ရူးသွပ်မှုကို တက်တူးနဲ့ သက်သေပြခဲ့တဲ့ MILEY ရဲ့ ပရိတ်သတ်

အသက်၄၀အရွယ်ရှိတဲ့ တစ်ပိုင်တစ်နိုင်ကိုယ်ပိုင် အ၀တ်အထည်မီးပူတိုက်လုပ်ငန်းလုပ်ကိုင်နေတဲ့ Carl McCoidက ပေါ့ပ်အဆိုတော်မလေး Miley Cyrusရဲ့ အင်တာဗျူးမှန်သမျှနဲ့ ဓာတ်ပုံတွေကို ၂၀၀၉ခုနှစ်မှာ စတင်ကြည့်ရှုစုဆောင်းခဲ့တဲ့ Mileyကိုချစ်တဲ့ပရိသတ်တွေထဲက ပရိသတ်တစ်ဦးပါပဲ။ Carlက၂၀၁၁ခုနှစ်မှာ ဇနီးနဲ့ လမ်းခွဲပြတ်ဆဲထားသူတစ်ယောက်ဖြစ်ပြီး ဒီလို Miley ကို ရူးသွပ်စွဲလန်းခဲ့တာကြောင့် အိမ်ထောင်ပြို ကွဲခဲ့တာမဟုတ်ဘူးလို့  Carlက ဆိုခဲ့ပေမယ့် သူ့ ရဲ့ ဇနီးဟောင်းကတော့ သူ့ ရဲ့ လုပ်ရပ်တွေက သာမာန် ထက်အရမ်းကိုလွန်ကဲပြီး စိတ်ပျက်ဖို့ ကောင်းနေပါတယ်လို့ ပြောခဲ့ပါတယ်။





အသက်၂၁နှစ်အရွယ်ရှိတဲ့ ပေါ့ပ်အဆိုရှင် Miley Cyrus ကို အရူးအမူးစွဲလန်းတာထက်ကျော်လွန်နေတဲ့ Carl ရဲ့ ခန္ဓာကိုယ်ပေါ်မှာ Miley ရဲ့  ခဲခြစ်ပုံတူတွေ၊ သီချင်းစာသားတွေ နဲ့  Miley ပြောခဲ့တဲ့ အမှတ်တရ စကားတွေကိုပါ သူရဲ့  လက်မောင်း၊ခြေထောက်နဲ့ ရင်ဘတ်တွေမှာ သေရာပါရေးထိုးထားခဲ့ပါတယ်။ ဒါတွေတင်မကသေးပဲ Carl က “ကျွန်တော် တက်တူးထိုးထားတဲ့ကိစ္စနဲ့ ပက်သတ်ပြီး တစ်ယောက် ယောက်နဲ့  တွေ့ ဆုံဖို့ လိုသေးတယ်လို့ ထင်တယ်” ဆိုတဲ့သတင်းစကားက Mileyကို အတော်လေးကို ခြောက်ခြားစေခဲ့ပါတယ်လို့ Mileyက ဖွင့်ဟပြောဆိုခဲ့ပါတယ်။





Hannah Montana ဗီဒီယိုဇာတ်ကားနဲ့ ကျော်ကြားခဲ့တဲ့ Mileyက အသက် ၁၇နှစ်အရွယ်မှာ “Just Breathe” ဆိုတဲ့ တတ်တူးကို နံရိုးမှာစတင်ရေးထိုးခဲ့ပြီး နောက်ပိုင်းမှာ သူမရဲ့ အဖွားပုံတူတက်တူးကို လက်မောင်းမှာတစ်ပုံ၊ နားရဲ့ အတွင်းဘက်မှာလည်း “love” ဆိုတဲ့ စကားလုံးလေး၊ လက်ဝါးကပ်တိုင်ပုံ နဲ့  ငြိမ်းချမ်းခြင်းအမှတ်အသားတွေကိုလည်း လက်ချောင်းတွေမှာရေးထိုးထားတဲ့အပြင် ညီမျှခြင်းပုံကိုလည်း လိင်တူချင်း လက်ထပ်ခွင့်ကို ထောက်ခံတဲ့သူတစ်ယောက်လို့ တီးခေါက်အချက်ပြတဲ့အနေနဲ့ သူမရဲ့ အရေဖြားပေါ်မှာတက်တူးတွေကို စုဆောင်းရေးထိုးထားသူလေးပါပဲ။


ဆူးချိုး
Ref: Daily Mail

Read More

ငှက်ဖျားခြင် ကာကွယ်ရေး

Tuesday, December 17, 2013

ကမ္ဘာမှာ ငှက်ဖျားရောဂါ ဖြစ်စေတဲ့ ခြင်ကိုသတ်တဲ့ ပိုးသတ်ဆေးတွေ မတိုးမှာကို စိုးရိမ်လာကြပြီး၊ ခြင်တွေကို နှိမ်နင်းရေးနည်းသစ်တွေ ရှာဖွေနေချိန်မှာ၊ ငှက်ဖျားအဖြစ်များတဲ့ မြန်မာနိုင်ငံမှာတော့ ဒီ ခြင်သတ်ဆေးတချို့ ကို သုံးစွဲလျှက် ရှိနေပါသေးတယ်။ ငှက်ဖျားခြင်သတ်ဆေးတွေ မတိုးတဲ့ပြဿနာ မဖြစ်ရအောင် ငှက်ဖျားခြင်သတ်ဆေး သက်တမ်းနဲ့ သုံးရတဲ့ ပမာဏတွေကို လွန်မသွားအောင် ဂရုစိုက် သုံးစွဲဖို့လိုတယ်လို့ ကျန်းမာရေး ပညာရှင်တွေက ထောက်ပြပြောဆိုကြပါတယ်။

ငှက်ဖျားခြင် မကိုက်ခံရအောင် တဦးချင်း ကာကွယ်နိုင်တဲ့ အကောင်းဆုံးနည်း တခုကတော့ ဆေးစိမ်ခြင်ထောင်သုံးပြီး အိပ်တာပါ။ နောက်ထပ်ရော ဘယ်လိုနည်းတွေနဲ့ ကာကွယ်နိုင်ပါသေးသလဲ။ ဒီအကြောင်း ပိုမိုသိရှိနားလည်းနိုင်ဖို့ အင်းဆက်ပိုးမွှားဗေဒပညာရှင်နဲ့ ဆေးသုတေသနဦးစီးဌာန ဒု-ညွှန်မှုး (အငြိမ်းစား) ဒေါက်တာ ဖေသန်းထွန်း နဲ့ ကိုဝင်းမင်း တို့ ဆွေးနွေးတင်ပြထားပါတယ်။

Read More

လက်ပံတောင်းက ဆာလ်ဖျူရစ်အက်ဆစ်စက်ရုံ အန္တရာယ်

 Tuesday, December 17, 2013

လက်ပံတောင်းက အဆိပ်သင့်ရေ

မုံရွာခရိုင်ထဲမှာထုတ်လုပ်နေတဲ့ ကြေးနီသတ္တုတူးဖေါ်ရေးလုပ်ငန်းတွေဟာ အရင် အိုင်ဗင်ဟို ကုမ္ပဏီ ဦးစီးထုတ်လုပ်နေချိန်ကတဲက ဒေသခံတွေနဲ့ ဝန်းကျင်အတွက် အန္တရာယ်ဖြစ်နေတာတွေကို တွေ့ခဲ့ရတယ်လို့ EcoDev
သဘာဝဝန်းကျင်ထိမ်းသိမ်းရေးအဖွဲ့က ဒေါက်တာဝင်းမျိုးသူကပြောပါတယ်။

ဒါ့အပြင် အခုလက်ရှိမှာလည်း ဒေသခံတွေနဲ့ ပြဿနာဖြစ်နေတဲ့ ဒီကြးနီသတ္တုထုတ်လုပ်မှုမှာ အသုံးပြုနေတဲ့ ဆာလ်ဖျူရစ်အက်ဆစ်ကို ဦးပိုင်က စက်ရုံတည်ဆောက်ပြီး ဒေသတွင်းမှာပဲ ထုတ်လုပ်နေတာမို့ အခြေနေတွေဟာ ပိုပြီးဆိုးဝါးနေတာပါ။ ဆာလ်ဖျူရစ်အက်ဆစ်ကြောင့် ရေထု၊ လေထုနဲ့ သဘာဝပါတ်ဝန်းကျင်ကိုရော ဒေသခံလူထုရဲ့ ကျန်းမာရေးအတွက်ပါ ထိခိုက်မှု များနေတဲ့ အထောက်အထားတွေ အများကြီးတွေ့နေရတယ်လို့ ဆိုပါတယ်။

ကြေးနီထုတ်လုပ်တဲ့ လုပ်ငန်းတွေအတွက် ISO စံနှုံးတွေနဲ့ အညီလုပ်ဆောင်ဖို့ လက်ပံတောင်းတောင်စီမံကိန်း စုံစမ်းစစ်ဆေးရေးကော်မရှင်ရဲ့ အကြံပေးချက်တွေကို ဒေသအာဏာပိုင်တွေက အခုထိ မလိုက်နာသေးဘူးလို့လည်း ပြောပါတယ်။

ဒါ့အပြင်လူနဲ့ ဝန်းကျင်အတွက် အန္တရာယ်ရှိတဲ့ ဓါတုပစ္စည်းထုတ် စက်ရုံဟာ လူနေအိမ်ခြေနဲ့ နီးတဲ့နေရာမှာ ရှိနေတာဟာ အဓိက ပြဿနာဖြစ်နေတာမို့ ဒီစက်ရုံကို ရွှေ့ပြောင်းပစ်ဖို့ပါ အကြံပြုထားပါတယ်။

Read More

ဆီးရီးယား ဒုက္ခသည်တွေအတွက် ကယ်ဆယ်ရေးပစ္စည်း စတင်ဖြန့်ဖြူး

လူလူချင်းစာနာမှုအထောက်အပံ့ပေးဖို့ အီရတ်ကနေ ပျံသန်းပြီး ဆီးရီးယားဒုက္ခသည်တွေဆီသွားတဲ့ ကုလ ကုန်တင်လေယာဉ်။ (ဒီဇင်ဘာ ၁၅၊ ၂၀၁၃)

ကုလသမဂ္ဂက လူလူချင်းစာနာမှုအထောက်အပံ့တွေကို အီရတ်မြောက်ပိုင်းကနေ ဆီးရီးယားနိုင်ငံထဲကို လေကြောင်းကနေ စတင် ဖြန့်ဖြူးပေးနေပါပြီ။

စားနပ်ရိက္ခာတွေတင်ဆောင်ထားတဲ့ ကုလသမဂ္ဂ ကုန်တင်လေယာဉ်တစီးဟာ ဆောင်းတွင်း ရာသီဥတု ဒဏ်ကြောင့် နှောင့်နှေးခဲ့ရပြီး အီရတ်နိုင်ငံ Kurdistan ဒေသ Erbil မြို့ကနေ ဆီးရီးယားနိုင်ငံ အရှေ့မြောက်ပိုင်းကို တနင်္ဂနွေနေ့က တနာရီကြာပျံသန်းခဲ့တာဖြစ်ပါတယ်။

လာမယ့် ၁၂ ရက်အတွင်း ဆက်တိုက်တင်ပို့မယ့် စားနပ်ရိက္ခာတွေဟာ ဆီးရီးယားဒုက္ခသည် အိမ်ထောင်စု ၆ ထောင်ကျော်အတွက် ဒီဇင်ဘာ လကုန်အထိ လုံလောက်နိုင်တယ်လို့ WFP ကုလသမဂ္ဂစားနပ်ရိက္ခာ အစီအစဉ်က ပြောပါတယ်။ အဲဒီကယ်ဆယ်ရေးပစ္စည်းတွေထဲမှာ စားနပ် ရိက္ခာအပြင် စောင်တွေ၊ ဆေးဝါးတွေနဲ့ အ၀တ်အစားတွေလည်းပါဝင်တယ်လို့ ဆိုပါတယ်။ ဒီလေယာဉ်နဲ့ အထောက်အပံ့တွေ ဖြန့်ဖြူးရေးကို ဆီးရီးယားနဲ့ အီရတ်အစိုးရတွေက သဘောတူအတည်ပြုပေးခဲ့ကြပါတယ်။

ဆီးရီးယားပြည်တွင်းစစ်ကြောင့် သိန်းနဲ့ချီတဲ့ ပြည်သူတွေ အခြေအနေမဲ့ ဖြစ်နေကြဆဲပါ။ မြောက်ပိုင်း Aleppo မြို့မှာ တနင်္ဂနွေနေ့က အစိုးရ တပ်တွေက လေကြောင်းကတိုက်ခိုက်ခဲ့လို့ ကလေး ၁၄ ယောက်အပါအ၀င် ၂၂ ယောက် ထက် မနည်း သေဆုံးခဲ့ရကြောင်း၊ Damascus မြို့အရှေ့မြောက်ဘက် Adra မြို့မှာလည်း ဗုဒ္ဓဟူးနေ့က အယ်ခိုင်းဒါးနဲ့ ဆက်နွယ်နေတဲ့ သူပုန်အဖွဲ့က တိုက်ခိုက်ခဲ့ပြီးနောက်ပိုင်း လူ ၂၈ ယောက်အသတ်ခံခဲ့ရတယ်လို့ လန်ဒန် အခြေစိုက် ဆီးရီးယားလူ့အခွင့်အရေးအကဲခတ်အဖွဲ့ကပြောပါတယ်။

Read More

ဗြိတိန်ရုပ်ရှင်မင်းသား Peter O'Toole ကွယ်လွန်

Tuesday, December 17, 2013

၇၅ ကြိမ်မြောက် အကယ်ဒမီဆုပေးပွဲမှာ ဂုဏ်ထူးဆောင် အော်စကာဆုရရှိသူ မင်းသားကြီး Peter O'Toole (မတ်လ ၂၃၊ ၂၀၀၃)

Lawrence of Arabia ရုပ်ရှင်နဲ့ နာမည်ကြီးပြီး ၈ ကြိမ်တိုင် အကယ်ဒမီဆု တစ်ပေးခံခဲ့ရတဲ့ ဗြိတိသျှ ရုပ်ရှင်မင်းသား Peter O’Toole ကွယ်လွန် သွားပါပြီ။

အသက် ၈၁ နှစ်အရွယ် မင်းသား Peter O’Toole ဟာ နာတာရှည်ရောဂါနဲ့ လန်ဒန်မြို့ဆေးရုံမှာ ကုသမှု ခံနေစဉ် စနေနေ့က ကွယ်လွန်ခဲ့တာလို့ သူ့ရဲ့ မန်နေဂျာကပြောပါတယ်။

