တရုတ်ကုမ္ပဏီတစ်ခုထံမှ မြန်မာက၀ယ်ယူသော ကော်စေ့တန် ၂၀ အစား တရုတ်ဘက်မှ ကျောက်ခဲအိတ်များကို ကွန်တိန်နာဖြင့်ထည့်ကာ မြန်မာသို့ ပေးပို့လိုက်၍ တရုတ်သံရုံးသို့ အကြောင်းကြား ဖြေရှင်းနေရ

 Tuesday, 17 December 2013


တရုတ်ဘက်မှ ကော်စေ့များအဖြစ် တင်ပို့လာသော ကျောက်ခဲများပါဝင်သည့် အိတ်များ(ပုံကြီး)နှင့် အတွင်း၌ ပါဝင်သော ကျောက်ခဲများ (ပုံသေး)



တရုတ်နိုင်ငံရှိ Qingdao Jinding Metal Import and Export Co.,Ltd ထံမှ ကော်စေ့တန် ၂၀ ကို မြန်မာကုမ္ပဏီဖြစ်သည့် Millionaire Engineering and Industrial ကုမ္ပဏီမှဝယ်ယူခဲ့ရာ တရုတ်ဘက်က ကော်စေ့တန် ၂၀ အစား ကွန်တိန်နာထဲတွင် ကျောက်ခဲအိတ်များထည့်ကာ ပေးပို့လိုက်သည့်ဖြစ်စဉ်တစ်ခု ဖြစ်ပွားခဲ့ကြောင်း သတင်းရရှိသည်။

ဖြစ်စဉ်မှာ Qingdao Jinding Metal Import and Export Co.,Ltd ထံမှ ကော်စေ့တန် ၂၀ ကို မြန်မာကုမ္ပဏီဖြစ်သည့် Millionaire Engineering and Industrial ကုမ္ပဏီက၀ယ်ယူရန်အတွက် ၂၀၁၃ ခုနှစ် နိုဝင်ဘာ ၂၀ ရက်က နှစ်ဖက်ကုမ္ပဏီများ Sale Contract ချုပ်ဆိုခဲ့ကြကြောင်း၊ ကော်စေ့ကွန်တိန်နာအား WAN HAI သင်္ဘောလိုင်းဖြင့် တင်သွင်းခဲ့ကြောင်း၊ ဒီဇင်ဘာ ၉ ရက်တွင် ထီးတန်းဆိပ်ကမ်းသို့ သင်္ဘောဆိုက်ကပ်ခဲ့ကြောင်း၊ ကော်စေ့အမျိုးအစားမှာ ဖွင့်ဖောက်စစ်ဆေးခြင်းပြုရန်မလိုဘဲ Green Channel ဖြင့်ထုတ်ယူခွင့်ရှိသည့်အတွက် ဖွင့်ဖောက်ခြင်းမရှိဘဲ ချိပ်ပိတ်ထားသည့်အတိုင်း ကွန်တိန်နာအား ဂိုဒေါင်သို့ သယ်ဆောင်ခဲ့ပြီး ဂိုဒေါင်သို့ရောက်ရှိ၍ တင်သွင်းသူပိုင်ရှင်မှ ဖွင့်ဖောက်ခဲ့ရာ ကော်စေ့များမဟုတ်ဘဲ ကျောက်ခဲအသေးများကို အိတ်လိုက်ထည့်သွင်းထားသည်ကို တွေ့ရကြောင်း၊ ပိုင်ရှင်မှ အကောက်ခွန်သို့ အကြောင်းကြားရာ အကောက်ခွန်မှလည်း လာရောက်စစ်ဆေးခဲ့ကြောင်း သိရသည်။

ထိုသို့ဖြစ်ပွားခဲ့သည့်အတွက် ယခုအခါ Millionaire Engineering and Industrial ကုမ္ပဏီမှ တရုတ်သံရုံးသို့ ဆက်လက်ဖြေရှင်းဆောင်ရွက်ပေးရန် အကြောင်းကြားထားကြောင်း သိရသည်။

ကော်စေ့အစား ကျောက်ခဲသေးများကို ထည့်ခြင်းမှာ Qingdao Jinding Metal Import and Export Co.,Ltd ဖြင့် သက်ဆိုင်ခြင်း ရှိမရှိ၊ အဆိုပါကွန်တိန်နာအား သယ်ဆောင်လာသည့် WAN HAI သင်္ဘောလိုင်းနှင့် သက်ဆိုင်ခြင်းရှိမရှိဆိုသည်မှာ တရုတ်သံရုံးက ဖြေရှင်းပြီးမှသာ သိရမည်ဖြစ်ကြောင်း သိရသည်။

Millionaire Engineering and Industrial ကုမ္ပဏီမှ ဦးသန်းစိုးက "ကျွန်တော်တို့ကတော့ ကိုယ်လုပ်စရာရှိတဲ့အတိုင်း အကောက်ခွန်ကို အကြောင်းကြားပြီး စစ်ဆေးထားတယ်။ အခုတရုတ်သံရုံးကို အကြောင်းကြားတော့ ဒီဇင်ဘာ ၁၇ ရက်ကျရင် တွေ့ဆုံမယ်လို့ အကြောင်းပြန်ထားတယ်။ တန် ၂၀ ဆိုတာ အမေရိကန်ဒေါ်လာ ၂၆၀၀၀။ အခွန်နဲ့ဆိုရင် ဒေါ်လာ ၃၀၀၀၀ လောက်တော့ရှိတယ်။ ငွေကြေးဆုံးရှုံးမှု ဖြစ်တာထက် အခုလိုလုပ်တာကို မခံနိုင်တာ။ နောက်ပြီး ကျွန်တော်တို့လို မကြုံရအောင် သတိထားဖို့တော့ ပြောချင်တယ်။ ကွန်တိန်နာမှာလည်း အဲဒီသင်္ဘောလိုင်းရဲ့ Seal နဲ့ပဲချိပ်ပိတ်ထားတာပါ။ ငွေကြေးဆုံးရှုံးတာထက် ကျွန်တော်တို့လို မြန်မာလုပ်ငန်းရှင်တွေအနေနဲ့ အခုလို မကြုံရအောင် တရုတ်သံရုံးအနေနဲ့လည်း မြန်မာလုပ်ငန်းရှင်တွေအပေါ် လေးလေးစားစားနဲ့ အလေးအနက်ထား ဖြေရှင်းပေးဖို့လိုပါတယ်။ တရုတ်သံရုံးက ဖြေရှင်းပေးရင်တော့ အကြောင်းစုံသိရမှာပါ"ဟု ပြောပြသည်။

ယခုဖြစ်စဉ်အပေါ် အကောက်ခွန်ဦးစီးဌာန တာဝန်ရှိသူများကလည်း စစ်ဆေးချက်များရယူပြီး အကောက်ခွန်ဦးစီးဌာန၊ ကာကွယ်ရေးဌာနခွဲသို့ အစီရင်ခံ တင်ပြထားကြောင်း၊ မြန်မာဘက်မှသာ မှားယွင်းလျှင် မြန်မာကုမ္ပဏီများအနေဖြင့် ချက်ချင်းအရေးယူခံရနိုင်ကြောင်း၊ ထို့အတွက် မြန်မာ့အကောက်ခွန်အနေဖြင့်လည်း ယခုတရုတ်ကုမ္ပဏီနှင့် WAN HAI သင်္ဘောလိုင်းတို့ မည်သူ့တွင် တာဝန်ရှိသည်ကို တိကျစွာဖော်ထုတ်ရာ၌ အလေးအနက်ထား ပါဝင်ကူညီပေးသင့်သည်ဟုလည်း ဦးသန်းစိုးက သုံးသပ်သည်။

EMG

Read More

ရန်ကုန်မြို့၌ တစ်ပတ်အတွင်း Beauty Spa မီးလောင်မှု ဒုတိယအကြိမ်ဖြစ်ပွားရာ ၁၈ နှစ်အရွယ် အမျိုးသမီးဝန်ထမ်းတစ်ဦး သေဆုံး

Tuesday, 17 December 2013


တောင်ဥက္ကလာပမြို့နယ် ၁၂ ရပ်ကွက်ရှိ သုံးရာသီ Beauty Spa မီးလောင်နေသည်ကို မီးသတ်ကားများ လာရောက်ငြှိမ်းသတ်စဉ်

တောင်ဥက္ကလာပမြို့နယ်၊ ၁၂ ရပ်ကွက်၊ သုမင်္ဂလာလမ်းမ၊ တိုက်ခန်းအမှတ် ၁၅၃ ရှိ THREE SEASON Beauty Spa & Health အလှပြင်ဆိုင်၌ ဒီဇင်ဘာ ၁၆ ရက်၊ မွန်းလွဲ ၁၂ နာရီ မိနစ်၂၀ က မီးလောင်မှုဖြစ်ပွားခဲ့ကြောင်း သိရသည်။

အဆိုပါမီးလောင်ကျွမ်းမှုကြောင့် ဆိုင်ဝန်ထမ်း မိန်းကလေးတစ်ဦးဖြစ်သူ မဆုမွန်၊ အသက် (၁၈) နှစ်မှာ ရေချိုးခန်းနှင့် အိမ်သာတွဲလျက် အခန်းတွင်း၌ မီးခိုးများမွှန်၍ သေဆုံးခဲ့ကြောင်း သိရသည်။

"ကောင်မလေးက ရေချိုးခန်းထဲမှာ အ၀တ်လျှော်တုန်း မီးခိုးတွေမွှန်ပြီး ပိတ်မိသေတယ်။ မီးဖိုချောင်မှာ လျှပ်စစ်ထမင်းပေါင်းအိုးနဲ့တည်တာ အနီးအနားမှာ လူမရှိဘဲထားတော့ ၀ိုင်ယာပူတာကနေ စလောင်တယ်"ဟု ရန်ကုန်တိုင်းဒေသကြီး ကြက်ခြေနီတပ်ဖွဲ့မှူး ဦးဇော်ထွန်းက ပြောကြားသည်။

"မီး..မီး ဆိုပြီးလမ်းမတန်းဘက်ကအော်မှ တိုက်အပေါ်ထပ်အနောက်က လောင်နေတာတွေ့ရတယ်။ ထွက်ကြည့်တော့အပေါ်ထပ်က မီးခိုးအူပြီး တံခါးတွေ စွဲလောင်နေတာကိုတွေ့တယ်။ မာဆတ်ကမိန်းကလေးတွေ အကုန်ဆင်းပြေးကြတယ်"ဟု ယင်းတိုက်နံဘေးအိမ်တွင် နေထိုင်သူတစ်ဦးက The Daily Eleven သတင်းစာသို့ ပြောကြားသည်။

အဆိုပါမီးလောင်ကျွမ်းမှုကို မီးသတ်ယာဉ် ၂၈ စီး၊ အုပ်ချုပ်ယာဉ်သုံးစီး၊ အထောက်အကူပြု ယာဉ်ခြောက်စီး လာရောက်ငြှိမ်းသတ်၍ ၁၂ နာရီ မိနစ် ၄၀ တွင် မီးထိန်းနိုင်ကာ ၁၂ နာရီ မိနစ် ၅၀ တွင် မီးငြှိမ်းသတ်နိုင်ခဲ့ကြောင်း၊ ကြက်ခြေနီယာဉ်လေးစီးမှလည်း အကူအညီများပေးခဲ့ကြောင်း သိရသည်။

ထိုသို့ လောင်ကျွမ်းမှုကြောင့် အဆောက်အအုံ တန်ဖိုး သိန်း ၂၀ နှင့် ပစ္စည်းတန်ဖိုး သုံးသိန်း ဆုံးရှုံးခဲ့ကြောင်း သိရသည်။

အဆိုပါ မီးလောင်ကျွမ်းမှုနှင့် ပတ်သက်၍ တောင်ဥက္ကလာပ မြို့မရဲစခန်းက ဆိုင်တာဝန်ခံဖြစ်သူ ကိုဝင်းမြင့်စန်းအား (ပ) ၄၇၃/၂၀၁၃၊ပုဒ်မ ၃၀၄-က/၂၈၅ ဖြင့် အမှုဖွင့် အရေးယူထားကြောင်း တောင်ဥက္ကလာပ မြို့မရဲစခန်းမှ ဒုရဲအုပ် တေဇာမင်းက The Daily Eleven သတင်းစာသို့ ဒီဇင်ဘာ ၁၆ ရက် မွန်းလွဲ ၃ နာရီခွဲတွင် ပြောကြားသည်။

"ဆိုင်ကတော့ KTV လို့သိရတယ်။ လျှပ်စစ်ထမင်းပေါင်းအိုး စတည်တာကနေ လောင်တယ်။ မီးလောင်တော့ ပိုင်ရှင်ဖြစ်သူလည်း ထွက်ပြေးသွားတယ်။ အမှုဖွင့်ထားတဲ့သူက ပိုင်ရှင်မဟုတ်ဘူးလို့ ငြင်းနေတယ်"ဟု ဒုရဲအုပ်တေဇာမင်းက ပြောကြားသည်။

