အမေရိကန်က ဂျာမနီ ၀န်ကြီးချုပ်ကို သူလျှိုလုပ်ခဲ့ခြင်းအတွက် စုံစမ်းစစ်ဆေးမှု၌ ကူညီရန် စနိုးဒင် လိုလား

Created on Sunday, 03 November 2013

ဟန်းခရစ်ရှန်စထရိုးဘဲလ် (ယာ) နှင့် အက်ဒ၀ပ်စနိုးဒင်တို့ အောက်တိုဘာ ၃၁ ရက်က မော်စကိုမြို့ရှိ အမည်မဖော်ပြသော နေရာတစ်ခု၌ တွေ့ဆုံစဉ် (Photo:AFP)

အမေရိကန်၏ ဖုန်းနှင့်အင်တာနက် သူလျှိုလုပ်မှုများကို ဖော်ထုတ်ခဲ့သူ အက်ဒ၀ပ် စနိုးဒင်သည် အမေရိကန်က ဂျာမနီဝန်ကြီးချုပ် အင်ဂျလာမာကယ်ကို သူလျှိုလုပ်ခဲ့မှုနှင့် ပတ်သက်၍ စုံစမ်းစစ်ဆေးမှုများ ပြုလုပ်ရာ၌ ကူညီရန် လိုလားလျက်ရှိပြီး အမေရိကန် ကွန်ဂရက်နှင့် တိုက်ရိုက်စကားပြောဆိုရန် လိုလားလျက်ရှိကြောင်း စနိုးဒင်နှင့် တွေ့ဆုံခဲ့သည့် ဂျာမနီ ဥပဒေပြု အမတ်တစ်ဦးက နိုဝင်ဘာ ၁ ရက်တွင် ပြောကြားခဲ့သည်။

စနိုးဒင်သည် အောက်တိုဘာ ၃၁ ရက် နှောင်းပိုင်းတွင် ဂရင်းပါတီမှ ဂျာမနီ ဥပဒေပြုအမတ် ဟန်းခရစ်ရှန်စထရိုးဘဲလ်နှင့် မော်စကိုမြို့ရှိ အမည်မဖော်ပြသော နေရာတစ်ခု၌ တွေ့ဆုံခဲ့ပြီး အမေရိကန်သည် မာကယ်၏ မိုဘိုင်းဖုန်းကို နှစ်ပေါင်းအတန်ကြာ သူလျှိုလုပ်ခဲ့မှုနှင့် ပတ်သက်၍ ဆွေးနွေးခဲ့သည်။ စထရိုးဘဲလ် ဂျာမနီသို့ ပြန်လာသည့်အခါ စနိုးဒင်ထံမှ ရရှိသော စာတစ်စောင်ကို ဖြန့်ချိခဲ့သည်။

ဆိုးဆိုးရွားရွား ဖြစ်နိုင်ဖွယ်ရှိသော ကျူးလွန်မှုများကို ကွန်ဂရက်၌ သက်သေခံ ထွက်ဆိုရန်အတွက် အမေရိကန်က အသင့်ပြင်လျက်ရှိရာ စနိုးဒင်က အမေရိကန် ကွန်ဂရက်နှင့် တိုက်ရိုက်စကားပြောဆိုလိုကြောင်း ပြောကြားခဲ့သည်။

အမေရိကန် အမျိုးသား လုံခြုံရေး အေဂျင်စီ (NSA) က ကန်ထရိုက်ပေးထားသော ကုမ္ပဏီ၏ ၀န်ထမ်းဟောင်း အက်ဒ၀ပ်စနိုးဒင်သည် သြဂုတ်လအတွင်းက ရုရှားနိုင်ငံတွင် ခိုလှုံခွင့်ရရှိခဲ့ပြီး ယခုအခါ အမည်မဖော်ပြသော ရုရှားအင်တာနက် ကုမ္ပဏီတစ်ခုတွင် အလုပ်လုပ်လျက် ရှိသော်လည်း သူ့အားအမေရိကန်က သူလျှိုမှုဖြင့် တရားစွဲဆိုရန် ကြိုးပမ်းနေဆဲဖြစ်သည်။

စနိုးဒင်ထံမှ ရရှိခဲ့သောစာကို စထရိုးဘဲလ်က သူ၏၀က်ဘ်ဆိုက်တွင် တင်ထားခဲ့သည်။ ယင်းတွင် စနိုးဒင်က ဂျာမနီနှင့် ပတ်သက်သော အမေရိကန်၏ သူလျှိုလုပ်မှုများကို အသေးစိတ် ဖော်ပြနိုင်ရန် ပြင်ဆင်ထားကြောင်း ပြောကြားခဲ့သည်။ စနိုးဒင်က သူ့အား အမေရိကန်က အပြင်းအထန် ဖိအားပေးနေသော်လည်း သူ၏ဖွင့်ချချက်များနှင့် ပတ်သက်၍ တစ်ကမ္ဘာလုံး၏ တုံ့ပြန်မှုများအပေါ် အားရကျေနပ်ကြောင်းလည်း ပြောကြားခဲ့သည်။ စနိုးဒင်သည် အခြေအနေပေးပါက ဂျာမနီ၌ တွေ့ဆုံဆွေးနွေးရန် မျှော်လင့်ကြောင်းလည်း ဂျာမနီ လွှတ်တော်အမတ်အား ပြောကြားခဲ့သည်။ စနိုးဒင်သည် သူ့အနေဖြင့် အချက်အလက်များကို အမေရိကန် ကွန်ဂရက်တွင် ကွန်ဂရက် ကော်မတီတစ်ရပ်၏ ရှေ့မှောက်၌ ပြောကြားရန် ပိုမိုလိုလားသည်ဟု ဆိုသည်။

Ref:AFP

Read More

မြန်မာသံတော်ဆင့်ဂျာနယ်နှင့် မည်သို့မျှ သက်ဆိုင်ခြင်း မရှိကြောင်းနှင့် ငွေကြေးတစ်ကျပ်တစ်ပြားမှ စိုက်ထုတ်ထောက်ပံ့ထားခြင်း မရှိကြောင်း ပြည်ထောင်စုဝန်ကြီး ဦးဆန်းဆင့်ဆို

 Created on Sunday, 03 November 2013


သာသနာရေးဆိုင်ရာ ကိစ္စရပ်များနှင့် ပတ်သက်၍ ပြည်ထောင်စုဝန်ကြီး ဦးဆန်းဆင့် သတင်းမီဒီယာများအား တွေ့ဆုံရှင်းလင်းနေစဉ်

မြန်မာသံတော်ဆင့် ဂျာနယ်နှင့် မည်သို့မျှ သက်ဆိုင်ခြင်း မရှိကြောင်းနှင့် ငွေကြေးတစ်စုံတစ်ရာ စိုက်ထုတ်ထောက်ပံ့ထားခြင်းလည်း မရှိကြောင်း သာသနာရေး ၀န်ကြီးဌာန ပြည်ထောင်စုဝန်ကြီး ဦးဆန်းဆင့်က နိုဝင်ဘာ ၂ ရက်တွင် ရန်ကုန်တိုင်းဒေသကြီး သာသနာရေး ၀န်ကြီးဌာနရုံးတွင် ပြုလုပ်သည့် သာသနာရေးဆိုင်ရာ ကိစ္စရပ်များနှင့် ပတ်သက်၍ သတင်းမီဒီယာများအား တွေ့ဆုံရှင်းလင်းမှုတွင် ပြောကြားသည်။

မြန်မာသံတော်ဆင့် ဂျာနယ်သည် သာသနာရေး ၀န်ကြီးဌာန ပြည်ထောင်စုဝန်ကြီး ဦးဆန်းဆင့်က ငွေကြေးစိုက်ထုတ်ဝေသည့် ဂျာနယ်ဖြစ်သည်ဟု ဒီမိုဝေယံ ၀က်ဘ်ဆိုက်တွင် ဖော်ပြထားခြင်းနှင့် ပတ်သက်၍ ပြည်ထောင်စုဝန်ကြီးက ယခုကဲ့သို့ ပြန်လည်ငြင်းဆိုခဲ့ခြင်း ဖြစ်သည်။

မြန်မာသံတော်ဆင့် ဂျာနယ်သည် ပြည်ထောင်စုဝန်ကြီး ဦးဆန်းဆင့်ကို အမွှမ်းတင်ပေးပြီး ဧရာဝတီတိုင်းဒေသကြီး လွှတ်တော်၊ အစိုးရနှင့် သမ္မတရုံး ၀န်ကြီးများကို ပုဂ္ဂိုလ်ရေး တိုက်ခိုက်နေသော ဂျာနယ်တစ်စောင်ဖြစ်ကြောင်း ဒီမိုဝေယံဝက်ဘ်ဆိုက်တွင် ရေးသားထားသည်ဟု ပြည်ထောင်စုဝန်ကြီး ဦးဆန်းဆင့်က ဆိုသည်။

ငွေကြေးစိုက်ထုတ်ခြင်း ရှိမရှိ စုံစမ်းနိုင်ကြောင်း၊ အကယ်၍ စိုက်ထုတ်ထားခြင်း ရှိသည်ဆိုပါက မိမိအား အရေးယူ ဆောင်ရွက်နိုင်ကြောင်းကို ပြည်ထောင်စုဝန်ကြီး ဦးဆန်းဆင့်က နိုင်ငံတော် သမ္မတထံသို့ တင်ပြသည့်စာတွင် ဖော်ပြထားကြောင်းကို ၎င်းကဆက်လက် ပြောကြားသည်။

