Thursday, February 6, 2014
ရှပ်အင်္ကျံတစ်ထည်တည်းနဲ့ ဒီဇိုင်း အမျိုးမျိူးရအောင် ဘယ်လိုဝတ်ဆင်မလဲ
ကိုယ့်မှာ ရှပ်အင်္ကျံ အကွက်တစ်ထည်ရှိရုံနဲ့ တစ်နေ့တစ်မျိုး မရရအောင် ဘယ်လိုဝတ်ဆင်လို့ရသလဲဆိုတာ စိတ်ဝင်စားစရာပါ။ ရှပ်တစ်ထည်တည်းနဲ့ပဲ ဖက်ရှင်ပေါင်းများစွာ ထွက်လာအောင် ပွားဝတ်နိုင်တယ်ဆိုတော့ ဖက်ရှင်ကို စိတ်ဝင်စားတဲ့ ပျိုမေတွေအတွက် အံ့ကိုက်ပဲမို့ ခုလို ဖော်ပြပေးလိုက်တယ်နော်။
၁။ကိုယ့်ဆီမှာ dress အမိုက်စားရှိတယ် ဒါမှမဟုတ် ရှပ်အကျီင်္ံတိုင်းနဲ့ လိုက်ဖက်တဲ့ အနက်ရောင် မတိုမရှည် ဂါဝန်တစ်ထည် ရှိတယ်ဆိုရင်တော့ ပုံမှာပြထားတဲ့အတိုင်း boot လေးနဲ့ အားလုံးတွဲဖက် ၀တ်ဆင်လိုက်ရုံနဲ့ အထာကျသွားပြီဆိုတာ မမေ့ပါနဲ့။
၂။မိန်းကလေးဆန်တဲ့ floral ဒီဇိုင်းလေးတွေ ကြိုက်တတ်တယ်ဆိုရင်လည်း အဲ့ဒီ dress အပေါ်မှာ ရှပ်ကို ထပ်ဝတ်လိုက်ရုံပါပဲ။ ဖိနပ်ကတော့ Heel မဟုတ်ရင်တောင် မိန်းမဆန်တဲ့ ဖိနပ်မျိုးလေးတွေ ရှာတွဲစီးကြည့်ပါ။
၃။လွတ်လပ်ပေါ့ပါးတဲ့ ဒီဇိုင်းမျိုး ကြိုက်နှစ်သက်တဲ့ ပျိုမေတွေအတွက် ရှပ်ရယ်၊ Boyfriend ဂျင်းဘောင်းဘီ၊ ဖိနပ်ကိုတော့ ကိုယ့်စီးနေကျ ဒေါက်ဖြစ်ရင်ဖြစ်၊ မဟုတ်ရင်လည်း သက်သောင့်သက်သာရှိမယ့် ဖိနပ်မျိုးကို ကိုယ့်စိတ်ကြိုက်ရွေးချယ်ပါ။
၎။ထသွားထလာမျိုး၊ သူငယ်ချင်းတွေနဲ့ လျှောက်လည်ကြမယ့်အချိန်မျိုး ဆိုရင်တော့ ရှပ်အင်္ကျံအောက်မှာ တစ်ထပ်ခံပြီး စကတ်လေးနဲ့ တွဲဝတ်ကြည့်ပါ။ ဒီဖက်ရှင်အတွက်တော့ လက်ကိုင်အိတ်ထက် ပိုလူငယ်ဆန်မယ့် ကျောပိုးအိတ်ကို ရွေးချယ်ဖို့ အကြံပေးချင်ပါတယ်။
၅။ကုမ္ပဏီ အသွားအပြန်အတွက် ခပ်မိုက်မိုက်လေး ၀တ်ချင်တယ်ဆိုရင်လည်း သိပ်မကားတဲ့ စကတ်မျိုးနဲ့ ရှပ်အင်္ကျံကို တွဲဝတ်နိုင်တာပါပဲ။ ပိုက်ဆံအိတ်လေးလွယ်၊ ဖိနပ်ကိုတော့ သူများတွေထက် ဆန်းသွားအောင် Boot လေးတွေသာ ရွေးချယ်လိုက်ပါ။
၆။Skinny ဂျင်းနဲ့ ရှပ်အင်္ကျံအကွက်ဆိုတာကတော့ ဘယ်တော့မှ မရိုးတဲ့ဖက်ရှင်မို့ တွဲဝတ်ကြည့်လိုက်ပါဦး။
၇။ပေါ့ပေါ့ပါးပါး ၀တ်ဆင်လို့ အဆင်ပြေမယ့်နေရာမျိုးဆိုရင်တော့ ဘောင်းဘီတို၊ တီရှပ်လေးကို အပေါ်က ရှပ်အင်္ကျံလေးထပ်ဝတ်ပြီး သွားလိုက်ပေါ့။ ဖိနပ်ကိုလည်း sneaker အမိုက်စားလေး ရွေးချယ်လိုက်မယ်ဆို အားလုံးငေးသွားမှာ သေချာတယ်နော်။
Ref:luckymag.com
ကားကို ၀ါးစားတဲ့ခွေး
စာဖတ်ပရိသတ်အနေနဲ့ အရင်ကတော့ ခွေးကလူကို ကိုက်တာ ၊ လူကခွေးကို ကိုက်တာ စတာမျိုးတွေ ကြားဖူးမှာပေါ့။ အခုကတော့ ခွေးက ကားကို ကိုက်စားပစ်တာပါ။
ကားအလွန်စွဲလမ်းရူးသွပ်သူ တစ်ယောက်ဟာ သူ့ရဲ့ ပေါင် ၈၀၀၀၀ တန် Aston Martin ရဲ့ ကားဘီးအဖုံးနားတ၀ိုက်ကို သူမွေးထားတဲ့ ခွေးမလေးက ကိုက်ပစ်လိုက်တာ မွစာကို ကျဲနေတာပါပဲတဲ့။ အသက် (၄၂)နှစ်ရှိပြီဖြစ်တဲ့ Royston Grimsteadတစ်ယောက် အိမ်ကိုပြန်လာတဲ့အခါမှာတော့ သူ့ရဲ့ Luce လို့အမည်ရတဲ့ အမွှေးပွ နားရွက်ရှည် အိမ်မွေးခွေးမလေးဟာ သူ့ဇိမ်ခံကားကြီးရဲ့ fiberglass ဘောင်တွေကို ကိုက်ပစ်ထား တွေ့ရပါတယ်။ ပျက်စီးမှုဟာ ကာလတန်ကြေးနဲ့တွက်မယ်ဆိုရင် ပေါင် ၃၀၀၀ ဖိုးလောက်တောင် ရှိပါတယ်။
ခွေးတွေရဲ့အပြုအမူတွေကို ကျွမ်းကျင်သူရဲ့ အဆိုအရတော့ Luce ဟာ အရင်တုန်းကတော့ သူ့ပစ္စည်းဘယ်တစ်ခုကိုမှ ကိုက်ဖြတ်ထားခြင်း မရှိပေမယ့် အခုတစ်ခါမှာ ကိုက်ခဲ့တယ်ဆိုတာဟာ သူမရဲ့ သခင်အဝေးကို ရောက်နေတဲ့အချိန်မှာ သူမအနေနဲ့ စိတ်ဖိစီးမှုတွေ ဖြစ်လာတာကြောင့်လို့ ဆိုခဲ့ပါတယ်။
ကားပိုင်ရှင် Mr Grimstead က “ အိမ်ကိုရောက်တဲ့အချိန် သူမကိုယ်ပေါ်မှာ အဖြူရောင်အမွှေးတွေနဲ့ ဖုံးအုပ်နေတော့ ငှက်တကောင်ကို ဖမ်းမိထားတယ်လို့ပဲ ထင်ခဲ့တာ။ ဘယ်ဟုတ်မလဲ ။ အဲဒါ ကားက fiberglass တွေဖြစ်နေတာကိုး” လို့ ပြောပါတယ်။ “Luce က ဒီလိုလုပ်ပြီးနောက်ပိုင်း ကျွန်တော့်ကို ရှောင်ဖယ်ဖယ်လုပ်နေ ခဲ့ပြီး နောက်တစ်နေ့မှာတော့ တခြားပိုင်ရှင်တွေဆီ ရောက်သွားပါတယ်။ ပိုင်ရှင်အသစ်တွေကို ကျွန်တော် ဒီအကြောင်း မပြောလိုက်ဘူး။ ပြောလိုက်မယ်ဆို နောက်နေ့ ကျွန်တော့်ရဲ့အိမ်တံခါးရှေ့မှာ သူမကို ပြန်တွေ့ရမှာ ကျိန်းသေတယ်လို့” လို့လည်း ဆိုပါသေးတယ်။
ကားပိုင်ရှင်က “ဒါကိုမြင်ရတဲ့အချိန်မှာ ကျွန်တော်ရယ်နေရုံပဲ တတ်နိုင်တယ်။ ကျွန်တော်မှ မငိုတတ်တာပဲလေ။ သူမအပြစ်လုပ်ထားတယ်ဆိုတာလည်း သူမကိုယ်သူမ သိနေပုံရပါတယ်။ ဘာကြောင့်လဲဆို သူမမျက်နှာကို ကြည့်လိုက်လေ။ အပြစ်ရှိနေတဲ့ မျက်နှာငယ်လေးနဲ့”တဲ့။ ဒီလိုနဲ့ပဲ သူဟာ ခွေးမလေးကို သူများကိုပေးဖို့ ဆုံးဖြတ်လိုက်ရပါတယ်။
သြော် - ရှာရှာဖွေဖွေကို အတော်လည်း ကိုက်နိုင်တဲ့ ခွေးမလေးပါလားနော်။
Ref:dailymail.co.uk
အမျိုးသမီးကောလိပ်ကို ကယောင်ချောက်ချားစေခဲ့တဲ့ အံ့မခန်း ပန်းပုလက်ရာ
အသက်ပါလှတဲ့ အံ့ဖွယ်ရုပ်တု တစ်ခုကို Wellesley ကောလိပ်မှာ ထားရှိထားပါတယ်။ အဲ့ဒီ့ရုပ်တုဟာ အမျိုးသားတစ်ယောက် အိပ်တစ်ဝက်လမ်းလျှောက်နေပုံ ဖြစ်ပြီး သူ့ချည်းသက်သက်တော့ ဘာမှအပြစ်ဆိုစရာ မရှိပေမယ့် အဲ့ဒီ့ ရုပ်တုဝတ်ထားတဲ့ အတွင်းခံကတော့ Wellesley ကောလိပ် ကျောင်းသူတွေကို နည်းနည်းတော့ စိတ်မသက်မသာ ဖြစ်စေပါတယ်။ ဒါပေမဲ့ Wellesley ကောလိပ် (အမျိုးသမီးကျောင်း) ကျောင်းအုပ်ကတော့ “အဲ့ဒီ့အပိုင်းက ပညာသားပါတယ်။” လို့ပြောပါတယ်။
ဖုတ်ကောင်လိုမျိုး သိမှုမဲ့ မျက်လုံးပိတ်ထားတဲ့ လူတစ်ယောက် “အိပ်တစ်ဝက်လမ်းလျှောက်သူ” ဆိုပြီး ဒီရုပ်တုကို နာမည်ပေးထားပါတယ်။ Wellesley ကောလိပ်က Davis ပြတိုက်မှာ ပြမယ့် ပန်းပုပညာရှင် Tony Matelli ရဲ့ လက်ရာတွေထဲက တစ်ခုဖြစ်တယ်လို့ သိရပါတယ်။ ပြပွဲတရားဝင် မဖွင့်လှစ်ခင် ကာလ ဖေဖော်ဝါရီလ နံနက်အစောပိုင်း ကျောင်းရဲ့လူစည်ကားတဲ့နေရာမှာ ဒီရုပ်တုကိုထားတာကို တွေ့မြင်ခဲ့ရတာဖြစ်ပြီး ဒီရုပ်တုကို ဖယ်ရှားပစ်ဖို့ ကျောင်းသူတစ်ယောက်က အွန်လိုင်းကနေ တောင်းဆိုခဲ့ပါတယ်။
ဒီရုပ်တုဟာ “စိုးရိမ်ကြောင့်ကျမှု၊ ကြောက်လန့်မှုတွေရဲ့ ရင်းမြစ်ဖြစ်ပြီး လိင်အကြမ်းဖက်မှုနဲ့စပ်ဆက်တဲ့ အတွေးတွေကိုလည်း ဖြစ်ပေါ်စေပါတယ်။” လို့ လက်မှတ် ၃၀၀ ပါ လျှောက်လွှာတစ်ခုအရ သိရပါတယ်။ အဲ့ဒီ့လျှောက်လွှာဟာ ရုပ်တုကိုဖယ်ရှားပေးဖို့ ကျောင်းအုပ်ထံ အနူးအညွတ် အသနားခံစာပါ။
“အံ့မခန်းအနုလက်ရာတွေမှာ စိတ်ခံစားချက်တွေကို နက်နက်ရှိုင်း လှုံ့ဆော်ပေးနိုင်တဲ့ စွမ်းအားရှိနေတယ်။ ပြီးတော့ မမျှော်လင့်ထားတဲ့ အကြံဉာဏ်သစ်တွေကိုလည်း ဆွပေးတယ်။ ဒီရုပ်တုဟာလည်း အံ့မခန်းအနုလက်ရာဖြစ်တဲ့အတွက် အဲ့ဒီ့အတိုင်းပဲ။” ဆိုပြီး ကျောင်းအုပ် Bottomly နဲ့ ပြတိုက်ညွှန်ကြားရေးမှုး Lisa Fischman တို့နှစ်ယောက်ဟာ ပူးတွဲထုတ်ပြန်ချက် ထုတ်ပြန်လိုက်ပါတယ်။
