တည်းခိုခန်းတွင် အမျိုးသားတစ်ဦး ရုတ်တရက်သေဆုံး

သင်္ဃန်းကျွန်းမြို့နယ်ရှိ တည်းခိုခန်းတစ်ခုတွင် ဇနီးဖြစ်သူနှင့်အတူ တည်းခိုနေသည့် အမျိုးသားတစ်ဦး ဖေဖော်ဝါရီ ၉ ရက်ညက ရုတ်တရက်သေဆုံးခဲ့သဖြင့် မြို့နယ်ရဲစခန်းက ဓမ္မတာတိုင်း သေဆုံးခဲ့ခြင်း ဟုတ်မဟုတ် စစ်ဆေးဖော်ထုတ်နေသည်ဟု ဆိုသည်။

ဖြစ်စဉ်မှာ စံပြဆေးရုံကြီးတွင် အမျိုးသားတစ်ဦး သေဆုံးရောက်ရှိ
လာကြောင်း ည ၁၂ နာရီခွဲအချိန် သတင်းအရ မြို့နယ်ရဲတပ်ဖွဲ့က သွားရောက်စစ်ဆေးခဲ့ခြင်းဖြစ်သည်ဟု ဆိုထားသည်။

ထို့ကြောင့် သေဆုံးသူမှာ ရခိုင်ပြည်နယ် မြေပုံမြို့နယ်၊ အုန်းချောင်းကျေးရွာတွင် နေထိုင်သည့် ဦးအောင် မြင့်သိန်း(၃၈)နှစ်၊ ငါးခြောက်အရောင်းအ၀ယ် လုပ်ကိုင်သူ ဖြစ်သည်ဟု အတည်ပြုထားသည်။

၎င်းသည် သင်္ဃန်းကျွန်းမြို့နယ် ဆောင်းသဇင်တည်းခိုခန်းတွင် ဇနီးဖြစ်သူ မခင်မာစန်းနှင့်အတူ အခန်း အမှတ် (၁၀၁) တွင် တည်းခိုအိပ်စက်နေစဉ် ည ၁၂နာရီခွဲအချိန်တွင် ရုတ်တရက်သေဆုံးခဲ့ခြင်းဖြစ်သည် ဟု ဆိုထားသည်။

သေဆုံးသူသည် အိပ်နေစဉ်အတွင်း ဘေးတစ်ဖက်သို့လှည့်စဉ် ဇက်နာသွားကြောင်းပြောပြီး ဘာမျှမေး မရတော့သဖြင့် စံပြဆေးရုံကြီးသို့ ကားဖြင့်ပို့အပ်ရာလမ်းတွင် သေဆုံးသွားခြင်းဖြစ်သည်ဟု ဇနီးဖြစ်သူက ရဲထံတွင် ထွက်ဆိုထားသည်။

လက်ရှိတွင် သေဆုံးသူအလောင်းကို ရင်ခွဲစစ်ဆေးနိုင်ရန် မြောက်ဥက္ကလာပဆေးရုံသို့ ပို့ဆောင်ထားပြီး ဓမ္မတာတိုင်း သေဆုံးခဲ့ခြင်း ဟုတ်မဟုတ်ကို ဆက်လက်စစ်ဆေးပေးရန် ဒု-ရဲအုပ် ငွေမိုးက တိုင်တန်းထား သည်။

ထို့ကြောင့် မြို့နယ်ရဲစခန်းက သေမှုသေခင်းအမှတ်စဉ် ၁/၂၀၁၄ဖြင့် အမှုဖွင့်ပြီး ဒု-ရဲမှူးသိန်းဟန်က ဆက် လက်စစ်ဆေး လျက်ရှိသည်။

ဇော်ဇော်ထွေး

Read More

ခေါက်ဆွဲထုပ်ကို အန္တာရာယ်ကင်းအောင် ချက်ပြုတ်စားသောက်နည်း

(ကျန်းမာရေးအတွက် မည်သူမဆိုမျှဝေယူပါ)

လူအများစုဟာ ရေးနွေးထဲ အဆင်သင့် ထည့်စားရုံ လွယ်ကူတဲ့ ခေါက်ဆွဲခြောက် ထုပ်တွေကို စားသုံးမှု များကြပါ တယ်။ ဒါတွေက ကြာရှည်လည်း အ ထားခံတဲ့အတွက် နောက်ပိုင်းမှာ တဖြည်း ဖြည်း ပိုမိုတွင်ကျယ်လာပါတယ်။

အဆင်သင့် ခေါက်ဆွဲခြောက်ထုပ်( Instant Noddle) တွေကို ဂျပန်ကုမ္ပဏီ တစ်ခုက စတင်ထုတ်လုပ်ခဲ့တာဖြစ်ပါ တယ်။ အဆင်သင့် ခေါက်ဆွဲခြောက်ထုပ် တွေကို နေ့စဉ် စားနေတာဟာ ကျန်းမာရေးကို အန္တရာယ်ပေးနိုင်ပါတယ်။ အကြောင်းကတော့ အာဟာရတန်ဖိုး နည်းပါးပြီး ဆား(ဆိုဒီယမ်)၊ အဆီ၊ အချို မှုန့်၊ အရသာ စတဲ့ အရာတွေ ပါဝင်မှု များတာကြောင့်ပါ။

ဆား(ဆိုဒီယမ်) ပါဝင်မှု များတာ ကြောင့် အဆင်သင့် ခေါက်ဆွဲခြောက် ထုပ်တွေကို နေ့တိုင်းစားရင် သွေးတိုးရော ဂါ ဖြစ်စေနိုင်ပါတယ်။အဲဒီကတစ်ဆင့် နှလုံးရောဂါ၊ လေဖြတ်တာနဲ့ ကျောက် ကပ်ထိခိုက်တာတို့ ဖြစ်တတ်ပါတယ်။ အ ရွယ်ရောက်သူနဲ့ လေးနှစ်ကျော်တဲ့ က လေးတွေရဲ့ တစ်နေ့မှာ ဆိုဒီယမ် စားနိုင် တဲ့ ပမာဏက ၁၅၀ဝ မီလီဂရမ်ဖြစ်ပြီး ပျမ်းမျှအားဖြင့် ခေါက်ဆွဲထုပ်တစ်ထုပ် မှာ ပါဝင်တဲ့ ဆိုဒီယမ်က ၂၇၀ဝ မီလီဂ ရမ်ဖြစ်ပါတယ်။ ခေါက်ဆွဲ ခြောက်ထုပ်မှာ ပါဝင်တဲ့ ဆီဟာ ချက်ပြုတ်စားသောက်နည်း မမှန် ရင် ကင်ဆာဖြစ်စေနိုင်ပါတယ်။ အချိုမှုန့် (Flavour) ပါဝင်တာကြောင့် သွေးတိုးရော ဂါနဲ့ တခြားရောဂါဝေဒနာတွေကို ဖြစ်စေ နိုင်ပါတယ်။

အရသာ (Junk Food ) အဖြစ် အမဲ သားအနံ့၊ ပင်လယ်စာအနံ့ စတာတွေကို ထည့်သွင်းထားကာ ထုတ်လုပ်တဲ့ ကုမ္ပဏီ ပေါ်မူတည်ပြီး အမျိုးအစား မတူပေမယ့် အများအားဖြင့် အန္တရာယ်ရှိပါတယ်။ ခေါက်ဆွဲထုပ်ကို အများကြီး စား ရင် အစာမကြေဖြစ်တတ်ပါတယ်။ ခေါက် ဆွဲထုပ်ကို အဆင်သင့်အစာ (Junk Food) အဖြစ် ကျန်းမာရေးနဲ့ မညီညွတ် တဲ့ အစာလို့ ဝေဖန်ကြပါတယ်။

ခေါက် ဆွဲထုပ်တစ်ထုပ်မှာ ကာဗိုဟိုက်ဒရိတ်နဲ့ အဆီပါဝင်မှု များပေမယ့် အမျှင်ဓာတ်၊ ဗီတာမင်နဲ့ သတ္တုဓာတ်တွေ ပါဝင်မှုက လျော့နည်းပါတယ်။

ခေါက်ဆွဲထုပ်ကို အန္တာရာယ်ကင်းအောင် ချက်ပြုတ်စားသောက်နည်း ခေါက်ဆွဲထုပ်ကို ဖောက်ပြီး ခေါက် ဆွဲတွေကို အရင်ဆုံး ရေနွေးထဲ ထည့် ပြုတ်ပါ။ ပြီးရင် ရေကို သွန်ပစ်လိုက်ပါ။ ဒါဆိုရင် ခေါက်ဆွဲတွေ မကပ်ငြိအောင် ကာကွယ်ပေးတဲ့ ဖယောင်း (Wax)ကွာ ကျသွားပါ လိမ့်မယ်။ ပြီးမှ ဟင်းအရည်နဲ့ စားချင်ရင် ရေနွေး ထပ်ထည့်ရပါမယ်။ ခေါက်ဆွဲကျက်မှ ဆီ၊ ဆား စတဲ့ ပါဝင်တဲ့ အရသာအမှုန့်တွေကို ထည့်ပေးရမှာ ဖြစ် ပါတယ်။

ဒီနည်းက လုံးဝ အန္တရာယ်ကင်း တာတော့ မဟုတ်ပါဘူး။ အရင်က လူအ များစုဟာ ရေနွေးပြုတ်ထဲ ခေါက်ဆွဲနဲ့ ပါဝင်တဲ့ ပစ္စည်းတွေ အကုန်ထည့်ပြီး ခေါက်ဆွဲကျက်ရင် စားလေ့ရှိကြပါတယ်။ ဒီနည်းနဲ့ စာရင် အခုပြောပြတဲ့ ချက်ပြုတ် နည်းက အန္တရာယ် ပိုလျော့ပါးသွားတာ ဖြစ်ပါတယ်။

နောက်တစ်ချက်က လတ်ဆတ်တဲ့ ဟင်းသီးဟင်း၇ွက်တွေ ထည့်ပြီး ပြုတ်စားရင် ခေါက်ဆွဲထုပ်မှာ ပါဝင်မှု နည်းတဲ့ အမျှင်ဓာတ်၊ ဗီတာမင်နဲ့ သတ္တုဓာတ် တွေကို ရရှိစေနိုင်တာကြောင့် ကျန်းမာ ရေးအတွက် ကောင်းပါတယ်။ အန္တာရယ်ကင်းချင်ရင် ခေါက်ဆွဲ ထုပ်ကို နေ့တိုင်း မစားသင့်ပါဘူး။ တစ်နေ့ သုံး-လေးထုပ်စားတာကို ရှောင်ရပါမယ်။ ကြိုက်လို့ စားချင်ရင် သုံးရက်ကြာမှ တစ် ထုပ်လောက်ပဲ စားပါလို့ ပြောချင်ပါတယ်။

ဒေါက်တာဦးကိုကို

Read More

မိန်းကလေးများမှ ယောက်ကျားလေးကို အုပ်စုဖွဲ့ အဓမ္မပြုကျင့်

ဇင် ​ဘာ​ဘွေ​နိုင်ငံ​တွင်​ ​အ​မျိုး​သ​မီး​များ​က​ ​အ​မျိုး​သား​များ​ကို​ အုပ်​စု​ဖွဲ့​ ​မု​ဒိမ်း​ကျင့်​သည့်​ ​ကိ​စ္စ​များ​ကြောင့်​ ​ရဲ​တပ်​ဖွဲ့​မှာ​ ​ခေါင်း​ခြောက်​နေ​ကြောင်း​ ​သိ​ရ​သည်​။ ​လွန်​ခဲ့​သော​ ​၁၁​ ​လ​အ​တွင်း​ ​အ​မျိုး​သား​ ​၆​ ဦး​မှာ​ ​အ​မျိုး​သ​မီး​များ​က​ ​အုပ်​စု​လိုက်​ ​မု​ဒိမ်း​ကျင့်​မှု​ ​ခံ​ခဲ့​ရ​သည်​။

ရဲ​ဌာ​န​က​ ​ထို​ကိ​စ္စ​အ​တွက်​ ​ရှက်​ပြီး​ ​ရဲ​မ​တိုင်​သော​ ​အ​မျိုး​သား​များ​လည်း​ ​ရှိ​နိုင်​ကြောင်း​ ​သုံး​သပ်​ပြော​ကြား​ခဲ့​သည်။ ​အ​သက်​ ​၂၆​ ​နှစ်​ရှိ​ ​ရဲ​သား​တစ်ဦး​သည်​ ​ဘူ​လာ​ဝါ​ယို​တွင်​ ​တာ​ဝန်​ထမ်း​ဆောင်​နေ​စဉ်​ ​အ​သေး​စား​ ​မီ​နီ​ဘတ်စ်​တစ်​စင်း​က​ ​အ​ကူ​အ​ညီ​တောင်း​သ​ဖြင့်​ ​သွား​ရောက်​ခဲ့​ရာ​ ​ကား​ထဲ​ရှိ​ ​အ​မျိုး​သ​မီး​ ​၃​ ဦး​က​ ၎င်း​အား​ ​ဝိုင်း​ချုပ်​ခဲ့​ကြ​သည်​။ ​ယင်း​သည်​ ​ရုန်း​ကန်​ရန်​ ​ကြိုး​စား​သော်​လည်း​ ​မျက်​နှာ​ကို​ ​မေ့​ဆေး​ဖြင့်​ ​အုပ်​ခံ​ရ​ပြီး​နောက်​ သ​တိ​လစ်​သွား​ကြောင်း​ ​ရဲ​တပ်​ဖွဲ့​ ​အ​ကြီး​အ​ကဲ​ ဩ​ဂက်​စ​တင်း​ချီ​ဟွာ​က​ဆို​သည်​။ ​ထို့​နောက်​ ​ထို​ရဲ​သား​ ​သ​တိ​ပြန်​ရ​လာ​ချိန်​တွင်​ ၎င်း​သည်​ ​မြို့​ပြင်​တော​အုပ်​ထဲ​ ​ရောက်​နေ​ပြီး​ ​အ​မျိုး​သ​မီး​ ​၃​ ဦး​က​ ​ယင်း​ကို​ ​လိင်​ဆိုင်​ရာ​ ​စော်​ကား​ပြု​မူ​နေ​သည်​ကို​ ​သ​တိ​ပြု​မိ​ခဲ့​သည်​။ ​ထို့​နောက်​ ​စိတ်​ကျေ​နပ်​သွား​သော​ ​အ​မျိုး​သ​မီး​များ​သည်​ ​ရဲ​သား​တွင်​ ​ပါ​လာ​သော​ ​ငွေ​ကြေး​အ​နည်းငယ်​နှင့်​ ​မို​ဘိုင်း​ဖုန်း​တို့​ကို​ ​ရ​ယူ​ကာ​ ၎င်း​အား​ ​မြို့​ပြင်​တွင်​ ​ထား​ခဲ့​ပြီး​ ​ထွက်​ပြေး​သွား​ကြောင်း​ ​ချီ​ဟွာ​က​ ​ပြော​ကြား​ခဲ့​သည်​။ ​ထို​သို့​သော​ ​လုပ်​ဆောင်​ချက်​နှင့်​ ​ပ​တ်​သက်​ပြီး​ ​အ​ကြောင်း​ရင်း​ကို​ ​မ​သိ​ရ​ဟု​ ​ချီ​ဟွာ​က​ဆို​သည်​။
ဇင် ​ဘာ​ဘွေ​ ဥ​ပ​ဒေ​အ​ရ​ ​မု​ဒိမ်း​မှု​သည်​ ​အ​မျိုး​သ​မီး​များ​ ​ပြု​ကျင့်​ခံ​ရ​မှ​သာ​ ​အ​ကျုံး​ဝင်​ပြီး​ ​အ​မျိုး​သား​များ​အ​တွက်​ ​သတ်​မှတ်​မ​ထား​ချေ​။ ပြီး​ခဲ့​သည့်​လ​က​လည်း​ ​အ​မျိုး​သ​မီး​ ​နှစ်ဦး​သည်​ ​အ​သက်​ ​၄၄​ ​နှစ်​အ​ရွယ်​ ​အ​မျိုး​သား​ ​တစ်ဦး​အား​ ၎င်း​တို့​နှင့်​ ​လိင်​ဆက်​ဆံ​ရန်​ ​အ​တင်း​ခိုင်း​စေ​ခဲ့​သည်​။ ​ထို​စ​ဉ်​က​ ​ယင်း​အ​မျိုး​သား​သည်​ ​အိပ်​ယာ​တစ်​ခု​ကို​ ​ဝယ်​လာ​ပြီး​ ​ကာ​ရိုး​အ​နောက်​ပိုင်း​ရှိ​ ​နေ​အိမ်​သို့​ ​သယ်​သွား​ချိန်​တွင်​ ​အ​မျိုး​သ​မီး​များ​က​ ​ယ​ခု​လို​ ​ခိုင်း​စေ​ခဲ့​ခြင်း​ဖြစ်​သည်​။
ယ​မန်​နှစ်​ ​နို​ဝင်​ဘာ​လ​က​လည်း​ ​အ​မျိုး​သ​မီး​ ​၂​ ဦး​သည်​ ​အ​သက်​ ​၁၈​ ​နှစ်​အ​ရွယ်​ ​ချာတိတ်​တစ်ဦး​ကို​ ​ဟာ​ရာ​ရာ​ရှိ​ ​ရို​မန်​ကက်​သ​လစ်​ ​ဘု​ရား​ကျောင်း​အ​တွင်း​ ​သော့​ခတ်​ပိတ်​ကာ​ ​မု​ဒိမ်း​ကျင့်​ခဲ့​ကြ​သည်​။ ယ​ခု​ကဲ့​သို့​ ​ရဲ​သား​တစ်ဦး​အား​ ​မီ​နီ​ဘတ်စ်​ပေါ်​ ​လိုက်​လာ​သည့်​ ​အ​မျိုး​သ​မီး​များ​က​ ​မု​ဒိမ်း​ကျင့်​ခဲ့​ကြောင်း​ ​သ​တင်း​ထွက်​ပေါ်​လာ​ပြီး​နောက်​ ​ပြည်​တွင်း​သ​တင်း​စာ​တစ်​စောင်​က​ ​လမ်း​ပေါ်​မောင်း​လာ​သည့်​ ​မီ​နီ​ဘတ်စ်​ကို​ ​အ​လု​အ​ယက်​ ​ဝိုင်း​တား​နေ​သည့်​ ​အ​မျိုး​သား​ ​အ​မြောက်​အ​မြား​ပုံ​ကို​ ​ကာ​တွန်း​ရေး​ဆွဲ​ ​သ​ရော်​ခဲ့​ကြောင်း​ ​သိ​ရ​သည်​။

Read More

သီချင်းဆို၊ ကာရာအိုကေ ဆိုတာကို ရုပ်သံရိုက်ပြီး အင်တာနက်မှာ တင်ထားတဲ့သီချင်းတွေကြောင့် နာမည်ကြီးနေတဲ့ အဆိုတော်မလေး မေမြတ်မွန်

သီချင်းဆို၊ ကာရာအိုကေ ဆိုတာကို ရုပ်သံရိုက်ပြီး အင်တာနက်မှာ တင်လိုက်ရင် တခြားမြို့ တခြားနိုင်ငံက မိတ်ဆွေတွေ ကြည့်နိုင် အားပေးနိုင်ပါတယ်။

အပျော်တမ်း ဆိုကြပေမယ့် တချို့က တော်တော်လေး အရည်အသွေး ပြနိုင်သူတွေပါ။ အဲဒီထဲမှာ အမျိုးသမီးတယောက်ရဲ့ သီချင်းတွေကို လူကြည့်များနေပါတယ် အခုရက်ပိုင်း။

သီချင်းတပုဒ်မှာတော့ သူအမည်က မေမြတ်မွန် ဖြစ်ကြောင်း သူ့ကိုယ်သူ မိတ်ဆက်ထားပေးပါတယ်။ သူ့အကြောင်းလည်း အကျဉ်းချုပ် မိတ်ဆက်ရာမှာ အိမ်ထောင်ဘက်နဲ့ သားနဲ့ ခွဲခွာခဲ့ရသူဖြစ်တယ်၊ သြစတေးလျမှာနေတယ်လို့ ဆိုပါတယ်။
"သားလေးကိုလည်း သူနဲ့ ပေးခဲ့ပါတယ်" တဲ့။
ခံစားချက်တွေကို သီချင်းလေးနဲ့ ပုံဖော်ထားပါတယ် တဲ့။ ခံစားချက်ကို သီချင်းနဲ့ ဖွင့်ချ၊ အွန်လိုင်းတင်တဲ့နည်းနဲ့ စိတ်ဖြေနေတာလည်း ဖြစ်နိုင်ပါတယ်။

အွန်လိုင်း တင်ထားတဲ့ နှစ်ပုဒ်သုံးပုဒ်ထဲမှာ မင်းချစ်သူရေးတဲ့ သီချင်း ရှင်နော် ကို သူ ဆိုထားတာ တော်တော်လေး ကောင်းပါတယ်။ ရှင်နော်ရဲ့ မူရင်းအဆိုတော်က တွင်ကယ်လ် ဖြစ်ပါလိမ့်မယ်။ Facebook မှာတော့ တယောက်က မေမြတ်မွန် ဆိုတာ "အရမ်းကောင်းပါတယ် ခံစားချက်အပြည့်နဲ့ဆိုထားတာ" လို့ မှတ်ချက်ပြုပါတယ်။

လူကြည့်များနေရခြင်းအကြောင်းရင်းက အဆိုကောင်းလွန်းလို့တော့ ဟုတ်ဟန် မတူပါဘူး။ လည်ပင်းဟိုက်လွန်းတဲ့အင်္ကျီဝတ်ထားတာကြောင့် ဖြစ်ပါလိမ့်မယ်။

