုက်မှ ဒေသခံများက လမ်းဘေး ခွေးလေခွေးလွင့်များကို လာပို့ပေးခြင်း၊ အချို့ ခွေးပိုင်ရှင်များကလည်း ခွေးပျောက်သွားပါက လာရောက်ရှာဖွေခြင်း အပြင် ခွေးမွေးလိုသူများလည်း လာပြီး စုံစမ်းကြသည်ဟု သိရှိရသည်။

မေစစ်ပိုင် 

photo- ဧရာဝတီ

Read More

အငှားကိုယ်ဝန်ဆောင်ခြင်းလုပ်ငန်း

အိန္ဒိယမှာ ဖြစ်ထွန်းနေတဲ့ စီးပွားရေးလုပ်ငန်းတခုကတော့ အငှားဗိုက်အကျိုးဆောင်လုပ်ငန်းပါ။
ကမ္ဘာအရပ်ရပ်က ကိုယ်ဝန်ဆောင်ဖို့ အခက်အခဲရှိသူ၊ ကလေးမရနိုင်သူအများအပြားဟာ အိန္ဒိယက ဒီလုပ်ငန်းကို ချိတ်ဆက် ကလေးယူနေကြပါတယ်။
သူတို့ကိုယ်တိုင် ကိုယ်ဝန်မဆောင်ဘူး ဆိုတော့ သူတို့ရဲ့ ကိုယ်စား အိန္ဒိယမှာ ရှိတဲ့ အမျိုးသမီးတချို့ကို ကိုယ်ဝန်ဆောင်စေခြင်းပါပဲ။



မွေးလာတာ ရက်ပိုင်းပဲ ရှိသေးတဲ့ သမီးလေး Gabriella
မိဘများက Rekha Patel, 42 နဲ့ Daniele Fabbricatore, 39တို့ ဖြစ်ပါတယ်။ (Photo: Reuters)

အလုပ်အပ်သူများထဲမှာ လိင်တူစုံတွဲများလည်း ပါတာပေါ့။
လိင်တူတယ်ဆိုမှတော့ ကလေးရဖို့က ဒီနည်းပဲ ရှိပါတော့မယ်။

အခု အိန္ဒိယမှာ နည်းနည်းလေး ဆူညံလာတာက ... ဒီလုပ်ငန်းက ဆင်းရဲတဲ့ အိန္ဒိယအမျိုးသမီးတွေကို အမြတ်ထုတ်သလို ဖြစ်နေတယ် ဆိုပြီး ငြင်းခုံလာကြတာပါပဲ။
ပြည်ပကနေ ကလေးမွေးလိုသူတွေ အိန္ဒိယကို လာပြီး အငှားဗိုက်ရှာဖွေရ ခက်ခဲစေမယ့် ဥပဒေမျိုး ပြဋ္ဌာန်းရေးလည်း ပါဝင်တာပေါ့။

ဘုံဘေမှာ အခြေစိုက်တဲ့ Surrogacy India ဆိုတဲ့ အကျိုးဆောင်လုပ်ငန်းက အငှားဗိုက်နဲ့ ကလေး ၂၉၅ ယောက် မွေးအောင် ဆောင်ရွက်ပေးခဲ့ပြီးပြီ၊
အများစုက ပြည်ပက လာအပ်တဲ့ဖောက်သည်တွေ ဖြစ်တယ်လို့ ဆိုတယ်။ ၄၀ ရာနှုန်းက လိင်တူစုံမက်မိဘတွေဖြစ်ပါသတဲ့။ ဒါက ၆ နှစ်အတွင်း သူတို့လုပ်ငန်းရဲ့ ကိန်းဂဏန်းတွေပါ။
အဲဒီအကျိုးဆောင်လုပ်ငန်းက Dr. Sudhir Ajja ရဲ့ တွက်ချက်မှုကတော့ ပြည်ထဲရေးဌာနကအကြံပြုထားတဲ့အတိုင်း ဥပဒေ စည်းမျဉ်းစည်းကမ်းတွေ တင်းကျပ်လာရင်
ဒီလုပ်ငန်းကို သေချာပေါက် ထိခိုက်ပါလိမ့်မယ်၊ ပြည်ပက အလုပ်လာအပ်နှုန်းလည်း ကျသွားပါမယ် တဲ့။

အိန္ဒိယမှာ ဒီလုပ်ငန်း အစပြုနေတာ ၁၁ နှစ် ရှိပါပြီ။
အမျိုးသမီးတွေကို အခကြေးငွေပေးပြီး အငှား ကိုယ်ဝန်ဆောင်ခြင်းကို ခွင့်ပြုထားတာ နိုင်ငံ နည်းနည်းလေးပဲ တွေ့ရမှာပါ။
အိန္ဒိယ၊ ဂျော်ဂျီယာ၊ ရုရှ၊ ထိုင်း၊ ယူကရိန်း၊ အမေရိကန်တို့ပါပဲ။ အမေရိကန်ဆိုပေမယ့် တနိုင်ငံလုံးမဟုတ် - ပြည်နယ်တချို့မှာ ခွင့်ပြုပါတယ် တဲ့။

ခွင့်ပြုတဲ့နိုင်ငံနည်းပါးတယ် ဆိုတဲ့ အချက်အပြင် တခြားအကြောင်းအရာတွေလည်း အိန္ဒိယမှာ ရှိနေပါတယ်။
နည်းပညာအတွက်ကုန်ကျစရိတ်နည်းပါး၊ ကျွမ်းကျင်တဲ့ဆရာဝန်တွေရှိ၊ စာရွက်စာတမ်းကိစ္စလိုမျိုး ကြိုးနီစနစ် နည်းပါး၊ ဗိုက်အငှားလိုက်မယ့်အမျိုးသမီးပေါများ ဆိုတဲ့
အချက်တွေကြောင့် အိန္ဒိယကို ဒီလုပ်ငန်းအတွက် နှစ်သက်နေကြတာပါ။

အိန္ဒိယမှာ ဒီလုပ်ငန်းအကျိုးဆောင်ပေးတဲ့ဆေးဘက်ဆိုင်ရာဌာနပေါင်း ၃,ဝဝဝ ရှိမယ်၊ ဒီလုပ်ငန်းကနေ ၀င်ငွေ ဒေါ်လာ သန်း ၄၀၀ ထက်မနည်း ရှိနေပြီ လို့ မနှစ်တုန်းဆီက ထွက်လာတဲ့ လေ့လာချက်တခုက ဆိုပါတယ်။
ကုလသမဂ္ဂ ပါဝင်တဲ့ လေ့လာချက်ဖြစ်ပါတယ်။
ဗြိတိန်၊ အမေရိကန်၊ သြစတေးလျ၊ ဂျပန် စတဲ့ စတဲ့ တိုင်းပြည်တွေက ဒီလုပ်ငန်းအတွက် အိန္ဒိယသွားကြပါတယ်။ အိန္ဒိယမှာ နာမည်အရဆုံးကတော့ Gujarat ပြည်နယ် Anand မြို့မှာရှိတဲ့ Akanksha ဖြစ်ပါလိမ့်မယ်။

အငှားကိုယ်ဝန်ကို တကြိမ်မက ဆောင်ပေးတဲ့အမျိုးသမီးတွေလည်း ရှိမှာပဲ။ ၀င်ငွေကလည်း မက်လောက်စရာ ဖြစ်နေတယ် မဟုတ်လား။
ဘယ်လောက်ရသလဲဆို ... အထက်မှာ ရေးခဲ့တဲ့ Anand မြို့လေးမှာ ဆိုရင် အိမ်တလုံးတောင် ၀ယ်နိုင် ဆိုပဲ။

အိမ်ဝယ်နိုင်တဲ့ငွေပမာဏရရှိဖို့ အမျိုးသမီးတချို့ အငှားကိုယ်ဝန်ဆောင်နေကြတယ်ဆိုပါစို့။
လတ်တလော ဥပဒေထဲမှာတော့ ဒီလိုကိုယ်ဝန်ဆောင်ဖို့ဆိုရင် အသက် ၂၁ နဲ့ ၃၅ အတွင်း ရှိမှ ဖြစ်မယ်၊
ကိုယ်ဝန်ဆောင်ပေးသူကို ကျန်းမာရေးအာမခံချက် ရှိအောင် လုပ်ပေးရမယ်၊ ဟိုစုံတွဲနဲ့ သူနဲ့ကြား စာချုပ်ချုပ်ရမယ် စသဖြင့် သတ်မှတ်ထားပါတယ် တဲ့။

ဒါကတော့ India Seeks to Regulate Its Booming ‘Rent-a-Womb’ Industry ဆိုတဲ့ သတင်းကို ဖတ်ကြည့်ပြီး ပြန်ပြောပြတာပါ။ ဧရာဝတီသတင်းဌာနရဲ့ အွန်လိုင်း http://www.irrawaddy.org/archives/44962 မှာ ဒီမနက် တက်လာတဲ့သတင်းဆောင်းပါးပါ။ အကျိုးဆောင်လုပ်ငန်းတွေဟာ အကျိုးဆောင်မွေးမိခင်တွေက ဗိုက်ထဲက သူ့ကလေး မဟုတ်တဲ့ ကလေးကို မေ့ထားဖို့၊ ကိုယ့်ရင်သွေးမဟုတ် - ကိုယ်နဲ့မဆိုင် - အလုပ်သဘောအရ တော်စပ်တဲ့ကလေးလို့ပဲ သဘောထားဖို့ သင်ပေးမယ် ထင်ပါရဲ့။ ဒါမှ နောက်ဆက်တွဲပြဿနာ နည်းမယ်၊ နှစ်သိမ့်ဆွေးနွေးပညာပေးတာမျိုးတွေ လုပ်ရမှာ နည်းပါလိမ့်မယ်။
အင်း ... "သူ့ကလေး မဟုတ်" ဆိုတဲ့စကားလုံးကိုသုံးရတာတော့ အားနာပါရဲ့။

မွေးလာတဲ့ကလေးမှာ မိဘ ၃ ဦး ရှိနိုင်ပါတယ်။
ကိုယ်ဝန်ဆောင်မိခင်မှာ စိတ်ပိုင်းဆိုင်ရာထိခိုက်မှု ဘယ်လောက်အထိ ရမယ် မသိပါ။ အနည်းနဲ့အများ ရကြပါလိမ့်မယ်။
ဟိုမိဘနှစ်ပါးကရော ကလေးအပေါ် သားသမီးအရင်းလို ချစ်နိုင်ကြမလား။ အင်း .... ချစ်ကြမယ် ထင်ပါရဲ့။

ကလေးကရော .. ဘာထိခိုက်မှု ရှိမလဲ။
ကလေးဆိုတာ ဗိုက်ထဲမှာ ရှိတုန်းကတည်းက မိခင်နဲ့ ရုပ်ပိုင်းရော စိတ်ပိုင်းပါအဆက်အသွယ်ရှိတယ်လို့ ကြားဖူးပါတယ်။
ကိုယ်ဝန်ဆောင်မိခင်က ဗိုက်ထဲကဒီကလေးကို မွေးပြီးပြီးချင်း ခွဲခွာ ရတော့မယ် ဆိုတာ သိထားတော့ ကိုယ်ဝန်ဆောင်စဉ်ကာလမှာ သူ့ဗိုက်ကို ဗိုက်ထဲက ပိစိလေးကို ဘယ်လို သဘောထားမလဲ။
အဲဒီသဘောထားတွေကြောင့် ကလေးမှာ ဘယ်လို သက်ရောက်မှု ရှိမလဲ။ အင်း... တွေးကြည့်ရင် စိတ်မောစရာ စိတ်ဝင်စားစရာကောင်းလှပါတယ်။
irrawaddy

Read More

အမှောင်တွင် ကွယ်ပျောက်ခဲ့ရသူများ

သူမအိမ်ပြန်ရောက်သည်အထိ နောက်က ခင်ပွန်းသည် ဖြစ်သူကပါမလာ။ ဆုမ်ဘတ်ကို သူမနှင့် ဆွေမျိုးတွေ ရဲစခန်းနှင့် ဆေးရုံသို့ သွားရှာကြသည်။ သို့သော် ဘယ်မှာမှ ရှာမတွေ့ရတော့ပေ။ ပတ်ဝန်းကျင်ရှိ CCTV ရိုက်ကူးထားသော မြင်ကွင်းတစ်ခုကို နောက်နှစ်ရက်လောက် အကြာတွင် ပြန်ပြီး ခြေရာခံမိကြသည်။ ဆုမ်ဘတ်ကို ရဲကင်းတဲလေး တစ်ခုအတွင်းက ခေါ်ထုတ်လာပြီး ဗင်ကားတစ်စီးထဲ သွင်းကာ ညအမှောင်ထဲသို့ ကားက မောင်းဝင် ပျောက်ကွယ်သွားသည်။

အစိုးရကလည်း ဆုမ်ဘတ်တစ်ယောက် ဘယ်ရောက်၍ ဘယ်ပေါက်နေမှန်း မပြောနိုင်။ သူ့အတွက် စိုးရိမ်လာကြသည်။ ဆုမ်ဘတ် ရှာဖွေရေးတွင် ဦးဆောင်သူတစ်ဦးက ထိုကိစ္စသည် ကွန်မြူနစ် အာဏာပိုင်များနှင့် ပတ်သက်ဖွယ် ရှိကြောင်း စွပ်စွဲပြောဆိုလိုက်သည်။ သူပျောက်ဆုံးသွားခြင်းသည် အခြားသော NGO လုပ်သားများ အတွက်ပါ လုံခြုံမှု မရှိတော့ကြောင်း ပြသလိုက်ခြင်း ဖြစ်သည်။ အရှေ့တောင်အာရှတွင် အမှောင်ထုနှင့် အဓမ္မ လက်စတုံးခြင်းတို့က ဆက်စပ်နေသည်။

၁၉၈၀ ပြည့်နှစ်လောက် ကတည်းက ကုလသမဂ္ဂ အတင်းအဓမ္မ လက်စတုံး ဖျောက်ဖျက်မှုများကို စိစစ်ရေး အဖွဲ့တစ်ဖွဲ့သည် လာအိုနိုင်ငံအတွင်း လက်စတုံး ဖျောက်ဖျက်မှု ခုနစ်မှုကို မှတ်တမ်းတင်နိုင်ခဲ့သည်။ လာအိုနိုင်ငံတွင် ပျောက်ဆုံးမှုများသည် ‘သာမန်မဟုတ်’ ဟု လာအိုနိုင်ငံ လူ့အခွင့်အရေး လှုပ်ရှားမှု ဥက္ကဋ္ဌ ဗာနီဒါသက်ဆိုဗန်က ကောက်ချက်ချခဲ့သည်။

“အခြား လူမသိ သူမသိ ကွယ်ပျောက်သွားခဲ့တာတွေလည်း အများကြီးပဲ။ မီဒီယာကရော လာအို အာဏာပိုင်တွေက ဒီကိစ္စတွေကို လျစ်လျူရှု ထားကြတယ်။ အဲဒီစာရင်းကပါ ပြောရရင် အရှည်ကြီးပဲ။ အဖမ်းခံရ၊ ပျောက်ဆုံးခဲ့ရတဲ့သူတွေရဲ့ မိသားစုဝင်တွေက ဖြစ်ပျက်ပုံတွေကို ပြန်မပြောပြချင်ကြဘူး။ အာဏာပိုင်တွေက သူတို့ကို တစ်ခုခုအရေးယူမှာ ကြောက်နေကြတယ်။ ကျန်ရစ်သူ မိသားစုတွေထဲက တစ်ဦးဦးကို ဒုက္ခပေးမှာ စိုးရိမ်ကြတယ်။ အင်မတန် ကြောက်စရာကောင်းတဲ့ စနစ်အောက်မှာ သူတို့ရှင်သန် နေကြရတာ မဟုတ်လား” ဟု သက်ဆိုဗန်က ဆိုသည်။

ဤနိုင်ငံတွင် ဝေဖန်မှုများကို ထိန်းချုပ်ခြင်းခံ ထားရသည်။ ဆန့်ကျင်သူများကို စိတ်ဓာတ်ကျသွား စေရန် ပြုလုပ်ကြသည်။ “လာအိုနိုင်ငံကလူတွေ Facebook ထဲမှာ ဆုမ်ဘတ်ကို ချမ်းသာပေးကြဖို့ အသနားခံကြတာတောင် သူတို့နာမည်ရင်းတွေနဲ့ ဝင်ထားကြတာ ရှားတယ်။ ဒါကို သာမန် အနေအထားလို့ ခင်ဗျားတို့ ပြောနိုင်မှာလား” ဟု သက်ဆိုဗန်က ထောက်ပြသည်။ သူက အခြားလာအို နိုင်ငံသားများ ကဲ့သို့ပင် ပြင်သစ်နိုင်ငံသို့ ကွန်မြူနစ်ပါတီ အာဏာသိမ်းသည့် ၁၉၇၅ ခုနှစ်လောက် ကတည်းက ထွက်ပြေးတိမ်း ရှောင်လာသူ ဖြစ်သည်။

၂၀၁၃ ခုနှစ် မတ်လ အစောပိုင်းလောက်တွင် လာအိုနိုင်ငံသည် နှစ်ပေါင်း ၁၅ နှစ်ခန့် တားမြစ်ပိတ်ဆို့ ထားခြင်းခံခဲ့ရာမှ ကမ္ဘာ့ကုန်သွယ်မှုအဖွဲ့ (WTO) သို့ ဝင်ခွင့်ရလာသည်။ သို့သော် တိုင်းပြည်တွင်းရှိ ပြည်သူ့ အဖွဲ့အစည်းများကိုမူ ကမ္ဘာကြီးနှင့် မျက်ခြည် ဖြတ်ထားခဲ့သည်။

