ကဏန်းနှင့် မိအေး

ကဏန်းနှင့် မိအေးကို သဘောမပေါက်လျှင် လောကတွင် နိုင်ငံရေး လုပ်လုပ်၊ စီးပွားရှာရှာ၊ ပညာယူယူ ပေါက်မြောက်နိုင်မည်မဟုတ်။ ကဏန်းနှင့် မိအေးကို မသိသောသူများ ခေါင်းဆောင်ဖြစ်နေလျှင်၊ နောက်လိုက်ထဲတွင် များနေလျှင် တိုင်းပြည်၊ အဖွဲ့အစည်း ရှေ့မတက်နိုင်။ နောက်ပြန်လန် မကျလျှင်ပင် ကံကောင်းဟု ပြောရမည်။

မိအေးနှင့် ကဏန်းဇာတ်လမ်း သံတူကြောင်းကွဲ များကို ကြားဖူးကြ ပေမည်။ မိအေးသည် ဆော့ရင်းကစားရင်း ကဏန်းတစ်ကောင် ဖမ်းလိုက်သည်။ ထိုစဉ် မိဘများက အိမ်အနီးမှ တရားပွဲသွားရန် လှမ်းခေါ်သဖြင့် ကဏန်းကို ထဘီအထက်ဆင်နှင့် ကမန်းကတမ်း လိပ်လိုက်ရပြီး ပါသွားသည်။ တရားပွဲသို့ ရောက်တော့ မိအေး ကဏန်းကို မေ့သွားပြီး ရွှေပွဲလာပရိသတ် များကို ငေးမောနေမိသည်။ ဘုန်းတော်ကြီး ဝင်လာပြီး တရားနာပရိသတ်များ ငြိမ်နေကြသည့်အချိန်၊ ကဏန်းက မိအေး၏ဗိုက်သားကို အားရပါးရ ညှပ်ထားလိုက်တော့၏။ မိအေး၏ စူးစူးဝါးဝါးအော်သံကြောင့် ထရပ်သူရပ်၊ ပြေးသူပြေး၊ မှင်တက်သူနှင့် အတော်ဗရုတ်ဗရက် ဖြစ်သွားသည်။ ရှက်လည်း ရှက် အားလည်းနာနှင့် အမေက မိအေးကျောပြင်ကို ဗျောတင်တော့သည်။
ကဏန်းညှပ်ခြင်းသည် Context “နောက်ခံအခြေအနေ၊ မိအေး အော်အောင် တွန်းပို့ခဲ့သော အကြောင်းများ” ဖြစ်သည်။ မည်သည့်ကိစ္စ တွင်မဆို မိအေးအော်ခြင်းနှင့်သာ ရပ်မထားဘဲ ကဏန်းကိုရအောင် ရှာဖို့လိုသည်။ ကဏန်းကို မရှာနိုင်သရွေ့ မိအေးကို ဘယ်လောက်ရိုက်ရိုက် အဖြေထွက်မည်မဟုတ်။
ပြဿနာရပ်များကို မောင်းဖြုတ်သော ဖြစ်ရပ်များသည် မိအေးအော်ခြင်း ဖြစ်ပြီး တကယ့်အကြောင်းရင်း၊ နောက်ခံအခြေအနေသည် ကဏန်းဖြစ်သည်။
ပထမကမ္ဘာစစ်ကြီး ဖြစ်ပွားခဲ့ခြင်းမှာ ဆာဗီးယား တော်လှန်ရေးသမားက သြစတြီးယားဟန်ဂေရီ အိမ်ရှေ့စံ ဖာဒီနန်ကို လုပ်ကြံသတ်ဖြတ်ခဲ့ခြင်း ကြောင့်ဟု ဆိုလျှင် မိအေးအော်ခြင်း ကိုသာ အာရုံစိုက်နေခြင်းနှင့် တူမည်။ တကယ်တော့ အမျိုးသားစိတ်ဓာတ်များ ပြင်းထန်နေချိန်၊ ပြိုင်ဘက် နိုင်ငံကြီး များအကြား တင်းမာမှု အမြင့်ဆုံးသို့ ရောက်နေချိန်တွင် ခလုတ်ဖြုတ်မည့် ဖြစ်ရပ် ပေါ်လာသောကြောင့်သာ ဖြစ်သည်။ ဆာဗီးယားတော်လှန်ရေးသမား ကြောင့်သာ ဟုဆိုပါက ထိုသူ မနက်အိပ်ရာထမည့် နှိုးစက်ကို တစ်နာရီ နောက်ရွှေ့ထားလိုက်လျှင် ပထမကမ္ဘာစစ်ကြီးကို ရှောင်လွှဲလိုက်နိုင်မည်ဟု ပြောသလို ဖြစ်သွားမည်။
၁၉၈၈ အရေးအခင်းဖြစ်ပွားခဲ့ခြင်းသည် အင်းစိန်ကြို့ကုန်း ရန်ကုန် စက်မှုတက္ကသိုလ်အနီး လက်ဖက်ရည်ဆိုင်တွင် ကျောင်းသားနှင့် ရပ်ကွက်သား သီချင်းလုဖွင့်ခိုင်းရာမှ ဖြစ်ပွားသည် ဟုဆိုလျှင် မိအေးအော်ခြင်းနှင့် ရပ်ထားရာ ရောက်မည်။ နိုင်ငံစီးပွားရေး ချွတ်ခြုံကျနေခြင်း၊ ငွေစက္ကူ တရားမဝင်ကြေညာ ခြင်းကြောင့် ပြည်သူအများစု စုဆောင်းငွေများ လုယူခံလိုက်ရခြင်း၊ အဘက်ဘက်တွင် ကျဆင်းနေသော နိုင်ငံကြောင့် အထွေထွေ မကျေနပ်မှုများ ကိန်းအောင်းစုပုံနေခြင်း တို့ကြောင့် ဆိုလျှင် ကဏန်းကို မြင်ပြီဟု ဆိုနိုင်သည်။

“မျက်စိနှင့်မြင်နေရတာပဲဟု ကိုယ်တွေ့ကို အားကိုးလိုသူ များသည် ပေတံကို ရေထဲနှစ်ကြည့်လျှင် ကောက်နေသည်ကို မြင်ရလိမ့်မည်…”

လွတ်လပ်ရေးရအပြီး အချင်းချင်း သဲကြီးမဲကြီး ချခဲ့ခြင်းကို သိလိုလျှင် နယ်ချဲ့တိုင်း ကျင့်သုံးလေ့ရှိသော သွေးခွဲအုပ်ချုပ်ခြင်း Divide and Rule၊ သွေးခွဲစိုးမိုးခြင်း Divide and Conquer ကိုလည်းကောင်း မြင်အောင် ကြည့်တတ်ဖို့ လိုသည်။ ဗြိတိသျှခေတ်တပ်ထဲသို့ တိုင်းရင်းသားလူနည်းစု များကိုသာ ဝင်စေခဲ့ပြီး တိုင်းရင်းသားလူများစုကို ပေးမဝင်ခဲ့ခြင်း၊ ပြည်နယ် ပြည်မ ခွဲခြားထားခြင်း တို့ကြောင့် အရောက်အပေါက်နည်းပြီး သံသယ မျိုးစေ့များ အမြစ်တွယ်ခဲ့ရခြင်းတို့သည် ကဏန်းပင် ဖြစ်သည်။
အပြင်တွင် မြင်နေရသော အကြောင်းအရာများထက် ပိုပြီး မြင်နိုင်ရန် လိုသည်။ အသွင်သဏ္ဌာန် တို့သည် လူတို့၏ စိတ်ကို လှည့်ဖြားတတ်သည်ဖြစ်ရာ အနှစ်သာရကို မြင်နိုင်ရန်လိုသည်။ မျက်စိနှင့်မြင်နေရတာပဲဟု ကိုယ်တွေ့ကို အားကိုးလိုသူ များသည် ပေတံကို ရေထဲနှစ်ကြည့်လျှင် ကောက်နေသည်ကို မြင်ရလိမ့်မည်။ သိပ္ပံသဘော၊ အလင်းသဘောအရ ထိုသို့ဖြစ်သွားခြင်းကို သိလျှင်မူ ပေတံကောက်ခြင်းကို နားလည်နိုင်ပြီး မျက်စိကိုပင် မယုံသင့် ကြောင်း သဘောပေါက်နိုင်မည်။ ဓားပြတိုက်သွားသော လူဆိုး၊ ဆွဲကြိုး ဖြတ်သွားသူတို့ကို မိရန် မသင်္ကာသူတို့ကို တန်းစီပြသသည့်အခါ တကယ် လုပ်သူကို ဘေးဖယ်ထားလျှင်ပင် တန်းစီသူတို့ထဲမှ ရွေးထုတ်ပြခြင်း သည်လည်း မျက်စိ၊ စိတ်တို့၏ လှည့်စားတတ်ခြင်းကို ပြသနေသည်။
တံလျှပ်ကို ရေထင်ပြီး ရွှေသမင် အလိုက်မှားခြင်းသည် ကဏန်းကို မမြင်သောကြောင့် ဖြစ်သည်။ မရောင်ရာဆီလူးခြင်းသည် မိအေးကိုသာ မဲခြင်းကို ဆိုလိုသည်။ မိအေးအော်ခြင်းကို “ဘာ့ကြောင့်လဲ” ဟု Why လုပ်ကြည့်မှသာ ကဏန်းကို ရှာတွေ့နိုင်မည် ဖြစ်သည်။ ကဏန်းညှပ်ခြင်းကို အရင်မဖြုတ်ဘဲ ရိုက်မောင်းပုတ်မောင်းလုပ်လျှင် မိအေးသာ နှစ်ခါနာပေလိမ့်မည်။
ကဏန်းကို မြင်ခြင်းသည် ကဏန်းကို ရှာလိုစိတ်နှင့် တိုက်ရိုက် သက်ဆိုင်သည်။ မိအေးအပြင် ကဏန်းရှိနိုင်သေးတယ် ဟူသော အမြော်အမြင် လိုအပ်သည်။ မိအေးပဲဟု တထစ်ချ တွက်လိုက်လျှင်မူ စိတ်ကို အပိတ်စဉ်းစားလိုက်သဖြင့် ကဏန်းကို ရှာတွေ့ရန် ခဲယဉ်းသွားပြီ ဖြစ်သည်။ ကဏန်းကို မရှာနိုင်လျှင် အဖြေမည်မျှထုတ်ထုတ် တစ်ပွဲတိုး ဆေးမြီးတိုဖြင့် ကုခြင်းသာ ဖြစ်ပေလိမ့်မည်။ မိအေးသည် တစ်ခါပြီး တစ်ခါ ထပ်ငိုပြီး တရားပွဲလည်း ပျက်သည်ထက် ပျက်ပေဦးမည်။
ကမ္ဘာနှင့် ချိတ်ဆက်လာပြီ ဖြစ်သည့် ယနေ့အချိန်တွင် ကဏန်းတို့သည် အရေအတွက် များပြားလာခဲ့ပြီ။ ပြည်တွင်းကဏန်းလည်း ပါနိုင်သလို ပြည်ပကဏန်း တို့လည်း ကျူးလာနိုင်သည်။ ကဏန်းသည် တစ်ကောင်တည်းလည်း ဟုတ်ချင်မှ ဟုတ်လိမ့်မည်၊ အုပ်နှင့်သင်းနှင့်လည်း ဖြစ်နိုင်သည်။ကိုယ်တွေ့ပြီဟု ထင်သော ကဏန်းသည်လည်း မိအေးကို အော်စေသော ကဏန်း ဟုတ်ချင်မှဟုတ်ပေလိမ့်မည်။ တကယ့်ကဏန်းက တစ်နေရာ၊ အမိခံရသော ကဏန်းက တစ်နေရာတွင် ရှိနေကောင်း ရှိနေနိုင်သည်။ လက်သည်ကဏန်းကို ရှာနိုင်ဖို့ လိုသည်။
မြန်မာနိုင်ငံ ရင်ဆိုင်နေရသည့် အခက်အခဲများကို ဖြေရှင်းရာတွင်၊ နောက်ကျနေသည့် နိုင်ငံကို ခေတ်မီတိုးတက်အောင် ဆောင်ရွက်ရာတွင် မိအေးနှင့် ကဏန်းခွဲနိုင်ရေးသည် အဓိကကျသည်။ ပြည်တွင်းပြည်ပ ဗဟုသုတကြွယ်ဝ၊ မြန်မာ့ရေမြေလူတို့ အကြောကိုသိ၊ စဉ်းစားဆင်ခြင်နိုင်ပြီး ဝါဒအစွဲကင်းသူ၊ ဘေးမှရပ်ကြည့်သည့် အမြင် (Third person view) ရှိသူ တို့နှင့် တိုင်တိုင်ပင်ပင်လုပ်နိုင်မှ ကဏန်းကို မြင်ရမည်။

ကိုယ့်ထမင်းကိုယ်စား၊ ကိုယ့်အလုပ် ကိုယ်လုပ်နေရသည့် သာမန် ပြည်သူတို့ ကဏန်းကို မမြင်လျှင် ဖြေသာသေးသော်လည်း ပြည်သူ့အကျိုး ကို ထမ်းဆောင်မည် ဟုဆိုသည့် ထိပ်သီးခေါင်းဆောင်များ အဆင့်၊ နယ်ပယ်အလိုက် ထင်ပေါ်ကျော်ကြား၊ သြဇာရှိ၊ အာဏာရှိ၊ အပေါင်းအသင်းရောင်းရင်း အားကောင်းသူတို့ ကဏန်းကို မမြင်ခြင်းသည် အန္တရာယ်ကြီးသည်။ ကဏန်းကို မမြင်ခြင်းမှာ လုပ်ရည်ကိုင်ရည် အားနည်းသေးသောကြောင့်ဟု စာနာနိုင်သော်လည်း ကဏန်းကို မရှာလိုခြင်း ကိုမူ ခွင့်လွှတ်ရန် ခဲယဉ်းသည်။
ကဏန်းကို ရှာစေလိုသည်။ မြင်စေလိုသည်။

ဇေယျသူ
The Voice

Read More

ပွင့်လင်း လူ့အဖွဲ့အစည်း စတင်ချိန်မှာ အနုပညာ နယ်မြေ ကလည်း ရိုးသား ပွင့်လင်းသင့်ပြီ ဖြစ်ကြောင်း ပြောတဲ့ ရုပ်ရှင်သမားများ

 မြန်မာ့ရုပ်ရှင် ဗီဒီယိုလောက မှာ ဖြစ်လေ့ဖြစ်ထ ရှိတဲ့ ဇာတ်လမ်း၊ ဇာတ်ညွှန်းတူ ဇာတ်ကားတွေ ကို အမည်ပြောင်းပြီး ထွက်ရှိလာခြင်း အခြေအနေတွေ နဲ့ စပ်လျဉ်းပြီး လတ်တလောမှာ လည်း ဗီဒီယို ဇာတ်ကား တစ်ကားကို မူလ ရေးသားထား သူများထံမှ တရားဝင် ခွင့်ပြုချက် ရယူခြင်း မရှိသလို ရေးသားသူတို့ အမည်ကို လည်း ပြောင်းလဲ ဖော်ပြပြီး ရိုက်ကူးထားတဲ့ ဖြစ်စဉ် ဖြစ်နေခြင်း အပေါ် မြန်မာနိုင်ငံ ရုပ်ရှင် အစည်းအရုံး ရဲ့ ဥက္ကဋ္ဌဟောင်း ဦးဇင်ဝိုင်း၊ ဒါရိုက်တာ ဝိုင်း တို့နဲ့ သဘော ထား အမြင်တွေ ကို ဆွေးနွေး မေးမြန်း ခဲ့ပါတယ်။

ဦးဇင်ဝိုင်း

“ရုပ်ရှင် အစည်းအရုံး မှာ တာဝန် ယူစဉ် ကာလ ကတည်းက ဒီကိစ္စ ဆွေး နွေးခဲ့ဖူးပါတယ်။ ဒါရိုက်တာ အလွှာ တွေကိုရော၊ ထုတ်လုပ်သူ အလွှာတွေ ကိုရောပေါ့။ ဘာဖြစ်လို့လဲ ဆိုတော့ ဒီအခက်ခဲ ရဲ့ တစ်အချက် က ပရိသတ် ကို စော်ကားသလိုပေါ့။ နောက်တစ် ချက် ငှားရမ်းဆိုင်များ ရဲ့အဓိက ပြော နေတဲ့ အချက် ထဲမှာလည်း အဲဒီ အချက် ပါပါတယ်။ ဇာတ်လမ်း တူတယ်။ ဒါရိုက်တာ ကွဲတယ်။ သရုပ်ဆောင် တွေလည်း ကွဲပြီးတော့မှ တချို့ ကားတွေဆို တစ်ပတ်ထဲမှာ တစ်ပြိုင်နက်ဖြန့် ကြ တာတွေ ရှိတယ်။ တချို့ကားတွေဆို တစ်လ အတွင်းမှာ ဖြန့်ကြတာ ရှိတယ်။ ကာလ အပိုင်း အခြားပေါ့။ အဲဒီအခါမှာ ငှားရမ်း ဆိုင်တွေ အနေနဲ့က သူတို့ကတော့ မသိဘူး။ ဝယ် လိုက် တယ်။ ဒီအခွေကို ငှားကြည့်တဲ့ သူ တွေက အိမ်ကို ယူသွားတယ်။ ဖွင့်ကြည့်တော့ ကြည့်ပြီးသားကြီးပဲ ဘယ်နေ့ကမှ ဘယ်သူနဲ့ ထွက်ထားတယ် ဆိုတော့ ဒီ ငှားရမ်း ဆိုင်တွေက နစ်နာတယ်။ ငွေကြေးနဲ့ ငှားရမ်း လုပ်ငန်းရှင်တွေ ငွေကြေး နစ်နာတယ်။ ဒုတိယ အချက်ကျတော့ ပရိသတ် အနေ နဲ့ဆိုရင် ဒီဟာကြီးက သူတို့ ကို စော်ကားသလို ဖြစ်တယ်လေ။ အဲဒီလို ဖြစ်တဲ့ အခါကျတော့ ကျွန်တော် တို့ လောက အတွက်လည်း မကောင်းဘူး။ ပရိသတ်ကို စော်ကား သလို ဖြစ်နေတယ်။ အဲ ဒီတော့ ကျွန် တော်တို့ တွေက အရင်တုန်းက ဒါကို ဘယ်လို လုပ်သလဲ ဆိုတော့ ဥပမာ ပေါ့။ အမှီးဇာတ်လမ်းများ ဆိုတာ ကတော့ နိုင်ငံတကာက ရိုက်ကြတာပါပဲ။ မှီးရင် ဝန်ခံဖို့။ ဇာတ်လမ်းကို အမှီး ဇာတ်လမ်းမျိုး ရိုက်မယ် ဆိုရင် ဗီဒီယို ကို ရိုက်ကူးခွင့် တင်ကတည်းက ကိုယ့် ဇာတ်လမ်း ဝတ္ထု ဇာတ်လမ်း ဝယ်ရိုက် ရင်တော့ ဒါက တစ်ပိုင်း။ ရိုက်ကူးခွင့် တင်ကတည်းက ဗီဒီယိုဆိုရင် ဘယ်ကားကို မှီးပါတယ် ဆိုတာကို တရားဝင် ဖော်ထုတ်ရေးဖို့၊ ဥပမာ Ghost မှီးတယ်။ ဟန်နိုဗာရှင် ကို မှီးတယ်ဆို ရင်ဒါကို တစ်ခါတည်းတင်၊ မှီးရင် ခွင့်မပြုဘူး မဟုတ်ဘူး။ ခွင့်ပြုတယ်။ မှီးခွင့် ရှိတယ်။ သို့သော် အဲဒါကို ရက်ဂျစ်စတေးရှင်း ထဲမှာလစ် လုပ်ထားမယ်။ ဂို့စ်ကိုဘယ်သူက ဘယ်နေ့က မှီးထားတယ်။ အဲဒီတော့ နှစ်လ သုံးလ အတွင်းမှာ အဲဒီ ဂို့စ်ကို မှီတယ် လို့ တင်လာရင် ဒါကိုတော့ မလုပ်ပါ နဲ့ ဒါကို ပယ်တယ်။ တကယ်တော့ အဲဒီလို မှီးလိုက်သား နဲ့မမှီးဘူး၊ မမှီးသယောင် ရိုက်တယ် လို့ ပြင်နေရင် တော့ စည်းမျဉ်း စည်းကမ်း အတိုင်း ဆက်လက် ဆောင်ရွက်ရမယ်။ ဒီလိုမျိုးပေါ့။ ဒါက ဇာတ်လမ်း ထပ်တာ မဖြစ်အောင်၊ ပရိသတ် ကိုလည်း စော်ကားရာ မကျအောင် ကျွန်တော်တို့ရဲ့ အခြေခံကျဆုံး လုပ်ငန်းရှင်များ ဖြစ်တဲ့ ငှားရမ်း ဆိုင်လေးများ မနစ် နာ အောင် ဆွေးနွေးခဲ့တာပါ။ သို့သော် လည်း အဲဒီဟာက တိုးလိုး တန်းလန်း နဲ့ မပြတ်ဘူး ဖြစ်နေတယ်။ အဲဒါက အမှီး ဇာတ်လမ်းပေါ့။ အခုလို ပုဂ္ဂလိ က စာရေးဆရာ တစ်ဦး တည်းရဲ့ဟာကို နှစ်ယောက် ရိုက်တယ်ဆိုတဲ့ ကိစ္စမျိုးကျတော့ ပုဂ္ဂလိက စာရေးဆရာ တွေရဲ့ ကျင့်ဝတ်နဲ့ ဆိုင်တယ်။ လူတစ်ယောက် ကိုရောင်းပြီး နောက် တစ် ယောက်ကို ထပ်ရောင်းတယ် ဆိုတာ တော့ ကာလ အပိုင်းအခြား တစ်ခုဆို ရင်တော့ တစ်မျိုးပေါ့နော်။ အခုဖြစ် တဲ့ အဖြစ်မျိုးမှာ ကျတော့ ကျွန်တော် က အပြင်ကနေ ကြားရတာ ဆိုတော သိသလောက် ကတော့ တစ်ယောက် က တရားဝင် ဝယ်ထားတယ်။ နောက် တစ်ဦး ကတော့ တရားဝင် ဝယ်ယူ ထားခြင်း မရှိဘဲ နဲ့ဒီဇာတ်လမ်းကို ရိုက်တယ်။ ရိုက်တဲ့နေရာ မှာလည်း မူလ ဖန်တီးထားတဲ့ စာရေးဆရာ အမည်ကို မဖော်ပြဘဲနဲ့ တခြားအမည်နဲ့ လုပ်တယ် ဆိုတာမျိုးက ဒါမဖြစ် သင့်တဲ့ကိစ္စ လို့ပဲ ကျွန်တော် မြင်တယ်”

ဒါရိုက်တာဝိုင်း

“အရေးကြီး တာပေါ့နော်။ လောလောဆယ် ဖြစ်နေတဲ့ မကြည်ဖြူ ကားဆိုလည်း ဇာတ်လမ်း တူတဲ့ ကိစ္စပေါ့။ အစ်ကိုတို့ ဗီဒီယိုတွေမှာ ဇာတ်လမ်းတူတဲ့ ကိစ္စတွေမှာ ဆိုရင် လောလောဆယ်စ ဉ်းစားနေကြတာ တွေက ပရိုဂျူဆာရယ်၊ ဒါရိုက်တာရယ် အတွက်ပဲ စဉ်းစားနေကြတယ်။ ပရိုဂျူဆာ ဆိုရင်လည်း သူ့ရဲ့ကားက ဒီ ကားနဲ့ တိုက်လို့ နောက် အရမ်းဆုတ် ရင် နစ်နာမှာ စိုးလို့ဆိုတဲ့ ဟာမျိုး။ ဒါရိုက်တာတွေ ဆိုရင်လည်း သူ့ ပုဂ္ဂိုလ်ရေး အရ ခင်မင်မှုတွေကြောင့် အဲဒီလိုတွေ စဉ်းစားကြတယ်။ ဒါပေမဲ့ အားလုံး မေ့နေကြတာက ဘာလဲဆို တော့ ပရိသတ်က ဒီဇာတ်ကား တစ်ကားကို ဥပမာ- ရှေ့ကားက အရင် ထွက်ပြီပဲထား၊ သူက ပိုက်ဆံ ပေးပြီး ကြည့် တယ်။ နောက်နှစ်ပတ်၊ သုံးပတ် လောက်လည်း ကျရောတစ်ခါ ဒီကား နဲ့ ဆင်တူရိုးမှား တူတဲ့ ကားကို တစ်ခါ ထပ်ကြည့်တယ်။ ပရိသတ်တွေက ပိုက်ဆံပေးပြီး ငှားကြည့် တာလေ။ အဲဒီမှာ သွားတာက ပရိသတ်တွေ ရဲ့ ယုံကြည်မှုတွေလေ။ ပြီးတော့ ပရိသတ်တွေ ရဲ့ အချိန်တွေလေ။ ပရိသတ်တွေ ရဲ့ငွေတွေလေ။ အရေးကြီး တာက ပရိသတ်ရှိမှ အစ်ကို တို့အနု ပညာသမားတွေက ထမင်းစား ကြရတာလေ။ ပရိုဂျူဆာ တစ်ယောက်က ဆုံးရှုံးရင် ဗီဒီယို တစ်ကားကို သိန်း ၂ဝ လောက် မဆုံးရှုံးပါဘူး။ ဒါရိုက်တာ တစ်ယောက်ကလည်း သူဆုံးရှုံးရင် အကြာကြီး မဆုံးရှုံးပါဘူး။ ဒါပေမဲ့ ပရိသတ် ဆုံးရှုံးသွားရင်တော့ တစ်လောက လုံး ဆုံးရှုံးမှာ။ အဲဒီ တော့ အစ်ကိုတို့ အနုပညာ လောက၊ ဗီဒီယို လောကကို ဒီထက်မပျောက် ကွယ်စေချင်ဘူး ဆိုရင်တော့ ဒီဇာတ် လမ်းတူတဲ့ ကိစ္စတွေဟာ တကယ့် အရေးကြီးတဲ့ ရှုထောင့် ဖြစ်နေတယ်”