ဒီအတိုင်းဆိုရင် သူ့ရဲ့ ရုပ်သံသစ်တွေ ထပ်ထွက်လာနိုင်ပါသေးတယ်။

အွန်လိုင်းမှာ သူ့ရုပ်သံကို ကြည့်ရသူတွေထဲက အများအပြားက မှတ်ချက်မျိုးစုံ ပေးထားကြပါတယ်။ အများစုကတော့ သူ့ ဝတ်စားဆင်ယင်မှုကို အပြင်းအထန် ဝေဖန်ထားကြတာပါ။ သူ ဘယ်လို အခြေအနေ ဖြစ်နေတယ် ဆိုတာကိုလည်း ခန့်မှန်းသူလည်း မနည်းလှပါ။

Read More

Alcohol and Coffee အရက်မူးတာကို ကော်ဖီကထူးစေသလား

ကော်ဖီသောက်လိုက်ရင် သောက်ထားတဲ့အရက်ရှိန် (မူးနေတာ) ပြေသွားမယ်လို့ယူဆချက်ဟာ နားထောင်ရင် အဟုတ်လို့ ထင်စရာပါ။ ဒါပေမဲ့ လေ့လာမှုတွေလုပ်ကြည့်တော့ အဲလိုမဟုတ်ပါ။

နှစ်အနည်းငယ်တုံးက မိတ်ဆွေတချို့နဲ့အတူ ကျမ ဇာတ်ရုံတခုကကပွဲမှာ အသုံးတော်ခံခဲ့ပါတယ်။ ကျမခင်ပွန်းက အရောက်နောက်ကျပါတယ်။ သူက ခရစ်မတ်နေ့လည်စာနဲ့ ကော်ဖီသောက်ပြီး မွန်းလဲနောက်ပိုင်းတခုလုံးမှာ ဝိုင်တွေ သောက်နေခဲ့တာပါ။ ကံကောင်းတာက ပြဇာတ်က ဟာသဖြစ်ပါတယ်။ ကျမယောက်ျားဟာ လိုတာထက်ပိုပြီး ရယ်မောနေလို့ သူနဲ့တွဲသရုပ်ဆောင်ရသူကတောင် အံ့သြနေကြရပါတယ်။

အားလပ်ချိန်မှာတော့ နောက်ကျိနေတာ သက်သာသွားအောင်ဆိုပြီး ကျမသူ့အတွက် ကော်ဖီ ဝယ်တိုက်ပါတယ်။ ပြဇာတ် ဒုတိယပိုင်းမှာ သူ အတော်ငြိမ်နေတာ တွေ့ရတယ်။ ဒါဖြစ်ရင် ကျမတွက်ထားသလို ကော်ဖီကနေ မျက်လှည့်ပြသလိုသတ္တိ တကယ်ရှိသတဲ့လား။

Sedative effects အရက်ဆိုတာ များလေလေ အိပ်ချင်စိတ်များလေလေဆိုတာ လူတိုင်း သိတဲ့အချက်ပါ။ ပဌမ ၁ နာရီခွဲအတွင်းမှာ သွေးထဲမှာ အရက်ပမာဏ များနေချိန်မယ် အရက်သောက်သူဟာ တက်ကြွနေပါတယ်။ ၂ နာရီ နောက်ပိုင်းမှာတော့ ၆ နာရီ အထိ အိပ်ချင်စိတ်ဟာ တိုးတိုးလာပါတယ်။

ကော်ဖီထဲမှာပါတဲ့ Caffeine (ကေဖင်း) ဓါတ်ကတော့ ပြောင်းပြန်ဖြစ်ပါတယ်။ လူတွေကို တက်ကြွနေစေပါတယ်။ ဒီအချက်ကြောင့် ဘီယာတပိုင့်သောက်ပြီး ကော်ဖီတခွက်နဲ့ဖြေတာ သဘာဝကျပါတယ်။

စိတ်မကောင်းစရာ လာပါပြီ။ အရက်သုတေသနသမိုင်းမှာ ဓါတ်ခွဲခန်းတွေထဲ အရက်သောက်ထားသူတွေကို ကော်ဖီ တိုက်ပြီး စမ်းသပ်တဲ့အခါ အဖြေတွေက ဆန့်ကျင်တာတွေ ထွက်လာပါတယ်။ တချို့မှာ Alcohol အရက်ကြောင့် Reaction times ပြန်လည် တုန့်ပြန်နိုင်တဲ့ ကြားကာလအချိန်ဟာ ကော်ဖီကြောင့် တိုးလာပေမဲ့ တချို့ ဘာမှမထူးပါ။

၂ဝဝ၉ ခုနှစ်မှာ (အရက် + ကော်ဖီ) အစွမ်းကို ပိုပြီး အသေးစိတ်ထုတ်ပြန်လာနိုင်ပါတယ်။ ကြွက်တွေကို အရက် တိုက်ပါတယ်။ ဒိနောက်မှာ လူတွေဆို ၈ ခွက်နဲ့ညီတဲ့ ကော်ဖီကို တိုက်ပြန်ပါတယ်။ ကေဖင်းဝင်ပြီးတဲ့နောက်မှာ ကြွက်တွေဟာ ပိုပြီး တက်ကြွနေပုံရပေမဲ့ ဒီအကောင်တွေဟာ ကော်ဖီမသောက်ရတဲ့ကြွက်တွေထက် ဝင်္ကဘာထဲမှာ အခြေအနေဆိုးတာ တွေ့ရပါတယ်။

ဒါကြောင့် ကော်ဖီဟာ အရက်ကြောင့်ဖြစ်စေတဲ့ Tiredness မောပမ်းမှုကို တန်ပြန်နိုင်စွမ်း ရှိတယ်။ ဒါကြောင့် နေ့စာ၊ ညစာစားပြီးဆိုင်း ကော်ဖီနဲ့ အစာပိတ်တဲ့သဘောက မှန်ကန်ပါတယ်။ ဒါပေမဲ့ အရက်ကြောင့်ဖြစ်ရတဲ့ Cognitive deficits မှတ်သားမှု-ဥာဏ်ထုတ်မှုအစွမ်း နည်းပါးနေတာကိုတော့ ကော်ဖီကနေ ဖျောက်မပေးနိုင်ပါ။ Drunkenness feelings အရက်သမားခံစားမှုဆိုတာ အဲဒါပါ။

ဇီဝကမ္မ၊ ရောဂါဗေဒလိုပြောရရင် အရက်ကို ကိုယ်ခန္ဓာနေ ချက်လုပ်ပါတယ်။ ဒီအတွက် နေ့ရက်တွေ မနည်းမနော ယူပါမယ်။ ဒီအလုပ်အတွက် အသဲက (အင်ဇိုင်းမ်) ၂ မျိုးသုံးရပါတယ်။ Alcohol dehydrogenase (အယ်လ်ကိုဟော ဒီဟိုက်ဒရိုဂျင်နေ့စ်) နဲ့ Aldehyde dehydrogenase (အယ်လ်ဒီဟိုက် ဒီဟိုက်ဒရိုဂျင်နေ့စ်) တွေဖြစ်ပါတယ်။ အဆင့်တွေ အဆင့်တွေ အများကြီးအပြီးမှာ လွန်ခဲ့တဲ့ ရက်တွေတုံးက သောက်ထားတဲ့ အရက်ဟာ ရေနဲ့ Carbon dioxide (ကာဗွန်အောက်ဆိုက်) အဖြစ် ချွေးနဲ့ ဆီးထဲကနေ စွန့်ထုတ်ပါတယ်။

One unit of alcohol အရက်တယူနစ် (10 ml in UK = 10 grams [12.7 ml] in Australia) ကို (မက်တာဘော်လိုက်စ်) ချက်လုပ်ဘို့ရာ ၁ နာရီပျမ်းမျှ အချိန်ယူပါတယ်။ မျိုးဗီဇ၊ အစာစားထားမထား၊ အရက်ရာနှုန်းတွေအရ အနှေးအမြန် ကွာပါမယ်။ ကော်ဖီထဲမှာပါတဲ့ ကေဖင်းကနေ ဒီဖြစ်စဉ်ကို မြန်စေအောင် မလုပ်နိုင်ပါ။ နောက်ထပ် သုတေသနအရ (ကေဖင်း) များတာကနေ အရက်ကြောင့် မှတ်ဥာဏ်ကို သက်ရောက်တာကို တန်ပြန်နိုင်တယ်။ Dizziness မူးနောက် နေတာကိုတော့ မပြေစေဘူးလို့ သိရပါတယ်။

ကေဖင်းကြောင့် ပိုဆိုးတယ်လို့ ပြောသူတွေလဲ မနည်းပါ။ ၂ဝဝ၈ ခုနှစ်ထဲမှာ အမေရိကန် ကောလိပ်ကျောင်းသားတွေကို လေ့လာတဲ့အခါ Vodka နဲ့ Red Bull လို အရက်ထဲမှာ (အယ်လ်ကိုဟော + ကေဖင်း) ပါတာမို့ သောက်သူတွေဟာ ထိခိုက်ဒဏ်ရာရတာ ပိုများကြပြီး၊ လမ်းပေါ်မှာ မြန်နှုန်းသတ်မှတ်တာထက် ပိုမောင်းသူတွေကနေ လိုက်ချင်လိုက်ခဲ့လို့ ကားပေါ်တင်ရင်လိုက်ကြသူက ၂ ဆ မက များတာကို တွေ့ရတယ်။ ဒီအချက်ဟာ သောက်ထားတဲ့အရက် နည်းတာ များတာနဲ့ တိုက်ရိုက်အချိုးမကျပါ။

ဒီသတင်းပို့ချက်ကိုရေးသူ Claudia Hammond (ကလော်ဒီယာ) ဟာ စာရေးသူ၊ အသံလွှင့်သူ၊ စိတ်ပညာကထိက ဖြစ်ပါတယ်။ သူမဟာ Health Check on BBC World Service ဘီဘီစီ ကျန်းမာရေးစစ်ဆေးမှုဆိုတဲ့အစီအစဉ်ကို ဗုဒ္ဓဟူးနေ့တိုင်း တင်ဆက်နေသူ ဖြစ်ပါတယ်။

Read More

အသက် ၁၈ နှစ်ပြည့်မှဖတ်ပါ (၁)

ဆေးသမား
မရွံရ၊ လူနာဖြစ် မရှက်ရဘူးတဲ့။ စအိုနဲ့ရော လိင်နဲ့ပါ ပတ်သက်တာမို့ ရွံစရာ-ရှက်စရာ ဆိုတာလေး
တခု ရေးပါရစေ။
ကြားဘူးတယ်
မဟုတ်လား၊ မဏိပူ (ကသည်း) ပုဏ္ဏားတွေဟာ အင်မတန် အသန့်ကြိုက်တယ် ဆိုတာ။ ထမင်းချက်ရင် စည်းဝိုင်းဝိုင်း
ချက်တယ်။ ၀ိုင်းထဲကို ဘယ်သူမှ မ၀င်ရဘူး။ ရေမိုးချိုးပြီး၊ ပါးစပ်နဲ့ နှာခေါင်းကို အ၀တ်စီးတယ်။
အင်္ကျံတော့ မ၀တ်ဘူး။ တချို့ထူးတာက ဘယ်ဘက်လက်ကို စည်းဝိုင်းအပြင် ထုတ်ထားရသတဲ့။ ဘယ်လက်က
(ရိုင်းတယ် ပြောတော့ဗျာ)၊ ၀မ်းသွားပြီးတိုင်း ဖင်ဆေး-သန့်ရှင်းရေး လုပ်တဲ့လက်မို့ ရွံတယ်ပေါ့။
မေးချင်တာက ၀မ်းသွားတဲ့ (ဖင်) ကတော့ စည်းဝိုင်းထဲမှာ မဟုတ်ပါလားလို့။
စအိုကနေ၀င်တဲ့
ကူးစက်ရောဂါဆိုတာ ဆေးစာထဲမှာ မရေးကြသေးပါ။ Feco-oral route စအို-ပါးစပ် လမ်းကြောင်းကနေ
ကူးစက်တဲ့ ရောဂါတွေဆိုတာတော့ ရှိတယ်။ ၀မ်းလျော၊ ၀မ်းပျက်၊ ၀မ်းကိုက်၊ ကာလ၀မ်း၊ အူရောင်ငန်းဖျား၊
အသဲရောင် အေ၊ ပိုလီယို၊ ဆာလ်မိုနယ်လိုဆစ်၊ ရိုတာ-ဗိုင်းရပ်စ်၊ စတာတွေပါတယ်။ စအိုကနေ”ထွက်”ပြီး၊
ပါးစပ်ထဲကို တနည်းနည်းနဲ့ ၀င်လို့ ဖြစ်ရတာတွေပေါ့။ အခုခေတ်မှာကြ စအိုကနေ”၀င်”တာတွေ
ဖြစ်လာနေပါပြီ။ စအိုကို တလွဲသုံးလာကြလို့ပါ။
ခန္ဓာဗေဒဆိုတာ
ဆရာဝန်၊ သူနာပြုတွေ စစချင်းသင်ယူရတဲ့ဘာသာရပ်တခုပါ။ ၁၉၁၈ ကတည်းက ရေးခဲ့ပေမဲ့ ကနေ့အထိ
ခန္ဓာဗေဒကို အပြည့်စုံဆုံး ရေးထားတဲ့စာအုပ်က Gray's Anatomy ဖြစ်ပါတယ်။ သူ့နောက် ခန္ဓာဗေဒ
ပညာရှင်တွေ ရေးသမျှ စာတွေ-ကျမ်းတွေမှာလဲ ဖင်(စအို)ရဲ့ တာဝန်ဝတ္တရားကို An excretory
organ or an eliminative channel အညစ်အကြေး စွန့်ထုတ် ပေးရသောအင်္ဂါလို့ သတ်မှတ်ပါတယ်။
ဝမ်းသွား-လေလည်တာပေါ့။ ခုတော့ တာဝန်ပိုတွေပါ ထမ်းဆောင်နေရပါတယ်။
ကျား-ကျား
လိင်တူ ဆက်ဆံတယ်ဆိုတာ AIDS ရဲ့သမိုင်းနောက်ခံပါ။ နောက် ဘီပိုးကလဲ တစခန်းထလာတော့ ပြောဘို့-ရေးဘို့
လိုလာပါတော့တယ်။ (ဂေး)အကြောင်း မဟုတ်ပါ။ ကျား-ကျား ဖြစ်ဖြစ်၊ ကျား-မဖြစ်ဖြစ် စအိုလမ်း
အသုံးပြုပြီး ဆက်ဆံတာ၊ တဲ့တဲ့ပြောပါရစေ၊ (အေနယ်လ်-ဆက်စ်)ပေါ့။ Dangers of anal sex
စအိုကနေ လိင်ဆက်ဆံတာရဲ့ အန္တရာယ်တွေကို ရေးခွင့်ပြုပါခင်ဗျား။
စအိုရဲ့မွေးရာပါအလုပ်ကို
ပဌမ နားလည်သင့်ပါတယ်။ သူ့အထက်က Rectum အစာဟောင်း အိမ်ထဲမှာ မစင်(၀မ်း)တွေ ပြည့်လာတာနဲ့
ဝမ်းသွားချင်စိတ် ဖြစ်လာပြီး၊ စအိုနံရံတွေက ကျယ်လာပါတယ်။ အစာဟောင်းအိမ်က အပေါ်ကနေ အောက်ဆီ
ဦးတည်တဲ့လှုပ်ရှားမှု Peristaltic waves အရ မစင်(၀မ်း)တွေဟာ စအိုထဲဝင်လာချိန် အထိန်းကြွက်သား
အ၀ိုင်းတွေက လျော့ဖွင့်လိုက်လို့ ၀မ်းသွားခြင်း ဖြစ်လာတာပါ။ “စအိုထဲကို အပြင်ကနေ ထိုးသွင်းတာကို
လက်ခံရမဲ့ အစီအမံဆိုတာ လုံးဝမရှိပါ။”
နှစ်ပေါင်း
၄၀၀၀ လောက်က ထွန်းကားခဲ့တဲ့ (အိန္ဒု) ယဉ်ကျေးမှုခေတ်ကတည်းက ရှိခဲ့ဘူးတဲ့ အထောက်အထားတွေ၊
နောက်ပြီး ၂ ရာစုက ရှိခဲ့တဲ့ (အာဂျန်တာ) လှိုင်ဂူက ရုပ်တုတွေ၊ တခါ ဟိန္ဒူဘုရားတဆူဖြစ်တဲ့
သျှီဗား ရဲ့တံခါးမှူး မြင့်မြတ်သော နွားလား နန္ဒီကနေ သူ့သခင်(ဘုရား) နဲ့ ဒုတိယ မယား
(ပါရ်ဗသီ)တို့ရဲ့ ချစ်ကြွမ်းဝင်ကြပုံ (နည်းအစုံစုံ) တွေကို ကြားသိပြီးသကာလ နောင်လာနောက်သား
လူအများအကျိုးငှာ ဖေါက်သည်ပြန်ချခဲ့လို့ သက္ကတဘာသာနဲ့ ရေးမှတ်ခဲ့တဲ့ (ကာမသျှတ္တရ)ကျမ်း
ဆိုတာတွေ ကြည့်ရင် လိင်ဆက်ဆံမှုပညာဆိုတာဟာ သမားရိုးကျထက် ဆန်းပြားပါလားလို့ ပြောနိုင်ပါတယ်။
ဆန်းတာတွေ ရှေးကတည်းကရှိလို့ ဆန်းတာ ဘာဆန်းတာမှတ်လို့၊ လုပ်သာလုပ်၊ စမ်းချင်စမ်းလို့
အားမပေးလိုပါ။ ဆက်ဖတ်ပါခင်ဗျား။
Anal
sex ဟာ အများထင်သလို အန္တရာယ်မရှိ မဟုတ်ပါ။ စအိုထဲမှာ ဖုံးထားတဲ့ အပေါ်ဖုံးအလွှာဟာ သာမန်
အရေပြားလို မဟုတ်ဘူး လူ့အရေပြားဆိုတာက Kerotinized လုပ်တားတာ။ (ကရတင်)ဆိုတဲ့ ပိုခိုင်မာတဲ့
(တစ်ရှူး)နဲ့ ဖုံးနေတာ၊ စအိုထဲမှာ အဲဒါ မရှိဘူး။ နောက်ပြီး စအိုမှာ (စဖင်တာ)ဆိုတဲ့
ကြွက်သားဝိုင်းရှိတယ်။ နှစ်ထပ်တောင် ရှိတာ၊ အပြင်ကောင်က စိတ်ကနေ ထိန်းနိုင်ပြီး၊ အထဲဝိုင်းကတော့
ထိန်းမရဘူး။ သူတို့က ၀မ်းသွား-လေလည် အ၀င် အထွက်ကို ထိန်းပေးတာ။ တကယ်လို့ တစုံတခုက စအိုကို
လာထိတာနဲ့ လူ့ကိုယ်ခန္ဓာရဲ့ သဘောဝအရ (စဖင်တာ)က ပိုပြီး တင်းတောင့် ပိတ်ဆို့တဲ့ တုံ့ပြန်မှု
လုပ်ပါမယ်။ Reflex ခေါ်တယ်။
ဒါ့ကြောင့်
မာတာနဲ့ ထိုးမိရင် စုတ်ပြဲသွားနိုင်တယ်။ တကယ်လို့ အလိုမတူသူ ဖြစ်နေရင် ပိုဆိုးမှာပါ။
အရေပြားလွှာ ၃ ထပ်ရှိတဲ့ မိန်းမကိုယ်နဲ့ မတူတာက ၁ ထပ်တဲရှိတဲ့ စအိုဟာ ဆန့်နိုင်ကြုံ့နိုင်စွမ်း
အတော်နည်းပါတယ်။ သဘာဝအရလည်း မဆက်ဆံမီ မိန်းမကိုယ်က ထွက်လာရတဲ့ အရည်ဟာ အဆင်ပြေအလွန်းလို့
Honorably discharge လို့တောင် ခေါ်သေးတယ်။
လိင်ဆက်ဆံတဲ့အခါ
တခါတလေ လိင်တံရဲ့ အရေပြားကလည်း ပွန်းပဲ့သွားတတ်တယ်။ အဲဒီနည်းနဲ့လိင်ဆံဘို့
Lubrication ချောဆီ သုံးရတယ်။ KY Jelly (KY Sexual Lubricant) က ပေါ်ပြူလာ အဖြစ်ဆုံးပါ။
သူက တခါသုံး မလာပါ။ တခါသုံး မဟုတ်တာ မှန်သမျှ စိတ်မချရတာ သိမှာပါ။ Jelly သုံးပေမဲ့
နဲနေရင်၊ ဒါမှမဟုတ် အလျင်အမြန် ထိုးသွင်းရင် သေခြာပေါက် စအို စုတ်ပြဲ ပါလိမ့်မယ်။ စုတ်ပြဲတာက
သွေးထွက်ချင်မှ ထွက်ပါမယ်။ သေးသေးလေး ဖြစ်အုံးတော့ အင်မတိ အင်မတန် သေးငယ်လွန်းလှတဲ့
ဗက်တီးရီးယား၊ ဗိုင်းရပ်စ်တွေအတွက်ကတော့ (ဆူပါ-ဟိုင်းဝေး) ဖြစ်နေမယ်။
အဲဒီကနေ
ပိုးဝင်လို့ ကူးစက်နိုင်တဲ့ ရောဂါတွေကတော့ အသဲရောင်ဘီ၊ လိင်ကတဆင့် ကူးစက်ရောဂါတွေ
(ရှန်ကာ၊ ကြွက်နို့၊ ဖတ်းဂတ်စ်၊ ဂနိုးရီးယား) နဲ့ HIV တို့ ဖြစ်ကြပါတယ်။ စအိုဘေးက အရေပြားမှာ
ပိုးရှိရင် ယားနာဆိုတာလဲ ကူးနိုင်ပြန်ပါသေးတယ်။ နောက်တချက် ယောက်ျားဆီးပြွန်ကပဲ
Urine ဆီးရော Semen သုတ်အရင်ထွက်တဲ့ အရည်ချွဲရော၊ Sperm သုတ်ရည်ရော ထွက်ရတယ်။ ဒါ့ကြောင့်
ဆီးလမ်းရောဂါပိုးကလဲ စအိုထဲ ၀င်နိုင်ပြန်ရော။ စအိုကင်ဆာ ကိုတော့ ဖြစ်နိုင်ခြေစာရင်းလောက်သာ
ထည့်ပါမယ်။
Annal
canal အရှည်က 2.5 to 4 cm သာ ရှိတာမို့ စအိုအထဲကို ဘယ်လောက်ပဲ ၀မ်း မရှိအောင် လုပ်ထားပါစေ
ဘာထည့်ထည့် ပေကျံလာမှာပါ။ စအိုနဲ့ ထိပြီးသားအရာကို အမျိုးသမီးရဲ့ ဆီးလမ်းအ၀နဲ့ မထိပါမှ
ဆီးလမ်းပိုး ၀င်တာ မဖြစ်မှာပါ။ မိန်းမကိုယ်အ၀ကို တဆက်တည်း ပြန်သုံးရင် ပိုးဝင်နိုင်တယ်။
ပါးစပ်ဆိုတာတော့ ပြောမနေနဲ့ပေါ့။ ဆိုတော့ မတိုင်ခင်ရော၊ ကြားထဲမှာရော၊ ကိစ္စပြီးချိန်မှာရော
ဘယ်လောက် ကရိကထများလိုက်သလဲ။ သာယာမှုနဲ့ မျှပါသလား။ တပ်မက်မှုကြောင့်ဖြစ်လာတဲ့ လိင်ဆက်ဆံမှုက
ရလိုတာဟာ သာယာမှု၊ ကျေနပ်မှု နဲ့ ပြည့်ဝမှု မဟုတ်ပါလော။
လိင်ဆက်ဆံတာဟာ
နှစ်ဦးနှစ်ဖက်ကိစ္စပါ။ အသက်လည်းပြည့်ပါမှ နှစ်ဦးသဘောတူဆိုပါမှ Rape မဖြစ်မှာ။ နှစ်ဦး
သဘောတူ ဆိုရာမှာ (နည်း)ပိုင်း၊ (အနေအထား)ပိုင်း၊ အချိန်ပိုင်းတွေမှာပါ နှစ်ဦးသဘောတူမှ
ပြည့်စုံပါလိမ့်မယ်။ တဦးသဘောမတူတာကို တဦးက နည်းလည်မှုပေးဘို့ လိုမှာပါ။ မဟုတ်ရင် တချို့တိုင်းပြည်တွေမှာ
ဥပဒေက ခွင့်မပြုပါ။ တကယ်လို့ ယောက်ျားနဲ့ မိန်းမ စအိုလိင်ဆက်ဆံနည်း သုံးမယ်ဆိုရင် ယောက်ျားဖြစ်သူဟာ
Physiological and Psychological nature of the practice ဇီဝကမ္မဗေဒ အရရော စိတ်ပညာအရပါ
နားလည်ဘို့ လိုမှာပါ။
စိတ်ပိုင်းဆိုင်ရာလဲ
ထည့်ဆွေးနွေးရအောင်။ သဘာဝအားဖြင့် ကျား-မ လိင်ဆက်ဆံတယ်ဆိုတာ ဆက်ဆံချင်စိတ် ဖြစ်ပေါ်လာတာနဲ့
အမျိုးသမီးဟာ ယောက်ျားရဲ့ ကြီးစိုးလွှမ်းမိုးမှုကို Submission or Surrender စိတ်လိုလက်ရ
နာခံလိုက်တာ ဖြစ်ပါတယ်။ မိန်းမရဲ့စအိုကို ဆက်ဆံချင်သူ ယောက်ျားမျိုးကတော့ ဒီလို လွှမ်းမိုးချင်စိတ်
Domination ထက် ကဲပါတယ်။ စိတ်ပညာအလိုအရ အဲလို ယောက်ျားသားတွေဟာ Male domination
complex ကျားလွှမ်းမိုးစိတ်ကဲမှု၊ Sexual deficiency complex လိင်ပိုင်းဆိုင်ရာ အားနည်းမှု၊
Low self-esteem မိမိကိုယ်ကိုယ် အထင်ရောက်မှု၊ Demeaning attitude towards women မိန်းမသားနဲ့ပတ်သက်ရင်
အမြင်ကွဲလွဲမှု တခုခု ရှိနေတတ်ပြီး၊ မေတ္တာ-ချစ်တာ အားနည်းသူ ဖြစ်နေတတ်ပါသတဲ့။
နည်းအဆန်း
စမ်းသူများ (ကွန်ဒွန်)သုတတော့ ရှိမယ်ထင်ပါတယ်။ ရှိအုံးတော့ (အေနယ်)နည်း သုံးရင် ပိုခိုင်မာတဲ့
(စပယ်ရှယ်-ကွန်ဒွန်) သုံးသင့်တယ်လို့ ဆိုပါတယ်။ အမေရိကမှာ အရေးပေါ်ဌာန တခုကိုလာတဲ့ စအိုထဲ
ပစ္စည်းတခုခု (Foreign body) ၀င်လို့ လာသူတွေထဲမယ် ၇၈%ဟာ စအိုလိင်ကိစ္စကြောင့် ဖြစ်ရပါသတဲ့။
သိတဲ့အတိုင်း
လိင်ဆက်ဆံက (အင်နာဂျီ) အတော် ကုန်တာပါ။ စအိုထဲ ထိုးသွင်း-ဆွဲထုတ်တာက ပိုပြီး (အင်နာဂျီ)
သုံးပါတယ်။ နှစ်ယောက်လုံးက ကျန်းမာရေး ဒေါင်ဒေါင်မည်ရပါမယ်။
နောက်ဆက်တွဲက
စအိုလိင်ဆက်ဆံတာ များလာတာနဲ့ ယောက်ျားဖြစ်ဖြစ်၊ မိန်းမဖြစ်ဖြစ် စအိုထိန်းကြွက်သားတွေ
အားနည်းလာမယ်။ ၀မ်းထိန်းရတာ၊ လေထိန်းရတာ အားနည်းလာမယ်။ ၀မ်းသွားမမှန်ဖြစ်လာမယ်။
Kegel exercises လေ့ကျင့်ခန်း အလုပ်ခိုင်းယူရပါလိမ့်မယ်။ လူကြားသူကြား သွားတိုင်း
(ဒိုင်ပါ)တမျိုးကို အမြဲအပိုဝတ်ထားရပါတော့တယ်။
သိပ္ပံအရ
ပြောပြော၊ သဘာဝအရ ဆိုဆို၊ ဆင်ခြင်တုံတရားအရ တွေးတွေး၊ စအိုဟာ စွန့်ထုတ်စရာ သာဖြစ်ပြီး
မိန်းမကိုယ် (မွေးလမ်းကြောင်း)လို ထိုးသွင်းရမဲ့ဒွါရ မဟုတ်တာ သေခြာပါတယ်။ သဘာဝတရားနဲ့
ဆန့်ကျင်တာ နောက်တခုကတော့ အထက်ကနေ အောက်ကို ဆင်းသက်တဲ့ လားရာကို ပြောင်းပြန် လုပ်မိတာပါ။
ဒီခေတ်ကြီးမှာ သဘာဝဆိုတာကို Environment သဘာဝပတ်ဝန်းကျင်၊ ဂေဟစနစ် နဲ့ Organic မပြုမပြင်
အစားအသောက်ကိုသာ ကျယ်ကျယ် လောင်လောင် ပြောနေကြပြီး၊ သဘာဝမကျတဲ့ လူတွေရဲ့ အကျင့်စရိုက်တွေကိုကြတော့
ပိုဆိုးဆိုး လာနေတာဟာ အဆီအငေါ် မတည့်ဘူး ထင်ပါတယ်။
စအိုလိင်ဆက်ဆံနည်း
ဥရောပကစတယ် ဆိုပါတယ်။ ဂရိ၊ ရိုမန်၊ ဘေဘီလုံ၊ ပါရှားခေတ် ကတည်းကပါတဲ့။ အာဖရိက မှာတော့
ဒါကို Taboo လို့ ယူဆပါတယ်။ မလုပ်သင့်ဘူးလို့ မှတ်ယူတာမျိုးပေါ့။ ဒါပေမဲ့ ကနေ့ခေတ်မှာ
အာဖရိက နွယ်ဖွါး အမေရိကန်များမှာ ခေတ်စားလှပါတယ်။ သိတဲ့အတိုင်း အမေရိကားမှာ သူတို့တတွေရဲ့
အဆင့်အတန်းဟာ ဘာလဲလို့။ ကြားချင် ကြားဘူးမယ် သီချင်းထဲ ထည့်စပ်ကြတာ။ သူတို့တတွေပါဘဲ။
"Lick it till your tongue turn doo doo brown" "Da Butt"
"Baby Got Back" နောက် မှတ်သားဘို့ ကောင်းတာတခုက အကျဉ်းစခန်းတွေမှာ အသုံးချစရာ
စအိုသာရှိလို့ ထောင်ကလာတဲ့ ဇာတ်လမ်းလို့လဲ ဆိုနိုင်ပါ သေးတယ်။
ကမ္ဘာကျော်
ရေမွှေးကို ဂျာမနီ Cologne ကနေ ထုတ်တာ မဟုတ်ပါလား။ Jovan Musk ဆိုတာ ၁၉၇၃ ကစ ထုတ်တယ်။
သမင် တမျိုးကရတဲ့ ယောက်ျားသားတွေရဲ့ အနံ့ရှိတယ်ဆိုပြီး၊ လိင်ဆွဲဆောင်မှုအတွက် ရေမွှေးလုပ်
ထုတ်တာဖြစ်ပါတယ်။ ရောင်းကောင်းလို့ ကျားသုံး-မသုံး နှစ်မျိုးလုံး ထုတ်ပါတယ်။ ဆိုချင်တာက
လိင်ဆက်ဆံရေးမှာ အနံ့ရဲ့ အရေးပါတာကိုပါ။ အမျိုးသမီးများရဲ ယောနိကနေ Pheromones ဆိုတာ
အလိုလို ထုတ်ပါတယ်။ ဆန့်ကျင်ဖက်လိင်ကို ဆွဲဆောင်နိုင်တဲ့ အနံ့ပါ။ စအိုမှာ အဲဒီအစွမ်းက
ဗလာနတ္ထိ မရှိပါ။ မစင်နံ့သာ ရှိပါတယ်။
လူကြီးတွေက
ဆုံးမတယ် အိမ်ပြင်ကအမှိုက် အိမ်ထဲမသွင်းနဲ့တဲ့။ ဆရာဝန်က အကြံပေးချင်တယ် အညစ်အကြေးကို
အသစ်ကလေး မထင်နဲ့လို့။


