စပိန်ထိပ်သီး ရီးယဲလ်မက်ဒရစ်အသင်းနဲ့ သုံးနှစ်ကြာ လက်တွဲခဲ့တဲ့ မော်ရင်ဟိုဟာ ဒီဘက်ခေတ် ဘောလုံး ကြယ်ပွင့်တွေရဲ့ ဂုဏ်ပကာသနမက်မောမှု၊ မောက်မာမှုတွေကို ဖွင့်ဟရှုတ်ချခဲ့ပြီး သူတို့ ဟာ အောင်မြင်မှု ထက် ငွေကြေးကို ပိုမိုမက်မောနေကြကြောင်း ရှုတ်ချပြောဆိုခဲ့ပါတယ်။
“ ကျွန်တော် ရီးယဲလ်မက်ဒရစ်မှာ ရှိတဲ့ အချိန်တွေတုန်းက၊ ကစားသမားတွေဟာ ကစားပွဲမစမီ ဒိုင်လူကြီးတွေက သူတို့ ကို ၀င်ပေါက်ဥမင် ထဲမှာ စောင့်နေတဲ့ အချိန်တွေမှာတောင် မှန်ရှေ့ မှာ တန်းစီနေတတ် ကြပါတယ်။” လို့ မော်ရင်ဟိုက Esquire မဂ္ဂဇင်းကို ဖွင့်ဟခဲ့ပါတယ်။
“ ဒါပေမယ့် ဒါက အခုခေတ် လူနေမှုပုံစံလိုပါပဲ။ လူငယ်တွေဟာ ဒီကိစ္စကို တော်တော် ဂရုစိုက်ကြတယ်။ သူတို့  အသက် က နှစ်ဆယ် ဒါမှမဟုတ် နှစ်ဆယ်ကျော်ကျော်ပေ့ါ။ ကျွန်တော်ကတော့ ၅၁ နှစ်ရှိနေပါပြီ။ အခု ကလေးတွေနဲ့ ကျွန်တော်တူတူအလုပ်လုပ်ချင်တယ်ဆိုရင် သူတို့ ဘ၀ ကို နားလည်ဖို့ လိုပါတယ်။”
“ ဘတ်စ်ကားပေါ်မှာ ကျွန်တော့်ကစားသမားတွေ ဟိုဟာ -ဟာ -ခင်ဗျားတို့ ဘယ်လိုခေါ်တာ - တွစ်တာ အင်း အဲ့လို ဟာတွေ သုံးနေတာကို ကျွန်တော် ဘယ်လို တားရမလဲ။ တကယ်လို့ ကျွန်တော့် သမီးနဲ့ သားကလည်း အဲ့လိုပဲ ဆိုပါစို့ - ကျွန်တော်ဘယ်လို တားရမလဲ။ ဒါကြောင့် ကျွန်တော် လိုက်လျောညီထွေ ဖြစ်အောင်နေရမှာပါ။”
လက်ရှိ ချယ်လ်ဆီးနည်းပြ မော်ရင်ဟိုက “ အရင်တုန်းက ကျွန်တော်ဘယ်လို ထင်လဲဆိုတော့ ကစားသမားတွေဟာ ကစားသမားဘ၀ပြီးရင် ချမ်းချမ်းသာသာ နေနိုင်ဖို့  သူတို့ ကစားသမားဘ၀အတွင်းမှာ ငွေတွေရှာတယ်ပေ့ါ”
“ ဒါပေမယ့် အခုတော့ ကစားသမားတွေ ကစားသမားဘ၀ မစခင်ထဲကကို သူတို့ ဘေးနားမှာ ရှိနေတဲ့ ကောင်တွေက သူတို့ ချမ်းသာလာအောင် လုပ်ပေးနေကြတယ်။ ပထမဆုံးစာချုပ်ကို လက်မှတ်ထိုးလိုက်တာနဲ့  သူတို့ ပရီးမီးယားလိဂ်ပွဲစဉ်လေးတစ်ပွဲလောက် ပါဝင်မကစားခဲ့တာနဲ့ ၊ သူတို့ ချန်ပီယံလိဂ် မကစားရတာနဲ့  အဲ့ကောင်တွေက သူတို့ ချမ်းသာအောင် လုပ်နေကြတယ်” လို့  ရှုတ်ချဝေဖန်သွားခဲ့ပါတယ်။
Ref: metro
0 comments:
Post a Comment