Read More

သမိုင်းတစ်ကျော့ မလည်စေချင်

အတိတ်တစ္ဆေ စာရေးသူ စာမရေးဖြစ်သည်မှာ ကြာတောင့်ကြာရှည်ရှိပါပြီ။ စာရေးစားပွဲတွင် ကြိုးစားထိုင်လိုက်တိုင်း စကားလုံးတွေက ရောက်မလာ။ စာရွက် ဗလာတွေသာ ထားခဲ့ရသည်။ စာရေးသည့် အလုပ်က အနာဂတ်အမြင် ကြည်လင်ပါမှ လက်ကသွက် စာကထွက်တတ်ရာ ဝင်စားစိတ်ကို အနာဂတ် သို့ ပို့ကြည့်ပါသည်။ မရ။ ဘယ်လိုမှမရ။ အတိတ်တွင်သာ ဝဲလည်လိုက်ရင်း ပစ္စုပ္ပန်ကို ပြန်လန့်နေသည်။ မခက်ပါလား။

စာရေးသူအမြင်၊ လွတ်လပ်ရေးရပြီး နောက်ပိုင်း မြန်မာ့နိုင်ငံရေးတွင် အားတက်မျှော်လင့်စရာ “နှင်းခဲပျော်ချိန်” နှစ်ကြိမ်ရှိခဲ့သည်ဟု ထင်သည်။ ၁၉၆၀ ပြည့်လွန်နှစ်များနှင့် ၂၀၁၀ ပြည့်လွန်နှစ်များ …။ ပထမနှင်းခဲပျော်ချိန် ကို ၁၉၆၀ ရွေးကောက်ပွဲနှင့် ဖွင့်ခဲ့သည်။ ဤရွေးကောက်ပွဲတွင် သန့်ရှင်း ဖဆပလ(ပထစ)က ၊ “ဖက်ဆစ်ဝါဒကို ရွေးမည်လော၊ ဒီမိုကရေစီဝါဒကို ရွေးမည်လော …” ဆိုသော ကြွေးကြော်သံဖြင့် ဝင်သည်။ လူထုက “အသည်းကြားက မဲပြားများ” ဖြင့် ဒီမိုကရေစီကို ရွေးခဲ့ကြသည်။ သို့တစေ မျှော်လင့်သလိုကား မဖြစ်။ ပထမဇာတ်ကွက် …၊ အာဏာရပါတီ အကွဲအပြဲ၊ ဒုတိယ ဇာတ်ကွက် …၊ ဗုဒ္ဓဘာသာကို နိုင်ငံတော်ဘာသာ ကြေညာချက်နှင့် နောက်ဆက်တွဲ ပြဿနာများ၊ တတိယဇာတ်ကွက် … ဖက်ဒရယ်ဆွေးနွေးပွဲများ …။ နောက်ဆုံး “တော်လှန်ရေးကောင်စီ” က ဒီမိုကရေစီ ဇာတ်ကြီးတစ်ခုလုံးကို ပြည်ဖုံးကား ချပစ်လိုက်သည်။
၂၀၁၀ ရွေးကောက်ပွဲက နှစ်ပေါင်း ၅၀ နီးပါးမျှ ရပ်နားထားခဲ့ရသော ဒီမိုကရေစီဇာတ်ကြီးကို ပြန်စဖို့ ပြည်ဖုံးကားကြီး ပြန်ဖွင့်လိုက်သည်။ ၂၀၁၂ ကြားဖြတ်ရွေးကောက်ပွဲ အပြီးတွင် ဇာတ်ကွက်တွေ ပိုမြိုင်လာသည်။ ဒုတိယ နှင်းခဲပျော်ချိန် …။ အမှန်ပင် အားတက်ဖို့ ကောင်းပါသည်။ တကယ်လည်း အားတက်ရပါသည်။ သို့တစေ အပြည့်အဝတော့လည်း အားမတက်နိုင်။ အတိတ်၏အရိပ် များကို ပစ္စုပ္ပန်တွင် မြင်နေရသည်။
သမိုင်းသည် တစ်ကျော့ လည်တတ်သလော …။

အကွဲအပြဲဇာတ်လမ်း

“မွေးကတည်းက အကွဲပါ၊ ဗိန္ဓောဆရာ ကုလို့မရ” ဆိုသော စာပြောင်သံချပ်မှာ မြန်မာ့နိုင်ငံရေးကို ရည်ရွယ်လေသည်လား မသိ။ ကြည့်ပါ၊ ဖဆပလ အဖွဲ့ကြီး ကွဲလို့မှ ဒဏ်ရာ မကျက်တတ်သေးမီ သန့်ရှင်း ဖ.ဆ.ပ.လ တစ်ဖြစ်လဲ ပထစတွင်လည်း “ဦးဗိုလ်-သခင်” ကွဲကြပြန်သည်။ ဤအကွဲက မဲဆန္ဒရှင် လူထု၏ ဒီမိုကရေစီအိပ်မက်ကို စိတ်ပျက်စရာ ဖြစ်စေခဲ့သည်။

၂၀၁၂ ရွေးကောက်ပွဲနောက်ပိုင်း အစဉ်အလာ ဆန့်ကျင်ဘက် အင်အားစုများကြား ပြေလည်ရေးလမ်းစ ပေါ်လာရာ မျှော်လင့်လို့မှ မဆုံးသေးမီမှာပင် မထင်မှတ်သော နေရာမှ မထင်မှတ်သော “အက်သံ” အချို့ကို စတင်ကြားလာရသည်။ အချိန်ကြာလာ သည်နှင့်အမျှ၊ ဒီမိုကရေစီ အတွေ့အကြုံ ရင့်ကျက်လာသည်နှင့်အမျှ အဆိုပါအက်သံများ၊ တဖြည်းဖြည်း မှိန် ဖျော့လာလိမ့်မည် မှန်းဆရသော်လည်း လက်တွေ့တွင် ထင်တိုင်းမဖြစ်။ ပိုစိပ်လာသည်။ ထိပ်တိုက်သဘော ပိုဆောင်လာသည်။ အက်သံမက ကွဲသံ ပါလာသည်။ “ပြုပြင်ပြောင်းလဲရေးကာလတွင် သဘာဝကျစွာ ကြုံတွေ့ရမည့် နိုင်ငံရေးပွတ်တိုက်မှုများ” ဟု ဆိုသော်လည်း သဘာဝမကျတာတွေ ရှိလာသည်။ ဒီမိုကရေစီတွင် ငြင်းကြ၊ ခုံကြ၊ သဘောကွဲလွဲကြတာတွေ ရှောင်မရ သော်လည်း “ဖြုတ်ထုတ်သတ်” အထိ ဘရိတ်မပေါက်ကြဖို့ လိုပါလိမ့်မည်။ (ပဲခူးရိုးမ ဗကပတွေလို “ငဆော်ကြီး”၊ “ငခုတ်ကြီး” တွေနှင့်ချမှ သတ်ရာ ရောက်သည်မဟုတ်။ နိုင်ငံရေးအရ နာလန်မထူအောင် တွယ်ကြသည် မှာလည်း “သတ်” ခြင်းတစ်မျိုးသာ ဖြစ်သည်။)

ပထစကွဲစဉ်ကတော့ ဥက္ကဋ္ဌကြီးဦးနုက ယခုလို ဝင်ထိန်းဖူးသည်။
“ဘယ့်နှယ်လဲ၊ ကိုရွှေဦးဗိုလ်နဲ့ ကိုရွှေသခင်တို့၊ တစ်ယောက်ကိုတစ်ယောက် အပြန်အလှန် အုပ်နေကြတာ၊ မမောကြသေးဘူးလား …” စသည်ဖြင့်။ ယခု ဥက္ကဋ္ဌ ကြီးများ ကိုယ်တိုင် အကြိတ်အနယ် ဖြစ်နေတော့ နာယကကြီးကိုယ်တိုင် ထိန်းမှရတော့မည်လား မသိ။ ပြည်တော်ပြန် ကိုမင်းဇင်(တစ်ခါက တာရာငြိမ်းချမ်း) ပြောသော “နာယကကြီး ကျန်းမာဖို့အရေးကြီး” ဆိုသည့်စကားမှာ လူကြိုက်မများသည့်တိုင် “ခါးသီးသောအမှန်” ဖြစ်နေမလား မဆိုနိုင်။

ဘာသာရေးနှင့် နိုင်ငံရေး

ပထမနှင်းခဲပျော်ချိန်၏ ဒုတိယဇာတ်ကွက်ကို ဆက်ပါမည်။ ၁၉၆၁ ခုနှစ် သြဂုတ်လ ၂၆ ရက်တွင် ပထစအစိုးရက ဗုဒ္ဓဘာသာကို နိုင်ငံတော်ဘာသာ အဖြစ် ပြဋ္ဌာန်းလိုက်သည်။ ဗုဒ္ဓဘာသာဝင် တစ်ဦးအနေနှင့် ဦးနုကို လေးစားရမည်ဖြစ်သော်လည်း နိုင်ငံခေါင်းဆောင် တစ်ယောက်အနေနှင့်မူ ထိုစဉ်က အခြေခံဥပဒေ (၁၉၄၇ ဥပဒေ) ပါ ဘာသာရေးနှင့် နိုင်ငံရေး စည်းခြားထားမှု အနှစ်သာရကို ဖျက်သိမ်းရာ ရောက်သွားသည်။ နိုင်ငံတကာ ဒီမိုကရေစီ အစဉ်အလာနှင့်လည်း ဆန့်ကျင်ရာရောက်သည်ဟု ထင်သည်။ ပြည်တွင်းတွင် ဘာသာရေး၊ လူမှုရေး မငြိမ်သက်မှုများသာမက ပြည်တွင်းစစ် ကိုပင် အပြန့်ကျယ်သွားစေခဲ့သည်။
ယခုအခါတွင်လည်း ရခိုင်ပြည်နယ်မှ အရေးကို ဒေသတွင်း ကန့်သတ် မဖြေရှင်းနိုင်ရာမှ တစ်ပြည်လုံးလောက် ပျံ့နှံ့သွားခဲ့ကာ ဘာသာရေး လူမျိုးရေးအသွင် ဆောင်လာသည်။ အမှန်စင်စစ် ရခိုင်အရေးမှာ သမိုင်း ဇာစ်မြစ်များနှင့် ဆက်စပ်နေသော ပထဝီနိုင်ငံရေးပြဿနာ ဖြစ်သည်။ နိုင်ငံရေးနည်းဖြင့်သာ ဖြေရှင်း ကြရပါလိမ့်မည်။ ဘာသာရေး လူမျိုးရေးသဘော မဖြစ် ဖြစ်အောင် ရည်ရွယ်ချက်ရှိရှိ အကွက်ဆင် လုပ်ကြံဖန်တီးမှုများ ရှိနိုင်သည်ကိုလည်း သတိချပ်ဖို့ လိုပါသည်။
ပထမခေတ် နိုင်ငံတော် ဘာသာပြဋ္ဌာန်းချက်နှင့် နောက်ဆက်တွဲ ပြဿနာများနှင့် ပတ်သက်ပြီး ဝါရင့်နိုင်ငံရေး သမားကြီးတစ်ဦး ဖြစ်သူ ဝိဓူရသခင်ချစ်မောင်၏ မှတ်ချက် စကားကို လက်ရှိအခြေအနေနှင့် ဆက်စပ်စဉ်းစားနိုင်စေရန် ပြန်လည် ဖော်ပြလိုသည်။ ယခုလို … “၁၉၅၈-၅၉ မှစ၍ သယ်လာခဲ့သော ပြည်သူတို့၏ နိုင်ငံရေး ဒီမိုကရေစီရေး အုံကြွမှုကြီးသည် အလွန်နှမြောစရာ ကောင်းလောက်အောင် ဘာသာရေးတိုက်ပွဲဖြင့် လမ်းလွဲခံရကာ ဇာတ်မျောကွယ် ပျောက်သွားခဲ့ရတော့သည် …” ဟူ၏။ ယခုလည်း ၁၉၈၈ ခုနှစ် ကတည်းက သယ်ဆောင်လာ သော ဒီမိုကရေစီအရေးတော်ကြီး ကို မျက်ခြည်မပြတ် စောင့်ရှောက် ရှေ့ဆက်နိုင်ရန် အထူးအရေးကြီး လိမ့်မည်ဟု သဘောရပါသည်။

သိမ်မွေ့သည်လည်းရှိသော၊ အကဲဆတ်သည်လည်းဖြစ်သော

ပထမနှင်းခဲပျော်ချိန်၏ တတိယဇာတ်ကွက်မှာ မြန်မာ့နိုင်ငံရေး၏ အသိမ်မွေ့ဆုံးလည်းဖြစ် အကဲဆတ်ဆုံးလည်း ဖြစ်သော လူမျိုးစုပြဿနာ နှင့် ဆက်စပ်နေသည်။ သမိုင်းကို ပြန်လှန်ရလျှင် တောင်တန်းမြေပြန့်မခွဲ လွတ်လပ်ရေး အတူယူကြမည်ဆိုသော ပင်လုံစိတ်ဓာတ်ဖြင့် ဇာတ်ပန္နက်တည် ခဲ့ကြရာမှ မပြီးပြတ်သေးသော လူမျိုးစုပြဿနာ အဖြေရှာရေးမှာ ၁၉၆၀ ရွေးကောက်ပွဲအပြီးမှ အခွင့်သာလာခဲ့သည်။ ယနေ့ထက်တိုင် မြန်မာ့နိုင်ငံရေး အပေါ် အရှိန်ပြင်းပြင်း လှုပ်ခတ်နေဆဲ “ရှမ်းမူ” ခေါ် “ဖက်ဒရယ်မူ” မှာ ဤနောက်ခံအခင်းအကျင်းတွင် ပေါ်ထွက်လာခြင်း ဖြစ်သည်။ ဤနေရာတွင် ဖက်ဒရယ်မူနှင့် ပတ်သက်ပြီး အဆိုးအကောင်းကို မဝေဖန်လိုသည့်တိုင် လက်တွေ့ အကောင်အထည် ဖော်ရာတွင်မူ ထိုစဉ်က ရှိနေခဲ့သော ဖြစ်တန်ရာ ဘေးထွက်ဆိုးကျိုး များအပေါ် တွက်ဆမှု အားနည်းသည်များ ရှိခဲ့လေသလား စဉ်းစားမိသည်။ ဥပမာ-တောင်ကြီးစားမြိန်ရိပ်သာ ညီလာခံတွင် “ဗမာ” ကို မဖိတ်ကြားခဲ့ခြင်း၊ ရန်ကုန်အသံလွှင့်ရုံ ဆွေးနွေးပွဲများတွင် တပ်မတော် မပါဝင်ခဲ့ခြင်း စသည်တို့ဖြစ်သည်။
ယခု ဒုတိယနှင်းခဲပျော်ချိန်တွင် ဆိုခဲ့ပါ လူမျိုးစုပြဿနာ အဖြေရှာရေး အတွက် လမ်းစ ပြန်ပေါ်လာသည်။ ဤတွင် လမ်းကြောင်းနှစ်ရပ် သိသိသာသာ ပေါ်လာသည်။ ပထမလမ်းကြောင်းမှာ မကြာသေးခင်က ကျင်းပပြီးစီးခဲ့သော ချင်းမိုင်ဆွေးနွေးပွဲမှ လာသည်။ လက်ရှိ ၂၀၀၈ အခြေခံဥပဒေကို လက်မခံ၊ ဖက်ဒရယ် စင်စစ် အခြေခံဥပဒေသစ် ရေးဆွဲမည်ဟု ဆိုသည်။ ဤအဆိုကို ပြည်တွင်းပြည်ပ မီဒီယာအချို့က ပဲ့တင်ထပ်ကြသည်။ Opinion Leader ဆိုသူများကလည်း ဝိုင်းဝန်းချီးပကြသည်။ ရယ်ဒီကယ်အကျဆုံး အစွန်းရောက်အုပ်စုများက ဆိုလျှင် “ဖျက်သုံးဖျက် ကြွေးကြော်သံ” ပင် တင်လာကြသည်များ ရှိသည်။ (အခြေခံဥပဒေဖျက်၊ ဦးပိုင်ဖျက်၊ ကာလုံဖျက် စသဖြင့်) လက်ခုပ်သံ တဖြောင်းဖြောင်း ရနိုင်သည့်တိုင် အဖြေရဖို့မလွယ်။ ဆန့်ကျင် ဘက်အကျိုးဆက်နှင့်ပင် တိုးနိုင်သည်ဟု ဆင်ခြင်ရပါသည်။

လက်ရှိ ၂၀၀၈ အခြေခံဥပဒေကို ဖက်ဒရယ်စစ် မစစ် ခြေကန်ငြင်း နေကြမည့်အစား ဤဥပဒေပါ ပြဋ္ဌာန်းချက်များကို “ပေးထားချက်” အဖြစ် ယူကာ မိမိတို့ လိုလားသော ဖက်ဒရယ် အနှစ်သာရများကို ညှိနှိုင်းဆွေးနွေး ကြလျှင်ကော … မဖြစ်နိုင်ပေဘူးလား … စဉ်းစားကြစေချင်သည်။ အပြည့်အဝ မဟုတ်လျှင်သော်မှ အဖြေအချို့ ရနိုင်စရာရှိသည်ဟု မြင်သည်။ ပေးထားချက်တွင် မပါသော “သယံဇာတခွဲဝေရေး” အတွက်ပင် အဆင်ပြေကောင်း ပြေနိုင်စရာရှိမည် ထင်သည်။ ဤနေရာတွင် “မယိမ်းမယိုင် ကျောက်စာတိုင်” ဆိုသော သမားရိုးကျခံယူချက် ဆိုသည်ထက် လိမ္မာပါးနပ် သော နိုင်ငံရေးအမြော်အမြင်က အဓိကကျပါလိမ့်မည်။ ဒုတိယနှင်းခဲ ပျော်ချိန်ကို ပထမနှင်းခဲပျော်ချိန်လို ကံကြမ္မာမျိုး မတိုးစေဖို့ သတိကြီးကြီး ထားကြစေချင်သည်။

တွိုင်ဘီစကား

ထပ်ပြောပါဦးမည်။ “သမိုင်းသည် တစ်ကျော့လည်တတ်ပါသလော” ..။
မာ့စ်ဝါဒီ သမိုင်းဆရာများကမူ “သမိုင်းဘီးကြီးမှာ ဘယ်တော့မှ နောက်ပြန်မလည်၊ ရှေ့သို့သာချီမြဲ” ဟု ယတိပြတ်ဆိုသည်။ အကျော်ဇေယျ သမိုင်းဆရာကြီး ပါမောက္ခ တွိုင်ဘီကမူ “သမိုင်းတစ်ကျော့လည်တတ်သည်” ဟု အခိုင်အမာ ဆိုပါသည်။ အထူးသဖြင့် သမိုင်းဇာတ်ကောင်များ၏ အသိပညာ ရေချိန် တန့်ခံနေလျှင် သမိုင်းတစ်ကျော့ လည်တတ်သည်ဟု သတိပေးသည်။
၁၉၆၀ ပြည့်လွန်နှစ်များနှင့် ၂၀၁၀ ပြည့်လွန်နှစ်များ …။ တစ်နည်း ၂၀ ရာစုနှင့် ၂၁ ရာစု …။ ကမ္ဘာကြီးမှာ အကြီးအကျယ် ပြောင်းသွားခဲ့ပါပြီ။
ကျွန်တော်တို့သည်ကား …။
ကျော်ဝင်း

Read More

ကရင်လက်နက်ကိုင် အဖွဲ့များက ဖွဲ့စည်းပုံ အခြေခံဥပဒေတွင် ပြင်ဆင်လိုသည့် အချက်များအား အစိုးရသို့ မတင်ပြမီ ကရင်စည်းလုံးရေးနှင့် ငြိမ်းချမ်းရေး ကော်မတီသို့ ဦးစွာတင်ပြမည်

 
သြဂုတ် ၃၁ ရက်က နေပြည်တော်တွင် ပြုလုပ်ခဲ့သည့် ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် တိုင်းရင်းသား ကိုယ်စားလှယ်များ တွေ့ဆုံဆွေးနွေးပွဲ၌ KNU ဥက္ကဋ္ဌ ဗိုလ်ချုပ်ကြီး စောမူတူးစေးဖိုးနှင့် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်းတို့ တွေ့ဆုံနှုတ်ဆက်စဉ် (ဓာတ်ပုံ-စိုးမင်းထိုက်)
ကရင်လက်နက်ကိုင် အဖွဲ့များက ဖွဲ့စည်းပုံ အခြေခံဥပဒေပါ အချက်များအပြင် အခြားပြင်ဆင်လိုသည့် ကိစ္စရပ်များအား အစိုးရသို့ မတင်ပြမီ ကရင်စည်းလုံးရေးနှင့် ငြိမ်းချမ်းရေး ကော်မတီသုိ့ဦးစွာတင်ပြ ဆွေးနွေးမည်ဖြစ်ကြောင်း အဆိုပါကော်မတီဝင် ဖလုံ-စဝေါ် ဒီမိုကရက်တစ်ပါတီမှ ဒုတိယဥက္ကဋ္ဌ ဦးမန်းအောင်ပြည်စိုးက ပြောကြားသည်။
ထိုကဲ့သို့ ကရင်စည်းလုံးရေးနှင့် ငြိမ်းချမ်းရေးကော်မတီနှင့် ကရင်လက်နက်ကိုင် အဖွဲ့များ တွေ့ဆုံဆွေးနွေးရန် ကော်မတီအနေဖြင့် စက်တင်ဘာ ၇ ရက်တွင် ပဏာမ အစည်းအဝေး ပြုလုပ်မည်ဖြစ်ပြီး အစည်းအဝေး၌ ဆုံးဖြတ်ချက်ဖြင့် မည်သည့်နေ့တွင် တွေ့ဆုံမည်ကို သိရှိရမည်ဖြစ်ကြောင်း သိရသည်။
"သူတို့က ဖွဲ့စည်းပုံအပါအ၀င် တခြားအချက်တွေကို အစိုးရကို သူတို့က တင်ပြဖို့ရှိတယ်။ အဲဒါတွေကို သူတို့က ကျွန်တော်တို့ ကော်မတီကို ချပြပြီးတော့ အကြံဥာဏ် ရယူမယ်လို့ သိရတယ်။ တွေ့ဆုံဆွေးနွေးမယ့် ရက်ကတော့ မသိရသေးဘူး" ဟု ဖလုံ-စဝေါ် ဒီမိုကရက်တစ်ပါတီမှ ဒုတိယဥက္ကဋ္ဌ ဦးမန်းအောင်ပြည်စိုးက ပြောကြားသည်။
ကရင်စည်းလုံးရေးနှင့် ငြိမ်းချမ်းရေး ကော်မတီကို ၂၀၁၃ ခုနှစ် ဧပြီ ၂၉ ရက်နှင့် ၃၀ ရက်များတွင် ကရင်ပြည်နယ် ဘားအံမြို့၌ ပြုလုပ်သော ကရင်ရေးရာ အစည်းအဝေးတွင် ကရင်လူမျိုး လွှတ်တော်ကိုယ်စားလှယ်များ၊ ကရင်နိုင်ငံရေး ပါတီများမှ ပါတီဝင်များ၊ ကရင်လက်နက်ကိုင် အဖွဲ့များ၊ ငြိမ်းချမ်းရေး ယူထားသည့် ကရင်အဖွဲ့အစည်းများမှ ကိုယ်စားလှယ်များ အပါအ၀င် စုစုပေါင်း ၃၇ ဦးဖြင့် ဖွဲ့စည်းခဲ့ခြင်းဖြစ်ပြီး ယခုအခါ အဖွဲ့ဝင် ၅၂ ဦးဖြင့် ပြင်ဆင်ဖွဲ့စည်းထားကြောင်း သိရသည်။
အလားတူ ကရင်နိုင်ငံရေး ပါတီများမှလည်း ကရင်လူမျိုး တိုးတက်ရေးအတွက် ဘားအံမြို့၌ စက်တင်ဘာ ၁၄ ရက်မှ ၁၅ ရက်အထိ နှစ်ရက်ကြာ ဆွေးနွေးပွဲတစ်ခု ပြုလုပ်ရန် စီစဉ်နေပြီး ကရင်နိုင်ငံရေး ပါတီများ ပူးပေါင်းရေး၊ ၂၀၁၅ ရွေးကောက်ပွဲတွင် ကရင်ပါတီများ စုပေါင်း၍ ၀င်ရောက်ယှဉ်ပြိုင်ရေး၊ ၂၀၁၀ ပြည့်နှစ် ရွေးကောက်ပွဲ မကျင်းပနိုင်ခဲ့သည့် မဲဆန္ဒနယ်များကို ၂၀၁၅ တွင် ရွေးကောက်ပွဲ ကျင်းပနိုင်ရေး၊ မြန်မာနိုင်ငံ၌ ကရင်အမျိုးသား အများစု နေထိုင်သည့် နေရာဒေသများတွင် အသက် ၁၈ နှစ် ပြည့်ပြီးသူများ မှတ်ပုံတင် ရရှိရေးနှင့် မဲပေးခွင့် ရရှိရေး စသည့်အချက်များအား ထည့်သွင်းဆွေးနွေးရန် စီစဉ်ထားကြောင်း သိရသည်။