ဒေါက်တာတင့်ဆွေ

Read More

ခင်ပွန်းသည် AIDS ကူးမှာစိုးလို့ဟုဆိုကာ ဇနီးသည်က ခင်ပွန်းကို ဓားနဲ့ထိုးသတ်ခဲ့

ရ၀မ်ဒါ နိုင်ငံမှာ ဖြစ်ပွားခဲ့တဲ့ မှုခင်း တစ်ခုဟာ AIDS ရောဂါ ဝေဒနာနဲ့ ဆက်စပ်ပတ်သက်နေခဲ့လို့ စိတ်ဝင်စားစရာ ကောင်းခဲ့ပါတယ်။ အသက် အလယ်အလတ် အရွယ်ရှိ ကမ်ပိုရိုရို အမည်ရှိ အမျိုးသမီး တစ်ဦးဟာ သူ့ရဲ့ ခင်ပွန်း ဖြစ်သူ AIDS ရောဂါပိုး ကူးစက် မှာဆိုးလို့ သူကိုယ်တိုင် သတ်ပစ်ခဲ့တယ်လို့ သိရပါတယ်။ သူ့ရဲ့ခင်ပွန်းဖြစ်သူဟာ အသက် (၄၈ နှစ်) အရွယ်ရှိ မီယန်ဘီလီ ဖြစ်ပါတယ်။ မီယန်ဘီလီရဲ့ အစ်ကိုဖြစ်သူဟာ AIDS ရောဂါ ဝေဒနာကြောင့် သေဆုံး သွားခဲ့ပါတယ်။

ရ၀မ်ဒါ နိုင်ငံမှာ ရိုးရာ ထုံးထမ်းအစဉ်အလာတွေအရ သေဆုံးသွားတဲ့ ယောက်ျားဖြစ်သူရဲ့ဇနီးကို ဆွေမျိုးသားချင်းတွေက ကူညီထောက်ပံ့မှုတွေ ပြုလုပ်ရ ပါတယ်။ ဒါကြောင့် မီယန်ဘီလီဟာ အစ်ကိုဖြစ်သူရဲ့ မိန်းမကို လက်ထပ်ပေါင်း သင်းရမှာ ဖြစ်ပါတယ်။ ဒါပေမဲ့ မီယန်ဘီလီရဲ့ ဇနီးဖြစ်သူဟာ သူ့ရဲ့ခင်ပွန်း AIDS ရောဂါပိုး ကူးစက်မှာကို မလိုလားခဲ့ပါဘူး။ ဒါကြောင့် ကမ်ပိုရိုရိုဟာ သားဖြစ်သူ၊ အစ်မဖြစ်သူတို့ နဲ့အတူ ယောက်ျားဖြစ်သူကို ဓားနဲ့ထိုးသတ်မှု ပြုလုပ် ခဲ့ခြင်း ဖြစ်ပါတယ်။ ဒီ သတင်းဟာ ရ၀မ်ဒါ နိုင်ငံမှာ ဟိုးလေးတကျော် ဖြစ်သွားခဲ့ပါတယ်။ မီယန်ဘီလီဟာ အစ်ကိုဖြစ်သူရဲ့ဇနီးကို မယူမီ အတောအတွင်းမှာ သတ်ဖြတ်ခံလိုက်ရတာ ဖြစ်ပါတယ်။ ရ၀မ်ဒါနိုင်ငံမှာ လူဦးရေ (၃) ရာခိုင်နှုန်းဟာ HIV ရောဂါ ကူးစက်ခြင်းခံနေ ရတယ်လို့ သိရပါတယ်။

Read More

ဓာတ်အားလိုင်း အပြစ်ကို ချက်ချင်းရှာနိုင်မယ့် စက်များဖြင့် ပိုင်းလော့စီမံကိန်း ရန်ကုန်မှာစတင်

ရန်ကုန်မြို့မှာ လျှပ်စစ်ဓာတ်အား ပြတ်တောက်မှု ကာလနဲ့ ဧရိယာကို လျှော့ချဖို့ JICA နဲ့ မြန်မာတို့ ပူးပေါင်းပြီး ပိုင်းလော့စီမံကိန်းတစ်ခုကို စတင်လိုက်ပြီလို့ ဖေဖော်ဝါရီ ၁၁ရက်နေ့မှာ ကြေညာလိုက်ပါတယ်။

Time Sequential Auto Sectionalizing System လို့နာမည်ပေးထားတဲ့ ဒီပိုင်းလော့ပရောဂျက်ဟာ တစ်နှစ် ကြာမြင့်မှာဖြစ်ပြီး ဂျပန်နိုင်ငံက လှူဒါန်းတဲ့ Auto Switch စက် ၄စုံထဲက မီးပြတ်တောက်မှုများတဲ့ သာကေတ ဓာတ်အားပေးလိုင်းမှာ ၃စုံတပ်ဆင်မှာဖြစ်ပြီး စက်တစ်လုံးဟာ ယန်းငွေ ၅သန်းတန်ဖိုးရှိတယ်လို့ ဆိုပါတယ်။

လက်ရှိအသုံးပြုနေတဲ့ ဓာတ်အားပေးစနစ်ဟာ ဟောင်းနွမ်းနေပြီး ပြဿနာတစ်ခုခုပေါ်ရင် ဓာတ်အားလိုင်းတစ်ခုလုံးကို စစ်ဆေးရတာကြောင့် လိုင်းတစ်ခုလုံးကို ပိတ်ပြီး ပြုပြင်တဲ့အခါ အချိန်ကုန်တာမို့ အခုစက်တွေဟာ ဖြစ်ပွားတဲ့နေရာကို ချက်ချင်းသိနိုင်သလို ပြဿနာမပေါ်တဲ့ အခြားနေရာတွေကို လျှပ်စစ်မီး ဆက်ပေးနိုင်မယ်လို့ ဆိုပါတယ်။

ဂျပန်ပညာရှင်တွေရဲ့ သင်ကြားပြသမှုနဲ့ ဒေါပုံ-ဒဂုံဆိပ်ကမ်း-သာကေတ သုံးနေရာကို ဆက်သွယ်ထားတဲ့ 33 KV လိုင်းပေါ်က သာကေတ MOGE မှာ ၃လုံးတပ်ဆင်ခဲ့ပြီး နောက်တစ်လုံးကို မင်္ဂလာဒုံလိုင်းမှာ တပ်ဆင်ဖို့ရှိတယ်လို့ ဆိုပါတယ်။

ဂျပန်နိုင်ငံက ကူညီမှုသာမရှိရင် အစိုးရဘက်ဂျက်နဲ့ တပ်ဆင်ရမှာမို့ ငွေကြေးမလုံတဲ့အကြောင်း၊ ဂျပန်နိုင်ငံ ချေးငွေနဲ့ ဆက်လုပ်ဖြစ်မှာဖြစ်တယ်လို့ ဆိုပါတယ်။

Read More

ကိုရီးယား ဇတ်လမ်းတွေက သူတို့ယဉ်ကျေးမှု ထုံးစံကို ထည့်ရိုက်တယ် သင်ဇာဝင့်ကျော်

ကိုရီးယားဇာတ်ကား ကိုကြည့်ဖြစ် ပါတယ်။ သူက series တွေလေ။ series ဆိုတော့ တစ်ပိုင်း ပြီးခါနီးတိုင်း နောက်တစ်ပိုင်းကြည့် ချင်အောင် စိတ်ဝင်စား စရာကောင်း အောင် ထည့်ထားကြတယ်။ အဲဒါ ကြောင့် နောက်တစ်ပိုင်းကို လူတွေ က ကြည့်ချင် လာတယ်။ သင်ဇာတို့ မြန်မာ ဗီဒီယိုကကြည့်ပြီး ပြီးသွား တယ်။ ဘယ်နေရာမှာ ဘာဖြစ်မလဲ ဆိုတာ ကြိုပြီးခန့်မှန်း လို့ရတဲ့ ထဲမှာ ပါတယ်။
အဲဒါကြောင့် ကိုရီးယား ကားနဲ့ကွာခြား တယ်လို့ထ င်ပါတယ်။ ကိုရီးယားကား ကလည်း သူ့အရည် အချင်းနဲ့ သူတော်ကြတယ်။ သင်ဇာ တို့လည်း ထိုးဖောက်နိုင်ဖို့ကြိုး စားရ ဦးမှာပါ။ သင်ဇာ series လည်း သိပ်မကြည့်ဖြစ်ဘူး။ အချိန်ပေးရ လို့။ Moving လောက်ပဲကြည့် ဖြစ်တယ်။ သင်ဇာတို့ မြန်မာကား တွေ ရိုက်ရင် ယဉ်ကျေးမှုပျောက်နေ တယ်။ နိုင်ငံခြားကားတွေမှာ သူတို့ ကားတိုင်း ယဉ်ကျေးမှုတစ်ခုခုပါ တတ်တယ်။ ကိုရီးယားကားဆိုလည်း ရိုးရာအဝတ် အစားမျိုးတွေ၊ သူတို့ ရိုးရာမပျောက်တဲ့ ဆင်န်းလေးတွေ ပါတတ်တယ်။
ဒီမှာက အဲဒါမျိုးတွေ ပျောက်နေတော့ မြန်မာ လူမျိုးတွေ ကျတော့ မေ့လုလုတောင်ဖြစ်နေ တယ်။ အဲဒီတော့ ကိုယ့်ယဉ်ကျေးမှု ကို ကားရိုက်တိုင်းထည့်ပေးရင် အ ဆင်ပြေမယ်လို့ ထင်တယ်။ မြန်မာ မိန်းကလေးတွေက ကိုရီးယားကား တွေကြည့်ပြီး ယောကျာ်းလေးတွေ ကို တစ်ဖက်သတ် ကြိုက်တာတို့၊ Propose လုပ်တာတို့တွေရှိလာ တယ်။ အဲဒီအပေါ်မှာ ဘယ်လိုမြင် မိလဲဆိုတော့ ဘယ်လိုပြောရမလဲ။ ကိုယ်ကလည်း အရမ်း Perfect ဖြစ်နေတဲ့ မိန်းကလေး တစ်ယောက် လည်း မဟုတ်ဘူးလေ။ ကိုယ်လည်း ကိုယ့်ခံယူချက်နဲ့ သွားနေသလို သူ တို့လည်း သူတို့ခံယူချက်နဲ့ ပဲသွား ပါစေ။ သူတို့အတွက်လည်း ဘာမှ ပြောပေးစရာ အကြောင်းလဲ မရှိဘူး။ ပြောလည်း မပြောချင်ဘူး။
ဘာလို့ လဲဆိုတော့ ကိုယ်ပြော လိုက်လို့ တစ် ခုခုအမှားအယွင်း ဖြစ်သွားမှာစိုး လို့ပါ။ ပိုပြီး မှားသွားမှာ စိုးလို့ပါ။ ကိုရီးယားကားတွေမှာက အိမ် ထောင်ရေးဖောက်ပြန် တာတွေ များ တော့ အတုယူမှား တာတွေဖြစ်နိုင် လားဆိုတော့ ဒီကားကိုကြည့်ပြီး ဒီလိုလုပ် ရမယ်လို့ ဒီကားပြတဲ့အ ချိန်မှာ ပြောထားတာ မဟုတ်ဘူး လေ။ လူဆိုတာ စဉ်းစားချင့်ချိန် နိုင်တဲ့ ဥာဏ်တော့ရှိပါတယ်။ လုပ် သင့်လား။ မလုပ်သင့်ဘူးလား ဆိုတာ သေသေချာချာ စဉ်းစားပြီးမှ လုပ်ပေါ့။ ကိုယ်လုပ် လိုက်လို့ ကိုယ်ကျူးလွန် လိုက်လို့ လူတစ်ဖက်သား နစ်နာသွား မလားဆိုတာ စဉ်းစားပေါ့။ စဉ်းစား ပြီးအားလုံးကို လုပ်စေချင်ပါတယ်။