Ref:ap.org
၁၃ နှစ်ကို ၆၂ နှစ်အမျိုးသားကြီးက အဓမ္မကျင့်ရန် ကြံ
တိုက်ကြီးမြို့နယ်တွင် ဆိတ်ကျောင်းနေသည့် အသက် ၁၃ နှစ်အရွယ်မိန်းကလေးငယ်တစ်ဦးကို အရက် မူးနေသည့် အသက် ၆၂ နှစ်အမျိုးသားကြီးက အဓမ္မပြုကျင့်ရန် လုပ်ဆောင်သည်ဆိုသည့် တိုင်တန်းမှုကို မြို့နယ်ရဲစခန်းက ဖေဖော်ဝါရီ ၄ ရက်တွင် အမှုဖွင့်စစ်ဆေးနေသည်ဟု စခန်းမှူး ရဲအုပ်သန်းဦးက မဇ္ဈိမကို ပြောသည်။
အဆိုပါ အမှုမှာ ဖေဖော်ဝါရီ ၄ ရက် က ဖောင်ကြီး-ပဲခူး ကားလမ်းဘေး နှင်းဆီမြိုင်ကျေးရွာအနီးတွင် ဖြစ်ပွားခဲ့ခြင်း ဖြစ်သည်။
ဆိတ်ကျောင်းနေသည့် အဆိုပါမိန်းကလေးငယ်ကို တိုက်ကြီးမြို့နယ်၊ ဥက္ကံမြို့ ကျေးရွာတစ်ခုရှိ အသက် ၆၂ နှစ်အရွယ် အမျိုးသားက ဆိတ်များပြသပေးရန် ပြောဆိုပြီးနောက် အဓမ္မပြုကျင့်ရန် ကြံစည်အား ထုတ်ခဲ့ခြင်းဖြစ်သည်ဟု ကလေးငယ်၏ မိသားစုဘက်က တိုင်တန်းထားသည်။
အဆိုပါ အမျိုးသားကြီးမှာ အရက်မူးနေပြီး မိန်းကလေးငယ်ကို ဂျိုးဖြူပိုက်လိုင်းအနီးတွင် တွန်းလှဲပြီး သားမယားပြုကျင့်ရန် ကြိုးစားလုပ်ဆောင်ခဲ့သဖြင့် မိန်းကလေးက ရုန်းကန်ထွက်ပြေးလာရသည်ဟုလည်း ဆို ထားသည်။
ထို့ကြောင့် အသက် ၄၅ နှစ်ရှိမိခင်ဖြစ်သူက သမီးငယ်အားအဓမ္မပြုကျင့်ရန် ကြံစည်လုပ်ဆောင်သူကို အရေးယူပေးရန် အမှုဖွင့် တိုင်တန်းလိုက်ခြင်းလည်း ဖြစ်သည်။
“တိုင်တန်းခံထားရသူက အဖိုးကြီးပါ၊ သူပြစ်မှုကျူးလွန်ကြောင်း ရဲစခန်းမှာ ၀န်ခံထားပါတယ်။ ကျွန်တော် တို့ သူ့ကိုအဓမ္မမှု ကျူးလွန်ရန် ကြိုးစားအားထုတ်မှုနဲ့ ဆက်လက်အရေးယူသွားမှာပါ”ဟု ရဲအုပ်သန်းဦးက ရှင်းပြခဲ့သည်။
လက်ရှိတွင် ပြစ်မှုကျူးလွန်သူကို တိုက်ကြီးရဲစခန်းက (ပ)၄၆/၂၀၁၄ဖြင့် အမှုဖွင့်ပြီး ပြစ်မှုပုဒ်မ ၃၇၆/၅၁၁ ဖြင့် တရားစွဲတင်ရန် အမှုကို စစ်ဆေးတည်ဆောက်နေသည်ဟု ရဲစခန်းက ဆိုထားသည်။
Mizzima
ဂျပန်ဝန်ကြီးချုပ်ကို အာရှတိုက်၏ ဟစ်တလာဟု မြောက်ကိုရီးယားဝေဖန်
မြောက်ကိုရီးယား နိုင်ငံက ရန်သူတော် ဂျပန်နိုင်ငံ၏ ဝန်ကြီးချုပ်ဖြစ်သူ ရှင်ဇိုအဘေးအား အာရှတိုက်၏ အဒေါ့ဖ် ဟစ်တလာဟု အမည်တပ် ပုတ်ခတ်စွပ်စွဲလိုက်သည်။ အဘေးအနေဖြင့် ဂျပန်နိုင်ငံ၏ ကာကွယ်ရေး ကဏ္ဍတွင် အဆင့်မြှင့်တင်ပြီး စစ်ရေးစွမ်းရည်ကို မြှင့်တင်လျှက်ရှိရာ ယင်းကို မြောက်ကိုရီး ယား က ဝေဖန်ခဲ့ခြင်း ဖြစ်သည်။ အဘေး၏ လုပ်ရပ်သည် ဒုတိယကမ္ဘာစစ် အစမပျိုးမီ ဂျာမန်အာဏာရှင် ဟစ်တလာ ၏ အကောင်အထည်ဖော်နေပုံများနှင့် တူနေကြောင်း မြောက်ကိုရီးယားက ဆိုသည်။ ထို့အပြင် ဂျပန်ကြောင့် အရှေ့အာရှ ဒေသ၏ တည်ငြိမ်မှုကို အနှောင့်အယှက် ဖြစ်လာစေနိုင်ကြောင်းလည်း ပြောကြား ခဲ့သည်။
KCNA သတင်းဌာနက အာဏာရပါတီထုတ် ရိုဒွန်ဆင်မွန် သတင်းစာပါ ဖော်ပြချက်များကို ကိုးကားပြီး ယင်းကဲ့သို့ အပုပ်ချခဲ့ခြင်း ဖြစ်သည်။ အဘေးသည် ပြီးခဲ့သည့် လအတွင်းက ဒုတိယ ကမ္ဘာစစ်အပြီး ဂျပန်၏ စစ်လက်နက် ကဏ္ဍကို ကြီးမားစွာ ကန့်သတ်ချုပ်နှောင်ထားသည့် စာချုပ်အချက်အလက်များကို (၂၀၂၀)တွင် ပြင်ဆင်နိုင်လိမ့်မည်ဟု ပြောဆိုထားသည်။ KCNA သတင်းဌာနက "အာရှတိုက်ရဲ့ ဟစ်တလာ ထွက်ပေါ်လာပြီလား"ဆိုသည့် ခေါင်းစဉ်ဖြင့် အဘေးကို ပယ်ပယ်နယ်နယ် ဝေဖန်ထားခြင်း ဖြစ်သည်။ ထို့အပြင် အဘေး၏ လုပ်ရပ်သည် မြောက်ကိုရီးယား၏ ဒုံးကျည်နှင့် နျူကလီးယား လက်နက်များအပေါ် လူအများ စိုးရွံ့နေမှုကို ပိုမိုဆိုးရွားအောင် လှုံ့ဆော်ရင်း ဂျပန်၏ စစ်အင်အားကို မြှင့်တင်နေခြင်းဟုလည်း ထောက်ပြခဲ့သည်။
"ဂျပန်မှာ အဘေးဦးဆောင်တဲ့ အစွန်းရောက် လက်ယာယိမ်း အဖွဲ့တွေ ဩဇာကြီးနေတယ်။ ပြီးတော့ ဂျပန်အပေါ် နိုင်ငံတကာရဲ့ ဝေဖန်မှုတွေကို မြောက်ကိုရီးယားအပေါ် လွှဲချဖို့ ကြိုးစားနေတယ်"ဟု သတင်းဌာနက ဆိုသည်။ ထို့အပြင် "အဘေးဟာ ဖက်ဆစ်ဝါဒီအရူး ဟစ်တလာနဲ့ ဘာမှမကွာဘူး။ ဟစ်တလာဟာ ကွန်မြူနစ်တွေကို တိုက်ခိုက်သလို အကြောင်းပြပြီး နောက်ထပ်စစ်ပွဲတစ်ခုကို ဖန်တီးခဲ့တယ်။ အဘေးလည်း တူတူပဲ။ မြောက်ကိုရီးယားကို အကြောင်းပြပြီး ဂျပန်ရဲ့ စစ်မက်လိုလားတဲ့ ရည်မှန်းချက်သစ်ကို အကောင်အထည် ဖော်နေတာပဲ"ဟု KCNAက စွပ်စွဲသွားခဲ့သည်။
လူငယ်တွေကို Sex အကြောင်း ပြောကြရအောင်
ဆယ်ကျော်သက် အရွယ်တုန်းက လမ်းလျှောက်ရင်တောင် ယောကျာ်းလေး တွေနား မကပ်ဖြစ်ခဲ့သည်မှာ မမျှော်လင့်ဘဲနှင့် ကိုယ်ဝန်ရှိသွားတတ်သည် ဆိုသော သူ့မိခင်၏ ဆုံးမစကားကို မပန်းအိခိုင် အလေးထားခဲ့၍ ဖြစ်သည်။
ပဲခူးက သူ့ သူငယ်ချင်းတွေကိုလည်း သူတို့ မိဘတွေက လိင်မှုကိစ္စကို ရှောင်ရှားဖို့ ဆုံးမခဲ့ကြ သည်။ “ယောကျာ်းတယောက်ကို ကျမ ထိလို့တောင် မရဘူး၊ ကိုယ်ဝန်ရှိသွားလိမ့်မယ်လို့ ကျမ ရာသီသွေး စပေါ်တဲ့ အချိန်တုန်းက အမေက ပြောတယ်။ ဒါကြောင့် ကျမ သိပ်ကြောက်သွားပြီး ကင်းကင်းပဲ နေခဲ့တယ်” ဟု မပန်းအိခိုင်က ပြောသည်။
သို့သော်လည်း ဒီအယူအဆကို လွန်ခဲ့သော ၃ နှစ်ခန့်က စပြီး စွန့်လွှတ်ခဲ့ပြီဖြစ်သည်။ အသက် ၁၈ နှစ် အရွယ်ရောက်သည့်အချိန်တွင် ကျန်းမာရေး ပညာကို လေ့လာသင်ယူဖို့ ဆုံးဖြတ်ခဲ့ပြီးနောက် ယခု အချိန်တွင် အစိုးရဝန်ထမ်း သားဖွားဆရာမ တဦး ဖြစ်လာခဲ့သည်။ သားဆက်ခြားခြင်း အကြောင်းကို လူ့အဖွဲ့အစည်းအတွင်း ဆွေးနွေးခြင်းက အကျိုးဖြစ် ထွန်းနိုင်မည်ဟု ဆေးပညာသင်တန်းမှာ သင်ကြားခဲ့ ရသည်ကို မပန်းအိခိုင် ကိုယ်တိုင်က ယုံကြည်ထား သော်လည်း လူတွေကို သတင်းအချက်အလက် ကျယ်ကျယ်ပြန့်ပြန့် ဖြန့်ဝေပေးခြင်းမပြုနိုင်ဟု သူက ဆိုသည်။ ဒီလိုလုပ်ဖို့က ကျေးရွာ အများစုတွင် အခက်အခဲဖြစ်နေသည်။
မြန်မာနိုင်ငံ၏ ဒေသအချို့တွင် အထူးသဖြင့် မြို့များတွင် ကျန်းမာရေးဝန်ထမ်းများက ကွန်ဒုံးများ ဝေငှပြီး လိင်ဆက်ဆံခြင်းကြောင့် ကူးစက်တတ်သည့် ရောဂါများမှ ကာကွယ်ခြင်း နည်းလမ်းများကို ဆွေး နွေးပေးနေသည်။ သို့သော်လည်း မပန်းအိခိုင် တာဝန်ထမ်းဆောင်နေသော ရခိုင်ပြည်နယ်၏ကျေး လက်ဒေသများနှင့် မြန်မာနိုင်ငံတလွှားမှ အခြား ဝေးလံသည့် ဒေသများတွင် မျိုးဆက်ပွား ကျန်းမာ ရေးနှင့် လုံခြုံစိတ်ချရသော လိင်ဆက်ဆံမှုအကြောင်း များကို ဆွေးနွေးပြောဆိုခြင်း မပြုသင့်သည့် အရာ များအဖြစ် သဘောထားကြသည်။
“အကြောင်းအရာက စိမ်းနေတယ်လေ၊ ပြီး တော့ ကွန်ဒုံးကို အသုံးပြုရတာ ရှက်စရာကောင်း တယ်လို့ မြင်ကြတယ်။ ရိုးရာယဉ်ကျေးမှုအရ လက် မထပ်ခင် လိင်ဆက်ဆံတာကို မှားယွင်းတဲ့ ကိစ္စလို့ မြင်နေကြတယ်” ဟု မပန်းအိခိုင်က ပြောပြသည်။