ယခု Beauty Spa မီးလောင်မှုသည် တစ်ပတ်အတွင်း ရန်ကုန်မြို့၌ ဒုတိယအကြိမ် ဖြစ်ပွားခဲ့ခြင်းဖြစ်သည်။ ပြီးခဲ့သည့် ဒီဇင်ဘာ ၁၀ ရက် ည ၁၂ နာရီ ၁၅ မိနစ်ကလည်း မရမ်းကုန်းမြို့နယ်၊ ၈ ရပ်ကွက်၊ ဝေဇယန္တာလမ်းနှင့် ဂန္ဓမာလမ်းထောင့်ရှိ Gandamar Wholesale ကုန်တိုက်အပေါ်ထပ်ရှိ Venus Garden Spa အလှပြင်ဆိုင်တွင် မီးလောင်ကျွမ်းမှုဖြစ်ပွားခဲ့ရာ အမျိုးသားသုံးဦးနှင့် အမျိုးသမီးလေးဦး သေဆုံးခဲ့သည်။

EMG

Read More

တောင်ကိုရီးယား နိုင်ငံတွင် အိုင်စီတီနည်းပညာ သင်တန်းများ တက်ရောက်ရန် အခြေခံပညာ ကျောင်းများမှ ဆရာ၊ ဆရာမ ၂၀ ဦးအား ပထမဆုံးအကြိမ် ရွေးချယ်စေလွှတ်မည်

Tuesday, 17 December 2013


ရန်ကုန်တိုင်းဒေသကြီး တောင်ဒဂုံမြို့နယ် အမှတ်(၂)အခြေခံပညာ အထက်တန်းကျောင်းမှ ကျောင်းဆင်းလာသည့် ဆရာ၊ ဆရာမ အချို့အား တွေ့ရစဉ်

တောင်ကိုရီးယား နိုင်ငံရှိ ပညာရေး အဖွဲ့အစည်း တစ်ခုဖြစ်သည့်ှSejong City Office Education မှ မြန်မာနိုင်ငံရှိ အခြေခံပညာကဏ္ဍ၊ အခြေခံပညာ ကျောင်းများအတွက် အိုင်စီတီ နည်းပညာဆိုင်ရာ အကူအညီများ ပေးသွားမည်ဖြစ်ပြီး တောင်ကိုရီးယား နိုင်ငံသို့ အိုင်စီတီ နည်းပညာဆိုင်ရာ သင်တန်းများ တက်ရောက်ရန် အခြေခံပညာ ကျောင်းများမှ ဆရာ၊ ဆရာမ ၂၀ ဦးအား ရွေးချယ်စေလွှတ် သွားမည်ဖြစ်ကြောင်း ရန်ကုန်တောင်ပိုင်းခရိုင် ပညာရေးမှူးရုံးမှ လက်ထောက် ညွှန်ကြားရေးမှူး ဦးခင်အောင်ရီက ပြောကြားသည်။

အဆိုပါ အစီအစဉ်အား ၂၀၁၄ ခုနှစ် ဧပြီလတွင် စတင်အကောင်အထည်ဖော် ဆောင်ရွက်သွားမည်ဖြစ်ပြီး ပညာသင် စေလွှတ်မည့် ဆရာ၊ ဆရာမများအား ရန်ကုန်တိုင်း ဒေသကြီး အမှတ် (၃) အခြေခံပညာ ဦးစီးဌာနမှ စိစစ်ရွေးချယ် သွားမည်ဖြစ်သည်။

''သူတို့ဆီမှာ Smart Education ကို အကောင်အထည် ဖော်နေတာဆိုတော့ အိုင်စီတီ နည်းပညာရပ်တွေနဲ့ ပတ်သက်ပြီးတော့ မျှဝေပေးချင်တယ်။ ဒါ့ကြောင့် အခြေခံပညာ ကျောင်းတွေမှာ ကွန်ပျူတာ ပညာရပ်တွေကို ပြန်လည်ဖြန့်ဝေပေးဖို့ ဆရာ၊ ဆရာမတွေကို အိုင်စီတီ နည်းပညာတွေကို ဝေမျှဖို့အတွက် ကမ်းလှမ်းလာတာပါ။ သူတို့ကို အိုင်စီတီ ပညာရပ်တွေကို စာတွေ့ရော လက်တွေ့ပါ ဖြေခိုင်းပါမယ်။ အဲဒီထဲကမှ ၂၀ ဦး ရွေးချယ်ပြီး စေလွှတ်မှာပါ။ ဒီခရီးစဉ်က ၁၄ ရက်ကြာမြင့်မှာပါ'' ဟု ရန်ကုန်တောင်ပိုင်းခရိုင် ပညာရေးမှူးရုံးမှ လက်ထောက် ညွှန်ကြားရေးမှူး ဦးခင်အောင်ရီက ဆိုသည်။

တောင်ကိုရီးယားနိုင်ငံသို့ အိုင်စီတီ နည်းပညာ သင်တန်းများ တက်ရောက်ရန်အတွက် အရည်အချင်း စစ်ဆေးခြင်းကို ဇန်န၀ါရီလအတွင်း ပြုလုပ်သွားမည်ဖြစ်ပြီး ရန်ကုန်တိုင်း ဒေသကြီးရှိ မူလတန်း၊ အလယ်တန်း၊ အထက်တန်းကျောင်း စုစုပေါင်း ၂၇၁၂ ကျောင်းမှ ဆရာ၊ ဆရာမ ၃၀၀ ကျော်ပါဝင် ဖြေဆိုကြမည် ဖြစ်ကြောင်း သိရသည်။

အဆိုပါ Sejong City Office Education မှ နည်းပညာဆိုင်ရာ အကူအညီများ ပေးရန်အတွက် ရန်ကုန်တိုင်း ဒေသကြီးရှိ အမှတ် (၃)အခြေခံပညာ ဦးစီးဌာနနှင့် Sejong City Office Education မှ တာဝန်ရှိသူများက ဒီဇင်ဘာ ၁၃ ရက်တွင် ရန်ကုန်တိုင်းဒေသကြီး၊ အမှတ်(၃) အခြေခံပညာ ဦးစီးဌာန၌ သဘောတူလက်မှတ် ရေးထိုးခဲ့ကြသည်။ ဦးစွာ အိုင်စီတီ နည်းပညာဆိုင်ရာ ပံ့ပိုးကူညီမှု အနေဖြင့် တောင်ကိုရီးယားနိုင်ငံ Sejong City Office Education မှ ကွန်ပျူတာ အလုံး ၆၀ အား အမှတ်(၃) အခြေခံပညာ ဦးစီးဌာနသို့ ပေးအပ်ခဲ့ပြီး ၎င်းမှတစ်ဆင့် အဆိုပါ ကွန်ပျူတာများကို ရန်ကုန်တိုင်း ဒေသကြီး အတွင်းရှိ အခြေခံကျောင်းများသို့ ပြန်လည်ပေးအပ် သွားမည်ဖြစ်သည်။

EMG

Read More

ကုလားတန်မြစ်ကြောင်း ဘက်စုံဖွံ့ဖြိုးတိုးတက်ရေး စီမံကိန်း၌ ပါဝင်သော စစ်တွေဆိပ်ကမ်း တည်ဆောက်မှု ၂၀၁၄ ခုနှစ် ဇွန်လတွင် ပြီးစီးမည်

  Tuesday, 17 December 2013


Essar မှ တည်ဆောက်နေသော စစ်တွေဆိပ်ကမ်း တည်ဆောက်မှု လုပ်ငန်းခွင် တစ်နေရာအား တွေ့ရစဉ်

အိန္ဒိယနိုင်ငံမှ တည်ဆောက်နေသည့် စစ်တွေဆိပ်ကမ်းအား၂၀၁၄ ခုနှစ် ဇွန်တွင် ပြီးစီးရန် မျှော်လင့်ထားကြောင်း တာဝန်ယူ တည်ဆောက်နေသည့် Essar ကုမ္ပဏီမှ တာဝန်ရှိသူ တစ်ဦးက ပြောကြားကြောင်း The Hindu Business line တွင် ဒီဇင်ဘာ ၁၃ ရက်က ဖော်ပြချက်အရ သိရသည်။

လက်ရှိအခြေအနေတွင် စစ်တွေဆိပ်ကမ်း တည်ဆောက်နေမူမှာ ရာခိုင်နှုန်း ၇၀ အထိ ပြီးစီးနေပြီ ဖြစ်ကြောင်းနှင့် အိန္ဒိယ Essar ကုမ္ပဏီသည် ၎င်းရေလမ်းကြောင်းတွင် အသုံးပြုရန်အတွက် သင်္ဘောခြောက်စင်း တည်ဆောက်နေပြီး သင်္ဘောကိုယ်ထည်များမှာ ရာခိုင်နှုန်း ၅၀ ပြီးစီးနေပြီဟု သိရသည်။

ယင်းအပြင် Essar အနေဖြင့် တာဝန်ယူရမည့် လုပ်ငန်းများတွင် စစ်တွေဆိပ်ကမ်းအပြင် ပလက်ဝဆိပ်ခံ တံတားနှင့် ဆိပ်ကမ်းနှစ်ခု အကြားရှိ ၁၅၈ ကီလိုမီတာ ရှည်လျားသည့် ကုလားတန် ရေလမ်းကြောင်း တူးဖော်မှုလည်း ပါဝင်ကြောင်း သိရသည်။

အိန္ဒိယသည် ကုလားတန်မြစ်ကြောင်း ဘက်စုံဖွံ့ဖြိုး တိုးတက်ရေး စီမံကိန်းကို ၂၀၀၈ ခုနှစ် ကတည်းက စတင်ခဲ့ခြင်းဖြစ်ပြီး ၂၀၁၆ ခုနှစ်တွင် အပြီးသတ် နိုင်မည်ဟု သိရသည်။ ပလက်ဝ ဆိပ်ကမ်းမှ အိန္ဒိယနယ်စပ်ထိ ၁၀၉ ဒသမ ၂ ကီလိုမီတာ အရှည်ရှိသော ကားလမ်းနှင့် အိန္ဒိယနိုင်ငံ မီဇူရမ်ပြည်နယ် မြို့တော်

အိုင်ဇော (Aizwal) အထိ ကီလိုမီတာ ၂၅၀ ရှိ ကားလမ်းဖောက်လုပ်ရန် အတွက် မကြာမီတင်ဒါ ခေါ်ယူနိုင်ဖွယ်ရှိကြောင်း သိရသည်။

စစ်တွေဆိပ်ကမ်းသည် ရခိုင်ပြည်နယ်နှင့် အိန္ဒိယနိုင်ငံ၏ အရှေ့မြောက်ပိုင်း ပြည်နယ်များနှင့် ကုန်စည်များ ကူးသန်းပို့ဆောင်ရန် အရေးပါလာမည်ဖြစ်ပြီး အိန္ဒိယအရှေ့မြောက် ပြည်နယ်များ၏ ဖွံ့ဖြိုးတိုးတက်မှုအတွက် အရေးပါသလို ယင်းဒေသတွင် လိုအပ်နေသည့် စိုက်ပျိုးရေး ဓာတ်မြေသြဇာများ ပို့ဆောင်ရန် အရေးပါလာမည် ဖြစ်ကြောင်းနှင့် ရခိုင်ပြည်နယ် ပုဏ္ဏားကျွန်းစက်မှုဇုန်တွင် ဓာတ်မြေသြဇာစက်ရုံ တည်ဆောက်ရန် စိတ်ဝင်စားလျက် ရှိကြောင်း သိရသည်။

EMG

Read More

ကျပ်နှစ်သိန်းမှစ၍ ၀ယ်ယူနိုင်မည့် ရွှေတုံးများ ဖေဖော်ဝါရီ ၁၂ ရက်တွင် ဈေးကွက်အတွင်း စတင်ရောင်းချမည်

Tuesday, 17 December 2013



ဈေးကွက်အတွင်း ရောင်းချမည့် ရွှေတုံးနမူနာမိုပုံစံများကိုတွေ့ရစဉ် (ဓာတ်ပုံ-အောင်မြတ်ကို)

ကျပ်နှစ်သိန်းမှစ၍ ၀ယ်ယူနိုင်မည့် ရွှေတုံးများကို ၂၀၁၄ ခုနှစ် ဖေဖော်ဝါရီ ၁၂ ရက်တွင် ဈေးကွက်အတွင်း စတင်ရောင်းချမည် ဖြစ်ကြောင်း မြန်မာရွှေဖွံ့ဖြိုးတိုးတက်ရေး အများပိုင်ကုမ္ပဏီလီမိတက်မှ သိရသည်။

