သမိုင်းထဲက ၀ါးခသစ်

Nov 25, 2013
မနေ့ ညက စနေနေ့ ညဆိုတော့ ထုံးစံအတိုင်း စားရိပ်သာက ဘား မှာလူစုံကြတယ်။
သူများတွေ အရက်ဝိုင်း ဘီယာဝိုင်းမှာ လူစုံရင်ဘာပြောကြသလဲမသိပေမယ့် ကျတော်တို့ စစ်သားတွေ အရက်ဝိုင်း ဘီယာဝိုင်းမှာကတော့ တိုက်ပွဲအကြောင်း တွေပေါ့ဗျာ။ ငါကဘယ်တိုက်ပွဲမှာ ဘယ်လိုချခဲ့တာ သူကဘယ်တိုက်ပွဲမှာဘယ်လိုချခဲ့တာ စသည်ဖြင့်ပေါ့။ ဒီလိုနဲ့ တစ်စတစ်စ အရှိန်ကတက် ညည့်ကနက်လာခဲ့တာ နောက်ဆုံး ကျတော်တို့ တစ်ဝိုင်းလုံးအသံတွေတိတ် နှုတ်တွေဆိတ်ခဲ့ရတဲ့ တိုက်ပွဲ တစ်ပွဲအကြောင်းကိုကျတော်တို့ စီနီယာ ကြီးတစ်ယောက်က ပြောပြတယ်။ အဲဒါက

" ၀ါးခသစ် ကော့မှုးရာ " တိုက်ပွဲ

သင်တန်းတက်ခဲ့တိုင်းမှာ ဖြစ်စဉ်တွေ နဲ့ သင်ခဲ့ရတဲ့ တိုက်ပွဲကြီး၊ ကိုယ်တိုင်မတိုက်ခဲ့ရပေမယ့်မျက်လုံးထဲ ကွင်းကွင်းကွက်ကွက် ပေါ်အောင် သင်ပြခဲ့တဲ့ ဆရာတွေကျေးဇူးကြောင့် အတော်အတန် သိခဲ့သော တိုက်ပွဲကြီး၊ "ရဲရင့်သူတို့ အောင်နိုင်ပွဲ" ဆိုတဲ့ ရုပ်ရှင်ဇာတ်ကားနဲ့ ပြန်လည်သရုပ်ဖော်ထားတဲ့တိုက်ပွဲကြီး၊ တပ်မတော်ရဲ့  မှတ်ကျောက်တွေထဲက တစ်ခုဖြစ်သလို ပေးဆပ်မှုအကြီးမားဆုံးတွေထဲက တစ်ခုဖြစ်ခဲ့တဲ့ တိုက်ပွဲကြီး အဲဒီတိုက်ပွဲကြီးအကြောင်းကို သင်ခဲ့ ကြားခဲ့ပြီး လက်ပွန်းတတီးရှိပေမယ့် အခုလို စီနီယာ ကြီးတစ်ယောက်က ချက်ကျလက်ကျနဲ့ ပြန်ပြောပြတော့ ကျတော်တို့ အဖွဲ့ တွေငြိမ်နေအောင်
နားထောင်ခဲ့ရ နှုတ်ဆိတ်ခဲ့ရလေးစားခဲ့ရပါတယ်။

"စခန်းနာမည်က ၀ါးသစ်စခန်း။

ယိုးဒယားမြန်မာနယ်စပ်မှာတည်ရှိတယ်။ နယ်မြေဖွဲ့ စည်းပုံနဲ့ စခန်းတည်ဆောက်ပုံက တော့ ဘယ်လိုစစ်တပ်မျိုးမှ
ခြေလျင်စစ်ကြောင်းနဲ့ ဝင်တိုက်လို့ မရဘူးလို့ ကြွေးကြော်ထားနိုင်ခဲ့တယ်။
စခန်းအနောက်မှာ ထိုင်းနိုင်ငံ၊ ဘေးပတ်ပတ်လည်မှာတော့ သောင်ရင်းမြစ်က
ရေအိုးပုံ ကွေ့ ပြီးစီးနေတယ်။ ၀င်ပေါက်ဆိုလို့  မီတာ ၃၀၀ ကျယ်တဲ့  ရေအိုးဗူးဝ
တစ်ပေါက်တည်း။ အဲဒါကရော.......................နာမည်ပေးထားတယ်................

