Monday, December 30, 2013

ဖက်ရှင်ဒီဇိုင်း တော်တော်များများနဲ့ လိုက်ဖက်တဲ့ ဦးထုပ်ဒီဇိုင်းကို ရွေးချယ်မယ်ဆိုရင်



Monday, December 30, 2013
 
ထသွားထလာပဲဖြစ်ဖြစ်၊ သူငယ်ချင်းတွေနဲ့ အပြင်သွားတဲ့အခါပဲဖြစ်ဖြစ်၊ ခရီးသွားမယ်ဆိုရင်တောင် ယူဆောင်သွားသင့်တဲ့ ဦးထုပ်ဒီဇိုင်းတွေထဲမှာ ခုလတ်တလော ခေတ်စားနေတဲ့ ဦးထုပ်ဒီဇိုင်းကို ဖော်ပြပေးလိုက်ပါတယ်။ မိန်းကလေးဆန်ဆန်လေးပဲ ၀တ်ဝတ်၊ ယောင်္ကျားလေးဆန်တဲ့ ဖက်ရှင်နဲ့ပဲ တွဲတွဲ အထာကျတာမို့ ပျိုမေတွေ နှစ်ခြိုက်ကြမှာ သေချာပါတယ်။

၁။မိန်းကလေးဆန်ဆန် ဂါဝန်လေးတွေ၊ စကတ်လေးတွေနဲ့ တွဲဝတ်လည်း လိုက်ဖက်မှုရှိနေမှာဖြစ်ပြီး ပုံထဲကလို ဘောင်းဘီအကျပ်၊ ခါးအတိုအကျီ Urban Outfitter လေးတွေနဲ့ မိုက်နေမှာမို့ ဦးထုပ်ရွေးချယ်မှုအပိုင်းအတွက် သိပ်ခေါင်းရှုပ်ခံစရာမလိုဘူးနော်။



၂။ဟိုးအရင်ကဆို ဒီလို ဦးထုပ်မျိုး ကမ်းခြေသွားမှသာ ပျိုမေတွေ ဆောင်းကြတာပါ။ အနားသားတွေက အပျော့တွေမို့ ထသွားထလာအတွက် မဆောင်းရဲခဲ့ကြဘူးဆိုရင် ခု ဆောင်းကြည့်ဖို့ တိုက်တွန်းပါရစေ။



၃။ကုတ်အကျီင်္ံတွေ၊ ဂျက်ကတ်တွေနဲ့တွဲရင် သိပ်မိုက်တဲ့ ဦးထုပ်ဒီဇိုင်းပါ။ ဒီလိုဖက်ရှင်မျိုးဆို ၁၉၈၀၀န်းကျင် ကာလကိုရောက်သွားတဲ့ ဖီလင်မျိုး ခံစားရမှာအမှန်ပဲ။



၎။ကိုယ့်ဖက်ရှင်ကို သူများနဲ့ မတူစေချင်ဘူး။ အားလုံးငေးသွားမယ့် ဖက်ရှင်မျိုး ဖန်တီးရဲတယ်၊ ၀တ်ဆင်ရဲတယ်ဆိုရင်တော့ ဒီလိုဦးထုပ်ဒီဇိုင်းမျိုးကို ရွေးချယ်လိုက်ပါ။



၅။ဒီလို ဦးထုပ်မျိုးကို ရိုးရှင်းပြီး အထာကျတဲ့ ဖက်ရှင်မျိုးနဲ့ တွဲဆောင်းဖို့ ၀န်မလေးပါနဲ့။ သင့်ဖက်ရှင်အတွက် တစ်ဖက်တစ်လမ်းက ပံ့ပိုးပေးနိုင်မယ့် ဦးထုပ်ဒီဇိုင်းမျိုးဆိုတာ သိထားပါ။



Ref:lookbook.nu

ဂျာမနီနိုင်ငံရဲ့ နေရောင်ခြည်စွမ်းအင်သုံး ဓာတ်အားပေးစက်ရုံတွေရဲ့ စွမ်းအင်ထုတ်လွှတ်မှု ကမ္ဘာ့စံချိန်သစ်ထပ်တင်ခဲ့



Monday, December 30, 2013

ဂျာမနီရဲ့ နေရောင်ခြည်စွမ်းအင်သုံး ဓာတ်အားပေးစက်ရုံတွေကနေ ၂၀၁၃ ခုနှစ်မှာ တစ်နာရီ ၂၄ ဂီဂါဝပ်ထုတ်လွှတ်ပေးနိုင်ခဲ့ပြီး ဒီပမာဏဟာ နျူကလီးယားစွမ်းအင်သုံးဓာတ်အားပေးစက်ရုံ အလုံး ၂၀ ကနေ ထုတ်လွှတ်ပေးတဲ့ ပမာဏနဲ့  ညီမျှပါတယ်။ ဂျာမနီနိုင်ငံဟာ နေရောင်ခြည်စွမ်းအင် ထုတ်လုပ်သုံးစွဲမှုမှာ ထိပ်သီးခေါင်းဆောင် နိုင်ငံ တစ်နိုင်ငံဖြစ်ပြီး ၂၀၂၂ ခုနှစ်မှာ နိုင်ငံတွင်း နျူကလီးယားစွမ်းအင်သုံးစွဲမှုကို လုံးဝပယ်ဖျက်နိုင်မယ်လို့ မျှော်လင့်လျက် ရှိပါတယ်။ ဒီဆိုလာပြားတွေကို နေရောင်ခြည်လုံလောက်အောင် ရတဲ့နေရာမှာ ဆိုလာပန်းခြံတွေအဖြစ်တည်ဆောက်ထားတာဖြစ်ပြီး ၂၀၁၃ ခုနှစ်မှာ တစ်နာရီ ၂၄ ဂီဂါဝပ်ထုတ်လုပ်ပေးနိုင်ခဲ့ကာ ကမ္ဘာ့နေရောင်ခြည်စွမ်းအင် ထုတ်လုပ်မှု စံချိန်သစ်ကို တင်နိုင်ခဲ့ပါတယ်။ ပထမသူတို့ တင်ထားတဲ့ စံချိန်က ၂၀၁၂ ခုနှစ်မှာ တစ်နာရီ ၂၂ ဂီဂါဝပ် ပမာဏ ဖြစ်ပါတယ်။

“ဘယ်နိုင်ငံကမှ ဒီလောက်များတဲ့ နေရောင်ခြည်စွမ်းအင်ပမာဏကို မထုတ်လုပ်နိုင်ခဲ့ပါဘူး။ ဂျာမနီဟာ အချိန် အနည်းငယ်အတွင်းမှာပဲ တစ်နာရီ ၂၀ ဂီဂါဝပ် ရှိတဲ့ စွမ်းအင်ကို ထုတ်လုပ်နိုင်ခဲ့ပါတယ်။ ဒါဟာ သန့် ရှင်း တဲ့စွမ်းအင် အရင်းအမြစ် တွေအတွက် ခြေလှမ်းတစ်လှမ်းပါပဲ” လို့  စွမ်းအင်အရင်းအမြစ်အသစ်ထုတ်လုပ်ရေး အသင်းအဖွဲ့  ရဲ့ ဒါရိုက်တာ နောဘတ်အယ်နော့ခ်ျ က ပြောကြားခဲ့ပါတယ်။