Eleven

Read More

မြန်မာနိုင်ငံသို့ ပြန်လာလိုသည့် မလေးရှားရှိ မြန်မာအလုပ်သမားများအား သီတဂူ အထောက်အကူပြု အဖွဲ့နှင့် MAI လေကြောင်းလိုင်းတို့ ပူးပေါင်းပြီး ပြန်လည်ပို့ဆောင်ပေးမည်

မြန်မာနိုင်ငံသို့ ပြန်လာလိုသည့် မလေးရှားရှိ မြန်မာအလုပ်သမားများအား သီတဂူ အထောက်အကူပြုအဖွဲ့ (မလေးရှား)နှင့် MAI လေကြောင်းလိုင်းတို့ ပူးပေါင်းပြီး ပြန်လည်ပို့ဆောင် ပေးသွားမည်ဖြစ်ကြောင်း သီတဂူ အထောက်အကူပြုအဖွဲ့၏ ဘဏ္ဍာရေးမှူး၊ မြန်မာပြည်တာဝန်ခံ ဒေါက်တာမြတ်သူက The Daily Eleven သို့ ပြောကြားသည်။
မလေးရှားတွင် တရားမ၀င် သွားရောက်အလုပ် လုပ်ကိုင်နေပြီး ဒုက္ခရောက်နေသည့် မြန်မာများအား လေယာဉ်လက်မှတ် အခမဲ့ဖြင့် MAI မှ ပြန်လည်ပို့ဆောင်ပေးရန် စီစဉ်လျက်ရှိပြီး သီတဂူ အထောက်အကူပြု အဖွဲ့မှ လက်ရှိကောက်ခံ ရရှိထားသော အလှူငွေများဖြင့် လေယာဉ်သုံးစင်းစာ ပို့ဆောင်ပေးမည်ဖြစ်ကြောင်း သိရသည်။

အမှန်တကယ် ဒုက္ခရောက်သူတွေကို ဦးစားပေးအနေနဲ့ ပြန်လည်ပို့ပေး သွားမှာပါ။ ကျန်းမာရေး မကောင်းသူတွေ၊ ကိုယ်ဝန်ဆောင်တွေ၊ ကလေးရှိတဲ့သူတွေ၊ အမျိုးသမီးတွေ အဲလိုလူတွေကို ဦးစားပေး ပြန်ခေါ်သွားပါမယ် . . . . .

"သီတဂူ ဆရာတော်ကြီးက လက်ရှိအလှူငွေ အမေရိကန်ဒေါ်လာ ၁၂၈၀၀၀ ခန့် ရထားပြီးပြီ။ လေယာဉ်တစ်ခေါက်ကို လူ ၁၇၀ ကျော် ပါမယ်။ တစ်ခေါက်ကုန်ကျစရိတ်က လေယာဉ်ခမပါ ဒေါ်လာလေးသောင်းလောက် ကုန်မယ်ဆိုတော့ သုံးခေါက်ပို့ပေး သွားပါမယ်" ဟု ဒေါက်တာမြတ်သူက ပြောကြားသည်။
သီတဂူ အထောက်အကူပြုအဖွဲ့၏ မြန်မာပြည်ဆိုင်ရာ ကိုယ်စားလှယ်အဖွဲ့မှ စက်တင်ဘာ ၉ ရက်တွင် မလေးရှားနိုင်ငံသို့ သွားရောက်မည်ဖြစ်ပြီး စက်တင်ဘာ ၁၃ ရက်တွင် ပထမဆုံး အခေါက်အဖြစ် ပို့ဆောင်ပေးမည်ဖြစ်ကြောင်း သိရသည်။
"အမှန်တကယ် ဒုက္ခရောက်သူတွေကို ဦးစားပေးအနေနဲ့ ပြန်လည်ပို့ပေး သွားမှာပါ။ ကျန်းမာရေး မကောင်းသူတွေ၊ ကိုယ်ဝန်ဆောင်တွေ၊ ကလေးရှိတဲ့သူတွေ၊ အမျိုးသမီးတွေ အဲလိုလူတွေကို ဦးစားပေး ပြန်ခေါ်သွားပါမယ်။ သြဂုတ်လကုန်ပိုင်း မလေးရှားမှာ စအဖမ်းခံ ရကတည်းက ဆရာတော်က ပြန်ခေါ်ဖို့ စီစဉ်နေတာပါ" ဟု ဒေါက်တာမြတ်သူက ဆက်လက်ပြောကြားသည်။
စက်တင်ဘာ ၁၃ ရက်တွင် ဆိုက်ရောက်မည့် ပထမဆုံးအကြိမ်တွင် မြန်မာအလုပ်သမားများအား သီတဂူ ဆရာတော်ကိုယ်တိုင် လေဆိပ်၌ သွားရောက်ကြိုဆိုမည်ဖြစ်ကြောင်း သိရသည်။ မလေးရှားနိုင်ငံတွင် နိုင်ငံတွင်း တရားမ၀င် နေထိုင်သူများအား စက်တင်ဘာ ၁ ရက်မှ စတင်၍ လုပ်ဆောင်ခဲ့သည့် အထူးစီမံချက်ဖြင့် နိုင်ငံအနှံ့ ပိုက်စိပ်တိုက် ဖမ်းဆီးနေမှုကြောင့် မြန်မာအလုပ်သမား ရာနှင့်ချီ၍ ဖမ်းဆီးခံနေရသည်။ မလေးရှားနိုင်ငံတွင် တရားမ၀င် နေထိုင်နေသူဦးရေ အများဆုံးမှာ အင်ဒိုနီးရှား နိုင်ငံသားများဖြစ်ကြပြီး မြန်မာနိုင်ငံသားများမှာ ဒုတိယအများဆုံး ဖြစ်သည်။ လက်ရှိအချိန်ထိ မလေးရှားနိုင်ငံတွင် မြန်မာရွှေ့ပြောင်း အလုပ်သမား အရေအတွက် ၇၀၀၀၀၀ ခန့် ရှိနေပြီး ထိုအထဲတွင် ၈၀ ရာခိုင်နှုန်းမှာ တရားမ၀င် အလုပ်သမားများ ဖြစ်နေကြောင်း သိရသည်။

Eleven

Read More

လာဘ်ငွေယူကာ အာဏာအလွဲသုံးစား လုပ်မှုဖြင့် စွပ်စွဲခံထားရသော ပြည်နယ်တရားသူကြီးအား ရခိုင်ပြည်နယ် လွှတ်တော်က ကော်မရှင်ဖွဲ့ စစ်ဆေးနေပြီ

သမ္မတက ခန့်ထားသည့် ပြည်နယ်တရားသူကြီးအား လာဘ်ငွေယူကာ အာဏာအလွဲသုံးစား လုပ်မှုဖြင့် ပြည်နယ်လွှတ်တော်၏ စွပ်စွဲမှုကို ရင်ဆိုင်နေရခြင်းအား ပြည်နယ်လွှတ်တော်မှ စုံစမ်းစစ်ဆေးရေး ကော်မရှင်ဖွဲ့ စစ်ဆေးနေပြီဖြစ်ကြောင်း ပြည်နယ်လွှတ်တော် ကိုယ်စားလှယ် ဦးအောင်မြကျော်က ပြောကြားသည်။
စွပ်စွဲခံရသူ ပြည်နယ်တရားသူကြီး ဒေါ်စီစီမှာ ၂၀၁၁ ခုနှစ် မတ်လတွင် နိုင်ငံတော်သမ္မတ၏ အမိန့်အရ ခန့်အပ်တာဝန် ပေးထားသူဖြစ်ပြီး သြဂုတ် ၂၆ ရက်က ကျင်းပသည့် ရခိုင်ပြည်နယ်လွှတ်တော် ပထမအကြိမ်၊ သတ္တမပုံမှန် အစည်းအဝေး၌ ကိုယ်စားလှယ် ၁၄ ဦးက ဒေါ်စီစီအား ဆန်စပါး အရောင်းအ၀ယ် ကိစ္စဖြင့် ငွေလိမ်သူတစ်ဦးအပေါ် လာဘ်ငွေယူ၍ အကာအကွယ် ပေးသည်ဟု စွပ်စွဲခဲ့ခြင်း ဖြစ်သည်။
ရခိုင်ပြည်နယ် လွှတ်တော်သည် ယင်းအမှုကို စုံစမ်းစစ်ဆေးရန် အဖွဲ့ဝင်ငါးဦးပါ စုံစမ်းစစ်ဆေးရေး ကော်မရှင်ကို သြဂုတ် ၃၀ ရက်က ဖွဲ့စည်းခဲ့ပြီး ကော်မရှင်သည် စက်တင်ဘာ ၂ ရက်မှ အောက်တိုဘာ ၁၆ ရက်အတွင်း စုံစမ်းမှုကို ပြီးစီးအောင် ဆောင်ရွက်ရမည်ဖြစ်ကြောင်း သိရသည်။
စုံစမ်းရေးကော်မရှင် အဖွဲ့ဝင်တစ်ဦးဖြစ်သူ ဦးအောင်မြကျော်က "ကော်မရှင်က သတ်မှတ်ကာလ အတွင်းမှာ စုံစမ်းမှုတွေ လုပ်ပြီးတဲ့အခါ စစ်ဆေးတွေ့ရှိချက် အစီရင်ခံစာကို လွှတ်တော်သို့ ပြန်လည်တင်ပြရမှာ ဖြစ်ပါတယ်။ အစီရင်ခံစာကို လွှတ်တော်ကိုယ်စားလှယ် သုံးပုံနှစ်ပုံက လက်ခံရင် ဒေါ်စီစီအနေနဲ့ ရာထူးကနေ ဖယ်ရှားခံရကောင်း ခံရနိုင်ပါတယ်" ဟု ပြောကြားသည်။
အမှုဖြစ်စဉ်မှာ မြောက်ဦးမြို့မှ ဒေါ်မသန်းတင်ဆိုသူက ဆန်စပါးရောင်းဝယ်ရာတွင် ကျပ်သိန်း ၄၃၀၀ ကျော်ကို လိမ်လည်ခဲ့သည်ဆိုကာ ဒေသခံ ၉၀ ကျော်က မြို့နယ်တရားရုံး၌ စွဲဆိုစဉ် ပြည်နယ်တရားသူကြီး ဒေါ်စီစီက လာဘ်ငွေယူ၍ အမှုကို ပယ်ချခဲ့သည်ဟု တရားလိုဘက်က ပြည်နယ်လွှတ်တော်သို့ တိုင်တန်းလာသောကြောင့် ယခုကဲ့သို့ အဆိုတင်သွင်း ခဲ့ရခြင်းဖြစ်ကြောင်း ဦးအောင်မြကျော်က ပြောကြားသည်။
ပြည်နယ်လွှတ်တော် ဥပဒေအကြံပေးအဖွဲ့ဝင် ဦးကောင်းစံရှီက ရခိုင်ပြည်နယ် လွှတ်တော်သက်တမ်း၌ လွှတ်တော်မှ အရာရှိတစ်ဦးအား စစ်ဆေးခြင်းမှာ ပထမဆုံးအကြိမ်ဖြစ်ကြောင်း ပြောဆိုခဲ့ပြီး ဖွဲ့စည်းပုံ အခြေခံဥပဒေ ပုဒ်မ ၃၁၁ အရ စွပ်စွဲပြစ်တင်မှု မှန်ကန်၍ လွှတ်တော်ကိုယ်စားလှယ် သုံးပုံနှစ်ပုံက ဆက်လက်တာဝန်ထမ်းဆောင်ရန် မသင့်တော့ဟု ဆုံးဖြတ်လျှင် ပြည်နယ်လွှတ်တော်ဥက္ကဋ္ဌက ၀န်ကြီးချုပ်မှတစ်ဆင့် သမ္မတကို တင်ပြရမည်ဖြစ်ပြီး သမ္မတက စွပ်စွဲပြစ်တင် ခံရသူကို ရာထူးမှ ရပ်စဲရမည်ဖြစ်ကြောင်း ပြောကြားသည်။
ရခိုင်ပြည်နယ် လွှတ်တော်၏ စွပ်စွဲမှုများနှင့် ပတ်သက်၍ တရားသူကြီး ဒေါ်စီစီ၏ အိမ်ဖုန်းနှင့် လက်ကိုင်ဖုန်းအား အကြိမ်ကြိမ် ဆက်သွယ်ခဲ့သော်လည်း ဆက်သွယ်၍ မရရှိခဲ့ပေ။ 

Eleven

Read More

နယ်မြေရှင်းလင်းရေးဆောင်ရွက်နေသည့် တပ်မတော်စစ်ကြောင်းတစ်ခုအား KIA မှ ခြုံခို တိုက်ခိုက်ခဲ့

စက်တင်ဘာလ ၄ ရက် ၂၀၁၃

ကချင်ပြည်နယ် ပူတာအိုခရိုင်မချမ်းဘောမြို့နယ် အင်ခါးကားကျေးရွာအနီးတွင် သြဂုတ်လ ၂၈ ရက်နေ့က နယ်မြေ ရှင်းလင်းရေးဆောင်ရွက်နေသော တပ်မတော် စစ်ကြောင်းတစ်ခုအား ကချင်လွတ်မြောက်ရေး တပ်မတော်(KIA)အဖွဲ့ တစ်ဖွဲ့မှ ချုံခိုတိုက်ခိုက်မှုကြောင့် နှစ်ဖက်တိုက်ပွဲဖြစ်ပွားခဲ့ကြောင်း ဒေသခံများထံမှ သိရသည်။

``ကျွန်တော်တို့ ရွာနားမှာ တပ်မတော်စစ်ကြောင်းကို KIA အဖွဲ့က စပြီးတိုက်တာပါ၊ သေနတ်သံတွေလည်း ကြားရတယ်။ တိုက်ပွဲဖြစ်တော့ ရွာသူရွာသားအားလုံး တောထဲကို ထွက်ပြေးကြတာပေါ့၊ ကျွန်တော်ကတော့ တစ်မိသားစုလုံးခေါ်ပြီး စက်လှေနဲ့ထွက်ပြေးလာတာပါ´´ဟု မချမ်းဘောမြို့သို့ ထွက်ပြေးလာသော အင်ခါးကား ကျေးရွာသားတစ်ဦးက ပြောပြ သည်။

သူကဆက်လက်၍ ``ကျွန်တော်တို့ရွာက အိမ်ခြေ ၂၀ ကျော်နဲ့ လူဦးရေ ၂၀၀ ခန့် ရှိပါတယ်။ မိုင် ၄၀ ဝေးတဲ့ မချမ်းဘော ကို ပြေးလာတာ ၁၁ ယောက်ရှိပါတယ်။ အခုတော့ မချမ်းဘောနှစ်ခြင်းအသင်းတော်မှာ ဖွင့်ထားတဲ့ စခန်းမှာ နေရပါတယ်။ တိုက်ပွဲတွေကြောင့် ကျွန်တော်တို့ရွာသားတွေအားလုံး ကြောက်နေကြပါတယ်။ ရွာပြန်ဖို့ ကတော့ မစဉ်းစားရဲပါဘူး´´ ဟု ပြောပြခဲ့သည်။

တပ်မတော်နှင့် ကချင်လွတ်မြောက်ရေးတပ်မတော်(KIA)တို့သည် ၂၀၁၃ ခု မတ်လမှ စ၍ တိုက်ပွဲများ ရပ်ဆိုင်း ထားခဲ့ရာ သြဂုတ်လကုန်ပိုင်းတွင် တိုက်ပွဲများပြန်လည် ဖြစ်ပွားလာခြင်းဖြစ်သည်။ ပြီးခဲ့သော ရက်ပိုင်းကလည်း KIA သည် NDAK အသွင်ပြောင်းပန်ဝါပြည်သူ့စစ်အဖွဲ့အား ချုံခိုမိုင်းဆွဲတိုက်ခိုက်မှုကြောင့် တိုက်ပွဲများ ဖြစ်ပွား ခဲ့သည်။ ပူတာအိုနှင့် ဆွမ်ပရာ ဘွမ်ကြားတွင် တပ်မတော်စစ်ကြောင်းများအား KIA အဖွဲ့မှ ချုံခိုတိုက်ခိုက်မှု ကြောင့် တိုက်ပွဲများ ထပ်မံဖြစ်ပွားခဲ့သည်။

အစိုးရနှင့် KIO တို့သည် အပစ်အခတ်ရပ်စဲရေး သဘောတူညီမှုကို စက်တင်ဘာလ အတွင်း ဆွေးနွေးနိုင်ရန် ပြင်ဆင်ထား ကြောင်း အစိုးရငြိမ်းချမ်းရေးဖော်ဆောင်ရေး အဖွဲ့ထံမှ သိရှိရပါသည်။

နော်မိုင်

zawlinhtwe29@gmail.com ဖြင့် ပေးပို့လာသော သတင်းအား ဖော်ပြပေးခြင်းဖြစ် ပါသည်။
မြန်မာ့ရောင်စဉ်

Read More

ကိတ်မုန့် စားသုံးရာမှ အစာအဆိပ် သင့်၍ သေဆုံး

ကန့်ဘလူ စက်တင်ဘာ ၃

စစ်ကိုင်းတိုင်း ဒေသကြီး ကန့်ဘလူမြို့နယ် ခုတင် (၁ဝဝ)ဆံ့ ပြည်သူ့ဆေးရုံ၌ ယနေ့ နံနက်ပိုင်းတွင် ကိတ်မုန့် စားသုံး မိရာမှ အစာအဆိပ်သင့် သည်ဟု ယူဆရသူ ကောလင်းမြို့နယ် တောင်ပုံ ကျေးရွာနေ မမေမြတ်နိုး အသက်သုံးနှစ် အရွယ် ကလေးငယ်တစ်ဦးမှာ ဆေးဝါးကုသမှု ခံယူနေ စဉ် သေဆုံးခဲ့ကြောင်း ကျန်းမာရေး ဝန်ထမ်း တစ်ဦးထံမှ သိရသည်။

အဆိုပါ ကလေးငယ်သည် ကိတ်မုန့် စားသုံးမိရာမှ အော့အန်ပြီး သတိလစ် မေ့မြောခဲ့ရာ ကောလင်းမြို့နယ် ကုက္ကိုကုန်း ကျေးရွာ ကျန်းမာရေး ဆေးပေးခန်းမှ တစ်ဆင့် ခံသာကျေးရွာ တိုက်နယ် ဆေးရုံသို့ ဆေးဝါးကုသမှု ခံယူနိုင်ရန် အတွက် ပို့ဆောင် ခဲ့ရကြောင်း၊ ၎င်းဆေးရုံမှ တစ်ဆင့် ည ၇နာရီတွင် ကန့်ဘလူ ဆေးရုံကြီးသို့ ပို့ဆောင်ခဲ့ရာ ၎င်းဆေးရုံတွင်  သေဆုံးခဲ့ရခြင်း ဖြစ်ကြောင်း သိရသည်။ အဆိုပါ သေဆုံးမှုအား မည်သည့်အတွက်ကြောင့် သေဆုံး ခဲ့ရသည်ကို စိစစ် ဆောင်ရွက်နိုင်ရန် ရဲအုပ် ဆန်းဝင်းက ကန့်ဘလူမြို့မ ရဲစခန်း သေမှုသေခင်း အမှတ်စဉ် ၁၄/ ၂ဝ၁၃ အရ အမှုဖွင့် ၍ ဆောင်ရွက်လျက် ရှိကြောင်း သိရသည်။                  

ကိုတိုးကြီး

မြဝတီ

Read More

အတိတ်မှာနေကြသူများ-------ရေးသားသူ- ငြိမ်းချမ်း

အသက်(၅၇)နှစ်အရွယ် ဒေါ်သန်းမြင့်တစ်ယောက် တောင်းရမ်း၍ရလာသော ပိုက်ဆံခပ်နွမ်းနွမ်းများကို ရေတွက်နေသည်။ ၎င်း၏ဘေးနားတွင် အသက်(၇)နှစ်အရွယ် မြေးယောက်ျားလေးတစ်ဦးကတော့ မုန့်ဆီကြော်ကို အားရပါးရစားနေသည်။ ရရှိလာသောပိုက်ဆံများနှင့် မုန့်ဆီကြော်များကတော့ ဂန့်ဂါရွာဘုရားပွဲတွင် တောင်းရမ်းရာမှ ရရှိခဲ့ခြင်းဖြစ်သည်။

သမိုင်းဆရာတို့က သူတို့ကို ဘုရားကျွန်ဟုဆိုကြပြီး သူဖုန်းစားများကတော့ သူတို့မှာ မာတင်္ဂမျိုးနွယ်စုမှ ဆင်းသက်လာသူများဟု ယုံကြည်နေကြပြီး သူတို့ထဲမှအချို့မှာ လက်ရှိအချိန်ထိ တောင်းရမ်းသူများလည်း ရှိနေသေးပါသည်။ ၀ါခေါင်လပြည့်ကျော် ၃ ရက်တွင်ကျရောက်သော ပုဂံမြို့တောင်ဘက် ညောင်ဦးမြို့နှင့် ဆယ်မိုင်ခန့်ဝေးသော ဂန့်ဂါရွာဘုရားပွဲတော်တွင် သူတောင်းစားများ နှစ်စဉ်လာရောက်တောင်းခံနေမြဲ။

“အဆင်ပြေလာရင်တော့ ဒီအလုပ်ကို မလုပ်ချင်တော့ပါဘူး”ဟု ယခုနှစ် ၀ါခေါင်လပြည့်ကျော် ၃ ရက်တွင် ကျရောက်သည့် ပုဂံညောင်ဦးမြို့နယ်၊ ဂန့်ဂါရွာဘုရားပွဲတော်တွင် ငယ်စဉ်ကတည်းက လာရောက်တောင်းရမ်းနေသော မင်္ဂလာသာစည်ရပ်ကွက်မှ သူဖုန်းစားတစ်ဦးဖြစ်သော အသက်(၅၇)နှစ်အရွယ် ဒေါ်သန်းမြင့်ကပြောသည်။ သူဖုန်းစားများအစု နေထိုင်သော ရပ်ကွက်မှာ ညောင်ဦးမြို့ ရွှေစည်းခုံဘုရားအနောက်ဘက်ရှိ မင်္ဂလာသာစည်ရပ်ကွက်ဖြစ်သည်။ လက်ရှိအချိန်တွင်မူ သာမန်လူတန်းစားများလည်း လာရောက်နေထိုင်လျက်ရှိပါသည်။ ထိုရပ်ကွက်တွင်နေထိုင်သော သူဖုန်းစားများမှ ခေတ်ရေစီးကြောင်းအရ ပြောင်းလဲသူများလည်းရှိနေပြီး အချို့မှာ ဘ၀ပေးအခြေအနေအရ ပြောင်းလဲမှုမရှိသေးဘဲ တောင်းရမ်းမှု ပြုလုပ်နေဆဲဖြစ်သည်။

