မှောင်မိုက်မှာငို ကမ္ဘောဒီးယား မိန်းမပျိုတို့ဘဝ

Wednesday, 20 November 2013
သူတို့ ဘားဆိုင် သို့မဟုတ် ကဖေးဆိုင် တစ်ဆိုင်ဆိုင်တွင် ထိုင်ရင်း အချိန်ဖြုန်းကြသည်။ သူတို့ ကလေးတွေနှင့် အတူတူ ကစားလေ့ ရှိကြသည်။ ဇနီးမယားများနှင့်အတူ ဈေးဝယ် ထွက်ကြသည်။ ကမ္ဘောဒီးယား အမျိုးသားများ၏ ဘဝကို ကြည့်လိုက်လျှင် ထူးခြားသည်ဟု မထင်ရ။ သို့သော် အသက် ၁၈ နှစ်မှ ၄၉ နှစ်အတွင်း အမျိုးသား ၅ ဦးတွင် တစ်ဦးသည် အမျိုးသမီးများကို မုဒိမ်းမှု ကျူးလွန်ရာတွင် တစ်နည်းမဟုတ် တစ်နည်း ပါဝင်ပတ်သက် နေတတ်သည်။ ကြောက်ခမန်းလိလိ ဦးရေ ဖြစ်သည်။ ထိုနှုန်းအတိုင်းဆိုလျှင် ကမ္ဘောဒီးယားနိုင်ငံ အမျိုးသား ၅၁၀,၀၀၀ ဦးသည် မုဒိမ်းသမားတွေ ဖြစ်နေကြသည့်သဘော ဖြစ်သည်။




ကုလသမဂ္ဂ ဒေသဆိုင်ရာ သုတေသန ပြုလုပ်သူများသည် ဘင်္ဂလားဒေ့ရှ်၊ ကမ္ဘောဒီးယား၊ တရုတ်၊ အင်ဒိုနီးရှား၊ ပါပူအာနယူးဂီနီနှင့် သီရိလင်္ကာ နိုင်ငံများသို့ ကွင်းဆင်းပြီး အမျိုးသမီးများ လိင်အကြမ်းဖက် ခံရမှုဆိုင်ရာ သဘောထား စစ်တမ်းများကို ကောက်ယူခဲ့ကြသည်။ ထိုနိုင်ငံများထဲတွင် ကမ္ဘောဒီးယား နိုင်ငံသည် အခြားအာရှ နိုင်ငံများထက် အမျိုးသမီးများအပေါ် အဓမ္မကျင့်ခြင်း၊ မုဒိမ်းကျင့်ခြင်း အများဆုံး နိုင်ငံတစ်နိုင်ငံ ဖြစ်နေကြောင်း တွေ့ရှိခဲ့ရသည်။

ကမ္ဘောဒီးယား နိုင်ငံတွင် အဘွားအရွယ်မှသည်၊ အမေအရွယ်၊ သမီးအရွယ်တို့သည် ကိုယ်ကာယ ညှဉ်းပန်း နှိပ်စက်မှု၊ စိတ်ညှဉ်ပန်း နှိပ်စက်မှု၊ လိင်ပိုင်းဆိုင်ရာ ညှဉ်းပန်း နှိပ်စက်မှုဒဏ်ကို အများဆုံး ခံနေရသည့် တိုင်းပြည် ဖြစ်နေကြောင်း တွေ့ရသည်။ ဘုရင့် နိုင်ငံတော်အဖြစ် နာမည်ကျော်ခဲ့သော ထိုနိုင်ငံတွင် ‘ဖျော်ဖြေရေး လုပ်သား’ ဆိုသူ ပေါင်းများစွာ၏ ဘဝမှာလည်း ရင်လေးဖွယ်ရာ ဖြစ်သည်။ ထိုကဲ့သို့ နာမည်လှလှလေး ခေါ်ထားသည့် အလုပ်သမား ဆိုသူများကို နိုင်ငံတကာ နားလည်သည့် စံနှုန်းအတိုင်း ခေါ်ဝေါ် သုံးစွဲရလျှင် ‘လိင်လုပ်သား’၊ ‘လိင်ကျွန်’၊ ‘ပြည့်တန်ဆာ’ များဟုသာ ဆိုရမည် ဖြစ်သည်။

ညအချိန် လမ်းပျော်လေးများကို ရိုက်နှက်ခြင်း၊ နှိပ်စက်ခြင်း၊ အုပ်စုဖွဲ့ မုဒိမ်းကျင့်ခြင်းတို့သည် ပုံမှန် အလေ့အထလို ဖြစ်နေသည်။ ဤဇာတ်လမ်းတွင် မှတ်တမ်းတင်ရမည့် အမျိုးသမီးလေးဦး ရှိပါသည်။ သူတို့နှင့် အင်တာဗျူးခွင့်လည်း ရခဲ့သည်။ သူတို့ လေးဦးစလုံး ဖနွမ်းပင် လွတ်လပ်ရေး ပန်းခြံနှင့် အိုလံပစ် အားကစားရုံ တစ်ဝိုက်တွင် ကျက်စားနေသူများ ဖြစ်သည်။ အကြမ်းဖက်ချင်သူများ မကြာခဏ ရောက်လာ တတ်သောကြောင့် သူတို့ဘဝကလည်း ကျီးလန့်စာ စားဆိုသလို ဖြစ်နေသည်။ ကိုယ်နှင့်ရင်းပြီး လုပ်စားနေရသော ဘဝမှာ အင်မတန် အန္တရာယ် များလှကြောင်း သူတို့က ဆိုသည်။ သို့သော် သူတို့က ကျင့်သားရနေကြပြီ ဖြစ်သည်။

ဆိုကနာ (၃၅ နှစ်)
ကျွန်မကို အုပ်စုလိုက် အနိုင်ကျင့်တာတွေ များလွန်းလို့ ဘယ်နှကြိမ် ဆိုတာတောင် မမှတ်မိတော့ဘူး။ ကျွန်မ ဒီအလုပ်ကို ၁၇ နှစ် သမီးလောက် ကတည်းက လုပ်ခဲ့တာ။ ဖောက်သည် အမျိုးမျိုးရဲ့ စရိုက် အမျိုးမျိုးကိုလည်း ကျွန်မကောင်းကောင်း ကျွမ်းပြီးသား။ ကျွန်မဆီ ရောက်လာကြတဲ့ လူတွေက အရက်လေးတွေ ထွေလာတတ်ကြတာ များတယ်။ မူးယစ်ဆေး သုံးလာတဲ့ သူတွေတောင် ပါတယ်။ သူတို့က ရိုးရိုးလာပျော်ကြတာ မဟုတ်ဘူး။ ကြမ်းချင် ရမ်းချင်ကြတယ်။ ဒါကြောင့် ကျွန်မ ဓားကို ကိုယ်နဲ့မကွာ ဆောင်ထားရတယ်။ ကိုယ့်ကိုယ်ကိုယ် ကာကွယ်ဖို့ပေါ့။ ဒါပေမဲ့ လူများလာရင်တော့ ငြိမ်နေလိုက်တာ အကောင်းဆုံးပဲ။ ငြိမ်မနေရင် ကိုယ့်ကို သတ်သွားမှာပေါ့။

ကျွန်မမှာ ညီအစ်ကို မောင်နှစ်မ ငါးဦးရှိတယ်။ အဖေဆုံးတော့ အမေကလည်း နေမကောင်းဘူး။ သူတို့ ကို ပိုက်ဆံရှာပေးဖို့ ကျွန်မအလုပ် လုပ်ရတော့တာပေါ့။ ကျွန်မ ဒီအလုပ်က လွဲပြီးတော့ ရွေးချယ်စရာလည်း မရှိဘူး။ ပညာကလည်း မတတ်ဘူးလေ။ လူတစ်ယောက်က အလုပ်ပေးဖို့ မိန်းကလေး ငယ်ငယ်လေးတွေကို ရှာနေတယ်ဆိုတာ သတင်းကြားလိုက်တယ်။ အဲဒီအချိန်က ကျွန်မ အသက် ၁၇ နှစ်ပဲ ရှိသေးတယ်။ သူက ကျွန်မကို သူ့ဖောက်သည် တစ်ယောက်က ခပ်ငယ်ငယ် ကောင်မလေး တစ်ယောက်နဲ့ အိပ်ချင်နေတယ်လို့ ပြောတယ်။ ဒါနဲ့ ကျွန်မလည်း သူပြောတဲ့လူနဲ့ အိပ်လိုက်ချိန်က စပြီး ဒီဘဝကို ရောက်ခဲ့ရတော့တာပဲ။

အသက် ၂၈ နှစ်မှာ ဖောက်သည်တွေက ကျွန်မကို သိပ်မလိုချင်တော့ဘူး။ ကျွန်မကို အိုပြီတဲ့လေ။ ဒါနဲ့ပဲ ကျွန်မ အဲဒီအိမ်က ထွက်ခဲ့ရတယ်။ ဖောက်သည်တွေ မရှိတော့ ဇိမ်ခန်း ပိုင်ရှင်ကို ငွေလည်း ရှာမပေးနိုင်တော့ဘူး။ ဒါကြောင့် ကျွန်မလမ်းပေါ်ကို ရောက်လာရတာ။ လမ်းပေါ်မှာဆိုတော့ ဇိမ်ခန်းလို စောင့်ရှောက်ပေးမယ့် သူတွေလည်း မရှိတော့ဘူး။ ပြီးခဲ့တဲ့ အပတ်က ကျွန်မကို လူတစ်ယောက်က တံတားတစ်ခုဆီ ခေါ်သွားတယ်။ တံတားအောက်မှာ လူလေးယောက်တောင် စောင့်နေကြတာ။ သူတို့မှာ ဓားတစ်ချောင်းပါတယ်။ ကျွန်မကို ခြေထောက်ကို ဒဏ်ရာရအောင် လုပ်ပြီး အားလုံးဝိုင်းပြီး အဓမ္မ ကျင့်ကြတော့တာပဲ။ ကျွန်မကို သူငယ်ချင်း တစ်ယောက်က ဆေးရုံခေါ်သွားပြီး ဓားဒဏ်ရာကို ကုပေးရတယ်။ ကျွန်မ မိသားစုကတော့ ကျွန်မကို ခုထိဖနွမ်းပင်မှာ စားပွဲထိုး လုပ်နေသေးတယ် လို့ပဲ ထင်နေကြတယ်။

ဘိုဖာ (၂၉ နှစ်)
ကျွန်မမိသားစုက ဗီယက်နမ်မှာ နေတယ်။ သူတို့က အလွန်ဆင်းရဲတော့ ဖနွမ်းပင်မှာနေတဲ့ ဦးလေးဆီကို ပို့လိုက်တယ်။ ဒီရောက်တော့ ကျွန်မ ဘီယာဆိုင် တစ်ဆိုင်မှာ အလုပ်လုပ်ရတယ်။ အဲဒီအချိန်မှာ ကျွန်မအသက် ၁၅ နှစ်ပဲ ရှိသေးတယ်။ အခြားကောင်မလေးတွေက ဘီယာ လာသောက်တဲ့သူတွေ ဟိုကိုင်သည်ကိုင် လုပ်ရင် ငြိမ်ခံကြရတယ်။ အဲဒီလို ငြိမ်နေရင် ပိုက်ဆံရတယ်။ ကျွန်မလည်း သူတို့လမ်းစဉ်အတိုင်း လိုက်လုပ်ရတော့တာပေါ့။

ကျွန်မအလုပ်ပြုတ်တော့ ဝပ်ဖနွမ် ပတ်ဝန်းကျင်မှာ အလုပ်လုပ်ရတယ်။ ဘာဖြစ်လို့လဲ ဆိုတော့ ကျွန်မရဲ့ သူငယ်ချင်းတွေက အဲဒီပတ်ဝန်းကျင်မှာ ကျင်လည်နေကြတာ ကြောင့်ပါ။ ကျွန်မနဲ့ ကြုံရတဲ့ ဖောက်သည်တွေက ဆင်းရဲကြတာ များတယ်။ ဒါကြောင့် ပိုက်ဆံပေးမယ် ပြောပြီး ခေါ်တယ်။ ပိုက်ဆံ မပေးလို့ ငြင်းရင် အဓမ္မ ကျင့်ကြတော့တာပဲ။

အုပ်စုလိုက်လာပြီး အဓမ္မကျင့်တာ များလွန်းလို့ မှတ်တောင် မမှတ်မိတော့ဘူး။ ဖြစ်လိုက်တိုင်းလည်း တစ်ပုံစံတည်းပဲ။ တစ်ယောက်တည်း လာမယ်။ တည်းခိုခန်းသွားမယ် ပြောတယ်။ ဒါပေမဲ့ သူခေါ်သွားတာက တစ်နေရာ။ နောက်က အုပ်စုလိုက် လိုက်လာကြတယ်။ ဒါမှမဟုတ် တစ်နေရာရာမှာ အသင့်စောင့်နေကြလိမ့်မယ်။

ပထမဆုံး အုပ်စုလိုက် အဓမ္မ အကျင့်ခံရတုန်းက လူတစ်ယောက် ကျွန်မကို ဆိုင်ကယ်နဲ့ လာခေါ်တယ်။ သူက မြို့စွန်တစ်နေရာ သွားမယ်ဆိုပြီး ခေါ်ခဲ့တာ။ နောက်က ဆိုင်ကယ်တွေနဲ့ လူလေးငါးယောက်လောက် လိုက်လာတယ်။ သူကဆိုင်ကယ်ကို အမြန်နှုန်းတင်ပြီး မောင်းနေတော့ တစ်ခုခု လုပ်တော့မယ်ဆိုတာ သိပေမယ့် ခုန်လည်း မချရဲဘူး။ တောစပ်နားရောက်တော့ ဆိုင်ကယ် တွေရပ်ပြီး တောထဲကို ဆွဲခေါ်သွားတယ်။ သူတို့ ခြောက်ယောက်လောက် ရှိမယ်။ တစ်ယောက်ပြီး တစ်ယောက် အဓမ္မ ကျင့်ကြတယ်။ ကျွန်မအော်တော့ ကျွန်မမျက်နှာကို ဖြတ်ရိုက်ပြီး လည်ပင်းကိုလည်း ညှစ်ထားကြတယ်။ လူတစ်ယောက်မှာ ဆိုရင် သေနတ်တောင် ပါတယ်။ သူက ကျွန်မခေါင်းကို သေနတ်နဲ့ ချိန်ထားတယ်။ သူတို့အားလုံး ကိစ္စပြီးသွားတော့ ကျွန်မဆီမှာရှိတဲ့ ပိုက်ဆံတွေအားလုံး ယူပြီး တောထဲမှာ ဒီအတိုင်း ပစ်ထားခဲ့ကြတယ်။