"ငွေကြေးစိုက်ထုတ်တယ်ဆိုရင် တိုင်းပြည်ဘဏ္ဍာငွေနဲ့ စိုက်ထုတ်တယ် ထင်မှာပါ။ ကျွန်တော့်အနေနဲ့ နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ လက်ထက်၊ နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ လက်ထက်တို့မှာသာမက ယခုအစိုးရ လက်ထက်အထိပင် တိုင်းပြည်ဘဏ္ဍာငွေကို အလွဲသုံးစား လုပ်ခဲ့ခြင်း မရှိပါဘူး။ သံသယဖြစ်ရင် အစစ်ဆေး ခံနိုင်ပါတယ်" ဟု ဦးဆန်းဆင့်က ပြောကြားသည်။

အဆိုပါ ရေးသားချက်များနှင့် ပတ်သက်၍ လူတစ်ဦးတစ်ယောက်၏ ဂုဏ်သိက္ခာကို ညှိုးနွမ်းအောင် ပြုလုပ်ခြင်းဖြစ်၍ အသရေဖျက်မှု ပုဒ်မ ၅၀၀ ဖြင့် တရားစွဲဆိုသွားမည်ဖြစ်ကြောင်း၊ လက်ရှိ အဆိုပါအကြောင်း အရာကို ဖော်ပြသူမှာ မည်သူဖြစ်ကြောင်း မသိရသေးကြောင်း၊ ယင်းဝက်ဘ်ဆိုက်မှတစ်ဆင့် ရေးသားသူကို ဖော်ထုတ်ခိုင်းမည်ဖြစ်ကြောင်း၊ ဥပဒေ ကျွမ်းကျင်သူများနှင့် တိုင်ပင်ကာ ဆက်လက်ဆောင်ရွက် သွားမည်ဖြစ်ကြောင်း ဦးဆန်းဆင့်က ပြောကြားသည်။

EMG

Read More

အီးယူကုန်သွယ်မှု အထူးအခွင့်အရေး GSP ရရှိရန် လျှောက်ထားသည့် ပို့ကုန်များတွင် လက်ခစားစနစ် အထည်ချုပ် လုပ်ငန်းများနှင့် ရေထွက်ကုန်များ အများဆုံးဖြစ်

Sunday, 03 November 2013

ပြည်တွင်းရှိ အထည်ချုပ်စက်ရုံ တစ်ခုအား တွေ့ရစဉ်

အီးယူကုန်သွယ်မှု အထူးအခွင့်အရေး (GSP) ရရှိရန်အတွက် GSP Form(A) လျှောက်ထားမှုတွင် လက်ခစားစနစ်ဖြင့် လုပ်ကိုင်သည့် အထည်ချုပ် လုပ်ငန်းများနှင့် ရေထွက်ကုန်များ အများဆုံး လျှောက်ထားကြကြောင်း သိရသည်။

အီးယူကုန်သွယ်မှု အထူးအခွင့်အရေး (GSP) ကို မြန်မာနိုင်ငံမှ ဇူလိုင် ၁၉ ရက်တွင် ပြန်လည်ရရှိခဲ့ပြီးနောက်ပိုင်း မြန်မာနိုင်ငံမှ အီးယူနိုင်ငံများသို့ တင်ပို့သည့် ကုန်ပစ္စည်းများအတွက် GSP ရရှိရန် နောက်ကြောင်းပြန် လျှောက်ထားခဲ့ကြခြင်း ဖြစ်သည်။

အီးယူ၏ (GSP) အခွင့်အရေး ပြန်လည်ရရှိခဲ့သည့် ဇူလိုင် ၁၉ ရက် နောက်ပိုင်းမှ အောက်တိုဘာ ၂၄ ရက်အထိ သုံးလကျော် ကာလအတွင်း (GSP Form A) ထုတ်ပေးခဲ့ရသည့် ပမာဏမှာ အမေရိကန်ဒေါ်လာ ၅၉ သန်းကျော်ရှိပြီး လျှောက်ထားသည့် ကုန်ပစ္စည်းများမှာ လက်ခစားစနစ်ဖြင့် လုပ်ကိုင်သည့်ပစ္စည်း၊ ရေထွက်ကုန်များ အများဆုံး လျှောက်ထားခဲ့ကြောင်း သိရသည်။

(GSP Form A) ထုတ်ပေးရာတွင် ယူကေ၊ ဘယ်လ်ဂျီယမ်၊ ဂျာမနီ၊ ဘူလ်ဂေးရီးယား၊ အီတလီ၊ ပြင်သစ်၊ စပိန်၊ နယ်သာလန်၊ ဂရိ၊ ဒိန်းမတ်၊ ရိုမေးနီးယား၊ သြစတြီးယား၊ ဆွီဒင်၊ အိုင်ယာလန် စသည့်နိုင်ငံများသို့ တင်ပို့သည့် မြန်မာ့ပို့ကုန်များအတွက် ထုတ်ပေးခဲ့ရကြောင်း သိရသည်။

မြန်မာနိုင်ငံသည် ယခင်က အီးယူမှပေးသည့် (GSP) အခွင့်အရေးကို ရရှိခဲ့ဖူးပြီး အဓမ္မ အလုပ်ခိုင်းစေမှုများ ရှိသည်ဆိုသည့် အချက်ဖြင့် ၁၉၉၇ ခုနှစ်တွင် (GSP) ကို ယာယီရုပ်သိမ်းခဲ့ကြောင်း သိရသည်။ ၂၀၁၃ ခုနှစ် ဇွန် ၁၂ ရက်တွင် မြန်မာနိုင်ငံကို (GSP) အခွင့်အရေး ပြန်လည်ပေးအပ်ခဲ့ကြောင်း သိရသည်။

(GSP) အခွင့်အရေး ရရှိရန်အတွက် ပင်ရင်းနိုင်ငံ သက်သေခံလက်မှတ် တင်ပြနိုင်ရန် လိုအပ်ပြီး အီးယူသို့ တင်ပို့မှုများအတွက် စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ (GSP Form A) များလျှောက်ထားထုတ်ယူ ရမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

မြန်မာနိုင်ငံ အနေဖြင့် အမေရိကန်ပြည်ထောင်စုမှပေးမည့် GSP အခွင့်အရေးကို ရရှိရန်အတွက်လည်း ကြိုးပမ်းနေပြီး အမေရိကန် အနေဖြင့် မြန်မာနိုင်ငံကို GSP ပေးရန် ကြားနာစစ်ဆေးဆဲ အဆင့်ကို ဆောင်ရွက်ခဲ့ပြီးဖြစ်ကြောင်း သိရသည်။

EMG

Read More

အစိုးရနှင့် နိုင်ငံရေး ဆွေးနွေးမည့် အဖွဲ့၏ ခေါင်းဆောင်ပိုင်းနေရာအတွက် တိုင်းရင်းသား လက်နက်ကိုင်များအကြား ကွဲလွဲမှု ရှိခဲ့

 Created on Sunday, 03 November 2013


နိုဝင်ဘာ ၂ ရက်က ပြုလုပ်သော လိုင်ဇာထိပ်သီးဆွေးနွေးပွဲ (စတုတ္ထနေ့)တွင် ကေအိုင်အေ စစ်ဦးစီးချုပ် ဒုတိယဗိုလ်ချုပ်ကြီး ဂမ်ရှောင်နှင့် ကေအင်န်ယူ အကြံပေးအရာရှိ ဗိုလ်မှူးကြီး တူးတူးလေးတို့အား တွေ့ရစဉ် (ဓာတ်ပုံ-နေထွန်းနိုင်)

တစ်နိုင်ငံလုံး အတိုင်းအတာအရ အပစ်အခတ် ရပ်စဲရေး စာချုပ်အတွက် တိုင်းရင်းသား လက်နက်ကိုင်များ၏ ဘုံသဘောထားကို သဘောတူခဲ့ ကြသော်လည်း အစိုးရနှင့် နိုင်ငံရေး ဆွေးနွေးမည့် အဖွဲ့၏ ခေါင်းဆောင်ပိုင်း နေရာအတွက် တိုင်းရင်းသား လက်နက်ကိုင်များအကြား ကွဲလွဲမှုများ ရှိခဲ့ကြောင်း သိရသည်။

တိုင်းရင်းသား လက်နက်ကိုင်များ၏ ဘုံသဘောတူညီချက်ကို နိုဝင်ဘာ ၁ ရက် လိုင်ဇာထိပ်သီး ဆွေးနွေးပွဲ တတိယနေ့တွင် ချမှတ်နိုင်ခဲ့ပြီး နိုဝင်ဘာ ၂ ရက် နံနက်ပိုင်းတွင် လက်မှတ်ရေးထိုးကာ မွန်းလွဲပိုင်း၌ အစိုးရနှင့် ဆက်လက်ဆွေးနွေးရန်အတွက် လိုင်ဇာမြို့မှ မြစ်ကြီးနားမြို့သို့ သွားရောက်ရန် စီစဉ်ထားသော်လည်း နိုဝင်ဘာ ၂ ရက် မွန်းလွဲပိုင်း အချိန်အထိ ပြီးပြတ်အောင် ဆွေးနွေးနိုင်ခြင်း မရှိသေးသဖြင့် နိုဝင်ဘာ ၃ ရက်မှသာ မြစ်ကြီးနားမြို့သို့ ခရီးဆက်နိုင်မည်ဖြစ်ကြောင်း သိရသည်။

အခုက လူရှာနေတာ၊ ဘယ်သူက အဖွဲ့ခေါင်းဆောင်၊ ဘယ်သူက ဒုတိယခေါင်းဆောင်ဆိုတာ လူရှာနေတာ။ သူ့ကိုငါတင် င့ါကိုသူတင် အဲဒီလို လှည့်နေကြတယ်။ နိုင်ငံရေး ဦးစီးကတော့ တစ်ဖွဲ့တစ်ယောက် ရထားတဲ့ အခြေခံပဲ။ သို့သော် အကောင်အထည်ဖော်မယ့် ညှိနှိုင်းရေး အဖွဲ့ပိုင်းမှာ ထစ်နေတာ . . . . .