အိမ်ထောင်စု ၁၆၂ အိမ်ရှိသော မင်္ဂလာသာစည်ရပ်ကွက်တွင် အိမ်ထောင်စုအများစုသည် တောင်းရမ်းမှုမလုပ်တော့ဘဲ အိမ်ထောင်စု ၃၀ ၀န်းကျင်သာ တောင်းရမ်းမှုများ ပြုလုပ်နေသည်။ ရွာများတွင် တစ်နှစ်တစ်ခါပြုလုပ်သည့် ဘုရားပွဲများ၌သာ တောင်းရမ်းကြလေ့ရှိပါသည်။

ရှေးယခင်ကတည်းက တောင်းရမ်းလာမှုကြောင့် ၎င်းတို့သွားနေကျ ဘုရားပွဲများသို့ မသွားရောက်ဖြစ်ခဲ့ပါက စိတ်ဝေဒနာရောဂါဖြစ်ခြင်း၊ ကိုယ်လက်အင်္ဂါများမကောင်းခြင်း၊ ခန္ဓာကိုယ်ယားခြင်း စသည်တို့ဖြစ်တတ်သည်ဟု ယခင်ကယုံကြည်ခဲ့ကြသော်လည်း ယခုအချိန်တွင်မူ ထိုအရာများအားလုံးကို လက်ရှိတောင်းရမ်းနေသူများကပင် အယုံကြည်မရှိတော့ပါ။

“သူတောင်းစားမှန်ရင် တိုက်ပုံအင်္ကျီပါရတယ်။ တကယ်လို့မပါရင်လည်း အပေါ်ယံအင်္ကျီလက်ရှည်တော့ ၀တ်ရတယ်။ တောင်းတာက ခုဆိုရှက်စရာလို့ မထင်တော့ပါဘူး”ဟု ဆယ်နှစ်ကျော် တောင်းရမ်းလာခဲ့သူ အသက် ၁၉ နှစ်အရွယ် ကိုဇာနည်မောင်ကပြောသည်။

ယခုလို တောင်းလာခဲ့မှုများကြောင့် တောင်းနေကျ ဘုရားပွဲများရောက်၍ မတောင်းရလျှင် စိတ်ကမနေနိုင်ကြောင်း ကိုဇာနည်မောင်ကဆက်လက်ပြောသည်။ သူဖုန်းစားများသည် တောင်းရန်အတွက် ရောက်ရှိသောရွာ၏ ဘုရားတွင်တည်းခိုပြီး ယင်းဘုရားပရိဝုဏ်ကို ဦးစွာသန့်ရှင်းရေးပြုလုပ်ပေးလေ့ရှိသည်။ ထို့နောက်မှ တောင်းရန်အတွက် ရွာထဲသို့သွားကြသည်။ ရရှိလာသည့်မုန့်များ၊ ထမင်းများကို ဘုရားမှာ ဦးစွာကပ်လေ့ရှိသည်။

မြန်မာနိုင်ငံတွင် မန္တလေး၊ စစ်ကိုင်း၊ မကွေးတိုင်းဒေသကြီးများရှိ ဒေသအချို့တွင် သူဖုန်းစားများရှိသော်လည်း မင်္ဂလာသာစည်ရပ်ကွက်ထဲမှ သူဖုန်းစားများနှင့် ကွာခြားမှုရှိသည်။ မင်္ဂလာသာစည်ရပ်ကွက်မှ သူဖုန်းစားများက ၎င်းတို့တွင် ရှည်လျားသောသမိုင်းကြောင်းရှိပြီး၊ ၎င်းတို့မှာ အစဉ်အလာနှင့်ရိုးရာကို ဆက်လက်ထိန်းသိမ်းသူများဟု ယုံကြည်နေကြသည်။

ဗာရာဏသီပြည်၌ ဗြဟ္မဒတ်မင်းကြီး ထီးနန်းစိုးစံစဉ် မြို့ပြင်ဘက်မှ ဒွန်းစဏ္ဍား(သူတောင်းစား)ရွာတွင် ဘုရားလောင်းမာတင်္ဂ (တောင်းရမ်းသောသူ)ကို မွေးဖွားခဲ့သည်ဟု ဗုဒ္ဓ၀င်ကျမ်းစာများတွင် ဖော်ပြထားသော ပုံတော်စုံနိပါတ်တော်လာ ဇာတ်တော်ငါးရာ့ငါးဆယ်အနှစ်ချုပ်တွင် ရေးသားဖော်ပြထားသည်။ သူတို့က ထိုဘုရားလောင်းမျိုးနွယ်စုမှ ဆင်းသက်လာသည်ဟု မင်္ဂလာသာစည်ရပ်ကွက်နေသူများ ယုံကြည်ခဲ့ခြင်းကြောင့် ယခင်ကတည်းက တောင်းရမ်းလာခဲ့ခြင်းဖြစ်ကြောင်း ယင်းရပ်ကွက်ရှိ ဒေသခံများကဆိုကြသည်။

၁၉၄၈ ခုနှစ် ဇန်န၀ါရီ ၄ ရက်တွင် လွတ်လပ်သောမြန်မာနိုင်ငံ၏ ပထမဆုံးသမ္မတ စပ်ရွှေသိုက်က “ရာဇ၀င်တွင် ရှေးရှေးသောအခါမှစ၍ ရှေးမင်းများအာဏာစက်ကြောင့် ဒွန်းစဏ္ဍား၊ သူတောင်းစား၊ ဘုရားကျွန်၊ ကျောင်းကျွန်၊ ကယ်ပါ၊ သင်္ဂျီ စသည့်လူတန်းစား အနှိမ်ခံရသူတို့လည်း ရှိနေကြသည်။ ဤကဲ့သို့ အနှိမ်ခံရသော လူတန်းစားများကို ယနေ့မှစ၍ ရှေးမင်းအာဏာစက်များကို ကျွန်ုပ်ပယ်ဖျက်၍ ထိုလူတို့၏သဘောအတိုင်း လုပ်လိုသောအလုပ်မျိုးစုံတို့ကို လွတ်လပ်စွာလုပ်ကိုင်ကြပါစေ။ ကျွန်ုပ်အမိန့်ချမှတ်သည်”ဟု လူမှုဝန်ထမ်းဦးစီးဌာနမှထုတ်ဝေသည့် မြန်မာနိုင်ငံလူမှုဝန်ထမ်းသမိုင်းစာအုပ်တွင် ဖော်ပြထားသည်။

“သူတောင်းစားဆိုတာ ပုဂံခေတ်တုန်းက မပေါ်သေးပါဘူး။ ကုန်းဘောင်ခေတ်ကြမှ ပေါ်လာတာပါ။ သူတို့က ဘုရားကျွန်တွေပါ”ဟု သမိုင်းပါမောက္ခအငြိမ်းစား၊ မြန်မာ့သမိုင်းအဖွဲ့ဝင်၊ သမိုင်းပညာရပ်ကို နှစ်ခြောက်ဆယ်ဝန်းကျင်လေ့လာခဲ့သူ ဒေါက်တာတိုးလှကဆိုပါသည်။

ရှေးမင်းများသည် ဘုရားတွင် ထိန်းသိမ်းစောင့်ရှောက်ရန်အတွက် ဘုရားကျွန်များအဖြစ်ထားရှိပြီး ထိုဘုရားကျွန်များသည်လည်း တောင်းရမ်းခြင်းမရှိကြောင်း၊ မင်းကပေးသော လယ်ယာမြေများကိုသာ လုပ်ကိုင်ကြောင်း၊ နောက်ပိုင်းတွင် ၎င်းဘုရားကျွန်နေရာများသို့ ထောင်များမှထွက်လာသော လူဆိုးများကို ဘုရားကျွန်နေရာများတွင် မင်းများကထားရှိသောကြောင့် အဆိုပါဘုရားကျွန်များသည် အပြင်ထွက်၍တောင်းရာမှ သူတောင်းစားဘ၀သို့ ရောက်ရှိသွားကြောင်း ဒေါက်တာတိုးလှကဆိုသည်။

ပါလီမန်ခေတ် ၁၉၅၆ ခုနှစ်၊ ဒီဇင်ဘာ ၂၉ ရက်မှ ၃၁ ရက်အထိ ပုဂံမြို့တွင် ဘုရားကျွန်၊ သူတောင်းစားများ ပပျောက်ရန်အတွက် လူထုပညာရေးကောင်စီဥက္ကဋ္ဌ၊ လူမှုဝန်ထမ်းဝန်ကြီးဦးဘစောက ပုဂံမြို့သရပါတံခါးအနီး သဗ္ဗညုစေတီတော်ရှေ့တွင် ကယ်ပါလွတ်မြောက်ရေး ဘ၀စီမံကိန်းတစ်ခုပြုလုပ်ခဲ့သည်။ သို့သော် လက်တွေ့တွင် သူတောင်းစားများမှာ ပျောက်ကွယ်သွားခြင်းမရှိခဲ့ပေ။

ညောင်ဦးမြို့ ရွှေစည်းခုံဘုရားအနောက်ရှိ မင်္ဂလာသာစည်ရပ်ကွက်သို့ ၀င်လိုက်လျှင် သန့်ရှင်းသပ်ရပ်သောလမ်းမနှင့် သန့်ရှင်းစွာထားရှိသောလူနေအိမ်များ တွေ့မြင်ရသည်။ လမ်းမကြီးတစ်လျှောက်နှင့် လူနေအိမ်များအတွင်းတွင် အမှိုက်များမတွေ့ရပေ။ ထိုရပ်ကွက်ရှိ လူနေအိမ်အများစုကတော့ ထရံကာသွပ်မိုးအိမ်များသာဖြစ်သည်။

ကမ္ဘာလှည့်ခရီးသွားများ လာရောက်မှုများလာပြီး၊ ခရီးသွားလုပ်ငန်းဖွံ့ဖြိုးလာသဖြင့် သူတောင်းစားအဖြစ်မှ အများစုမှာ ဟိုတယ်ဝန်ထမ်း၊ ပန်းရံလုပ်ငန်း၊ ဈေးအရောင်းအ၀ယ်လုပ်ငန်းများ
စသည်တို့ လုပ်ကိုင်နေကြပါပြီ။ တိုးတက်ပြောင်းလဲလာသော ခေတ်ရေစီးအရ မင်္ဂလာသာစည်ရပ်ကွက်မှ ၂၀၁၃ ခုနှစ်တွင် တက္ကသိုလ်များ၌ ပညာသင်ကြားနေသော တက္ကသိုလ်ကျောင်းသား
ဆယ်ဦးကျော်ရှိနေပါပြီ။

“အကုန်လုံးပြောင်းလဲနိုင်အောင် ကြိုးစားရမယ်။ ပညာတတ်တွေ များများပေါ်ထွက်အောင် လုပ်ရမယ်။ တချို့လူငယ်တွေဆို ဟိုတယ်တွေမှာ ၀င်လုပ်နေကြပါပြီ”ဟု မင်္ဂလာသာစည်ရပ်ကွက်
အုပ်ချုပ်ရေးမှူးကိုအောင်ကိုမင်းက ပြောသည်။

ညောင်ဦးမြို့ဒေသခံများသည်ပင် မင်္ဂလာသာစည်ရပ်ကွက်သည် သူဖုန်းစားများနေထိုင်သောရပ်ကွက်ဟု သတ်မှတ်ထားပြီး မည်သို့ပင်လုပ်ကိုင်စားကြသည်ကို တိတိကျကျမသိကြောင်း ကိုအောင်ကိုမင်းကဆက်ပြောသည်။

“ဒီရပ်ကွက်ကို ညောင်ဦးကလူတွေတောင် မလာကြဖူးတဲ့သူတွေရှိပါတယ်။ လူ့ဘ၀မှာ ဒါ့ထက်နိမ့်ကျတာတော့ မရှိပါဘူး။ သူတို့လည်း မလုပ်ချင်တော့ပါဘူး”ဟု ကိုအောင်ကိုမင်းက ခပ်တိုးတိုးပြောသည်။ သူကတော့ တောင်းရမ်းနေကြခြင်းကို နှစ်မြို့ခြင်းမရှိပေ။ စီးပွားရေးအခြေအနေ၊ ဘ၀ပေးကုသိုလ်ကံကြောင့် လက်ရှိအချိန်ထိ တောင်းရမ်းနေသူများကတော့ မြို့နှင့်အနည်းငယ်ဝေးသော ကျေးရွာများ၏ ဘုရားပွဲများဆီသို့ သွားနေကြမြဲပါ။ “တောင်းတာကို ရပ်လိုက်လို့မရသေးဘူး။ တောင်းချင်နေတာလည်း မဟုတ်ပါဘူး။ အဘွားတို့ကတော့ သွားနေကျဘုရားပွဲတွေကို ဆက်သွားနေရအုံးမှာပဲ”ဟု ဒေါ်သန်းမြင့်ကပြောသည်။

ဓာတ်ပုံ- ငြိမ်းချမ်း

7 Day

Read More

ကင်ဂျုံအွန် ရှေ့တန်း ကျွန်းစခန်းများသို့ အလည်အပတ် ခရီးသွားရောက်

မြောက်ကိုရီးယား ခေါင်းဆောင် ကင်ဂျုံအွန်သည် တောင်ကိုရီးယားနှင့် အငြင်းပွားရာ ပင်လယ်ပြင် နယ်နိမိတ်ရှိ ရှေ့တန်းအကျဆုံး ကျွန်းစခန်းများဖြစ်သော Jangjae ကျွန်းနှင့် Mu ကျွန်းများ သို့

ယခုနှစ်အတွင်း တတိယအကြိမ်မြောက် အလည်အပတ်ခရီး အဖြစ် စက် တင်ဘာ ၂ ရက်က သွားရောက်ခဲ့ကြောင်း မြောက်ကိုရီးယား နိုင်ငံပိုင် KCNA သတင်းဌာနက ထုတ်ပြန် ပြောကြားခဲ့သည်။

ကင်ဂျုံအွန်၏ ယခုအကြိမ် အလည်အပတ် ခရီးစဉ်သည် စစ်ရေးတင်းမာမှုများ မြင့်မား နေခဲ့သည့် လွန်ခဲ့သောမတ်လက သွားရောက်ခဲ့သော အလည်အပတ် ခရီးစဉ်ထက် သိသာ ထင်ရှားမှုနည်းပါး ခဲ့သည်။ ကင်ဂျုံအွန်သည် ၎င်းအချိန်က တောင်ကိုရီးယားနိုင်ငံ၏ Baengnyeong ကျွန်းအား တိုက်ခိုက်ဖျက်ဆီး ပစ်မည်ဟု ခြိမ်းခြောက်ထားသော အချိန် ဖြစ်သည်။

ကင်ဂျုံအွန်သည် ယခုအကြိမ်အလည် အပတ်ခရီးစဉ်တွင် အသစ် တည်ဆောက်ထားသော စစ်တန်းလျားများ၊ စစ်ဘက် နေရာချထားမှုများ၊ စစ်သည် နေအိမ်များနှင့် မိသားစုဝင်များအား ကြည့်ရှု စစ်ဆေးခဲ့ကြောင်း KCNA သတင်းဌာနက ဖော်ပြခဲ့သည်။ ထို့အပြင် ကင်ဂျုံအွန်သည်  နယ်စပ်ဒေသတစ်လျှောက် တောင်ကိုရီးယား ကျွန်းများပေါ်တွင် ခံစစ်ပြင်ဆင် ထားသည့် ပစ်မှတ်များ နှင့်တောင်ကိုရီးယား စစ်ဘက် အခြေအနေများနှင့် ပတ်သက်သော အသေးစိတ် အစီရင်ခံစာ တစ်စောင်ကိုလည်း လက်ခံရရှိ ခဲ့ကြောင်း သိရသည်။  

Read More

အယ်လ်ဂျီးရီးယားက တပ်ဖွဲ့ဝင် ၁၂,ဝဝဝ ကို တူနီးရှား နယ်စပ်တွင် တပ်ဖြန့်ချထား

အယ်လ်ဂျီးရီးယား နိုင်ငံသည် တူနီးရှားနိုင်ငံနှင့် ထိစပ်နေသည့် နယ်စပ်မျဉ်း အားထိန်းချုပ်နိုင်ရေး အတွက် ၎င်း၏တပ်ဖွဲ့ဝင် ၁၂,ဝဝဝ ခန့်ကို တပ်ဖြန့်ချထားခဲ့ကြောင်း စက်တင်ဘာ ၂ ရက်

အင်တာနက် သတင်းတစ်ရပ်အရ သိရသည်။

တူနီးရှားနိုင်ငံသည် အဆိုပါနယ်စပ်မျဉ်းတွင် အကြမ်းဖက် သမားများကို နှိမ်နင်းရန်အတွက် စစ်ဆေးရေးဂိတ်နှင့် တပ်စခန်းပေါင်း ၆ဝ ခန့်တည်ဆောက် ခဲ့သည့်အတွက် အယ်လ်ဂျီးရီးယား နိုင်ငံက လည်း လွန်ခဲ့သည့် လေးလခန့်မှစ၍ ၎င်းနယ်စပ် မျဉ်းတစ်လျှောက်ရှိ တပ်ဖွဲ့ အင်အားကို တိုးမြှင့်တပ်ဖြန့် ချထားခဲ့ခြင်း ဖြစ်ကြောင်း သိရသည်။ အယ်လ်ဂျီးရီးယား နယ်စပ်အနီး Chaambi တောင်ရှိ အကြမ်းဖက်သမားများက တူနီးရှား သောင်းကျန်းသူ တန်ပြန် တိုက်ဖျက်ရေး တပ်ဖွဲ့မှ တပ်ဖွဲ့ဝင် ရှစ်ဦးကို ဇူလိုင် ၂၉ ရက်က   သတ်ဖြတ်ခဲ့ပြီး အချိန်မှစ၍ တူနီးရှားနိုင်ငံသည် အဆိုပါ အကြမ်းဖက် သမားများအား တိုက်ခိုက်နှိမ်နင်းရေး အတွက် အကြီးစား စစ်ဆင်ရေးတစ်ရပ် ပြုလုပ်ခဲ့ကြောင်း သိရသည်။

 အယ်လ်ဂျီးရီးယားနှင့် တူနီးရှားနိုင်ငံ တို့အနေဖြင့် နှစ်နိုင်ငံအကြား လုံခြုံရေး ဆိုင်ရာ   ပူးပေါင်း ဆောင်ရွက်ရေးကို အပြန်အလှန် အကောင်အထည်ဖော် ဆောင်ရွက်ခဲ့ကြပြီး အကြမ်းဖက်သမားများ ကို နှိမ်နင်းရေးအတွက် တူနီးရှား နိုင်ငံကို အကူအညီပေးရန် အယ်လ်ဂျီးရီးယား နိုင်ငံက ကတိပြုခဲ့ကြောင်း အယ်လ်ဂျီးရီးယား နိုင်ငံခြားရေး ဝန်ကြီး Mourad Medelci က သြဂုတ်လတွင် ထုတ်ဖော် ပြောကြားခဲ့သည်။

ထို့ကြောင့် အဆိုပါ အကြမ်းဖက် သမားများကို နှိမ်နင်းရေးအတွက် အယ်လ်ဂျီးရီးယား-တူနီးရှား ပူးပေါင်း တပ်ဖွဲ့များကို   နှစ်နိုင်ငံနယ်စပ်တွင် တပ်ဖြန့် ချထားခဲ့ခြင်း ဖြစ်ကြောင်း သိရ သည်။ အယ်လ်ဂျီးရီးယား တပ်ဖွဲ့များသည် အဆိုပါ နယ်စပ်မျဉ်း တစ်လျှောက်ရှိ  ကြမ်းတမ်းသော ဒေသများ၊  အထူး သဖြင့် Tebessa ၊ Souk Ahras နှင့် hf El Qued ပြည်နယ်တို့ရှိ အရှေ့ဖျား ဒေသများတွင်   တာဝန်ထမ်းဆောင်လျက် ရှိကြောင်း သိရသည်။         

Read More

ဂျပန်တွင် လေဆင်နှာမောင်း တိုက်ခတ်မှုကြောင့် ၆၃ ဦး ဒဏ်ရာရ

ဂျပန်နိုင်ငံ တိုကျိုမြို့ အနီးရှိ  မြို့နှစ်မြို့တွင် စက်တင်ဘာ ၂ ရက်က လေဆင်နှာမောင်း တိုက်ခတ်မှုကြောင့် ဒေသခံ ၆၃ ဦး ထိခိုက်ဒဏ်ရာ ရရှိခဲ့ပြီး အဆောက်အအုံ များနှင့် ယာဉ်များ ပျက်စီးခဲ့ရကြောင်း တာဝန် ရှိသူများက ပြောကြားခဲ့သည်။

ဒဏ်ရာရရှိသူ အများစုမှာ လေဆင်နှာမောင်းဒဏ်ကို ပြင်းထန်စွာ ခံရသော ဆိုင်တာမာ စီရင်စုနယ် ကိုရှီ ဂါယာမှ ဒေသခံ များဖြစ်ကြောင်း အဆာဟိ သတင်းစာက ဖော်ပြခဲ့သည်။

အင်အား ပြင်းထန်လှသည့် အဆိုပါ လေဆင်နှာမောင်းသည် ကိုရှီဂါယာမြို့အား မွန်းလွဲ ၂နာရီ ဝန်းကျင်တွင် တိုက် ခတ်ခဲ့ ပြီးနောက် ချီဘာ စီရင်စုနယ်ရှိ နိုဒါမြို့ အနီးသို့ မိနစ် ၂ဝကြာ ဆက်လက် တိုက်ခတ်ခဲ့ကြောင်း တာဝန် ရှိသူများက ပြောကြားခဲ့သည်။

နိုဒါမြို့တွင်လည်း အဆိုပါ လေဆင်နှာမောင်း တိုက်ခတ်မှုကြောင့် လူနေ အိမ်များ၏ အမိုးများ ပျက်စီးခဲ့ပြီး ဂိုဒေါင် တစ်လုံး ပျက်စီးခဲ့ကြောင်း သို့သော် ဒဏ်ရာရရှိသူ တစ်ဦးတစ်ယောက်မျှ မရှိဟု သိရသည်။

ပျက်စီးဆုံးရှုံးမှု တန်ဖိုးကို တိုင်းတာ တွက်ချက်ရန် အတွက် ဂျပန် မိုးလေဝသ ဌာနမှ တာဝန် ရှိသူများအား လေဆင်နှာ မောင်း တိုက်ခတ်သည့် ဒေသသို့ အာဏာပိုင်များက စေလွှတ်ခဲ့ကြောင်း သိရသည်။

Read More

ရုရှားတွင် ရေလွှမ်းမိုးမှု ဒဏ်သင့် ပြည်သူများကို ကယ်ဆယ်မှု ပြုလုပ်ရန် ထပ်မံ လိုအပ်နေ

ရုရှားနိုင်ငံ အရှေ့ပိုင်းတွင် ရေလွှမ်းမိုးမှုမှာ ဆက်လက် မြင့်တက်လျက် ရှိသောကြောင့် အဆိုပါ ဒေသရှိ ရေလွှမ်းမိုးမှု ဒဏ်သင့် ပြည်သူ ၃၆ဝဝဝအား ကယ်ဆယ်မှုများ ပြုလုပ်ပေးရန် လိုအပ်နေကြောင်း ရုရှားလက်ထောက် ဝန်ကြီးချုပ် ယူရီထရတ်နဗ်က ပြောကြားခဲ့သည်။

ရုရှားနိုင်ငံ အရှေ့ပိုင်းရှိ အာမာ မြစ်ရေကြီးမှုကြောင့် အဆိုပါ ဒေသတွင် ရေလွှမ်းမိုးမှု ဖြစ်ပွားခဲ့ပြီး ဒေသခံ ပြည်သူ ၉၈၈ဝဝမှာ ရေလွှမ်းမိုးမှုဒဏ် ခံစားခဲ့ရကာ ၄င်းတို့အနက် ပြည်သူ ၁၆ဝဝဝအား ကယ်ဆယ်ပေးပြီး ဖြစ်ကြောင်း ဝန်ကြီးချုပ် ဒီမီထရီ မက်ဗီဒဗ်နှင့် ပြုလုပ်သည့် အစည်းအဝေးတွင် ထရတ် နဗ်က ပြောကြားခဲ့သည်။ ထို့အပြင် အဆိုပါ ရေလွှမ်းမိုးမှုသည် နိုင်ငံ၏ သမိုင်းဝင် ရေလွှမ်းမိုးမှု တစ်ခုလည်းဖြစ်ကြောင်း ၄င်းက ထပ်လောင်း ပြောကြားခဲ့သည်။ ယခုလက်ရှိတွင် အာမာ မြစ်ပေါ်ရှိ ကွမ်ဆို မောလ်စ်က်မြို့သည် ၄င်းမြို့၏ စိုးရိမ် ရေမှတ်ဖြစ်သည့် ၈၂ဝစင်တီမီတာ ကို ကျော်လွန်လျက် ရှိကြောင်း သိရသည်။

