နိုင်ငံခြားသားဆိုလျှင် အမြတ်တင်တတ်သည့် အမူအကျင့်များ ပြုပြင်ရန် လိုအပ်လာ

Monday, November 4, 2013



နိုဝင်ဘာ ၁ ရက်မှ စတင်ပြေးဆွဲသည့် အထူးရထားတွင် လိုက်ပါစီးနင်းနေသော နိုင်ငံခြားသား ခရီးသွားများ (ဓာတ်ပုံ- ကြည်နိုင်)

နိုင်ငံတွင်းသို့ အကြောင်းအမျိုးမျိုးဖြင့် ၀င်ရောက်လာသော နိုင်ငံခြားသားများအပေါ် အမြတ်တင်တတ်သည့် အမူအကျင့်များကို ပြုပြင်ရန် လိုအပ်ကြောင်း သုံးသပ်ဝေဖန်မှုများ ရှိနေကြောင်း သိရသည်။

ထို့ပြင် အများပြည်သူ ၀န်ဆောင်မှု လုပ်ငန်းများနှင့် ပတ်သက်ပြီး နိုင်ငံတကာကဲ့သို့ပင် နိုင်ငံသားနှင့် နိုင်ငံခြားသား ခွဲခြားဆက်ဆံခြင်းများ မရှိဘဲ အခွန်အခများကို တစ်ပြေးညီ ကောက်ခံမှုများ ပြုလုပ်သင့်ကြောင်း ခရီးသွားလုပ်ငန်း အသိုင်းအ၀ိုင်းနှင့် နိုင်ငံခြားသား ခရီးသွား ဧည့်သည်များ၏ ပြောဆိုထောက်ပြမှုများလည်း ရှိနေသည်။

သက်ဆိုင်ရာ အစိုးရ အနေဖြင့် နိုင်ငံခြားသားများကို အခွန်အခ ကောက်ခံရာတွင် နိုင်ငံတကာနှင့် ကွဲလွဲပြီး အမြတ်တင်တတ်သည့် ပုံစံမျိုး ဖြစ်နေမှု အချို့အပေါ် စိစစ်ရန် လိုအပ်ပြီး လုပ်ငန်းရှင်များ၊ ခရိုနီများ အနေနှင့်လည်း ပြည်တွင်းသို့ ၀င်ရောက်လာသော နိုင်ငံခြားသားများအပေါ် အမြတ်တင်တတ်သည့် အမူအကျင့်များ၊ အပြုအမူများကို နိုင်ငံအတွက် ရှောင်ကြဉ်ရန် လိုအပ်ကြောင်း သုံးသပ်မှုများ ရှိနေသည်။

နိုင်ငံခြားသားများ အနေဖြင့် မြို့ပတ်ရထား စီးနင်းရာတွင် ဖြစ်စေ၊ သယ်ယူပို့ဆောင်မှု လုပ်ငန်းကဲ့သို့သော အများပြည်သူနှင့်ဆိုင်သည့် ကဏ္ဍများတွင် အခွန်အခ နှုန်းထားများကို နိုင်ငံသားများနှင့် ခွဲခြားကောက်ခံ ရခြင်းမျိုး ရှိနေကြောင်း သိရသည်။ ပြည်သူ့လွှတ်တော် ကိုယ်စားလှယ် ဦးမင်းသူက "ရန်ကုန်မှာ မြို့ပတ်အထူးရထားတွေကို နိုင်ငံသားတွေအတွက် ၃၀၀ ကောက်တယ်။ နိုင်ငံခြားသားတွေကို တစ်ဒေါ်လာ (ကျပ် ၁၀၀၀ နီးပါး) ကောက်တယ်လို့ သိရတယ်။ နိုင်ငံသားတွေအတွက် ငွေကျပ် ၃၀၀ ဆိုတာ နည်းနည်းများနေတယ် ထင်တယ်။ သာမန်ပြည်သူတွေ စီးနိုင်မယ့်နှုန်း မဟုတ်ဘူး။ နိုင်ငံခြားသား ၁၀၀၀ ဆိုတာတော့ သိပ်မများဘူးလို့ ဆိုချင်တယ်။ ဒါပေမဲ့ အခြားဖွံဖြိုးတဲ့ နိုင်ငံတွေမှာတော့ အခုလို နိုင်ငံသားတစ်မျိုး၊ နိုင်ငံခြားသားတစ်မျိုး ခွဲခြားကောက်တာတော့ မရှိဘူး။ ကောက်ပုံကောက်နည်း ကွဲပြားနေတဲ့သဘော ရှိတယ်" ဟု ပြောကြားသည်။