၁၉၆၂ ခုနှစ်က ဒါရိုက်တာ David Lean ရိုက်ကူးတဲ့ Lawrence of Arabia ရုပ်ရှင်မှာ အဓိကဇတ်ကောင်အဖြစ် သရုပ်ဆောင်ခဲ့တဲ့ Peter O’Toole ဟာ ပထမဆုံးအကြိမ် Oscar Academy ဆုရှင်အဖြစ် လျာထားတဲ့ အမည်စာရင်းမှာ ပါဝင်ခဲ့သလို ၂၀၀၆ ခုနှစ်ကပြသခဲ့တဲ့ Venus ဇာတ်ကားအတွက်လည်း နောက်ဆုံးအကြိမ် ပါဝင်ခဲ့ပါတယ်။ အကယ်ဒမီဆုမရခဲ့ဖူးပမယ့် အမည်စာရင်း လျာထားတဲ့အထဲမှာ အကြိမ်အများဆုံးအဖြစ် မှတ်တမ်းတင်ခဲ့ရပြီး ၂၀၀၃ ခုနှစ်မှာ ဂုဏ်ထူးဆောင်အော်စကာဆု ချီးမြှင့်ခြင်းခံခဲ့ရပါတယ်။

Peter O’Toole ဟာ နံမည်ကျော်ဗြိတိသျှမင်းသား Richard Burton နဲ့အတူ ပါဝင် သရုပ်ဆောင်ခဲ့တဲ့ Beckett ဆိုတဲ့ဇတ်ကားအတွက်လည်း အကယ်ဒမီဆု လျာထားခံခဲ့ရဖူးပါတယ်။ အဲဒီဇတ်ကားရိုက်ကူးနေတဲ့ တလျှောက်လုံး Richard Burton ရော၊ Peter O’Toole ပါ အရက်မူးနေကြတယ်လို့ ၀န်ခံခဲ့ဖူးပါတယ်။

Read More

မြန်မာဘောလုံးသင်း အင်ဒိုကို ၁ ဂိုး - ဂိုးမရှိနဲ့ရှုံး

Tuesday, December 17, 2013

အရှေ့တောင်အာရှ အာကစားပြိုင်ပွဲ ဘောလုံးပွဲတွေကို ဆက်လက် ကျင်းပနေတာမှာ အုပ်စု (B) က မြန်အသင်းရဲ့ နောက်ဆုံးပွဲစဉ်ကို ဒီကနေ့ ညနေက သုဝဏ္ဏအားကစားပြိုင်ပွဲမှာ ပြုလုပ်ခဲ့တဲ့တာမှာ အင်ဒိုနီးရှားအသင်းက ၁ ဂိုး ဂိုးမရှိနဲ့ အနိုင်ရသွားခဲ့ပါတယ်။ ပွဲစဉ် ပထမပိုင်း တလျှောက်လုံး အင်ဒိုနီးရှားအသင်းက မြန်မာအသင်းကို ဖိကစားခဲ့ပြီး ပင်နယ်တီရသွားတဲ့ အတွက် ၁ ဂိုး ဂိုးမရှိနဲ့ ဦးဆောင်နေခဲ့တာပါ။ အခုလို ရှုံးနိမ့်သွားတဲ့အတွက် မြန်မာဘောလုံးအသင်း ပြိုင်ပွဲက ထွက်သွားရပြီး ဆီးမီးဖိုင်နယ်တက်မယ့်အရေးနဲ့ လွဲသွားခဲ့ရတာပါ။ အခုနောက်ဆုံး ကစားခဲ့တဲ့ ဘောလုံးပွဲအပါဝင် တခြား အရှေ့တောင်အာရှ အားကစားပြိုင်ပွဲနောက်ဆုံးအခြေအနေတွေကိုသိရအောင် ၀ိုင်းတော်သား ကိုဇော်ဝင်းလှိုင်က အားကစားကလောင်ရှင် ဦးမြတ်သက်ကို ဆက်သွယ်မေးမြန်းတဲ့အခါ သူက အခုလို စပြောပါတယ်။

“အင်ဒိုနီးရှားပါပါတယ်ခင်ဗျ။ ကျနော်တို့က ထိုင်းနဲ့ကစားသလို သူတို့ကလည်း တီမောနဲ့ ရေကုန်ရေခမ်းကစားခဲ့ရတာပဲလေ။ ဒါပေမယ့် ကစားကွက်ကော၊ တစ်ဦးချင်း performance ကော၊ ခေါင်းအေးတာရောက အင်ဒိုနီးရှားက သာပါတယ်။ တိုက်စစ်ကစားကွက်ကို ကျနော်တို့က ကောင်းကောင်းကို ပုံမဖော်နိုင်ဘူးလေ။ အဲလိုဖြစ်သွားပါတယ်။ ကျော်ကိုကိုဝင်လာမှ နည်းနည်းလေး လှုပ်စပြုလာတယ်။ သို့ပေမယ့် ကျော်ကိုကိုဝင်လာပြီးနောက်ပိုင်းလည်း တောင်ပံတွေကနေ ကျနော်တို့မလုပ်နိုင်ဘူး။ အင်ဒိုက ပွဲပြီးခါနီးအထိ တောင်ပံတိုက်စစ်တွေ၊ အထူးသဖြင့် ဘယ်ခြမ်းကနေ ဘယ်လိုပဲပြောပြော အင်ဒိုနီးရှား---”

မေး။ ။ မြန်မာက အိမ်ရှင်အသင်းဖြစ်တဲ့အတွက်များ သူတို့မှာ ပရက်ရှာပိုများတဲ့အတွက်ကြောင့်များ အဲလိုမျိုး ဖြစ်သွားသလား။

“ပြောင်းပြန်အကျိုးသက်ရောက်မှုများ ရှိသွားလားပေါ့ဗျာ။ ကျနော်လည်း အဲဒါတွေးကြည့်တယ်။ ဘာလို့တုန်းဆိုတော့ နိုင်ချင်ဇောနဲ့ အားပေးသံတွေကလည်း တကွင်းလုံညံနေတာကိုး။ ညံနေတော့ ကောင်လေးတွေ ဖိအားကိုပဲ မခံနိုင်ဘဲဖြစ်ကုန်သလားပေါ့။ သို့သော်လည်း ကြားချပြီးကြည့်မယ်ဆိုရင်တော့လည်း ကျနော်တို့အနေနဲ့က အင်ဒိုနီးရှားခြေစွမ်းက ထိုက်တန်ပါတယ်။ ထိုင်းကို ဂိုးပြတ်ရှုံးတဲ့ပွဲနဲ့ လုံးဝ တခြားစီဖြစ်သွားတယ်။ ထိုင်းကို ဂိုးပြတ် သူတို့ရှုံးတဲ့ပွဲတုန်းက ဒီလောက်ကြီး ကစားကွက်လည်းမကောင်းဘူး။ တိုက်စစ်ပိုင်းမှာလည်း ထိုင်းကို သူတို့ ကောင်းကောင်း ကစားကွက်အရရော၊ တိုက်စစ်ဗျူဟာအရရော သူတို့ မယှဉ်နိုင်ဘူးဗျ။ နောက် အင်ဒိုနီးရှား ၂၃၊ ညာခြမ်းက လေးယောက်လောက် လိုက်ဖျက်တယ်။ မရဘူးဗျာ။ သူ ရအောင်လိမ်ခေါက်ပြီးတော့ ထွက်တာပဲ။ ကျနော်တို့ဆီက ကျော်ကိုကိုတောင် အဲဒီလို မထွက်နိုင်ဘူး။ ကျော်ကိုကိုမထွက်နိုင်တာလည်း ဒဏ်ရာရှိပုံရတယ်ဗျ။ ဒေးဗစ်ထန်းကလည်း ပထမပိုင်းတချိန်လုံးမှာ ဒဏ်ရာပဲရှိနေသလား။ ဘယ်လိုလဲမသိဘူး။ သူ့ဘက်ကလည်း တော်တော်အားလျော့တယ်။ သူ့လည်း လူလဲလိုက်ရတယ်။”

မေး။ ။ မြန်မာအသင်းက ကျနော်ကြည့်ရသလောက် ဂိုးသွင်းခွင့်ရပေမဲ့လည်း ပိုင်ပိုင်နိုင်နိုင် ဂိုးသမားအသည်းအသန် ဖမ်းရလောက်တဲ့အထိ ဂိုးတဲ့အောင် ကန်လိုက်နိုင်တဲ့ ဘောလုံးမရှိဘူး။

“ဟုတ်ပါတယ်၊ ဟုတ်ပါတယ်။ balance ပျက်နေတဲ့အချိန်မှာ ခေါင်းတိုက်ရတာတို့ - အဲလိုပေါ့ ထိထိမိမိ ဖိအားပေးနိုင်တာကို မရှိလိုက်ပါဘူး။ ကြည်လင်းကစားနိုင်ရင်တော့ ဒီလောက် ပျော့ဆင်းမသွားဘူးလို့ ထင်တယ်ဗျ။ ကြည်လင်းက တအားတိုးတယ်။ နောက်တစ်ခုက ခေါင်းတိုက်ဘောလုံးတွေ၊ ဒီဘက်ကနေ ဖြတ်တင်တာတွေဆိုရင် သူက ရလဒ်ကောင်းအောင် နေရာယူတာ၊ အတင်းဝင်လုံးတာ အဲဒါတွေက သိပ်ကြာတယ်ဗျ။”

မေး။ ။ ကျော်ကိုကိုကတော့ ဒုတိယပိုင်းမှာ သူက ဝင်ကစားတယ်နော်။

“ပါတယ်ခင်ဗျ။ ဒါပေမဲ့ ကျော်ကိုကို့ဆီလည်း ဘောလုံးမပို့နိုင်ဘူး။ အင်ဒိုဗျူဟာက ကျော်ကိုကို့ဆီ ဘောလုံးမရောက်အောင် ဖြတ်ထားတယ်ဗျာ။ ကျော်ကိုကို့ဆီ ရောက်သွားတာနဲ့ ၃ ယောက်လောက်နဲ့ ပိတ်ဆို့ထားလိုက်တယ်။ ကျော်ကိုကိုလည်း လှုပ်လို့မရဘူးပေါ့။”

မေး။ ။ ဟုတ်ကဲ့။ နောက်တစ်ခုက ပွဲပြီးခါနီးမှာ အနီကဒ်ပြပြီး အထုတ်ခံလိုက်ရတာကလည်း ဗမာအသင်းအတွက် ပိုပြီးတော့ နစ်နာစရာဖြစ်သွားတယ် ထင်ပါတယ်။

“ဟုတ်ပါတယ်၊ ဟုတ်ပါတယ်။ အဲဒါကလည်း တော်တော်လေးကို နစ်နာပါတယ်။ တိုက်ရိုက်အနီနဲ့ကို ထုတ်ပစ်တာလေ။ တကယ့်အချိန်မှာမှ အထုတ်ခံလိုက်ရသလို ဖြစ်သွားတာကိုး။”

မေး။ ။ ဟုတ်ကဲ့။ နောက်ဆုံး overall ပေါ့နော်- မြန်မာ SEA Games ၂၇ ကြိမ်မြောက် ဆီးဂိမ်းစ်မှာ မြန်မာအသင်းရဲ့ ဆုတံဆိပ်တွေနဲ့ ပတ်သက်လို့ရော အစောပိုင်းက ဆရာနဲ့ ကျနော်နဲ့ ပြောခဲ့ပါတယ်။ မြန်မာက စစချင်းမှာတော့ ဦးဆောင်နေတယ်၊ နောက်ပိုင်းမှာ ဆရာပြောသလိုပဲ တဖြည်းဖြည်းနဲ့အောက်ကို ကျလာပြီ။ နံပါတ် ၃ ကိုရောက်သွားပြီ။ အဲဒီဟာတွေ အနေအထားကရောခင်ဗျ။ ခပ်တိုတိုလေး ပြောပေးပါအုံး။

“နောက်ပိုင်း အိုလံပစ်အားကစားနည်းတွေ ဝင်လာတဲ့အချိန်မှာ ကျနော်တို့က အားနည်းတယ်လေ။ ပြေးခုန်ပစ်ဆိုရင် ကျနော်သိရသလောက်ပေါ့လေ-ကီလိုမီတာ ၂၀ လမ်းလျှောက်မှာ ရွှေ ၁ ခု ၊ ဒါပဲရသေးတယ်။ အရင်ခေတ်ကဆိုရင် ပြေးခုန်ပစ်ကကို ဆယ့်လေးငါးခု ယူနေကျလေ။ လက်ဝှေ့မှာဆိုလည်း အမျိုးသမီးလက်ဝှေ့၊ အမျိုးသားလက်ဝှေ့ ၁ ယောက်စီပဲရတယ်။ နောက် အလေးမမှာလည်း အရင်က ဦးချစ်မြတို့၊ ဦးထွန်းမောင်တို့၊ ဦးစန်းမြင့်တို့လက်ထက်တုန်းကဆိုရင် တောက်လျှောက် လေး-ငါး-ရှစ်ခု ယူတဲ့အချိန်မှာ အမျိုးသမီးတစ်ယောက်ပဲ ရွှေရထားတာ တွေ့ရတယ်။ ရေကူး၊ သေနတ်ပစ်၊ လက်ဝှေ့၊ အလေးမ၊ ပြေးခုန်ပစ်- အဲလို အိုလံပစ် အားကစားနည်းတွေမှာ တော်တော်လေး အားလျော့နေတာတော့ အမှန်ပါပဲခင်ဗျ။ အဲဒါကြောင့် ကျနော်တို့ တတိယနေရာကို ရောက်သွားတာ။ သို့သော်လည်း ရွှေဆု ၅၀- ၆၀ လောက်အထိတော့ ရနိုင်လိမ့်မယ်လို့ မျှော်လင့်ပါတယ်ခင်ဗျ။ ရနိုင်ကောင်းပါသေးတယ်။”

အားကစားကလောင်ရှင် ဦးမြတ်သက်ဖြစ်ပါတယ်။

အရှေ့တောင်အာရှအားကစားပြိုင်ပွဲမှာ အခုချိန်ထိ ဆုရရှိမှုဇယားမှာတော့ ထိုင်းနိုင်ငံ ရွှေ ၅၉ နဲ့ ပထမနေရာမှာ ရှိနေပြီး ဗီယက်နမ်က ရွှေ ၄၃ နဲ့ ဒုတိယ၊ မြန်မာက ရွှေ ၃၉ နဲ့ တတိယနေရာမှာ ရှိနေပါတယ်။ ပြိုင်ပွဲတွေအစမှာတော့ မြန်မာအသင်းက ဆုတံဆိပ်အများဆုံးနဲ့ ဦးဆောင်နေခဲ့ရာကနေ တဖြည်းဖြည်းနဲ့ တခြားနိုင်ငံတွေက အနောက်က လိုက်လာတာ ဖြစ်ပါတယ်။

