တိုက်ပွဲအပြင်းအထန် ဖြစ်ပွားပြီးနောက် အာဏာသိမ်းမှုကို နှိမ်နင်းနိုင်ခဲ့ကြောင်း တောင်ဆူဒန်သမ္မတ ပြောကြား

Wednesday, 18 December 2013


ဒီဇင်ဘာ ၁၄ ရက်တွင် ဆူဒန်မှနေ၍ တောင်ဆူဒန်သို့ ပြန်လည်သွားရောက်ရန် ပြင်ဆင်နေသော တောင်ဆူဒန်ဒေသခံများ (Photo:AFP)

ကမ္ဘာ့သက်တမ်း အနုဆုံးဖြစ်သည့် တောင်ဆူဒန်နိုင်ငံ၏ မြို့တော်တွင် နှစ်ဖက်တပ်များအကြား တစ်ညလုံး တိုက်ပွဲအပြင်းအထန် ဖြစ်ပွားခဲ့ပြီးနောက် အာဏာသိမ်းရန် ကြိုးပမ်းမှုတစ်ရပ်ကို အောင်မြင်စွာ နှိမ်နင်းနိုင်ခဲ့ကြောင်း တောင်ဆူဒန်သမ္မတက ဒီဇင်ဘာ ၁၇ ရက်တွင် ကြေညာခဲ့သည်။

ညသန်းခေါင်ယံအချိန် မတိုင်မီကလေးတွင် မြို့၏အလယ်ဗဟိုနှင့် အလွန်နီးကပ်သော နေရာတွင်ရှိသည့် စစ်တန်းလျားတစ်ခုအတွင်း တိုက်ပွဲစတင် ဖြစ်ပေါ်ခဲ့သည်ဟု သံတမန်များနှင့် မျက်မြင်သက်သေများက ပြောကြားခဲ့သည်။ တိုက်ပွဲဖြစ်ပွားရာတွင် လက်နက်ကြီးများနှင့် စက်သေနတ်များကို အသုံးပြုခဲ့သည်ဟု ဆိုသည်။

ကြောက်လန့်နေသည့် ရာပေါင်းများစွာသော အရပ်သားများသည် ကုလသမဂ္ဂ အဆောက်အအုံ တစ်ခုအတွင်းသို့ ပြေးဝင်ခိုလှုံ ခဲ့ကြသောကြောင့် ကုလသမဂ္ဂက တိုက်ပွဲဖြစ်ပွားမှုအပေါ် လွန်စွာစိုးရိမ်မိကြောင်း ပြောကြားခဲ့သည်။

တောင်ဆူဒန်မြို့တော် တစ်လွှားတွင် နေထိုင်ကြသူများအနက် အချို့သည် အိမ်တံခါးများ အလုံပိတ်လျက် ပုန်းအောင်းနေကြပြီး အချို့က ဘေးလွတ်ရာ နေရာများသို့ ထွက်ပြေးရန် ကြိုးပမ်းနေကြကြောင်း အေအက်ဖ်ပီ သတင်းထောက်တစ်ဦးက သတင်းပေးပို့ခဲ့သည်။ ပြဿနာမျိုးစုံဖြင့် ရုန်းကန်နေရသော တောင်ဆူဒန်နိုင်ငံတွင် ယခုဖြစ်ပွားခဲ့သည့် နောက်ဆုံးအကြမ်းဖက်မှုသည် ယင်းနိုင်ငံ၏ အလွန်စိုးရိမ်ဖွယ် အနေအထားကို စောင့်ကြည့်နေသော အမေရိကန် အစိုးရအား အကြီးအကျယ် သတိပေး နှိုးဆော်လိုက်ခြင်းလည်း ဖြစ်သည်။

ယခုတိုက်ခိုက်မှုအတွက် ဒုတိယသမ္မတ ဟောင်းရိတ်မာချာ၏ သစ္စာခံ တပ်ဖွဲ့ဝင်များကို တောင်ဆူဒန်သမ္မတ ဆယ်လ်ဗာကားက အပြစ်တင်ခဲ့သည်။ မာချာသည် ဇူလိုင်လတွင် အစိုးရအဖွဲ့မှ ထုတ်ပယ်ခံခဲ့ရသူ ဖြစ်သည်။ မာချာက သူ့အတွက် တရားမျှတမှု ရရှိအောင် ပြုလုပ်မည်ဟု ကတိပြု ကြွေးကြော်ထားသူလည်း ဖြစ်သည်။

ဆူဒန်သမ္မတက ရုပ်မြင်သံကြားမှတစ်ဆင့် ပြည်သူများသို့ မိန့်ခွန်းပြောကြားရာတွင် "သင်တို့ရဲ့ အစိုးရက ဂျူဘာမှာ လုံခြုံရေး အခြေအနေတွေကို အပြည့်အ၀ ထိန်းချုပ်ထားပါတယ်။ တိုက်ခိုက်သူတွေ ထွက်ပြေးသွားပြီး သင်တို့ရဲ့တပ်တွေက လိုက်လံချေမှုန်းနေပါတယ်။ တရားမျှတမှုသာ လွှမ်းမိုးရမယ်လို့ ကျွန်ုပ်သင်တို့ကို ကတိပေးပါတယ်" ဟုဆိုသည်။ သူက ညမထွက်ရ အမိန့်ကို ညနေ ၆ နာရီမှ နံနက် ၆ နာရီထိ ထုတ်ပြန်ထားကြောင်းနှင့် နောက်ထပ်အမိန့်များ မထုတ်ပြန်ခင်အထိ ယင်းအတိုင်း ဆက်လက်တည်ရှိနေဦးမည် ဖြစ်ကြောင်းလည်း ကြေညာခဲ့သည်။ မြို့အတွင်း၌ ရှိနေသော သံတမန်တစ်ဦးက သမ္မတတပ်များသည် အဓိက လမ်းဆုံများ၌ နေရာယူထားကြောင်းနှင့် ဂျုဘာလေဆိပ်ကို ပိတ်ထားကြောင်း ပြောကြားခဲ့သည်။

Ref:AFP

Read More

ပြည်ထောင်စုလွှတ်တော်နာယက သူရဦးရွှေမန်း အာဆီယံအတွင်းရေးမှူးချုပ်ရုံးသို့ သွားရောက်

Wednesday, 18 December 2013



ပြည်ထောင်စုလွှတ်တော်နာယက သူရဦးရွှေမန်းနှင့် အာဆီယံအတွင်းရေးမှူးချုပ်ရုံး အဆင့်မြင့်အရာရှိများ တွေ့ဆုံစဉ်

အင်ဒိုနီးရှားနိုင်ငံသို့ ချစ်ကြည်ရေးခရီး သွားရောက်ခဲ့သည့် ပြည်ထောင်စုလွှတ်တော်နာယက သူရဦးရွှေမန်းနှင့် ကိုယ်စားလှယ်အဖွဲ့သည် ဒီဇင်ဘာ ၁၇ ရက်တွင် ဂျကာတာမြို့ရှိ အာဆီယံအတွင်းရေးမှူးချုပ်ရုံးသို့ သွားရောက်လေ့လာခဲ့ကြောင်း အာဆီယံအတွင်းရေးမှူးချုပ်ရုံး၏ သတင်းထုတ်ပြန်ချက်အရ သိရသည်။

သူရဦးရွှေမန်းနှင့် ကိုယ်စားလှယ်အဖွဲ့ကို အာဆီယံ အတွင်းရေးမှူးချုပ်ကိုယ်စား ဒုတိယအတွင်းရေးမှူးချုပ် ဦးဥာဏ်လင်းနှင့် အာဆီယံအတွင်းရေးမှူးချုပ်ရုံး အဆင့်မြင့်အရာရှိများက ကြိုဆိုခဲ့ကြသည်။

သူရဦးရွှေမန်းနှင့် ကိုယ်စားလှယ်အဖွဲ့သည် အင်ဒိုနီးရှားနိုင်ငံသို့ ရောက်ရှိစဉ်ကာလအတွင်း အာဆီယံအတွင်းရေးမှူးချုပ်ရုံးသို့ ခေတ္တသွားရောက် လည်ပတ်ခဲ့ခြင်းဖြစ်သည်။ အဆိုပါအဖွဲ့သည် အင်ဒိုနီးရှားနိုင်ငံနှင့် ကမ္ဘောဒီးယားနိုင်ငံများသို့ သွားရောက်လည်ပတ်ရန်အတွက် ဒီဇင်ဘာ ၁၆ ရက်တွင် မြန်မာနိုင်ငံမှ ထွက်ခွာသွား . . .


ထို့နောက် ဦးဥာဏ်လင်းက အာဆီယံအတွင်းရေးမှူးချုပ်ရုံး၏ ဖွဲ့စည်းပုံနှင့် ၂၀၁၅ အာဆီယံအသိုက်အမြုံ မျှော်မှန်းချက်များအကြောင်းကို ရှင်းလင်းခဲ့ကြောင်း သိရသည်။

သူရဦးရွှေမန်းနှင့် ကိုယ်စားလှယ်အဖွဲ့သည် အင်ဒိုနီးရှားနိုင်ငံသို့ ရောက်ရှိစဉ်ကာလအတွင်း အာဆီယံအတွင်းရေးမှူးချုပ်ရုံးသို့ ခေတ္တသွားရောက် လည်ပတ်ခဲ့ခြင်းဖြစ်သည်။ အဆိုပါအဖွဲ့သည် အင်ဒိုနီးရှားနိုင်ငံနှင့် ကမ္ဘောဒီးယားနိုင်ငံများသို့ သွားရောက်လည်ပတ်ရန်အတွက် ဒီဇင်ဘာ ၁၆ ရက်တွင် မြန်မာနိုင်ငံမှ ထွက်ခွာသွားခြင်း ဖြစ်သည်။ ထိုသို့ သွားရောက်ရာတွင် သူရဦးရွှေမန်းနှင့်အတူ ပြည်သူ့လွှတ်တော် အားကစား၊ ယဉ်ကျေးမှုနှင့် ပြည်သူ့ဆက်ဆံရေး ဖွံ့ဖြိုးတိုးတက်မှုကော်မတီ ဥက္ကဋ္ဌ သူရဦးအေးမြင့်၊ နိုင်ငံတကာဆက်ဆံရေးကော်မတီ ဥက္ကဋ္ဌ ဦးလှမြင့်ဦး၊ ရင်းနှီးမြှုပ်နှံမှုနှင့် စက်မှုလက်မှု ဖွံ့ဖြိုးတိုးတက်ရေး ကော်မတီဥက္ကဋ္ဌ ဦးဌေးမြင့်၊ ပြည်သူ့ငွေစာရင်းကော်မတီ အတွင်းရေးမှူး ဦးမောင်တိုး၊ ပြည်သူ့ရေးရာ စီမံခန့်ခွဲမှုကော်မတီ အတွင်းရေးမှူး ဦးတင်မောင်ဦး၊ အစိုးရ၏အာမခံချက်များ ကတိများနှင့် တာဝန်ခံချက်များ စိစစ်ရေးကော်မတီအဖွဲ့ဝင် ဦးဝင်းသန်းနှင့် လွှတ်တော်ရုံးမှ တာဝန်ရှိသူများ လိုက်ပါသွားခဲ့သည်။