ဂျာမနီနိုင်ငံဟာ ဂျပန်နိုင်ငံဖူကူရှီးမားနျူကလီးယားမတော်တဆမှု အပြီးမှာ နျူကလီးယားစွမ်းအင်ထုတ်လုပ်မှု ကိုလျော့ချခဲ့ပြီး ၂၀၂၂ ခုနှစ်မှာ လုံးဝအသုံးမပြုတော့ဖို့ မျှော်မှန်းထားပါတယ်။ ဂျာမနီဟာ ဒီသဘာဝစွမ်းအင်ထုတ်လုပ်မှုတွေဖြစ်တဲ့ နေရောင်ခြည်နဲ့ လေအားသုံးစက်ရုံ လုပ်ငန်းတို့ မှာ တစ်နှစ်ကို ယူရို ၁၄ ဘီလီယံ ကျော်သုံးစွဲနေပြီး နိုင်ငံသားတွေကလည်း ဒီစွမ်းအင်အတွက် အခွန်ဆောင်ပြီး ထောက်ပံ့ပေးရပါတယ်။

အခုအချိန်ထိတော့ ဂျာမနီနိုင်ငံရဲ့ အဓိကလျှပ်စစ်စွမ်းအင်ထုတ်လုပ်မှုက ကျောက်မီးသွေးလောင်စာဖြစ်နေပြီး ဒုတိယနေရာမှာ နျူကလီးယားစွမ်းအင် ၊နောက် လေအားလျှပ်စစ်၊ သဘာဝဓာတ်ငွေ့ ၊ နေရောင်ခြည်စွမ်းအင်၊ ရေအားလျှပ်စစ်စွမ်းအင်တို့ က တည်ရှိနေပါတယ်။



Ref: Wikipedia.com , greentechmedia.com

အမေရိကန် DARPA က ချီးမြှင့်မယ့် နောက်ဆုံးပေါ်စက်ရုပ်များ ပြိုင်ပွဲကျင်းပ


 
Monday, December 30, 2013


လမ်းလျှောက်နိုင်တဲ့၊ တောင်တက်နိုင်တဲ့၊ ကားမောင်းနိုင်တဲ့ စက်ရုပ်တွေရဲ့ ခေတ်ရောက်နေပါပြီ။ ဒါပေမဲ့ ဒီစက်ရုပ်တွေဟာ ဇီဝိန်ခြွေ စက်ရုပ်တွေနဲ့ ယှဉ်ရင်တော့ ကလေးဆန်ပါသေးတယ်။ ဒီစက်ရုပ်တွေဟာ နှေးတယ်၊ ချော်လဲတယ်၊ လက်ကောက်ဝတ်၊ ခြေချင်းဝတ်တွေလဲ ကျိုးသေးတယ်။

ပြီးခဲ့တဲ့ ရက်အနည်းငယ်တုန်းက မိုင်ယာမီ တောင်ပိုင်းမှာ စက်ရုပ်ပြေးပွဲကို နောက်ဆုံးပေါ်စက်ရုပ်တွေနဲ့ အတူပြသခဲ့ပါတယ်။ အမေရိကန် စစ်တပ်က ကန်ဒေါ်လာ (၂)သန်း မ’တည် ပေးထားတဲ့ ပြိုင်ပွဲရဲ့ တစ်ကဏ္ဍလဲ ဖြစ်ပါတယ်။

နည်းပညာမြင့် ကုမ္ပဏီတွေနဲ့ ထိပ်တန်းတက္ကသိုလ်တွေက အင်ဂျင်နီယာ အသင်းတွေဟာ သူတို့ရဲ့ စက်ရုပ်ဒီဇိုင်းတွေကို ပြသခဲ့ပါတယ်။ ပင့်ကူလို တွားသွား စက်ရုပ် နမူနာကအစ စက်ရုပ်ကြီးတွေ၊ လူသားဆန်ဆန် ဧရာမ စက်ရုပ်တွေထိ ပါပါတယ်။

စုစုပေါင်း အင်ဂျင်နီယာအသင်း (၁၃) သင်းက ၀င်ရောက်ယှဉ်ပြိုင်နေပြီး DARPA (အဆင့်မြင့် ကာကွယ်ရေး သုတေသန စီမံကိန်းအေဂျင်စီ) က နောက်နှစ်မှာ ကန်ဒေါ်လာ(၂)သန်း ချီးမြှင့်သွားဖို့ ရှိပါတယ်။

Ref:CNN

DARPA ‘စက်ရုပ်လက်ရည်စမ်း ပြိုင်ပွဲ ၂၀၁၃’ မှာ Google မ’တည်ပေးထားတဲ့ စက်ရုပ်ကြီးစိုး


 
Monday, December 30, 2013

DARPA (အဆင့်မြင့် ကာကွယ်ရေး သုတေသနစီမံကိန်း အေဂျင်စီ) က ဆုကြေးငွေ ကန်ဒေါ်လာ ၂သန်း ချီးမြှင့်မယ့် ‘စက်ရုပ်လက်ရည်စမ်း ပြိုင်ပွဲ ၂၀၁၃’ မှာ Google က မ’တည်ပေးထားတဲ့ စက်ရုပ်တစ်ရုပ်ဟာ ကြီးစိုးနေခဲ့ပါတယ်။ အလုပ် ၈မျိုးကို ခိုင်းပြီး ၃၂မှတ်အများဆုံး ပေးတဲ့နေရာမှာ Google မ’တည်ထားတဲ့ စက်ရုပ်က ၂၇ မှတ် ရရှိခဲ့ပါတယ်။

ပြိုင်ပွဲအကြောင်းသိရန် Click

ဒီ ‘စက်ရုပ် လက်ရည်စမ်းပြိုင်ပွဲ’ ကိုကျင်းပရခြင်း ရည်ရွယ်ချက်ကတော့ သဘာဝဘေးအန္တရာယ်၊ ကပ် ဆိုက်ပြီးတဲ့နောက် ဒုက္ခသည်တွေကို အကူအညီပေးနိုင်မယ့် စက်ရုပ်တွေကို ကမ္ဘာလုံးဆိုင်ရာ ၀ိုင်းဝန်း တည်ဆောက်ပြီး တိုးတက်အောင်လုပ်ဖို့ပဲ ဖြစ်ပါတယ်။ လူသားဆန်ဆန် စက်ရုပ်တွေလဲ ပါဝင်ယှဉ်ပြိုင်ခဲ့ပြီး လုပ်ဆောင်ရတဲ့ အလုပ်တွေကတော့ တောကြမ်း၊ မြေကြမ်း ဖြတ်လျှောက်ခြင်း၊ နံရံ လွန်ဖောက်ခြင်း၊ ကားမောင်းခြင်း စတာတွေပါ။ Google က မ’တည်ထားပြီး ဂျပန်အသင်း SCHAFT က တည်ဆောက်ခဲ့တဲ့ ပြိုင်ပွဲဝင်စက်ရုပ်ဟာ ပြိုင်ပွဲမှာ အခက်အခဲမရှိ၊ ကျွမ်းကျွမ်းကျင်ကျင် ပြသနိုင်ခဲ့ပါတယ်။ လှေကားတွယ်တက်၊ တောကြမ်း မြေကြမ်း လမ်းပြ၊ အကျိုးအပဲ့ အပျက်အစီးရှင်း၊ မီးသတ်ပိုက် ထိန်း စတဲ့ လုပ်ငန်းတာဝန်တွေအတွက် “best in task” ဆုကိုရရှိခဲ့ပါတယ်။ အံ့သြစရာကောင်းတာ တစ်ခုကတော့ NASA ကထုတ်တဲ့ Valkyrie စက်ရုပ်ဟာ လက်ရည်စမ်းပွဲ တစ်လျှောက် တစ်မှတ်တောင် မရခဲ့တာပါပဲ။

Ref:gurdianlv

ပရီမီယာလိဂ်မှာ နည်းပါးနေတဲ့ အင်္ဂလန်ကစားသမားတွေကြောင့် လက်ရွေးစင်အတွက် စိုးရိမ်နေတဲ့ ရီယိုဖာဒီနန်



