တောင်ကြီးမြို့ စိန်ပန်းရပ်ကွက်တွင် လက်လုပ်မိုင်းတစ်ခု တွေ့ရှိ၍ ဖောက်ခွဲဖျက်ဆီး

  Thursday, 26 December 2013


တာဝန်ရှိသူများက လက်လုပ်မိုင်းကို ရှာဖွေသိမ်းဆည်းနေစဉ်

တောင်ကြီးမြို့ စိန်ပန်းရပ် ပြည်နယ်ရဲတပ်ဖွဲ့မှူးရုံး အရှေ့ဘက် ပြည်တော်အေးလမ်းမဘေး လမ်းသွယ်စည်ပင် ဆောက်လုပ်ရေး လုပ်ငန်းခွင်နှင့် လူငယ်ထိန်းသိမ်းရေး မိဘမဲ့ဂေဟာကြားရှိ လမ်းဘေးရေမြောင်းငယ်အတွင်း လက်လုပ်မိုင်းတစ်ခု ဒီဇင်ဘာ ၂၅ ရက်မွန်းလွဲ ၁၂ နာရီ ၅၅ မိနစ်ခန့်က တွေ့ရှိခဲ့၍ ဖောက်ခွဲဖျက်ဆီးခဲ့ကြောင်း သိရသည်။

အဆိုပါ လမ်းဘေးရေမြောင်းငယ်အတွင်း၌ မသင်္ကာဖွယ် ပလက်စတစ်ထုပ် တစ်ခုကို တွေ့ရှိကြောင်း စည်ပင်ဆောက်လုပ်ရေး ၀န်ထမ်းတစ်ဦးက သတင်းပေး တိုင်ကြားချက်အရ နယ်မြေရဲတပ်ဖွဲ့၊ ပြည်နယ်ရဲတပ်ဖွဲ့၊ အရှေ့ပိုင်းတိုင်း စစ်ဌာနချုပ်၊ စစ်လက်နက် ပစ္စည်းတပ်တို့မှ တာဝန်ရှိသူများက သွားရောက်ရှာဖွေ စစ်ဆေးခဲ့ကြောင်း သိရသည်။

ယင်းပလတ်စတစ်ထုပ်ကို တာဝန်ရှိသူများက ဖွင့်ဖောက်စစ်ဆေးရာ အချင်းနှစ်လက်မ၊ အရှည်ခြောက်လက်မခန့် သံပိုက်ဖြင့် ပြုလုပ်ထားပြီး ထိပ်နှစ်ဖက် အဖုံးအပိတ်နှင့် စနက်တံ နှစ်လက်မခန့် တပ်လျက်သား လက်လုပ်မိုင်းတစ်ခုကို ဂျာနယ်တစ်ထပ်၊ ပလတ်စတစ် တစ်ထပ်ထုပ်ထားကြောင်း တွေ့ခဲ့သည်။

ထို့ကြောင့် အဆင့်ဆင့် ခွင့်ပြုချက်တောင်းခံကာ လူငယ်ထိန်းသိမ်းရေးဂေဟာဝင်း အတွင်းရှိ ကွက်လပ်ကျယ်တွင် မိုင်းစွန့်ကျင်းပြုလုပ်၍ ညနေ ၄ နာရီတွင် ဖောက်ခွဲဖျက်ဆီးခဲ့ကြောင်း ပြည်နယ်ရဲတပ်ဖွဲ့ သတင်းထုတ်ပြန်ရေးဌာနမှ သိရသည်။

EMG

Read More

မောင်ကိန်းရွှေဆိုင် ဓားပြမှုတွင် ကိုင်ဆောင်ခဲ့သည့် သေနတ်မှာ လောက်ကိုင်မြို့နယ် အမျိုးသားလွှတ်တော် ကိုယ်စားလှယ်၏ နေအိမ်လုံခြုံရေး အစောင့်ထံမှ ယူဆောင်လာခြင်းဖြစ်ဟု ကျူးလွန်သူထွက်ဆို

Thursday, 26 December


မောင်ကိန်းရွှေဆိုင် အတွင်းရှိ ပျက်စီးနေသည့် ကောင်တာများကို တွေ့ရစဉ်

မောင်ကိန်းရွှေဆိုင် ဓားပြမှုဖြစ်စဉ် အနုကြမ်းစီးရာတွင် ကျူးလွန်သူ ကိုင်ဆောင်အသုံးပြုသည့် သေနတ်မှာ လောက်ကိုင်မြို့နယ် အမျိုးသားလွှတ်တော် ကိုယ်စားလှယ် ဦးလေးဖြစ်သူ၏ နေအိမ်လုံခြုံရေး အစောင့်ထံမှ ယူဆောင်လာခြင်းဖြစ်ကြောင်း ကျူးလွန်သူက ၀န်ခံထွက်ဆိုခဲ့ကြောင်း သိရသည်။

ကျူးလွန်သူမှာ လောက်ကိုင်မြို့တွင် နေထိုင်သူ ကိုးကန့်လူမျိုး အားရှန့် (၃၀ နှစ်)၊ (ဘ) ဦးလီကွမ်ရီဟု သိရပြီး မန္တလေးမြို့သို့ လုပ်ငန်းကိစ္စဖြင့် မကြာခဏ လာရောက်လေ့ရှိကာ မြို့သစ် (၁) ရပ်ကွက်၊ ၆၄ လမ်း၊ သိပ္ပံလမ်းတောင်ဘက်ရှိ အဒေါ်ဖြစ်သူ နေအိမ်တွင် တည်းခိုလေ့ရှိကြောင်း သိရသည်။

ကျူးလွန်သူ အားရှန့်၏ ဦးလေးတော်စပ်သူ ဦးလျူကွယ်ရှိမှာ ပြည်ခိုင်ဖြိုးပါတီဝင် ကိုးကန့်အမျိုးသားလွှတ်တော် ကိုယ်စားလှယ်ဖြစ်ပြီး အသုံးပြုခဲ့သည့် သေနတ်အမျိုးအစားမှာ အီတလီနိုင်ငံလုပ် PIETRO BERETTA ပစ္စတိုခဲရောင်ဖြစ်ကာ ကျည်ခွံခြောက်တောင့်နှင့် ကျည်ဆန်ခုနစ်တောင့် သိမ်းဆည်းရမိခဲ့သည်။



သေနတ်ပစ်ဖောက်ကာ ဓားပြတိုက်မှု ကျူးလွန်ရာတွင် အသုံးပြုခဲ့သည့် သေနတ်အား တွေ့ရစဉ်

“ကျောက်အရောင်းအ၀ယ်လုပ်တာ အဆင်မပြေတဲ့အတွက် ငွေလိုလို့လုပ်တာလို့ ကနဦး ထွက်ဆိုထားတယ်။ ကျူးလွန်စဉ်မှာ အရက်သောက်ထားပါတယ်။ နောက်ပြီး ပုံမှန်စိတ်အခြေအနေလား၊ မူးယစ်ဆေးဝါး သုံးစွဲထားလားဆိုတာသိအောင် ဆေးစစ်မှာပါ။ သာမန်လူတစ်ယောက် အနေနဲ့ ကျူးလွန်ဖို့ ခဲယဉ်းတဲ့ အရာကို ပြုလုပ်သွားတာဖြစ်လို့ မိုက်ရူးရဲ ဆန်ပါတယ်။ သတိရလိုက် မေ့သွားလိုက်နဲ့မို့ ဖြည်းဖြည်းချင်း စစ်ဆေးနေရတာပါ” ဟု တိုင်းရဲတပ်ဖွဲ့မှူးရုံးမှ ဒုတိယရဲမှူးကြီး ဇော်မင်းဦးက ဆိုသည်။

အဆိုပါ ပြစ်မှုကျူးလွန်သူ အားရှန့်အား ၀ိုင်းဝန်းလုံးထွေး ဖမ်းဆီးခဲ့ခြင်းကြောင့် ဦးခေါင်းပေါက်ပြဲ၊ နှာခေါင်းသွေးထွက်၊ ယာဘက်မျက်လုံးညိုမည်း (သတိမရ) ဖြင့် ဖမ်းမိခဲ့ခြင်းဖြစ်သည်။ ထို့ကြောင့် အားရှန့်အား မန္တလေးပြည်သူ့ ဆေးရုံကြီးတွင် ဆေးကုသမှု ပေးလျက်ရှိပြီး (ပ) ၅၅၆/၂၀၁၃ ပြစ်မှုပုဒ်မ ၃၈၆/၃၀၇ အရ ချမ်းအေးသာစံမြို့နယ် မြို့မရဲစခန်းမှ အမှုဖွင့် အရေးယူ ဆောင်ရွက်နိုင်ရန် စစ်ဆေးနေကြောင်း သိရသည်။

EMG

Read More

အီဂျစ်အစ္စလာမ္မစ် ၀န်ကြီးချုပ်ဟောင်း ကာဒီလ်ဖမ်းဆီးခံရ

Thursday, 26 December



ဒီဇင်ဘာ ၂၄ ရက်က ကိုင်ရိုမြောက်ဘက် မန်ဆူရာမြို့တွင် ကားဗုံးဖောက်ခွဲ တိုက်ခိုက်မှုကြောင့် ပျက်စီးနေမှုမြင်ကွင်း (Photo:AFP)

အီဂျစ်တွင် အစ္စလာမ္မစ် သမ္မတဟောင်း မိုဟာမက်မော်စီ လက်ထက်တွင် ၀န်ကြီးချုပ်အဖြစ် ထမ်းဆောင်ခဲ့သည့် ဟီရှမ်ကာဒီလ်ကို ရဲတပ်ဖွဲ့က ဒီဇင်ဘာ ၂၄ ရက်တွင် ဖမ်းဆီးခဲ့ကြောင်း သိရသည်။ ရဲဌာနချုပ်ရုံး အပြင်ဘက်တွင် ဒီဇင်ဘာ ၂၄ ရက်က ကားဗုံးဖောက်ခွဲ တိုက်ခိုက်မှုကြောင့် ရဲတပ်ဖွဲ့ဝင် ၁၂ ဦးထက်မနည်း အပါအ၀င် လူ ၁၅ ဦးထက်မနည်း သေဆုံးခဲ့ပြီးနောက် တင်းမာမှု မြင့်တက်နေစဉ် ဖမ်းဆီးခဲ့ခြင်းဖြစ်သည်။

ကာဒီလ်ကို ကိုင်ရိုအပြင်ဘက်ရှိ သဲကန္တာရတွင် ဆူဒန်သို့ ထွက်ပြေးမည့် လူကုန်ကူးသူ တစ်ဦးနှင့်အတူ ဖမ်းဆီးခဲ့ခြင်း ဖြစ်သည်ဟု ပြည်ထဲရေး ၀န်ကြီးဌာနက ထုတ်ပြန်ခဲ့သည်။ ပြီးခဲ့သည့် ဇူလိုင်တွင် မော်စီကို စစ်တပ်က ဖြုတ်ချခဲ့ပြီးနောက် ကာဒီလ်သည် လူမြင်ကွင်းရှေ့ မထွက်ခဲ့ပေ။