“လာအိုမှာ အတိုက်အခံတွေကို ဖွဲ့စည်းဖို့လည်း လက်မခံဘူး။ အစိုးရနဲ့ သဘောထား ကွဲလွဲသူတွေကို လည်း ဖမ်းဆီးထောင်ချတာတွေ လုပ်နေတာပဲ။ မြေယာသိမ်းတာတွေမှာလည်း တရားမျှတစွာ မဖြေရှင်းနိုင်သေးဘူး။ ပတ်ဝန်းကျင် ထိန်းသိမ်းရေးတွေ၊ ဒီမိုကရေစီ ပြုပြင် ပြောင်းလဲရေး ဆိုတာတွေ လုပ်တဲ့သူတိုင်းလည်း အဖမ်းမခံရတာ မရှိသေးဘူး” ဟု သက်ဆိုဗန်က ရှင်းပြသည်။

နိုင်ငံအတွင်း ဖိနှိပ်ချုပ်ခြယ် ခံရမှုများကြောင့် ပြည်သူတွေက နှုတ်ဆိတ်နေသည်မှာ အကျင့်ပါနေ သည်။ စစ်တပ်၏ စိုးမိုးအုပ်ချုပ်ခြင်း ခံထားရသည့် နိုင်ငံဖြစ်သဖြင့် အဓမ္မ ဖမ်းဆီးခေါ်ဆောင်သွားခြင်း၊ ကွယ်ပျောက် သွားရခြင်းတွေကလည်း အဆန်းမဟုတ်။ နိုင်ငံအတွင်း ဒဏ်ခတ်ခြင်း မခံရသူများနှင့် ခြိမ်းခြောက်မှု မခံရသူတွေကလည်း မရှိသလောက် ရှားသည်။ လူ့အခွင့်အရေး ချိုးဖောက်မှုများ ရှိနေသော်လည်း မမြင်သည့် အကန်းများလို နေထိုင်ကြရသည်။ ပြစ်မှု ကျူးလွန်သူများကလည်း အတွေ့အကြုံတွေရှိပြီး ဖြစ်သဖြင့် အပြစ်ပေး အရေးယူ မခံရစေရန် ရှောင်တိမ်းနိုင်စွမ်း ရှိကြသည်။

“ထိုင်းနိုင်ငံမှာလည်း လွတ်လပ်တဲ့ ကျွမ်းကျင်သူတွေ မရှိဘူး။ အထူးသဖြင့် ဒီလိုအတင်းအဓမ္မ ဖမ်းဆီး ခေါ်ဆောင်သွားပြီး ပျောက်ဆုံးသွားရတဲ့ သူတွေအတွက် စောင့်ကြည့်တဲ့အဖွဲ့၊ လိုက်လံစုံစမ်း ဖော်ထုတ်ပေးတဲ့ အဖွဲ့အစည်းတွေလည်း မရှိဘူး။ မျက်မြင်သက်သေအဖြစ် ထွက်ဆိုပေးမယ့် သူတွေကိုလည်း ထိရောက်စွာ အကာအကွယ် ပေးနိုင်တဲ့ စနစ်လည်း မရှိသေးဘူး။ စုံစမ်းစစ်ဆေးမှု မှန်သမျှဟာ ရဲအရေးယူပိုင်တဲ့ ကိစ္စတွေ ဖြစ်နေတာကြောင့် ရဲကဖမ်းလိုက်တဲ့ အမှုကို ရဲက ပြန်စစ်နေတာနဲ့ပဲ တရားမျှတမှုတွေနဲ့ ကင်းဝေးနေခဲ့ရတယ်” ဟု ထိုင်းလူမျိုး JPF (Justic for Peace Foundation) အဖွဲ့၏ ဥက္ကဋ္ဌ အန်ခါနာနီလာပိုင်ဂျစ်က ဆိုသည်။

UNWGEID (United Nations Working Group on Enforced or Involuntary Disappear-ances) အဖွဲ့ကလည်း အစိုးရ အဖွဲ့အစည်းများ အနေနှင့် ပျောက်ဆုံးသွားသူများအပေါ် မည်သို့ အရေးယူ ဆောင်ရွက်ထားကြောင်းကို တောင်းဆိုနေသော်လည်း တုံ့ပြန်ချက်မှာ အနည်းငယ်သာ ရရှိသည်။ သက်သေ အထောက်အထားကလည်း မရှိ၊ တွန်းအားပေးမှုတွေကလည်း နည်းပါး၊ တရားစွဲဆို နိုင်ခြင်းလည်း မရှိသည့်အတွက် ဘာမှန်းမသိဘဲ ပျောက်ဆုံးသွားသူတွေက တိုးပြီးရင်း တိုးလာကာ အဖြေရှာမရနိုင်အောင် ဖြစ်နေရသည်။

အာဏာပိုင်များကို တိုင်လျှင် လက်တုံ့ပြန်ခြင်းကို ခံရတတ်သဖြင့် ဆွေမျိုးသားချင်းများက ပျောက်ဆုံး သွားသူများအတွက် မည်သို့မျှ အရေးယူ ဆောင်ရွက်ပေးနိုင်မှု မရှိခြင်းမှာ အရှေ့တောင်အာရှတွင် အကြီးမားဆုံး ပြဿနာတစ်ရပ် ဖြစ်သည်။ ထိုင်းနိုင်ငံတွင် လွန်ခဲ့သည့် နှစ်ပေါင်း ၂၀ အတွင်း ပျောက်ဆုံးသူ ၉၃ ဦး၏ စာရင်းနှင့် အင်ဒိုနီးရှားနိုင်ငံတွင် ၁၉၆၅ ခုနှစ် ကတည်းက ပျောက်ဆုံးခဲ့ရသည့် လူပေါင်း ၉၀၀ တို့ကို ယနေ့တိုင် အစအနပင် ရှာမတွေ့ရသေးပေ။ ထိုသို့ ပျောက်ဆုံးသူများထဲတွင် နိုင်ငံရေးသမားတွေကလည်း ပါဝင်နေသည်။ “ထိုင်းနိုင်ငံမှာ တရားမဝင် အလုပ်တွေကို လုပ်နေတဲ့သူတွေက ပိုပြီးခံရတယ်” ဟု ပိုင်ဂျစ်က ဆိုသည်။
သူပြောချင်သည်မှာ ဥပဒေ လက်တစ်လုံးခြား တရားမဝင် အလုပ်များကို လုပ်နေသူတွေမှာလည်း နေ့မြင်ညပျောက် အဖြစ်မျိုးတွေ ရှိနေသည်ကို ဆိုလိုခြင်း ဖြစ်သည်။

ထိုင်းနိုင်ငံတွင် အဓမ္မ ဖမ်းဆီးခြင်းကြောင့် ပျောက်ဆုံးရမှုများသည် အစိုးရပေါ်လစီ နှင့်လည်း သက်ဆိုင်နေသည်။ ဥပမာ-ထိုင်းနိုင်ငံ တောင်ပိုင်းရှိ ပြည်နယ်များတွင် လူမျိုးစု သူပုန်များကို ထိရောက်စွာ မနှိမ်နင်းနိုင်သေးခြင်းက ပျောက်ဆုံးစာရင်းကို ပိုပြီး အထောက်အကူ ဖြစ်စေသည်။

၂၀၀၄ ခုနှစ်က ထိုင်းနိုင်ငံတောင်ပိုင်း မြို့ကြီးသုံးမြို့ ဖြစ်သည့် ယာလာ၊ နာရသီဝပ်နှင့် ပတ္တာနီတို့တွင် စစ်အုပ်ချုပ်ရေး အမိန့်ကို ထုတ်ပြန်ခဲ့ရသည်။ ထိုဒေသများသည် မွတ်ဆလင်အများစု စိုးမိုးအုပ်ချုပ်ထားသည့် ဒေသများ ဖြစ်သည်။ ဥပဒေက ဖမ်းမိန့်ဝရမ်း မရှိဘဲ သံသယရှိသူကို ဖမ်းဆီးကာ ၇ ရက် ချုပ်နှောင်ထားနိုင်ခြင်း၊ အကျဉ်းချထားသည့် နေရာကိုလည်း မည်သူ့ကိုမျှ မသိနိုင်အောင် ဖုံးကွယ်ထားနိုင်ခြင်းများသည် ထင်တိုင်း လုပ်နိုင်သည့် အခွင့်အရေးကို သီးခြားပေးထားသလို ဖြစ်နေသည်။ ပွင့်လင်းပြီး ထင်သာမြင်သာ ရှိစေရန် လုပ်ဆောင်ခွင့် ပေးမထားခြင်းက အကြမ်းဖက် မတရား ပြုလုပ်ခွင့်ကို ပိုပြီးအထောက်အကူ ဖြစ်စေသည်။ စစ်အုပ်ချုပ်ရေး ကာလအတွင်း ထိုဒေသ၌ ပျောက်ဆုံး သွားခဲ့ရသူ ၃၃ ဦး ရှိကြောင်း JPF က ထောက်ပြထားသည်။

ထိုင်းနိုင်ငံ အရှေ့မြောက်ပိုင်းတွင်လည်း မူးယစ်ဆေး တိုက်ပွဲများကြောင့် လူပေါင်းများစွာ ပျောက်ဆုံး နေခဲ့ရသည်။ ၂၀၀၃ ခုနှစ်၊ ဝန်ကြီးချုပ် သက်ဆင်ရှင်နာဝါထရာ လက်ထက်တွင် မူးယစ်ဆေးဝါး ဖမ်းဆီး ထိန်းသိမ်းမှုများကို ခွဲတမ်းစနစ်ဖြင့် ကျင့်သုံးလိုက်သည်။ ဒေသအလိုက် ခွဲတမ်းကျသည့် အတိုင်း မဖြစ်မနေ ဖမ်းဆီး ဖော်ထုတ်ပြရခြင်း ဖြစ်သည်။ ထိုစနစ်အရ ဖမ်းဆီးရမိသည့် မူးယစ်ဆေး ပမာဏအလိုက် ဆုကြေး ခံစားခွင့်များကို ပေးအပ်ခဲ့သည်။

ထိုစနစ်ကျင့်သုံးသည့် သုံးလအတွင်း မူးယစ်ဆေးဝါး ဂိုဏ်းများနှင့် ဆက်သွယ်မှု ရှိသည်ဆိုကာ လူပေါင်း ၁၅၀၀ ကျော်လောက် ပစ်ခတ်သတ်ဖြတ်ခြင်း ခံခဲ့ရသည်။ ၂၀၁၂ ခုနှစ် မေလ JPF အဖွဲ့က ထုတ်ပြန်သည့် အစီရင်ခံစာတွင် ထိုင်းနိုင်ငံ၌ သက်ဆင် ‘မူးယစ်စစ်ပွဲ’ ဆင်နွှဲလိုက်သည့်အချိန် အစပိုင်း၌ လူဆယ်ဦးခန့် ပျောက်သွားခဲ့ရသည်ဟု ဆိုထားသည်။

အရှေ့တောင်အာရှတွင် နိုင်ငံအလိုက် ပျောက်ဆုံးသည့် အရေအတွက်များကလည်း မတူညီနိုင်ပေ။ လုပ်နည်းလုပ်ဟန် ကွာခြားချက်အလိုက် ပြောင်းလဲနိုင်သည်။ ဖမ်းဆီးပိုင်ခွင့် ရှိသူများသည် ရဲတပ်ဖွဲ့ သို့မဟုတ် စစ်တပ်နှင့် တစ်နည်းမဟုတ်တစ်နည်း ပတ်သက်နေကြသည်။ သူတို့နောက်ကွယ်တွင် ပုန်းကွယ်နေသည့် မထင်မရှား အာဏာပိုင်များ ရှိနိုင်သလို၊ ပြောင်ပြောင်တင်းတင်း အကာအကွယ် ပေးနေသည့် အစိုးရ အရာရှိများလည်း ရှိနိုင်သည်။ ဖိလစ်ပိုင်နိုင်ငံတွင် ထိုကဲ့သို့သောသူများ ရှိနေသောကြောင့် ၁၉၇၁ ခုနှစ်က စတင်ပြီး ပျောက်ဆုံးနေခဲ့ရသူ ၂၀၀၀ ခန့် ရှိကြောင်း ပြည်တွင်း NGO အဖွဲ့အစည်း တစ်ခုဖြစ်သည့် ပျောက်ဆုံးသူများ ရှာဖွေရေး အဖွဲ့တစ်ဖွဲ့ကဆိုသည်။

ဖိလစ်ပိုင် ရေဒီယို အသံလွှင့်ဌာန DzBB တွင် ပြီးခဲ့သည့် ဒီဇင်ဘာလက လွှတ်တော် အမတ်တစ်ဦးနှင့် ရဲအရာရှိချုပ် အငြိမ်းစား ပန်ဖီလိုလက်ဆန်တို့ အင်တာဗျူး တစ်ခု၌ ဖိလစ်ပိုင် လက်နက်ကိုင်အဖွဲ့၏ အဓမ္မ လူဖမ်းဆီးသည့် ကိစ္စများကို ဆွေးနွေးသွားခဲ့သည်။ ထိုဆွေးနွေးပွဲတွင် လက်ဆန်က ဥပဒေ အဖွဲ့အစည်း တစ်ရပ်အနေနှင့် တစ်ခါတစ်ရံတွင် အကြမ်းဖက်မှုများကို လုပ်ဆောင်ရာ၌ အထင်ဖြင့် ဝင်ရောက် ဖမ်းဆီးခဲ့ရမှုများ ရှိသော်လည်း တရားရုံး ရောက်သည့်အခါတွင် ခိုင်လုံသော သက်သေ အထောက်အထားများ ပြသနိုင်မှု မရှိခဲ့ကြောင်း၊ တစ်ခါတစ်ရံတွင်လည်း အမှန်တကယ် ပြစ်မှု ကျူးလွန်နေသူများကို ဖမ်းဆီးခဲ့ရသော်လည်း အရေးယူနိုင်မှု မရှိခဲ့ခြင်းကို သူကဝန်ခံသွားသည်။

အကြမ်းဖက် ဖမ်းဆီးခံရမှုများသည် နိုင်ငံအတွင်း ဒေသမရွေး ဖြစ်နိုင်သည်။ သို့သော် ဖမ်းဆီးခံရ သော ဆွေမျိုးသားချင်းများ ကိုယ်တိုင်က အဖမ်းခံသွားရကြောင်း မသိမှုများလည်း ရှိနေသည်။ များသောအားဖြင့် ခိုင်လုံသော သတင်းအချက်အလက်များ မရဘဲ အစပျောက်သွားရသည်က များသည်။

ဖိလစ်ပိုင်နိုင်ငံတွင် ၂၀၀၆ ခုနှစ်က စစ်တပ်သည် ရေမွန်နှင့် ရေနယ်ဒို မာနာလို ဆိုသူနှစ်ဦးကို ဖမ်းဆီး ထိန်းသိမ်းထားခဲ့သည်။ ဖိလစ်ပိုင်နိုင်ငံ ကွန်မြူနစ်ပါတီ၏ လက်နက်ကိုင် အဖွဲ့အစည်း တစ်ခုဖြစ်သည့် ပြည်သူ့ တပ်မတော်သစ်တွင် တာဝန် ထမ်းဆောင်နေသော အစ်ကိုဖြစ်သူနှင့် အဆက်အသွယ် ရှိသည်ဆိုကာ ဖမ်းထားခြင်း ဖြစ်သည်။ တစ်ညတွင် ဖမ်းဆီးသူများ အရက်မူးနေချိန်၌ ညီအစ်ကိုနှစ်ယောက် ထွက်ပြေးကြသည့်အပြင် အခြားအကျဉ်းသား များကိုလည်း ခေါ် ထုတ်သွားခဲ့ကြသည်။ သူတို့ ထွက်ပြေး လွတ်မြောက်သွားပြီး တစ်လအကြာတွင် ထိုအကျဉ်းစခန်းကို ဖျက်သိမ်းလိုက်ကြသည်။ မီးရှို့ထားသည့် စခန်းများ အတွင်း၌ မီးလောင်ကျွမ်းနေသည့် အရိုးကျနေသော အလောင်းတစ်လောင်းကို တွေ့ရှိခဲ့ရသည်။

တရားဝင် မဟုတ်ဘဲ တိတ်တဆိတ် ဖမ်းဆီးခြင်းများသည် ဖိလစ်ပိုင်နိုင်ငံ၌ သမ္မတ ဖာဒီနန်မားကို့စ် လက်ထက် ကတည်းက ရှိနေခဲ့သည်။ ထိုကာလများတွင် နှစ်ပေါင်း နှစ်ဆယ်ခန့် အကြမ်းဖက်မှုများ၊ အဓမ္မ ဖမ်းဆီးခံရပြီး ပျောက်ဆုံးသွားရမှုများ အမြောက်အမြား ရှိနေခဲ့သည်။ စစ်တပ်နှင့် ရဲတပ်ဖွဲ့တို့က ကွန်မြူနစ် သူပုန်ဟုဆိုကာ နိုင်ငံရေး လှုပ်ရှားသူများကို ဖမ်းဆီး အစဖျောက်မှုများသည် ထိုနိုင်ငံအတွက် မထူးဆန်းသည့် ကိစ္စတစ်ရပ်ပင် ဖြစ်သည်။

“အကြမ်းဖက်ဖမ်းဆီး၊ အစဖျောက်တာတွေက စစ်တပ်ရဲ့ လုပ်ရိုးလုပ်စဉ်တစ်ခုပဲ” ဟု ဖိလစ်ပိုင်နိုင်ငံ လူ့အခွင့်အရေး စောင့်ကြည့်အဖွဲ့ အထူးအရာရှိ ကားလို့စ်ကွန်ဒီက ဆိုသည်။

ယမန်နှစ် ဒီဇင်ဘာလက သမ္မတအကွီနိုသည် သမိုင်းဝင် လုပ်ဆောင်မှု တစ်ခုကို ပြုလုပ်ခဲ့သည်။ မတရား ဖမ်းဆီးခြင်း၊ အကျဉ်းချခြင်းများ မပြုလုပ်ရန် ဥပဒေ တစ်ခုကို ပြဋ္ဌာန်းပြီး လက်မှတ် ရေးထိုး ပေးလိုက်ခြင်းသည် အာရှအတွက် ပထမဦးဆုံး လူ့အခွင့်အရေးကို အသိအမှတ်ပြုသည့် ဥပဒေတစ်ရပ်ကို ထုတ်ပြန်နိုင်ခဲ့ခြင်းဟု ဆိုရမည် ဖြစ်သည်။