Read More

ကင်တားနား မြန်မာပြည် နောက်ဆုံးအကြိမ်သွားမည်

ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် Tomas Ojea Quintana မြန်မာနိုင်ငံကို အရင်က လာခဲ့စဉ်ပုံ။


ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် သောမတ် အိုဟေး ကင်တားနား (Tomas Ojea Quintana) ဟာ လူ့အခွင့်အရေး အခြေအနေတွေ လေ့လာဖို့ မြန်မာနိုင်ငံကို
ဖေဖော်ဝါရီလ ၁၄ ကနေ ၁၉ ရက်နေ့အထိ လာရောက်မှာဖြစ်ပါတယ်။

သူ့ခရီးစဉ်အတွင်းမှာ ကချင်ပြည်နယ်၊ ရခိုင်ပြည်နယ်အပြင် မုံရွာကြေးနီတူးဖော်ရေးလုပ်ငန်း၊ သီလဝါရေနက်ဆိပ်ကမ်းတွေဆီ သွားရောက်ဖို့ စီစဉ်ထားပြီး ကရင်ပြည်နယ်ကိုလည်း သွားနိုင်ဖို့ ကြိုးစားနေတယ်လို့ မစ္စတာ ကင်တားနားက ဗွီအိုအေမြန်မာပိုင်းကို ပြောပါတယ်။

မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ်အဖြစ် တရားဝင်ခရီးစဉ်နဲ့ နောက်ဆုံး မြန်မာနိုင်ငံကို လာရောက်စဉ်အတွင်း သူ့အနေနဲ့ ဘာတွေများ မျှော်လင့်ထားသလဲဆိုတာကို မစ္စတာ ကင်တားနားနဲ့ ဆက်သွယ်မေးမြန်းထားတဲ့ ကိုဥာဏ်ဝင်းအောင်က တင်ပြထားပါတယ်။

မြန်မာနိုင်ငံ လူ့အခွင့်အရေး အထူးကိုယ်စားလှယ်အဖြစ် တာဝန်ထမ်းဆောင်နေတဲ့ မစ္စတာ ကင်တားနားရဲ့ အခုတခေါက် ခရီးစဉ်ဟာ တာဝန်အရသွားတဲ့ နောက်ဆုံးခရီးစဉ် ဖြစ်ပါတယ်။ ဒီခရီးစဉ်အတွင်း မြန်မာနိုင်ငံမှာဖြစ်နေတဲ့ လက်ရှိအခြေအနေတွေကို သုံးသပ်ဖို့၊ အရင်ခရီးစဉ်တွေတုန်းက အကြံပြုချက်တွေကို တာဝန်ရှိသူတွေဘက်က လိုက်နာခြင်း ရှိ-မရှိ ကြည့်ဖို့ဖြစ်တယ်လို့ မစ္စတာ ကင်တားနား က ပြောပါတယ်။

ဖေဖော်ဝါရီလ ၁၄ ရက်နေ့ကနေ ၁၉ ရက်နေ့အထိ ခရီးစဉ်အတွင်းမှာ ကချင်ပြည်နယ်၊ ရခိုင်ပြည်နယ်အပြင် မုံရွာကြေးနီတူးဖော်ရေးလုပ်ငန်း၊ သီလဝါရေနက်ဆိပ်ကမ်းတွေဆီ သွားရောက်ဖို့ စီစဉ်ထားပါတယ်။

ကရင်ပြည်နယ်ဘက်ကိုလည်း သွားရောက်လေ့လာဖို့ တောင်းဆိုထားတာကို အစိုးရဘက်က နှုတ်ကတိ ရရှိထားပေမဲ့ မသေချာသေးဘူးလို့ မစ္စတာ ကင်တားနား က ပြောပါတယ်။ သူ့ရဲ့ မြန်မာနိုင်ငံ နောက်ဆုံးခရီးစဉ်မှာ ဘာကြောင့် ကရင်ပြည်နယ်ကို သွားချင်ရသလဲဆိုတာကို မေးတဲ့အခါ မစ္စတာ ကင်တားနား က အခုလို ပြောပါတယ်။

“ကရင်ပြည်နယ်က အပစ်အခတ်ရပ်စဲရေးနဲ့ ငြိမ်းချမ်းရေး ဆွေးနွေးပွဲ အခြေအနေတွေ ဘယ်လို ဆက်ရှိနေပြီး ပြည်တွင်း ရွာပုန်း ရွာရှောင်နဲ့ နယ်စပ်ဒုက္ခသည်တွေပေါ် ဘယ်လိုရိုက်ခတ်မှု ရှိနေသလဲဆိုတာရယ်၊ ဒုက္ခသည်တွေ မြန်မာပြည်တွင်း ပြန်လည် အခြေချနိုင်ခွင့် ဘယ်လိုအစီအစဉ်တွေနဲ့ လုပ်ဆောင်ကြမလဲဆိုတာကို ကျနော်စိုးရိမ်တဲ့အတွက် သွားပြီးလေ့လာချင်တာပါ။”

ကရင်ပြည်နယ် ခရီးစဉ် မသေချာသေးပေမဲ့ ကချင်ပြည်နယ်နဲ့ ရခိုင်ပြည်နယ်တွေကို သွားရောက်ဖို့ သေချာပြီး လူ့အခွင့်အရေး အခြေအနေတွေ ဘယ်လောက် တိုးတက်မှုရှိနေသလဲဆိုတာကိုလဲ သူသွားရောက်လေ့လာမှာ ဖြစ်ပါတယ်။ ရခိုင်ပြည်နယ်သွားမယ့် ခရီးစဉ်နဲ့ပတ်သက်လို့ သူက အခုလို ပြောပါတယ်။

“ရခိုင်ပြည်နယ်က အခြေအနေက လူတိုင်းသိကြတဲ့အတိုင်း အသိုင်းအဝိုင်းတွေ တဘက်နဲ့ တဘက်ကြား တင်းမာနေကြပါတယ်။ ဒါကြောင့် ကျွန်တော့်အနေနဲ့ အဲဒီမှာဖြစ်နေတဲ့ အခြေအနေကို သိနိုင်ဖို့ ပြဿနာရှိတဲ့နေရာတွေကို သွားတာ၊ ဒေသခံအာဏာပိုင်တွေကို တွေ့ဆုံတာအပြင် လူမှုအသိုင်းအဝိုင်းထဲက လူတွေနဲ့ တွေ့ဆုံနိုင်ဖို့ အခွင့်ကောင်းဖြစ်ပါတယ်။ ကျွန်တော် အရင်က ၄ ကြိမ်သွားထားဖူးတဲ့ ရခိုင်ပြည်နယ်နဲ့ပတ်သက်လို့ အဲဒီမှာ အခြေအနေ ဘယ်လိုရှိသလဲဆိုတာကို ကျွန်တော့်ရဲ့ သုံးသပ်ချက်ကို ဒီတခါ အပြီးသတ်နိုင်မှာ ဖြစ်ပါတယ်။”

ကချင်ပြည်နယ်မှာ အပစ်အခပ်ရပ်ဆဲရေး လုပ်ငန်းစဉ်တွေ ဘာကြောင့် နှေးကွေးနေသလဲဆိုတာကို သူ့အနေနဲ့ ကိုယ်တိုင်လေ့လာဖို့ရှိသလို တိုက်ပွဲတွေက ပြည်သူတွေအပေါ် ဘယ်လောက် ထိခိုက်နေသလဲဆိုတာကို ကိုယ်တိုင်သွားကြည့်မှာ ဖြစ်တယ်လို့ မစ္စတာ ကင်တားနား က ပြောပါတယ်။

မြန်မာနိုင်ငံ လူ့အခွင့်အရေး အထူးကိုယ်စားလှယ် တာဝန်နဲ့ ၆ နှစ်တာ ကာလအတွင်း မြန်မာနိုင်ငံကို မစ္စတာ ကင်တားနား အကြိမ်ကြိမ် လာရောက်ခဲ့ဖူးပါတယ်။ အခုခရီးစဉ်ကတော့ တာဝန်အရ နောက်ဆုံးခရီးစဉ်ဖြစ်လို့ သူ့အတွက် ထူးခြားတယ်လို့ ပြောပါတယ်။ သူ့တာဝန်သက်တမ်းအတွင်း မြန်မာနိုင်ငံ အခြေအနေနဲ့ ပတ်သက်လို့ သူ့အမြင်က -

“နိုင်ငံတော် အကျိုးစီးပွားအတွက်လို့ဆိုပြီး သတင်းထောက်တချို့ မကြာခင်က ဖမ်းဆီးခံထားရတာတော့ ရှိပါတယ်။ ဒါပေမဲ့ လူ့အခွင့်အရေး အခြေအနေမှာ အပြုသဘောဆောင်တဲ့ လက္ခဏာတွေ ရှိနေတယ်။ လွတ်လပ်စွာ ထုတ်ဖော်ပြောဆိုခွင့် နိုင်ငံရေးလွတ်လပ်ခွင့် အခြေအနေတွေ ဘောင်ကျဉ်းနေတယ်ဆိုပေမဲ့ လူ့အခွင့်အရေး အခြေအနေအပေါ် ဒါတွေက အများကြီး သက်ရောက်မှုရှိပါတယ်။”

မြန်မာနိုင်ငံမှာဖြစ်နေတဲ့ စီးပွားရေးအပြောင်းအလဲတွေက သာမန်ပြည်သူတွေအတွက် ဘယ်လောက် အကျိုးရှိသလဲဆိုတာကိုလည်း အခုခရီးစဉ်မှာ လေ့လာသွားမယ်လို့ မစ္စတာ ကင်တားနား က ပြောပါတယ်။ မြန်မာနိုင်ငံ လူ့အခွင့်အရေး အခြေအနေနဲ့ ပတ်သက်တဲ့ မစ္စတာ ကင်တားနားရဲ့ အစီရင်ခံစာ အပြည့်အစုံကို လူ့အခွင့်အရေးကောင်စီမှာ မတ်လ ၁၇ ရက်နေ့မှာ တင်သွင်းမှာဖြစ်ပါတယ်။

Read More

တရုတ်မယားအဖြစ် ရောင်းစားခဲ့သည့်မိသားစုကို လူကုန်ကူးမှု ပုဒ်မ ၂၈(က)ဖြင့် အမှုဖွင့်

စစ်ကိုင်းတိုင်းဒေသ ကြီး ကလေးမြို့နယ်မှ ၁၉ နှစ်အရွယ်အမျိုး သမီးတစ်ဦးကို တရုတ်နိုင်ငံရှိ ဖိနပ်စက်ရုံ၌ အလုပ်ရ မည်ဆိုပြီး လိမ်လည်ခေါ်ဆောင် ကာ တရုတ်မယားအဖြစ်ရောင်းစားခဲ့သည့် သားအမိသား အဖသုံးဦး ကို အမှုဖွင့်အရေး ယူထားကြောင်း သိရသည်။ ရောင်းစားခံရသူအမျိုးသမီးငယ် မှာ တရုတ်နိုင်ငံ ဟဲနန်ပြည်နယ် ဖျင်တင်းရှန် မြို့ ထန်ချွင်းရွာတွင် ရောက်ရှိနေကြောင်း သိရသဖြင့် ပြန်လည်ကယ်တင်ရ ရှိရေး တပ်ဖွဲ့ စု(မူဆယ်)မှ ရွှေလီနယ်စပ်ဆက်ဆံရေးရုံး နှင့် ဆက်သွယ်ဆောင်ရွက်ထားကြောင်း သိရသည်။

ဖြစ်စဉ်မှာ ၂၀၁၃ ခုနှစ် ဖေဖော် ၀ါရီလအတွင်းက တစ်ရွာတည်းနေထိုင်သူ ဦး.....၊ ဒေါ်....နှင့် သမီး မ....(တရုတ်နိုင်ငံသားနှင့် အိမ်ထောင်ကျနေသူ) တို့ သုံးဦးက ရွာသို့ရောက်ရှိလာပြီး ၎င်းင်း၏သမီးအား တရုတ်နိုင်ငံ ရှိ ဖိနပ်စက်ရုံတွင် တစ်လလျှင် တရုတ်ငွေ ယွမ် ၂၀၀၀ ခန့်ရရှိ မည်ဟုပြော ကာခေါ်ဆောင်သွားပြီး တရုတ် အမျိုးသားတစ်ဦးထံ ယွမ် ၆၈၀၀၀ ဖြင့် ရောင်းစားခဲ့ကြောင်း တရုတ်မယား အဖြစ် ရောင်းစားခံရသူ အမျိုးသမီးငယ်၏ ဖခင် ထံမှသိရသည်။

““ခေါ်သွားတဲ့ မိသားစုက မကြာ ခင်မှာ လားရှိုးကိုပြောင်းသွားတယ်။ ပြီးခဲ့တဲ့ လလောက်က သူတို့ မိသားစု ရွာ ကိုပြန်လာ တယ်။ သမီးက ဖိနပ်စက်ရုံမှာ အလုပ်ကောင်း ကောင်းလုပ်နေတယ်လို့ပြောတယ်။ ဇန်န ၀ါရီ ၄ ရက်ကမှာ သမီးနဲ့အင်တာနက်မှာ အဆက်အသွယ်ရခဲ့တယ်””ဟု အမျိုးသမီး ငယ်၏ ဖခင်ကပြော သည်။

ရောင်းစားခံရသူ အမျိုးသမီးငယ် မှ ကိုယ်ဝန်ရှစ်လရှိနေပြီဖြစ်ကြောင်းသိရ သဖြင့် တပ်ဖွဲ့စု(မူဆယ်)မှ တရား လိုပြုလုပ် ၍ ရောင်းစားခဲ့သူမိသားစုသုံးဦးကို အရေး ယူပေးရန်တိုင်ကြားခဲ့သောကြောင့် ၂၀၁၄ ခုနှစ် ဇန်နဝါရီ ၃ဝရက်က မူဆယ် မြို့မရဲစ ခန်းမှ (ပ)၁၈/၂၀၁၄၊ လူကုန်ကူးမှုတား ဆီးကာကွယ်ရေးဥပဒေ ပုဒ်မ ၂၈ (က)ဖြင့် အဆိုပါမိသားစုဝင်သုံးဦးကို အမှုဖွင့်အရေး ယူခဲ့ခြင်းဖြစ်သည်။

““တရုတ်နိုင်ငံမှာဖြစ်ပွားတဲ့ လူ ကုန်ကူးမှုတွေမှာ တရုတ်မယားအဖြစ် ရောင်း စားခံရမှုက ရာခိုင်နှုန်း အားဖြင့် ၉၃ ဒသမ ၂၂ ရာခိုင်နှုန်းရှိနေတယ်။ အဲဒါကြောင့် မြန် မာအမျိုးသမီးတွေအနေနဲ့ တရုတ်နိုင်ငံကို သွားပြီး အလုပ်လုပ်မယ်ဆိုရင် အလွန် အန္တရာယ်များတဲ့အတွက် အလုပ်ကိုသွား မလုပ်သင့်ဘူး””ဟု နေပြည်တော်လူကုန်ကူး မှုတားဆီးနှိမ်နင်းရေး ရဲတပ်ဖွဲ့မှ ဒုရဲမှူးမင်း နိုင်က ပြောသည်။

၂၀၁၃ခုနှစ်အတွင်း မြန်မာနိုင်ငံ တစ်ဝန်းလုံး၌ လူကုန်ကူးမှု ၁၀၂ မှုဖြစ် ပွားခဲ့ပြီး တရုတ်နိုင်ငံတွင် ၅၉ မှုဖြစ်ပွား ခဲ့ ကြောင်း၊ အဆိုပါအမှုများထဲတွင် အဓမ္မမွေး စားမှုနှစ်မှု၊ အဓမ္မအလုပ်စေခိုင်းမှုနှစ်မှုဖြစ် ပြီး ကျန် ၅၅မှုမှာ မယား အဖြစ် ရောင်းစား သည့်အမှုများဖြစ်ကြောင်း နေပြည်တော် လူကုန်ကူးမှု တားဆီးနှိမ်နင်းရေး ရဲတပ်ဖွဲ့၏ မှတ်တမ်းများအရ သိရှိရသည်။

Read More

မိတ္ထီလာရှိ အလိုတော်ပြည့်ပုံတော် ဆင်းတုများအနက် ကမ္ဘာ့အကြီးဆုံး ဆင်းတုအား အမိုးစတင်တပ်ဆင်

မိတ္ထီလာမြို့ ရန်ကုန်-မန္တလေး လမ်းဟောင်းအနီး အလိုတော်ပြည့်အောင်မြေ ဓမ္မဗောဓိရိပ်သာတွင် တည်ထားကိုးကွယ်လျက်ရှိသည့် ပလ္လင်တံကဲပါ ဉာဏ်တော်အမြင့် ၃၇ ပေရှိ ကမ္ဘာ့အကြီးဆုံး အလိုတော်ပြည့်ပုံတော် ဆင်းတုအား အမိုးတပ်ဆင်မည့်လုပ်ငန်းများ စတင်ဆောင်ရွက်နေပြီဖြစ်ကြောင်း အလိုတော်ပြည့်အောင်မြေ ဓမ္မဗောဓိရိပ်သာ ဆရာတော်မှ မိန့်ကြားသည်။

“ဒီဆင်းတုက အလိုတော်ပြည့်ပုံစံထဲမှာတော့ ကမ္ဘာ့အကြီးဆုံး၊ ဉာဏ်တော်အမြင့်ဆုံးလို့ သတ်မှတ်လို့ရပါတယ်။ အလိုတော်ပြည့်ပုံစံ ဆင်းတုတွေထဲမှာ ဒီဘုရားဆင်းတုလောက် ဉာဏ်တော်မြင့်တာ ထိုင်း၊ အိန္ဒိယ၊ တရုတ်၊ သိရိလင်္ကာစတဲ့ အရှေ့တောင်အာရှ ဗုဒ္ဓဘာသာနိုင်ငံတွေမှာလည်း မရှိဘူး။ ဥရောပနိုင်ငံတွေမှာလည်း မရှိပါဘူး။ ဒါကြောင့်မို့ အလိုတော်ပြည့် ပုံစံတွေထဲမှာတော့ ဒီဘုရားလောက် ဉာဏ်တော်မြင့်တာ မရှိဘူးလို့ သတ်မှတ်တဲ့အတွက် ကမ္ဘာ့အကြီးဆုံးလို့ သတ်မှတ်ခြင်းဖြစ်ပါတယ်။ နောက်ခုတော့ ဒီကမ္ဘာ့အကြီးဆုံး အလိုတော်ပြည့်ပုံတော် မြတ်စွာဘုရားကြီးကို အမိုးတပ်ဆင်မယ့်လုပ်ငန်းတွေ စတင်ဆောင်ရွက်နေပါပြီ၊ အမိုးတပ်ဆင်ဖို့ ကုန်ကျငွေ သိန်းသုံးရာလောက် ကုန်မယ်ခန့်မှန်းပါတယ်၊ မန္တလေးက ဆောက်လုပ်ရေးလုပ်ငန်းတွေနဲ့ အမိုးတပ်ဆင်သွားမှာပါ” ဟု အလိုတော်ပြည့်အောင်မြေ ဓမ္မဗောဓိရိပ်သာဆရာတော် ဦးပညာသာရက မိန့်ကြားသည်။ ကမ္ဘာ့အကြီးဆုံး အလိုတော်ပြည့်ပုံတော် မြတ်စွာဘုရားအား ၁၃၇၀ ပြည့်နှစ် ၀ါဆိုလပြည့်နေ့မှ စတင်ပြီး ပုဂံမြို့ ပန်းချီ၊ ပန်းပု၊ ဗိသုကာပညာရှင် ဦးသီဟနှင့်အဖွဲ့မှ စတင်တည်ထားကိုးကွယ်ရာ ၁၃၇၀ ပြည့်နှစ် သီတင်းကျွတ်လပြည့်နေ့ ရက်ပေါင်း ၉၀ အကြာတွင် ပြီးမြောက်၍ ဌာပနာတော်သွင်း မင်္ဂလာကျင်းပနိုင်ခဲ့ကြောင်းသိရပြီး ဉာဏ်တော်အမြင့် ၃၇ ပေရှိပြီး သိန်း ၂၀၀ ကျော် ကုန်ကျခဲ့ကြောင်း သိရသည်။

မိတ္ထီလာမြို့ အလိုတော်ပြည့်အောင်မြေ ဓမ္မဗောဓိရိပ်သာ ကမ္ဘာ့အကြီးဆုံး အလိုတော်ပြည့်ပုံတော် မြတ်စွာဘုရားအား ဖူးမြော်ရစဉ်

Read More

ချစ်သူများနေ့ လက်ဆောင်

"အဲဒီနေ့မှာ အဆင့်မြင့် ဟိုတယ်ကြီးတွေမှာထက် မိုတယ်တွေ၊ တည်းခိုခန်းတွေမှာ အခန်းရဖို့ မသေချာဘူး..."