မြန်မာနိုင်ငံသည် ၂၀၁၄ ခုနှစ်တွင် အာဆီယံအလှည့်ကျ ဥက္ကဋ္ဌတာဝန်ကို ထမ်းဆောင်မည်ဖြစ်ပြီး အာဆီယံနိုင်ငံများအကြား လွှတ်တော်ဆိုင်ရာ ပူးပေါင်းဆောင်ရွက်မှုများကိုလည်း တိုးမြှင့်ဆောင်ရွက်ရန် ရှိနေသည်။

EMG

Read More

ဂျပန်နိုင်ငံ ခရီးစဉ်မှ သမ္မတဦးသိန်းစိန် ပြန်လည်ရောက်ရှိ

  Wednesday, 18 December 2013


ဂျပန်ခရီးစဉ်မှ ပြန်လည်ရောက်ရှိလာသည့် သမ္မတ ဦးသိန်းစိန်အား ရန်ကုန်လေဆိပ်၌ တွေ့ရစဉ်

ဂျပန်နိုင်ငံတွင် ပြုလုပ်သည့် အာဆီယံ-ဂျပန် ဆက်ဆံရေး နှစ်(၄၀)ပြည့် ထိပ်သီးဆွေးနွေးပွဲ တက်ရောက်ပြီးနောက် ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးသိန်းစိန်သည် ဂျပန်နိုင်ငံမှ ဒီဇင်ဘာ ၁၇ ရက်၊ ညနေ ၅ နာရီအချိန်ခန့်တွင် ရန်ကုန်အပြည်ပြည်ဆိုင်ရာ လေဆိပ်သို့ ပြန်လည်ရောက်ရှိလာခဲ့သည်။

နိုင်ငံတော်သမ္မတ ဦးသိန်းစိန်သည် ဂျပန်နိုင်ငံသို့ ရောက်ရှိနေစဉ်အတွင်း ဂျပန်နိုင်ငံရှိ မြို့များသို့လည်း သွားရောက်လည်ပတ်ခဲ့ပြီး ဂျပန်စီးပွားရေး လုပ်ငန်းရှင်များအား မြန်မာနိုင်ငံတွင် ရင်းနှီးမြှုပ်နှံ ပြုလုပ်ရန် တိုက်တွန်းပြောကြားသည်။

သမ္မတဦးသိန်းစိန် ဦးဆောင်သည့် ကိုယ်စားလှယ်အဖွဲ့သည် ဂျပန်နိုင်ငံမှ ရန်ကုန်လေဆိပ်သို့ ပြန်လည်ရောက်ရှိချိန်တွင် "အဓိကကတော့ ကျွန်တော်တို့နိုင်ငံမှာ လူသားအရင်းအမြစ်တွေ ရှိတယ်။ သဘာဝ သယံဇာတတွေ ရှိတယ်။ ဂျပန်မှာ နည်းပညာ ရှိတယ်။ သဘာဝ ပတ်ဝန်းကျင် အနည်းဆုံးနဲ့ စက်မှုလုပ်ငန်းတွေကို လုပ်ဆောင်နိုင်မယ့် နည်းလမ်းတွေ ရှိတယ်။ ဒါတွေကို ပေါင်းစပ်လိုက်မယ်ဆိုရင် စက်မှုထုတ်ကုန် ကဏ္ဍတွေမှာ လုပ်မယ်။ ပြီးတော့ အခြေခံ အဆောက်အအုံ၊ နောက်တစ်ခါ လျှပ်စစ်ဓာတ်အား ထုတ်လုပ်မှု ဂျပန်မှကျတော့ ကျောက်မီးသွေးကနေ လျှပ်စစ်ဓာတ်အား ထုတ်လုပ်တာတွေ ရှိတယ်။ ဒါပေမဲ့ ပတ်ဝန်းကျင် ထိခိုက်မှု လုံးဝမရှိဘူး။ အဲဒီနည်းတွေနဲ့ ဒီမှာလျှပ်စစ်ဓာတ်အား ထုတ်လုပ်တာတွေ လုပ်နိုင်တယ်" ဟု သမ္မတ၏ ပြောရေးဆိုခွင့်ရှိသူ ဦးရဲထွဋ်က မီဒီယာများ၏ မေးမြန်းမှုကို ပြန်လည်ဖြေကြားခဲ့သည်။

ထို့အပြင် သမ္မတဦးသိန်းစိန်သည် ဂျပန်နိုင်ငံသို့ ရောက်ရှိနေချိန်တွင် ဆူဇူကီး ကားပြခန်းနှင့် ကားထုတ်လုပ်မှု စက်ရုံနှင့် တိုယိုတာ ကားထုတ်လုပ်မှု စက်ရုံသို့လည်း သွားရောက်ကြည့်ရှု လေ့လာခဲ့ကြောင်း သိရသည်။

Read More

NSA သည် ဖုန်းအချက်အလက်များကို တရားမ၀င် စုဆောင်းခဲ့ခြင်း ဖြစ်နိုင်သည်ဟု အမေရိကန် တရားသူကြီး ပြောကြား

Wednesday, 18 December 2013



Photo:AP

အမေရိကန် တရားသူကြီး တစ်ဦးက အမျိုးသားလုံခြုံရေး အေဂျင်စီ (NSA) သည် ဖုန်းအချက်အလက် များစွာတို့ကို တရားမ၀င် စုဆောင်းခဲ့ခြင်း ဖြစ်နိုင်ကြောင်း ဒီဇင်ဘာ ၁၇ ရက်တွင် ပြောကြားခဲ့သည်။ NSA သည် ဖွဲ့စည်းပုံအုပ်ချုပ်ပုံ အခြေခံဥပဒေနှင့် မညီဘဲ အရပ်သားတို့၏ ပုဂ္ဂလိက လုံခြုံမှုအခွင့်အရေးကို ချိုးဖောက်ခဲ့ခြင်း ဖြစ်နိုင်သည်ဟု ၎င်းကပြောကြားခဲ့ရာ NSA အတွက် ပထမဆုံး ထိုးနှက်ခံရမှု ဖြစ်လာခဲ့သည်။

ဝါရှင်တန်မှ ဖက်ဒရယ် တရားသူကြီး၏ အဆိုပါ ဆုံးဖြတ်ချက်ကို အတည်မပြုနိုင်သေးဘဲ အယူခံကို စောင့်ဆိုင်းနေရဆဲ ဖြစ်သော်လည်း ယင်းအချိန်အတွင်း NSA အနေဖြင့် လူသန်းပေါင်းများစွာတို့၏ ဖုန်းခေါ်ဆိုမှုများကို တရားမ၀င် စုဆောင်းခြင်း မပြုနိုင်အောင် တားမြစ်ထားသည့်သဘော ဆောင်နေသည်။

တရားသူကြီး၏ ယခုဆုံးဖြတ်ချက်သည် နောက်ဆုံးဆုံးဖြတ်ချက် မဟုတ်သေးသော်လည်း NSA ၏ တစ်ကမ္ဘာလုံးဆိုင်ရာ စောင့်ကြည့်ရေး ကွန်ရက်ကို ဥပဒေအရ စိန်ခေါ်မှုများ တသီတတန်းကြီး ပေါ်ထွက်လာစေမည့် အစပြုမှု တစ်ရပ်အတွက် အစိုးရအနေဖြင့် ခိုင်ခိုင်မာမာ ပြင်ဆင်ထားရန် တပ်လှန့်လိုက်ခြင်း ဖြစ်သည်။

ယခု ဆုံးဖြတ်ချက်သည် NSA ၏ ဖုန်းနှင့်အင်တာနက် သူလျှိုလုပ်မှုများကို ဖော်ထုတ်ခဲ့သူ အက်ဒ၀ပ်စနိုးဒင် အပေါ်၌လည်း သက်ရောက်မှု ရှိမည်ဖြစ်ရာ စနိုးဒင်သည် နိုင်ငံအပေါ် လုံခြုံရေးဆိုင်ရာ အန္တရာယ်ကျရောက်စေသည့် သစ္စာဖောက်တစ်ဦး မဟုတ်တော့ဘဲ တရားဝင် နည်းလမ်းအရ လက်လှမ်းမမီနိုင်သည်များကို ဖွင့်ချခဲ့သူတစ်ဦးအဖြစ် အဓိပ္ပာယ် သက်ရောက်လာမည်ဖြစ်သည်။

အမေရိကန်ခရိုင်ရုံး တရားသူကြီး ရစ်ချက်လီယွန်က "နိုင်ငံသား တစ်ဦးချင်းစီနှင့် ပတ်သက်တဲ့ ပုဂ္ဂိုလ်ရေးဆိုင်ရာ အချက်အလက်တွေကို စနစ်တကျ နည်းပညာ အဆင့်မြင့်မြင့်နဲ့ စုဆောင်းရယူမှုထက်ပိုတဲ့ တစ်ဖက်သတ် ကျူးကျော်စော်ကားတာနဲ့ တရားမျှတမှု မရှိတာမျိုး ကျွန်တော်စဉ်းစားလို့တောင် မရပါဘူး" ဟု ပြောကြားခဲ့သည်။

အမေရိကန်ပြည်ထောင်စုကို ထူထောင်သူ တစ်ဦးဖြစ်ပြီး အမေရိကန် ဖွဲ့စည်းအုပ်ချုပ်ပုံ အခြေခံဥပဒေကို ရေးဆွဲသူများထဲတွင် ပါဝင်သူတစ်ဦးဖြစ်သည့် ဂျိမ်းမက်ဒီဆင် အနေဖြင့် အစိုးရ၏ အရပ်သား အခွင့်အရေးများ ချိုးဖောက်မှုကို သိရှိပါက အကြီးအကျယ် အံ့အားသင့်လိမ့်မည်ဖြစ်ကြောင်း လီယွန်က အခိုင်အမာ ပြောကြားခဲ့သည်။

