Monday, August 19, 2013

အင်္ဂလန်ပရီးမီးယားလိဂ် ဘောလုံးပွဲရလဒ်များ (သြဂုတ် ၁၇၊ ၁၈)

ချယ်လ်ဆီး ၂ - ၀ ဟူးလ်စီးတီး
ခရစ္စတယ်ပဲလေ့စ် ၀ - ၁ တော့တင်ဟမ်
ဆွမ်ဆီး ၁ - ၄ မန်ချက်စတာယူနိုက်တက်
အာဆင်နယ် ၁ - ၃ အက်စတန်ဗီလာ
နောဝစ်ခ်ျ ၂ - ၂ အဲဗာတန်
ဆန်းဒါးလန်း ၀ - ၁ ဖူလ်ဟမ်
ဝက်စ်ဘရွန်း ၀ - ၁ ဆောက်သမ်တန်
ဝက်စ်ဟမ်း ၂ - ၀ ကာဒစ်
လီဗာပူးလ် ၁ - ၀ စတုတ်စီးတီး

သြဂုတ် ၂၀ ရက်၊ အင်္ဂါ
--------------------------
မန်ချက်စတာစီးတီး vs နယူးကာဆယ် (နံနက် ၁း၃၀)

စတန်းဖို့ဒ်ဘရစ်ခ်ျ၊ မော်ရင်ဟိုနဲ့ အပြာရောင်အောင်ပွဲ

အ်ာစကာ၊ ဟာဇတ်၊ တောရက်စ်တို့နဲ့ ပွဲထွက်လာတဲ့ မော်ရင်ဟိုရဲ့ ချဲလ်ဆီးဟာ ပွဲအစပိုင်းမှာတင် ဂိုးသွင်းခွင့် တော်တော်ရခဲ့ပြီး
၃မိနစ်မှာပဲ ဒီဘရူနီရဲ့ ကိုက် ၂၀ကန်ချက်နဲ့ ခြိမ်းခြောက်နိုင်ခဲ့ပါတယ်။ ချဲလ်ဆီးရဲ့ တိုက်စစ်အားပြုဟန်ကြောင့် ဟူးလ်စီးတီးဟာ ခံစစ်သက်သက် ရှိခဲ့ပြီး ပွဲချိန် ၅မိနစ်အရောက်မှာ တောရက်စ်ကြောင့် ချဲလ်ဆီးတို့ ပင်နယ်တီ ရခဲ့ပြီး လမ်းပတ် ကန်သွင်းခဲ့ရာမှာ ဟူးလ်စီးတီး ဂိုးသမား မက်ဂရီဂို ပုတ်ထုတ်နိုင်ခဲ့ပါတယ်။

လမ်းပတ်ဟာ နောက်ဆုံးကန်ခဲ့တဲ့ ပင်နယ်တီ ၃လုံးမှာ ၂လုံးမ၀င်ခဲ့တာကြောင့် ဖိအားဝင်ခဲ့ပေမယ့် ခြေစွမ်းတော့ ပြနိုင်ခဲ့ပါတယ်။ ပွဲချိန် ၁၃မိနစ်မှာတော့ ဘယ်တောင်ပံက ဟာဇတ် ပေးပို့တာကို ဒီဘရူနီ ဖြတ်တင်ဘော ကန်တင်ပေးခဲ့ပြီး အော်စကာ အနီးကပ် ပိတ်သွင်းခဲ့တာကြောင့် ချဲလ်ဆီးတို့ အဖွင့်ဂိုး ရခဲ့တာပါ။ ဒါ့အပြင် နောက် ၂မိနစ်အကြာမှာ ချဲလ်ဆီးအတွက် ဒုတိယ ဦးဆောင်ဂိုးရဖို့ နီးစပ်ခဲ့ပေမယ့် လမ်းပတ်ရဲ့ အဝေးကန်ချက်ကို မက်ဂရီဂို ပုတ်ထုတ်သွားနိုင်ခဲ့ပြန်ပါတယ်။

ဒါပေမဲ့ လမ်းပတ်ဟာ ပွဲချိန် ၂၄မိနစ်မှာ ချဲလ်ဆီးအတွက် ဂိုးသွင်းပေးနိုင်ခဲ့ပြီး ၃၅ကိုက် အကွာကရတဲ့ ပြစ်ဒဏ်ဘောကန်ချက်ကိုတိုက်ရိုက်ကန်သွင်းခဲ့တာ
ပါ။ ဒါ့အပြင် ချဲလ်ဆီးဟာ ပထမပိုင်း နာကျင်အချိန်ပိုမှာတတိယဂိုးရလုနီးပါး
ဖြစ်ခဲ့ပေမယ့် အီဗန်နိုဗစ်ရဲ့ ခေါင်းတိုက်ချက်ကို မက်ဂရီဂို အကောင်းဆုံး ကာကွယ်သွားနိုင်ခဲ့ပြန်ပါတယ်။ ဟူးလ်စီးတီး ဂိုးသမား မက်ဂရီဂိုသာ လက်စွမ်းမပြနိုင်ခဲ့ရင် ချဲလ်ဆီးတို့ ဒီထက်ပို ဂိုးပြတ်နိုင်ပြီး ပွဲချိန် ၇၆မိနစ်မှာ လူကာကူရဲ့ ကန်ချက် လွဲချော်ခဲ့လို့လည်း ချဲလ်ဆီး ဂိုးထပ်မရခဲ့တာပါ။

ဇော်ထွန်း(ရိုးရာလေး)

