လျော့ဖို့လိုလား ၊ တိုးဖို့လိုလား

    ဟိုတစ်နေ့က မြန်မာ ဂလိုဘယ်ပိုစ့် မှာ ဆောင်းပါးတစ်ပုဒ် ဖတ်လိုက်ရပါတယ်။ ဆောင်းပါးရှင် ကတော့
သူအမြင်ကို တင်ပြတာ ဖြစ်ပေမယ့် ဖတ်မိသူ ကျွန်တော် အနေနဲ့ဖြင့် စာဖတ်ရေး စာဖတ်တဲ့ ဆောင်းပါးရှင်
လို လူမျိုးတောင် ဒီအတွေး ရှိတယ်ဆို ကျန်တဲ့ ဗဟုသုတ နည်းတဲ့သူတွေ ရော ဘယ်လို ဖြစ်မလဲလို့တွေး
စရာ တွေက ခေါင်းထဲ ကို အလျှံအပါယ် ၀င်လာပါတော့တယ်။ဆောင်းပါး တစ်ခုလုံးတော့ ချေပသလို ပြန်
ပြောမနေတော့ပါဘူး.။ဆောင်းပါ ကတော့ ၈၈ ရဲ့ ၂၅ နှစ်မြောက် ငွေရတု ကိုဦးအောင်မင်း တက်ရောက်ရာကနေဆန့်ရေး ရင်း  မိကျောင်းမင်း ရေကင်းပြ တပ်မတော် ကြီးကိုတောင် အင်အားလျော့ချဖို့ လိုတယ်ဆိုတဲ့အထိတောင် ရောက်သွားပါလေရော။ဒါနဲ့ပတ်သတ်ပြီး တပ်မတော်ကို တကယ်အင်အားလျော့ချဖို့ လိုသလားဆိုတာ ဟာ စဉ်းစား စရာဖြစ်လာပါတော့တယ်။

          တပ်မတော် ဆိုတဲ့ စကားလုံး ဟာ နိုင်ငံတော် ရဲ့ လေထု ၊မြေထု ၊ ရေထု ဖို့ ကာကွယ်ရမည့် အဖွဲ့အစည်းလို့အဓိပ္ပယ်ဖွင့်ဆိုမယ် ဆိုလည်းမမှားဘူးလို့ထင်ပါတယ်။ပထမဆုံး ဦးဆုံး ကျွန်တော်တို့ မြန်မာ နိုင်ငံ တည်နေရာအနေအထား ကို သိကြဖို့လိုပါတယ်။မြန်မာ နိုင်ငံ ဟာ ပထ၀ီ အနေအထား အရ အရှေ့တောင်အာရှဒေသမှာ တည်ရှိပါတယ်။ မြန်မာ နိုင်ငံ နဲ့ နယ်နိမိတ်ချင်း ဆက်စပ် နေတဲ့ နိုင်ငံတွေ ကတော့ မြောက်ဘက် နဲ့ အရှေ့မြောက်ဘက်မှာ တရုတ် ၊ အရှေ့ဘက်မှာ လာအို နိုင်ငံ ၊ အရှေ့တောင်ဘက်မှာ ဆိုရင် ထိုင်းနိုင်ငံ၊အနောက်ဘက်မှာ ဘင်္ဂလားဒေ့ရ်ှနိုင်ငံ နဲ့ အနောက်မြောက်ဘက် မှာအိန္ဒိယ နိုင်ငံတို့တည်ရှိကြပါတယ်။မဟာဗျူဟာအနေအထားအရ မြင်ကြည့်မယ်ဆိုရင် မြန်မာ နိုင်ငံဟာ တောင်အာရှနဲ့အရှေ့တောင် အာရှအကြားတည်ရှိပြီး မြောက်ဘက် နဲ့ အရှေ့မြောက်ဘက်မှာ တရုတ်ပြည်သူ့သမ္မတ နိုင်ငံ ရှိပါတယ်။ဒါ့ထက် ပိုပြီး သတိထား ရမယ့် အချက်ကတော့ ကမ္ဘာပေါ်မှာ လူဦးရေ အများဆုံး ရှိတဲ့ နိုင်ငံ နှစ် နိုင်ငံဖြစ်တဲ့တရုတ် နဲ့ အိန္ဒိယ နိုင်ငံ ကြားမှာ တည်ရှိနေတာပဲ ဖြစ်ပါတယ်။ဘင်္ဂလား ဒေ့ရှ် နိုင်ငံဟာ ဆိုရင် မြန်မာနိုင်ငံထက် အကျယ်အ၀န်း အားဖြင့် ငါးဆ လောက်သေးငယ်ပေမယ့် လူဦးရေ အရ သုံးဆပိုများပြားထူထပ်နေတာကိုတွေ့နိုင်ပါတယ်။

