ထိုင်းနိုင်ငံတွင်၂၀၁၃ ခုနှစ် နိုဝင်ဘာ ၂၇ ရက်မှ ဒီဇင်ဘာ ၄ ရက်အထိ ကျင်းပပြုလုပ်မည့် လေးကြိမ်မြောက် အာဆီယံ ကင်းထောက်များ တွေ့ဆုံပွဲ (4th Asean Scout Jamboree) သို့ မြန်မာနိုင်ငံ ကိုယ်စားပြု ကင်းထောက် ကျောင်းသားကျောင်းသူ ၂၀ ဦးနှင့် အုပ်ချုပ်သူ နှစ်ဦး အပါအ၀င် စုစုပေါင်း အဖွဲ့ဝင် ၂၂ ဦး တက်ရောက်ကြမည် ဖြစ်ကြောင်း သိရသည်။
အဆိုပါ လေးကြိမ်မြောက် အာဆီယံ ကင်းထောက်များ တွေ့ဆုံပွဲ (4th Asean Scout Jamboree) သို့ မြန်မာနိုင်ငံ ကိုယ်စားပြု တက်ရောက်ရန်အတွက် ၂၀၁၃ ခုနှစ်၊ ဧပြီလအတွင်းက နေပြည်တော်တွင် ကျင်းပပြုလုပ်ခဲ့သည့် လူငယ်တွေ့ဆုံပွဲနှင့် ကင်းထောက်စခန်းချ လေ့ကျင့်သင်တန်းတို့တွင် ထူးချွန်စွာ အောင်မြင်ခဲ့သူများအား ပညာရေး ၀န်ကြီးဌာနမှ စိစစ်ရွေးချယ် စေလွှတ်ခဲ့ခြင်းဖြစ်ပြီး နိုဝင်ဘာ ၂၇ ရက်က မင်္ဂလာဒုံလေဆိပ်မှ ဘန်ကောက်မြို့သို့ ဆွေးနွေးပွဲ တက်ရောက်ရန် ထွက်ခွာခဲ့ကြသည်။
ယင်းကင်းထောက် လူငယ်အဖွဲ့သည် အာရှပစိဖိတ်နှင့် အာဆီယံနိုင်ငံများမှ လူငယ်ကိုယ်စားလှယ် ဦးရေ ၅၀၀၀ နှင့်အတူ ထိုင်းနိုင်ငံတွင် တစ်ပတ်ကြာ စခန်းချ နေထိုင်မည်ဖြစ်ပြီး ခရီးစဉ် ကာလအတွင်း တည်းခိုနေထိုင် စားသောက်စရိတ်များအား အာဆီယံ ကင်းထောက်အဖွဲ့ချုပ်မှ မြန်မာနိုင်ငံ ကင်းထောက် ကျောင်းသား ကျောင်းသူများ အတွက် တာဝန်ယူ လှူဒါန်းပေးသွားမည်ဖြစ်ပြီး ပြည်တွင်းမှ ပုဂ္ဂလိက စေတနာရှင် များမှလည်း ပါဝင်လှူဒါန်း ခဲ့ကြသည်။
''အာရှပစိဖိတ် ဒေသက ကင်းထောက် အဖွဲ့ဝင်တွေက ဖိတ်ကြားထားတဲ့ အတွက် အခုလို မြန်မာနိုင်ငံက ကင်းထောက်ကျောင်းသား၊ ကျောင်းသူတွေ အနေနဲ့ တက်ရောက်ကြတာ ဖြစ်ပါတယ်။ ဒီ 4th Asean Scout Jamboree ကို မြန်မာနိုင်ငံက ကင်းစိတ် နှစ်စိတ် တက်ရောက်တာပါ။ အဓိကကတော့ ဒီတွေ့ဆုံပွဲကနေ တစ်ဆင့် တစ်နိုင်ငံနဲ့ တစ်နိုင်ငံ နိုင်ငံအချင်းချင်း ကင်းထောက် အကြောင်းအရာတွေ ဖလှယ်ပြီး ကမ္ဘာ့ကင်းထောက် အဖွဲ့ဝင်နိုင်ငံ တစ်နိုင်ငံအဖြစ် မြန်မာနိုင်ငံလည်း ၀င်ရောက်နိုင်ဖို့အတွက် ရည်ရွယ်ထားပါတယ်'' ဟု မြန်မာနိုင်ငံ ကင်းထောက်ကော်မတီ (ယာယီ)၏ ဥက္ကဋ္ဌ ဦးတင်ညိုက ဆိုသည်။
၂၀၁၃ ခုနှစ် သြဂုတ်လတွင် ဂျပန်နိုင်ငံ၌ ကျင်းပပြုလုပ်ခဲ့သည့် အာရှပစိဖိတ် ဒေသလုံးဆိုင်ရာ ကင်းထောက်များ တွေ့ဆုံပွဲအား မြန်မာနိုင်ငံမှ ကင်းထောက် လူငယ်အချို့ ပထမဆုံးအကြိမ် တက်ရောက် ခဲ့ခြင်းဖြစ်ပြီး လေးကြိမ်မြောက် အာဆီယံ ကင်းထောက်များ တွေ့ဆုံပွဲ (4th Asean Scout Jamboree) မှ ဒုတိယအကြိမ်မြောက် နိုင်ငံတကာ ကင်းထောက် အဖွဲ့အစည်းများ အစည်းအဝေးသို့ နိုင်ငံကိုယ်စားပြု တက်ရောက်ခြင်း ဖြစ်သည်။
(ဘန်ကောက်မြို့တွင် ကျင်းပမည့် လေးကြိမ်မြောက် အာဆီယံ ကင်းထောက်များ တွေ့ဆုံပွဲသို့ တက်ရောက်ရန် ထွက်ခွာမည့် ကင်းထောက်များအား မထွက်ခွာမီ လေဆိပ်၌ တွေ့ရစဉ်။)
EMG
0 comments:
Post a Comment