“အစိုးရအပေါ် တကယ့်ကို အသိအမှတ် ပြုရမယ့် လုပ်ဆောင်ချက်ပါပဲ။ အဲဒီလို အကြမ်းဖက် လုပ်ဆောင်မှုတွေကို နှစ်ပေါင်းများစွာ လျစ်လျူရှုထားခဲ့တာ ကြာပါပြီ။ အဲဒီလို ဂရုမစိုက်ခဲ့လို့လည်း ပျောက်ဆုံး သွားတာတွေ၊ ဖမ်းဆီးမှုတွေကို ထောက်လှမ်းရေးတွေက လုပ်ချင်တိုင်း လုပ်ခဲ့ကြတာပေါ့” ဟု ကွန်ဒီက ဆိုသည်။

အကြမ်းဖက် အဓမ္မ ဖမ်းဆီးခေါ်ဆောင် သွားမှုများကို အရေးယူမှုများ လုပ်ဆောင်ကာ အကာအကွယ် ပေးလိုက်ခြင်းကို ကြိုဆိုရမည် ဖြစ်သည်။ သို့သော် ပျောက်ဆုံးသွားသူတွေကတော့ ဘယ်မှာ ဖွေရှာရမှန်းမသိ ဖြစ်နေသည်။ အစိုးရတွေက ဥပဒေတွေထုတ်ကာ အကာအကွယ်တွေ လုပ်သည်။ ကြားခံ ဖောက်ဖျက်သည့် အဖွဲ့အစည်းတွေကလည်း ဥပဒေကို လက်တစ်လုံးခြား လုပ်ကာ အစဖျောက်မှုများ ရှိနေဆဲ ဖြစ်သည်။ ဥပဒေကို ယခုမှ ထုတ်ရသလားဟု နောက်ကျသည့်အတွက် အပြစ်တင်သော်လည်း မိသားစုများအတွက် ထိုနောက်ကျသည့် တန်ဖိုးများကို မည်သူတွေက အစားထိုး ပေးလျော်နိုင်မည်နည်း ဆိုသည်က အငြင်းပွားစရာပင် ဖြစ်သည်။

Ref: The Vanishing, by Caroline Vernaillen
thevoicemyanmar

Read More

မော်ဒယ်လ်ဘဝသည် ခက်ခဲကြမ်းတမ်းလွန်းကြောင်း မီရန်ဒါကားရ်ဖွင့်ဟ

Friday, October 4, 2013

အသက်(၃၀)အရွယ် မီရန်ဒါက Cosmopolitan မဂ္ဂဇင်းနှင့် အင်တာဗျူးတွင် မော်ဒယ်လ်လုပ်ငန်း၏ ဖိအားများလွန်းသော ဖြတ်သန်းမှု အချို့ကို ရင်ဖွင့် ပြောဆိုခဲ့သည်။

မော်ဒယ်လ်ဘဝသည် ခက်ခဲကြမ်းတမ်းလွန်းကြောင်း မီရန်ဒါကားရ်ဖွင့်ဟ
မိမိ တွေ့ကြုံသိရှိဖူးသမျှ လူပုဂ္ဂိုလ် အားလုံးတွင် မော်ဒယ်လ်များ၏ ဘဝသည် လုံခြုံမှု အကင်းမဲ့ဆုံးဟု မီရန်ဒါကားရ်က ဖွင့်ဟ ပြောကြားလိုက်သည်။ ဩစတြေးလျသူ မီရန်ဒါသည် ယခုအခါ ကမ္ဘာပေါ်တွင် ဒုတိယမြောက် ဝင်ငွေအမြင့်မားဆုံး စူပါမော်ဒယ်လ်အဖြစ် ရပ်တည်နေသလို ခင်ပွန်းသည် အော်လန်ဒိုဘလွမ်းနှင့် (၂)နှစ်အရွယ် သားငယ် ဖလင်းတို့နှင့်အတူ သာယာသော မိသားစုလေး တစ်ခုကိုလည်း ထူထောင်ထားနိုင်ခဲ့သည်။ သို့သော်လည်း အသက်(၃၀)အရွယ် မီရန်ဒါက Cosmopolitan မဂ္ဂဇင်းနှင့် အင်တာဗျူးတွင် မော်ဒယ်လ်လုပ်ငန်း၏ ဖိအားများလွန်းသော ဖြတ်သန်းမှု အချို့ကို ရင်ဖွင့် ပြောဆိုခဲ့သည်။ အတိတ်က သူမအနေဖြင့် မိမိကိုယ်ကိုယ် တည်ငြိမ်မှု ရှာဖွေရန်နှင့် ပုဂ္ဂိုလ်ရေး ဘဝတို့ကြား ခက်ခဲစွာ ရုန်းကန်ခဲ့ရကြောင်းလည်း မီရန်ဒါက ဝန်ခံခဲ့သည်။

"တကယ်တော့ မော်ဒယ်လ်တွေဆိုတာ ကျွန်မ တွေ့မြင်ဖူးသမျှ ဘဝလုံခြုံမှု အကင်းမဲ့ဆုံး လူတန်းစားတွေပါ။ မော်ဒယ်လ်တွေ အမြဲတမ်း ကြုံတွေ့နေရတဲ့ ဝေဖန်မှုက ကိုယ်ဟာ အရည်အသွေး လုံးဝမမီဘူးဆိုတဲ့ စကားလုံးတွေပါပဲ။ ခက်ခဲတဲ့ အခြေအနေတွေမှာ ကိုယ့်ကိုယ်ကိုယ် အကောင်းမြင်စိတ်နဲ့ ဖြတ်သန်းတတ်အောင် လေ့ကျင့်ယူရပါတယ်"ဟု မီရန်ဒါက ဆိုသည်။ မီရန်ဒါသည် အသက်(၁၃)နှစ် အရွယ်တွင် မော် ဒယ်လ်ဘဝကို အစပြုခဲ့သူ ဖြစ်သည်။ "ပထမဆုံး နေ့ရက်တွေ မှာ ကျွန်မကို အေဂျင်စီတိုင်းက ငြင်းလွှတ်တယ်။ စံသတ်မှတ်ချက် မပြည့်မီဘူးလို့ ပစ်ပစ်ခါခါ အပြောအဆို ခံခဲ့ရပါတယ်"ဟုလည်း မီရန်ဒါက ဆိုသည်။ သို့သော်လည်း ပရော်ဖက်ရှင်နယ် မော်ဒယ်လ်ဘဝတွင် (၁၇)နှစ်ကြာ ဖြတ်သန်းပြီးနောက်တွင်မူ တည်ငြိမ်မှု ရရှိနေပြီဟုလည်း သူမက မှတ်ချက်ပြုခဲ့သည်။

Victoria's Secret၏ အလှမယ် တစ်ဦးဖြစ်သော မီရန်ဒါက "ခုလောလော ဆယ် ကျွန်မရဲ့ ဘဝက ဘယ်တုန်းကနဲ့မှ မတူတဲ့ တည်ငြိမ်မှုကို ရလာခဲ့ပါပြီ။ ဒီအခြေအနေမှာ အတိတ်ကို ပြန်ငဲ့ကြည့်တိုင်း ကျွန်မ ကျော်လွှားခဲ့ရ တာတွေကို မြင်ယောင်ပြီး အံ့ဩသလို ဖြစ်မိတယ်"ဟုလည်း ဖွင့်ဟခဲ့သည်။ သူမက မော်ဒယ်လ်ဘဝတွင် မိသားစုကို အချိန်မပေးနိုင်ခြင်းကိုလည်း စိတ်မကောင်းကြောင်း ပြောကြားခဲ့သေးသည်။ "သားလေးဖလင်းက အမြဲပြောတယ်။ မေမေက အလုပ်လုပ်တယ်၊ ဖေဖေက ရုပ်ရှင်ရိုက်တယ်တဲ့။ သူ့စကားကြားတိုင်း ကျွန်မ စိတ်ထဲမှာ ခံစားမှု တစ်ခုခု ဖြစ်သွားတတ် တယ်"ဟု လည်း မီရန်ဒါက ဝန်ခံခဲ့သည်။

မီရန်ဒါက မော်ဒယ်လ်ဘဝတွင် ဖြတ်သန်းမှု၌ သူမ၏ ကိုယ်ပိုင်ခံယူချက်ကို ထုတ်ဖော် ပြောဆိုခဲ့ရာ "ကျွန်မ စဉ်းစားလေ့ ရှိတာတော့ ပြဿနာ ဘယ်လောက်ကြီးကြီး ဖြေရှင်းမှုကတော့ ရှိလိမ့်မယ် ဆိုတဲ့ ရိုးရိုးရှင်းရှင်း နည်းလမ်းလေးပါပဲ"ဟု မှတ်ချက်ပြုသွားသည်။

Planet Myanmar Network

Read More

နိုင်ငံခြားသားခံယူခြင်းနှင့် မျိုးချစ်စိတ်ပြဿနာ

ပြီးခဲ့တဲ့ စက်တင်ဘာလ ၂၉ ရက်နေ့က နော်ဝေနိုင်ငံသား ခံယူခြင်း အခမ်းအနားတစ်ခု အော်စလို မြို့တော်ခန်းမမှာ ကျင်းပခဲ့ပါတယ်။ ဒီမြို့တော်ခန်းမဟာ ဒေါ်အောင်ဆန်းစုကြည် အပါအဝင် ကမ္ဘာတစ်လွှားက ထင်ရှားတဲ့ နိုဘယ်လ် ငြိမ်းချမ်းရေး ဆုရှင်တွေကို ဆုချီးမြှင့်တဲ့ နေရာပေါ့။ ဒါပေမဲ့ ဒီတစ်ခါ ကိုယ်တက်ရမှာက ဒေါ်အောင်ဆန်းစုကြည်နဲ့ နိုဘယ်လ် ဆုရှင်တွေကို ကြိုဆိုတဲ့ အခမ်းအနားမဟုတ်။ မြန်မာနိုင်ငံသား ဘဝကနေ နော်ဝေနိုင်ငံသားအဖြစ် ခံယူရမယ့် အခမ်းအနားဆိုတော့ စိတ်ထဲမှာ သိပ်ဘဝင်မကျလှပါ။



“ယူချင်လွန်းလို့ ယူလိုက်တာမှ မဟုတ်ဘဲဗျာ။ အခြေအနေအရ ရွေးစရာမရှိလို့ လက်ခံလိုက်ရတာ ဆိုတော့ ကျွန်တော်တော့ အခမ်းအနား မတက်ခဲ့ဘူး” လို့ ကျွန်တော့်လို နိုင်ငံသား ခံယူထားပြီး မနှစ်ကတည်းက နိုင်ငံသား ဖြစ်သွားတဲ့ သူငယ်ချင်းတစ်ဦးက ပြောပါတယ်။ ဒီအခမ်းအနားဟာ မဖြစ်မနေ တက်ရမယ့် ပွဲမဟုတ်တဲ့အတွက် အခမ်းအနား မတက်လည်း ကိုယ့်ရဲ့နိုင်ငံသား ခံယူထားမှုက ဘာမှထိခိုက်စရာ မရှိဘူးလို့ သူကရှင်းပြပါတယ်။

ကျွန်တော်ကတော့ ဒါတွေကို သိပ်မသိ။ နော်ဝေနိုင်သား ခံယူနိုင်ဖို့ နော်ဝေစာနဲ့ စကားကို သတ်မှတ်နာရီ ပြည့်အောင် သင်ထားတယ် ဆိုပေမယ့် ကောင်းကောင်း ဖတ်တတ်၊ ပြောတတ်တာ မဟုတ်သေးပါ။ “အခမ်းအနားတက်ရင် ကိုယ်ကပါ အလိုတူအလိုပါ တရားဝင် အသိအမှတ်ပြုသလို ဖြစ်သွားမလားဆိုပြီး စိတ်ထဲမှာ စွဲနေလို့ မတက်တာဗျို့” လို့ သူကဆိုပါတယ်။ တက်သင့်မသင့် ဇဝေဇဝါ ဖြစ်နေတဲ့ ကျွန်တော်ဟာ သူရဲ့အိုင်ဒီယာကို ကြားရပြီးတဲ့နောက် အဲဒီအခမ်းအနားဆီ မတက်ဖြစ်လိုက်တော့ပါဘူး။

တစ်ဆက်တည်းမှာပဲ ‘အခြေအနေအရ ရွေးစရာမရှိလို့ လက်ခံလိုက်ရတာ’ ဆိုတဲ့ စကားလုံးကို အသေအချာ ပြန်စဉ်းစားနေမိပါတယ်။ ဟုတ်ပါတယ်။ လွန်ခဲ့တဲ့ ၂၅ နှစ်၊ အခုလို စက်တင်ဘာလအတွင်း စစ်တပ်အာဏာ သိမ်းချိန်မှာ အဲဒီစစ်တပ်ကို လက်နက်ကိုင် တော်လှန်မှ ရမယ်ဆိုပြီး တောခိုခဲ့ကြတဲ့ ကျွန်တော်တို့ ကျောင်းသားတွေမှာ နော်ဝေနိုင်ငံဆီ သွားပြီး နော်ဝေနိုင်ငံသား အဖြစ် ခံယူဖို့ အစီအစဉ် ဘယ်ရှိပါ့မလဲ။ မူလအစီအစဉ်က စစ်အာဏာရှင် ပြုတ်ကျရေးအတွက် အသက်စွန့် တိုက်ပွဲဝင်ဖို့ သက်သက်မျှသာ ဖြစ်ပါတယ်။


ဒါပေမဲ့ တော်လှန်ရေးတစ်ရပ် အောင်ဖို့ဆိုတာ အသက်စွန့်တိုက်နေရုံနဲ့ ဘယ်လုံလောက်ပါ့မလဲ။ တခြား အချက်အလက်တွေ အများကြီး လိုဦးမှာပေါ့။ ဒီလိုနဲ့ လူကြီးသူမတွေ ပြောနေကျ စကားအတိုင်း ‘ကာလရွေ့လျားလာတာ နဲ့အမျှ’ ကျွန်တော်တို့ တောခိုကျောင်းသား ABSDF အဖွဲ့ဝင် တွေဟာလည်း တိုက်ပွဲမှာ ကျသူကျ၊ ငှက်ဖျားနဲ့ ဆုံးသူဆုံး၊ အိမ်ပြန်သူပြန်၊ နိုင်ငံခြား ထွက်သူထွက်၊ ဆက်တိုက်သူတိုက် စသဖြင့် လမ်းအသွယ်သွယ်နဲ့ ခရီးဆက်ရင်း အခုတော့ ကျွန်တော်အပါအဝင် တောခိုကျောင်းသားဟောင်း တချို့ဟာ နိုင်ငံခြားသား ခံယူရတဲ့ အခြေအနေအထိ ဆိုက်လာခဲ့တယ် ဆိုပါတော့။

၂၀၀၀ ပြည့်လွန်နှစ်တွေ နောက်ပိုင်း နော်ဝေနိုင်ငံဆီ ရောက်လာတဲ့ မြန်မာနိုင်ငံသားဦးရေ ၃၀၀၀ ကျော်လောက် ရှိမယ်လို့ ခန့်မှန်းရပြီး အများစုဟာ တောခိုကျောင်းသား ဟောင်းတွေ၊ နိုင်ငံရေး အကျဉ်းသားဟောင်းတွေ၊ စစ်ပြေး ဒုက္ခသည်တွေ ဖြစ်ကြပါတယ်။ နော်ဝေ ဥပဒေအရ သူ့နိုင်ငံဧရိယာ ထဲမှာ ခုနစ်နှစ်ကြာ ဆက်တိုက်နေထိုင်ပြီးသူတိုင်း နော်ဝေ ဘာသာစကားကို သတ်မှတ်ထားတဲ့ နာရီပြည့်အောင် သင်ထားပြီးသူတိုင်း နိုင်ငံသားအဖြစ် လျှောက်ခွင့်ရှိ တဲ့အတွက် ခုနစ်နှစ် ပြည့်ပြီး သူတိုင်းနီးပါး နိုင်ငံသားအဖြစ် လျှောက်ထားကြတာကို တွေ့ရပါတယ်။

ဒါက နော်ဝေက အခြေအနေပါ။ ဆွီဒင်၊ ဒိန်းမတ်၊ နယ်သာလန်၊ အိုင်ယာလန်၊ အင်္ဂလန် အပါအဝင် တခြားဥရောပ နိုင်ငံတွေမှာလည်း ၁၉၈၈ နောက်ပိုင်း ထွက်လာသူတွေ ထောင်နဲ့ချီ ရှိနေပါတယ်။ တစ်ခါ မြန်မာတွေ အများဆုံး ရောက်နေတဲ့ အမေရိက၊ ကနေဒါ၊ သြစတြေးလျနဲ့ နယူးဇီလန် တို့မှာဆိုရင် နိုင်ငံသားခံယူမှုက ဥရောပထက်တောင် ပိုလွယ်၊ ပိုမြန်တယ်လို့ ဆိုပါတယ်။ ၁၉၈၈ နောက်ပိုင်း ထိုင်း-မြန်မာ နယ်စပ် ဒုက္ခသည်စခန်းတွေ၊ တခြား နယ်စပ်စခန်း တွေကနေ ထွက်လာတဲ့ မြန်မာနိုင်ငံသားဦးရေ သုံးသောင်း ဝန်းကျင်လောက် ရှိမယ်လို့ ခန့်မှန်းရပေမယ့် အသေအချာစာရင်း ပြုစုထားတာမျိုးတော့ မတွေ့ရသေးပါ။

