မြို့တော်ကွန်နာကရီတွင် ဂီနီပြည်သူ့ပါတီ (RPG) ထောက်ခံသူများက စက်တင်ဘာ ၂၆ ရက်က မဲဆွယ်မှု တစ်ခုတွင် ပါဝင်နေစဉ် (Photo:AFP)
မတည်မငြိမ် ဖြစ်ပွားခဲ့သော ဂီနီနိုင်ငံ၏ ဆယ်စုနှစ် တစ်ခုကျော်အတွင်း ပထမဆုံး ပါလီမန် ရွေးကောက်ပွဲများကို စက်တင်ဘာ ၂၈ ရက်တွင် ပထမဆုံးအကြိမ် ကျင်းပခဲ့ကြောင်း သိရသည်။
အမျိုးသား လွှတ်တော်တွင် အမတ်နေရာ ၁၁၄ နေရာအတွက် ကိုယ်စားလှယ်လောင်း ၁၇၀၀ ကျော်က ၀င်ရောက်ယှဉ်ပြိုင်မည် ဖြစ်သည်။ ၂၀၁၀ ပြည့်နှစ်တွင် စစ်တပ်အုပ်ချုပ်မှု အဆုံးသတ်ပြီးနောက် ဂီနီကို အုပ်ချုပ်လာခဲ့သော အသွင်ကူးပြောင်းရေး ပါလီမန်အစား ယင်းအမျိုးသား လွှတ်တော်က အစားထိုးမည် ဖြစ်သည်။
၂၀၁၀ ပြည့်နှစ်တွင် သမ္မတ အယ်လ်ဖာကွန်ဒီ ကျမ်းသစ္စာ ကျိန်ဆိုပြီးနောက် ခြောက်လအတွင်း ပါလီမန် ရွေးကောက်ပွဲ ကျင်းပရန် မူလက စီစဉ်ထားခဲ့သော်လည်း နိုင်ငံတွင်း အငြင်းပွားမှုများကြောင့် ကြိမ်ဖန်များစွာ ရွှေ့ဆိုင်းမှု ပြုလုပ်ခဲ့ရသည်။ ၁၉၅၈ ခုနှစ်တွင် ပြင်သစ်လက်အောက်မှ လွတ်မြောက်ပြီး ကတည်းက ဂီနီတွင် လူမျိုးရေး တင်းမာမှုများ ဖြစ်ပွားခဲ့သည်။
"ယခု ရွေးကောက်ပွဲဟာ ငါးနှစ်ကြာ အသွင်ကူးပြောင်းကာလမှာ ၀ရုန်းသုန်းကား အခြေအနေကနေ ကျွန်တော်တို့ကို လွတ်မြောက်စေမှာပါ" ဟု ကွန်ဒီက စက်တင်ဘာ ၂၇ ရက်တွင် ပြောကြားခဲ့သည်။ ယင်းရွေးကောက်ပွဲသည် သတ္တုရင်းမြစ် ပေါများသော ဂီနီအတွက် အကျိုးအမြတ်များ ပြည့်ဝစွာ ခံစားရမည့် ခေတ်သစ်ရောက်ရှိမည်ဟု အချက်ပြနေကြောင်း ကွန်ဒီက ဆိုသည်။
ယခု ရွေးကောက်ပွဲကို ၂၀၀၂ ခုနှစ်နောက်ပိုင်း ပထမဆုံး ဒီမိုကရေစီနည်းကျ အစစ်အမှန် ပါလီမန် ရွေးကောက်ပွဲအဖြစ် ယူဆထားကြသည်။ စစ်အာဏာရှင် လက်ထက်တွင် ကျင်းပခဲ့သော ၂၀၀၂ ခုနှစ် ရွေးကောက်ပွဲသည် အတိုက်အခံများ၏ သပိတ်မှောက်ခဲ့ကြပြီး အတုအယောင် ရွေးကောက်ပွဲအဖြစ် သတ်မှတ်ခဲ့ကြသည်။
သမ္မတကွန်ဒီ အစိုးရနှင့် ရွေးကောက်ပွဲ ကော်မရှင်က ရွေးကောက်ပွဲ မသမာမှု ပြုလုပ်မှုများအား တားဆီးရန် ပျက်ကွက်ခဲ့သည်ဟု အတိုက်အခံတို့က စွပ်စွဲထားကာ မြို့တော်ကွန်နာကရီတွင် ဆန္ဒပြခဲ့ကြသည်။ ယခုသီတင်းပတ် အစောပိုင်းအတွင်း ဆန္ဒပြသူများနှင့် လုံခြုံရေး တပ်ဖွဲ့များအကြား ပဋိပက္ခ ဖြစ်ပွားကာ ရဲတစ်ဦး သေဆုံးပြီး လူ ၇၀ ကျော် ဒဏ်ရာရခဲ့သည်။
Ref:AFP
0 comments:
Post a Comment