နောင်တ (၁၀) မျိုး


၁။ ငယ်စဉ်မှာပညာမသင်ခဲ့မိလျှင် ၊အချိန်ဖြုန်းခဲ့မိလျှင်။
၂။ ပစ္စည်းဥစ္စာ မစုဆောင်းထားခဲ့လျှင်။
၃။ မိဘတွေကိုမသေဆုံးခင်မှာ မပြုစုလိုက်ရလျှင်။
၎။ သူတစ်ပါး အသက်ကို သတ်ခဲ့လျှင်။
၅။ သူများသားမယားကို ပြစ်မှားစော်ကားခဲ့လျှင် (သို့) ဖောက်ပြန်ခဲ့လျှင်။
၆။ ပစ္စည်းတွေရှိပြီး သူတစ်ပါးကို မပေးမကမ်း မလှူဒါန်းခဲ့လျှင်။
၇။ သူတစ်ပါးရဲ့ချစ်ခြင်းကိုခွဲမိခဲ့လျှင်၊ ကြားကနှောက်ယှက်ဖျက်ဆီးခဲ့မိလျှင်။
ဂ။ သူတော်ကောင်းတွေရဲ့ ဆုံးမစကားကို မနာယူခဲ့လျှင်။
၉။ ပညာရှိတွေဆီမှာ အကောင်းအဆိုး၊အကြာင်းအကျိုး ပညာမသင်ခဲ့မိလျှင်။
၁၀။ ငယ်စဉ်က အကျင့်စာရိတ္တမကောင်းခဲ့ရင်လျှင်။

ကျပ်တည်းမှု


စစ်ကိုင်းမြို့ လေးကျွန်းမာရ်အောင်စေတီတော် ရွှေထီးတော်တင်နှင့် ဗုဒ္ဓါဘိသေက အနေ ကဇာတင် မင်္ဂလာအခမ်းအနားကျင်းပ

နပြည်တော် သြဂုတ် ၁၈

စစ်ကိုင်းမြို့ သောတာပန်ရပ်၌ အင်းဝခေတ် တနင်္ဂနွေမင်းက မြန်မာသက္ကရာဇ် ၁ဝ၈၆ ခုနှစ်တွင် တည်ထား ကိုးကွယ် ခဲ့သည့် လေးကျွန်းမာရ်အောင် စေတီတော်မြတ်ကြီး ရွှေထီး တော်တင်နှင့် ဗုဒ္ဓါဘိသေက အနေကဇာတင် မဟာမင်္ဂလာ အခမ်းအနားကို ယနေ့ နံနက်ပိုင်းတွင် အဆိုပါစေတီတော်၌ ကျင်းပသည်။

မင်္ဂလာအခမ်းအနားသို့ စစ်ကိုင်းမြို့ ဇေယျာသိန် ပါဠိတက္ကသိုလ်ကျောင်းတိုက် ဆရာတော် အဂ္ဂမဟာပဏ္ဍိတ ဘဒ္ဒန္တ ပညာသီရိ၊ အပြည်ပြည်ဆိုင်ရာ ထေရဝါဒဗုဒ္ဓသာသနာပြု တက္ကသိုလ် ပါမောက္ခချုပ် စစ်ကိုင်းမြို့ မဟာသုဗောဓာ ရုံကျောင်းတိုက် ဆရာတော် ဘဒ္ဒန္တ ဒေါက်တာ နန္ဒမာလာဘိဝံသနှင့် ပဋိပတ္တိမဟာဌာနမှူး ဓမ္မဒူတဆရာတော် ပါမောက္ခဒေါက်တာ အရှင် ဆေကိန္ဒတို့ အမှူးပြုသော စစ်ကိုင်းမြို့မှ ဆရာတော်၊ သံဃာတော်များ ကြွရောက်တော် မူကြပြီး နိုင်ငံတော်သမ္မတ ဦးသိန်းစိန်၊ ပြည်ထောင်စု ရွေးကောက်ပွဲကော်မရှင် ဥက္ကဋ္ဌ ဦးတင်အေး၊ ညှိနှိုင်း ကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီးလှဌေးဝင်း၊ ပြည်ထောင်စု ဝန်ကြီးများ ဖြစ်ကြသည့် ဦးအောင်ကြည်၊ ဦးစိုးမောင်၊ ဦးလှထွန်း၊ ဦးဝင်းမြင့်နှင့် ဒေါက်တာ ဖေသက်ခင်၊ တိုင်းဒေသကြီးဝန်ကြီးချုပ် ဦးသာအေးနှင့် ဦးရဲမြင့်၊ တိုင်းမှူးများ၊ တာဝန်ရှိသူများ၊ စစ်ကိုင်းမြို့ရှိ အရုဏ်တော် အသင်းများမှ အသင်းဝင်များ၊ ဖိတ်ကြားထားသူများနှင့် အလှူရှင်များ တက်ရောက်ကြည်ညိုကြသည်။

ရှေးဦးစွာ စစ်ကိုင်းမြို့ ဇေယျာသိန် ပါဠိတက္ကသိုလ်ကျောင်းတိုက် ဆရာတော်ကြီးထံမှ နိုင်ငံတော်သမ္မတ ဦးသိန်းစိန် အမှူးပြုသော ဧည့်ပရိသတ်များက ကိုးပါးသီလ ခံယူဆောက် တည်ကြသည်။