နိုဝင်ဘာ ၂ ရက် ညနေပိုင်းအထိ သိရှိရသော အခြေအနေအရ ဘုံသဘောတူညီချက်တွင် ပါဝင်သော နိုင်ငံရေးဆွေးနွေးရန် ဦးစီးကော်မတီကို တိုင်းရင်းသား လက်နက်ကိုင် အဖွဲ့တစ်ခုချင်းစီမှ တစ်ဦးကျနှုန်းဖြင့် ဖွဲ့စည်းနိုင်ခဲ့ပြီး ဖြစ်သော်လည်း ထိုအဖွဲ့အောက်တွင် အစိုးရနှင့် တွေ့ဆုံဆွေးနွေးရန် နိုင်ငံရေး ဆွေးနွေးရေးအဖွဲ့ ဖွဲ့စည်းရေးကိစ္စ၌ အမြင်မတူမှုများ ရှိခဲ့ခြင်းဖြစ်ကြောင်း သိရသည်။

"၁၃ ဦးလောက်ပါတဲ့ အဖွဲ့တစ်ဖွဲ့တော့ ရပြီ။ အဖွဲ့ခေါင်းဆောင်မှာ နည်းနည်းလေး ထစ်နေတာ။ အလုပ်လုပ်ရမယ့် လမ်းညွှန်ချက်လည်း ရပြီ။ တော်တော်လေး စုံပါတယ်။ အခု နေ့လယ်ပိုင်းမှာတော့ လက်မှတ်ထိုးတဲ့ ဟာရယ်၊ အလုပ်လုပ်မယ့် အဖွဲ့ရယ်တော့ ကျွန်တော်တို့ အပြီးတာဝန် ပေးသွားမှာပေါ့" ဟု ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC)၏ တွဲဖက်အတွင်းရေးမှူး-၂ ဗိုလ်မှူးကြီး ခွန်ဥက္ကာက နိုဝင်ဘာ ၂ ရက် မွန်းလွဲပိုင်းတွင် ဆိုသည်။

"အခုက လူရှာနေတာ၊ ဘယ်သူက အဖွဲ့ခေါင်းဆောင်၊ ဘယ်သူက ဒုတိယခေါင်းဆောင်ဆိုတာ လူရှာနေတာ။ သူ့ကိုငါတင် င့ါကိုသူတင် အဲဒီလို လှည့်နေကြတယ်။ နိုင်ငံရေး ဦးစီးကတော့ တစ်ဖွဲ့တစ်ယောက် ရထားတဲ့ အခြေခံပဲ။ သို့သော် အကောင်အထည်ဖော်မယ့် ညှိနှိုင်းရေး အဖွဲ့ပိုင်းမှာ ထစ်နေတာ" ဟု ၎င်းကဆက်လက် ပြောကြားသည်။

အစိုးရနှင့် နိုင်ငံရေးဆွေးနွေးရန် အကောင်အထည်ဖော်မည့် ညှိနှိုင်းရေးအဖွဲ့ကို လိုင်ဇာထိပ်သီး ဆွေးနွေးပွဲ စတုတ္ထနေ့တွင် အပြီးဖွဲ့စည်းသွားရန် ရည်ရွယ်ပြီး ထိုအဖွဲ့ဖြင့် မြစ်ကြီးနားသို့ သွားရောက်ကာ အစိုးရနှင့် ဆွေးနွေးသည့် အဆင့်အထိ မျှော်မှန်းထားကြောင်း ချင်းအမျိုးသားတပ်ဦး (CNF) ၏ အဓိပတိကောင်စီဝင် ဒေါက်တာဆလိုင်းလျန်မှုန်းဆာခေါင်းက ပြောကြားသည်။

"ညီလာခံက ဖွဲ့လိုက်တဲ့ ဆွေးနွေးရေး အဖွဲ့က အစိုးရနဲ့ အမြန်ဆုံး ဆွေးနွေးမယ်။ ဖြစ်နိုင်မယ်ဆိုရင် မနက်ဖြန် သန်ဘက်ခါ မြစ်ကြီးနားမှာ ဦးအောင်မင်းတို့နဲ့စပြီး ဆွေးနွေးမှာဖြစ်တယ်။ မြစ်ကြီးနား ဆွေးနွေးပွဲကို ဒီဆွေးနွေးရေးအဖွဲ့ အနေနဲ့ သွားမယ်" ဟု ဒေါက်တာဆလိုင်းလျန်မှုန်းက နိုဝင်ဘာ ၂ ရက် မွန်းလွဲပိုင်းတွင် ပြောကြားသည်။

ညှိနှိုင်းဆွေးနွေးရေးအဖွဲ့ ဖွဲ့စည်းရေးနှင့် ပတ်သက်ပြီး ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) အဖွဲ့ဝင်များနှင့် တိုင်းရင်းသား ပူးပေါင်းဆောင်ရွက်ရေးအဖွဲ့ (WGEC) ၏ အဖွဲ့ဝင်များအကြား သဘောထား ကွဲမှုများ ရှိနေသည်ဆိုသော အချက်ကိုမူ ဒေါက်တာဆလိုင်းလျန်မှုန်းက ငြင်းဆိုသည်။

"အထဲမှာ WGEC၊ UNFC ကွဲနေတာ မရှိပါဘူး။ အခုဟာက ကျွန်တော်တို့ မနေ့က သဘောတူထားတာကတော့ WGEC ရေးတဲ့ Paper၊ UNFC ပြင်ဆင်ထားတဲ့ Paper၊ အဲဒါတွေကို အားလုံးပေါင်းပြီးတော့ Paper အသစ်ရေးပြီးပြီ။ အဲဒီ Paper ပေါ်မှာ ကျွန်တော်တို့ တိုင်းရင်းသားအားလုံး ရပ်တည်တော့မယ်။ WGEC တို့၊ UNFC တို့ကို မေ့ထားတော့။ အဲဒီလိုပဲ ကျွန်တော်တို့ သဘောထားပါတယ်" ဟု ဒေါက်တာဆလိုင်းလျန်မှုန်းက ဆိုသည်။

တိုင်းရင်းသား လက်နက်ကိုင်များ၏ ဘုံသဘောတူညီချက်ကို လိုင်ဇာဆွေးနွေးပွဲ တက်ရောက်သူအားလုံးက သဘောတူထားပြီ ဖြစ်သော်လည်း လက်မှတ်ရေးထိုးပြီး အတည်ပြုမည့် အပိုင်းကို နှောင့်နှေးနေသည့် အဖွဲ့များလည်း ရှိနေကြောင်း နိုဝင်ဘာ ၂ ရက် မွန်းလွဲပိုင်း အချိန်အထိ သိရသည်။

EMG

Read More

လျှပ်စစ်ဓာတ်အားခ မြင့်တက်လိုက်ခြင်းဖြင့် ပြည်တွင်းစားသောက်ကုန်ထုတ် လုပ်ငန်းများအပေါ် သက်ရောက်မှု ရှိနိုင်ပြီး ကုန်ချောဈေးများ တက်သွားနိုင်ဟု စားသောက်ကုန် အသင်းဥက္ကဋ္ဌ ပြောကြား

Sunday, 03 November 2013

စားသောက်ကုန်ထုတ်လုပ် တင်ပို့ရောင်းချသူများအသင်း အစည်းအဝေးပွဲကို တွေ့ရစဉ်

လျှပ်စစ်ဓာတ်အားခ မြင့်တက်လိုက်ခြင်းဖြင့် ပြည်တွင်းစားသောက်ကုန်ထုတ် လုပ်ငန်းများအပေါ် သက်ရောက်မှုရှိနိုင်ပြီး ကုန်ချောဈေးများ တက်သွားနိုင်ကြောင်း မြန်မာနိုင်ငံ စားသောက်ကုန်ထုတ်လုပ် တင်ပို့ရောင်းချသူများ အသင်းဥက္ကဋ္ဌ ဦးဇော်မင်းဝင်းက နိုဝင်ဘာ ၁ ရက်တွင် မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်၌ ကျင်းပသော နှစ်ပတ်လည် စုံညီအစည်းအဝေးပွဲတွင် ပြောကြားသည်။

လျှပ်စစ်စွမ်းအား ၀န်ကြီးဌာနမှ နိုဝင်ဘာ ၁ ရက်မှ စတင်ကာ ဓာတ်အားခများကို (စက်မှု၊ စီးပွားရေး၊ တစ်လုံးတစ်ခဲတည်း၊ ယာယီ) တစ်ယူနစ်မှ ၅၀၀၀ ယူနစ်အထိ သုံးသူများ ၁၀၀ ကျပ်၊ ၅၀၀၁ ယူနစ်နှင့်အထက် သုံးသူများမှာ ၁၅၀ ကျပ်အထိ တိုးမြှင့်သတ်မှတ် လိုက်ခြင်းအပေါ် ၎င်းကသုံးသပ် ပြောကြားခဲ့ခြင်းဖြစ်သည်။