ဆရေမမ် (၂၄ နှစ်)
ကျွန်မ အသက် ၁၄ နှစ်သမီး လောက်အထိ ညီမ ဆရေနီနဲ့အတူ ပလတ်စတစ် ရေပုလင်းအခွံတွေ ကောက်ခဲ့သေးတယ်။ နောက်တော့ ဖနွမ်းပင်နဲ့ သိပ်မဝေးတဲ့ ကန်ဒဲလ်အရပ်က ကာရာအိုကေဆိုင်မှာ သွားပြီး အလုပ်လုပ်တယ်။ အဲဒီမှာ အလုပ်လုပ်တာ သိပ်မကြိုက်ဘူး။ အဲဒီကလူတွေက အမြဲမူးနေပြီး ဟိုကိုင်သည်ကိုင် အရမ်းလုပ်ကြတယ်။

ကျွန်မက အဲဒီအချိန်အထိ အပျိုလေးဆိုတော့ ဒီလိုလုပ်တာတွေကို မကြိုက်ပေမယ့် ပိုင်ရှင်က အတင်းပဲ သူတို့အလို လိုက်ရမယ်ဆိုပြီး ပြောထားတယ်။ ဒီလိုနဲ့ တစ်ညမှာ ဧည့်သည်တွေက ကျွန်မကို အရက်တွေ အတင်းတိုက်ကြတယ်။ ကျွန်မမူးနေတော့ ဆိုင်ရှင်က ကျွန်မကို ပထမဆုံး အဓမ္မ ကျင့်တော့တာပဲ။ ကျွန်မ သူဆိုတာ သိပေမယ့် မူးနေတော့ ဘာမှပြန်ပြီး မလုပ်နိုင်ဘူး။ နောက်ပိုင်း ဖောက်သည်တွေ ခေါ်တာကို လိုက်ရတော့တာပဲ။ ကျွန်မမှာ မိသားစုအတွက် ပိုက်ဆံအများကြီး ပို့ပေးဖို့ လိုနေတယ်။

အသက် ၁၇ နှစ်ရောက်တော့ ကျွန်မထက် အသက်အများကြီး ကြီးတဲ့ လူတစ်ယောက်နဲ့ လက်ထပ်လိုက်ရတယ်။ သူကကျွန်မကို ပိုက်ဆံ နည်းနည်းပါးပါး ပေးတယ်။ သူ့ကို အလိုရှိရှိ၊ မရှိရှိ သူလိုအပ်ချိန်မှာ သူနဲ့ အိပ်ပေးရတယ်။ မကောင်းတဲ့ အလုပ်ကို ဆက်မလုပ်ရတော့ပေမယ့် အဲဒီ အဘိုးကြီးအတွက် ကလေးတွေ တစ်ယောက်ပြီး တစ်ယောက် ထိုင်မွေးပေးနေရတော့တာပဲ။

အဘိုးကြီး သေသွားတော့ ကလေးတွေကို ကျွေးဖို့ ကျွန်မမှာ ပိုက်ဆံတစ်ပြားမှ မရှိဘူး။ ဒါနဲ့ တခြားဘယ်လို နည်းကိုမှ ကြံရာမရလို့ မူလအလုပ်ကိုပဲ ပြန်ပြီးတော့ လုပ်ရတော့တာပဲ။ ကျွန်မအရင် အလုပ်လုပ်ခဲ့တဲ့ နေရာကိုပဲ ပြန်လာရတယ်။ သူတို့ကလည်း ကျွန်မကို ပြန်လက်ခံပြီးတော့ အကူအညီ ပေးတယ်။ နောက်ဆုံး ဖောက်သည်တွေက ရိုက်ရင်တောင် ဝိုင်းပြီးတော့ ကာကွယ်ပေးကြတယ်။

တစ်ညကို ဖောက်သည် လေးယောက် လက်ခံပေးရတယ်။ အိမ်ကို ပြန်လာရင် လူလည်း လှုပ်တောင် မလှုပ်နိုင်တော့ဘူး။ ဖောက်သည် တစ်ယောက်မှ မရတဲ့ ညတွေကို တွေးပြီး ကြောက်နေတယ်။ ပိုက်ဆံမရရင် ကျွန်မကလေးတွေကို ဘယ်လိုကျွေးရမလဲ။ အိမ်လခ ဘယ်လို ပေးရမလဲတွေးပြီး အရမ်းပူပန်ရတယ်။

ဆရေနီ (၂၂ နှစ်)
ကျွန်မ မိသားစုက အရမ်းဆင်းရဲတယ်။ ဒါကြောင့် ငယ်ငယ်ကတည်းက ပလတ်စတစ် ရေဘူးခွံတွေ ကောက်ရတယ်။ ကျောင်းလည်း မတက်ဖူးဘူး။ အသက် ၁၆ နှစ်မှာ အိမ်ထောင် ကျခဲ့တယ်။ ကလေးရလာတော့ အိမ်တွင်းမှုပဲ လုပ်ရတယ်။ ကျွန်မ ယောက်ျား ထောင်ကျ သွားတော့ ပညာမတတ် ဘာမတတ်နဲ့ ပိုက်ဆံရှာဖို့ လိုလာတာပေါ့။ ကျွန်မအစ်မက ဒီအလုပ်ကို လုပ်နေတယ်ဆိုတာ သိတယ်။ ဒါကြောင့် ကျွန်မ အတွက်လည်း ဒီဘဝရောက်ဖို့ သိပ်မခက်ပါဘူး။

တစ်ညမှာ တည်းခိုခန်းထဲ ဖောက်သည် တစ်ယောက် ခေါ်တာ လိုက်သွားရင်း အဲဒီလူက ထိုးတာကို ခံလိုက်ရတယ်။ ပြီးတော့ ကျွန်မကို လည်ပင်းလည်း ညှစ်တယ်။ ကျွန်မလည်း ဘေးမှာရှိတဲ့ ဒေါက်မြင့်ဖိနပ်ကို ကောက်ပြီး ခေါင်းကို ရိုက်ထည့် လိုက်တယ်။ သူကျွန်မအနားက ခွာသွားတုန်း ကျွန်မလည်း အသံကုန်အော်ပြီး အကူအညီ တောင်းရတယ်။ တည်းခိုခန်း ပိုင်ရှင် ရောက်လာပြီး ကယ်လို့ တော်သေးတယ်။

ဖောက်သည်တွေက တော်တော်လေး ဆိုးပါတယ်။ ဒါပေမဲ့ ကျွန်မက ဖောက်သည်တွေထက် ရဲကို ပိုကြောက်တယ်။ ဘာကြောင့်လဲ ဆိုတော့ ရဲလာပြီဆိုရင် ကျွန်မတို့ ပြေးရ ပုန်းကြရတယ်။ တစ်ခါလောက် ဖမ်းမိလိုက်ပြီ ဆိုရင် ဖမ်းလာတဲ့ လမ်းတစ်လျှောက် သူတို့ သေအောင် ရိုက်တာကို ခံရတာက ပိုပြီးဆိုးတယ်။ ကျွန်မ တစ်ကိုယ်လုံးမှာ ပွန်းပဲ့နေတဲ့ ဒဏ်ရာတွေကိုသာ ကြည့်ပါတော့။

အယ်ဒီတာတစ်ဦး
Ref : Dangerous Minds, Denise Hruby (South East Asia Globe, 15, November, 2013)

- ကမ္ဘောဒီးယားနိုင်ငံတွင် ပြည့်တန်ဆာ လုပ်ငန်းကို တရားဝင် လုပ်ကိုင်ခွင့်မရှိပေ။ ထို့ပြင် ဇိမ်ခန်း ထောင်ခြင်း၊ လူပွဲစားလုပ်ခြင်း များကိုလည်း ဥပဒေအရ ခွင့်ပြုထားခြင်း မရှိပေ။
- ဖွဲ့စည်းပုံ အခြေခံဥပဒေအရ ပြည့်တန်ဆာ လုပ်ငန်းကို ခွင့်ပြုထားခြင်း မရှိသော်လည်း လိင်ပိုင်းဆိုင်ရာ အကြမ်းဖက်မှုများ၊ လူကုန်ကူးခြင်း လုပ်ငန်းများကို ထိရောက်စွာ ဆောင်ရွက်နိုင်ခြင်း မရှိသေးပေ။
- ဖနွမ်းပင်တွင် ပြည့်တန်ဆာ လုပ်ငန်းဖြင့် အသက်မွေးနေသူပေါင်း ၁၄,၇၂၅ မှ ၁၈,၂၅၀ ကြားတွင် ရှိသည်။ ထိုအထဲတွင် အရွယ် မရောက်သေးသည့် ကလေးသူငယ်များလည်း ပါသည်။ လူဦးရေ တစ်သန်းခန့်သာ ရှိသည့် မြို့တွင် ပြည့်တန်ဆာ ဖြစ်နေသည့် ဦးရေကို နှိုင်းယှဉ် နိုင်ပါသည်။ ထိုအထဲတွင် တရုတ်နှင့် ဗီယက်နမ် နိုင်ငံများက လာရောက် လုပ်ကိုင်နေကြသူ ၃၅ ရာခိုင်နှုန်း ရှိသည်။
- ဖနွမ်းပင် လမ်းပေါ်ရှိ အမျိုးသမီး ပြည့်တန်ဆာများကို ဒေါ်လာ ၁၅၀ မှ ဒေါ်လာ ၄၅၀ အထိပေးပြီး ပျော်ပါးနေကြသည်။ ယောက်ျား ပြည့်တန်ဆာ အလွန်ရှားသော်လည်း ၂ ဒေါ်လာမှ ၅ ဒေါ်လာအထိ ပေးလျှင် ရနိုင်သည်။
- ကမ္ဘောဒီးယားသို့ လိင်အပျော်ခရီး အနေနှင့် ရောက်လာကြသော နိုင်ငံခြားသားများတွင် အပျိုစင် ပန်းဦးပန်ရန် ဆိုသည့် အတွေ့အကြုံမျိုးကို ရယူချင်သောကြောင့်လည်း ပါသည်။
- တစ်နိုင်ငံလုံးတွင် ကလေး ပြည့်တန်ဆာပေါင်း ၈၀,၀၀၀ မှ ၁၀၀,၀၀၀ ကြားတွင် ရှိကြောင်း ကနေဒါ အခြေစိုက် Future Group NGO အဖွဲ့က ဆိုသည်။
- ကုလသမဂ္ဂ အစီရင်ခံစာအရ - အရက်သည် ကမ္ဘောဒီးယားနိုင်ငံ မုဒိမ်းမှုကို ဖြစ်ပွားစေသည့် အခြေခံ အကြောင်းတရား ဖြစ်သည်။ အရက်ကြောင့် ဒေါသများထွက်ပြီး လုပ်မိလုပ်ရာ လုပ်ခဲ့သောကြောင့် ပြစ်ဒဏ် ကျခံခဲ့ရသူ ၄၂ ရာခိုင်နှုန်း ရှိသည်။
- ကုလသမဂ္ဂ အစီရင်ခံစာအရ - ကမ္ဘောဒီးယား နိုင်ငံတွင် ခင်ပွန်း သို့မဟုတ် ရည်းစား မဟုတ်သူများက အဓမ္မ ကျင့်မှုများထက် အုပ်စုဖွဲ့ပြီး အဓမ္မကျင့်မှု ပိုများသည်။ အုပ်စုဖွဲ့ မုဒိမ်းကျင့်မှုတွင် ပါဝင်မှုက ဖြစ်ပွားသော မုဒိမ်းမှု၏ ၂၃ ရာခိုင်နှုန်း ရှိသည်။
- ကုလသမဂ္ဂ အစီရင်ခံစာအရ - ကမ္ဘောဒီးယား ယောက်ျားများသည် မိန်းမများပေါ်တွင် ကိုယ်ခန္ဓာကို အကြမ်းဖက် နှိပ်စက်ခြင်းထက် လိင်အကြမ်းဖက် နှိပ်စက်မှုများကို ပိုပြီး လုပ်ဆောင်လေ့ ရှိကြသည်။
- ကုလသမဂ္ဂ အစီရင်ခံစာအရ - ကမ္ဘောဒီးယားနိုင်ငံ ယောက်ျား ၄၅ ရာခိုင်နှုန်း ခန့်သည် ယောက်ျားနှင့် မိန်းမ ဆက်ဆံရေးကို လိင်ကိစ္စမှတစ်ပါး မေတ္တာတရားနှင့် ဆက်ဆံမှုမျိုး မရှိကြပေ။
Sources : Child & Women Abuse Studies Unit, 2013 November 18 Report; Prezi.com;

the voice

Read More

ပြည်သူတွေအတွက် ခဏထားပြီး ကျွန်မအတွက် အရင်ဖြည့်ဆည်းပေးပါ

WEDNESDAY, NOVEMBER 20, 2013



နိုဝင်ဘာလ ၁၄ ရက်နေ့ ညနေက ရန်ကုန်မြို့ တက္ကသိုလ်ရိပ် သာလမ်းရှိ ဒေါ်အောင်ဆန်း စုကြည် နေအိမ်တွင် ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်နှင့် အမေရိကန်သမ္မတဟောင်း ဘီလ်ကလင်တန်တို့ တွေ့ဆုံခဲ့ရာ ဘီလ်ကလင်တန်ဖက်မှ မြန်မာလူထုကို ကူညီရေးလုပ်ငန်းများ ဆွေးနွေး ခဲ့ပြီး ဒေါ်အောင်ဆန်းစုကြည်မှ အခြေခံဥပဒေ ပြင်ဆင်ရေးကို ဆွေးနွေးခဲ့ပါတယ်။