Read More

တရုတ်နိုင်ငံ ရှင်ဂျန်း အဓိကရုဏ်း ၁၆ ဦးသေ

17.12.2013

တရုတ်နိုင်ငံအနောက်ပိုင်း၊ ဝီဂါလူနည်းစုတိုင်းရင်းသားတွေ နေထိုင်ရာ ရှင်ဂျဲန်းပြည်နယ် အဓိကရုဏ်းအတွင်း လူပေါင်း ၁၆ ယောက်သေဆုံးခဲ့တယ်လို့ တရုတ်အာဏာပိုင်တွေက ပြောပါတယ်။

ဒေသတွင်းမှာရှိတဲ့ ရဲတပ်ဖွဲ့ကို လူတွေအများအပြားက တနင်္ဂနွေနေ့မှာ တိုက်ခိုက်ခဲ့ကြတယ်၊ အဲဒီလို တိုက်ခိုက်သူတွေဟာ ဓားတွေ၊ ဖောက်ခွဲ လက်နက်ပစ္စည်းတွေကို ကိုင်ပြီးတော့ တိုက်ခိုက်ခဲ့ကြတာဖြစ်တယ်၊ ရဲတပ်ဖွဲ့ဝင်တွေက ရာဇဝတ်မှုကျူးလွန်သူတွေကို ဖမ်းဆီးဖို့ ကြိုးပမ်းနေချိန်မှာ အခုလို တိုက်ခိုက်ခံရတာဖြစ်တယ်လို့ ဒေသအာဏာပိုင်အစိုးရက ကြေညာချက် ထုတ်ပြန် ဖော်ပြထားပါတယ်။

ရဲတပ်ဖွဲ့ဝင် ၂ ဦးသေဆုံးခဲ့ရသလို တခြား ၁၄ ယောက်ဟာ ပစ်ခတ်မှုအတွင်း သေဆုံးသွားခဲ့ရတာပါ။ သံသယရှိသူနှစ်ယောက်ကို ဖမ်းဆီးထားတယ်လို့လည်း ဆိုပါတယ်။ ရှင်ဂျန်းဒေသဟာ အဓိကရုဏ်းဖြစ်မှုတွေ မကြာခဏဖြစ်ပွားခဲ့ပြီး တရုတ်အစိုးရကတော့ အဲဒီဖြစ်ရပ်တွေကို ဝီဂါမွတ်ဆလင်ခွဲထွက်ရေး သမားတွေရဲ့ လက်ချက်ဖြစ်တယ်လို့ စွပ်စွဲလေ့ရှိပါတယ်။

Read More

ဗုဒ္ဓဘာသာဘုရားကျောင်း ဗုံးခွဲဖို့ကြံသူ အကြမ်းဖက် အဖွဲ့ဝင်သုံးဦး ထပ်ဖမ်း

17.12.2013

အင်ဒိုနီးရှားနိုင်ငံ၊ ဂျကာတာမြို့က ဗုဒ္ဓဘာသာဘုန်းတော်ကြီးတကျောင်းကို သြဂုတ်လတုန်းက ဗုံးခွဲမှုနဲ့ ဆက်နွယ်ပြီး အဲဒါနဲ့ပတ်သက်တဲ့ အကြမ်းဖက် ကွန်ယက်အဖွဲ့က လူသုံးဦးကို ဖမ်းဆီးထားတယ်လို့ အင်ဒိုနီးရှားက ပြောပါတယ်။

ဖမ်းထားတဲ့ လူသုံးဦးဟာ Abu Umar အကြမ်းဖက်အဖွဲ့ဝင်တွေဖြစ်တယ်လို့ သံသယရှိတဲ့အကြောင်း အင်ဒိုနီးရှားရဲက ပြောပါတယ်။ အဲဒီအဖွဲ့ဟာ လူတဦး ထိခိုက်ဒဏ်ရာရခဲ့တဲ့ ဂျာတာတာက အဲဒီ ဘုန်းကြီးကျောင်းဗုံးခွဲမှုကိစ္စနဲ့ ပတ်သက်တဲ့အပြင် ကျောက်မျက် ရတနာဆိုင်တွေကို လုယူမှုနဲ့ ခရစ္စမတ်နဲ့ နှစ်သစ်ကူးတွေမှာ အကြမ်းဖက်မှုတွေနဲ့လည်း ပတ်သက်ဆက်နွယ်နေပါတယ်။

လာမယ့် ခရစ္စမတ်အားလပ်ရက်မှာ အနှောင့်အယှက်ပေးဖို့ ကြံစည်နေသူတွေကို အရေးယူသွားဖို့ အာဏာပိုင်တွေဘက်က အသင့်ပြင်ထားတယ်လို့ အင်ဒိုနီးရှား အမျိုးသားရဲတပ်ဖွဲ့ ရဲချုပ် Sutarman က ဗွီအိုအေကို ပြောပါတယ်။ လက်လုပ်ဗုံးတွေလုပ်ပြီး လှုပ်ရှားဆောက်ရွက်နေတဲ့ အရိပ်အယောင်တွေ တွေ့ထားရတယ်လို့ ရဲချုပ်က ပြောပါတယ်။ အများပြည်သူကို ထိခိုက် အန္တရာယ် ပေးမယ့် လုပ်ရပ်မျိုးတွေ ဆောင်ရွက်တာတွေကို ပြင်းပြင်းထန်ထန် အရေးယူသွားမှာဖြစ်ပြီး ဥပဒေချိုးဖောက်တာတွေ မလုပ်ကြဖို့ကိုလည်း မေတ္တာရပ်ခံကြောင်း ရဲချုပ်က ပြောခဲ့ပါတယ်။

အဲဒီအဖွဲ့ရဲ့ခေါင်းဆောင် Abu Umar ဟာ အင်ဒိုနီးရှားနိုင်ငံကို တရားမ၀င် လက်နက်သွင်းယူမှုနဲ့ ထောင်ဒဏ် ၁၀ နှစ် ပြစ်ဒဏ်ချခံထားရပါတယ်။ ဒီအဖွဲ့ဟာ မွတ်ဆလင်မဟုတ်တဲ့သူတွေကို အကြမ်းဖက်တိုက်ခိုက်တာတွေ၊ လုယက်မှု အပါအ၀င် ရာဇ၀တ်မှုတွေမှာလည်း ပါဝင်ပတ်သက်တယ်လို့ ရဲက သံသယရှိ ထားပါတယ်။

ဂျာကာတာမြို့တော် ဗုဒ္ဓဘာသာဘုန်းတော်ကြီးကျောင်း ဗုံးခွဲတိုက်ခိုက်ခံရမှု မှာတော့ မြန်မာနိုင်ငံက ရိုဟင်ဂျာမွတ်ဆလင်တွေအပေါ် အကြမ်းဖက်မှုတွေနဲ့ ပတ်သက်ဆက်နွယ်နေမယ်လို့ အများက ယူဆထားကြပါတယ်။

ဒီနှစ်အစောပိုင်းတုန်းကလည်း အင်ဒိုနီးရှားက မြန်မာသံရုံးကို ဗုံးခွဲဖို့ ကြံစည်မှုကိုလည်း အင်ဒိုနီးရှားအာဏာပိုင်တွေက ဖော်ထုတ်နိုင်ခဲ့ပါတယ်။

Read More

ရွေးကောက်ပွဲတရားမျှတရေး ဖွံ့စည်းပုံကိုပြင်ဖို့ မြန်မာကို EU တိုက်တွန်း

17.12.2013

၂၀၀၈ အခြေခံဥပဒေမူကြမ်း ရေးဆွဲစဉ် က လှုံ့ဆ်ာရေးဆိုင်းဘုတ်

မြန်မာနိုင်ငံမှာ ဖွဲ့စည်းပုံ အခြေခံဥပဒေပြင်ဆင်ရေးနဲ့ ရွေးကောက်ပွဲဆိုင်ရာ ပြုပြင်ပြောင်းလဲမှုတွေ ဆက်ပြီးလုပ်သွားဖို့ အီးယူ ဥရောပသမဂ္ဂက တိုက်တွန်းလိုက်ပါတယ်။ ဖွဲ့စည်းပုံအခြေခံဥပဒေကို ခေတ်မီဒီမိုကရေစီ နိုင်ငံတရပ်နဲ့အညီဖြစ်အောင်နဲ့ ငြိမ်းချမ်းရေးနဲ့ အမျိုးသားပြန်လည် သင့်မြတ်ရေးကို အထောက်အကူဖြစ်စေဖို့ ပြီးပြည့်စုံတဲ့ သုံးသပ်မှုတွေ လုပ်ဖို့ကိုလည်း အီးယူ ဥရောပသမဂ္ဂက တိုက်တွန်းခဲ့ပါတယ်။

လာမယ့် ၂၀၁၅ ခုနှစ် ရွေးကောက်ပွဲမှာ ပါဝင်ယှဉ်ပြိုင်သူအားလုံး မျှမျှတတ ယှဉ်ပြိုင်ခွင့်ရဖို့အတွက် ဖွဲ့စည်းပုံအခြေခံဥပဒေဟာ အများ ယုံကြည်တဲ့၊ ပွင့်လင်း မြင်သာတဲ့ အားလုံးပါဝင်နိုင်တဲ့အခြေအနေဖြစ်သင့်တယ်လို့လည်း ထောက်ပြ သွားပါတယ်။ အီးယူ ဥရောပသမဂ္ဂရဲ့ နိုင်ငံခြားရေးရာကောင်စီရဲ့ မနေ့က အစည်းအဝေးအတွင်း မြန်မာနိုင်ငံအရေးကိစ္စကို ဆွေးနွေးခဲ့ပြီး ဖွဲ့စည်းပုံ ပြင်ရေးကို တိုက်တွန်းမှုအပါအ၀င် အချက် ၁၂ ချက်ကို ဆုံးဖြတ်ခဲ့ကြတာပါ။

မြန်မာနိုင်ငံတွင်း လူမျိုးရေး၊ ဘာသာရေးအဓိကရုဏ်းတွေရဲ့ အကြောင်းရင်းကို ကိုင်တွယ်ဖြေရှင်းပြီး လူ့အခွင့်အရေးနဲ့တရားဥပဒေစိုးမိုးရေးကို အာမခံချက်ပေးဖို့ကိုလည်း အီးယူ ဥရောပသမဂ္ဂက မြန်မာအစိုးရကို တိုက်တွန်းပါတယ်။ လူမှုအသိုင်းအ၀ိုင်းတွေအကြား အပြန်အလှန် ငြိမ်းငြိမ်းချမ်းချမ်း လေးစားမှုတွေရှိလာစေဖို့အတွက် ဖွံ့ဖြိုးရေးအစီအစဉ်တွေ ဆောင်ရွက်ပေးဖို့ ဘာသာရေးနဲ့ လူမျိုးရေးဆိုင်ရာ သင့်မြတ် နားလည်မှု ဖြစ်လာစေရေး အစီအစဉ်တွေ ဆောင်ရွက်ဖို့ကိုလည်း အီးယူအနေနဲ့ ပြင်းပြင်းထန်ထန်တိုက်တွန်းတယ်လို့ ဖော်ပြပါတယ်။

မကြာသေးခင်က နိုင်ငံရေးအကျဉ်းသားတွေ လွှတ်ပေးခဲ့တဲ့အပေါ်မှာ ကြိုဆိုသလိုပဲ အခု ၂၀၁၃ အကုန်မှာ နိုင်ငံရေးအကျဉ်းသားအားလုံးကို ခြွင်းချက်မရှိ ပြန်လွှတ်ပေးဖို့နဲ့ ဆက်ပြီး ဖမ်းဆီးမှုတွေကို ရပ်တန့်ဖို့ကိုလည်း တိုက်တွန်းထားပါတယ်။ မြန်မာနိုင်ငံတွင်း လူ့အခွင့်အရေးဆိုင်ရာ ကုလသမဂ္ဂမဟာမင်းကြီးရုံးခွဲထားရှိဖို့ကိစ္စအပါအ၀င် လူ့အခွင့်အရေးနဲ့ ပတ်သက်လို့ ကုလသမဂ္ဂ အကြံပြုချက်တွေကို လေးစားလိုက်နာဖို့ ကိုလည်း အီးယူ တိုက်တွန်းခဲ့ပါတယ်။ တချိန်တည်းမှာတော့ လာမယ့် ၂၀၁၄-၂၀၂၀ ခုနှစ်ကာလ မြန်မာနိုင်ငံနဲ့ ဖွံဖြိုးရေးဆိုင်ရာ ပူးပေါင်းဆောင်ရွက်မှု အစီအစဉ်တွေကို သိသိသာသာ တိုးမြှင့်လုပ်သွားဖို့ ရှိတယ်ဆိုတာကိုလည်း ဖော်ပြခဲ့ပြီး EU Myanmar Task Force ပူးတွဲလုပ်ငန်းအဖွဲ့ ဖွဲ့စည်းပြီး ဆောင်ရွက်နေတာတွေအပေါ်မှာ ကြိုဆိုထားပါတယ်။

အီးယူအနေနဲ့ မြန်မာနိုင်ငံ အသွင်ကူးပြောင်းရေးလုပ်ငန်းတွေနဲ့ပတ်သက်လို့ ထောက်ပံ့ကူညီသွားမှာဖြစ်ပြီး အရပ်ဖက်လူမှုအဖွဲ့အစည်းတွေ၊ မြန်မာ ငြိမ်းချမ်းရေးစင်တာနဲ့ ရဲဌာန ပြုပြင်ပြောင်းလဲရေးလုပ်ငန်းတွေအတွက် အကူအညီတွေပေးသွားမယ်လို့လည်း ဆိုပါတယ်။ မြန်မာနိုင်ငံမှာ တည်တံ့တဲ့ ငြိမ်းချမ်းရေးသဘောတူညီချက်တရပ် ထွက်လာဖို့ အစုအဖွဲ့အားလုံးပါဝင်တဲ့ နိုင်ငံရေး ဆွေးနွေးမှုတွေအတွက်လည်း အီးယူအနေနဲ့ အကူအညီတွေပေးသွားဖို့ အဆင်သင့်ရှိတယ်လို့လည်း ဖော်ပြထားပါတယ်။

Read More

တရုတ်ကုမ္ပဏီတစ်ခုထံမှ မြန်မာက၀ယ်ယူသော ကော်စေ့တန် ၂၀ အစား တရုတ်ဘက်မှ ကျောက်ခဲအိတ်များကို ကွန်တိန်နာဖြင့်ထည့်ကာ မြန်မာသို့ ပေးပို့လိုက်၍ တရုတ်သံရုံးသို့ အကြောင်းကြား ဖြေရှင်းနေရ

