Friday, 25 October 2013
စီမံကိန်း အကောင်အထည်ဖော်မည့် နေရာအား အောက်တိုဘာ ၂၄ ရက်က တွေ့ရစဉ် (ဓာတ်ပုံ-အောင်မျိုးသန့်)
ဟိုတယ်နှင့် ၀န်ဆောင်မှု ရုံးခန်းများ ပါဝင်မည့် ၂၉ ထပ် အမြင့်ရှိ ဆီဒိုးနားဟိုတယ် (ရန်ကုန်) စီမံကိန်း အဆင့် (၂) အား ၂၀၁၅ ခုနှစ် မတိုင်မီ အပြီးသတ် တည်ဆောက်မည် ဖြစ်ကြောင်း ထုတ်ပြန်ချက်များအရ သိရသည်။
ယင်းကဲ့သို့ နိုင်ငံတကာ အဆင့်မီ ဟိုတယ်နှင့် Service Residence များပါ ၀င်သော စီမံကိန်း အဆင့် (၂) လုပ်ငန်းအား လုပ်ကိုင်ရန် Straits Greenfield Limited မှ လျှောက်ထားခြင်းကို ၂၀၁၃ ခုနှစ် ဧပြီ ၅ ရက်တွင် ပြုလုပ်သည့် မြန်မာနိုင်ငံ ရင်းနှီးမြှုပ်နှံမှု ကော်မရှင်၏ ၁၂/ ၂၀၁၃ ကြိမ်မြောက် အစည်းအဝေးတွင် လုပ်ကိုင်ခွင့် ပြန်လည်ချထား ပေးခြင်းဖြစ်ကြောင်း သိရသည်။
စီမံကိန်းကို ရန်ကုန်တိုင်း ဒေသကြီး ရန်ကင်းမြို့နယ် ကမ္ဘာအေး ဘုရားလမ်းနှင့် စက်မှု(၁)လမ်းထောင့်ရှိ ဆီဒိုးနားဟိုတယ်၏ ဆက်စပ် မြေနေရာပေါ်တွင် နိုင်ငံခြား ရင်းနှီးမြှုပ်နှံမှု ဥပဒေအရ အကောင်အထည်ဖော် လုပ်ကိုင်မည်ဖြစ်ပြီး အခန်းပေါင်း ၄၂၀ ပါဝင်မည် ဖြစ်ကြောင်း သိရသည်။
လက်ရှိတွင် မြန်မာတစ်နိုင်ငံလုံး အတိုင်းအတာဖြင့် ဟိုတယ် ၈၅၉ လုံး ဖွင့်လှစ်ခွင့် ပြုထားပြီး ရန်ကုန်မြို့တွင် ဟိုတယ် အလုံးပေါင်း ၂၁၇ လုံးဖြင့် အများဆုံး ဖွင့်လှစ်ထားကြောင်း ဟိုတယ်နှင့် ခရီးသွားလာရေးလုပ်ငန်း ၀န်ကြီးဌာနမှ သိရသည်။
မြန်မာနိုင်ငံတွင် နိုင်ငံခြား ခရီးသွား ဧည့်သည်များ မြင့်တက်လာမည်ဟု ခန့်မှန်းထားကြပြီး နိုင်ငံသားများ အပါအ၀င် နိုင်ငံခြား လုပ်ငန်းရှင်များ အနေဖြင့် ဟိုတယ်နှင့် ခရီးသွားလာရေး လုပ်ငန်းများတွင် ဆက်တိုက် ၀င်ရောက်မြှုပ်နှံမှုများ ပြုလုပ်လျက် ရှိကြပြီး ၂၀၁၄ ခုနှစ်တွင် စတင်ဖွင့်လှစ်မည့် ဟိုတယ်များ ရှိသကဲ့သို့ ၂၀၁၅ ခုနှစ်တွင် အပြီးသတ် တည်ဆောက်မည့် ဟိုတယ်စီမံကိန်းများလည်း ရှိနေကြောင်း သိရသည်။
မြန်မာနိုင်ငံ ရင်းနှီးမြှုပ်နှံမှု ကော်မရှင် အနေဖြင့်လည်း ဟိုတယ်အပါအ၀င် ရုံးခန်းနှင့် ရှော့ပင်းမောလ်များ ထည့်သွင်း တည်ဆောက်မည့် စီမံကိန်းအချို့ကို နိုင်ငံခြား လုပ်ငန်းရှင်များသို့ လုပ်ကိုင်ခွင့် ချပေးထားကြောင်း သိရသည်။
EMG
0 comments:
Post a Comment