ဘီလ်ကလင်တန်ဟာ ဒေါ်အောင်ဆန်းစုကြည်နဲ့ မတွေ့ခင် မနက်ပိုင်းမှာ သမ္မတကြီး ဦးသိန်းစိန်နှင့် တွေ့ဆုံခဲ့ပြီး ကလင်တန် ဖောင်ဒေရှင်းနှင့် မြန်မာနိုင်ငံအစိုးရတို့ နီးကပ်စွာ ပူးပေါင်းဆောင်ရွက်သွားလိုမှု၊ မြန်မာနိုင်ငံ၏ ငြိမ်းချမ်းရေးလုပ်ငန်းစဉ်များတွင် ပါဝင်ကူညီဆောင်ရွက်လိုမှု၊ စိုက်ပျိုးရေးကဏ္ဍဖွံ့ဖြိုး တိုးတက်ရေး၊ စီးပွားရေးကဏ္ဍစုံ ချဲ့ထွင်နိုင်ရေး၊ HIV, AIDS, TB ရောဂါဝေဒနာရှင်များအား ဆေးဝါးများ ဖြန့်ဖြူးပေးရေးနှင့် ပဋိပက္ခဖြစ်ပွားနေသော ဒေသများ၌ လယ်ယာကဏ္ဍဖွံ့ဖြိုး တိုးတက်ရေး စသည့် လုပ်ငန်းစဉ်များတွင် ပါဝင်ကူညီ ဆောင်ရွက်သွားလိုမှု၊ လျှပ်စစ်ဓာတ်အား ထုတ်လုပ်ရေး လုပ်ငန်းများတွင် ပါဝင်ဆောင်ရွက်နိုင်ရေး အတွက် စီစဉ်ဆောင်ရွက်နေမှု၊ ငါးနှစ်အောက် ကလေး၊ မွေးကင်းစကလေးနှင့် မိခင်သေဆုံးမှု လျော့ကျရေး တို့အတွက် ငွေကြေးနှင့် သင်တန်းများ အထောက်အကူပြုနိုင်မှုတို့ကိုဆွေးနွေးခဲ့ကြပါတယ်။

ဒေါ်အောင်ဆန်းစုကြည် နဲ့တွေ့ဆုံချိန်မှာမှည ဘီလ်ကလင်တန်မှ ၎င်းရဲ့ ဖောင်ဒေးရှင်းမှ ကူညီနိုင် ရေးကို ဆွေးနွေး ခဲ့ပေမယ့် ဒေါ်အောင်ဆန်း စုကြည် က စိတ်မဝင်စား ခဲ့ပါဘူး။ ဒေါ်အောင်ဆန်းစုကြည်မှ ထာဝရ ငြိမ်းချမ်းရေး ရရှိရန် တိုင်းရင်းသားလက်နက်ကိုင်အဖွဲ့များနှင့် အစိုးရတာဝန်ရှိသူများ ဆွေးနွေး ညှိနှိုင်းကာ နှစ်ဖက်သဘောထားတူညီမှုများရယူ ဆောင်ရွက်လျက် ရှိကြောင်း၊ NLD အနေဖြင့် အခြေခံ ဥပဒေပြင်ဆင်နိုင်ရန်အတွက်သာ ကြိုးစားဆောင်ရွက်လျက်ရှိပြီး တပ်မတော်သားကိုယ်စားလှယ် ၂၅% အား လွှတ်တော်အတွင်းမှ တဖြည်းဖြည်း လျှော့ချသွားမည်ဖြစ်ကြောင်း ပြောကြားခဲ့ပါတယ်။

ကလင်တန် ဖောင်ဒေးရှင်းဟာ နိုင်ငံတကာသို့ စိုက်ပျိုးရေး၊ ကျန်းမာရေးအပြင် ကဏ္ဍပေါင်းစုံကို အကူအညီများစွာ ပေးလျှက်ရှိနေပြီး ဒေါ်အောင်ဆန်းစုကြည် ဖက်မှ တောင်းဆိုလျှင် မြန်မာပြည်သူလူထု အတွက် များစွာအကျိုးရှိတဲ့ အကူအညီတွေရမှာ ဖြစ်ပါတယ်။ ဒါပေမယ့် ဒေါ်အောင်ဆန်း စုကြည်မှ ပြည်သူအတွက် ဘာမှတောင်းဆိုပေးတာ တစ်ခုမှ မရှိခဲ့ဘဲ ၎င်း သမ္မတဖြစ်ရေး အတွက် အခြေခံဥပဒေ ပြင်ဆင်ရေးကိုသာ ဦးတည်ဆွေးနွေးခဲ့ပါတယ်။ ဒေါ်အောင်ဆန်းစုကြည်၏ ခေါင်းထဲတွင် ငြိမ်းချမ်းရေးကိစ္စ၊ ပြည်သူလူထု ဆင်းရဲမွဲတေမှု ပပျောက်ရေးကိစ္စ၊ ပြည်သူလူထု ကျန်းမာရေး၊ စိုက်ပျိုးရေးကဏ္ဍတိုးတက်ရေး နှင့် ပညာရည်တိုးတက်ရေးကိစ္စ တစ်ခုမှမရှိဘဲ ၎င်းသမ္မတဖြစ်ရေးသာ စဉ်းစားလျက်ရှိပြီး အခြေခံ ဥပဒေ ပြင်ရေးကို ပထမဦးစားပေးကာ ပြည်သူတို့ရဲ့ အကျိုးစီးပွားကို လစ်လျူရှုထားပါတယ်။ ဒါ့ကြောင့် ဒေါ်အောင်ဆန်းစုကြည် ဘယ်သူနဲ့တွေ့တွေ့ မြန်မာပြည်သူတို့ အတွက် ဘာမှ ထူးခြားတိုးတက်လာတာ မရှိသလို တွေ့ဆုံတိုင်းမှာလည်း သမ္မတဖြစ်ရေး နဲ့ အခြေခံဥပဒေပြင်ဆင်ရေးကလွဲပြီး တခြားဆွေးနွေးတာ မရှိပါဘူး။

၂၀၁၅ နီးလာလေ ဒေါ်အောင်ဆန်း စုကြည်ရဲ့ သမ္မတဖြစ်လိုစိတ်တွေကလည်း ပိုမိုနိုးကြား လာလေ ဖြစ်လာမှာဖြစ်ပြီး နောက်ထပ်တွေ့သမျှ အကူအညီပေး မည့် Donar တိုင်းကိုလည်း ပြည်သူလူထု လိုအပ်ချက် ဘာမှမပြောပဲ အခြေခံဥပဒေပြင်ဖို့ပဲ တောက်လျှောက်ပြောနေမှာဖြစ် ပါတယ်။ အချိန်ပြည့် ခေါင်းထဲမှာ သမ္မတဖြစ်လိုစိတ်နဲ့ အခြေခံဥပဒေ ပြင်လို စိတ်တွေ ပြည့်နေတဲ့ ဒေါ်အောင်ဆန်း စုကြည်ကို ၂၀၁၅ မတိုင်ခင်မှာတော့ နိုင်ငံနှင့် ပြည်သူတို့ဘဝ ဘက်စုံတိုးတက်ရေးအတွက် အားကိုးလို့ရမယ် မထင်တော့ပါ။

MYANMAR EXPRESS
From : .. ညီညီမင်း

Read More

၈၈% ၉၀% ထောက်ခံပြီး လူသောင်းချီ တက်ရောက်ကြောင်း NLD မှ ဝါဒဖြန့်နေစဉ် အခြေခံဥပဒေအရေး ပြည်သူ ပူးပေါင်းမှု အားနည်းကြောင်း ကွန်ရက်အဖွဲ့ပြောကြား

WEDNESDAY, NOVEMBER 20, 2013





၂၀၀၈ ဖွဲ့စည်းပုံ အခြေခံဥပဒေနဲ့ ပတ်သတ်ပြီး ပြည်သူတွေရဲ့ ပူးပေါင်းပါဝင်ဆောင်ရွက်မှု နည်းပါးနေတာတွေ ရှိနေကြောင်း ဖွဲ့စည်းပုံ အခြေခံဥပဒေဆိုင်ရာ ပြည်သူ့ ကွန်ရက်က ဒီနေ့နေ့စွဲနဲ့ သဘောထားကြေငြာချက် တစ်စောင် ထုတ်ပြန်ခဲ့ပါတယ်။

ရန်ကုန်မြို့ တက္ကသိုလ်ရိပ်သာလမ်းက Crystal Jade စားသောက်ဆိုင်မှာ ဒီကနေ့ နေ့လည်ပိုင်းကကျင်းပတဲ့ သတင်းစာရှင်းလင်းပွဲမှာ ခုလို ကြေငြာချက်ထုတ်ပြန် ခဲ့တာပါ။

တိုင်းပြည်တည်ဆောက်ရေးမှာ အရေးအကြီးဆုံးဖြစ်တဲ့ ဖွဲ့စည်းပုံအခြေခံ ဥပဒေရေးဆွဲရေးမှာ ပြည်သူလူထုရဲ့ သဘောထားအမှန်ကို ဖော်ထုတ်စေလို တာကြောင့် ကြေငြာချက်ထုတ်ပြန် တိုက်တွန်း တာဖြစ်ကြောင်း ဖွဲ့စည်းပုံအခြေခံဥပဒေ ဆိုင်ရာ ပြည်သူ့ကွန်ရက် တာဝန်ခံ ကိုစိုးသီဟက ပြောပါတယ်။

“ကျနော်တို့ တောင်ကြီးပွဲကိုလုပ်တယ်၊ ရန်ကုန်ပွဲကိုလုပ်တယ်၊ တက်ရောက်လာတဲ့ ပြည်သူလူထု ဟာ စိတ်မပါသေးတယ်လို့ ကျနော်တို့ တွေ့မြင်နေရပါတယ်ဆိုတဲ့အချက်ကို မူတည်ပြီးတော့ ကျနော်တို့ဟာ ဒီဖွဲ့စည်းပုံ အခြေခံဥပဒေ ပြင်ဆင်ရေးနဲ့ ပတ်သက်ရင် ကျနောတို့ ပြည်သူလူထုဟာ မိမိရဲ့သဘောထားတွေ၊ မိမိရဲ့အမြင်တွေကို လွတ်လပ်စွာဖော်ထုတ် ခွင့်၊ ရေးသားခွင့်၊ ဆွေးနွေးအကြံပြုခွင့်တွေရှိပါတယ်”

ပြီးခဲ့တဲ့ အောက်တိုဘာလ ၁၇ ရက်နေ့က ရန်ကုန်မှာကျင်းပတဲ့ ဖွဲ့စည်းပုံအခြေခံ ဥပဒေဆိုင်ရာဆွေးနွေးပွဲနဲ့ နိုဝင်ဘာလ ၈ ရက်နေ့က ရှမ်းပြည်နယ် တောင်ကြီးမြို့မှာကျင်းပတဲ့ ဆွေးနွေးပွဲတွေအပြီးမှာ ရရှိလာတဲ့ ဆွေးနွေးပွဲဆိုင်ရာ အချက်လက်တွေကို မူတည်ပြီး ခုလို ကြေငြာချက် ထုတ်ပြန်ခဲ့တာဖြစ်ပါတယ်။

လက်ရှိအချိန်မှာတော့ ပြည်ထောင်စုလွှတ်တော်က ဖွဲ့စည်းထားတဲ့ ပြည်ထောင်စုလွှတ်တော် ဖွဲ့စည်းပုံအခြေခံဥပဒေ လေ့လာသုံးသပ်ရေး ပူးပေါင်းဆောင်ရွက်မှုကော်မတီက ၂၀၀၈ ဖွဲ့စည်းပုံ အခြေခံဥပဒေနဲ့ပတ်သတ်ပြီး ပြည်သူတွေထံက အကြံပြုချက်တွေတောင်းခံရာမှာ မူလသတ်မှတ်ထားတဲ့ နိုဝင်ဘာလ ၁၅ ရက်နေ့အစား ဒီဇင်ဘာလ ၃၁ ရက်နေ့အထိ အကြံပြုချက်တွေကိုပေးပို့နိုင်ကြောင်း ပြောင်းလဲသတ်မှတ်ထားတာပါ။

From :  RFA

Read More

အလွန်ဝနေသည်ဟု သတ်မှတ်ခံထားရသည့် ပြင်သစ်အမျိုးသား လေယာဉ်စီးခွင့် ရရှိ

Wednesday, November 20, 2013


ချီကာဂိုမှ ရထားစီးလာပြီးနောက် နိုဝင်ဘာ ၁၂ ရက်တွင် နယူးယောက်ရှိ ပင်းဘူတာရုံသို့ ရောက်လာသော ကီဗင်ချီနိုင်းကို တွေ့ရစဉ် (Photo:AFP)

လေယာဉ်စီးနင်းရန် အလွန်ဝနေသည်ဟု ယူဆခံရသော ပြင်သစ်အမျိုးသားသည် ဥရောပသို့ သင်္ဘောဖြင့် ပြန်ရန်အစီအစဉ် မအောင်မြင်ဖြစ်ခဲ့ပြီး နောက်ဆုံးတွင် လေယာဉ်လက်မှတ် ရရှိသွားပြီဖြစ်ကြောင်း သူ၏ဖခင်က နိုဝင်ဘာ ၁၈ ရက်တွင် ပြောကြားခဲ့သည်။

ဟော်မုန်းမမျှတမှု ဖြစ်ပေါ်နေသည့် ကီဗင်ချီနိုင်းသည် အမေရိကန်သို့ လာရောက်ပြီး ဆေးကုသမှု ခံယူခြင်း ဖြစ်သည်။ ၎င်းသည် နိုဝင်ဘာ ၁၈ ရက် ညနေပိုင်း ဗာဂျင်လေကြောင်းခရီးစဉ်ဖြင့် နယူးယောက်မှ လန်ဒန်သို့ မိဘများနှင့်အတူ ပြန်မည်ဖြစ်ကြောင်း ဖခင်ဖြစ်သူ ရေနီချီနိုင်းက ပြောကြားခဲ့သည်။ သို့သော် ရေနီချီနိုင်းသည် ၎င်းတို့မိသားစု လန်ဒန်သို့ ရောက်ရှိပြီးနောက် မည်သို့ဆက်လက် လုပ်ဆောင်ရမည်ကို သေချာမသိသေးကြောင်း ပြောကြားခဲ့သည်။

ယခု အသက် ၂၂ နှစ်အရွယ်တွင် ပေါင်ချိန် ၅၀၀ (၂၃၀ ကီလိုဂရမ်) အလေးချိန်ရှိသည့် အ၀လွန် ပြင်သစ်အမျိုးသားသည် လေယာဉ်ပေါ်တွင် တင်ဆောင်ရန် အလွန်လေးသည်ဟု ဗြိတိသျှ လေကြောင်းလိုင်းက ပြီးခဲ့သည့်လတွင် ဆုံးဖြတ်ခဲ့ပြီးနောက် သောင်တင်မှုဇာတ်လမ်း စတင်ခဲ့ခြင်းဖြစ်သည်။ ထို့ နောက် ၎င်း၏မိသားစုသည် ချီကာဂိုလေဆိပ် ဟိုတယ်တွင် သီတင်းတစ်ပတ်ခန့် နေခဲ့ရပြီး ပိုက်ဆံလည်း မရှိတော့ကြောင်း သိရသည်။ နိုဝင်ဘာ ၁၈ ရက်တွင် ချီနိုင်းတို့ မိသားစုသည် နယူးယောက်သို့ ရထားစီးသွားရန် ဆုံးဖြတ်ခဲ့သည်။ ၎င်းတို့သည် နယူးယောက်မှ အင်္ဂလန်သို့ နိုဝင်ဘာ ၁၉ ရက်တွင် ထွက်ခွာမည့် သင်္ဘောနှင့် လိုက်ပါရန် စီစဉ်ခဲ့ကြသည်။ သို့သော် အတ္တလန္တိတ် သမုဒ္ဒရာကို ဖြတ်ကျော်မည့် Queen Mary သင်္ဘောသည် ကျန်းမာရေး အကြောင်းပြချက်ဖြင့် ကီဗင်ကို မလိုက်ပါစေလိုကြောင်း ဖခင်ရေနီချီနိုင်းက ပြောကြားခဲ့သည်။