အီဂျစ်စစ်တပ် ကျောထောက်နောက်ခံပြု အစိုးရနှင့် တင်းမာမှုများ လျော့ပါးစေရန် ကြိုးပမ်းသည့် ဥရောပ စေ့စပ်ညှိနှိုင်းသူများနှင့် အစည်းအဝေးတွင် ကာဒီလ်က မော်စီကို ထောက်ခံသော အစ္စလာမ္မစ် အဖွဲ့များ၏ မဟာမိတ် တစ်ဦးအဖြစ် ကိုယ်စားပြု တက်ရောက်ခဲ့ကြောင်း သိရသည်။

ကာဒီလ်သည် ၀န်ကြီးချုပ်အဖြစ် ထမ်းဆောင်စဉ်က တရားရုံး ဆုံးဖြတ်ချက်တစ်ရပ်ကို လေးစားမှုမရှိသည့် စွဲချက်ဖြင့် ပြီးခဲ့သည့် ဧပြီတွင် ထောင်ဒဏ်တစ်နှစ် ချမှတ်ခံခဲ့ရသည်။

ကာဒီလ်က အယူခံ ၀င်ခဲ့သော်လည်း တရားရုံးက ပြီးခဲ့သည့် စက်တင်ဘာတွင် ယင်းပြစ်ဒဏ်ကို အတည်ပြုခဲ့သည်။

ကာဒီလ်ကို မဖမ်းဆီးမီ ဖြစ်ပွားခဲ့သည့် အဆိုပါ ဗုံးဖောက်ခွဲ တိုက်ခိုက်မှုကို မော်စီ၏ မွတ်စလင်ဘရားသားဟုဒ်အဖွဲ့က လုပ်ဆောင်ခြင်းဖြစ်ဖွယ် ရှိသည်ဟု အီဂျစ်အစိုးရက ယူဆနေသည်။

မော်စီဖြုတ်ချခံရပြီးနောက် အစ္စလာမ္မစ် ထောက်ခံသူများက လမ်းပေါ်ထွက် ဆန္ဒပြခဲ့ပြီး ယင်းဆန္ဒပြမှုများကို ရဲတပ်ဖွဲ့က အင်အားသုံးဖြိုခွင်းခဲ့ရာ လူ ၁၀၀၀ ကျော် သေဆုံးခဲ့ပြီး စေ့စပ်ညှိနှိုင်းသူများ၏ ကြိုးပမ်းမှု အထမမြောက်ခဲ့ပေ။

Ref:AFP

Read More

ရန်ကုန်အပြည်ပြည်ဆိုင်ရာ ဆိပ်ကမ်းနှင့် လေဆိပ်တွင် ကျပ် ၂၅၄ သိန်းကျော် တန်ဖိုးရှိ အကောက်ခွန်မဲ့ တရားမ၀င် တင်သွင်းလာသည့် ဆေးဝါး၊ အလှကုန်နှင့် CCTV ကင်မရာများ ဖမ်းမိ

Thursday, 26 December


ဖမ်းမိခဲ့သည့်ဆေးဝါးနှင့် အလှကုန်ပစ္စည်းများအား တွေ့ရစဉ် (ဓာတ်ပုံ-အကောက်ခွန်)

ရန်ကုန်အပြည်ပြည်ဆိုင်ရာ ဆိပ်ကမ်းနှင့် လေဆိပ်တွင် ကျပ် ၂၅၄ သိန်းကျော် တန်ဖိုးရှိ အကောက်ခွန်မဲ့ တရားမ၀င် တင်သွင်းလာသည့် ဆေးဝါး၊ အလှကုန်နှင့် CCTV ကင်မရာများအား ဖမ်းမိခဲ့ကြောင်း အကောက်ခွန်ဦးစီးဌာနမှ ထုတ်ပြန်ချက်များအရ သိရသည်။

အဆိုပါ ပစ္စည်းများမှာ ဒီဇင်ဘာ ၁၁ ရက်မှ ဒီဇင်ဘာ ၂၀ ရက်အထိ ဖမ်းဆီးရမိခဲ့သည့် ပစ္စည်းတန်ဖိုး စုစုပေါင်းဖြစ်ပြီး တည်ဆဲအကောက်ခွန် လုပ်ထုံးလုပ်နည်း ဥပဒေများအရ အရေးယူဆောင်ရွက်နေကြောင်း သိရသည်။

တရားမ၀င် ကုန်သွယ်မှုများ လျော့နည်းပပျောက်စေရန်အတွက် တရားမ၀င် ကုန်ပစ္စည်းများ ၀င်ရောက်မှုတားဆီးရေးအဖွဲ့ (Mobile Team)များကို စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ဦးဆောင်၍ သက်ဆိုင်ရာဌာနများ ပါဝင်ကာ နယ်စပ်ကုန်သွယ်ရေး လမ်းကြောင်းများအပြင် လေဆိပ်နှင့် ပင်လယ်ရေကြောင်း ကုန်သွယ်မှုများကို စစ်ဆေးကာ အကောက်ခွန်မဲ့ ကုန်သွယ်မှု ပြုလုပ်နေသည့် ကုန်ပစ္စည်းများကို ဖမ်းဆီးအရေးယူလျက်ရှိကြောင်း သိရသည်။

ရန်ကုန်ဆိပ်ကမ်းနယ်မြေရှိ ကမ်းရိုးတန်းဆိုင်ရာ ဆိပ်ကမ်းနှင့် ရန်ကုန်မြစ်ကြောင်း တစ်လျှောက်ရှိ ဆိပ်ကမ်းများတွင် သြဂုတ် ၁၂ ရက်မှ ၃၁ ရက်အထိ တရားမ၀င် ကုန်သွယ်မှုများကို ပညာပေးကာလအဖြစ် သတ်မှတ်ဆောင်ရွက်ခဲ့ပြီး စက်တင်ဘာ ၁၁ ရက်မှစတင်ကာ အရေးယူမှုများ စတင်ပြုလုပ်ခဲ့ခြင်း ဖြစ်သည်။

နယ်စပ်တစ်လျှောက်တွင် တရားမ၀င် ကုန်သွယ်မှုများကို ဖမ်းဆီးလျက်ရှိရာ အရက်၊ ဘီယာ၊ ဖုန်းဟန်းဆက်၊ လျှပ်စစ်ပစ္စည်း၊ ကျောက်စိမ်းနှင့် စိတ်ကြွဆးပြားများကို ဖမ်းဆီးအရေးယူခဲ့ကြောင်း သိရသည်။

Mobile Team အဖွဲ့မှ တရားမ၀င် ကုန်သွယ်မှုများအား ဆက်တိုက်ဖမ်းဆီးမှု ပြုလုပ်ပြီးနောက် မြန်မာနိုင်ငံ၏ တရားဝင်ကုန်သွယ်မှု တန်ဖိုးမှာ ယခင်ဘဏ္ဍာနှစ်ထက် အမေရိကန်ဒေါ်လာ လေးဘီလျံကျော်အထိ တိုးတက်ရရှိလာကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

Read More

ဘင်္ဂလားဒေ့ရှ် ရွေးကောက်ပွဲကို ပြည်သူများ ချီတက်ဆန္ဒပြရန် အတိုက်အခံများ တိုက်တွန်း

Thursday, 26 December



ဒီဇင်ဘာ ၂၄ ရက်တွင် ဒါကာ၌ သတင်းစာရှင်းလင်းပွဲ ပြုလုပ်နေသာ ဘင်္ဂလားဒေ့ရှ် အတိုက်အခံခေါင်းဆောင် ခါလီဒါဇီယာ (Photo:AFP)

ဇန်န၀ါရီ ၅ ရက်တွင်ပြုလုပ်မည့် အထွေထွေရွေးကောက်ပွဲ အစီအစဉ် ပျက်ပြားရန်အတွက် မြို့တော်ဒါကာ၌ ဒီဇင်ဘာ ၂၉ ရက်တွင် လူစုလူဝေးဖြင့် ချီတက်ဆန္ဒပြရန် ဘင်္ဂလားဒေ့ရှ် အတိုက်အခံခေါင်းဆောင် ခါလီဒါဇီယာက ပြည်သူများကို ဒီဇင်ဘာ ၂၄ ရက်တွင် တောင်းဆိုခဲ့ရာ ဘင်္ဂလားဒေ့ရ်ှတွင် တင်းမာမှု ပိုမိုမြင့်တက်စေခဲ့သည်။

အဆိုပါ ရွေးကောက်ပွဲ မတိုင်မီကလည်း ၀န်ကြီးချုပ် ရှိတ်ဟာစီနာကို ရာထူးမှနုတ်ထွက်ရန်အတွက် ဖိအားပေးရန် အတိုက်အခံများက အောက်တိုဘာလ နှောင်းပိုင်းတွင် ဆန္ဒပြမှု စတင်ခဲ့ပြီးနောက် ယင်းဆန္ဒပြမှုများမှတစ်ဆင့် ဖြစ်ပွားခဲ့သော ပဋိပက္ခအတွင်း လူ ၁၀၀ ကျော် သေဆုံးခဲ့ပြီးဖြစ်ကြောင်း သိရသည်။

“သင်ဘယ်မှာပဲ ရှိနေရှိနေ။ နိုင်ငံတော်အလံကိုင်ပြီး ဒါကာကို ချီတက်ခဲ့ပါ။ ဒီချီတက်မှုကို ဒီမိုကရေစီအတွက် ချီတက်မှုလို့ ကျွန်မတို့ ကင်ပွန်းတပ်ပါတယ်” ဟု ၀န်ကြီးချုပ်အဖြစ် နှစ်ကြိမ်ထမ်းဆောင်ခဲ့သည့် ဇီယာက ဒါကာတွင် မိန့်ခွန်းပြောကြားခဲ့သည်။ ရွေးကောက်ပွဲကို နှောင့်ယှက်ရန်အတွက် ကျေးရွာတိုင်းတွင် “ဆန္ဒပြ ကော်မတီများ” ဖွဲ့စည်းရန်လည်း ပြည်သူများကို ဇီယာက တိုက်တွန်းခဲ့သည်။

ဇီယာ၏ အဆိုပါ မိန့်ခွန်းကြောင့် အကြမ်းဖက်မှု ပိုမိုမြင့်တက်လာခဲ့ပြီး ဒီဇင်ဘာ ၂၄ ရက်တွင် မည်သူမှန်း မသိရသေးသော အကြမ်းဖက်သမားများက အစိုးရ တာဝန်ရှိသူများ လိုက်ပါလာသော ကားတစ်စီးကို ဓာတ်ဆီဗုံးဖြင့် ပစ်ခတ်တိုက်ခိုက်ခဲ့ရာ နယ်မြေခံ ရဲတပ်ဖွဲ့ဝင်တစ်ဦး သေဆုံးပြီး အခြားရဲတပ်ဖွဲ့ဝင်နှစ်ဦး ထိခိုက်ဒဏ်ရာ ရရှိခဲ့သည်ဟု ဒုရဲအုပ် အဇမ်အလီက ပြောကြားခဲ့သည်။