ထို့နောက် ဆရာတော် သံဃာတော်များ ရွတ်ပွားသရဇ္ဈယ်တော်မူသော ပရိတ်တရားတော်များကို နာယူကြပြီး နိုင်ငံတော်သမ္မတက စိန်ဖူးတော်၊ ဗုဒ္ဓစွယ်တော်ပွားနှင့် လှူဖွယ်ပစ္စည်း များကို ဆရာတော်ကြီးထံ ဆက်ကပ်သည်။

ဆက်လက်၍ ပြည်ထောင်စု ရွေးကောက်ပွဲကော်မရှင် ဥက္ကဋ္ဌနှင့် တက်ရောက်လာကြသူများ၊ စေတီတော် ဂေါပက အဖွဲ့ဝင်များက ငှက်မြတ်နားတော်၊ ရတနာပစ္စည်းများနှင့် လှူဖွယ်ပစ္စည်း များကို ဆက်ကပ်လှူဒါန်းကြသည်။

ဆက်လက်၍ အပြည်ပြည်ဆိုင်ရာ ထေရဝါဒ ဗုဒ္ဓသာသနာပြုတက္ကသိုလ် ပါမောက္ခချုပ်ထံမှ နိုင်ငံတော်သမ္မတ အမှူးပြုသော ပရိသတ်များက အနုမောဒနာ တရားနာယူကြပြီး လှူဒါန်းမှု အစုစုတို့အတွက် ရေစက်သွန်းချ အမျှ ပေးဝေကြသည်။

ယင်းနောက် နိုင်ငံတော်သမ္မတ နှင့်အဖွဲ့ဝင်များက စိန်ဖူးတော်၊ ငှက်မြတ်နားတော်နှင့် ရွှေထီးတော်ဘုံအဆင့်ဆင့် တို့ကို ပင့်ဆောင်ကြပြီး စေတီတော်အထွတ်သို့ တင်လှူပူဇော် ကြသည်။

ဆက်လက်၍ စေတီတော်ရှိ ဗုဒ္ဓရုပ်ပွားတော်မြတ်ကို ပန်း၊ ရေချမ်း၊ ဆီမီးကပ်လှူပူဇော်သည်။

ထို့နောက် ကြွရောက်တော်မူကြသည့် ဆရာတော်သံဃာတော်များက စေတီတော်ကြီးအား ဗုဒ္ဓါဘိသေက အနေ ကဇာ တင်တော်မူကြသည်။ ၂ဝ၁၂ ခုနှစ် နိုဝင်ဘာ ၁၁ ရက် က လှုပ်ခတ်ခဲ့သည့် မြေငလျင်ဒဏ်ကြောင့် မန္တလေး တိုင်းဒေသကြီးနှင့် စစ်ကိုင်းတိုင်းဒေသကြီး အတွင်းရှိ စေတီပုထိုးများ ပျက်စီးယိုယွင်းခဲ့သည်။ ထို့အတွက် ပြည်ထောင်စုအစိုးရ ၊ တိုင်း ဒေသကြီး အစိုးရနှင့် ပြည်သူများက ပျက်စီးယိုယွင်းသွားသော စေတီပုထိုးများကို အသစ်တစ်ဖန်ပြုပြင်ရန်စီမံဆောင်ရွက်ခဲ့သည်။ ဥာဏ်တော်အမြင့် ၁၂၂ ပေရှိ လေးကျွန်းမာရ် အောင် စေတီတော် မြတ်ကြီးသည်လည်း ငလျင်ဒဏ်ကြောင့် ထိခိုက်ပျက်စီးခဲ့ရသည်။

ယခုအခါ ဓမ္မဒူတဆရာတော် ပါမောက္ခဒေါက်တာ အရှင်ဆေကိန္ဒ အမှူးပြုသော အလှူ ရှင်များ၊ ရပ်ကွက်နေ ပြည်သူများက စေတီတော်မြတ်ကြီးကို ပြန်လည်မွမ်းမံပြုပြင်ပြီးစီးခဲ့သဖြင့် ရွှေထီးတော်တင် မင်္ဂလာအခမ်းအနားကို ကျင်းပခဲ့ခြင်းဖြစ်သည်။

ယမန်နေ့ညနေပိုင်းတွင် နိုင်ငံတော်သမ္မတနှင့် အဖွဲ့ဝင်များသည် နေပြည်တော်မှ မန္တလေးမြို့သို့ ရောက်ရှိကြပြီး ညပိုင်းတွင်မဟာမုနိ ရုပ်ရှင်တော်မြတ်ကို သွားရောက်ဖူးမြော် ကြည်ညိုကာ ရွှေသင်္ကန်းများ ကပ်လှူပူဇော်ခဲ့သည်။