"ဒီဈေးကွက်က မြန်မာရွှေဖွံ့ဖြိုးတိုးတက်ရေး အများပိုင်ကုမ္ပဏီလီမိတက်ရဲ့ ပထမခြေလှမ်းလို့ ပြောလို့ရပါတယ်။ ရွှေဝယ်စုတဲ့သူတွေ ဈေးနည်းနည်းနဲ့ အတုံးဝယ်စုလို့ရအောင် လုပ်ပေးတာပါ။ အရည်အသွေးပိုင်းကို ၉၉.၉၉ အရည်အသွေးရအောင် လုပ်ထားတယ်။ တံဆိပ်ပိုင်းကိုလည်း အတုအပမရှိအောင် လုပ်သွားမှာပါ။ နည်းပညာကို အိန္ဒိယနဲ့ ဥရောပနိုင်ငံတွေက လေ့လာခဲ့တယ်။ ဒီရွှေတုံးကိုဝယ်ပြီး ပြန်ရောင်းချင်တယ်ဆိုရင်လည်း ပြန်ဝယ်ပေးမှာပါ" ဟု မြန်မာရွှေဖွံ့ဖြိုးတိုးတက်ရေး အများပိုင်ကုမ္ပဏီလီမိတက်မှ ဒါရိုက်တာဦးရဲသူအောင်က ပြောကြားသည်။

ရွှေတုံးများ၏အလေးချိန်ကို ဂရမ်အလိုက်သတ်မှတ်ထားပြီး ၂ ဒသမ ၅ ဂရမ် မှ ၁၀၀ ဂရမ်အထိရှိကာ ဈေးနှုန်းမှာပျမ်းမျှအားဖြင့် ၂ ဒသမ ၅ ဂရမ်တစ်တုံးလျှင် ကျပ်နှစ်သိန်းခွဲနှင့် ၁၀၀ ဂရမ်ဆိုပါက ကျပ်သိန်း ၄၀ ကျသင့်မည်ဖြစ်ပြီး ဈေးကွက်အတွင်းရှိ ရွှေဆိုင်များကို ရောင်းချပေးသွားမည်ဖြစ်ကြောင်း သိရသည်။

အဆိုပါရွှေတုံးများကို ပြည်တွင်းဈေးကွက်အတွင်း၌သာ ရောင်းချသွားမည်ဖြစ်ပြီး နောက်ပိုင်းတွင် ဈေးကွက်မှဝယ်လိုအားနှင့် မှာယူမှုများရှိလာပါက ပြည်ပဈေးကွက်သို့ပါ တင်ပို့ရောင်းချမှုများ ပြုလုပ်သွားမည်ဟု သိရသည်။

မြန်မာနိုင်ငံမှ ထွက်ရှိသည့်ရွှေများကို ပြည်တွင်းဈေးကွက်၌သာ အဓိကထားရောင်းချလျက်ရှိရာ ပြည်ပနိုင်ငံများမှ နည်းပညာများကိုလေ့လာ၍ တန်ဖိုးမြှင့်ကုန်ချောများအဖြစ် ပြည်ပနိုင်ငံဈေးကွက်သို့ ချဲ့ထွင်သင့်ကြောင်း၊ ဈေးကွက်အတွင်းရှိ တရားမ၀င် ရွှေကုန်သွယ်မှုများကိုလည်း တရားဝင်လမ်းကြောင်းပေါ်သို့ ရောက်ရှိစေရန် ပြုလုပ်သွားမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီး ဦးဝင်းမြင့်က မြန်မာနိုင်ငံရွှေလုပ်ငန်းရှင်များအသင်း၏ (၁၁) ကြိမ်မြောက်နှစ်ပတ်လည် အသင်းသားစုံညီ အစည်းအဝေးတွင် ပြောကြားခဲ့သည်။

Read More

ဥရောပသမဂ္ဂနိုင်ငံများ မြန်မာ့သတ္တုတွင်းကဏ္ဍတွင် ပူးပေါင်းလုပ်ဆောင်မည်ဖြစ်ပြီး ရှားပါးသတ္တုတူးဖော်မှု လုပ်ငန်းကဏ္ဍတိုင်း၌ ရင်းနှီးမြှုပ်နှံမည်ဆိုပါက ကူညီသွားမည်

Tuesday, 17 December 2013



မုံရွာမြို့အနီးရှိ ကြေးနီထုတ်လုပ်မည့် လက်ပံတောင်းတောင်စီမံကိန်း လုပ်ငန်းခွင်နေရာအား တွေ့ရစဉ် (ဓာတ်ပုံ-ဖြိုးဝေ)

မြန်မာ့သတ္တုတွင်းကဏ္ဍတွင် ဥရောပသမဂ္ဂနိုင်ငံများမှ ၀င်ရောက်လုပ်ကိုင်မည်ဖြစ်ပြီး နားလည်မှုစာချွန်လွှာ ရေးထိုးရန်နှင့် သတ္တုလုပ်ငန်းဆိုင်ရာ ကဏ္ဍများတွင် ၀င်ရောက်လုပ်ကိုင်မည်ဆိုပါက ပလက်တီနမ်၊ ယူရေနီယမ်အစရှိသည့် ရှားပါးသတ္တုတူးဖော်မှုဆိုင်ရာ ကဏ္ဍတိုင်းအား သတ္တုတွင်းဝန်ကြီးဌာနမှ အစစအရာရာ ကူညီသွားမည်ဖြစ်ကြောင်း သတ္တုတွင်းဝန်ကြီးဌာန သတ္တုတွင်းဦးစီးဌာနမှ ညွှန်ကြားရေးမှူးချုပ် ဦးဝင်းထိန်က ပြောကြားသည်။

"အီးယူကတော့ သတ္တုတွင်းဝန်ကြီးဌာနနဲ့ ပူးပေါင်းဆောင်ရွက်မယ်။ နားလည်မှုစာချွန်လွှာ ရေးထိုးမယ်ဆိုပြီး ပြန်သွားပါတယ်။ ကျွန်တော်တို့အနေနဲ့ကတော့ သတ္တုတူးဖော်တဲ့ကဏ္ဍတိုင်းမှာ အီးယူနိုင်ငံတွေက ပါဝင်လုပ်ဆောင်မယ်ဆို ကူညီဖို့အသင့်ပါပဲ"ဟု ဦးဝင်းထိန်က ပြောကြားသည်။

မြန်မာနိုင်ငံ၏ မြို့နယ်ပေါင်း ၂၀၀ ကျော်ခန့်တွင် သဘာဝသယံဇာတများဖြစ်သည့် သတ္တုများထွက်ရှိနေကြောင်း မြန်မာနိုင်ငံသတ္တုလုပ်ငန်းရှင်များအသင်းချုပ်မှ ဒုတိယဥက္ကဋ္ဌ ဦးခင်မောင်ဟန်က ပြောကြားသည်။ ထိုသို့ ထွက်ရှိနေသော်လည်း နိုင်ငံတကာဈေးကွက်ဝင် သတ္တုခုနစ်မျိုးခန့်သာ စီးပွားဖြစ်တူးဖော်နိုင်သည့် အနေအထားတွင်ရှိနေပြီး ရွှေ၊ ယူရေနီယမ်၊ ပလက်တီနမ်အပါအ၀င် ကန့်သတ်ထားသည့် ရှားပါးသတ္တု ၁၈ မျိုးခန့်ရှိနေကြောင်း သိရသည်။

နည်းပညာမြင့်မားသည့် အီးယူနိုင်ငံများမှ မြန်မာနိုင်ငံ၏ သတ္တုတွင်းကဏ္ဍ၌ ၀င်ရောက်လုပ်ကိုင်မည်ဆိုပါက တရုတ်နိုင်ငံကဲ့သို့သော နိုင်ငံများ၏ သတ္တုတူးဖော်မှုထက် ပိုမို၍ မြန်မာနိုင်ငံအတွက် အကျိုးဖြစ်ထွန်းစေမည်ဖြစ်ကြောင်း ဦးဝင်းထိန်က ဆက်လက်ပြောကြားသည်။

လက်ရှိအချိန်တွင် မြန်မာနိုင်ငံသတ္တုတွင်းကဏ္ဍအား ပိုမိုမြှင့်တင်နိုင်ရန် သတ္တုတွင်းဥပဒေများအား ပြင်ဆင်ရေးဆွဲနေပြီး ပြင်ဆင်ရေးဆွဲပြီးသည့် သတ္တုတွင်းဥပဒေအား ပြည်သူ့လွှတ်တော်သို့ တင်ပြထားကာ ဥပဒေထွက်ပေါ်လာသည်နှင့် နိုင်ငံခြားရင်းနှီးမြှုပ်နှံမှုများအတွက် ပိုမိုလုပ်သာကိုင်သာရှိသည့် အခြေအနေများ ဖြစ်ပေါ်လာမည်ဖြစ်ကြောင်း သတ္တုတွင်းဝန်ကြီးဌာန ပြည်ထောင်စု ဒုတိယ၀န်ကြီး ဦးသန်းထွန်းအောင်က ပြောကြားသည်။

အဆိုပါ မြန်မာသတ္တုတွင်းဥပဒေဟောင်းများကြောင့် သတ္တုကဏ္ဍတွင် ပါဝင်လုပ်ကိုင်သူများအတွက် ပါမစ်များအပေါ် မှီခိုရခြင်း၊ နောက်ဆက်တွဲ ထောက်ခံချက်၊ လိုင်စင်၊ ပါမစ်များမရရှိလျှင်၊ သတ္တုလုပ်ငန်းများ ဆောင်ရွက်နိုင်မှုအတွက် အာမခံချက် ကင်းမဲ့ခြင်း၊ လုပ်ကိုင်ခွင့်ပြုကာလအား အနည်းငယ်သာ ပေးအပ်ထားသည့်အတွက် သတ္တုတူးဖော်ထုတ်လုပ်ရန် ကာလမလုံလောက်မှုနှင့် အကြီးစား သတ္တုလုပ်ငန်းစီမံကိန်းများ၌ ရေရှည်လုပ်ကိုင်ရန် သေချာခြင်း လိုအပ်မှုကို နားလည်သဘောပေါက်ရန် ဥပဒေစီရင်သူများ ပျက်ကွက်မှုများရှိနေကြောင်း သြစတေးလျပညာရှင် William (Bill) Sullivan နှင့် Mr. Peter Church Oam က သုံးသပ်သည်။

မြန်မာနိုင်ငံ၏ နိုင်ငံခြားရင်းနှီးမြှုပ်နှံမှုကဏ္ဍတွင် သတ္တုတွင်းကဏ္ဍမှ စတုတ္ထအများဆုံးအဖြစ် အမေရိကန်ဒေါ်လာ ၂၈၃၃ ဒသမ ၇၃၄ သန်း မြှုပ်နှံထားပြီး စွမ်းအင်၊ ရေနံနှင့်သဘာဝဓာတ်ငွေ့၊ ကုန်ထုတ်လုပ်မှု လုပ်ငန်းများအား အများဆုံးမြှုပ်နှံထားကြောင်း သိရသည်။

EMG

Read More

ပြည်တွင်းမှကုန်ကြမ်းကိုသာ ၀ယ်ယူခြင်းမပြုဘဲ ကုန်ချောထုတ်စက်ရုံများ လာရောက်တည်ထောင်ကာ ရင်းနှီးမြှုပ်နှံမှုပြုရန် တရုတ်စီးပွားရေး လုပ်ငန်းရှင်များကို ဖိတ်ခေါ်

Monday, 16 December 2013


ဒီဇင်ဘာ ၁၆ ရက်တွင် တရုတ်-မြန်မာနှစ်နိုင်ငံကုန်သွယ်မှု MoU ရေးထိုးစဉ်

ပြည်တွင်းမှထွက်ရှိသည့် ကုန်ကြမ်းများကိုသာ ၀ယ်ယူမှုမပြုဘဲ တရုတ်နိုင်ငံ၏ နည်းပညာပူးပေါင်းဆောင်ရွက်မှုဖြင့် ကုန်ချောထုတ်လုပ်နိုင်သည့် စက်ရုံများ လာရောက်တည်ထောင်ကာ ရင်းနှီးမြှုပ်နှံမှုပြုလုပ်ရန် တရုတ်စီးပွားရေးလုပ်ငန်းရှင်များကို မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်မှ တွဲဖက်အတွင်းရေးမှူး ဦးအေးလွင်က အကြံပြုပြောကြားသည်။

တရုတ်နိုင်ငံ ကွမ်တုံပြည်နယ် ဒုတိယမြို့တော်ဝန်ဦးဆောင်သည့် အဖွဲ့ဝင်၂၂ ဦး ပါဝင်သည့် CCPIT Guangdong ကိုယ်စားလှယ်အဖွဲ့သည် မြန်မာနှင့်တရုတ် (ကွမ်တုံပြည်နယ်) နှစ်နိုင်ငံအကြား မြန်မာစီးပွားရေး လုပ်ငန်းရှင်များနှင့် အကျိုးတူ ပူးပေါင်းဆောင်ရွက်နိုင်ရန်အတွက် ဒီဇင်ဘာ ၁၁ ရက်ကတည်းက လာရောက်ဆွေးနွေးခဲ့ကြောင်း သိရသည်။