ရန်ကုန်မြို့က လူငယ်ဆရာဝန်တယောက်ကမူ ကွဲပြားသည့် နည်းလမ်းတခုကို အကောင်အထည် ဖော်ကြည့်နေသည်။ အစဉ်အလာ ယုံကြည်မှုအရ တားမြစ်ထားသည့် အကြောင်းအရာများကို မျက်နှာ ချင်းဆိုင် ပြောဆိုပြီး စိတ်ကသိကအောင့်ဖြစ်ရခြင်းမှ ရှောင်လွှဲနိုင်ရန်အတွက် လိင်ကျန်းမာရေးနှင့် ပတ် သက်၍ သိလိုသည့် လူငယ်ယောကျာ်းလေးများ၏ မေးခွန်းများကို တယ်လီဖုန်းထဲမှ ဖြေဆို အကြံပေး သည့် အစီအစဉ်ဖြစ်သည်။ မြန်မာနိုင်ငံ ဆရာဝန် များ အသင်းကလည်း ဆယ်ကျော်သက် အရွယ် ကိုယ်ဝန်ရှိခြင်း၊ သားဆက်ခြားခြင်းနှင့် လိင်ဆက်ဆံ ခြင်းမှ ကူးစက်တတ်သည့် ရောဂါများအကြောင်း သိရှိလိုသည့် အသက် ၁၅ နှစ်မှ ၂၄ နှစ်အတွင်းရှိ အမျိုးသမီးငယ်များ ပြောဆိုဆွေးနွေးနိုင်ရန်အတွက် သီးခြားတယ်လီဖုန်းလိုင်းတခု ပြုလုပ်ပေးထားသည်။
ဖုန်းဆက်လာသူအချို့က အစပိုင်းတွင် ရှက် နေကြသည်ဟု ယောကျာ်းလေးများအတွက် ဖွင့်လှစ် ထားသော ဖုန်းလိုင်းတွင် ပြီးခဲ့သည့်နှစ် ဇူလိုင်လ ကတည်းက တာဝန်ယူပေးနေသော အသက် ၂၆ နှစ်အရွယ် ကိုဇာနည်ဝင်းက ပြောပြသည်။ ဖုန်း ဆက်သူ တနေ့လျှင် ၅ ဦးခန့် ရှိသည်ဟုလည်း သိရ သည်။
“ဘာဖြစ်လို့လဲဆိုတော့ ဒါက လျှို့ဝှက်ပေးရမယ့် ကိစ္စလေ။ သူတို့ ကျနော့်ကို နာမည်ပြောပြဖို့ မလိုဘူး။ ဒါကြောင့် သူတို့ရဲ့ပြဿနာတွေကို အလွယ် တကူပဲ ထုတ်ဖော်ပြောပြကြတယ်” ဟု ကိုဇာနည်ဝင်း က ပြောပြသည်။
သို့သော်လည်း လူအများစုက မိုဘိုင်းဖုန်း ကွန်ရက်ကို သုံးစွဲနိုင်ခြင်းမရှိသည့် မြန်မာနိုင်ငံတွင် တယ်လီဖုန်းဖြင့် ဆွေးနွေး ဖြေကြားပေးခြင်းက အလုံးစုံ ထိရောက်သည့် နည်းလမ်းတခု မဟုတ်ပါ။ ပွင့်လင်းစွာ ဆွေးနွေးရေးအတွက် ကန့်သတ်မှုတွေ ရှိနေသည်။ များသောအားဖြင့် မိဘများက ၄င်းတို့၏ သားသမီးများကို မျိုးဆက်ပွားကျန်းမာရေးနှင့် ပတ်သက်၍ ပြောပြခြင်း မရှိကြပါ။ အမျိုးသမီးအချို့က ရာသီသွေးပေါ်ခြင်းနှင့် ပတ်သက်၍ တကယ်ဖြစ်လာသည့် အချိန်အထိ သိထားခဲ့ခြင်းမရှိကြောင်း ပြောကြသည်။ အစိုးရက ကျောင်းသင်ရိုးညွှန်းတမ်းတွင် လိင်ပညာပေး သင်ခန်းစာများ ပေါင်းစပ်ထည့်သွင်း ရန် ကြိုးစားနေသော်လည်း ဆရာ၊ ဆရာမများက လိင်အကြောင်း သင်ကြားဆွေးနွေးရန် စိုးရိမ်မှုတွေ ရှိနေကြဆဲ ဖြစ်ပါသည်။ လိင်မှုရေးရာ ဗဟုသုတများ ကို ထုတ်ဖော်ဆွေးနွေးခြင်းအားဖြင့် သူတို့၏ ဂုဏ်သိက္ခာကို မေးခွန်းထုတ်စရာ ဖြစ်လာမှာကိုကြောက်ရွံ့ နေကြသည်။
မြန်မာနိုင်ငံသည်လည်း အခြားနိုင်ငံ အများ အပြားမှာကဲ့သို့ပင် အငြင်းပွားဖွယ်ရာ ဖြစ်နေသေး သည့် မေးခွန်းတခုကို ကိုယ့်နည်း ကိုယ်ဟန်ဖြင့် အဖြေရှာနိုင်ဖို့ အားထုတ်နေရသည်။ ဆယ်ကျော် သက်အရွယ်တွင် ကိုယ်ဝန်ဆောင်ခြင်း၊ လိင်ဆက်ဆံ ခြင်းမှ ကူးစက်နိုင်သောရောဂါများနှင့် လိင်အကြမ်း ဖက်မှုများကို ကာကွယ်သည့် နည်းလမ်းတခုအနေဖြင့် ပြည့်စုံပြီး အားလုံးကိုလွှမ်းခြုံနိုင်သော လိင်ပညာပေး ခြင်းကို မည်သို့ ဟန်ချက်မျှတအောင် ပြုလုပ်နိုင်မည် နည်း ဆိုသည့် မေးခွန်းပင်ဖြစ်၏။
အခြား အရှေ့တောင်အာရှ နိုင်ငံများသို့ ကြည့် လိုက်လျှင် မွတ်စလင်အများစုနေထိုင်ရာ အင်ဒိုနီး ရှား နိုင်ငံတွင် ၂၀၁၂ ခုနှစ် အတွင်းက ကျန်းမာရေး ဝန်ကြီး၏ လူငယ်များ ကွန်ဒုံးအသုံးပြုမှု မြှင့်တင်နိုင် ရန် အားထုတ်မှုသည် ဆယ်ကျော်သက်အရွယ် လိင် ဆက်ဆံမှုကို တွန်းအားပေးသလိုဖြစ်မှာ စိုးရိမ်ကြသူ များ၏ လှောင်ပြောင်သရော်မှုခံခဲ့ရသည်။ ပညာရေး ဌာနမှ တာဝန်ရှိသူများက အထက်တန်းကျောင်းသူ များကို အပျို စစ်၊ မစစ် စစ်ဆေးရန် အဆိုပြုခဲ့ခြင်းကို လည်း အစွန်းရောက်လွန်းသည်ဟု ထင်မြင်ခြင်းခံခဲ့ရ သည်။
ဗုဒ္ဓဘာသာဝင် အများစုနေထိုင်ရာ ထိုင်းနိုင်ငံ တွင်မူ လိင်မှုကိစ္စနှင့်ပတ်သက်၍ ပွင့်လင်းမှု ပိုရှိ သည်ဟု ဆိုနိုင်သည်။ သို့သော်လည်း ဆရာ၊ ဆရာမ များသည် သူတို့၏ ကျောင်းသူကျောင်းသားများနှင့် လိင်ကျန်းမာရေးအကြောင်း ပွင့်ပွင့်လင်းလင်း ပြော ဆိုဆွေးနွေးရန် တွန့်ဆုတ်နေကြဆဲ ဖြစ်ကြောင်း မျိုးဆက်ပွားကျန်းမာရေးနှင့် ပတ်သက်၍ လှုပ်ရှားသူများက ပြောကြသည်။
Sex ကိစ္စ တခုတည်း မဟုတ်ပါ
အရှေ့တောင် အာရှနိုင်ငံ အများအပြားမှာ လိုပင် မြန်မာနိုင်ငံတွင်လည်း မိန်းကလေးများသည် သူတို့ လက်ထပ်သည့် အချိန်အထိ အပျိုစင်ဘဝနှင့် ရှိနေဖို့ မျှော်လင့်ကြသည်။ ကွန်ဒုံးများကို စတိုးဆိုင် များတွင် ရရှိနိုင်ပြီး ရန်ကုန်မြို့၏ စည်ကား ရှုပ်ထွေး သည့် လမ်းများဘေးတွင် ရောင်းချနေသည့် ဆိုင် များတွင်ပင် ရရှိနိုင်သော်လည်း အရွယ်ရောက်ပြီးသူ လူငယ်များသည် သူတို့အိတ်ထဲတွင် ကွန်ဒုံးတခု တွေ့သွားလျှင်ပင် လူတကာနှင့် လိင်ဆက်ဆံသည်ဟု ထင်မြင်ခြင်းခံရမှာကို စိုးရွံ့ကြသည်။ ကိုယ့်ဘာသာ စိတ်ဖြေခြင်းကိုလည်း နိုင်ငံတကာ ကျန်းမာရေး ပညာရှင်များက လုံခြုံစိတ်ချရသည့် လိင်ပိုင်းဆိုင်ရာ အလေ့အထတခုအဖြစ် သတ်မှတ်ပြောဆိုကြသော် လည်း ညစ်ညမ်းသော ရှက်ရွံ့စရာကိစ္စတခုအဖြစ် ယူဆကြသည်။ စုံတွဲများသည် လက်ချင်းဆုပ်ကိုင် ထားသည်ကလွဲ၍ လူမြင်ကွင်းတွင် ချစ်ခင်ကြင်နာဟန်ပြသည်ကိုလည်း မြင်ရခဲသည်။ အများပြည်သူ နှင့်ဆိုင်သည့် ပန်းခြံများထဲတွင် အခြားသူများ မမြင်နိုင်အောင် ထီးနှင့်ကွယ်၍ တယောက်ကိုတယောက် ဖက်ထားသည့် စုံတွဲတွေကို ရန်ကုန်မှာ မြင်ရလေ့ရှိသည်။
“ကျမတို့ ဒီအကြောင်းကို ဘယ်တော့မှပြောမှာ မဟုတ်ဘူး၊ နှစ်ဖက်လုံးအတွက် ထုတ်ပြောဖို့ ရှက် စရာ ကောင်းပါတယ်။ နောက်ပြီး ဒါက ကျမတို့ ယဉ်ကျေးမှုပါ” ဟု ရန်ကုန်မြို့မှ အသက် ၂၂ နှစ် အရွယ် ကျောင်းသူ မဖြူပွင့်အောင်က ပြောသည်။
သူ၏ သူငယ်ချင်းဖြစ်သူ မွန်ပြည်နယ်မှ မဖြူဖြူဝင်းသည်လည်း အသက် ၂၂ နှစ်အရွယ်ရှိပြီး ရည်းစားရှိသူလည်း ဖြစ်သည်။ သို့သော်လည်း ကွန်ဒုံးကို ဘယ်လိုအသုံးပြုရမည်ဆိုသည်ကို နားမလည်ကြောင်း ပြောသည်။
“ကျမတို့အနေနဲ့ လက်မထပ်ခင် အပျိုစင် ဘဝကို ထိန်းသိမ်းထားရမယ်။ ဒါ မြန်မာ့ယဉ်ကျေး မှုပါ။ လက်ထပ်တဲ့ အချိန်မှာ အပျိုမဟုတ်ဘူးဆိုရင် သိက္ခာကျမယ်လေ” ဟု မဖြူဖြူဝင်းက ဆိုသည်။
မိဘများနှင့် လိင်အကြောင်း ဆွေးနွေးရန်လည်း အခွင့်အရေးမရှိပါ။ “ဒီလို ရွံစရာကောင်းတဲ့ကိစ္စကို ဘာဖြစ်လို့ ပြောချင်တာလဲလို့ သူတို့က ကျမကို မေးကြလိမ့်မယ်။ ဒီအကြောင်းတွေပြောရတာ မရှက် ဘူးလားလို့ ပြောကြလိမ့်မယ်” ဟု သူကပြောသည်။
၈ တန်းကျောင်းသူ ဘဝတုန်းက ကျောင်းမှာ HIV နှင့် ပတ်သက်၍ သင်ကြားဖူးကြောင်း မဖြူပွင့်အောင်က ပြောသည်။ ပြည်တွင်း NGO တခုက ပြုလုပ်သည့် လိင်ဆက်ဆံမှုကြောင့် ကူးစက်တတ်သည့် ရောဂါများအကြောင်း အလုပ်ရုံဆွေးနွေးပွဲသို့ တက်ရောက်ခဲ့ဖူးသော်လည်း ကြားသိခဲ့ရသည့် လုံခြုံ စိတ်ချရသည့် လိင်ဆက်ဆံမှုနှင့် ပတ်သက်သော အချက်အလက်များကို မဖြူဖြူဝင်း ပြန်မပြောပြနိုင် ပါ။ အိမ်ထောင်ကျပြီးမှသာ မျိုးဆက်ပွား ကျန်းမာရေးနှင့် ပတ်သက်သော အကြောင်းအရာတွေကို အင်တာနက်မှာ ရှာဖွေဖတ်ရှုခြင်းဖြင့်လည်းကောင်း၊ ကျန်းမာရေးပညာပေး စာအုပ်တွေ ဖတ်ခြင်းဖြင့် လည်းကောင်း ကိုယ့်ဘာသာ လေ့လာကြဖို့ သူတို့ စိတ်ကူးထားသည်။