 Monday, December 30, 2013

အင်္ဂလန်လက်ရွေးစင်ကနေ အနားယူခဲ့တာ သိပ်မကြာသေး သူ ရီယိုဖာဒီနန်က ဆန်းဒေးတိုင်း မ်သတင်းစာနဲ့ တွေ့ဆုံခိုက်မှာ သူ စိတ်ထဲ ဘ၀င်မကျဖြစ်မိနေတဲ့ အကြောင်းအရာများကို ပြောပြ လာခဲ့ပါတယ်။ ဖာဒီနန်ဟာ အင်္ဂ လန်နည်းပြရွိုင်းဟော့ဆန်က သူ့ ကိုရွေးချယ်ချင်ပေမယ့် ဂျွန်တယ် ရီကို ဦးစားပေးကာ သူ့ကိုချန်ခဲ့ ဖူးတာကြောင့် လက်ရွေးစင်ဘ၀ ကနေ အနားယူခဲ့တာပါ။ ““ပရီး မီးယားမှာ အင်္ဂလန်လက်ရွေးစင် တွေနည်းပါးလာနေခြင်းက ကျွန် တော်တို့နိုင်ငံအသင်းကို ထိခိုက် စေပါတယ်။ နယူးကာ ဆယ်-အာဆင်နယ်ပွဲကိုသာကြည့်တော့ဗျာ။ ပွဲထွက်(၂၂)ယောက်မှာ အင်္ဂလန် က (၄)ယောက်ပဲပါတယ်လေ။ကလပ်အသင်းအတော်များများ မှာ ကြည့်လိုက်မယ်ဆိုရင်လည်း အင်္ဂလန်ကစားသမားတွေ ဘေး ထိုင်နေတာများပါတယ်။ နိုင်ငံ ခြားကစားသမားတစ်ဦးကို သန်း ချီပြီးပေးဝယ်ထားတဲ့ နည်းပြက အင်္ဂလန်လူငယ်ကစားသမားတစ် ဦးကို ပွဲထုတ်ဖို့ဆိုတာက ရာခိုင် နှုန်းနည်းပါတယ်””လို့ ရီယိုဖာဒီ နန်က ပြောခဲ့ပါတယ်။ အာဆင်နယ်က နယူးကာဆယ်အသင်းကို အဝေးကွင်းမှာ တစ်ဂိုးဂိုးမရှိနဲ့ အနိုင်ရခဲ့တဲ့ပွဲမှာကြည့်မယ်ဆိုရင် နယူးကာဆယ်ဘက်မှာ နောက်ခံလူဝီလီယံ ဆင်တစ်ဦးပဲ အင်္ဂလန်သားပါဝင်ပြီး အာဆင်နယ်မှာဆိုရင် ကီရင်ဂစ်ဘ်၊ ၀ီလ်ရှိုင်းယားနဲ့ သီယိုဝဲလ်ကော့တ်တို့ (၃)ဦးပါဝင်နေခဲ့တာဖြစ်ပါတယ်။ ဒါ့အပြင် သူ့အနေနဲ့ လူ ငယ်ကစားသမားဘ၀ကနေ တက်လှမ်းလာခဲ့ပုံများကိုလည်း ပြောပြခဲ့ပြန်ပါတယ်။ “ ကျွန်တော်ဝက်စ်ဟမ်းမှာ လူငယ်က စားသမားဘ၀နဲ့ရှိနေတုန်းမှာ ဟယ်ရီရက်ဒ်နပ်က အသင်းအရန် ခုံမှာထိုင်ခိုင်းခဲ့ပြီး ၀င်ကစားခိုင်းခဲ့ ပါတယ်။ ဒီနေ့ခေတ်မှာ နည်းပြ တွေက အသင်းပိုင်ရှင်တွေကို လွန်ဆန်ပြီး လူငယ်တွေကိုဝင်ကစားခိုင်းဖို့ဆိုတာ မဖြစ်နိုင်တဲ့အ နေအထားမျိုးဖြစ်နေပါပြီ”လို့ ပြောခဲ့ပါတယ်။

ဘယ်အချိန်မှာ အလုပ်က ထွက်သင့်ပြီလဲ


အလုပ်က နေ့ရက်ဆိုးတွေကိ တွန်းလှန်နိုင်စွမ်း မရှိတော့ဘူးလား။ တချို့သော အမျိုးသားတွေဟာ သူတို့ရဲ့ လက်ရှိအလုပ်ကနေ ထွက်ချိန်တန်နေတာကို သတိမမူဘဲ အဆင်ပြေမလားဆိုတဲ့ အတွေးနဲ့ ဆက်လက် ရုန်းကန်နေကြဆဲပါပဲ။ ဒါဟာလည်း တချို့တွေပြောတတ်တဲ့ “တကယ်တော်တဲ့ လူတစ်ယောက်ဟာ ဘယ်တော့မှ လက်မြှောက်ထွက်မသွားဘူး”ဆိုတဲ့ စကားမျိုးတွေကြောင့် သင့်ကို မပျော်ရွှင်မှုတွေနဲ့ ဆက်လက် ရှင်သန်နေစေပြန်ပါတယ်။

ဆက်လက် ဖက်တွယ်နေဖို့ အကြောင်းပြချက်မရှိတော့ဘူးဆိုပါစို့။ အလုပ်က တကယ်ထွက်ချိန်တန်ပြီ ဖြစ်ကြောင်း အလွန်သေချာတဲ့ အကြောင်းပြချက် (၅)ခု ပြောပြပါရစေ။

(၁) အလွန်အကျွံ စိတ်ဖိစီးမှုများအောက် ရောက်ရှိနေလျင်



အနည်းငယ် စိတ်ဖိစီးရတဲ့ နေ့ရက်တွေဆိုတာ လစဉ်လိုလို ရှိတတ်ပါတယ်။ ဒါပေမယ့် ဒီလိုစိတ်ဖိစီးမှုမျိုးတွေချည်း နေ့စဉ်ရက်ဆက် အလွန်အကျွံ ခံစားနေရတယ် ဆိုရင်တော့ ဒီအလုပ်ဟာ သင်နဲ့ မသင့်တော်ပါဘူး။ ဒါကြောင့် နောင်တမရခင် အရင်ထွက်လိုက်ပါ။

(၂) စိန်ခေါ်မှုတွေ မရှိတော့လျင်

နေ့တွေ ၊ လတွေ ၊ နှစ်တွေများစွာ ဆယ်စုနှစ် တစ်စုလောက်တိုင်အောင် သင့်အလုပ်ဟာ သင့်ကို ဘာစိန်ခေါ်မှုမှ မပေးနိုင်တော့ရင် ဒါဟာ အချိန်တွေကို အလဟဿ ဖြုန်းတီးပစ်နေတာပါပဲ။ ဒီအချိန်ဟာ တခြားအသက်မွေးဝမ်းကြောင်းတစ်ခု စတင်ပြောင်းလဲသင့်တဲ့ အချိန်ပါ။

(၃) ကုမ္ပဏီဟာ ဘယ်နေရာမှာမှ ဦးမဆောင်နိုင်တော့လျင်

ကုမ္ပဏီဟာ နှစ်ရှည်လများ နာတာရှည်ရောဂါမျိုး တဖြည်းဖြည်းလှိုက်စားနေတဲ့အခါ သင့်ကို လက်ရှိပေးနိုင်တဲ့လစာထက် ပိုပြီး မပေးနိုင်တော့ပါဘူး။ နောက်ပြီး သင့်ရဲ့ အနာဂတ်ဟာလည်း ဘာမှ ရေရေရာရာ မတွက်ဆနိုင်တော့ဘူးဆိုရင် ဒီကုမ္ပဏီကို သံယောဇဉ် ဖြတ်သင့်ပါပြီ။ အလုပ်တစ်ခုကို ရှာဖွေတဲ့အခါ ၀င်ငွေတစ်ခုတည်းကို မကြည့်ပါနဲ့။ ဒီကုမ္ပဏီဟာ အနာဂတ်ရည်မှန်းချက်အစီအစဉ်နဲ့ အိမ်မက်တွေ ဘယ်လောက်ထိ ရည်မှန်းအကောင်အထည် ဖော်နိုင်မလဲဆိုတာကို ချင့်ချိန်ပါ။