ဘင်္ဂလားဒေ့ရ်ှတွင် ယင်းရွေးကောက်ပွဲနှင့် ပတ်သက်၍ အတိုက်အခံ ပါတီများ၏ သပိတ်မှောက်မှုနှင့် အကြမ်းဖက် ဆန္ဒပြမှုများ ဖြစ်ပွားနေသည့်အပြင် ပြည်ပနိုင်ငံ အချို့ကလည်း ဘင်္ဂလာားဒေ့ရ်ှသို့ ရွေးကောက်ပွဲ စောင့်ကြည့်သူများကို စေလွှတ်မည် မဟုတ်ဟု ကြေညာထားသည်။ ၀န်ကြီးချုပ် ရှိတ်ဟာစီနာကမူ ယင်းရွေးကောက်ပွဲကို စီစဉ်ထားသည့်အတိုင်း ကျင်းပမည်ဟု ဒီဇင်ဘာ ၁၉ ရက်တွင် ထပ်မံအတည်ပြုခဲ့သည်။

အမတ်နေရာ ၃၀၀ ရှိသော ပါလီမန်တွင် နေရာထက်ဝက်ကျော် ၁၅၄ နေရာကို ယှဉ်ပြိုင်သူ မရှိသောကြောင့် အာဏာရ အ၀ါမီလိဂ်ပါတီနှင့် မဟာမိတ်များက အနိုင်ရရှိခဲ့ကြောင်း ကြေညာထားပြီးဖြစ်ရာ ဥရောပ သမဂ္ဂနှင့် အမေရိကန်တို့က ရွေးကောက်ပွဲကို မေးခွန်းထုတ်ခဲ့သည်။ အတိုက်အခံတို့က မဲလိမ်မည်ကို စိုးရိမ်သောကြောင့် ရွေးကောက်ပွဲကို သပိတ်မှောက်ခြင်းဖြစ်ကြောင်း ပြောကြားခဲ့သည်။

Ref:AFP

Read More

ဒီဇင်ဘာလကုန်တွင် ဖွင့်လှစ်ရန် စီစဉ်ထားသော သီရိမင်္ဂလာ ဈေးသစ်ကြီးနံဘေးရှိ ရွှေပိတောက် ငါးဈေးသစ်ကြီး ၂၀၁၄ နှစ်ဆန်းပိုင်းမှ ဖွင့်နိုင်မည်

Thursday, 26 December 2013


ရွှေပိတောက် ငါးဈေးသစ်ကြီးအား တွေ့ရစဉ် (ဓာတ်ပုံ-ကျော်ထင်)

ရန်ကုန်မြို့၊ လှိုင်မြို့နယ်၊ သီရိမင်္ဂလာ ဈေးသစ်ကြီး နံဘေးကပ်လျက်တွင် တည်ဆောက်ထားသော ရွှေပိတောက် ငါးဈေးသစ်ကြီးအား ဒီဇင်ဘာလကုန်တွင်ဖွင့်ရန် မှန်းထားခဲ့သော်လည်း ၂၀၁၄ နှစ်ဆန်းပိုင်းမှသာ ဖွင့်လှစ်နိုင်တော့မည်ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီ၊ ဈေးများဌာနမှ သိရသည်။

အဆိုပါဈေးကို ရန်ကုန်မြို့တော် စည်ပင်သာယာရေး ကော်မတီနှင့် တောက်တွန်းကုမ္ပဏီတို့ အကျိုးတူပူပေါင်း ဆောက်လုပ်ခြင်းဖြစ်ပြီး ဆိုင်ခန်းပေါင်း ၄၃၂ ခန်း ပါဝင်သည်ဟု သိရသည်။ ဆိုင်ခန်း ၄၃၂ ခန်းထဲမှ ရန်ကုန်မြို့တော် စည်ပင်သာယာရေး ကော်မတီက ခွဲတမ်းရရှိသည့် ၂၁၆ ခန်းအား ရောင်းချရန် နိုဝင်ဘာလကုန်တွင် လျှောက်လွှာများ ခေါ်ယူခဲ့ရာ လက်ရှိအထိ ဆိုင်ခန်း ၄၀ နီးပါးသာ ၀ယ်ယူသူရှိသေးသောကြောင့် ဖွင့်လှစ်နိုင်မည့်အချိန် နောက်ဆုတ်လိုက်ရကာ ၂၀၁၄ နှစ်ဆန်းပိုင်းမှသာ ဖွင့်လှစ်နိုင်မည်ဟု သိရပြီး တောက်တွန်းကုမ္ပဏီမှ ခွဲတမ်းရရှိသော ဆိုင်ခန်းများကို အဆိုပါ ကုမ္ပဏီ အစီအစဉ်ဖြင့် ရောင်းချနေသည်ဟု သိရသည်။

ယခင် ကြည့်မြင်တိုင်မြို့နယ်ရှိ ဗဟိုစံပြ ငါးဈေးကြီးမှာ လက်ရှိဆိုင်ခန်းများနှင့် မလုံလောက်ဘဲ ကျပ်တည်းနေပြီး ၁၀ ပေပတ်လည် ဆိုင်ခန်းတစ်ခန်းကို ကျပ်သိန်း ၉၀၀ အထိ ပေါက်ဈေးရှိနေခြင်းကြောင့် ယခုကဲ့သို့ ငါးဈေးသစ်ကြီးကို အကောင်အထည် ဖော်ခဲ့ခြင်းဖြစ်ပြီး မူလဗဟို စံပြငါးဈေးကြီးကို ရွှေ့ပြောင်းခြင်းမဟုတ်ဘဲ အသစ်တည်ဆောက်သည့် ဈေးဖြစ်ကြောင်း၊ အဓိက ကုန်စိမ်းဈေးကြီးဖြစ်သော သိရိမင်္ဂလာဈေးသစ်ကြီး၏ နံဘေးတွင် တည်ဆောက်ထားသည့် ဈေးဖြစ်၍ ဈေးဝယ်ယူသူများအတွက် အဆင်ပြေနိုင်မည့်အပြင် စည်ကားနိုင်မည်ဟုလည်း ခန့်မှန်းထားကြောင်း ရန်ကုန်မြို့တော် စည်ပင်သာယာရေးကော်မတီ ဈေးများဌာနမှ တာဝန်ရှိသူက ဆိုသည်။

ရန်ကုန်မြို့တော် စည်ပင်သာယာမှ ရောင်းချနေသော ဆိုင်ခန်းတန်ဖိုးများ အနေဖြင့် ကျပ်သိန်း ၃၀၀၊ ကျပ်သိန်း ၂၅၀ ဟူ၍ နှစ်မျိုးခွဲခြားထားပြီး ဆိုင်ခန်းများကို လက်ငင်းစနစ်၊ ပထမအရစ် ရာခိုင်နှုန်း ၃၀ လက်ငင်းသွင်း၍ ကျန်ငွေများကို အရစ်ကျစနစ်ဖြင့် တစ်နှစ်၊ နှစ်နှစ်၊ သုံးနှစ်အထိ ဧရာဝတီဘဏ်နှင့် ချိတ်ဆက်၍ အရစ်ကျ ပေးနိုင်သည့် စနစ်ဖြင့် ရောင်းနေခြင်းဖြစ်ပြီး အရစ်ကျစနစ်ဖြင့် ၀ယ်ပါက ဘဏ်သို့အတိုးနှုန်း ပေးရမည် ဖြစ်သည်။

ငါးဈေးသစ်ကြီးတွင် ရေချို၊ ရေငန်၊ မွေးမြူရေးငါးမျိုးစုံ ရောင်းချနိုင်မည်ဖြစ်ပြီး ရေရှိရေး၊ မီးရရှိရေး၊ လမ်းကောင်းမွန်ရေး စနစ်များကိုလည်း စီစဉ်ပေးထားကြောင်း၊ အမှန်တကယ် ရောင်းချမည့် သူများကိုသာ ဆိုင်ခန်းများ ရောင်းချပေးမည်ဖြစ်ပြီး ဆိုင်ခန်းရရှိပြီး တစ်လအတွင်း ဆိုင်ခန်းဖွင့်လှစ် ရောင်းချရမည်ဟု ထုတ်ပြန်ထားကြောင်း သိရသည်။

ငါးဈေးသစ်ကြီးကို ၂၀၁၂ ဖေဖော်ဝါရီ ၁၅ ရက်တွင် စတင်တည်ဆောက်ခဲ့ခြင်း ဖြစ်သည်။

EMG

Read More

ဘဏ္ဍာငွေမရ၍ ရန်ကုန်မြို့၌ အထပ်မြင့် ယာဉ်ရပ်နားနေရာများအား ယခုဘဏ္ဍာရေးနှစ်တွင် တည်ဆောက်နိုင်မည် မဟုတ်

Thursday, 26 December



လှည်းတန်းဈေးရှေ့လမ်းမတွင် ယာဉ်နှစ်ထပ် ရပ်နားထားသော ယာဉ်အချို့အား တွေ့ရစဉ်

ရန်ကုန်မြို့၌ ယခုဘဏ္ဍာရေးနှစ်အတွင်း အထပ်မြင့် ကားပါကင်များ တည်ဆောက်သွားရန် လျာထားခဲ့သော်လည်း ဘဏ္ဍာငွေ ရရှိမှု အခြေအနေများကြောင့် လာမည့် ၂၀၁၄-၂၀၁၅ ဘဏ္ဍာရေးနှစ်မှသာ စတင်တည်ဆောက် သွားနိုင်မည်ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီမှ သိရသည်။

ရန်ကုန်မြို့တော်အတွင်း ယာဉ်အစီးရေ တိုးပွားလာမှုကြောင့် ယာဉ်ကြောပိတ်ဆို့မှုများ ပိုမိုဖြစ်ပွားလာပြီး ယင်းပြဿနာအား ဖြေရှင်းနိုင်ရန်အတွက် အထပ်မြင့် ယာဉ်ရပ်နားနေရာများ တည်ဆောက်ရန် လျာထားခဲ့ကြောင်း၊ ပထမဆုံးအဖြစ် ဆိပ်ကမ်းသာလမ်းတွင် အထပ်မြင့်ကား ယာဉ်ရပ်နားနေရာကို ယခု ၂၀၁၃-၂၀၁၄ ဘဏ္ဍာရေးနှစ်အတွင်း တည်ဆောက်ရန် ၂၀၁၃-၂၀၁၄ ဘဏ္ဍာရေးနှစ်၏ နောက်ထပ်ဘဏ္ဍာငွေ တောင်းခံမှုတွင် ငွေကျပ်သန်း ၇၅၀ အား ထည့်သွင်းတောင်းခံ ခဲ့သော်လည်း ပြည်ထောင်စုဘဏ္ဍာရေး ကော်မရှင်မှ အသုံးစရိတ်များ ပြန်လည်လျှော့ချခဲ့ခြင်းကြောင့် အထပ်မြင့် ယာဉ်ရပ်နားနေရာ တည်ဆောက်မည့် အသုံးစရိတ်အား ပြန်လည်လျှော့ချခဲ့ရသည်။