           မြန်မာနိုင်ငံရဲ့ မြောက်ဘက်မှာ ရှိတဲ့ တရုတ်ပြည်ဟာ လှူုဦးရေ ၁၃၅၉ သန်း ကျော်ရှိပြီးတော့ အနောက်ဘက်ကအိန္ဒိယ နိုင်ငံမှာ ဆိုရင် ၁၂၃၂သန်း ကျော် ရှီပြီးတော့ အနောက်မြောက်ဘက်က ဘင်္ဂလားဒေ့ရ်ှမှာ လူဦးရေ သန်းပေါင်း၁၅၀ ကျော် ရှိပါတယ်။ဒီလို လူဦးရေထူထပ်လှတဲ့ နိုင်ငံကြီးများ ကြားက လူဦးရေ ၅၄ သန်းကျော်သာ ရှိတဲ့ မြန်မာ နိုင်ငံအတွက်ဘယ်လောက်တောင် ရင်လေးဖို့ကောင်းလဲ ဆိုတာ တွေးကြည့်ရုံ နဲ့ သိနိုင်ပါတယ်။ကမ္ဘာ့နိုင်ငံများထဲက ပိုလန်ကိုကြည့်ပါ ။အချင်းချင်းမညီညွတ်ကြတဲ့ အတွက်ကြောင့်ရယ် ၊ ခေတ်မီ တောင့်တင်းတဲ့ တပ်မတော် မရှိတာရယ်ကြောင့် အိမ်နီးနားချင်းတွေဖြစ်တဲ့ ရုရှား ၊ ပရပ်ရှား ၊ သြစတြေးလျား တို့က အမဲသား တုံး သလို အပိုင်းပိုင်းလှီးဖြတ်ပြီး ယူတာ ကို အကြိမ်ကြိမ်ခံခဲ့ရပါတယ်။ နိုင်ငံငယ်တိုင်း သူများ စော်ကားခံရမလား ဆိုတော့လဲ မဟုတ်သေးပါဘူး။သူများ ရန် စ မခံရဖို့အတွက် နိုင်ငံတစ်ခု အတွက် မရှိမဖြစ် လိုအပ်သည်မှာ စည်းလုံးညီညွတ်ရေး နဲ့ စစ်ရေးပြင်ဆင်ပြီးဆီးမှု တွေ ရှိဖို့လိုပါတယ်။ အစ္စရေး နဲ့ဆွစ်ဇာလန် နိုင်ငံတွေဟာ အကောင်းဆုံးသာဓက တွေဖြစ်ပါတယ်။အစ္စရေးမှာလူဦးရေ ၈ သန်းမျှကျော်မျှသာ ရှိပါတယ်။ ဒါပေမယ့် အာရပ်နဲ့စစ်ဖြစ်တိုင်း အစ္စရေးကသာ အနိုင်ရခဲ့သည်ချည်းပဲဖြစ်ပါတယ်။နှစ်နိုင်ငံလုံး သေငယ်ပေမယ့် ဒေါင်ဒေါင်မြည် ဒိတ်ဒိတ်ကြဲ များဖြစ်တာကြောင့် ဘယ်သူမှ စော်ကား အနိုင်ကျင့်တာ မခံရတာပဲဖြစ်ပါတယ်။နိုင်ငံ က သေးပြီး အချင်းချင်း မညီ ညွတ်ကြတဲ့ အခြေအနေအဖို့ သာ၍ပင် အန္တရာယ်ကြီးပါသည်။ဒါကြောင့် နိုင်ငံမြေပုံကို ဘိုးဘေးတွေထားခဲ့သလိုတည်မြဲနိုင်စေရေးအတွက်ခေတ်မီတပ်မတော်တစ်ရပ်ဟာ မရှိမဖြစ်လိုအပ်နေ တယ်ဆိုတဲ့ အချက်ဟာထင်ရှားသိသာနေစေတာပဲဖြစ်ပါတယ်။