From : .. the voice

Read More

အကယ်ဒမီဆု အတွက် ဆန်ခါတင် နောက်ဆုံးအဆင့် စစ်ဆေး နေဖြစ်ပြီဖြစ်

မြန်မာနိုင်ငံ ရုပ်ရှင် အစည်းအရုံးမှ တာဝန်ရှိသူ တစ်ဦးရဲ့ ပြောကြားချက် အရ ယခုနှစ် အတွင်း ကျင်းပမယ့် ၂၀၁၂ ခုနှစ်အတွက် မြန်မာ့ရုပ်ရှင် ထူးချွန်ဆုအကယ်ဒမီ ဆုပေးပွဲ အတွက် ရုပ်ရှင် ဇာတ်ကားများ ဆန်ခါတင် စစ်ဆေးမှုဟာ နောက်ဆုံး အဆင့် စစ်ဆေးမှုကို ရောက်ရှိနေပြီဖြစ် တယ်လို့ သိရပါတယ်။ ဒီလိုစစ်ဆေးမှု တွေမှာ ပထမအဆင့် စစ်ဆေးခဲ့မှုမှာ ဆန်ခါတင် ဇာတ်ကား ၁၇ ကားရှိခဲ့ပြီး ယခုနောက်ဆုံး အဆင့် စစ်ဆေးမှု မှာတော့ ဆန်ခါတင်ရုပ်ရှင် ဇာတ်ကား ၇ ကားသာ ရှိတော့တယ်လို့ သိရပါတယ်။

အဆိုပါ ဇာတ်ကားတွေ ကတော့ လက်ပံ၊ တိမ်မင်းသမီးရဲ့ဒဏ္ဍာရီ၊ ဥ ၊ မော်ကင်း ဥဒါန်း၊ ကယန်းအလှ၊ အမုန်းမီးတောက်၊ အမွေခံထိုက်သူဖြစ်ပါစေ စတဲ့ ဇာတ်ကားပေါင်း ၇ ကား ပါဝင်တာ ဖြစ်ပါတယ်။ ဒီလို ဇာတ်ကားများကို အကဲဖြတ်ဖို့ အတွက် ကိုတော့ သက်ဆိုင်ရာ အဖွဲ့များမှ ပညာရှင်များ ပါဝင်တဲ့ အကဲဖြတ် အဖွဲ့ဝင် ၁၇ ဦးတို့မှ အကဲဖြတ် စစ်ဆေး နေတာ ဖြစ်တယ်လို့ သိရပါတယ်။ စစ်ဆေးမှုတွေမှာ သတ်မှတ်ချက်များ အတိုင်း ဇာတ်ကား အားလုံးကို တာဝန်ရှိသူ တွေမှ အဆင့်လိုက် စစ်ဆေး ဆောင်ရွက် သွားမှာ ဖြစ်တယ်လို့ သိရပါတယ်။ ယခု လက်ရှိ စစ်ဆေးမှု ဟာတော့ နောက်ဆုံး အဆင့် စစ်ဆေးတာ ဖြစ်ပြီး ပထမအဆင့် စစ်ဆေးမှု ကတော့ ဇူလိုင် ၃ ရက်နေ့က စစ်ဆေးမှုများ ပြီးစီးခဲ့တာ ဖြစ်တယ်လို့ သိရပါတယ်။


From : ..mrtv4

Read More

Coca-Cola ကိုကျော်တက်ကာ ကမ္ဘာ့အအောင်မြင်ဆုံး အမှတ်တံဆိပ်အဖြစ် Apple ရပ်တည်

iPhoneနှင့် iPadတို့ကဲ့သို့ ထုတ်ကုန်များကြောင့် အလွန်အောင်မြင်လာသည့် အမေရိကန် နည်းပညာ ကုမ္ပဏီကြီးသည် Coca-Colaကို ကျော်တက်ကာ ယခုနှစ်၏ အအောင်မြင်ဆုံး အမှတ်တံဆိပ် ပိုင်ရှင်အဖြစ် ရပ်တည်ခဲ့ခြင်း ဖြစ်သည်။

တစ်နှစ်တာအတွင်း ကမ္ဘာ့ အအောင်မြင်ဆုံး လုပ်ငန်း အမှတ်တံဆိပ်များ စာရင်းတွင် Appleက ထိပ်ဆုံးနေရာ၌ ရပ်တည်ခွင့် ရရှိလာကြောင်း သိရှိရသည်။ iPhoneနှင့် iPadတို့ကဲ့သို့ ထုတ်ကုန်များကြောင့် အလွန်အောင်မြင်လာသည့် အမေရိကန် နည်းပညာ ကုမ္ပဏီကြီးသည် Coca-Colaကို ကျော်တက်ကာ ယခုနှစ်၏ အအောင်မြင်ဆုံး အမှတ်တံဆိပ် ပိုင်ရှင်အဖြစ် ရပ်တည်ခဲ့ခြင်း ဖြစ်သည်။ ယင်းမတိုင်မီက အချိုရည် အမှတ်တံဆိပ် Coca-Colaက ယခုဘွဲ့ထူးကို (၁၃)နှစ်ဆက်တိုက် ဦးဆောင် ရယူထားသည်။ Appleသည် Googleနှင့် အပြင်းအထန် ယှဉ်ပြိုင်ခဲ့ပြီး ယင်းအခြေအနေက ကုမ္ပဏီကြီး နှစ်ခုလုံးအတွက် အကျိုးဖြစ်ထွန်းစေခဲ့သည်။ Google၏ မိုဘိုင်းလ်OSဖြစ်သည့် Andriodကို အသုံးတွင်ကျယ်လာခြင်းနှင့်အတူ Googleကလည်း Coca-Colaကို ကျော်တက်ကာ အအောင်မြင်ဆုံး အမှတ်တံဆိပ် ဒုတိယနေရာကို ပိုင်ဆိုင်လာခဲ့သည်။

Interbrand၏ တစ်နှစ်တာ အကောင်းဆုံး ကမ္ဘာလုံးဆိုင်ရာ အမှတ်တံဆိပ်များ စာရင်းတွင် ယခုအခါ နည်းပညာ လုပ်ငန်းစုကြီး နှစ်ခုက အဓိက ဦးဆောင်နေခြင်းလည်း ဖြစ်လာသည်။ အခြား နည်းပညာ အမှတ်တံဆိပ်များ ဖြစ်ကြသည့် IBM၊ Microsoft၊ Samsungနှင့် Intelတို့သည်လည်း ထိပ်ဆုံး(၁၀)နေရာ စာရင်းတွင် ပါဝင်နေကြသည်။ "နည်းပညာ အမှတ်တံဆိပ်တွေထဲမှာ Appleကတော့ အတောက်ပဆုံးပါပဲ။ ကုမ္ပဏီ တစ်ခုဟာ ကျွန်တော်တို့ရဲ့ ဘဝတွေကို ပြောင်းလဲစေခဲ့တယ်။ သူတို့ရဲ့ ထုတ်ကုန်တွေ တစ်ခုတည်းကြောင့်တင် မကပါဘူး။ ကုမ္ပဏီရဲ့ သီးခြားရပ်တည်မှုကပါ သက်ရောက်မှု ရှိခဲ့တာပါ"ဟု Interbrand အမှုဆောင်ချုပ် ဂျက်ဇ်ဖရမ်တန်က မှတ်ချက်ပြုခဲ့သည်။

၎င်းက "ဒါကြောင့်လည်း Coca-Colaဟာ (၁၃)နှစ်ကြာ ထိပ်ဆုံးနေရာ ရပ်တည်မှုကနေ ဖယ်ပေးလိုက်ရတာပါ။ ခုချိန်မှာ Interbrandဟာ နံပါတ်(၁) နေရာပိုင်ရှင် အသစ်ကို တွေ့ရှိခဲ့ပါပြီ။ အဲဒါကတော့ Appleပါပဲ"ဟုလည်း ပြောကြားခဲ့သည်။ Interbrandသည် ကုမ္ပဏီ အသီးသီး၏ ရပ်တည်မှုပုံရိပ်၊ ငွေကြေးကဏ္ဍ၊ သုံးစွဲသူများအပေါ် ဩဇာသက်ရောက်မှုနှင့် အမှတ်တံဆိပ်၏ နာမည်ကျော် ထုတ်ကုန်များအပေါ် အခြေခံကာ ယခုစာရင်းကို နှစ်စဉ် ပြုစု ကြေညာခဲ့ခြင်း ဖြစ်သည်။ Appleသည် ယခုအခါ ဒေါ်လာ (၉၈.၃)ဘီလျံမျှ တန်ကြေးရှိနေပြီး (၂၀၁၂)ခုနှစ်ကထက် (၂၈)ရာခိုင်နှုန်း မြင့်တက်လာသည်။ Coca-Colaကမူ ဒေါ်လာ (၇၉.၂)သန်း ရှိပြီး ယမန်နှစ်ကထက် (၂)ရာခိုင်နှုန်းသာ တန်ဖိုးပိုမြင့်လာခြင်းဟု သိရသည်။ နာမည်ကျော် Social Networking ဝက်ဘ်ဆိုက်ဖြစ်သည့် Facebookမှာ (၁၂)လအတွင်း တန်ဖိုး (၄၃)ရာခိုင်နှုန်း တက်လာသော်လည်း Interbrand၏ စာရင်းတွင် အဆင့်(၅၂) နေရာ၌သာ ရှိနေခဲ့သည်။

Read More

အင်တာနက်တွင် ဆန္ဒပြကြရန် လိုက်ဖွ သူ အတိုက်အခံ ၂၀ ကျော်အား ထောင် ၁၅ နှစ်ထိချ၊ မြန်မာနိုင်ငံတွင်လည်း ထိုစနစ်ပေါ်ပေါက်ရန် လူထု လိုလား

ဘာရိန်းနိုင်ငံတွင် အင်တာနက်၌ ဆန္ဒပြကြရန် လိုက်ဖွ သူ အတိုက်အခံ ရှီးယိုက်မွတ်ဆလင် ၂၀ ကျော်အားဘာရိန်းတရားရုံး တစ်ရုံးက မြေအောက်လှုပ်ရှားမှုများ ပြုလုပ်ခြင်းကြောင့် ထောင်ဒဏ် ၁၅ နှစ် အပါအဝင် အသီးသီးသော နှစ်ရှည်ထောင်ဒဏ်များ ချလိုက်ပြီး မြန်မာနိုင်ငံတွင်လည်း ထိုစနစ်ပေါ်ပေါက်ရန် လူထုမှ လိုလားလျှက်ရှိကြောင်း သတင်းရရှိသည်။

ဖေဖော်ဝါရီ ၁၄ တပ်ပေါင်းစုဟု အမည်ပေးထားသော အင်အားစုသည် ရှီးယိုက် ဦးဆောင်သော အခွင့်အရေး တောင်းဆိုသည့် ၂၀၁၁ တွင် စတင်ခဲ့သော လှုပ်ရှားမှုအပေါ် သြဇာလွှမ်းမိုးသည့် အစု အဖွဲ့ ဖြစ်သည်။
ဆွန်နီ တော်ဝင်မိသားစုက အုပ်ချုပ်သော ဘာရိန်းတွင် လူငယ်လှုပ်ရှားမှုများကို အကြမ်းဖက်ဝါဒဟု စွပ်စွဲထားရှိသည်။

ဖမ်းဆီးထားသော အတိုက်အခံ ရှီးယိုက် ၅၀ ဦးအနက် ၁၆ ဦးကို နှစ်ရှည် ထောင်ဒဏ် ၁၅ နှစ်ချလိုက်ကာ လေးဦးကို ၁၀ နှစ်ချခဲ့ပြီး ကျန်အတိုက်အခံများကို ထောင်ဒဏ်ငါးနှစ်စီ ချမှတ်လိုက်ကြ ကြောင်း တရားရေး သတင်းရင်းမြစ် တစ်ရပ်ကို ကိုးကား၍ AFP သတင်းတစ်ရပ်က ရေးသား ဖော်ပြထားသည်။

အကျဉ်းကျခံရသူ ၃၀ ဦးခန့်က အယူခံဝင်ရန် စီစဉ်လျက်ရှိပြီး ကျန် ၂၀ ဦး ကိုမူ တရားခွင်သို့ မခေါ်ဆောင်ဘဲ အမိန့်ချ ခြင်း ဖြစ်သည်။ ၄င်းတို့ကို စွပ်စွဲထားသော ပြစ်မှုမှာ အင်တာနက်တွင် ဆန္ဒပြကြရန် ဆော်သြနေသည့် လျှို့ဝှက်အဖွဲ့ ဖေဖော်ဝါရီ ၁၄ တပ်ပေါင်းစုတွင် ပါဝင်သောကြောင့် ဖြစ်သည်။

ယခု ဖမ်းဆီး ထောင်ချခံလိုက်ရသည့် ၅၀ ဦးတွင် ထင်ရှားသူမှာ လူ့အခွင့်အရေး တက်ကြွလှုပ်ရှားသူ နာဂျီဖာတီးလ် ဖြစ်ပြီး ၄င်းက ထောင်ဒဏ် ၁၅ နှစ် ချခံရခြင်း ဖြစ်သည်ဟု ဘာရိန်း လူ့အခွင့်အရေးရာ လူငယ်အင်အားစု အဖွဲ့က ပြောကြားသည်။

အဆိုပါ နိုင်ငံရေးအကျဉ်းသားများ မှာ စစ်ကြောရေး ဝင်နေရချိန် ကလည်း နှိပ်စက်ညှဉ်းပန်းမှုများ ခံရသည်ဟု ယင်းအဖွဲ့အစည်းက ပြောဆိုထားပြီး ညှဉ်းပန်း နှိပ်စက်မှုတွင် လျှပ်စစ်ဖြင့် ရှော့ခ်ရိုက်ခြင်း၊ ရေနှစ်ခြင်း၊ ရိုက်နှက်ခြင်းတို့ ပါဝင်ကြောင်းလည်း ထောက်ပြကြသည်။

ဖမ်းဆီးထောင်ချ ခံရသူများတွင် အီရတ်ဘာသာရေးဆရာ ဟာဒီအယ်မူ ဒါရီဆီနှင့် လန်ဒန်အခြေစိုက် အတိုက်အခံ ဆာအစ်ဒ်အယ်ရှာဟာဘီ တို့လည်း ပါဝင်ကြောင်း AFP သတင်းတစ်ရပ်က ဆိုသည်။ ၄င်းတို့နှစ်ဦးလုံးမှာ မျက်ကွယ်တရားစီရင်ခြင်း ခံရသူများ ဖြစ်သည်။

ဘာရိန်းဆန္ဒပြပွဲ များသည် ဆွန်နီ တော်ဝင်မိသားစု အုပ်ချုပ်ရေးကို ဖြုတ်ချပြီး အရပ်သားနိုင်ငံရေး ဖြစ်စဉ်တစ်ခုကို ပေါ်ပေါက်လာအောင် တောင်းဆို၍ ရှီးယိုက် ဘာသာဝင်များကို ခွဲခြားဆက်ဆံမှုများ မလုပ်ရန် သပိတ်မှောက်ကြခြင်း ဖြစ်သည်။

ယခုကဲ့သို့ ဖမ်းဆီးထားသူများကို ထောင်ဒဏ်များ ချမှတ်လိုက်ခြင်းသည် အစိုးရဆန့်ကျင်ရေး ဆန္ဒပြပွဲများကို ပိုမို ဆိုးဝါးလာအောင် မီးထိုးပေး လိုက်သကဲ့သို့သာ ဖြစ်ကြောင်း ဘာရိန်း လူ့အခွင့်အရေး အဖွဲ့၏ ခေါင်းဆောင်မိုဟာမက် အယ်မက်စ် ကာတီက BBC ကို ပြောကြားခဲ့သည်။

From : .. the voice

Read More

ငြိ်မ်းချမ်းရေး၊ ညီညွှတ်ရေးနှင့် ယုံကြည်မှုမှ ပြည်သူ့ဆန္ဒသို့

သြဂုတ်လ ၂၉ ရက်နေ့ထုတ် ပေါ်ပြူလာ ဂျာနယ်ပါ ဆောင်းပါးရှင် စောမိုးဇက် ရေးသားထားသည့် “ငြိမ်းချမ်းပြီး လျှင်လည်း စည်းလုံး ကြရမည်” ဆိုတဲ့ ဆောင်းပါးကို ဖတ်ပြီး ကျွန်တော့်အတွက် အတွေး ပင်လယ် ဝေခဲ့ရတယ်။


ဆောင်းပါးက ဒုတိယ ၀န်ကြီး အသစ်များ ကတိသစ္စာ ခံယူပွဲမှာ သမ္မတကြီး ပြောကြား ခဲ့သလို မကြာမီ တစ်နိုင်ငံလုံး ပစ်ခတ် တိုက်ခိုက်မှု ရပ်ဆိုင်းရေး သဘောတူညီချက်ကို လက်မှတ်ရေးထိုး တော့မယ့်အတွက် ငြိမ်းချမ်းရေး ရတော့မယ်။ ငြိမ်းချမ်းလျှင်လည်း စည်းလုံးဖို့လိုတယ်။ ဒါပေမယ့် ငြိ်မ်းချမ်းရေး ဆွေးနွေးဆဲ ကာလမှာပင် ရှေ့နောက် မညီတာတွေကို ဆောင်းပါးရှင်က မီးမောင်းထိုး ပြထားတာ ဖြစ်ပါတယ်…