"လုပ်ငန်းရှင်တွေကို ပြောချင်တာက ကျွန်တော်တို့တိုင်းပြည်က ကုန်ကြမ်းတွေပဲယူမယ့်အစား ပြည်တွင်းမှာ စက်ရုံအလုပ်ရုံတွေ လာရောက်ထူထောင်ပြီး ကုန်ချောတွေကို အတူတကွထုတ်လုပ်ကာ ကမ္ဘာ့နိုင်ငံအသီးသီးကို ရောက်ရှိအောင် ပြုလုပ်ပေးဖို့ ကျွန်တော့်အနေနဲ့ မေတ္တာရပ်ခံပါတယ်" ဟု ၎င်းကဆိုသည်။

သစ်နှင့်သစ်အချောထည်လုပ်ငန်း၊ ဖိနပ်လုပ်ငန်း၊ ကြော်ငြာနှင့်မီဒီယာလုပ်ငန်း၊ ကြိတ်စက်အမျိုးမျိုးလုပ်ငန်း၊ စက်သွားဖြင့် အရောင်တင်လုပ်ငန်း၊ သွင်းကုန်ထုတ်ကုန်လုပ်ငန်း၊ လျှပ်စစ်နှင့်လျှပ်စစ်ပစ္စည်းလုပ်ငန်း၊ အသံဖမ်းအင်ဂျင်နီယာလုပ်ငန်း၊ ရင်းနှီးမြှုပ်နှံမှုလုပ်ငန်းတို့ကို ပူးပေါင်းလုပ်ကိုင်ရန်အတွက် လာရောက်ခဲ့ခြင်းဖြစ်ကြောင်း သိရသည်။

တရုတ်နိုင်ငံအနေဖြင့် မြန်မာနိုင်ငံတွင် ယခုလာရောက်ရင်းနှီးမြှုပ်နှံမည့် ပမာဏသည် အမရိကန်ဒေါ်လာ သိန်း ၇၅၀ ခန့် ရင်းနှီးမြှုပ်နှံမှုပြုလုပ်ရန် လျာထားကြောင်း သိရသည်။

တရုတ်နိုင်ငံ၏ စီးပွားရေးမူဝါဒအရ တရုတ်နိုငံသို့ မြန်မာနိုင်ငံမှ ကုန်ကြမ်းတင်သွင်းရာတွင် အခွန်သက်သာသော်လည်း ကုန်ချောတင်သွင်းရာတွင်မူ အခွန်ကြီးမြင့်နေသည့်အတွက် တရားမျှတသည့် မူဝါဒဖြစ်စေရန် တရုတ်အစိုးရသို့ မြန်မာစီးပွားရေး လုပ်ငန်းရှင်များမှ အကြံပြုထားပြီး ယင်းအကြံပြုချက်ကို တရုတ်အစိုးရသို့ တင်ပြပေးသွားမည်ဖြစ်ကြောင်း The Department of Foreign Trade & Economic Cooperation of Guandong Province မှ ဒုတိယညွှန်ကြားရေးမှူး Mrs. Ren Shao က ပြောကြားသည်။

မြန်မာနိုင်ငံတွင် ရင်းနှီးမြှုပ်နှံသည့် နိုင်ငံပေါင်း ၃၃ နိုင်ငံရှိပြီး တရုတ်နိုင်ငံ၏ ရင်းနှီးမြှုပ်နှံမှုသည် ပထမအဆင့်အနေဖြင့် ရပ်တည်လျက်ရှိကြောင်း၊ လုပ်ငန်းပေါင်း ၅၁ ခုတွင် ရင်းနှီးမြှုပ်နှံထားကာ ရင်းနှီးမြှုပ်နှံမှုပမာဏ စုစုပေါင်း အမေရိကန်ဒေါ်လာ ၁၄ ဘီလျံရှိကြောင်း သိရသည်။

Read More

မြန်မာဘောလုံးအသင်း ရှုံးနိမ့်မှုကြောင့် မြန်မာတို့၏ ဆီးဂိမ်းဝိညာဉ်ပျောက်ဆုံး အင်ဒိုနီးရှားအသင်းကို ရှုံးနိမ့်ခဲ့၍ ပရိသတ်များ အကြမ်းဖက်မှု ဖြစ်ပွား

Tuesday, 17 December 2013


အင်ဒိုနီးရှားအသင်းကို ရှုံးနိမ့်ပြီးနောက် ပရိသတ်အချို့က ထိုင်ခုံများဖျက်ဆီး၍ ကွင်းအတွင်း ပစ်ပေါက်ထားသည်ကို တွေ့ရစဉ် ( ဓာတ်ပုံ-ညီညီစိုးညွန့်)

ဒီဇင်ဘာ ၁၆ ရက် ညနေပိုင်းက ယှဉ်ပြိုင်ကစားသော ဆီးဂိမ်းစ်အမျိုးသား ဘောလုံးပြိုင်ပွဲ အုပ်စုနောက်ဆုံးပွဲစဉ်တွင် မြန်မာအသင်းက အင်ဒိုနီးရှားအသင်းအား တစ်ဂိုး ဂိုးမရှိဖြင့် ရှုံးနိမ့်ခဲ့ခြင်းကြောင့် အုပ်စုမှထွက်ခဲ့ရပြီ ဖြစ်သည်။
အိမ်ရှင်အဖြစ် လက်ခံကျင်းပလျက်ရှိသော အရှေ့တောင်အာရှ အားကစားပြိုင်ပွဲ အားကစားနည်းများအနက် ပရိသတ်များ အမျှော်လင့်ဆုံး၊ အားအပေးဆုံး အားကစားနည်းဖြစ်သော ဘောလုံးပြိုင်ပွဲတွင် အုပ်စုအဆင့်မှ ထွက်ခွာခဲ့ရသောကြောင့် မျှော်လင့်တကြီး အားပေးခဲ့ကြသော ပရိသတ်များမှာ ဒေါသထွက်ကာ ဆူပူအကြမ်းဖက်မှုများ ဖြစ်ပွားခဲ့သည်။ လုံခြုံရေး ရဲတပ်ဖွဲ့ဝင်များနှင့် ဘောလုံးပရိသတ်အချို့ကြား ပဋိပက္ခများလည်း ဖြစ်ပွားခဲ့သည်။ မြန်မာဘောလုံးအသင်း အုပ်စုအဆင့်မှ ထွက်ခွာခဲ့ရခြင်းသည် ဆီးဂိမ်းပြိုင်ပွဲ၏ ၀ိညာဉ်ပျောက်ဆုံးခြင်းပင်ဖြစ်ကြောင်း သုံးသပ်မှုများလည်း ရှိနေသည်။



ခဲများဖြင့် ပစ်ပေါက်ခဲ့သည့် ပရိသတ်တစ်ဦးအား လုံခြုံရေးတပ်ဖွဲ့ဝင်များက ဖမ်းဆီးနေစဉ် (ဓာတ်ပုံ-မင်းသိန်းနိုင်)



မြန်မာဘောလုံးသမားများ ပုံပါ ဆီးဂိမ်းစ်လှုံ့ဆော်ရေးဆိုင်ဘုတ်ကို မီးရှို့နေကြစဉ် (ဓာတ်ပုံ-အာကာ)



ပရိသတ်များ ၀တ်ဆင်အားပေးသည့် မြန်မာအသင်းအင်္ကျီအား မီးရှို့နေကြစဉ်(ဓာတ်ပုံ-အာကာ)

"ဒီနှစ်နှစ်အတွင်းမှာလည်း ပတ်ဆောင်ဟွာကိုင်တွယ်ချိန်မှာ ပြိုင်ပွဲများစွာကို ရှုံးနိမ့်ပြီး အရှက်ရခဲ့တယ်။ ခြေစမ်းပွဲတွေမှာလည်း အကြိမ်ကြိမ် ရှုံးနိမ့်စဉ်ကတည်းက ဒီနည်းပြမဟုတ်တော့ဘူးဆိုတာ ကျွန်တော်တို့သိနေတယ်။
ဒီဆီးဂိမ်းစ်ဟာ ကျွန်တော်တို့အတွက် အရမ်းအရေးကြီးတယ်။ ဒါကို သူနားလည်ထားရမယ်။ ဒီပွဲအစ လူထုတ်ပုံကြည့်ကတည်းက အတော့်ကိုစိတ်ပျက်သွားမိတယ်။ ဘာလို့ ကျော်ကိုကို ကို ပွဲအစမှာ ထည့်မသုံးခဲ့တာလဲ။ နည်းပြရဲ့ လူထုတ်ပုံမှားယွင်းမှု၊ လူစားလဲပုံ မှားယွင်းမှုတွေက ဒီပွဲကိုရှုံးနိမ့်စေတယ်လို့ ပြောချင်တယ်။ ပတ်ဆောင်ဟွာဟာ အခုမှဒီလိုအမှားမျိုးကျူးလွန်တာမဟုတ်ဘဲ အရင်ကတည်းက အကြိမ်ကြိမ် မှားခဲ့ဖူးသူဖြစ်တယ်။
ဘာပဲပြောပြောသူတစ်ယောက်တည်းရဲ့ ဆုံးဖြတ်ချက်က ကျွန်တော်တို့မြန်မာပရိသတ် သန်း ၆၀ စလုံးရဲ့ မျှော်လင့်ချက်တွေကို ရိုက်ချိုးသလို ဖြစ်စေခဲ့တယ်" ဟု ၀ါရင့်အားကစား ကလောင်ရှင်တစ်ဦးဖြစ်သူ ဦးချစ်ဝင်းမောင် (အယ်ဒီတာချုပ်၊ တက်လမ်းအားကစားဂျာနယ်) က ပြောကြားခဲ့သည်။

"ပွဲထွက်လူစာရင်းကိုကြည့်ကတည်းက ဘာတွေဖြစ်ကုန်တာလဲလို့ ကျွန်တော်တို့ အံ့အားသင့်ခဲ့ရပါတယ်။ ဒီပွဲက အင်တာနေရှင်နယ်အဆင့် ပွဲတစ်ပွဲဖြစ်ပြီး ပြိုင်ဘက်အသင်းကလည်း လျှော့တွက်လို့မရတဲ့ အသင်းတစ်သင်းပါ။ ပြီးခဲ့တဲ့ပွဲတွေမှာ ကစားပုံသိပ်မကောင်းခဲ့ပေမယ့် အင်ဒိုနီးရှားဟာ အစဉ်အလာရှိတဲ့ အသင်းတစ်သင်းဆိုတာ မေ့မထားသင့်ဘူး။ နောက်ပြီး Head to Head အရ သူတို့အသင်းကနိုင်ရင် နောက်တစ်ဆင့်တက်မယ်ဆိုတာ သိနေတော့ သူတို့ကလည်း ကြိုးစားမှာပဲ။ ဒါကိုဘာဖြစ်လို့ ဒီလူထုတ်ပုံနဲ့ ရင်ဆိုင်သလဲဆိုတာ အံ့အားသင့်ရပါတယ်။ နောက်ပြီး ကျော်ကိုကို ကိုထည့်ချိန်မှာ ကျော်ဇေယျာဝင်းကို ထုတ်လိုက်တာလည်း အံ့သြစရာပါပဲ။ မြန်မာအသင်းဟာ ကစားကွက်လည်း လုံးဝမရှိဘဲ ရယ်စရာပြောရရင် ကလေးပွဲတစ်ပွဲ ကြည့်ရတာတောင် ပိုကောင်းဦးမယ်။ ဒီလိုတစ်နိုင်ငံလုံးက မျှော်လင့်နေတဲ့အချိန်မှာ အုပ်စုအဆင့်ကထွက်ရတာ တော်တော့်ကိုစိတ်မကောင်းပါဘူး" ဟု ဇွဲကပင်ယူနိုက်တက်အသင်း၏ နည်းစနစ်အကြံပေး ဦးအေးမောင်ကြီးက ပြောကြားခဲ့သည်။



ကွင်းအတွင်းဝင်ရောက်လာသော ပရိသတ်တစ်ဦးအား လုံခြုံရေးများက ခေါ်ဆောင်လာစဉ်(ဓာတ်ပုံ-ညီညီစိုးညွန့်)





ဆူပူနေသော ပရိသတ်အချို့အား မီးသတ်ပိုက်ဖြင့် ရေပက်၍ လူစုခွဲနေစဉ်(ဓာတ်ပုံ-မင်းသိန်းနိုင်)



ဝေဇယန္တာလမ်းနှင့် လေးထောင့်ကန်လမ်းဆုံ မီးပွိုင့်တွင် ပရိသတ်အချို့မှ ပစ်ပေါက်ထားသည့် ခဲအပိုင်းအစများ(ဓာတ်ပုံ-၀င်းမြင့်ကျော်)