 Tuesday, 17 December 2013


တရုတ်ဘက်မှ ကော်စေ့များအဖြစ် တင်ပို့လာသော ကျောက်ခဲများပါဝင်သည့် အိတ်များ(ပုံကြီး)နှင့် အတွင်း၌ ပါဝင်သော ကျောက်ခဲများ (ပုံသေး)



တရုတ်နိုင်ငံရှိ Qingdao Jinding Metal Import and Export Co.,Ltd ထံမှ ကော်စေ့တန် ၂၀ ကို မြန်မာကုမ္ပဏီဖြစ်သည့် Millionaire Engineering and Industrial ကုမ္ပဏီမှဝယ်ယူခဲ့ရာ တရုတ်ဘက်က ကော်စေ့တန် ၂၀ အစား ကွန်တိန်နာထဲတွင် ကျောက်ခဲအိတ်များထည့်ကာ ပေးပို့လိုက်သည့်ဖြစ်စဉ်တစ်ခု ဖြစ်ပွားခဲ့ကြောင်း သတင်းရရှိသည်။

ဖြစ်စဉ်မှာ Qingdao Jinding Metal Import and Export Co.,Ltd ထံမှ ကော်စေ့တန် ၂၀ ကို မြန်မာကုမ္ပဏီဖြစ်သည့် Millionaire Engineering and Industrial ကုမ္ပဏီက၀ယ်ယူရန်အတွက် ၂၀၁၃ ခုနှစ် နိုဝင်ဘာ ၂၀ ရက်က နှစ်ဖက်ကုမ္ပဏီများ Sale Contract ချုပ်ဆိုခဲ့ကြကြောင်း၊ ကော်စေ့ကွန်တိန်နာအား WAN HAI သင်္ဘောလိုင်းဖြင့် တင်သွင်းခဲ့ကြောင်း၊ ဒီဇင်ဘာ ၉ ရက်တွင် ထီးတန်းဆိပ်ကမ်းသို့ သင်္ဘောဆိုက်ကပ်ခဲ့ကြောင်း၊ ကော်စေ့အမျိုးအစားမှာ ဖွင့်ဖောက်စစ်ဆေးခြင်းပြုရန်မလိုဘဲ Green Channel ဖြင့်ထုတ်ယူခွင့်ရှိသည့်အတွက် ဖွင့်ဖောက်ခြင်းမရှိဘဲ ချိပ်ပိတ်ထားသည့်အတိုင်း ကွန်တိန်နာအား ဂိုဒေါင်သို့ သယ်ဆောင်ခဲ့ပြီး ဂိုဒေါင်သို့ရောက်ရှိ၍ တင်သွင်းသူပိုင်ရှင်မှ ဖွင့်ဖောက်ခဲ့ရာ ကော်စေ့များမဟုတ်ဘဲ ကျောက်ခဲအသေးများကို အိတ်လိုက်ထည့်သွင်းထားသည်ကို တွေ့ရကြောင်း၊ ပိုင်ရှင်မှ အကောက်ခွန်သို့ အကြောင်းကြားရာ အကောက်ခွန်မှလည်း လာရောက်စစ်ဆေးခဲ့ကြောင်း သိရသည်။

ထိုသို့ဖြစ်ပွားခဲ့သည့်အတွက် ယခုအခါ Millionaire Engineering and Industrial ကုမ္ပဏီမှ တရုတ်သံရုံးသို့ ဆက်လက်ဖြေရှင်းဆောင်ရွက်ပေးရန် အကြောင်းကြားထားကြောင်း သိရသည်။

ကော်စေ့အစား ကျောက်ခဲသေးများကို ထည့်ခြင်းမှာ Qingdao Jinding Metal Import and Export Co.,Ltd ဖြင့် သက်ဆိုင်ခြင်း ရှိမရှိ၊ အဆိုပါကွန်တိန်နာအား သယ်ဆောင်လာသည့် WAN HAI သင်္ဘောလိုင်းနှင့် သက်ဆိုင်ခြင်းရှိမရှိဆိုသည်မှာ တရုတ်သံရုံးက ဖြေရှင်းပြီးမှသာ သိရမည်ဖြစ်ကြောင်း သိရသည်။

Millionaire Engineering and Industrial ကုမ္ပဏီမှ ဦးသန်းစိုးက "ကျွန်တော်တို့ကတော့ ကိုယ်လုပ်စရာရှိတဲ့အတိုင်း အကောက်ခွန်ကို အကြောင်းကြားပြီး စစ်ဆေးထားတယ်။ အခုတရုတ်သံရုံးကို အကြောင်းကြားတော့ ဒီဇင်ဘာ ၁၇ ရက်ကျရင် တွေ့ဆုံမယ်လို့ အကြောင်းပြန်ထားတယ်။ တန် ၂၀ ဆိုတာ အမေရိကန်ဒေါ်လာ ၂၆၀၀၀။ အခွန်နဲ့ဆိုရင် ဒေါ်လာ ၃၀၀၀၀ လောက်တော့ရှိတယ်။ ငွေကြေးဆုံးရှုံးမှု ဖြစ်တာထက် အခုလိုလုပ်တာကို မခံနိုင်တာ။ နောက်ပြီး ကျွန်တော်တို့လို မကြုံရအောင် သတိထားဖို့တော့ ပြောချင်တယ်။ ကွန်တိန်နာမှာလည်း အဲဒီသင်္ဘောလိုင်းရဲ့ Seal နဲ့ပဲချိပ်ပိတ်ထားတာပါ။ ငွေကြေးဆုံးရှုံးတာထက် ကျွန်တော်တို့လို မြန်မာလုပ်ငန်းရှင်တွေအနေနဲ့ အခုလို မကြုံရအောင် တရုတ်သံရုံးအနေနဲ့လည်း မြန်မာလုပ်ငန်းရှင်တွေအပေါ် လေးလေးစားစားနဲ့ အလေးအနက်ထား ဖြေရှင်းပေးဖို့လိုပါတယ်။ တရုတ်သံရုံးက ဖြေရှင်းပေးရင်တော့ အကြောင်းစုံသိရမှာပါ"ဟု ပြောပြသည်။

ယခုဖြစ်စဉ်အပေါ် အကောက်ခွန်ဦးစီးဌာန တာဝန်ရှိသူများကလည်း စစ်ဆေးချက်များရယူပြီး အကောက်ခွန်ဦးစီးဌာန၊ ကာကွယ်ရေးဌာနခွဲသို့ အစီရင်ခံ တင်ပြထားကြောင်း၊ မြန်မာဘက်မှသာ မှားယွင်းလျှင် မြန်မာကုမ္ပဏီများအနေဖြင့် ချက်ချင်းအရေးယူခံရနိုင်ကြောင်း၊ ထို့အတွက် မြန်မာ့အကောက်ခွန်အနေဖြင့်လည်း ယခုတရုတ်ကုမ္ပဏီနှင့် WAN HAI သင်္ဘောလိုင်းတို့ မည်သူ့တွင် တာဝန်ရှိသည်ကို တိကျစွာဖော်ထုတ်ရာ၌ အလေးအနက်ထား ပါဝင်ကူညီပေးသင့်သည်ဟုလည်း ဦးသန်းစိုးက သုံးသပ်သည်။

EMG

Read More

ရန်ကုန်မြို့၌ တစ်ပတ်အတွင်း Beauty Spa မီးလောင်မှု ဒုတိယအကြိမ်ဖြစ်ပွားရာ ၁၈ နှစ်အရွယ် အမျိုးသမီးဝန်ထမ်းတစ်ဦး သေဆုံး

Tuesday, 17 December 2013


တောင်ဥက္ကလာပမြို့နယ် ၁၂ ရပ်ကွက်ရှိ သုံးရာသီ Beauty Spa မီးလောင်နေသည်ကို မီးသတ်ကားများ လာရောက်ငြှိမ်းသတ်စဉ်

တောင်ဥက္ကလာပမြို့နယ်၊ ၁၂ ရပ်ကွက်၊ သုမင်္ဂလာလမ်းမ၊ တိုက်ခန်းအမှတ် ၁၅၃ ရှိ THREE SEASON Beauty Spa & Health အလှပြင်ဆိုင်၌ ဒီဇင်ဘာ ၁၆ ရက်၊ မွန်းလွဲ ၁၂ နာရီ မိနစ်၂၀ က မီးလောင်မှုဖြစ်ပွားခဲ့ကြောင်း သိရသည်။

အဆိုပါမီးလောင်ကျွမ်းမှုကြောင့် ဆိုင်ဝန်ထမ်း မိန်းကလေးတစ်ဦးဖြစ်သူ မဆုမွန်၊ အသက် (၁၈) နှစ်မှာ ရေချိုးခန်းနှင့် အိမ်သာတွဲလျက် အခန်းတွင်း၌ မီးခိုးများမွှန်၍ သေဆုံးခဲ့ကြောင်း သိရသည်။

"ကောင်မလေးက ရေချိုးခန်းထဲမှာ အ၀တ်လျှော်တုန်း မီးခိုးတွေမွှန်ပြီး ပိတ်မိသေတယ်။ မီးဖိုချောင်မှာ လျှပ်စစ်ထမင်းပေါင်းအိုးနဲ့တည်တာ အနီးအနားမှာ လူမရှိဘဲထားတော့ ၀ိုင်ယာပူတာကနေ စလောင်တယ်"ဟု ရန်ကုန်တိုင်းဒေသကြီး ကြက်ခြေနီတပ်ဖွဲ့မှူး ဦးဇော်ထွန်းက ပြောကြားသည်။

"မီး..မီး ဆိုပြီးလမ်းမတန်းဘက်ကအော်မှ တိုက်အပေါ်ထပ်အနောက်က လောင်နေတာတွေ့ရတယ်။ ထွက်ကြည့်တော့အပေါ်ထပ်က မီးခိုးအူပြီး တံခါးတွေ စွဲလောင်နေတာကိုတွေ့တယ်။ မာဆတ်ကမိန်းကလေးတွေ အကုန်ဆင်းပြေးကြတယ်"ဟု ယင်းတိုက်နံဘေးအိမ်တွင် နေထိုင်သူတစ်ဦးက The Daily Eleven သတင်းစာသို့ ပြောကြားသည်။

အဆိုပါမီးလောင်ကျွမ်းမှုကို မီးသတ်ယာဉ် ၂၈ စီး၊ အုပ်ချုပ်ယာဉ်သုံးစီး၊ အထောက်အကူပြု ယာဉ်ခြောက်စီး လာရောက်ငြှိမ်းသတ်၍ ၁၂ နာရီ မိနစ် ၄၀ တွင် မီးထိန်းနိုင်ကာ ၁၂ နာရီ မိနစ် ၅၀ တွင် မီးငြှိမ်းသတ်နိုင်ခဲ့ကြောင်း၊ ကြက်ခြေနီယာဉ်လေးစီးမှလည်း အကူအညီများပေးခဲ့ကြောင်း သိရသည်။

ထိုသို့ လောင်ကျွမ်းမှုကြောင့် အဆောက်အအုံ တန်ဖိုး သိန်း ၂၀ နှင့် ပစ္စည်းတန်ဖိုး သုံးသိန်း ဆုံးရှုံးခဲ့ကြောင်း သိရသည်။

အဆိုပါ မီးလောင်ကျွမ်းမှုနှင့် ပတ်သက်၍ တောင်ဥက္ကလာပ မြို့မရဲစခန်းက ဆိုင်တာဝန်ခံဖြစ်သူ ကိုဝင်းမြင့်စန်းအား (ပ) ၄၇၃/၂၀၁၃၊ပုဒ်မ ၃၀၄-က/၂၈၅ ဖြင့် အမှုဖွင့် အရေးယူထားကြောင်း တောင်ဥက္ကလာပ မြို့မရဲစခန်းမှ ဒုရဲအုပ် တေဇာမင်းက The Daily Eleven သတင်းစာသို့ ဒီဇင်ဘာ ၁၆ ရက် မွန်းလွဲ ၃ နာရီခွဲတွင် ပြောကြားသည်။

"ဆိုင်ကတော့ KTV လို့သိရတယ်။ လျှပ်စစ်ထမင်းပေါင်းအိုး စတည်တာကနေ လောင်တယ်။ မီးလောင်တော့ ပိုင်ရှင်ဖြစ်သူလည်း ထွက်ပြေးသွားတယ်။ အမှုဖွင့်ထားတဲ့သူက ပိုင်ရှင်မဟုတ်ဘူးလို့ ငြင်းနေတယ်"ဟု ဒုရဲအုပ်တေဇာမင်းက ပြောကြားသည်။

ယခု Beauty Spa မီးလောင်မှုသည် တစ်ပတ်အတွင်း ရန်ကုန်မြို့၌ ဒုတိယအကြိမ် ဖြစ်ပွားခဲ့ခြင်းဖြစ်သည်။ ပြီးခဲ့သည့် ဒီဇင်ဘာ ၁၀ ရက် ည ၁၂ နာရီ ၁၅ မိနစ်ကလည်း မရမ်းကုန်းမြို့နယ်၊ ၈ ရပ်ကွက်၊ ဝေဇယန္တာလမ်းနှင့် ဂန္ဓမာလမ်းထောင့်ရှိ Gandamar Wholesale ကုန်တိုက်အပေါ်ထပ်ရှိ Venus Garden Spa အလှပြင်ဆိုင်တွင် မီးလောင်ကျွမ်းမှုဖြစ်ပွားခဲ့ရာ အမျိုးသားသုံးဦးနှင့် အမျိုးသမီးလေးဦး သေဆုံးခဲ့သည်။

EMG

Read More

တောင်ကိုရီးယား နိုင်ငံတွင် အိုင်စီတီနည်းပညာ သင်တန်းများ တက်ရောက်ရန် အခြေခံပညာ ကျောင်းများမှ ဆရာ၊ ဆရာမ ၂၀ ဦးအား ပထမဆုံးအကြိမ် ရွေးချယ်စေလွှတ်မည်

Tuesday, 17 December 2013


ရန်ကုန်တိုင်းဒေသကြီး တောင်ဒဂုံမြို့နယ် အမှတ်(၂)အခြေခံပညာ အထက်တန်းကျောင်းမှ ကျောင်းဆင်းလာသည့် ဆရာ၊ ဆရာမ အချို့အား တွေ့ရစဉ်