"ကုန်ထုတ်စီးပွားရေး လုပ်ငန်းရှင်တွေအတွက် လျှပ်စစ်မီတာခ တစ်ယူနစ်ကို ၁၅၀ တိုးမြှင့် သတ်မှတ်လိုက်တာက ဈေးကွက်အတွင်း ပြန်လည်ရောင်းချမယ့် ကုန်ချောဈေးကို တစ်ဆင့်မြင့်တက် သွားစေနိုင်ပါတယ်။ မီတာခက တက်လိုက်ပြီး တစ်လ၊ နှစ်လလောက်ပဲ မီးရမယ်။ နောက်တော့ မီးပြန်မမှန်တော့ဘူးဆိုရင် စားသောက်ကုန်ထုတ် လုပ်ငန်းတွေအတွက် ထိခိုက်နစ်နာမှုတွေ ဖြစ်လာနိုင်ပါတယ်" ဟု ဦးဇော်မင်းဝင်းက ဆိုသည်။

ဆက်လက်ပြီး မြန်မာနိုင်ငံတွင် လျှပ်စစ် မီတာခနှင့် အထွေထွေ ကုန်ကျစရိတ်များ မြင့်တက်ခြင်းကြောင့် ၂၀၁၅ တွင် လွတ်လပ်စွာ ကုန်သွယ်မှု သဘောတူ စာချုပ်အရ ၀င်ရောက်လာမည့် အခြားနိုင်ငံခြား ရင်းနှီးမြှုပ်နှံသည့် စားသောက်ကုန်များနှင့် ယှဉ်လျှင် မြန်မာအသေးစား၊ အလတ်စား စားသောက်ကုန်ထုတ် လုပ်ငန်းများ၏ အရည်အသွေးနှင့် ထုတ်လုပ်မှုပိုင်းတွင် အားနည်းလျက်ရှိခြင်းဖြစ်ကြောင်း ၎င်းကဆက်လက် ပြောကြားသည်။

EMG

Read More

ရန်ကုန်မြို့ရှိ ဆင်ဖြူတော်က အစွယ်ဖြင့်ထိုးပြီး တက်နင်းသဖြင့် ဆင်ဦးစီး ဦးသိန်းစိန် သေဆုံး

 Created on Sunday, 03 November 2013


ဆင်ဦးစီးအား အစွယ်ဖြင့်ထိုး တက်နင်းခဲ့သည့် ဆင်ဖြူတော်ကို ချုပ်ထားစဉ်(ဓာတ်ပုံ-ကြည်နိုင်)

နိုဝင်ဘာ ၂ ရက် နံနက်ပိုင်းက ရန်ကုန်တိုင်း ဒေသကြီး အင်းစိန်မြို့နယ် ကြို့ကုန်း အရှေ့ရပ်ကွက် ရတနာဆင်ဖြူတော် ဥယျာဉ်တွင် ထားရှိသည့် ဆင်ဖြူတော် (အထီး)က ဆင်ဦးစီးအား အစွယ်ဖြင့် ထိုးပြီး တက်နင်းခဲ့သည့် ဖြစ်စဉ်တစ်ခု ဖြစ်ပွားခဲ့ကြောင်း စုံစမ်းသိရှိရသည်။

ဖြစ်စဉ်မှာ ယင်းနေ့နံနက် ၆ နာရီခွဲခန့် မှ စတင်၍ ဆင်ဦးစီး ဦးသိန်းစိန်သည် ဆင်ဖြူတော် ရာဇအဂ္ဂသီရိ ပစ္စယဂဇရာဇာ (စွယ်စုံဆင်ထီး) အား ကြံကျွေးပြီး လမ်းလျှောက် သင်ကြားပေးနေစဉ် ၇ နာရီခွဲခန့်တွင် ဆင်ဖြူတော်မှ စိတ်ရိုင်းဝင်ကာ အစွယ်ဖြင့် ထိုးပြီး နင်းခဲ့ကြောင်း သိရသည်။

ထိုသို့ အစွယ်ဖြင့် ထိုးပြီး နင်းသတ်ခဲ့သည့် ဒဏ်ရာများကြောင့် ဆင်ဦးစီး ဦးသိန်းစိန်မှာ အင်းစိန်ဆေးရုံသို့ တင်ပို့စဉ် လမ်း၌ပင် သေဆုံးသွားခဲ့ကြောင်း သိရသည်။

သေဆုံးသူ ဆင်ဦးစီး၏ ဇနီးဖြစ်သူ ဒေါ်ညိုမရှိန်က "ဒီလိုဖြစ်တယ်ဆိုတာ မနက် ၇ နာရီခွဲလောက်မှ သိရတာ။ ဆေးရုံကို လိုက်သွားတော့ အသက် မမီလိုက်ပါဘူး" ဟု ဆိုသည်။

နံနက် ၆ နာရီခွဲခန့်မှ စတင်၍ ဆင်ဦးစီး ဦးသိန်းစိန်သည် ဆင်ဖြူတော် ရာဇအဂ္ဂသီရိ ပစ္စယဂဇရာဇာ (စွယ်စုံဆင်ထီး) အား ကြံကျွေးပြီး လမ်းလျှောက် သင်ကြားပေးနေစဉ် ၇ နာရီခွဲခန့်တွင် ဆင်ဖြူတော် စိတ်ရိုင်းဝင်ကာ အစွယ်ဖြင့် ထိုးပြီး နင်းခဲ့ကြောင်း . . .


ဆင်ဖြူတော်ဝင်းအနီး နေထိုင်သူတစ်ဦးက "ဆင်ဦးစီးက ဒီနေ့မနက်မှာ ဆင်ဖြူတော်နဲ့ အတွင်းဝင်းထဲမှာ လမ်းလျှောက်နေတုန်း ဖြစ်သွားတာလို့ သိရတယ်။ အပြင်ဝင်းကိုကျတော့ ဆင်ဖြူတော် လာကြည့်တဲ့ သူတွေအတွက် နေရာသတ်မှတ်ထားတာ။ အစောကြီး ဖြစ်သွားတာဆိုတော့ ဘယ်ကဘယ်လို စဖြစ်မှန်း မပြောတတ်ဘူး။ သေသွားတဲ့ ဆင်ဦးစီးက ဒီဆင်တွေကို စဖမ်းလာကတည်းက တာဝန် ထမ်းဆောင်နေတာလို့လည်း သိရတယ်။ တစ်ခါမှတော့ စွယ်စုံဆင်ကြီးက လူကိုပြန်ပြီး ရန်ရှာ ပြဿနာလုပ်တယ်လို့လည်း မကြားမိဘူး" ဟု ဆိုသည်။

ဆင်ဖြူတော် ၀င်းအတွင်း တာဝန် ထမ်းဆောင်နေသော ၀န်ထမ်းတစ်ဦးက "ဆင်နဲ့ ပတ်သက်ပြီးတော့ ဖြေကြားဖို့ ညွှန်ကြားထားတာ မရှိပါဘူး။ ဆင်စွယ်ကျိုးနေတာက နဂိုကတည်းက ချိုးထားတာလို့ သိရတယ်။ မုန်ယိုနေတယ်လို့လည်း မကြားမိဘူး" ဟု ဖြေကြားခဲ့သည်။

သေဆုံးခဲ့သည့် ဆင်ဦးစီးမှာ အဆိုပါ ဆင်ဖြူတော်၏ ဆင်ဦးစီးမဟုတ်ကြောင်း၊ ဆင်ဦးစီး တာဝန်အဖြစ် ၁၂ နှစ်ခန့် လုပ်ဆောင်ခဲ့ကြောင်း ၎င်း၏ မိသားစုထံမှ သိရသည်။ ဆင်ဖြူတော် ရာဇအဂ္ဂသီရိ ပစ္စယဂဇရာဇာသည် ရခိုင်ပြည်နယ် ရသေ့တောင်မြို့ နယ် အထက်နန်းရာ အုပ်စုတွင် ပေါ်ထွန်းခဲ့ကာ ၂၀၀၁ ခုနှစ် နိုဝင်ဘာ ၁၅ ရက်က ရန်ကုန်မြို့သို့ ရောက်ရှိခဲ့ကြောင်း သိရသည်။

၎င်းဆင်ဖြူတော်သည် အမြင့်ပေ ၉ ပေ၊ ကိုယ်လုံးပတ် ၁၄ ပေ ရှိပြီး စွယ်စုံဆင် အမျိုးအစားဖြစ်ကာ မျက်လုံးပုလဲရောင်၊ နားရွက်အမျိုးအစား နားကြီး၊ အမြီးမှာ တံခါးပိတ် အမျိုးအစားဖြစ်သည်။ ကျောမှာ ငှက်ပျောကိုင်း ဖြစ်ကြောင်း သိရသည်။

အဆိုပါဖြစ်စဉ်ကို အင်းစိန်မြို့မ ရဲစခန်းမှ သေမှုသေခင်း အမှတ်စဉ် ၇၄/၂၀၁၃ ဖြင့် အမှုဖွင့်ထားကြောင်း သိရသည်။

EMG

Read More

အမေရိကန် မောင်းသူမဲ့လေယာဉ်၏ တိုက်ခိုက်မှုကြောင့် ပါကစ္စတန် တာလီဘန်ခေါင်းဆောင် သေဆုံး

Sunday, 03 November 2013

၂၀၀၈ ခုနှစ် နိုဝင်ဘာ ၂၆ ရက်က ရိုက်ကူးထားသည့် ဓာတ်ပုံတွင် တွေ့ရသော ပါကစ္စတန် တာလီဘန်ခေါင်းဆောင် (Photo:AFP)

အစိုးရနှင့် ငြိမ်းချမ်းရေး ဆွေးနွေးမှုထဲတွင် ပါဝင်သည့် ပါကစ္စ တန်တာလီဘန် အဖွဲ့ခေါင်းဆောင်ဖြစ်သူ ဟာကီမူလာမီဆွတ်သည် နိုဝင်ဘာ ၁ ရက်က အမေရိကန် မောင်းသူမဲ့လေယာဉ် တစ်စင်း၏ တိုက်ခိုက်မှုအတွင်း သေဆုံးသွားခဲ့ကြောင်း အစိုးရနှင့် တာလီဘန်အဖွဲ့ သတင်းရင်းမြစ်များက ထုတ်ပြန်ခဲ့သည်။