(၄) အလုပ်မှာ စိတ်တက်ကြွ ရှင်သန်ဖို့အင်အား ရှာမတွေ့တော့လျင်

ရည်မှန်းချက်ဆိုတာ လူတိုင်းအတွက် အရေးအကြီးဆုံးအရာတစ်ခုဖြစ်လို့ ဒီစိတ်ဓါတ် ပျောက်ပြယ် လွင့်ပါးသွားတာမျိုး ဘယ်တော့မှ မဖြစ်သင့်ပါဘူး။ အခုသင့်ရဲ့ လက်ရှိအလုပ်ဟာ သင့်ကို မပြောပလောက်တဲ့ ရည်မှန်းချက်လေးပေးထားပြီး တိုးတက်နိုင်တဲ့ နယ်ပယ်မှာ မလုပ်နေရဘူး ဆိုရင်တော့ မှန်ကန်တဲ့နည်းလမ်းနဲ့ အဆုံးသတ်ဖို့ ဆုံးဖြတ်သင့်ပါပြီ။

(၅) စိတ်အာရုံတွေ အဝေးကိုသာ ပျံ့လွင့်နေလျင်

အလုပ်က သင့်ကို လုံလောက်တဲ့ စိတ်ဝင်စားမှုတွေ မပေးစွမ်းနိုင်တော့တဲ့ အခါ ပျင်းရိခြင်းက ကြီးစိုးလာပြီး ငြီးငွေ့ခြင်းတွေနဲ့အတူ ငိုက်မြည်းနေတတ်ပါလိမ့်မယ်။ ဒါဟာ သင့်အတွက်ရော သင့်အလုပ်ရှင်အတွက်ပါ အတော်လေး စိတ်ကသိကအောက်ဖြစ်စရာ အခြေအနေပါ။ ဒါမျိုး ဖြစ်နေပြီဆိုရင် ကိုယ်စိတ်ပါဝင်စားနိုင်တဲ့အလုပ်တစ်ခုကို ရှာဖို့လိုအပ်နေပါပြီ။ ဘ၀ဆိုတာ အချိန်ခဏလေးဖြစ်ပြီး အင်မတန်ကုန်လွယ်ပါတယ်။ ဒါကြောင့် နယ်မြေသစ်ကို စတင်ရှာဖွေပါ။ တရွတ်ဆွဲ အလုပ်လုပ်နေခြင်းဟာ သင့်အနာဂတ်အတွက်သာမက ကုမ္ပဏီအနာဂတ်အတွက်ပါ ထိခိုက်နိုင်ပါတယ်။

Ref:mensxp

နှစ်သစ်အကြိုဝမ်းနည်းစရာသတင်း- ဖော်မြူလာဝမ်း ပြိုင်ပွဲရဲ့ ဂန္တ၀င်မြောက်ကစားသမား မိုက်ကယ်ရှူးမေကာ မတော်တဆမှုဖြစ်ပြီး Coma ၀င်ရောက်လျက်ရှိ




Monday, December 30, 2013

 နှစ်သစ်ကူးပြောင်းခါနီးမှာ သတင်းဆိုးတစ်ခုကို မမျှော်လင့်ဘဲ ကြားသိလိုက်ရပါတယ်။ ဖော်မြူလာဝမ်း ပြိုင်ပွဲရဲ့ အရှင်သခင်တစ်ယောက်၊ ဂန္တ၀င်မြောက်ကားမောင်းသမားဖြစ်တဲ့ မိုက်ကယ်ရှူးမေကာဟာ မနေ့ က နှင်းလျှောစီးကစားရင်း ဦးခေါင်းမှာ ဒဏ်ရာရရှိကာ ကိုမာ ၀င်ရောက်သွားခဲ့ပါတယ်။

ဖော်မြူလာဝမ်း ကမ္ဘာ့ချန်ပီယံဆုကို ခုနှစ်ကြိမ်ရရှိသူထားသူ အသက် ၄၄ နှစ်အရွယ် မိုက်ကယ်ရှူးမေကာဟာ ပြင်သစ်တောင်တန်းတွေမှာ နှင်းလျောစီးကစားရင်း ထိခိုက်ဒဏ်ရာရရှိခဲ့တာပါ။ အခု ပြင်သစ်နိုင်ငံအရှေ့  တောင်ပိုင်း ဂရီနိုဘယ်မြို့ ဆေးရုံတင်ထားပြီး ကိုမာရောဂါဝင်ရောက်လျက်ရှိပါတယ်။

နှင်းလျောစီးတုန်းက မိုက်ကယ်ဟာ ခေါင်းဆောင်းအကာဝတ်ဆင်ထားခဲ့ပါတယ်တဲ့။ ဖြစ်ဖြစ်ချင်းမှာ မိုက်ကယ်ဟာ သတိရနေခဲ့ပေမယ့် မကြာခင်မှာ အခြေအနေဆိုးရွားလာခဲ့ပြီး ကိုမာ ၀င်ရောက်သွားခဲ့တာပါ။

“မိုက်ကယ်ဟာ ဦးခေါင်းခွံမှာ အပြင်းစားဒဏ်ရာရရှိခဲ့ပြီး ကိုမာ အခြေအနေရောက်ရှိသွားခဲ့တာပါ။ အာရုံကြောပိုင်းဆိုင်ရာ ကုသမှုတစ်ချို့ ချက်ချင်းပြုလုပ်ဖို့ လိုအပ်ပါတယ်။ အခုထိတော့ စိုးရိမ်ရတဲ့ အခြေအနေမှာ ရှိနေတုန်းပါပဲ” လို့ ဂရီနိုဘယ် ဆေးရုံရဲ့ ဒါရိုက်တာ ဂျင်းန် မာခ် ဂရီနီယာ က ပြောကြားသွားခဲ့ပါတယ်။

မိုက်ကယ် ရှူးမေကာဟာ သူ့ ရဲ့ ၁၄ နှစ်သားအရွယ် သားနဲ့ အတူ မီရီဘယ် နှင်းလျောစီးအပန်းဖြေစခန်းမှာ အနားယူအပန်းဖြေနေခဲ့တာ လို့ သိရပါတယ်။ ပြီးတော့ မိုက်ကယ်ဟာ နှင်းလျော ကျွမ်းကျွမ်းကျင်ကျင် စီးတတ်သူ တစ်ယောက်ဖြစ်တယ်လို့ လည်း သူ့ မိတ်ဆွေတွေက ဆိုပါတယ်။

မိုက်ကယ်ရှူးမေကာဟာ အားကစားလောကသမိုင်းတစ်လျှောက်မှာ အအောင်မြင်ဆုံးကားမောင်းသမား တစ်ယောက်အဖြစ် သတ်မှတ်ခံထားရပြီး မနှစ်ကမှ အားကစားလောကက အနားယူထားတာပါ။ နှစ်သစ်မှာ မိုက်ကယ်ရှူးမေကာ တစ်ယောက် အမြန်ဆုံးပြန်လည်နိုးထ ကောင်းမွန်လာပါစေ လို့ ဆုတောင်းလိုက်ပါတယ်။