တောင်ကိုရီးယား နိုင်ငံရှိ ပညာရေး အဖွဲ့အစည်း တစ်ခုဖြစ်သည့်ှSejong City Office Education မှ မြန်မာနိုင်ငံရှိ အခြေခံပညာကဏ္ဍ၊ အခြေခံပညာ ကျောင်းများအတွက် အိုင်စီတီ နည်းပညာဆိုင်ရာ အကူအညီများ ပေးသွားမည်ဖြစ်ပြီး တောင်ကိုရီးယား နိုင်ငံသို့ အိုင်စီတီ နည်းပညာဆိုင်ရာ သင်တန်းများ တက်ရောက်ရန် အခြေခံပညာ ကျောင်းများမှ ဆရာ၊ ဆရာမ ၂၀ ဦးအား ရွေးချယ်စေလွှတ် သွားမည်ဖြစ်ကြောင်း ရန်ကုန်တောင်ပိုင်းခရိုင် ပညာရေးမှူးရုံးမှ လက်ထောက် ညွှန်ကြားရေးမှူး ဦးခင်အောင်ရီက ပြောကြားသည်။

အဆိုပါ အစီအစဉ်အား ၂၀၁၄ ခုနှစ် ဧပြီလတွင် စတင်အကောင်အထည်ဖော် ဆောင်ရွက်သွားမည်ဖြစ်ပြီး ပညာသင် စေလွှတ်မည့် ဆရာ၊ ဆရာမများအား ရန်ကုန်တိုင်း ဒေသကြီး အမှတ် (၃) အခြေခံပညာ ဦးစီးဌာနမှ စိစစ်ရွေးချယ် သွားမည်ဖြစ်သည်။

''သူတို့ဆီမှာ Smart Education ကို အကောင်အထည် ဖော်နေတာဆိုတော့ အိုင်စီတီ နည်းပညာရပ်တွေနဲ့ ပတ်သက်ပြီးတော့ မျှဝေပေးချင်တယ်။ ဒါ့ကြောင့် အခြေခံပညာ ကျောင်းတွေမှာ ကွန်ပျူတာ ပညာရပ်တွေကို ပြန်လည်ဖြန့်ဝေပေးဖို့ ဆရာ၊ ဆရာမတွေကို အိုင်စီတီ နည်းပညာတွေကို ဝေမျှဖို့အတွက် ကမ်းလှမ်းလာတာပါ။ သူတို့ကို အိုင်စီတီ ပညာရပ်တွေကို စာတွေ့ရော လက်တွေ့ပါ ဖြေခိုင်းပါမယ်။ အဲဒီထဲကမှ ၂၀ ဦး ရွေးချယ်ပြီး စေလွှတ်မှာပါ။ ဒီခရီးစဉ်က ၁၄ ရက်ကြာမြင့်မှာပါ'' ဟု ရန်ကုန်တောင်ပိုင်းခရိုင် ပညာရေးမှူးရုံးမှ လက်ထောက် ညွှန်ကြားရေးမှူး ဦးခင်အောင်ရီက ဆိုသည်။

တောင်ကိုရီးယားနိုင်ငံသို့ အိုင်စီတီ နည်းပညာ သင်တန်းများ တက်ရောက်ရန်အတွက် အရည်အချင်း စစ်ဆေးခြင်းကို ဇန်န၀ါရီလအတွင်း ပြုလုပ်သွားမည်ဖြစ်ပြီး ရန်ကုန်တိုင်း ဒေသကြီးရှိ မူလတန်း၊ အလယ်တန်း၊ အထက်တန်းကျောင်း စုစုပေါင်း ၂၇၁၂ ကျောင်းမှ ဆရာ၊ ဆရာမ ၃၀၀ ကျော်ပါဝင် ဖြေဆိုကြမည် ဖြစ်ကြောင်း သိရသည်။

အဆိုပါ Sejong City Office Education မှ နည်းပညာဆိုင်ရာ အကူအညီများ ပေးရန်အတွက် ရန်ကုန်တိုင်း ဒေသကြီးရှိ အမှတ် (၃)အခြေခံပညာ ဦးစီးဌာနနှင့် Sejong City Office Education မှ တာဝန်ရှိသူများက ဒီဇင်ဘာ ၁၃ ရက်တွင် ရန်ကုန်တိုင်းဒေသကြီး၊ အမှတ်(၃) အခြေခံပညာ ဦးစီးဌာန၌ သဘောတူလက်မှတ် ရေးထိုးခဲ့ကြသည်။ ဦးစွာ အိုင်စီတီ နည်းပညာဆိုင်ရာ ပံ့ပိုးကူညီမှု အနေဖြင့် တောင်ကိုရီးယားနိုင်ငံ Sejong City Office Education မှ ကွန်ပျူတာ အလုံး ၆၀ အား အမှတ်(၃) အခြေခံပညာ ဦးစီးဌာနသို့ ပေးအပ်ခဲ့ပြီး ၎င်းမှတစ်ဆင့် အဆိုပါ ကွန်ပျူတာများကို ရန်ကုန်တိုင်း ဒေသကြီး အတွင်းရှိ အခြေခံကျောင်းများသို့ ပြန်လည်ပေးအပ် သွားမည်ဖြစ်သည်။

EMG

Read More

ကုလားတန်မြစ်ကြောင်း ဘက်စုံဖွံ့ဖြိုးတိုးတက်ရေး စီမံကိန်း၌ ပါဝင်သော စစ်တွေဆိပ်ကမ်း တည်ဆောက်မှု ၂၀၁၄ ခုနှစ် ဇွန်လတွင် ပြီးစီးမည်

  Tuesday, 17 December 2013


Essar မှ တည်ဆောက်နေသော စစ်တွေဆိပ်ကမ်း တည်ဆောက်မှု လုပ်ငန်းခွင် တစ်နေရာအား တွေ့ရစဉ်

အိန္ဒိယနိုင်ငံမှ တည်ဆောက်နေသည့် စစ်တွေဆိပ်ကမ်းအား၂၀၁၄ ခုနှစ် ဇွန်တွင် ပြီးစီးရန် မျှော်လင့်ထားကြောင်း တာဝန်ယူ တည်ဆောက်နေသည့် Essar ကုမ္ပဏီမှ တာဝန်ရှိသူ တစ်ဦးက ပြောကြားကြောင်း The Hindu Business line တွင် ဒီဇင်ဘာ ၁၃ ရက်က ဖော်ပြချက်အရ သိရသည်။

လက်ရှိအခြေအနေတွင် စစ်တွေဆိပ်ကမ်း တည်ဆောက်နေမူမှာ ရာခိုင်နှုန်း ၇၀ အထိ ပြီးစီးနေပြီ ဖြစ်ကြောင်းနှင့် အိန္ဒိယ Essar ကုမ္ပဏီသည် ၎င်းရေလမ်းကြောင်းတွင် အသုံးပြုရန်အတွက် သင်္ဘောခြောက်စင်း တည်ဆောက်နေပြီး သင်္ဘောကိုယ်ထည်များမှာ ရာခိုင်နှုန်း ၅၀ ပြီးစီးနေပြီဟု သိရသည်။

ယင်းအပြင် Essar အနေဖြင့် တာဝန်ယူရမည့် လုပ်ငန်းများတွင် စစ်တွေဆိပ်ကမ်းအပြင် ပလက်ဝဆိပ်ခံ တံတားနှင့် ဆိပ်ကမ်းနှစ်ခု အကြားရှိ ၁၅၈ ကီလိုမီတာ ရှည်လျားသည့် ကုလားတန် ရေလမ်းကြောင်း တူးဖော်မှုလည်း ပါဝင်ကြောင်း သိရသည်။

အိန္ဒိယသည် ကုလားတန်မြစ်ကြောင်း ဘက်စုံဖွံ့ဖြိုး တိုးတက်ရေး စီမံကိန်းကို ၂၀၀၈ ခုနှစ် ကတည်းက စတင်ခဲ့ခြင်းဖြစ်ပြီး ၂၀၁၆ ခုနှစ်တွင် အပြီးသတ် နိုင်မည်ဟု သိရသည်။ ပလက်ဝ ဆိပ်ကမ်းမှ အိန္ဒိယနယ်စပ်ထိ ၁၀၉ ဒသမ ၂ ကီလိုမီတာ အရှည်ရှိသော ကားလမ်းနှင့် အိန္ဒိယနိုင်ငံ မီဇူရမ်ပြည်နယ် မြို့တော်

အိုင်ဇော (Aizwal) အထိ ကီလိုမီတာ ၂၅၀ ရှိ ကားလမ်းဖောက်လုပ်ရန် အတွက် မကြာမီတင်ဒါ ခေါ်ယူနိုင်ဖွယ်ရှိကြောင်း သိရသည်။

စစ်တွေဆိပ်ကမ်းသည် ရခိုင်ပြည်နယ်နှင့် အိန္ဒိယနိုင်ငံ၏ အရှေ့မြောက်ပိုင်း ပြည်နယ်များနှင့် ကုန်စည်များ ကူးသန်းပို့ဆောင်ရန် အရေးပါလာမည်ဖြစ်ပြီး အိန္ဒိယအရှေ့မြောက် ပြည်နယ်များ၏ ဖွံ့ဖြိုးတိုးတက်မှုအတွက် အရေးပါသလို ယင်းဒေသတွင် လိုအပ်နေသည့် စိုက်ပျိုးရေး ဓာတ်မြေသြဇာများ ပို့ဆောင်ရန် အရေးပါလာမည် ဖြစ်ကြောင်းနှင့် ရခိုင်ပြည်နယ် ပုဏ္ဏားကျွန်းစက်မှုဇုန်တွင် ဓာတ်မြေသြဇာစက်ရုံ တည်ဆောက်ရန် စိတ်ဝင်စားလျက် ရှိကြောင်း သိရသည်။

EMG

Read More

ကျပ်နှစ်သိန်းမှစ၍ ၀ယ်ယူနိုင်မည့် ရွှေတုံးများ ဖေဖော်ဝါရီ ၁၂ ရက်တွင် ဈေးကွက်အတွင်း စတင်ရောင်းချမည်

Tuesday, 17 December 2013



ဈေးကွက်အတွင်း ရောင်းချမည့် ရွှေတုံးနမူနာမိုပုံစံများကိုတွေ့ရစဉ် (ဓာတ်ပုံ-အောင်မြတ်ကို)

ကျပ်နှစ်သိန်းမှစ၍ ၀ယ်ယူနိုင်မည့် ရွှေတုံးများကို ၂၀၁၄ ခုနှစ် ဖေဖော်ဝါရီ ၁၂ ရက်တွင် ဈေးကွက်အတွင်း စတင်ရောင်းချမည် ဖြစ်ကြောင်း မြန်မာရွှေဖွံ့ဖြိုးတိုးတက်ရေး အများပိုင်ကုမ္ပဏီလီမိတက်မှ သိရသည်။

"ဒီဈေးကွက်က မြန်မာရွှေဖွံ့ဖြိုးတိုးတက်ရေး အများပိုင်ကုမ္ပဏီလီမိတက်ရဲ့ ပထမခြေလှမ်းလို့ ပြောလို့ရပါတယ်။ ရွှေဝယ်စုတဲ့သူတွေ ဈေးနည်းနည်းနဲ့ အတုံးဝယ်စုလို့ရအောင် လုပ်ပေးတာပါ။ အရည်အသွေးပိုင်းကို ၉၉.၉၉ အရည်အသွေးရအောင် လုပ်ထားတယ်။ တံဆိပ်ပိုင်းကိုလည်း အတုအပမရှိအောင် လုပ်သွားမှာပါ။ နည်းပညာကို အိန္ဒိယနဲ့ ဥရောပနိုင်ငံတွေက လေ့လာခဲ့တယ်။ ဒီရွှေတုံးကိုဝယ်ပြီး ပြန်ရောင်းချင်တယ်ဆိုရင်လည်း ပြန်ဝယ်ပေးမှာပါ" ဟု မြန်မာရွှေဖွံ့ဖြိုးတိုးတက်ရေး အများပိုင်ကုမ္ပဏီလီမိတက်မှ ဒါရိုက်တာဦးရဲသူအောင်က ပြောကြားသည်။

ရွှေတုံးများ၏အလေးချိန်ကို ဂရမ်အလိုက်သတ်မှတ်ထားပြီး ၂ ဒသမ ၅ ဂရမ် မှ ၁၀၀ ဂရမ်အထိရှိကာ ဈေးနှုန်းမှာပျမ်းမျှအားဖြင့် ၂ ဒသမ ၅ ဂရမ်တစ်တုံးလျှင် ကျပ်နှစ်သိန်းခွဲနှင့် ၁၀၀ ဂရမ်ဆိုပါက ကျပ်သိန်း ၄၀ ကျသင့်မည်ဖြစ်ပြီး ဈေးကွက်အတွင်းရှိ ရွှေဆိုင်များကို ရောင်းချပေးသွားမည်ဖြစ်ကြောင်း သိရသည်။

အဆိုပါရွှေတုံးများကို ပြည်တွင်းဈေးကွက်အတွင်း၌သာ ရောင်းချသွားမည်ဖြစ်ပြီး နောက်ပိုင်းတွင် ဈေးကွက်မှဝယ်လိုအားနှင့် မှာယူမှုများရှိလာပါက ပြည်ပဈေးကွက်သို့ပါ တင်ပို့ရောင်းချမှုများ ပြုလုပ်သွားမည်ဟု သိရသည်။

မြန်မာနိုင်ငံမှ ထွက်ရှိသည့်ရွှေများကို ပြည်တွင်းဈေးကွက်၌သာ အဓိကထားရောင်းချလျက်ရှိရာ ပြည်ပနိုင်ငံများမှ နည်းပညာများကိုလေ့လာ၍ တန်ဖိုးမြှင့်ကုန်ချောများအဖြစ် ပြည်ပနိုင်ငံဈေးကွက်သို့ ချဲ့ထွင်သင့်ကြောင်း၊ ဈေးကွက်အတွင်းရှိ တရားမ၀င် ရွှေကုန်သွယ်မှုများကိုလည်း တရားဝင်လမ်းကြောင်းပေါ်သို့ ရောက်ရှိစေရန် ပြုလုပ်သွားမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီး ဦးဝင်းမြင့်က မြန်မာနိုင်ငံရွှေလုပ်ငန်းရှင်များအသင်း၏ (၁၁) ကြိမ်မြောက်နှစ်ပတ်လည် အသင်းသားစုံညီ အစည်းအဝေးတွင် ပြောကြားခဲ့သည်။

Read More

ဥရောပသမဂ္ဂနိုင်ငံများ မြန်မာ့သတ္တုတွင်းကဏ္ဍတွင် ပူးပေါင်းလုပ်ဆောင်မည်ဖြစ်ပြီး ရှားပါးသတ္တုတူးဖော်မှု လုပ်ငန်းကဏ္ဍတိုင်း၌ ရင်းနှီးမြှုပ်နှံမည်ဆိုပါက ကူညီသွားမည်