၂ဝ၁၁ ဖေဖော်ဝါရီ ၁၄ ရက်နေ့က ဧရာဝတီအွန်လိုင်းမှာ တင်ခဲ့တဲ့ ဆောင်းပါးကို ပြန်လည် ဖော်ပြပါတယ်။ နရီလင်းလက် ရေးသားတဲ့ဆောင်းပါး ဖြစ်ပါတယ်။

လပြည့်ဝန်း ပလာဇာရှေ့မှာ ကားငှားဖို့ စောင့်နေတဲ့၊ အဖြူရောင် တီရှပ်ပေါ်မှာ အသည်းပုံ Love၊ Life စာတန်း ထိုးထားတဲ့ ဆင်တူ အင်္ကျီဝတ် စုံတွဲကို ကြည့်ပြီး ဒီနေ့တရက်တော့ ချစ်သူကို သတိရမိတယ်လို့ သူ့ချစ်သူနဲ့ လမ်းခွဲခဲ့ပြီးသူ မကေခိုင်က ဆိုပါတယ်။

ဒီနေ့အတွက် သူ့မှာ ဘာအစီအစဉ်မှ မရှိပေမယ့် ကော်ဖီဆိုင်မှာ အတူတူထိုင်ပြီး စကားဖောင်ဖွဲ့နေတဲ့ စုံတွဲတွေ၊ ရှော့ပင်း စင်တာထဲမှာ လှည့်ပတ်သွားလာပြီး ဈေးဝယ်နေတဲ့ စုံတွဲတွေ၊ ဂိမ်းပြိုင်ပွဲ ၀င်နေတဲ့ စုံတွဲတွေ၊ လက်ဆောင် အပြန်အလှန် လဲလှယ်နေတဲ့ စုံတွဲတွေကို မနက် အလုပ်လာကတည်းက တောက်လျှောက် တွေ့ရတာကတော့ ကြည်နူးစရာ ကောင်းတယ် လို့ လပြည့်ဝန်းပလာဇာမှာ အရောင်းဝန်ထမ်း လုပ်ကိုင်နေတဲ့ သူက ဆက်ပြောပါတယ်။

“အလုပ် တရက်ပျက်ရင် တရက်စာဖြတ်တော့ ချစ်သူရှိသေးရင်လည်း ဒီနေ့ လည်ဖြစ်မယ်မထင်ဘူး” လို့ မကေခိုင်က ဆိုပါတယ်။

မြန်မာနိုင်ငံဟာ စီးပွားရေး၊ နိုင်ငံရေး ပြဿနာတွေကြောင့် ပြင်ပကမ္ဘာနဲ့ တော်တော်လေး အဆက်ပြတ်၊ အထီးကျန် နေပေမယ့်လည်း လွန်ခဲ့တဲ့ ၁၀ စုနှစ်လောက်က စတင်ပြီး လူငယ်ထုကြားမှာ ခေတ်စားလာတဲ့ ချစ်သူများနေ့မှာတော့ ပန်းစည်းတွေ ပေးတာ၊ ချောကလက်ကျွေးတာ၊ ပို့စ်ကတ် လဲလှယ်ကြတာ စတဲ့ အလေ့အထတွေကတော့ ပိုများလာတာ တွေ့ရပါတယ်။

အဲဒီလက်ဆောင်တွေရဲ့ အောက်မှာ ဖုံးကွယ်နေတဲ့ အမှတ်တရ လက်ဆောင်တခု ရှိနေပါတယ်။ ဒါကတော့ အပျို၊ လူပျို ဘ၀ကို စွန့်လွှတ်ပြီး အဲဒီနေ့မှာ ချစ်သူနဲ့ အတူတူ စနေမယ်ဆိုတဲ့ အလေ့အထ မြန်မာပြည်မှာ ရှိနေပြီ ဆိုတာပါပဲ။

“ကျနော် သတိထားမိသလောက် သိပ်မကြာသေးဘူး။ ၃ နှစ်လောက်ပဲ ရှိဦးမယ်။ အဲဒီနေ့ဆို တည်းခိုခန်းက အချိန်ပိုင်းနဲ့တင် ၀င်ငွေ တော်တော် ဖြောင့်တာ။ တချို့ဆို အခန်း ပတ်ရှာတာ မရလို့ ဒီမှာပဲ ထိုင်စောင့်နေရတဲ့ အထိပါ ရှိတယ်” လို့ ကန် တော်ကြီးအနီးမှာ ရှိတဲ့ နယူးကန်တော်ရိပ် ဟိုတယ် ၀န်ထမ်းတဦးက ပြောပါတယ်။

အဲဒီနေ့မှာ အဆင့်မြင့် ဟိုတယ်ကြီးတွေမှာထက် မိုတယ်တွေ၊ တည်းခိုခန်းတွေမှာ အခန်းရဖို့ မသေချာဘူးလို့ သူက ဆိုပါတယ်။

ဒီလို ထွန်းကားလာတာကြောင့်လည်း ပန်းခြံ၊ စားသောက်ဆိုင်နဲ့ ရှော့ပင်းမောလ်က ပရိုမိုးရှင်းပွဲတွေ၊ ချစ်သူများနေ့ စင်တင် တေးဂီတ ဖျော်ဖြေပွဲတွေအပြင် တည်းခိုခန်းနဲ့ မိုတယ်တွေမှာ အဲဒီနေ့ဆို အခန်းအပြည့် ငှားရတဲ့အထိ ရှိနေတယ်လို့ ရန်ကုန်မြို့ခံတွေ ဆီက သိရပါတယ်။

“သန်လျင်လို တည်းခိုခန်းနဲ့ ဟိုတယ်ပေါတဲ့ နေရာမှာတောင် အဲဒီနေ့ဆို အခန်းရဖို့ မလွယ်ဘူး” လို့ သန်လျင်မြို့နယ် သီလဝါဆိပ်ကမ်း MITT က အရာရှိ တဦးဖြစ်တဲ့ ကိုကျော်မင်းဆွေက ပြောပါတယ်။

ချောကလက်နဲ့ ပန်းစည်းပေးတာတွေက ၁၄ နှစ်အောက် လူငယ်တွေကြားမှာပဲ ရှိတော့တဲ့ အလေ့အထ ဖြစ်တယ်လို့ သူက ဆိုပါတယ်။

ယုဇနပလာဇာ အနောက်ဘက်က တောင်ပေါ်သား တည်းခိုခန်း၊ မြေနီကုန်းနားက Motherland ၊ Summer place၊ ဖိုးစိန် လမ်းပေါ်က ဟိုတယ်တွေ၊ အင်းတွေမှာဆိုလည်း စုံတွဲတွေ အပြည့်လို့ သိရပါတယ်။

ရန်ကုန်က အထက်တန်းကျောင်းသား တဦးဖြစ်တဲ့ ဇေယျာကတော့ သာမန်နေ့တွေမှာထက် ချစ်သူများနေ့မှာ စုံတွဲတွေ အတူ အိပ်ကြတာ အဓိပ္ပာယ် ပိုရှိတယ်၊ ပိုပြီး လေးနက်မှုကို ပြတယ်လို့ ဆိုပါတယ်။

“လွန်ခဲ့တဲ့ ၅ နှစ်လောက်က ဆိုရင်တော့ မယူဖြစ်ရင် အတူတူနေတယ် ဆိုတာ မိန်းကလေးရော၊ ယောက်ျားလေး အတွက်ပါ နစ်နာတယ် ဆိုတဲ့ စကားက မှန်ပါသေးတယ်။ အခုခေတ်မှာတော့ ရန်ကုန် အသိုင်းအ၀န်းမှာ ဆို ဒီလိုကိစ္စကို လက်မခံတော့ ပါဘူးလို့” သူက ပြောပါတယ်။

အခုခေတ်မှာ လူငယ်တွေက အတူတူနေတဲ့ကိစ္စကို ပွင့်လင်းတယ်လို့ မြင်လာ လက်ခံလာပြီး သူတို့ ဆယ်ကျော်သက်တွေ အ လယ် မှာတော့ ဖြစ်သင့်တဲ့ သဘာဝ တခုလို့ မြင်တယ်လို့ သူက ဆိုပါတယ်။

မြန်မာနိုင်ငံရဲ့ အိမ်နီးချင်း ထိုင်းနိုင်ငံမှာဆိုရင် ချစ်သူများနေ့ ဆိုတာ စောင့်ဆိုင်းရတဲ့ ရက်တရက်လို့ ပြောကြပါတယ်။ ထိုင်း မှာရှိတဲ့ အထူး နေ့ထူးနေ့မြတ်တွေ အမျိုးစုံရှိတဲ့ ကြားထဲက ထိုင်းတွေဟာလည်း ချစ်သူများနေ့ကို နေ့ထူးနေ့မြတ် တရက်လို သတ်မှတ်ထား ကျင်းပကြတာ ၁၀ စုနှစ်တခုလောက် ရှိပါပြီ။

စေ့စပ်ပွဲတွေ၊ လက်ထပ်ပွဲတွေက အဲဒီနေ့မှာ အများဆုံး ကျင်းပတတ်ကြသလို၊ ချစ်သူတွေလည်း အဲဒီနေ့ကနေ စပြီး အတူတူ နေကြပါတယ်။ အဲဒီနေ့ဟာ ထိုင်း တနိုင်ငံလုံးမှာ ကွန်ဒုံး အရောင်းရဆုံး နေ့လို့လည်း သိရပါတယ်။ ထိုင်း လူမျိုးတွေက ချစ်သူများနေ့အတွက် အကုန်အကျခံကြတဲ့ ပိုက်ဆံတွေက မနည်းပါဘူး။

ချစ်သူများနေ့ဟာ အနောက်နိုင်ငံက အစပြုခဲ့တဲ့၊ မြန်မာ့ယဉ်ကျေးမှု မဟုတ်ပေမယ့် ချစ်သူတွေ အချင်းချင်း လက်ဆောင်တွေ ဖလှယ်ကြတာ၊ ပန်းကလေးတွေ၊ ကဗျာကလေးတွေ ပို့ပေးကြတာ ကြည်နူးစရာ ကောင်းပါတယ်လို့ စာရေးဆရာမ နုနုရည် (အင်းဝ) က ဆိုပါတယ်။ ဒါပေမယ့် စီးဆင်းလာတဲ့ ယဉ်ကျေးမှုမှာ မလိုလားအပ်တဲ့ ဆိုးကျိုးတွေကို သတိမူ သင့်တယ်လို့ ပြောပါတယ်။

“အဲဒီ ရေစီးကြောင်းကြီးထဲကို တိုက်စားပွတ်တိုက်ပြီး ပါမသွားစေချင်တာကတော့ Virgin ဆိုတဲ့ အပျိုစင် ဂုဏ်လေးပါပဲ။ စောင့်ထိန်းနိုင်ခြင်းတန်ဖိုး၊ မိမိကိုယ်ကိုယ် ယုံကြည်မှု တန်ဖိုး၊ သိက္ခာ တန်ဖိုး၊ ယဉ်ကျေးမှု တန်ဖိုးတွေနဲ့ ပြည့်စုံနေတဲ့ အပျိုစင် ဆိုတဲ့ ဂုဏ်လေးကို မြန်မာ မိန်းကလေးငယ်တွေ ဂုဏ်ယူစွာနဲ့ စောင့်ရှောက်ထိန်းသိမ်းစေချင်ပါတယ်” လို့ မြန်မာစာ ဆရာမ တဦးလည်း ဖြစ်တဲ့ စာရေးဆရာမ နုနုရည် (အင်းဝ) က ဆိုပါတယ်။

ဆရာမ နုနုရည်က သူ့ကို ရှေးဆန်လိုက်တာလို့ ပြောချင်ပြောပါစေ၊ ရယ်စရာလို့လည်း ထင်ကောင်း ထင်မယ်၊ ဒါပေမယ့် ကိုယ့် ယဉ်ကျေးမှုဆိုတာကို ထိန်းသိမ်းစောင့်ရှောက်ချင်တဲ့၊ ကိုယ့်ယုံကြည်မှု သိက္ခာကို တန်ဖိုးထားချင်တဲ့ မြန်မာမိန်းကလေးတွေ အနေနဲ့ ကတော့ နားလည်လောက်မယ် ထင်ပါတယ်လို့ ဆက်ပြောပါတယ်။

တနင်္လာနေ့လို ပျားပန်းခတ်မျှ ရှုပ်ထွေးလှတဲ့ ရန်ကုန်လမ်းတွေပေါ်မှာ ဆင်တူ အင်္ကျီဝတ်ဆင်ထားတဲ့ စုံတွဲတွေ၊ ချစ်သူများနေ့ စင်တင် ဂီတ ဖျော်ဖြေပွဲ ကြော်ငြာ ဘေလ်ဘုတ်ကြီးတွေ၊ လမ်းမ ကြီးပေါ်အထိ လျှံကျလာတော့မယ် ထင်ရတဲ့ အင်းလျား ကန်ပေါင်က စုံတွဲတွေဟာ ရန်ကုန်မြို့ရဲ့ ချစ်သူများနေ့ ပွဲတော်ကို ထင်ရှားပေါ်လွင်စေတဲ့ ပြယုဂ်တွေပါပဲ။

ဒီလိုနေ့မှာ စုံတွဲတွေ အတူနေတာကြောင့် တည်းခိုခန်းတွေမှာ အခန်းတွေ မအားလပ်တဲ့အထိ ဖြစ်နေပေမယ့် ကွန်ဒုံးတွေရဲ့ ရောင်းအားကတော့ သိသိသာသာ တက်မလာပါဘူးလို့ ဆေးဝါး ကုမ္ပဏီ တခုမှာ လုပ်ကိုင်နေတဲ့ လူငယ်ဆရာဝန် တဦးက ပြောပါတယ်။

“ကွန်ဒုံးသုံးတာကို ကြေးစားဆန်တယ်လို့ သဘောထားလို့ လိင်ဆက်ဆံချိန်မှာ ကွန်ဒုံး မသုံးဖြစ်တာ များတယ်။ သုံးတဲ့ အချိန်ကလည်း ကြေးစား လိင်အလုပ်သမ မိန်းကလေးတွေနဲ့ နေတဲ့အချိန်ပဲ။ လေ့လာရသလောက် ချစ်သူတွေ၊ သမီး ရည်းစားတွေ ကြားထဲမှာ ကွန်ဒုံးမသုံးကြဘူး။ အဲဒါနဲ့ ပတ်သက်ပြီး လွဲမှားတဲ့ အမြင်တွေ ရှိတာကို ဘယ်လိုမှ မတားဆီး နိုင်သေးဘူး” လို့ သူက ပြောပါတယ်။

မြန်မာနိုင်ငံနဲ့ တခြား အိမ်နီးချင်းနိုင်ငံတွေ ကွာခြားတာကတော့ မူလတန်းကျောင်းသား ကျောင်းသူ အရွယ်ကတည်းက လိင် ပညာပေး သင်ခန်းစာတွေကို အစိုးရကျောင်းတွေမှာ သေသေချာချာ သင်ကြားပေးတာပါ။ မြန်မာပြည်က အစိုးရကျောင်း တွေကတော့ ယဉ်ကျေးမှုဆိုတဲ့ တံတိုင်းနဲ့ ဘောင်ခတ်ထားပြီး ဒီလို သင်ခန်းစာတွေကို ရှက်စရာလို့ မြင်နေသေးတာ တွေ့ရပါတယ်။ ထိုင်းနိုင်ငံမှာဆိုရင် ဒီနေ့လို ချစ်သူများနေ့မှာ ဟိုတယ်တွေ၊ ကလပ်တွေမှာ ကွန်ဒုံး အခမဲ့ဝေတဲ့ ဓလေ့မျိုး ရှိပါတယ်။

အမျိူးသမီး သတင်းထောက်တဦးက “အိမ်ထောင်ကွဲတွေကို တွေ့ရတာ များလို့လားတော့ မသိဘူး။ ယူလိုက်ပြီးမှ အဆင် မပြေတာထက် အတူနေရင်း လေ့လာ စေချင်တယ်။ တကယ်ချစ်တဲ့သူ ဆိုရင်တော့ အစဉ်အလာတွေ မထိန်းသိမ်းချင်ဘူး။ ကိုယ့်မှာလည်း လွတ်လပ်ခွင့် ရှိတယ်လေ။ အပျိုစင် မဟုတ်တော့ပေမယ့်လည်း ကိုယ့်ကို ချစ်တဲ့၊ ကြိုက်တဲ့ ယောက်ျားက ယူလိမ့်မယ်” လို့ ပြောပါတယ်။

ဒီလို ချစ်သူစုံတွဲတွေ လက်မထပ်ခင် အတူတူနေတာနဲ့ ပတ်သက်ပြီး ဘာသာစကား သင်တန်းကျောင်း တကျောင်းမှာ အင်္ဂလိပ်စာ သင်ကြားနေတဲ့ မကေဇင်သွယ်က “တရားဝင် လက်ထပ်ထားတာ မဟုတ်သေးတဲ့ အတွက် အဲဒီလို နေလိုက်ပြီးလို့ မယူဖြစ်ကြတော့ရင် ယောက်ျားလေးက ဘာမှမဖြစ်ဘူး။ မိန်းကလေးပဲ နစ်နာမှာလေ။ မယူခင် အဲဒီ အခွင့်အရေးကို ယောက်ျားလေးတွေကို မပေးသင့်ဘူး။ မြန်မာ့ ယဉ်ကျေးမှုနဲ့ ကြည့်ပြီး ပြောရရင်လည်း မကိုက်ညီဘူး” လို့ ပြောပါတယ်။

မြန်မာပြည်မှာ HIV/ AIDS ရောဂါနဲ့ ပတ်သက်လို့ ပညာပေးနေတဲ့ NGO အဖွဲ့အစည်း PSI ရဲ့ ဆက်သွယ်ရေး အရာရှိ တဦးဖြစ်သလို၊ ကျန်းမာရေး အသိပညာပေး စာပေတွေ ရေးသားနေတဲ့ စာရေးဆရာမ မြနှောင်းညိုက အချိန်မတိုင်ခင် သိပ်နုနယ်တဲ့ အရွယ်မှာ လိင်ဆက်ဆံတာကို မလုပ်စေချင်ပါဘူးလို့ ဆိုပါတယ်။

“လက်မထပ်ခင် အတူနေတဲ့ အလေ့အထကို ခေတ်နဲ့လျော်ညီတဲ့ အကြံပေးရရင် မယူနိုင်သေးဘဲ တအိမ်တည်းမှာ အတူတူနေ ကြတဲ့ အခိုက်အတန့် တယောက်နဲ့တယောက် သစ္စာ ရှိစေချင်တယ်။ ကွဲသွားကြလို့ မယူဖြစ်ရင် HIV စစ်ပေါ့” လို့ ဆရာမ မြနှောင်းညိုက ဆက်ပြောပါတယ်။

ဒီအချိန်မှာတော့ မော်လမြိုင်မြို့ပေါ်က အင်တာနက်ဆိုင် တဆိုင်မှာ လွန်ခဲ့တဲ့ ၅ ရက်လောက် ကတည်းက ချစ်သူနဲ့ တွေ့ဆုံ စကားပြောနိုင်ဖို့ အတွက် စက်တလုံး ချန်ထားပေးဖို့ တောင်းဆိုထားတဲ့ အသက် ၂၀ အရွယ် မနှင်းအိကတော့ သူ ချိန်းဆို ထားတဲ့ နာရီအတိုင်း အရောက်သွားနိုင်ဖို့ ပြင်ဆင် နေတယ်လို့ သိရပါတယ်။

“လက်ဆောင် ကိုယ်တိုင်ကိုယ်ကျ မပေးရပေမယ့် အင်တာနက်ကနေ ဒီမတိုင်ခင်ကတည်းက ကြိုရှာထားတဲ့ Valentine ကတ် ကို ဒီနေ့ ပို့ပေးလိုက်တယ်။ ဖုန်းပြောချင်ပေမယ့် အိမ်ကို တိုက်ရိုက်ခေါ်ဖို့ ဖုန်းက အဆင်မပြောတော့ ဂျီတော့ခ် ကနေပဲ ပြောရ တာပေါ့။ ဒီနေ့ အတွက် အမှတ်တရက သူများတွေလို အကောင်အထည်ပြလို့ မရတဲ့ ချစ်စကားတွေပဲ ရှိတယ်လို့” သူက ဆိုပါတယ်။

ချစ်သူသာ အနားမှာ ရှိမယ်ဆိုရင် အတူတူလျှောက်လည်ပြီး တနေရာရာ သွားဖို့ စီစဉ်မယ်၊ သူကြိုက်တဲ့ ပန်းကို အဲဒီနေ့မှာ ပေးဖို့ တောင်းဆိုမယ်လို့ မနှင်းအိက ဆက်ပြောပါတယ်။

နိုင်ငံ တ၀န်းလုံး ကျင်းပနေတဲ့ ချစ်သူများနေ့ဟာ အနောက် နိုင်ငံတွေမှာ ဓလေ့တခုလို ဖြစ်နေပေမယ့် ကူးစက်ခံ အရှေ့တိုင်း နိုင်ငံတွေ မှာကတော့ ချစ်သူများနေ့ကို ပိုပြီး အမှတ်တရ ဖြစ်အောင် ဖန်တီး ကြတာ တွေ့လာရပါတယ်။