တကယ်တော့ နှစ်ပေါင်းများစွာ ပြည်တွင်းစစ် အနိဌာနရုံကို ခါးခါးသီးသီး ခံစားခဲ့ရတဲ့ မြန်မာ နိုင်ငံသား အားလုံးက ဒီငြိမ်းချမ်းရေးကို အာသာငန်းငန်း တောင့်တနေကြတာ အားလုံးအသိပါ။ သမိုင်းကြောင်းအရ ခံစားချက်ကိုယ်စီနဲ့ လက်နက်ကိုင် လာခဲ့တဲ့ တိုင်းရင်းသား အချင်းချင်း ပြန်လည် သင့်မြတ်ရေးအတွက် အမျိုးသား ရင်ကြားစေ့ရေး ကိစ္စဟာ လက်ငင်း လိုအပ်ချက်ဖြစ်ပါတယ်။ တစ်နိုင်ငံလုံး ပစ်ခတ် တိုက်ခိုက်မှု ရပ်ဆိုင်းရေး သဘောတူညီချက် လက်မှတ် ရေးထိုးနိုင်တယ် ဆိုခဲ့ရင်တောင် ပြဿနာ ဖြေရှင်းခြင်းရဲ့ နိဒါန်းပဲ ရှိပါသေးတယ်.. ။ နိဒါန်းကောင်းနဲ့ တိုင်းရင်းသား အချင်းချင်း ယုံယုံကြည်ကြည် ပူးပေါင်း ဆောင်ရွက်သွားကြမှသာ ပန်းတိုင်အစစ်ကို ရောက်ရှိနိုင်မယ် ဆိုတာ ငြင်းချက် ထုတ်ရန် အကြောင်းမရှိပါ….။

ပူးပေါင်း ဆောင်ရွက်ရာမှာ ယုံကြည်မှု စက်ဝန်း ကျယ်ပြန့်ဖို့ လိုအပ်ပါတယ်။ ယုံကြည်မှု စက်ဝန်း ကျယ်ပြန့်လေလေ ပူးပေါင်း ဆောင်ရွက်မှု၊ နားလည်မှု ကျယ်ပြန့် လေလေ ဖြစ်ပါတယ်။ ဆရာ ကျော်ဝင်းက ယုံကြည်မှု အချင်းဝက် (radius of trust)ဆိုတဲ့ အယူအဆကို တင်ပြခဲ့ဖူးပါတယ်။ မြန်မာ့ဓလေ့မှာ ယုံကြည်မှု အချင်းဝက် တိုတောင်းမှုကြောင့် ဂိုဏ်းဂဏတွေ ကွဲခဲ့ဖူးတဲ့ သာဓကတွေ အများအပြားရှိ ခဲ့ပါတယ်။ နိုင်ငံတကာ ပူးပေါင်း ဆောင်ရွက်မှုတွေ လိုအပ်နေတဲ့ အချိန်မှာ ကိုယ့်အချင်းချင်း ပူးပေါင်း ဆောင်ရွက်မှုကို ခေတ်မမီတဲ့ အမူအကျင့်နှင့် မစဉ်းစား သင့်တော့ပါ။ အဓိက အကျဆုံးဖြစ်တဲ့ ပြည်သူလူထု၏ အစိုးရနဲ့ တိုင်းရင်းသား လက်နက်ကိုင်တွေ အပေါ် ဖိအားပေးမှု ဆန္ဒ ထုတ်ဖော်မှုတွေ ကြောင့်လည်း ယခု အခြေအနေကို လျင်လျင်မြန်မြန် ရရှိခဲ့တာ မဟုတ်ပါလား။

ယုံကြည်မှု တည်ဆောက်ခြင်း (Trust Building)ဆိုတာ လွယ်လွယ်ကူကူတော့ မဟုတ်မှန်း အားလုံး သိကြပါတယ်။ တစ်စုံ တစ်ယောက်က အခြားတစ်ယောက်ကို ယုံကြည်မှု(Trust) ဆိုတာ ယုံကြည်လက်ခံစရာ အကြောင်း အချက်တွေရှိမှ တည်ဆောက်ယူ နိုင်တာ ဖြစ်ပါတယ်။ ဒါပေမယ့် ဘက်ဆိုတာ တစ်ဘက်တည်း ပြောလို့တော့ မရပါဘူး။ နှစ်ဦးနှစ်ဖက် လုံးနှင့် ဆိုင်ပါတယ်။ နှစ်ဦးနှစ်ဖက် လုံးက ငြိမ်းချမ်းရေးကို အမှန်လိုလားပြီး ငြိမ်းချမ်းရေးအတွက် ယုံကြည်ဖွယ် ဖြစ်အောင် နေထိုင်ပြုမှု ကြဖို့လည်း လိုအပ်ပါတယ်။ ငြိမ်းချမ်းရေး စကား ပြောနေချိန်မှာ ငြိမ်းချမ်းရေးကို ထိခိုက်နိုင်တဲ့ လုပ်ရပ်တွေကို မလုပ်မိကြဖို့ အရေးကြီး ပါတယ်။ ဒါမှလည်း မိမိတို့ လျှောက် လှမ်းနေတဲ့ ငြိမ်းချမ်းရေး ဆိုတဲ့လမ်းကို ယုံကြည်မှု(Belief) ရှိလာပါမယ်။ ကိုယ့်လုပ်ရပ် အပေါ် ယုံကြည်မှု (Belief)ဟာ အရေးကြီးပါတယ်။ မိမိကိုယ်ကို ယုံကြည်မှု (Confidence) မရှိရင် Belief ဆိုတာမဖြစ်လာနိုင်ပါ။ ဒီလိုဆိုရင် သူတစ်ပါးကို ယုံကြည်မှု (Trust)ဟာ သိပ်ကိုခက်ခဲသွား ပါလိမ့်မယ်။ ငြိမ်းချမ်းရေး ဆွေးနွေးစဉ်မှာ စစ်အင်အား တိုးချဲ့တာတွေက ယုံကြည်မှု ပျက်ပြားစေတဲ့အတွက် အပြန်အလှန် ယုံကြည်မှု အားနည်း နေကြတာ တွေ့နေရပါတယ်။ အဓိက ပြောင်းလဲမှု (Change)တိုင်းမှာ စွန့်စွားမှု (Risk) အနည်းအများ ပါရှိစမြဲ ဖြစ်တယ် ဆိုပေမယ့် မိမိ သဘောထား ရပ်တည်မှု မှန်ကန် ရိုးဖြောင့်ရင် ရဲရဲတင်းတင်း လက်ဆွဲနှုတ်ဆက်လိုက် ယုံပါပဲ။ အောင်မြင်သွားမှာပါ။

ပြည်သူလူထုကြီးက အမှန်တကယ် လိုလားနေတာ ထာဝရ ငြိမ်းချမ်းရေးပါ။ ထာဝရ ငြိမ်းချမ်းရေး ရမှသာ ရေရှည် ဖွံ့ဖြိုးရေး ဆိုတဲ့ အာမခံချက်ကို ပေးနိုင်မှာ ဖြစ်တာ နှင့်အညီ ပြည်သူလူထုက နှစ်ဘက် စလုံးကို စောင့်ကြည့်နေ တယ် ဆိုတာ ဂရုပြုသင့် ပါတယ်။ အမျိုးသား ခေါင်းဆောင်ကြီး ဗိုလ်ချုပ်အောင်ဆန်းက ၁၉၄၇ခုနှစ် ဇူလိုင်လ ၁၃ရက်နေ့၊ ရန်ကုန်မြို့၊ မြို့တော် ခန်းမတွင် ပြုလုပ်ခဲ့တဲ့ ဖဆပလ အစည်းအဝေးမှာ လူထုကို ရဲရဲဝံ့ဝံ့ ပြတ်ပြတ် သားသား ပြောကြား ခဲ့သော မှတ်သားစရာ စကားတစ်ခွန်း ဖြစ်တဲ့ “ကျုပ်တို့ဟာ ဘယ်လို လူစားတွေလဲ၊ ရာဇ၀င်ထဲ အရေးခံရမယ့် လူတွေလား၊ ရာဇ၀င်မှာ အဆဲခံရမယ့် လူစားတွေလား ဆိုတာ ခင်ဗျားတို့ ကိုယ်တိုင် သိပါလိမ့် မယ်” ဆိုတဲ့စကားကို ငြိမ်းချမ်းရေးကို ဖော်ဆောင် နေကြတဲ့ နှစ်ဘက်သော ပုဂ္ဂိုလ်ကြီးတွေ သတိချပ်ကြဖို့ အထူး လိုအပ်ပါလိမ့်မယ်။ ဗိုလ်ချုပ်ကို တစ်တိုင်းပြည်လုံးက ကြည်ညိုလေးစား ခဲ့ကြပေမယ့် ဗိုလ်ချုပ်ရဲ့ စကားကိုတော့ ခုထိ နားမထောင် နိုင်ကြ သေးတာ၊ ဗိုလ်ချုပ်လို စိတ်ဓာတ် မမွေးနိုင်ကြသေးတာ အလွန် ၀မ်းနည်းစရာပါ။ညီညွှတ်ရေးရှိမှ ပြန်လည် ထူထောင်ရေး လုပ်နိုင်မယ်။ ဒါမှ ကိုယ့်တိုင်းပြည် အောက်ကျနောက်ကျ မဖြစ်မှာ လို့လည်း အခါခါ ပြောခဲ့ဖူးတယ် ဆိုတာတွေကိုလည်း ပြန်လည်ဖော်ထုတ် ပေးပါရစေ။

ကမ္ဘာ့နိုင်ငံရေး ချိန်ခွင်လျှာ အပြောင်းအလဲကြောင့် အရှေ့အာရှ နိုင်ငံများဟာ အရေးပါလာခဲ့ပါ တယ်။ Land Theory အရ မြန်မာ နိုင်ငံဟာ မဟာဗျူဟာ ကျပြီး အရေးပါတဲ့ နိုင်ငံဖြစ်တာ နှင့်အညီ အာရှအင်အားကြီး နိုင်ငံများနှင့် နီးကပ်ပြီး ဖွံ့ဖြိုးမှု အလျင်မြန်ဆုံး တံခါးပေါက် ဖြစ်နေတာဟာ မြန်မာနိုင်ငံကို အာရှ အင်အားကြီး နိုင်ငံ တစ်နိုင်ငံဖြစ်ဖို့ အခွင့်အလမ်း ကောင်းတွေ ဖြစ်ပေါ်လျက် ရှိပါတယ်။ ဒါကြောင့် အာရှ အင်အားကြီး နိုင်ငံတစ်ခု ထပ်မံ ပေါ်ပေါက် မလာအောင်နှင့် သူတို့ အကျိုးစီးပွား ကာကွယ်နိုင်ဖို့အတွက် ၄င်းတို့အလိုကျ လိုက်ပါနိုင်မယ့် နိုင်ငံငယ် တစ်ခုဖြစ်အောင်သာ အင်အားကြီး နိုင်ငံများက နည်းမျိုးစုံနဲ့ ချဉ်းကပ်နေတာဟာ “နွားကွဲရင် ကျားဆွဲမယ်” ဆိုတဲ့ စကားပုံကို အမှတ်ရပြီး သတိချပ် စရာပင် မဟုတ်ပါလော။

တိုင်းပြည်သာ အမှန်တကယ် တည်ငြိမ်အေးချမ်းမှု ရရှိနေပြီး စနစ်ကျတဲ့ ဒီမိုကရေစီ လမ်းကြောင်းပေါ်ကို လျှောက်လှမ်းနိုင် ပါက မြန်မာနိုင်ငံရဲ့ အနေအထား အရ အာရှမှာ အင်အားကြီး နိုင်ငံအဖြစ် အရှိန်အဟုန်နှင့် ဖြစ်ပေါ် လာနိုင် တာ ငြင်းနိုင် ဖွယ်ရာ အချက်မဟုတ်ပါ။ အဲ့ဒီလို တိုးတက်ဖြစ်ပေါ်လာတဲ့ နိုင်ငံတော်ကြီးကို လုံခြုံစိတ်ချစွာ ကာကွယ်နိုင်ဖို့ အတွက် ယှဉ်တွဲပြီး လိုအပ်နေတဲ့ အချက်က တပ်မတော်ရဲ့ အခန်းကဏ္ဍပင် ဖြစ်ပါတယ်။ နိုင်ငံတကာ စံနှုန်းများ အရ နိုင်ငံတစ်နိုင်ငံမှာ တပ်မတော်တစ်ခုပဲရှိရမည်ဆိုတာ လက်ခံရမယ့် ကိစ္စတစ်ခုဖြစ်ပါတယ်။

တစ်ပါးသူကို ရန်စကျူးကျော်ရန် မရည်ရွယ်သော်လည်း နိုင်ငံ၏ အချုပ်အခြာ အာဏာနှင့် တိုင်းရင်းသား ပြည်သူတို့၏ အကျိုးစီးပွားကို ထိပါးလာလျှင်မူ လိုအပ်သလို တုံ့ပြန် ကာကွယ်သွားရန် တပ်မတော် အင်အားရှိဖို့ အရေးကြီးပါ တယ်။ နိ်ုင်ငံတော်၏ အဆင့်နှင့် ပုံရိပ်ညီမျှသော အဆင့်မီ တပ်မတော် ရှိနေမှသာ ရန်စကျူးကျော်လို သူများအတွက် အဟန့်အတား တစ်ရပ် ဖြစ်ပေါ်စေသလို ကျရောက်လာသည့် ရန်ကိုလည်း ထိရောက်စွာ ကာကွယ် တွန်း လှန်နိုင် မှာ ဖြစ်ပါတယ်။ ဗိုလ်ချုပ်အောင်ဆန်း ကလည်း နိုင်ငံတော် ဖွံ့ဖြိုး တိုးတက်ရေးနှင့် ပြန်လည် ထူထောင်ရေး မိန့်ခွန်းတွေ ပြော တိုင်း စစ်တပ်ရဲ့ အခန်းကဏ္ဍကို အမြဲထည့်ပြောလေ့ ရှိတာကို မမေ့ပျောက် သင့်ကြပေ။ ထိုကြောင့် ပုဂ္ဂိုလ်စွဲ၊ အာဃာတ စွဲတို့ကို ဘေးဖယ်ပြီး အမျိုးသား အကျိုးစီးပွားနှင့် ယှဉ်၍ သုံးသပ်နိုင်ကြရမှာ ဖြစ်ပါတယ်။

နိုင်ငံရေး၊ လူမျိုးရေး ခံစားချက်တွေနဲ့ လက်နက်စွဲကိုင် လာခဲ့ကြတဲ့ တိုင်းရင်းသား တပ်တွေဟာလည်း ငြိမ်းချမ်းရေး ရလျှင် ကုလသမဂ္ဂ ငြိမ်းချမ်းရေး မစ်ရှင်တွေလုပ်တဲ့ နိုင်ငံတကာ စံနှုန်းတွေအတိုင်း တပ်များ ဖျက်သိမ်းခြင်း၊ လက်နက်ဖြုတ် သိမ်းခြင်းနှင့် ပြန်လည်နေရာ ချထားရေး (DDR) လုပ်ငန်းစဉ်တွေကို စနစ်တကျ စီမံခန့်ခွဲ ပေးနိုင်ရေး မဖြစ်မနေ ဆောင်ရွက် ကြရပါဦးမယ်..။ သို့မှသာ နိုင်ငံတကာ အသိအမှတ်ပြုတဲ့ အမှန်တကယ် ငြိမ်းချမ်းရေး အခြေအနေ ရောက်ရှိနိုင်ပါလိမ့် မယ်။ ဤသို့ မဟုတ်လျှင် အချိန်မရွေး ပေါက်ကွဲနိုင်သော အခြေအနေတွင် တည်ရှိနေပြီး ရေရှည်ရင်းနှီး မြှုပ်နှံမှုနှင့် အကျိုးခံစား ခွင့်ကို ရရှိနိုင်မည် မဟုတ်ပါ။

နိုင်ငံတကာ စံနှုန်းများအရ တရားဝင်မှု (Legitimacy) ရှိသော အာဏာရ အစိုးရသည် အသာစီး ရှိသည် မှန်သော်လည်း ပဋိပက္ခ ဖြေရှင်းနည်း အဆင့်များအတိုင်း ပဋိပက္ခကို ခွဲခြမ်းစိတ်ဖြာ နားလည်ခြင်း၊ မဟာဗျူဟာ ရေး ဆွဲခြင်းနှင့် ဆွေးနွေး ညှိနှိုင်းခြင်း အဆင့်များအတိုင်း ဆောင်ရွက်ရမည်ဖြစ်သလို တိုင်းရင်းသား လက်နက်ကိုင် အဖွဲ့များ အနေဖြင့်လည်း ငြိမ်းချမ်းရေး စားပွဲဝိုင်းပေါ် ပြောကြားချက် များအတိုင်း လက်တွေ့ လုပ်ဆောင်ချက်များနှင့် သက်သေပြနေရမှာဖြစ်ပါတယ်။ နိုင်ငံရေး အန္တိမ ရည်မှန်းချက် (political End)သည် ပြည်သူများ၏ ဆန္ဒ(Public Opinion) ဖြစ်သော ထာဝရ ငြိမ်းချမ်းရေး ဖြစ်သည့်အတွက် တွဲမည့် လက်များတွင် ယုံကြည် မှု အပြည့်ရှိရန် အရေးကြီးသည် နှင့်အညီ ယုံကြည်မှု သည်သာ နားလည်မှု၊ ပူးပေါင်း ဆောင်ရွက်မှု တို့အတွက် အခြေခံဖြစ်သော စည်းလုံး ညီညွှတ်မှုကို ဆက်လက် ဖော်ဆောင် နိုင်မှာ ဖြစ်ပါတယ်..။

အာဃာတ တရားများ ဖြေဖျောက်ကာ သံသယစိတ်များ ကင်းကွာမှ ဖြစ်ပေါ်လာမည့် နောက်ဆက်တွဲ အကျိုးရလာဒ် လုပ်ငန်းစဉ် များကို ခံစားနိုင်မှာပါ။ သို့အတွက်ကြောင့် ပြည်သူ့ဆန္ဒ ရည်မှန်းချက်များ ထိရောက်စွာ အကောင် အထည် ဖော်နိုင်ရေး အစိုးရနှင့် တိုင်းရင်းသား လက်နက်ကိုင် အဖွဲ့များ အနေဖြင့် မှန်ကန်သော သဘောထား ရပ်တည်ချက် များနှင့် ထိရောက်သော လက်တွေ့ ဆောင်ရွက်ချက်များ အကောင်အထည် ဖော်နိုင်ကြ ပါစေကြောင်း . . .

