"မောင်ကြွက်နီရေ... လူဝင်မှုကြီးကြပ် ရေးမှာ မင်းအသိလေးများမရှိဘူးလား" လို့ မေးမိတော့
မောင်ကြွက်နီက - "ဘာဖြစ်လို့လဲ၊ ခင်ဗျားကြီး မှတ်ပုံတင် ပျောက်ပြန်ပြီလား" တဲ့။
"မဟုတ်ရပါဘူးကွာ။ ငါ့မှတ်ပုံတင်မှာ လူမျိုးနေရာလေးပြောင်းချင်လို့ပါ" ဆိုရင်ပဲ မောင်ကြွက်နီက
မျက်လုံးပြူးပြီး "ဘာလဲ ခင်ဗျားက မှတ်ပုံတင်မှာ ဘင်္ဂါလီဗမာ ဖြစ်နေလို့လား" တဲ့။
"နင့်အမေကလွှားမှပဲ။ ငါက အညာသားစစ်စစ်ကွ။ အသားမည်းတာနဲ့ ငါ့ကို ပြောရက်တယ်ပေါ့။
ဒါပေသည့်မောင်ကြွက်နီရေ ငါက မှတ်ပုံတင်မှာ ဗမာလူမျိုးလို့ ရေးထားတာကနေ၊ တရုတ်ဗမာ
ဆိုပြီး ပြောင်းချင်လို့ကွ"
"ဘာ...ဘာ... ဘာပြောလိုက်တယ်။ သူများတွေက မြန်မာနိုင်ငံထဲ ခိုးဝင်ပြီး မြန်မာနိုင်ငံသား
ကတ်ပြားရအောင် မျိုးစုံကြံနေကြတဲ့ အချိန်၊ သူတို့ ကိုယ်သူတို့ မပီကလာပီကလာနဲ့ ၀တို့ က
မြန်တြင့်တွေပါလို့ လော်ဘီလုပ်နေချိန်မှာ ခင်ဗျားကြီးက တရုတ်ဗမာဆိုပြီး လုပ်မယ်။ နားကို
မလည်တော့ဘူးဗျာ။ လောကကြီး ဘာတွေဖြစ်ကုန်ပြီလဲ"
"ဘာမှမဖြစ်ဘူး မောင်ကြွက်နီ။ ငါ့ အမေက တရုတ်နဲ့မယူခဲ့တာကိုပဲ အမေ့ကိုအပြစ်တင်ရမလို
ဖြစ်နေပြီ"
"ခင်ဗျားတွေးတာခေါ်တာတွေက ပို့စ်မော်ဒန်ဖြစ်လွန်းနေပြီဗျာ။ နေစမ်းပါဦး ဘယ်ကနေ ဘယ်လို
ပေါက်ကွဲ သံစဉ်တွေ ထွက်လာတာလဲ"
"မင်းသတင်းစာတွေ၊ ဂျာနယ်တွေ ဖတ်ကြည့်စမ်း။ ရန်ကုန်-မန္တလေး အပါအ၀င် မြို့အတော်များများ
ရဲ့ အဓိကရ နေရာတွေကို တရုတ်စီးပွားရေးသမား တွေကိုပဲ လုပ်ခွင့်တွေပေးလိုက်တာမတွေ့ဘူး
လား။ ငါလည်း ကျွန်တော်က မြန်မာအစစ်မဟုတ်ပါဘူး။ တရုတ်ကပြားပါဆိုပြီး မြေလေး ဘာလေး
တောင်းရမလားလို့ကွ။ ငါတို့ လူကြီးတွေက ကိုယ့်မြန်မာလူမျိုးထက် စကားမပီတဲ့ အဲဒီ ပြည်တွင်း
ရောက် ပြည်တွင်းပေါက် နိုင်ငံခြားသားတွေကို ပိုပြီး ယုံကြည်နေလို့"
"ခင်ဗျားကြီးရဲ့ အညာသံဝဲ၀ဲကြီးက ဘယ်လိုမှ ဖျောက်မရတာ။ မှတ်ပုံတင် ဘယ်လိုပြင်ပြင် ခင်ဗျား