၂၄ နာရီပတ်လုံး အောက်ဆီဂျင်နှင့် စောင့်ရှောက်မှု လိုအပ်နေသည့် ချီနိုင်းသည် ၂၀၁၂ ခုနှစ် မေလက ပြင်သစ်နိုင်ငံမှ ဆေးကုသမှု ခံယူရန် မင်နီဆိုတားရှိ မေယိုဆေးခန်းသို့ လာရောက်ခဲ့ခြင်းဖြစ်သည်။ ချီနိုင်းသည် ၎င်းခြောက်လ အရွယ်ကတည်းက စတင်ဖြစ်ပေါ်ခဲ့သည့် ကျန်းမာရေး ပြဿနာကြောင့် ပုံမှန်ဘ၀အတိုင်း နေထိုင်ခဲ့ရကြောင်း သိရသည်။

Ref:AFP

Read More

ယာဉ်မရပ်ရ လမ်းမကြီးများတွင် ရပ်ထားသောယာဉ် ၁၃၇ စီးအား ရှစ်ရက်အတွင်း ဖယ်ရှား အရေးယူခဲ့

 Wednesday, 20 November 2013


နိုဝင်ဘာ ၁၅ ရက်က ဗဟန်းမြို့နယ်အတွင်း စည်းကမ်းမဲ့ ရပ်နားထားသည့် ယာဉ်တစ်စီးကို ကရိန်းယာဉ်ဖြင့် ဖယ်ရှားအရေးယူစဉ်

ရန်ကုန်တိုင်းဒေသကြီး ယာဉ်မရပ်ရအဖြစ် သတ်မှတ်ထားသော လမ်းမကြီးများတွင် ရပ်နားထားသော ယာဉ်အစီးရေ ၁၃၇ စီးကို ရှစ်ရက်အတွင်း ဖယ်ရှား အရေးယူခဲ့ကြောင်း အမှတ်(၂) ယာဉ်ထိန်း ရဲတပ်ဖွဲ့ခွဲမှူးရုံးမှ နိုဝင်ဘာ ၁၉ ရက် နံနက်ပိုင်းတွင် သိရသည်။

အဆိုပါ ယာဉ်မရပ်ရသော လမ်းမကြီးများတွင် ရပ်နားထားသောယာဉ်များကို နိုဝင်ဘာ ၁၁ ရက်နေ့မှ ကရိန်းယာဉ်ဖြင့် ဖယ်ရှား အရေးယူမှုကို စတင်ခဲ့ကြောင်း သိရသည်။

ယင်းကဲ့သို့ အရေးယူရာ၌ နိုဝင်ဘာ ၁၁ ရက်နေ့တွင် လေးစီးအား ဖယ်ရှားခဲ့ပြီး လေးစီးကို ချလန်ဖြတ် အရေးယူခဲ့ကြောင်း၊ နိုဝင်ဘာ ၁၂ ရက်နေ့တွင် သုံးစီး ဖယ်ရှားခဲ့ပြီး ငါးစီးအား ချလန်ဖြတ်၊ နိုဝင်ဘာ ၁၃ ရက်နေ့တွင် ရှစ်စီး ဖယ်ရှားခဲ့ပြီး ၁၉ စီးအား ချလန်ဖြတ်၊ နိုဝင်ဘာ ၁၄ ရက်နေ့တွင် နှစ်စီးဖယ်ရှားခဲ့ပြီး ၁၈ စီးအား ချလန်ဖြတ်၊ နိုဝင်ဘာ ၁၅ ရက်နေ့တွင် ၁၁ စီး ဖယ်ရှားခဲ့ပြီး ရှစ်စီးအား ချလန်ဖြတ်၊ နိုဝင်ဘာ ၁၆ ရက်နေ့တွင် ၁၀ စီး ဖယ်ရှားခဲ့ပြီး ၁၁ စီး အား ချလန်ဖြတ်၊ နိုဝင်ဘာ ၁၇ ရက်နေ့တွင် လေးစီး ဖယ်ရှားခဲ့ပြီး ၁၀ စီးအား ချလန်ဖြတ် အရေးယူခဲ့ကြောင်းနှင့် နိုဝင်ဘာ ၁၈ ရက်နေ့တွင် ရှစ်စီး ဖယ်ရှားခဲ့ပြီး ၁၂ စီးအား ချလန်ဖြတ်ကာ စုစုပေါင်း ယာဉ်အစီးရေ ၁၃၇ စီးအား အရေးယူခဲ့ကြောင်း သိရသည်။

"ဒီလို အရေးယူရခြင်းရဲ့ အဓိကအကြောင်းရင်းကတော့ လမ်းမပေါ်တွေမှာ စည်းကမ်းမဲ့ယာဉ်တွေ ရပ်နားနေမှုကြောင့် ယာဉ်တွေပိုပြီး ပိတ်ဆို့နေတာ ဖြစ်ပါတယ်။ ဒါပေမဲ့ ကရိန်းယာဉ်တွေနဲ့ ဖယ်ရှား အရေးယူတဲ့အခါမှာ စည်းကမ်းမဲ့ ရပ်ထားသည့် ယာဉ်တွေကို မိနစ် ၃၀ ခန့် စောင့်ကြည့်ပြီးမှသာ အရေးယူခြင်း ဖြစ်ပါတယ်။ ကရိန်းတွေနဲ့ ဖယ်ပြီး အရေးယူနေတဲ့အချိန်မှာ ယာဉ်ပိုင်ရှင် ရောက်လာရင်တော့ ကရိန်းယာဉ်တွေနဲ့ မဆွဲတော့ဘဲ စည်ပင်သာယာ ဥပဒေအရ ချလန်ဖြတ်ပြီး အရေးယူနေပါတယ်" ဟု ဒုတိယရဲမှူးကြီး လင်းထွဋ်က ဆက်လက် ပြောကြားခဲ့သည်။ ယာဉ်မရပ်ရ လမ်းမကြီးများပေါ်တွင် ရပ်နားထားသော ယာဉ်ပိုင်ရှင်များအနေဖြင့် ကရိန်းယာဉ်ဆွဲခ အနီးအဝေးအပေါ် မူတည်၍ အနည်းဆုံး ကျပ်ငါးသောင်းမှ အများဆုံး ခုနှစ်သောင်းအထိ ပေးဆောင်ရမည် ဖြစ်ပြီး စည်းကမ်းဖောက်ဖျက်မှုအတွက် တရားရုံးတွင် ဒဏ်ငွေ(သို့)ထောင်ဒဏ်တို့မှ ပြစ်ဒဏ်တစ်ခုခု ချမှတ်ခံမည့်အပြင် ပြစ်ဒဏ်နှစ်ရပ်လုံးကိုလည်း ချမှတ်ခံရနိုင်ကြောင်း သိရသည်။

EMG

Read More

လက်ရှိမြန်မာနိုင်ငံတွင် ရင်သားကင်ဆာ ဖြစ်ပွားမှုနှုန်းမှာ အမျိုးသမီးဦးရေ တစ်သိန်းတွင် ၁၂၅ ဦးခန့် ဖြစ်ပွား

Wednesday, 20 November 2013


ဦးလှထွန်း မေတ္တာရိပ်မွန်(ကင်ဆာ)ဖောင်ဒေးရှင်းတွင် တက်ရောက်ကုသနေသည့် ဝေဒနာရှင်တစ်ဦးအား တွေ့ရစဉ် (ဓာတ်ပုံ-အိသဉ္ဇာကျော်)

လက်ရှိ မြန်မာနိုင်ငံတွင် ရင်သားကင်ဆာ ဖြစ်ပွားမှုနှုန်းမှာ အမျိုးသမီးလူဦးရေ တစ်သိန်းတွင် ၁၂၅ ဦးခန့် ဖြစ်ပွားနေကြောင်း 'ရင်သားကင်ဆာနှင့် မျှော်လင့်ချက်' ဟောပြောပွဲတွင် ပြောကြားချက်များအရ သိရသည်။
ရင်သားကင်ဆာသည် စောစီးစွာ သိရှိပါက အသက်ဆက်လက် ရှင်သန်နိုင်မှုမှာ ၉၀ ရာနှုန်းအထိ ရှိနေသော်လည်း ဝေဒနာရှင်အများစုမှာ အသိနောက်ကျခြင်းများကြောင့် အသက်သေဆုံးရသည်အထိ ရှိနေကြောင်း ယင်းဟောပြောပွဲတွင် ဒေါက်တာဝင်းမြင့်၏ ပြောကြားချက်အရ သိရသည်။

"ရင်သားကင်ဆာဖြစ်တဲ့သူ အများစုက ဆေးရုံရောက်လာရင် နောက်ဆုံးအဆင့်နဲ့ ရောက်လာကြတာ များတယ်။ ဘာလို့လဲဆိုတော့ ရင်သားကင်ဆာဖြစ်ရင် အဓိကက ရင်သားက မနာဘူး။ လူနာတွေ အနေနဲ့လည်း မိမိရင်သားကို ပုံမှန်စမ်းသပ်မှုတွေ မပြုလုပ်မိတဲ့ အခါကျတော့ အထဲမှာ အဖုအကျိတ်တွေ ရှိနေမှန်းလည်း သတိမထားမိကြဘူး။ အဲဒါနဲ့ အသိနောက်ကျပြီး နောက်ဆုံး ရင်သားတွေ ခွဲထုတ်လိုက်ရတဲ့အထိ၊ တချို့ဆိုရင် နောက် ဆုံး သေဆုံးတဲ့အထိ ဖြစ်သွားတယ်။ တကယ်ဆိုရင် ရင်သားကင်ဆာက ကိုယ့်မှာအကျိတ်တွေရှိတာ အစောကြီးသိမယ်ဆိုရင် အသက်ရှင်သန်နိုင်မှုက ၉၀ ရာနှုန်းအထိ ရှိတယ်"ဟု ဒေါက်တာဝင်းမြင့်က ဆက်လက် ပြောကြားသည်။

ရင်သားကင်ဆာဖြစ်ပွားပါက လက္ခဏာများမှာ ရင်သားအပေါ်ယံ အရေပြား ချိုင့်ခြင်း၊ တွန့်ခြင်း၊ ဖောင်းခြင်း၊ အရေပြားတွင် နှင်းခူကဲ့သို့ အနာများ ဖြစ်ပွားခြင်း၊ ရင်သားမှ အရည်ကြည်များ ထွက်ရှိခြင်းနှင့် ရင်သားထိပ်ခေါင်း အတွင်းသို့ ချိုင့်ဝင်နေခြင်း၊ နီရဲခြင်း၊ ရောင်ခြင်းနှင့် နာခြင်းတို့ ဖြစ်ပေါ်ပြီး ချိုင်းနှင့် ရင်သားတွင် အကျိတ်များ ဖြစ်ပေါ်တတ်ကြောင်း . . .


ရင်သားကင်ဆာသည် အသက် ၄၀ နှင့်အထက် အမျိုးသမီးများတွင် ဖြစ်ပွားမှုနှုန်း ပိုမိုများပြားပြီး အမျိုးသားများနှင့် အသက်၂၀ အထက် အမျိုးသမီးများတွင် ဖြစ်ပွားမှုနှုန်းမှာ နည်းပါးကြောင်းနှင့် ဖြစ်ပွားရခြင်း အကြောင်းအရင်းမှာ မျိုးရိုးဗီဇကြောင့်သော် လည်းကောင်း၊ အီစထရိုဂျင် ဟော်မုန်းများပြားသူများနှင့် သားဥအိမ် ကင်ဆာဖြစ်ပွားဖူးသူများတွင် ဖြစ်ပွားနိုင်ခြေ ပိုမိုများပြားကြောင်း သိရသည်။

ရင်သားကင်ဆာဖြစ်ပွားပါက လက္ခဏာများမှာ ရင်သားအပေါ်ယံ အရေပြား ချိုင့်ခြင်း၊ တွန့်ခြင်း၊ ဖောင်းခြင်း၊ အရေပြားတွင် နှင်းခူကဲ့သို့ အနာများ ဖြစ်ပွားခြင်း၊ ရင်သားမှ အရည်ကြည်များ ထွက်ရှိခြင်းနှင့် ရင်သားထိပ်ခေါင်း အတွင်းသို့ ချိုင့်ဝင်နေခြင်း၊ နီရဲခြင်း၊ ရောင်ခြင်းနှင့် နာခြင်းတို့ ဖြစ်ပေါ်ပြီး ချိုင်းနှင့် ရင်သားတွင် အကျိတ်များ ဖြစ်ပေါ်တတ်ကြောင်း သိရသည်။

လက်ရှိ မြန်မာနိုင်ငံတွင် ကင်ဆာဖြစ်ပွားသူဦးရေ နှစ်စဉ် မြင့်မားလာပြီး မြန်မာနိုင်ငံအပါအ၀င် ဖွံ့ဖြိုးဆဲနိုင်ငံများတွင် ကင်ဆာကြောင့် သေဆုံးသူဦးရေမှာ ကမ္ဘာ့ကျန်းမာရေးအဖွဲ့၏ ခန့်မှန်း တွက်ချက်မှုများအရ လူဦးရေသုံးသန်းအထက်တွင် ရှိနေကြောင်း သိရသည်။

မြန်မာနိုင်ငံတွင် ကင်ဆာဝေဒနာရှင်များကို ကုသပေးနေသည့် ကင်ဆာဌာနကြီး သုံးခုဖြစ်သည့် ရန်ကုန်ပြည်သူ့ဆေးရုံကြီး၊ မန္တလေး ပြည်သူ့ဆေးရုံကြီးနှင့် တောင်ကြီး စ၀်စံထွန်း ဆေးရုံကြီးများတွင် တစ်နှစ်လျှင် ပျမ်းမျှ လူနာသစ် ၇၀၀၀ ကျော်ရှိနေပြီး ကုသမှုအပိုင်းနှင့် လူနာဦးရေမှာ ကွာဟချက်များစွာ ရှိနေကြောင်း သိရသည်။