ဆောင်းပါးရှင် (ထက်ယံ)

Read More

အမျိုးသားများတွင် လိင်စိတ် လျော့နည်းရခြင်း

အမျိုးသား တွေမှာ ရောဂါ ဝေဒနာ ခံစား ရတာနဲ့ ဆေးကုသမှု ခံယူရတာ တွေကြောင့် လိင်စိတ်လျော့ နည်းမှု ဖြစ်တတ် ပါတယ်။

အမျိုးသား တွေမှာ လိင်စိတ် ဆန္ဒလျော့ နည်းမှု ဖြစ်စေတဲ့ အကြောင်းရင်း တွေက အောက်ပါ အတိုင်း ဖြစ်ပါတယ်။

- ပန်းသေ ပန်းညှိုးရောဂါ

ပန်းသေတာ ဒါမှမဟုတ် ပန်းသေ ပန်းညှိုး ရောဂါဟာ လိင်စိတ် လျော့နည်း တာနဲ့ မတူပါဘူး။ လူငယ် ခုနစ်ရာခိုင်နှုန်း ကသာ ပန်းသေ ပန်းညှိုး ဖြစ်တတ် ကြပါတယ်။ ပန်းသေ ပန်းညှိုး ရောဂါက အသက်ကြီးလာ လေလေ၊ ဖြစ်နိုင်ခြေ ပိုများ လေလေပါ။ အသက် ၄၀ အရွယ်မှာ ပန်းသေ ပန်းညှိုးဖြစ်နိုင် ခြေ ၁၂ ရာခိုင်နှုန်း၊ အသက် ၅၀-၅၉ နှစ်အရွယ်မှာ ရောဂါ ဖြစ်နိုင်ခြေ ၁၈ ရာခိုင် နှုန်းနဲ့ အသက် ၆၀ ကျော် အရွယ်မှာ ရောဂါဖြစ် နိုင်ခြေ ၂၅-၃၀ ရာခိုင်နှုန်း အထိ သိသိသာသာ မြင့်တက်လာ ပါတယ်။ ပန်းသေ ပန်းညှိုးရောဂါနဲ့ စိတ်ဖိစီးမှုက အပြန်အလှန် ဆက်နွှယ် မှုရှိပြီး လိင်စိတ်လျော့ နည်းမှုကို ဖြစ်စေနိုင်ပါတယ်။ သတင်းကောင်း အနေနဲ့ ပန်းသေ ပန်းညှိုး ဖြစ်ရတဲ့ အကြောင်းရင်းပေါ် မူတည်ပြီး ဆေး ကုသမှု ခံယူနိုင် ပါတယ်။

- ပူပင်သောကများလွန်းခြင်း

အမျိုးသားတွေမှာ ပူပင်သောက များလွန်းတဲ့ အခြေအနေကြောင့် သုက်လွှတ် စောတာမျိုး ဖြစ်တတ် ပါတယ်။ အဲဒီလို ဖိအားများတဲ့အခါ လိင်စိတ်လျော့ နည်းမှု ဖြစ်ပေါ် တတ်ပါတယ်။

- စိတ်ဖိစီးမှုများခြင်း

လုပ်ငန်းခွင် စိတ်ဖိစီးမှု များပြီး စိန်ခေါ် လုပ်ကိုင်ရ တဲ့အခါ အောင်မြင်အောင် မလုပ်ဆောင် နိုင်ရင် အမျိုး သားတွေက ကိုယ့်ကိုယ်ကိုယ် လေးစား စိတ်လျော့နည်း လာပါတယ်။ ဒီအတွက် ကြောင့်လည်း အိမ်ထောင် ရေးမှာ မသာယာတဲ့ အဖြစ်မျိုး တွေ့ကြုံ နိုင်ပါတယ်။

- ကျန်းမာရေး အခြေအနေ

အမျိုးသား တွေမှာ နာတာရှည် ရောဂါ ဝေဒနာ တွေကြောင့် လိင်မှုဘဝကို ထိခိုက်စေနိုင် ပါတယ်။ ကင်ဆာနဲ့ စိတ်ကျ ရောဂါတို့လို ပြင်းထန်တဲ့ နာမကျန်း မှုတွေကြောင့် လိင်စိတ်ကို လျော့ကျ စေနိုင်ပါတယ်။ နှလုံးသွေး ကြောရောဂါ၊ သွေးတိုး ရောဂါနဲ့ ဆီးချိုရောဂါ တွေကြောင့် မျိုးပွား အင်္ဂါအပါအဝင် ခန္ဓာကိုယ် အစိတ်အပိုင်း အားလုံး ဆီကို သွေးရောက် ရှိမှု လျော့နည်းသွား ပြီး လိင်စိတ်လျော့နည်း စေပါတယ်။ အရက်စွဲ တာနဲ့ အရက်ကို အလွန်အမင်း သောက် သုံးတာ ကြောင့်လည်း လိင်ဆန္ဒကို လျော့ပါး စေပါတယ်။ သိုင်းရွိုက် ပြဿနာနဲ့ ပီကျူထရီဂလင်း အကျိတ် ရှိတာ ကြောင့်လည်း လိင်စိတ်ကို လျော့ကျ စေပါတယ်။

- ဆေးကုသမှု

စိတ်ကျဝေဒနာ ကုသဆေး SSRI ဟာ လိင်စိတ်ကို ဟန့်တားနိုင်သလို သွေးတိုးကျဆေး ကလည်း လိင်စိတ်ကို လျော့ကျ စေပါတယ်။ မူးယစ် ဆေးတွေ သုံးရင်လည်း လိင်စိတ်ကို လျော့ကျ စေပါတယ်။

- အိမ်ထောင်ရေး အဆင်မပြေခြင်း

မပျော်ရွှင်တဲ့ အိမ်ထောင်ရေး အခြေအနေကြောင့် အမျိုးသား တွေမှာ လိင်စိတ်လျော့နည်းမှု ဖြစ်ရသလို အိပ်ခန်း ထဲကို ဒေါသနဲ့ စိတ်ပျက်လက်ပျက် ဖြစ်ကာ စိတ်ကုန်တဲ့ အတွေးတွေ ယူဆောင် သွားတာကြောင့် လိင်စိတ်လျော့နည်း ရတတ်ပါတယ်။

- မွေးကင်းစ ကလေးငယ် ပြုစု စောင့်ရှောက်ရခြင်း

တချို့ အမျိုးသားတွေ အတွက် ကလေးငယ်မွေး ဖွားပြီးနောက် လိင်ဆန္ဒအတွက် အဟန့်အတား ဖြစ်လာ ပါတယ်။ မွေးကင်းစ ကလေးငယ်ကို ပြုစုစောင့် ရှောက် ရတဲ့အတွက် ပင်ပန်းမှုကြောင့် လိင်စိတ် လျော့နည်း ရတတ် ပါတယ်။

ကေအမ်

Read More

ပါရာစီတမောလ် နဲ့ ပက်ပစီ ( ဖတ်ဖြစ်အောင်ဖတ်ပါ )

အားလုံးသိအောင်ဖော်ပြပေးလိုက်ပါတယ်။အားလုံးသတိထားနိုင်အောင်
လို့ ပါ။

ကိုကာကိုလာ-ပက်စီ-ကုတ် တွေအကြောင်းကိုလူတိုင်းနှီးပါးသိပြီးကြမယ်လို့ထင်ပါတယ်။
မသိသေးတဲ့သူတွေအတွက်ကတော့သတင်းထူးပါဘဲဗျာ-

ဒီကနေ့ ဂျစ်တူးအကိုရဲ့ သူငယ်ချင်းတစ်ယောက် စင်္ကာပူကိုရောက်လာခဲ့ ပါတယ်။အပျော်ထွက်-ဈေးဝယ်လာ တာတော့မဟုတ်ပါဘူး။

သူမရဲ့ ချစ်ဆုံးယောက်ျားဆုံးသွားလို့ အပူနဲ့ လာခဲ့ ရသူပါ။
လက်ထပ်ထားတာမှတစ်နှစ်တောင်မပြည့်သေးပါဘူးတဲ့ ။သူကကျောင်းဆရာမဆိုတော့ခွင့်ယူဖို့ အလုပ်ထွက်ဖို့ ဆိုတာတော်တော်ခက်လို
့ယောက်ျားရှိတဲ့နေရာမှာလည်းမလိုက်လာနိုင်။

ယောက်ျားကလည်း သူမနှင့်အတူလိုက်မနေနိုင်ဆိုတော့ မယ် တစ်ရွာမောင်တစ်မြို့ အနေဝေးနေကြတာပေါ့။

နောက်နှစ်ဆိုရင် တော့အတူတူနေလို့ ရပါပြီ။(ဒီလိုအတွေးကလေးတွေနဲ့ ဆရာမလေးတစ်ယောက်ပျော်နေခဲ့တာပေါ့)

ဒါပေမဲ့အခုတော့သူမအပျော်တွေဘယ်တွေရောက်နေကုန်ပြီမသိတော့ပါဘူး။
ဆရာမလေးယောက်ျားတစ်ယောက်မြန်မာနိုင်ငံထုတ်အကြောဖြေဆေးနဲ့ ပက်စီသောက်မိလို့ သေဆုံးသွား ပါတယ်။မနက်ဖြန်ဆိုရက်လည်နေ့ ပေါ့။

ဒီလိုသတင်းတွေကြားနေရတာတော်တော်များနေပါပြီ။
ပြီးခဲ့တဲ့သုံးပတ်လောက်ကလည်းပါတာစီတစ်မော့နဲ့ကိုကာကိုလာသောက်မိလို့ သေသွားတဲ့ မြန်မာအမျိုးသား တစ်ယောက်လည်းဆုံး ပါးသွားပါပြီ။

သူ့ခေါင်းတွေကိုက်လွန်းလို့ ပါတာစိတစ်မော့ကိုသောက်တယ် တဲ့(ဆေးရက်စွဲမကုန်သေးပါဘူး) နဲနဲကြာတော့ရင်တွေပူ လွန်းလို
့ဆိုပြီးကိုကာကိုလာသောက်လိုက်တယ်(သူ့အမျိုးသမီးကိုယ်တိုင်ရေခဲသတ္တာ
ထဲကယူပေးလိုက်တာပါ)။

ခဏနေတော့ပါးစပ်ထဲကအမြုတ်တွေထပြီးမူးလဲသွားလို
့ဆေးရုံကိုပို့လိုက်ရပါတယ် အဲဒီဆေးရုံသွားတဲ့လမ်းမှာ ဘဲအသက်ဆုံးသွားခဲ့ပါတယ်။

အရင်ဆုံးကြားရတဲ့သတင်းကတော့ ဂျစ်တူးတို့သူငယ်ချင်းအ ရင်းခေါက်ခေါက်ကိုယ်တိုင်ပါဘဲ။
ကုန်လွန်ခဲ့တဲ့သုံးလလောက်ကဖြစ်ခဲ့တာပါ။

မြန်မာနိုင်ငံထုတ်ညော်ထွက်တဲ့ဆေးတစ်မျိုးကိုသောက်ပြီးတော်တော်ကလေးကြာမှပက်စီကိုသောက်လိုက်တာ တခါတည်းအသက် ပါ ပါသွားလိုက်တာပါ။
ကြားခါစမယုံမကြည်ဖြစ်မိပါတယ်။

ဒီလောက်သန်သန်မာမာကျန်းမာရေးအထူးဂရုစိုက်တဲ့သူတစ်ယောက်သေ
တယ်ဆိုတော့ဘယ်လိုမှမယုံကြည်မိပါဘူး။တကယ်တန်းမီးခိုးငွေ့တွေ
အဖြစ်ကြုံရတော့မယုံကြည်လို့မရတော့ ပါဘူး။

နီးစပ်ရာသက်ဆိုင်ရာသူငယ်ချင်းအပေါင်းတသင်းများကိုစကားတိုး
တိုးပြောပေးပါ။

အထက်ပါအကြောင်းအရာတွေကိုပါ။မဖြစ်အောင်တားလို့ ရပါတယ်။တစ်ယောက်ကြည့်လို့ တစ်ယောက်သိ ရင်တစ်ယောက်အသက် ကိုကယ်တင်ရာရောက်ပါတယ်။

ဘလော့တွေအားလုံးကဖြစ်ဖြစ် - ပြန့်ပွားအောင်
သိသူများအောင်ဖေါ်ထုတ်ပေးကြပါ။

လူအသက်တစ်ချောင်းကယ်ကောင်းပါတယ်ဗျာ-
တစ်ယောက်အားနဲ့မရပါဘူးအများသိဖို့ အများမှာတာဝန်ရှိပါတယ်။
သင်သိတာကလေးကိုမျှဝေသိစေခြင်းဖြင့်ကုသိုလ်ယူကြပါ။

Read More

✰‿ ကျန်းမာရေးအတွက်စားသင့်တဲ့ မျောက်ငိုသီး Petai‿✰

ဆေးပညာရှင်များ လေ့လာစမ်းချက်အရ မျောက်ငိုသီးမှာ သဘာဝသကြားသုံးမျိုးရှိတာကိုတွေ့ရတယ် ။ သစ်သီးသကြား ၊
ဂလုးကို့စ်၊ ကြံသကာ တို့ဖြစ်ပါတယ်။ မျောက်ငိုသီးမှာအမျှင်ဓာတ်များပါဝင်တာမို့
အားအင်ကိုဖြစ်စေပါတယ် ။ မျောက်ငိုသီးထဲမှ Tryptophan ဓာတ် က လူခန္ဓာကိုယ်ထဲရောက်တဲ့အခါ Serotonin အဖြစ်သို့ပြောင်းလဲသွားသော
ကြောင့်စိတ်ကိုပေါ့ပါးစေ ပြီး စိတ်နေစိတ်ထားကိုပြောင်းလဲပေးတာမို့ စိတ်ဖိအားကိုလျှော့စေနိင်စွမ်းအားရှိပါတယ် ။
ဗီတာမင် B6 ပါရှိပြီးသွေးချိုကိုမျှတအောင်ညှိပေးနိင်တာမို့
စိတ်ကိုပျော်ရွှင်လန်းဆန်းစေပါတယ် ။
မြင့်မားသောသံဓာတ်ပါရှိတယ် ။မျောက်ငိုသီးရဲ့နိူးဆွမှုကြောင့်သွေးထဲမှ
( hemoglobin) သွေးနီဥကို ကိုထုတ်လုပ်နိင်တာမို့သွေးအားနည်းတဲ့အခါ အထောက်အကူပြုနိင်ပါတယ် ။ အပုပိုင်းဒေသမှာပေါက်ပြီး ထုးခြားတဲ့မျောက်ငိုသီး မှာ ပိုတက်ဆီယမ် (potassium) အများဆုံးပါဝင်ပေမယ့် အငံဓာတ်က နည်းပါးတာမို့ အမေရိကန် စားသောက်ကုန်နှင့်ဆေး ဆိုင်ရာဌာနက မျောက်ငိုသီးပာာ
သွေးပေါင်ကိုကျစေပြီး လေဖြတ်ခြင်းမှကာကွယ်ပေးနိင်ကြောင်း မျောက်ငိုသီးရဲ့စွမ်းအားကို မှတ်တမ်းထားပါတယ် ။ နှလုံးရောဂါအတွက်လည်းအထောက်အကုပြူပါတယ် ။
နေ့တိုင်း မနက်စာ ၊ နေ့လည်စာ တွင်မျောက်ငိုသီးကို စားရင် ဦးနှောက် အတွက်အထောက်အကူပြုနိင်ပါတယ် ။ ပိုတက်ဆီယမ် များပါတာမို့
အသိဥာဏ် ပိုကောင်းလာခြင်း စိတ်ပျော်၇ွှင်လန်းဆန်းစေပါတယ် ။
အမျှင်ဓာတ်များပါဝင်တာမို့ ဝမ်းချုပ်ခြင်းမှကာကွယ်ပေးနိင်ပါတယ် ။
မျောက်ငိုသီး နှင့် ပျားရည်တို့စားခြင်းဖြင့် (အရက်မှုး )အမှုးပြေစေပါတယ် ။
မျောက်ငိုသီး နှင့် ပျားရည်က အစာအိမ်ကိုအနားယုစေပြီးသွေးချိုကို ညီမျှအောင်ညှိပေးနိင်စွမ်းရှိပါတယ် ။
မျောက်ငိုသီးက လုခန္ဓာကိုယ်ထဲကိုရောက်တဲ့အခါ သဘာဝ ခုခံနိင်သောအက်စစ် ဖြစ်သွားတာမို့ အစာအိမ်မကောင်းသူများအတွက်
မကြာခဏ စားသုံးသင့်ပါတယ် ။ ဝိတ်ကျ နိင်စွန်းအားရှိပါတယ်။
ကိုယ်ဝန်ရှိနေစဉ် မျောက်ငိုသီး စားခြင်းဖြင့်
မျောက်ငိုသီးကသွေးချိုကိုညှိပေးနိင်တာမို့ အော့အန်ခြင်းကိုကာကွယ်ပေးနိင်ပါတယ် ။ ခြင်ကိုက်ခံရတဲ့ နေရာကိုမျောက်ငိုသီးလိမ်းပေးခြင်းဖြင့်
အရေပြားယားယံ ရောင်နေခြင်းနှင့် နာကျင်မှုကိုလျှော့စေတယ် ။
မျောက်ငိုသီးတွင်ဗီတာမင် ဘီ ဓာတ်များပါဝင်တာမို့
အာရုံကြောအတွက်အထောက်အကူပြူပါတယ် ။
မျောက်ငိုသီးတွင် Vit B6 , V12 ၊ ပိုတက်ဆီယမ်နှင့် မက်ဂနီဆီယမ် ပါဝင်တာမို့ ကိုယ်ခန္ဓာပြန်လည်ကောင်းမွန်အထောက်အကူပြုပါတယ် ။
ဆေးလိပ် ဖြတ် ရာတွင် နီကိုတင် (Nicotine ) ပျက်စေတယ် ။
"New England Journal of Medicine" လေ့လာချက်အရမျောက်ငိုသီး မကြာခဏ စားတဲ့သူက လေဖြတ်သေဆုံးရခြင်းအန္တရာယ်မှကင်းဝေးနှုန်း
၄၀% ရှိပါတယ် ။ မျောက်ငိုသီးက ပန်းသီးထက် အသားဓာတ် လေးဆ (protein) ။ ကာဗွန်ပိာုက်ဒိုက် နှစ်ဆ( carbohydrate) ၊ ဖော့စရပ် သုံးဆ
( phosphorus) ၊ ဗီတာမင် အေ နှင့် သံဓာတ်က ငါးဆ ။ အခြားဗီတာမင်နှင့် ပိုတက်ဆီယမ်များပါဝင်တာမို့ကျန်းမာရေးအတွက်အသင့်တော်ဆုံး
အစားအစာဖြစ်ပါတယ် ။ နေ့တိုင်းမျောက်ငိုသီးစားရင်ဆရာဝန်နဲ့ ကင်းဝေးတယ်လို့ ပြောကြပါတယ် ။ ။။။။။။။။။။။။
ချစ်ခင်လေးစားရသောသူငယ်ချင်းတို့ ..........♡♡♡
မျောက်ငိုသီး (Petai) က မလေးရှား ၊ ထိုင်း ၊ အင်ဒိုနီးရှား ၊ စင်ကာပု ၊ မြန်မာနိင်ငံ များတွင် ရှိပါတယ် ။ ဒညင်းသီး လို အနံ့ အရသာတုတယ်လို့သိရပါတယ် ။ ဒညင်းသီး အစား မျောက်ငိုသီး စားတာက ကျန်းမာရေးနဲ့ပိုသင့်လျှော်ပါတယ် ။ ဈေး လည်း ချိုအလွယ်တကုရနိင်တဲ့အစား အစာမို့ သူငယ်ချင်းတွေကိုမျှဝေ ပေးလိုက်ပါတယ် ။
သူငယ်ချင်းများအားလုံးကျန်းမာပါစေ ~~~ ♡♡♡