ကြောက်တတ်လိုက်ပုံများ

  တစ်ခါက .....ရန်ကုန်မြို့တွင်း ဘတ်စ် ကား တစီးပေါ်တွင် လူ တစ်ယောက်သည် သူ့လို ပင် မတ်တပ်ရပ် စီးလာသော အခြားသူတယောက်ကိုမေး၏။  ပထမလူ။ ။ ခင်ဗျားက အရာရှိ တစ်ယောက်လားဟင်။  ဒုတိယလူ။ ။ မဟုတ်ပါဘူး။  ပထမလူ။ ။ ဒါဆို စစ်ဘက်ကလား။ ဒါမှမဟုတ် အရာရှိ အရာခံတွေရော အမျိုးထဲမှာ ရှိသလား။  ဒုတိယလူ။ ။ စစ်ဘက်ကလည်းမဟုတ်ပါဘူး..နောက်ပြီး....အမျိုးလဲစစ်ဘက်မှာမရှိပါဘူး။  ပထမလူ။ ။ ဒါဆို ရဲ ဘက်ကလား။  ဒုတိယလူ။ ။ မဟုတ်ပါဘူး ။  ပထမလူ။ ။ ရဲတပ်ဖွဲ့ထဲ မှာရော အမျိုးရှိလား ။  ဒုတိယလူ။ ။ မရှိပါဘူး ။  ပထမလူ။ ။ အစိုးရထဲမှာရောအမျိုးရှိလား ။  ဒုတိယလူ။ ။ မရှိပါဘူး ။  ပထမလူ။ ။ ဒါဆို လက်ရှိ အာဏာရပါတီကြီး ရဲ့ လွှတ်တော်တက်နေတဲ့ အမတ်တဦးဦးနဲ့ကောအမျိုးတော်လား။  ဒုတိယလူ။ ။ မတော်ပါဘူး။ ပထမလူ။ ။ နောက်ပြီး မကျေနပ်လို့ ဦးဆောင်ပြီး ဆန္ဒ ပြတာတွေဘာတွေကော လုပ်တတ်သလား။  ဒုတိယလူ။ ။ မလုပ်တတ်ပါဘူး။  ထိုအခါ ပထမလူ ပြောလိုက်တာက..........  " ဒါဆိုရင်ဗျာ .......ကျုပ်ခြေထောက်ကို တက်နင်းထားတဲ့ ခင်ဗျားခြေထောက်ကြီးကိုဖယ်ပေးစမ်းပါဗျာ..." တဲ့  ရယ်မောပျော်ရွှင်နိုင်ကြပါစေနော်..

ထားဝယ်တက္ကသိုလ် ကာယဗလအလှမယ်ပြိုင်ပွဲ ဆက်လက်ကျင်းပ



ထားဝယ်-သြဂုတ်၁၉
ထားဝယ်တက္ကသိုလ် ကာယဗလအလှမယ်ပြိုင်ပွဲကို
ထားဝယ်တက္ကသိုလ်ဘွဲ့နှင်းသဘင်ခန်းမ၌သြဂုတ်၁၈၇က်က
ဒုတိယနေ့အဖြစ်ဆက်လက်ကျင်းပရာ 
အကဲဖြတ်ဒိုင်များအဖြစ်ဦးညွန့်ရွှေ၊
ဦးထွေးလှ၊ဒေါက်တာအေးသီတာနိုင်၊ဒေါ်ခင်ဌေး
ကြွယ်နှင့်ဒေါ်လှလှချောတို့က ဆောင်ရွက်ပေးခဲ့ကြသည်။
အဆိုပါပြိုင်ပွဲပြီးနောက် သရုပ်ပြအစီအစဉ်အရ ယမန်နှစ်များက
ကာယအလှမယ်ဆုရရှိခဲ့သည့် မသူသူကျော်နွေး နှင့် 
မရည်မွန်ပြုံးတို့က သရုပ်ပြခဲ့ကြသည်။

သတင်းနှင့်ဓာတ်ပုံ - ဖိုးဇော်(ထားဝယ်)

ကွန်ပြူတာ တစ်နေကုန် အသုံးပြုသူများ လိုက်နာရန်

ကွန်ပြူတာ တစ်နေကုန် အသုံးပြုသူများ အနေနဲ့ ဘယ်လိုမှန်ကန်တဲ့ နည်းလမ်းနဲ့ ထိုင်ရမယ်၊ ကြည့်ရမယ်၊ အသုံးပြုရမယ်ဆိုတာ ပုံမှာ ပြသထား ပါတယ်။

-မိနစ် ၂၀ ကြာတိုင်း ပေ ၂၀ အကွာအဝေး ရှိသော အခြား တစ်နေတရာသို့စက္ကန့် ၂၀ ကြည့်ရှုပါ။

- ထိုင်ခုံ၊ မော်နီတာ၊ မီး အလင်းအမှောင် အားလုံးကို မိမိနဲ့ အဆင်ပြေဆုံးဖြစ် မယ့် အနေအထား တစ်ခုကို ချိန်ထားရပါမယ်။

- ကွန်ပြူတာ မျက်နှာမှ စာများ ဖတ်လို့ လွယ်ကူဖို့အတွက် မျက်နှာပြင်ကို enlarge ပြုလုပ် (ချဲ့ ) ထားတာ အကောင်းဆုံး ဖြစ်ပါတယ်။

- မိမိ ကွန်ပြူတာစင်နဲ့ ပတ်ပတ်လည်မှာ ဖုန်များ ရှိမနေသင့်ပါဘူး။ တစ်နေကုန် ထိုင်ပြီး အလုပ်လုပ်ရမယ့် နေရာမှာ ဖုန်နဲ့ အခြားအမှိုက် သရိုက် တွေပါ ရောယှက် ညစ်ပတ်နေရင် တစ်ကိုယ်ရည် ကျန်းမာရေးကို ထိခိုက်စေပါတယ်။

- မျက်တောင်ခန့်ဖို့ မမေ့ပါနှင့်။ မျက်တောင် မခက်ပဲ ကွန်ပြူတာကို တစ်နေကုန် စိုက်ကြည့်ခြင်က မျက်တွင်းခမ်းခြောက်စေပြီး မျက်စိ အကြောအားနည်းခြင်းနဲ့ အခြား အာရုံကြော ဆက်စပ်ရောဂါများ ဖြစ် လာနိုင်ပါတယ်။
--
Ref: medic-facts