EMG

Read More

လက်ဘနွန်ရှိ အီရန်သံရုံး အပြင်ဘက်၌ ပေါက်ကွဲမှုနှစ်ခု ဖြစ်ပွားရာ လူ ၂၀ ကျော် သေဆုံး

Wednesday, November 20, 2013


ဘေရွတ်တောင်ပိုင်း ဘီရာဟက်ဆန်တွင် နိုဝင်ဘာ ၁၉ ရက်က ဗုံးပေါက်ကွဲခဲ့သည့် နေရာ၌ လက်ဘနွန် စစ်သားများနှင့် အရေးပေါ် ၀န်ထမ်းများ စုဝေးနေစဉ် (Photo:AFP)

လက်ဘနွန်မြို့တော် ဘေရွတ်ရှိ အီရန်သံရုံး အပြင်ဘက်၌ နိုဝင်ဘာ ၁၉ ရက်က ပြင်းထန်သည့် ပေါက်ကွဲမှုနှစ်ခု ဖြစ်ပွားခဲ့ရာလူ ၂၂ ဦးထက်မနည်း သေဆုံးခဲ့ပြီး လူ ၁၄၆ ဦး ဒဏ်ရာရခဲ့သည်ဟု လက်ဘနွန် ကျန်းမာရေးဝန်ကြီး အလီဟာဆန်ခါလီက ပြောကြားခဲ့သည်။

ရှီအိုက်ဟစ်ဇ်ဘိုလာ စစ်သွေးကြွအဖွဲ့ အင်အားကောင်းသော ဘေရွတ်တောင်ပိုင်း ဆင်ခြေဖုံးရှိ ကိုးထပ်အဆောက်အအုံ သံရုံးအပြင်ဘက်တွင် ပေါက်ကွဲမှုများကြောင့် အနီးရှိ အဆောက်အအုံများ ပျက်စီးခဲ့ပြီး ကားများမှာလည်း မီးလောင်ခဲ့ကြောင်း အစိုးရ သတင်းရင်းမြစ်က ပြောကြားခဲ့သည်။ ကနဦး သတင်းများအရ ဆိုင်ကယ်တစ်စီး ဦးစွာပေါက်ကွဲခဲ့ပြီး မကြာမီ မီတာ ၃၀ အကွာတွင် ကားတစ်စီး ထပ်မံပေါက်ကွဲခဲ့ကာ လူ ၁၅ ဦးထက်မနည်း သေဆုံးခဲ့ကြောင်း၊ အီရန်သံရုံးသည် ပစ်မှတ်တစ်ခု "ဖြစ်နိုင်ဖွယ်" ရှိသည်ဟု အမည်မဖော်လိုသော လုံခြုံရေး အကြီးတန်း သတင်းရင်းမြစ် တစ်ဦးက ပြောကြားခဲ့သည်။ ထို့ပြင် ယခုတိုက်ခိုက်မှုသည် အသေခံ ဗုံးဖောက်ခွဲခြင်း သို့မဟုတ် အဝေးမှ ဖောက်ခွဲခြင်း ဟုတ်၊ မဟုတ် အတည်မပြု နိုင်သေးကြောင်း ၎င်းက ပြောကြားခဲ့သည်။

ပေါက်ကွဲမှုများ ဖြစ်ပွားခဲ့ချိန်တွင် သံရုံးထဲ ၀င်လာနေသည့် အီရန်ယဉ်ကျေးမှုဆိုင်ရာ အကြံပေး အီဘရာဟင် အန်ဆာရီသည် ဒဏ်ရာရရှိခဲ့ပြီး ဘေရွတ်ရှိ ဆေးရုံသို့ တင်ပို့ကုသ ခဲ့သော်လည်း သေဆုံးခဲ့ကြောင်း လက်ဘနွန် အစိုးရ သတင်းရင်းမြစ် တစ်ဦးက ပြောကြားခဲ့သည်။ လူ ၂၂ ဦး သေဆုံးခဲ့ပြီး လူ ၁၄၆ ဦး ဒဏ်ရာရခဲ့သော်လည်း ထပ်မံမြင့်တက် လာနိုင်ကြောင်း အလီဟာဆန်ခါလီက ပြောကြားခဲ့သည်။ ယခု ပေါက်ကွဲမှုများအတွင်း အီရန်သံရုံး အတွင်းရှိ ၀န်ထမ်းအားလုံး ထိခိုက်ဒဏ်ရာ မရဘဲ လွတ်မြောက်ခဲ့သည်ဟု သံအမတ် ဂါဇန်ဖာရော့အဘာဒီက ပြောကြားခဲ့သည်။

ဆီးရီးယားသမ္မတ ဘာရှားအယ် အာဆတ်ဘက်မှ ကူညီတိုက်ခိုက်ရန် တိုက်ခိုက်ရေးသမား ထောင်ပေါင်းများစွာ စေလွှတ်ခဲ့သော ဟစ်ဇ်ဘိုလာအဖွဲ့ ခြေကုပ်ယူသည့် ဘေရွတ်တောင်ပိုင်းတွင် ယင်းတိုက်ခိုက်မှု မတိုင်မီ ယခုနှစ် ဇူလိုင် ၉ ရက်နှင့် သြဂုတ် ၁၅ ရက်တို့တွင်လည်း ပေါက်ကွဲမှုနှစ်ကြိမ် ဖြစ်ပွားခဲ့ပြီး လူ ၂၇ ဦး သေဆုံးခဲ့ကြောင်း သိရသည်။

Ref:AFP

Read More

မင်္ဂလာဒုံမြို့နယ် ဘောဂရပ်ကွက်၌ အသက်ကိုးနှစ်အရွယ် မိန်းကလေးတစ်ဦးနှင့် မိခင်ဖြစ်သူတို့ လည်ပင်း ဓားဖြင့်လှီး၍ အသတ်ခံရ

 Wednesday, 20 November 2013


မနှင်းအေးဝေ အသတ်ခံရသည့် နေအိမ် အိပ်ခန်းနေရာ(ဓာတ်ပုံ-ဥာဏ်ဝင်းရှိန်)

နိုဝင်ဘာ ၁၉ ရက် နံနက် ၁ နာရီခန့်က မင်္ဂလာဒုံမြို့နယ်၊ ဘောဂရပ်ကွက် ဘောဂ ၂ လမ်းရှိ နေအိမ်တစ်အိမ်၌ အသက်ကိုးနှစ်အရွယ် လေးတန်းကျောင်းသူ တစ်ဦးနှင့် မိခင်ဖြစ်သူတို့ လည်ပင်းအား ဓားဖြင့် လှီးသတ်ခံရသည့် ဖြစ်စဉ်တစ်ခု ဖြစ်ပွားခဲ့ကြောင်း ရပ်ကွက်နေသူများနှင့် သေဆုံးသူ၏ ဆွေမျိုးများထံမှ စုံစမ်းသိရှိရသည်။

သေဆုံးသူများမှာ မမြမြသန်း (ခ) ချောစု အသက် (၃၆) နှစ်နှင့် ၎င်း၏သမီးဖြစ်သူ မနှင်းအေးဝေ အသက်ကိုးနှစ်၊ လေးတန်းကျောင်းသူတို့ ဖြစ်ပြီး မနှင်းအေးဝေမှာ နေအိမ်အိပ်ခန်းတွင်း၌ လည်ပင်းအလှီးခံရသည့် ဒဏ်ရာဖြင့် သေဆုံးနေကာ မိခင်ဖြစ်သူ မမြမြသန်း (ခ) ချောစုမှာ နေအိမ်အနီး လမ်းမပေါ်၌ လည်ပင်းအလှီးခံရသည့် ဒဏ်ရာများဖြင့် သေဆုံးနေကြောင်း သိရသည်။

သေဆုံးသူ မမြမြသန်း နေအိမ်အနီး လမ်းမ၌ သေဆုံးနေသည်ကို ရပ်ကွက်အတွင်းမှ လူငယ်တစ်ဦးက ဆိုင်ကယ်စီးလာစဉ် မီးရောင်အောက်တွင် မြင်တွေ့ခဲ့သဖြင့် ဘောဂရပ်ကွက် ရာအိမ်မှူး (သေဆုံးသူ၏ ယောက္ခမ) ဖြစ်သည့် ဦးသန်းမြအား ပြောပြရာမှ သွားရောက်ကြည့်ရှုရာတွင် တွေ့ရှိခဲ့ခြင်းဖြစ်ပြီး သေဆုံးသူ၏ နေအိမ်အတွင်းသို့ ၀င်ရောက်ကြည့်ရှုရာ သေဆုံးသူ မမြမြသန်း၏ သမီးဖြစ်သူ မနှင်းအေးဝေမှာလည်း နေအိမ်အိပ်ခန်းထဲတွင် စောင်ဖြင့် ပတ်ပြီး လည်ပင်းတွင် ဓားဒဏ်ရာဖြင့် သေဆုံးနေကြောင်း တွေ့ရှိခဲ့ကြောင်း စုံစမ်းသိရှိရသည်။

သေဆုံးသူ၏ ယောက္ခမဖြစ်သူ ဒေါ်စန်းမြင့်က"အဒေါ့်ချွေးမနဲ့ မြေးမလေး ခုလိုမျိုး ရက်ရက်စက်စက် အသတ်ခံရတာ မနက် ခုနစ်နာရီလောက်မှ အဒေါ်သိရတာပါ။ သားအငယ်က အဒေါ်တစ်ခုခု ဖြစ်သွားမှာစိုးလို့ ညတွင်းချင်း မပြောဘူး။ မနက်ရောက်မှ ပြောလို့သိရတာပါ။ အန်တီ့သားကို သူ့မိန်းမနဲ့ ကလေး ဒီလိုအသတ်ခံရတယ်ဆိုတာ မပြောသေးပါဘူး။ သူက ခရီးသွားနေတာ" ဟု နိုဝင်ဘာ ၁၉ ရက်က အခင်းဖြစ်ပွားရာအိမ်တွင် ဆိုသည်။

သေဆုံးသူ မမြမြသန်း၏ ခင်ပွန်းဖြစ်သူမှာ မြင်းခြံဘက်သို့ ခရီးထွက်သွား၍ အခင်းဖြစ်နေ့က နေအိမ်တွင် အသတ်ခံရသည့် သားအမိနှစ်ဦးသာရှိပြီး သေဆုံးသူ၏ သားကြီးဖြစ်သူမှာ သူခိုးကြီးည ဖြစ်သဖြင့် ၎င်းဖွင့်လှစ်ထားသည့် ကွမ်းယာဆိုင်၌ သွားအိပ်ခဲ့ကြောင်း သေဆုံးသူ၏ ဆွေမျိုးများထံမှ သိရသည်။

သေဆုံးသူ၏ ယောက်က္ခမဖြစ်သူ ဒေါ်စန်းမြင့်က"အဒေါ့် ချွေးမက အဒေါ်တို့ အိမ်ကိုလာတဲ့လမ်းမှာ သေနေတာဆိုတော့ အဒေါ့်အိမ်ကို အားကိုးတကြီး ပြေးလာတာ ဖြစ်မယ်လို့ ထင်တယ်။ အရင်ကလည်း သူ့ယောက်ျားနဲ့ စကားများရင်တောင် အဒေါ့်ဆီလာပြီး တိုင်နေကျ။ ခုလိုဖြစ်သွားတာ ရင်ထဲမှာ လုံးဝမကောင်းဘူး" ဟု ဆိုသည်။

မင်္ဂလာဒုံ မြို့မရဲစခန်းမှူး ရဲမှူး အောင်သိန်းဝင်းက"ဒီဖြစ်စဉ်ကို လက်ရှိအမှုဖွင့်ပြီး ကျူးလွန်သူကို အမြန်ဆုံး ဖော်ထုတ်နိုင်အောင် စုံစမ်းစစ်ဆေးနေပါတယ်"ဟု နိုဝင်ဘာ ၁၉ ရက် မွန်းလွဲပိုင်းက ပြောကြားသည်။

အဆိုပါ ဖြစ်စဉ်အား မင်္ဂလာဒုံမြို့မ ရဲစခန်းမှ (ပ)၇၂၄/၁၃ ပြစ်မှုပုဒ်မ-၃၀၂ ဖြင့် အမှုဖွင့် စစ်ဆေးနေကြောင်း သိရသည်။

EMG

Read More

ယခုနှစ် ခရီးသွား ရာသီအတွင်း ပုဂံသို့ ကမ္ဘာလှည့် ခရီးသွား လာရောက်မှု များပြားလာ

Wednesday, November 20, 2013


ကမ္ဘာလှည့် ခရီးသွားများအား အလည်အပတ် လာရောက်ရန် အဓိက ဆွဲဆောင်သည့် ပုဂံညောင်ဦး ဒေသရှိ ရှေးဟောင်းဘုရား အချို့အား နိုဝင်ဘာလ အတွင်းက တွေ့ရစဉ် (ဓာတ်ပုံ-ကိုနော် (ပုဂံ))

ယခုနှစ် ခရီးသွား ရာသီအတွင်း ပုဂံသို့ ကမ္ဘာလှည့် ခရီးသွား အများအပြား ၀င်ရောက်လာမှုကြောင့် ဟိုတယ်အခန်း ကြိုတင်ငှားရမ်းမှုများ မြင့်တက်လျက်ရှိပြီး၊ ဟိုတယ်တိုင်းတွင် ပြည့်လုနီးပါး ဖြစ်နေကြောင်း ပုဂံဟိုတယ်များမှ သတင်းရရှိသည်။

"အခု အတွင်းဆိုရင် ပုဂံကို ခရီးသွားတွေ ပိုဝင်လာတယ်။ ခရီးသွားတွေ ပိုဝင်လာတာ ဆီးဂိမ်းစ်ကြောင့်လို့ ထင်ရပေမဲ့ မဟုတ်ပါဘူး။ ဆီးဂိမ်းစ်အတွက် ဧည့်သည်တွေက နောက်လလောက်မှ ရောက်လာမယ် ထင်တယ်။ ခရီးသွား ရာသီက hight season က စပြီလေ။ အခု နိုဝင်ဘာ၊ ဒီဇင်ဘာကတော့ full booked လို့ပြောနိုင်တယ်။ အခု ကျွန်တော်တို့ ဟိုတယ်မှာဆိုရင် ရှစ်လပိုင်းလောက် ကတည်းက ၁၁ လပိုင်း၊ ၁၂ လပိုင်းတို့အတွက် ရာခိုင်နှုန်း ၈၀ လောက်ကို အခန်းကြိုတင် မှာယူထားတာတွေ ရှိတယ်။ ကျန်တဲ့ ဟိုတယ်တွေကော ဒီအချိန်ဆိုရင် အခန်းပြည့်တယ်။ ပုဂံကိုလာတဲ့ ခရီးသွားတွေမှာ အများဆုံး လာတာကတော့ ဥရောပ နိုင်ငံတွေက များလာတယ်။ အာရှကဆိုရင် ထိုင်း၊ တရုတ်တွေ လာတယ်။ မလေး၊ ဂျပန်၊ ကိုးရီးယားတွေလဲ တွေ့ရတယ်" ဟု ပုဂံရှိ ရာဇဂြိုဟ် ဟိုတယ်မှ ဧည့်ကြိုတာဝန်ခံ မန်နေဂျာ ကိုဝင်းထွန်းနိုင်က ဆိုသည်။