Read More

ABSDF (မြောက်ပိုင်း) ခေါင်းဆောင်များအား KIA မှ လက်နက်သိမ်း ဆည်း ပြီး အကျယ်ချုပ်ချထား

Wednesday, September 4, 2013

KIA နယ်မြေတွင်း အခြေစိုက် စခန်းချလျှက်ရှိသော ABSDF (မြောက်ပိုင်း) တပ်ဖွဲ့ဝင်များကို သြဂုတ်လ ၂၈ ရက်နေ့မှစပြီး KIA ဗဟိုဌာနချုပ်မှ လက်နက် များ ပြည်လည်သိမ်းဆည်းကာ နေအိမ်အကျယ်ချုပ် ဖြင့်ထားရှိ ကြောင်း ABSDF မြောက်ပိုင်းအဖွဲ့ဝင် တစ်ဦးမှ ပြောကြားခဲ့သည်။ ၎င်းမှ လက်ရှိဖြစ်နေ သည့် ပြဿနာမှာ ABSDF မှ အစိုးရနှင့် ငြိမ်းချမ်းရေးဆွေးနွေးခဲ့ မှုကြောင့် ဖြစ်ကြောင်း အောက်ပါအတိုင်းပြောကြားခဲ့သည်။

“ABSDF (မြောက်ပိုင်း) အဖွဲ့က KIA အကူအညီနဲ့ ပြန်ဖွဲ့ထားတာ… အရင် တုန်းက အစိုးရ နဲ့ KIA တိုက်ပွဲဖြစ်တုန်းက KIA ဖက်က ပူးပေါင်းတိုက်ခိုက်ဖို့ KIA ဗဟို ကနေ လက်နက်နဲ့ ကျည်တွေ ပေးထားတယ်… အခု ABSDF ဥက္ကဌ ကိုသံခဲတို့က အစိုးရနဲ့ ငြိမ်းချမ်းရေး ဆွေးနွေးပွဲမှာ မြောက်ပိုင်း ကအဖွဲ့တွေလဲပါလာတော့ KIA ရဲ့ ခွင့်ပြုချက်မရပဲ လုပ်တယ်ဆိုပြီး လက်နက်တွေ အကုန်လိုက်သိမ်းတယ်… ခေါင်းဆောင်တွေကိုလည်း အိမ်မှာပဲနေခိုင်းပြီး စောင့်ကြည့်နေတယ်…” ဟု ၎င်းက ဆိုသည်။

ယခုနှစ်အတွင်း အစိုးရငြိမ်းချမ်းရေး ကိုယ်စားလှယ်အဖွဲ့ နှင့် ABSDF တို့ မေ လတွင် တစ်ကြိမ်၊ ဇူလိုင်လ ၁၁ ရက်နေ့တွင် တစ်ကြိမ်၊ သြဂုတ်လ ၄ ရက်နေ့ တွင် တစ်ကြိမ် ဆွေးနွေးခဲ့ကြပြီး သြဂုတ်လ ၄ ရက်နေ့ ဆွေးနွေး ပွဲတွင် ABSDF ဥက္ကဌ ကိုသံခဲနှင့် အစိုးရအဖွဲ့ ပြည်ထောင်စုဝန်ကြီး ဦးအောင်မင်းတို့ ကိုယ်တိုင်တွေ့ဆုံကာ နှစ်ဖက် သဘောတူ စာချုပ်များ ချုပ်ဆိုနိုင်ခဲ့သည်။ ထို့နောက် သြဂုတ်လ ၂၈ ရက်နေ့တွင် KIA မှ ABSDF အား ထောက်ပံ့ထားသည့် လက်နက် ခဲယမ်းအားလုံးကို ပြန်လည်းသိမ်း ဆည်းကာ အဖွဲ့ဝင်များကိုလည်း အကျယ်ချုပ်ဖြင့် ထိန်းသိမ်းထားကြောင်း သိရသည်။

ယခုအခါ ABSDF (မြောက်ပိုင်း) စစ်ရေးတာဝန်ခံ ကိုမင်းဌေး၊ နိုင်ငံရေး တာဝန်ခံ ဦးလဆိုင်း နဲ့ တပ်ရင်းမှူး ဦးအောင်ဆွေဦးတို့ (၃) ဦးကို KIA ဌာနချုပ်မှ နေအိမ်အကျယ်ချုပ်ဖြင့် ထိန်းသိမ်းထားကြောင်း သိရပြီး KIA တပ်ဖွဲ့ဝင်အချို့၏ ပြောကြားချက်များအရ ကိုမင်းဌေး မှ ABSDF တပ်ဖွဲ့ဝင်ဟောင်းများနှင့် KIA မသိအောင် ဆက်သွယ်မှုများ ပြုလုပ်ခဲ့ပြီး ABSDF တောင်ပိုင်းအဖွဲ့များနှင့် ပူးပေါင်းရန် ကြံစည်နေမှုကို KIA ဗဟိုက မလိုလား တာကြောင့် လက်နက်များ သိမ်းဆည်းခြင်းဖြစ်ကြောင်း သိရရှိရသည်။

၎င်းအခြေအနေကို ဖြေရှင်းရန်အတွက် ကျောင်းသားတပ်မတော် ဥက္ကဌ ကိုသံခဲနှင့် အဖွဲ့သည် KIA ခေါင်းဆောင်များနှင့် ဆွေးနွေးရန် လိုင်ဇာမြို့သို့ ထွက်ခွာ သွားကြောင်း သိရသည်။

ABSDF (မြောက်ပိုင်း)အဖွဲ့ အား ၁၉၈၉ ခုနှစ် ဇန်န၀ါရီလ ၄ ရက်နေ့တွင် ဖွဲ့စည်းခဲ့သော မြန်မာနိုင်ငံ လုံးဆိုင်ရာ ကျောင်းသားများ ဒီမိုကရက် တစ်တပ်ဦး(ကချင်)ဖြစ်ပြီး KIA ဗဟိုဌာနချုပ်ရှိရာသို့ တောခို ၀င်ရောက် လာသည့် ကျောင်းသားများဖြင့် ဖွဲ့စည်းခဲ့ခြင်းဖြစ်သည်။ အဖွဲ့ အစည်း အနေဖြင့် ABSDF (မြောက်ပိုင်း)သည် ABSDF(ဗဟို)၏ လက်အောင် တွင်ရှိပြီး စစ်ပညာများကို KIA မှ ပို့ချပေးခဲ့တဲ့အပြင် လက်နက်ခဲယမ်း များကိုလည်း ထောက်ပံ့ပေးကာ KIA တပ်ရင်းများနှင့် စစ်ရေးလှုပ်ရှားမှုများ တွဲဖက်လုပ်ဆောင် ခဲ့သည်။ ABSDF(မြောက်ပိုင်း) အဖွဲ့တွင်း သဘော ထားကွဲမှုနှင့် အထင်လွဲမှုများမှတစ်ဆင့် ၁၉၉၂ ခုနှစ် ဖေဖော် ၀ါရီလတွင် အဖွဲ့သားအချင်းချင်း အစုလိုက်အပြုံလိုက် သတ်ဖြတ်မှု ဖြစ်ပေါ်ခဲ့ရာမှ ပြိုကွဲသွားပြီး ကျန်ရှိသော ABSDF (မြောက်ပိုင်း) အဖွဲ့ဝင်အနည်းငယ်မှာ KIA နယ်မြေအတွင်း ဆက်လက်နေထိုင်ကာ KIA နှင့် စစ်ရေးပူးပေါင်း ဆောင် ရွက်မှုများ လုပ်ဆောင်လျှက်ရှိသည်။

ဓာတ်ပုံ ဧရာဝတီ
Planet

Read More

စစ်တပ်နှင့်ရဲ လူငယ်တွေ ဘယ်လောက်ဝင်ချင်သလဲ

Wednesday, September 4, 2013

မြန်မာနိုင်ငံ၏ ဒီမိုကရေစီအစိုးရသစ်လက်ထက်တွင် ‘နိုင်ငံရေးအကျဉ်းသား’ ဟူသည့် ဝေါဟာရကို အစိုးရတာဝန်ရှိသူများကပင်လျှင် လက်ခံပြောဆို လာကြပြီး၊ ‘အသက် ၁၈နှစ် မပြည့်သေးပါက တပ်မတော်မှလက်မခံ ပါ’ဆိုသည့် ပိုစတာကြီးများ၊ ‘၁၈ နှစ် မပြည့်သေးသောကလေးအတွက် ဘာရွေးချယ်ပေးမှာလဲ’၊ ‘ကျောင်းစာ သင်ပေးမှာ လား၊ စစ်တိုက်ထွက် ခိုင်းမှာလား’ အစရှိသည့် စာသားများပါရှိသော ပိုစတာကြီးများကိုလည်း အများသူငါ မြင်သာသည့်နေရာများတွင် စိုက်ထူ လာကြလေပြီ။ အပြောင်း အလဲတွေ စတင်နေသည်ကတော့ သေချာ၏။

သို့သော် မြန်မာလူငယ်များအနေဖြင့် တပ်မတော်၊ ရဲတပ်ဖွဲ့ အစရှိသည့် လက်နက်ကိုင်အဖွဲ့အစည်းများအပေါ်တွင် မည်မျှစိတ်ဝင်စား ကြလေသနည်း။ ယင်းအဖွဲ့အစည်း များသို့ ဝင်ရောက်လိုစိတ် မည်မျှရှိကြလေသနည်း။ စိတ်ဝင်စားဖွယ်ရာမေးခွန်းများပင် ဖြစ်ပါသည်။ ထို့ကြောင့် ယင်းမေးခွန်းများနှင့်ပတ်သက်၍ ရန်ကုန်မြို့တွင်း၊ မြို့ပြင်၊ နယ်မြို့အချို့မှ လူငယ်အချို့၏ အမြင်များကို Popular News ကလက်လှမ်းမီသလောက် တွေ့ဆုံမေးမြန်းခဲ့ပါသည်။ အသေးစိတ်စစ် တမ်းကောက်ယူခဲ့ခြင်း မဟုတ်ေ သ်ာငြား တစ်ဖက်တစ်လမ်းကတော့ အထောက်အကူဖြစ်လိမ့်မည်ဟု ယူဆမိပါ၏။

မောင်ထင်ပေါ်ဦး (ဆေးတက္ကသိုလ် -၁)
စမ်းချောင်းမြို့နယ်၊ ရန်ကုန်

ဆယ်တန်းအောင်ကတည်းက ဆေး တက္ကသိုလ်ကိုရွေးဖြစ်တယ်။ အခုတတိယ နှစ်ရောက်နေပါပြီ။ အစကတော့ ရေ ကြောင်းသိပ္ပံကို ပထမရွေးဖြစ်တာပါ။ကိုယ့်ဝါသနာနဲ့မကိုက်ညီတာကြောင့်ပါ။ ကျွန်တော့်အမှတ်က စစ်/ဆေးကိုလည်း ကျော်ပါတယ်။ စစ်တပ်နဲ့ပတ်သက်တာ တော့ အရင်ကတည်းကဦးစားပေးဆိုပြီး မစဉ်းစားခဲ့ဘူး။ ဆရာဝန်လိုင်းကိုတော့ ရည်ရွယ်ချက်ရှိလို့ ရွေးချယ်ခဲ့တာပါ။ အခု တလော ဆရာဝန်အလုပ်တွေ အများကြီး ခေါ်တာ တွေ့ရလို့ ဝမ်းသာပါတယ်။ အခုက ကိုယ်ဝါ သနာပါတဲ့ ဆရာဝန် အလုပ်ကို ရွေးပြီးလုပ်တာဆိုတော့ ကိုယ့် နိုင်ငံအတွက် တစ်ဖက်တစ်လမ်းက ကူ ညီရာလည်း ရောက်တယ်လို့ ထင်ပါတယ်။ နောင်မှာ စစ်ပညာတွေဘာတွေ မသင် မနေရသင်ရမယ်ဆိုရင်တော့ တိုင်းပြည် အတွက်မို့ လူငယ်တိုင်းမှာ တာဝန်ရှိ တယ်လို့ ခံယူပါတယ်။ တောင်ကိုရီးယား မှာဆိုရင် လူငယ်တွေ စစ်မှုမထမ်းမနေ ရဆိုတော့ စစ်မှုထမ်းကြတာကို တွေ့နေရ တာပဲ။ မိတ်ဆွေ သူငယ်ချင်းထဲမှာတော့ DSA တက်နေတာရှိပါတယ်။ စစ်ပညာ သင်တဲ့ သုံးနှစ်အတွင်းမှာ အတော်လေး ပြောင်းလဲသွားတာတွေ့ရတယ်။ ကျန်တဲ့ သူငယ်ချင်းတွေလည်း အပြင် လောကထဲ ရောက်နေကြပါပြီ။

မောင်သန်းဆွေဦး (ဆိုင်အကူ)
မြိုင်မြို့နယ်၊ မကွေးတိုင်းဒေသကြီး

ကျွန်တော်က အသက် ၁၆ နှစ် ကျော်သွားပြီ။ ဆယ်တန်းကို တစ်နှစ်ဖြေ ပြီးရှုံးခဲ့တာ။ ဖြစ်နိုင်ရင် စစ်တပ်ထဲဝင်ချင် တာ။ လာမယ့်နှစ်ကို ဆယ်တန်းပြန်ဖြေ မယ်။ စစ်တိုက်ချင်တယ်။ ကျောင်းပြန် တက်ဦးမယ်။ ဒုရဲအုပ်တို့ ရဲတို့နဲ့ ကျန်တဲ့ လိုင်းတွေထဲလည်း ဝင်ချင်တဲ့ ဆန္ဒရှိပါ တယ်။ ငယ်ငယ်ကတည်းက စိတ်ဝင်စား တာပါ။ ပခုက္ကူမှာ နေတုန်းကတည်းက စစ်သားတွေကို မြင်ဖူးတယ်၊ တွေ့ခဲ့ဖူး တယ်လေ။ တကယ်လို့ စစ်ထဲမဝင်ဖြစ် ဘူးဆိုရင် ကိုယ်ပိုင် စီးပွားရေးတစ်ခု လုပ် ချင်တယ်။ ဆိုင်ပိုင်ရှင်ဖြစ်အောင် လုပ်ချင် တယ်။ ကျောင်းဆရာတွေဘာတွေတော့ မလုပ်ချင်ပါဘူး။ မိဘတွေက လယ်လုပ် ကြတယ်ဆိုပေမယ့် ကျွန်တော်က စစ်ထဲ ဝင် စစ်တိုက်။ စစ်ဗိုလ်ရရင်လည်း ရပေါ့။ ဆယ်တန်းအောင်ရင် စစ်ထဲဝင်မယ်လို့ တော့ အဖေ့ကို ပြောပြဖူးတယ်။ စစ်ဗိုလ် လုပ်မယ်လို့။ တိုက်ပွဲတွေဘာတွေ ဝင်ရ မယ်ဆိုလည်း မကြောက်ပါဘူး။ စစ်တပ် ထဲဝင်ရမှာ မကြောက်ပါဘူး။ အခုက ရန်ကုန်မှာ ဦးလေးရဲ့ လက်ဖက်ရည်ဆိုင် မှာ ဆိုင်အကူအဖြစ် လာပြီးလုပ်နေတာပါ။

မောင်စည်သူကျော် (ညောင်တုန်း)
ကျောင်းပြီးရင် ဘာလုပ်ဖို့စိတ်ကူး

ထားတယ်လို့တော့မရှိသေးပါဘူး။ကျောင်းက second year ပဲ ရှိသေးတယ်။ ဆယ် လပိုင်းမှာ မအူပင်တက္ကသိုလ်ကို အဝေး သင် သွားရမှာ။ ဖြစ်ချင်တာက စိတ်ကူးထဲ တွေးထားဖူးတာက သီချင်းဆိုရတာ ဝါသနာပါတယ်။ ပြီးတော့ သိပ်မကြာခင် ပဲ ဆိုဖြစ်မှာပါ။ အောင်မြင်တဲ့အဆိုတော် တစ်ေ ယာက် ဖြစ်ချင်တယ်။ ငယ်ငယ်တုန်း က ဖြစ်ချင်ခဲ့တာတော့စစ်ဗိုလ်ပါ။ ဒါပေမဲ့ အကြောင်းကြောင်းကြောင့် မဖြစ်ခဲ့ရပါ ဘူး။ ဘယ်လိုပြောရမလဲဆိုတော့ ဆယ်တန်းေ အာင်တော့ အဲဒီနှစ်က ကျွန်တော် က ၁၈ နှစ်မပြည့်သေး ဘူး။ ပြည့်ဖို့ ၃ လလို သေးတယ်။ ဖောင်မထုတ်ပေးခဲ့ဘူး။လျှောက်လို့မ ရဘူးလို့ တပ်ကြပ်ကြီး တစ် ယောက် က ပြောခဲ့ပါတယ်။ ခု အသက် ၂ဝ။ နိုင်ငံအတွက် ကာကွယ်ရေးအတွက် စစ်သားဘဝကိုလည်း အရမ်းကြိုက်လို့ ပါ။ လေးစား တယ်။ နိုင့်ငံအတွက်လည်း အကျိုးပြုနိုင် တဲ့သူဖြစ်ချင်ခဲ့တာပါ။ စစ် ဗိုလ်တွေကို အားကျတယ်။ ခုလည်းကျန် တဲ့ အာဏာပိုင်အဖွဲ့အစည်းတွေ ကနေ နိုင်ငံ့ဝန် ကို ဖြစ်နိုင်ရင်ထမ်းဆောင်ချင် ပါတယ်။ အခွင့်ရှိခဲ့ မယ်ဆိုရင်ပေါ့။ နိုင်ငံ အဖွဲ့အစည်းတစ်ခုထဲက ဝန်ထမ်းပေါ့။ပထမနှစ်တက်ပြီး ပြန်လာတော့နေပြည် တော်မှာ စသုံးလုံးဖြေဖို့ လုပ်သေးတယ်။ အမေကစိတ်မချလို့ မလွှတ်ခဲ့ပါဘူး။အဲလို ကိုယ်လုပ်ချင်တဲ့ စစစတို့၊ စစ်ဗိုလ်တို့ကို မလုပ်ရတော့ စိတ်ထဲ အရမ်းဝမ်းနည်းခဲ့ရ တယ်။ ကိုယ်ဘာကြောင့် မဖြစ်ခဲ့လဲဆိုပြီး အမြဲကိုယ့်ကိုယ် ကိုယ် ပြန်မေးမိပါတယ်။ ခုတော့ သီချင်းဆိုဖြစ်အောင် ကြိုးစား ခဲ့တယ်။ ကျောင်းပဲဆက်တက်ခဲ့တယ်။ ခု သီချင်းဆိုဖို့ကတော့ လုပ်နေခဲ့တာကြာ ပါပြီ။ အာမခံချက်ရှိဖို့ လည်း မျှော်လင့် ထားပါတယ်။ ပရိသတ်လက်ခံတဲ့ အဆို တော်တစ်ယောက်ဖြစ်ဖို့ ကြိုးစားမှာပါ။ အချိန်တစ်ခုမှာ နိုင်ငံက စစ်ရေးအတွက် လိုအပ်တာမျိုးရှိရင် တာဝန် ထမ်းဆောင်ဖို့ တိုက်ဆိုင်လာရင်လည်း ဖြစ်နိုင်တဲ့ဘက်ကနေပေးဆပ်ဖို့အသင့်ပါပဲ။ စစ်ပညာ သင်ရမယ်ဆိုတာမျိုး ဖြစ်လာရင်လည်း လုပ်သင့်ပါတယ်။ အရေးအကြောင်း ဆို စစ်ပညာတတ်ထားတော့ ကောင်းတာ ပေါ့။ နိုင်ငံရေးပါ တီတွေထဲကနေ နိုင်ငံ့ တာဝန်ထမ်းဆောင်ချင်တာတော့ မဟုတ် ဘူး။ ပါတီဆိုရင် အားမပေးဘူး။

မသိန်းသိန်း
(Economics, second year )
ကျောက်ဆည်အဝေးသင် တက္ကသိုလ်

ဒေါ်မြခင်ဖိနပ်ဆိုင်၊ အရောင်းစာရေး၊ ပျဉ်းမနားမြို့၊ ငကောင်းကန်ကျေးရွာ၊ အလျှင်လို ကျေးရွာအုပ်စု
အားကစားဆိုရင်တော့ ပြေးတာကို ဝါသနာပါပါတယ်။ သီချင်းဆိုရတာလည်း ဝါသနာပါတယ်။ ရုပ်ရှင်ဆိုရင် တရုတ် ကားတွေ ကြိုက်တယ်။ ဂျက်လီတို့၊ ဂျက် ကီချန်းတို့ကို ကြိုက်တယ်။ ပြည်သူတွေ ကို ကာကွယ်တဲ့ စောင့်ရှောက် တဲ့ သူရဲ ကောင်း ဇာတ်လမ်းတွေကိုလည်း ကြိုက် တယ်။ တပ်မတော်တို့ ရဲတပ်ဖွဲ့တို့ထဲ ဝင်ပြီး ပြည်သူတွေကို ကာကွယ်ပေးဖို့ ကျတော့ အဲလိုမျိုးမကြိုက်ဘူး။ အပြင် ကနေ ပြည်သူတွေကို လိုက်ကာကွယ် ပေး တာပဲ ကြိုက်တယ်။ တပ်မတော်တို့ ရဲတပ်ဖွဲ့တို့မှာ ကျွန်မအနေနဲ့ တာဝန် ထမ်းဆောင်ချင်တဲ့စိတ် မရှိဘူး။ အစ်ကို ဝမ်းကွဲတစ်ယောက်တော့ DSA ဆင်းပြီး တပ်ကုန်းမှာ တာဝန်ထမ်းဆောင်နေတာ တော့ ရှိတယ်။ သူက တပ်မတော်မှာ တာ ဝန်ထမ်းဆောင်နေရတဲ့ အကြောင်းတွေ ကို သိပ်ပြီးမပြောဘူး။ ရွာကို တစ်ခါတ လေ အလည်လာမှပဲ တွေ့ရတယ်။ ညီမ လေးအနေနဲ့ အစိုးရဝန်ထမ်းတော့ မလုပ် ချင်ဘူး။ ပရဟိတလုပ်ငန်းတွေပဲ လုပ်ချင် တယ်။

နာရေးကူညီမှုလုပ်ငန်းတွေမှာ ပေါ့။ ဆွေးမျိုးထဲမှာ စစ်တပ်တို့ ရဲတပ်ဖွဲ့ တို့က မဟုတ်ဘဲ၊ အစိုးရဝန်ထမ်းလုပ်နေ တာမရှိပါဘူး။ ညီမရဲ့သူငယ်ချင်း ယောက်ျား လေးနှစ်ယောက်ကတော့ DSA တက် နေတယ်။ မိန်းကလေး တစ်ယောက်က တော့ သူနာပြုတက်နေတယ်။ အစိုးရလုပ် ငန်းဆိုတာ ကတော့ ပုံသေပေါ့နော်။ ပုဂ္ဂလိကလုပ်ငန်းကတော့ ခဏပေါ့နော်။

ပုံသေမရှိဘူးပေါ့။ ပျက်ချင်လည်း ပျက် သွားနိုင်တာပေါ့။ ကိုယ့်အနာဂတ်ရည် မှန်းချက်အတွက်လည်း မရှိနိုင်ဘူးပေါ့ နော်။ အစိုးရဝန်ထမ်းက ကောင်း ပါတယ်။ ရေရှည် အတွက်လည်း ကောင်းပါတယ်။ကိုယ်ရဲ့အနာဂတ်ပေါ့။ လုပ်ငန်းတစ်ခုကို လည်း တည်တည်ငြိမ်ငြိမ်နဲ့ လုပ်နေနိုင်ပါ တယ်။ ညီမလေးအနေနဲ့အခု စီးပွားရေး တက်လို့ဘွဲ့ ရပြီးရင်တော့ ကျောင်းဆရာမ (TTC) ထပ်ပြီးတော့ တက်ချင်ပါတယ်။