Ref: euronews.com

ချစ်သူသက်တမ်းတစ်လျှောက် အမြဲတမ်းပြုမူရမယ့် အချက်(၁၀)ချက်






အချစ်ရေးတစ်ခု အောင်မြင်ဖို့ သော့ချက်တချို့ကတော့ သင်တို့အချင်းချင်း တစ်ယောက်နဲ့တစ်ယောက် ပြုမူဆက်ဆံတတ်ကြတဲ့ အသေးအဖွဲ့ကိစ္စလေးတွေထဲမှာ ရှိနေပါတယ်။ ဒါပေမယ့် ဒီအချက်လေးတွေကို တချို့က မေ့လျော့ထားတတ်ကြပါတယ်။

ဘယ်လိုအရာတွေကများ အချစ်မီးတောက်လေး အမြဲတောက်နေအောင် စွမ်းဆောင်နိုင်တာပါလိမ့်။ မေ့လျော့နေတာလေးတွေ တူးဆွကြည့်ရအောင်။


(၁) “I Love You” လို့ပြောတာကို ဘယ်တော့မှ မရပ်တန့်ပစ်ပါနဲ့။ ဒီစကားသုံးလုံးဟာ အမျိုးသမီးတစ်ရောက်ရဲ့ ရင်ထဲ စွဲမြဲနေစေနိုင်တာကို ဘယ်တော့မှ မမေ့ပါနဲ့။


(၂) တစ်ယောက်နဲ့တစ်ယောက် တွေ့ကြတဲ့အခါ နှုတ်ဆက်အနမ်းလေးတွေ ပေးဖို့ ဘယ်တော့မှ မမေ့ပါနဲ့။


(၃) အိပ်ရာထဲရောက်ချိန်နဲ့ အခြေအနေပေးတဲ့ အချိန်တွေမျိုးမှာ တစ်ယောက်နဲ့တစ်ယောက် နွေးထွေးစွာ ပွေ့ဖက်ဖို့ မမေ့ပါနဲ့။


(၄) တစ်ယောက်နဲ့တစ်ယောက် အပြန်အလှန်စနောက်ပြီး ပျော်စရာလေးတွေ ဖန်တီးဖို့ မမေ့ပါနဲ့။


(၅) တစ်ယောက်နဲ့တစ်ယောက် ခဏတာ ခွဲခွာရချိန်မျိုးမှာတောင် အဆက်အသွယ် မပြတ်ပါစေနဲ့။ ကြုံတွေ့ရတဲ့အရာတွေ ခံစားချက်တွေ မျှဝေကြဖို့ မမေ့ပါနဲ့။



(၆) သင့်အနေနဲ့ မုသားသုံးလိုက်တဲ့ ခဏတာဟာ သင်တို့ရဲ့အချစ်ခရီးလမ်းကို စတင် အက်ကွဲစေပြီဆိုတာ မမေ့ပါနဲ့။ ဒါကြောင့် ရိုးသားစွာ ဆက်ဆံကြဖို့ မမေ့ပါနဲ့။


(၇) သူမဘယ်လောက်လှကြောင်း ၊ ဘယ်လောက် ဆွဲဆောင်မှုရှိကြောင်း ပြောပြဖို့ ဘယ်တော့မှ မမေ့ပါနဲ့။ နှစ်တွေကြာလာလို့ သူမအလေးချိန်တွေတက်လာရင် (ဒါမှမဟုတ်) မျက်လုံးလေးတွေ မတောက်ပနိုင်တော့ရင်တောင် သင့်ရဲ့ဒီစကားလေးတွေ သူမအတွက် လိုအပ်နေပါသေးတယ်။


(၈) အလုပ်တွေကြားမှာ အခြေကျလို့ မအားလပ်နိုင်ကြတော့ရင်တောင် အတူတကွ ထွက်လည်ဖို့ စီစဉ်တာဖို့လိုတာ မမေ့ပါနဲ့။


(၉) သင့်ရဲ့ ဘယ်လိုမျိုးလက်ဆောင်မဆို သူမကို အံ့သြပျော်ရွှင်သွားအောင် လုပ်နိုင်တယ်ဆိုတာ မမေ့ပါနဲ့။ တန်ဖိုးနည်းတာပဲဖြစ်ဖြစ် ၊ များတာပဲဖြစ်ဖြစ် အရေးမကြီးပါဘူး။

မမေ့မလျော့ လက်ဆောင်လေးတွေ ပေးနေနိုင်ဖို့သာ အဓိကပါ။


(၁၀) အရင်းနှီးဆုံးသူငယ်ချင်းတွေအဖြစ် ပေါင်းသင်းဆက်ဆံပေးဖို့ မမေ့ပါနဲ့။ သင့်ရဲ့ ရည်းစား၊ အိမ်ထောင်ရှင်မ ၊ ကလေးတွေရဲ့အမေ ဘယ်ခြေအနေကိုပဲ ရောက်ရောက် တိုင်ပင်စရာရှိလာရင် အကောင်းဆုံး သူငယ်ချင်းတွေအဖြစ် ရပ်တည်ပေးဖို့လိုပါတယ်။

Ref:mensxp

လူသိနည်းတဲ့ သကြားရဲ့ဆိုးကျိုး ၁၀ မျိုး



မြန်မာနှလုံးဖောင်ဒေးရှင်း ဒီတစ်ပါတ် ကျန်းမာရေးသတင်းတွေထဲမှာ သကြားဟာ အဆီထက်ကို အန္တရာယ်များတဲ့အကြောင်းတွေ တော်တော်လေးပါပါတယ်။ အဲဒါကြောင့် သကြားလွန်လွန်ကဲကဲ စားသုံးခြင်းရဲ့  ဆိုးကျိုးအကြောင်း ၁၀ မျိုးကို တင်ပြလိုက်ပါတယ်။

(၁)သကြားက နှလုံးကို ဒုက္ခပေးတတ်တယ်။

American Heart Association ရဲ့  အဆိုအရ သကြားလွန်ကဲစွာစားသုံးခြင်းကြာင့် နှလုံးညှစ်ခြင်းကို ထိခိုက်နိုင်ပြီး နှလုံးညှစ်အားနည်းရောဂါ ဖြစ်နိုင်တယ်လို့ ဆိုပါတယ်။


(၂)သကြားက အဓိကအားဖြင့် ဗိုက်ကို ရွှဲစေပါတယ်။

တကမ္ဘာလုံးမှာ အ၀လွန်တဲ့သူတွေဟာ လွန်ခဲ့တဲ့ နှစ်ပေါင်း ၃၀ အတွင်း အဆတော်တော်များများ တိုးလာပါတယ်။ ၂၀၁၀ ခုနှစ်က ပြုလုပ်ခဲ့တဲ့ ဆေးသုသေနတစ်ခုအရ ကလေးတွေမှာ သကြားစားသုံးမှုများတဲ့အတွက်ကြောင့် ကိုယ်ခန္တာထဲက ကလီစာတွေ အဆီများလာပြီး ဗိုက်ရွှဲစေတယ်၊ နောက်တော့ နှလုံးရောဂါနဲ့ ဆီးချိုရောဂါတွေလည်း ဖြစ်စေပါတယ်။

(၃)သကြားက တကယ့်ကို အသံတိတ်လူသတ်သမားပါ။

ဆားနဲ့ သွေးတိုးရောဂါတွေနဲ့အပြိုင် သကြားက လူတွေကိုသတ်ပါတယ်။ ၂၀၀၈ ခုနှစ်က လုပ်ခဲ့တဲ့ ဆေးသုသေသနတစ်ခုအရ leptin resistance လို့ခေါ်တဲ့ ရောဂါကိုရစေပါတယ်။ လူ့ကိုယ်ခန္တာမှာ အစားစားတဲ့အခါ Leptin ဓာတ်က အာသာပြေတဲ့စိတ်ကို ဖြစ်စေပါတယ်။ leptin resistance ရတဲ့အခါ စားပြီးရင်းစားချင်ရင်းမို့ အ၀လွန်စေပါတယ်။ ၀လွန်းတဲ့အခါ ဘာမှမသိပဲ ရောဂါတွေကိုရလာပြီး လူကို သေစေပါတယ်။