အကြမ်းဖက်မှု အစီအစဉ်များကို ဖော်ထုတ်ရန် လိုအပ်ချက်အတွက် ယင်းကဲ့သို့ အချက်အလက်များ စုဆောင်းခဲ့ရပါသည်ဟူသော အမေရိကန်အစိုးရ၏ အခိုင်အမာ ပြောကြားချက် အပေါ်၌လည်း လီယွန်က ဝေဖန်ပြောကြားခဲ့သည်။ သူက "NSA ရဲ့ အလွန်များပြားလှတဲ့ အချက်အလက် စုဆောင်းမှုတွေကို သုံးသပ်ခြင်းကနေ လုပ်ဆောင်လုဆဲဆဲ ဖြစ်နေတဲ့ တိုက်ခိုက်မှုတစ်ရပ်ကို အမှန်တကယ် တားဆီးနိုင်ခဲ့ပါတယ် ဆိုတာမျိုး၊ ဒါမှမဟုတ် သဘောသဘာဝအရ အချိန်နောက်ကျလို့ မရတဲ့ ရည်မှန်းချက် တစ်ရပ်ကို ရယူနိုင်ဖို့ အစိုးရကို အထောက်အကူ ပြုခဲ့တယ် ဆိုတာမျိုးကို အစိုးရအနေနဲ့ ဥပမာလေး တစ်ခုတောင်မှ အတိအကျ မပြနိုင်ပါဘူး" ဟုလည်း ရေးသားဖော်ပြခဲ့သည်။ ယင်းကိစ္စနှင့် ပတ်သက်၍ အေအက်ဖ်ပီ သတင်းဌာနက NSA သို့ ဆက်သွယ်မေးမြန်းရာတွင် မှတ်ချက်ပေးရန် ငြင်းဆန်ခဲ့ပြီး အမေရိကန် တရားရေး ဌာနကမူ တရားသူကြီး ဆုံးဖြတ်ချက်အား စစ်ဆေးနေဆဲသာဖြစ်ကြောင်း ဖြေကြားခဲ့သည်။

Ref:AFP

Read More

မြောက်ကိုရီးယား စစ်တပ်နှင့် ပါတီက ကင်ဂျုံအွန်အပေါ် သစ္စာရှိပါမည်ဟု ကတိပြု

Wednesday, 18 December 2013



ဒီဇင်ဘာ ၁၇ ရက်က ပြုံယမ်းတွင်ပြုလုပ်သည့် ကင်ဂျုံအီကွယ်လွန်မှု နှစ်နှစ်ပြည့် အခမ်းအနားကို တက်ရောက်နေသော စစ်ဘက်ဆိုင်ရာ အရာရှိများကို တွေ့မြင်ရစဉ် (Photo:AP)

မြောက်ကိုရီးယားနိုင်ငံ တည်ငြိမ်ရေးနှင့် ပတ်သက်၍ စိုးရိမ်မှုများ ကြီးထွားလာနေချိန်တွင် မြောက်ကိုရီးယားခေါင်းဆောင် ကင်ဂျုံအီ ကွယ်လွန်ခဲ့သည့် ဒုတိယမြောက် နှစ်ပတ်လည်နေ့ အခမ်းအနားကို ဒီဇင်ဘာ ၁၇ ရက်တွင် ကျင်းပခဲ့ရာ စစ်ဘက်နှင့်ပါတီမှ အဆင့်မြင့်ခေါင်းဆောင်များက ကင်ဂျုံအွန်အပေါ် အပြည့်အ၀ သစ္စာရှိပါမည်ဟု ကတိပြုခဲ့ကြကြောင်း သိရသည်။ အသက်ငယ်ရွယ်သောခေါင်းဆောင် ကင်ဂျုံအွန်သည် သူ၏ဦးလေးလည်းဖြစ်၊ နိုင်ငံရေး အကြံပေးလည်းဖြစ်သူ ဂျန်ဆောင်သက်ကို လွန်ခဲ့သည့် သီတင်းပတ်အတွင်းက သတ်ဖြတ်ခဲ့ပြီးနောက် ကင်ဂျုံအွန်၏ ဖခင်နှင့် နိုင်ငံအကြီးအကဲဟောင်း ကင်ဂျုံအီကို ဂုဏ်ပြုသည့် တွေ့ဆုံပွဲတစ်ရပ်ကို မြို့တော်ပြုံယမ်း၌ ကျင်းပခဲ့ရာတွင် စစ်ဘက်နှင့် ပါတီခေါင်းဆောင်များက သစ္စာဆိုမှု ပြုလုပ်ခဲ့ခြင်း ဖြစ်သည်။

ဂျန်သတ်ဖြတ်ခံရမှုက ပြုံယမ်းအစိုးရအဖွဲ့ ထိပ်ပိုင်းအတွင်း အကွဲအပြဲများ ဖြစ်ပေါ်စေနိုင်သည်ဟူသော စိုးရိမ်မှုများ မြင့်တက်လာပြီး နျူကလီးယားလက်နက် ပိုင်ဆိုင်သော မြောက်ကိုရီးယားက ရန်စသည့်လုပ်ရပ်များ ပြုလုပ်လာနိုင်သည်ဟု တောင်ကိုရီးယားနှင့် အမေရိကန်တို့က စိုးရိမ်နေကြသည်။

နိုင်ငံပိုင် ရုပ်မြင်သံကြားမှ ထုတ်လွှင့်ပြသရာတွင် ကင်ဂျုံအွန် စင်မြင့်ထက် နေရာယူလိုက်စဉ် အားလုံးမတ်တတ်ရပ်ကာ နှုတ်ဆက်သြဘာပေးသံများ မိုးချုန်းသကဲ့သို့ ထွက်ပေါ်မလာမီ သိန်းနှင့်ချီသော စစ်ဘက်နှင့် ပါတီဘက်ဆိုင်ရာ အရာရှိများသည် အပ်ကျသံပင် ကြားရလောက်အောင် တိတ်ဆိတ်စွာထိုင်လျက် မိနစ်ပေါင်းများစွာကြာ မျက်နှာထားတင်းတင်းဖြင့် ရှိနေခဲ့ကြပုံကို တွေ့မြင်ရသည်။ ဂြိုဟ်တုတစ်လုံးအား ဂြိုဟ်ပတ်လမ်းကြောင်းအတွင်းသို့ အောင်မြင်စွာ လွှတ်တင်နိုင်ခဲ့ခြင်းနှင့် အင်အားအကြီးဆုံး နျူကလီးယား စမ်းသပ်မှု ပြုလုပ်နိုင်ခဲ့ခြင်းတို့ကို ရည်ညွှန်းလျက် မြောက်ကိုရီးယား၏ ဟန်ပြနိုင်ငံ အကြီးအကဲ ကင်ယုံနမ်က ကင်ဂျုံအွန်လက်ထက်တွင် ကြီးမားသော အောင်မြင်မှုနှစ်ရပ် ရရှိခဲ့သည်ဟု ချီးကျူးပြောကြားခဲ့သည်။

Ref:AFP

Read More

မန်စီမြို့နယ်၌ ကေအိုင်အေလက်နက်ကိုင် အဖွဲ့က ဒီဇင်ဘာ ပထမလ၀က်အတွင်း လူ ၅၁ ဦး ဖမ်းဆီးခေါ်ဆောင်သွားပြီး ယနေ့အထိ ပြန်လွတ်လာခြင်း မရှိသေး

Wednesday, 18 December 2013



ကချင်ပြည်နယ် စည်းခမ်းကြီးကျေးရွာ ဘုန်းကြီးကျောင်းဝန်းတွင် စာသင်နေသော ကောင်လွင်ရွာမှ မူလတန်း ကလေးငယ်များ

ကချင်ပြည်နယ်၊ မန်စီမြို့နယ်အတွင်း ဒီဇင်ဘာ ၄ ရက်မှစပြီး ဒီဇင်ဘာ ၁၃ ရက်အထိ ကေအိုင်အေလက်နက်ကိုင် အဖွဲ့အစည်းမှ လူ ၅၁ ဦး ဖမ်းဆီးခေါ်ဆောင်သွားပြီး ပြန်လွတ်လာခြင်း မရှိသေးကြောင်း ဗန်းမော်ခရိုင် အုပ်ချုပ်ရေးဌာနနှင့် ဒေသခံကျေးရွာများက The Daily Eleven သို့ ယနေ့ဆက်သွယ် ပြောကြားသည်။

ယင်းကဲ့သို့ ကေအိုင်အေလက်နက်ကိုင် အဖွဲ့မှ ဒေသခံများအား ဖမ်းဆီးခေါ်ဆောင်မှုများကို ဒီဇင်ဘာ ၄ ရက်၊ ၇ ရက်၊ ၈ ရက်၊ ၁၃ ရက်များတွင် မန်စီမြို့နယ် အတွင်းရှိ မန်ဖွ၊ ပါတော်၊ ကျော်ခေါင်၊ ဟန်ထက်ကျေးရွာ အနီးရှိ ခပရာကျေးရွာ ၀န်းကျင်တွင် ဖြစ်ပွားခဲ့ခြင်းဖြစ်ပြီး ဒီဇင်ဘာ ၁၆ ရက်အထိ လူ ၅၁ ဦး ရှိနေပြီဖြစ်ကြောင်း သိရသည်။