မမီမီကျော် (မန္တလေး)
ကျောင်းကတော့ GTC တက်နေ ပါတယ်။ B.Tech တန်းပါ။ ဘီအီးထိ ပါရင် ဘီအီးထိတက်မယ်၊ အမ်အီးပါရင် အန်မ်အီးထိ တက်မယ်။ ရည်ရွယ်ထား တာတော့ ဒီပညာနဲ့ပဲ အသက်မွေးဝမ်း ကျောင်းပြုမယ်လို့ ရည်ရွယ် ထားတာပဲ။ ပြည်ပတွေ ဘာတွေလည်း ထွက်ဖို့မရှိပါ ဘူး။ ဒီမှာ ပဲ အေးအေးဆေးဆေး လွတ် လပ်လပ်ပဲနေမယ်။ ပြီးမှ ပြောင်းလဲလာ တဲ့အပေါ်မှာမူတည်ပြီး ပြောင်းချင်လည်း ပြောင်းသွားမှာပေါ့။ အစိုးရလုပ်ငန်း လည်း အခြေအနေပေးရင် လုပ်ဖြစ်မှာ ပါ။ ဘာပဲဖြစ်ဖြစ်ပေါ့။ ကိုယ်တိုင် လုပ်ချင် တာ ရည်ရွယ်ထားတာတော့ ရှိတယ်။ ဖျော်ရည်လုပ်ငန်းတွေလည်း လုပ်ချင် တယ်။ စိတ်ကူးထားတာပေါ့။

ရဲမေတို့ စုံ စမ်းထောက်လှမ်းရတဲ့ လုပ်ငန်းတွေလည်း စိတ်ဝင်စားပါ တယ်။ ဖြစ်နိုင်ရင်တော့ ကိုယ်တတ်နိုင်တဲ့ဘက်ကနေ နိုင်ငံတော် အတွက် တစ်ထောင့်တစ်နေရာကပဲ ဖြစ် ဖြစ်ပေါ့။ လုပ်ချင်ပါတယ်။ ကာကွယ်ရေး ပဲဖြစ်ဖြစ် ဒါမှမဟုတ်လည်း အစိုးရဝန် ထမ်းပဲ ဖြစ်ဖြစ်ပေါ့။
အဆင်ပြေတဲ့နေရာ ကနေ ပါဝင်ရမယ်ဆိုလည်း ပါဝင်ချင်ပါ တယ်။ တတ်နိုင်သလောက်ပေါ့။ ပတ်ဝန်း ကျင်မှာဆို အရမ်းကောင်းပြီး လေးစား အား ကျရတဲ့ ဝန် ထမ်းတွေရှိသလို အနိုင် ကျင့်ပြီး လာဘ်စားနေတဲ့ ဝန်ထမ်းတွေ လည်း တွေ့ဖူးတယ်လေ။ အရမ်းအားကျ ရတဲ့ ဝန်ထမ်းဆိုရင် ဥပမာ မေမေပေါ့။ ကိုယ့်အမေမို့ ကိုယ်ပြော တာတော့မဟုတ် ဘူး။ ဝန်ထမ်းကောင်းပီသတယ်လို့ ထင် တယ်။ အမေက ကျောင်းဆရာမပါ။ စာ သင်ရင် စေတနာပါပါနဲ့ သင်တယ်။ ကလေးအပေါ်မှာလည်း ဂရုတစိုက်ရှိ တယ်။ လာဘ်ပေးလာဘ်ယူတာတွေ ဘာမှမရှိဘူးလေ။ ဝန်ထမ်းကောင်း ပီသ တယ်။ မေ့မေ့ကိုအားကျတယ်။ လာဘ် စားတဲ့ဝန်ထမ်းဆိုရင်လည်း သိသာ တယ်။ အငယ်တွေတော့ သိပ်မတွေ့ဖူးဘူး။ များ သောအားဖြင့် အကြီးပိုင်းတွေပေါ့။ အများကြီးတော့ အပြစ်မပြောလိုပါဘူး။

များသောအားဖြင့် ကျွန်မတို့ က ကျောင်း သူဆိုေ တာ့ ကျောင်းတွေမှာ အများဆုံး တွေ့ရတယ်။ ကျွန်မ ရဲပဲဖြစ်ဖြစ် အစိုးရ ဝန်ထမ်းပဲဖြစ်ဖြစ် ကိုယ်ပိုင် လုပ်ငန်းတစ်ခု ခုပဲလုပ်လုပ် လာဘ်ပေးလာဘ်ယူတာတွေ ဘာမှ မလုပ်ဘူး။ ကိုယ်ပိုင် မှန်မှန်ကန် ကန်နဲ့ လုပ်ငန်းတိုးတက်အောင် လုပ် မယ်။ လုပ်ငန်းတွေ အဆင်ပြေတိုးတက် အောင်လုပ်မယ်။

မဖြူဖွေးသန့် (ပထမနှစ်၊ ဥပဒေ)
အသက်က ၁၈ နှစ်ထဲမှာပါ။ တကယ်တမ်းတက်ချင်တာကတော့ GTC တက်ချင်တာပေါ့။ ဒါပေမဲ့လည်း ကိုယ်မီတဲ့အမှတ်နဲ့ပဲ တက်ဖြစ်တာပါ။ ပြီးတော့ ကျောင်းပြီးတာနဲ့ အလုပ်ရလွယ်တယ်လို့ သိထားတယ်။ နောက်ပြီး လေ့လာထား သလောက်က ကမ္ဘာ့အဆင့်ခြောက်မှာရှိ တယ်လို့ သိထားတယ်။ အဲ့ဒါကြောင့် Law ကို တက်မယ်ဆိုပြီး ရွေးချယ်ဖြစ် တာပါ။ စိတ်လည်း စိတ်ဝင်စားတယ်။ ကျောင်းပြီးသွားရင်တော့ အခြေအနေအရ ပဲ။ ဘာဖြစ်လာမယ်တော့ မသိဘူး။ တ ကယ်လို့ နိုင်ငံတော် ကာကွယ်ရေးပဲဖြစ် ဖြစ် အစိုးရဝန်ထမ်းပဲဖြစ်ဖြစ်ပေါ့။

တစ် ထောင့်တစ်နေရာကနေ ပါပါဆိုရင်လည်း ပါဖို့အသင့်ပါ။ ဘာဖြစ်ဖြစ်လုပ်မှာပါ။ စုံ စမ်းထောက်လှမ်းရ တာကိုလည်း စိတ် ဝင်စားပါတယ်။ နိုင်ငံတာဝန်ကိုတစ် ထောင့်တစ်နေရာကနေ ထမ်းဆောင်ချင် ပါတယ်။ နိုင်ငံ့ ဝန်ထမ်းကောင်းတစ် ယောက်ဖြစ်အောင် ကြိုးစားချင် ပါတယ်။ ကျွန်မတို့ပတ်ဝန်းကျင်မှာဆို လာဘ်စား တဲ့ ဝန်ထမ်းတွေလည်းတွေ့နေရတာပဲ။အ အမြဲတမ်းမဟုတ်တောင် တစ်ခါတလေ တော့ တွေ့နေရ တာပဲ။ တွေ့နေေ ပမယ့် လည်း အပြစ်တော့မပြောလိုပါဘူး။ သူတို့ အကြောင်းနဲ့ သူတို့တော့ ရှိမှာပဲလေ။ ကိုယ့်အလှည့်တော့ အကောင်း ဆုံးဖြစ် အောင်ကြိုးစားမယ်။ တကယ်တမ်း လေး စားအားကျရတဲ့ ဝန်ထမ်းမျိုးဖြစ်ချင်ပါ တယ်။ ဝန်ထမ်းတွေထဲမှာဆို အနီးစပ်ဆုံး အဖေ့ကို အားကျတယ်။ လာဘ်ပေး လာဘ် ယူမှုလည်း မရှိဘူး။ အေးအေးဆေးပဲ ဘဝကို ဖြစ်သန်းတယ်။ ကိုယ့်အလုပ်လို သဘောထားတယ်။ သူများအကျိုးကို ရှေ့ တန်းတင်ပြီး လုပ်ပေးတာများ တယ်လေ။ကျွန်မ ကိုယ်တိုင်လည်း အဲ့လိုဝန် ထမ်းမျိုး ဖြစ်အောင် ကြိုးစားမယ်။ တော်တော် များများကို လေ့လာနေပါ တယ်။ အခု ကျွန်မတက်နေတဲ့ ဘာသာဆိုလည်း အ များကြီးလေ့လာ ထားပါတယ်။ အစိုးရ ဝန်ထမ်းပဲဖြစ်ဖြစ် ကိုယ်ပိုင်လုပ်ငန်းပဲ ဖြစ်ဖြစ် အဆင်ပြေတာကို လုပ်သွား မှာပါ။ တကယ်တမ်း ဖြစ်ချင်ခဲ့တာက အဆိုတော်တစ်ယောက်ပါ။ ဒါပေမဲ့ လည်း ပေးလာ တဲ့အခြေနေပေါ်မှာ မူ တည်ပြီး လုပ်ရတာပေါ့။ စုံစမ်းထောက် လှမ်းရတဲ့လုပ်ငန်းတွေလည်း စိတ်ဝင်စား တယ်လေ။ ဘဝမှာတော့ အေးအေးချမ်း ချမ်းနဲ့ ပျော်ပျော်
ရွှ င်နေရရင် ကျေနပ်ပါပြီ။

မောင်အောင်ခန့် ကျော် (ပုသိမ်မြို့)

ကျွန်တော်က Phone Service လုပ်ငန်းလုပ်ချင်တာကြောင့် ပထမနှစ်တက်နေတဲ့ကြားက ကျောင်းကထွက်လိုက် တယ်။ ရန်ကုန်မှာ Phone နဲ့ ပတ်သက် တဲ့ သင်တန်းေ တွတက်ပြီး အခု အလုပ် ဝင်နေတယ်။ တပ်မတော်နဲ့ ရဲဝန်ထမ်း လိုမျိုး အစိုးရအလုပ်ကိုတော့ မလုပ်ချင် ပါဘူး။ အစိုးရဝန်ထမ်းက တိုးတက်မှု နည်းတယ် လို့ထင် တယ်။ကိုယ်လုပ်သ လောက်ကိုယ်ပင်ပန်းသလေက် ငွေကြေး မရဘူး။ အပြင်လုပ်ငန်းက ကိုယ်ကြိုး စားရင် ကြိုးစားသလောက်ရတယ်။ အလုပ်လုပ် တတ်ရင် သိပ်ပြီး စိုးရိမ်စရာ မရှိပါဘူး။ ကျွန်တော်မြင်တာက တပ်မ တော်တို့ ရဲတပ်ဖွဲ့တို့က ၈၈ ခုနှစ် နောက်ပိုင်း လူတွေ အမြင်မကြည်ကြ သလိုတွေးမိ တယ်။ အဲဒီအတွက်လည်း အစိုးရ တပ်တွေနဲ့ ရဲဝန်ထမ်းအလုပ်ကို လုပ်ချင်စိတ်မရှိပါဘူး။ အဲဒီအုပ်ချုပ်ရေး၊ ကာကွယ်ရေးပိုင်းနဲ့ ပတ်သက်လို့ မြင်ဖူး သလောက်လည်း လေးစားလောက်သော သူကို ကျွန်တော် မတွေ့ဖူးပါ။ အဖေနှင့် အမေအစိုးရဝန်ထမ်းဖြစ်သလို အမျိုးတွေ ထဲတွင်လည်း ဝန်ထမ်းအများကြီးရှိခဲ့ တယ်။ ဒါပေမဲ့ ရတဲ့လစာနဲ့လည်း ကိုယ် ပိုင်မြေတို့ အိမ်လေးတစ်လုံးပိုင်ဖို့ဝေးတယ်။ ကျွန်တော်တို့ ငယ်ငယ်တည်းက စားရေး သောက်ရေးတောင် လုံလောက်ခဲ့တာ မဟုတ်ဘူး။

အဖေဆုံးပြီးနောက်ပိုင်းမှာပို ဆိုးလာတယ်။ အမေက စာရေးဝန်ထမ်းဆို တော့လည်း သူရတဲ့လစာကို မျှတသုံး နေရတော့ ကျောင်းပညာကို ဆက်သင်ဖို့ အများကြီးအခက်အခဲတွေ့ လာရပါတယ်။ ညီတစ်ယောက်က ဒီနှစ် ဆယ်တန်းတက် နေပြီ။ ဒီအတွက် တစ်ဖက်တစ်လမ်းကနေ အကူအညီရဖို့အတွက် ကျွန်တော် အလုပ် ကြိုးစားရတယ်။ ဝန်ထမ်းလုပ်ဖို့အတွက် မစဉ်းစားတတ်တော့ ဘူး။

အောင်ထက် (NYK)
Popular Myanmar News Journal

Read More

ကျောက်ပန်းတောင်းမှ ဆရာဝန်ကြီး ဒေါက်တာအောင်ဇော်မိုး အတွက် တောင်းဆိုကြပြီ

·         ကျောက်ပန်းတောင်းမြို့နယ်ကျန်မာရေးဦးစီးဌာနမှူး
ဆရာဝန်ကြီး ဒေါက်တာ အောင်ဇော်မိုးနှင့်တွေ့ဆုံမေးမြန်းခြင်း

·         “ဆရာ..၂၀.၇.၂၀၁၃ ရက်နေ့ကသေဆုံးသွားတဲ့ ကျောက်ပန်းတောင်းမြို့နယ်၊ သံဘိုချောင်းဖျား ကျေးရွာနေ ဦးအောင်လှိုင်ဝင်း၊ဒေါ်ဖြူဖြူစန်းတို့ရဲ့သမီး အသက်(၄)နှစ်ခွဲအရွယ်ရှိ မကျော့မွန်အေးနဲ့ ပတ် သက်ပြီး သစ်ထူးလွင်ဝက်ဘ်ဆိုက်မှာ ဖော်ပြသွားတာ တွေ့လိုက်ရပါတယ်။ အဲလိုဖော်ပြ သွားတဲ့ အပေါ် ဆရာ့အနေနဲ့ ဘာများပြောချင်ပါသလဲ ဆရာ”

“ဟုတ်ကဲ့ ကလေးသေဆုံးရတဲ့ အကြောင်းရှင်းမပြခင် ကျွန်တော် တာဝန်ယူရတဲ့ ကျောက်ပန်း တောင်းမြို့နယ်ပြည်သူ့ ဆေးရုံအကြောင်း အရင်ပြောပြချင်ပါတယ်။ ကျွန်တော့ ဆေးရုံက ကုတင် (၅၀) ဆေးရုံပါ။ ကုတင်(၅၀)ဆေးရုံဖြစ်ပေမယ့် လက်ထောက်ဆရာဝန် (၅)ဦးရှိရမယ့်အစား (၂)ဦး က ပြောင်း ရွှေ့သွားတဲ့အတွက်(၃)ဦးနဲ့ အရိုးအထူးကု ဆရာဝန်တစ်ဦး၊ ကျွန် တော်အပါအ၀င် ဆရာဝန် (၅)ဦးပဲရှိပါ တယ်။ ၀န်ထမ်း အင်အားဟာလည်း အထူးသဖြင့် ဆရာမများ အင်အားက ကုတင်(၅၀)ဆေးရုံ စံကိုက် ခွင့်ပြုအင်အား ရရှိထားတာ မဟုတ်တဲ့ အတွက် လုပ်ငန်းဆောင်တာ များပြားပြီးဝန်နဲ့အား မမျှဘူးလို့ပြောရမှာပါ”
“မြို့နယ် ကျန်းမာရေး ဦးစီးဌာနမှူး တစ်ယောက်အနေ နဲ့ မြို့နယ်ရဲ့ပြည်သူ့ကျန်းမာရေး စောင့် ရှောက်မှုလုပ်ငန်းတွေ၊ စီမံအုပ်ချုပ်မှုလုပ်ငန်းတွေ၊ ဆေးရုံရဲ့ ကုသရေး ဆိုင်ရာလုပ်ငန်းတွေ ဆောင်ရွက် ရ တဲ့အပြင် အထူးကု ဆရာဝန်၊ ခွဲစိတ်ဆရာဝန်၊ သားဖွားမီးယပ် ဆရာဝန်တွေ မရှိတာကြောင့် အဲဒီကုသရေး တွေကိုပါ ကျွန်တော် တစ်ဦးတည်းက ဆောင်ရွက်ရပါတယ်”
“ဟုတ်ကဲ့ပါဆရာ၊ ဆရာ့ဆေးရုံမှာ နေ့စဉ်လူနာ ဘယ်နှစ်ယောက်လောက် ဆေးကုသမှုပေးနေရ တယ်ဆိုတာလဲ သိပါရစေ ဆရာ”
“ကုတင်(၅၀)ဆေးရုံဆိုပေမယ့် နေ့စဉ်လူနာ (၉၀)ကနေ (၁၂၀)လောက် အထိရှိပြီး တစ်ချို့နေ့တွေ ဆို (၁၄၀)အထိရှိတတ်ပါတယ်။ နေ့စဉ်အရေးပေါ် ခွဲစိတ်လူနာ (၅)ဦး လောက်ရှိပြီး တစ်ပါတ်ကို ခွဲစိတ်ခန်းနေ့ တနလာင်္နဲ့၊ ကြာသပတေး(၂)ရက် သတ်မှတ်ထားပါတယ်။ တစ်ရက်ကို ခွဲစိတ်လူနာ (၁၀)ဦးမှ (၁၅)ဦးအထိရှိပြီး တစ်လကို ခွဲစိတ်လူနာ(၁၅၀) မှ(၂၀၀) အထိရှိတတ်ပါတယ်”
“သေဆုံးသွားတဲ့ လူနာ ဆေးရုံကို ရောက်လာတဲ့ ဇူလိုင်(၂၀) ရက်နေ့က ဆရာဆေးရုံမှာ ရှိမနေ ဘူးလို့သိရပါတယ်။ ဆရာ့အနေနဲ့ အရေးကြီးတဲ့ လူနာကိုထားခဲ့ပြီး သွားရတဲ့ အကြောင်းရင်းလေး ကိုသိပါရစေဆရာ”
“အမှန်က အဲဒီကလေးကို ဇူလိုင်(၁၈)ရက်နေ့က လာပြတော့ ကလေးက မှိန်းလွန်းနေတဲ့အတွက်
ဆေးရုံတက် ဖို့ပြောပါတယ်။ ကလေးမိခင်က ၀ါဆိုပန်းခူး ရောင်းရဦးမှာမို့ မတက်နိုင်ကြောင်း ပြောပါတယ်။ နောက်တစ်နေ့ မနက်ပိုင်းမှာ ဘိုက်အောင့်တယ်ဆိုပြီး လာပြလို့ မဖြစ်မနေ ဆေးရုံတက်ဖို့ ပြောတော့လည်း မလိုက်နာဘဲ ပြန်သွားခဲ့ပါတယ်”
“အဲဒီနေ့ နေ့လယ်ပိုင်းမှာ ထပ်ပြီးလာပြတော့ ကလေးကမှိန်းလွန်းနေပြီး ဓာတ်ဆားမ၀င်လို့ စိုးရိမ် ရတယ်။ ဆေးရုံမတက်ဘူး ဆိုရင်တော့ အသက်အန္တရာယ် ရှိတယ်လို့ ပြောတာတောင် မတက်ဘဲ တိတ်တဆိတ် ပြန်သွားကြပါတယ်။ ဇူလိုင်(၂၀)ရက်နေ့ မနက်(၉)နာရီခွဲလောက် မှာ ကလေးဟာ တစ်ညလုံး လူးလွန့်နေတယ်ဆိုပြီး ရောက်လာလို့ သွေးပေါင်ချိန် တိုင်းကြည့်တော့ တိုင်းလို့ မရအောင် (၀)ကို ရောက်နေတဲ့အတွက် ဆေးရုံကို တင်ပို့ခဲ့ပါတယ်”
“ဆေးရုံရောက်တော့ သက်ဆိုင်ရာဆေးရုံ အရေးပေါ်တာဝန်ကျ ဆရာဝန်ကလည်း သီးသန့်ကုသ မှုပေးပြီး ကျွန်တော့ရဲ့ ဆေးကုသမှု ညွှန်ကြားချက်အတိုင်း ဆက်လက် ကုသခဲ့ကြပါတယ်။ အဲဒီနေ့က ကျွန်တော်ဟာ ဖျားနေတဲ့ကြားထဲက အင်္ဂလန်နိုင်ငံက ပါလီမန်အမတ်တွေ ပါဝင်တဲ့ ကျန်းမာရေး လုပ်ငန်းများ လေ့လာရေးအဖွဲ့ ပုဂံနဲ့ပုပ္ပါးကို ရောက်လာတာကြောင့် သွားရောက်ခဲ့ရပါတယ်” 
“အဲဒီခရီးစဉ် သွားရောက်နေတုန်းမှာ ပဲနာရီဝက် တစ်ခါလောက်ကလေးရဲ့ သွေးပေါင်ချိန် တိုးတက်မှု အချေအနေကို ဖုန်းနဲ့မေးမြန်းပြီး အရေးပေါ်တာဝန်ကျ ဆရာဝန်နဲ့ ဆရာမတွေကို သေချာ စောင့်ကြပ် ကြည့်ရှုပေးဖို့ ညွှန်ကြားခဲ့ပါတယ်။ ညနေ(၅)နာရီလောက်မှာ ပြန်ရောက်ပေမယ့် ဖျားပြီးချောင်းတွေ ဆိုးနေ တာကြောင့် အိမ်မှာ အနားယူပြီး ည(၉)နာရီ ကျော်လောက်မှာတော့ လူနာအချေအနေ မကောင်းကြောင်း သိရလို့ဆေးရုံကို သွားခဲ့ပါတယ်”
“ကျွန်တော်ရောက် သွားတော့ ကျွန်တော့ကို ၀ိုင်းဝန်းဆဲဆို ကြိမ်းမောင်း အော်ဟစ်ကြ တာနဲ့ ကလေး အချေအနေကို ကြည့်လိုက်တော့ ကလေးက ဆုံးနေပါပြီ။ ကျွန်တော်ကလေးကို လစ်လျူမရှုခဲ့ ပါဘူး။ ကျွန်တော့စကား နားထောင်ပြီး ဆေးရုံကို အချိန်မီ တင်နိုင်ခဲ့ရင် ဒီလို အဖြစ်ဆိုး နဲ့ကြုံရမှာ မဟုတ်ပါဘူး”
“ပထမကြည့်ခဲ့တဲ့ နှစ်ရက်လောက်က လူနာဟာ သွေးပေါင်ချိန်ကောင်း နေပါတယ်။ BP90/60 ရှိပါ တယ်။ ဓာတ်ဆားရည် တိုက်ဖို့ ညွှန်ကြားခဲ့ပေမယ့် မတိုက်နိုင် ခဲ့ကြပါဘူး။ ကလေး အထွန့်သလူး ဖြစ်တဲ့အခါမှာလည်း ဆေးရုံကို မနက်စောစော ရောက်အောင်လာနိုင်တဲ့ အချေအနေ ရှိပါရဲ့နဲ့ (၉) နာရီခွဲလောက်မှ ရောက်လာကြပါတယ်”
“လူနာကို ICU လို့ခေါ်တဲ့ အထူးကြပ်မတ် ကုသခန်းမှာ ထားတာကြောင့် တာဝန်ကျ ဆရာဝန် အခန်းနဲ့(၁၀)ပေလောက်၊ ဆရာမများ အခန်းနဲ့က (၅)ပေလောက်ပဲ ကွာဝေးလို့ ကျွန်တော့ရဲ့ အဝေးရောက် ညွှန်ကြားမှုနဲ့ အနည်းဆုံးနာရီဝက် တစ်ခါစမ်းသပ် ကြည့်ရှု ဆောင်ရွက် ပေးခဲ့ကြ ပါတယ်။ ဒါ့ကြောင့် ကျွန်တော်တို့ ဘက်ကတော့ လစ်ဟင်းမှု၊ ပေါ့လျော့မှုမရှိခဲ့ပါဘူး။ ဆေးကုသမှု အပိုင်းမှာလည်း မှားယွင်းမှု မရှိခဲ့ပါဘူး”
“ကျွန်တော်ဟာ (၁၂.၄.၂၀၁၂)ရက်နေ့က စတင်ပြီး ကျောက်ပန်းတောင်းမြို့နယ် ဆေးရုံမှာ တာဝန် ထမ်းဆောင်ခဲ့ တာပါ။ အဲလိုစတင် တာဝန်ယူကတည်းက ဆေးရုံကုသရေး လုပ်ငန်းများမှာ အခမဲ့ ဆောင်ရွက်ခဲ့ပြီး ဆေးရုံကို အဖက်ဖက်က တိုးတက်အောင် ဆောင်ရွက်နိုင်ခဲ့ပါတယ်။ ကျွန်တော် ကုသခွဲစိတ်ပေး ခဲ့တဲ့လူနာ မှတ်ပုံတင် စာရင်းစာအုပ်က လူနာတွေကို ခေါ်ယူမေးမြန်းနိုင်ပါတယ်”
“ဟုတ်ကဲ့ အခုလိုဖြေကြားပေးတဲ့အတွက် ကျေးဇူးတင်ပါတယ်ဆရာ”