(သတ်ကွင်း) တဲ့

ခြံစည်းရိုးခြောက်ထပ်ကာထားတယ်။ ခြောက်ထပ်လုံး သံစူးကြိုးတွေချည်းပဲ။
တစ်ထပ်နဲ့ တစ်ထပ်ကြားအပြောင်ရှင်းထားတယ် အောက်မှာလဲမိုင်းချည်းပဲ။
မြတ်သတ်ဆေးတွေဖျန်းထားတယ် ။ သတ်ကွင်းထိပ်မှာ ကွန်ကရစ် ဘန်ကာ ၆ လုံးဆောက်ထားတယ်။ မီတာ ၃၀၀ သာကျယ်တဲ့သတ်ကွင်းကို ချိန်ထားတာက
ပွိုင့် 5 ခြောက်လက်။ စက်လက် ၆ လက်။ RPG ၆ လက်။ အဲဒီအပေါက်ကို
ဝင်တိုးဘို့  တပ်ရင်းတစ်ရင်းလိုနေတယ်။ ပွင့်ပွင့်လင်းလင်းပြောမယ်ကွာ ၊
စွန့် စွန်းစားစား ၀င်တိုက်ရမှာဖြစ်လို့  တစ်ရင်းလုံးလဲ သေသွားနိုင်တယ်။
အဲဒီတော့ ငါ မင်းတို့ ကိုစည်းဝေးလုပ်ခြင်းဖြစ်တယ်။"

အပေါ်ကတော့ တမခ (၄၄) က ဗျူဟာမှုးရဲ့ စည်းဝေးမိန့် ခွန်းပါ။

ငါတို့ ဗျူဟာက ခပ်ဖလူးကုန်းနဲ့  ၀ါးခသစ်ကိုတိုက်ရမယ်။
ကဲ....၁၁၈ တပ်ရင်းမှုး မင်းတပ်က ဟိုဘက်မှာတော်တော်နာခဲ့တာမလား။ လန်ကျတာလဲခဏခဏပဲ ဒီတော့ မင်းကိုငါ choice ပေးမယ်။ မင်းကြိုက်တဲ့စခန်းတိုက်ကွာ ဘယ်စခန်းတိုက်မလဲ။

၁၁၈ တပ်ရင်းမှုး ဗိုလ်မှုးသန်းဆွေ( DSA အပါစဉ် ၁၉)
ခပ်တည်တည်နဲ့ ထဖြေတယ်။

"ဟုတ်ကဲ့ပါဗျူဟာမှုး ကျတော် ၀ါးခသစ် ကိုတိုက်ပါမယ်" တဲ့။


ဒီလိုနဲ့ သူတို့ တိုက်ခဲ့ကြတယ်။ သူတို့ သေခဲ့ကြတယ်။ ပေးဆပ်မှုတွေများခဲ့ကြတယ်။
ကျတော်တို့ အဲစခန်းကြီးကိုရခဲ့ကြတယ်။ ကျတော်တို့ တွေရဲ့ ခြေထောက်တွေ
ကျတော်တို့ တွေရဲ့ လက်တွေ ကျတော်တို့ တွေရဲ့ အသက်တွေ အဲဒီ ခြံစည်းရိုးခြောက်ထပ်ကြားမှာ ပြန့်ကျဲခဲ့ကြတယ်။ ၅၀၀ ကျော် အသက်စွန့် ခဲ့တယ်။ ၁၈၀၀ ကျော် ဒဏ်ရာရခဲ့ကြတယ်။ နောက်ဆုံးတပ်ရင်း ဗူးဝကို
ဖောက်ဝင်ခဲ့ပြီး ဘန်ကာတွေစသိမ်းချိန်မှာ တိုင်းမှုးကိုယ်တိုင် ခပ်ဖလူးကုန်းကနေ
တိုက်ခဲ့တယ်။

" စခန်းကိုရတော့ တပ်မမှုးမျက်ရည်ကျတယ်တဲ့။"