Read More

ပုဂ္ဂလိကပိုင် မြေများပေါ်တွင် ယခင်စည်ပင်မှ အကောင်အထည် ဖော်ခဲ့သည့် တဲပေါ်မှ တိုက်ပေါ်တင် အိမ်ရာစီမံကိန်း ရှစ်ခုရှိပြီး လက်ရှိလုပ်ပေးနိုင်ခြင်း မရှိတော့ကြောင်း သိရ

Created on Friday, 04 October 2013


ဒဂုံဆိပ်ကမ်း မြို့နယ်တွင် တည်ဆောက်နေသည့် ဧရာဝဏ် စီမံကိန်းကို တွေ့ရစဉ်

ရန်ကုန်မြို့ရှိ ပုဂ္ဂလိကပိုင် မြေများပေါ်တွင် ယခင်ရန်ကုန်မြို့တော် စည်ပင်သာယာရေး ကော်မတီက အကောင်အထည် ဖော်ခဲ့သည့် တဲပေါ်မှ တိုက်ပေါ်တင် အိမ်ရာစီမံကိန်း ရှစ်ခုရှိခဲ့ပြီး လက်ရှိအခြေအနေတွင်မူ အဆိုပါ စီမံကိန်းများ လုပ်ပေးနိုင်ခြင်း မရှိတော့ကြောင်း အောက်တိုဘာ ၁ ရက်တွင် ပြုလုပ်သည့် ပထမအကြိမ် ရန်ကုန်တိုင်း ဒေသကြီး လွှတ်တော် ဆဋ္ဌမပုံမှန် အစည်းအဝေးတွင် ရန်ကုန်မြို့တော်ဝန် ဦးလှမြင့်က ပြောကြားသည်။

ဒေါပုံမြို့နယ် မဲဆန္ဒနယ် အမှတ် (၁)မှ တိုင်းဒေသကြီး လွှတ်တော်ကိုယ်စားလှယ် ဦးသောင်းစိန်၏ ''မြို့ပြဖွံ့ဖြိုးရေးကို မျှော်မှန်းပြီး ဒေသလူနေမှု အဆင့်အတန်း မြင့်မားရေးအတွက် တဲပေါ်မှ တိုက်ပေါ်တင်စနစ် အောင်မြင်ချောမွေ့ စေရေးအတွက် မြို့တော် စည်ပင်သာယာရေး အဖွဲ့အနေဖြင့် ကြီးကြပ်ရန် အစီအမံများ မည်သို့ချမှတ် ထားသည်ကို သိလိုကြောင်း ''မေးမြန်းမှုအပေါ် ရန်ကုန်မြို့တော်ဝန် ဦးလှမြင့်က ပြန်လည် ဖြေကြားရာတွင် အထက်ပါကဲ့သို့ ထည့်သွင်းပြောကြားခဲ့ခြင်း ဖြစ်သည်။

၂၀၁၂ ခုနှစ် ဇွန် ၁၉ ရက်တွင် နိုင်ငံတော်သမ္မတရုံး အစည်းအဝေး ခန်းမတွင် ကျင်းပသော စီမံကိန်း ကော်မရှင်ဥက္ကဋ္ဌ နိုင်ငံတော် သမ္မတ၏ မိန့်ခွန်းတွင် မြို့ပြဖွံ့ဖြိုး တိုးတက်ရေးအတွက် ရင်းနှီးမြှုပ်နှံသူနှင့် ဒေသခံပြည်သူ နှစ်ဦးနှစ်ဖက် သဘောတူညီမှုယူပြီး တဲပေါ်မှ တိုက်ပေါ်သို့တင်သည့် စနစ်ကို ပြောင်းလဲကျင့်သုံးရန် လမ်းညွှန်ခဲ့ကြောင်း၊ ဒေါပုံမြို့နယ်အတွင်း ရပ်ကွက် ၁၇ ရပ်ကွက် ရှိသည့်အနက် ခုနစ်ခုတွင် ယင်းသို့ ဖော်ဆောင်နေသည်ကို တွေ့ရကြောင်း၊ နှစ် ၆၀ ဂရန်မြေကွက်ပေါ်တွင် ပိုင်ရှင်နှင့် ကန်ထရိုက် သဘောတူညီပြီး အဆောက်အအုံ ဆောက်ကာ အခန်းပေး အခန်းယူစနစ်ဖြင့် မျှဝေယူကြကြောင်း၊ ယင်းစနစ် အဆင်ပြေပြီး ပြဿနာ မပေါ်ပေါက်ရေးအတွက် စည်ပင်သာယာရေး အဖွဲ့၏ အခန်းကဏ္ဍသည်လည်း ပိုမို တာဝန်ရှိလာပြီ ဖြစ်ကြောင်းနှင့် မျက်ခြည်မပြတ် ကြီးကြပ်မှုလည်း လိုအပ်လာကြောင်း၊ ပြည်သူ့ အကျိုးစီးပွား ပါဝင်နေသည့် အတွက် စည်ပင်သာယာရေး အဖွဲ့အနေဖြင့် ပြည်သူလူထုကို ဥပဒေနဲ့ အကာကွယ်ပေးရန်နှင့် နည်းစနစ်ပိုင်းဆိုင်ရာ များကိုလည်း တိကျစွာ ကြီးကြပ်လုပ်ဆောင် သင့်ကြောင်း ဒေါပုံမြို့နယ် မဲဆန္ဒနယ် အမှတ်(၁)မှ တိုင်းဒေသကြီး လွှတ်တော်ကိုယ်စားလှယ် ဦးသောင်းစိန်က ပြောကြားသည်။

တဲပေါ်မှ တိုက်ပေါ်တင်နိုင်ရေး အတွက် ရန်ကုန်မြို့တော် စည်ပင်သာယာရေး ကော်မတီ အနေဖြင့် စီမံကိန်းများ လုပ်ခဲ့ပြီး ဖြစ်ပြီး ယင်းစီမံကိန်းများမှာ လှိုင်မြို့နယ် (လှိုင်ရတနာ အဆင့်မြင့်အိမ်ရာ စီမံကိန်း) နှင့် (လှိုင်မြင့်မိုရ်အိမ်ရာ စီမံကိန်း)၊ ကမာရွတ်မြို့နယ် (မြကန်သာ အိမ်ရာစီမံကိန်း)၊ ဗဟန်းမြို့နယ် (ရွှေဂုံရိပ်မွန် အိမ်ရာစီမံကိန်း)၊ ကြည့်မြင်တိုင်မြို့နယ် (ပန်းလှိုင် အိမ်ရာစီမံကိန်း)၊ ကမာရွတ်မြို့နယ် (ပြည်ရိပ်မွန် အိမ်ရာစီမံကိန်း)၊ သာကေတမြို့နယ် (ရှုခင်းသာ အိမ်ရာစီမံကိန်း)၊ ဒေါပုံမြို့နယ် (ယမုံနာ အိမ်ရာစီမံကိန်း) တို့ ဖြစ်ကြောင်း သိရသည်။

လက်ရှိတွင် ရန်ကုန်တိုင်း ဒေသကြီး အစိုးရအဖွဲ့၏ ကြီးကြပ်မှုဖြင့် ကော်မတီပိုင် မြေကွက်များပေါ်တွင် တန်ဖိုးမျှတအိမ်ရာ စီမံကိန်းများ ဆောက်လုပ်နေကြောင်း မြို့ရွာနှင့်အိုးအိမ် ဖွံ့ဖြိုးမှုဦးစီးဌာနမှ သိရသည်။

EMG

Read More

မန္တလေးမြို့တွင်း လမ်းမကြီးများ မိုးအနည်းငယ် ရွာသွန်းလျှင်ပင် ရေလျံမှုဖြစ်ပေါ်လာပြီး ယာဉ်ကြောပိတ်ဆို့မှု ကြုံတွေ့နေ

 Created on Friday, 04 October 2013


ရွှေတစ်ချောင်းမြောင်း ရေလျှံမှုကြောင့် မဟာမုနိဘုရားကြီး အနောက်ဘက်မုခ် စစ်ကိုင်း-မန္တလေး ကားလမ်းပေါ်တွင် ရေကျော်နေမှုအား မြင်တွေ့ရစဉ်

မန္တလေးမြို့တွင် အောက်တိုဘာ ၃ ရက် နံနက်ပိုင်းက မိုးရွာသွန်းခြင်းကြောင့် ရွှေတစ်ချောင်းမြောင်း ရေလျှံကာ စစ်ကိုင်း-မန္တလေး ကားလမ်းနေရာအချို့ ရေကျော်ပြီး သွားလာမှု အခက်အခဲ ဖြစ်ပေါ်ခဲ့ကြောင်း သိရှိရသည်။ ရွှေတစ်ချောင်းမြောင်း ရေလျှံမှုကြောင့် မြောင်းဘေးဝဲယာရှိ မာလကာခြံ၊ ဒေါနခြံစသည့် အနိမ့်ပိုင်း ရပ်ကွက်များ ရေ၀င်နစ်မြုပ်ကာ မဟာမုနိဘုရားကြီး အနောက်ဘက်မုခ်အဆင်း စစ်ကိုင်း-မန္တလေးလမ်း ဟောင်းနေရာနှင့် ၈၆လမ်း၊ ၄၁ လမ်း ရွှေ တစ်ချောင်းမြောင်း တံတားနေရာတွင် မြောင်း ရေလျံမှုကြောင့် ယာဉ်အသွားအလာများ တန်းစီစောင့်စား သွားလာခဲ့ရကြောင်း သိရှိရသည်။

''နံနက်သုံးနာရီလောက်က မိုးစရွာတာ။ မိုးရာသီရောက်ရင် ရွှေတစ်ချောင်းမြောင်း ရေလျှံတတ်ပေမယ့် အခုတစ်ခါ တော်တော်လေး ဆိုးတယ်။ ရေမလျှံအောင် စည်ပင်ကမြောင်းနံရံ တွေအုတ်စီ၊ ဘောင်တွေမြှင့်ပေမယ့် ရေကလျှံတာပဲ''ဟု ရွှေတစ်ချောင်းမြောင်း အနီးဝန်းကျင် နေထိုင်သူတစ်ဦးက ပြောသည်။ ''ဒီမြောင်းက အင်္ဂလိပ်လက်ထက် ကတည်းက ရှိတဲ့မြောင်း။ မန္တလေးမြို့မှာ အရှည်ဆုံးမြောင်း လို့လည်း ပြောလို့ရတယ်။ ဟိုတုန်းကမြောင်း အကျယ်က ယောက်ျားလေး တစ်ခုန်စာပဲ ရှိတာ။ အနက်ကလူတစ်ရပ် လောက်ရှိတယ်။ အရင်မြောင်းအတွင်း နွံထုကိုက ၁၅ တောင် လောက်ရှိတယ်။ အဲ့ဒီနွံထုကို ကုန်အောင်မဆည်ဘဲ အပေါ်ယံထပ်ပြီး မြောင်းဘောင်မြှင့် တော့ ရေကလျှံမြဲအတိုင်း လျှံနေသေးတာပဲ'' ဟု ၄၁ လမ်း မြောင်းတံတားအနီး နေထိုင်သူ အသက် ၇၀ ကျော်အရွယ်ရှိ ဦးမြင့်လွင်က ပြောကြားသည်။

ယင်းကဲ့သို့ မြောင်းရေလျှံမှုကြောင့် မဟာအောင်မြေမြို့နယ်ရှိ ကျောက်မျက်ရတနာ ရောင်းဝယ်ရေးစခန်း ရေ၀င်နစ်မြုပ်ကာ ကျောက်မျက်လုပ်ငန်းနှင့် အရောင်းဆိုင်များ ပိတ်သိမ်းပြီး အရောင်းအ၀ယ် ရပ်နားခဲ့ရကြောင်း သိရှိရသည်။ အဆိုပါ ရွှေတစ်ချောင်း မြောင်းသည် မန္တလေးမြောက်ဘက် မိုင်လေးဆယ်ဝန်ကျင်ရှိ မတ္တရာမြို့မှ စတင်စီးဆင်းလာပြီး မန္တလေးမြို့ အနောက်ဘက်ခြမ်း တစ်လျှောက်တွင် ရေဆိုးမြောင်းအဖြစ် စီးဆင်းကာ ရွှေဂဲရေဆိုးသန့်စင် စက်ရုံမှတစ်ဆင့် ဧရာဝတီမြစ်အတွင်း စီးဝင်ကြောင်း သိရသည်။ အောက်တိုဘာ ၂ ရက် နံနက် ၉ နာရီ ၃၀ မိနစ်မှ ၃ ရက်နေ့ နံနက် ၉ နာရီ ၃၀ မိနစ် တိုင်းထွာချက်များအရ မန္တလေး မြို့တွင် မိုးရေချိန် ၃ဒသမ ၁၉လက်မ၊ ပြင် ဦးလွင်မြို့ ၀ဒသမ ၅၉လက်မ၊ ကျောက်ဆည် မြို့ ၀ဒသမ ၈၇ လက်မ၊ မိတ္ထီလာမြို့ ၀ ဒသမ ၇၉ လက်မ၊ မြင်ခြံမြို့ ၀ဒသမ ၃၂ လက်မ၊ ညောင်ဦး ၀ဒသမ ၅၁ လက်မ၊ ရမည်းသင်း ၀ဒသမ ၄၀လက်မနှင့် ပျဉ်းမနားမြို့တို့တွင် ၀ ဒသမ ၀၈ လက်မရှိကြောင်း မိုးလေ၀သနှင့် ဇလဗေဒ ညွှန်ကြားမှု ဦးစီးဌာန (အထက်မြန်မာပြည်ဌာနခွဲ) မန္တလေးမြို့မှ သိရှိရသည်။

EMG

Read More

အမေရိကန်ဒေါ်လာ ၁၁ ဘီလျံကိစ္စနှင့် ပတ်သက်၍ ပြည်ထောင်စု လွှတ်တော်သို့ ပြည်ထောင်စုအဆင့် အဖွဲ့အစည်းများမှ လာရောက်ရှင်းလင်းမည်

Created on Friday, 04 October 2013


အောက်တိုဘာ ၃ ရက်က ပြုလုပ်သော ပြည်ထောင်စုလွှတ်တော် အစည်းအဝေး ပြုလုပ်နေစဉ်

အမေရိကန်ဒေါ်လာ ၁၁ ဘီလျံကိစ္စနှင့် ပတ်သက်၍ ပြည်ထောင်စု လွှတ်တော်သို့ ပြည်ထောင်စုအဆင့် အဖွဲ့အစည်းများမှ ယနေ့ (အောက်တိုဘာ ၄ ရက်) တွင် လာရောက် ရှင်းလင်းမည်ဟု သိရသည်။

ပထမအကြိမ်၊ ပြည်ထောင်စုလွှတ်တော် အဋ္ဌမပုံမှန် အစည်းအဝေး တတိယနေ့ အစီအစဉ် လျာထားချက်တွင် ''ပြည်တွင်း ပုဂ္ဂလိကသ တင်းဆောင်းပါး တစ်ခုတွင် ပါရှိခဲ့သည့် အမေရိကန်ဒေါ်လာ ၁၁ ဘီလျံ အထိရှိသော ဘဏ်စာရင်း ငါးခုကို နိုင်ငံခြား ဘဏ်များတွင် မြန်မာနိုင်ငံက အပ်နှံထားသည့် အတွက် မြန်မာနိုင်ငံအပေါ် ကမ္ဘာ့ဘဏ်က အကြွေးမလျှော် ပေးခဲ့ခြင်းဆိုသည့် အချက်နှင့် စပ်လျဉ်း၍ သက်ဆိုင်ရာ ပြည်ထောင်စုအဆင့် အဖွဲ့အစည်းဝင်များက လွှတ်တော်သို့ ရှင်းလင်းတင်ပြခြင်း'' ဟု အစီအစဉ်တစ်ရပ် ပါဝင်သည်။