Weather News Update

(1) (၁၈-၈-၂၀၁၃)၇က် နံနက်(၃)နာရီခွဲအချိန်အထိ (၂၄)နာရီအတွင်း မိုးရေချိန် (၁)လက်မခွဲ နဲ့အထက် ကျော်လွန်အောင်ရွာသွန်းခဲ့တဲ့ဒေသတွေကတော့ ကချင်ပြည်နယ်၊ စစ်ကိုင်းတိုင်းအထက်ပိုင်း၊ ရခိုင်ပြည်နယ်၊ ပဲခူးတိုင်း၊ ရန်ကုန်တိုင်း၊ ကရင်ပြည်နယ်၊ မွန်ပြည်နယ် တို့ဖြစ်ကြပါတယ်။ 

(2) (၁၈-၈-၂၀၁၃)၇က် နံနက်(၃)နာရီခွဲအချိန်အထိ ရေဖုံးလွှမ်းခံရနှိုင်မှုဘေး အန္တရာယ် မြင့်မားနေတဲ့ ဒေသတွေကိုနာဆာဂြိုဟ်တုများက တိုင်းတာပေးချက်အရ ပဲခူးတိုင်းတောင်ပိုင်း၊ ရန်ကုန်တိုင်း တောင်ပိုင်း၊ ရခိုင်ပြည်နယ် မြောက်ပိုင်း၊ ကချင်-စစ်ကိုင်းတိုင်းအထက်ပိုင်း နဲ့မွန်ပြည်နယ်မြောက်ပိုင်းတို့ဖြစ်ကြပါတယ်။ မြို့နယ် များအနေ နဲ့ တော့ စစ်တွေ၊ မင်္ဂလာဒုံ၊ ပဲခူး နဲ့ သထုံ မြို့နယ်များဖြစ်ကြပါတယ်။

(3) အပူပိုင်းမုန်တိုင်း(12 W) ရဲ့ ရွေ့လျှားမယ့်လမ်းကြောင်းဟာ LOOP တစ်ခုပုံ သဏ္ဍာန်ဖြစ်နေပါတယ်။ ဒါဟာလည်း သူ့ရဲ့ နောက်ဖက်မှာ နောက်ထပ်မုန်တိုင်း တစ်ခု ထပ်မံဖြစ်ပေါ်တဲ့အတွက်ကြောင့် ဖြစ်ပါတယ်။ ဒီလိုဖြစ်ခြင်း ကို FUJIWARA EFFECT လို့ခေါ်ပါတယ်။ 

ဒေါက်တာထွန်းလွင် (MCCW)

ကုလဓာတုလက်နက် စစ်ဆေးရေးအဖွဲ့ ဆီးရီးယားရောက်



သြဂုတ်လ ၁၉ ရက် ၂၀၁၃ 

ဆီးရီးယား ပြည်တွင်းစစ်အတွင်း ဓာတုလက်နက် အသုံးပြုမှု ရှိမရှိ စုံစမ်းစစ်ဆေးမယ့် ကုလသမဂ္ဂ စုံစမ်းစစ်ဆေးရေးမှူးအဖွဲ့ဟာ တနင်္ဂနွေနေ့မှာ မြို့တော် Damascus ကိ်ု ရောက်ရှိလာပြီဖြစ်ပါတယ်

သီတင်း နှစ်ပတ်ကြာ စုံစမ်းစစ်ဆေးဖို့ စီစဉ်ထားတဲ့ အဖွဲ့ဝင် ၂၀ ပါတဲ့ စစ်ဆေးရေးအဖွဲ့ဟာ ဆီးရီးယား မြို့တော်က ဟော်တယ်ကို ရောက်ရှိလာပေမဲ့ သတင်းထောက်တွေနဲ့ တွေ့ဆုံပြောကြားမှု တွေ မလုပ်ခဲ့ပါဘူး။ သူတို့ဟာ ဆီးရီးယားမှာ တိုက်ပွဲတွေဖြစ်ပွားစဉ်အတွင်း Sarin အပါအဝင် အာရုံကြော ထိခိုက်စေတဲ့ တခြား အဆိပ်အတောက်ဖြစ်စေတဲ့ ဓာတုလက်နက်တွေ အသုံးပြုမှု ရှိမရှိနဲ့ ရှိခဲ့ရင် ဘယ်သူက သုံးခဲ့တယ် ဆိုတာတွေကိုပဲ အဓိက စုံစမ်းစစ်ဆေးမှာဖြစ်ပါတယ်။

ဒီအဖွဲ့ကို ဆွီဒင်နိုင်ငံသား လက်နက်ကျွမ်းကျင်သူ Ake Sellstorm က ဦးဆောင်တာပါ။ ဒီအဖွဲ့ ဆီးရီးယားကို ဧပြီလ အစောပိုင်းကတည်းက လာရောက်ဖို့ စီစဉ်ထားပေမဲ့ ဆီးရီးယား အစိုးရရဲ့ ခွင့်ပြုချက်ရဖို့ ညှိနှိုင်းနေ ရတာမို့ အခုလို ကြန့်ကြာခဲ့တာဖြစ်ပါတယ်။ 