မီဆွတ် သေဆုံးမှုကြောင့် တာလီဘန်တို့ဘက်မှ လက်တုံ့ပြန်တိုက်ခိုက်မှုများ ဖြစ်ပေါ်လာနိုင်ပြီး တာလီဘန် သူပုန်များနှင့် စေ့စပ်ဆွေးနွေးမှု စတင်နိုင်ရန် အစိုးရ၏ ကြိုးပမ်းအားထုတ်မှုကိုလည်း ပျက်ပြားစေနိုင်သည်ဟု လေ့လာသူများက ပြောကြားခဲ့သည်။ သို့သော်လည်း ပါကစ္စတန် လုံခြုံရေးကို အကြီးမားဆုံး ခြိမ်းခြောက်နေသည့် Tehreek-e-Taliban Pakistan (TTP) သူပုန်အဖွဲ့ကို ဆိုးဆိုးရွားရွား အားနည်းသွားစေ သည်ဟုလည်း လေ့လာသူများက သုံးသပ်ခဲ့ကြသည်။ ထို့ပြင် တာလီဘန်ခေါင်းဆောင် မီဆွတ်သေဆုံးမှုသည် ပါကစ္စတန် သောင်းကျန်းသူများ ရှိရာကို ပစ်မှတ်ထား တိုက်ခိုက်နေသည့် စီအိုင်အေ မောင်းသူမဲ့လေယာဉ် စီမံကိန်း၏ အောင်မြင်မှု ဖြစ်လာခဲ့သည်။ မောင်းသူမဲ့လေယာဉ် တိုက်ခိုက်မှုကြောင့် အရပ်သားသေဆုံးမှု ရှိ၊ မရှိ အသေးစိတ် စုံစမ်းစစ်ဆေးမှုများ ပြုလုပ်နေကြောင်း သိရှိရသည်။

မြောက်ဝါဇီရစ္စတန်၏ အဓိကမြို့ဖြစ်သော မီရန်ရှာ၏ မြောက်ဘက်သုံးမိုင်အကွာ ဒန်ဒေဒါပက်ခီးရွာရှိ ခြံဝန်းတစ်ခု အတွင်း၌ရှိသော ကားတစ်စီးကို အမေရိကန် မောင်းသူမဲ့လေယာဉ် တစ်စင်းက ဒုံးကျည်နှစ်စင်းဖြင့် ပစ်ခတ်တိုက်ခိုက်ခဲ့ခြင်း ဖြစ်သည်။ ယခု တိုက်ခိုက်မှုတွင် အမေရိကန် အစိုးရက ဆုကြေးဒေါ်လာငါးသန်း ထုတ်ထားခြင်း ခံရသော မီဆွတ်နှင့်အတူ အခြားသူသုံးဦး သေဆုံးသွားခဲ့ခြင်း ဖြစ်သည်။ လုံခြုံရေးနှင့် ထောက်လှမ်းရေး အရာရှိများက အသက် ၃၄ နှစ်အရွယ်သာ ရှိနိုင်သည့် မီဆွတ်သေဆုံးကြောင်း အတည်ပြုခဲ့ပြီး တာလီဘန် သတင်းရင်းမြစ်ကမူ မီဆွတ်သည် သူ၏သက်တော်စောင့်၊ ယာဉ်မောင်းနှင့် ဦးလေးဖြစ်သူတို့နှင့်အတူ သေဆုံးခဲ့ခြင်းဖြစ်ကြောင်းနှင့် နာရေးအခမ်းအနားကို နိုဝင်ဘာ ၂ ရက်တွင် ပြုလုပ်မည်ဖြစ်ကြောင်း ထုတ်ပြန်ခဲ့သည်။

မီဆွတ် သေဆုံးမှုသည် ယခုလအတွင်း TTP အဖွဲ့အတွက် ဒုတိယမြောက် ပြင်းထန်သည့် ထိုးနှက်ချက် ဖြစ်လာခဲ့သည်။ "TTP ဟာ မီဆွတ်ရဲ့နေရာ အစားထိုးဖို့ ခေါင်းဆောင်အသစ်တစ်ဦးကို မကြာမီမှာ အစားထိုးမှာဖြစ်ပေမယ့် သူသေဆုံးမှုက အဖွဲ့ရဲ့ လှုပ်ရှားမှုတွေကို အားနည်းသွားစေ ပါလိမ့်မယ်" ဟု လုံခြုံရေးဆိုင်ရာ ကျွမ်းကျင်ပညာရှင် ရာဟီမူလာယူဆွတ်ဇိုင်က အေအက်ဖ်ပီ သတင်းဌာနသို့ ပြောကြားခဲ့သည်။ တာလီဘန်တို့ဘက်က လက်တုံ့ပြန်မှုကိုလည်း သေချာပေါက် ပြုလုပ်လိမ့်မည် ဖြစ်သည်ဟုလည်း ယူဆွတ်ဇိုင်က ပြောကြားခဲ့သည်။

TTP အဖွဲ့ခေါင်းဆောင်ဟောင်း ဘီတူလာမီဆွတ်သည် ၂၀၀၉ ခုနှစ် သြဂုတ်လက မောင်းသူမဲ့လေယာဉ် တစ်စင်း၏ တိုက်ခိုက်မှုကြောင့် သေဆုံးခဲ့ပြီးနောက် ဟာကီမူလာမီဆွတ်မှာ အဖွဲ့ခေါင်းဆောင် ဖြစ်လာခဲ့သည်။ ဟာကီမူလာမီဆွတ်သည် ၂၀၁၀ ပြည်နှစ်က အသတ်ခံ ခဲ့ရသည်ဟု သတင်းများ ကျယ်ကျယ်ပြန့်ပြန့် ထွက်ပေါ်ခဲ့သော်လည်း နောက်ပိုင်းတွင် ပြန်လည်ထွက်ပေါ် လာခြင်းဖြစ်သည်။

သဘောထားတင်းမာသူ တစ်ဦးဖြစ်သည့် မီဆွတ်သည် ယမန်နှစ် အောက်တိုဘာက အမျိုးသမီးများ ပညာသင်ကြားနိုင်ရေး လှုပ်ရှားသူ ပါကစ္စတန်ကျောင်းသူ မာလာလာကို လုပ်ကြံရန် ကြိုးပမ်းမှု အပါအ၀င် TTP အဖွဲ့၏ လူသိများသော တိုက်ခိုက်မှုများကို ကြိုးကိုင်ခဲ့သူဖြစ်သည်။ အာဖဂန်ရှိ စီအိုင်အေ အခြေစိုက် စခန်းတွင် ယမန်နှစ် ဒီဇင်ဘာလက အသေခံ ဗုံးခွဲတိုက်ခိုက်မှုကြောင့် အမေရိကန်နိုင်ငံသား ခုနစ်ဦး သေဆုံးခဲ့ရသည့်အတွက် မီဆွတ်ကို အမေရိကန်က အကြမ်းဖက်မှုဖြင့် တရားစွဲထားသည်။

Ref:AFP

Read More

ကင်ညာစာနယ်ဇင်းများက အလွန်ပြင်းထန် တင်းကျပ်သည့် မီဒီယာ ဥပဒေကြမ်းကို ၀ိုင်းဝန်းဆန့်ကျင်

Sunday, 03 November 2013

မီဒီယာ ဥပဒေကြမ်းအကြောင်း မျက်နှာဖုံးများတွင် ဖော်ပြထားသော သတင်းစာများကို ကင်ညာနိုင်ငံမြို့တော် နိုင်ရိုဘီတွင် သတင်းစာရောင်းသူ တစ်ဦးက ရောင်းချနေစဉ် (Photo:AFP)

ကင်ညာ ပါလီမန်က မီဒီယာ ဥပဒေကြမ်း တစ်ရပ်ကို မဲခွဲဆုံးဖြတ် ခဲ့ပြီးနောက် နိုဝင်ဘာ ၁ ရက်တွင် ကင်ညာမီဒီယာများက ယင်းဥပဒေကြမ်းကို ဒေါသတကြီး ပြင်းထန်စွာ တုံ့ပြန်ခဲ့ကြသည်။ ယင်းဥပဒေ၌ ပါဝင်သည့် အချက်အလက်များကို ချိုးဖောက်ပါက ဂျာနယ်လစ်များကို ကြီးလေးသော ဒဏ်ငွေများ ချမှတ်မည်ဖြစ်၍ မီဒီယာများအပေါ် အပြင်းအထန် ဖိနှိပ်မှုဟု ရှုမြင်ကြသည်။

ပါလီမန် အမတ်များ မဲပေးခဲ့ကြသည့် ဥပဒေကြမ်းတွင် ဆက်သွယ်ရေးနှင့် မာလ်တီမီဒီယာ အယူခံ အထူးခုံရုံးတစ်ရပ် ဖွဲ့စည်းပြီး ဥပဒေ ချိုးဖောက်သူများကို ကင်ညာသျှီလင် သန်း ၂၀ (အမေရိကန်ဒေါ်လာ ၂၄၃,၀၀၀) အထိ ဒဏ်ငွေချမှတ်ရန်နှင့် ဂျာနယ်လစ်များကို ထောင်ချရန်အထိ ပါဝင်သည်။ ယင်းမီဒီယာ ဥပဒေကြမ်းကို ပါလီမန်၌ မဲခွဲဆုံးဖြတ်ခဲ့ပြီးနောက် မကြာမီ သမ္မတ ယူဟူရူကင်ညက်တာက လက်မှတ်ရေးထိုး အတည်ပြုတော့မည် ဖြစ်သည်။ ယင်းဥပဒေကြမ်းတွင် ရေဒီယိုနှင့် ရုပ်မြင်သံကြား ထုတ်လွှင့်မှုများအပေါ် အလွန်တင်းကျပ်သည့် ထိန်းချုပ်မှုများ ပါဝင်နေရာ ၎င်းတို့ထုတ်လွှင့်သည့် ပရိုဂရမ်များနှင့် ကြော်ငြာများအနက် ၄၅ ရာခိုင်နှုန်းသည် ပြည်တွင်း၌ ပြုလုပ်ခြင်း ဖြစ်ရမည်ဟုလည်း ကန့်သတ်ထားကြောင်း သိရသည်။