ဒေသတွင်း အခြားနိုင်ငံများ၌လည်း အများပြည်သူ ပို့ဆောင်ရေး ကဏ္ဍများတွင် နိုင်ငံခြားသားများကို နိုင်ငံသားများနှင့်အတူ ဈေးနှုန်းတစ်ပြေးညီ ကောက်ခံပြီး ဆက်သွယ်ရေး ကဏ္ဍအတွက်လည်း အလားတူ လွယ်ကူ၍ ဈေးနှုန်းတစ်ခုတည်းဖြင့်သာ နိုင်ငံသား၊ နိုင်ငံခြားသား မခွဲခြားဘဲ ပေးဆောင်ကြရခြင်း ဖြစ်သည်။ သို့သော်လည်း မြန်မာနိုင်ငံတွင် ပို့ဆောင်ဆက်သွယ်ရေး ကဏ္ဍ၌ နိုင်ငံခြားသားများ အနေဖြင့် နိုင်ငံသားများနှင့် တူညီမှုမရှိဘဲ စရိတ်စကနှင့် နှုန်းထားများ ပိုမိုပေးဆောင် နေကြရသည်။

နိုင်ငံအနေဖြင့် ခရီးသွားလုပ်ငန်းနှင့် နိုင်ငံခြား ရင်းနှီးမြှုပ်နှံမှု လုပ်ငန်းများမှ နိုင်ငံခြားဝင်ငွေ ရရှိအောင် ရှာဖွေရန် လိုအပ်သော်လည်း ဒေသတွင်း နိုင်ငံများနှင့် ယှဉ်ပါက သင့်တော်မှု မရှိသည့် နိုင်ငံခြားသားများအပေါ် ခွဲခြားကောက်ခံမှုများနှင့် စီးပွားရေး တစ်ခုတည်းသာကြည့်ပြီး မတော်လောဘဖြင့် ရယူလိုသည့် . . . . .


"ခဏတဖြုတ် လာလည်တဲ့ နိုင်ငံခြားသား ဧည့်သည်တွေကတော့ မိုဘိုင်းဖုန်း ငှားရမ်းမှု မရှိသလောက်ပါပဲ။ စီးပွားရေး ကိစ္စနဲ့ လာတဲ့သူတွေပဲ ငှားကြတယ်။ နိုင်ငံတကာနဲ့ ယှဉ်ပြီးပြောမယ်ဆိုရင်တော့ ငှားရမ်းခ ဈေးများပါတယ်။ ဒီမှာ မဖြစ်မနေ အဖွဲ့အစည်းတွေနဲ့ တွေ့ရမယ့်သူတွေ၊ စာချုပ်ချုပ်မယ့် သူတွေကျတော့လည်း အင်တာနက်နဲ့တင် အလုပ်လုပ်ဖို့ မလုံလောက်တဲ့အတွက် တယ်လီဖုန်းနဲ့ ဆက်သွယ်ဖို့အတွက် ငှားရပါတယ်။ တချို့လူတွေဆို ကျွန်တော်သိသလောက် မငှားတော့ဘဲ ဒီမှာလူခံရှိလို့ရှိရင် အဲဒီလူရဲ့ တယ်လီဖုန်းကို ပိုက်ဆံပေးသုံးတာက ငှားရမ်းတာထက် အများကြီး သက်သာပါတယ်။ အဲဒါကို ကြည့်ခြင်းအားဖြင့် တယ်လီဖုန်း အငှားဝန်ဆောင်မှုက ဒီမှာသိပ် အလုပ်မဖြစ်ဘူး။ ပြည်ပက မိုဘိုင်းဖုန်း ကုမ္ပဏီနှစ်ခုကို အော်ပရေတာအဖြစ် ရွေးလိုက်ပြီးမှပဲ ကျွန်တော်တို့ဆီမှာ ရှိနေတဲ့ ဆက်သွယ်ရေးနဲ့ ရတနာပုံ တယ်လီပို့တို့က ဆင်းမ်ကတ်ရောင်းဈေးတွေကို လျှော့မယ်တို့ အလကား ပေးမယ်ဆိုတဲ့ အသံတွေ ထွက်လာကြတယ်။ တကယ်တော့ အစကတည်းက သင့်တင့်တဲ့နှုန်းထားနဲ့ပဲ ဖြစ်သင့်ပါတယ်" ဟု Nature Lovers Travel and Tours မှ မန်နေးဂျင်းဒါရိုက်တာ ဦးအောင်ဒင်က ပြောကြားသည်။