         နောက်တစ်ချက်က အိမ်နီးချင်းနိုင်ငံဖြစ်တဲ့ ထိုင်းဟာ ဆိုရင် ယခင်က ကျွန်တော်တို့ ဘိုးဘေးဘီဘင်တွေ အောင်ပွဲခံခဲ့တဲ့နိုင်ငံ ပဲဖြစ်ပါတယ်။ နှစ် ၁၀၀ နီးပါး ကျွန်ပြုခံခဲ့ရတဲ့ နယ်ချဲ့ မျက်နှာဖြူတွေကိုကျွန်တော်တို့စိတ်နာကြသလိုသူတို့လဲပဲကျွန်တော်တို့အပေါ်စိတ်မနာဘူးဆိုရင်တောင်မျိုး တိုးမြက်တက်ကလေးတော့ ရှိမှာပဲလို့ တွေးဆကြည့်လိုက်ပါ.။၂၀၀၁ ခုနှစ် ဇန်န၀ါရီလ ၁၄ ရက်ဝန်ကျင်လောက်မှာ အိမ်နီးချင်း ထိုင်းနဲ့ဖြစ်ပျက်ခဲ့တဲ့ O7 တောင်ကုန်း ၊ ထိုင်း-မြန်မာ နယ်စပ်တင်းမာ မှုပေါက်ကွဲ ခဲ့တဲ့အဖြစ်အပျက်က အမြဲသတိထား စောင့်ကြည့်နေရမယ့် အိမ်နီးချင်း တစ်ယောက်ရှိနေတာဆိုတာကိုသတိပေးနေတာပဲဖြစ်တာနဲ့ တပြိုင်နက် ခေတ်မီတဲ့ တပ်မတော် တစ်ရပ်ကိုတည်ဆောက်ထားဖို့ လိုနေပြီ ဆိုတဲ့ အချက်လဲ ဖြစ်ပါတယ်။ဒါကြောင့် ခေတ်မီမျိုးချစ်တပ်မတော် တစ်ရပ်ရှိနေတာတောင်  အိန္ဒိယ နဲ့ နယ်စပ် စည်းရိုးကိစ္စ ၊ ဘင်္ဂလားဒေ့ရှ် နိုင်ငံ နဲ့  ရေပိုင်နက်အငြင်းပွား မှု ကိစ္စတွေဟာ မြန်မာပိုက်နက် နယ်မြေတွေ ကို သွေးတိုးစမ်း ချင်တဲ့ အစိတ်အပိုင်းတွေ ဖြစ်တယ်ဆိုတာ သတိရကြဖို့လိုပါတယ်။့် 

        ဒီလို လတ်တလော သွေးတိုးစမ်းချင်တဲ့ အခြေအနေမျိုးတွေ ရှိနေတာတောင်  တပ်မတော် ကို အင်အားလျော့ချဖို့ရေးသားတင်ပြလာတာကိုတွေ့ရတော့ (အမှန်အတိုင်းဝန်ခံရင်) အံ့သြဘနန်း ဖြစ်မိရင်းဖြင့် တပ်မတော် ကို အင်အားလျှော့ချဖို့ လိုသလား ၊ ထပ်မံအားဖြည့်ပြီးခေတ်မီ တဲ့မျိုးချစ်တပ်မတော်အဖြစ်ထားရှိဖို့လိုသလားဆိုတာစာဖတ်သူကိုယ်တိုင်တွေးတောဆင်ခြင်သုံးသပ်နိုင်ပါ ရန် တင်ပြဆွေးနွေးရပါတော့သည်။

 သားရွှေလူ