ယင်းကို ကင်ညာစာနယ်ဇင်းများက ပြင်းထန်စွာ တုံ့ပြန်ခဲ့ကြရာ The Daily Nation သတင်းစာက "ကင်ညာနိုင်ငံကို ဇင်ဘာဘွေ၊ ကျူးဘား၊ အီသီယိုးပီးယား၊ ကူဝိတ်နိုင်ငံတို့နှင့် အဆင့်ချင်း တူညီသွားအောင် ပြုလုပ်လိုက်ခြင်းဖြစ်ပြီး ကင်ညာကို ခိုင်မာသည့် ဖိနှိပ်ခြင်းလမ်းကြောင်းပေါ်သို့ တင်ကာ အမှောင်ခေတ်ထဲသို့ ဆွဲသွင်းနေခြင်းဖြစ်သည်" ဟု ဝေဖန်ခဲ့သည်။ ပါလီမန်က မီဒီယာ အခွင့်အရေးကို ဖယ်ရှားပစ်လိုက်သည့် အလွန်အရေးကြီးသော ပြောင်းလဲမှုတစ်ရပ် ဖြစ်သည်ဟုလည်း ယင်းသတင်းစာက ဖော်ပြခဲ့သည်။

ကင်ညာနိုင်ငံ၏ လွတ်လပ်သော ရေဒီယို အသံလွှင့်ဌာနများနှင့် သတင်းဝက်ဘ်ဆိုက်များတွင် သြဇာအကြီးမားဆုံးဖြစ်သည့် CapitalFM ၏ Capital Group ကုမ္ပဏီ၏စီ မံခန့်ခွဲမှု ညွှန်ကြားရေးမှူး ဆိုက်ပရပ်စ်ကာမူးကလည်း ယင်းဥပဒေသည် အလွန်တင်းကျပ် ပြင်းထန် ဆိုးရွားလှသောကြောင့် ဆန့်ကျင်သည်ဟု ပြောကြားခဲ့သည်။ အသစ်ဖွဲ့စည်းမည့် မီဒီယာခုံရုံး အဖွဲ့သည် အစိုးရ၏ လက်ဝေခံ အဖွဲ့သာဖြစ်သောကြောင့် အမြဲတမ်း ဘက်လိုက်နေလိမ့်မည်ဟု သူကဆိုသည်။ ၎င်းအပြင် ပရိုဂရမ်များနှင့် ကြော်ငြာများကို ကန့်သတ်ထိန်းချုပ်ခြင်းသည် ကမ္ဘာ့စီးပွားရေး လောက၌ ကင်ညာနိုင်ငံ၏ အနေအထားကို ပျက်ယွင်းစေလိမ့်မည်ဟုလည်း ဆိုသည်။

Ref:AFP

Read More

ဘဏ္ဍာရေး နှစ်ဝက်အတွင်း ပြည်ပသို့ ပို့ကုန်အုပ်စု ခုနစ်မျိုး တင်ပို့ခဲ့ပြီး ယခင်ဘဏ္ဍာရေးနှစ် ကာလတူ တင်ပို့မှုထက် အမေရိကန်ဒေါ်လာ တစ်ဘီလျံနီးပါး ပိုမိုတင်ပို့

 Created on Saturday, 02 November 2013


ပြည်ပတင်ပို့မည့် ရေထွက်ကုန်များအား တွေ့ရစဉ်

၂၀၁၃-၂၀၁၄ ဘဏ္ဍာရေးနှစ်ဝက်အတွင်း ပြည်ပသို့ ပို့ကုန်အုပ်စု ခုနစ်မျိုး တင်ပို့ခဲ့ပြီး ၂၀၁၂-၂၀၁၃ ဘဏ္ဍာရေး နှစ်ဝက်အတွင်း တင်ပို့မှုထက် အမေရိကန် ဒေါ်လာတစ်ဘီလျံနီးပါး ပိုမိုတင်ပို့နိုင်ခဲ့ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

လယ်ယာထွက်ကုန်၊ တိရစ္ဆာန်ထွက်၊ ရေထွက်ကုန်၊ သတ္တုတွင်းထွက်၊ သစ်တောထွက်ကုန်၊ စက်မှုကုန်ချောနှင့် အခြားပို့ကုန်များ တင်ပို့ခဲ့ခြင်း ဖြစ်သည်။

၂၀၁၃-၂၀၁၄ ဘဏ္ဍာရေး နှစ်ဝက်ကာလအတွင်း ပြည်ပသို့ ပို့ကုန်တင်ပို့မှုမှ ရရှိငွေမှာ အမေရိကန် ဒေါ်လာ ၅၆၈၁ ဒသမ ၂၅၄ သန်း ဖြစ်ပြီး ၂၀၁၂-၂၀၁၃ ဘဏ္ဍာရေးနှစ်ဝက် ကာလအတွင်း ပြည်ပပို့ကုန်မှ ရရှိငွေမှာ အမေရိကန် ဒေါ်လာ ၄၆၈၇ ဒသမ ၄၈၀ သန်း ဖြစ်သောကြောင့် လက်ရှိ ဘဏ္ဍာရေးနှစ်အတွင်း ပြည်ပပို့ကုန် တင်ပို့မှုမှ ရရှိငွေမှာ အမေရိကန် ဒေါ်လာ တစ်ဘီလျံနီးပါး ပိုမိုရရှိခဲ့ခြင်း ဖြစ်ကြောင်း သိရသည်။

ပြည်ပတင်ပို့သည့် ပို့ကုန်အလိုက် ရရှိမှုမှာ လယ်ယာထွက် ကုန်တင်ပို့မှုမှ အမေရိကန် ဒေါ်လာ တစ်ဘီလျံကျော်၊ တိရစ္ဆာန်ထွက်ကုန် တင်ပို့မှုမှ အမေရိကန်ဒေါ်လာ ငါးသန်းကျော်၊ ရေထွက်ကုန် တင်ပို့မှုမှ အမေရိကန် ဒေါ်လာ သန်း ၂၇၀ ကျော်၊ သတ္တုတွင်းထွက် တင်ပို့မှုမှ အမေရိကန်ဒေါ်လာ တစ်ဘီလျံကျော်၊ သစ်တောထွက် ပစ္စည်းများမှ အမေရိကန် ဒေါ်လာ သန်း ၃၆၀ နီးပါး၊ စက်မှုကုန်ချောများမှ အမေရိကန် ဒေါ်လာ နှစ်ဘီလျံကျော်နှင့် အခြားပို့ကုန်များမှ အမေရိကန် ဒေါ်လာသန်း ၂၀၀ ကျော် ရရှိခဲ့ကြောင်း သိရသည်။

မြန်မာနိုင်ငံ၏ ပို့ကုန်ဖွံ့ဖြိုး တိုးတက်ရေးနှင့် ပို့ကုန် ယှဉ်ပြိုင်နိုင်စွမ်း တိုးတက်ရေးအတွက် အမျိုးသားအဆင့် ပို့ကုန်မဟာဗျူဟာကို ရေးဆွဲရန် ပြင်ဆင်နေပြီး အဆိုပါ မဟာဗျူဟာအတွက် ဦးစားပေး အကောင်အထည်ဖော်မည့် ကုန်စည်များ၊ ယင်းဦးစားပေး ကဏ္ဍများကို အထောက်အကူပြုမည့် ကဏ္ဍများကို သတ်မှတ်ပြီး ဖြစ်ကြောင်း သိရသည်။

ပို့ကုန်မဟာဗျူဟာတွင် ဦးစားပေး အကောင်အထည်ဖော်မည့် ကုန်စည်များမှာ ဆန်၊ ပဲအမျိုးမျိုးနှင့် ဆီထွက်သီးနှံ၊ ရေထွက်ကုန်ပစ္စည်း၊ အထည်အလိပ်နှင့် အ၀တ်အထည်၊ သစ်နှင့် သစ်တောထွက် ပစ္စည်းတို့ဖြစ်ပြီး ဦးစားပေး ၀န်ဆောင်မှုအဖြစ် ကမ္ဘာလှည့် ခရီးသွား လုပ်ငန်းကို သတ်မှတ်ထားကာ အလားအလာကောင်းသည့် ကဏ္ဍအဖြစ် ရော်ဘာကို သတ်မှတ်ထားကြောင်း သိရသည်။

အဆိုပါ ဦးစားပေးကဏ္ဍများကို အထောက်အကူ ပြုစေမည့် ကဏ္ဍများအဖြစ် ကုန်သွယ်မှုဆိုင်ရာ ငွေကြေးဝန်ဆောင်မှု၊ ကုန်သွယ်မှု သတင်းအချက်အလက်နှင့် ကုန်သွယ်မှု မြှင့်တင်ရေး၊ အရည်အသွေး စီမံခန့်ခွဲခြင်း၊ ကုန်သွယ်မှု လျင်မြန်ချောမွေ့ခြင်းနှင့် ကုန်စည် သယ်ယူပို့ဆောင်ရေး ကဏ္ဍများကို သတ်မှတ်ထားကြောင်း သိရသည်။