ဆိပ်ကမ်းသာလမ်းတွင် ၁၅ ထပ်အမြင့်ရှိ ယာဉ်အစီးရေ ၁၀၀ ကျော် ရပ်နားနိုင်သော အထပ်မြင့် ယာဉ်ရပ်နားနေရာအား ရန်ကုန်မြို့တော် စည်ပင်သာယာရေး ကော်မတီပိုင် မြေပေါ်တွင် တည်ဆောက်ရန် စီစဉ်ခဲ့ခြင်းဖြစ်ပြီး ယင်းသို့တည်ဆောက်ရန်အတွက် ဂျပန်နိုင်ငံသို့ လေ့လာရေးခရီး စေလွှတ်သွားမည်ဖြစ်ကြောင်း ထုတ်ပြန်ခဲ့သည်။

ထိုသို့ဘဏ္ဍာငွေအား ပြန်လည်လျှော့ချခဲ့ရခြင်းကြောင့် ယင်းသို့အထပ် လာမည့် ၂၀၁၄-၂၀၁၅ ဘဏ္ဍာရေးနှစ် အတွင်းမှသာ ဘဏ္ဍာငွေ ထည့်သွင်းတောင်းခံ၍ ဆောက်လုပ်နိုင်တော့မည့် အနေအထား ဖြစ်သွားကြောင်း သိရသည်။

“အထပ်မြင့် ကားပါကင်တွေ လိုလာပါပြီ။ ရန်ကုန်မြို့မှာ ကားအစီးရေတွေ တိုးလာတယ်။ လမ်းအနေအထားတွေအရလည်း ထပ်ချဲ့ဖို့ အကန့်အသတ်တွေ ရှိနေတယ်။ ကားရပ်ဖို့ချဲ့တဲ့ လမ်းတွေကလည်း ကားအစီးရေနဲ့ဆိုတော့ အဆင်မပြေနိုင်ဘူး။ ဒါကြောင့် အထပ့်မြင့်လုပ်မှပဲ အဆင်ပြေနိုင်မယ်။ ဘန်ကောက်မှာဆိုရင်လည်း သုဝဏ္ဏဘူမိ လေဆိပ်နားမှာ အထပ်မြင့် ကားပါကင်တွေ လုပ်ပေးထားတယ်။ ဒီလိုပဲ ဒီမှာလည်း မြို့တွင်းနေရာတွေမှာ ဆောက်လို့ရနိုင်တာတွေ အများကြီး ရှိပါတယ်။ ဥပမာ-ဘူတာကြီးလို နေရာမျိုးအောက်က ဘူတာရုံ၊ အပေါ်မှာ ကားပါကင်လို အလွှာမျိုးတွေ လုပ်လို့ရနိုင်ပါတယ်” ဟု ရန်ကုန်မြို့ပြရေးရာ ကျွမ်းကျင်သူတစ်ဦးက သုံးသပ်ပြာကြားသည်။

သို့သော် မင်္ဂလာတောင်ညွန့်မြို့နယ် မင်္ဂလာမွန်ဈေးအနီး၊ မြောက်ဥက္ကလာပမြို့နယ် သုဓမ္မာလမ်းမကြီးနံဘေး၊ အောင်မင်္ဂလာအဝေးပြေး ယာဉ်ရပ်နားစခန်းအနီး၊ ကမာရွတ်မြို့နယ် လှည်းတန်းလမ်းနှင့် ထန်းတပင်ကျောင်း လမ်းဆုံအနီးတို့တွင် မြေပြင်နှင့်အလွှာများ ပါဝင်သည့် အထပ်မြင့် ယာဉ်ရပ်နားခစန်းများ တည်ဆောက်သွားရန် မြေနေရာများ ရွေးချယ်ပြီးသွားပြီဖြစ်ကြောင်း ဒီဇင်ဘာ ၉ ရက်က ပြုလုပ်သည့် ရန်ကုန်တိုင်းဒေသကြီးလွှတ်တော် သတ္တမပုံမှန် အစည်းအဝေးတွင် ရန်ကုန်မြို့တော်ဝန် ဦးလှမြင့်က ပြောကြားထားခဲ့ပြီး ဖြစ်သည်။

Read More

ပြုပြင်ပြောင်းလဲရေးကောင်စီ ဖွဲ့စည်းရန် ထိုင်းဝန်ကြီးချုပ် အကြံပြု

Thursday, 26 December



ဒီဇင်ဘာ ၂၅ ရက်တွင် ဘန်ကောက်ရှိ အားကစားရုံ အပြင်ဘက်၌ ရဲတပ်ဖွဲ့နှင့် အစိုးရဆန့်ကျင် ဆန္ဒပြသူများ ပဋိပက္ခ ဖြစ်ပွားနေစဉ် (Photo:AP)

ထိုင်းနိုင်ငံတွင် နိုင်ငံတွင်း အကွဲအပြဲ ဖြစ်ပေါ်စေသည့် နိုင်ငံရေး မတည်ငြိမ်မှုများနှင့် ပတ်သက်ပြီး အဖြေရှာရန်အတွက် အမျိုးသား ပြုပြင်ပြောင်းလဲရေး ကောင်စီတစ်ရပ် ဖွဲ့စည်းထူထောင်ရန် ထိုင်းဝန်ကြီးချုပ် ယင်လက်ရှင်နာဝပ်က ဒီဇင်ဘာ ၂၅ ရက်တွင် အဆိုပြုခဲ့သည်။ အစိုးရအဖွဲ့ကို ဖြုတ်ချရန် ကြိုးစားနေသော ဆန္ဒပြ လှုပ်ရှားမှုများနှင့် ရင်ဆိုင်နေရသောကြောင့် အမျိုးသားပြန်လည် ရင်ကြားစေ့နိုင်ရန် ကြိုးပမ်းနေစဉ် ယင်းကောင်စီ ဖွဲ့စည်းရေးကို အတည်ပြုရန် ဖြစ်နိုင်ခြေ မရှိသေးပေ။ ဒုတိယ၀န်ကြီးချုပ်ဟောင်းလည်းဖြစ်သည့် အတိုက်အခံ ဆန္ဒပြခေါင်းဆောင် ဆူသက်သောင်ဆူဘန်က ယင်းကောင်စီ ဖွဲ့ရေးအကြံကို လက်ခံမည် မဟုတ်ဟု ပြောကြားခဲ့သည်။ ဖေဖော်ဝါရီ ၂ ရက်တွင် ကျင်းပမည့် ကြားဖြတ်ရွေးကောက်ပွဲကို အတိုက်အခံ ဒီမိုကရက်တို့က သပိတ်မှောက်မည်ဖြစ်သည်။

ပြုပြင်ပြောင်းလဲရေး ကောင်စီသည် အစိုးရအဖွဲ့ ဖြစ်လာမည် မဟုတ်ကြောင်း ယင်လက်က ပြောကြားခဲ့သည်။ ထို့နောက် ကောင်စီတွင် ပါဝင်မည့် အဖွဲ့ဝင် ၄၉၉ ဦးကို စစ်တပ်မှ အရာရှိများ၊ စီးပွားရေးနှင့် ပညာရေးပိုင်းမှ ခေါင်းဆောင်များနှင့် ဘောဂဗေဒ ပညာရှင်များ ပါဝင်သော လွတ်လပ်သည့် ကော်မရှင်တစ်ရပ်မှ ရွေးချယ်သွားမည်ဟုလည်း ယင်လက်က ပြောကြားခဲ့သည်။ ကောင်စီ၏ လုပ်ငန်းတာဝန်များမှာ ဖွဲ့စည်းပုံ အခြေခံဥပဒေကို ပြင်ဆင်ဖြည့်စွက်ခြင်း၊ ခြစားမှု၊ ငွေကြေး၊ နိုင်ငံရေးနှင့် ရွေးကောက်ပွဲရေးရာတို့ကို ဖြေရှင်းဆောင်ရွက်ခြင်းတို့ ဖြစ်သည်။

ယင်လက်အစိုးရအဖွဲ့သည် အတိုက်အခံများ၏ ဆန္ဒပြမှုများကို ကိုင်တွယ်ဖြေရှင်းရန်အတွက် အထူးလုံခြုံရေး ဥပဒေကို နှစ်လကျော် အချိန်ထပ်တိုးခဲ့သည်။ ဒီဇင်ဘာ ၂၅ ရက်တွင်ပင် သက်တမ်းတိုးခဲ့သည့် ပြည်တွင်းလုံခြုံရေး ဥပဒေဟု သိထားသည့် အထူးလုံခြုံရေး ဥပဒေကို ဘန်ကောက်နှင့် အနီးဝန်းကျင်နေရာများတွင် လွန်ခဲ့သည့် တစ်လကတည်းက ပြဋ္ဌာန်းထားခဲ့သည်။ အဆိုပါ ဥပဒေသည် လမ်းကြောင်းများ ပိတ်ဆို့ရန်၊ စုဝေးမှုကို တားဆီးရန်၊ ရှာဖွေမှုများ လုပ်ဆောင်ရန်နှင့် သတ်မှတ်ချိန်အတွင်း ညမထွက်ရအမိန့် ပြဋ္ဌာန်းရန်အတွက် ရဲများကို အာဏာထပ်တိုးပေးခြင်း ဖြစ်သည်။

Ref:AFP

Read More

၂၀၀၉ ခုနှစ်က ရပ်ဆိုင်းခဲ့သည့် တရုတ်ပြည်မ အတွင်းပိုင်းမှ တရုတ်နိုင်ငံသားများ မူဆယ်မှတစ်ဆင့် မြန်မာနိုင်ငံသို့ နေ့ချင်းပြန် လည်ပတ်ခွင့် ဒီဇင်ဘာ ဒုတိယပတ်မှ စတင်ခွင့်ပြု

 Thursday, 26 December 2013


တရုတ်-မြန်မာနယ်စပ် မူဆယ်နန်းတော်ဂိတ်ရှေ့ မြင်ကွင်းကို ဒီဇင်ဘာလဆန်းပိုင်းက တွေ့ရစဉ်

တရုတ်ပြည်မ အတွင်းပိုင်းနှင့် ယူနန်ပြည်နယ် အတွင်းရှိ အခြားခရိုင်များမှ တရုတ်နိုင်ငံသားများကို ယူနန်ပြည်နယ်ရဲမှ ထုတ်ပေးသည့် နယ်စပ်ဖြတ်သန်းခွင့် လက်မှတ်စာအုပ် (အပြာရောင်)၊ နေ့ချင်းပြန် ၀င်/ထွက် သွားလာခွင့် လက်မှတ်ထုတ်ပေးမှုကို ၂၀၀၉ ခုနှစ် အောက်တိုဘာ ၁၇ ရက်မှစ၍ ရပ်ဆိုင်းထားခဲ့ကြောင်း သိရသည်။