အကြိုဗိုလ်လုပွဲတက်ရောက်ရေး အဆုံးအဖြတ်ပွဲတွင် မြန်မာအသင်းမှာ အင်ဒိုနီးရှားအသင်းအား တစ်ဂိုးဂိုးမရှိဖြင့် ရှုံးနိမ့်နေပြီး ပွဲစဉ်ပြီးခါနီးတွင် ပရိသတ်အချို့မှာ ရေအိတ်များဖြင့် ပစ်ပေါက်ခြင်း၊ ဖိနပ်များဖြင့် ကွင်းအတွင်းသို့ ပစ်ပေါက်ခြင်းအပြင် ထိုင်ခုံများကိုချိုးဖျက်ပြီး လာရောက်အားပေးသည့် ပရိတ်သတ်အချို့မှ ကွင်းထဲသို့ ပစ်ပေါက်ခဲ့မှုများ ရှိခဲ့သည်။

ထို့အပြင် မြန်မာအသင်းနှင့် အင်ဒိုနီးရှားအသင်းတို့ ယှဉ်ပြိုင်ကစားနေချိန်တွင် ပရိတ်သတ်သုံးဦးမှာ ကွင်းထဲသို့ ဆင်းသွားခဲ့သည့်အတွက် သက်ဆိုင်ရာ တာဝန်ယူထားသည့် လုံခြုံရေးရဲတပ်ဖွဲ့များမှ ထိန်းသိမ်းခဲ့ရကြောင်း သိရသည်။

ထို့နောက် ပွဲပြီးဆုံးသွားသည့်အချိန်တွင် ဒေါသထွက်နေသော ပရိသတ်များက ကွင်းအတွင်းရှိ ထိုင်ခုံများစွာ ချိုးဖျက်ခဲ့ပြီး ကွင်းထဲသို့ပစ်ချခဲ့သည့်အပြင် မြန်မာအသင်းအင်္ကျီများနှင့် လက်မှတ်များကို ဂိတ်ပေါက် ၇၊ ၈၊ ၉ ဘက်သို့သွားသည့် လမ်းမတွင် မီးရှို့မှုများပြုလုပ်ခဲ့၍ မီးလန့်မှုများ ဖြစ်ပွားခဲ့ကြောင်း သိရသည်။

ထို့အပြင် ပရိသတ်အချို့က သုဝဏ္ဏအားကစားကွင်းရှေ့ ဝေဇယန္တာလမ်းမနှင့် လေးထောင့်ကန်လမ်းထောင့်တွင် စိုက်ထူထားသည့် ဆီးဂိမ်းလှုံ့ ဆော်ရေး ဆိုင်းဘုတ်များအား ဖျက်ဆီးခြင်း လုံခြုံရေးဆောင်ရွက်နေသောရဲများကို ရေမြောင်းလုပ်ရန်ထားရှိသော အုတ်ခဲများဖြင့် ပစ်ပေါက်ခြင်းများ ပြုလုပ်ခဲ့ကြသည်။ သုဝဏ္ဏကွင်းနားရှိ ယာဉ်ထိန်းရဲရုံးကိုလည်း ခဲများဖြင့်ပစ်ပေါက်ခဲ့ကြပြီး ၎င်းဆူပူအကြမ်းဖက်သူများအား မီးသတ်ကားများ၏ ရေပိုက်ဖြင့် လူစုခွဲခဲ့သော်လည်း လူစုမကွဲဘဲ ပိုဆိုးလာသဖြင့် ရဲတပ်ဖွဲ့အင်အား ထပ်မံတိုးခဲ့ပြီး အဆိုပါလူစုအား အင်အားသုံး ဖြိုခွင်းခဲ့ရသည်။



မြန်မာအသင်း ရှုံးနိမ့်ပြီးနောက် သုဝဏ္ဏဘောလုံးကွင်းအပြင်ဘက် သင်္ဃန်းကျွန်းမြို့နယ် လေးထောင့်ကန်လမ်းနှင့် ဝေဇယန္တာလမ်းဆုံ အသင်းတိုက်မီးပွိုင့်အနီး မြန်မာပရိသတ်အချို့က အရာဝတ္ထုများဖြင့် ပစ်ပေါက်နေကြစဉ် (ဓာတ်ပုံ-အာကာ)

ထိုသို့ဖြိုခွင်းခဲ့ရာတွင် ဆူပူသည့် ပရိသတ်အချို့ကို ရဲတပ်ဖွဲ့က ဖမ်းဆီးမှုများရှိခဲ့ကြောင်းလည်း သိရသည်။ ဒေါသထွက်နေသော ပရိသတ်များနှင့် လုံခြုံရေးတပ်ဖွဲ့ဝင်များအကြား ပဋိပက္ခဖြစ်ပွားမှုမှာ ည ၁၁ နာရီ ၄၅ မိနစ်ခန့်တွင် ပြီးဆုံးခဲ့ကြောင်း သိရသည်။

ကိုရီးယားလူမျိုးနည်းပြ၏အတ္တနှင့် သန်း ၆၀ ၏ မျှော်လင့်ချက် လဲလှယ်ခဲ့ရ (ဓာတ်ပုံ-ညီညီစိုးညွန့်)

"ရှုံးတဲ့အတွက် အ၀တ်တွေမီးရှို့တယ်။ ဘေလ်ဘုတ်တွေကို မီးရှို့တယ်။ လုံခြုံရေး အင်အားအနေနဲ့ ရဲတပ်ရင်းနဲ့ မီးသတ်တပ်ဖွဲ့ဝင်တွေ ပါပါတယ်။ တရားမ၀င် လုပ်ထုံးလုပ်နည်းနဲ့ လုပ်တဲ့သူတွေကို ဖမ်းဆီးသွားမှာပါ။ သာမန်သူများယောင်လို့ ယောင်တဲ့သူတွေကိုတော့ မဖမ်းထားပါဘူး။ ကွင်းထဲမှာတုန်းက ဖမ်းထားတဲ့သူတွေကိုတော့ ပြန်လွှတ်လိုက်ပါပြီ။ ဒီလိုဖြစ်မယ်လို့ ထင်တောင်ထင်မထားဘူး။ မြန်မာတွေ မရင့်ကျက်သေးတာပါ"ဟု အကြမ်းဖက်မှုကို တားဆီးခဲ့သည့် ရဲတပ်ရင်းမှ အရာရှိတစ်ဦးက ပြောကြားသည်။

မြန်မာအမျိုးသားဘောလုံးအသင်းပြိုင်ပွဲမှ ထွက်ခွာသွားရသည့်အတွက် ဆီးဂိမ်းစ်ပြိုင်ပွဲမှာ မည်သည့်အဓိပ္ပာယ်မှ မရှိတော့ကြောင်း ပရိသတ်များက ပြောကြားသည်။

" ကျွန်တော်တို့အတွက်တော့ အဓိကက ဘောလုံးပွဲပဲ။ တခြားအားကစားတွေ ရွှေဆုရတာ မရတာကို ကျွန်တော်တို့ စိတ်မ၀င်စားဘူး။ ကျွန်တော်တို့ ထိုင်းနဲ့ပွဲတုန်းကဆို လက်မှတ်ရဖို့ နံနက် ၃ နာရီကတည်းက သွားတန်းစီခဲ့ရတာ။ နေပြည်တော်အထိ လိုက်အားပေးဖို့လည်း စီစဉ်ထားတာ။ ကျန်တဲ့ကစားနည်းတွေ ဆုရရ မရရ ဘောလုံးမှာ ဆုရရင်ကျေနပ်တယ်ဗျာ။ အခုကျတော့ ဆီမီးတောင်မတက်ဘူးဆိုတော့ဗျာ။ ပရိသတ်အားပေးမှုဆိုတာကလည်း တစ်ခြားစီပဲ။ အခုကတော့ ဆီးဂိမ်းစ်ဆိုတာ ကျွန်တော်တို့နဲ့ မဆိုင်တော့သလို ဖြစ်သွားပြီ"ဟု မြန်မာ -အင်ဒိုနီးရှားပွဲ သွားရောက်အားပေးခဲ့သည့် NLEC မှ ကျောင်းဆရာတစ်ဦးဖြစ်သူ ကိုဟိန်းကိုဇော်က ပြောကြားသည်။

ကွင်းအတွင်းသွားရောက် အားပေးခဲ့သည့် အရောင်းဝန်ထမ်းတစ်ဦးဖြစ်သူ ကိုသန်းစိုးက "ကျွန်တော်တို့ အတွက်တော့ အမျိုးသားအားကစားဆိုတာ အမျိုးသားဘောလုံးပွဲပဲဗျာ။ အခု အမျိုးသားဘောလုံးအသင်း ထွက်သွားတော့ ဆီးဂိမ်းစ်ပြိုင်ပွဲအပေါ်မှာ အာရုံလုံးဝမရှိတော့ဘူး" ဟု ပြောကြားသည်။

EMG

Read More

ဝိုင်၊ အရက်ကို တရားမ၀င်တင်သွင်း၍ ပို့ကုန်သွင်းကုန်ဥပဒေဖြင့် အမှုဖွင့် အရေးယူထားကြောင်း သတင်းဖော်ပြမှုနှင့်ပတ်သက်၍ City Mart နှင့် ဆက်နွှယ်မှုရှိသော Premium Food Service Products ကုမ္ပဏီမှ ရှင်းလင်းစာပေးပို့

 Tuesday, 17 December 2013


Premium Food Service Products ကုမ္ပဏီမှ ရှင်းလင်းစာနှင့်အတူ ပူးတွဲပေးပို့ခဲ့သည့် ACE Group of Companie ၏အကြောင်းကြားစာကို တွေ့ရစဉ်

ဝိုင်၊ အရက်များကို တရားမ၀င်တင်သွင်း၍ ပို့ကုန်၊ သွင်းကုန်ဥပဒေဖြင့် အမှုဖွင့်အရေးယူထားကြောင်း သတင်းဖော်ပြမှုနှင့် ပတ်သက်၍ City Mart နှင့်ဆက်နွှယ်မှုရှိသော Premium Food Service Products ကုမ္ပဏီမှ ရှင်းလင်းတင်ပြကြောင်းစာအား The Daily Eleven သတင်းစာသို့ ဒီဇင်ဘာ ၁၅ ရက်နေ့စွဲဖြင့် ပေးပို့ခဲ့သည်။

အဆိုပါအကြောင်းကြားစာတွင် "ကျွန်တော်များကုမ္ပဏီ၏ သိုလှောင်ရုံမှ ပစ္စည်းများကို တရားမ၀င်ကုန်သွယ်မှု တားဆီးထိန်းချုပ်ရေးကော်မတီ Mobile Team မှ ၀င်ရောက်စစ်ဆေးနေစဉ် Associate Civil Engineering Trading Co., Ltd မှ ၀ယ်ယူခဲ့သော ပစ္စည်းများဖြစ်ကြောင်း တင်ပြခဲ့ပါသည်။

ထိုအခြေအနေတွင် ၂၀၁၃ ခုနှစ် ဒီဇင်ဘာ ၁၃ ရက်တွင် ACE Group of Company မှ ဥက္ကဋ္ဌ(ကိုယ်စား) ဦးသိန်းဇော်မြင့်က အကြောင်းကြားစာပေးပို့ရာတွင်

၁။ ACE Trading Co., Ltd မှ ၎င်းတို့တင်သွင်းလာသော ပစ္စည်းများမဟုတ်ကြောင်း ငြင်းဆိုခြင်းမပြုခဲ့ပါ။

၂။ ACE Trading Co., Ltd မှ Board of Director တစ်ဦးဖြစ်သူ ဦးသူရစိုးက ကုမ္ပဏီအမည်ကို အလွဲသုံးစားပြု ဆောင်ရွက်ခဲ့ကြောင်း အကြောင်းပြန်ခဲ့ပါသည်။(အဆိုပါ ၂၀၁၃ ခုနှစ် ဒီဇင်ဘာ ၁၃ ရက်နေ့ ရက်စွဲပါ စာမိတ္တူများအား ပူးတွဲပေးပို့အပ်ပါသည်။)"ဟု ဖော်ပြပါရှိပါသည်။

ထို့အပြင် ဒီဇင်ဘာ ၁၅ ရက်ထုတ် The Daily Eleven သတင်းစာတွင် ဖော်ပြထားသော "Premium Food Service Products Co.,Ltd မှာ Mobile Team မှ ဖမ်းဆီးထားသည့် ၀ိုင်၊ အရက်များနှင့်ပတ်သက်ပြီး ACE Group of Company ၏ ၀ိုင်တင်သွင်းမှုလိုင်စင်ဖြင့် တင်ပြလျှောက်ထားမှုများ ရှိခဲ့သော်လည်း ACE Group of Company မှ ၎င်းတို့နှင့်သက်ဆိုင်ခြင်းမရှိကြောင်း၊ မိမိတို့အမည်ကို အလွဲသုံးစားပြုလုပ်ခဲ့ခြင်းဖြစ်ကြောင်း လာရောက်ကန့်ကွက်ခဲ့မှုများ ရှိခဲ့ပါသည်" ဟု ဖော်ပြထားချက်သည် အမှန်တကယ် ACE Group of Company ၏ ပေးပို့စာနှင့် မကိုက်ညီခဲ့ကြောင်း အဆိုပါစာတွင် ဖော်ပြထားသည်။

