(မှတ်ချက် – မြန်နှုန်းမြင့် အင်တာနက် လိုအပ်သည်။ သို့တည်းမဟုတ်ပါက ခန္ဓီပါရမီ ပြည့်ဝရန် လိုအပ်မည်။)
သင့်အနေနဲ့ မဟာ iPhone ကြီးကို ဝမ်းနည်းကြီးစွာနဲ့ စွန့်လွှတ်ပြီး Android စမတ်ဖုန်း အသစ်တစ်လုံးကို ကိုင်ဆောင်ဖို့ ဆုံးဖြတ်လိုက်ပြီ ဆိုပါစို့။ သင့်အနေနဲ့ အရင်ဆုံး ခေါင်းထဲဝင်လာဖွယ် ရှိတာကတော့ iPhone ထဲက ဓာတ်ပုံတွေနဲ့ ဗီဒီယိုတွေကို ဖုန်းအသစ်ပေါ် ဘယ်နည်းနဲ့ ပြောင်းရွှေ့ရမလဲ ဆိုတဲ့ မေးခွန်းပါပဲ။
ကမ္ဘာကျော် Oxford အဘိဓာန်ကြီးကနေ ၂၀၁၃ ခုနှစ်ရဲ့ မဟာစကားလုံးအဖြစ် “Selfie” (ကိုယ်ကိုကိုယ် ရိုက်ထားသည့် ဓာတ်ပုံ) ကို ရွေးချယ်လိုက်တဲ့ ခေတ်ကာလကြီးမှာ ဓာတ်ပုံနဲ့ ဗီဒီယိုတွေ ဆိုတာဟာ မိမိဘဝရဲ့ ပုံရိပ်တွေပါပဲ။ iPhone ရဲ့ iSight ကင်မရာကလည်း ထိပ်တန်းစာရင်း ဝင်တယ်ဆိုတော့ ဖြစ်နိုင်ခြေရှိတာက iPhone ထဲမှ ရာပေါင်းများစွာသော ဓာတ်ပုံများ ရှိနေပါလိမ့်မယ်။
ဒါဆိုရင် Android ဖုန်းကို ပြောင်းကိုင်ချင်တဲ့အခါ ဘယ်လိုလုပ်ကြမလဲ။ ဒုက္ခများပြီလား။ Android ဖုန်းပဲ မေ့လိုက်ရတော့မလား။ မစိုးရိမ်ပါနဲ့။ Google ကနေ့ ကူညီပါလိမ့်မယ်။ Google ရဲ့ Google+ လူမှုကွန်ယက်ရဲ့ အကူအညီနဲ့ iPhone ထဲက ဓာတ်ပုံတွေကို Android ဖုန်းအသစ်ပေါ် မျက်စိတစ်မှိတ်အတွင်းမှာ လွယ်လင့်တကူ ပြောင်းရွှေ့နိုင်ပါ လိမ့်မယ်။
ကဲ ဘယ်လိုလုပ်ရမလဲ ဆိုတာကို တဆင့်ခြင်းစီလိုက် လေ့လာကြည့်ရအောင်။
၁) iPhone ကို Wi-Fi နဲ့ ချိတ်ဆက်ပါ။ Cloud ထဲကို ထည့်ရတာ Data အရမ်းစားပါတယ်။ ဖုန်းလိုင်းရဲ့ Data အစား Wi-Fi နဲ့ ချိတ်ဆက်ပြီး လုပ်မယ်ဆိုရင် ပိုအဆင်ပြေပါလိမ့်မယ်။
၂) Apple App Store မှ Google+ app အား iPhone ပေါ်သို့ ဒေါင်းလုပ်ဒ် လုပ်ပါ။ ပြီးပါက ဖွင့်လိုက်ပါ။
၃) iPhone ပေါ်မှတဆင့် Google+ app ထဲသို့ sign in လုပ်ပါ။
၎) Google+ app ထဲ၌ “Backup your Photos” ကဏ္ဍအောက်ရှိ “Turn on Auto Backup” အား ရှာဖွေပြီး နှိပ်လိုက်ပါ။ Phone မှနေပြီး သင့်ရဲ့ ဓာတ်ပုံနှင့် ဗီဒီယိုများအား upload လုပ်လိုပါသလားဟု မေးပါလိမ့်မယ်။
၅) “Yes” နှိပ်ပါ။ ဒါဆိုရင် System မှနေပြီး Camera Roll ထဲရှိ ဓာတ်ပုံနဲ့ ဗီဒီယိုများကို စတင်ပြီး upload လုပ်ပါတော့မယ်။
၆) နောက်ဆုံးအဆင့် အနေနဲ့ သင့်ရဲ့ အသစ်စက်စက် Android စမတ်ဖုန်းထဲက Google+ app ကို ဖွင့်ပြီး sign in လုပ်လိုက်ပါ။ သင့်ရဲ့ iPhone အဟောင်းထဲက ဓာတ်ပုံနဲ့ ဗီဒီယိုတွေဟာ မျက်လှည့်ပြလိုက်သည့်အလား “Photos” များထဲ ရောက်နေတာကို တွေ့ရပါလိမ့်မယ်။ Photos ထဲမှာ မရှိဘူး ဆိုရင်တော့ ဖြစ်နိုင်ချေ ရှိတာက သင့် Android စမတ်ဖုန်းရဲ့ Gallery app ထဲကနေက “Auto Backup” Folder ထဲမှာ ရှာတွေ့နိုင်ပါလိမ့်မယ်။
0 comments:
Post a Comment