ယင်းသို့ ဖမ်းဆီးခေါ်ဆောင်သွားရာတွင် အသက် ၁၈ နှစ်အောက် လူငယ် ၁၃ ဦး၊ ၅၅ နှစ်အရွယ် လူကြီးတစ်ဦးလည်း ပါဝင်ခဲ့ကြောင်း သိရသည်။ ဗန်းမော်ခရိုင် အုပ်ချုပ်ရေးအရာရှိ တစ်ဦးက "မန်ဖွမှာ စဖမ်းကတည်းက ယနေ့အထိ ရသလောက် ကောက်ယူထားတဲ့ စာရင်းအရ (၅၁)ဦးရှိပြီ တစ်ယောက်မှ ပြန်လွတ်လာတာ မရှိသေးဘူး။ အခြားနေရာတွေမှာလည်း ဖမ်းတာတွေ ရှိပေမဲ့ စာရင်းကောက်လို့ မရနိုင်ဘူး ဖြစ်နေတယ်။ (၅၁)ဦးမှာ ကချင်လူမျိုးက လေးဦးပါပြီး ကျန်တဲ့ (၄၇)ဦးက ရှမ်းတွေလို့ စာရင်းရပါတယ်။ မန်ဝိန်းလေး၊ ဟန်ထက်နားမှာ ဒီဇင်ဘာ ၁၃ ရက်မှာ နောက်ဆုံးဖြစ်ခဲ့တာပါ။ ကျေးရွာတွေ အများစုက ဆက်ကြေးပေးရတယ်ဆိုတာ သတင်းပဲရတယ်။ ဒေသခံတွေက ကြောက်လွန်းတော့ အမှန်ကို မပြောရဲကြဘူး" ဟု ယနေ့ညနေပိုင်းက ဆက်သွယ်ပြောကြားသည်။

အစိုးရဌာနသို့ ရောက်ရှိနေသာ စာရင်းများ၏ ဖော်ပြချက်အရ မန်စီမြို့နယ် ကုန်းတိန်ကျေးရွာမှ (၁၇)သိန်း၊ မန်ဝိန်းလေးကျေးရွာမှ (၁၀)သိန်း၊ ဟန်ထက်ကျေးရွာမှ (၂၅)သိန်း၊ ဂွေ့ကြီးကျေးရွာမှ (၁၅)သိန်း၊ မန်မကောက်ကျေးရွာမှ (၁၅)သိန်း၊ သစ်ဆုံးကျေးရွာမှ (၇)သိန်း ကေအိုင်အေ လက်နက်ကိုင်အဖွဲ့သို့ ပေးသွင်းရန် အကြောင်းကြားထားပြီး နောက်ဆုံးပေးရမည့်ရက် သတ်မှတ်ခြင်းနှင့် ပေးသွင်းခြင်းများကို မပြုလုပ်ရသေးကြောင်း ပြည်နယ်အစိုးရရုံးမှ သိရသည်။

ကချင်ပြည်နယ် အစိုးရ အရာရှိတစ်ဦးက "လူဆွဲတာက မန်စီတစ်ဝိုက်မှာတင် မဟုတ်ပါဘူး။ ဒီလထဲမှာပဲ ၀ိုင်းမော်နောင်စီပေါမှာ လေးဦးဆွဲတယ်။ တနိုင်းပယင်း မှော်မှာဆွဲတယ်။ အဲဒီပယင်းမှော်ကတော့ ကေအိုင်အေ နယ်မြေဖြစ်လို့ သတင်းမပြည့်စုံဘူး" ဟု ပြောကြားသည်။ ပယင်းမှော်မှ ရောင်းဝယ်သူ တစ်ဦးက "ပယင်းမှော်မှာတော့ ကချင်နှင့် ရ၀မ်ဆွဲတာပါ။ ရှမ်း၊ ဗမာ၊ ရခိုင်၊ လီဆူမပါဘူး။ သွားလိုက်လာလိုက်ဆိုတော့ ကြားနေရတယ်။ မိုးကုတ်က လီဆူတွေကတော့ ကားစင်းလုံးပြတ်ငှားပြီး မိုးကုတ်ဘက်ကို ပြေးကြတာတွေ့တယ်" ဟု ယနေ့ညနေပိုင်းတွင် ဖြေကြားသည်။

ယင်းကဲ့သို့ အခြေအနေများကို ကေအိုင်အိုဗဟိုသို့ အကြိမ်ကြိမ်ဆက်သွယ် မေးမြန်းသော်လည်း ပြန်လည်ဖြေကြားခြင်း မရှိခဲ့ပေ။ ကေအိုင်အို နည်းပညာ အကြံပေးအဖွဲ့မှ ပြောဆိုခွင့်ရှိသူ ဦးဒေါင်ခါးက "ဒီကိစ္စကို ကေအိုင်အိုဗဟိုကို အကြိမ်ကြိမ် မေးမြန်းပေမယ့် မဟုတ်ဘူးလို့ အကြောင်းပြန်တယ်။ ကေအိုင်အေ တပ်မဟာ (၃)ကို မေးတာလည်း မဟုတ်ဘူးလို့ဘဲ အကြောင်းပြန်နေတယ်။ ရှမ်းရေးရာ အဖွဲ့ရဲ့ စာကတော့ ရုံးကိုရောက်လာပါတယ်။ ကြားထဲကနေ ဘာဖြေရမှန်း မမှန်းတတ်အောင် ဖြစ်နေတယ်" ဟု ယနေ့ညနေပိုင်းက ပြောကြားသည်။

ကချင်ပြည်နယ် မြစ်ကြီးနားမြို့ အခြေစိုက် ရှမ်းမျိုးနွယ်စုများရေးရာ အဖွဲ့မှ ဦးစိုင်းထင်လင်းက "အခုလောလောဆယ်တော့ ဒေသခံတွေရဲ့ လုံခြုံရေးနဲ့ ပတ်သက်ပြီး သက်ဆိုင်ရာနဲ့ ညှိနှိုင်းဆောင်ရွက်နေပါတယ်။ နည်းပညာ အကြံပေးအဖွဲ့ကနေ ကေအိုင်အေကိုလည်း စာပို့ထားပါပြီ။ ဖမ်းခေါ်သွားတာက တစ်ဦးတည်းသောသားတွေ ပါတယ်။ ကလေးတစ်ယောက်နဲ့ မိသားစုရှိတဲ့လူတွေ ပါတယ်။ ကချင်ပြည်နယ် အစိုးရကတော့ ဘာမှမလုပ်ပေးနိုင်လို့ ဘာစာရင်းမှ မပို့ဘူး။ ဆန္ဒဖော်ထုတ်ပြီး တောင်းဆိုသွားဖို့ သေချာပါတယ်။ ရက်ကတော့ မသတ်မှတ်ရသေးဘူး။ ပြည်သူလူထုရဲ့ အသက်အိုးအိမ်ကို မကာကွယ်နိုင်တဲ့ နိုင်ငံတော် အစိုးရကိုလည်း ပြောချင်တယ်။ တစ်ဖက်က ရက်စက်တဲ့ ကေအိုင်အေကိုလည်း ပြောချင်ပါတယ်" ဟု ပြောကြားသည်။

မန်စီမြို့နယ်မှ လွှတ်တော်ကိုယ်စားလှယ် ဦးထွန်းကြိုင်က ယင်းလူဆွဲခေါ်ဆောင်မှုများ၊ ဆက်ကြေးကောက်နေသည်ကို သတင်းကြားထားပြီး အချက်အလက် ပြည့်စုံအောင် မသိရသောကြောင့် ဒီဇင်ဘာ ၁၆ ရက်မှ စတင်နေသော ကချင်ပြည်နယ်လွှတ်တော်တွင် အဆိုတင်သွင်းရန် မရှိကြောင်း၊ သီးခြားသာ တင်ပြသွားရန်ရှိကြောင်း The Daily Eleven ၏ မေးမြန်းချက်ကို ဖြေကြားသည်။

ဗန်းမော်ခရိုင် အတွင်းရှိ မြို့နှင့်ဝေးကွာသော ကျေးရွာအများစုမှာ ၂၀၁၁ ခုနှစ် တိုက်ပွဲများ စတင်ဖြစ်ပေါ်လာပြီးနောက်ပိုင်း လူငယ်အများစုမှာ ဗန်းမော်မြို့ပေါ်ရှိ ဆွေမျိုး များ၊ ဘုန်းကြီးကျောင်းများတွင် ခိုလှုံနေကြောင်း ဗန်းမော်ဒေသခံများက ပြောကြားသည်။

EMG

Read More

ရူးသွပ်မှုကို တက်တူးနဲ့ သက်သေပြခဲ့တဲ့ MILEY ရဲ့ ပရိတ်သတ်

အသက်၄၀အရွယ်ရှိတဲ့ တစ်ပိုင်တစ်နိုင်ကိုယ်ပိုင် အ၀တ်အထည်မီးပူတိုက်လုပ်ငန်းလုပ်ကိုင်နေတဲ့ Carl McCoidက ပေါ့ပ်အဆိုတော်မလေး Miley Cyrusရဲ့ အင်တာဗျူးမှန်သမျှနဲ့ ဓာတ်ပုံတွေကို ၂၀၀၉ခုနှစ်မှာ စတင်ကြည့်ရှုစုဆောင်းခဲ့တဲ့ Mileyကိုချစ်တဲ့ပရိသတ်တွေထဲက ပရိသတ်တစ်ဦးပါပဲ။ Carlက၂၀၁၁ခုနှစ်မှာ ဇနီးနဲ့ လမ်းခွဲပြတ်ဆဲထားသူတစ်ယောက်ဖြစ်ပြီး ဒီလို Miley ကို ရူးသွပ်စွဲလန်းခဲ့တာကြောင့် အိမ်ထောင်ပြို ကွဲခဲ့တာမဟုတ်ဘူးလို့  Carlက ဆိုခဲ့ပေမယ့် သူ့ ရဲ့ ဇနီးဟောင်းကတော့ သူ့ ရဲ့ လုပ်ရပ်တွေက သာမာန် ထက်အရမ်းကိုလွန်ကဲပြီး စိတ်ပျက်ဖို့ ကောင်းနေပါတယ်လို့ ပြောခဲ့ပါတယ်။





အသက်၂၁နှစ်အရွယ်ရှိတဲ့ ပေါ့ပ်အဆိုရှင် Miley Cyrus ကို အရူးအမူးစွဲလန်းတာထက်ကျော်လွန်နေတဲ့ Carl ရဲ့ ခန္ဓာကိုယ်ပေါ်မှာ Miley ရဲ့  ခဲခြစ်ပုံတူတွေ၊ သီချင်းစာသားတွေ နဲ့  Miley ပြောခဲ့တဲ့ အမှတ်တရ စကားတွေကိုပါ သူရဲ့  လက်မောင်း၊ခြေထောက်နဲ့ ရင်ဘတ်တွေမှာ သေရာပါရေးထိုးထားခဲ့ပါတယ်။ ဒါတွေတင်မကသေးပဲ Carl က “ကျွန်တော် တက်တူးထိုးထားတဲ့ကိစ္စနဲ့ ပက်သတ်ပြီး တစ်ယောက် ယောက်နဲ့  တွေ့ ဆုံဖို့ လိုသေးတယ်လို့ ထင်တယ်” ဆိုတဲ့သတင်းစကားက Mileyကို အတော်လေးကို ခြောက်ခြားစေခဲ့ပါတယ်လို့ Mileyက ဖွင့်ဟပြောဆိုခဲ့ပါတယ်။





