၂၂ ကြိမ်မြောက် ဆောင်းရာသီအိုလံပစ်ပြိုင်ပွဲ ဖွင့်ပွဲအခမ်းအနားကို ရုရှားနိုင်ငံ၊ ဆိုချီ မြို့ မှာ ဖေဖော်ဝါရီ ၇ ရက်နေ့ က ခမ်းနားသိုက်မြိုက်စွာ ဖွင့်လှစ်ကျင်းပနိုင်ခဲ့ပါတယ်။
ရှရှားနိုင်ငံ အိုလံပစ်အားကစားကွင်း Fisht Stadium မှာ ရုရှားနိုင်ငံသမ္မတ ဗလာဒီမာပူတင်က ပြိုင်ပွဲကို ဖွင့်လှစ်ပေးခဲ့ပြီး နိုင်ငံပေါင်း ၈၇ နိုင်ငံက အားကစားသမားတွေက ပရိတ်သတ် လေးသောင်းရှေ့ မှာ ချီတက်လမ်းလျှောက်ခဲ့ကြပါတယ်။
အိုလံပစ်မီးရှူးတိုင်ကို ရှရှားလူမျိုး ရွှေတံဆိပ်ဆု သုံးခုပိုင်ရှင် ရေခဲပြင်ဟော်ကီကစားသမားဟောင်း Vladislav Tretiak က သယ်ဆောင်ပေးခဲ့တာဖြစ်ပါတယ်။
ဆိုချီ ဆောင်းရာသီအိုလံပစ် ပွဲတော်အတွက် ရုရှားနိုင်ငံဟာ ပေါင် ဘီလီယံ ၃၀ ကျော် သုံးစွဲခဲ့ပြီး အိုလံပစ်ပြိုင်ပွဲ သမိုင်းတစ်လျှောက် ကုန်ကျစရိတ်အများဆုံးပြိုင်ပွဲ ဖြစ်လာပါတယ်။
နောက်ဆုံးပေါ်နည်းပညာတွေနဲ့ ဆိုချီ အိုလံပစ်ပြိုင်ပွဲ ဖွင့်ပွဲအခမ်းအနားကို ကျင်းပခဲ့ပြီး တန်ပေါင်းများစွာသော မီးရှူးမီးပန်းတွေ၊ ဆောင်းရာသီအိုလံပစ် အမှတ်တံဆိပ်ပုံဖော်မှုတွေ၊ ထူးခြားလှပတဲ့ Performances တွေ၊ ဂန္တ၀င်စာရေးဆရာ လီယိုတော်စတွိုင်းရဲ့ နာမည်ကျော်လက်ရာ စစ်နှင့်ငြိမ်းချမ်းရေး ၀တ္ထုရှည် ကို ပုံဖော်မှုတွေက ကမ္ဘာတစ်လွှားက ကြည့်ရှုသူတွေ အားရကျေနပ်မှုဖြစ်စေခဲ့တယ်လို့ သိရှိရပါတယ်။
Ref: bbc
0 comments:
Post a Comment