ပို့ကုန်-သွင်းကုန်ဥပဒေပုဒ်မ ၈ ၏ပြစ်မှုပြစ်ဒဏ်အရ မည်သူမဆို ပုဒ်မ ၅ သို့မဟုတ် ပုဒ်မ ၆ ပါတားမြစ်ချက်ကို ဖောက်ဖျက်ကျူးလွန်ကြောင်း ပြစ်မှုထင်ရှား စီရင်ခြင်းခံရလျှင် ထိုသူအား သုံးနှစ်ထက်မပိုသော ထောင်ဒဏ်ဖြစ်စေ၊ ငွေဒဏ်ဖြစ်စေ ဒဏ်နှစ်ရပ်လုံးဖြစ်စေ ချမှတ်ခံရမည်ဖြစ်ကြောင်း သိရသည်။

ထို့အပြင် လိုင်စင်မဲ့တင်သွင်းလာသော မော်တော်ယာဉ်များကို စစ်ဆေးတွေ့ရှိပါက ပစ္စည်းသိမ်း၍ တရားမ၀င်တင်သွင်းသူအား အနည်းဆုံးထောင်ဒဏ်တစ်နှစ်ခွဲမှ အများဆုံး ထောင်ဒဏ်သုံးနှစ်အထိ အရေးယူလေ့ရှိကြောင်း သိရသည်။ ယခု City Mar နှင့် ဆက်နွှယ်မှုရှိသော Premium Food Service Products ကုမ္ပဏီ၏ ဂိုဒေါင်တွင် စစ်ဆေးတွေ့ရှိသည့် အထောက်အထားမပြနိုင်သော အရက်၊ ၀ိုင်စုစုပေါင်း၏ ပမာဏမှာ ကျပ်သိန်းပေါင်း ၆၀၀၀ ခန့်အထိ ပမာဏရှိနေသည်ဟု သိရသည်။

တရားမ၀င်ကုန်သွယ်မှု တားဆီးထိန်းချုပ်ရေးအဖွဲ့ (Mobile Team)၏ သတ်မှတ်ကာလအတွင်း အထောက်အထားမပြနိုင်သောကြောင့် ပို့ကုန်သွင်းကုန် ဥပဒေဖြင့် အရေးယူထားကြောင်းသိရပြီး မည်ကဲ့သို့အရေးယူမည်ဆိုသည်ကိုမူ လတ်တလောတွင် သိရှိရခြင်းမရှိသေးပေ။

EMG

Read More

မီးလောင်ပျက်စီးခဲ့သော မိတ္ထီလာမြို့ ချမ်းအေးသာယာ နယ်မြေအတွင်းရှိ မြေနေရာများတွင် လုံးချင်းအိမ်ရာများနှင့် အထပ်မြင့် တိုက်ခန်းများ နိုင်ငံတော်မှအခမဲ့ ပြန်လည် ဆောက်လုပ်ပေးမည်

 Tuesday, 17 December 2013


မိတ္ထီလာမြို့ ချမ်းအေးသာယာ နယ်မြေအတွင်း နေထိုင်သူ အများစု ခိုလှုံနေရသော ဗဟိုပို့ဆောင် ဆက်သွယ်ရေး ကယ်ဆယ်ရေးစခန်းအား ဒီဇင်ဘာလဆန်းပိုင်းက တွေ့ရစဉ် (ဓာတ်ပုံ-၀ဏ္ဏ)

၂၀၁၃ ခုနှစ် မတ်လအတွင်းက မီးလောင်ပျက်စီး သွားခဲ့သော မိတ္ထီလာမြို့ နန်းတော်ကုန်းရပ်ကွက် ချမ်းအေးသာယာ နယ်မြေအတွင်းရှိ မြေနေရာများတွင် လုံးချင်းအိမ်ရာများနှင့် အထပ်မြင့် တိုက်ခန်းများအား ဒီဇင်ဘာလထဲ နိုင်ငံတော်မှ အခမဲ့ ပြန်လည်ဆောက်လုပ် ပေးမည်ဖြစ်ပြီး ဆောက်လုပ်ရေး ပစ္စည်းများကို ဒီဇင်ဘာ တတိယပတ်တွင် စတင်ချထားပေးကာ ဆောက်လုပ်ရေး လုပ်ငန်းများ စတင်နိုင်ရန် ဆောင်ရွက်လျက် ရှိကြောင်း မိတ္ထီလာခရိုင် အုပ်ချုပ်ရေးမှူးရုံးမှ သိရသည်။

''မြေယာပိုင်ဆိုင်မှု ခိုင်မာမှုရှိတဲ့ အိမ်ထောင်စုတွေနဲ့ ကျူးကျော်အိမ်ထောင်စုတွေ အားလုံးအတွက် လုံးချင်းအိမ်ရာနဲ့ အထပ်မြင့် တိုက်ခန်းတွေကို မန္တလေးတိုင်းဒေသကြီး အစိုးရအဖွဲ့နဲ့ အလှူရှင်တွေက အခမဲ့ ပြန်လည် ဆောက်လုပ်ပေးမှာ ဖြစ်ပါတယ်။ လုံးချင်းအိမ်ရာက ၂၇ ပေ x၂၂ ပေ အကျယ်ရှိပြီး အိပ်ခန်း နှစ်ခန်းအပြင် မီးဖိုပါပါတယ်။ ရေချိုးခန်း၊ အိမ်သာ၊ ရေမီး အပြည့်အစုံ လုပ်ပေးမှာ ဖြစ်ပါတယ်။ လုံးချင်းအိမ် တစ်လုံးအတွက် ငွေကျပ် ၇၅ သိန်းလောက် ကျနိုင်ပါတယ်။ အထပ်မြင့် တိုက်ခန်းမှာလည်း အိပ်ခန်း၊ ရေချိုးခန်း၊ အိမ်သာ၊ ရေမီးအားလုံးပါ ရှိပါမယ်။ အခုပထမဆုံး အနေနဲ့ ချမ်းအေးနယ်မြေထဲမှာ မြေယာပိုင်ဆိုင်မှု ခိုင်မာမှုရှိတဲ့ အိမ်ထောင်စု ၉၃ စုနဲ့ ခွဲခြားစိတ်ဖြာ ၀ယ်ယူထားတဲ့ အိမ်ထောင်စု ၁၃၀ အတွက် လုံးချင်းအိမ်ရာနဲ့ အထပ်မြင့်တိုက်ခန်း တည်ဆောက်မှု ဒီဇင်ဘာလထဲမှာ စတင်ပါမယ်။ ကျန်နေသေးတဲ့ ချမ်းအေးသာယာ နယ်မြေထဲမှာရှိတဲ့ မြေယာပိုင်ဆိုင်မှု ခိုင်မာမှုရှိတဲ့ သူတွေနဲ့ ကျူးကျော်နေထိုင်သူ အားလုံးကိုလည်း စာရင်းစိစစ်ပြီးရင် အလားတူ လုံးချင်းအိမ်ရာနဲ့ အထပ်မြင့် တိုက်ခန်းတွေ အမြန်ဆုံးပြန်လည် ဆောက်လုပ်ပေးသွားမှာ ဖြစ်ပါတယ်။ ဒေသခံတွေ အလုပ်အကိုင် အခွင့်အလမ်း ရရှိဖို့အတွက် ဆောက်လုပ်ရေး လုပ်ငန်းတွေမှာ ဒေသခံ အလုပ်သမားတွေ ငှားရမ်းဆောင်ရွက်သွားမှာ ဖြစ်ပါတယ်'' ဟု မိတ္ထီလာခရိုင် အုပ်ချုပ်ရေးမှူး ဦးတင်မောင်စိုးက ပြောကြားသည်။

''ချမ်းအေးထဲမှာ ဆောက်ပေးမှာကို အများစုက သဘောတူပါတယ်။ ဒါပေမဲ့ ဆောက်လုပ်ရေး လုပ်ငန်းကိုတော့ အမြန်ဆုံး ပြီးစီးအောင် ဆောင်ရွက်စေချင်တယ်။ ဒါမှ ကျွန်တော်တို့လည်း ကိုယ့်အိုး ကိုယ့်အိမ်လေးနဲ့ ပြန်နေလို့ရမှာ ဖြစ်ပါတယ်။ ကယ်ဆယ်ရေး စခန်းမှာနေရတာ ရှစ်လကျော်ရှိပါပြီ။ တစ်ရက်မှ အဆင်မပြေလို့ ဆောက်လုပ်ရေး လုပ်ငန်းတွေကို အမြန်ဆုံး ပြီးစီးစေချင်ပါတယ်'' ဟု ချမ်းအေးသာယာ နယ်မြေတွင် နေထိုင်သူ တစ်ဦးက ပြောကြားသည်။

ချမ်းအေးသာယာ နယ်မြေတွင် မြေကွက်ပေါင်း ၆၃၇ ကွက်ရှိသည့်အနက် မတ်လအတွင်းက ဖြစ်ပွားသော အကြမ်းဖက်မှုများကြောင့် မြေကွက် ၅၈၈ ကွက် မီးလောင်ပျက်စီးခဲ့ပြီး လူပေါင်းများစွာ ကယ်ဆယ်ရေး စခန်းများ၌ ခိုလှုံနေရဆဲ ဖြစ်သည်။

EMG

Read More

ဆိပ်ကမ်းသာလမ်းတွင် အထပ်မြင့် ယာဉ်ရပ်နား အဆောက်အအုံ ဆောက်လုပ်ရန် ကျပ်သန်း ၇၅၀ တောင်းခံမှုအား ပြန်လည်ပယ်ဖျက်ခဲ့ရ

Monday, December 16, 2013



ပြည်လမ်းနှင့် ရှင်စောပုလမ်းဆုံရာ မီးပွိုင့်အနီး မြေနီကုန်းအခပေး ယာဉ်ရပ်နားစခန်းအား တွေ့ရစဉ် (ဓာတ်ပုံ-ကျော်ထင်)

ရန်ကုန်မြို့လယ် ဆိပ်ကမ်းသာလမ်းတွင် အထပ်မြင့် ယာဉ်ရပ်နား အဆောက်အအုံ ဆောက်လုပ်ရန် ငွေကျပ် ၀ ဒသမ ၇၅၀ ဘီလျံ (သန်း ၇၅၀) အား ၂၀၁၃-၂၀၁၄ ဘဏ္ဍာရေးနှစ် ရန်ကုန်တိုင်းဒေသကြီး၏ ဖြည့်စွက်ခွင့်ပြုငွေ စာရင်းတွင် ထည့်သွင်းတောင်းခံထားမှုအား ပြန်လည်ပယ်ဖျက်ခဲ့ရကြောင်း ၂၀၁၃-၂၀၁၄ ဘဏ္ဍာရေးနှစ် ရန်ကုန်တိုင်းဒေသကြီး၏ ဖြည့်စွက်ခွင့်ပြုငွေ တောင်းခံမှု စာရင်းအရ သိရသည်။

၂၀၁၃-၂၀၁၄ ဘဏ္ဍာရေးနှစ် ရန်ကုန်တိုင်းဒေသကြီး ဌာနဆိုင်ရာ အဖွဲ့အစည်း ၁၉ ဖွဲ့၌ မူလခွင့်ပြုသည့် ဘဏ္ဍာငွေဖြင့် မလုံလောက်၍ ဖြည့်စွက်ခွင့်ပြုငွေ ကျပ် ၅၉ ဒသမ ၇၂၆ ဘီလျံကို စက်တင်ဘာ ၁၂ ရက်တွင် ပြုလုပ်ခဲ့သော ရန်ကုန်တိုင်းဒေသကြီးလွှတ်တော် ဆဋ္ဌမပုံမှန် အစည်းအဝေးတွင် တင်ပြတောင်းခံခဲ့ကြောင်း၊ ယင်းတင်ပြတောင်းခံငွေထဲတွင် ရန်ကုန်မြို့တော် စည်ပင်သာယာရေး ကော်မတီမှ တင်ပြတောင်းခံသည့်ငွေ ကျပ် ၂၉ ဒသမ ၀၉၀ ဘီလျံ၌ ယာဉ်ရပ်နားအဆောက်အအုံ တည်ဆောက်ရန် ငွေကျပ် ၀ ဒသမ ၇၅၀ ဘီလျံ ပါဝင်ခဲ့ကြောင်း၊ ဖြည့်စွက်ခွင့်ပြု တင်ပြငွေ စုစုပေါင်းထဲမှ အသုံးစရိတ်အချို့နှင့် ပတ်သက်၍ လွှတ်တော်ကိုယ်စားလှယ် အချို့က ဝေဖန်ကန့်ကွက် ခဲ့ကြသော်လည်း ထောက်ခံသူ များပြား၍ ရန်ကုန်တိုင်းဒေသကြီး လွှတ်တော်က အတည်ပြုခဲ့သဖြင့် ပြည်ထောင်စု ဘဏ္ဍာရေး ကော်မရှင်သို့ ဆက်လက်တင်ပြခဲ့သည်။

ယာဉ်ရပ်နားအဆောက်အအုံ တည်ဆောက်ရန် ငွေကျပ် ၀ ဒသမ ၇၅၀ ဘီလျံ ပါဝင်ခဲ့ကြောင်း၊ ဖြည့်စွက်ခွင့်ပြု တင်ပြငွေ စုစုပေါင်းထဲမှ အသုံးစရိတ်အချို့နှင့် ပတ်သက်၍ လွှတ်တော်ကိုယ်စားလှယ် အချို့က ဝေဖန်ကန့်ကွက် ခဲ့ကြသော်လည်း ထောက်ခံသူ များပြား . . . . .