ယခုနှစ်တွင် ခရီးသွား ပိုမိုမြင့်တက် လာသည့်အပြင် လေကြောင်းလိုင်းများ ပိုမိုတိုးချဲ့ လာသည့်အပြင် နယ်စပ်ဂိတ်များ ဖွင့်လှစ်လိုက်သောကြောင့် ယခင်နှစ်များကထက် ပိုမိုဝင်ရောက် လာခြင်းဖြစ်သည်။ ထိုကဲ့သို့ ခရီးသွား တိုးတက်လာသော်လည်း ပုဂံတွင် F.I.T ခရီးသွားများသာ ပိုမိုဝင်ရောက်လျက်ရှိကြောင်း သိရသည်။

"အခုက F.I.T တွေများတယ်။ တော်တော်လေး များလာပါတယ်။ ဟိုတယ်ကြီးတွေကတော့ ပြည့်နေတာပေါ့။ ဒါပေမဲ့ ၀န်ဆောင်မှုပိုင်း ကောင်းဖို့တော့ လိုပါတယ်။ အခုက ပြင်သစ်နဲ့ ဂျာမနီနဲ့က ပုံမှန်အတိုင်းပါပဲ။ အခု နောက်ပိုင်းမှ အမေရိကန်နဲ့ အင်္ဂလိပ် လူမျိုးတွေက ၀င်လာတာ များပါတယ်" ဟု မြန်မာနိုင်ငံ ဧည့်လမ်းညွှန် အသင်းဥက္ကဋ္ဌ ဦးဇော်ဝင်းချိုက ပြောကြားသည်။

EMG

Read More

ပြည်တွင်း၌ မတ်ပဲလက်ကျန် တန်ချိန်တစ်သိန်းကျော်သာ ကျန်ရှိပြီး အိန္ဒိယဘက်မှ အ၀ယ်လိုက်လာမှုကြောင့် မတ်ပဲဈေး တစ်တန် ကျပ်သုံးသောင်းကျော် ခုန်တက်

Wednesday, 20 November 2013


ဈေးကွက်အတွင်းတွေ့ရှိရသော ပဲမျိုးစုံ

ပြည်တွင်းဈေးကွက်အတွင်း မတ်ပဲ လက်ကျန်အနေဖြင့် တန်ချိန် တစ်သိန်းကျော်သာ ကျန်ရှိတော့ကြောင်း မြန်မာနိုင်ငံ ပဲမျိုးစုံနှင့် နှမ်းကုန်သည်များအသင်းမှ သိရသည်။

ပြည်တွင်းဈေးကွက်၌ ပဲလက်ကျန်နည်း နေချိန်တွင် အိန္ဒိယဘက်မှ အ၀ယ်လိုက်လာမှုနှင့်အတူ ပြည်တွင်းဈေးကွက်အတွင်း ဈေးကစားမှုများကြောင့် မတ်ပဲဈေးတစ်တန်လျှင် ကျပ်သုံးသောင်းကျော် ခုန်တက်သွားကြောင်း ဘုရင့်နောင် ကုန်စည်ဒိုင်ရှိ ပဲလုပ်ငန်းရှင်များထံမှ သိရသည်။

"အိန္ဒိယမှာ ဒီနှစ်က မတ်ပဲနဲ့ ပဲတီစိမ်းထွက်နှုန်းက အစိုက်နည်းတာတစ်ချက်၊ ရာသီဥတု ဖောက်ပြန်တာက တစ်ချက်၊ အထွက်လျော့တာက တစ်ချက်ပေါ့။ ပဲက အိန္ဒိယဘက်မှာ ကျွန်တော်ထင်တယ် ပုံမှန်ဆိုရင် တစ်နှစ်ကို တန်ချိန် ၁၈ သိန်းနဲ့ သိန်း ၂၀ လောက်ထွက်တယ်။ ဒီနှစ်မှာ အထွက်နှုန်းက ရာခိုင်နှုန်း ၅၀ လောက် လျော့တယ်ပြောတယ်။ ရာခိုင်နှုန်း ၅၀ သာလျော့ရင် တန်ချိန် ကိုးသိန်း၊ ၁၀ သိန်းလောက် လျော့တာပေါ့နော်။ မြန်မာပြည်မှာ လက်ရှိက ပြည် တွင်းမှာ မတ်ပဲက တန်ချိန် တစ်သိန်းကျော်ကျော်ပဲ ကျန်တော့တယ်။ တကယ်တမ်းမှာ မြန်မာပြည်က ၂၀၁၄ မှာ ထွက်မယ့်ပဲကို ထည့်ပေါင်းရင်တောင် သူတို့လိုအပ်ချက်ကို ပြည့်မီမှာ မဟုတ်သေးဘူး"ဟု မြန်မာနိုင်ငံ ပဲမျိုးစုံနှင့် နှမ်းကုန်သည်များအသင်းမှ အတွင်းရေးမှူး ဦးမင်းကိုဦးက ပြောကြားသည်။

နိုဝင်ဘာ ၁၁ ရက်က မတ်ပဲ (FAQ) တစ်တန်လျှင် ကျပ် ၅၉၈၅၀၀၊ မတ်ပဲ (SQ) တစ်တန်လျှင် ကျပ် ၆၂၅၀၀၀ ရှိနေခဲ့ရာမှ နိုဝင်ဘာ ၁၈ ရက်တွင် မတ်ပဲ (FAQ) တစ်တန်လျှင် ကျပ် ၆၃၀၀၀၀ ၊ မတ်ပဲ (SQ) တစ်တန်လျှင် ကျပ် ၆၅၅၀၀၀ အထိ မြင့်တက်လာခဲ့ကြောင်း ဘုရင့်နောင် ကုန်စည်ဒိုင်မှ ထုတ်ပြန်သော စာရင်းများအရ သိရသည်။

"အိန္ဒိယဘက်က အ၀ယ်များတယ်ဆိုပေမယ့် ပုံမှန်အ၀ယ် ရှိနေတာပါ။ ခုရက်ပိုင်းမှာ ပဲဈေး ခုန်တက်သွားတယ်ဆိုတာက ဈေးကစားတာတွေကြောင့်ပါ။ အိန္ဒိယဘက်ကတော့ သူတို့ဘက်မှာ အရောင်းအ၀ယ်အေးပေမယ့် မြန်မာပြည် ဈေးကွက်ကိုတော့ ဈေးမကျစေချင်ဘူး ဖြစ်နေတယ်။ ပြည်တွင်းဈေးကွက်ကလည်း စီးပွားရေးအရ မဟုတ်ဘဲ လောင်းကစားသဘောမျိုး ဖြစ်နေတယ်"ဟု ဘုရင့်နောင် ကုန်စည်ဒိုင်မှ ပဲလုပ်ငန်းရှင်တစ်ဦးက ပြောကြားသည်။

EMG

Read More

မြန်မာနိုင်ငံ၏ ပြုပြင်ပြောင်းလဲမှုများကြောင့် ဂျပန်နိုင်ငံမှ ရင်းနှီးမြှုပ်နှံသူများ ၂ ဒသမ ၅ ဆ တိုးလာ

Wednesday, 20 November 2013

Myanmar - Japan Joint Economic Conference ကျင်းပစဉ်

မြန်မာနိုင်ငံ၏ ဒီမိုကရေစီနှင့် ပြုပြင်ပြောင်းလဲမှု၊ အမျိုးသား ရင်ကြားစေ့ရေး၊ စီးပွားရေး ပြုပြင်ပြောင်းလဲမှုများကို တစ်ဆင့်ပြီးတစ်ဆင့် လက်တွေ့အကောင်အထည် ဖော်မှုများကြောင့် မြန်မာနိုင်ငံတွင် ဂျပန်မှ ရင်းနှီးမြှုပ်နှံလိုသူ ဂျပန်ကုမ္ပဏီများ ၂ ဒသမ ၅ ဆ ရင်းနှီးမြှုပ်နှံလာကြကြောင်း ဂျပန်ဝန်ကြီးချုပ် ရှင်ဇိုအာဘေးက သ၀ဏ်လွှာ ပေးပို့ခဲ့သည်။

နိုဝင်ဘာ ၁၉ ရက်တွင် ပြုလုပ်သည့် Myanmar-Japan Joint Economic Conference တွင် ဂျပန်ဝန်ကြီးချုပ် ရှင်ဇိုအာဘေးမှ ပေးပို့သည့် သ၀ဏ်လွှာတွင် ယင်းသို့ ပြောကြားခဲ့ခြင်း ဖြစ်သည်။ အဆိုပါ သ၀ဏ်လွှာအား မြန်မာနိုင်ငံဆိုင်ရာ ဂျပန်သံအမတ် Mr.Mikio Numata က ဖတ်ကြားပေးခဲ့ခြင်း ဖြစ်သည်။

" Myanmar - Japan Joint Economic Conference ကို ၁၂ နှစ်တာကာလအတွင်း ပြန်ကျင်းပနိုင်တဲ့အတွက် ဂုဏ်ယူပါတယ်။တာဝန်ရှိသူတွေကို ကျေးဇူးတင်ကြောင်း ပြောကြားလိုပါတယ်။ အခုလိုအချိန်တွင်းမှာ ဂျပန်-မြန်မာ ချစ်ကြည်ရေး ပိုမိုဆောင်ရွက်ဖို့အတွက် ယခုနှစ် မေလအတွင်းမှာ ၃၆ နှစ် ကာလတွင်းမှာ မြန်မာနိုင်ငံကို ပထမဆုံး အကြိမ်အဖြစ် လာရောက်ခဲ့ပါတယ်။သမ္မတ ဦးသိန်းစိန်နဲ့ ထိပ်သီးဆွေးနွေးပွဲမှာ မြန်မာနိုင်ငံရဲ့ ဖွံ့ဖြိုးတိုးတက်ရေးအတွက် ဂျပန်က အစိုးရနဲ့ ပြည်သူပူးပေါင်းမယ်လို့ ပြောကြားခဲ့ပါတယ်။ သမ္မတ ဦးသိန်းစိန်ကလည်း ကျေးဇူးတင်ခဲ့ပါတယ်"ဟု ဂျပန်ဝန်ကြီးချုပ် ရှင်ဇိုအာဘေးက သ၀ဏ်လွှာ ပေးပို့ခဲ့သည်။

ထို့အပြင် ယခုဆွေးနွေးပွဲသို့ ဂျပန်နိုင်ငံ၏ စီးပွားရေးကို ဦးဆောင်သူများနှင့် မြန်မာနိုင်ငံ၏ စီးပွားရေးကို ဦးဆောင်သူများ အနေဖြင့်လည်း ဂျပန်-မြန်မာ စီးပွားရေးအတွက် အကြံဥာဏ်ကောင်း၊ နည်းလမ်းကောင်းများကို ဖလှယ်နိုင်စေရန် ဆုတောင်းပါကြောင်း၊ နှစ်နိုင်ငံကြားတွင် Japan - Myanmar Joint Initiative ကို အကောင်အထည် ဖော်နိုင်ခဲ့ပြီး ယခု Initiative သည်လည်း frame work ပေါ်အခြေခံကာ နှစ်နိုင်ငံအကြား ကူးသန်းရောင်းဝယ်ရေး၊ ရင်းနှီးမြှုပ်နှံခြင်းများကို ပိုမိုတိုးမြှင့်ကာ ဆောင်ရွက်လျှက်ရှိကြောင်း ယင်းသ၀ဏ်လွှာတွင် ပြောကြားသည်။

နိုဝင်ဘာ ၁၉ ရက်တွင် လာရောက်ခဲ့သည့် ဂျပန်နိုင်ငံ အကြီးဆုံး စီးပွားရေး အုပ်စုအဖွဲ့ KEIDANREN ၏ Senior Corporate Advisor , Chair man of Japan -Myanmar Economic Committee, Mr. Nobuo Katsumata ဦးဆောင်သည့် ဂျပန်နိုင်ငံမှ နာမည်ကြီး စီးပွားရေးလုပ်ငန်းရှင် အဖွဲ့ဝင် ၆၀ ကျော်မှ လာရောက်ကာ ဂျပန်-မြန်မာ စီးပွားရေးလုပ်ငန်းများ ပူးပေါင်းဆောင်ရွက်နိုင်ရန် လာရောက်ခဲ့ကြခြင်း ဖြစ်ကြောင်း သိရသည်။

EMG

Read More

ငြိမ်းချမ်းရေး လုပ်ငန်းစဉ်အတွက် အဓိကကျသော လွှတ်တော်ရွေးကောက်ပွဲများ နီပေါကျင်းပ

Wednesday, 20 November 2013


မြို့တော် ခတ္တမန္ဒူတွင် နိုဝင်ဘာ ၁၉ ရက်က မဲရုံတစ်ရုံ၌ မဲပေးရန် စောင့်ဆိုင်းနေသူများကို တွေ့ရစဉ် (Photo:AFP)

ဆယ်စုနှစ် တစ်ခုကြာ ပြည်တွင်းစစ် အဆုံးသတ်ပြီးနောက် နှစ်ပေါင်းများစွာ ရပ်တန့်နေခဲ့သော ငြိမ်းချမ်းရေး လုပ်ငန်းစဉ် ပြီးမြောက်အောင် ဆောင်ရွက်ရာတွင် အဓိကကျမည့် နီပေါလွှတ်တော် ရွေးကောက်ပွဲများကို နိုဝင်ဘာ ၁၉ ရက်တွင် ပြုလုပ်ခဲ့ကြောင်း သိရသည်။

မော်သူပုန်များက အစပြုခဲ့သည့် နီပေါပြည်တွင်းစစ် ၂၀၀၆ ခုနှစ်တွင် အဆုံးသတ်ပြီးနောက် အဆိုပါ ရွေးကောက်ပွဲသည် ဒုတိယမြောက် ရွေးကောက်ပွဲဖြစ်သည်။ ယင်းပြည်တွင်းစစ်က နီပေါတွင် ဘုရင်စနစ် ချုပ်ငြိမ်းစေခဲ့ကာ ဘာသာအယူဝါဒ လွှမ်းမိုးမှု မရှိသည့် သမ္မတနိုင်ငံ တစ်နိုင်ငံအဖြစ် ပြောင်းလဲစေခဲ့သည်။

