Thursday, 05 December 2013
အနော်ရထာလမ်းမပေါ်ရှိ ပုဂ္ဂလိက ဆက်သွယ်ရေး ဖုန်းဆိုင်တစ်ဆိုင်ကို တွေ့ရစဉ် (ဓာတ်ပုံ-အသက်မင်း)
ကုမ္ပဏီများ ဖွဲ့စည်းပြီး ပြုပြင်ပြောင်းလဲမှုများကြောင့် မြန်မာနိုင်ငံတွင် လက်ရှိ မိုဘိုင်းဖုန်း ကိုင်ဆောင်သည့် လူဦးရေမှာ ၂၀၁၃ ခုနှစ်တွင် ၁၀ ရာခိုင်နှုန်းထိရှိပြီး လာမည့် ၂၀၁၃-၂၀၁၄ ခုနှစ်တွင် မိုဘိုင်းဖုန်း ကိုင်ဆောင်နိုင်မည့် လူဦးရေမှာ ၅၀ ရာခိုင်နှုန်းအထိ တိုးမြင့်အောင် မြန်မာ့ဆက်သွယ်ရေး လုပ်ငန်း၏ သတင်းထုတ်ပြန်ချက်များအရ သိရသည်။
မြန်မာနိုင်ငံတွင် မိုဘိုင်းဖုန်း ကိုင်ဆောင် အသုံးပြုသည့် ဦးရေမှာ တစ်နှစ်ထက်တစ်နှစ် ပိုမိုများပြားလာသော်လည်း မြန်မာနိုင်ငံရှိ လူဦးရေအရေအတွက်နှင့် တိုင်းတာပါက မိုဘိုင်ဖုန်း ကိုင်ဆောင်သည့် အရေအတွက် အလွန်နည်းပါးကြောင်း သိရှိရသည်။
မြန်မာ့ဆက်သွယ်ရေး လုပ်ငန်းအနေဖြင့် မိုဘိုင်းဖုန်းလိုင်းအင်အားကို နှစ်အလိုက် တိုးချဲ့ဆောင်ရွက်သွားမည်ဖြစ်ပြီး၂၀၁၃- ၂၀၁၄ တွင် ဖုန်းလိုင်း လေးသန်း၊၂၀၁၄- ၂၀၁၅ တွင် ဖုန်းလိုင်း ငါးသန်းနှင့် ၂၀၁၅- ၂၀၁၆ တွင် ဖုန်းလိုင်း ငါးသန်း စုစုပေါင်း မိုဘိုင်းဖုန်းလိုင်းအင်းအား ၁၄ သန်းအထိ တိုးချဲ့တပ်ဆင်သွားမည် ဖြစ်ကြောင်း သတင်းထုတ်ပြန်ချက်များအရ သိရသည်။
"အခုဆိုရင်လည်း ဆက်သွယ်ရေးကဏ္ဍမှာ ပြုပြင်ပြောင်းလဲမှုတွေ အများကြီး လုပ်နေပါတယ်။ နောက်ပိုင်းမှာလည်း အများကြီးလုပ်သွားဖို့ ရှိပါတယ်။ ပြီးတော့ အခုဆိုရင် ပြည်ပကုမ္ပဏီတွေက ရောင်းမယ်။ ပြည်တွင်း ကုမ္ပဏီတွေကလည်း ရောင်းချမယ်ဆိုရင် ကိုင်ဆောင်မယ့် သူတွေအတွက်က ရွေးချယ်မှုတွေ အများကြီး ရရှိမှာပါ။ ပြီးတော့ တစ်နိုင်ငံလုံး အတိုင်းအတာနဲ့ မိုဘိုင်းဖုန်း ကိုင်ဆောင်မယ့် ရာခိုင်နှုန်း တိုးလာအောင် ပြုလုပ်သွားမှာပါ" ဟု မြန်မာ့ဆက်သွယ်ရေး လုပ်ငန်းမှ တာဝန်ရှိသူတစ်ဦးက ပြောကြားသည်။
မြန်မာနိုင်ငံ၏ တယ်လီဖုန်း သိပ်သည်းဆမှာ၂၀၁၂-၂၀၁၃ တွင် ၁၀ ရာခိုင်နှုန်း၊ ၂၀၁၃-၂၀၁၄ တွင်၂၇ ရာခိုင်နှုန်း၊၂၀၁၄- ၂၀၁၅ တွင် ၅၀ ရာခိုင်နှုန်းနှင့်၂၀၁၅-၂၀၁၆ တွင် ၇၅ ရာခိုင်နှုန်းမှ ၈၅ ရာခိုင်နှုန်းအထိ တိုးတက်အောင် ဆောင်ရွက်သွားမည် ဖြစ်ကြောင်း မြန်မာ့ဆက်သွယ်ရေး လုပ်ငန်း၏ ခန်မှန်းချက်များအရ သိရသည်။
မြန်မာ့ဆက်သွယ်ရေး လုပ်ငန်းအနေဖြင့် မိုဘိုင်းဖုန်းများကို အဆင့်ဆင့် လျှော့ချပြီး ရောင်းချပေးသော်လည်း မြန်မာနိုင်ငံတွင် လူတိုင်းမိုလ်ဘိုင်းဖုန်း ကိုင်ဆောင်နိုင်သည့် အနေအထားသို့ ရောက်ရှိနိုင်ခြင်း မရှိသေးကြောင်း သိရသည်။
EMG
0 comments:
Post a Comment