Tuesday, 17 December 2013



မုံရွာမြို့အနီးရှိ ကြေးနီထုတ်လုပ်မည့် လက်ပံတောင်းတောင်စီမံကိန်း လုပ်ငန်းခွင်နေရာအား တွေ့ရစဉ် (ဓာတ်ပုံ-ဖြိုးဝေ)

မြန်မာ့သတ္တုတွင်းကဏ္ဍတွင် ဥရောပသမဂ္ဂနိုင်ငံများမှ ၀င်ရောက်လုပ်ကိုင်မည်ဖြစ်ပြီး နားလည်မှုစာချွန်လွှာ ရေးထိုးရန်နှင့် သတ္တုလုပ်ငန်းဆိုင်ရာ ကဏ္ဍများတွင် ၀င်ရောက်လုပ်ကိုင်မည်ဆိုပါက ပလက်တီနမ်၊ ယူရေနီယမ်အစရှိသည့် ရှားပါးသတ္တုတူးဖော်မှုဆိုင်ရာ ကဏ္ဍတိုင်းအား သတ္တုတွင်းဝန်ကြီးဌာနမှ အစစအရာရာ ကူညီသွားမည်ဖြစ်ကြောင်း သတ္တုတွင်းဝန်ကြီးဌာန သတ္တုတွင်းဦးစီးဌာနမှ ညွှန်ကြားရေးမှူးချုပ် ဦးဝင်းထိန်က ပြောကြားသည်။

"အီးယူကတော့ သတ္တုတွင်းဝန်ကြီးဌာနနဲ့ ပူးပေါင်းဆောင်ရွက်မယ်။ နားလည်မှုစာချွန်လွှာ ရေးထိုးမယ်ဆိုပြီး ပြန်သွားပါတယ်။ ကျွန်တော်တို့အနေနဲ့ကတော့ သတ္တုတူးဖော်တဲ့ကဏ္ဍတိုင်းမှာ အီးယူနိုင်ငံတွေက ပါဝင်လုပ်ဆောင်မယ်ဆို ကူညီဖို့အသင့်ပါပဲ"ဟု ဦးဝင်းထိန်က ပြောကြားသည်။

မြန်မာနိုင်ငံ၏ မြို့နယ်ပေါင်း ၂၀၀ ကျော်ခန့်တွင် သဘာဝသယံဇာတများဖြစ်သည့် သတ္တုများထွက်ရှိနေကြောင်း မြန်မာနိုင်ငံသတ္တုလုပ်ငန်းရှင်များအသင်းချုပ်မှ ဒုတိယဥက္ကဋ္ဌ ဦးခင်မောင်ဟန်က ပြောကြားသည်။ ထိုသို့ ထွက်ရှိနေသော်လည်း နိုင်ငံတကာဈေးကွက်ဝင် သတ္တုခုနစ်မျိုးခန့်သာ စီးပွားဖြစ်တူးဖော်နိုင်သည့် အနေအထားတွင်ရှိနေပြီး ရွှေ၊ ယူရေနီယမ်၊ ပလက်တီနမ်အပါအ၀င် ကန့်သတ်ထားသည့် ရှားပါးသတ္တု ၁၈ မျိုးခန့်ရှိနေကြောင်း သိရသည်။

နည်းပညာမြင့်မားသည့် အီးယူနိုင်ငံများမှ မြန်မာနိုင်ငံ၏ သတ္တုတွင်းကဏ္ဍ၌ ၀င်ရောက်လုပ်ကိုင်မည်ဆိုပါက တရုတ်နိုင်ငံကဲ့သို့သော နိုင်ငံများ၏ သတ္တုတူးဖော်မှုထက် ပိုမို၍ မြန်မာနိုင်ငံအတွက် အကျိုးဖြစ်ထွန်းစေမည်ဖြစ်ကြောင်း ဦးဝင်းထိန်က ဆက်လက်ပြောကြားသည်။

လက်ရှိအချိန်တွင် မြန်မာနိုင်ငံသတ္တုတွင်းကဏ္ဍအား ပိုမိုမြှင့်တင်နိုင်ရန် သတ္တုတွင်းဥပဒေများအား ပြင်ဆင်ရေးဆွဲနေပြီး ပြင်ဆင်ရေးဆွဲပြီးသည့် သတ္တုတွင်းဥပဒေအား ပြည်သူ့လွှတ်တော်သို့ တင်ပြထားကာ ဥပဒေထွက်ပေါ်လာသည်နှင့် နိုင်ငံခြားရင်းနှီးမြှုပ်နှံမှုများအတွက် ပိုမိုလုပ်သာကိုင်သာရှိသည့် အခြေအနေများ ဖြစ်ပေါ်လာမည်ဖြစ်ကြောင်း သတ္တုတွင်းဝန်ကြီးဌာန ပြည်ထောင်စု ဒုတိယ၀န်ကြီး ဦးသန်းထွန်းအောင်က ပြောကြားသည်။

အဆိုပါ မြန်မာသတ္တုတွင်းဥပဒေဟောင်းများကြောင့် သတ္တုကဏ္ဍတွင် ပါဝင်လုပ်ကိုင်သူများအတွက် ပါမစ်များအပေါ် မှီခိုရခြင်း၊ နောက်ဆက်တွဲ ထောက်ခံချက်၊ လိုင်စင်၊ ပါမစ်များမရရှိလျှင်၊ သတ္တုလုပ်ငန်းများ ဆောင်ရွက်နိုင်မှုအတွက် အာမခံချက် ကင်းမဲ့ခြင်း၊ လုပ်ကိုင်ခွင့်ပြုကာလအား အနည်းငယ်သာ ပေးအပ်ထားသည့်အတွက် သတ္တုတူးဖော်ထုတ်လုပ်ရန် ကာလမလုံလောက်မှုနှင့် အကြီးစား သတ္တုလုပ်ငန်းစီမံကိန်းများ၌ ရေရှည်လုပ်ကိုင်ရန် သေချာခြင်း လိုအပ်မှုကို နားလည်သဘောပေါက်ရန် ဥပဒေစီရင်သူများ ပျက်ကွက်မှုများရှိနေကြောင်း သြစတေးလျပညာရှင် William (Bill) Sullivan နှင့် Mr. Peter Church Oam က သုံးသပ်သည်။

မြန်မာနိုင်ငံ၏ နိုင်ငံခြားရင်းနှီးမြှုပ်နှံမှုကဏ္ဍတွင် သတ္တုတွင်းကဏ္ဍမှ စတုတ္ထအများဆုံးအဖြစ် အမေရိကန်ဒေါ်လာ ၂၈၃၃ ဒသမ ၇၃၄ သန်း မြှုပ်နှံထားပြီး စွမ်းအင်၊ ရေနံနှင့်သဘာဝဓာတ်ငွေ့၊ ကုန်ထုတ်လုပ်မှု လုပ်ငန်းများအား အများဆုံးမြှုပ်နှံထားကြောင်း သိရသည်။

EMG

Read More

ပြည်တွင်းမှကုန်ကြမ်းကိုသာ ၀ယ်ယူခြင်းမပြုဘဲ ကုန်ချောထုတ်စက်ရုံများ လာရောက်တည်ထောင်ကာ ရင်းနှီးမြှုပ်နှံမှုပြုရန် တရုတ်စီးပွားရေး လုပ်ငန်းရှင်များကို ဖိတ်ခေါ်

Monday, 16 December 2013


ဒီဇင်ဘာ ၁၆ ရက်တွင် တရုတ်-မြန်မာနှစ်နိုင်ငံကုန်သွယ်မှု MoU ရေးထိုးစဉ်

ပြည်တွင်းမှထွက်ရှိသည့် ကုန်ကြမ်းများကိုသာ ၀ယ်ယူမှုမပြုဘဲ တရုတ်နိုင်ငံ၏ နည်းပညာပူးပေါင်းဆောင်ရွက်မှုဖြင့် ကုန်ချောထုတ်လုပ်နိုင်သည့် စက်ရုံများ လာရောက်တည်ထောင်ကာ ရင်းနှီးမြှုပ်နှံမှုပြုလုပ်ရန် တရုတ်စီးပွားရေးလုပ်ငန်းရှင်များကို မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်မှ တွဲဖက်အတွင်းရေးမှူး ဦးအေးလွင်က အကြံပြုပြောကြားသည်။

တရုတ်နိုင်ငံ ကွမ်တုံပြည်နယ် ဒုတိယမြို့တော်ဝန်ဦးဆောင်သည့် အဖွဲ့ဝင်၂၂ ဦး ပါဝင်သည့် CCPIT Guangdong ကိုယ်စားလှယ်အဖွဲ့သည် မြန်မာနှင့်တရုတ် (ကွမ်တုံပြည်နယ်) နှစ်နိုင်ငံအကြား မြန်မာစီးပွားရေး လုပ်ငန်းရှင်များနှင့် အကျိုးတူ ပူးပေါင်းဆောင်ရွက်နိုင်ရန်အတွက် ဒီဇင်ဘာ ၁၁ ရက်ကတည်းက လာရောက်ဆွေးနွေးခဲ့ကြောင်း သိရသည်။

"လုပ်ငန်းရှင်တွေကို ပြောချင်တာက ကျွန်တော်တို့တိုင်းပြည်က ကုန်ကြမ်းတွေပဲယူမယ့်အစား ပြည်တွင်းမှာ စက်ရုံအလုပ်ရုံတွေ လာရောက်ထူထောင်ပြီး ကုန်ချောတွေကို အတူတကွထုတ်လုပ်ကာ ကမ္ဘာ့နိုင်ငံအသီးသီးကို ရောက်ရှိအောင် ပြုလုပ်ပေးဖို့ ကျွန်တော့်အနေနဲ့ မေတ္တာရပ်ခံပါတယ်" ဟု ၎င်းကဆိုသည်။

သစ်နှင့်သစ်အချောထည်လုပ်ငန်း၊ ဖိနပ်လုပ်ငန်း၊ ကြော်ငြာနှင့်မီဒီယာလုပ်ငန်း၊ ကြိတ်စက်အမျိုးမျိုးလုပ်ငန်း၊ စက်သွားဖြင့် အရောင်တင်လုပ်ငန်း၊ သွင်းကုန်ထုတ်ကုန်လုပ်ငန်း၊ လျှပ်စစ်နှင့်လျှပ်စစ်ပစ္စည်းလုပ်ငန်း၊ အသံဖမ်းအင်ဂျင်နီယာလုပ်ငန်း၊ ရင်းနှီးမြှုပ်နှံမှုလုပ်ငန်းတို့ကို ပူးပေါင်းလုပ်ကိုင်ရန်အတွက် လာရောက်ခဲ့ခြင်းဖြစ်ကြောင်း သိရသည်။

တရုတ်နိုင်ငံအနေဖြင့် မြန်မာနိုင်ငံတွင် ယခုလာရောက်ရင်းနှီးမြှုပ်နှံမည့် ပမာဏသည် အမရိကန်ဒေါ်လာ သိန်း ၇၅၀ ခန့် ရင်းနှီးမြှုပ်နှံမှုပြုလုပ်ရန် လျာထားကြောင်း သိရသည်။

တရုတ်နိုင်ငံ၏ စီးပွားရေးမူဝါဒအရ တရုတ်နိုငံသို့ မြန်မာနိုင်ငံမှ ကုန်ကြမ်းတင်သွင်းရာတွင် အခွန်သက်သာသော်လည်း ကုန်ချောတင်သွင်းရာတွင်မူ အခွန်ကြီးမြင့်နေသည့်အတွက် တရားမျှတသည့် မူဝါဒဖြစ်စေရန် တရုတ်အစိုးရသို့ မြန်မာစီးပွားရေး လုပ်ငန်းရှင်များမှ အကြံပြုထားပြီး ယင်းအကြံပြုချက်ကို တရုတ်အစိုးရသို့ တင်ပြပေးသွားမည်ဖြစ်ကြောင်း The Department of Foreign Trade & Economic Cooperation of Guandong Province မှ ဒုတိယညွှန်ကြားရေးမှူး Mrs. Ren Shao က ပြောကြားသည်။

မြန်မာနိုင်ငံတွင် ရင်းနှီးမြှုပ်နှံသည့် နိုင်ငံပေါင်း ၃၃ နိုင်ငံရှိပြီး တရုတ်နိုင်ငံ၏ ရင်းနှီးမြှုပ်နှံမှုသည် ပထမအဆင့်အနေဖြင့် ရပ်တည်လျက်ရှိကြောင်း၊ လုပ်ငန်းပေါင်း ၅၁ ခုတွင် ရင်းနှီးမြှုပ်နှံထားကာ ရင်းနှီးမြှုပ်နှံမှုပမာဏ စုစုပေါင်း အမေရိကန်ဒေါ်လာ ၁၄ ဘီလျံရှိကြောင်း သိရသည်။

Read More

မြန်မာဘောလုံးအသင်း ရှုံးနိမ့်မှုကြောင့် မြန်မာတို့၏ ဆီးဂိမ်းဝိညာဉ်ပျောက်ဆုံး အင်ဒိုနီးရှားအသင်းကို ရှုံးနိမ့်ခဲ့၍ ပရိသတ်များ အကြမ်းဖက်မှု ဖြစ်ပွား

Tuesday, 17 December 2013


အင်ဒိုနီးရှားအသင်းကို ရှုံးနိမ့်ပြီးနောက် ပရိသတ်အချို့က ထိုင်ခုံများဖျက်ဆီး၍ ကွင်းအတွင်း ပစ်ပေါက်ထားသည်ကို တွေ့ရစဉ် ( ဓာတ်ပုံ-ညီညီစိုးညွန့်)

ဒီဇင်ဘာ ၁၆ ရက် ညနေပိုင်းက ယှဉ်ပြိုင်ကစားသော ဆီးဂိမ်းစ်အမျိုးသား ဘောလုံးပြိုင်ပွဲ အုပ်စုနောက်ဆုံးပွဲစဉ်တွင် မြန်မာအသင်းက အင်ဒိုနီးရှားအသင်းအား တစ်ဂိုး ဂိုးမရှိဖြင့် ရှုံးနိမ့်ခဲ့ခြင်းကြောင့် အုပ်စုမှထွက်ခဲ့ရပြီ ဖြစ်သည်။
အိမ်ရှင်အဖြစ် လက်ခံကျင်းပလျက်ရှိသော အရှေ့တောင်အာရှ အားကစားပြိုင်ပွဲ အားကစားနည်းများအနက် ပရိသတ်များ အမျှော်လင့်ဆုံး၊ အားအပေးဆုံး အားကစားနည်းဖြစ်သော ဘောလုံးပြိုင်ပွဲတွင် အုပ်စုအဆင့်မှ ထွက်ခွာခဲ့ရသောကြောင့် မျှော်လင့်တကြီး အားပေးခဲ့ကြသော ပရိသတ်များမှာ ဒေါသထွက်ကာ ဆူပူအကြမ်းဖက်မှုများ ဖြစ်ပွားခဲ့သည်။ လုံခြုံရေး ရဲတပ်ဖွဲ့ဝင်များနှင့် ဘောလုံးပရိသတ်အချို့ကြား ပဋိပက္ခများလည်း ဖြစ်ပွားခဲ့သည်။ မြန်မာဘောလုံးအသင်း အုပ်စုအဆင့်မှ ထွက်ခွာခဲ့ရခြင်းသည် ဆီးဂိမ်းပြိုင်ပွဲ၏ ၀ိညာဉ်ပျောက်ဆုံးခြင်းပင်ဖြစ်ကြောင်း သုံးသပ်မှုများလည်း ရှိနေသည်။