ဘဏ္ဍာရေး ကော်မရှင်မှ တင်ပြတောင်းခံသည့် ငွေကျပ် ၅၉ ဒသမ ၇၂၆ ဘီလျံထဲမှ ၁၃ ဒသမ ၅ ဘီလျံ စိစစ်လျှော့ချခဲ့ခြင်းကြောင့် ရန်ကုန်တိုင်းဒေသကြီး အစိုးရအဖွဲ့ အနေဖြင့် ဖြည့်စွက်ခွင့်ပြုငွေ စာရင်းများအား ပြန်လည်စိစစ်ခဲ့ရာ ပြည်သူ့ဆောက်လုပ်ရေး လုပ်ငန်းမှ လုပ်ငန်းအပ်နှံမှုများ လျော့နည်းသွား၍ ထပ်မံလိုငွေ ကျပ် ၈ ဒသမ ၈၄၆ ပေါ်ပေါက်ခဲ့ကာ ဖြည့်စွက်ခွင့်ပြုငွေထဲမှ စုစုပေါင်း ငွေကျပ် ၂၂ ဒသမ ၃၄၆ ဘီလျံအား လျှော့ချပြင်ဆင်ခဲ့ရသည်။ ယင်းသို့ လျှော့ချသည့်ငွေ ကျပ် ၂၂ ဒသမ ၃၄၆ ဘီလျံထဲတွင် ရန်ကုန်မြို့တော် စည်ပင်သာယာရေး ကော်မတီမှ တောင်းခံငွေ ဆိပ်ကမ်းသာလမ်းတွင် အထပ်မြင့် ယာဉ်ရပ်နားအဆောက်အအုံ ဆောက်လုပ်ရန်အတွက် ကျပ် ၀ ဒသမ ၇၅၀ ဘီလျံ ပါဝင်သွားခဲ့ခြင်းဖြစ်သည်။

ရန်ကုန်မြို့တွင်း လမ်းများပေါ်တွင် ယာဉ်ကြောပိတ်ဆို့မှုများကို လျော့နည်းစေနိုင်ရန်အတွက် မူလက ဆိပ်ကမ်းသာလမ်းတွင် ၁၅ ထပ် အမြင့်ရှိ အထပ်မြင့် ကားပါကင်ကို ယခုဘဏ္ဍာရေးနှစ်အတွင်း ဆောက်လုပ်ရန် စီစဉ်ခဲ့ခြင်းဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီမှ သိရသည်။

သို့သော် မင်္ဂလာတောင်ညွန့်မြို့နယ် မင်္ဂလာမွန်ဈေးအနီး၊ မြောက်ဥက္ကလာပမြို့နယ် သုဓမ္မာလမ်းမကြီးဘေး အောင်မင်္ဂလာအဝေးပြေး ယာဉ်ရပ်နားစခန်းအနီး၊ ကမာရွတ်မြို့နယ် လှည်းတန်းလမ်းနှင့် ထန်းတပင်ကျောင်းလမ်းဆုံ အနီးတို့တွင် မြေပြင်နှင့် အလွှာများပါဝင်သည့် အထပ်မြင့် ယာဉ်ရပ်နားခစန်းများ တည်ဆောက်သွားရန် မြေနေရာများ ရွေးချယ်ပြီးသွားပြီဖြစ်ကြောင်း ဒီဇင်ဘာ ၉ ရက်က ပြုလုပ်သည့် ရန်ကုန်တိုင်းဒေသကြီးလွှတ်တော် သတ္တမပုံမှန် အစည်းအဝေး၌ ရန်ကုန်မြို့တော် ၀န်ဦးလှမြင့်က ပြောကြားထားခဲ့ပြီးဖြစ်သည်။

Read More

ဆီးဂိမ်းစ်ကျင်းပရာ နေရာများ၌ အရေးပေါ် ကျန်းမာရေး ၀န်ဆောင်မှုများအပြင် ကူးစက်ရောဂါများ ဖြစ်ပွားမှု မရှိစေရန် စောင့်ကြပ်လေ့လာမှုများ ပြုလုပ်

Monday, December 16, 2013



နေပြည်တော်ရှိ ၀ဏ္ဏသိဒ္ဓိ မြင်းစီးကွင်း၌ အရေးပေါ် ကျန်းမာရေးစောင့်ရှောက်မှု ပေးနေသည့် Medical Team အား တွေ့ရစဉ် (ဓာတ်ပုံ-အောင်ဇော်ထွန်း)

မြန်မာနိုင်ငံက အိမ်ရှင်အဖြစ် လက်ခံကျင်းပနေသည့် (၂၇)ကြိမ်မြောက် အရှေ့တောင်အာရှ အားကစားပြိုင်ပွဲ ကျင်းပရာ နေရာများ၌ အားကစားသမားများနှင့် ပွဲလာပရိသတ်များ၏ အရေးပေါ်ကျန်းမာရေး ၀န်ဆောင်မှုများကို ကျန်းမာရေး ၀န်ကြီးဌာနအောက်ရှိ ကျန်းမာရေး ၀န်ထမ်းများက လုပ်ဆောင်ပေးလျက်ရှိကြောင်း သိရသည်။

ထိုသို့လုပ်ဆောင်ရာတွင် အရေးပေါ် ကျန်းမာရေး ၀န်ဆောင်မှုများအပြင် အစားအစာကြောင့်ဖြစ်သည့် ကူးစက်ရောဂါများနှင့် ကူးစက်မြန်တုပ်ကွေးနှင့် ဆက်စပ်ရောဂါများ ဖြစ်ပွားမှု မရှိစေရန် Medical Team များရှိ ကျန်းမာရေးမှူးများက စောင့်ကြပ်လေ့လာမှုများ ပြုလုပ်ပေးလျက်ရှိကြောင်း သိရသည်။

"ကျွန်တော်တို့ အဖွဲ့မှာဆိုရင် အဖွဲ့ခေါင်းဆောင် အပါအ၀င် အရိုးအထူးကု ဆရာဝန်ကြီးတွေ၊ လက်ထောက်ဆရာဝန်တွေ၊ သူနာပြု၊ ကြက်ခြေနီ၊ ကျန်းမာရေးမှူး စတဲ့ကျန်းမာရေးဝန်ထမ်း ၄၈ ဦး ပါတယ်။ အရေးပေါ် ကျန်းမာရေး ဖြစ်လာရင် ဆေးရုံဆေးခန်းတွေကို ချက်ချင်းလွှဲပြောင်းပေးနိုင်အောင် လူနာတင်ယာဉ်တွေကိုလည်း ပြင်ဆင်ထားတယ်။ ဒီလိုအရေးပေါ် ကျန်းမာရေး စောင့်ရှောက်မှုတွေအပြင် အစားအစာကြောင့်ဖြစ်တဲ့ ၀မ်းရောဂါတွေ၊ ကူးစက်မြန်တုပ်ကွေးရောဂါမျိုးတွေ မဖြစ်အောင် Medical Team တွေမှာရှိတဲ့ ကျန်းမာရေးမှူးတွေက စောင့်ကြပ်လုပ်ဆောင် ပေးနေပါတယ်" ဟု နေပြည်တော် ဇေယျာသီရိ အားကစားကွင်းရှိ Medical Team မှ တာဝန်ရှိသူ တစ်ဦးက ဆိုသည်။

အားကစား သမားများနှင့် ပွဲလာပရိသတ်များ၏ အရေးပေါ် ကျန်းမာရေး ၀န်ဆောင်မှု လုပ်ငန်းများကို Medical Team များ ဖွဲ့စည်းကာ လုပ်ဆောင်ပေးလျက်ရှိပြီး အဖွဲ့တစ်ဖွဲ့လျှင် ကျန်းမာရေးဝန်ထမ်း ၅၀ ၀န်းကျင်ခန့် ပါဝင်ကြောင်းနှင့် နေပြည်တော် တစ်မြို့တည်းမှာပင် Medical Team ၁၃ ဖွဲ့ခန့်၊ အရေးပေါ် လူနာတင်ယာဉ် စုစုပေါင်း ၉၀ ခန့်ရှိကြောင်း သိရသည်။

ထို့ပြင် ရန်ကုန်တိုင်းဒေသကြီး အတွင်းရှိ ဆီးဂိမ်းစ်ကျင်းပရာ နေရာများ၌လည်း အရေးပေါ်ကျန်းမာရေး ၀န်ဆောင်မှုများကို ရန်ကုန်ပြည်သူ့ဆေးရုံကြီးနှင့် ပုဂ္ဂလိကဆေးရုံ ၁၃ ရုံမှ ကျန်းမာရေး ၀န်ထမ်းများမှ ပူးပေါင်းလုပ်ဆောင်ပေးလျက် ရှိကြောင်းနှင့် မြန်မာနိုင်ငံ ဆရာဝန်အသင်း၊ ကြက်ခြေနီအသင်း၊ နာရေးကူညီမှုအသင်း(ရန်ကုန်) စသည့် လူမှုရေး အဖွဲ့အစည်းများနှင့်လည်း ပူးပေါင်းလုပ်ဆောင် ပေးလျက်ရှိကြောင်း သိရသည်။

Read More

ရန်ကုန်လေဆိပ် ပြည်တွင်းခရီးစဉ် နားနေဆောင်အဖြစ် ယာယီအသုံးပြုမည့် ဂုဏ်ပြုခန်းမဆောင် ပြင်ဆင်ခြင်း လုပ်ငန်းများ စတင်

Monday, 16 December 2013



ပြည်တွင်းခရီးသည် နားနေဆောင်အဖြစ် အသုံးပြုသွားမည့် လေဆိပ်ဂုဏ်ပြုခန်းမဆောင်အား တွေ့ရစဉ် (ဓာတ်ပုံ-ရွှန်းလဲ့ဝင်း)

ရန်ကုန်လေဆိပ် ပြည်တွင်းခရီးစဉ် နားနေဆောင်အဖြစ် ယာယီအသုံးပြုသွားမည့် လေဆိပ်ဂုဏ်ပြု ခန်းမဆောင်အား ပြင်ဆင်ခြင်း လုပ်ငန်းများ စတင်နေပြီဖြစ်ကြောင်း လေကြောင်းပို့ဆောင်ရေး ညွှန်ကြားမှု ဦးစီးဌာနမှ သိရသည်။

ရန်ကုန်အပြည်ပြည်ဆိုင်ရာ လေဆိပ်ရှိ ပြည်တွင်းခရီးသည် နားနေဆောင် အဆောက်အုံဟောင်းအား ဖြိုချ၍ အသစ်တည်ဆောက်နေစဉ် ရန်ကုန်လေဆိပ် ဂုဏ်ပြုခန်းမဆောင်အား ပြည်တွင်းခရီးစဉ် နားနေဆောင်အဖြစ် အသုံးပြုသွားမည် ဖြစ်သည်။

"ရန်ကုန်လေဆိပ် ပြည်တွင်းခရီးသည် ထွက်ခွာခန်းမဆောင်ကို အပြီးဖြိုချပြီး အသစ်တည်ဆောက်တာကို ၂၀၁၄ ဇန်န၀ါရီမှာ စတင်လုပ်ဆောင် သွားမှာပါ။ ပြည်တွင်းခရီးသည် ထွက်ခွာဆောင်ကို ဖြိုချပြီး အသစ်တည်ဆောက်နေတဲ့ အချိန်မှာ ရန်ကုန်လေဆိပ် ဂုဏ်ပြုခန်းမဆောင်ကို ပြည်တွင်းခရီးသည် ထွက်ခွာဆောင်အဖြစ် အသုံးပြုသွားမှာပါ" ဟု ရန်ကုန်အပြည်ပြည်ဆိုင်ရာ လေဆိပ်မှ အထွေထွေမန်နေဂျာ ဦးဝင်းကိုက ပြောကြားသည်။