Read More

နိုင်ငံရေး ဆွေးနွေးပွဲအတွက် ကတိပြု မှုရရှိပြီးမှ ဒုတိယအဆင့် အပစ်ရပ် လက်မှတ်ထိုးရန် အချက်ပါဝင်သော တိုင်းရင်းသား လက်နက်ကိုင်များ၏ ဘုံသဘောတူညီချက်အား RCSS/SSA မှလွဲ၍ တိုင်းရင်းသား လက်နက်ကိုင် ၁၇ ဖွဲ့ လက်မှတ်ရေးထိုး

 Created on Sunday, 03 November 2013


နိုဝင်ဘာ ၂ ရက်က အပစ်အခတ် ရပ်စဲရေး စာချုပ်အပေါ် တိုင်းရင်းသား လက်နက်ကိုင်များ၏ ဘုံသဘောတူညီချက်အား လက်မှတ် ရေးထိုးနေကြစဉ် (ဓာတ်ပုံ - အောင်ဇော်ထွန်း )

အစိုးရဘက်က နိုင်ငံရေး ဆွေးနွေးပွဲအတွက် ကတိပြုမှု ရရှိပြီးမှ ဒုတိယအဆင့်အနေဖြင့် တစ်နိုင်ငံလုံး အတိုင်းအတာအရ အပစ်အခတ်ရပ်စဲရေးစာချုပ်ကို လက်မှတ်ရေးထိုးရန် အချက်ပါဝင်သော တိုင်းရင်းသား လက်နက်ကိုင်များ၏ ဘုံသဘောတူညီချက်ကို ရှမ်းပြည် ပြန်လည်ထူထောင်ရေး ကောင်စီ (RCSS/SSA) အဖွဲ့မှလွဲ၍ လိုင်ဇာထိပ်သီး ဆွေးနွေးပွဲသို့ တက်ရောက်ခဲ့သည့် တိုင်းရင်းသား လက်နက်ကိုင်အဖွဲ့ ၁၇ ဖွဲ့က လက်မှတ် ရေးထိုးခဲ့ကြောင်း သိရသည်။

ဘုံသဘောထား ရပ်တည်ချက် ၁၁ ချက်ပါဝင်သော တိုင်းရင်းသား လက်နက်ကိုင်အဖွဲ့များ၏ တစ်နိုင်ငံလုံး အပစ်အခတ်ရပ်စဲရေးဆိုင်ရာ ဘုံသဘောထား ရပ်တည်ချက်ကို အောက်တိုဘာ ၃၀ ရက်မှ နိုဝင်ဘာ ၂ ရက်အထိ ပြုလုပ်ခဲ့သော လိုင်ဇာ ထိပ်သီးဆွေးနွေးပွဲ၌ သဘောတူညီမှု ရရှိခဲ့ကြောင်းနှင့် ထိုဘုံသဘောထား ရပ်တည်ချက်များကို ဆက်လက် ညှိနှိုင်းဆောင်ရွက်ရန် တစ်နိုင်ငံလုံး အပစ်အခတ် ရပ်စဲရေးဆိုင်ရာ ညှိနှိုင်းအဖွဲ့ကိုလည်း ဖွဲ့စည်းလိုက်ကြောင်း နိုဝင်ဘာ ၂ ရက် ညပိုင်းက ထုတ်ပြန်သော တိုင်းရင်းသား လက်နက်ကိုင် တော်လှန်ရေးအဖွဲ့များ၏ ကွန်ဖရင့် ထုတ်ပြန်ချက်တွင်လည်း ဖော်ပြခဲ့ပါသည်။ တိုင်းရင်းသား လက်နက်ကိုင်များ၏ ဘုံသဘောထား ရပ်တည်ချက်ကို တရားဝင် ထုတ်ပြန်ခဲ့ခြင်းမရှိဘဲ အစိုးရဘက်က တိုင်းရင်းသား လက်နက်ကိုင်အဖွဲ့များသို့ ထုတ်ပြန်ထားသည့် မူကြမ်းနှင့် မည်မျှ ကွာခြားသည်ဆိုသော အချက်မှာ နိုင်ငံရေး ဆွေးနွေးပွဲအတွက် အာမခံချက်ရှိမှ အပစ်ရပ်စဲ စာချုပ်လက်မှတ်ထိုးရန် ချမှတ်ထားသည့် အချက်ဖြစ်ကြောင်း သိရသည်။

အဆိုပါ ဘုံသဘောတူညီချက်သည် တိုင်းရင်းသား ပူးပေါင်းဆောင်ရွက်ရေး ကော်မတီ (WGEC) က ရေးဆွဲခဲ့ပြီး KNU နှင့် RCSS အဖွဲ့တို့က အစိုးရအဖွဲ့သို့ တင်ပြထားပြီး အစိုးရအဖွဲ့က ပြင်ဆင် ရေးဆွဲထားသော မူကြမ်းနှင့် နီးစပ်မှု ရှိကြောင်း သိရသည်။ အစိုးရမူကြမ်းမှ ပယ်လိုက်သည့် အချက်များမှာ ကော်မတီအဆင့်ဆင့် ဖွဲ့ခြင်းနှင့် အခြေအနေများကို သမ္မတဦးဆောင်သော ဗဟိုအဖွဲ့သို့ သတင်းပို့ရေး ကိစ္စများပါဝင် . . .


"အားလုံး ထုတ်ပြန်မလား၊ မထုတ်ပြန်ဘူးလား ဆိုတာ အခုကျွန်တော်တို့က အခြေခံ မူဘောင်လောက်ပဲ ချမှတ်ထားတာ ရှိပါသေးတယ်။ အသေးစိတ် ရေးဆွဲပြီးတော့ ကျွန်တော်တို့ အစိုးရနဲ့ အပစ်အခတ် ရပ်စဲရေး ဆွေးနွေး ပြီးတော့လုပ်ဖို့ ရှိပါတယ်။ ပြီးတော့ တစ်ခုအနေနဲ့ အရေးကြီးတာက ကျွန်တော်တို့ လုပ်ထားတဲ့ မူသဘောတူညီချက်ထဲမှာ နံပါတ်သုံးမှာ ဘာပါလဲဆိုတော့ နှစ်ဖက် လက်ခံနိုင်သော နိုင်ငံရေး လမ်းပြမြေပုံဆိုတာ ပါပါတယ်။ အဲဒီ နိုင်ငံရေး လမ်းပြမြေပုံမှာ အရင်တုန်းက ကျွန်တော်တို့ လက်ခံနေကျ အစိုးရဘက်ကပေါ့။ MPC ဘက်က တင်ထားတာနဲ့ နည်းနည်း အသစ်ပြင်တာက ဟိုအရင်တုန်းက အပစ်အခတ် ရပ်စဲပြီးမှ framework ကို သဘောတူမယ် ဆိုတဲ့ဟာ ပါပါတယ်။ သို့သော် အခုကျွန်တော်တို့ သဘောတူထားတဲ့ မူဘောင်ထဲမှာတော့ နိုင်ငံရေး တွေ့ဆုံဆွေးနွေးပွဲ အသေအချာ ရှိတယ်ဆိုတာကို ကျွန်တော်တို့ ထုတ်ပြတဲ့အနေနဲ့ အပစ်အခတ် ရပ်စဲရေးလုပ်ရုံနဲ့ မလုံလောက်ဘူး။ နိုင်ငံရေး ဆွေးနွေးပွဲရှိကို ရှိရမယ်ဆိုတဲ့ဟာကို ကျွန်တော်တို့ အလေးအနက်ထားတဲ့ အနေနဲ့ ကျွန်တော်တို့ အဲဒီနိုင်ငံရေး လမ်းပြမြေပုံ ခြောက်ဆင့်ထဲမှာ နံပါတ်နှစ်အနေနဲ့ အားလုံးပါဝင်သော အမျိုးသားအဆင့် နိုင်ငံရေး တွေ့ဆုံ ဆွေးနွေးပွဲဆိုင်ရာကိစ္စကို သဘောတူညီခြင်း ရယူရမယ်။ အဲဒီလို အရင်ရယူပြီးမှ ဒုတိယအဆင့်အနေနဲ့ တစ်နိုင်ငံလုံး အတိုင်းအတာအနေနဲ့ အပစ်အခတ်ရပ်စဲရေး လုပ်မယ်ဆိုတဲ့ဟာ ကျွန်တော်တို့ ချမှတ်ထားပါတယ်။ ဆိုတော့ ကျန်တဲ့အပိုင်းကတော့ သူတို့နဲ့ ကျွန်တော်တို့ ညှိနှိုင်းဖို့ရှိတယ်။ တူသလား၊ မတူဘူးလား ဆိုတာကတော့ ခုန ကျွန်တော်ထုတ်ပြတဲ့ အချက်က အင်မတန်မှ အရေးကြီးတဲ့အချက်။ အရင်တုန်းက ကျွန်တော်တို့ WGEC တင်ထားတာကို အစိုးရနဲ့ အဓိက မတူတဲ့အချက်က အဲဒါပဲ ဖြစ်ပါတယ်လို့ ကျွန်တော် ရှင်းပြချင်ပါတယ်"ဟု ဆွေးနွေးပွဲအပြီး နိုဝင်ဘာ ၂ ရက် ညပိုင်းက ပြုလုပ်ခဲ့သော သတင်းစာ ရှင်းလင်းပွဲ၌ ချင်းအမျိုးသား တပ်ဦး(CNF) ၏ အဓိပတိ ကောင်စီဝင် ဒေါက်တာ ဆလိုင်းလျန်မှုန်းဆာခေါင်းက The Daily Eleven ၏ မေးခွန်းကို ဖြေကြားရာ၌ ထည့်သွင်း ပြောကြားခဲ့ပါသည်။