ခဲများဖြင့် ပစ်ပေါက်ခဲ့သည့် ပရိသတ်တစ်ဦးအား လုံခြုံရေးတပ်ဖွဲ့ဝင်များက ဖမ်းဆီးနေစဉ် (ဓာတ်ပုံ-မင်းသိန်းနိုင်)



မြန်မာဘောလုံးသမားများ ပုံပါ ဆီးဂိမ်းစ်လှုံ့ဆော်ရေးဆိုင်ဘုတ်ကို မီးရှို့နေကြစဉ် (ဓာတ်ပုံ-အာကာ)



ပရိသတ်များ ၀တ်ဆင်အားပေးသည့် မြန်မာအသင်းအင်္ကျီအား မီးရှို့နေကြစဉ်(ဓာတ်ပုံ-အာကာ)

"ဒီနှစ်နှစ်အတွင်းမှာလည်း ပတ်ဆောင်ဟွာကိုင်တွယ်ချိန်မှာ ပြိုင်ပွဲများစွာကို ရှုံးနိမ့်ပြီး အရှက်ရခဲ့တယ်။ ခြေစမ်းပွဲတွေမှာလည်း အကြိမ်ကြိမ် ရှုံးနိမ့်စဉ်ကတည်းက ဒီနည်းပြမဟုတ်တော့ဘူးဆိုတာ ကျွန်တော်တို့သိနေတယ်။
ဒီဆီးဂိမ်းစ်ဟာ ကျွန်တော်တို့အတွက် အရမ်းအရေးကြီးတယ်။ ဒါကို သူနားလည်ထားရမယ်။ ဒီပွဲအစ လူထုတ်ပုံကြည့်ကတည်းက အတော့်ကိုစိတ်ပျက်သွားမိတယ်။ ဘာလို့ ကျော်ကိုကို ကို ပွဲအစမှာ ထည့်မသုံးခဲ့တာလဲ။ နည်းပြရဲ့ လူထုတ်ပုံမှားယွင်းမှု၊ လူစားလဲပုံ မှားယွင်းမှုတွေက ဒီပွဲကိုရှုံးနိမ့်စေတယ်လို့ ပြောချင်တယ်။ ပတ်ဆောင်ဟွာဟာ အခုမှဒီလိုအမှားမျိုးကျူးလွန်တာမဟုတ်ဘဲ အရင်ကတည်းက အကြိမ်ကြိမ် မှားခဲ့ဖူးသူဖြစ်တယ်။
ဘာပဲပြောပြောသူတစ်ယောက်တည်းရဲ့ ဆုံးဖြတ်ချက်က ကျွန်တော်တို့မြန်မာပရိသတ် သန်း ၆၀ စလုံးရဲ့ မျှော်လင့်ချက်တွေကို ရိုက်ချိုးသလို ဖြစ်စေခဲ့တယ်" ဟု ၀ါရင့်အားကစား ကလောင်ရှင်တစ်ဦးဖြစ်သူ ဦးချစ်ဝင်းမောင် (အယ်ဒီတာချုပ်၊ တက်လမ်းအားကစားဂျာနယ်) က ပြောကြားခဲ့သည်။

"ပွဲထွက်လူစာရင်းကိုကြည့်ကတည်းက ဘာတွေဖြစ်ကုန်တာလဲလို့ ကျွန်တော်တို့ အံ့အားသင့်ခဲ့ရပါတယ်။ ဒီပွဲက အင်တာနေရှင်နယ်အဆင့် ပွဲတစ်ပွဲဖြစ်ပြီး ပြိုင်ဘက်အသင်းကလည်း လျှော့တွက်လို့မရတဲ့ အသင်းတစ်သင်းပါ။ ပြီးခဲ့တဲ့ပွဲတွေမှာ ကစားပုံသိပ်မကောင်းခဲ့ပေမယ့် အင်ဒိုနီးရှားဟာ အစဉ်အလာရှိတဲ့ အသင်းတစ်သင်းဆိုတာ မေ့မထားသင့်ဘူး။ နောက်ပြီး Head to Head အရ သူတို့အသင်းကနိုင်ရင် နောက်တစ်ဆင့်တက်မယ်ဆိုတာ သိနေတော့ သူတို့ကလည်း ကြိုးစားမှာပဲ။ ဒါကိုဘာဖြစ်လို့ ဒီလူထုတ်ပုံနဲ့ ရင်ဆိုင်သလဲဆိုတာ အံ့အားသင့်ရပါတယ်။ နောက်ပြီး ကျော်ကိုကို ကိုထည့်ချိန်မှာ ကျော်ဇေယျာဝင်းကို ထုတ်လိုက်တာလည်း အံ့သြစရာပါပဲ။ မြန်မာအသင်းဟာ ကစားကွက်လည်း လုံးဝမရှိဘဲ ရယ်စရာပြောရရင် ကလေးပွဲတစ်ပွဲ ကြည့်ရတာတောင် ပိုကောင်းဦးမယ်။ ဒီလိုတစ်နိုင်ငံလုံးက မျှော်လင့်နေတဲ့အချိန်မှာ အုပ်စုအဆင့်ကထွက်ရတာ တော်တော့်ကိုစိတ်မကောင်းပါဘူး" ဟု ဇွဲကပင်ယူနိုက်တက်အသင်း၏ နည်းစနစ်အကြံပေး ဦးအေးမောင်ကြီးက ပြောကြားခဲ့သည်။



ကွင်းအတွင်းဝင်ရောက်လာသော ပရိသတ်တစ်ဦးအား လုံခြုံရေးများက ခေါ်ဆောင်လာစဉ်(ဓာတ်ပုံ-ညီညီစိုးညွန့်)





ဆူပူနေသော ပရိသတ်အချို့အား မီးသတ်ပိုက်ဖြင့် ရေပက်၍ လူစုခွဲနေစဉ်(ဓာတ်ပုံ-မင်းသိန်းနိုင်)



ဝေဇယန္တာလမ်းနှင့် လေးထောင့်ကန်လမ်းဆုံ မီးပွိုင့်တွင် ပရိသတ်အချို့မှ ပစ်ပေါက်ထားသည့် ခဲအပိုင်းအစများ(ဓာတ်ပုံ-၀င်းမြင့်ကျော်)

အကြိုဗိုလ်လုပွဲတက်ရောက်ရေး အဆုံးအဖြတ်ပွဲတွင် မြန်မာအသင်းမှာ အင်ဒိုနီးရှားအသင်းအား တစ်ဂိုးဂိုးမရှိဖြင့် ရှုံးနိမ့်နေပြီး ပွဲစဉ်ပြီးခါနီးတွင် ပရိသတ်အချို့မှာ ရေအိတ်များဖြင့် ပစ်ပေါက်ခြင်း၊ ဖိနပ်များဖြင့် ကွင်းအတွင်းသို့ ပစ်ပေါက်ခြင်းအပြင် ထိုင်ခုံများကိုချိုးဖျက်ပြီး လာရောက်အားပေးသည့် ပရိတ်သတ်အချို့မှ ကွင်းထဲသို့ ပစ်ပေါက်ခဲ့မှုများ ရှိခဲ့သည်။

ထို့အပြင် မြန်မာအသင်းနှင့် အင်ဒိုနီးရှားအသင်းတို့ ယှဉ်ပြိုင်ကစားနေချိန်တွင် ပရိတ်သတ်သုံးဦးမှာ ကွင်းထဲသို့ ဆင်းသွားခဲ့သည့်အတွက် သက်ဆိုင်ရာ တာဝန်ယူထားသည့် လုံခြုံရေးရဲတပ်ဖွဲ့များမှ ထိန်းသိမ်းခဲ့ရကြောင်း သိရသည်။

ထို့နောက် ပွဲပြီးဆုံးသွားသည့်အချိန်တွင် ဒေါသထွက်နေသော ပရိသတ်များက ကွင်းအတွင်းရှိ ထိုင်ခုံများစွာ ချိုးဖျက်ခဲ့ပြီး ကွင်းထဲသို့ပစ်ချခဲ့သည့်အပြင် မြန်မာအသင်းအင်္ကျီများနှင့် လက်မှတ်များကို ဂိတ်ပေါက် ၇၊ ၈၊ ၉ ဘက်သို့သွားသည့် လမ်းမတွင် မီးရှို့မှုများပြုလုပ်ခဲ့၍ မီးလန့်မှုများ ဖြစ်ပွားခဲ့ကြောင်း သိရသည်။

ထို့အပြင် ပရိသတ်အချို့က သုဝဏ္ဏအားကစားကွင်းရှေ့ ဝေဇယန္တာလမ်းမနှင့် လေးထောင့်ကန်လမ်းထောင့်တွင် စိုက်ထူထားသည့် ဆီးဂိမ်းလှုံ့ ဆော်ရေး ဆိုင်းဘုတ်များအား ဖျက်ဆီးခြင်း လုံခြုံရေးဆောင်ရွက်နေသောရဲများကို ရေမြောင်းလုပ်ရန်ထားရှိသော အုတ်ခဲများဖြင့် ပစ်ပေါက်ခြင်းများ ပြုလုပ်ခဲ့ကြသည်။ သုဝဏ္ဏကွင်းနားရှိ ယာဉ်ထိန်းရဲရုံးကိုလည်း ခဲများဖြင့်ပစ်ပေါက်ခဲ့ကြပြီး ၎င်းဆူပူအကြမ်းဖက်သူများအား မီးသတ်ကားများ၏ ရေပိုက်ဖြင့် လူစုခွဲခဲ့သော်လည်း လူစုမကွဲဘဲ ပိုဆိုးလာသဖြင့် ရဲတပ်ဖွဲ့အင်အား ထပ်မံတိုးခဲ့ပြီး အဆိုပါလူစုအား အင်အားသုံး ဖြိုခွင်းခဲ့ရသည်။



မြန်မာအသင်း ရှုံးနိမ့်ပြီးနောက် သုဝဏ္ဏဘောလုံးကွင်းအပြင်ဘက် သင်္ဃန်းကျွန်းမြို့နယ် လေးထောင့်ကန်လမ်းနှင့် ဝေဇယန္တာလမ်းဆုံ အသင်းတိုက်မီးပွိုင့်အနီး မြန်မာပရိသတ်အချို့က အရာဝတ္ထုများဖြင့် ပစ်ပေါက်နေကြစဉ် (ဓာတ်ပုံ-အာကာ)

ထိုသို့ဖြိုခွင်းခဲ့ရာတွင် ဆူပူသည့် ပရိသတ်အချို့ကို ရဲတပ်ဖွဲ့က ဖမ်းဆီးမှုများရှိခဲ့ကြောင်းလည်း သိရသည်။ ဒေါသထွက်နေသော ပရိသတ်များနှင့် လုံခြုံရေးတပ်ဖွဲ့ဝင်များအကြား ပဋိပက္ခဖြစ်ပွားမှုမှာ ည ၁၁ နာရီ ၄၅ မိနစ်ခန့်တွင် ပြီးဆုံးခဲ့ကြောင်း သိရသည်။

ကိုရီးယားလူမျိုးနည်းပြ၏အတ္တနှင့် သန်း ၆၀ ၏ မျှော်လင့်ချက် လဲလှယ်ခဲ့ရ (ဓာတ်ပုံ-ညီညီစိုးညွန့်)

"ရှုံးတဲ့အတွက် အ၀တ်တွေမီးရှို့တယ်။ ဘေလ်ဘုတ်တွေကို မီးရှို့တယ်။ လုံခြုံရေး အင်အားအနေနဲ့ ရဲတပ်ရင်းနဲ့ မီးသတ်တပ်ဖွဲ့ဝင်တွေ ပါပါတယ်။ တရားမ၀င် လုပ်ထုံးလုပ်နည်းနဲ့ လုပ်တဲ့သူတွေကို ဖမ်းဆီးသွားမှာပါ။ သာမန်သူများယောင်လို့ ယောင်တဲ့သူတွေကိုတော့ မဖမ်းထားပါဘူး။ ကွင်းထဲမှာတုန်းက ဖမ်းထားတဲ့သူတွေကိုတော့ ပြန်လွှတ်လိုက်ပါပြီ။ ဒီလိုဖြစ်မယ်လို့ ထင်တောင်ထင်မထားဘူး။ မြန်မာတွေ မရင့်ကျက်သေးတာပါ"ဟု အကြမ်းဖက်မှုကို တားဆီးခဲ့သည့် ရဲတပ်ရင်းမှ အရာရှိတစ်ဦးက ပြောကြားသည်။

မြန်မာအမျိုးသားဘောလုံးအသင်းပြိုင်ပွဲမှ ထွက်ခွာသွားရသည့်အတွက် ဆီးဂိမ်းစ်ပြိုင်ပွဲမှာ မည်သည့်အဓိပ္ပာယ်မှ မရှိတော့ကြောင်း ပရိသတ်များက ပြောကြားသည်။

" ကျွန်တော်တို့အတွက်တော့ အဓိကက ဘောလုံးပွဲပဲ။ တခြားအားကစားတွေ ရွှေဆုရတာ မရတာကို ကျွန်တော်တို့ စိတ်မ၀င်စားဘူး။ ကျွန်တော်တို့ ထိုင်းနဲ့ပွဲတုန်းကဆို လက်မှတ်ရဖို့ နံနက် ၃ နာရီကတည်းက သွားတန်းစီခဲ့ရတာ။ နေပြည်တော်အထိ လိုက်အားပေးဖို့လည်း စီစဉ်ထားတာ။ ကျန်တဲ့ကစားနည်းတွေ ဆုရရ မရရ ဘောလုံးမှာ ဆုရရင်ကျေနပ်တယ်ဗျာ။ အခုကျတော့ ဆီမီးတောင်မတက်ဘူးဆိုတော့ဗျာ။ ပရိသတ်အားပေးမှုဆိုတာကလည်း တစ်ခြားစီပဲ။ အခုကတော့ ဆီးဂိမ်းစ်ဆိုတာ ကျွန်တော်တို့နဲ့ မဆိုင်တော့သလို ဖြစ်သွားပြီ"ဟု မြန်မာ -အင်ဒိုနီးရှားပွဲ သွားရောက်အားပေးခဲ့သည့် NLEC မှ ကျောင်းဆရာတစ်ဦးဖြစ်သူ ကိုဟိန်းကိုဇော်က ပြောကြားသည်။