လိင်မှုကိစ္စ အပျော်အပါး လိုက်စားခြင်းမှ ရှောင်ကြဉ်မှုများ ရှိနေသော်လည်း မြန်မာနိုင်ငံသည် ခြောက်ပစ်ကင်းဟု မဆိုနိုင်သည့်နေရာ ဖြစ်ပါသည်။ပြည့်တန်ဆာလုပ်ငန်းသည် မြန်မာနိုင်ငံတွင် တရား ဝင် မဟုတ်သည့်တိုင် ရန်ကုန်လို မြို့ကြီးများတွင် အလွယ်တကူ ရှာတွေ့နိုင်ပါသည်။ ကာမ အားတိုး ဆေးများကိုလည်း မှောင်ခိုဈေးကွက်တွင် ဈေးချိုချို နှင့် ဝယ်ယူလို့ရနေသည်။ တက္ကသိုလ်ကျောင်းများ အနီးတွင် ကျောင်းသားကျောင်းသူ စုံတွဲများအတွက် နာရီပိုင်းနှင့် အခန်းငှားပေးသည့် တည်းခိုခန်းများ ရှိနေသည်။
လိင်ပညာပေးမှု အားနည်းခြင်းကြောင့် နောက် ဆက်တွဲဆိုးကျိုးများစွာ ဖြစ်ခဲ့ရသည်ဟု မျိုးဆက်ပွား ကျန်းမာရေးအတွက် ဆောင်ရွက်နေသူများက ပြော ကြသည်။ ငယ်ရွယ်သူများ လိင်ဆက်ဆံကြောင်း သိရှိပါက ၄င်းတို့၏ဆန္ဒမပါဘဲနှင့် အတင်းလက်ထပ် ပေးစားခြင်းခံရ၏။ မလိုချင်ဘဲ ရှိလာသည့် ကိုယ်ဝန် ကြောင့် ကလေးမမွေးချင်ဘဲ မွေးရသလို အန္တရာယ် များသည့် တရားမဝင် ကိုယ်ဝန်ဖျက်ချမှုတွေလည်း ပေါ်ပေါက်လာရသည်။
အခြားသော စိုးရိမ်စရာ အကြောင်းအရာတခု ဖြစ်သော လိင်ပိုင်းဆိုင်ရာ အကြမ်းဖက်မှု၊ အလိုမတူ ဘဲ သားမယားပြုကျင့်မှုများအတွက် ရန်ကုန်မြို့မှ အမျိုးသမီးအခွင့်အရေး ဆောင်ရွက်သူတဦး ဖြစ်သည့် မထားထားက ဘတ်စ်ကားပေါ်တွင် အမျိုးသမီးများ မဖွယ်မရာ စော်ကားနှောင့်ယှက်ခံနေရခြင်းကို ဆန့် ကျင်သော လှုပ်ရှားမှုတခု ဆောင်ရွက်နေကြောင်း ပြောသည်။
ငယ်ရွယ်သော မိန်းကလေးများသည် ဖြူစင်စွာ နေထိုင်လိုကြပြီး လိင်ကိစ္စနှင့် ပတ်သက်၍လည်း အလွန်ရိုးရှင်းစွာပင် နားလည်ထားတတ်ကြသည်ဟု မထားထားက ပြောသည်။ အမျိုးသားများမူ လိင် ကိစ္စနှင့် ပတ်သက်၍ အတွေ့အကြုံ လိုချင်ကြပြီး အမျိုးသမီးများသည် ညစ်ညမ်းစာအုပ်များကို ဖတ် လေ့ရှိကြသည်ဟုလည်း သူကဆိုသည်။
မထားထားက “အခရာ”ဟု အမည်ရသည့် အမျိုး သမီးကွန်ရက်တခုကိုဦးဆောင်နေပြီး ယောကျာ်း- မိန်းမ တို့၏ အခန်းကဏ္ဍ၊ ဖိုမ သဘာဝ၊ မျိုးဆက်ပွား ကျန်းမာရေးနှင့် အခြားသော အမျိုးသမီးရေးရာကိစ္စ များကို ဆွေးနွေးရန်အတွက် လစဉ်ပြုလုပ်သည့် ဆွေးနွေးပွဲများတွင် လိင်ပိုင်းဆိုင်ရာ အကြမ်းဖက် စော်ကားမှု သတင်းများ မှန်မှန်ကြားနေရကြောင်း ပြောပြသည်။ ဆွေးနွေးပွဲများသို့ တက်ရောက်သူ အမျိုးသမီးဦးရေ ပိုများလာပြီး အသက် ၂၀ ကျော် အရွယ်မှ အသက် ၅၀ ကျော် အရွယ်များအထိ ပါဝင်ကြောင်း သိရသည်။
“အိမ်ဖော်အမျိုးသမီးတွေကနေပြီးတော့ ကုမ္ပဏီ ဒါရိုက်တာတွေအထိ ပါဝင်ပါတယ်” ဟု မထားထား က ဆိုသည်။
အမျိုးသမီး ကွန်ရက်ကို မတည်ထောင်မီက မြန်မာနိုင်ငံတွင် HIV ကာကွယ်ရေးနှင့် ကုသရေး လုပ်ငန်းများ လုပ်ဆောင်နေသော နိုင်ငံတကာ NGO တခုဖြစ်သည့် Burnet Institute တွင် ဖိုမ သဘာဝနဲ့ပတ်သက်၍ လေ့ကျင့် သင်တန်းပေးသူ အဖြစ် လုပ်ခဲ့ပါသည်။ လုပ်ခဲ့သော်လည်း ထိုအချိန် က ဖိုမ သဘာဝနှင့် ပတ်သက်သော သူ၏သိနား လည်မှုသည် အကန့်အသတ်နှင့်သာ ဖြစ်သည်။
“ကွန်ဒုံးတွေအသုံးပြုဖို့ အရေးကြီးတယ်ဆိုတာ ကျမတို့သိတယ်။ ဒါပေမယ့် မသုံးချင်တဲ့သူအတွက် ဘာဆက်ပြောမလဲ။ ပြောဆိုဆွေးနွေးမှုက အမြဲတမ်း ရပ်သွားရတယ်။ ဘာဖြစ်လို့လဲဆိုတော့ ကျမတို့မသိ ဘူး။ ဒါမှမဟုတ် လိင်ကိစ္စရဲ့ သာယာမှုအကြောင်း ကို မပြောချင်ကြဘူး။ ကျမတို့ကို လိင်ပိုင်းဆိုင်ရာ ဆက်သွယ်ချက်နဲ့ အမျိုးသမီးတို့ရဲ့ လိင်သဘာဝကို ဆွေးနွေးဖို့အတွက် လေ့ကျင့်ပေးမထားဘူး” ဟု မထားထားက ပြောသည်။
၂၀ဝ၈ ခုနှစ်တွင် အစ္စရေးနိုင်ငံမှ ရောက်လာ သော လိင်မှုဆိုင်ရာ ကုထုံးပညာရှင်တယောက်ထံ တွင် သူ၏ မိတ်ဆွေများနှင့်အတူ အမျိုးသမီး လိင် သဘာဝနှင့် မျိုးဆက်ပွား ကျန်းမာရေးအကြောင်း သင်ကြားခွင့်ရခဲ့ပြီးနောက် သူ၏ အသိုင်းအဝိုင်း အတွင်းမှ အခြားသူများကိုလည်း ပညာပေးဖို့ မထားထား ဆုံးဖြတ်လိုက်သည်။
ယနေ့အချိန်တွင် သူက ကျောင်းများတွင် ဖြစ် နိုင်လျှင် သူငယ်တန်းအဆင့်ကစတင်ပြီး လိင်ပညာ ပေး သင်ခန်းစာများ ကျယ်ကျယ်ပြန့်ပြန့် သင်ကြား ပေးဖို့ တောင်းဆိုနေသည်။
“လိင်ပညာပေး သင်ခန်းစာတွေက မြန်မာ့ ယဉ်ကျေးမှုနဲ့ ဆန့်ကျင်တယ်လို့ လူတွေကပြောကြ တယ်။ အဲဒါ သူတို့ နားမလည်လို့ ပြောကြတာပါ။ သူတို့က လိင်ပညာပေးသင်ခန်းစာ ဆိုတာ လိင် ဆက်ဆံတဲ့အကြောင်းလို့ ယူဆကြတယ်။ ဒါ မဟုတ် ပါဘူး။ ကျမတို့ရဲ့ ကိုယ်ခန္ဓာအင်္ဂါရပ်တွေအကြောင်း ပါ။ ကျမတို့ စက္ကန့်တိုင်း အသုံးပြုနေရတဲ့ ကိုယ်ခန္ဓာ အကြောင်းပါ။ သူတို့ ဘယ်လိုအလုပ်လုပ်တယ်။ ဘယ်လို ဂရုစိုက်ထိန်းသိမ်းရမယ်ဆိုတာကိုနားလည် ဖို့ လိုအပ်ပါတယ်” ဟု မထားထားက ဆိုသည်။
ကိုယ့်ရဲ့ ကိုယ်ခန္ဓာအကြောင်းကို သိတာဟာ ယဉ်ကျေးမှုကို ဆန့်ကျင်တာမဟုတ်ပါဘူး” ဟုလည်း သူကပြောသည်။
ဘယ်လိုပဲ ခေါ်ခေါ်
လက်ရှိအချိန်တွင် မြန်မာနိုင်ငံ၌ လိင်ပညာပေး ခြင်းကို HIV ကာကွယ်ရေး ခေါင်းစဉ်အောက်တွင် ကျယ်ပြန့်စွာ မြှင့်တင်ဆောင်ရွက်နေသည်။ AIDS ရောဂါသည် ပြည်သူ့ကျန်းမာရေးအတွက် အဓိက အလေးထားရမည့် အရာဖြစ်နေပြီး လိုအပ်သည့် ထောက်ပံ့မှု အရင်းအမြစ် အားနည်းမှုကြောင့် ရောဂါပိုးရှိနေသူ အများစုသည် ကုသမှုခံယူနိုင်ခြင်း မရှိပေ။
မြန်မာနိုင်ငံတွင် HIV ပိုးရှိနေသူ ၂ သိန်းခန့် ရှိပြီး ၂၀၁၂ ခုနှစ်ကုန်ပိုင်းလောက်အထိ ゞင်းတို့ထဲမှ တဝက်ကျော်သည် သူတို့ အတွက်လိုအပ်နေသော ART ကုထုံးဖြင့် ကုသမှုခံယူနိုင်ခြင်းမရှိခဲ့ပါ။
“HIV ကြောင့် လုံခြုံစိတ်ချရတဲ့ လိင်ဆက်ဆံ မှုအကြောင်း ကျနော်တို့ ပြောခွင့်ရတယ်။ ဒီကိစ္စနဲ့ ပတ်သက်လို့ပဲ ပြောခွင့်ရသလိုပါပဲ” ဟု မြန်မာနိုင်ငံ တွင် မိသားစုစီမံကိန်းကို ဦးတည်ရင်း လိင်နှင့် မျိုး ဆက်ပွားကျန်းမာရေးစောင့်ရှောက်မှုများ ပူးပေါင်း ဆောင်ရွက်ပေးနေသော အဖွဲ့အစည်းတခု ဖြစ်သည့် Marie stopes International မှ Country Director ဒေါက်တာ စစ်နိုင်ကပြောသည်။
“မြန်မာနိုင်ငံမှာတော့ သားဆက်ခြားတယ်လို့ ခေါ်ကြတယ်။ တကယ်တော့ ပဋိသန္ဓေ တားတာ ပါပဲ”
“မျိုးဆက်ပွား ကျန်းမာရေးကို တမျိုးသားလုံးနဲ့ ဆိုင်တဲ့အရေးလို့ အများစုက မမြင်ကြဘူး။ ဒါပေမယ့် တာဝန်ရှိသူတွေ၊ အုပ်ချုပ်ရေးပိုင်းက ကျန်းမာရေး ဌာနက တာဝန်ရှိသူတွေ၊ ဒေသခံခေါင်းဆောင်တွေ၊ ဩဇာရှိသူတွေ ဒါမှမဟုတ် ဘာသာရေး ခေါင်း ဆောင်တွေ သူတို့တွေကတော့ HIV ကာကွယ်တား ဆီးရေးအကြောင်း သိတဲ့အချိန်မှာ ထောက်ခံ ကူညီ ရမယ်လို့ သူတို့ယုံကြည်ကြပါတယ်” သူက ထပ်ပြော သည်။