Hannah Montana ဗီဒီယိုဇာတ်ကားနဲ့ ကျော်ကြားခဲ့တဲ့ Mileyက အသက် ၁၇နှစ်အရွယ်မှာ “Just Breathe” ဆိုတဲ့ တတ်တူးကို နံရိုးမှာစတင်ရေးထိုးခဲ့ပြီး နောက်ပိုင်းမှာ သူမရဲ့ အဖွားပုံတူတက်တူးကို လက်မောင်းမှာတစ်ပုံ၊ နားရဲ့ အတွင်းဘက်မှာလည်း “love” ဆိုတဲ့ စကားလုံးလေး၊ လက်ဝါးကပ်တိုင်ပုံ နဲ့  ငြိမ်းချမ်းခြင်းအမှတ်အသားတွေကိုလည်း လက်ချောင်းတွေမှာရေးထိုးထားတဲ့အပြင် ညီမျှခြင်းပုံကိုလည်း လိင်တူချင်း လက်ထပ်ခွင့်ကို ထောက်ခံတဲ့သူတစ်ယောက်လို့ တီးခေါက်အချက်ပြတဲ့အနေနဲ့ သူမရဲ့ အရေဖြားပေါ်မှာတက်တူးတွေကို စုဆောင်းရေးထိုးထားသူလေးပါပဲ။


ဆူးချိုး
Ref: Daily Mail

Read More

ငှက်ဖျားခြင် ကာကွယ်ရေး

Tuesday, December 17, 2013

ကမ္ဘာမှာ ငှက်ဖျားရောဂါ ဖြစ်စေတဲ့ ခြင်ကိုသတ်တဲ့ ပိုးသတ်ဆေးတွေ မတိုးမှာကို စိုးရိမ်လာကြပြီး၊ ခြင်တွေကို နှိမ်နင်းရေးနည်းသစ်တွေ ရှာဖွေနေချိန်မှာ၊ ငှက်ဖျားအဖြစ်များတဲ့ မြန်မာနိုင်ငံမှာတော့ ဒီ ခြင်သတ်ဆေးတချို့ ကို သုံးစွဲလျှက် ရှိနေပါသေးတယ်။ ငှက်ဖျားခြင်သတ်ဆေးတွေ မတိုးတဲ့ပြဿနာ မဖြစ်ရအောင် ငှက်ဖျားခြင်သတ်ဆေး သက်တမ်းနဲ့ သုံးရတဲ့ ပမာဏတွေကို လွန်မသွားအောင် ဂရုစိုက် သုံးစွဲဖို့လိုတယ်လို့ ကျန်းမာရေး ပညာရှင်တွေက ထောက်ပြပြောဆိုကြပါတယ်။

ငှက်ဖျားခြင် မကိုက်ခံရအောင် တဦးချင်း ကာကွယ်နိုင်တဲ့ အကောင်းဆုံးနည်း တခုကတော့ ဆေးစိမ်ခြင်ထောင်သုံးပြီး အိပ်တာပါ။ နောက်ထပ်ရော ဘယ်လိုနည်းတွေနဲ့ ကာကွယ်နိုင်ပါသေးသလဲ။ ဒီအကြောင်း ပိုမိုသိရှိနားလည်းနိုင်ဖို့ အင်းဆက်ပိုးမွှားဗေဒပညာရှင်နဲ့ ဆေးသုတေသနဦးစီးဌာန ဒု-ညွှန်မှုး (အငြိမ်းစား) ဒေါက်တာ ဖေသန်းထွန်း နဲ့ ကိုဝင်းမင်း တို့ ဆွေးနွေးတင်ပြထားပါတယ်။

Read More

လက်ပံတောင်းက ဆာလ်ဖျူရစ်အက်ဆစ်စက်ရုံ အန္တရာယ်

 Tuesday, December 17, 2013

လက်ပံတောင်းက အဆိပ်သင့်ရေ

မုံရွာခရိုင်ထဲမှာထုတ်လုပ်နေတဲ့ ကြေးနီသတ္တုတူးဖေါ်ရေးလုပ်ငန်းတွေဟာ အရင် အိုင်ဗင်ဟို ကုမ္ပဏီ ဦးစီးထုတ်လုပ်နေချိန်ကတဲက ဒေသခံတွေနဲ့ ဝန်းကျင်အတွက် အန္တရာယ်ဖြစ်နေတာတွေကို တွေ့ခဲ့ရတယ်လို့ EcoDev
သဘာဝဝန်းကျင်ထိမ်းသိမ်းရေးအဖွဲ့က ဒေါက်တာဝင်းမျိုးသူကပြောပါတယ်။

ဒါ့အပြင် အခုလက်ရှိမှာလည်း ဒေသခံတွေနဲ့ ပြဿနာဖြစ်နေတဲ့ ဒီကြးနီသတ္တုထုတ်လုပ်မှုမှာ အသုံးပြုနေတဲ့ ဆာလ်ဖျူရစ်အက်ဆစ်ကို ဦးပိုင်က စက်ရုံတည်ဆောက်ပြီး ဒေသတွင်းမှာပဲ ထုတ်လုပ်နေတာမို့ အခြေနေတွေဟာ ပိုပြီးဆိုးဝါးနေတာပါ။ ဆာလ်ဖျူရစ်အက်ဆစ်ကြောင့် ရေထု၊ လေထုနဲ့ သဘာဝပါတ်ဝန်းကျင်ကိုရော ဒေသခံလူထုရဲ့ ကျန်းမာရေးအတွက်ပါ ထိခိုက်မှု များနေတဲ့ အထောက်အထားတွေ အများကြီးတွေ့နေရတယ်လို့ ဆိုပါတယ်။

ကြေးနီထုတ်လုပ်တဲ့ လုပ်ငန်းတွေအတွက် ISO စံနှုံးတွေနဲ့ အညီလုပ်ဆောင်ဖို့ လက်ပံတောင်းတောင်စီမံကိန်း စုံစမ်းစစ်ဆေးရေးကော်မရှင်ရဲ့ အကြံပေးချက်တွေကို ဒေသအာဏာပိုင်တွေက အခုထိ မလိုက်နာသေးဘူးလို့လည်း ပြောပါတယ်။

ဒါ့အပြင်လူနဲ့ ဝန်းကျင်အတွက် အန္တရာယ်ရှိတဲ့ ဓါတုပစ္စည်းထုတ် စက်ရုံဟာ လူနေအိမ်ခြေနဲ့ နီးတဲ့နေရာမှာ ရှိနေတာဟာ အဓိက ပြဿနာဖြစ်နေတာမို့ ဒီစက်ရုံကို ရွှေ့ပြောင်းပစ်ဖို့ပါ အကြံပြုထားပါတယ်။

Read More

ဆီးရီးယား ဒုက္ခသည်တွေအတွက် ကယ်ဆယ်ရေးပစ္စည်း စတင်ဖြန့်ဖြူး

လူလူချင်းစာနာမှုအထောက်အပံ့ပေးဖို့ အီရတ်ကနေ ပျံသန်းပြီး ဆီးရီးယားဒုက္ခသည်တွေဆီသွားတဲ့ ကုလ ကုန်တင်လေယာဉ်။ (ဒီဇင်ဘာ ၁၅၊ ၂၀၁၃)

ကုလသမဂ္ဂက လူလူချင်းစာနာမှုအထောက်အပံ့တွေကို အီရတ်မြောက်ပိုင်းကနေ ဆီးရီးယားနိုင်ငံထဲကို လေကြောင်းကနေ စတင် ဖြန့်ဖြူးပေးနေပါပြီ။

စားနပ်ရိက္ခာတွေတင်ဆောင်ထားတဲ့ ကုလသမဂ္ဂ ကုန်တင်လေယာဉ်တစီးဟာ ဆောင်းတွင်း ရာသီဥတု ဒဏ်ကြောင့် နှောင့်နှေးခဲ့ရပြီး အီရတ်နိုင်ငံ Kurdistan ဒေသ Erbil မြို့ကနေ ဆီးရီးယားနိုင်ငံ အရှေ့မြောက်ပိုင်းကို တနင်္ဂနွေနေ့က တနာရီကြာပျံသန်းခဲ့တာဖြစ်ပါတယ်။

လာမယ့် ၁၂ ရက်အတွင်း ဆက်တိုက်တင်ပို့မယ့် စားနပ်ရိက္ခာတွေဟာ ဆီးရီးယားဒုက္ခသည် အိမ်ထောင်စု ၆ ထောင်ကျော်အတွက် ဒီဇင်ဘာ လကုန်အထိ လုံလောက်နိုင်တယ်လို့ WFP ကုလသမဂ္ဂစားနပ်ရိက္ခာ အစီအစဉ်က ပြောပါတယ်။ အဲဒီကယ်ဆယ်ရေးပစ္စည်းတွေထဲမှာ စားနပ် ရိက္ခာအပြင် စောင်တွေ၊ ဆေးဝါးတွေနဲ့ အ၀တ်အစားတွေလည်းပါဝင်တယ်လို့ ဆိုပါတယ်။ ဒီလေယာဉ်နဲ့ အထောက်အပံ့တွေ ဖြန့်ဖြူးရေးကို ဆီးရီးယားနဲ့ အီရတ်အစိုးရတွေက သဘောတူအတည်ပြုပေးခဲ့ကြပါတယ်။