ရောမ ခေတ်က ချစ်သူ ၂ ဦးကို တိတ်တဆိတ် ထိမ်းမြားပေးခဲ့တာကြောင့် သေဒဏ်ပေးခံရတဲ့ ဘုန်းတော်ကြီး St. Valentine ကို ဂုဏ်ပြုတဲ့အနေနဲ့ ဖေဖော်ဝါရီ ၁၄ ရက်နေ့ ကို ချစ်သူများနေ့လို့ သတ်မှတ်ခဲ့ကြပါတယ်။

ဒီ အနောက်တိုင်း ယဉ်ကျေးမှုက မြန်မာ လူငယ်တွေရဲ့ ယဉ်ကျေးမှုကို စတင် ဖျက်ဆီးနေပြီလား ဆိုတာကတော့ စဉ်းစား စရာပါ။ ။

Read More

ဂျက်ဖာဆင်ဗိမာန်၌ အိုဘားမားနှင့် အော်လွန်းဒ်တို့ သမိုင်းဝင်ချစ်ကြည်ရေး အသစ်ပြန်စ

ဖေဖော်ဝါရီ ၁၀ ရက်က အိုဘားမား၊ အော်လွန်းဒ် (၀ဲ) နှင့် ဂျက်ဖာဆင်ဖောင်ဒေးရှင်းဥက္ကဋ္ဌ လက်စလီဂရင်းဘိုမန် (ယာ) တို့ ဂျက်ဖာဆင်အိမ်တော်သို့ သွားရောက်ခဲ့စဉ် (Photo:AFP)


ပြင်သစ်သမ္မတ ဖရန်ဆွာအော်လွန်းဒ်သည် သူ၏အမေရိကန်ခရီးစဉ်ကို ဖေဖော်ဝါရီ ၁၀ ရက်တွင် စတင်ခဲ့ပြီး အမေရိကန်သမ္မတ ဘာရက်အိုဘားမားနှင့်အတူ အမေရိကန်ပြည်ထောင်စုကို ထူထောင်သူလည်းဖြစ် ပြင်သစ်လိုလားသူလည်းဖြစ်သောသော မတ်ဂျက်ဖာဆင်၏ နေအိမ်သို့ သွားရောက်ဂါရ၀ခဲ့သည်။

အော်လွန်းဒ်သည် သူ၏ချစ်မှုရေးရာ ကိစ္စများနှင့် ပတ်သက်၍ စိတ်ရှုပ်ထွေးရမှုများကို မသိကျိုးကျွံပြုရန် ကြိုးပမ်းသည့်အနေဖြင့် ပြင်သစ်၏သက်တမ်းအရင့်ဆုံး မဟာမိတ် အမေရိကန်နှင့် သမိုင်းဝင်ဆက်ဆံရေးကို မီးမောင်းထိုးပြရင်း လုံခြုံရေးဆိုင်ရာ ပူးပေါင်းဆောင်ရွက်မှု အလျင်အမြန် ကြီးထွားလာရန် ရည်ရွယ်လျက် အမေရိကန်သို့ လာရောက်ခြင်းဖြစ်သည်။ အိုဘားမားသည် အင်ဒရူးလေတပ် အခြေစိုက်စခန်းသို့ ဆိုက်ရောက်လာသည့် ဘိုးရင်း ၇၅၇ အမျိုးအစား Air Force One လေယာဉ်လှေကား၌ အော်လွန်းဒ်နှင့် တွေ့ဆုံခဲ့သည်။ အော်လွန်းဒ်သည် မွန်တီဆယ်လိုရှိ ဂျက်ဖာဆင်ချစ်မြတ်နိုးခဲ့သည့် အိမ်တော်သို့သွားရောက်ရန် ဗာဂျီးနီးယားသို့ ရောက်ရှိလာခြင်းဖြစ်သည်။

ယင်းခရီးစဉ်ကို အင်္ဂလိပ်စကားပြောကောင်းသော အော်လွန်းဒ်နှင့် အိုဘားမားတို့အတွက် သမိုင်းဝင်သင်္ကေတများ ပြည့်နှက်နေသည့် ၀န်းကျင်များကို နောက်ခံထားလျက် ပုဂ္ဂိုလ်ရေးဆိုင်ရာ ခင်မင်ရင်းနှီးမှု ရယူရန် အခွင့်အလမ်း တစ်ရပ်အဖြစ် စီစဉ်ခဲ့ခြင်းလည်းဖြစ်သည်။

အိုဘားမားက “ဂျက်ဖာဆင်ဟာ တစ်လျှောက်လုံး ပြင်သစ်လိုလားသူ ဖြစ်ခဲ့ပါတယ်။ သူရဲ့ဒီအိမ်ဟာ ပြင်သစ်တော်လှန်ရေးရဲ့ သြဇာသက်ရောက်မှုနဲ့ အမေရိကန်တော်လှန်ရေးကို ဦးဆောင်ကူညီခဲ့တဲ့ သဘောတူညီမှုကို ကိုယ်စားပြုပါတယ်” ဟု ပြောကြားခဲ့သည်။

အော်လွန်းဒ်ကလည်း သမိုင်းဝင်ထင်ဟပ်ချက်များကို ရှည်လျားစွာ ပြောကြားခဲ့ရာ ယင်းတွင် ဂျော့ဝါရှင်တန်၏ တော်လှန်ရေးတပ်မတော်တွင် ပါဝင်လျက် အမေရိကန် လွတ်လပ်ရေးအတွက် တိုက်ခိုက်ဝင်ခဲ့သော ပြင်သစ်သူကောင်းမျိုးနွယ် မားကွက်ဒီလာဖာယက်၏ အကြောင်းလည်း ပါဝင်သည်။ သူက “ဂျက်ဖာဆင်နဲ့ လာဖာယက်တို့ခေတ်တုန်းကလည်း ကျွန်တော်တို့ဟာ မဟာမိတ်တွေ ဖြစ်ခဲ့ကြသလို ဒီကနေ့မှာလည်း ကျွန်တော်တို့ဟာ မဟာမိတ်တွေပါပဲ” ဟု ပြောကြားခဲ့သည်။ သူတို့နှစ်ဦးသည် ဖေဖော်ဝါရီ ၁၁ ရက်တွင် ဘဲဥပုံ စည်းဝေးခန်းမ၌ ဆီးရီးယားစစ်ပွဲ၊ အီရန်နျူကလီးယား အစီအစဉ်၊ ယူကရိန်းနိုင်ငံရေး အကျပ်အတည်းနှင့် အာဖရိက လုံခြုံရေးပြဿနာတို့အား အဓိကထား ဆွေးနွေးကြမည်ဖြစ်သည်။

Ref:AFP

Read More

တရုတ်နှင့်ထိုင်ဝမ်တို့ ၆၅ နှစ်အတွင်း ပထမဆုံးအကြိမ် သမိုင်းဝင်ဆွေးနွေးပွဲ စတင်ဆွေးနွေးမည်

ဖေဖော်ဝါရီ ၁၁ ရက်တွင် နန်ကျင်းရှိ Purple Mountain ဧည့်ဂေဟာ၌ ထိုင်ဝမ်ကိုယ်စားလှယ်အဖွဲ့နှင့် တရုတ်ပြည်မကြီး ကိုယ်စားလှယ်အဖွဲ့တို့ တွေ့ဆုံဆွေးနွေးနေစဉ် ()


လွန်ခဲ့သည့် ၆၅ နှစ်က ပြည်တွင်းစစ် ဖြစ်ပွားခဲ့ပြီး တရုတ်နိုင်ငံမှ ထိုင်ဝမ်ခွဲထွက်ပြီးနောက် ပထမဦးဆုံးအကြိမ်အဖြစ် နှစ်ဖက်အစိုးရအဆင့် ဆွေးနွေးပွဲကို ဖေဖော်ဝါရီ ၁၁ ရက်တွင် စတင်ခဲ့ပြီး ခါးသီးသော ရန်ဘက်ဟောင်းအကြား သမိုင်းဝင်ဖြစ်ရပ်တစ်ခု ဖြစ်လာခဲ့သည်။

ထိုင်ဝမ်၏ တရုတ်ပြည်မကြီးဆိုင်ရာ မူဝါဒကောင်စီဝန်ကြီး ၀မ်ယုချီ၏ လေးရက်ကြာခရီးစဉ် ပထမရက်၌ တရုတ်ပြည်မကြီးဆိုင်ရာ တာဝန်ရှိသူ ကျန်းကျီကျန်နှင့် တွေ့ဆုံရန် နန်ကျင်းမြို့သို့ ရောက်ရှိခဲ့ကြောင်း ထိုင်ဝမ်တာဝန်ရှိသူတစ်ဦးက ပြောကြားခဲ့သည်။ တရုတ်အရှေ့ပိုင်းရှိ နန်ကျင်းမြို့သည် ၂၀ ရာစု၏ ပထမထက်ဝက် ကာလအတွင်း ၀မ်ယုချီတို့၏ ကူမင်တန်ပါတီ သို့မဟုတ် အမျိုးသားရေးဝါဒီပါတီက အုပ်ချုပ်စဉ် နိုင်ငံ၏မြို့တော် ဖြစ်ခဲ့သည်။ ကူမင်တန်ပါတီသည် ၁၉၄၉ ခုနှစ်တွင် လူသန်းနှင့်ချီ သေဆုံးခဲ့သည့် တရုတ်ပြည်တွင်းစစ်၌ မော်စီတုံး၏ ကွန်မြူနစ်များကို ရှုံးနိမ့်ခဲ့ပြီး အမျိုးသားရေးဝါဒီခေါင်းဆောင် ချန်ကေရှိတ်အား ထောက်ခံသူနှစ်သန်းခန့် ထိုင်ဝမ်ဘက်သို့ ထွက်ပြေးခဲ့ကြကြောင်း သိရသည်။ ယင်းအချိန်မှစပြီး ပြည်မကြီးနှင့် ထိုင်ဝမ်ကျွန်းတို့သည် သီးခြားစီ ရပ်တည်ခဲ့ကြပြီး စစ်မှန်သော တရုတ်အစိုးရဖြစ်ကြောင်း နှစ်ဖက်စလုံးက ကြေညာခဲ့ကြသည်။ ၁၉၉၀ ပြည့်နှစ်ရောက်မှသာ ကြားခံအဖွဲ့အစည်းများမှတစ်ဆင့် နှစ်ဖက်ဆက်သွယ်မှု ပြန်လည်စတင်ခဲ့သည်။

ဖေဖော်ဝါရီ ၁၁ ရက်တွင် ကျင်းပသည့် ယခုတွေ့ဆုံမှုသည် ဆက်ဆံရေးတိုးတက်စေရန် နှစ်ပေါင်းများစွာ ကြိုးပမ်းမှု၏ အသီးအပွင့်ဖြစ်သည်။ သို့သော် တရုတ်အစိုးရသည် ထိုင်ဝမ်ကို ပြည်မကြီးနှင့်ပူးပေါင်းရန် စောင့်ဆိုင်းနေသော သူပုန်နယ်မြေအဖြစ် ရှုမြင်ထားဆဲဖြစ်ပြီး လိုအပ်ပါက အင်အားအသုံးပြုမည်ဟု ခြိမ်းခြောက်ထားသည်။ ထိုင်ဝမ်သည် ဆယ်စုနှစ်နှင့်ချီ သံတမန်ရေးရာ အထီးကျန်မှု ပိုဖြစ်လာခဲ့ပြီး ၁၉၇၁ ခုနှစ်တွင် ကုလသမဂ္ဂ၌ တရုတ်ကိုယ်စားပြုနေရာကို လက်လွှတ်ခဲ့ရသည်။ သို့သော် ထိုင်ဝမ်ကို အမေရိကန်က စစ်ရေးအကူအညီပေးပြီးနောက် စီးပွားရေးမှာ တစ်ဟုန်ထိုး တိုးတက်ခဲ့သည်။

ယခုဆွေးနွေးမှုတွင် ထိုင်ဝမ်သည် စီးပွားရေး အကျိုးအမြတ် သေချာရေး သို့မဟုတ် လုံခြုံရေးအာမခံချက် ရရှိရေး စသည့်လက်တွေ့ကျသော ရလဒ်များရရှိရန် အဓိကအာရုံစိုက်ဖွယ်ရှိပြီး တရုတ်ကမူ ထိုင်ဝမ်ကျွန်းနှင့် ပြန်လည်ပေါင်းစည်းရေး ရေရှည်စီမံကိန်းကို အဓိကထားဖွယ်ရှိသည်။

၂၀၀၈ ခုနှစ်တွင် မာယင်ကျိုး ထိုင်ဝမ်သမ္မတ ဖြစ်လာပြီးနောက် တရုတ်နှင့်ထိုင်ဝမ်ဆက်ဆံရေး တိုးတက်မှုရရှိခဲ့သည်။ ပြန်လည်ရင်ကြားစေ့ရေးအတွက် အရေးပါသည်ဟု သတ်မှတ်သော စီးပွားရေး ပူးပေါင်းဆောင်ရွက်ရေး မူဘောင်သဘောတူညီချက်ကိုလည်း ၂၀၁၀ ပြည့်နှစ်ဇွန်တွင် လက်မှတ်ရေးထိုးနိုင်ခဲ့သည်။

Ref:AFP

Read More

တရားမျှတပြီး အပြုသဘောဆောင်သော နျူကလီးယားဆွေးနွေးပွဲကို အလိုရှိကြောင်း အီရန်သမ္မတ ရိုဟာနီပြောကြား

တီဟီရန်မြို့၏ လွတ်လပ်ရေးရင်ပြင်တွင် ဖေဖော်ဝါရီ ၁၁ ရက်က မိန့်ခွန်းပြောကြားနေသော ရိုဟာနီ (၀ဲ) (Photo:AFP)


နျူကလီးယား ဆွေးနွေးပွဲများတွင် အီရန်၏ မျှတပြီး အပြုသဘောဆောင်သော သဘောထားအတိုင်း ဆောင်ရွက်ရန် ကမ္ဘာ့အင်အားကြီးနိုင်ငံများကို အီရန်သမ္မတ ဟက်ဆန်ရိုဟာနီက ဖေဖော်ဝါရီ ၁၁ ရက်တွင် တောင်းဆိုခဲ့သည်။ ကမ္ဘာ့အင်အားကြီး နိုင်ငံများသည် အီရန်အပေါ် စစ်ဘက်ဆိုင်ရာ ခြိမ်းခြောက်မှုများနှင့် ပတ်သက်၍ ထင်ယောင်ထင်မှား မဖြစ်သင့်ကြောင်းလည်း ရိုဟာနီက ပြောကြားခဲ့သည်။

အီရန်သည် ကမ္ဘာ့အင်အားကြီးနိုင်ငံ ငါးနိုင်ငံဖြစ်သော ဗြိတိန်၊ ပြင်သစ်၊ အမေရိကန်၊ ရုရှားနှင့် တရုတ်၊ ဂျာမနီတို့ပါဝင်သည့် P5+1 အင်အားကြီးခြောက်နိုင်ငံနှင့် ဗီယင်နာတွင် လာမည့်သီတင်းပတ်အတွင်း ဆွေးနွေးပွဲ ပြန်လည်စတင်မည်ဖြစ်သည်။

“အပြည်ပြည်ဆိုင်ရာ စည်းမျဉ်းဘောင်ထဲကနေ တရားမျှတပြီး အပြုသဘောဆောင်တဲ့ ဆွေးနွေးညှိနှိုင်းမှုတွေကို ဖြစ်စေဖို့ အီရန်က ကတိပေးပါတယ်။ လာမယ့်ဆွေးနွေးပွဲမှာ တခြားဆွေးနွေးဖက် နိုင်ငံတွေကိုလည်း အလားတူဆန္ဒထားဖို့ မျှော်လင့်ပါတယ်” ဟု ရိုဟာနီက အစ္စလာမ္မစ်တော်လှန်ရေး (၃၅)နှစ်မြောက် အထိမ်းအမှတ်မိန့်ခွန်းတွင် ပြောကြားခဲ့သည်။

“ကျွန်တော်ရှင်းရှင်းပဲ ပြောမယ်ဗျာ။ အီရန်ကို စစ်ဘက်ဆိုင်ရာ ခြိမ်းခြောက်မှုတွေ ရှိနေတယ်လို့ အချို့က ထင်ယောင်ထင်မှား ဖြစ်နေမယ်ဆိုရင် အဲ့ဒီလူတွေ မျက်မှန်သစ်လဲတပ်ဖို့ လိုနေပါပြီ။ ကမ္ဘာပေါ်မှာ အီရန်ကို စစ်ဘက်ဆိုင်ရာ ခြိမ်းခြောက်မှု မရှိပါဘူး” ဟု ရိုဟာနီက ပြောကြားခဲ့သည်။

အမေရိကန်နှင့် အစ္စရေးတို့က အီရန်၏ နျူကလီးယားလက်နက် ရရှိရေးကို တားဆီးရန် စစ်ရေးအရ အရေးယူဆောင်ရွက်နိုင်ခြေကို မပယ်ချထားပေ။ အီရန်ကလည်း နျူကလီးယား အစီအစဉ်များသည် ငြိမ်းချမ်းသောရည်ရွယ်ချက် သက်သက်အတွက်သာဖြစ်ကြောင်း ခုခံပြောကြားထားသည်။

အီရန်က နိုင်ငံတကာ၏ ပိတ်ဆို့မှုများကို လျှော့ချပေးရန် အလဲအလှယ်အနေဖြင့် ခြောက်လအတွင်း ၎င်း၏နျူကလီးယား လှုပ်ရှားမှုအချို့ကို ရပ်ဆိုင်းထားရန် ပြီးခဲ့သည့်နိုဝင်ဘာက အကြိုသဘောတူညီမှု ရရှိခဲ့သည်။ အီရန်၏နျူကလီးယား အစီအစဉ်များနှင့်ပတ်သက်၍ အနောက်နိုင်ငံများ၏ စိုးရိမ်မှုများကို ဖြေဖျောက်ပေးမည့် အပြီးသတ်သဘောတူညီချက် ရရှိပါက အနောက်အင်အားကြီးနိုင်ငံများသည် အီရန်၏ ရေနံနှင့်ဘဏ်လုပ်ငန်းကို ပိတ်ဆို့အရေးယူမှုများ ဖယ်ရှားပေးမည်ဖြစ်သည်။

Ref:AFP

Read More

တရုတ်ပြည့်တန်ဆာလုပ်ငန်း ဟိုးလေးတကျော် ဖြစ်လာပြီးနောက် ဖမ်းဆီးမှုများနှင့် အွန်လိုင်းဝေဖန်မှုများ ပြင်းထန်လာ

ဖေဖော်ဝါရီ ၉ ရက်က ကွမ်တုံပြည်နယ် တောင်ကွမ်မြို့၌ ဖျော်ဖြေရေးစင်တာတစ်ခုကို ရဲတပ်ဖွဲ့က ၀င်ရောက်စီးနင်းခဲ့ပြီးနောက် ရိုက်ကူးထားသောဓာတ်ပုံ (Photo:AFP)


တရုတ်နိုင်ငံပိုင် အသံလွှင့်ဌာနတစ်ခုက တရုတ်နိုင်ငံ၏ လိင်မြို့တော်ဟု ထင်ရှားလာသော တောင်ကွမ်ရှိ တွင်ကျယ်နေသည့် ပြည့်တန်ဆာလုပ်ငန်းအကြောင်း ဖော်ထုတ်ခဲ့ပြီးနောက် ရဲတပ်ဖွဲ့က စစ်ဆင်ရေးတစ်ရပ်အဖြစ် အကြီးအကျယ် နှိမ်နင်းမှုဖြစ်ပွားခဲ့သည်။ ၎င်းအပြင် အွန်လိုင်း၌ ဝေဖန်သံများလည်း ပွက်ပွက်ညံခဲ့သည်။

ရဲတပ်ဖွဲ့ဝင် ၆ဝဝဝ ကျော်တို့သည် တောင်ပိုင်းကွမ်တုံပြည်နယ် တောင်ကွမ်မြို့ရှိ ရာနှင့်ချီသော ဟိုတယ်များ၊ ချွေးထုတ်ခန်းများနှင့် ကာရာအိုကေဆိုင်များကို ဝင်ရောက်စီးနင်းခဲ့ကြပြီး လူပေါင်း ၆၇ ဦးကို ဖမ်းဆီးကာ နေရာပေါင်း ၁၂ ခုကို ပိတ်ပစ်ခဲ့သည်။ ရဲတပ်ဖွဲ့ အကြီးအကဲနှစ်ဦးကိုလည်း ရာထူးမှချထားလိုက်ကြောင်း နိုင်ငံပိုင်မီဒီယာက ကြေညာလိုက်သည်။

တနင်္ဂနွေနေ့ည သတင်းအစီအစဉ် တစ်ရပ်တွင် တရုတ်ဗဟို ရုပ်မြင်သံကြားဌာန (CCTV) က တောင်ကွမ်မြို့တွင် ကြီးထွားနေသော ပြည့်တန်ဆာလုပ်ငန်းအကြောင်း အသေးစိတ် တင်ဆက်ခဲ့သည်။ တောင်ကွမ်သည် စက်မှုလုပ်ငန်းထွန်းကားသည့် တစ်မြို့ဖြစ်ပြီး ယင်းမြို့ရှိ ရွှေ့ပြောင်းလုပ်သား ၁ဝ ဦးတွင် တစ်ဦးနှုန်းသည် လိင်လုပ်ငန်း၌ ပါဝင်နေသည်ဟုဆိုသည်။