ဒီအဖွဲ့အနေနဲ့ စုံစမ်းစစ်ဆေးမှုတွေကို နေရာ သုံး နေရာမှာပဲ လုပ်ဆောင်ခွင့် ရမှာ ဖြစ်ပါတယ်။ ဒီအထဲမှာ မတ်လတုန်းက အလက်ပိုမြို့ပြင် Khan al- Assal မှာ ဖြစ်ပွားခဲ့တဲ့ တိုက်ပွဲအတွင်း ဓာတုလက်နက်တွေ သုံးစွဲခဲ့တယ်လို့ သမ္မတ Bashar al- Assad ရဲ့ တပ်တွေကရော အတိုက်အခံတွေကပါ အပြန်အလှန် စွပ်စွဲနေကြ တဲ့ နေရာလည်း ပါဝင်ပါတယ်။ အဲဒီနေရာဟာ အတိုက်အခံတွေ ထိန်းချုပ်ထားတဲ့ နေရာဖြစ်ပြီး စုံစမ်းစစ်ဆေးသူတွေ အချိန်မရွေး လာရောက် စစ်ဆေးနိုင်တယ်လို့ အတိုက်အခံတွေက ပြောပါတယ်။ နောက် စစ်ဆေးခွင့်ပေးခဲ့တဲ့ နေရာ နှစ်နေရာကိုတော့ သေသေချာချာ ထုတ်မပြောသေးပါဘူး။ 

အာဆတ်အစိုးရနဲ့ အတိုက်အခံတွေကြား ဓာတုလက်နက် သုံးစွဲတယ်လို့ စွပ်စွဲနေကြပြီး အခုလို သုံးစွဲခဲ့တာဟာ သည်းခံနိုင်တဲ့ အတိုင်းအတာ ကို ကျော်လွန်သွားတယ်လို့ အမေရိကန်နိုင်ငံက ပြောကြားခဲ့ပါတယ်။ ဆီးရီးယားက တိုက်ပွဲတွေကြောင့် သေဆုံးရသူပေါင်း တစ်သိန်းကျော်နေပြီ ဖြစ်ပါတယ်။

ဒေါ်လာ ဈေးနှုန်းကြောင့် ဖုန်းအရောင်းဆိုင် တချို့ မော်ဒယ်လ်မြင့် ဖုန်းများ ရောင်းချမှု မပြုတော့


ရန်ကုန် သြဂုတ် ၁၈
မိုဘိုင်းလ်ဖုန်း အရောင်းဆိုင်များတွင် i phone 5 နှင့် အခြားမော်ဒယ်လ်မြင့် ဖုန်းများကို ဆိုင်တွင်ပြသ၍ ရောင်းချမှု လွန်စွာနည်းပါး လာကြောင်း မိုဘိုင်းလ်ဖုန်း အရောင်းဆိုင်များမှ သိရသည်။
မကြာမီ ကာလများ အတွင်း၌ i phone 5 မော်ဒယ်လ်အသစ် ထွက်ရှိလာတော့မည့် သတင်း များနှင့် အတူ ဖုန်းဈေးနှုန်းများ ကျဆင်းလာမည်ကို စိုးရိမ်၍ မိုဘိုင်းလ်ဖုန်း အရောင်းဆိုင်များမှ i phone 5 ကို ဝယ်ယူ ရောင်းချခြင်း မပြုတော့ကြောင်း သိရသည်။
''အခုလက်ရှိမှာ ဖုန်းဈေးနှုန်းတွေက မြင့်တက်လာတယ်။ ဒေါ်လာဈေးမြင့် လာတာနဲ့လည်း ဆိုင်တာပေါ့။ အဲဒီတော့ ဖုန်းရောင်းတဲ့ ဆိုင်အတော်တော် များများက တန်ဖိုးကြီး ဖုန်းတွေကို ဆိုင်မှာ တင်မထားကြ တော့ဘူး။ ဝယ်တဲ့သူလာမှ တစ်ရက်၊ နှစ်ရက်စောင့်ခိုင်းပြီးတော့ မှာပေး လိုက်တယ်။ အဲဒီလို မလုပ်ဘဲ ပစ္စည်းတွေ တင်ထားရင် ဈေးကျသွားတော့ ရှုံးတာပေါ့''ဟု 7 star ဖုန်းအရောင်းဆိုင်မှ တာဝန်ရှိသူ တစ်ဦးက ပြောကြားခဲ့သည်။
ယခုလက်ရှိ မိုဘိုင်းလ်ဖုန်း ဈေးကွက် အတွင်း i phone မှာ ဈေးနှုန်း အမြင့်ဆုံး ဖြစ်ကြောင်း သိရသည်။ ယင်း i phone နောက်တွင် Samsung, HTC, Sony အစရှိသော ဖုန်းအမျိုးအစား များမှာ ဈေးနှုန်းမြင့်ပြီး လက်ရှိ မိုဘိုင်းလ်ဖုန်း အသုံးပြု သူများက Samsung တံဆိပ်ကို အများဆုံး အသုံးပြုကြကြောင်း သိရသည်။
'' i phone က ဝယ်တဲ့သူလည်း နည်းလာတယ်။ ဆိုင်မှာ တင်မထားတော့ဘူး။ ဒီတော့ ဝယ်တဲ့ သူလာမှ မှာပေးတယ်''ဟု ၄င်းက ဆက်လက် ပြောကြားခဲ့သည်။
လက်ရှိ မိုဘိုင်းလ်ဖုန်း ပေါက်ဈေးများမှာ i phone 5 (16 GB) မှာငွေကျပ် ၆၉ဝဝဝဝ၊ i phone 5 (32 GB) မှာငွေကျပ် ၈ဝဝဝဝဝ၊ Samsung Galaxy မှာ ငွေကျပ် ၆၂ဝဝဝဝ နှင့် Sony xperia z မှာ ငွေကျပ် ၅၂ဝဝဝဝ တို့ဖြစ်ပြီး ယင်းဖုန်းများသာ ဈေးကွက်အတွင်း လူကြိုက် အများဆုံး ဖြစ်နေကြောင်း သိရသည်။
ထက်နေ