ကျတော်ဆိုခြုံးပွဲချ ငိုမိမလားမသိဘူး။

အဲစခန်းမှာ ဗိုလ်မှုးသန်းဆွေကနေ (သီဟသူရသန်းဆွေ (ကျဆုံး) ) ဆိုပြီးဖြစ်သွားတယ်။ အဲလိုပဲ ဗိုလ်မှုးသန်းဆွေရဲ့ ဇနီး ကရင်အမျိုးသမီးလည်း
မုဆိုးမ ဆိုတဲ့ ဘွဲ့ လေးရသွားတယ်။ ဗိုလ်မှုးသန်းဆွေရဲ့ ဇနီးလို ငိုနေတဲ့
မုဆိုးမတွေ တပ်ရင်းဓမ္မာရုံမှာ ပြည့်လျှံနေခဲ့တယ်။

"တပ်မမှူးကတော် ဘယ်လိုများအားပေးခဲ့လဲ ကျတော်တွေ့ ချင်လိုက်တာ "

နောက်ဆုံးမှာ စကားစကိုဖြတ် စီနီယာကြီးက ကျတော်တို့ ကိုကြည့်တယ်။
အဲဒီစခန်းကို ခုချိန်မှာ တပ်မ(၄၄) ကထိုင်နေတယ်ကွ။

အဲတပ်က ငါ့ သူငယ်ချင်းကပြောတယ် စခန်းထိပ်မှာ အကျွတ်အလွတ်စေတီလေးတည်ထားတယ်တဲ့။ နှစ်ဘက်ကျဆုံးသွားတဲ့ စစ်သည်တွေအတွက်ရည်ဆူးပြီးတော့ပေါ့ကွာတဲ့။

ဒါပေမယ့်.....ဒါပေမယ့်.....

သူတို့ တိုက်နေကြတုန်းပဲ....ည ၁၂ နာရီကျော်ရင် တိုက်နေကြတဲ့အသံတွေ
ငိုညည်းသံတွေ ငြီးညူသံတွေ ( တက်) ဆိုတဲ့အသံတွေ
(ဆုတ်) ဆိုတဲ့ အသံတွေ (နောက်လာအုံးမလားကွ) ဆိုတဲ့အသံတွေ ခမရ (၁၁၈) ကွဆိုတဲ့အသံတွေ တပ်မ(၄၄) ကွ ဆိုတဲ့အသံတွေ ...ကျားးးးးးဆိုတဲ့အသံတွေ
ကြားနေရတုန်းပဲကွာတဲ့။

ဒါဆို သူတို့ မကျွတ်ကြသေးဘူးပေါ့ နော် အစ်ကိုကြီး။

ဟုတ်ချင်လဲဟုတ်မှာပေါ့ကွာ

ကျတော်အဲဒီညက အိပ်မရခဲ့ဘူး.....

ကျတော် စစ်သားတွေကိုချစ်တယ် စစ်ပွဲတွေကိုမုန်းတယ်
စစ်ပွဲက စစ်သားတွေကိုသတ်တယ်
စစ်ပွဲက စစ်သားတွေရဲ့ ဘ၀တွေကို သတ်တယ်
စစ်ပွဲက စစ်သားနောက်က မှီခိုနေတဲ့ဘ၀တွေကိုသတ်တယ်
စစ်ပွဲကို ငြိမ်းချမ်းရေးကို သတ်တယ်။

စစ်သားဟာ စစ်တစ်ပွဲကို မတတ်နိုင်တဲ့အခြေနေရောက်မှရွေးချယ်တာပါ။
စစ်သားဟာ စစ်ပွဲကို အမုန်းဆုံးပဲ။ ကျတော် ဆုတောင်းခဲ့ပါတယ်
ဝါးခသစ်စခန်းရှေ့ က နောင်တော်စစ်သည်တွေရေ ခင်ဗျားတို့ မတိုက်ပါနဲ့ တော့
အခု ကျတော်တို့  ငြိမ်းချမ်းရေးရနေပြီ။ ဖထီးတွေနဲ့ တူတူအရက်သောက်နေပြီ။
နှစ်ဖက်စစ်သားများ ကောင်းရာသုဂတိလားပါစေ။

တတိယခြံစည်းရိုးေ၇ှ့ က

(၉ နာရီမှာ အဘအတွက် ဘန်ကာတစ်လုံးလက်ဆောင်ပေးမယ်) ဆိုတဲ့ 
အသံ ခုချိန်ဆိုပျောက်လောက်ပြီဟု မျှော်လင့်ပါတယ်။


ထူးဝေ