မင်းကျော်ဇော မြို့နယ်စာရေးဆရာအသင်း မကွေးမြို့။ PH 0943053905

သစ်ထူးလွင် website ဇူလိုင်လ 29 တွင်ဖော်ပြခဲ့သောသတင်းမှာမှားယွင်းနေသောကြောင့် ဆရာဝန်ကြီးမှာ သိက္ခာကျဆင်းစေပါ သည်။ မြို့နယ်ဆရာဝန်ကြီးမှာ ပြည်သူများအပေါ်တွင်ငွေရေးကြေးရေး အဓိက မထားပဲ စေတနာ ရှေ့ထားပြီး ကုသပေးနေသည်မှာ ကျောက်ပန်းတောင်းတမြို့လုံးသိပါသည်။ထိုကဲ့သို့ စေတနာဆရာဝန်မှာ ရှားပါးပါသည်။ဆရာဝန်ကြီးပြောင်းသွားလျှင်သော် လည်းကောင်း အလုတ် ထွက်သွားခဲ့လျှင်သော်လည်ကောင်း မြို့ခံလူထုအတွက် အရမ်းနစ်နာစေပါသည်။ထို့ကြောင့် သတင်းမှန်ဖြစ်စေရန်နှင့် ဆရာကြီး အပေါ် လူထုအမြင်ရှင်းစေရန် အတွက် သွားရောက်မေးမြန်းရေးသားလိုက် ရခြင်းဖြစ်ပါသည်။ သို့ဖြစ်ပါသဖြင့် လူကြီးမင်းတို့ website တွင်သတင်းဖော်ပြပေးပါရန် မေတ္တာရပ် ခံ ပေးပို့အပ်ပါသည်။

https://www.facebook.com/drmin.kyawzaw

Read More

သဘာဝ အသီးအနှံ များသည် အသက်ရှည်ဆေး ဖြစ်ကြောင်း အသက် ၁၂၃ နှစ်အရွယ်ရှိ ဘိုလီဗီးယား လယ်သမားကြီး ပြောကြား

ဘိုလီဗီးယား နိုင်ငံမှ အသက် ၁၂၃ နှစ်ရှိ ကမ္ဘာ့ အသက်ရှည်ဆုံး ပုဂ္ဂိုလ် ဖြစ်နိုင်ဖွယ် ရှိသည့်  လယ်သမားကြီး တစ်ဦးသည် ၎င်း၏ အသက်ရှည်မှုနှင့် ပတ်သက်သည့် စားသောက် နေထိုင်ပုံ လျှို့ဝှက်ချက် များကို ထုတ်ဖော်ပြောကြား ခဲ့သည်ဟု အင်တာနက် သတင်း တစ်ပုဒ်တွင်  ဖော်ပြထားသည်။

အင်တာနက် သတင်းပါ ဖော်ပြချက် အရ ကာမီလို ဖလောရက်စ် အမည်ရှိ အဆိုပါ လယ်သမားကြီးသည် ယနေ့ခေတ်သုံး ဗီတာမင် ဖြည့်စွက်စာ များကို မှီဝဲ စားသုံးခြင်း မရှိခဲ့ သကဲ့သို့ ယနေ့ခေတ်တွင် ရေပန်းစား လှသည့် အားကစားရုံ များသို့လည်း သွားရောက်ကစား ခဲ့ဖူးခြင်း မရှိဟု သိရသည်။

အသက် ၁၂၃ နှစ်တိုင်အောင် မိမိသည် သဘာဝ ကောက်ပဲသီးနှံများ၊ မြစ်ကမ်းပါးတွင် ပေါက်ရောက်နေသော မှိုများနှင့် ကိုကာရွက်များ ကိုသာ စားသုံးခဲ့ကြောင်း၊ သဘာဝ ကောက်ပဲ သီးနှံများတွင် ခန္ဓာကိုယ် အတွက် လိုအပ်သည့် ဗီတာမင် စုံလင်စွာ ပါရှိကြောင်း ဘိုလီဗီးယား နိုင်ငံ Frasquia ဒေသတွင်းရှိ အန်ဒန်တစ်ခု အတွင်း၌ သက်ရှိထင်ရှား နေထိုင်လျက် ရှိသည့် ကာမီလိုက ၎င်းထံလာရောက် မေးမြန်းသူ များကို ၎င်းစားသောက် နေထိုင်မှုနှင့် ပတ်သက်၍ ထုတ်ဖော် ပြောကြားခဲ့ခြင်း ဖြစ်သည်ဟု သိရသည်။

Read More

ဖူကူရှီးမား စက်ရုံ၏ ရေဒီယို သတ်္တိကြွ ယိုစိမ့်မှု ထိန်းချုပ်ရန် ဒေါ်လာ ၄၀၂ သန်းကျော် အသုံးပြုမည်

ဂျပန် အစိုးရသည် ဖူကူရှီးမား ဒိုင်အိချီ နျူကလီးယား ဓာတ်ပေါင်းဖိုမှ ရေဒီယို သတ်္တိကြွ အရည်များ ယိုစိမ့်မှုကို ထိန်းချုပ်ရန် အတွက် အနည်းဆုံး အမေရိကန် ဒေါ်လာ  ၄၀၂ ဒသမ ၆၀ သန်းခန့် အသုံးပြုသွားရန် စီစဉ်ထားကြောင်း အစိုးရ၏ ထုတ်ဖော် ပြောကြားချက်ကို ကိုးကား၍ Nikkei သတင်းစာက ဖော်ပြခဲ့သည်။

နျူကလီးယား ဓာတ်ပေါင်းဖိုမှ ယိုစိမ့်သော ရေဒီယို သတ်္တိကြွ ပစ္စည်းနှင့် မြေအောက်ရေတို့  ရောစပ်မှု မရှိစေရန် အတွက် ဓာတ်ပေါင်းဖို ၀န်းကျင်ရှိ မြေဆီလွှာကို အေးခဲစေရန် လုပ်ဆောင်ရာတွင် ကုန်ကျမည့် စရိတ်အားလုံးကို လုံလုံလောက်လောက် အသုံးပြုသွား မည်ဟု အစိုးရက ရည်ရွယ်ထားကြောင်း သိရသည်။

အဆိုပါ ကိစ္စရပ်များကို လုပ်ဆောင်ရန် အတွက် စုစုပေါင်း ကုန်ကျစရိတ်၏ ထက်ဝက်ကို ဂျပန်နိုင်ငံ၏ ခန့်မှန်းခြေရသုံး ငွေစာရင်း၏ အရေးပေါ် ရန်ပုံငွေမှ ထုတ်ယူ သုံးစွဲရန် မျှော်လင့် ထားပြီး ၎င်းအစီအစဉ်ကို ယခု ဘဏ္ဍာရေး နှစ်တွင် စတင်သွားမည် ဖြစ်သည်။

အလားတူ ဂျပန် အစိုးရသည် ၂၀၁၁ ခုနှစ်တွင် လှုပ်ခတ်ခဲ့သော ငလျင်ကြောင့် ပျက်စီး သွားခဲ့သည့် တိုကျိုလျှပ်စစ် ဓာတ်အားပေး စက်ရုံ ကိစ္စရပ် ကိုလည်း ကိုင်တွယ်ဖြေရှင်း သွားမည်ဖြစ်ကြောင်း သိရသည်။

Read More

တရုတ် နိုင်ငံတွင် မျက်စိ တစ်လုံးသာ ပါပြီး နှာခေါင်း မပါသော ကြောင်ငယ်လေး မွေးဖွား

တရုတ်နိုင်ငံ စီချွမ်ပြည်နယ် နေကျန်းမြို့တွင် နဖူး အလယ်၌ မျက်စိ တစ်လုံးသာ ပါပြီး နှာခေါင်း မပါရှိသော ကြောင်ငယ်လေး တစ်ကောင် မွေးဖွားခဲ့ကြောင်း Nuaxi Metropolitan သတင်းစာ တွင် ရေးသား ဖော်ပြခဲ့သည်။

ထူးဆန်းလှသည့် အဆိုပါ ကြောင်ငယ်လေးကို သြဂုတ် ၃၀ ရက်တွင် မွေးဖွားခဲ့ခြင်း ဖြစ်ပြီး မွေးဖွားပြီး နာရီ အနည်းငယ် အကြာတွင် သေဆုံးခဲ့သည်ဟု သိရသည်။

Read More

အမေရိကန်မှ အသက် ၆၄ နှစ်အရွယ် အမျိုးသမီးကြီး တစ်ဦး ကျူးဘားမှ ဖလော်ရီဒါ ပြည်နယ်သို့ အောင်မြင်စွာ ရေကူးဖြတ်သန်း

အမေရိကန် ပြည်ထောင်စုမှ ဒိုင်ယာနာနက်စ် အမည်ရှိ အသက် ၆၄ နှစ် အရွယ် အမျိုးသမီးကြီး တစ်ဦးသည် သမိုင်းတွင် မှတ်တမ်း တင်နိုင်သည့် ပထမဆုံး လူပုဂ္ဂိုလ် ဖြစ်လာစေရန် အတွက် ကျူးဘား နိုင်ငံမှ ဖလော်ရီဒါ ပြည်နယ်သို့ မိုင် ၁၀၀ ခရီးကို သုံးရက်ကြာ ရေကူးခတ် ပြခဲ့ရာ အောင်မြင်မှု ရှိခဲ့ကြောင်း အင်တာနက် သတင်းတစ်ရပ် အရ သိရသည်။

အဆိုပါ အမျိုးသမီးသည် ကျူးဘားနိုင်ငံ ဟာဗားနား မြို့ရှိ လှေလှော်ရွက်တိုက် အဖွဲ့မှ သြဂုတ် ၃၁ ရက်တွင် ထွက်ခွာ ခဲ့ပြီးနောက် ဖလော်ရီဒါ ပြည်နယ် ကီးဝတ်စ် ကမ်းခြေသို့ စက်တင်ဘာ ၂ ရက်တွင် ရောက်ရှိခဲ့သည်။ သူမသည်  ၎င်းခရီးစဉ်ကို ၁၂ နာရီ ၅၄ မိနစ် (၁၈ ဒသမ ၆ စက္ကန့်) ဖြင့် ကူးခတ်ပြနိုင် ခဲ့ကြောင်း သူမ၏  ဖေ့စ်ဘွတ်ခ် စာမျက်နှာတွင် ရေးသားဖော်ပြ ထားသည်။

၎င်းအမျိုးသမီးသည် အဆိုပါ ကြိုးပမ်းမှုကို ယခင်က လေးကြိမ်လုပ်ဆောင် ခဲ့သော်လည်း ရာသီဥတု ဆိုးရွားမှုနှင့် ငါးများ၏ တိုက်ခိုက်မှုကြောင့် အောင်မြင်မှု မရှိခဲ့ကြောင်းနှင့် ယခု တစ်ကြိမ်မှသာ အောင်မြင်မှု ရရှိခဲ့ကြောင်း ၎င်းစာမျက်နှာတွင် ဖော်ပြထားသည်။

Read More

ဆီးရီးယား အီလက်ထရွန်နစ် တပ်ဖွဲ့(SEA)က အမေရိကန် မရိန်းတပ်ဖွဲ့ ဝက်ဘ်ဆိုက်ကို တိုက်ခိုက်ခဲ့

ဆီးရီးယားသမ္မတ ဘာရှာအယ်လ် အာဆတ်၏ ဆီးရီးယား အီလက်ထ ရွန်နစ်တပ်ဖွဲ့ (SEA)သည် အမေရိကန် မရိန်းတပ်ဖွဲ့၏ အင်တာနက်ဝက်ဘ် ဆိုက်တစ်ခုကို  စက်တင်ဘာ ၂ ရက် နံနက်ပိုင်းက

ဆိုက်ဘာတိုက်ခိုက်မှု တစ်ရပ်ပြုလုပ်ခဲ့ပြီး အယ်လ်ကိုင်ဒါ အကြမ်း ဖက်အုပ်စုများကို အကူအညီ အထောက်အပံ့များ ပေးနေမည့်အစား ဆီးရီးယား အစိုးရ တပ်ဖွဲ့များနှင့်အတူ ယှဉ်တွဲ၍ အယ်လ်ကိုင်ဒါ အကြမ်းဖက်အဖွဲ့ကို ဆန့်ကျင် တိုက်ခိုက်မည့် အမေရိကန် စစ်သားများကို ကြိုဆိုပါကြောင်း ရေးသားထားသည့် မက်ဆေ့ခ်ျတစ်စောင်ကို  ၎င်းဝက်ဘ်ဆိုက်တွင် တင်ထားခဲ့သည်ဟု စက်တင်ဘာ ၃ ရက် အင်တာနက် သတင်းတစ်ရပ် အရ သိရသည်။

ထို့အပြင် ၎င်းစာထဲတွင် အမေရိကန် စစ်ဘက်ဝတ်စုံများကို ဝတ်ဆင်ထားပြီး ''ဆီးရီးယားရှိ အယ်လ်ကိုင်ဒါ အကြမ်းဖက်သမားများအတွက် တိုက်မည်မဟုတ်'' ဆိုသည့်စာကို ကိုင်၍ ၎င်းတို့၏ မျက်နှာများကို   ဖုံးကွယ်ထားသည့် ဓာတ်ပုံငါးပုံကို ဖော်ပြထားကြောင်း သိရသည်။    

Read More

တပ်မတော် အတွင်း စစ်သည် မိသားစုများ ပညာရေး မြင့်မားအောင် ဆောင်ရွက်ပေးခြင်းသည် နိုင်ငံတော် ဖွံ့ဖြိုး တိုးတက်ရေး အတွက် တစ်ဖက် တစ်လမ်းမှ အထောက်အပံ့ ရအောင် ဆောင်ရွက်ခြင်းဖြစ်

တပ်မတော်၏ တာဝန် ဖြစ်သော နိုင်ငံတော် ကာကွယ်ရေး တာဝန် ထမ်းဆောင်ရာ၌ အမြဲတိုက်ပွဲဝင် အသင့် ဖြစ်စေရေး အတွက် တပ်များတွင် စွမ်းရည်ရှိရန် လိုသလို စွမ်းရည်ရှိရန် အတွက်လည်း အမြဲ လေ့ကျင့်နေရန် လိုကြောင်း၊ တပ် တည်ဆောက်ရေး လုပ်ငန်းကြီး (၄)ရပ်ဖြင့် တပ်များအား တည်ဆောက်ရာတွင် ထိရောက်သော လုပ်ဆောင်မှု မျိုးဖြင့် တည်ဆောက် သွားရန် လိုကြောင်း၊ နိုင်ငံတော် ကာကွယ်ရေး စွမ်းအားအတွက် ယုံကြည် စိတ်ချရသော တပ်များဖြစ် အောင် ကြိုးစား သွားကြစေ လိုကြောင်း၊ သာမန်ချိန်တွင် စားချိန်၊ နားချိန်၊ အလုပ်လုပ် ချိန်အား ခွဲခြား တတ်စေရေး ကွပ်ကဲ အုပ်ချုပ်သူများမှ ကြပ်မတ် ဆောင်ရွက် ပေးသွားကြရန် လိုကြောင်း၊

အကြောင်း အမျိုးမျိုးကြောင့် တပ်မတော်ထဲသို့  ဝင်ရောက်လာပြီး ပညာရေး အားနည်းသော စစ်သည်များအား ပညာ ရည် မြင့်မားအောင် ဆောင်ရွက် ပေးလျက်ရှိသဖြင့် ပညာရေးကို  ဥာဏ်ရည် ရှိသလောက် ဆုံးခန်းတိုင်အောင် သင်ကြားသွားကြစေ လိုကြောင်း၊  တပ်မတော်အတွင်း စစ်သည်၊ မိသားစုဝင်များ ပညာရည် မြင့်မားအောင် ဆောင်ရွက် ပေးခြင်းသည် နိုင်ငံတော်၏ လူသား အရင်းအမြစ်များ ဖွံ့ဖြိုး တိုးတက်ရေး အတွက် တစ်ဖက်တစ်လမ်းမှ အထောက် အပံ့ ရအောင် ဆောင်ရွက် ပေးခြင်းဖြစ်သဖြင့် ကြိုးစား အားထုတ်ကြ စေလိုကြောင်း၊ ကိုယ်နေထိုင်သည့် တပ်နှင့် ပတ်ဝန်း ကျင်အား သန့်သန့်ရှင်းရှင်း သပ်သပ်ရပ်ရပ် ဖြစ်အောင် ဆောင်ရွက် သွားကြရန်နှင့် မြို့သန့်ရှင်း သာယာလှ ပရေး၊ ဖွံ့ဖြိုး တိုးတက်ရေးအား ဝိုင်းဝန်း ကူညီ ဆောင်ရွက်ပေးခြင်းဖြင့် တပ်နှင့် ပြည်သူ တစ်သားတည်း ရှိလာမည်ဖြစ် ကြောင်း၊ နိုင်ငံတော်မှ အားထားရသော တပ်များဖြစ်အောင် စည်းစည်းလုံးလုံး ညီညီ ညွတ်ညွတ်ဖြင့် ကြိုးစားဆောင် ရွက် သွားကြစေလိုကြောင်းဖြင့် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် စက်တင်ဘာ ၃ရက်၊ နံနက်ပိုင်းတွင် ပမ္မဝတီ ရေတပ်စခန်း ဌာနချုပ်ခန်းမ၌ တပ်နယ်မှ အရာရှိ၊ စစ်သည်၊ မိသားစု များအား တွေ့ ဆုံစဉ် အမှာစကား ပြောကြားသည်။

ပုသိမ်မြို့တွင် ရောက်ရှိနေသော တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ညှိနှိုင်း ကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီး လှဌေးဝင်း၊ ကာကွယ်ရေး ဦးစီးချုပ် (ရေ)၊ ကာကွယ်ရေး ဦးစီးချုပ် (လေ)နှင့် ကာကွယ်ရေး ဦးစီးချုပ်ရုံးမှ တပ်မတော် အရာရှိကြီးများ၊ အနောက်တောင်တိုင်း စစ်ဌာနချုပ် တိုင်းမှူးတို့ လိုက်ပါလျက် ယနေ့ နံနက်ပိုင်းတွင် ပမ္မဝတီ ရေတပ်စခန်း ဌာနချုပ်သို့ ရောက်ရှိကြပြီး ပမ္မဝတီ ဧည့်ရိပ်သာ၌ ဌာနချုပ် မှူးမှ တပ်တည်ဆောက်ရေး လုပ်ငန်းကြီး (၄)ရပ်အား ရှင်းလင်းတင်ပြမှု အပေါ် တပ်မတော် ကာကွယ်ရေး ဦးစီးချုပ်က လိုအပ်သည်များ မှာကြားဖြည့်ဆည်း ဆောင်ရွက်ပေးသည်။

ထို့နောက် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် အဖွဲ့ဝင်များသည် ဆေးရုံတည် ဆောက်ရေး လုပ်ငန်းသို့ ရောက်ရှိပြီး လုပ်ငန်း ဆောင်ရွက် ပြီးစီးမှု အခြေအနေ များအား ကြည့်ရှု စစ်ဆေးရာ တာဝန် ရှိသူများက လိုက်လံ ရှင်းလင်း ပြသကြသည်။

ယင်းနောက် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ပမ္မဝတီ ခန်းမ၌ တပ်နယ်မှ အရာရှိ၊ စစ်သည်၊ မိသားစု များအား တွေ့ဆုံ သြဝါဒ စကား ပြောကြားပြီး စားသောက်ဖွယ်ရာ များအား လက်ဆောင် အဖြစ် ပေးအပ်ရာ တာဝန်ရှိသူ တစ်ဦးက လက်ခံ ရယူသည်။

အလားတူ အဖွဲ့ဝင်အဖြစ် လိုက်ပါလာသော တပ်မတော် ကာကွယ်ရေး ဦးစီးချုပ်၏ဇနီး ဒေါ်ကြူကြူလှမှ တပ်နယ် အတွက် မိခင်နှင့် ကလေး ရန်ပုံငွေများ ပေးအပ်ရာ တာဝန်ရှိသူ တစ်ဦးက လက်ခံ ရယူသည်။

၎င်းနောက် ညှိနှိုင်း ကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီး လှဌေးဝင်းမှ ကျောင်းသုံး ဗလာ စာအုပ်များအား လည်းကောင်း၊ စစ်ရေးချုပ် ဒုတိယ ဗိုလ်ချုပ်ကြီး ခင်ဇော်ဦးမှ အားကစား ပစ္စည်းများအား လည်းကောင်း အသီးသီး ပေး အပ်ကြရာ တာဝန် ရှိသူများက လက်ခံရ ယူကြသည်။

တွေ့ဆုံပွဲ အပြီးတွင် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဇနီး ဒေါ်ကြူကြူလှနှင့် အဖွဲ့ဝင် များသည် အခမ်းအနားသို့ တက်ရောက် လာကြသူများအား ရင်းရင်းနှီးနှီး လိုက်လံနှုတ်ဆက် ကြသည်။

ဆက်လက်၍ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဇနီး ဒေါ်ကြူကြူလှနှင့် အဖွဲ့ဝင်များ သည် ဟိုင်းကြီးကျွန်းမြို့နယ် ခွဲရှိ မဟာ ကုဋရံသီ ဆံတော်ရှင် မြတ်မော်တင် စေတီတော်သို့ ရောက်ရှိကြပြီး စေတီတော် အား လက်ယာရစ် လှည့်လည် ဖူးမြော် ကြည်ညိုကာ ပန်း၊ ရေချမ်း၊ ဆီမီးများ ဆက်ကပ် လှူဒါန်းသည်။

ထို့နောက် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဇနီး ဒေါ်ကြူကြူလှနှင့် အဖွဲ့ဝင်များက စေတီတော် အတွက် အလှူငွေများပေး အပ်လှူဒါန်းရာ ဂေါပက အဖွဲ့ဝင်များမှ လက်ခံရယူကြပြီး  စေတီတော် ပုံတူ ဓာတ်ပုံ များအား ဓမ္မလက်ဆောင် အဖြစ် ပြန်လည် ပေး အပ်ကြသည်။

ထို့နောက် တပ်မတော် ကာကွယ်ရေး ဦးစီးချုပ်နှင့် အဖွဲ့ဝင်များသည် စေတီတော်ဝင်း အတွင်းရှိ သာသနာ့ သိင်္ဂီ ကျောင်း တိုက်သို့ သွားရောက်၍ ကျောင်းထိုင် ဆရာတော် ဦးသုဇာတအား ဖူးမြော်ကြည်ညိုကာ လှူဖွယ်ပစ္စည်းများ   ဆက်ကပ် လှူဒါန်းကြသည်။

ဆက်လက်၍ တပ်မတော် ကာကွယ်ရေး ဦးစီးချုပ်နှင့် အဖွဲ့ဝင်များသည် နေ့လယ်ပိုင်းတွင် ပုသိမ်မြို့ စစ်မြေပြင်ဆေး တပ်ရင်းသို့ ရောက်ရှိကြပြီး ခွဲစိတ် ကုသဆောင်နှင့် ဖျားနာကုသ ဆောင်တို့တွင် ဆေးရုံတက်ရောက် ကုသလျက် ရှိသော လူနာများအား ရင်းရင်းနှီးနှီး လိုက်လံနှုတ်ဆက် အားပေးစကား ပြောကြားကာ စားသောက်ဖွယ်ရာများ ပေးအပ်ကြသည်။

အလားတူ အဖွဲ့ဝင်အဖြစ် လိုက်ပါလာသော တပ်မတော် ကာကွယ်ရေး ဦးစီးချုပ်၏ဇနီး ဒေါ်ကြူကြူလှ ဦးဆောင်သော အဖွဲ့ဝင်များသည် အမျိုးသမီး ကုသဆောင်တွင် ဆေးရုံ တက်ရောက် ကုသလျက်ရှိသော လူနာများအား ရင်းရင်း နှီးနှီး လိုက်လံနှုတ်ဆက် အားပေးစကား ပြောကြားကာ စားသောက် ဖွယ်ရာများအား လက်ဆောင်အဖြစ် ပေးအပ်သည်။

ထို့နောက် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့်ဇနီး ဒေါ်ကြူကြူလှ တို့က စစ်မြေပြင် ဆေးတပ်ရင်း အတွက် လေအေးပေးစက်နှင့် မွေးလူနာများအတွက် ထောက်ပံ့ငွေများ ပေးအပ်ရာ တာဝန်ရှိသူ တစ်ဦးက လက်ခံ ရယူသည်။