ဆီးရီးယားပြည်တွင်းစစ်ကြောင့် သိန်းနဲ့ချီတဲ့ ပြည်သူတွေ အခြေအနေမဲ့ ဖြစ်နေကြဆဲပါ။ မြောက်ပိုင်း Aleppo မြို့မှာ တနင်္ဂနွေနေ့က အစိုးရ တပ်တွေက လေကြောင်းကတိုက်ခိုက်ခဲ့လို့ ကလေး ၁၄ ယောက်အပါအ၀င် ၂၂ ယောက် ထက် မနည်း သေဆုံးခဲ့ရကြောင်း၊ Damascus မြို့အရှေ့မြောက်ဘက် Adra မြို့မှာလည်း ဗုဒ္ဓဟူးနေ့က အယ်ခိုင်းဒါးနဲ့ ဆက်နွယ်နေတဲ့ သူပုန်အဖွဲ့က တိုက်ခိုက်ခဲ့ပြီးနောက်ပိုင်း လူ ၂၈ ယောက်အသတ်ခံခဲ့ရတယ်လို့ လန်ဒန် အခြေစိုက် ဆီးရီးယားလူ့အခွင့်အရေးအကဲခတ်အဖွဲ့ကပြောပါတယ်။

Read More

ဗြိတိန်ရုပ်ရှင်မင်းသား Peter O'Toole ကွယ်လွန်

Tuesday, December 17, 2013

၇၅ ကြိမ်မြောက် အကယ်ဒမီဆုပေးပွဲမှာ ဂုဏ်ထူးဆောင် အော်စကာဆုရရှိသူ မင်းသားကြီး Peter O'Toole (မတ်လ ၂၃၊ ၂၀၀၃)

Lawrence of Arabia ရုပ်ရှင်နဲ့ နာမည်ကြီးပြီး ၈ ကြိမ်တိုင် အကယ်ဒမီဆု တစ်ပေးခံခဲ့ရတဲ့ ဗြိတိသျှ ရုပ်ရှင်မင်းသား Peter O’Toole ကွယ်လွန် သွားပါပြီ။

အသက် ၈၁ နှစ်အရွယ် မင်းသား Peter O’Toole ဟာ နာတာရှည်ရောဂါနဲ့ လန်ဒန်မြို့ဆေးရုံမှာ ကုသမှု ခံနေစဉ် စနေနေ့က ကွယ်လွန်ခဲ့တာလို့ သူ့ရဲ့ မန်နေဂျာကပြောပါတယ်။

၁၉၆၂ ခုနှစ်က ဒါရိုက်တာ David Lean ရိုက်ကူးတဲ့ Lawrence of Arabia ရုပ်ရှင်မှာ အဓိကဇတ်ကောင်အဖြစ် သရုပ်ဆောင်ခဲ့တဲ့ Peter O’Toole ဟာ ပထမဆုံးအကြိမ် Oscar Academy ဆုရှင်အဖြစ် လျာထားတဲ့ အမည်စာရင်းမှာ ပါဝင်ခဲ့သလို ၂၀၀၆ ခုနှစ်ကပြသခဲ့တဲ့ Venus ဇာတ်ကားအတွက်လည်း နောက်ဆုံးအကြိမ် ပါဝင်ခဲ့ပါတယ်။ အကယ်ဒမီဆုမရခဲ့ဖူးပမယ့် အမည်စာရင်း လျာထားတဲ့အထဲမှာ အကြိမ်အများဆုံးအဖြစ် မှတ်တမ်းတင်ခဲ့ရပြီး ၂၀၀၃ ခုနှစ်မှာ ဂုဏ်ထူးဆောင်အော်စကာဆု ချီးမြှင့်ခြင်းခံခဲ့ရပါတယ်။

Peter O’Toole ဟာ နံမည်ကျော်ဗြိတိသျှမင်းသား Richard Burton နဲ့အတူ ပါဝင် သရုပ်ဆောင်ခဲ့တဲ့ Beckett ဆိုတဲ့ဇတ်ကားအတွက်လည်း အကယ်ဒမီဆု လျာထားခံခဲ့ရဖူးပါတယ်။ အဲဒီဇတ်ကားရိုက်ကူးနေတဲ့ တလျှောက်လုံး Richard Burton ရော၊ Peter O’Toole ပါ အရက်မူးနေကြတယ်လို့ ၀န်ခံခဲ့ဖူးပါတယ်။

Read More

မြန်မာဘောလုံးသင်း အင်ဒိုကို ၁ ဂိုး - ဂိုးမရှိနဲ့ရှုံး

Tuesday, December 17, 2013

အရှေ့တောင်အာရှ အာကစားပြိုင်ပွဲ ဘောလုံးပွဲတွေကို ဆက်လက် ကျင်းပနေတာမှာ အုပ်စု (B) က မြန်အသင်းရဲ့ နောက်ဆုံးပွဲစဉ်ကို ဒီကနေ့ ညနေက သုဝဏ္ဏအားကစားပြိုင်ပွဲမှာ ပြုလုပ်ခဲ့တဲ့တာမှာ အင်ဒိုနီးရှားအသင်းက ၁ ဂိုး ဂိုးမရှိနဲ့ အနိုင်ရသွားခဲ့ပါတယ်။ ပွဲစဉ် ပထမပိုင်း တလျှောက်လုံး အင်ဒိုနီးရှားအသင်းက မြန်မာအသင်းကို ဖိကစားခဲ့ပြီး ပင်နယ်တီရသွားတဲ့ အတွက် ၁ ဂိုး ဂိုးမရှိနဲ့ ဦးဆောင်နေခဲ့တာပါ။ အခုလို ရှုံးနိမ့်သွားတဲ့အတွက် မြန်မာဘောလုံးအသင်း ပြိုင်ပွဲက ထွက်သွားရပြီး ဆီးမီးဖိုင်နယ်တက်မယ့်အရေးနဲ့ လွဲသွားခဲ့ရတာပါ။ အခုနောက်ဆုံး ကစားခဲ့တဲ့ ဘောလုံးပွဲအပါဝင် တခြား အရှေ့တောင်အာရှ အားကစားပြိုင်ပွဲနောက်ဆုံးအခြေအနေတွေကိုသိရအောင် ၀ိုင်းတော်သား ကိုဇော်ဝင်းလှိုင်က အားကစားကလောင်ရှင် ဦးမြတ်သက်ကို ဆက်သွယ်မေးမြန်းတဲ့အခါ သူက အခုလို စပြောပါတယ်။

“အင်ဒိုနီးရှားပါပါတယ်ခင်ဗျ။ ကျနော်တို့က ထိုင်းနဲ့ကစားသလို သူတို့ကလည်း တီမောနဲ့ ရေကုန်ရေခမ်းကစားခဲ့ရတာပဲလေ။ ဒါပေမယ့် ကစားကွက်ကော၊ တစ်ဦးချင်း performance ကော၊ ခေါင်းအေးတာရောက အင်ဒိုနီးရှားက သာပါတယ်။ တိုက်စစ်ကစားကွက်ကို ကျနော်တို့က ကောင်းကောင်းကို ပုံမဖော်နိုင်ဘူးလေ။ အဲလိုဖြစ်သွားပါတယ်။ ကျော်ကိုကိုဝင်လာမှ နည်းနည်းလေး လှုပ်စပြုလာတယ်။ သို့ပေမယ့် ကျော်ကိုကိုဝင်လာပြီးနောက်ပိုင်းလည်း တောင်ပံတွေကနေ ကျနော်တို့မလုပ်နိုင်ဘူး။ အင်ဒိုက ပွဲပြီးခါနီးအထိ တောင်ပံတိုက်စစ်တွေ၊ အထူးသဖြင့် ဘယ်ခြမ်းကနေ ဘယ်လိုပဲပြောပြော အင်ဒိုနီးရှား---”

မေး။ ။ မြန်မာက အိမ်ရှင်အသင်းဖြစ်တဲ့အတွက်များ သူတို့မှာ ပရက်ရှာပိုများတဲ့အတွက်ကြောင့်များ အဲလိုမျိုး ဖြစ်သွားသလား။

“ပြောင်းပြန်အကျိုးသက်ရောက်မှုများ ရှိသွားလားပေါ့ဗျာ။ ကျနော်လည်း အဲဒါတွေးကြည့်တယ်။ ဘာလို့တုန်းဆိုတော့ နိုင်ချင်ဇောနဲ့ အားပေးသံတွေကလည်း တကွင်းလုံညံနေတာကိုး။ ညံနေတော့ ကောင်လေးတွေ ဖိအားကိုပဲ မခံနိုင်ဘဲဖြစ်ကုန်သလားပေါ့။ သို့သော်လည်း ကြားချပြီးကြည့်မယ်ဆိုရင်တော့လည်း ကျနော်တို့အနေနဲ့က အင်ဒိုနီးရှားခြေစွမ်းက ထိုက်တန်ပါတယ်။ ထိုင်းကို ဂိုးပြတ်ရှုံးတဲ့ပွဲနဲ့ လုံးဝ တခြားစီဖြစ်သွားတယ်။ ထိုင်းကို ဂိုးပြတ် သူတို့ရှုံးတဲ့ပွဲတုန်းက ဒီလောက်ကြီး ကစားကွက်လည်းမကောင်းဘူး။ တိုက်စစ်ပိုင်းမှာလည်း ထိုင်းကို သူတို့ ကောင်းကောင်း ကစားကွက်အရရော၊ တိုက်စစ်ဗျူဟာအရရော သူတို့ မယှဉ်နိုင်ဘူးဗျ။ နောက် အင်ဒိုနီးရှား ၂၃၊ ညာခြမ်းက လေးယောက်လောက် လိုက်ဖျက်တယ်။ မရဘူးဗျာ။ သူ ရအောင်လိမ်ခေါက်ပြီးတော့ ထွက်တာပဲ။ ကျနော်တို့ဆီက ကျော်ကိုကိုတောင် အဲဒီလို မထွက်နိုင်ဘူး။ ကျော်ကိုကိုမထွက်နိုင်တာလည်း ဒဏ်ရာရှိပုံရတယ်ဗျ။ ဒေးဗစ်ထန်းကလည်း ပထမပိုင်းတချိန်လုံးမှာ ဒဏ်ရာပဲရှိနေသလား။ ဘယ်လိုလဲမသိဘူး။ သူ့ဘက်ကလည်း တော်တော်အားလျော့တယ်။ သူ့လည်း လူလဲလိုက်ရတယ်။”

မေး။ ။ မြန်မာအသင်းက ကျနော်ကြည့်ရသလောက် ဂိုးသွင်းခွင့်ရပေမဲ့လည်း ပိုင်ပိုင်နိုင်နိုင် ဂိုးသမားအသည်းအသန် ဖမ်းရလောက်တဲ့အထိ ဂိုးတဲ့အောင် ကန်လိုက်နိုင်တဲ့ ဘောလုံးမရှိဘူး။