က ဗမာက ဗမာပဲ" "ဒီအတွက်တော့မပူနဲ့၊ စကားမပီအောင် ငါ့လျှာခင်ကို ခွဲစိတ်ဖြတ်တောက်ဖို့
စီစဉ်ပြီးပြီ။ အသားဖြူအောင်လည်း ဆေးထိုးဖို့ လုပ်ထားပြီ။ ဒီဘ၀မှာ ငါတရုတ်ဗမာကပြားမဖြစ်ရ
ရင်ဖြင့် အသေတောင် ဖြောင့်မယ်မထင်ဘူးကွာ"
"ကဲ...ကဲ... ခင်ဗျားမှတ်ပုံတင်မှာ တရုတ်ဗမာကပြား ဖြစ်ပါပြီတဲ့။ ခင်ဗျားကြီးက ဘာတွေလုပ်ဖို့
ကြံစည်ထားလဲ"
"ပထမဆုံး တရုတ်သံရုံးသွားပြီး ပင်လယ်ရပ်ခြား တရုတ်ဖြစ်ကြောင်းလက်မှတ်လုပ်မယ်။ ဒါဆိုရင်
တရုတ် နိုင်ငံကို သွားချင်တဲ့အချိန်သွားလို့ရပြီ။ ပြီးရင် ကျွန်တော်က အလွန်စွာတဲ့ မီဒီယာသမားပါ။
သတင်းစာထုတ်ချင်လို့ အထောက်အပံ့ပေးပါဆိုပြီး တောင်းမယ်"
"တွက်ရေးကတော့ စက်သူဌေးပဲ။ ခင်ဗျားရှေ့မှာ အဲဒီလိုတောင်းပြီး ပွနေတဲ့သူတွေ ရှိနေပြီဆိုတာ
ရော သိရဲ့ လား။ စဉ်းစားလိုက်ရင် သူများတွေက စားသောက်ပြီးလို့ သွားကြားတောင် ထိုးနေပြီဆို
တဲ့အထဲက။ ပြီးတော့ သူတို့ ပင်လယ်ရပ်ခြား တရုတ်လူမျိုး ဖြစ်ဖို့ဆိုတာက မြန်မာနိုင်ငံသား
မှတ်ပုံတင်ရသလို လွယ်တာမျိုးမဟုတ် ဘူး။ မျိုးရိုးတွေ ဘာတွေ တိုက်ဆိုင် စစ်ဆေးတာ"
"ဒါကတော့ကွာ ငါ့လို ခပ်စွာစွာ မီဒီယာသမားတစ်ယောက်ကို ရမယ်ဆိုရင် လုပ်ပေးဖို့များပါတယ်။
ပြီးရင် ငါထုတ်မယ့် သတင်းစာတို့၊ ဂျာနယ်တို့ထဲမှာ တရုတ်လူမျိုး စီးပွားရေးသမားတွေရဲ့ ကြော်ငြာ
တွေ လိုက်ကောက်မယ်။ လူမျိုးတူချင်းဆိုတော့ အားပေးကြမှာ ပေါ့။ မင်းသိတဲ့အတိုင်း ငါတို့နိုင်ငံ
မှာ လက်ဖက်ရည်ဆိုင်ကအစ၊ ဆူပါမား ကက်အလယ်၊ စက်မှုလုပ်ငန်းတွေအဆုံး သူတို့ပဲလုပ်နေ
ပိုင်နေကြတာ"
"ခင်ဗျားကို ပြည်ပအားကိုး ပုဆိန်ရိုး လို့ ပြောပြန်ရင်လည်း ပျံလွန်တော်မူပြီး ဖြစ်တဲ့ အစိုးရက ငါတို့
လေသံလိုက်နင်းတယ်ဆိုပြီး ဂုဏ်ယူနေဦးမယ်။ ခင်ဗျား ကြီးကို နစ်နစ်နာနာ ဘယ်လိုအမည်တပ်
ရမလဲဆိုတာ တွေးလိုက်ဦးမယ်"
"တပ်ချင်သလိုသာ တပ်ပေတော့ မောင်ကြွက်နီ။ ဒါပေသည့် ငါ့ရှေ့မှာ ပြည်ပအားကိုး ပုဆိန်ရိုး