James Cook University မှ ပထမဆုံးအကြိမ်ပေးအပ်မည့် စီးပွားရေးနှင့် အိုင်တီဘာသာရပ်အတွက် ဒီပလို မာလက်မှတ်များအကြောင်းဆွေးနွေးပွဲ



အင်္ဂလန်နှင့်သြစတြေးလျတက္ကသိုလ်များသည်ယေဘူယျအားဖြင့်ဒီဂရီ(၃)နှစ်ပရိုဂရမ်ပြီးမြောက်မှသာဘွဲ့ အောင်လက်မှတ် ချီးမြင့် လေ့ရှိရာ ယခုအခါ ၂ဝ၁၄ ပညာသင်နှစ်မှစတင်၍ သြစတြေးလျတက္ကသိုလ် James Cook University မှ စီးပွားရေးနှင့်အိုင်တီဘာသာရပ်ကို(၈)လသင်ယူပြီးပါက ဒီပလိုမာအောင်လက် မှတ်အား သီးခြားပေးအပ်သွားမည်ဖြစ်ကြောင်း သိရသည်။

အဆိုပါဒီပလိုမာအားမြန်မာနိုင်ငံ၏တက္ကသိုလ်တစ်ခုခုမှပထမနှစ်အောင်မြင်ထားသူ များလျှောက်ထားနိုင်ပါ သည်။ သက်ဆိုင်ရာ ဘွဲ့ တစ်ခုခု ရရှိထားသူများအနေဖြင့်စီးပွားရေးနှင့်အိုင်တီတွဲဖက်၍ Joint Master ဘွဲ့ရယူနိုင်သော ဘာသာရပ်များ အကြောင်း နှင့်ကျောင်းပြီး အလုပ်အ ကိုင် အခွင့်အလမ်းများကို သြဂုတ်လ(၂၄)ရက်(စနေနေ့)၊နံနက်(၁ဝ)နာရီမှ နေ့လည် (၁၂)နာရီ ထိ၊ CROWN Education တွင် James Cook University ၏ Country Manager တစ်ဦးမှရှင်းလင်းပြောကြားမည်ဖြစ်သည်။

Diploma of Businessနှင့် Diploma of Information Technology ကို (၈)လကြာသင်ယူပြီး ကမ္ဘာ့ထိပ်တန်း တက္ကသိုလ်(၄%) အဆင့်ရှိ တက္ကသိုလ်မှပေးအပ်သော သီးခြားဒီပလိုမာအောင်လက်မှတ် ကိုရရှိ မည်ဖြစ်သည်။ အဆိုပါအစီအစဉ်သစ်ကိုစင်ကာပူကျောင်းလခနှုန်း အတိုင်း ပေးသွင်းကာ James Cook University, Australia ၏ စင်ကာပူCampus တွင်တက်ရောက်နိုင်ပါသည်။

ဒီပလိုမာပရိုဂရမ်တွင် Core Module (၈)ဘာသာကို(၈)လကြာသင် ယူရမည်ဖြစ်ကာဆက် လက်၍ အောက် ပါဒီဂရီဘွဲ့ ရယူရန်(၁၆)လ သာ ကြာမြင့် တော့မည်ဖြစ်သည်။

• Bachelor of Information Technology (Computing and Networking)
• Bachelor of Information Technology (Interactive Technologies and Games Design)
• Bachelor of Business (International Business)
• Bachelor of Business (Management)
• Bachelor of Business (Marketing)
• Bachelor of Business and Environmental Science
• Bachelor of Business (Accounting)
• Bachelor of Business (Hospitality & Tourism Management)
• Bachelor of Business (Sports & Events Management) တက်ရောက်နိုင်ပါသည်။

မြန်မာနိုင်ငံမှမည်သည့်ဘွဲ့ရမဆို Joint Master ဘွဲ့ဖြစ်သော MIT & MBA ဘွဲ့အားလျှောက်ထားနိုင်ပါသည်။ စီးပွားရေး နှင့် အိုင်တီ ကျောင်းသူ ကျောင်းသားများအနေဖြင့်Australia Institute of Management (AIM)၊ Australia Marketing Institute၊ The Singapore Computer Society(SCS)၊ Australia Institute of Travel and Tour နှင့် The Institute of Chartered Accountants Australia(ICAA) အဖွဲ့အစည်း အသီးသီးတွင် Membership အဖြစ်ဝင်ရောက်နိုင်ပါသည်။
James Cook University စင်္ကာပူ Campus တွင် ပညာသင်မည့် ကျောင်းသူ ကျောင်းသားများ သည်(3) Semesters ကို စင်္ကာပူတွင် လေ့လာသင်ယူပြီး၊ (2) Semesters ကို သြစတြေးလျ JCU Campus တွင် သွားရောက်သင်ယူရမယ်ဖြစ်ကာ၊ နောက်ဆုံး Semester ကို စင်္ကာပူ Campus တွင်လေ့လာသင်ယူရမည်ဖြစ်သည်၊၊ ထူးခြားချက်အနေဖြင့် သြစတြေလျတွင် ပညာသင်ယူရန် ဗီဇာလျောက်ထားခြင်းနှင့် နေရေးထိုင်ရေး ကိစ္စများကိုပါ တက္ကသိုလ်မှ စီစဉ်ဆောင်ရွက်ပေးမည်ဖြစ်ပြီး၊ သြစတြေလျဗီဇာရရှိရန် အခွင့်အရေး ပိုမိုရရှိ နိုင်ကြောင်း သိရသည်။
ကျောင်းသူကျောင်းသားများအနေဖြင့်ကုန်ကျစရိတ် လည်း သက်သာပြီးစင်ကာပူနှင့် သြစတြေးလျ ပညာသင်အတွေ့ အကြုံအား ရရှိ မည်ဖြစ်သည်။တက္ကသိုလ်နှင့်ချိတ် ဆက် ထား သော ကုမ္ဗဏီ (၈၇)တွင် Corporate Field Trip များ၊ အလုပ်အင်တာဗျူးများနှင့် အလုပ်အကိုင် ရှာဖွေ ပေးမည့်အစီ အစဉ် များစီစဉ်ဆောင်ရွက် ပေးသွားမည်ဖြစ်ကြောင်း သိရသည်၊၊