“ဟုတ်ပါတယ်၊ ဟုတ်ပါတယ်။ balance ပျက်နေတဲ့အချိန်မှာ ခေါင်းတိုက်ရတာတို့ - အဲလိုပေါ့ ထိထိမိမိ ဖိအားပေးနိုင်တာကို မရှိလိုက်ပါဘူး။ ကြည်လင်းကစားနိုင်ရင်တော့ ဒီလောက် ပျော့ဆင်းမသွားဘူးလို့ ထင်တယ်ဗျ။ ကြည်လင်းက တအားတိုးတယ်။ နောက်တစ်ခုက ခေါင်းတိုက်ဘောလုံးတွေ၊ ဒီဘက်ကနေ ဖြတ်တင်တာတွေဆိုရင် သူက ရလဒ်ကောင်းအောင် နေရာယူတာ၊ အတင်းဝင်လုံးတာ အဲဒါတွေက သိပ်ကြာတယ်ဗျ။”

မေး။ ။ ကျော်ကိုကိုကတော့ ဒုတိယပိုင်းမှာ သူက ဝင်ကစားတယ်နော်။

“ပါတယ်ခင်ဗျ။ ဒါပေမဲ့ ကျော်ကိုကို့ဆီလည်း ဘောလုံးမပို့နိုင်ဘူး။ အင်ဒိုဗျူဟာက ကျော်ကိုကို့ဆီ ဘောလုံးမရောက်အောင် ဖြတ်ထားတယ်ဗျာ။ ကျော်ကိုကို့ဆီ ရောက်သွားတာနဲ့ ၃ ယောက်လောက်နဲ့ ပိတ်ဆို့ထားလိုက်တယ်။ ကျော်ကိုကိုလည်း လှုပ်လို့မရဘူးပေါ့။”

မေး။ ။ ဟုတ်ကဲ့။ နောက်တစ်ခုက ပွဲပြီးခါနီးမှာ အနီကဒ်ပြပြီး အထုတ်ခံလိုက်ရတာကလည်း ဗမာအသင်းအတွက် ပိုပြီးတော့ နစ်နာစရာဖြစ်သွားတယ် ထင်ပါတယ်။

“ဟုတ်ပါတယ်၊ ဟုတ်ပါတယ်။ အဲဒါကလည်း တော်တော်လေးကို နစ်နာပါတယ်။ တိုက်ရိုက်အနီနဲ့ကို ထုတ်ပစ်တာလေ။ တကယ့်အချိန်မှာမှ အထုတ်ခံလိုက်ရသလို ဖြစ်သွားတာကိုး။”

မေး။ ။ ဟုတ်ကဲ့။ နောက်ဆုံး overall ပေါ့နော်- မြန်မာ SEA Games ၂၇ ကြိမ်မြောက် ဆီးဂိမ်းစ်မှာ မြန်မာအသင်းရဲ့ ဆုတံဆိပ်တွေနဲ့ ပတ်သက်လို့ရော အစောပိုင်းက ဆရာနဲ့ ကျနော်နဲ့ ပြောခဲ့ပါတယ်။ မြန်မာက စစချင်းမှာတော့ ဦးဆောင်နေတယ်၊ နောက်ပိုင်းမှာ ဆရာပြောသလိုပဲ တဖြည်းဖြည်းနဲ့အောက်ကို ကျလာပြီ။ နံပါတ် ၃ ကိုရောက်သွားပြီ။ အဲဒီဟာတွေ အနေအထားကရောခင်ဗျ။ ခပ်တိုတိုလေး ပြောပေးပါအုံး။

“နောက်ပိုင်း အိုလံပစ်အားကစားနည်းတွေ ဝင်လာတဲ့အချိန်မှာ ကျနော်တို့က အားနည်းတယ်လေ။ ပြေးခုန်ပစ်ဆိုရင် ကျနော်သိရသလောက်ပေါ့လေ-ကီလိုမီတာ ၂၀ လမ်းလျှောက်မှာ ရွှေ ၁ ခု ၊ ဒါပဲရသေးတယ်။ အရင်ခေတ်ကဆိုရင် ပြေးခုန်ပစ်ကကို ဆယ့်လေးငါးခု ယူနေကျလေ။ လက်ဝှေ့မှာဆိုလည်း အမျိုးသမီးလက်ဝှေ့၊ အမျိုးသားလက်ဝှေ့ ၁ ယောက်စီပဲရတယ်။ နောက် အလေးမမှာလည်း အရင်က ဦးချစ်မြတို့၊ ဦးထွန်းမောင်တို့၊ ဦးစန်းမြင့်တို့လက်ထက်တုန်းကဆိုရင် တောက်လျှောက် လေး-ငါး-ရှစ်ခု ယူတဲ့အချိန်မှာ အမျိုးသမီးတစ်ယောက်ပဲ ရွှေရထားတာ တွေ့ရတယ်။ ရေကူး၊ သေနတ်ပစ်၊ လက်ဝှေ့၊ အလေးမ၊ ပြေးခုန်ပစ်- အဲလို အိုလံပစ် အားကစားနည်းတွေမှာ တော်တော်လေး အားလျော့နေတာတော့ အမှန်ပါပဲခင်ဗျ။ အဲဒါကြောင့် ကျနော်တို့ တတိယနေရာကို ရောက်သွားတာ။ သို့သော်လည်း ရွှေဆု ၅၀- ၆၀ လောက်အထိတော့ ရနိုင်လိမ့်မယ်လို့ မျှော်လင့်ပါတယ်ခင်ဗျ။ ရနိုင်ကောင်းပါသေးတယ်။”

အားကစားကလောင်ရှင် ဦးမြတ်သက်ဖြစ်ပါတယ်။

အရှေ့တောင်အာရှအားကစားပြိုင်ပွဲမှာ အခုချိန်ထိ ဆုရရှိမှုဇယားမှာတော့ ထိုင်းနိုင်ငံ ရွှေ ၅၉ နဲ့ ပထမနေရာမှာ ရှိနေပြီး ဗီယက်နမ်က ရွှေ ၄၃ နဲ့ ဒုတိယ၊ မြန်မာက ရွှေ ၃၉ နဲ့ တတိယနေရာမှာ ရှိနေပါတယ်။ ပြိုင်ပွဲတွေအစမှာတော့ မြန်မာအသင်းက ဆုတံဆိပ်အများဆုံးနဲ့ ဦးဆောင်နေခဲ့ရာကနေ တဖြည်းဖြည်းနဲ့ တခြားနိုင်ငံတွေက အနောက်က လိုက်လာတာ ဖြစ်ပါတယ်။

Read More

တရုတ်နိုင်ငံ ရှင်ဂျန်း အဓိကရုဏ်း ၁၆ ဦးသေ

17.12.2013

တရုတ်နိုင်ငံအနောက်ပိုင်း၊ ဝီဂါလူနည်းစုတိုင်းရင်းသားတွေ နေထိုင်ရာ ရှင်ဂျဲန်းပြည်နယ် အဓိကရုဏ်းအတွင်း လူပေါင်း ၁၆ ယောက်သေဆုံးခဲ့တယ်လို့ တရုတ်အာဏာပိုင်တွေက ပြောပါတယ်။

ဒေသတွင်းမှာရှိတဲ့ ရဲတပ်ဖွဲ့ကို လူတွေအများအပြားက တနင်္ဂနွေနေ့မှာ တိုက်ခိုက်ခဲ့ကြတယ်၊ အဲဒီလို တိုက်ခိုက်သူတွေဟာ ဓားတွေ၊ ဖောက်ခွဲ လက်နက်ပစ္စည်းတွေကို ကိုင်ပြီးတော့ တိုက်ခိုက်ခဲ့ကြတာဖြစ်တယ်၊ ရဲတပ်ဖွဲ့ဝင်တွေက ရာဇဝတ်မှုကျူးလွန်သူတွေကို ဖမ်းဆီးဖို့ ကြိုးပမ်းနေချိန်မှာ အခုလို တိုက်ခိုက်ခံရတာဖြစ်တယ်လို့ ဒေသအာဏာပိုင်အစိုးရက ကြေညာချက် ထုတ်ပြန် ဖော်ပြထားပါတယ်။

ရဲတပ်ဖွဲ့ဝင် ၂ ဦးသေဆုံးခဲ့ရသလို တခြား ၁၄ ယောက်ဟာ ပစ်ခတ်မှုအတွင်း သေဆုံးသွားခဲ့ရတာပါ။ သံသယရှိသူနှစ်ယောက်ကို ဖမ်းဆီးထားတယ်လို့လည်း ဆိုပါတယ်။ ရှင်ဂျန်းဒေသဟာ အဓိကရုဏ်းဖြစ်မှုတွေ မကြာခဏဖြစ်ပွားခဲ့ပြီး တရုတ်အစိုးရကတော့ အဲဒီဖြစ်ရပ်တွေကို ဝီဂါမွတ်ဆလင်ခွဲထွက်ရေး သမားတွေရဲ့ လက်ချက်ဖြစ်တယ်လို့ စွပ်စွဲလေ့ရှိပါတယ်။

Read More

ဗုဒ္ဓဘာသာဘုရားကျောင်း ဗုံးခွဲဖို့ကြံသူ အကြမ်းဖက် အဖွဲ့ဝင်သုံးဦး ထပ်ဖမ်း

17.12.2013

အင်ဒိုနီးရှားနိုင်ငံ၊ ဂျကာတာမြို့က ဗုဒ္ဓဘာသာဘုန်းတော်ကြီးတကျောင်းကို သြဂုတ်လတုန်းက ဗုံးခွဲမှုနဲ့ ဆက်နွယ်ပြီး အဲဒါနဲ့ပတ်သက်တဲ့ အကြမ်းဖက် ကွန်ယက်အဖွဲ့က လူသုံးဦးကို ဖမ်းဆီးထားတယ်လို့ အင်ဒိုနီးရှားက ပြောပါတယ်။

ဖမ်းထားတဲ့ လူသုံးဦးဟာ Abu Umar အကြမ်းဖက်အဖွဲ့ဝင်တွေဖြစ်တယ်လို့ သံသယရှိတဲ့အကြောင်း အင်ဒိုနီးရှားရဲက ပြောပါတယ်။ အဲဒီအဖွဲ့ဟာ လူတဦး ထိခိုက်ဒဏ်ရာရခဲ့တဲ့ ဂျာတာတာက အဲဒီ ဘုန်းကြီးကျောင်းဗုံးခွဲမှုကိစ္စနဲ့ ပတ်သက်တဲ့အပြင် ကျောက်မျက် ရတနာဆိုင်တွေကို လုယူမှုနဲ့ ခရစ္စမတ်နဲ့ နှစ်သစ်ကူးတွေမှာ အကြမ်းဖက်မှုတွေနဲ့လည်း ပတ်သက်ဆက်နွယ်နေပါတယ်။