ထို့အပြင် နိုင်ငံသားများ အနေဖြင့် အခွန်အခနှင့် စရိတ်စကများ ကြီးမြင့်မှုနှင့် လိုက်လျောညီထွေသော ၀န်ဆောင်မှုပိုင်း ပြန်လည်ရရှိမှု မရှိခြင်းများ အပေါ်လည်း ထောက်ပြဝေဖန်မှုများ ရှိနေသည်။ ယင်းကဲ့သို့သော အကြောင်းအရာများက မြန်မာနိုင်ငံ၏ ခရီးသွား ၀င်ရောက်မှုအပေါ် ထိခိုက်နိုင်ပြီး နိုင်ငံ၏ စိတ်ဝင်စားမှုနှင့် သိက္ခာပိုင်း အတွက်ပါ နစ်နာမှုများ ရှိလာမည် ဖြစ်သည်။

"မြေနီကုန်းက ပြည်သူ့ရင်ပြင် ပန်းခြံသွားတော့ ကျွန်မက ကျပ် ၃၀၀၊ နိုင်ငံခြားသား တစ်ဦးအတွက် ပန်းခြံဝင်ကြေးကို ငါးဒေါ်လာ ကောက်ခံနေတာကို တွေ့ရတယ်။ ဒါဟာ နိုင်ငံခြားသားတွေကို ခွဲခြားပြီး မတရား ကောက်ခံသလို ဖြစ်နေတယ်။ နိုင်ငံခြားသား ခရီးသွား ဧည့်သည်တွေ အပေါ်မှာ သင့်တင့်တဲ့ အခွန်လောက်ကိုပဲ ကောက်ခံသင့်တယ်။ ပိုက်ဆံတွေ အများကြီး ပေးရပြီး ၀န်ဆောင်မှုကျတော့ ဘာမှပြန်မရဘူး ဆိုတာတွေ ကြားနေရတယ်။ ထိုက်သင့်တဲ့ ၀န်ဆောင်မှုတွေ ပြန်ပေးဖို့လိုတယ်။ ကျွန်မတို့ ထိုင်းကိုသွားရင်လည်း မြဘုရားတွေမှာတော့ ၀င်ကြေးတွေ ပေးရတယ်။ ဒါပေမဲ့ အများပြည်သူ ၀န်ဆောင်မှု လုပ်ငန်းတွေဖြစ်တဲ့ ရထားတွေ စီးတဲ့အခါမျိုးမှာတော့ အားလုံးက အတူတူပါပဲ။ မတရား ကောက်ခံတာမျိုး မရှိပါဘူး" ဟု ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ မသက်သက်အောင်ကလည်း ပြောကြားသည်။

နိုင်ငံအနေဖြင့် ခရီးသွားလုပ်ငန်းနှင့် နိုင်ငံခြား ရင်းနှီးမြှုပ်နှံမှု လုပ်ငန်းများမှ နိုင်ငံခြားဝင်ငွေ ရရှိအောင် ရှာဖွေရန် လိုအပ်သော်လည်း ဒေသတွင်း နိုင်ငံများနှင့် ယှဉ်ပါက သင့်တော်မှု မရှိသည့် နိုင်ငံခြားသားများအပေါ် ခွဲခြားကောက်ခံမှုများနှင့် စီးပွားရေး တစ်ခုတည်းသာကြည့်ပြီး မတော်လောဘဖြင့် ရယူလိုသည့် ဓလေ့စရိုက်များကိုမူ ရှောင်ကြဉ်ရမည် ဖြစ်သည်။ ထို့အပြင် ယင်းကဲ့သို့ ကောက်ခံခြင်းများအပေါ် အစိုးရ(သို့မဟုတ်) လုပ်ငန်းရှင်များ အနေဖြင့် သက်ဆိုင်သည့် ကဏ္ဍအသီးသီးအလိုက် ပြန်လည်၍ စီမံခန့်ခွဲမှုနှင့် လုပ်ဆောင်မှုများကို ရှင်းလင်းစွာ ချပြသင့်ကြောင်းလည်း သုံးသပ်မှုများ ရှိနေသည်။



ဗိုလ်ချုပ်ဈေးသို့ လာရောက်သော နိုင်ငံခြားသား ခရီးသွား ဧည့်သည်များအား တွေ့ရစဉ် (ဓာတ်ပုံ-ဥာဏ်ဝင်းရှိန်)