ဝှက်ထားသော ကင်မရာများကို အသုံးပြုလျက် ထုတ်လွှင့်ပြသခဲ့သည့် CCTV ၏ နာရီဝက်ကြာ အစီအစဉ်တွင် အခန်းများအတွင်းနှင့် နေရာပေါင်းများစွာရှိ စင်မြင့်များပေါ် တဲလင့်ရှိုးပုံစံမျိုးဖြင့် တန်းစီရပ်နေသည့် အမျိုးသမီးငယ်များစွာကို တွေ့မြင်ရပြီး ဧည့်သည်အယောင်ဆောင်ထားသော သတင်းထောက်က တစ်ဦးချင်းစီ၏ ဈေးနှုန်းများကို မေးမြန်းနေပုံကို ပြသခဲ့သည်။ ယင်းအစီအစဉ်တွင် သတင်းထောက်က မြို့တွင်းရဲစခန်းနှစ်ခုကို ဖုန်းဆက်တိုင်ကြားပုံကိုပါ ပြသခဲ့ပြီး နှစ်ကြိမ်စလုံး၌ ရဲများမြို့ရောက်လာခဲ့ပေ။ သတင်းထောက်က လိင်လုပ်ငန်းလုပ်ကိုင်နေသည့်နေရာမှ ဝန်ထမ်းတစ်ဦးကို “ရဲတွေရောက်လာမှာလား” ဟု မေးမြန်းခဲ့ပြီး ဝန်ထမ်းက “စိတ်မပူပါနဲ့ ရဲတွေမလာပါဘူး” ဟု ဖြေကြားခဲ့ပုံကိုလည်း ပြသခဲ့သည်။

CCTV ၏ ပြသမှုကို တုံ့ပြန်သည့်အနေဖြင့် ရဲများက တောင်ကွမ်မြို့ရှိ ပြည့်တန်ဆာလုပ်ငန်းများကို သုံးလတိုင်တိုင် အပြင်းအထန်နှိမ်နင်းခဲ့ရာ တရုတ်အင်တာနက် အသုံးပြုသူများက CCTV ကို အပြင်းအထန် ဝေဖန်ခဲ့ကြသည်။ CCTV သည် လိင်လုပ်ငန်းဖြစ်ပေါ်လာခြင်း အကြောင်းရင်းများ၏ တကယ့်ဇာစ်မြစ်ကို မတင်ပြဘဲ လုပ်ငန်းတွင်ပါဝင်သည့် အမျိုးသမီးများကို အရှက်ခွဲရုံ အတွက်သာ အာရုံပြုခဲ့သည်ဟု အချို့က ဝေဖန်ကြသည်။

Sina Weibo တွင် ဖော်ပြသည့် ကျော်ကြားသော မက်ဆေ့ဂ်ျတစ်ခုတွင် “မငိုပါနဲ့၊ တောင်ကွမ်ရယ်။ CCTV က အညှာအတာ ကင်းမဲ့လွန်းပေမယ့် ကမ္ဘာကြီးကတော့ မေတ္တာတွေအပြည့်နဲ့ပါ။ အားတင်းထားပါကွယ်” ဟူ၍ဖြစ်သည်။ အချို့က တောင်ကွမ်တွင် မည်သူမဆိုသိနေသည့် လုပ်ငန်းအကြောင်းကို တကူးတက ဖော်ထုတ်ခဲ့ရသည့် CCTV သတင်းထောက်ကို လှောင်ပြောင်ခဲ့ကြရသည်။ ယင်းသည် စတားဘက်က တရုတ်များကို ဈေးမတန်တဆယူကြောင်း ဖော်ထုတ်တင်ပြပုံမျိုးနှင့် တူသည်ဟုလည်း လှောင်ပြောင်ခဲ့ကြသည်။

Ref:AFP

Read More

ချစ်သူနဲ့ ဒိတ်လုပ်တဲ့အခါ သင်ရော သင့်ချစ်သူပါ သဘောကျစေမယ့် အမိုက်စား ၀တ်စုံ ၇မျိုး

တစ်ခါတစ်လေ ချစ်သူနဲ့ဒိတ်လုပ်တဲ့အခါ အရမ်းတိုတာမျိုး၊ ဟိုက်တာမျိုးတွေ ၀တ်စားသွားလို့ အဆင်မပြေတာမျိုးတွေ ကြုံဖူးမှာပါ။ ကိုယ့်ချစ်သူက နောက်တစ်ခါ ဒီလို ၀တ်မလာနဲ့နော်လို့ အပြောခံရရင် ကိုယ်လည်း အောင့်သက်သက်ဖြစ်သလို နှစ်ယောက်စလုံး အနေရခက်စေမှာပါ။ ဒီလိုပဲ အချိန်တိုင်း ယောင်္ကျားဆန်ဆန် တီရှပ်၊ စပို့ရှပ်နဲ့ ဂျင်းဘောင်းဘီကြီးနဲ့ဆိုတော့လည်း ကြာရင် ဘယ်ရင်ခုန်စရာကောင်းတော့မလဲနော်။ ဒါ့ကြောင့် ကိုယ်နဲ့ရော ကိုယ့်ချစ်သူပါ စိတ်ကြိုက်ဖြစ်စေမယ့် အမိုက်စား အ၀တ်အစားလေးတွေ ဖော်ပြပေးလိုက်ပါတယ်။

၁။ အဖြူရောင်ဝတ်စုံ၊ dress တွေဟာ မြင်တွေ့ရသူတိုင်းကို အာရုံကိုဖမ်းစားနိုင်ပါတယ်။ တစ်ကိုယ်လုံးအဖြူရောင်နဲ့ ပတ်သက်တာတွေကြီး ဆင်မြန်းထားလို့ အူကြောင်ကြောင်ကြီးလို့ မခံစားပါနဲ့။ သူများနဲ့မတူတဲ့ ဖက်ရှင်တစ်ခု ပိုင်ဆိုင်ထားတာလို့ ကိုယ့်ကိုယ်ကိုယ် ယုံကြည်မှုရှိရှိနေပါ။



၂။ကိုယ့်ရဲ့ဘော်ဒီအလှကိုလည်း ပေါ်လွင်စေမယ်၊ ကြည့်ရတာလည်း အရမ်းကြီး ဟော့နေတာမျိုး မဖြစ်စေချင်ရင်တော့ ခုနောက်ဆုံး ပျိုမေတွေ vote အများဆုံးပေးထားတဲ့ ဖက်ရှင်တစ်မျိုးကို ပြောပြပေးပါမယ်။ အပေါ်က sweatshirtလိုဟာမျိုးနဲ့ အောက်က body-conscious စကတ်လိုဟာမျိုး တွဲဝတ်လိုက်ပါ။ ဒီမှာ အတွေ့ရနည်းနေသေးပေမယ့် သိပ်ကိုအထာကျတဲ့ ဖက်ရှင်ပါပဲ။



၃။ဘယ်ကောင်လေးမဆို ကိုယ့်ချစ်သူကောင်မလေးကို တီရှပ်၊ skinny ဘောင်းဘီကို တွဲဖက်ဝတ်ဆင်ထားတဲ့ ရိုးရှင်းတဲ့အလှမျိုး တွေ့ဖူးချင်ကြမှာပါ။ ဒါပေမယ့် ဒီလိုဖက်ရှင်မျိုးကို သာမန်လို့ မထင်ရအောင်တော့ ကိုယ်စီးမယ့်ဖိနပ်၊ ကိုယ့်ရဲ့မျက်နှာအပြင်အဆင်၊ အခြားသောအဆင်တန်ဆာတွေနဲ့ ပြင်ဆင်တတ်ဖို့လိုတာပေါ့နော်။



၎။ဆက်စီမကျပေမယ့် အထာကျတယ်လို့ ခံစားနိုင်စေဖို့ ဒူးလောက်ရှည်တဲ့ dress တစ်ထည်နဲ့ ဂျက်ကတ်အမိုက်စား တွဲဝတ်ကြည့်လိုက်ပါ။ စီးမယ့် ဖိနပ်ကတော့ boot ဖြစ်ရင် ပိုကောင်းပါတယ်။ အားလုံးဝိုင်းငေးရတဲ့ ဖက်ရှင်မျိုးမို့ ကိုယ်နဲ့တွဲပြီး လမ်းလျှောက်သွားမယ့် ကိုယ့်ချစ်သူကောင်လေး အကျေနပ်ကြီး ကျေနပ်စေမှာပါ။



၅။မလိုက်ဖက်ဘူးလို့ထင်တဲ့အရာတွေကို ရောပြီးဝတ်ဆင်ကြည့်ဖူးပါသလား။ ပုံမှာပြထားသလို စီးကွင့်တွေနဲ့ ဖန်တီးထားတဲ့ pencil စကတ်မျိုးနဲ့ အပေါ်က student coat လို အရာမျိုး ရောဝတ်ကြည့်တာကို ပြောတာပါ။ ဒါဟာ ဘယ်သူမှ မထင်ထားတဲ့ ဖက်ရှင်တွေထဲက တစ်ခုပါ။ ချစ်သူနဲ့ ညစာစားတဲ့အခါ ၀တ်သွားကြည့်လိုက်ပါ။



၆။ရိုးရှင်းတဲ့ဖက်ရှင်က အဆန်းဆုံးဆိုတာ အားလုံးသိပြီးဖြစ်မှာပါ။ ကိုယ်ဝတ်ထားတဲ့ အင်္ကျံ၊ စကတ်ကို နည်းနည်းလေး အထာကျစေချင်ရင် ဂျင်းအင်္ကျံတစ်ထပ် ထပ်လိုက်ရုံပါပဲ။ ဒါဟာ ချစ်သူနဲ့တွေ့ဖို့ လေး၊ ငါးနာရီအချိန်ပေးထားတာမျိုး မပေါက်ဘဲ ချစ်သူကောင်လေးကလည်း နှစ်ခြိုက်စေမယ့် ဖက်ရှင်တစ်ခုပါပဲ။ အောက်ကစီးမယ့်ဖိနပ်ကိုလည်း All Star လိုဟာမျိုးပဲရွေးပါ။ Converse မဟုတ်ရင်တောင် sneaker အမိုက်စားတစ်ရံလောက်ပေါ့။



၇။မိန်းကလေးတွေအတွက် မငြင်းပယ်နိုင်တဲ့ ဖက်ရှင်အဆင်အသွေးတွေထဲမှာ အကွက်တွေ၊ အစက် အပြောက်တွေ ထိပ်ဆုံးက ပါဝင်နေဆဲပါ။ ကိုယ့်ဆီမှာ အဲ့ဒီလိုမျိုး ရှပ်အကွက်လေးတွေ၊ အစက်အပြောက်ဘောင်းဘီလေးတွေ၊ နောက် ဗြောင်အဖြူရှပ်လေးတွေ ပိုင်ဆိုင်ထားတယ်ဆိုရင်တော့ ကိုယ်ကြိုက်တဲ့အချိန်သာဝတ် ဘယ်တော့မှ ရိုးသွားမှာ မဟုတ်ပါဘူး။





Ref:luckymag.com

Read More

Vogue မဂ္ဂဇင်းအတွက် Madonna ဟန်လွှမ်းမိုးတဲ့ ခန္ဓာကိုယ်အပေါ်ပိုင်းဗလာကျင်းဓာတ်ပုံအရိုက်ခံခဲ့တဲ့ Miley Cyrus

မကြာသေးမီက Miley Cyrus တစ်ယောက်ဟာ W မဂ္ဂဇင်းအတွက် လိင်အသားပေး ဓာတ်ပုံတွေရိုက်ခဲ့ပြီး တစ်ဆင့်တက်လာပါတယ်။

Miley ဟာ အဲဒီ့ W မဂ္ဂဇင်း issue အတွက် ရိုက်ခဲ့တဲ့ စိတ်အနှောက်အယှက်ဖြစ်စရာ ပုံတွေကိုတင်ခဲ့တာဖြစ်ပါတယ်။ သူမရဲ့သားမြတ်ခေါင်းအစိတ်အပိုင်းအချို့ကိုလှစ်ဟပြသခဲ့တဲ့ရိုက်ချက်တွေဖြစ်ပါတယ်။

အခုအခါမှာတော့သူမဟာ Vogue မဂ္ဂဇင်း German edition မတ်လ အတွဲအတွက်လုံးဝကို အထက်ပိုင်းဗလာကျင်းပြီးဓာတ်ပုံအရိုက်ခံခဲ့တာဖြစ်ပါတယ်။

Miley ဟာဒီရိုက်ကူးမှုအတွက် Madonna ပုံလုံးဝဖမ်းခဲ့တာဖြစ်ပါတယ်။ Material Girl MTV ထဲကစတိုင်လ်အတိုင်း ဆံပင်အတုနဲ့ အနီရောင်တောက်တောက် နှုတ်ခမ်းနီတွေလိမ်းထားတာဖြစ်ပါတယ်။

ပြီးတော့ဓာတ်ပုံနှစ်ပုံအတွက်ပေါ်ပိုင်းဗလာကျင်းခဲ့ပါတယ်။ သူမဟာအရွယ်ရောက်သူတစ်ဦးဖြစ်ပြီး သူများတွေဘယ်လိုထင်ထင်ဂရုမစိုက်ကြောင်းပြောသွားပါတယ်။

Miley ဟာ W မဂ္ဂဇင်းနဲ့ရိုက်ထားတဲ့ဓာတ်ပုံရိုက်ကူးတုန်းက ဓာတ်ပုံဆရာနှစ်ဦးဖြစ်တဲ့ Mert Alas နဲ့ Marcus Piggott တို့နဲ့ အိပ်ရာထဲမှာ လဲလျောင်းပြီး ရိုက်ကူးထားတဲ့ပုံကိုလဲ twitter မှာတင်ခဲ့ပါတယ်။












Ref:starpulse.com

Read More

ဖက်ရှင်က လူတစ်ယောက်အတွက် ၈၀ရာခိုင်နှုန်းလောက်အရေးပါတယ်လို့ ဆိုတဲ့ သဲနော်ဇာ

၂၀၁၀ အကယ်ဒမီဗန်းကိုင်လုပ်ရင်းနဲ့ အခုနောက်ပိုင်း ဗီဒီယိုဇာတ်ကား တော်တော်များများမှာ ပါဝင်သရုပ်ဆောင်နေရပြီဖြစ်တဲ့ သဲနော်ဇာကို ဖက်ရှင်နဲ့ ပတ်သက်ပြီး သူမရဲ့အမြင်လေးတွေ ဘယ်လိုရှိတယ်ဆိုတာကို မေးမြန်းဖြစ်ခဲ့တာကတော့ ‘သဲနော်ဇာက ဖက်ရှင်နဲ့ပတ်သက်ပြီးတော့ ကာရိုက်တာနဲ့ဆိုရင်တော့ ကာရိုက်တာနဲ့ လိုက်အောင်လို့ဝတ်ဖြစ်ပါတယ်။ အပြင်မှာဆိုရင်တော့ Classicဆန်ဆန်လေးတွေ ဝတ်ဖြစ်နေပါတယ်။ Classic စတိုင်လ်မျိုးဝတ်ရတာ ကိုပိုကြိုက်နေတယ်။ အင်တာနက်ကလည်း လေ့လာဖြစ်ပါတယ်။ ကိုယ်ကြိုက်တဲ့၊ သဘောကျတဲ့ပုံစံ မျိုးတွေတွေ့ရင်တော့ Saveပြီး သိမ်းထားတတ်တယ်။ စုဆောင်းထားတတ်တယ်။ လိုသလို အသုံးပြုလို့ရအောင်ပါ။ ဖက်ရှင်နဲ့ ပတ်သက်ပြီးပြောရရင် သဲနော်ဇာက ဖက်ရှင်အရမ်းကျတဲ့အထဲမှာ မပါပါဘူး။ ဒါပေမဲ့ ဖက်ရှင်က ကိုယ်နဲ့လိုက်ဖက်ပြီး ကိုယ့်အတွက်ယုံကြည်မှုနဲ့ သက်တောင့်သက်သာရှိစေမယ်ဆိုရင် လူကြားထဲမှာလည်း နေရထိုင်ရတာ သက်တောင့်သက်သာရှိမယ်။ ကိုယ့်ကိုကိုယ်လည်း ယုံကြည်မှုရှိစေမှာပါ။ ကိုယ်နဲ့ မလိုက်ဖက်တဲ့ဖက်ရှင်ပုံစံမျိုးတွေ ဝတ်ပြီးတော့ မဝံ့မရဲဖြစ်နေမယ် ဆိုရင် ဘယ်လောက်ပဲ အဝတ်အစားက ဖက်ရှင်ကျနေပါစေ၊ ကိုယ်နဲ့လိုက်ဖက်မှာ မဟုတ်ပါဘူး။ ဖက်ရှင်ကျတဲ့ သူတစ်ယောက်မဖြစ်နိုင်ဘူးပေါ့။ ဖက်ရှင်က လူတစ်ယောက်အတွက် ၈၀ရာခိုင်နှုန်း လောက်အရေးကြီးပါတယ်လို့ဆိုပြီးပြောပြခဲ့ပါတယ်။

Read More

မြစ်ဝကျွန်းပေါ်ဒေသတွင် နယ်လှည့်ဆေးကုသရေး ရေယာဉ်အဖြစ် အသုံးပြုမည့် Swimming Doctors 2 ရေယာဉ်သစ် ရေချပွဲပြုလုပ်

Swimming Doctors 2 ရေယာဉ်သစ်ကို တွေ့ရစဉ် (ဓာတ်ပုံ-ရွှန်းလဲ့ဝင်း)


မြစ်ဝကျွန်းပေါ်ဒေသတွင် နယ်လှည့်ဆေးကုသရေး ရေယာဉ်အဖြစ် အသုံးပြုမည့် Swimming Doctors 2 ရေယာဉ်ရေချပွဲကို ဖေဖော်ဝါရီ ၁၁ ရက်က မြန်မာ့သင်္ဘောကျင်းလုပ်ငန်း လျှောလမ်းသုံးလွန်းကျင်း၌ ကျင်းပခဲ့ကြောင်း သတင်းရရှိသည်။

Swimming Doctors 2 ရေယာဉ်ရေချပွဲ အခမ်းအနားကို ဂျာမနီနိုင်ငံသမ္မတ မစ္စတာဂျိုဝါချင်ဂေါက်ခ်၏ဇနီး မစ္စစ်ဒါနီလာရှိတ်နှင့်အဖွဲ့၊ ပို့ဆောင်ရေးဝန်ကြီးဌာန၊ ဒုတိယဝန်ကြီး ဦးဟံစိန်နှင့် တာဝန်ရှိသူများ တက်ရောက်ခဲ့ကြကြောင်း သိရသည်။

အဆိုပါရေယာဉ်အား ဂျာမနီနိုင်ငံ Stif tung life ဖောင်ဒေးရှင်းက လှူဒါန်းခြင်းဖြစ်ပြီး Uniteam Marine (Yangon) Ltd မှ မြန်မာ့သင်္ဘောကျင်းလုပ်ငန်းသို့ လုပ်ငန်းအပ်နှံ တည်ဆောက်ခဲ့ခြင်းဖြစ်သည်။

ဂျာမနီနိုင်ငံ Stif tung life ဖောင်ဒေးရှင်းသည် နာဂစ်မုန်တိုင်းဖြစ်ပြီး နောက်ပိုင်းမှစ၍ မြစ်ဝကျွန်းပေါ် ဒေသများတွင် ဆေးရုံသင်္ဘောဖြင့် ဆေးကုသရေးလုပ်ငန်းများ၊ မြန်မာနိုင်ငံ အထက်ပိုင်းဒေသများတွင် စာသင်ကျောင်းဆောက်လုပ် လှူဒါန်းခြင်းနှင့် ဆိုလာမီးအိမ် လှူဒါန်းခြင်းများကို ပြုလုပ်ပေးခဲ့ကြောင်း သိရသည်။

အဆိုပါ ဖောင်ဒေးရှင်းမှ လှူဒါန်းသော နယ်လှည့်ဆေးကုသရေး ရေယာဉ်မှာ ယခုအစင်းသည် ဒုတိယမြောက်ဖြစ်ပြီး Swimming Doctors 1 ရေယာဉ်ဖြင့် မြစ်ဝကျွန်းပေါ် ဒေသများတွင် ဆေးကုသရေးလုပ်ငန်းများ လုပ်ဆောင်လျက်ရှိကြောင်း သိရသည်။

“Stif tung life ဖောင်ဒေးရှင်းက ဆေးရုံသင်္ဘောနဲ့ မြစ်ဝကျွန်းပေါ်ဒေသတွေဖြစ်တဲ့ ဘိုကလေး၊ ဖျာပုံနဲ့ ဒေးဒရဲဒေသတွေမှာ ဆေးကုသပေးတဲ့ ဝန်ဆောင်မှုကို ပေးအပ်သွားမှာပါ။ နောက်တစ်လခွဲလောက် အကြာမှာ သင်္ဘောပြင်ဆင်မှုတွေ ပြီးစီးလို့ ဆေးကုသတဲ့လုပ်ငန်းကို စတင်နိုင်တော့မှာပါ” ဟု Uniteam Marine (Yangon) Ltd မှ MD ဖြစ်သူ Capt သန်းဦးက ပြောကြားသည်။

Swimming Doctors 2 ရေယာဉ်သည် အလျားပေ ၁ဝဝ၊ ဗြက် ၂၅ ပေ၊ ဇောက် ၇ ဒသမ ၅ ပေ၊ ရေစူးလေးပေ၊ အမြန်နှုန်းကိုးမိုင်ရှိပြီး ၁၇၉ ကီလိုဝပ်ရှိ ပင်မအင်ဂျင်နှစ်လုံးနှင့် ၃ဝ ကီလိုဝပ်ရှိ မီးစက်တပ်ဆင်ထားကြောင်း သိရသည်။