ကွင်းအတွင်းသွားရောက် အားပေးခဲ့သည့် အရောင်းဝန်ထမ်းတစ်ဦးဖြစ်သူ ကိုသန်းစိုးက "ကျွန်တော်တို့ အတွက်တော့ အမျိုးသားအားကစားဆိုတာ အမျိုးသားဘောလုံးပွဲပဲဗျာ။ အခု အမျိုးသားဘောလုံးအသင်း ထွက်သွားတော့ ဆီးဂိမ်းစ်ပြိုင်ပွဲအပေါ်မှာ အာရုံလုံးဝမရှိတော့ဘူး" ဟု ပြောကြားသည်။

EMG

Read More

ဝိုင်၊ အရက်ကို တရားမ၀င်တင်သွင်း၍ ပို့ကုန်သွင်းကုန်ဥပဒေဖြင့် အမှုဖွင့် အရေးယူထားကြောင်း သတင်းဖော်ပြမှုနှင့်ပတ်သက်၍ City Mart နှင့် ဆက်နွှယ်မှုရှိသော Premium Food Service Products ကုမ္ပဏီမှ ရှင်းလင်းစာပေးပို့

 Tuesday, 17 December 2013


Premium Food Service Products ကုမ္ပဏီမှ ရှင်းလင်းစာနှင့်အတူ ပူးတွဲပေးပို့ခဲ့သည့် ACE Group of Companie ၏အကြောင်းကြားစာကို တွေ့ရစဉ်

ဝိုင်၊ အရက်များကို တရားမ၀င်တင်သွင်း၍ ပို့ကုန်၊ သွင်းကုန်ဥပဒေဖြင့် အမှုဖွင့်အရေးယူထားကြောင်း သတင်းဖော်ပြမှုနှင့် ပတ်သက်၍ City Mart နှင့်ဆက်နွှယ်မှုရှိသော Premium Food Service Products ကုမ္ပဏီမှ ရှင်းလင်းတင်ပြကြောင်းစာအား The Daily Eleven သတင်းစာသို့ ဒီဇင်ဘာ ၁၅ ရက်နေ့စွဲဖြင့် ပေးပို့ခဲ့သည်။

အဆိုပါအကြောင်းကြားစာတွင် "ကျွန်တော်များကုမ္ပဏီ၏ သိုလှောင်ရုံမှ ပစ္စည်းများကို တရားမ၀င်ကုန်သွယ်မှု တားဆီးထိန်းချုပ်ရေးကော်မတီ Mobile Team မှ ၀င်ရောက်စစ်ဆေးနေစဉ် Associate Civil Engineering Trading Co., Ltd မှ ၀ယ်ယူခဲ့သော ပစ္စည်းများဖြစ်ကြောင်း တင်ပြခဲ့ပါသည်။

ထိုအခြေအနေတွင် ၂၀၁၃ ခုနှစ် ဒီဇင်ဘာ ၁၃ ရက်တွင် ACE Group of Company မှ ဥက္ကဋ္ဌ(ကိုယ်စား) ဦးသိန်းဇော်မြင့်က အကြောင်းကြားစာပေးပို့ရာတွင်

၁။ ACE Trading Co., Ltd မှ ၎င်းတို့တင်သွင်းလာသော ပစ္စည်းများမဟုတ်ကြောင်း ငြင်းဆိုခြင်းမပြုခဲ့ပါ။

၂။ ACE Trading Co., Ltd မှ Board of Director တစ်ဦးဖြစ်သူ ဦးသူရစိုးက ကုမ္ပဏီအမည်ကို အလွဲသုံးစားပြု ဆောင်ရွက်ခဲ့ကြောင်း အကြောင်းပြန်ခဲ့ပါသည်။(အဆိုပါ ၂၀၁၃ ခုနှစ် ဒီဇင်ဘာ ၁၃ ရက်နေ့ ရက်စွဲပါ စာမိတ္တူများအား ပူးတွဲပေးပို့အပ်ပါသည်။)"ဟု ဖော်ပြပါရှိပါသည်။

ထို့အပြင် ဒီဇင်ဘာ ၁၅ ရက်ထုတ် The Daily Eleven သတင်းစာတွင် ဖော်ပြထားသော "Premium Food Service Products Co.,Ltd မှာ Mobile Team မှ ဖမ်းဆီးထားသည့် ၀ိုင်၊ အရက်များနှင့်ပတ်သက်ပြီး ACE Group of Company ၏ ၀ိုင်တင်သွင်းမှုလိုင်စင်ဖြင့် တင်ပြလျှောက်ထားမှုများ ရှိခဲ့သော်လည်း ACE Group of Company မှ ၎င်းတို့နှင့်သက်ဆိုင်ခြင်းမရှိကြောင်း၊ မိမိတို့အမည်ကို အလွဲသုံးစားပြုလုပ်ခဲ့ခြင်းဖြစ်ကြောင်း လာရောက်ကန့်ကွက်ခဲ့မှုများ ရှိခဲ့ပါသည်" ဟု ဖော်ပြထားချက်သည် အမှန်တကယ် ACE Group of Company ၏ ပေးပို့စာနှင့် မကိုက်ညီခဲ့ကြောင်း အဆိုပါစာတွင် ဖော်ပြထားသည်။

ပို့ကုန်-သွင်းကုန်ဥပဒေပုဒ်မ ၈ ၏ပြစ်မှုပြစ်ဒဏ်အရ မည်သူမဆို ပုဒ်မ ၅ သို့မဟုတ် ပုဒ်မ ၆ ပါတားမြစ်ချက်ကို ဖောက်ဖျက်ကျူးလွန်ကြောင်း ပြစ်မှုထင်ရှား စီရင်ခြင်းခံရလျှင် ထိုသူအား သုံးနှစ်ထက်မပိုသော ထောင်ဒဏ်ဖြစ်စေ၊ ငွေဒဏ်ဖြစ်စေ ဒဏ်နှစ်ရပ်လုံးဖြစ်စေ ချမှတ်ခံရမည်ဖြစ်ကြောင်း သိရသည်။

ထို့အပြင် လိုင်စင်မဲ့တင်သွင်းလာသော မော်တော်ယာဉ်များကို စစ်ဆေးတွေ့ရှိပါက ပစ္စည်းသိမ်း၍ တရားမ၀င်တင်သွင်းသူအား အနည်းဆုံးထောင်ဒဏ်တစ်နှစ်ခွဲမှ အများဆုံး ထောင်ဒဏ်သုံးနှစ်အထိ အရေးယူလေ့ရှိကြောင်း သိရသည်။ ယခု City Mar နှင့် ဆက်နွှယ်မှုရှိသော Premium Food Service Products ကုမ္ပဏီ၏ ဂိုဒေါင်တွင် စစ်ဆေးတွေ့ရှိသည့် အထောက်အထားမပြနိုင်သော အရက်၊ ၀ိုင်စုစုပေါင်း၏ ပမာဏမှာ ကျပ်သိန်းပေါင်း ၆၀၀၀ ခန့်အထိ ပမာဏရှိနေသည်ဟု သိရသည်။

တရားမ၀င်ကုန်သွယ်မှု တားဆီးထိန်းချုပ်ရေးအဖွဲ့ (Mobile Team)၏ သတ်မှတ်ကာလအတွင်း အထောက်အထားမပြနိုင်သောကြောင့် ပို့ကုန်သွင်းကုန် ဥပဒေဖြင့် အရေးယူထားကြောင်းသိရပြီး မည်ကဲ့သို့အရေးယူမည်ဆိုသည်ကိုမူ လတ်တလောတွင် သိရှိရခြင်းမရှိသေးပေ။

EMG

Read More

မီးလောင်ပျက်စီးခဲ့သော မိတ္ထီလာမြို့ ချမ်းအေးသာယာ နယ်မြေအတွင်းရှိ မြေနေရာများတွင် လုံးချင်းအိမ်ရာများနှင့် အထပ်မြင့် တိုက်ခန်းများ နိုင်ငံတော်မှအခမဲ့ ပြန်လည် ဆောက်လုပ်ပေးမည်

 Tuesday, 17 December 2013


မိတ္ထီလာမြို့ ချမ်းအေးသာယာ နယ်မြေအတွင်း နေထိုင်သူ အများစု ခိုလှုံနေရသော ဗဟိုပို့ဆောင် ဆက်သွယ်ရေး ကယ်ဆယ်ရေးစခန်းအား ဒီဇင်ဘာလဆန်းပိုင်းက တွေ့ရစဉ် (ဓာတ်ပုံ-၀ဏ္ဏ)

၂၀၁၃ ခုနှစ် မတ်လအတွင်းက မီးလောင်ပျက်စီး သွားခဲ့သော မိတ္ထီလာမြို့ နန်းတော်ကုန်းရပ်ကွက် ချမ်းအေးသာယာ နယ်မြေအတွင်းရှိ မြေနေရာများတွင် လုံးချင်းအိမ်ရာများနှင့် အထပ်မြင့် တိုက်ခန်းများအား ဒီဇင်ဘာလထဲ နိုင်ငံတော်မှ အခမဲ့ ပြန်လည်ဆောက်လုပ် ပေးမည်ဖြစ်ပြီး ဆောက်လုပ်ရေး ပစ္စည်းများကို ဒီဇင်ဘာ တတိယပတ်တွင် စတင်ချထားပေးကာ ဆောက်လုပ်ရေး လုပ်ငန်းများ စတင်နိုင်ရန် ဆောင်ရွက်လျက် ရှိကြောင်း မိတ္ထီလာခရိုင် အုပ်ချုပ်ရေးမှူးရုံးမှ သိရသည်။

''မြေယာပိုင်ဆိုင်မှု ခိုင်မာမှုရှိတဲ့ အိမ်ထောင်စုတွေနဲ့ ကျူးကျော်အိမ်ထောင်စုတွေ အားလုံးအတွက် လုံးချင်းအိမ်ရာနဲ့ အထပ်မြင့် တိုက်ခန်းတွေကို မန္တလေးတိုင်းဒေသကြီး အစိုးရအဖွဲ့နဲ့ အလှူရှင်တွေက အခမဲ့ ပြန်လည် ဆောက်လုပ်ပေးမှာ ဖြစ်ပါတယ်။ လုံးချင်းအိမ်ရာက ၂၇ ပေ x၂၂ ပေ အကျယ်ရှိပြီး အိပ်ခန်း နှစ်ခန်းအပြင် မီးဖိုပါပါတယ်။ ရေချိုးခန်း၊ အိမ်သာ၊ ရေမီး အပြည့်အစုံ လုပ်ပေးမှာ ဖြစ်ပါတယ်။ လုံးချင်းအိမ် တစ်လုံးအတွက် ငွေကျပ် ၇၅ သိန်းလောက် ကျနိုင်ပါတယ်။ အထပ်မြင့် တိုက်ခန်းမှာလည်း အိပ်ခန်း၊ ရေချိုးခန်း၊ အိမ်သာ၊ ရေမီးအားလုံးပါ ရှိပါမယ်။ အခုပထမဆုံး အနေနဲ့ ချမ်းအေးနယ်မြေထဲမှာ မြေယာပိုင်ဆိုင်မှု ခိုင်မာမှုရှိတဲ့ အိမ်ထောင်စု ၉၃ စုနဲ့ ခွဲခြားစိတ်ဖြာ ၀ယ်ယူထားတဲ့ အိမ်ထောင်စု ၁၃၀ အတွက် လုံးချင်းအိမ်ရာနဲ့ အထပ်မြင့်တိုက်ခန်း တည်ဆောက်မှု ဒီဇင်ဘာလထဲမှာ စတင်ပါမယ်။ ကျန်နေသေးတဲ့ ချမ်းအေးသာယာ နယ်မြေထဲမှာရှိတဲ့ မြေယာပိုင်ဆိုင်မှု ခိုင်မာမှုရှိတဲ့ သူတွေနဲ့ ကျူးကျော်နေထိုင်သူ အားလုံးကိုလည်း စာရင်းစိစစ်ပြီးရင် အလားတူ လုံးချင်းအိမ်ရာနဲ့ အထပ်မြင့် တိုက်ခန်းတွေ အမြန်ဆုံးပြန်လည် ဆောက်လုပ်ပေးသွားမှာ ဖြစ်ပါတယ်။ ဒေသခံတွေ အလုပ်အကိုင် အခွင့်အလမ်း ရရှိဖို့အတွက် ဆောက်လုပ်ရေး လုပ်ငန်းတွေမှာ ဒေသခံ အလုပ်သမားတွေ ငှားရမ်းဆောင်ရွက်သွားမှာ ဖြစ်ပါတယ်'' ဟု မိတ္ထီလာခရိုင် အုပ်ချုပ်ရေးမှူး ဦးတင်မောင်စိုးက ပြောကြားသည်။

''ချမ်းအေးထဲမှာ ဆောက်ပေးမှာကို အများစုက သဘောတူပါတယ်။ ဒါပေမဲ့ ဆောက်လုပ်ရေး လုပ်ငန်းကိုတော့ အမြန်ဆုံး ပြီးစီးအောင် ဆောင်ရွက်စေချင်တယ်။ ဒါမှ ကျွန်တော်တို့လည်း ကိုယ့်အိုး ကိုယ့်အိမ်လေးနဲ့ ပြန်နေလို့ရမှာ ဖြစ်ပါတယ်။ ကယ်ဆယ်ရေး စခန်းမှာနေရတာ ရှစ်လကျော်ရှိပါပြီ။ တစ်ရက်မှ အဆင်မပြေလို့ ဆောက်လုပ်ရေး လုပ်ငန်းတွေကို အမြန်ဆုံး ပြီးစီးစေချင်ပါတယ်'' ဟု ချမ်းအေးသာယာ နယ်မြေတွင် နေထိုင်သူ တစ်ဦးက ပြောကြားသည်။

ချမ်းအေးသာယာ နယ်မြေတွင် မြေကွက်ပေါင်း ၆၃၇ ကွက်ရှိသည့်အနက် မတ်လအတွင်းက ဖြစ်ပွားသော အကြမ်းဖက်မှုများကြောင့် မြေကွက် ၅၈၈ ကွက် မီးလောင်ပျက်စီးခဲ့ပြီး လူပေါင်းများစွာ ကယ်ဆယ်ရေး စခန်းများ၌ ခိုလှုံနေရဆဲ ဖြစ်သည်။

EMG

Read More