လာမယ့် ခရစ္စမတ်အားလပ်ရက်မှာ အနှောင့်အယှက်ပေးဖို့ ကြံစည်နေသူတွေကို အရေးယူသွားဖို့ အာဏာပိုင်တွေဘက်က အသင့်ပြင်ထားတယ်လို့ အင်ဒိုနီးရှား အမျိုးသားရဲတပ်ဖွဲ့ ရဲချုပ် Sutarman က ဗွီအိုအေကို ပြောပါတယ်။ လက်လုပ်ဗုံးတွေလုပ်ပြီး လှုပ်ရှားဆောက်ရွက်နေတဲ့ အရိပ်အယောင်တွေ တွေ့ထားရတယ်လို့ ရဲချုပ်က ပြောပါတယ်။ အများပြည်သူကို ထိခိုက် အန္တရာယ် ပေးမယ့် လုပ်ရပ်မျိုးတွေ ဆောင်ရွက်တာတွေကို ပြင်းပြင်းထန်ထန် အရေးယူသွားမှာဖြစ်ပြီး ဥပဒေချိုးဖောက်တာတွေ မလုပ်ကြဖို့ကိုလည်း မေတ္တာရပ်ခံကြောင်း ရဲချုပ်က ပြောခဲ့ပါတယ်။

အဲဒီအဖွဲ့ရဲ့ခေါင်းဆောင် Abu Umar ဟာ အင်ဒိုနီးရှားနိုင်ငံကို တရားမ၀င် လက်နက်သွင်းယူမှုနဲ့ ထောင်ဒဏ် ၁၀ နှစ် ပြစ်ဒဏ်ချခံထားရပါတယ်။ ဒီအဖွဲ့ဟာ မွတ်ဆလင်မဟုတ်တဲ့သူတွေကို အကြမ်းဖက်တိုက်ခိုက်တာတွေ၊ လုယက်မှု အပါအ၀င် ရာဇ၀တ်မှုတွေမှာလည်း ပါဝင်ပတ်သက်တယ်လို့ ရဲက သံသယရှိ ထားပါတယ်။

ဂျာကာတာမြို့တော် ဗုဒ္ဓဘာသာဘုန်းတော်ကြီးကျောင်း ဗုံးခွဲတိုက်ခိုက်ခံရမှု မှာတော့ မြန်မာနိုင်ငံက ရိုဟင်ဂျာမွတ်ဆလင်တွေအပေါ် အကြမ်းဖက်မှုတွေနဲ့ ပတ်သက်ဆက်နွယ်နေမယ်လို့ အများက ယူဆထားကြပါတယ်။

ဒီနှစ်အစောပိုင်းတုန်းကလည်း အင်ဒိုနီးရှားက မြန်မာသံရုံးကို ဗုံးခွဲဖို့ ကြံစည်မှုကိုလည်း အင်ဒိုနီးရှားအာဏာပိုင်တွေက ဖော်ထုတ်နိုင်ခဲ့ပါတယ်။

Read More

ရွေးကောက်ပွဲတရားမျှတရေး ဖွံ့စည်းပုံကိုပြင်ဖို့ မြန်မာကို EU တိုက်တွန်း

17.12.2013

၂၀၀၈ အခြေခံဥပဒေမူကြမ်း ရေးဆွဲစဉ် က လှုံ့ဆ်ာရေးဆိုင်းဘုတ်

မြန်မာနိုင်ငံမှာ ဖွဲ့စည်းပုံ အခြေခံဥပဒေပြင်ဆင်ရေးနဲ့ ရွေးကောက်ပွဲဆိုင်ရာ ပြုပြင်ပြောင်းလဲမှုတွေ ဆက်ပြီးလုပ်သွားဖို့ အီးယူ ဥရောပသမဂ္ဂက တိုက်တွန်းလိုက်ပါတယ်။ ဖွဲ့စည်းပုံအခြေခံဥပဒေကို ခေတ်မီဒီမိုကရေစီ နိုင်ငံတရပ်နဲ့အညီဖြစ်အောင်နဲ့ ငြိမ်းချမ်းရေးနဲ့ အမျိုးသားပြန်လည် သင့်မြတ်ရေးကို အထောက်အကူဖြစ်စေဖို့ ပြီးပြည့်စုံတဲ့ သုံးသပ်မှုတွေ လုပ်ဖို့ကိုလည်း အီးယူ ဥရောပသမဂ္ဂက တိုက်တွန်းခဲ့ပါတယ်။

လာမယ့် ၂၀၁၅ ခုနှစ် ရွေးကောက်ပွဲမှာ ပါဝင်ယှဉ်ပြိုင်သူအားလုံး မျှမျှတတ ယှဉ်ပြိုင်ခွင့်ရဖို့အတွက် ဖွဲ့စည်းပုံအခြေခံဥပဒေဟာ အများ ယုံကြည်တဲ့၊ ပွင့်လင်း မြင်သာတဲ့ အားလုံးပါဝင်နိုင်တဲ့အခြေအနေဖြစ်သင့်တယ်လို့လည်း ထောက်ပြ သွားပါတယ်။ အီးယူ ဥရောပသမဂ္ဂရဲ့ နိုင်ငံခြားရေးရာကောင်စီရဲ့ မနေ့က အစည်းအဝေးအတွင်း မြန်မာနိုင်ငံအရေးကိစ္စကို ဆွေးနွေးခဲ့ပြီး ဖွဲ့စည်းပုံ ပြင်ရေးကို တိုက်တွန်းမှုအပါအ၀င် အချက် ၁၂ ချက်ကို ဆုံးဖြတ်ခဲ့ကြတာပါ။

မြန်မာနိုင်ငံတွင်း လူမျိုးရေး၊ ဘာသာရေးအဓိကရုဏ်းတွေရဲ့ အကြောင်းရင်းကို ကိုင်တွယ်ဖြေရှင်းပြီး လူ့အခွင့်အရေးနဲ့တရားဥပဒေစိုးမိုးရေးကို အာမခံချက်ပေးဖို့ကိုလည်း အီးယူ ဥရောပသမဂ္ဂက မြန်မာအစိုးရကို တိုက်တွန်းပါတယ်။ လူမှုအသိုင်းအ၀ိုင်းတွေအကြား အပြန်အလှန် ငြိမ်းငြိမ်းချမ်းချမ်း လေးစားမှုတွေရှိလာစေဖို့အတွက် ဖွံ့ဖြိုးရေးအစီအစဉ်တွေ ဆောင်ရွက်ပေးဖို့ ဘာသာရေးနဲ့ လူမျိုးရေးဆိုင်ရာ သင့်မြတ် နားလည်မှု ဖြစ်လာစေရေး အစီအစဉ်တွေ ဆောင်ရွက်ဖို့ကိုလည်း အီးယူအနေနဲ့ ပြင်းပြင်းထန်ထန်တိုက်တွန်းတယ်လို့ ဖော်ပြပါတယ်။

မကြာသေးခင်က နိုင်ငံရေးအကျဉ်းသားတွေ လွှတ်ပေးခဲ့တဲ့အပေါ်မှာ ကြိုဆိုသလိုပဲ အခု ၂၀၁၃ အကုန်မှာ နိုင်ငံရေးအကျဉ်းသားအားလုံးကို ခြွင်းချက်မရှိ ပြန်လွှတ်ပေးဖို့နဲ့ ဆက်ပြီး ဖမ်းဆီးမှုတွေကို ရပ်တန့်ဖို့ကိုလည်း တိုက်တွန်းထားပါတယ်။ မြန်မာနိုင်ငံတွင်း လူ့အခွင့်အရေးဆိုင်ရာ ကုလသမဂ္ဂမဟာမင်းကြီးရုံးခွဲထားရှိဖို့ကိစ္စအပါအ၀င် လူ့အခွင့်အရေးနဲ့ ပတ်သက်လို့ ကုလသမဂ္ဂ အကြံပြုချက်တွေကို လေးစားလိုက်နာဖို့ ကိုလည်း အီးယူ တိုက်တွန်းခဲ့ပါတယ်။ တချိန်တည်းမှာတော့ လာမယ့် ၂၀၁၄-၂၀၂၀ ခုနှစ်ကာလ မြန်မာနိုင်ငံနဲ့ ဖွံဖြိုးရေးဆိုင်ရာ ပူးပေါင်းဆောင်ရွက်မှု အစီအစဉ်တွေကို သိသိသာသာ တိုးမြှင့်လုပ်သွားဖို့ ရှိတယ်ဆိုတာကိုလည်း ဖော်ပြခဲ့ပြီး EU Myanmar Task Force ပူးတွဲလုပ်ငန်းအဖွဲ့ ဖွဲ့စည်းပြီး ဆောင်ရွက်နေတာတွေအပေါ်မှာ ကြိုဆိုထားပါတယ်။

အီးယူအနေနဲ့ မြန်မာနိုင်ငံ အသွင်ကူးပြောင်းရေးလုပ်ငန်းတွေနဲ့ပတ်သက်လို့ ထောက်ပံ့ကူညီသွားမှာဖြစ်ပြီး အရပ်ဖက်လူမှုအဖွဲ့အစည်းတွေ၊ မြန်မာ ငြိမ်းချမ်းရေးစင်တာနဲ့ ရဲဌာန ပြုပြင်ပြောင်းလဲရေးလုပ်ငန်းတွေအတွက် အကူအညီတွေပေးသွားမယ်လို့လည်း ဆိုပါတယ်။ မြန်မာနိုင်ငံမှာ တည်တံ့တဲ့ ငြိမ်းချမ်းရေးသဘောတူညီချက်တရပ် ထွက်လာဖို့ အစုအဖွဲ့အားလုံးပါဝင်တဲ့ နိုင်ငံရေး ဆွေးနွေးမှုတွေအတွက်လည်း အီးယူအနေနဲ့ အကူအညီတွေပေးသွားဖို့ အဆင်သင့်ရှိတယ်လို့လည်း ဖော်ပြထားပါတယ်။

Read More