လက်ရှိတွင် ယင်းသို့ ၂၀၀၉ ခုနှစ်မှ စတင်ရပ်ဆိုင်းခဲ့သည့် တရုတ်ပြည်မမှ မြန်မာနိုင်ငံသို့ နေ့ချင်းပြန် လည်ပတ်ခွင့်လက်မှတ် (နယ်စပ်ဖြတ်သန်းခွင့် လက်မှတ်စာအုပ်-အပြာရောင်) ထုတ်ပေးမှုကို တရုတ်နိုင်ငံက ဒီဇင်ဘာ ဒုတိယပတ်မှစ၍ ပြန်လည်ခွင့်ပြု ထုတ်ပေးနေပြီဖြစ်ကြောင်း လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန (မူဆယ်) မှ သိရသည်။

“ကျွန်တော်တို့ဘက်က မူဆယ်ခရိုင်အတွင်းက ဒေသခံတွေဟာ စီးပွားရေးအရ၊ ကျန်းမာရေးအရ၊ ယဉ်ကျေးမှုအရ၊ အားကစားအရဖြစ်ဖြစ် အကုန်လုံးပေါ့ နေ့တိုင်းကူးသန်း သွားလာနေကြရတဲ့ သူတွေရှိတယ်။ နယ်စပ်ဒေသ တိုင်းရင်းသားတွေ အလွယ်တကူ သွားဖို့လာဖို့ဆိုပြီး ကျွန်တော်တို့ဘက်က BP တွေ ထုတ်ပေးတယ်။ ဒါကနယ်စပ်နေတဲ့ သူတွေအတွက် ပေးခဲ့တာ။ နယ်စပ်နေတဲ့သူ မဟုတ်တဲ့ ဥပမာ ရန်ကုန်၊ မန္တလေးကလူတွေ သွားဖို့လာဖို့အတွက် TBP ဆိုတဲ့ Temporary Border Pass ကို ခွင့်ပြုခဲ့တယ်။ သူတို့ဘက်ကလည်း ယူနန်နယ်စပ် ခရိုင်သုံးခုထဲက လူတွေအတွက် Border Pass အုပ်ထုတ်ပေးတယ်။ ပြည်မက လူတွေဆိုရင် Border Pass အညိုကိုင်ဆောင်ခွင့် မရှိဘူး။ Border Pass အပြာရောင်စာအုပ် ထုတ်ပေးတယ်။ အဲဒီ အပြာရောင်စာအုပ် ထုတ်ပေးမှုကို တရုတ်ဘက်က ၂၀၀၉ က ရပ်ဆိုင်းခဲ့တာ။ အခုတော့ ဒီဇင်ဘာ ၁၆ ရက်ကစပြီး တရုတ်ဘက်က အပြာရောင်စာအုပ် ပြန်လည်ထုတ်ပေးခွင့် ပြုလိုက်ပါပြီ” ဟု မူဆယ်မြို့၊ လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန ဒုတိယညွှန်ကြားရေးမှူး ဦးဝင်းကိုက ပြောကြားသည်။

ပြည်မက လူတွေဆိုရင် Border Pass အညိုကိုင်ဆောင်ခွင့် မရှိဘူး။ Border Pass အပြာရောင်စာအုပ် ထုတ်ပေးတယ်။ အဲဒီ အပြာရောင်စာအုပ် ထုတ်ပေးမှုကို တရုတ်ဘက်က ၂၀၀၉ က ရပ်ဆိုင်းခဲ့တာ။ အခုတော့ ဒီဇင်ဘာ ၁၆ ရက်ကစပြီး တရုတ်ဘက်က အပြာရောင်စာအုပ် ပြန်လည်ထုတ်ပေးခွင့် ပြုလိုက်ပါပြီ . . . . .


၂၀၁၄ ခုနှစ် ဇန်န၀ါရီ ၁ ရက်တွင် အဆိုပါ နယ်စပ်ဖြတ်သန်းခွင့် လက်မှတ်စာအုပ် (အပြာရောင်) ဖြင့် မြန်မာနိုင်ငံဘက်သို့ နေ့ချင်းပြန် လည်ပတ်ခွင့်ကို ပြန်လည်ခွင့်ပြု ဆောင်ရွက်မည်ဖြစ်ကြောင်း တရုတ်နိုင်ငံ ရွှေလီပြည်ပရေးရာ ဌာနမှ မြန်မာနိုင်ငံသို့ စာဖြင့်ကမ်းလှမ်းခဲ့ကြောင်း သိရသည်။



တရုတ်-မြန်မာနယ်စပ် မူဆယ်မြို့မှ ဆင်ဖြူကင်းစခန်းအား တွေ့ရစဉ် (ဓာတ်ပုံ- နေထွန်းနိုင်)

မြန်မာ-တရုတ် နယ်စပ်ဒေသ နှစ်နိုင်ငံသားများအား နယ်စပ်ဖြတ်သန်းခွင့်လက်မှတ် (Border Pass-BP)၊ ယာယီနယ်စပ် ဖြတ်သန်းခွင့်လက်မှတ် (Temporary Border Pass-TBP) များဖြင့် ၀င်/ထွက်ခွင့် ပြုလျက်ရှိကြောင်း၊ တစ်ကြိမ်လျှင် ခြောက်ညအိပ် ခုနစ်ရက် ၀င်/ထွက်ခွင့် ပြုလျက်ရှိကြောင်း သိရသည်။

ပြည်ထောင်စုသမ္မတ မြန်မာနိုင်ငံတော် အစိုးရနှင့် တရုတ်ပြည်သူ့ သမ္မတနိုင်ငံ အစိုးရတို့အကြား နယ်စပ်ဒေသ စီမံခန့်ခွဲရေးနှင့် ပူးပေါင်းဆောင်ရွက်ရေး သဘောတူစာချုပ်ကို ၁၉၉၇ ခုနှစ် မတ် ၂၅ ရက်က လက်မှတ်ရေးထိုးခဲ့ကြောင်း သိရသည်။

ဒီဇင်ဘာ ၁၆ ရက်မှစ၍ တရုတ်နိုင်ငံသားများ မူဆယ်ဒေသသို့ တရားဝင်နေ့ချင်းပြန် ၀င်/ထွက်သွားလာနိုင်ရန်အတွက် ယူနန်ပြည်နယ် ရဲတပ်ဖွဲ့မှ BP စာအုပ် (အပြာရောင်) များ ပြန်လည်ထုတ်ပေးခဲ့ပြီးနောက် တစ်ပတ်အတွင်း တရုတ်နိုင်ငံသား ၃၀၀ ကျော် မူဆယ်ဒေသသို့ လာရောက်ခဲ့သည်။

EMG

Read More

ခရစ္စမတ်နေ့တွင် ရန်ကုန်မြို့ရှိ ပန်းခြံများ၊ ကစားကွင်းများတွင် လာရောက်လည်ပတ်သူများဖြင့် စည်ကား

 Thursday, 26 December 2013


ခရစ္စမတ်နေ့တွင် မဟာဗန္ဓုလပန်းခြံသို့ လာရောက်အပန်းဖြေသူများကို တွေ့ရစဉ်

ဒီဇင်ဘာ ၂၅ ရက်(ခရစ္စမတ်နေ့)တွင် ရန်ကုန်မြို့ရှိ ပန်းခြံများ၊ ကစားကွင်းများနှင့် ရှော့ပင်းစင်တာများတွင် ဈေးရောင်းပွဲတော်နှင့် ဖျော်ဖြေပွဲများ ပြုလုပ်ခဲ့ပြီး လာရောက်လည်ပတ်သူများဖြင့် စည်ကားခဲ့ကြောင်း သိရသည်။

ကန်တော်ကြီး မျှော်စင်ကျွန်းတွင် ခရစ္စမတ် အထူးဈေးရောင်းပွဲတော်နှင့် တေးဂီတ ဖျော်ဖြေပွဲများကို ပြုလုပ်ခဲ့ပြီး ဈေးရောင်းပွဲတော်တွင် စားသောက်ကုန်၊ အ၀တ်အထည်၊ အလှကုန်၊ လျှပ်စစ်ပစ္စည်း၊ ဆေးဝါးများ၊ အိမ်အလှဆင် ပစ္စည်းများကို ရောင်းချနေခြင်းဖြစ်၍ လာရောက်လည်ပတ်သူများဖြင့် စည်ကားခဲ့ကာ ပြည်သူ့ရင်ပြင်၊ တိရစ္ဆာန်ဥယျာဉ်၊ ဟက်ပီးဝေါလ်၊ စိမ်းလန်းစိုပြည်၊ တိုင်းရင်းသား ကျေးရွာတို့တွင်လည်း စည်ကားခဲ့ကြောင်း သိရသည်။

အခမဲ့ ၀င်ရောက်အပန်းဖြေနိုင်သည့် မဟာဗန္ဓုလ ပန်းခြံတွင်လည်း ခရစ်ယာန် အသင်းဖွဲ့များ၊ မိသားစုများ၊ သူငယ်ချင်းများဖြင့် အုပ်စုလိုက် လာရောက်အပန်းဖြေမှုများလည်း ရှိခဲ့ကြောင်း သိရသည်။ ထို့အပြင် ရှော့ပင်းစင်တာများတွင်လည်း ခရစ္စမတ် အထူးလျှော့ဈေးများဖြင့် ကုန်ပစ္စည်းများ ရောင်းချခြင်း၊ Lucky Draw အစီအစဉ်များ ပြုလုပ်ခြင်း၊ တေးသီချင်း ဖျော်ဖြေခြင်းများနှင့် ခရစ္စမတ်ဘိုးဘိုးမှ လက်ဆောင်ပေးသည့် အစီအစဉ်များ ပြုလုပ်ခဲ့ကြောင်း သိရသည်။

Read More

ပုပ်ရဟန်းမင်းကြီးအဖြစ် ပထမဆုံး ခရစ်စမတ်ပွဲတော်တွင် တောင်ဆူဒန်နှင့် ဆီးရီးယားတို့၌ ငြိမ်းချမ်းစေကြောင်း ဖရန့်စစ် ပုပ်ရဟန်းမင်း ဆုတောင်း

Thursday, 26 December



ခရစ်စမတ် အကြိုညဆုတောင်း အခမ်းအနားကို ဦးဆောင်ခဲ့သော ဖရန့်စစ် ပုပ်ရဟန်းမင်း (အလယ်) (Photo:AFP)

ကမ္ဘာ့ကက်သလစ် ခရစ်ယာန် ဘာသာဝင်များ၏ ခေါင်းဆောင်ပုပ်ရဟန်းမင်းကြီး ဖရန့်စစ်က ပုပ်ရဟန်းမင်းကြီးအဖြစ် ပထမဆုံးအကြိမ် ခရစ်စမတ်ပွဲတော်ကို ဒီဇင်ဘာ ၂၅ ရက်က ဗာတီကန်နန်းတော်တွင် ဆင်နွှဲခဲ့ကြောင်း သိရသည်။ ၎င်း၏ ပထမဆုံး ခရစ်စမတ် ဆုတောင်းသ၀ဏ်လွှာကို ဂရင်းနစ် စံတော်ချိန် ၁၁း၀၀ နာရီတွင် ဖတ်ကြားခဲ့သည်။

