ဘ၀ကို အချိန်ဖြင့် တည်ဆောက်ရသည်။ အချိန်သည် ရပ်မနေသည့်အတွက် ဘ၀သည်လည်း ရပ်မနေဟု ဆိုနိုင်ပါလိမ့်မည်။ အချိန်တွေ တဖြည်းဖြည်း ရွေ့လာသည်နှင့် လူသား တစ်ယောက်သည်လည်း ဇရာ ပြောင်းလဲလာရသည်။ သို့သော် အချိန်အရ ပြောင်းလဲလာသည့် ဇရာနှင့်အတူ နေထိုင်မှု အဆင့်မြင့်စွာ လိုက်ပါပြောင်းလဲနိုင်ရေးမှာ ရုပ်ပိုင်း၊ စိတ်ပိုင်း ခွန်အားအကောင်းဆုံးကာလ လူငယ်ဘ၀တွင် အချိန်ကို အကျိုးရှိရှိ အသုံးချနိုင်ရေးသည် အခရာကျပါသည်။
ကမ္ဘာနှင့်ချီ ပြိုင်ဆိုင်မှုပြင်းထန်သည့် ၂၁ ရာစုတွင် ယနေ့ မြန်မာလူငယ်များအတွက် အချိန်နှင့် အမျှ ပညာရှာနိုင်ရေးသည် ပို၍ပင် အရေးကြီးလာပါသည်။ ဘ၀အခြေအနေ တိုးတက်ပြောင်းလဲနိုင်ရေး တွင် အခွင့်အရေးနှင့် စိန်ခေါ်မှုက လွန်ဆွဲနေသည်။ အချိန် အသုံးချမှန်ကန်လျှင် အခွင့်အရေးရမည် ဖြစ်သကဲ့ သို့ အချိန်အသုံးချ လွဲချော်သည်နှင့် ဘ၀ရှုံးမည်ဖြစ်သည်။
ယနေ့လူငယ်များ၏ အချိန်ကို ကမ္ဘာလုံးချီဖျော်ဖြေရေးများက စိန်ခေါ်နေပါသည်။ ကမ္ဘာကြီးကို လက်ဝါး ပေါ်တင်ပေးလိုက်သည့် အင်တာနက် နည်းပညာသည် မီးစတစ်ဖက် ရေမှုတ်တစ်ဖက်ဖြင့် အကောင်း အဆိုး ဒွန်တွဲပါလာသည်။ အင်တာနက်ဖြင့် ပညာမျက်စိဖွင့်မည်လော၊ သို့မဟုတ် အင်တာနက်ဖြင့် ဇိမ်ခံ ကြမည်လော။ ယနေ့လူငယ်များ ကိုယ့်ကိုယ်ကိုယ် မေးခွန်းထုတ်ရပါလိမ့်မည်။ ထိုသို့ မေးခွန်းထုတ်လိုက် သည်နှင့် စိတ်ကိုယ်ထိန်းချုပ် မောင်းနှင်နိုင်သူများ ဘ၀ကို အနိုင်ယူနိုင်မည်လည်း ဖြစ်ပါသည်။ စိတ်ကိုနိုင် လျှင် ဘ၀ကိုနိုင်သည်ဟု ဆိုချင်ပါသည်။
၂၀၁၃ ခုနှစ် နှစ်လယ်ပိုင်းအထိ အကြမ်းဖျင်းတွက်ချက်မှုများအရ မြန်မာနိုင်ငံတွင် အင်တာနက်အသုံးပြု သူ တစ်သန်းရှိပြီး ယင်းတွင် Facebook (လူမှုကွန်ရက်) အသုံးပြုသူ ရှစ်သိန်းခန့်ဟု ဆိုထားသည်။ ယနေ့ကာလဆိုလျှင် အင်တာနက်၊ Facebook အသုံးပြုမှုသည် ထို့ထက်နှစ်ဆကျော် နေနိုင်ပါသည်။
အင်တာနက်အသုံးပြုမှုတွင် လူငယ်ထု အများဆုံးဖြစ်နေ ရာ အင်တာနက်၊ လူမှုကွန်ရက်များတွင် အချိန် များစွာပေးနေကြရသည့်အတွက် အသုံးချမှားနေပါက အချိန်က ၀ါးမြိုသွားရုံသာ အဖတ်တင်ပါလိမ့်မည်။
သတိထားရန်မှာ လိုတာရနိုင်သော အင်တာနက်မှ ဘ၀အတွက် မလိုအပ်သည့် အရာများလည်း ရှိနေရာ အန္တရာယ်ကို ရှောင်ရှားနိုင်ရန် အရေးကြီးပါသည်။ ယနေ့ခေတ် မြန်မာဆယ်ကျော်သက် လူငယ်များ အတွက် ကံကောင်း ထောက်မစွာ ချိန်ခါသင့်ရရှိလာသည့် ဒီမိုကရေစီအပြောင်းအလဲတွင် အရာရာကို ကမ္ဘာကြည့် ကြည့်နိုင်ခွင့်လည်း ရလာသည်။ ထိုသို့သောအခြေအနေတွင် အချိန်ကို ကောင်းစွာ စီမံခန့် ခွဲပြီး၊ ကမ္ဘာနှင့်အပြိုင် ပြေးနိုင်ဖို့ အစွမ်းကုန်ကြိုးစား ကြရပါလိမ့်မည်။ မဟုတ်လျှင် အနာဂတ်တွင် နောင် တဆိုးများဖြင့် သံသရာလည် နေနိုင်ပါသည်။
ဒီမိုကရေစီ အကူးအပြောင်းကာလ မျက်နှာပန်းလှလာသည့် မြန်မာနိုင်ငံသည် စီးပွားရေးဖွံ့ဖြိုးမှု မျှော်လင့် ချက်ကောင်းများ ရှိလာသည်။ နိုင်ငံတကာက မျက်စေ့ကျနေသည့်အချိန်တွင် အိမ်ရှင်နိုင်ငံအတွက် အစစ အရာရာ ပြင်ဆင်ရမည်တွင် ယနေ့လူငယ်များသည် အရေးကြီးကဏ္ဍက ပါဝင်နေသည်။
အတိတ်ကို ပြန်ကြည့်လျှင် မြန်မာနိုင်ငံအဖို့ အရာရာတွင် ကမ္ဘာ့နောက်ကျ ခဲ့ရသည်။ ယနေ့မြန်မာလူငယ် များအနေဖြင့် လက်ရှိ နိုင်ငံရေး၊ စီးပွားရေး အပြောင်းအလဲ အခွင့်အလမ်းများမှသည် အချိန်နှင့်တစ်ပြေးညီ ကမ္ဘာနှင့်ယှဉ်ကာ ကြိုးစားမှသာ နိုင်ငံကို ကယ်တင်နိုင်ပါလိမ့်မည်။ အနာဂတ်နိုင်ငံတိုင်းကို ယနေ့ လူ ငယ်များက ပြောင်းလဲပါသည်။ သို့သော် အပြောင်းအလဲတွင်လည်း အဆိုး အကောင်းနှင့် အနိမ့်အမြင့် များ ရှိနေပါသည်။ ထို့အတွက် ဘ၀အချိန်မနှောင်းမီ ကြိုးစားပညာရှာကြရန်နှင့် အနာဂတ်ကိုမျှော်တွေး ကြည့်ရန် ယနေ့လူငယ်များကို မေတ္တာရပ်ခံလိုပါသည်။
0 comments:
Post a Comment