(၄)သကြားကြောင့် ကင်ဆာပိုဖြစ်စေပြီး၊ ကင်ဆာကြောင့်သေနှုန်းကိုလည်း များစေပါတယ်။

အူထဲမှာ သကြားဓာတ်တွေများရင် β-catenin ဆိုတဲ့ဓာတ်တစ်မျိုးထွက်လာပြီး ကင်ဆာဖြစ်ပွားမှုကို အားပေးပါတယ်။ ရင်သားကင်ဆာနဲ့ အူမကြီးကင်ဆာလိုရောဂါတွေမှာ သကြားစားတာ များတဲ့လူတာတွေရဲ့  သေနှုန်းက ပိုပြီးများပါတယ်။

(၅) သကြားကြိုက်တာ မျိုးရိုးလုိုက်တတ်ပါတယ်။

Ghrelin ဓာတ်များတဲ့ သူတွေဟာ သကြားနဲ့ အရက်ကိုပိုစွဲတတ်ပါတယ်။ Ghrelin ဓာတ်က ကိုယ်ခန္တာကို ဆာလောင်စေပါတယ်။

(၆)သကြားနဲ့ အရက်ဟာ အသည်းကို ဒုက္ခပေးတာ အတူတူပါပဲ။

အရမ်းမ၀တဲ့ လူတွေမှာတောင် သကြားက အရက်နဲ့အလားတူ အသည်းကို ပျက်စီးစေပါတယ်။ သကြားနဲ့ အရက်ကို ကိုယ်ခန္တာက ချေဖျက်ရတဲ့ နည်းလမ်းတွေက အတူတူပါပဲ။ (

(၇)သကြားက ဦးဏှောက်ကို ဒုက္ခပေးပါတယ်။

လွန်ကဲတဲ့သကြားဓာတ်က ကိုယ်ခန္တာက ဆဲလ်တွေကို အိုမင်းစေပါတယ်။ သကြားအရမ်းစားတဲ့ လူတွေမှာ သတိမေ့ခြင်း၊ ဦးဏှောက်အားလျော့ခြင်းတွေ ပိုပြီးဖြစ်တတ်ပါတယ်။

(၈)သကြားဓာတ်က နေ့စဉ် စားသုံးစရာတွေထဲမှာ ပြည့်နေခြင်း

သွားရည်စာတွေ အချိုရည်တွေထဲမှာ သကြားတွေ အများကြီးပါပါတယ်။ ဥပမာ-Coke တစ်ဘူးမှာ သကြား ၁၀ ဇွန်းလောက်ပါဝင်ပါတယ်။

(၉)သကြားလွန်ကဲစွာစားသုံးမှုကြောင့် အသက်တိုနိုင်ပါတယ်။

၂၀၁၃ စစ်တမ်းတစ်ခုအရ ကမ္ဘာတ၀န်းမှာ တစ်နှစ်ကို ၁၈၀၀၀၀ လောက် သကြားစားသုံးမှု လွန်ကဲလို့ သေကြေကြရပါတယ်။ ဆီးချို၊ နှလုံးနဲ့ ကင်ဆာရောဂါတွေကြောင့် သေကြရတာ ဖြစ်ပါတယ်။

(၁၀) သကြားကြောင့် အ၀လွန်စေပါတယ်။

ဒီအချက်က လူတိုင်း သိကြပါတယ်။သကြားစားပြီးရင် ဗိုက်ပြည့်တယ်မရှိပါဘူး။ အဲဒါကြောင့် အချိုတွေ စားပြီးရင် အစားကို ထပ်ပြီး စားစေချင်စိတ် ဖြစ်စေပါတယ်။

ကျန်းမာရွှင်လန်းကြပါစေ

တော်လှန်သောကွန်ပျူတာများ





သမိုင်းဦးဘုံမြေခေတ်၊ ကျေးပိုင်ကျွန်ပိုင်ခေတ်၊ မြေရှင်ပဒေသရာဇ်ခေတ်၊ အရင်းရှင်ခေတ်၊ ဆိုရှယ်လစ်ခေတ်၊ ကွန်မြူနစ်ခေတ်ဆိုပြီး လူ့သမိုင်းဟာ ခေတ်ပေါင်းစုံကို ကျော်ဖြတ်လာခဲ့ပါတယ်။ တော်လှန်သောဆိုတဲ့နေရာမှာလည်း ခေတ်တစ်ခေတ်ကနေ နောက်တစ်ခေတ်၊ စနစ်တစ်ခုကနေ နောက်စနစ်တစ်ခုကို ကူးပြောင်းဖို့ လူတွေအသက်၊ သွေး၊ ချွေးပေါင်းများစွာနဲ့ ရင်းနှီးခဲ့ကြရတယ်။ တော်လှန်ရေးမှာလည်း သွေးစွန်းသော တော်လှန်ရေး၊ သွေးမဲ့တော်လှန်ရေးဆိုပြီး အနေအထားတစ်ခုကနေ အခြား အနေအထားတစ်ခုကို ကူးပြောင်းသွားတာတွေလည်းရှိတယ်။

လူတွေက ကွန်ပျူတာစိတ်ကူးကို ၁၉ ရာစုလောက်တည်းက ရခဲ့ကြတယ်။ ဒါကြောင့် ကွန်ပျူတာတော်လှန်ရေးဆိုတာ နှစ်ကာလပေါင်းများစွာ သန်ေဓတည်ခဲ့ပြီးမှ ပေါက်ဖွားလာခဲ့တဲ့ သွေးမဲ့တော်လှန်ရေးလို့လည်းပြောနိုင်တယ်။ ကွန်ပျူတာ ပေါ်လာလိုက်တာဟာ လူ့သမိုင်းကြီးတစ်ခုလုံးကို ဇောက်ထိုးမိုးမြော်ဖြစ်သွားလောက်အောင် ပြောင်းလဲသွားပါတယ်။ အဲဒီလို ဖြစ်အောင် ဘယ်လိုတွေ ကြိုးပမ်းခဲ့ရပါသလဲ။

The Difference Engine



Charles Babbage ဆိုသူပုဂ္ဂိုလ်က ကွန်ပျူတာဆိုတဲ့စိတ်ကူးကို စတင်ခဲ့တယ်။ သူက အဲဒီစက်ကို Difference Engine ဆိုပြီး စတင်ခဲ့တာဖြစ်တယ်။ ဗြိတိသျှအစိုးရကို သူ့စက်တီထွင်နိုင်ရေး အကူအညီဆက်ပေးဖို့တောင်းဆိုတော့ အငြင်းခံလိုက်ရတယ်။ စတင်တီထွင်စဉ်က သင်္ချာတွက်စက်အနေနဲ့ ပြုလုပ်ခဲ့တာဖြစ်ပြီး အထောက်အပံ့မရလို့ သူလည်း လုပ်ငန်းကို ရပ်ခဲ့ရတယ်။ ဒါကြောင့် ၁၈၂၂ ခုနှစ်လောက်မှာ စတင်တီထွင်ခဲ့ပေမယ့် ဗြိတိန်တွေဟာ ပထမဦးဆုံး တီထွင်သူ စာရင်းမဝင်ခဲ့ဘူး။ Babbage လုပ်ဆောင်ခဲ့တဲ့ ဂဏန်းတွက်စက်ဟာ အံ့သြစရာကောင်းလောက်အောင်ကောင်းတဲ့ သမိုင်းဦး ကွန်ပျူတာစက်လို့ ပြောရမယ်။ အဲဒီအချိန်က တီထွင်ခဲ့တဲ့စက်ကတော့ မရှိတော့ဘူး။ ယခုပြတိုက်မှာ ပြထားတဲ့စက်က ပုံစံတူ ပြန်လည်တည်ဆောက်ပြသထားတာလို့ သိရတယ်။ ခုလည်း အဲဒီစက်က အလုပ် လုပ်နိုင်သေးတယ်လို့ ဆိုပါတယ်။