"နိုင်ငံခြားသားဆီက ပိုက်ဆံပိုလိုချင်တယ်။ ပိုကောက်ချင်တယ်။ သူများနိုင်ငံတွေမှာဆို မရှိပါဘူး။ ပြီးတော့ အန်ကောဝပ်မှာဆိုရင် ၀င်ခွင့်အနေနဲ့ ဒေါ်လာ ၃၀ ကောက်တယ်။ ဘာအတွက်လဲဆိုတော့ ပြုပြင်ထိန်းသိမ်းဖို့ အတွက်ဆိုပြီး ရှင်းတယ်။ မြန်မာနိုင်ငံမှာကတော့ ဘာလုပ်မှန်းမသိ၊ ဘယ်ကကောက်မှန်းမသိ။ ဒေသအစိုးရက ကောက်သလို၊ ဗဟိုအစိုးရက ကောက်သလို၊ ၀န်ကြီးဌာနက ကောက်သလိုနဲ့ ဘာမှန်းမသိဖြစ်တယ်။ နောက်တစ်ခု ရွှေတိဂုံဘုရားဆိုလည်း ကားဝင်ခွင့်တောင် ကောက်တယ်။ အရင်ကဆို ငါးဒေါ်လာ၊ အခု ရှစ်ဒေါ်လာ ကောက်တယ်။ ၁၀ ဒေါ်လာဆိုလည်း ၁၀ ဒေါ်လာပေါ့။ ကောက်ပြီးရင် ၀န်ဆောင်မှု တစ်ခုခု ပြန်ပေးလိုက်ပေါ့။ ခုဟာက လိုက်တောင်းနေတဲ့ ပုံစံမျိုး ဖြစ်နေတယ်။ နယ်ဘက်မှာဆိုရင်လည်း ခရီးသွား ဒေသတွေကိုသွားရင် ခွင့်ပြုချက်ပဲ တောင်းဖို့လိုတယ်။ သစ်တောဌာနကို ဘာပိုက်ဆံတစ်ပြားတစ်ချပ်မှ ပေးစရာမလိုဘူး။ ဒါပေမဲ့ ခရီးစဉ်တွေ အများကြီးကမှ ပူတာအိုဒေသနဲ့ နတ်မတောင် အရပ်ကို နိုင်ငံခြားသားတစ်ဦး တစ်ညတစ်သောင်း ကောက်တယ်။ ဧည့်သည်က ကြာကြာနေလေ၊ ပိုက်ဆံက ပိုကုန်လေပဲ။ နောက်တစ်ချက်က အဲဒီကို သွားတဲ့သူတွေက အပျော်ခရီး သွားကြတာ မဟုတ်ဘူး။ အဲဒီဒေသမှာရှိတဲ့ သဘာဝကို လေ့လာချင်တယ်။ အဲဒီက တိုင်းရင်းသားတွေရဲ့ ဖွံ့ဖြိုးရေးကို တတ်နိုင်သမျှ ပါဝင်ဆောင်ရွက်ချင်တဲ့ ရည်ရွယ်ချက်ပဲ ရှိတယ်။ အဲဒါကို ဒီလိုပိုက်ဆံတွေကောက်ပြီး လမ်းပြင်ပေးတာလား ဆိုတော့လည်း လမ်းကလည်း သိတဲ့အတိုင်း စုတ်ပြတ်သပ်နေတာပဲ။ မီးရှိလား ဆိုတော့လည်း အဲဒီမှာ လျှပ်စစ်မီးက ရှိတာမဟုတ်ဘူး။ ပိုက်ဆံသာ ကောက်နေတယ် နိုင်ငံတော်ရဲ့ ဘယ်ခေါင်းစဉ်အောက် ၀င်တာလဲ။ အဲဒါလည်း ရှင်းလင်းဖို့ လိုပါတယ်" ဟုအမည် မဖော်လိုသူ ခရီးသွား ကုမ္ပဏီ ပိုင်ရှင်တစ်ဦးက သုံးသပ်သည်။

နိုင်ငံတကာတွင်လည်း ရှေးဟောင်းအဆောက်အအုံများ၊ သာသနိက အဆောက်အအုံများ၊ နိုင်ငံခြားသားများကို ဆွဲဆောင်နိုင်သော နေရာများတွင် နိုင်ငံသားထက် နိုင်ငံခြားသားများကို ပိုမိုကောက်ခံသော်လည်း အများပြည်သူနှင့်ဆိုင်သည့် နေရာများနှင့် ပို့ဆောင်ဆက်သွယ်ရေး ၀န်ဆောင်မှု ကဏ္ဍများတွင် တစ်ပြေးညီသာ ကုန်ကျမှုများ ရှိသည်။ မြန်မာနိုင်ငံတွင် နိုင်ငံခြားသားများအပေါ် အချို့နေရာများ၌ အမြတ်တင်မှုများ ရှိနေခြင်းအပေါ် နိုင်ငံခြားသားများကလည်း သုံးသပ်ဝေဖန်မှုများ ရှိနေသည်။