နီပေါတွင် ပထမအကြိမ် လွှတ်တော်ရွေးကောက်ပွဲကို ၂၀၀၈ ခုနှစ်တွင် ပြုလုပ်ခဲ့ပြီး မော်ဝါဒီတို့ အနိုင်ရရှိ ခဲ့သည်။ ညွန့်ပေါင်းအစိုးရက ဖွဲ့စည်းပုံ အခြေခံဥပဒေ ရေးဆွဲရန်နှင့် ငြိမ်းချမ်းရေး လုပ်ငန်းစဉ် ပြီးမြောက်အောင်မြင်ရန် ပျက်ကွက်နေခဲ့ရာ ယင်းပထမဆုံး နီပေါလွှတ်တော်သည် ၂၀၁၂ ခုနှစ်မေတွင် ပျက်သုဉ်းခဲ့သည်။

ယင်းနောက် ညွန့်ပေါင်းအစိုးရ အဖွဲ့မှ ခွဲထွက်ခဲ့သည့် သူပုန်ခေါင်းဆောင်ဟောင်း ပရာချန်ဒါ (ခ) ပွတ်ရ်ှပါကာမယ်ဒါဟယ် ဦးဆောင်သော နီပေါကွန်မြူနစ်ပါတီ-မော် (CPN-M) ပါတီက နိုဝင်ဘာ ၁၉ ရက် ဒုတိယအကြိမ် လွှတ်တော်ရွေးကောက်ပွဲကို သပိတ်မှောက်ထားသည်။

CPN-M ပါတီမှ ဆန္ဒပြသူများက ကားများကို မီးရှို့ခြင်းနှင့် ယာဉ်လမ်းကြောများတွင် ဖောက်ခွဲရေး ပစ္စည်းများကို ပစ်ပေါက်ခြင်းများ ပြုလုပ်ကာ ရွေးကောက်ပွဲကို ကဖျက်ယဖျက်လုပ်ရန် ပြီးခဲ့သည့် ရက်များအတွင်း အရှိန်မြှင့် ကြိုးပမ်းခဲ့သည်။ ယင်းအကြမ်းဖက် ဆန္ဒပြမှုများကြောင့် လူတစ်ဦး သေဆုံးပြီး လူတစ်ဒါဇင်ကျော် ဒဏ်ရာရရှိခဲ့သည်။ ယင်းနှင့်ပတ်သက်၍ လူ ၃၁၀ ကျော်ကို ရဲတပ်ဖွဲ့က ဖမ်းဆီးခဲ့သည်။

ယင်းနောက် နိုင်ငံတစ်ဝန်း လုံခြုံရေး တင်းကျပ်ခဲ့သည့် အကြားရွေးကောက်ပွဲ စတင်ကျင်းပသည့် နိုဝင်ဘာ ၁၉ ရက် နံနက်အစောပိုင်းတွင်လည်း မြို့တော် ခတ္တမန္ဒူ၌ ဗုံးပေါက်ကွဲမှုတစ်ခု ဖြစ်ပွားခဲ့ရာ လူသုံးဦး ထိခိုက်ဒဏ်ရာ ရရှိခဲ့သည်။ မဲရုံများ၌ လုံခြုံရေးအတွက် စစ်သား ၅၀၀၀၀ နှင့် ရဲတပ်ဖွဲ့ဝင် ၁၄၀,၀၀၀ ဖြန့်ကြက်ချထားကြောင်း သိရသည်။

Ref:AFP

Read More

လက်လီအရောင်းဆိုင် တစ်သိန်းပါဝင်သည့် ဖြန့်ချိရေးကွန်ရက် တည်ဆောက်ရန် ကိုယ်စားလှယ်များကို Telenor စတင်ခေါ်ယူ

Wednesday, 20 November 2013



Telenor ကုမ္ပဏီမှ တာဝန်ရှိသူများက မီဒီယာများအား ရှင်းလင်းနေစဉ်

ဆက်သွယ်ရေးလိုင်စင် ရရှိရန် အစိုးရနှင့် ညှိနှိုင်းနေပြီးဖြစ်သည့် Telenor ကုမ္ပဏီက လုပ်ငန်းစတင် လည်ပတ်နိုင်သည့် အချိန်မှ ငါးနှစ်အတွင်း လက်လီအရောင်းဆိုင်ပေါင်း တစ်သိန်းပါဝင်သော ဖြန့်ချိရေး ကွန်ရက်အား တည်ဆောက်ရန် ဖြန်ချိရေး ကိုယ်စားလှယ်များနှင့် မိတ်ဖက်လက်လီ အရောင်းဆိုင်များကို စတင်ဖိတ်ခေါ် လိုက်သည်။

Telenor ကုမ္ပဏီ၏ ဖြန့်ချိရေးနှင့် မိတ်ဖက်လက်လီ အရောင်းဆိုင်အဖြစ် လုပ်ကိုင်လိုသော ပြည်တွင်းလုပ်ငန်းရှင်များအား ဖိတ်ခေါ်ပွဲ အခမ်းအနားကို နိုဝင်ဘာ ၁၉ ရက် မွန်းလွဲ ၂ နာရီက ရန်ကုန်မြို့ Traders ဟိုတယ်၌ ပြုလုပ်ခဲ့သည်။

"ကျွန်တော်တို့ အနေနဲ့ ဖြန့်ချိရေး ကိုယ်စားလှယ်တွေကို ခေါ်ယူတဲ့ နေရာမှာ ပြည်တွင်းလုပ်ငန်းရှင်တွေကိုပဲ ဦးစားပေး ခေါ်ယူသွားမှာ ဖြစ်ပါတယ်။ ဖြန့်ချိရေး ကိုယ်စားလှယ်၊ လက်လီအရောင်းဆိုင်လုပ်ဖို့ စိတ်ဝင်စားတဲ့ သူတွေအနေနဲ့ လျှောက်လွှာကို Telenor ၀က်ဘ်ဆိုက်မှာ တင်ပေးထားမယ်။ အီးမေးလ်ကတစ်ဆင့်လည်း ဆက်သွယ်နိုင်ပါတယ်။ တစ်ပတ်အတွင်း သတင်းစာထဲမှာ ကြော်ငြာထည့်သွားမှာ ဖြစ်ပါတယ်" ဟု Telenor မှ Chief Marketing Officer မစ္စတာ Sharad Mehotra က ပြောကြားသည်။

ဖြန့်ချိရေး ကိုယ်စားလှယ်များနှင့် မိတ်ဖက်လက်လီ ကိုယ်စားလှယ် အရောင်းဆိုင်များကို ဖွံ့ဖြိုးတိုးတက်ရေးအတွက် Telenor ၀န်ထမ်းများကဲ့သို့ သင်တန်းများ ပို့ချသွားမည်ဖြစ်ပြီး ဖုန်းပြောနိုင်သည့် နေရာတိုင်းတွင် Telenor ဆင်းကတ်များနှင့် ငွေဖြည့်ကတ်များ ၀ယ်ယူနိုင်ရန် စီစဉ်သွားမည်ဖြစ်ကြောင်း သိရသည်။

Telenor ၏ မိတ်ဖက်လုပ်ငန်း အစီအစဉ်သည် ဆင်းကတ်၊ ငွေဖြည့်ကတ်နှင့် အခြားဝန်ဆောင်မှုများ၊ မိုဘိုင်းဆက်သွယ်ရေးပစ္စည်း ၀န်ဆောင်မှုများအတွက် သုံးစွဲသူများ၏ လိုအပ်ချက်များကို ဖြည့်တင်းပေးနိုင်ရန် လုပ်ဆောင်ခြင်း ဖြစ်သည်ဟု သိရသည်။

Telenor ကုမ္ပဏီ အနေဖြင့် အစိုးရနှင့် ညှိနှိုင်းဆွေးနွေးမှုများအရ ယခုနှစ် မကုန်မီတွင် ဆက်သွယ်ရေး လုပ်ကိုင်ခွင့် လိုင်စင်ရရှိရန် မျှော်လင့်ထားပြီး လက်ရှိတွင် အိုင်တီပိုင်းနှင့် Network ပိုင်းများကို ပြင်ဆင်နေကြောင်း သိရသည်။ လိုင်စင်ရပြီး ရှစ်လအတွင်း လုပ်ငန်းများကို စတင်လုပ်ကိုင် သွားမည်ဖြစ်ကြောင်း သိရသည်။

Telenor ကုမ္ပဏီသည် နော်ဝေနိုင်ငံ အခြေစိုက် ဆက်သွယ်ရေး ကုမ္ပဏီ တစ်ခုဖြစ်ပြီး နော်ဝေအစိုးရက ရှယ်ယာအများစု ပိုင်ဆိုင်ထားသည်။ ၎င်းတို့၏ ဈေးကွက်များတွင် နံပါတ်တစ် သို့မဟုတ် နှစ်နေရာတွင် ရပ်တည်နိုင်သည့် ထိပ်တန်းဆက်သွယ်ရေး ကုမ္ပဏီတစ်ခု ဖြစ်သည်။

EMG

Read More

မိုင် ၁၂၀၀ အထိ သွားရောက်နိုင်သော မောင်းသူမဲ့ တိုက်ခိုက်ရေး လေယာဉ်ကို အီရန်ပြသ

Wednesday, 20 November 2013


အီရန်နိုင်ငံလုပ် Fotros မောင်းသူမဲ့ လေယာဉ်ကို နိုဝင်ဘာ ၁၈ ရက်က တီဟီရန်တွင် ပြသထားစဉ် (Photo:AFP)

ဒုံးကျည်တပ်ဆင်ထားပြီး အကွာအဝေး ကီလိုမီတာ ၂၀၀၀ (မိုင် ၁၂၀၀) အထိ သွားရောက်နိုင်သော မောင်းသူမဲ့ တိုက်ခိုက်ရေး လေယာဉ်တစ်မျိုးအား အီရန်က နိုဝင်ဘာ ၁၈ ရက်တွင် ပြသခဲ့ကြောင်း နိုင်ငံပိုင် မီဒီယာ IRNA သတင်းအေဂျင်စီက ထုတ်ပြန်ခဲ့သည်။

Fotros မောင်းသူမဲ့ လေယာဉ်သည် အမြင့်ပေ ၂၅၀၀၀ ၀န်းကျင်၌ ပျံသန်းနိုင်ပြီး ၁၆ နာရီမှ နာရီ ၃၀ အထိ ပျံသန်းနိုင်ကြောင်း အီရန်ကာကွယ်ရေးဝန်ကြီး မိုဟာမက် ဒီဂန်၏ ပြောကြားချက်ကို ကိုးကားပြီး IRNA က ဖော်ပြခဲ့သည်။ ယင်းမောင်းသူမဲ့ လေယာဉ်သစ်သည် ထောက်လှမ်းရေး လုပ်ငန်းစဉ်များ သို့မဟုတ် ဝေဟင်မှမြေပြင်သို့ တိုက်ခိုက်ရေး လုပ်ငန်းစဉ်များ ပြုလုပ်နိုင်ကြောင်း၊ ယင်းလေယာဉ်ကို စမ်းသပ်မှုမှာ အောင်မြင်ခဲ့ပြီး ပိတ်ဆို့အရေးယူမှု ခံခဲ့ရသော်လည်း အီရန်ကာကွယ်ရေး ကဏ္ဍတွင် အနှောင့်အယှက် မဖြစ်ဘဲ တိုးတက်နေခဲ့ကြောင်း ဒီဂန်က ပြောကြားခဲ့သည်။

မကြာသေးမီ နှစ်များအတွင်း အီရန်သည် မောင်းသူမဲ့လေယာဉ် စီမံကိန်းများကို တိုးမြှင့်လုပ်ဆောင် ခဲ့သဖြင့် အမေရိကန်နှင့် အနောက်နိုင်ငံများက စိုးရိမ်ခဲ့ကြသည်။

ပြီးခဲ့သော စက်တင်ဘာလတွင် အီရန်တော်လှန်ရေး အစောင့်တပ်က အကွာအဝေး ၁၇၀၀ ကီလိုမီတာ အထိနှင့် ၂၄ နာရီကြာ ပျံသန်းနိုင်သော ဒုံးကျည်ရှစ်ခု သယ်ဆောင်နိုင်သည့် Shahed 129 မောင်းသူမဲ့လေယာဉ်ကို အများအပြား ထုတ်လုပ်နေကြောင်း ကြေညာခဲ့သည်။ ထို့ပြင် အဆိုပါလတွင်ပင် မီတာ ၄၅၀၀ အမြင့်၌ ကီလိုမီတာ ၂၀၀ အထိ ရှစ်နာရီကြာ ပျံသန်းနိုင်သော Yasseer ထောက်လှမ်းရေး မောင်းသူမဲ့ လေယာဉ်တစ်မျိုးကိုလည်း ပြသခဲ့သည်။ Yasseer မောင်းသူမဲ့ လေယာဉ်မှာ ၂၀၁၂ ခုနှစ် ဒီဇင်ဘာလတွင် အီရန်က ဖမ်းဆီးမိခဲ့သည်ဟု ပြောကြားခဲ့သော အမေရိကန်၏ ScanEagle မောင်းသူမဲ့ လေယာဉ်ပုံစံကို အခြေပြုပြီး ပြန်လည်ထုတ်လုပ် ထားခြင်းဖြစ်သည်ဟု သိရသည်။ အီရန်သည် Rad-85 မောင်းသူမဲ့လေယာဉ် ထုတ်လုပ်မှုကိုလည်း မကြာသေးမီက အရှိန်မြှင့်ခဲ့ကြောင်း သိရသည်။

Ref:AFP

Read More

တောင်ငူမြို့ ချမ်းမြေ့တည်းခိုရိပ်သာ ဗုံးပေါက်ကွဲမှုမှ သံသယတရားခံ စောထွန်းထွန်းအား ဖမ်းဆီးရမိပြီး စစ်ဆေးမှုများ ပြုလုပ်နေ