နိုင်ငံရေးနှင့် လက်ရှိဖြစ်ရပ်များကို သုံးသပ်ဖော်ပြလေ့ရှိသည့် ပုပ်ရဟန်းမင်းကြီး၏ ယခုဆုတောင်း သ၀ဏ်လွှာအား ‘မြို့တော်နှင့် ကမ္ဘာသို့’ ဟု အမည်ပေးခဲ့သည်။ ဆုတောင်းလွှာတွင် ဖရန့်စစ် ပုပ်ရဟန်းမင်းက ဆီးရီးယားတွင် လူသားချင်း စာနာထောက်ထားမှု အကူအညီများ ရရှိရေးနှင့် တောင်ဆူဒန်တွင် လူမှုရေး သဟဇာတဖြစ်မှု ဖြစ်ထွန်းရေးတို့ကို တောင်းဆိုခဲ့သည်။

Twitter တွင် ချိတ်ဆက်ထားသူအရေ အတွက် ၁၀ သန်းခန့်ရှိသော ပုပ်ရဟန်းမင်းကြီး ဖရန့်စစ်အား တိုင်းမ်မဂ္ဂဇင်းနှင့် အမေရိကန် ဂေးလ်အခွင့်အရေး မဂ္ဂဇင်း The Advocate တို့က "Person of the Year" အဖြစ် ယခုနှစ်တွင် ရွေးချယ်ခဲ့သည်။

ဗာတီကန်နန်းတော်တွင် ကျင်းပသည့် ခရစ်စမတ် ပွဲတော်တွင် ဆင်းရဲသူများအား စာနာထောက်ထားမှုနှင့် အဆင့်အတန်း မခွဲခြားမှုကို သရုပ်ဖော်သည့် အနေဖြင့် အသက် ၇၇ နှစ်အရွယ် ပုပ်ရဟန်းမင်းကြီးက ခရစ်တော် မွေးဖွားသည့် အကြောင်းကို တင်ဆက်ထားသည့် Nativity ပြဇာတ်အတွင်းမှ သိုးကျောင်းသားများ ဘ၀ကို အဓိကထား ဖော်ပြသွားမည်ဖြစ်ကြောင်း သိရသည်။

ပုပ်ရဟန်းမင်းကြီးက “သိုးကျောင်းသားတွေဟာ ခရစ်တော်မွေးဖွားမှုကို ပထမဆုံး မြင်တွေ့ခဲ့ရသူတွေပါ။ သူတို့ကို အခြားလူ့အသိုင်းအ၀ိုင်းက လက်မခံဘဲ ဖယ်ကြဉ်ခံခဲ့ရသူတွေလည်း ဖြစ်ပါတယ်” ဟု ပြောကြားခဲ့သည်။ ကက်သလစ် ဘာသာဝင်များ အနေဖြင့် မိမိတို့၏ နှလုံးသားများကို ဖွင့်လှစ်ထားပြီး ၀ိညာဉ်မည်းများကို ဖယ်ရှားပစ်ကြရန် တိုက်တွန်းပြောကြားထားသည်။

“မိမိတို့ရဲ့ နှလုံးသားတွေကို ပိတ်ထားမယ် ဆိုရင်ဖြစ်ဖြစ် မာန၊ ကောက်ကျစ်စဉ်းလဲမှု၊ အတ္တကြီးမှုတွေနဲ့ လွှမ်းမိုးခံထားရမယ် ဆိုရင်ဖြစ်ဖြစ် မိမိတို့ရဲ့ အတွင်းအဇ္ဈတ္တမှာ အမိုက်တရားတွေပဲ လွှမ်းမိုးသွားမှာ ဖြစ်ပါတယ်” ဟု ၎င်းကပြောကြားခဲ့သည်။

ခရစ်ယာန် ဘာသာဝင်များအပေါ် တိုက်ခိုက်ခံရမှု မြင့်တက်နေခြင်းအပေါ် ပုပ်ရဟန်းမင်းကြီးက မကြာခဏ သတိပေးခဲ့သော်လည်း ဆီးရီးယား ပြည်တွင်းစစ်အတွင်း ခရစ်ယာန် ဘာသာဝင်များ ထွက်ပြေးနေရမှုနှင့် ဗဟိုအာဖရိက သမ္မတတွင်လည်း ခရစ်ယာန် ဘာသာဝင်များနှင့် မွတ်စလင် ဘာသာဝင်များအကြား တိုက်ပွဲများ အပြင်းအထန် ဖြစ်ပွားနေသည်။

Ref:AFP

Read More

အစိုးရအနေဖြင့် အပစ်အခတ်ရပ်စဲရေးအတွက် လက်နက်ကိုင်အဖွဲ့အစည်းများနှင့် ဆွေးနွေးသကဲ့သို့ ဖွဲ့စည်းပုံအခြေခံဥပဒေပြင်ဆင်ရေးအတွက် နိုင်ငံရေးပါတီအားလုံးနှင့် ဆွေးနွေးရန် လိုအပ်ဟုဆို

Thursday, 26 December



ဖွဲ့စည်းပုံအခြေခံဥပဒေဆိုင်ရာ ပြည်သူ့ကွန်ရက်၏ လူထုဆွေးနွေးပွဲ၌ ဦးစိုင်းညွန့်လွင်ဆွေးနွေးစဉ်(ဓာတ်ပုံ-ဇာလီမြင့်ဦး)

အစိုးရအနေဖြင့် အပစ်အခတ်ရပ်စဲရေးအတွက် လက်နက်ကိုင်အဖွဲ့အစည်းများနှင့် ဆွေးနွေးပွဲပြုလုပ်သကဲ့သို့ ဖွဲ့စည်းပုံအခြေခံဥပဒေပြင်ဆင်ရေးအတွက် လက်ရှိမြန်မာ့နိုင်ငံရေးတွင် လှုပ်ရှားလျက်ရှိသည့် နိုင်ငံရေးပါတီများနှင့် တွေ့ဆုံဆွေးနွေးရန် လိုအပ်ဟု ရှမ်းတိုင်းရင်းသားများဒီမိုကရေစီအဖွဲ့ချုပ်မှ ဦးစိုင်းညွန့်လွင်က ပြောကြားသည်။

ဒီဇင်ဘာ ၂၄ ရက်က သမိုင်းမြို့မကျောင်းတိုက်တွင် ပြုလုပ်သည့်ဖွဲ့စည်းပုံအခြေခံဥပဒေဆိုင်ရာ ပြည်သူ့ကွန်ရက်၏ ဒုတိယအကြိမ်မြောက် လူထုတွေ့ဆုံပွဲတွင် ထိုသို့ ပြောကြားခဲ့ခြင်းဖြစ်သည်။

ဦးစိုင်းညွန့်လွင်က " ကျွန်တော်တို့တွေ ရှမ်းပြည်နယ်နဲ့ ကယားပြည်နယ်ပေါင်းပြီးတော့ ငြိမ်းချမ်းရေးအတွက် ယုံကြည်မှုတည်ဆောက်ခြင်းဆွေးနွေးပွဲလုပ်တယ်။နောက်ရှမ်းပြည်နယ်၊ ကယားပြည်နယ်၊ မွန်ပြည်နယ်ဆိုပြီးတော့ ငြိမ်းချမ်းရေးအတွက် ယုံကြည်မှုတည်ဆောက်ရေးလုပ်တယ်။ အဲဒီမှာ လက်နက်ကိုင်အဖွဲ့အစည်းတွေ၊ နိုင်ငံရေးပါတီတွေပါတယ်။ ဒါပေမဲ့ အစိုးရဘက်က ဒီလိုလုပ်ပေးတာမရှိဘူး။ သူတို့ လုပ်ပေးတာက MPC က ကျွန်တော်တို့ကို ၁၁ ပါတီက လူ ၁၁ ယောက်ကို တွေ့ပေးတယ်။ ဆိုတော့ ကျွန်တော်ပြောချင်တာက ဒီနေ့အထိ နိုင်ငံရေးပါတီတွေဘက်ကို လှည့်လာတာမရှိဘူး။
အခုဖွဲ့စည်းပုံအခြေခံပြုပြင်ရေးဆိုလည်း ဒီလိုပါပဲ။ အစိုးရက အပစ်အခတ်ရပ်စဲရေးအတွက် လက်နက်ကိုင်အဖွဲ့ အစည်းတွေနဲ့ ဆွေးနွေးပွဲတွေလုပ်သလို ဖွဲ့ စည်းပုံအခြေခံဥပဒေပြင်ဖို့ လက်တွေ့နိုင်ငံရေးမှာကျင်လည်နေတဲ့ နိုင်ငံရေးပါတီတွေနဲ့လည်း ဆွေးနွေးဖို့လိုနေတယ် " ဟု ဆိုသည်။

အဆိုပါ လူထုတွေ့ဆုံဆွေးနွေးပွဲတွင် ဦးစိုင်းညွန့်လွင်နှင့် စာရေးဆရာများဖြစ်သည့် ဦးဖေမြင့်၊ ဦးကျော်ဝင်း၊ Myanmar Peace Centre မှ ဒေါက်တာမင်းဇော်ဦး၊ အမျိုးသားဒီမိုကရေစီအဖွဲ့ချုပ်မှ ဦးဌေးဦးတို့က ဖွဲ့စည်းပုံအခြေခံဥပဒေပြင်ဆင်ရေးအတွက် လူထု နှင့်အတူ ဆွေးနွေးခဲ့ကြခြင်းဖြစ်သည်။

" အခြေခံဥပဒေကတော့ ဘာပဲဖြစ်ဖြစ် ပြောင်းလဲဖို့လိုနေပါပြီ။ ဒီဟာကို ၁၀၉ ဦး သဘောထားနဲ့ပြင်မှာလား၊ လူထုသဘောထားနဲ့ပြင်မှာလား၊ ဒါက အားလုံးမေးရမယ့် သဘောဖြစ်တယ်။ အသစ်ရေးမယ်ဆိုရင် ဘယ်လိုမူတွေကို အခြေခံထားပြီးရေးမလဲ ဆိုတာရှိတယ်။ ဘာပဲဖြစ်ဖြစ် ဒါကို ပြင်ဆင်တယ်ဆိုတာရဲ့ရှေ့မှာ နိုင်ငံရေးသဘောတူညီချက်ရဖို့ လိုတယ်။ အားလုံးပြောနေတဲ့ all inclusive ဖြစ်ဖို့ လိုတယ်။ ဒါပေမဲ့ ဒီနေ့ အထိတော့ all inclusive ဖြစ်ပြီလို့ဆိုလို့ မရသေးပါဘူး " ဟု ဦးစိုင်းညွန့်လွင်က ဆိုသည်။

ထို့ပြင် နိုင်ငံရေးပါတီများအနေဖြင့် နိုင်ငံရေးလှုပ်ရှားနေသည့် ၂၅ နှစ်အတွင်း အစိုးရနှင့် တွေ့ဆုံဆွေးနွေးရန်အစဉ်တစိုက် တောင်းဆိုခဲ့သော်လည်း ယခုထိတိုင်နိုင်ငံရေးပါတီများမှလိုလားသည့် တွေ့ဆုံဆွေးနွေးပွဲမျိုးကို အစိုးရမှ လုပ်ပေးနိုင်ခြင်းမရှိသေးကြောင်း ၎င်းက ဆက်လက်ပြောကြားသည်။