ENIAC



အမေရိကန်စစ်တပ်အတွက် တည်ဆောက်ထားတဲ့ Electronic Numerical Integrator And Computer (ENIAC) ကွန်ပျူတာစက်ဖြစ်ပါတယ်။ တစ်စက္ကန့်ကို တွက်ချက်မှုပေါင်း ၃၅၇ မျိုးလောက် လုပ်ပေးနိုင်ပါတယ်။ ၁၉၄၆ ခုနှစ်လောက်က တီထွင်ပြီးအသုံးပြုခဲ့တဲ့ ပရိုဂရမ်သုံးကွန်ပျူတာလို့ဆိုနိုင်တယ်။ စက်အလေးချိန် တန် ၃၀ လောက်ရှိပြီး Vacuum Tube လို့ခေါ်တဲ့ မီးလုံးပေါင်း ၁၇,၄၇၈ လုံး အသုံးပြုထားတယ်။ အဲဒီအတွက် လျှပ်စစ်စွမ်းအင် 150 kilowatts လောက်အသုံးပြုတယ်။ ပရိုဂရမ်စနစ်က မီးလုံး၊ ကြိုး၊ ခလုတ်တွေနဲ့ ပေါင်းစပ်ပြီး အလုပ်လုပ်တယ်။

IBM System/360



စီးပွားရေးနဲ့ ပုဂ္ဂလိကလုပ်ငန်းကြီးတွေမှာသုံးဖို့ IBM က System/360 ဆိုတဲ့ ကွန်ပျူတာကြီးကို တီထွင်ပြီး လုပ်ငန်းသုံး မိတ်ဆက်နိုင်ခြင်းဟာ စီးပွားရေးလောကကြီးတစ်ခုလုံးအတွက် ပြုပြင်ပြောင်းလဲမှုတစ်ခုကို စတင်လိုက်ခြင်းလို့ ဆိုရမယ်။ ၁၉၆၄ ခုနှစ်လောက်မှာ IBM ကုမ္ပဏီက သမိုင်းဝင် S/360 ကွန်ပျူတာနဲ့ ကမ္ဘာကို ကိုင်လှုပ်နိုင်ခဲ့တယ်။ လုပ်ငန်းကြီးတွေမှာ ကွန်ပျူတာမသုံးမဖြစ်အနေအထားရောက်လာအောင် အုတ်မြစ်ချလိုက်တာလို့ ဆိုနိုင်ပါတယ်။

Datapoint 2200



၁၉၇၀ ပြည့်နှစ်လောက်မှာ ပေါ်လာတဲ့ ကွန်ပျူတာဖြစ်ပါတယ်။ ကွန်ပျူတာတွေကို တန်နဲ့ချီပြီး ဘောလုံးကွင်း တစ်ကွင်းစာ လောက်ရှိတဲ့ အခန်းကျယ်ကြီးတွေကနေ အိမ်ခန်းထဲ သွင်းလာနိုင်တဲ့ ကွန်ပျူတာလေးတွေ ဖြစ်တည်လာခြင်းရဲ့ သမိုင်းအစ လို့လည်းဆိုနိုင်တယ်။ တစ်ကိုယ်ရည်သုံးကို အဲဒီအချိန်က Single-user လို့ပဲပြောသေးတယ်။ Personal လို့ မပြောသေးဘူး။ ယခုအချိန်မှာ ပျောက်ကွယ်သွားပြီဖြစ်တဲ့ Computer Terminal Corp. (CTC) ကုမ္ပဏီကနေ ထုတ်လုပ်ခဲ့တဲ့ ကွန်ပျူတာဖြစ်ပါတယ်။ Datapoint 2200 လို့ခေါ်တဲ့ အဲဒီကွန်ပျူတာဟာ ယနေ့ခေတ် PC ကွန်ပျူတာ တွေရဲ့ သမိုင်းအစလို့လည်း ပြောနိုင်တယ်။ ကွန်ပျူတာကို ဒီလောက်သေးအောင် လုပ်နိုင်တာဟာ Intel ကုမ္ပဏီက ထုတ် လိုက်တဲ့ single chip ပရိုဆက်ဆာကြောင့်ဖြစ်ပါတယ်။ ပရိုဆက်ဆာ chip တစ်ခုတည်းနဲ့ လုပ်ဆောင်နိုင်စွမ်းတွေကို စုပြုံထည့်လာနိုင်ခြင်းဟာ ခန်းလုံးပြည့် ကွန်ပျူတာစနစ်ကို တော်လှန်ပြီး ပေါ်ပေါက်လာခဲ့ရတာဖြစ်တယ်။ အဲဒီ အချိန်ကစပြီး Intel ကုမ္ပဏီလည်း သမိုင်းဝင်တီထွင်မှုများရဲ့ အဓိကကျတဲ့နေရာကနေ ပါဝင်လာခဲ့ရတယ်။ PC Microprocessor တွေပေါ်ပေါက်လာခြင်းဟာ ကွန်ပျူခေတ်မှာလည်း ခေတ်ပြောင်းတော်လှန်ရေးတစ်ရပ်ကို ဆင်နွှဲလိုက်ခြင်းဖြစ်ပါတယ်။

Xerox PARC Alto



ကွန်ပျူတာခေတ်ထဲကို Windows, icon, mouse, cursor ဆိုတာတွေဝင်လာတယ်။ ဖန်သားပြင်ပေါ်မှာတွေ့နေရတဲ့ အရုပ်လေးတွေကို မောက်စ်လို့ခေါ်တဲ့ ကိရိယာလေးနဲ့ click လုပ်ပြီး ထိန်းချုပ်ဖန်တီးနိုင်စွမ်းတွေ ရလာတယ်။ ကွန်ပျူတာ ထဲကို ဟာ့ဒ်ဒစ်တွေထည့်ပေးနိုင်လို့ အချက်အလက်တွေ သိုလှောင်လို့ရလာတယ်။ Ethernet ဆိုတာပေါ်လာလို့ ကွန်ပျူတာ တစ်လုံးနဲ့တစ်လုံး ချိတ်ဆက်ပြီးသုံးလာနိုင်တယ်။ အိမ်သုံး၊ ရုံးသုံးတဲ့အဆင့်ဖြစ်လာတယ်။ Xerox Palo Alto Research Center က ၁၉၇၄ ခုနှစ်က ထုတ်တာဖြစ်ပြီး PARC ကွန်ပျူတာလို့လည်း သိကြတယ်။ ဈေးကွက်ကို သိပ် မရောက်ခဲ့ဘူး။