တရားဝင် ဖြန့်ဝေခဲ့ခြင်းမရှိသော ဘုံသဘောထား ရပ်တည်ချက်တွင် တိုင်းရင်းသား လက်နက်ကိုင်များ၏ ဘုံသဘောတူညီချက်တွင် အခြေခံမူများ၊ ရည်ရွယ်ချက်၊ နှစ်ဖက် လက်ခံနိုင်သော နိုင်ငံရေး လမ်းပြမြေပုံ ချမှတ်ခြင်း၊ တစ်နိုင်ငံလုံး အပစ်အခတ် ရပ်စဲရေးတွင် အဓိက ပါဝင်ရမည့် အချက်များ၊ နိုင်ငံရေး ဆွေးနွေးပွဲများ ကျင်းပရန် ကတိပြုခြင်း၊ အကောင်အထည်ဖော်ခြင်း၊ ယုံကြည်မှု တည်ဆောက်ရေးနှင့် စပ်လျဉ်းသည့် ဆောင်ရွက်ရမည့် အချက်များ၊ ဆွေးနွေးရေးကာလ အစီအမံများ၊ လက်မှတ် ရေးထိုးခြင်းနှင့် အတည်ပြုခြင်း၊ အထွေထွေ အစရှိသည်တို့ ပါဝင်ကြောင်း စုံစမ်းသိရှိရပါသည်။



လိုင်ဇာထိပ်သီး ဆွေးနွေးပွဲအပြီး တိုင်းရင်းသား လက်နက်ကိုင် အဖွဲ့ခေါင်းဆောင်များအား တစ်စုတစ်စည်းတည်း တွေ့ရစဉ် (ဓာတ်ပုံ-အောင်ဇော်ထွန်း)

ထို့အပြင် နိုင်ငံရေး ဆွေးနွေးရန်အတွက် အချိန်သတ်မှတ်ချက်ကို ၂၀၁၅ ခုနှစ်မတိုင်မီ အပြီး လုပ်ဆောင်နိုင်ရန် သတ်မှတ်ထားကြောင်းနှင့် အပစ်ရပ်စာချုပ် လက်မှတ်ထိုးပြီး ရက်ပေါင်း ၆၀ အကြာတွင် နိုင်ငံရေး ဆွေးနွေးပွဲ မူဘောင်ကို အပြီးရေးကာ နောက်ထပ် ရက်ပေါင်း ၆၀ တွင် နိုင်ငံရေး ဆွေးနွေးပွဲ အပြီးသတ်ရန် ရေးဆွဲထားကြောင်း သိရသည်။

တိုင်းရင်းသား လက်နက်ကိုင်များ၏ သဘောထား ရပ်တည်ချက်ကို RCSS/SSA က လက်မှတ် မရေးထိုးသည့် အကြောင်းရင်းမှာ သဘောထား ကွဲမှုကြောင့်မဟုတ်ဘဲ လက်မှတ်ထိုးရန် အဆင်သင့် မဖြစ်သည့် အတွက်ကြောင့်သာ ဖြစ်ကြောင်း UNFC ၏ တွဲဖက်အတွင်းရေးမှူး-၂ ဗိုလ်မှူးကြီး ခွန်ဥက္ကာက သတင်းစာ ရှင်းလင်းပွဲတွင် ပြောကြားခဲ့သည်။

"တကယ်တော့ သဘောမတူလို့ မထိုးနိုင်တာ မဟုတ်ပါဘူး။ အားလုံးသဘောတူတယ် ။ ကန့်ကွက်စရာလည်း မရှိဘူး။ RCSS ရဲ့ ချမှတ်ထားတဲ့ မူတွေနဲ့လည်း တစ်သွေမတိမ်း ဖြစ်ပါတယ်။ အခု တက်ရောက်လာတဲ့ RCSS ခေါင်းဆောင်တွေဟာ သူ့ရဲ့ ဥက္ကဋ္ဌနဲ့ အဆက်အသွယ်ပြတ်နေတော့ အဆင်သင့် မဖြစ်သေးတဲ့အတွက် ခဏ ဆိုင်းငံ့ထားတာပါ"ဟု ဗိုလ်မှူးကြီး ခွန်ဥက္ကာက ဆိုပါသည်။

RCSS/SSA ကိုယ်စားလှယ် အဖွဲ့ခေါင်းဆောင် ဗိုလ်မှူးကြီး စိုင်းလှ ကမူ ယခုသဘောတူညီချက်ကို မကြာမီက ဖွဲ့စည်းခဲ့သော ရှမ်းပြည် ညီညွတ်ရေးလုပ်ငန်း ကော်မတီသဘောထားကို ရယူရန် လိုအပ်သောကြောင့် လက်မှတ် မထိုးရခြင်း ဖြစ်ကြောင်း နိုဝင်ဘာ ၂ ရက် ညပိုင်းတွင် ပြောကြားသည်။



RCSS/SSA ကိုယ်စားလှယ်အဖွဲ့ခေါင်းဆောင် ဗိုလ်မှူးကြီး စိုင်းလှအား လက်မှတ်ထိုးပွဲ အခမ်းအနားတွင် တွေ့ရစဉ်

"ဒီအစည်းအဝေးကနေ ကျလာတဲ့ ဘုံသဘော တူညီချက်ကို ကျွန်တော်တို့က လက်မခံလို့လည်း မဟုတ်ပါဘူး။ ဒီလက်မှတ်ထိုးဖို့အတွက် ဗဟိုရဲ့ ဆုံးဖြတ်ချက်နဲ့အညီ ရှမ်းပြည်သားတွေရဲ့ဆုံးဖြတ်ချက်ကို ကျွန်တော်တို့ ရယူဖို့ လိုအပ်တဲ့ အတွက်ကြောင့် လက်မှတ်မထိုးနိုင်သေးတာပဲ ဖြစ်ပါတယ်ခင်ဗျ။ ဗဟိုကို ကျွန်တော်တင်ပြပါတယ်။ ဗဟိုက ပြောလာတာက ဗဟိုကော်မတီရဲ့ဆုံးဖြတ်ချက်ကို ရယူရမှာဖြစ်သလို ကျွန်တော်တို့ ရှမ်းပြည် ညီညွတ်ရေး လုပ်ငန်းကော်မတီရဲ့ သဘောထားကိုလည်း ရယူရမှာ လိုအပ်တဲ့အတွက် လက်မှတ်မထိုးရခြင်းပဲ ဖြစ်ပါတယ်။ ကျွန်တော်တို့ ရည်မှန်းချက်က တိုင်းရင်းသားအားလုံးရဲ့ ရည်မှန်းချက်နဲ့ တန်းတူ ဖြစ်ပါတယ်"ဟု ဗိုလ်မှူးကြီး စိုင်းလှက ပြောကြားခဲ့ပါသည်။

လိုင်ဇာ ထိပ်သီး ဆွေးနွေးပွဲ တိုင်းရင်းသား လက်နက်ကိုင်များ၏ ဘုံသဘော တူညီချက် လက်မှတ်ရေးထိုးခဲ့ကြသည့် အဖွဲ့များမှာ ရခိုင်တပ်မတော်(AA)၊ ရခိုင်ပြည် လွတ်မြောက်ရေးပါတီ(ALP)၊ ချင်းအမျိုးသားတပ်ဦး (CNF)၊ ရခိုင်အမျိုးသားကောင်စီ (ANC)၊ ကရင်အမျိုးသား အစည်းအရုံး (KNU)၊ ဒီမိုကရေစီ အကျိုးပြု ကရင်အမျိုးသား တပ်မတော် (DKBA)၊ KNU/KNLA ငြိမ်းချမ်းရေး ကောင်စီ၊ မြန်မာနိုင်ငံ အမျိုးသား ဒီမိုကရက်တစ် မဟာမိတ် တပ်မတော် (MNDAA)၊ ပအိုဝ့်အမျိုးသား လွတ်မြောက်ရေးအဖွဲ့(PNLO)၊ မွန်ပြည်သစ် ပါတီ (NMSP)၊ လားဟူဒီမိုကရက်တစ် အစည်းအရုံး (LDU)၊ တအာင်းအမျိုးသား လွတ်မြောက်ရေး တပ်မတော် (PSLF/TNLA)၊ "၀" အမျိုးသား အဖွဲ့ချုပ် (WNO)၊ ရှမ်းပြည် တိုးတက်ရေးပါတီ (SSPP/SSA)၊ ကချင်အမျိုးသား လွတ်မြောက်ရေးအဖွဲ့(KIO) နှင့် ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) တို့ ဖြစ်ကြပါသည်။ ဘုံသဘောတူညီချက်ကို သက်သေများအဖြစ် ကချင်ငြိမ်းချမ်းရေး အကျိုးဆောင်အဖွဲ့(PCG) နှင့် ဥရောပ-မြန်မာရုံး(EBO) မှ ဒါရိုက်တာ ဦးဟန်ညောင်ဝေတို့က လက်မှတ် ရေးထိုးခဲ့ကြသည်။ လိုင်ဇာ ထိပ်သီးဆွေးနွေးပွဲသို့ '၀' သွေးစည်း ညီညွတ်ရေးပါတီ (UWSP/UWSP) နှင့် မိုင်းလားအဖွဲ့ (NDAA) တို့ကို ဖိတ်ကြားခဲ့သော်လည်း တက်ရောက်ခဲ့ခြင်းမရှိပေ။

EMG

Read More