မြန်မာနိုင်ငံတွင် ကျန်းမာရေး ဝန်ကြီးဌာနက ကျောင်းများအတွက် လိင်ပညာပေး သင်ခန်းစာ သင်ရိုးညွှန်းတမ်းတခု ရေးဆွဲထားပြီး ဖြစ်ကြောင်း လည်း ဒေါက်တာစစ်နိုင်က ပြောသည်။
“လွန်ခဲ့တဲ့ ၁၀ နှစ်လောက်က စပြီးတော့ အခြေခံကျတဲ့ လိင်နဲ့ပတ်သက်တဲ့ ကျန်းမာရေးနဲ့ HIV တားဆီးကာကွယ်ရေးဆိုင်ရာ အချက်အလက် တွေကို သင်ရိုးညွှန်းတမ်းထဲမှာ အောင်မြင်စွာ ပေါင်းစပ်ထည့်သွင်းခဲ့ပါတယ်။ ဒါပေမယ့် မြန်မာ နိုင်ငံမှာ ကျောင်းက ဆရာအများစုက အမျိုးသမီး တွေ ဖြစ်နေတဲ့အတွက် လုံခြုံစိတ်ချရတဲ့ လိင်ဆက် ဆံရေးနဲ့ အခြေခံ လိင်ပညာပေးသင်ခန်းစာတွေ အကြောင်းကို ပြောဆိုသင်ကြားဖို့အတွက် ယုံကြည်မှု တည်ဆောက်နိုင်စွမ်း မရှိကြဘူး။ သူတို့ မဝံ့မရဲ ဖြစ်နေကြတယ်။ လိင်အကြောင်းတွေ သူတို့က ပြောမယ်ဆိုရင် တပည့်တွေက မလေးစားတော့မှာကို သူတို့ အကြောက်ဆုံးပဲ” ဟု သူကဆက်ပြောသည်။
လိင်ပညာပေး သင်ခန်းစာကို အသက် ၁၀ နှစ် မှ ၁၆ နှစ်ကြားရှိ အလယ်တန်းအဆင့် ကျောင်းသား ဘဝတွင် သင်ကြားပေးပြီး လူမှုရေး ကျွမ်းကျင်မှု၊ ရောဂါ ကာကွယ်ရေးအတွက် စိတ်ခံစားမှုဆိုင်ရာ အသိအမြင်၊ လိင်ဆက်ဆံမှုကြောင့် ကူးစက်တတ် သည့်ရောဂါများ၊ မျိုးဆက်ပွား ကျန်းမာရေးနှင့် မူးယစ်ဆေးဝါးသုံးစွဲမှု စသည့် ခေါင်းစဉ်များ ပါဝင် သည်။ ၂၀ဝ၆ ခုနှစ်နှင့် ၂၀၁၁ ခုနှစ်များတွင် သင်ရိုး ကို အသစ်ပြန်လည်ရေးဆွဲခဲ့ပြီး နှစ်ကုန်၍ အတန်း တင် စာမေးပွဲဖြေဆိုသည့်အခါ အဆိုပါဘာသာရပ် ကို ထည့်သွင်းဖြေဆိုရန် မလိုအပ်ကြောင်းလည်း သိရသည်။
မျိုးဆက်ပွားနှင့် လိင်ကျန်းမာရေးကို ၅ တန်း တွင် စတင်သင်ကြားပြီး အရွယ်ရောက်လာသည့် အချိန်တွင် ရုပ်ပိုင်းဆိုင်ရာ ဖွံ့ဖြိုးမှုနှင့် စိတ်ပိုင်းဆိုင် ရာပြောင်းလဲလာမှုနှင့် ပတ်သက်သည့် သင်ခန်းစာ များ ဖြစ်သည်။ HIV ကူးစက်ပျံ့နှံ့မှုကိုလည်း ထို အချိန်တွင် ကျောင်းသားများ စတင်လေ့လာရသည် ဟု ပညာရေးဝန်ကြီးဌာနနှင့် ပူးပေါင်း၍ သင်ရိုး အတွက် ကူညီပေးနေသော Unicef အဖွဲ့၏ အဆို အရ သိရသည်။ ၆ တန်းရောက်သည့်အခါ ကျောင်း သား ကျောင်းသူများကို ယောကျာ်းလေးနှင့် မိန်း ကလေးတို့၏ အသက်အရွယ်အရ မည်သို့ဆက်ဆံ နေထိုင်ရမည်ကို စဉ်းစားဆုံးဖြတ်တတ်အောင် သင် ကြားသည်။ ၉ တန်းနှင့် ၁၀ တန်း အရွယ်ရောက် သည့်အခါ မမျှော်လင့်ဘဲ ကိုယ်ဝန်ဆောင်ရခြင်းနှင့် လိင်ဆက်ဆံမှုကြောင့် ကူးစက်သည့် ရောဂါများကို မည်သို့ ကာကွယ်ရမည် ဖြစ်ကြောင်းနှင့် အပျော် အပါး လိုက်စားခြင်းကို ရှောင်ရှားခြင်းသည် အထိ ရောက်ဆုံး နည်းလမ်းဖြစ်ကြောင်း သင်ကြားသည်။ ကိုယ်ဝန်ရှိခြင်း၊HIV နှင့် အခြား လိင်ဆက်ဆံမှု ကြောင့် ကူးစက်နိုင်သည့်ရောဂါများကို ကာကွယ်ရာ တွင် ကွန်ဒုံးအသုံးပြုခြင်းက အထိရောက်ဆုံး ဖြစ် ကြောင်းကိုလည်း သူတို့ သင်ကြားကြရသည်။
“အရင်တုန်းက မြန်မာနိုင်ငံမှာ မျိုးဆက်ပွားနဲ့ လိင်ကျန်းမာရေးအကြောင်း ပြောတာကို ရှောင်ကြ တယ်။ ဆရာ၊ ဆရာမ တွေလည်း ကလေးငယ်တွေနဲ့ ဆယ်ကျော်သက်တွေကို ဒီလို အရမ်းအရေးကြီးတဲ့ အကြောင်းအရာတွေကို သိနားလည်ဖို့ ကူညီတဲ့ နေရာမှာ အခက်အခဲတွေ တွေ့ခဲ့ကြရပါတယ်။ ခုချိန် မှာတော့ ပြုပြင်ပြောင်းလဲရေးရဲ့ အစိတ်အပိုင်းတရပ် အနေနဲ့ မြန်မာနိုင်ငံက ကလေးငယ်တွေရဲ့ ကျန်းမာ ရေးနဲ့ ဘဝပျော်ရွှင်မှုကို ဆိုးဆိုးရွားရွား ထိခိုက် စေပြီးတော့ အရွယ်ရောက်ပြီးချိန်အထိ မကောင်းတဲ့ သက်ရောက်မှုတွေ ဆက်ပြီး ကျန်နေစေနိုင်တဲ့ အကြောင်းအရာတွေနဲ့ ပတ်သက်လို့ ပွင့်ပွင့်လင်း လင်းပြောဖို့ အခွင့်အရေးတွေရှိလာပါပြီ”ဟု ရန်ကုန် မြို့မှ Unicef ဌာနေကိုယ်စားလှယ် Bertrand Bainvel က ပြောသည်။
ထိုကဲ့သို့သော အကြောင်းအရာများကို တိတ် တိတ် ဆိတ်ဆိတ် လုပ်ဆောင်နိုင်သော နည်းလမ်း တခုမှာ ကိုယ်တိုင်လေ့လာသင်ယူနိုင်သည့် စာအုပ် များ စီစဉ်ပေးဖို့ဖြစ်ပြီး မျိုးဆက်ပွားနှင့် လိင်ကျန်းမာ ရေးဆိုင်ရာ ကဏ္ဍများကို ကျောင်းသားများ ကိုယ့် ဘာသာ လေ့လာနိုင်ကြမည်ဖြစ်သည်ဟုလည်း သူက ဆိုသည်။
မြန်မာအစိုးရကလည်း ပညာရေးစနစ်ကို ပြုပြင် ပြောင်းလဲရေး၏ အရေးပါသည့်အစိတ်အပိုင်းအဖြစ် ဖော်ထုတ် ပြသနိုင်ရန်အတွက် ပညာရေးဆိုင်ရာ ဥပဒေများကို စဉ်းစားသုံးသပ်နေပြီး ၂ နှစ်ကြာ ပြန်လည်လေ့လာခြင်း ပြုလုပ်ခဲ့သည်။
ကျောင်းပြင်ပမှ လူငယ်များအတွက် မျိုးဆက်ပွား ကျန်းမာရေးဆိုင်ရာ ပညာပေးရန် အားထုတ် နေမှုများလည်း ရှိပါသည်။ တယ်လီဖုန်းမှ ဆွေးနွေး ပညာပေးခြင်းလုပ်ငန်းကို မြန်မာနိုင်ငံ ဆရာဝန်များ အသင်း တခုတည်းကသာမကဘဲ အစိုးရဌာနတခု ဖြစ်သည့် ဆေးသုတေသနဦးစီးဌာန၊ ကုလသမဂ္ဂမှ ကမ္ဘာ့ကျန်းမာရေးအဖွဲ့နှင့် နိုင်ငံတကာ အဖွဲ့အစည်း များဖြစ်သည့် Population Services International နှင့် Marie stopes International တို့က လည်း ဆောင်ရွက်ပေးနေသည့်အပြင် အသံလွှင့် ဌာနတခုဖြစ်သည့် Shwe FM ကလည်း လူငယ်ဆိုင် ရာ အရေးကိစ္စများဖြစ်သည့် မမျှော်လင့်ဘဲ ကိုယ်ဝန် ဆောင်ရခြင်း၊ HIV၊ မိသားစုစီမံကိန်း၊ ဆယ်ကျော် သက် ကျန်းမာရေးနှင့် မိသားစု ပြဿနာများနှင့် ပတ်သက်သော အစီအစဉ်များ ထုတ်လွှင့်ပေးနေ သည်။ အပတ်စဉ်အစီအစဉ်ကို ကုလသမဂ္ဂ လူဦး ရေ ရန်ပုံငွေအဖွဲ့မှ ထောက်ပံ့ပေးနေပြီး မြန်မာနိုင်ငံ ဆရာဝန်များအသင်း၏ တယ်လီဖုန်းဖြင့် ဆွေးနွေး ခြင်း အစီအစဉ်ကိုလည်း အဆိုပါအဖွဲ့ကပင် ကူညီ ပေးနေသည်။
HIV ကာကွယ်ရေးအတွက် အခြား နိုင်ငံ တကာမှ ငွေကြေးထောက်ပံ့မှုများလည်း မြန်မာနိုင်ငံ ရရှိနေသည်။ ပြီးခဲ့သည့်အတွင်းက မြန်မာနိုင်ငံတွင် အမျိုးသမီးများကို ပဋိသန္ဓေတားဆီးရေးနှင့် မိသားစု စီမံကိန်းအကြောင်း ပညာပေးရန်နှင့် HIV ဗိုင်းရပ် ကူးစက်ခံထားရသူများကို ကူညီရန် ဒိန်းမတ်နိုင်ငံ၏ထောက်ပံ့မှုဖြင့် တည်ထောင်သည့် ဆေးခန်းတခုကို ဒိန်းမတ် တော်ဝင်မင်းသမီးက ဖွင့်လှစ်ပေးခဲ့သည်။
လူ့အဖွဲ့အစည်း အခြေပြုအဖွဲ့တခုဖြစ်သော Girl Determined ကလည်း မြို့ပြအစွန် ဒေသများ တွင် နေထိုင်ကြသည့် သက်တူ ရွယ်တူတန်း ငယ် ရွယ်သူ မိန်းကလေးများကို အဖွဲ့ဖွဲ့၍ မျိုးဆက်ပွား ကျန်းမာရေးအကြောင်း ပညာပေးခြင်းကို စတင် ဆောင်ရွက်နေသည်။ ရန်ကုန်၊ မန္တလေး ဆင်ခြေဖုံး ဒေသများနှင့် မြန်မာနိုင်ငံမြောက်ပိုင်းရှိ စစ်ကိုင်းနှင့် မုံရွာမြို့များမှ အသက် ၁၂ နှစ်မှ ၁၇ အရွယ်ကြား မိန်းကလေး ၁၃၀ဝ ကျော် ပါဝင်ခဲ့သည်ဟုလည်း သိရသည်။