ကျောင်းလျှောက်ထားရန်အသေးစိတ်သိရှိလိုသူများအနေဖြင့် CROWN Education၊ အမှတ်(၂၇ဝ) ၊ ပထမထပ်၊ အခန်း(1 B ) ၊ မြေနီကုန်း၊ ပြည်လမ်း၊ ဒဂုံစင်တာ(၂)နှင့် ဓနလှိုင်တာဝါကြား၊ ဖုန်း ဝ၉-၇၃၂ ၇၃၂ ၇၇ ၊ ဝ၁- ၅၂၇ ၈၃၈ သို့ဆက်သွယ်စုံစမ်း မေးမြန်းနိုင်ပါသည်။

ပြည်သူ့လွှတ်တော် ဥက္ကဋ္ဌကြီးမှ ပြည်သူ့လွှတ်တော် ကိုယ်စားလှယ်များထံသို့ ပန်ကြားချက်အမှတ်စဉ် (၂/ ၂၀၁၃)

ယနေ့ကျင်းပသည့် ပထမအကြိမ် ပြည်သူ့လွှတ်တော်၊ သတ္တမပုံမှန် အစည်းအဝေး ၂၂ရက်မြောက်နေ့ (၁၉.၈.၂၀၁၃)တွင် ပြည်သူ့လွှတ်တော် ဥက္ကဋ္ဌကြီးမှ ပြည်သူ့လွှတ်တော် ကိုယ်စားလှယ်များထံသို့ ပန်ကြားချက်အမှတ်စဉ် (၂/ ၂၀၁၃) အား ကြေငြာခဲ့ပါသည်။

လွှတ်တော်ကိုယ်စားလှယ်များသို့ ပန်ကြားချက်အမှတ်စဉ် (၂/၂၀၁၃)

လွှတ်တော်သို့တင်သွင်းသည့် မေးခွန်းများနှင့် စပ်လျဉ်း၍ တင်ပြခြင်း

၁။ ပြည်သူ့လွှတ်တော်ကိုယ်စားလှယ်များက နှုတ်ဖြင့်ဖြေဆိုရမည့် မေးခွန်း မေးမြန်းခြင်း နှင့်စပ်လျဉ်း၍ ပြည်သူ့လွှတ်တော်ဆိုင်ရာ နည်းဥပဒေ ၁၄၄ တွင် ဥက္ကဋ္ဌ က ခွင့်ပြုသော ကြယ်ပွင့်ပြ မေးခွန်းများကို အစည်းအဝေး အစီအစဉ်တွင် ထည့်သွင်းပြီး မေးခွန်းများ မေးမြန်းချိန်၌ ဥက္ကဋ္ဌ က လွှတ်တော်ကိုယ်စားလှယ်များ၏ အမည်ကို ခေါ်ခြင်းအားဖြင့် မေးမြန်း ခွင့်ပြုနိုင်သည်။ လွှတ်တော်ကိုယ်စားလှယ်များသည် ဥက္ကဋ္ဌက မိမိအမည်ကို ခေါ်သည့်အခါ ကြယ်ပွင့်ပြထားသော မေးခွန်းကို မေးမြန်း ရမည်။ ဖြေကြားသော အဖြေကို ရှင်းလင်းစေရန် အလို့ငှာ တစ်ဆက် တစ်စပ်တည်း မေးခွန်း မေးမြန်းနိုင်သည်ဟု ဖော်ပြထားပါသည်။

၂။ ပြည်သူ့လွှတ်တော်ဆိုင်ရာ နည်းဥပဒေ ၁၄၁(င)တွင် မလိုအပ်ဘဲ ရှည်လျားခြင်း မရှိသော မေးခွန်းဖြစ်ရမည်ဟု ဖော်ပြထားပါသည်။

၃။ သို့ဖြစ်ပါ၍ လွှတ်တော်အစည်းအဝေး အစီအစဉ်များ လျင်မြန်သွက်လက်စေရေး အတွက် ပြည်သူ့လွှတ်တော် ကိုယ်စားလှယ်များအနေဖြင့် မေးခွန်းများ မေးမြန်းရာတွင် မိမိမေးမြန်းမည့် အကြောင်းကိစ္စ နှင့်စပ်လျဉ်း၍ အခမ်းအနား အစီအစဉ်တွင် ဖော်ပြ ထားသည့် မေးခွန်းအတိုချုပ် အတိုင်းသာ မေးမြန်းပေးပါရန် ပန်ကြားအပ်ပါသည်။

Ref : Pyithu Hluttaw - ပြည်သူ့လွှတ်တော်

Related Posts Plugin for WordPress, Blogger...