မန္တလေးမြို့၏ အထင်ကရ နေရာများထဲတွင် သုဓမ္မာဇရပ်တန်းတွေသည်လည်း ပါဝင်ပေသည်။ သမိုင်းဝင် အမွေအနှစ်များ ဖြစ်သောကြောင့် နိုင်ငံတော်မှ ပြုပြင် ထိန်းသိမ်းခဲ့ကြသည်။ နိုင်ငံခြား ခရီးသွားများသည်လည်း ထိုနေရာသို့ လာရောက်၍ လေ့လာနေသည်ကိုလည်း တွေ့မြင်နေကြရသည်။ နန်းမြို့ကြီးနှင့် ကျုံး၊ ကျောက်တော်ကြီး၊ ကုသိုလ်တော်၊ မန္တလေးတောင်တို့ဖြင့် သုဓမ္မဇရပ်တန်းသည် အလွန်ပနံသင့် လှပေသည်။ ယခုအခါ ထိုနေရာတွင် အအေးဆိုင်များ၏ ကြီးစိုးရာ ဇုန်တစ်ခုလို ဖြစ်နေသည်။ သက်ဆိုင်ရာမှလည်း မျက်ကွယ်ပြုထားသည်ဟု ထင်သည်။ အများသူငါ၏ ထမင်းလုတ်ကို ပုတ်ခြင်းမျိုး မဟုတ်ပေ။ အရှိန်အဟုန်မြင့် ဖွံ့ဖြိုးတိုးတက်လာသော အချိန်တွင် အမျိုးသားရေးနှင့် ယဉ်ကျေးမှု အမွေအနှစ်များ ထိန်းသိမ်းရန်မှာ နိုင်ငံသူနိုင်ငံသားအားလုံး၏ တာဝန်ပင် ဖြစ်သည်။ ရိုးရိုးသားသားဖြင့် မိသားစုဝမ်းရေးကို ဈေးရောင်း၍ ဖြေရှင်းနေကြသည်ကို ဂုဏ်ယူမိပါသည်။ ရိုးရိုးသားသား ဖွင့်လှစ် ရောင်းချနေလျှင် သုဓမ္မဇရပ်များနှင့် အအေးဆိုင်များမှာ အလွန်ပင် နှစ်လိုဖွယ်ဖြစ်သည်။ အခုတော့ ခြုံတွေကြားမှာ ထီးတိုင်ပုတွေနှင့် ကာရံထားကြပြီး အတွဲများ သီးသန့်ထိုင်ရန် ပြုလုပ်မြူဆွယ်၍ ရောင်းချနေခြင်းမျိုးမှာ မဖြစ်သင့်ပေ ယဉ်ကျေးမှု အမွေအနှစ်များနှင့် ဗုဒ္ဓ အမွေအနှစ်များ ထွန်းကားရာ နေရာတွင် ဤသို့သော အမြင်မတင့်စရာများ မရှိသင့်ဘူးဟု ထင်သည်။
မန္တလေးမြို့တော်သူ မြို့တော်သားများသည်လည်း မြင်တွေ့ကြ ရမည်မှာ မလွဲပေ။ အထူးသဖြင့် မြောက်ပြင်တွင် နေထိုင်ကြသူများ ပို၍ပင် မြင်တွေ့ကြရပေမည်။ ညမှောင်ရိပ်လေး သမ်းလာလိုက်သည်နှင့် သမီးရည်းစား အတွဲများသည် အလျှိုလျှိုအဖြိုင်ဖြိုင် လာရောက် နေထိုင်ကြပေတော့သည်။ ရိုးရိုးအတွဲရော၊ ဆန်းဆန်းအတွဲရော အလွယ်တကူပင် ကူးလူးနေကြတော့သည်။ ည (၁၀) နာရီ ရောက်သည့်တိုင် အမှောင်ထုထဲတွင် အအေးသောက်နေကြသည်။ လူများကိုတော့ မတွေ့ရ။ ရပ်ထားသည့် ဆိုင်ကယ်နှင့် စက်ဘီးတစ်ချို့သာ မြင်တွေ့နေကြရသည်။ ပို၍ဆိုးသည်က မီးထွန်းမထားခြင်းပင်။ ဝန်ဆောင်မှုများမှာလည်း အလွန်ကောင်းသည်။ ခြင်ဆေးခွေများ ထွန်းပေးထားသောကြောင့် ဖြစ်သည်။အသိမကြွယ်၊ စမ်းသပ်ချင်သော အရွယ်များသည် ထိုနေရာကို စမ်းသပ်ကွင်း တစ်ခုနှယ် အသုံးချနေကြသည်။ မိဘအများစုသည်လည်း သားသမီးများ ကျုံးဘေး အအေးသောက်သွားမည်ဆိုလျှင် ယုံကြည်စိတ်ချ လွှတ်တတ်ကြသည်။ သို့ပေမယ့် သုဓမ္မဇရပ်တန်းကို မကျော်နိုင်ကြပေ။ ငယ်ရွယ်သူတွေကို အမှားထဲ ဇွတ်တိုးဝင်စေရန် သုဓမ္မဇရပ်တန်းကို အမှီပြုပြီး အအေးဆိုင်များ ဖွင့်လှစ်နေကြသူများက ကာဗာပေးပြီး တွန်းပို့သလိုဖြစ်နေတော့ မိဘများမှာ သောကမီးတွေ ဝေနေကြရတော့သည်။ သက်ဆိုင်ရာမှလည်း လျစ်လျူရှုမထားဘဲ တဒင်္ဂလောက် လေ့လာစေချင်သည်။ အမှန်တကယ် မြင်တွေ့ကြမည်မှာ မလွဲနိုင်ပေ။ အမျိုးဂုဏ်နှင့် ယဉ်ကျေးမှုအမွေကို ဖျက်ပြီး နိုင်ငံ၏မျက်နှာကို အိုးမဲသုတ်နေသလို ခံစားနေကြရသည်။ နိုင်ငံတကာမှ လေ့လာသူများ အများဆုံး ဝင်ထွက်သွားလာရာတွင် ဟန်ပြပြီး မဖွယ်မရာ ရောင်းချနေသော အအေးဆိုင်များ ဖယ်ရှားရှင်းလင်းပြီး စနစ်တကျ အချိန်သတ်မှတ်ကာ မီးများ လင်းထိန်စွာထွန်းပြီး ရောင်းချနိုင်လျှင် မိသားစုဝမ်းရေး မခက်ခဲဘဲနှင့် မန္တလေးသည်လည်း မန္တလေးပင် ဖြစ်လာပေလိမ့်မည်။
မန္တလေးက သူငယ်ချင်းတွေပါရင် တောင်းပန်ပါတယ် ။အများသိစေချင်လို့ ရတနာပုံတယ်လီပို့ ဆိုဒ်မှတင်ပြထားပါတယ်။
0 comments:
Post a Comment