တွေ့လိုက်ရတဲ့ magazine ကာဗာတွေတိုင်း၊ ဓာတ်ပုံတွေတိုင်းမှာ အားလုံးက ဒါဘယ်သူလဲလို့ မေးရလောက်အောင် ဆွဲဆောင်အားပြင်းတဲ့ အကြည့်တွေနဲ့ ညှို့ယူတတ်သူကတော့ မော်ဒယ်လ် Jessica Dada ပါ။ ဖိုတိုမော်ဒယ်အဖြစ်နဲ့သာမက မြူးဇစ်ဗီဒီယိုတွေမှာပါ တွေ့လာရတဲ့ သူမရဲ့ လတ်တလော လှုပ်ရှားမှုနဲ့ နောက်ပိုင်း တတ်လာကြတဲ့ မော်ဒယ်လ်တွေအပေါ် သူမရဲ့အမြင် ဘယ်လိုရှိတယ်ဆိုတာကို မေးမြန်းဖြစ်ခဲ့တဲ့အခါ ‘အခု လတ်တလောမှာတော့ အခမ်းအနားမှုးပဲ လုပ်ဖြစ်နေတယ်။ အစ်မက Modelling အလုပ်ကို မလုပ်ဖြစ်တော့တာ ကြာပါပြီ။ မလုပ်တော့ဘူး ဆိုတာက တစ်ခြားတော့မရှိပါဘူး။ ရုပ်ကလေးက သူများတွေကို ချစ်စရာမကောင်းဘူး။ မျက်နှာအနေအထားက Sweet မဖြစ်ဘူး။ မလှဘူးဆိုတော့ ကိုယ့်ရဲ့မျက်နှာနဲ့လိုက်မဲ့ နည်းနည်း မိုက်တဲ့ဘက်၊ မာတဲ့ဘက်ကို သွားရတာပေါ့။ ကိုယ်က ရုပ်မလှတဲ့သူတစ်ယောက်ဆိုတော့ သူများတွေနဲ့မတူတဲ့ စတိုင်လ်မျိုးဖြစ်အောင် ကြိုးစားရတာပေါ့။ အခုနောက်ပိုင်း ပေါ်လာကြတဲ့ မော်ဒယ်လ်တွေဆို ကြည့်လိုက်ရင် မော်ဒယ်တွေ တော်တော်များလာကြတယ်။ နောက်ပြီး အရမ်းလည်းငယ်ကြတယ်။ အရမ်းလည်းလှကြပါတယ်။ ပြီးတော့ သူတို့လေးတွေကြည့်ရတာ တအားလည်း လူသိခံချင်ကြတာကို တွေ့ရပါတယ်။ သိပ်ပြီးပညာမစုံသေးကြတဲ့ အရွယ်လေးတွေဖြစ်နေတယ်။ ဒါပေမဲ့ အစ်မက ပညာစုံတယ်လို့ ကိုယ့်ကိုကိုယ် ပြောတာ မဟုတ်ဘူးနော်။ ပညာပိုတတ်ရင် ပိုပြီးပြည့်စုံတယ်။ ပိုကောင်းတာပေါ့လို့ပြောချင်တာပါ။ ကောင်မလေးတစ်ယောက် လှလို့ကြည့်လိုက်ရင် ဘာလုပ်လဲလို့ မေးလိုက်ရင် မော်ဒယ်လ်ဆိုတာချည်းပဲ ဖြစ်နေတယ်။ ရုပ်ချောတာလည်း ကောင်းတော့ကောင်းပါတယ်။ ဒါပေမဲ့ ရုပ်ချောတာထက် တကယ်တော်စေချင်တယ်။ လမ်းလျှောက်တာတို့၊ ဓာတ်ပုံရိုက်တဲ့အခါမှာ ပို့စ်ကောင်းကောင်းပေးတတ်ဖို့ ၊ လုပ်တတ်ဖို့က အရေးကြီးတယ်လို့ အစ်မကတော့မြင်ပါတယ်။’ လို့ သူမက ပြောပါတယ်။
Modelling မလုပ်ဖြစ်ရတဲ့အကြောင်းရင်းကိုတော့ သူမက ‘အစ်မက အသက်ကြီးသွားပြီ။ အခု၂၃နှစ်ရှိသွားပြီလေ။ အခုပေါ်လာကြတဲ့ မော်ဒယ်လ်လေးတွေက ငယ်ငယ်ချောချော လှလှလေးတွေ ချည်းပဲဆိုတော့ ငယ်ဂုဏ်ရှိတယ်။ ငယ်ရွယ်နုပျိုမှု မရှိတော့ဘူး။ ပြီးတော့ အစ်မရဲ့ ပုံစံက ဘယ်သူ့မှ၂၃နှစ်လို့ မထင်ကြဘူး။ ၂၃နှစ်ထက်မကတော့ဘူးလို့ပဲ ထင်ကြမှာ။ ကိုယ်က နဂိုကတည်းကိုက ရုပ်ရင့်တဲ့ထဲမှာပါတဲ့သူဆိုတော့ ပိုအသက်ကြီးလာလေ ပိုရုပ်ရင့်လာလေပဲဆိုတော့ တစ်ခြား ဘက်ရောက်သွားတာပေါ့။ အဲဒီ့တော့ အစ်မက မော်ဒယ်လ် အလုပ်ကို အပျော်ပဲလုပ်တော့တယ်။ ကိုယ့်ဘဝအတွက် အလုပ်တွေပဲ လုပ်နေတော့တယ်’တဲ့။
0 comments:
Post a Comment