 Wednesday, 20 November 2013

အောက်တိုဘာ ၁၁ ရက်က ပေါက်ကွဲမှု ဖြစ်ပွားခဲ့သော ချမ်းမြေ့တည်းခိုရိပ်သာအား တွေ့ရစဉ်

ပဲခူးတိုင်းဒေသကြီး တောင်ငူမြို့ ချမ်းမြေ့တည်းခိုရိပ်သာ ဗုံးပေါက်ကွဲမှုမှ သံသယတရားခံ စောထွန်းထွန်းအား ဖမ်းဆီးရမိပြီး စစ်ဆေးမှုများ ပြုလုပ်လျှက်ရှိကြောင်း ဒုတိယ ရဲမှူးကြီး ဦးဝင်းစိန် (ဒုတိယညွှန်ကြားရေး မှူး)(မှုခင်း)၊ မြန်မာနိုင်ငံ ရဲတပ်ဖွဲ့ဌာနချုပ်မှ နိုဝင်ဘာ ၁၉ ရက် ညနေပိုင်းက ပြောကြားသည်။

"စောထွန်းထွန်းကို နိုဝင်ဘာ ၁၈ ရက် ညနေပိုင်းက ကျောက်ကြီးမှာ ဖမ်းဆီးရမိတာပါ။ အခုတော့ စစ်ဆေးနေတုန်းပဲ။ သူ့ကိုစစ်တဲ့နေရာမှာ စီစီတီဗွီကင်မရာတွေ တပ်ဆင်ပြီး စစ်နေပါတယ်။ လောလောဆယ်တော့ ရမန်ကြီး ချုပ်ရက် ယူထားတယ်" ဟု ဒုတိယ ရဲမှူးကြီး ဦးဝင်းစိန်က ပြောကြားသည်။

အောက်တိုဘာ ၁၁ ရက် ည ၈နာရီ ၄၅ မိနစ်အချိန်ခန့်က တောင်ငူမြို့ ၁၇ ရပ်ကွက်၊ ကန်လမ်းရှိ ချမ်းမြေ့တည်းခိုရိပ်သာ အပေါ်ထပ် အခန်းအမှတ် ၆ တွင် အိတ်အ၀ါရောင်တစ်လုံးအား ဖွင့်ကြည့်ရာမှ ပေါက်ကွဲမှု ဖြစ်ပွားခဲ့ရာ မီးရထား ရဲတပ်သားတစ်ဦးနှင့် အမျိုးသမီးတစ်ဦး သေဆုံးခဲ့သည်။ ဗုံးပေါက်ကွဲမှုဖြစ်စဉ်နှင့် ပတ်သက်ကာ တာဝန်ရှိသူများက စစ်ဆေးစုံစမ်းမှု ပြုလုပ်ခဲ့ရာ ကျောက်ကြီးမြို့မှ စောထွန်းထွန်းအား သံသယတရားခံ အဖြစ် ပြည်ထဲရေးဝန်ကြီးဌာနမှ သတင်းထုတ်ပြန် ကြေညာခဲ့ပြီး စောထွန်းထွန်းမှာ တိမ်းရှောင် ထွက်ပြေးလျှက်ရှိရာမှ နိုဝင်ဘာ ၁၈ ရက် ညနေပိုင်းတွင် ကျောက်ကြီးမြို့တွင် ဖမ်းဆီးရမိခဲ့ပြီး စောထွန်းထွန်းအား ဖမ်းဆီးရမိရာတွင် ကေအင်ယူ တပ်မဟာ ၃ မှ ကူညီဆောင်ရွက်မှုများလည်း ပါဝင်ခဲ့ကြောင်း ဒုတိယရဲမှူးကြီး ဦးဝင်းစိန်၏ ပြောကြားချက်အရ သိရသည်။

EMG

Read More

မန္တလေးမြို့တွင် OIC အလိုမရှိကြောင်း အချက်ငါးချက်ဖြင့် ဆန္ဒပြ

 Wednesday, 20 November 2013

မန္တလေးမြို့တွင် သံဃာတော်များက OIC အလိုမရှိကြောင်း ဆန္ဒထုတ်ဖော် နေသည်ကို တွေ့ရစဉ်

မန္တလေးမြို့တွင် နိုဝင်ဘာ ၁၉ ရက် မွန်းလွဲ ၁ နာရီခန့်က OIC အလိုမရှိကြောင်း ဆန္ဒပြခဲ့ကြောင်း သိရသည်။

သံဃာအပါး ၂၀၀ ကျော်က ယင်းသို့ ဆန္ဒထုတ်ဖော်မှုအား ချမ်းမြသာစည်မြို့နယ်၊ ကျွန်းလုံးဥသျှောင်ရပ် ဦးပွားဘုရားမှ စတင်ကာ OIC ကန့်ကွက်ခြင်း ခေါင်းစဉ်ဖြင့် စစ်ကိုင်း-မန္တလေးလမ်း၊ ဗိုလ်အိမ်လမ်းဆုံမှ စာတိုက်ကွေ့၊ ထို့နောက် ဘုရားကြီး အရှေ့မုခ်အား ပတ်လမ်းလျှောက်ကာ ဂဠုန်နီ ဆရာတော်မှ OIC နှင့် ပတ်သက်သော ကန့်ကွက်ချက် ငါးချက်ကို ရှင်းလင်းပြောကြား ခဲ့သည်။ ထို့နောက် ဆန္ဒပြသူများမှာ ဦးပွားဘုရားသို့ ပြန်လည်လမ်းလျှောက်ကာ လူစုခွဲခဲ့ ကြသည်။

ဆန္ဒထုတ်ဖော်သည့် ရည်ရွယ်ချက် ငါးချက်မှာ ဘင်္ဂါလီများအား တိုင်းရင်းသားအဖြစ် လက်မခံရေး၊ မြန်မာပြည်၏ မည်သည့်နေရာမဆို အခြေစိုက်ရုံး အလိုမရှိ၊ ၁၉၈၂ မြန်မာနိုင်ငံသား ဥပဒေ ဖြစ်ရမည်၊ OIC အလိုမရှိ၊ ခိုးဝင်လာသော ဘင်္ဂါလီများအား ရခိုင်ဒေသမှ အစ္စလာမ် နိုင်ငံများသို့ အမြန်ဆုံး ပြန်ခေါ်သွားပါ စသည်တို့ ဖြစ်သည်။

ဆန္ဒဖော်ထုတ်မှုနှင့် ပတ်သက်ပြီး ဂဠုန်နီ ဆရာတော် ဦးကောဝိရက "OIC ဆိုတာ မြန်မာနိုင်ငံမှာ မရှိသင့်ဘူး။ လက်လည်း မခံသင့်ဘူး။ ဘာလို့လဲဆိုတော့ ထေရ၀ါဒ ဗုဒ္ဓဘာသာ အထွန်းကားဆုံးနိုင်ငံ ဖြစ်လို့ပဲ။ မြန်မာနိုင်ငံကသာ လက်ခံလိုက်ရင် အခြားနိုင်ငံတွေဆိုတာ ပြောစရာ မလိုတော့ဘူးပေါ့။ ဒါကြောင့် သူတို့ကတော့ နည်းမျိုးစုံနဲ့ ချဉ်းကပ်မှာပဲ။ ဒါကို အစိုးရက လက်မခံသင့်ဘူး။ ထိုင်းတို့ ကမ္ဘောဒီးယား နိုင်ငံတွေလို တဖြည်းဖြည်း သိမ်းပိုက်ဖို့ လုပ်နေတာတွေကို သံဃာထု တစ်ရပ်လုံးနဲ့ ပြည်သူတွေက လုံးဝဆန့်ကျင် သွားမယ်။ OIC အလိုမရှိဘူး။ လုံးဝကန့်ကွက် ပါတယ်" ဟု မိန့်ကြားသည်။

ယင်းသို့ ဆန္ဒထုတ်ဖော်မှုကို ချမ်းမြသာစည်မြို့နယ်၊ ကျွန်းလုံးဥသျှောင်ရပ် ဦးပွားဘုရားတွင် OIC ကန့်ကွက်ခြင်း ခေါင်းစဉ်ဖြင့် ဆန္ဒဖော်ထုတ်မှုအား နိုဝင်ဘာ ၁၆ ရက်ကလည်း ပြုလုပ်ခဲ့ပြီး ခွင့်မပြုဘဲ တားမြစ်ခဲ့ခြင်းကြောင့် ငြိမ်းချမ်းစွာ လူစုခွဲခဲ့ကြောင်း သိရသည်။

EMG

Read More

ပြည်တွင်းပြည်ပ ရင်းနှီးမြှုပ်နှံမှုများအား ယခင်က MIC ဆုံးဖြတ်ချက်ဖြင့်သာ ခွင့်ပြုခဲ့ပြီး လက်ရှိတွင် ပြည်နယ်/တိုင်းဒေသကြီး အစိုးရအဖွဲ့များ၏ သဘောထား မှတ်ချက်များဖြင့် စတင်ခွင့်ပြု

Wednesday, 20 November 2013

တရုတ်နိုင်ငံနှင့် မြန်မာ့စီးပွားရေး ဦးပိုင်တို့ ဖက်စပ် လက်ပံတောင်းတောင် ကြေးနီ စီမံကိန်းလုပ်ငန်းခွင်အား တွေ့ရစဉ်(ဓာတ်ပုံ- ဖြိုးဝေ)

မြန်မာနိုင်ငံအတွင်း၌ ပြည်တွင်း ပြည်ပ ရင်းနှီးမြှုပ်နှံမှုများ ခွင့်ပြုရာတွင် ယခင်က မြန်မာနိုင်ငံ ရင်းနှီးမြှုပ်နှံမှု ကော်မရှင်၏ ခွင့်ပြုချက်တစ်ခုဖြင့်သာ ခွင့်ပြုခဲ့သော်လည်း လက်ရှိအချိန်တွင် ပြည်နယ်နှင့် တိုင်းဒေသကြီး အစိုးရအဖွဲ့များမှ သဘောထား မှတ်ချက်များ၊ စိစစ် ခွင့်ပြုချက်များအပေါ် အခြေခံလျှက် ရင်းနှီးမြှုပ်နှံမှုများအား စတင်ခွင့်ပြုနေကြောင်း မြန်မာနိုင်ငံ ရင်းနှီးမြှုပ်နှံမှု ကော်မရှင်မှ သိရသည်။

ထိုသို့ လုပ်ငန်းများ ခွင့်ပြုရာတွင် ပြည်နယ်နှင့် တိုင်းဒေသကြီး အစိုးရအဖွဲ့ဝင်များ၏ သဘောထားမှတ်ချက်၊ စိစစ် ခွင့်ပြုချက်များအပေါ် အခြေခံလျှက် ဆုံးဖြတ်ရုံသာမက သက်ဆိုင်ရာ ပြည်ထောင်စု ၀န်ကြီးဌာနများ၊ အဖွဲ့အစည်းများ၏ သဘောထား မှတ်ချက်များ၊ စိစစ်ခွင့်ပြုချက်များအပေါ် အခြေခံလျှက် မြန်မာနိုင်ငံ ရင်းနှီးမြှုပ်နှံမှု ကော်မရှင်မှ ခွင့်ပြုချက် ချပေးနေခြင်းဖြစ်ကြောင်း သိရသည်။

ရင်းနှီးမြှုပ်နှံမှုများ ချထားပေးရာတွင် ဒေသအခြေအနေနှင့် စီမံကိန်းနေရာတွင် ပါဝင်နေသည့် ဒေသခံများ ပြည်သူများ၏ စိုက်ပျိုးမြေများ၊ ကျေးရွာများပါဝင်မှု ရှိ မရှိ မြေပြင် အခြေအနေမသိဘဲ ခွင့်ပြုခဲ့မှုများကြောင့် မြန်မာနိုင်ငံအတွင်း နိုင်ငံခြား ရင်းနှီးမြှုပ်နှံမှု ပြည်တွင်း ရင်းနှီးမြှုပ်နှံမှုများတွင် ဒေသခံများနှင့် ရင်းနှီးမြှုပ်နှံသူများအကြား ပဋိပက္ခများ ဖြစ်ပွားမှုများ ရှိနေကြောင်း သိရသည်။

ထိုသို့ ပြည်နယ်နှင့် တိုင်းဒေသကြီး အစိုးရအဖွဲ့များ၊ ပြည်ထောင်စု ၀န်ကြီးများနှင့် သက်ဆိုင်ရာ ဌာနအဖွဲ့အစည်းများ၏ သဘောထား မှတ်ချက်များ ရယူပြီးနောက် မြန်မာနိုင်ငံအတွင်း ရင်းနှီးမြှုပ်နှံမှု ပြုစေခဲ့သည့် လုပ်ငန်းများမှာ ရာနှုန်းပြည့် နိုင်ငံခြား ရင်းနှီးမြှုပ်နှံမှု လုပ်ငန်းများဖြစ်သည့် New Century Industries (Myanmar) Co,Ltd (Hong Kong ), Hua Tai Enterprise Co,Ltd (Hong Kong) တို့ဖြစ်ပြီး ဖက်စပ် ရင်းနှီးမြှုပ်နှံသည့် လုပ်ငန်းဖြစ်သည့် Chiyoda & Public Works Co,Ltd , Public Works (Myanmar) Chiyoda Corporation (Japan) တို့ဖြစ်ပြီး ရန်ကုန်တိုင်း ဒေသကြီးအတွင်း ရင်းနှီးမြှုပ်နှံသည့် လုပ်ငန်းများဖြစ်ကြောင်း သိရသည်။

မြန်မာနိုင်ငံအတွင်း နိုင်ငံသားများ ရင်းနှီးမြှုပ်နှံမှု စာရင်းတွင် ဆောက်လုပ်ရေး၊ စွမ်းအင်၊ ကုန်ထုတ်လုပ်မှု စသည့်ကဏ္ဍများတွင် အများဆုံး မြှုပ်နှံထားပြီး ကျပ်သန်းပေါင်း ၃၆၀၉၇၃၃ ဒသမ ၂၄ သန်းအထိ မြှုပ်နှံထားကြောင်း သိရသည်။

မြန်မာနိုင်ငံအတွင်း နိုင်ငံခြား ရင်းနှီးမြှုပ်နှံမှုများ ပြုလုပ်ရာတွင် စွမ်းအင်၊ ရေနံနှင့် သဘာဝဓာတ်ငွေ့၊ သတ္တုတွင်း၊ ကုန်ထုတ်လုပ်မှုနှင့် ဟိုတယ်နှင့် ခရီးသွားစသည့် လုပ်ငန်းကဏ္ဍများတွင် အမေရိကန်ဒေါ်လာ ၄၃၉၀၁ဒသမ ၇၁၈ သန်း မြှုပ်နှံထားပြီး တရုတ်၊ ထိုင်း၊ ဟောင်ကောင်၊ ဗြိတိန်၊ တောင်ကိုရီးယားစသည့် နိုင်ငံများမှ အစဉ်လိုက် မြှုပ်နှံမှုများ ပြုလုပ်ထားကြောင်း သိရသည်။

EMG

Read More