"နိုင်ငံခြားသားနဲ့က အမြဲတမ်း တစ်ထောင်၊ နှစ်ထောင်လောက် ကွာတယ်။ နောက်ပြီး အသားဖြူတဲ့ သူတွေဆီကပဲ တောင်းတယ်။ တချို့ မြန်မာနဲ့တူတဲ့ အာရှနိုင်ငံ သားတွေကျတော့ ပိုက်ဆံမတောင်းတာတွေ ရှိတယ်။ အဲဒီလို မျိုးတွေကိုမြင်တော့ အရမ်းစိတ်မကောင်း ဖြစ်ရတယ်။ ပြီးတော့ ခရီးတွေသွားရင်လည်း ကားခတွေနဲ့ ဟိုတယ်အခန်းခတွေလည်း ကွာပါတယ်။ မြန်မာဆိုရင် ဒေါ်လာ ၃၅ နဲ့ နိုင်ငံခြားသားဆိုရင် ဒေါ်လာ ၅၀ တောင် ပေးရတယ်။ ပြီးတော့ ကျွန်မအမျိုးသားက မြန်မာပါ။ ဟိုတယ်တွေမှာတည်းရင် တစ်ခန်းတည်း တည်းလို့မရဘူး။ နိုင်ငံခြား အခန်းတစ်ခန်း၊ မြန်မာက တစ်ခန်းယူရတယ်။ စရိတ်စက အရမ်းကုန်ပါတယ်။ ဒါကြောင့် ကျွန်မတို့ နိုင်ငံတွေကဆိုရင် မြန်မာကို တစ်ခါလာပြီးရင် နောက်တစ်ခါလာဖုိ့ တော်တော်စဉ်းစား ကြပါတယ်။ ဒီမှာက အကုန်ဈေးတအားကြီးတယ်။ ထိုင်းနိုင်ငံတို့လို နိုင်ငံတွေ နှစ်ခေါက်လောက်သွားလို့ ရပါတယ်။ ဂျာမနီက လူတွေကတော့ နိုဝင်ဘာကနေ မတ်လအထိ ခရီးတွေ သွားကြပါတယ်။ မြန်မာပြည်မှာတော့ အထင်ကရနေရာတွေပဲ သွားတာများပါတယ်။ တချို့လူတွေလောက်ပဲ မော်လမြိုင်လို နေရာမျိုးနဲ့ ရှမ်းပြည်နယ်ဘက်ဆိုရင် တာချီလိတ်၊ လားရှိုးလို မျိုးတွေ၊ ရခိုင်ပြည်နယ် ဘက်တွေကိုလည်း အရင်က သွားကြပါတယ်။ ကျွန်မကတော့ မြန်မာမှာဆိုရင် ကချင်ပြည်နယ်ကို အရမ်းသွားချင်ပါတယ်။ တောင်တက်ရတာ ၀ါသနာပါလို့ပါ။ ခုထိတော့ မရောက်ဖူးသေးဘူး" ဟု မြန်မာနိုင်ငံတွင် ခုနစ်နှစ်ကျော်ကြာ နေထိုင်သော ဂျာမနီနိုင်ငံသူ Ms. Daphne Wolf က ပြောကြားသည်။

လက်ရှိအချိန်တွင် မြန်မာနိုင်ငံ အနေဖြင့် နိုင်ငံခြားသား ခရီးသွား ၀င်ရောက်မှု ယခင်ကထက်စာလျှင် တိုးတက်မှုများ ရှိလာပြီး နိုင်ငံခြား ရင်းနှီးမြှုပ်နှံမှုများ အတွက်လည်း ပြင်ဆင်နေသည့် အချိန်ဖြစ်ရာ ထိုကဲ့သို့သော နိုင်ငံခြားသားများနှင့် သက်ဆိုင်သည့် ကဏ္ဍများတွင် နိုင်ငံအတွက် သိက္ခာကျဖွယ် ဖြစ်စေနိုင်သော အရာများ၊ လက်ညှိုးထိုး ဝေဖန်စရာ ဖြစ်စေနိုင်သည့် အကြောင်းအရာများကို ဂရုစိုက် ပြုပြင်ရန် လိုအပ်မည်ဖြစ်ကြောင်း သိရသည်။

EMG