“ခုချိန်မှာတော့ အရွယ်ရောက်လာတဲ့ အချိန် မှာ အရေးပါတဲ့အကြောင်းအရာတွေကိုပဲ အဓိက ထားပါတယ်။ လိင်ကိစ္စကို မပြောသေးဘူး။ ကျမတို့ သင်ခန်းစာတွေကို ပြင်ဆင်တုန်းပဲ ရှိပါသေးတယ်။ ကွန်ဒုံးကို ဘယ်လိုအသုံးပြုရမယ်ဆိုတာမျိုး မိန်းက လေးတွေကို သိပ်မပြောဘူး။ လိင်ကိစ္စကို ပွင့်ပွင့် လင်းလင်းပြောဖို့က ခက်တယ်။ လူတွေ၊ ဆယ်ကျော် သက် မိန်းကလေးတွေ၊ အသက်အရွယ်ငယ်တဲ့ မိန်းမ တွေ၊ သူတို့မှာ လိင်မှုကိစ္စရှိပေမယ့် ထုတ်မပြောကြ ဘူး။ မမျှော်လင့်ဘဲ ကိုယ်ဝန်ရှိလာခြင်းမျိုးနဲ့ လိင် ပိုင်းဆိုင်ရာ အကြမ်းဖက်စော်ကားတာတွေကို ကာ ကွယ်တားဆီးနိုင်ဖို့ သူတို့ ဒါတွေသိဖို့ လိုပါတယ်” ဟု မိန်းကလေးအဖွဲ့များကို ကူညီဆောင်ရွက်ပေးနေ သော Girl Determined အဖွဲ့မှ နန့်သဇင်မင်းက ပြောသည်။
အချို့သော ငယ်ရွယ်သည့် မိန်းကလေးများက အလျင်စလိုသင်ယူဖို့ စိတ်ကူးမရှိကြောင်းပြောသည်။ “ခုချိန်မှာ ဒီထက်ပိုပြီး သိသင့်တယ်လို့တော့ ကျမ မထင်ပါဘူး။ တနေ့နေ့တော့ သိဖို့လိုလာမှာပေါ့လေ။ ဒါပေမယ့် ခုထိတော့ ဒီအကြောင်းကို တခါမှ မစဉ်း စားဖူးဘူး” ဟု ရန်ကုန်မြို့မှ အသက် ၂၂ နှစ် အရွယ် ကျောင်းသူ မဖြူဖြူဝင်းက ပြောသည်။
မိနစ်အနည်းငယ် ကြာသည့်အခါ သူ စိတ် ပြောင်းသွားပြန်သည်။ “ဒါက ရှောင်လွှဲလို့လည်း မရဘူးဆိုတော့။ ကလေးတွေ ဘယ်လိုဖြစ်လာသလဲ။ ကျမတို့ ဘာတွေဖြစ်သလဲ။ ကျမတို့ မရှောင်နိုင်ဘူး ဆိုတော့ သိထားသင့်တာပေါ့နော်” ဟု မဖြူဖြူဝင်းက ပြောသည်။
Samantha Micheals ၏ The Safe Sex Talk, Burmese Style ကို နိုင်မင်းသွင် ဘာသာပြန်ဆိုသည်။
ရန်ကုန်မြို့ရှိ မီးပွိုင့်များတွင် ယာဉ်ကြောပိတ်ဆို့လာသည့် လမ်းကြောင်းအား အလိုအလျောက် မီးပွိုင့်စိမ်းပြီး ယာဉ်လမ်းကြောင်း ရှင်းလင်းသည့်စနစ် တပ်ဆင်မည်
ဝင်းမြင့်ကျော်
ယာဉ်ကြောပိတ်ဆို့လာသည့် လမ်းကြောင်းများအား အလိုအလျောက် မီးပွိုင့်စိမ်းကာ ရှင်းလင်းသည့်စနစ်ကို တပ်ဆင်ထားသော ရှစ်မိုင်လမ်းဆုံ (ဓာတ်ပုံ-အောင်မျိုးသန့်)
ရန်ကုန်မြို့အတွင်း ယာဉ်ကြောများ ပိတ်ဆို့နေသည့် မီးပွိုင့်များအားလုံးတွင် ယာဉ်ကြောပိတ်ဆို့လာသည့် လမ်းကြောင်းများအား အလိုအလျောက် ထိန်းချုပ်ပြီး မီးပွိုင့်စိမ်းကာ လမ်းကြောင်းရှင်းပေးသည့် စနစ်ကို တပ်ဆင်သွားရန် ဂျပန်နိုင်ငံနှင့် ပူးပေါင်းဆောင်ရွက်နေပြီဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့၊ လမ်းပန်းဆက်သွယ်ရေးနှင့် သယ်ယူပို့ဆောင်ရေးဝန်ကြီး ဦးအောင်ခင်က ပြောကြားသည်။ ယင်းကဲ့သို့ မီးပွိုင့်တွင် ယာဉ်ကြောပိတ်ဆို့လာသည့် ယာဉ်လမ်းကြောင်းအား အလိုအလျောက် ထိန်းချုပ်ပြီး မီးပွိုင့်စိမ်းပေးကာ ယာဉ်လမ်းကြောင်းရှင်းသည့် စနစ်ကို မရမ်းကုန်းမြို့နယ်၊ ရှစ်မိုင်လမ်းဆုံတွင် ၂၀၁၃ ခုနှစ် ဒီဇင်ဘာလ၌ စတင်စမ်းသပ်တပ်ဆင်ထားသည်။
“ရှစ်မိုင်လမ်းဆုံမှာ ယာဉ်ကြောကျပ်တည်းလာတဲ့ လမ်းကြောင်းကို အလိုအလျောက် မီးပွိုင့်စိမ်းပြီးတော့ လမ်းကြောင်းရှင်းတဲ့စနစ်ကို ဂျပန်နိုင်ငံ ဂျိုက်ကာအဖွဲ့က ရှစ်လလောက် လေ့လာဆန်းစစ်မှုတွေ ပြုလုပ်ပြီးတော့မှ ဒီစနစ်ကို စမ်းသပ်ပြီးတော့ အသုံးပြုခဲ့တာဖြစ်တယ်။ စမ်းသပ်တဲ့အခါမှာ အောင်မြင်မှုရှိတဲ့အတွက် ရန်ကုန်တစ်မြို့လုံးမှာရှိတဲ့ ယာဉ်ကြောပိတ်ဆို့တတ်တဲ့ မီးပွိုင့်လမ်းဆုံတွေ အားလုံးမှာ တပ်ဆင်သွားဖို့ ဂျိုက်ကာအဖွဲ့နဲ့ ဆွေးနွေးလေ့လာမှုတွေ ပြုလုပ်နေပါပြီ။ မကြာခင်မှာ အကောင်အထည်ဖော် ဆောင်ရွက်သွားမှာပါ” ဟု ရန်ကုန်တိုင်းဒေသကြီး အစိုးရအဖွဲ့၊ လမ်းပန်းဆက်သွယ်ရေးနှင့် သယ်ယူပို့ဆောင်ရေးဝန်ကြီး ဦးအောင်ခင်က ပြောကြားသည်။
ရန်ကုန်တိုင်းဒေသကြီးအတွင်း မီးပွိုင့်ရှိ လမ်းဆုံစုစုပေါင်း ၁၆၀ ကျော်ရှိကြောင်း ယာဉ်ထိန်းရဲတပ်ဖွဲ့ခွဲမှူး (ရန်ကုန်)မှ သိရသည်။
လစ်ဗျားရှိ ဓာတုလက်နက်အားလုံး ဖျက်ဆီးပြီးပြီဟု အစိုးရကြေညာ
ဖျက်ဆီးပစ်မည့် ဆီးရီးယားဓာတုပစ္စည်းများကို သယ်ဆောင်ရာတွင် ပါဝင်ခဲ့သော ဒိန်းမတ်သင်္ဘော L17 "Esbern Snare" ပေါ်သို့ လာရောက်လေ့လာခဲ့သည့် ဆိုက်ပရပ် နိုင်ငံခြားရေးဝန်ကြီး (Photo:AFP)
လစ်ဗျားတွင် စစ်အာဏာရှင်ဟောင်း မွမ်မာကဒါဖီလက်ထက်က ကျန်ရှိခဲ့သော ဓာတုလက်နက်အားလုံးကို ဇန်န၀ါရီ ၂၆ ရက်တွင် အလုံးစုံ ဖျက်ဆီးပြီးဖြစ်ကြောင်း လစ်ဗျားနိုင်ငံခြားရေးဝန်ကြီး မိုဟာမက်အက်ဘ်ဒယ်လာဇစ်က ဖေဖော်ဝါရီ ၄ ရက်တွင် ကြေညာခဲ့သည်။
လစ်ဗျားဓာတုလက်နက်များကို ဖျက်ဆီးရန် ဓာတုလက်နက် သဘောတူညီချက် စာချုပ်တွင် ကဒါဖီ လက်မှတ်ရေးထိုးပြီးနောက် ၁၀ နှစ်အကြာတွင် ယင်းသို့ဖျက်ဆီးမှု ပြီးစီးခဲ့ခြင်းဖြစ်သည်။ လစ်ဗျားဓာတုလက်နက် ဖျက်ဆီးမှုအစီအစဉ်သည် ကဒါဖီလက်ထက်တွင် စတင်ခဲ့သော်လည်း ကဒါဖီအစိုးရကို ဖြုတ်ချခဲ့သည့် ပုန်ကန်မှုကြောင့် နှောင့်နှေးခဲ့သည်။ ယင်းနောက် ၎င်းထက်ပိုကြီးသော ဆီးရီးယားဓာတုလက်နက် ဖျက်ဆီးမှုအစီအစဉ်က သတ်မှတ်ချိန်ကို အလွန်အမင်း ကျော်လွန်နေစဉ် လစ်ဗျားဓာတုလက်နက် ဖျက်ဆီးမှုအစီအစဉ် ပြီးစီးခဲ့ခြင်းဖြစ်ကြောင်း သိရသည်။
“ဒေသတွင်းနဲ့ အနီးပတ်ဝန်းကျင် လုံခြုံရေးကို ခြိမ်းခြောက်မှုတစ်ရပ်အဖြစ် အလားအလာရှိတဲ့ ဓာတုလက်နက်တွေ လစ်ဗျားမှာ လုံးဝကင်းစင်သွားပါပြီ။ နိုင်ငံတကာရဲ့ ပူးပေါင်းဆောင်ရွက်မှု၊ ထောက်ပံ့ပို့ဆောင်ရေးဆိုင်ရာ အကူအညီနှင့် ကနေဒါ၊ ဂျာမနီနဲ့ အမေရိကန်တို့ရဲ့ နည်းပညာအကူအညီတွေ မရှိဘဲ ဒီအောင်မြင်မှုကို ဒီလိုအချိန်တိုအတွင်း ရနိုင်မှာ မဟုတ်ပါဘူး” ဟု အက်ဘ်ဒယ်လာဇစ်က ပြောကြားခဲ့သည်။ အဆိုပါ ပြောကြားချက်များကို အက်ဘ်ဒယ်လာဇစ်က ဓာတုလက်နက်တားမြစ်ရေးအဖွဲ့ (OPCW) အကြီးအကဲ အာမက်အူဇမ်ကူနှင့် ပူးတွဲပြုလုပ်သော သတင်းစာရှင်းလင်းပွဲတွင် ပြောကြားခဲ့ခြင်းဖြစ်သည်။
အူဇမ်ကူက လစ်ဗျားမြို့တော် ထရီပိုလီတောင်ဘက် ကီလိုမီတာ ၇၀၀ အကွာရှိ အယ်လ်ရာအိုဂါမြို့ရှိ လက်နက်တိုက်ကို သွားရောက်ကြည့်ရှုခဲ့ပြီးဖြစ်ကြောင်း သိရသည်။ လစ်ဗျားတွင် ဓာတုလက်နက်အဖြစ် တိုးမြှင့်ပြုလုပ်နိုင်သော အဆင့် ၂ ဓာတုပစ္စည်းများ ရှိနေသေးသော်လည်း ယင်းဓာတုပစ္စည်းများကို ၂၀၁၆ ခုနှစ်ကုန် နောက်ဆုံးထား၍ ဖျက်ဆီးရန် စီစဉ်ထားကြောင်း အူဇမ်ကူက ပြောကြားခဲ့သည်။
အဆိုပါဖျက်ဆီးခဲ့သည့် ဓာတုလက်နက်များတွင် အဆိပ်ဓာတ်ငွေ့များ ဖြည့်ထားသော ဗုံးများနှင့် အမြောက်ဆံများ ပါဝင်ကြောင်း သိရသည်။ လစ်ဗျားတွင် ဓာတုစစ်ပွဲအတွက် အသုံးပြုနိုင်သော ဆာဖာအဆိပ်ဓာတ်ငွေ့ တန်ချိန် ၂၅ တန်နှင့် ဓာတ်ငွေ့မဖြည့်ရသေးသော ဗုံးထောင်ပေါင်းများစွာရှိကြောင်း လစ်ဗျားက ၂၀၀၄ ခုနှစ်တွင် ကြေညာခဲ့သည်။
Ref:AFP
ကမ္ဘာ့ကာကွယ်ရေး အသုံးစရိတ် မြင့်တက်မှုတွင် အာရှအသုံးစရိတ်က အဓိကပါဝင်ခဲ့
