မန္တလေးမြို့တောင်ပိုင်း ချမ်းမြသာစည် မြို့နယ်နှင့် ပြည်ကြီးတံခွန် မြို့နယ်အတွင်း၌ ယခုရက်ပိုင်းအတွင်း မွေးမြူရေးဝက်များ ၀က်နားရွက်ပြာရောဂါ လက္ခဏာနှင့် သေဆုံးမှုများ ဖြစ်ပေါ်လျက်ရှိကြောင်း တိရစ္ဆာန်မွေးကု ဆရာဝန်များထံမှ သိရသည်။
လွန်ခဲ့သည့် တစ်ပတ်ခန့်မှစ၍ အောင်သာယာ၊ မြရည်နန္ဒာနှင့် သင်ပန်းကုန်းရပ်ကွက်များ၌ ၀က်များဖျားနာမှုဖြစ်ကာ ဖျားနာသည့် ၀က် ၅၀ ရာခိုင်နှုန်းခန့် သေဆုံးနေကြောင်း သိရသည်။
"အခုရက်ပိုင်း မွေးမြူရေးဝက်တွေဖျားပြီး အသေအပျောက် များတယ်။ ရောဂါလက္ခာတွေအရ ၀က်နားရွက်ပြာ ဖြစ်ပွားသလိုမျိုးနဲ့ သေဆုံးပြီး ၀က် ၁၀ ကောင်ဖျားရင် ၅ ကောင် သေတယ်။ လေးလသား၊ ငါးလသားအောက် ၀က်တွေအသေများတယ်။ မျိုးနဲ့ဝက်မကြီးတွေဆိုရင် ဖျားပြီးသားလျှောမှုတွေ အဖြစ်များတယ်။ ဖြစ်ခါစ နှစ်တွေတုန်းက ၁၀ ကောင်ဖျားရင် ၉ ကောင် သေတယ်။ အခုလောလောဆယ် အဲ့လောက်ထိ အသေအပျောက် မများသေးပေမယ့် သေဆုံးမှုတွေ ဖြစ်ပေါ်နေတာကိုတော့ သက်ဆိုင်ရာ ဌာနတွေကနေ ကွင်းဆင်းလေ့လာမှုတွေ ပြုလုပ်ပြီး ကာကွယ်ရေး လုပ်ငန်းတွေ လုပ်ဆောင်ပေးသင့် ပါတယ်" ဟု ချမ်းမြသာစည် ရပ်ကွက်မှ တိရစ္ဆာန်ဆေးကု ဆရာဝန် တစ်ဦးက ပြောကြားသည်။
ဝက်နားရွက်ပြာ ရောဂါသည် ဆောင်းရာသီ ကာလတွင် ဖြစ်ပွားမှုများပြီး ကာကွယ်ရေး လုပ်ငန်းများ အနေဖြင့် ၀က်ခြံအနီးတစ်ဝိုက် ပိုးသတ်ဆေး ဖျန်းခြင်းများ ပြုလုပ်နိုင်ကြောင်း၊ လက်ရှိတွင် ဖျားနာသည့်ဝက်များ ဆေးကုသပေးရာတွင် ဖြစ်ပွားသည့် ရောဂါလက္ခဏာ အခြေအနေပေါ် မူတည်ကာ ကုသပေးနေရကြောင်း၊ သေဆုံးသည့် ၀က်အများစုမှာ အဖျားဝင်ကာ မျက်နှာရောင်ရမ်းခြင်း၊ နားရွက်ပြာလာခြင်းများ ဖြစ်ပေါ်ကာ သေဆုံးလျက်ရှိပြီး အချို့ဝက်များမှာ နားရွက်ပြာခြင်း မရှိဘဲ တစ်ကိုယ်လုံး၌ အပြာကွက်များ ဖြစ်ပေါ်ကာ သေဆုံးကြောင်း သိရသည်။
"တောင်မြို့ဘက်မှာလည်း ၀က်တွေသေတယ်လို့ ကြားတယ်။ ကျွန်တော့ ခြံမှာတော့ မဖြစ်သေးပါဘူး။ အရင်တစ်ခါ ဖြစ်တုန်းကလည်း သက်ဆိုင်ရာ ဌာနတွေ အနေနဲ့ စစ်ဆေးပြီး လာရောက်ကုသမှု ပေးတာတွေ မရှိပါဘူး။ ဖြစ်ရင်ကိုယ်တိုင်ပဲ နီးစပ်ရာ တိရစ္ဆာန် ဆေးကုဆရာဝန်ကိုပင့်ပြီး ကုသရတယ်" ဟု သင်ပန်းကုန်းရပ်မှ ၀က်မွေးမြူသူ ဦးစိုးမိုးအောင်က ပြောကြားသည်။
မန္တလေးမြို့ရှိ ၀က်မွေးမြူရေးခြံတစ်ခြံအား တွေ့ရစဉ်
EMG
0 comments:
Post a Comment