TRS-80



၁၉၇၇ ခုနှစ်မှာ Radio Shack ကနေ TRS-80 လို့အမည်ပေးထားတဲ့ကွန်ပျူတာ လုံးရေ ၃၀၀၀ လောက် ထုတ်လိုက် တယ်။ အဲဒီအချိန်ကတော့ ဆိုင်တွေမှာ ရောင်းရသမျှ ငွေစာရင်းကို ဖြည့်သွင်းဖို့ အဓိကသုံးခဲ့ကြတယ်။ ဒါပေမဲ့ နောက်ပိုင်း ငွေဖြည့်ရုံသက်သက်မဟုတ်တော့ဘဲ အချက်အလက် မှတ်တမ်း(documentation) တွေကို ဖြည့်သွင်းလို့ရအောင် လုပ်လာနိုင်ပြီး Trash-80 ကွန်ပျူတာလို့ လူသိများလာတယ်။ အတိုကောက် TRS-80 လို့ခေါ်တယ်။ သူနဲ့တွဲပြီး third-party ဆော့ဖ်ဝဲထုတ်လုပ်မှုတွေလည်း အစပျိုးလာတယ်။ ဒီစက်လေးမှာ အထက်တန်းကျောင်းသားလေးတွေက ပရိုဂရမ်တွေ ရေးသားထည့်သွင်းပြီး ကွန်ပျူတာခေတ်ပြောင်းတော်လှန်ရေးကို စတင်ဆောင်ရွက်နိုင်ခဲ့ကြတယ်။

Apple II



Apple ကုမ္ပဏီကို စတင်ထူထောင်နိုင်ခဲ့ပြီး ၁၉၇၇ ခုနှစ်မှာ Apple ကွန်ပျူတာတွေကို ထုတ်နိုင်ခဲ့တယ်။ နှစ်ပေါင်း ၁၅ နှစ် လောက် ဈေးကွက်မှာ လွှမ်းမိုးထားနိုင်လောက်အောင် လူကြိုက်များခဲ့တယ်။ Apple II ကွန်ပျူတာအဆင့်မှာ ဈေးကွက်ထဲကို အလုံးအရင်းနဲ့ထုတ်ပြီး ဖြန့်ချိနိုင်တဲ့အဆင့်ရောက်လာတယ်။ တီထွင်သူတွေက ဖန်သားပြင်ပေါ်မှာ ပုံပြရောင်စုံ GUI စနစ်နဲ့ သုံးနိုင်အောင်စီစဉ်ပေးခဲ့တာကြောင့် ပညာရေးအတွက်သုံးဖို့ ပိုပြီး စိတ်ဝင်စားသွားကာ ပေါက်သွားတယ်လို့ ဆိုရမယ်။ ကလေး ကြိုက်ဖြစ်ပေမယ့် စီးပွားရေးလုပ်ငန်းကြီးတွေမှာ သုံးဖို့ကျတော့ ကလေးကလားဆန်တယ်ဆိုပြီး သိပ်အားမပေးခဲ့ကြဘူး။

IBM PC



၁၉၈၁ ခုနှစ်လောက်မှာ IBM ကုမ္ပဏီက အမြန်ဆုံး၊ လုပ်ငန်းသုံးအတွက် အဆင်အပြေဆုံး မိုက်ခရိုကွန်ပျူတာဆိုပြီး ထုတ် လိုက်ပါတယ်။ ကွန်ပျူတာလောကအတွက် ဟာ့ဒ်ဝဲဆိုတာဘာ၊ ဆော့ဖ်ဝဲဆိုတာဘာ၊ ကွန်ပျူတာဆိုတာဘာလို့ ကွဲပြားစွာ Standard တစ်ခုကို တည်ဆောက်ထူထောင်ပြလိုက်တာလို့ ဆိုနိုင်ပါတယ်။ အဲဒီအချိန်က ကွန်ပျူတာဆိုတာ ကိုယ့်နည်း ကိုယ့်ဟန် ကိုယ့်စံအတိုင်းထုတ်နေကြတာများတော့ လူတွေအနေနဲ့ နားလည်ရ ဝေခွဲရခက်ခဲခဲ့ပါတယ်။ Clone ကွန်ပျူတာ စနစ်နဲ့ လူတိုင်းအတွက် ဟာ့ဒ်ဝဲ၊ ဆော့ဖ်ဝဲတွေ လိုသလောက်ရယူသုံးစွဲနိုင်အောင် IBM ကုမ္ပဏီက ဈေးကွက်မှာ ဖြန့်ခဲ့တယ်။ Personal Computer (PC) ခေတ်ဟာ ခုမှ တကယ်ရောက်လာတယ်လို့ ဆိုရမှာပါ။

Apple Macintosh



၁၉၈၄ ခုနှစ်လောက်မှာ ကွန်ပျူတာတစ်ခေတ်ဆန်းအောင် Apple ကုမ္ပဏီက ကြံဆောင်နိုင်ခဲ့ပါတယ်။ ကွန်ပျူတာကို အိမ်တိုင်းမှာ မရှိမဖြစ်၊ မသုံးမဖြစ်အနေအထားရောက်အောင် လုပ်နိုင်ခဲ့တာလို့လည်း ဆိုရမယ်။ ယခင် ကွန်ပျူတာတွေ သုံးရတာ ကွန်ပျူတာနားလည်အောင် command လိုင်းတွေ ဝင်ရေးမှ သုံးလို့ရတယ်။ အထူးသဖြင့်တော့ IBM ကထုတ်တဲ့ PC တွေမှာ MS-DOS လို့ခေါ်တဲ့ operating system ကိုသုံးပြီး စာတွေရိုက်ထည့်သုံးကြရတယ်။ Apple က အဲဒီခေတ်ကို ပြောင်းလိုက်ပါတယ်။ ဂရပ်ဖစ်ပုံတွေကို မြင်ကွင်းပေါ်မှာ မောက်စ်နဲ့ တိုက်ရိုက် click လုပ်ပြီး ကွန်ပျူတာကို သုံးနိုင်တဲ့စနစ်ကို တွင်ကျယ်အောင်လုပ်ခဲ့တယ်။ သူတို့ကြောင့်လည်း Graphical User Interface (GUI) စနစ်ဟာ ပိုပြီး တွင်ကျယ်ခေတ်စားလာခဲ့ရတယ်။ ဈေးကွက်နဲ့ စီးပွားရေးအရ အောင်မြင်တဲ့တီထွင်ချက်ဖြစ်ပါတယ်။

IBM Roadrunner



Super Computer ဆိုပြီးနှစ်ပေါင်းများစွာ တီထွင်ခဲ့ကြတာ မရိုးနိုင်ပါဘူး။ အိမ်သုံး ရုံးသုံး ကွန်ပျူတာလေးတွေရှိသင့် သလို၊ လုပ်ငန်းသုံးအတွက်လည်း ကွန်ပျူတာကြီးတွေ ရှိသင့်ပါတယ်။ နိုင်ငံနဲ့ချီပြီး လုပ်ရတဲ့ လုပ်ငန်းတွေမှာလည်း Super ကွန်ပျူတာကြီးတွေ လိုအပ်ပါတယ်။ ဒေတာတွေ မြောက်မြားစွာ သိုလှောင်နိုင်ရမယ်၊ မြန်ဆန်စွာ တွက်ချက်နိုင်ရမယ်ဆိုတဲ့ အဓိကအချက်တွေကို Super ကွန်ပျူတာတွေကပဲ ပေးနိုင်ပါတယ်။ ၁၉၄၆ ခုနှစ်ကထုတ်ခဲ့တဲ့ ENIAC ကွန်ပျူတာတွေထက် ပိုကြီးပေမယ့် စွမ်းဆောင်နိုင်ရည်ကတော့ ပိုပြီးတော့ ကောင်းလာပါတယ်။ ယခင် တစ်စက္ကန့်ကို Quadrillion (one followed by 15 zeros) လောက် လုပ်နိုင်စွမ်းကနေ Petaflop (one million billion) လောက် လုပ်ဆောင်နိုင်စွမ်းတွေတိုးလာတယ်။ ယနေ့ခေတ်တိုင်အောင် Super ကွန်ပျူတွေကို နိုင်ငံတော်အနေနဲ့ ဂုဏ်ယူပြီးတည် ထောင်နေကြဆဲဖြစ်ပါတယ်။

Related Posts Plugin for WordPress, Blogger...