ဇန်န၀ါရီ ၃၀ ရက်တွင် အိုမန်ပင်လယ်ကွေ့၌ ဆိုက်ကပ်ထားသော အမေရိကန် ရေတပ်သင်္ဘော USS Harry S.Trumann ပေါ်၌ ရပ်ထားသည့် အမေရိကန်ရေတပ်၏ ဂျက်တိုက်လေယာဉ်များ (Photo:AFP)
အာရှနှင့် အရှေ့အလယ်ပိုင်း ဒေသတို့တွင် လက်နက်အားပြိုင်ပွဲများကြောင့် ကမ္ဘာ့ကာကွယ်ရေး အသုံးစရိတ်သည် ၂၀၁၄ ခုနှစ်၌ ငါးနှစ်အတွင်း ပထမဆုံးအကြိမ်အဖြစ် မြင့်တက်မည်ဖြစ်ကြောင်း IHS Jane က ဖေဖော်ဝါရီ ၄ ရက်တွင် ထုတ်ပြန်ခဲ့သော နှစ်စဉ်ကာကွယ်ရေး အသုံးစရိတ်ဆိုင်ရာ ပြန်လည်သုံးသပ်မှု လေ့လာချက်၌ ဖော်ပြထားသည်။
ကမ္ဘာ့ကာကွယ်ရေး အသုံးစရိတ်သည် အနောက်နိုင်ငံများ၏ အသုံးစရိတ် ကျဆင်းမှုကြောင့် ပြီးခဲ့သောငါးနှစ်အတွင်း ကျဆင်းခဲ့သော်လည်း ယခုနှစ်တွင် ၀ ဒသမ ၆ ရာခိုင်နှုန်း မြင့်တက်မည်ဖြစ်ကြောင်း ကမ္ဘာ့ကာကွယ်ရေး အသုံးစရိတ်ကို အနီးကပ်စောင့်ကြည့်သည့် ယင်းအဖွဲ့၏ လေ့လာမှုကဆိုသည်။
“ပြီးခဲ့တဲ့ နှစ်နှစ်ကျော်မှာ ရုရှား၊ တရုတ်၊ အိန္ဒိယ၊ ဆော်ဒီအာရေဗျနဲ့ အိုမန်လိုနိုင်ငံတွေရဲ့ ကာကွယ်ရေးအသုံးစရိတ် ဆက်တိုက်မြင့်တက်လာခဲ့ပါတယ်” ဟု IHS Jane ၏ လေကြောင်းအာကာသ၊ ကာကွယ်ရေးနှင့် လုံခြုံရေးဌာနညွှန်ကြားရေးမှူး ပေါဘာတန်က ပြောကြားခဲ့သည်။
ရုရှားသည် ပြီးခဲ့သောနှစ်တွင် ကာကွယ်ရေးအသုံးစရိတ် ဒေါ်လာ ၆၈ ဘီလျံထိ သုံးစွဲခဲ့ပြီး လာမည့်သုံးနှစ်အတွက်
ကာကွယ်ရေးအသုံးစရိတ်ကို ၄၄ ရာခိုင်နှုန်း တိုးမြှင့်သုံးစွဲရန် စီစဉ်နေကြောင်း ယင်းလေ့လာမှုက ဖော်ပြထားသည်။ ပြီးခဲ့သောနှစ်တွင် တရုတ်က ကာကွယ်ရေးအသုံးစရိတ် ဒေါ်လာ ၁၃၉ ဘီလျံ သုံးစွဲခဲ့ကြောင်း သိရပြီး အမေရိကန် တစ်နိုင်ငံတည်းကသာ တရုတ်အသုံးစရိတ်ထက် များပြားခဲ့သည်။ ၂၀၁၅ ခုနှစ်တွင် တရုတ်၏ ကာကွယ်ရေး အသုံးစရိတ်သည် ဗြိတိန်၊ ပြင်သစ်နှင့် ဂျာမနီသုံးနိုင်ငံပေါင်း အသုံးစရိတ်ထက် သာလွန်မည်ဖြစ်ကြောင်း ယင်းလေ့လာမှုအရ သိရသည်။
အာရှဒေသတွင်း အင်အားကြီးပြိုင်ဘက် တရုတ်နှင့် ဂျပန်တို့အကြား အရှေ့တရုတ်ပင်လယ်ရှိ ကျွန်းစုများ ပိုင်ဆိုင်ရေးအတွက် အငြင်းပွားမှုကြောင့် တင်းမာမှု မြင့်တက်ရာမှတစ်ဆင့် အာရှဒေသတစ်ဝန်း နိုင်ငံများ၏ ကာကွယ်ရေးအသုံးစရိတ်မှာ ၂၀၀၉ ခုနှစ်နောက်ပိုင်း တဖြည်းဖြည်းချင်း မြင့်တက်လာခဲ့သည်။ ၂၀၁၅ ခုနှစ်မတိုင်မီ တရုတ်မပါဝင်သော အာရှဒေသ ကာကွယ်ရေး အသုံးစရိတ်သည် အနောက်ဥရောပ ကာကွယ်ရေး အသုံးစရိတ်ကို ကျော်လွန်သွားမည်ဟု ခန့်မှန်းထားသည်။
ပြည်တွင်းစစ်ဖြစ်နေသော ဆီးရီးယားကို ထောက်ခံ၊ ကန့်ကွက်မှုနှင့် ပတ်သက်ပြီး အရှေ့အလယ်ပိုင်းဒေသရှိ ဒေသတွင်း အင်အားကြီးနိုင်ငံများအကြား အားပြိုင်မှုများကြောင့် ယင်းဒေသ၌လည်း ကာကွယ်ရေးအသုံးစရိတ် မြင့်တက်ခဲ့သည်။ အမေရိကန် ကာကွယ်ရေးအသုံးစရိတ်မှာ ကမ္ဘာ့နိုင်ငံအားလုံး၏ အသုံးစရိတ်ထက် ကျော်လွန်နေဆဲ ဖြစ်သော်လည်း တဖြည်းဖြည်းချင်း ကျဆင်းလာမည်ဟု မျှော်လင့်ရသည်။
Ref:AFP
စည်းကမ်းမဲ့ ရပ်နားထားမှုကြောင့် ကရိန်းယာဉ်ဖြင့် ဖယ်ရှားအရေးယူခံရပြီး လာရောက်ဖြေရှင်းခြင်း မရှိသည့် ယာဉ်ပိုင်ရှင်များရှိနေ
ဝင်းမြင့်ကျော်
ယာဉ်မရပ်ရအဖြစ် သတ်မှတ်ထားသောလမ်းတွင် ရပ်နားနေသည့် မော်တော်ယာဉ်တစ်စီးကို ဖယ်ရှားအရေးယူနေစဉ် (ဓာတ်ပုံ-ဝေလင်းအောင်)
ရန်ကုန်တိုင်းဒေသကြီးအတွင်း ယာဉ်မရပ်ရ လမ်းမကြီးများပေါ်၌ စည်းကမ်းမဲ့စွာ ရပ်နားထားသော မော်တော်ယာဉ်များကို ကရိန်းယာဉ်များဖြင့် ဖယ်ရှားအရေးယူရာတွင် ယာဉ်ပိုင်ရှင်အချို့မှာ လာရောက်ဖြေရှင်းခြင်း မရှိမှုကြောင့် အဆိုပါယာဉ်ပိုင်ရှင်များကို အကြောင်းကြားသွားမည်ဖြစ်ကြောင်း အမှတ်(၂) ယာဉ်ထိန်းရဲတပ်ဖွဲ့ခွဲမှူး ဒုတိယရဲမှူးကြီး လင်းထွဋ်၏ ပြောကြားချက်အရ သိရသည်။
ထို့အပြင် စည်းကမ်းမဲ့စွာ ရပ်နားနေသော မော်တော်ယာဉ်များကို ကရိန်းယာဉ်များဖြင့် တိုးမြှင့်ဖမ်းဆီး အရေးယူနိုင်ရန် ကရိန်းယာဉ်များ ထပ်မံဝယ်ယူ ဖြည့်ဆည်းသွားမည်ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့ လမ်းပန်းဆက်သွယ်ရေးနှင့် ပို့ဆောင်ရေးဝန်ကြီးက ပြောကြားခဲ့ကြောင်း သိရသည်။
အဆိုပါစီမံချက် စတင်သည့် ၂၀၁၃ ခုနှစ် နိုဝင်ဘာ ၁၁ ရက်နေ့မှ ၂၀၁၄ ခုနှစ် ဖေဖော်ဝါရီ ၄ ရက်နေ့အထိ ယာဉ်အစီးရေ ၄၀၀၀ ကျော်အား ဖယ်ရှားအရေးယူခဲ့ကြောင်း သိရှိရသည်။
“ယာဉ်မရပ်ရလမ်းတွေ သတ်မှတ်ထားတယ်။ ဒါကိုစည်းကမ်းလိုက်နာမှုမရှိဘဲ ရပ်နေတဲ့ယာဉ်တွေကို ကရိန်းတွေနဲ့ ဖယ်ရှားအရေးယူ ခံရတဲ့ယာဉ်တွေ အများအပြားရှိတယ်။ အချို့ယာဉ်ပိုင်ရှင်တွေဆိုရင် လာရောက်ဖြေရှင်းခြင်း မရှိတာတွေလည်း တွေ့ရတယ်။ ဒါကြောင့် ယာဉ်ပိုင်ရှင်တွေထံကို တာဝန်ရှိသူတွေ အနေနဲ့ လာရောက်ဖြေရှင်းဖို့ အကြောင်းကြားစာတွေ ပို့သွားပါမယ်။ လာရောက်ဖြေရှင်းခြင်း မရှိသေးဘူး ဆိုရင်တော့ ယာဉ်သက်တမ်းတိုးတဲ့ အခါမှာ စိစစ်ပြီးတော့ အရေးယူသွားပါမယ်” ဟု အမှတ် (၂)ယာဉ်ထိန်းရဲတပ်ဖွဲ့ခွဲမှူး ဒုတိယရဲမှူးကြီးလင်းထွဋ်က ပြောကြားခဲ့သည်။
လက်ရှိတွင် ရန်ကုန်တိုင်းဒေသကြီး၌ ယာဉ်မရပ်ရသည့်လမ်းပေါင်း ၆၇ လမ်းရှိကြောင်း သိရသည်။
ရန်ကုန်တိုင်းဒေသကြီးအတွင်း ယာဉ်ကြောရှုပ်ထွေးမှု ဖြစ်ပွားနေသည့် နေရာများအနက် ရွှေဂုံတိုင်မီးပွိုင့်၊ ဘုရင့်နောင်၊ လှည်းတန်းလမ်းဆုံများတွင် ခုံးကျော်တံတားများ တည်ဆောက်ခဲ့သည်။
ယင်းကဲ့သို့ တည်ဆောက်ပြီးစီးသည့် အခါတွင်လည်း ယခင်ကယာဉ်ကြောကျပ်တည်းမှု ဖြစ်ပွားခဲ့သည့် လမ်းကြောင်းအချို့မှာ ပိတ်ဆို့မှု လျော့နည်းသွားသော်လည်း အချို့လမ်းများတွင်မူ ယာဉ်ကြောပိတ်ဆို့မှု ဖြစ်ပွားလျက်ရှိနေသည်။
မြန်မာနိုင်ငံသားများဘဏ်နှင့် အာရှ-ပစိဖိတ်အခြေစိုက် 2C2P ကုမ္ပဏီတို့ပူးပေါင်း၍ POS စက်များတွင် Visa, Master ကတ် ငွေသားလက်ခံဝန်ဆောင်မှု စတင်
အောင်မြတ်ကို၊ ဖြိုးသူရဝင်း
မြန်မာနိုင်ငံသားများဘဏ်နှင့် အာရှ-ပစိဖိတ်အခြေစိုက် 2C2P ကုမ္ပဏီမှ တာဝန်ရှိသူများကို တွေ့ရစဉ် (ဓာတ်ပုံ-ဖြိုးသူရ၀င်း)
မြန်မာနိုင်ငံသားများဘဏ်နှင့် အာရှ-ပစိဖိတ် အခြေစိုက် 2C2P ကုမ္ပဏီတို့ ပူးပေါင်း၍ POS စက်များတွင် Visa, Master ကတ် ငွေသားလက်ခံ ဝန်ဆောင်မှုလုပ်ငန်းကို စတင်ဆောင်ရွက်နေပြီဖြစ်ကြောင်း မြန်မာနိုင်ငံသားများဘဏ်မှ ဦးဆောင်ညွှန်ကြားရေးမှူး ဦးမြင့်ဝင်း၏ ပြောကြားချက်အရ သိရသည်။
“မြန်မာနိုင်ငံသားများဘဏ်နဲ့ 2C2P ကုမ္ပဏီတို့ ပူးပေါင်းပြီး ငွေသားလက်ခံ ဝန်ဆောင်မှုစနစ် (POS) ကို ဖေဖော်ဝါရီ ၆ ရက်မှာ စတင်အသုံးပြုနိုင်ပါပြီ။ ကျွန်တော်တို့ပေးတဲ့ ဝန်ဆောင်မှု အရည်အသွေး မြင့်မားအောင် အသေးစိတ် ပြင်ဆင်ထားပါတယ်။ ငွေသားကတ် လက်ခံဝန်ဆောင်မှုက အရောင်းအဝယ် ပိုမိုဖြစ်ထွန်းပြီး အကျိုးကျေးဇူးများမယ်လို့ ယုံကြည်ပါတယ်” ဟု မြန်မာနိုင်ငံသားများဘဏ်မှ ဦးဆောင်ညွှန်ကြားရေးမှူးက ဆက်လက်ပြောကြားသည်။