EMG

Read More

လာမည့်လွှတ်တော် အစည်းအဝေးများတွင် ဘတ်ဂျက်နှင့် ဖွဲ့စည်းပုံအခြေခံဥပဒေ ပြင်ဆင်ရေး အဓိကဆွေးနွေးမည်

Thursday, 26 December 2013


ပြည်ထောင်စုလွှတ်တော် အစည်းအဝေးတစ်ရပ် မကျင်းပမီ လွှတ်တော်ကိုယ်စားလှယ်များအား တွေ့ရစဉ် (ဓာတ်ပုံ-ဝေယံဖြိုးဦး)

လာမည့်လွှတ်တော် အစည်းအဝေးများတွင် ဘတ်ဂျက်နှင့် ဖွဲ့စည်းပုံအခြေခံဥပဒေ ပြင်ဆင်ရေး အဓိက ဆွေးနွေးမည်ဟု လွှတ်တော်ကိုယ်စားလှယ်များထံမှ သိရသည်။

နေပြည်တော်တွင် ပြုလုပ်မည့် ပထမအကြိမ်လွှတ်တော် န၀မပုံမှန် အစည်းအဝေးများကို ဇန်န၀ါရီ ၁၃ ရက်တွင် စတင်ကျင်းပမည်ဖြစ်ပြီး ပြည်သူ့လွှတ်တော်နှင့် အမျိုးသားလွှတ်တော် အစည်းအဝေးများကို နံနက် ၁၀ နာရီအချိန်နှင့် ပြည်ထောင်စုလွှတ်တော် အစည်းအဝေးများကို မွန်းလွဲ ၁ နာရီတို့တွင် စတင်ကျင်းပမည်ဟု သိရသည်။

လာမည့် န၀မအကြိမ် အစည်းအဝေးသည် ဘတ်ဂျက်အစည်းအဝေး ဖြစ်သည့်အတွက် ပြည်ထောင်စု အစိုးရအဖွဲ့မှ တင်ပြလာမည့် ငွေလုံးငွေရင်း အသုံးစရိတ်များ၊ သာမန်အသုံးစရိတ်များ၊ ချေးငွေများနှင့် ဘဏ္ဍာရေးဆိုင်ရာ ကိစ္စများကို အတည်ပြု ဆုံးဖြတ်ပေးရမည်ဖြစ်သည်။ ထို့ကြောင့် အစည်းအဝေးကာလသည် အနည်းဆုံး နှစ်လကျော် ကြာမြင့်မည်ဖြစ်သည်။

ပြည်သူ့လွှတ်တော်၊ ပြည်သူ့ငွေစာရင်း ပူးပေါင်းကော်မတီ၊ အဖွဲ့ဝင် ဦးစိုင်းသီဟကျော်က “ကျွန်တော်တို့ ဒီတစ်ခေါက် လွှတ်တော်မှာ ဘတ်ဂျက်ကိစ္စတွေ စိစစ်ခွင့်ပြုရမှာ ဖြစ်ပါတယ်။ ၀န်ကြီးဌာနအလိုက် စီမံကိန်းဆိုင်ရာ လိုအပ်ချက်တွေကို အစိုးရအဖွဲ့ထံတင်ပြီး အစိုးရအဖွဲ့ ခွင့်ပြုချက်နဲ့ ဘဏ္ဍရေးကော်မရှင် ကနေတစ်ဆင့် လွှတ်တော်ကို ဘတ်ဂျက်ဥပဒေကြမ်းအဖြစ် ဆက်တင်ရမှာ ဖြစ်ပါတယ်။ တင်လာတဲ့ ဘတ်ဂျက်ဥပဒေကြမ်းကိုလည်း ကျွန်တော်တို့ကော်မတီ အနေနဲ့ စနစ်တကျ စိစစ်သွားမှာ ဖြစ်ပါတယ်” ဟု ဒီဇင်ဘာ ၂၅ ရက်တွင် ပြောကြားသည်။

ထိုပြင် ဖွဲ့စည်းပုံအခြေခံဥပဒေနှင့် ပတ်သက်၍ ပြည်ထောင်စုလွှတ်တော် ဖွဲ့စည်းပုံအခြေခံဥပဒေဆိုင်ရာ လေ့လာသုံးသပ်ရေး ပူးပေါင်းကော်မတီမှ ပြည်ထောင်စုလွှတ်တော်သို့ အစီရင်ခံစာ တင်သွင်းခြင်း ပြုလုပ်မည်ဖြစ်သည်။ တင်သွင်းပြီးနောက် ပြည်ထောင်စုလွှတ်တော်၏ ဆုံးဖြတ်ချက်ကို ခံယူကာ လွှတ်တော်တွင် မဲခွဲဆုံးဖြတ်ခြင်းတို့ကိုပါ ဆောင်ရွက်မည်ဖြစ်ကြောင်း သိရသည်။

ထို့ပြင် နိုင်ငံတော်သမ္မတမှ လက်မှတ်မထိုးဘဲ ပြန်လည်ပေးပို့လာသည့် ဥပဒေကြမ်းနှစ်ခုဖြစ်သည့် ပြည်ထောင်စုလွှတ်တော်ဆိုင်ရာ ဥပဒေကို ပြင်ဆင်သည့် ဥပဒေကြမ်းနှင့် အထူးစီးပွားရေးဇုန် ဥပဒေကြမ်းတို့အား ပြန်လည်ဆွေးနွေး အတည်ပြုကြရမည် ဖြစ်သည်။

ပြီးခဲ့သည့် လွှတ်တော်အစည်းအဝေးများတွင် အတည်ပြုနိုင်ခဲ့ခြင်း မရှိသည့် သတင်းမီဒီယာဆိုင်ရာ ဥပဒေများ၊ လွှတ်တော်ကိုယ်စားလှယ်အဖြစ်မှ ပြန်လည်ရုပ်သိမ်းခြင်းဆိုင်ရာ ဥပဒေများနှင့် အခွန်ဆိုင်ရာ ဥပဒေများကို ဆက်လက်ဆွေးနွေးမည် ဖြစ်သည်။ ထို့ပြင် တရားရုံးများ လေ့လာစောင့်ကြည့်ရေးဆိုင်ရာ ဥပဒေကြမ်းကိုလည်း တင်သွင်းရန်ရှိကြောင်း သိရသည်။

EMG

Read More

ရင်းနှီးမြှုပ်နှံမှု တိုးမြှင့်ရန်နှင့် နိုင်ငံသားတို့ အကျိုးအတွက် ပို၍လုံခြုံစိတ်ချမှု ပေးနိုင်ရန် ရင်းနှီးမြှုပ်နှံမှု ဥပဒေနှစ်ခုအား တစ်ခုတည်း ပေါင်းစည်းသွားရန် စီစဉ်

Thursday, 26 December 2013


ဒီဇင်ဘာ ၂၄ ရက်တွင် မြန်မာနိုင်ငံ ရင်းနှီးမြှုပ်နှံမှု ကော်မရှင်ရုံး ပြုလုပ်ခဲ့သည့် သတင်းစာရှင်းလင်းပွဲအား တွေ့ရစဉ်

တိုင်းပြည်၏ ပြည်ပရင်းနှီးမြှုပ်နှံမှုကို မြှင့်တင်ရန်နှင့် နိုင်ငံသားတို့၏ အကျိုးအတွက် ပိုပြီးလုံခြုံစိတ်ချမှု ပေးနိုင်ရန် မြန်မာနိုင်ငံသား ရင်းနှီးမြှုပ်နှံမှု ဥပဒေနှင့် နိုင်ငံခြားသား ရင်းနှီးမြှုပ်နှံမှု ဥပဒေအား ပေါင်းစည်းသွားရန် စီစဉ်နေကြောင်း သတင်းရရှိသည်။