၎င်းအစီအစဉ်နှင့် ပတ်သက်၍ ပြည်သူ့လွှတ်တော်၊ ငွေစာရင်း ကော်မတီဥက္ကဋ္ဌ ဦးသူရိန်ဇော်က ''အစိုးရအဖွဲ့က မီဒီယာတွေကိုရှင်းပြီး နောက်လွှတ်တော်ကိုပါရှင်းဖို့ လိုမယ်ထင်လို့ လာရှင်းပြမှာပါ'' ဟု ဆိုသည်။

အဆိုပါ ၁၁ ဘီလျံကိစ္စနှင့် ပတ်သက်၍ အမျိုးသားလွှတ်တော် ကိုယ်စားလှယ် ဦးလှဆွေက ''ကျွန်တော်မှန်းတာက သူတို့ ၁၁ ဘီလျံမရှိပါဘူး။ ခုနစ်ဘီလျံလောက်ပဲ ရှိမယ်လို့ ရှင်းပြမှာပေါ့။ ကျွန်တော်ထင်တယ်။ ၁၁ ဘီလျံက နိုင်ငံခြားမှာ တကယ်ရှိရင် ရှိနေမှာ။ အဲဒါတွေက ပုဂ္ဂလိကဟာတွေ ဖြစ်နိုင်တယ်။ ပုဂ္ဂလိကဆိုတာ သူဌေးတွေပေါ့ဗျာ။ သူဌေးတွေ ဆိုတာကလည်း အရင်အစိုးရနဲ့ အဆက်အသွယ်ရှိတဲ့ သူဌေးတွေ လားတော့မသိဘူး'' ဟု ဆိုသည်။ Bank Information Center (BIC) ၏ Asia Program မန်နေဂျာ မစ္စတာဂါစီယာက စက်တင်ဘာ ၁၁ ရက်တွင် ထုတ်ဖော် ပြောကြားခဲ့သော အမေရိကန်ဒေါ်လာ ၁၁ ဘီလျံနှင့် ပတ်သက်၍ BIC နှင့် ကမ္ဘာ့ဘဏ်တို့က ငြင်းဆိုပြောကြားခဲ့ခြင်း မရှိပေ။

EMG

Read More

သံတွဲပဋိပက္ခ ဖြစ်စဉ်နှင့် ပတ်သက်၍ ရခိုင်တိုင်းရင်းသား တိုးတက်ရေးပါတီ (သံတွဲ) ဥက္ကဋ္ဌအပါအ၀င် ရခိုင်တိုင်းရင်းသား ၁၁ ဦးကို ဖမ်းဆီးထား

 Created on Friday, 04 October 2013


သံတွဲမြို့နယ် ပေါက်တောဝရွာ၌ ပျက်စီးသွားသော အဆောက်အအုံတစ်ခုကို တွေ့ရစဉ်

ရခိုင်ပြည်နယ် သံတွဲမြို့နယ်၌ ပဋိပက္ခများ ဖြစ်ပွားနေစဉ်အတွင်း သံတွဲမြို့၊ ရခိုင်တိုင်းရင်းသားများ တိုးတက်ရေးပါတီ (RNDP)ဥက္ကဋ္ဌ ဦးစောလှိုင်(ခ) ဦးမောင်ပုနှင့် အမျိုးဘာသာသာသနာ စောင့်ရှောက်ရေး အဖွဲ့ဝင် ခြောက်ဦးကို ရဲတပ်ဖွဲ့က အောက်တိုဘာ ၂ ရက် ညပိုင်းက ဖမ်းဆီးထိန်းသိမ်းထားပြီး အောက်တိုဘာ ၃ ရက်တွင် ပဋိပက္ခဖြစ်စဉ် အတွင်းပါဝင်သည်ဟု ယူဆရသူငါးဦးအား ထပ်မံဖမ်းဆီးခဲ့ကြောင်း သိရသည်။

အဆိုပါ ခြောက်ဦးကို အောက်တိုဘာ ၂ ရက် ည ၁၁ နာရီခန့်က ဖမ်းဆီးခေါ်ဆောင် သွားခဲ့ခြင်းဖြစ်ကြောင်း သိရပြီး လက်ရှိတွင် မည်သည့်နေရာသို့ ရောက်ရှိနေသည်ကို မသိရကြောင်း RNDP ဘက်က ဆိုသည်။

ဖမ်းဆီးသွားရာတွင် ရဲနှစ်ဦးက လာရောက်ဖမ်းဆီးခြင်း ဖြစ်ကြောင်းနှင့် ၀ရမ်းမပါကြောင်း၊ ဖွဲ့စည်းပုံ အခြေခံဥပဒေအရ ၂၄ နာရီသာ စစ်ဆေးခွင့် ရှိရမည်ဖြစ်ပြီး ၂၄ နာရီ ပြည့်သည်အထိ စောင့်ကြည့်သွားမည် ဖြစ်ကြောင်း RNDP ဥက္ကဋ္ဌ အမျိုးသားလွှတ်တော် ကိုယ်စားလှယ် ဒေါက်တာအေးမောင်က ပြောကြားသည်။



ရခိုင်ပြည်နယ် ၀န်ကြီးချုပ်နှင့် တာဝန်ရှိသူများ ပဋိပက္ခဖြစ်ပွားရာ ကျေးရွာများရှိ ဒေသခံများအား တွေ့ဆုံစဉ်

''အောက်တိုဘာ ၂ ရက် ည ၁၁ နာရီ လောက်က ခေါ်သွားတယ် ပြောတယ်။ ဦးမောင်ပု အပါအ၀င် တခြားလူမှုအဖွဲ့အစည်းက အားလုံး ခြောက်ဦးပါ။ အဲဒါ ကျွန်တော်တို့ပါတီက ဖွဲ့စည်းပုံအခြေခံ ဥပဒေအရ ဒါ ၂၄ နာရီ အတွင်းမှာတော့ ရဲအနေနဲ့ ခေါ်ယူမေးမြန်းခြင်း ပြုနိုင်ပါတယ်။ ရဲတွေအနေနဲ့ စုံစမ်းနိုင်တယ်။ သို့သော် ၂၄ နာရီအတွင်းမှာ ဒီကိစ္စကို ရှင်းရမယ်။ နိုင်ငံသားတစ်ဦးကို ၀ရမ်းပါမှပဲ ခေါ်ယူမေးမြန်း စစ်ဆေးတဲ့ စနစ်ကို သွားချင်တယ်။ သံသယရှိလို့ဆိုပြီး အကြောင်းအရာ တစ်ခုကို ထိုးချချင်လို့ ဟိုလူ့ခေါ်မေး၊ ဒီလူ့ ခေါ်မေး မလုပ်အပ်တဲ့ အခြေအနေကို ရောက်နေပါပြီ''ဟု ဒေါက်တာအေးမောင်က ဆိုသည်။



မနေ့က ညဘက်မှာ မြို့ပေါ်ကခြောက်ယောက် အဖမ်းခံရတယ်။ ဒီနေ့မှာ သပြုချိုင်ဘက်က ငါးဦး ထပ်ဖမ်းတယ်။ ဖြစ်စဉ်အတွင်း ဖမ်းခံထားတဲ့သူ ခုနစ်ယောက်ကို အာမခံနဲ့ လွှတ်လိုက်တယ်။ ကျန်လူတွေကို အခုရုံး ထုတ်ဖို့ပြင်နေတယ်။ ဘယ်ပုဒ်မနဲ့ စွဲတယ်ဆိုတာ မသိရသေးဘူး...




သံတွဲတွင် ပဋိပက္ခများ စတင်ဖြစ်ပွားခြင်းမှာ စက်တင်ဘာ ၂၈ ရက်က စတင်ခဲ့ခြင်းဖြစ်ကြောင်း၊ သို့သော်ဦးမောင်ပုမှာ ပြည်ထောင်စု လွှတ်တော်နာယကနှင့် ရခိုင်မိသားစုများ တွေ့ဆုံပွဲ တက်ရောက်ရန် ရန်ကုန်မြို့သို့ ရောက်ရှိနေခြင်းဖြစ်ပြီး စက်တင်ဘာ ၃၀ ရက်ကမှ ပြန်သွားခြင်း ဖြစ်ကြောင်း၊ မည်သည့် အတွက်ကြောင့် ဖမ်းဆီးသွားသည် ဆိုသည်ကို မူ မသိရသေးကြောင်း RNDP အထွေထွေအ တွင်းရေးမှူး ဦးဦးလှစောက ပြောကြားသည်။



သံတွဲဆေးရုံတွင် ဆေးကုသမှုခံယူနေသူများကို အောက်တိုဘာ ၃ ရက်က တွေ့ရစဉ်

လက်ရှိတွင် ပဋိပက္ခ ဖြစ်စဉ်အတွင်း အဖမ်းခံရသူ ခုနစ်ဦးကို အာမခံ ပေးလိုက်ကြောင်း၊ အောက်တိုဘာ ၂ ရက်နှင့် ၃ ရက်တွင် စုစုပေါင်း ဖမ်းဆီးခံရသူ ၁၁ ဦးရှိကြောင်း သိရသည်။ ဖမ်းဆီးထားများကို ရုံးထုတ်ရန် ပြင်ဆင်နေကြောင်း ဒေခံတစ်ဦးက ဆိုသည်။

''မနေ့က ညဘက်မှာ မြို့ပေါ်ကခြောက်ယောက် အဖမ်းခံရတယ်။ ဒီနေ့မှာ သပြုချိုင်ဘက်က ငါးဦး ထပ်ဖမ်းတယ်။ ဖြစ်စဉ်အတွင်း ဖမ်းခံထားတဲ့သူ ခုနစ်ယောက်ကို အာမခံနဲ့ လွှတ်လိုက်တယ်။ ကျန်လူတွေကို အခုရုံး ထုတ်ဖို့ပြင်နေတယ်။ ဘယ်ပုဒ်မနဲ့ စွဲတယ်ဆိုတာ မသိရသေးဘူး'' ဟု သံတွဲဒေသခံ ကိုမြင့်မိုးက ပြောကြားသည်။

အောက်တိုဘာ ၃ ရက်က အဖမ်းခံရသူ ငါးဦးမှာ ခင်မောင်သန်း၊ ဖိုးလပြည့်၊ အောင်မင်းသန်း၊ အောင်တင်ဝင်း၊ ကံကြီးအောင်တို့ ဖြစ်ကြောင်း သိရသည်။

အဆိုပါ ဖြစ်စဉ်နှင့် ပတ်သက်၍ ရခိုင်တိုင်းရင်းသားများ တိုးတက်ရေး ပါတီဘက်မှ ကြေညာချက် တစ်စောင် ထုတ်ပြန်ကာ သက်ဆိုင်ရာ အဖွဲ့အစည်းများသို့ ပေးပို့သွားမည် ဖြစ်ကြောင်း သိရသည်။
EMG

Read More

လမ်းပေါ်က ကျောက်တုံး

တစ်ရက်မှာ လယ်သမား တစ်ယောက် ဟာ သူ့ရဲ့ လယ် ကနေ မြို့ကို ပြန်အလာ လမ်းလ ယ်ေ ကာင် တည့်တည့် မှာ ကျောက်တုံးကြီး တစ်တုံး ပိတ်ဆို့နေတာကို တွေ့လိုက် ရပါတယ်။ လမ်း ကလေး က ခပ်သေးသေး မို့ ပိတ်နေတဲ့ ကျောက်တုံး ကြောင့် ချောက်ကမ်းပါးနား ကနေ ကပ်ပြီးေ ကျာ်သွား ရပါတယ်။ လယ်သမား ဟာ အဲဒီ ကျောက်တုံးကြီး ဘေး ကနေ ကျော်ဖြတ် ရင်း ပါးစပ် က လည်း “ ဘယ်သူ ကများ ဒီကျောက်တုံး ကို လမ်း မလယ်ေ ကာင် ပိတ်ထား အောင် လုပ်ထား တာ ပါ လိမ့်။ လမ်းသွား လမ်းလာတွေ ခက်ခဲမယ် ဆိုတာ မသိဘူး လား မသိဘူး။ လူတွေ ဟာ ကိုယ် ချင်းစာ စိတ်ကို မရှိကြ ဘူး။ ဒီကျောက်တုံး ကြီး ပိတ်နေ တာကို ဘယ်သူ တစ်ယောက် က မှ လည်း ဖယ်ပစ် လိုက် ကြဖို့ စိတ်ကူး မရှိကြဘူး လား မသိဘူး” လို့ တစ်တွတ် တွတ် ရေရွတ် ရင်းေ ကျာက်တုံးကြီး ကို ကျော်ဖြတ် သွားလိုက် ပါတယ်။

နောက် တစ်ရက်မှာ ကုန်သည် တစ်ယောက် က အဲဒီ နေရာ ကို ရောက်လာ ပြန် ပါတယ်။ သူ ကလည်း လမ်းလယ်ကောင် က ကျောက်တုံးကြီး ကို ကြည့်ပြီး မနေ့က လူလိုဘဲ ပါးစပ် က မြ ည် တွန် ရေရွတ် ပါတယ်။ “ကျောက်တုံးကြီး က လမ်းပေါ်မှာ ပိတ်နေတော့ လမ်းကို ဖြတ်သွား ဖြတ် လာ လုပ်တဲ့သူေ တွ အတွက် အခက်အခဲ ဖြစ်ရတယ်။ ဘယ်သူ ကမှ လည်း ဒီ ကျောက်တုံး ကို မ ဖယ် ကြဘူး။ မတော် ချောက် ထဲ ပြုတ်ကျ ကုန်ရင် ဘယ်လို လုပ်မလဲ” စသဖြင့် ပါးစပ် က ပြော ဆို ပြီးနောက် ကျောက်တုံး ကို ကွေ့ပြီး ကမ်းပါးနား ကနေ ကပ် သွားလိုက် ပြန် ပါတယ်။

နောက်တစ်ခါ အဲဒီ နေရာကို လူငယ်လေး တစ်ယောက် ရောက်လာ ပြန်တော့ ကျောက်တုံး ကို မြင် လိုက် တယ် ဆိုရင်ဘဲ တစ်ခြား သူတွေ ဒီနေရာ ကို ဖြတ်သွား ဖြတ်လာ လုပ်လို့ ကျောက်တုံး က ပိတ်နေ တဲ့ အတွက် ချောက် ကမ်းပါး နား ကပ်ပြီး သွားရတဲ့အခါ မတော်တဆ ပြုတ်ကျမှာ ကိုေ တွး လိုက် မိပြီး ကျောက်တုံး ကို ဖယ်ဖို့ ဆုံးဖြတ် လိုက်ပါတယ်။ သူဟာ အင်အား အကုန် ထုတ် သုံးပြီး ကျောက်တုံးကြီး ကို ချောက်ထဲ ကျသွားအောင် လမ်းပေါ်ကနေ တွန်းဖယ် လိုက်ပါတယ် ။ ကျောက်တုံး က အတော်ကြီး တာကြောင့် တော်တော်လေး ကို အင်အား စိုက်ထုတ် ရပါတယ်။ ဒါပေမဲ့ သူဟာ ဘာမှ ပြောဆို ငြီးတွား မနေဘဲ ကျောက်တုံးကြီး ကိုသာ လမ်းဘေး ကျသွားအောင် ဖယ်ထုတ်ဖို့ ကြိုးစား အားထုတ် ပါတယ်။ မကြာခင် မှာ ဘဲ ကျောက်တုံးကြီး လဲ ဘေးကို လိမ့်ဆင်း ကျသွား ပါတော့တယ်။

ကျွန်မ တို့ ငယ်ငယ်က သင်ခဲ့ရတဲ့ ပုံပြင် ထဲက အတိုင်း သာ ဆိုရင်တော့ ကျောက်တုံး အောက်မှာ ရတနာ သေတ္တာလေး တွေ့ကောင်း တွေ့ရ ပါလိမ့်မယ်။ ဒါပေမဲ့ အခု ကတော့ ရတနာ သေတ္တာတွေ ဘာတွေ ရှိမနေ ပါဘူး။ အဲဒီ ကျောက်တုံး နေရာ လေးမှာ စာရွက်လေး တစ်ရွက် သာ ပေါ်လာတာ ကို တွေ့လိုက် ရပါသတဲ့။ လူငယ်လေး ဟာ စာရွက်လေး ကို ဖွင့်ကြည့် လိုက်တဲ့ အခါမှာ တော့ “ သင် ဟာ အပြောထက် လက်တွေ့ အလုပ် လုပ်တဲ့သူ တစ်ယောက် ပါ ” လို့ ရေးထား တာ ကိုေ တွ့လိုက် ရပါ တော့တယ်။

ဒီဇာတ်လေး ဖတ်ပြီး စဉ်းစား မိတာက ဇာတ်လမ်း ထဲက လူ ၂ မျိုး ၂ စား မှာ တစ်မျိုး က ကိုယ် တိုင် က အလုပ် မလုပ်ဘဲ သူတစ်ပါး ကိုသာ ကဲ့ရဲ့ အပြစ်တင် ပြောဆို တတ်တဲ့ အပြော သက် သက် သမား နဲ့ ဘယ်သူ့ ကိုမှ ပြောဆို မနေဘဲ လုပ်စရာ ရှိတာကို လုပ်သွား တတ်တဲ့ သူတွေ ပါ။ လမ်းပေါ်မှာ ကျောက်တုံး တွေ တွေ့ ခဲ့ရင် ကိုယ်တိုင် က ဘာမှ မလုပ်ဘဲ ပါးစပ်က ရေရွတ် ရင်းေ ကျာ်သွား တဲ့သူလား၊ ကျောက်တုံး ကို ဘေးကို တွန်းဖယ် မဲ့သူလား ဆိုတာ ကျွန်မ ကိုယ်တိုင် လ ည်း ဘယ်ထဲမှာ ပါနေမလဲ လို့ စဉ်းစား မိရင်း မိတ်ဆွေ တို့ကရော ဘယ်လို လူစား ထဲမှာ ပါနေ မလဲ လို့ စဉ်းစား ကြည့် ရအောင် လား။

ချော ( အစိမ်းရောင် လွင် ပြင် )

Read More