အဆိုပါ ငွေသားကတ် လက်ခံဝန်ဆောင်မှုစနစ်တွင် လုပ်ငန်းရှင်များအနေဖြင့် ငွေသားကတ်လက်ခံ အရောင်းစာရင်းများကို အင်တာနက်မှတစ်ဆင့် အချိန်နှင့်တစ်ပြေးညီ အရောင်းစာရင်းများကို ကြည့်ရှုထိန်းချုပ်နိုင်ခြင်း၊ ဝယ်ယူသုံးစွဲသူများ အနေဖြင့် ကုန်ရောင်းသူ၏ ကုမ္ပဏီ အမှတ်တံဆိပ်ကို အရောင်းလက်ခံစာရွက်တွင် ပုံနှိပ်ပေးခြင်းနှင့် ဖုန်း၊ အင်တာနက်မှတစ်ဆင့် Visa, Master ကတ်များကို ကြိုတင်ငွေလက်ခံနိုင်ခြင်းများ ပါဝင်ကြောင်း သိရသည်။
ငွေသားလက်ခံ ဝန်ဆောင်မှုအား 2C2P ၏ နိုင်ငံတကာ ငွေပေးချေမှုဆိုင်ရာ အဆင့်မြင့်ဆုံး လုံခြုံမှုစံနှုန်းဖြစ်သည့် PCIDSS Level 1(Payment Card Industry Data Security Standard Level 1) ကို ငွေပေးချေမှုစနစ်တွင် အသုံးပြုထားကြောင်း 2C2P ကုမ္ပဏီမှ အမှုဆောင်အရာရှိချုပ်က ထည့်သွင်းပြောကြားသည်။
2C2P ကုမ္ပဏီသည် အာရှ-ပစိဖိတ်ဒေသအတွင်း ထိပ်တန်းငွေပေးချေမှု လုပ်ငန်းများ လုပ်ဆောင်သည့် ကုမ္ပဏီတစ်ခုဖြစ်သည်။ ၂ဝဝ၃ ခုနှစ်တွင် ထိုင်းနိုင်ငံ၌ စတင်တည်ထောင်ခဲ့ခြင်းဖြစ်ပြီး စင်ကာပူ၊ ဖိလစ်ပိုင်၊ အင်ဒိုနီးရှား၊ ကမ္ဘောဒီးယား စသည့်နိုင်ငံများတွင်လည်း ငွေပေးချေမှုဆိုင်ရာ လုပ်ငန်းများကို လုပ်ကိုင်လျက်ရှိသည်။
မြန်မာနိုင်ငံသားများဘဏ်သည် နှစ် ၂ဝ ခန့်သက်တမ်းရှိသော ကနဦး ပုဂ္ဂလိကဘဏ်တစ်ခုဖြစ်သည်။ ယခုအခါ အများပိုင် ဘဏ်လုပ်ငန်းအဖြစ် ဆက်လက်လုပ်ကိုင်လျက်ရှိပြီး ပြည်တွင်း လက်လီ၊ လက်ကား ဘဏ်လုပ်ငန်းများ၊ ပြည်ပငွေလွှဲ အဝင်လုပ်ငန်းများကိုလည်း ပြည်ပဘဏ်များနှင့် ချိတ်ဆက်လုပ်ကိုင်လျက်ရှိသော ဘဏ်တစ်ခုဖြစ်သည်။
မိုက်ခရိုဆော့ဖ်ဥက္ကဋ္ဌ ရာထူးမှ ဘီဂိတ်အနားယူ၊ စတိဗ်ဘောမား၏နေရာ ဆက်ခံမည့် အမှုဆောင် အရာရှိချုပ်သစ်အဖြစ် အိန္ဒိယဖွားတစ်ဦးကို ရွေးချယ်
မိုက်ခရိုဆော့ဖ်၏ အမှုဆောင်အရာရှိချုပ်သစ် ဆက်ယာနာဒယ်လာ
ဧရာမ နည်းပညာကုမ္ပဏီ မိုက်ခရိုဆော့ဖ်က ကုမ္ပဏီ၏ဥက္ကဋ္ဌ ဘီဂိတ်သည် ရာထူးမှ အနားယူမည်ဖြစ်ကြောင်းနှင့် အမှုဆောင် အရာရှိချုပ်သစ်အဖြစ် အိန္ဒိယဖွား ဆက်ယာနာဒယ်လာကို ရွေးချယ်ခဲ့ကြောင်း ဖေဖော်ဝါရီ ၄ ရက်က ကြေညာခဲ့သည်။
ဘီဂိတ်သည် ကုမ္ပဏီအတွက် ပိုမိုဆောင်ရွက်ပေးနိုင်ရန် နည်းပညာအကြံပေးအဖြစ် ဆောင်ရွက်သွားမည်ဖြစ်ကြောင်း မိုက်ခရိုဆော့ဖ်၏ ကြေညာချက်တွင် ဖော်ပြခဲ့သည်။ ဘီဂိတ်၏နေရာကို ဒါရိုက်တာဂျွန်ထော်မဆင်က လွှဲပြောင်းရယူမည်ဖြစ်သည်။ အမှုဆောင် အရာရှိချုပ်ရာထူးမှ အနားယူတော့မည်ဟု ယမန်နှစ်က ကြေညာခဲ့သော ဘောမား၏နေရာကို ဆက်ခံမည့် အသက် ၄၆ နှစ်အရွယ် အိန္ဒိယဖွား နာဒယ်လာသည် လက်ရှိတွင် မိုက်ခရိုဆော့ဖ်၏ Cloud and Enterprise ဌာနကို ဦးဆောင်နေသူဖြစ်သည်။
အိန္ဒိယနိုင်ငံ၊ ဟိုက်ဒရာဘတ်တွင် မွေးဖွားကြီးပြင်းခဲ့သော နာဒယ်လာသည် ၁၉၉၂ ခုနှစ်တွင် မိုက်ခရိုဆော့ဖ်၌ စတင်ဝင်ရောက် လုပ်ကိုင်ခဲ့ပြီး အီလက်ထရွန်းနစ်၊ ကွန်ပျူတာသိပ္ပံ၊ စီးပွားရေး စီမံခန့်ခွဲမှု ပညာရပ်များအတွက် မဟာဘွဲ့များ ရရှိထားသူဖြစ်သည်။ ဘီဂိတ်သည် ၂ဝဝဝ ပြည့်နှစ်တွင် အမှုဆောင်အရာရှိချုပ် ရာထူးမှ ဆင်းခဲ့ပြီး ပရဟိတ လုပ်ငန်းများတွင် ပိုမိုနှစ်မြှုပ်နိုင်ရန်အတွက် ၂ဝဝ၈ ခုနှစ်မှစ၍ မိုက်ခရိုဆော့၌ နေ့စဉ်လုပ်ငန်းများမှ အနားယူခဲ့သည်။ ဂိတ်၏နေရာတွင် ဆက်ခံသူ စတိဗ်ဘောမားသည် အမှုဆောင်အရာရှိချုပ် ရာထူးမှ အနားယူတော့မည်ဖြစ်ကြောင်း ယမန်နှစ် ဩဂုတ်လက ကြေညာခဲ့သည်။
ပြိုင်ဘက်ဂူးဂဲနှင့် အက်ပဲလ်တို့သည် သမားရိုးကျ ပီစီလုပ်ငန်းမှ မိုဘိုင်းနှင့် Cloud ဆော့ဖ်ဝဲလုပ်ငန်းသို့ ဦးတည်ချက်ရွေ့နေချိန်တွင် ယင်းပြိုင်ဘက်များကို မယှဉ်နိုင်ဖြစ်နေသော မိုက်ခရိုဆော့ဖ်က တတိယမြောက် အမှုဆောင်အရာရှိချုပ်သစ် ရွေးချယ်ခဲ့ခြင်းဖြစ်သည်။ ပိုမိုဆန်းသစ်နိုင်ရန်နှင့် စီးပွားရေးအကျိုးအမြတ် ပိုမိုဖြစ်ထွန်းရန်အတွက် မိုက်ခရိုဆော့ဖ်ကို ပြင်ဆင်ဖွဲ့စည်းရန် လိုအပ်ကြောင်း ရင်းနှီးမြုပ်နှံသူများက တောင်းဆိုထားသည်။ Cloud နည်းပညာ အတွေ့အကြုံ နောက်ခံကောင်းမွန်မှုကြောင့် နာဒယ်လာကို ရွေးချယ်မှုသည် အကျိုးရှိမည်ဟု လေ့လာသုံးသပ်သူများက ပြောကြားခဲ့သည်။
Ref:AFP
နှစ်သစ်ကူး အခမ်းအနား ဖျော်ဖြေမှုတွင် တရုတ်အကမယ်တစ်ဦး လေးနာရီကြာ ပတ်ချာလည် ကပြခဲ့မှုအတွက် အငြင်းပွားမှုများ ထွက်ပေါ်လာ
Photo:Shanghaiist.com
တရုတ်နိုင်ငံပိုင်ရုပ်သံ China Central Television (CCTV) တွင် ထုတ်လွှင့်ပြသခဲ့သော နှစ်သစ်ကူးပျော်ပွဲ အခမ်းအနား၌ အသက် ၁၅ နှစ်အရွယ် အကမယ်တစ်ဦး စင်မြင့်တွင် လေးနာရီကြာ ပတ်ချာလည် အကကပြ ဖျော်ဖြေခဲ့မှုသည် အွန်လိုင်းတွင် ဆွေးနွေးငြင်းခုံမှုများ ဖြစ်ပွားစေခဲ့သည်။ အချို့က ယင်းအကမယ်၏ ဖျော်ဖြေမှုကို ‘ရက်စက်မှု’ ဟု သတ်မှတ်ဝေဖန်ခဲ့ကြသည်။
တရုတ်အကမယ် ယန်လီပင်း၏တူမ ဝေချိုင်ကျီသည် ဇန်နဝါရီ ၃ဝ က ထုတ်လွှင့်ခဲ့သော CCTV ၏နှစ်ပတ်လည် ပျော်ပွဲတွင် ဖျော်ဖြေခဲ့ခြင်းဖြစ်သည်။ ရာသီပြောင်းလဲမှုနှင့် အချိန်ကုန်လွန်ခြင်းတို့ကို ကိုယ်စားပြုသော စင်မြင့်ဖျော်ဖြေမှုတွင် ဝေက အဖြူရောင်ဂါဝန်ဖြင့် မရပ်တမ်းပတ်ချာလည် ကပြခဲ့သည်ကို ဝိုင်းဝန်းဩဘာပေးခဲ့ကြသည်ဟု နိုင်ငံပိုင် China Daily သတင်းစာက ဖေဖော်ဝါရီ ၅ ရက်တွင် ဖော်ပြခဲ့သည်။ ယင်းဖျော်ဖြေမှု တင်ဆက်စဉ်နှင့် တင်ဆက်ပြီးနောက် တရုတ်လူမှုကွန်ရက်တွင် လူအများအပြားက စိုးရိမ်မှုများအတွက် ဝေဖန်ခဲ့ကြသည်။
“ရက်စက်မှုကလွဲရင် တခြားခေါ်ဆိုစရာ မရှိပါဘူး။ ကျွန်တော့်အတွက်တော့ အလှတရားဆိုတာကို စက်ဆုပ်ရွံရှာမှုဆိုတဲ့ ခံစားမှုက အစားထိုးသွားပါတယ်” ဟု ဝေဖန်သူတစ်ဦးက တရုတ်တွစ်တာ ဆီနာဝေပေါ်တွင် ရေးသားခဲ့သည်။ “၁၅ နှစ်အရွယ် မိန်းကလေးတစ်ယောက် လေးနာရီကြာအောင် လှည့်ကနေရတာ တန်ဖိုးထားမှု ဖောက်ပြန်တဲ့ ဖျားနာမှုလို့ပဲ ကျွန်တော်ပြောနိုင်ပါတယ်” ဟု နောက်တစ်ဦးက ရေးခဲ့သည်။
ယင်းအကအစီအစဉ်ကို ရုပ်သံမှကြည့်ရှုသူ ၇ဝ၄ သန်းရှိခဲ့ပြီး ဝေသည် ယင်းအစီအစဉ်ပြီးနောက် တရုတ်လူမှုကွန်ရက်များတွင် ရှာဖွေမှုအများဆုံး အကြောင်းအရာတစ်ရပ် ဖြစ်ခဲ့သည်။ အခမ်းအနား မစတင်မီ ဆီနာဝေပေါ်တွင် ဖော်ပြခဲ့သော စာသား၌ ဝေက အကဖျော်ဖြေမှုသည် ‘သမာဓိကျင့်မှု တစ်မျိုး’ ဟု ဖော်ပြခဲ့ပြီး ဖျော်ဖြေမှုနှင့်ပတ်သက်သည့် သံသယကို ဖြေရှင်းခဲ့သည်။ CCTV ၏နှစ်ပတ်လည် ပျော်ပွဲသည် ၁၉၈၃ ခုနှစ်တွင် စတင်မိတ်ဆက်ခဲ့ပြီးနောက် တရုတ်တွင် အစဉ်အလာ ဖြစ်လာခဲ့သည်။
Ref:AFP
Subscribe to:
Posts (Atom)