လုပ်ချင်သူတွေ များနေလို့ ငါက သူတို့ကိုအပုပ်ချပြီး ရှေ့ရောက်အောင် မနည်းကြံရဦးမှာ။ အကြံတူ
တွေက သိပ်များသကွ"
"ဒါပေမဲ့ဗျာ၊ ရှေ့မှာ ခင်ဗျားပြောသလိုပဲ တရုတ်စီးပွားရေးသမားတွေက သင်္ချိုင်းတောင်မကျန်တော့
ဘူး ယူပြီး နေပြီ။ ခင်ဗျားအတွက် ဘယ်နေရာကျန် သေးလို့လဲ" "လူကလေး မောင်ကြွက်နီ။
လူကလေးကိုပြောရတာ ၀အများကြီး လက်ဝင်တယ်။ တော်လှန်ရေးပန်းခြံ ကြီးနဲ့ အင်းလျား
ကန်ကြီး ကျန်သေးတယ်လေ။ အဲဒီနေရာတွေသာရလိုက် လို့ကတော့ ၀တီဆွေလုံး တီမျိုးလုံး
လောပန်ဖြစ်ပြီ"
"အဲဒီနေရာတွေရဖို့က ရေအတော် လောင်းရမှာလေ။ ခင်ဗျားကြီးမှာ ဘယ်က ပိုက်ဆံရှိလို့လဲ-
"လူကီလေး မောင်ကြွက်နီ၊ ၀အများကြီး နီ့ကို တနားတယ်။ ၀က တီလုပ်ဖြစ် သွားရင် ၀တို့လူမျိုး
တွေက ပေးမှာပေါ့။ နီတို့ မြန်မာတွေလို အီချင်းချင်း ခြေထိုးတာမျိုး ၀တို့မှာ မရှိဘူးလေ"
"ရွယ်တူချင်းဆို ခင်ဗျားကြီးကို ထရိုက်တယ်။ စိတ်ကူးနဲ့ ခင်ဗျား ကိုယ်ခင်ဗျား တရုတ်ကပြားလုပ်ပြီး
ပြောနေတာနဲ့တင် အတော်အမြင်ကတ်စရာကောင်းနေပြီ"
"စီးခံ စီးခံ၊ ခန္တီစ ဆိုတဲ့ စီးခံခြင်း တရား လက်ကိုင်ထားရမယ်လို့ ၀တို့ ဘုရား ဟောခဲ့တယ်လေ"
"နေစမ်းပါဦး၊ ခင်ဗျားက ဒီဘုရားစကား၊ တရားစကားလည်း ပြောတတ်တာပဲလား"
"နီတို့ဆီက နာမည်ကြီးဆရာတော်တွေ အားလုံးရဲ့ ပစ္စည်းလေးပါး ဒကာတွေက ၀တို့လူမျိုးတွေ
လေ။ ဒီလောက်တော့ တတ်တာပေါ့။ ၀တို့သာ ဒီမှာမရှိရင် ဆရာတော်တွေ ဒီလိုပြည့်ပြည့်စုံစုံနေ
ရမှာ မဟုတ်ဘူး"
"ခင်ဗျားကြီးက... ခင်ဗျားကြီးက... ဆိုပြီး မောင်ကြွက်နီ ဒေါသတွေကြီးပြီး တက်မလို ချက်မလို
ဖြစ်သွားတာနဲ့ မာဂျေရဲ့ နိုင်ငံသားပြောင်းဖို့ ကိစ္စအရေး တပည့်ကို သနားပြီး လောလောဆယ်
ဒီအစိုးရသက်တမ်းမှာတော့ မြစ်ဆုံစီမံကိန်းလို ဆိုင်းငံ့ထားလိုက်ရသဗျာ။
သကျားနီးဟောင်။ ပရိသတ်ကြီး ကိုယ်စိတ်ချမ်းသာကြပါစေ။
မာဂျေ
.jpg)