“မြန်မာနိုင်ငံသား ရင်းနှီးမြှုပ်နှံမှု ဥပဒေနဲ့ နိုင်ငံသား ရင်းနှီးမြှုပ်နှံမှု ဥပဒေမှာ ဥပဒေနှစ်ရပ်စလုံးက သူရဲ့ incentive တွေက ပြန်ကြည့်လိုက်ရင် အတူတူပါပဲ။ အခွန်ကင်းလွတ်ခွင့် ပေးတာလည်း အတူတူပါပဲ။ ဘာသွားဖြစ်နေလဲဆိုတော့ အာဆီယံ ၁၀ နိုင်ငံထဲမှာ မြန်မာတစ်နိုင်ငံပဲ ဥပဒေနှစ်ခု ဖြစ်နေတယ်။ အဲဒီတော့ တစ်ဖက်က ပြန်ကြည့်လိုက်ရင် ကျွန်တော်တို့က Asean Comprehensive Investment Agreement ဆိုတာရှိတယ်။ အဲဒီ Agreement မှာ National Treatment ဆိုတာရှိတယ်။ ဘာလဲဆိုတော့ အခြားနိုင်ငံက နိုင်ငံခြားသားက ရင်းနှီးမြှုပ်နှံမှု လာလုပ်ရင် ကိုယ့်နိုင်ငံသားကိုပေးတဲ့ အခွင့်အရေးတွေ အကုန်ပေးရမယ်။ အလားတူပဲ ကိုယ်နိုင်ငံကလူက အခြားနိုင်ငံ သွားလုပ်ရင်လည်း အခြားနိုင်ငံသားရတဲ့ အခွင့်အရေးကို ကိုယ့်နိုင်ငံသားက ရရမယ်ပေါ့။ ဆိုတော့ အာဆီယံရဲ့ Agreement အရရော၊ နောက်ပြီး ကျွန်တော်တို့က WTO အဖွဲ့ဝင်နိုင်ငံ ဖြစ်နေတယ်။ WTO မှာလည်း National Treatment ကပါနေတယ်။ ဆိုလိုတာက မြန်မာနိုင်ငံက ကိုယ့်နိုင်ငံကို လာလုပ်တဲ့သူတွေကို National Treatment မပေးဘူးလားဆိုတော့။ အဲလိုမဟုတ်ပါဘူး။ အတိုင်းအတာ တစ်ခုထိ ပေးပါတယ်။ မြန်မာနိုင်ငံသားကို အခွန်ကင်းလွတ်ခွင့် ငါးနှစ်ပေးရင် သူ့နိုင်ငံသားကိုလည်း ပေးပါတယ်။ ဒါပေမဲ့ ဥပဒေနှစ်ခု ဖြစ်နေတဲ့အတွက် မပေးသယောင် ဖြစ်နေတယ်။ ဖြစ်တော့ နိုင်ငံခြားသားအတွက် ဒါက စိတ်မသက်သာ လှဘူးပေါ့။ ဒါကြောင့် နိုင်ငံတကာ အဖွဲ့အစည်းတွေဖြစ်တဲ့ IFC အပါအ၀င်ပေါ့ သူတို့ပြောတယ်။ နှစ်ခုမလုပ်ပါနဲ့တော့ တစ်ခုပဲလုပ်ပါ ဆိုပြီးတော့ ပြောလာတယ်။ အခြား နိုင်ငံတကာ အဖွဲ့အစည်းတွေကလည်း ပေါင်းသင့်တယ်လို့ အကြံပေးတယ်။ ကျွန်တော်တို့ ကိုယ်တိုင်ကြုံတွေ့နေရတဲ့ အနေအထားနဲ့ နိုင်ငံတကာ ကတိက၀တ်တွေအရလည်း ပေါင်းသင့်တယ်လို့ ယူဆပါတယ်” ဟု မြန်မာနိုင်ငံ ရင်းနှီးမြှုပ်နှံမှု ကော်မရှင်မှ ညွှန်ကြားရေးမှူးချုပ် ဦးအောင်နိုင်ဦးက ဆိုသည်။ “နောက်တစ်ချက်က ဘာသွားတွေ့လဲ ကိုယ့်နိုင်ငံသားတွေ သာသယောင်ယောင်နဲ့ နာနေတဲ့အပိုင်းလည်း ရှိတယ်။ ဆိုပါတော့ Asean Agreement မှာ နိုင်ငံခြားငွေကြေးကို လွတ်လွတ်လပ်လပ် လွှဲလို့ရမယ်။ အငြင်းပွားလို့ရှိရင် နိုင်ငံတကာ တရားရုံးတွေမှာ၊ Convention တွေမှာ သွားပြီးဖြေရှင်းလို့ ရမယ်။ နောက်တစ်ခုက Protection ပေါ့။ Asean Agreement အရ သူ့ရဲ့ Investment ကို သိမ်းလို့မရဘူး၊ သိမ်းရင်လျော်ကြေး ပြန်ပေးရမယ်။ လျော်ကြေးပေးတဲ့ အခါမှာလည်း ပေါက်ဈေးနဲ့ ပေးရမယ်လို့ ဒီလိုရှိနေတယ်။ ဆိုလိုတာက အာဆီယံနိုင်ငံတွေက ဥပမာ ထိုင်းကမြန်မာနိုင်ငံမှာ လာပြီးတော့ Investment လုပ်တယ်။ မလေးရှားကနေ မြန်မာနိုင်ငံမှာ Investment လုပ်တယ်။ လုပ်လို့များ နိုင်ငံခြားကနေငွေကို ချက်ချင်းလွှဲလို့ ရနေတယ်။ သူ့လုပ်ငန်းကိုလည်း မြန်မာနိုင်ငံကသွားပြီး သိမ်းလိုက်လို့ရှိရင်လည်း လျော်ကြေးတွေရမယ်။ ဒီနိုင်ငံခြားသားတွေက ဒီအခွင့်အရေးတွေ ရပေမယ့် မြန်မာနိုင်ငံသားတွေက အဲဒီအခွင့်အရေး မရဘူး ဖြစ်နေတယ်။ ကိုယ့်ဥပဒေမှာ အဲဒါမပါဘူး။ နိုင်ငံခြား ရင်းနှီးမြှုပ်နှံမှု ဥပဒေမှာလည်း အဲဒါမပါဘူး။ မပါပေမယ့်လည်း အခြား Agreement တွေအရ အခွင့်အလမ်းတွေ ရနေတယ်။ မြန်မာနိုင်ငံသားတွေက ထိုင်းရတဲ့ အခွင့်အလမ်းကို မရဘူး။ မလေးရှားရတဲ့ အခွင့်အလမ်းကို မရဘူး၊ ဒါကြောင့် နှစ်ခုပေါင်းစည်းနိုင်ရင် မြန်မာနိုင်ငံသားလည်း နိုင်ငံခြားသားရတဲ့ အခွင့်အရေးကို ရမယ်။ နိုင်ငံခြားသားလည်း မြန်မာနိုင်ငံသားရတဲ့ အခွင့်အရေးကို ရမယ်။ တိုင်းပြည်ရဲ့ investment ကို မြှင့်တင်တဲ့ နေရာမှာလည်း ပိုပြီးအားကောင်းမယ်။ နိုင်ငံသားတွေ အတွက်လည်း ပိုပြီးလုံခြုံစိတ်ချရမယ်။ ဒါကြောင့် ဒီနှစ်ခုကို ပေါင်းသင့်တယ်လို့ တွေ့ရတာပါ။ အခုပေါင်းဖို့ စပြင်နေပြီ” ဟု ပြောကြားသည်။

Read More

၂၀၁၂-၂၀၁၃ ဘဏ္ဍာနှစ်က တရုတ်နိုင်ငံ၏ ရင်းနှီးမြှုပ်နှံမှု အမေရိကန်ဒေါ်လာ ၂၃၇ သန်း ရှိခဲ့ရာမှ ယခုနှစ် လက်ရှိကာလအထိ ၁၅ သန်းသာ ၀င်ရောက်မှုရှိ

Thursday, 26 December 2013



တရုတ်နိုင်ငံမှ ရင်းနှီးမြှုပ်နှံထားသော ချီဗွေရေအားလျှပ်စစ်စီမံကိန်းအား တွေ့ရစဉ်

မြန်မာနိုင်ငံတွင် တရုတ်နိုင်ငံ၏ ရင်းနှီးမြှုပ်နှံမှုကို လေ့လာကြည့်ပါက ၂၀၁၂-၂၀၁၃ ဘဏ္ဍာရေးနှစ်တွင် အမေရိကန်ဒေါ်လာ ၂၃၇ သန်းရှိခဲ့ရာမှ ယခုနှစ်တွင် လက်ရှိကာလအထိ ၁၅ သန်းသာ ၀င်ရောက်မှုရှိသေးကြောင်း သို့သော်နောက်ထပ်ဝင်ထားသော project proposal များရှိနေသည့်အတွက် စောင့်ကြည့်ရဦးမည်ဖြစ်ကြောင်း မြန်မာနိုင်ငံရင်းနှီးမြှုပ်နှံမှုကော်မရှင်မှ ညွန်ကြားရေးမှူးချုပ် ဦးအောင်နိုင်ဦးက ပြောကြားသည်။

" တရုတ်ရဲ့ investment တွေ လျော့သွားလားဆိုတဲ့အပိုင်းမှာ တချို့လည်းပြောကြတယ်။ လျော့သွားတယ်ပေါ့။ တရုတ်က ၂၀၁၁- ၂၀၁၂ မှာ သူရဲ့ ရင်းနှီး မြှုပ်နှံမှုက သန်းပေါင်း ၄၃၄၅ သန်းရှိတယ်။အဲဒီအထဲမှာ အထက်ချီဖွေပေါ့။ အထက်ချီဖွေက သန်းပေါင်း ၄၃၁၀ ရှိတယ်။ ဆိုတော့ တရုတ်နိုင်ငံက စုစုပေါင်း ၄၃၄၅ သန်းက နေပြီး သန်းပေါင်း ၄၃၁၀ နှုတ်လိုက်ရင် အခြား investment ၀င်တာ ၃၅ သန်းရှိတယ်။ ၂၀၁၂-၂၀၁၃ မှာကျတော့ သူရဲ့ investment က ၂၃၇ သန်းရှိတယ်။ အဲဒီတော့ ရုတ်တရက် ကြည့်လိုက်ရင် အရမ်းကျသွားတယ်လို့ထင်ရပါတယ်။ သို့သော်လည်းပဲ အထက်ချီဖွေကို ခဏမေ့လိုက်လို့ရှိရင် သန်းပေါင်း ၃၀ ကျော် ကနေ သန်းပေါင်း ၂၀၀ ကျော်ဖြစ်လာတယ်။ ဆိုတော့တက်တယ်လို့တောင် ပြောလို့ရပါ တယ်။ ဒါပေမဲ့ လက်ရှိကာလမှာတော့ တရုတ်က ၁၅ သန်းပဲရှိသေးတယ်။ မနှစ်ကနဲ့ ဒီနှစ်ကို နှိုင်းယှဉ်လိုက်ရင်တော့ ဒီနှစ်နည်း နည်းလျော့တယ်လို့ ပြောလို့ရပါတယ်။ သို့သော်လည်းပဲ ကျွန်တော်တို့လက်ထဲမှာ proposal တွေရောက်နေတာရှိပါတယ်။ မနှစ်ကကိုတော့မမီပေမယ့် တအားတော့ ထိုးမကျပါဘူး။ ဘာလို့လဲဆိုတော့ အတည်မပြုရသေးတဲ့ proposal တွေရှိနေတဲ့အတွက်ပါ " ဟု မြန်မာနိုင်ငံရင်းနှီးမြှုပ်နှံမှုကော်မရှင်မှ ညွန်ကြားရေးမှူးချုပ် ဦးအောင်နိုင်ဦး က ပြောကြားသည်။

သို့သော် ကဏ္ဍအလိုက် နိုင်ငံတကာရင်းနှီးမြှုပ်နှံမှုများ မြင့်တက်လာခဲ့ကြောင်း အိမ်ခြံမြေလုပ်ငန်း၊ ခရီးသွားလုပ်ငန်းများနှင့် သားငါးဏ္ဍများလည်း ရင်းနှီးမြှုပ်နှံမှုမြင့်တက်လာကြောင်း သိရှိရသည်။

" နောက်တစ်ခုက နိုင်ငံအလိုက်ဝင်လာတဲ့ ရင်းနှီးမြှုပ်နှံမှုကို ပြန်ကြည့်ရင်လည်း ထူးခြားတာတွေ့ရပါတယ်။ ဒီနှစ်ထဲမှာဆိုရင် သြစတြေးလျနိုင်ငံက ရင်းနှီးမြှုပ်နှံမှုတွေပြန်ဝင်လာပါတယ်။ သူက ၂၀၀၁ ခုနှစ်က စပြီး နောက်ပိုင်းမှာ တစ်ခါမှ ရင်းနှီးမြှုပ်နှံမှု မရှိတော့ဘူး။ လွန်ခဲ့တဲ့ ၁၃ နှစ်လောက်ကတည်းက မ၀င်ခဲ့တဲ့နိုင်ငံက အခုပြန်လာလုပ်တာပါ။ အလားတူပဲ ပြင်သစ်နိုင်ငံကလည်း မ၀င်ခဲ့တာကြာပါပြီ။ ၂၀၀၁-၂၀၀၂ လောက် ကစပြီး မ၀င်တော့ဘူး။ နောက်ကျွန်တော်တို့ဆီမှာ ရင်းနှီးမြှုပ်နှံမှုမလုပ်ဖူးတဲ့ လူဇင်ဘတ်လို နိုင်ငံမျိုးကလည်း ဒေါ်လာငါးသန်းလောက် ကျွန်တော်တို့ တိုင်းပြည်ထဲကိုဝင်လာတယ်။ နောက် UAE ရင်းနှီးမြှုပ်နှံမှုတွေဝင်လာတယ် " ဟု ဆက်လက်ပြောကြားခဲ့သည်။

အလားတူ နောက်ပိုင်းကာလများတွင် အရင်းအမြစ်များတူးဖော်သောလုပ်ငန်းများအား Myanmar Investment Commission က သေချာစိစစ်ရန် စီစဉ်နေကြောင်း ဦးအောင်နိုင်ဦးက ပြောကြားသည်။

Read More