ရေယာဉ်တွင် ဆေးကုသခန်းသုံးခန်း၊ အရေးပေါ်ခွဲစိတ်ခန်းတစ်ခန်း၊ ဓာတ်ခွဲခန်းတစ်ခန်း၊ သွားဘက်ဆိုင်ရာ ကုသခန်းတစ်ခန်းနှင့် ဆေးသိုလှောင်ခန်းတစ်ခန်း ပါရှိကြောင်း သိရသည်။ ရေယာဉ်၏တန်ဖိုးမှာ ကျပ်သန်း ၃၅ဝ ဖြစ်ကြောင်း သိရသည်။

Read More

ဆံကေသာသန်စွမ်းစေမယ့် လျှို့ဝှက်ချက်

ဆံပင်တွေ နက်မှောင်ဖို့ ၊ သန်စွမ်းဖို့ ၊ ထူထဲပြီးတောက်ပနေစေဖို့အတွက် လျှို့ဝှက်ချက်ဆိုတာ ဈေးကြီးတဲ့ ခေါင်းလျှော်ရည်တွေနဲ့ နာမည်ကြီး ဗြူးတီးဆလွန်းတွေရဲ့ ကုသပေးမှုတွေ မဟုတ်ပါဘူး။ လျှို့ဝှက်ချက်က သင့်ရဲ့ အစားအသောက် ပုံစံပါပဲ။ ကျန်းမာရေးကို အထောက်အကူပြုတဲ့ အမျိုးမျိုးသော အစားအစာတွေကသာ ဆံကေသာအတွက် ကုစားမှုအစစ်အမှန်ပါ။

အခုဖော်ပြပေးမယ့် အာဟာရတွေကို အသုံးချပြီး ကျန်းမာသန်စွမ်းတဲ့ ဆံပင်တွေ ပိုင်ဆိုင်နိုင်ဖို့ ကြိုးစားကြည့်လိုက်ပါ။

(၁) Iron and Zinc



Iron နဲ့ Zinc တို့က သင့်ဦးခေါင်းအရေပြားမှာရှိတဲ့ မွှေးညှင်းပေါက်လေးတွေကို ကြီးထွားစေပါတယ်။ ဒါအတွက်ကတော့ အနီရောင်ရဲရဲ အသားတွေကို စားပေးပါ။ အသားတွေက အဟာရဓါတ်လည်း ပြည့်ဝတဲ့ အတွက် တစ်ပါတ်ကို နှစ်ကြိမ်လောက်တော့ စားပေးသင့်ပါတယ်။

(၂) Vitamin D



လေ့လာတွေ့ရှိချက် အများကြီးအပြီးမှာ ဗီတာမင်ဒီဟာ သင့်ရဲ့ဆံပင်ကို သန်စွမ်းစေပါတယ်တဲ့။ ဒါပေမယ့် ဗီတာမင်ဒီဆိုတာ လှည့်ကွက်များတဲ့ ဓါတ်ပါ။ သဘာဝအစားအစာတွေမှာ အနည်းငယ်သာ ပါဝင်တတ်ပြီး နေရောင်ခြည်ထဲမှာ မိနစ်အနည်းငယ်လောက် ထိုင်ရုံနဲ့လည်း ရတတ်ပါတယ်။ ဒါပေမယ့် ကျန်းမာရေးပညာရှင်တွေကတော့ UV ray တွေရှိတာကြောင့် ဒီနည်းလမ်းကို ကန့်ကွက်ပါတယ်။ ဒီတော့ အကောင်းဆုံးက ဗီတာမင်ဒီ ပါဝင်တဲ့ အားဆေးတွေ သောက်သုံးဖို့ပါပဲ။

(၃) Protein



ပရိုတိန်းဆိုတဲ့ အသားဓါတ်ကတော့ ဘ၀တစ်ခုတည်ဆောက်ရာမှာ အုတ်ချပ်တွေလို အရေးပါတဲ့ အရာပါပဲ။ ဆဲလ်တွေကြီးထွားဖို့ အားပေးနိုင်ပြီး ဆဲအသစ်တွေ ပြန်လည်မွေးဖွားပေးပါတယ်။ ဆံပင်ရဲ့ ခံနိုင်အားကိုလည်း ပြန်လည်တည်ဆောက်ပေးပါတယ်။ အမျိုးသမီးတွေအနေနဲ့ အနည်းဆုံး တစ်ရက်ကို ၄၆ ဂရမ်လောက် စားပေးသင့်ပါတယ်။ ကြက်သား (၃)အောင်စ စားသုံးရင် ၂၃ ဂရမ်ရနိုင်ပါတယ်။

(၄) Omega-3 Fatty Acids



အဆီဓါတ်များတဲ့ငါး(ဥပမာ-ဆယ်လ်မွန်)လို ငါးမျိုးကို တစ်ပါတ်နှစ်ကြိမ် စားပေးခြင်းက ဆံပင်ကို ရေဓါတ် ပြည့်ဝစေပါတယ်။ ပိုးသားလို နူးညံ့ဖို့အတွက်တော့ အိုမီဂါ-၃ အက်ဆစ်ဓါတ်တွေက သော့ချက်ဖြစ်ပြီး နှလုံးကိုလည်း အထောက်အကူပေးပါတယ်။

(၅) Biotin



ကြက်ဥတွေဟာ ဗီတာမင် ဘီ ဓါတ်ကြွယ်ဝပြီး ဆံကေသာ သန်စွမ်းဖို့အတွက်တော့ မရှိမဖြစ်လိုအပ်ပါတယ်။ ပြီးတော့ ပရိုတိန်း ၊ ကလိုရင်း နဲ့ ဗီတာမင် ဒီ စတာတွေရဲ့ အရင်းအမြစ်ဆိုလည်း မမှားပါဘူး။

ဒီအစားအစာတွေကို သင့်ရဲ့နေ့စဉ် အစားအသောက်စာရင်းမှာ အလှည့်ကျ ထည့်သွင်းပေးသွားမယ် ဆိုရင်တော့ ဘယ်ခေါင်းလျှော်ရည် ၊ ဘယ်ဗြူးတီးဆလွန်းမှ မလိုတော့ပါဘူး။ သင့်ဆံပင်တွေ သန်စွမ်းမယ့် အခွင့်အရေးက သင့်လက်တကမ်းမှာပါ။

Ref:health.com

Read More

ချစ်သူနှစ်ဦးကြား မရှိမဖြစ်လိုအပ်တဲ့ အရာလေးတွေ

လူ (၁၀၀)ကိုမေးလိုက်ရင် (၈၀) လောက်ကတော့ ဈေးကြီးတဲ့ ညစာဒိတ်တွေနဲ့ တန်ဖိုးကြီး လက်ဆောင်ပစ္စည်းတွေက ချစ်ခရီးလမ်းရဲ့ သော့ချက်ပါလို့ ဖြေတတ်ကြပါလိမ့်မယ်။ ဒါပေမယ့်လည်း တကယ်တမ်းမှာတော့ သင်တို့ထင်တာမှားပါတယ်။

အခုဖော်ပြပေးမယ့် မဖြစ်စလောက်သော သေးငယ်တဲ့ အပြုအမူလေးတွေက ချစ်ခရီးလမ်းမှာ ကြီးမားတဲ့ အပြောင်းအလဲတစ်ခု ဖြစ်စေနိုင်တယ်ဆိုတာ သင်သတိမူမိမှာ မဟုတ်ပါဘူး။ သင့်ရဲ့ ချစ်ခရီးလမ်း ဒီထက်သာယာဖြောင့်ဖြူးဖို့ ဆိုရင်တော့ နှလုံးသားထဲမှာ ချစ်ခြင်းအပြည့်ရှိနေဖို့နဲ့ ဒီအပြုအမူလေးတွေကို ထပ်ပေါင်းထည့်ဖို့ပဲ လိုတာပါ။

(၁) မနက်လင်းချိန်နဲ့ အိပ်ရာဝင်ချိန်တွေအတွက် သတိတရစာတိုလေးတွေ ပို့ပါ။

မိုးလင်းချိန်မှာ “မင်္ဂလာမနက်ခင်းပါ ကောင်လေး/ကောင်မလေးရေ။ အိပ်ရာနိုးနိုးချင်း မင်းကိုပဲသတိရတယ်” စသဖြင့် နှုတ်ဆက်စာလေးတွေ ပို့ပေးခြင်းက သင့်အတွက် အပန်းမကြီးပေမယ့်လည်း အလွန်အသုံးဝင်ပါတယ်။ ဒီလိုပဲ ညအိပ်ရာဝင်ချိန်လေးတွေမှာလည်း “ဒီနေ့အရာရာ အဆင်ပြေလား။ မင်းအကြောင်းပဲတွေးနေမိလို့ အိပ်မရသေးဘူး” စတာမျိုး ပို့ပေးပေါ့။ အိပ်ရာဝင်ချိန် စာတိုလေးတွေမှာ အနမ်းလေးတွေ ထည့်ပေးဖို့လည်း မမေ့နဲ့နော်။

(၂) အိမ်ရှေ့ရောက်တဲ့အထိ စိတ်ချရအောင်လိုက်ပို့ပေးတဲ့ အကျင့်ရှိပါ။

ဒီအချက်ကိုပြောလို့ သူမရဲ့ ယဉ်မောင်းသမားတစ်ဦး ဖြစ်ရမယ်လို့ မဆိုလိုပါဘူး။ ဆိုလိုတာက gentleman မှန်သမျှဟာ သူတို့ရဲ့ကောင်မလေးကို ချိန်းတွေ့ပြီးအပြန် အန္တရာယ်ကင်းအောင် ဂရုစိုက်တာမျိုးတော့ လုပ်သင့်ပါတယ်။ သူမအနေနဲ့လည်း တစ်ယောက်တည်းပြန်လို့ရသလို သင်ကလည်း သူမကို ကာကွယ်ပေးနိုင်တဲ့ တစ်ဦးတည်းသော အမျိုးသား မဟုတ်ပါဘူး။ ဒါပေမယ့် ဒီအချက်ကို ရိုးရိုးရှင်းရှင်းပဲ တွေးကြည့်တဲ့အခါ သင့်ရဲ့ သူမအပေါ်တန်ဖိုးထား ဂရုစိုက်မှုကို ဖော်ပြတာပါ။

(၃) သူမရဲ့ယုံကြည်ရသူ ဖြစ်ပါစေ။

ချစ်သူနှစ်ဦးကြား အရေးကြီးဆုံးနဲ့ တန်ဖိုးအရှိဆုံး အချက်ကတော့ တစ်ဦးနဲ့တစ်ဦး ပွင့်လင်းစွာ ဆွေးနွေးနိုင်တာပဲ ဖြစ်ပါတယ်။ တစိမ်းတွေထဲက အရင်းနှီးဆုံးဖြစ်တဲ့ သင်တို့နှစ်ဦးမှာ တစ်ဦးရဲ့လျှို့ဝှက်ချက်ကို တစ်ဦးက ယုံကြည်စွာ ဆွေးနွေးနိုင်ပြီဆိုရင်တော့ ဒီချစ်ခရီးလမ်းက ပျက်ယွင်းဖို့ အတော်လေးခဲယဉ်းသွားပါပြီ။ ဒါကြောင့် တစ်ဦးနဲ့တစ်ဦး ယုံကြည်ရအောင် လုပ်ဆောင်ပါ။

(၄) ရက်စွဲတွေကို မှတ်ထားပါ။

အမျိုးသားတွေမှာ ရက်စွဲမမှတ်မိတတ်တဲ့ ပြဿနာရှိပြီး အမျိုးသမီးတွေကလည်း ဒါကိုပဲ ပြဿနာ ရှာချင်ကြပါတယ်။ ဒါကြောင့် အရေးကြီးတဲ့ ရက်စွဲတချို့ (ဥပမာ-မွေးနေ့၊ ချစ်သက်နှစ်ပတ်လည်နေ့၊ စတွေ့တဲ့နေ့) စတာမျိုးလောက်တော့ မှတ်မိနိုင်အောင်ကြိုးစားထားပါ။ ဖုန်းထဲမှာပဲဖြစ်ဖြစ် သူမမသိအောင် သိမ်းဆည်းထားပါ။ သူမမေးတဲ့ ရက်စွဲတစ်ခုကို တန်းခနဲဖြေနိုင်ရင်တော့ သင်အတော်လေးအမှတ်ရမှာပါ။ ဒီအချက်လေးကလည်း သေးငယ်ပေမယ့် အရေးပါပါတယ်။

(၅) မျှော်လင့်ချက်ပန်းတိုင်တွေကို ဝေမျှပါ။

သင့်ရဲ့ ရည်မှန်းချက်တွေနဲ့ အသက်မွေးဝမ်းကြောင်း အစီအစဉ်တွေထဲ သူမကို ထည့်သွင်းစဉ်းစားပြီး မျှဝေပေးခြင်းက အလွန်ပဲအရေးကြီးပါတယ်။ ဒီအပြုအမူက သူမကို သင်ဘယ်လောက်ထိ ရည်ရွယ်ထားကြောင်း သိစေနိုင်ပြီး သင့်အတွက်သူမက အရေးပါတယ်လို့ ဆိုလိုတာလည်း ဖြစ်ပါတယ်။ ဒီလိုလုပ်ဖို့ကို ရှက်ရွံ့နေစရာမလိုပဲ သင့်အလုပ်အကြောင်းကို သူမနဲ့ ဆွေးနွေးလို့ရရင် ဆွေးနွေးပါ။

ပြောခဲ့တဲ့ ဒီအပြုအမူ ၊ အပြောအဆိုလေးတွေဟာ ဘာမှအပန်းမကြီးတာ မှန်ပေမယ့် သင်တို့ချစ်ခရီးလမ်းကိုတော့ အများကြီးအထောက်အကူဖြစ်တာပေါ့။ နားလည်မှုနဲ့ ပြည့်စုံနိုင်မယ့် ချစ်ခြင်းတစ်ခုဆိုတာ ရွှေတွေ ငွေတွေပေးဝယ်လို့ မရတာအသေအချပါပဲ။

Ref:mensxp.com

Read More

ဆေးလိပ်သောက်သူ အမျိုးသမီးများ ရင်သားကင်ဆာ သတိထား

ဆေးလိပ်သောက်တတ်တဲ့ အမျိုးသမီးတွေ ဆေးလိပ်ဖြတ်ဖို့ အကြောင်းရင်းတစ်ခု ရလာပါပြီ။ လေ့လာမှုသစ်တစ်ရပ်အရ ရင်သားကင်ဆာရောဂါ ဖြစ်ပွားမှုနှုန်း နဲ့ ဆေးလိပ်သောက်တာအကြား ဆက်စပ်မှုတစ်ရပ် ရှိနေပါတယ်။

ဒီသုတေသနရပ်ကို ၀ါရှင်တန်ပြည်နယ်၊ Seattle ဆိပ်ကမ်းမြို့ Hutchinson ကင်ဆာသုတေသနစင်တာ ကနေ ပြုလုပ်ခဲ့တာဖြစ်ပြီး အသက် ၂၀-၄၄ကြား ကင်ဆာရောဂါသည် အမျိုးသမီးတွေကို ၂၀၀၄ခုနှစ်ကနေ ၂၀၁၀ ခုနှစ်အတွင်း လေ့လာခဲ့တာဖြစ်ပါတယ်။ estrogen receptor-positive မူကွဲ ရင်သားကင်ဆာဖြစ်နေသူ ၇၇၈ယောက်နဲ့ triple-negative မူကွဲ ရင်သားကင်ဆာဖြစ်နေသူ ၁၈၂ယောက် တို့ရဲ့ သုတေသနရလဒ်တွေကို ကင်ဆာကင်းမဲ့သူ အမျိုးသမီး ၉၃၈ ယောက်နဲ့ နှိုင်းယှဉ်လေ့လာခဲ့တာပါ။

သုတေသနရပ်ကို ဒေါက်တာ Christopher Li ကဦးဆောင်ခဲ့ပါတယ်။ ဆေးလိပ်တစ်နေ့ တစ်ဗူးနှုန်းနဲ့ ဆယ်နှစ်အနည်းဆုံး သောက်လာတဲ့ အမျိုးသမီးတွေဟာ estrogen receptor-positive မူကွဲ ရင်သားကင်ဆာဖြစ်ဖို့ ၆၀ရာခိုင်နှုန်း ဖြစ်နိုင်ခြေမြင့်သွားတာကို ရှာဖွေတွေ့ရှိခဲ့ပါတယ်။ ဆေးလိပ် တစ်နေ့တစ်ဗူးနှုန်းထက် လျော့သောက်တဲ့ အမျိုးသမီးတွေဟာတော့ ၁၅နှစ်ကြာတဲ့အခါ ရင်သားကင်ဆာဖြစ်ပွားမှုနှုန်း ၅၀ရာခိုင်နှုန်း မြင့်တက်သွားပါတယ်။ တစ်ခါတစ်လေ အပျင်းပြေ ဆေးလိပ်သောက်တတ်တဲ့ အမျိုးသမီးတွေဟာတော့ ဘယ်ရင်သားကင်ဆာအမျိုးအစားမဆို ဖြစ်ပွားနိုင်နှုန်း ၃၀ရာခိုင်နှုန်း မြင့်တက်သွားပါလိမ့်မယ်။

ဒါပေမဲ့ ပိုခံရခက်ပြီး ရှားပါး ရင်သားကင်ဆာ မူကွဲဖြစ်တဲ့ triple-negative ရင်သားကင်ဆာမျိုးကိုတော့ ဆေးလိပ်သောက်သူတွေမှာ ဖြစ်ပွားတာ မတွေ့ရပါဘူး။

Ref:techtimes.com

Read More

အထာလည်းကျ လှလည်းလှမယ့် အဆင်ဒီဇိုင်းပါတဲ့ ဘောင်းဘီများ

ဝတ်နေကျ ဘောင်းဘီပုံစံမျိုးတွေနဲ့ ခွဲထွက်ပြီး အဆင်ဒီဇိုင်းပါတဲ့ ဘောင်းဘီလေးတွေ ၀တ်မကြည့်ချင်ဘူးလား။ ပေါ့ပါးပြီး အထာကျမယ့်အပြင် လူတိုင်းငေးမယ့် ဒီဇိုင်းတွေ ဈေးကွက်ထဲမှာ ရှိနေပြီဖြစ်တာကြောင့် ရယ်ဒီမိတ်ပဲ ၀ယ်ဝယ်၊ ချုပ်ပဲဝတ်ဝတ် အားလုံးနဲ့ ကွဲပြားနေမှာတော့ အမှန်ပါပဲ။ ဒီလိုဘောင်းဘီမျိုးဆို ရှပ်၊ တီရှပ်အမိုက်စား လေးတွေနဲ့ တွဲဝတ်လို့လည်း အဆင်ပြေတာမို့ ထသွားထလာအတွက် တကယ့်ကို အမိုက်စားပါပဲ။

၁။ဘောင်းဘီက စပန့်သားလို အပျော့သား မဟုတ်ဘဲ ဒီလို ပိုး၊ဖဲသားလို အသားမျိုးကို အကျပ်ချုပ်ထားတဲ့ ဒီဇိုင်းဆိုရင်တော့ ဒင်နာ၊ ပါတီ ပွဲတက်အတွက် အဆင်ပြေစေမှာပါ။



၂။အသားအပျော့သားကို အကျပ်ချုပ်ထားတာမျိုး မဟုတ်ဘူးဆိုရင်လည်း အပေါ်က တီရှပ်လေးတွေနဲ့ တွဲဝတ်လို့ အဆင်ပြေတာပါပဲ။ ဖိနပ်ကိုတော့ boot ပုံစံမျိုးတွေသာ ရွေးချယ်လိုက်ပါ။



၃။အလုံး၊ အစက် ဒီဇိုင်းတွေကတော့ ဘယ်တော့မှ မပစ်ပယ်သင့်တဲ့ ဒီဇိုင်းမို့ ရှာဝတ်ထားလိုက်ပါ။



၎။Floral ဒီဇိုင်းတွေက နွေရာသီအတွက် သင့်တော်လွန်းတာမို့ အပွပဲဝတ်ဝတ်၊ အကျပ်ပဲ ဖြစ်ဖြစ် ရှိသင့်တဲ့ ဒီဇိုင်းတစ်မျိုးပါ။



၅။သူများနဲ့မတူတဲ့ ဒီဇိုင်းမျိုးတွေက ကိုယ့်ကိုထူးခြားစေတယ်ဆိုတာ မမေ့ပါနဲ့။ ကိုယ်နဲ့လည်း လိုက်ဖက်တယ်၊ အရောင်၊ ဒီဇိုင်းကိုလည်း ကြိုက်တယ်ဆိုရင် မ၀တ်ရဲစရာ ဘာရှိမှာလဲနော်။



၆။ဘောင်းဘီက အရှည်မဟုတ်ဘဲ crop ဆိုလည်း မိုက်တာပါပဲ။ ဖိနပ်ကိုသာ နည်းနည်းရွေးချယ်ဝတ်ဆင်ပေးပါ။



၇။ဟိုးအရင်တုန်းက ပေါ်ခဲ့တဲ့ ခေါင်းလောင်းဘောင်းဘီမျိုးတွေ ခုပြန်ခေတ်စားနေပါပြီ။ ဒါ့ကြောင့် ကိုယ်ဝတ်ရဲတယ်၊ ကြိုက်တယ်ဆို တစ်ထည်လောက်တော့ ၀ယ်ထားလိုက်ပေါ့။



Ref:luckymag.com

Read More