ယင်းနောက် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့်အဖွဲ့ဝင် များသည် ပုသိမ်မြို့ရှိ တပ်မတော် ပညာရေး ကျောင်းနှင့်  တိုက်ပွဲဝင် စည်းရုံးရေး သင်တန်းကျောင်းတို့သို့ သွားရောက်၍ တပ်မတော် ပညာရေး ကျောင်းတွင် ဖွင့်လှစ်ထားရှိသော ကွန်ပျူတာ အခြေခံ သင်တန်း၊ တိုင်းရင်းသား ဘာသာစကား သင်တန်းနှင့် ပညာရေး သင်တန်းများတွင် သင်ခန်းစာ ပို့ချနေမှု များအား လည်းကောင်း၊ တိုက်ပွဲဝင် စည်းရုံးရေး သင်တန်းကျောင်း တွင် ဖွင့်လှစ်ထားရှိသော တိုက်ပွဲဝင် စည်းရုံးရေး အရာရှိနှင့် အကြပ်/တပ်သား သင်တန်းတို့တွင် သင်ခန်းစာ ပို့ချနေမှု များအားလည်းကောင်း လှည့်လည်ကြည့်ရှု စစ်ဆေး၍ သင်တန်းသားများအား ရင်းရင်းနှီးနှီး လိုက်လံနှုတ်ဆက် အားပေး စကား ပြောကြားကာ တပ်မှူးများ၏ လိုက်လံရှင်းလင်း တင်ပြမှုအပေါ် တပ်မတော် ကာကွယ်ရေး ဦးစီးချုပ်က လိုအပ်သည် များမှာကြား ဖြည့်ဆည်း ဆောင်ရွက်ပေးကြောင်း သတင်း ရရှိသည်။  

Read More

တရုတ်နိုင်ငံသည် မြန် မာ နိုင်ငံ ၏ အကြီးဆုံး ရင်းနှီး မြှုပ်နှံသော နိုင်ငံဖြစ်

(၁ဝ)ကြိမ်မြောက် တရုတ်- အာဆီယံ ကုန်စည်ပြပွဲ (CAEXPO) နှင့် တရုတ်- အာဆီယံ  စီးပွားရေးနှင့် ရင်းနှီးမြှုပ်နှံမှု ထိပ်သီး အစည်းအဝေး (CABIS) ဖွင့်ပွဲ အခမ်းအနားကို ယနေ့ နံနက် ၉နာရီခွဲတွင် တရုတ် ပြည်သူ့ သမ္မတနိုင်ငံ နန်နင်း မြို့ရှိ Nanning International Convention & Exhibition Centre ၌ကျင်းပသည်။

အဆိုပါ ဖွင့်ပွဲ အခမ်းအနားသို့ ပြည်ထောင်စု သမ္မတ မြန်မာ နိုင်ငံတော် နိုင်ငံတော် သမ္မတ ဦးသိန်းစိန်နှင့် အတူ တရုတ် ပြည်သူ့ သမ္မတနိုင်ငံ ဝန်ကြီးချုပ် မစ္စတာ လီကာကျန်း၊ ကမ္ဘောဒီးယား နိုင်ငံ ဝန်ကြီးချုပ် မစ္စတာ ဆမ်ဒက် ဟွန်ဆန်၊ လာအိုပြည်သူ့ ဒီမိုကရက်တစ် သမ္မတနိုင်ငံ ဝန်ကြီးချုပ် မစ္စတာ သွန်ဆင်း သမာဗောင်၊ ထိုင်းနိုင်ငံ ဝန်ကြီးချုပ် မစ္စ ရင်လပ် ရှင်နာဝပ်၊ ဗီယက်နမ် နိုင်ငံ ဝန်ကြီးချုပ် မစ္စတာ ငုယင်တန်ဇွန်း၊ စင်ကာပူနိုင်ငံ ဒုတိယ ဝန်ကြီးချုပ် H.E. Mr.Teo Choe Hean ၊ တရုတ်ပြည်သူ့ သမ္မတ နိုင်ငံနှင့် အာဆီယံ နိုင်ငံများမှ ဝန်ကြီးများ၊ ဒုတိယ ဝန်ကြီးများ၊ အဆင့်မြင့် အရာရှိ ကြီးများ၊ အာဆီယံ အတွင်းရေးမှူးချုပ် မစ္စတာ လီယောင်မင်နှင့် တာဝန် ရှိသူများ၊ မြန်မာနိုင်ငံ အပါအဝင် တရုတ် ပြည် သူ့ သမ္မတ နိုင်ငံနှင့် အာဆီယံ နိုင်ငံများမှ စီးပွားရေး လုပ်ငန်းရှင်များ၊ နိုင်ငံတကာ သတင်း ဌာနများမှ သတင်းထောက် များ တက်ရောက်ကြသည်။

ဖွင့်ပွဲ အခမ်းအနားတွင် တရုတ် ကွန်မြူနစ် ပါတီ ကွမ်ရှီးကော်မတီ အတွင်းရေးမှူး Mr. Peng Qinghua၊ တရုတ်ပြည်သူ့ သမ္မတ နိုင်ငံ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ဒုတိယ ဝန်ကြီး H.E. Mr. Zhong Shan နှင့် တရုတ် နိုင်ငံ အပြည်ပြည် ဆိုင်ရာ ကုန်သွယ် မှု မြှင့်တင်ရေး ကောင် စီ ဥက္ကဋ္ဌ Mr.Wan Ji Fei တို့က ကြိုဆို နှုတ်ခွန်းဆက် စကား ပြောကြား ကြသည်။

ယင်းနောက် တရုတ်နိုင်ငံ ဝန်ကြီးချုပ်၊ နိုင်ငံတော် သမ္မတ ဦးသိန်းစိန်၊ ကမ္ဘောဒီးယားနိုင်ငံ ဝန်ကြီးချုပ်၊ လာအို ဝန်ကြီးချုပ်၊ ထိုင်းနိုင်ငံ ဝန်ကြီးချုပ်၊ ဗီယက်နမ်နိုင်ငံ ဝန်ကြီးချုပ်၊ စင်ကာပူနိုင်ငံ ဒုတိယ ဝန်ကြီးချုပ်နှင့် အာဆီယံ အတွင်းရေးမှူး ချုပ်တို့က  မိန့်ခွန်း ပြောကြား ကြသည်။

နိုင်ငံတော် သမ္မတ ဦးသိန်းစိန်က မိန့်ခွန်း ပြောကြားရာတွင် ယခုနှစ် ဆိုလျှင် တရုတ်- အာဆီယံ ကုန်စည်ပြပွဲနှင့် တရုတ်- အာဆီယံ စီးပွားရေးနှင့် ရင်းနှီးမြှုပ်နှံမှု ထိပ်သီး အစည်းအဝေး ကျင်းပခြင်း (၁ဝ) နှစ်ပြည့်မြောက် သည့်နှစ် ဖြစ်ပါကြောင်း၊ ထို့အပြင် ယခုနှစ်သည် အာဆီယံ- တရုတ် မဟာဗျူ ဟာမြောက် ဆက်ဆံရေး ထူထောင်ခြင်း (၁ဝ)နှစ် ပြည့်မြောက် အထိမ်းအမှတ်နှင့် တိုက်ဆိုင်နေသည့် အတွက် အာဆီယံ- တရုတ် ဘက်စုံပူးပေါင်း ဆောင်ရွက်မှု မြှင့်တင် ရာ၌ အလွန် အရေးပါသည့် နှစ်ဖြစ်ပါကြောင်း။

ရွေးချယ်ထားသည့် ဆောင်ပုဒ်ဖြစ်သော '' အတိတ်၏ အောင်မြင်မှုများနှင့် ဖွံ့ဖြိုးတိုးတက်မှု ဆန်းသစ် တီထွင် ဖန်တီးရေး ''သည် ယခုလက်ရှိ အခြေအနေနှင့် အလွန်ကိုက်ညီမှု ရှိသည်ဟု ပြောကြား လိုပါကြောင်း၊ မိမိတို့ ဒေသသည် ကမ္ဘာ့ စီးပွားရေး ဖွံ့ဖြိုး တိုးတက်မှု၏ ဗဟိုချက် ဖြစ်လာသည့်အပြင် ကမ္ဘာ့ စီးပွားရေး၌ အရေးပါသော ဒေသဖြစ်လာ ပါကြောင်း။

အာဆီယံနှင့် တရုတ်နိုင်ငံ တို့၏ စီးပွားရေး တည်ငြိမ်မှုသည် ကမ္ဘာ့စီးပွားရေး အတွက် အလွန် အရေးပါလာ ပါကြောင်း၊ ဆယ်စုနှစ် နှစ်ခုအတွင်း အာဆီယံနှင့် တရုတ် ဆက်ဆံရေးသည် အောင်မြင်မှု များစွာ ရရှိခဲ့သည်ကို တွေ့မြင်ကြရ ပါကြောင်း၊ ချစ်ကြည် ရင်းနှီးပြီး အပြန်အလှန် ယုံကြည်မှုရှိသည့် အိမ်နီးချင်းကောင်း မိတ်ဖက် ဆက်ဆံရေးမှ အစပြုပြီး မဟာဗျူဟာ ဆက်ဆံရေး အဆင့်ကို တိုးမြှင့်နိုင်ခဲ့ ပါကြောင်း၊ မိမိတို့ အနေဖြင့် နောင်အနာဂတ် မျိုးဆက်သစ်များ အတွက်  လက်ရှိ အာဆီယံ- တရုတ် ဆက်ဆံရေး အခြေအနေကို ပိုမိုခိုင်မြဲ လာအောင် ထိန်းသိမ်းစောင့်ရှောက် သွားရန် လိုအပ်ပါကြောင်း။

တရုတ်နိုင်ငံသည် ယခုအခါ အာဆီယံ၏ အကြီးဆုံး ကုန်သွယ်ဖက် နိုင်ငံဖြစ်သကဲ့သို့ အာဆီယံ သည်လည်း တရုတ် နိုင်ငံ၏ တတိယ အကြီးဆုံး ကုန်သွယ်ဖက် ဖြစ်နေပါကြောင်း၊ တရုတ်နိုင်ငံက အာဆီယံ ဒေသကို တိုက်ရိုက် ရင်းနှီး မြှုပ်နှံမှု ပမာဏသည် သိသိသာသာ တိုးတက်လာပါကြောင်း၊ ထိုသို့ မြင့်တက်လာခြင်းသည် ကောင်းမွန်သည့် လက္ခဏာ ဖြစ်ပြီး ဆက်လက် ထိန်းသိမ်းသွားရန် လိုအပ်ပါကြောင်း၊ ၂ဝ၁ဝပြည့်နှစ်၌ အာဆီယံ- တရုတ် လွတ်လပ်သော ကုန်သွယ်ရေး နယ်မြေကို စတင် ထူထောင်နိုင်ခဲ့ပြီး ကမ္ဘာပေါ်၌ လူဦးရေ အများဆုံးနှင့် ပြည်တွင်း အသားတင် ထုတ်လုပ်မှု တန်ဖိုး တတိယ အကြီးဆုံးရှိသည့် လွတ်လပ်သော ကုန်သွယ်ရေး နယ်မြေတစ်ခု ဖြစ်လာ ခဲ့ပါကြောင်း။

အာဆီယံ ပေါင်းစည်းရေးနှင့် အာဆီယံ အသိုက်အဝန်း တည်ဆောက်မှု၌ တရုတ်နိုင်ငံ၏ အားပေး ထောက်ခံမှုကို များစွာ ကြိုဆိုပါကြောင်း၊ ၂ဝ၁၅ခုနှစ်၌ အကောင်အထည် ပေါ်လာမည့် အာဆီယံ အသိုက်အဝန်းသည် အာဆီယံနှင့် တရုတ်ပြည်သူ များကို ပိုမိုရင်းနှီး စေမည် ဖြစ်ပါကြောင်း၊ အာဆီယံ- တရုတ်ဒေသ စီးပွားရေး ဖွံ့ဖြိုး တိုးတက်ခြင်းသည် ဒေသတွင်း တည်ငြိမ်ရေးနှင့် အေးချမ်း သာယာရေးအတွက် အထောက်အကူ ပြုမည် ဖြစ်ပါကြောင်း။

မိမိတို့ အနေဖြင့် ပြည်သူများအကြား ပိုမိုရင်းနှီးမှု ရှိစေရေးအတွက် ပါလီမန် အမတ်များ၊ ပညာရှင်များ၊ ကျောင်းသား ကျောင်းသူများ၊ လူငယ်များနှင့် အခြားသက်ဆိုင်သူများ အကြား ပူးပေါင်း ဖလှယ်မှု တိုးမြှင့်သွားရန် လိုအပ်သည်ကို လည်း ပြောကြား လိုပါကြောင်း၊ နှစ်နိုင်ငံ ဆက်ဆံရေးကို ပြောရမည်ဆိုလျှင် မိမိအနေဖြင့် ရှိရင်းစွဲ ''ဆွေမျိုး ပေါက်ဖော်'' ဆက်ဆံရေး တိုးတက်မှုအပေါ် ကျေနပ်အားရ သည်ကို ပြောကြား လိုပါကြောင်း၊ တရုတ်နိုင်ငံသည် မြန်မာနိုင်ငံ၏ အကြီးဆုံး ရင်းနှီးမြှုပ်နှံသော နိုင်ငံဖြစ်ပြီး အမေရိကန် ဒေါ်လာ ၁၄ ဘီလီယံ တန်ဖိုး ရင်းနှီးမြှုပ်နှံ ထားပါကြောင်း၊ ၂ဝ၁၂ ခုနှစ်၌   မြန်မာ- တရုတ် နှစ်နိုင်ငံ စုစုပေါင်း ကုန်သွယ်မှု တန်ဖိုးမှာ အမေရိကန် ဒေါ်လာ ၆ ဒသမ ၅ ဘီလီယံ ရှိသော်လည်း အာဆီယံ- တရုတ် ကုန်သွယ်ရေး၌ မြန်မာနိုင်ငံ၏ ပါဝင်မှု အချိုးအစားသည် ၁ရာခိုင်နှုန်း ကျော်သာ ရှိသည့် အတွက် ကုန်သွယ်ရေး မြှင့်တင်ရန် ဆက်လက်ကြိုးပမ်း ကြရမည် ဖြစ်ပါကြောင်း။

၂ဝ၁၃ ခုနှစ် ဇူလိုင်လ၌ မြန်မာ- တရုတ် နှစ်နိုင်ငံ ရေနံနှင့် သဘာဝဓာတ်ငွေ့ ပိုက်လိုင်း စီမံကိန်း ဖွင့်လှစ် နိုင်ခဲ့ခြင်းသည် မြန်မာနှင့် တရုတ် စီးပွားရေး ပူးပေါင်း ဆောင်ရွက်မှု၏ ထူးခြား အောင်မြင်မှု တစ်ရပ် ဖြစ်ပါကြောင်း၊ အာဆီယံ-တရုတ် ကုန်စည် ပြပွဲသည် လယ်ယာ စိုက်ပျိုးရေး၊ စွမ်းအင်၊ ခရီးသွား လုပ်ငန်း၊ သိပ္ပံနှင့် နည်းပညာ၊ လူသား အရင်းအမြစ် ဖွံ့ဖြိုး တိုးတက်ရေး၊ အသေးစားနှင့် အလတ်စား စီးပွားရေး လုပ်ငန်းများနှင့် ပြည်သူ့ကျန်းမာရေး ကဏ္ဍများ အစရှိသည့် ပူးပေါင်း ဆောင်ရွက်မှု များကို တိုးမြှင့်ပေး နေပါကြောင်း၊ တရုတ် နိုင်ငံသည် မိမိတို့၏ အိမ်နီးချင်းနိုင်ငံ ဖြစ်သည်နှင့် အညီ အစဉ်အလာ အရ တည်ရှိသည့် ခင်မင် ရင်းနှီးမှုကိုလည်း မိမိတို့ တန်ဖိုး ထားပါကြောင်း။

လာမည့် ၂ဝ၁၄ ခုနှစ်၌ မြန်မာနိုင်ငံ အနေဖြင့် အာဆီယံ ဥက္ကဋ္ဌ တာဝန်ကို စတင် ထမ်းဆောင်ရမည် ဖြစ်ပါကြောင်း၊ ၂ဝ၁၅ ခုနှစ်၌ ပေါ်ထွက်လာမည့် အာဆီယံ အသိုက်အဝန်း တည်ဆောက်ရေးအတွက် ၂ဝ၁၄ ခုနှစ်သည် ကြိုတင်ပြင်ဆင်သည့် နောက်ဆုံးနှစ် ဖြစ်သည့်အတွက် အလွန် အရေးကြီးသော နှစ်တစ်နှစ် ဖြစ်ပါကြောင်း၊ မိမိတို့ အနေဖြင့် အာဆီယံ ဥက္ကဋ္ဌ တာဝန် ယူချိန်၌ အာဆီယံ အဖွဲ့ဝင် နိုင်ငံများနှင့် တရုတ်နိုင်ငံ အကြားရှိ မဟာဗျူဟာ ဆက်ဆံရေးကို ပိုမို ခိုင်မာစေရေးအတွက် လုပ်ဆောင်သွားမည် ဖြစ်ပါကြောင်း၊ အာဆီယံ အဖွဲ့ဝင် နိုင်ငံများနှင့် တရုတ်နိုင်ငံ အကြား ယဉ်ကျေးမှု ဖလှယ်ရေး ပူးပေါင်း ဆောင်ရွက်မှု များကိုလည်း မိမိတို့ အာဆီယံ ဥက္ကဋ္ဌ တာဝန် ယူချိန်၌ ပိုမို တိုးမြှင့်နိုင်ရန် ကြိုးစား ဆောင်ရွက်သွားမည် ဖြစ်ပါကြောင်းဖြင့် ပြောကြားသည်။

ဆက်လက်၍ (၉)ကြိမ်မြောက် တရုတ်-အာဆီယံကုန်စည်ပြပွဲ မှတ်တမ်းကို ဗီဒီယိုဖြင့် ပြသသည်။

ထို့နောက် နိုင်ငံတော်သမ္မတ ဦးသိန်းစိန်၊ တရုတ်ပြည်သူ့ သမ္မတနိုင်ငံနှင့် အာဆီယံ အဖွဲ့ဝင် နိုင်ငံများမှ အစိုးရအဖွဲ့ အကြီး အကဲများ၊ အဆင့်မြင့် အရာရှိကြီးများနှင့် အာဆီယံ အတွင်းရေးမှူးချုပ် တို့သည် စင်မြင့်ပေါ်သို့ တက်ရောက် နေရာ ယူကြပြီး (၁ဝ)ကြိမ်မြောက် တရုတ်- အာဆီယံ ကုန်စည်ပြပွဲကို ဖွင့်လှစ်ပေးကြသည်။

အခမ်းအနားတွင် အာဆီယံ- တရုတ်လူငယ်အသင်း ချစ်ကြည်ရေး ဆိုင်ရာ အောင်မြင်မှု မှတ်တမ်း၊ အာဆီယံ-တရုတ် သိပံ္ပနှင့် နည်းပညာ ဆိုင်ရာ အောင်မြင်မှု မှတ်တမ်း၊ အာဆီယံ- တရုတ် ဆိပ်ကမ်းမြို့များ ကွန်ရက် တည်ထောင်မှု အောင်မြင်မှု မှတ်တမ်း၊ အာဆီယံ- တရုတ်ကုန်သည်ကြီးများ အသင်း ပူးပေါင်းဆောင်ရွက်မှု မှတ်တမ်းတို့ကို သက်ဆိုင် ရာ တာဝန်ရှိသူများက တင်ပြခဲ့ကြသည်။

မွန်းလွဲ (၂)နာရီ (၁၅) မိနစ်တွင် နိုင်ငံတော် သမ္မတ နှင့်အဖွဲ့ဝင်များသည် (၁ဝ)ကြိမ်မြောက် တရုတ်- အာဆီယံ ကုန်စည် ပြပွဲတွင် ပါဝင်ပြသမည့် မြန်မာကုန်စည် ပြခန်းဆောင် ဖွင့်ပွဲကို တက်ရောက် အားပေးသည်။

မြန်မာကုန်စည် ပြခန်းဆောင်ကို ပြည်ထောင်စု ဝန်ကြီး ဦးမြင့်လှိုင်၊ ဦးဝင်းမြင်၊့ သံအမတ်ကြီး ဦးတင်ဦးနှင့် မြန်မာ ကုန်သည်/ စက်မှု အသင်းချုပ် ဥက္ကဋ္ဌ ဦးဝင်းအောင်တို့က ဖဲကြိုးဖြတ်၍ ဖွင့်လှစ်ပေးကြသည်။ 

ယင်းနောက် နိုင်ငံတော် သမ္မတသည် မြန်မာကုန်စည် ပြခန်းဆောင်အတွင်း ခင်းကျင်းပြသ ထားသည့် မြန်မာ့ ထွက်ကုန် ပစ္စည်း ပြခန်းများကို လှည့်လည်ကြည့်ရှု အားပေးခဲ့သည်။

ယခုနှစ် တရုတ်- အာဆီယံ ကုန်စည်ပြပွဲ၏ ကုန်စည်ဆိုင်ရာ ခန်းမဆောင်တွင် အာဆီယံ ကုန်စည် ကဏ္ဍနှင့် တရုတ် ကုန်စည် ကဏ္ဍဟူ၍ ကဏ္ဍ(၂)ခုဖြင့် ခင်းကျင်းပြသ ထားသည်။ အာဆီယံ ကုန်စည်ကဏ္ဍတွင် အာဆီယံ၏ အမှတ် တံဆိပ် ထုတ်ကုန်များ၊ စိုက်ပျိုးရေး အခြေခံ ထွက်ကုန်များနှင့် စားသောက်ကုန်များ၊ ပရိဘောဂ ပစ္စည်းများ၊ လက်မှု အနုပညာ ပစ္စည်းများနှင့် ကျောက်မျက် ရတနာများ၊ စားသုံးကုန် ပစ္စည်းများ၊ ဝန်ဆောင်မှု လုပ်ငန်း ဆိုင်ရာများကို လည်းကောင်း၊ တရုတ်ကုန်စည် ကဏ္ဍတွင် ရေနှင့် စက်ပစ္စည်းများ၊ လျှပ်စစ် ဓာတ်အားနှင့် စွမ်းအင်ဆိုင်ရာ ပစ္စည်းများ၊ စားသောက် ကုန်ထုတ် စက်ပစ္စည်းများနှင့် ထုပ်ပိုးသည့် စက်များ၊ ဆောက်လုပ်ရေး လုပ်ငန်းသုံး ပစ္စည်းများ၊ လျှပ်စစ်နှင့် လျှပ်စစ် အသုံးပြုပစ္စည်း များကိုလည်းကောင်း ကဏ္ဍအလိုက် ခင်းကျင်း ပြသထားသည်။

မြန်မာ ကုန်စည်ပြခန်း ဆောင်တွင် မြန်မာ့ပုလဲ ထွက်ကုန်များ၊ ကျောက်မျက်နှင့် လက်ဝတ် ရတနာ ပစ္စည်းများ၊ ပရိဘောဂ ပစ္စည်းများ၊ ပဲ၊ နှမ်း နမူနာများ၊ လက်မှု အနုပညာ ပစ္စည်းများနှင့် ဟိုတယ်နှင့် ခရီး သွားလာရေး ကဏ္ဍတို့ကို  ကုမ္ပဏီ (၅၅)ခုမှ မြန်မာ လုပ်ငန်းရှင် (၁၅၈)ဦးတို့က အခန်းပေါင်း (၈၄)ခန်းဖြင့် ပါဝင်ပြသ ထားပြီး ပြပွဲသို့ မြန်မာ လုပ်ငန်းရှင်များ အပါအဝင် စုစုပေါင်း(၂၅ဝ)ကျော် တက်ရောက် ကြကြောင်း သိရသည်။

မြန်မာအမျိုးသား ပြခန်းဆောင်တွင် နှစ်လိုဖွယ်ရာမြို့ (City Of Charm) အဖြစ် ကျောက်ဖြူမြို့ကို ရွေးချယ်ပြသ ထားသည်။ ဒေသတွင်း ပူးပေါင်း ဆောင်ရွက်ရေးနှင့် ဖွံ့ဖြိုးတိုးတက်ရေး ဆိုင်ရာ အခွင့်အလမ်းသစ်၊ တွန်းအားသစ်နှင့် အခြေအနေသစ်များ ဟူသော ယခုနှစ် ပြပွဲ၏ နှစ်လိုဖွယ်ရာမြို့ (Theme)နှင့် ကိုက်ညီသဖြင့် ကျောက်ဖြူမြို့ကို ရွေးချယ်ပြသ ရခြင်း ဖြစ်ကြောင်း သိရသည်။

Read More