ရန်ကုန်အပြည်ပြည်ဆိုင်ရာလေဆိပ် ပြည်တွင်းခရီးသည် ဆိုက်ရောက်ထွက်ခွာဆောင်အား ဖြိုချ၍ အသစ်တည်ဆောက်ခြင်းအား ၂၀၁၄ နှစ်ဆန်းပိုင်းတွင် စတင်ပြီး တည်ဆောက်ရေးကာလ ၁၈ လအတွင်း အပြီးတည်ဆောက် ပေးရမည်ဖြစ်ကြောင်း သိရသည်။

ရန်ကုန်အပြည်ပြည်ဆိုင်ရာလေဆိပ် ဖွံ့ဖြိုးတိုးတက်ရေး စီမံကိန်းအရ လက်ရှိခရီးသည် ၂ ဒသမ ၇ သန်း လက်ခံနိုင်စွမ်းရှိသည့် ရန်ကုန်လေဆိပ်အား ခရီးသည်ခြောက်သန်း လက်ခံနိုင်စွမ်းရှိရန် တည်ဆောက်ပေးရမည် ဖြစ်သည်။

ရန်ကုန်အပြည်ပြည်ဆိုင်ရာ လေဆိပ်အား အဆင့်မြှင့်တင် တည်ဆောက်ရန် အေးရှားဝေါလ်ကုမ္ပဏီ လက်အောက်ခံ Pioneer Aerodrome Services ကုမ္ပဏီအား ရွေးချယ်ခဲ့ပြီး၊ အဆိုပါကုမ္ပဏီနှင့် လေဆိပ်တည်ဆောက်ရေးအတွက် သဘောတူစာချုပ် ချုပ်ဆိုနိုင်ရန် ညှိနှိုင်းဆွေးနွေးမှုများကို ပြုလုပ်လျက်ရှိကြောင်း သိရသည်။

EMG

Read More

ဆေးဝါးလိုအပ်ချက် ရှိနေသည့် ဆေးယဉ်ပါး တီဘီဝေဒနာရှင်များအတွက် လာမည့်နှစ်အတွင်း UNITAID အဖွဲ့မှ အကူအညီများ ဆက်လက်ပေးသွားမည်

Monday, 16 December 2013



ရန်ကုန်တိုင်းဒေသကြီး တီဘီရောဂါကုဆေးရုံ (အောင်ဆန်း) တွင် တက်ရောက်ကုသနေသည့် ဝေဒနာရှင် တစ်ဦးအား တွေ့ရစဉ်

ဆေးဝါးလိုအပ်ချက် ရှိနေသည့် ဆေးယဉ်ပါး တီဘီဝေဒနာရှင်များအတွက် UNITAID အဖွဲ့မှ လာမည့်နှစ်အတွင်း အကူအညီများ ဆက်လက်ပေးသွားမည်ဖြစ်ကြောင်း ကျန်းမာရေး ဦးစီးဌာန အမျိုးသား တီဘီရောဂါ တိုက်ဖျက်ရေး စီမံကိန်းမှ သိရသည်။

UNITAID အဖွဲ့ အနေဖြင့် ပြီးခဲ့သည့် စက်တင်ဘာလ အတွင်းက ဆေးယဉ်ပါး တီဘီလူနာများအတွက် နောက်ဆုံးပေါ် မော်လီကျူးအဆင့် ရောဂါရှာဖွေရေးစက် (Gene Xpert Machine) များကို တီဘီရောဂါ တိုက်ဖျက်ရေးဌာန(ရန်ကုန်) အပါအ၀င် လားရှိုး၊ တောင်ကြီးနှင့် မကွေးတိုင်းဒေသကြီးများတွင် တပ်ဆင်ပေးခဲ့ပြီးဖြစ်ကြောင်း သိရသည်။

အဆိုပါ စက်များကို UNITAID အဖွဲ့နှင့် ကမ္ဘာ့ကျန်းမာရေး အဖွဲ့တို့ ပူးပေါင်းလုပ်ဆောင်နေသည့် 'ကမ္ဘာ့ဆေးယဉ်ပါး တီဘီရောဂါရှာဖွေစစ်ဆေးခြင်း စီမံချက်' မှ ထောက်ပံ့ပေးခြင်းဖြစ်ကြောင်းနှင့် ယင်းစက်သည် ဆေးယဉ်ပါးရောဂါ ဟုတ်မဟုတ် စစ်ဆေးမှုအတွက် အချိန်နှစ်နာရီခန့်သာ ကြာမြင့်မည်ဖြစ်သည်။

UNITAID အဖွဲ့ အနေဖြင့် ရန်ကုန်နှင့် မန္တလေးမြို့များရှိ မှီငြမ်းပြု တီဘီရောဂါ ဓာတ်ခွဲဌာနများ အဆင့်မြှင့်တင်ခြင်း လုပ်ငန်းများ၌ အကူအညီများပေးခဲ့ပြီး ယင်းဌာနခွဲများမှ လာမည့် ၂၀၁၄ ခုနှစ်တွင် ဆေးယဉ်ပါး တီဘီရောဂါ ဝေဒနာရှင် ၂၄၀၀ ခန့်ကို ရှာဖွေတွေ့ရှိနိုင်ရန် မျှော်မှန်းထားကြောင်းနှင့် ဆေးယဉ်ပါး တီဘီဝေဒနာရှင် စုစုပေါင်းအနက်မှ ထက်ဝက်ခန့်၏ ဆေးဝါးကုန်ကျမှု စရိတ်အပါအ၀င် ဆေးယဉ်ပါး တီဘီနှင့်ဆိုင်သည့် လုပ်ငန်းများအတွက် ယင်းအဖွဲ့မှ ၂၀၁၃ ခုနှစ် အထိ အမေရိကန်ဒေါ်လာ ၂ ဒသမ ၅ သန်း ပံ့ပိုးထားပြီးဖြစ်ကြောင်း သိရသည်။

မြန်မာနိုင်ငံ၌ ဆေးယဉ်ပါး တီဘီဖြစ်ပွားမှု ရှိမရှိ ၂၀၀၂ ခုနှစ်တွင် စတင်စမ်းသပ်ခဲ့ပြီး ယင်းနှစ်၌ပင် တီဘီဝေဒနာရှင် ၁၀၀ လျှင် လေးဦးခန့် ဆေးယဉ်ပါးဖြစ်ပွားမှု ရှိခဲ့ပြီး ၂၀၀၇ ခုနှစ်တွင် ထပ်မံစစ်ဆေးရာ တီဘီဝေဒနာရှင် ၁၀၀ လျှင် လေးဦးကျော်အထိ ဖြစ်ပွားနေသည်ကို တွေ့ရှိခဲ့ရကြောင်း သိရသည်။

မြန်မာနိုင်ငံရှိ တီဘီလူနာသစ်များတွင် လက်ရှိဆေးယဉ်ပါးတီဘီ ဖြစ်ပွားနှုန်းမှာ ၄ ဒသမ ၂ ရာခိုင်နှုန်းခန့်ရှိပြီး တီဘီလူနာဟောင်းများတွင်မူ ၁၀ ရာခိုင်နှုန်းခန့် ရှိကြောင်းနှင့် ခန့်မှန်းတွက်ချက်မှုများအရ အသက် ၁၅ နှစ်နှင့်အထက် လူတစ်သိန်းလျှင် သလိပ်ပိုးတွေ့ တီဘီရောဂါ ဖြစ်ပွားသူဦးရေ ၂၄၀ ကျော်ရှိကြောင်း ထုတ်ပြန်ချက်များအရ သိရသည်။

တီဘီရောဂါ တိုက်ဖျက်ရေး လုပ်ငန်းများအတွက် နိုင်ငံတကာ အဖွဲ့အစည်းများဖြစ်သည့် Global Fund to Fight AIDS, TB and Malaria (GFATM) နှင့် Three Millennium Development Goal Fund (3MDG Fund) တို့မှ အမေရိကန်ဒေါ်လာ သန်း ၁၀၀ နီးပါး ထောက်ပံ့ပေးမည်ဖြစ်ကြောင်းနှင့် ထောက်ပံ့မှု အစီအစဉ်အရ နှစ်တိုစီမံကိန်းဖြင့် ရောဂါသုံးမျိုး ကမ္ဘာ့ရန်ပုံငွေ (GFATM) မှ ၂၀၁၃-၂၀၁၆ ခုနှစ်အတွင်း တီဘီရောဂါအတွက် အမေရိကန်ဒေါ်လာ ၈၂ ဒသမ ၃ သန်းကို လည်းကောင်း၊ 3MDG Fund မှ တီဘီရောဂါ တိုက်ဖျက်ရေးအတွက် အမေရိကန်ဒေါ်လာ ၁၇ သန်းခန့်ကိုလည်း ထောက်ပံ့ပေးမည်ဖြစ်ကြောင်း သိရသည်။

UNITAID အဖွဲ့အစည်းကို ဘရာဇီးလ်၊ ချီလီ၊ ပြင်သစ်၊ နော်ဝေနှင့် ယူကေနိုင်ငံများ စုပေါင်း၍ အိပ်ခ်ျအိုင်ဗွီ အေအိုင်ဒီအက်စ်၊ ငှက်ဖျားနှင့် တီဘီရောဂါ တိုက်ဖျက်ရေးအတွက် ၂၀၀၆ ခုနှစ်တွင် စတင်ဖွဲ့စည်းခဲ့ခြင်းဖြစ်ပြီး နိုင်ငံပေါင်း ၉၄ နိုင်ငံတွင် အိပ်ခ်ျအိုင်ဗွီ၊ တီဘီ၊ ငှက်ဖျားရောဂါ ကာကွယ်ကုသရေး လုပ်ငန်းများကို လုပ်ဆောင်ပေးလျက်ရှိကြောင်း သိရသည်။

EMG

Read More

သီလ၀ါဆိပ်ကမ်းသို့ ကမ္ဘာလှည့် ခရီးသည် ၆၅၀ ကျော်ပါဝင်သည့် အမေရိကန် အပျော်စီးသင်္ဘော တတိယအကြိမ် ဆိုက်ကပ်

 Monday, 16 December 2013


ဒီဇင်ဘာ ၁၅ ရက်က သီလ၀ါဆိပ်ကမ်းသို့ ဆိုက်ကပ်လာသည့် M.V Seven Sea Voyager သင်္ဘောကို တွေ့ရစဉ်

ကမ္ဘာလှည့် ခရီးသွား ၆၅၀ ကျော်ကို တင်ဆောင်လာသော အမေရိကန် အပျော်စီးသင်္ဘော M.V Seven Sea Voyager သည် ဒီဇင်ဘာ ၁၅ ရက်က သီလ၀ါဆိပ်ကမ်းသို့ ရောက်ရှိခဲ့သည်။

အဆိုပါ သင်္ဘောတွင် ခရီးသည် ၆၅၉ ဦးနှင့် သင်္ဘောဝန်ထမ်း ၄၅၂ ဦး လိုက်ပါလာပြီး ယင်းသင်္ဘောသည် သီရိလင်္ကာနိုင်ငံ Trincomalee ဆိပ်ကမ်းမှတစ်ဆင့် လာရောက်ခြင်းဖြစ်ကာ မြန်မာနိုင်ငံတွင် နှစ်ရက်ကြာ ရပ်နားမည်ဖြစ်ကြောင်း Myanmar Voyages ခရီးသွားလုပ်ငန်းမှ သိရသည်။

ကမ္ဘာလှည့် ခရီးသည်တင် အပျော်စီးသင်္ဘော M.V Seven Sea Voyager ခရီးစဉ်အတွက် ဟိုတယ်နှင့် ခရီးသွားလာရေးလုပ်ငန်း ၀န်ကြီးဌာန၏ ကြီးကြပ်မှုဖြင့် ပို့ဆောင်ရေး ၀န်ကြီးဌာနမှ ကူညီမှုတို့ဖြင့် Myanmar Voyages International Tourism ကုမ္ပဏီက စီစဉ်ခြင်းဖြစ်သည်။

အဆိုပါ သင်္ဘောတွင် လိုက်ပါလာသည့် ခရီးသွားများမှာ ရန်ကုန်မြို့ရှိ ရွှေတိဂုံဘုရား၊ သန်လျင်၊ ကျိုက်ခေါက်ဘုရားနှင့် မြို့တွင်းအနှံ့ လည်ပတ်ခြင်းများ ပြုလုပ်မည်ဖြစ်ကြောင်း သိရသည်။ ထို့ပြင် ဒီဇင်ဘာ ၁၆ ရက်တွင် ပုဂံသို့ လေယာဉ်ဖြင့် တစ်ညအိပ်ခရီးကို သွားရောက်လည်ပတ်မည်ကာ ဒီဇင်ဘာ ၁၇ ရက်တွင် ပဲခူးမြို့သို့လည်း သွားရောက်လည်ပတ်မှုများ ပြုလုပ်သွားမည်ဖြစ်သည်။

အဆိုပါ ခရီးစဉ်များကို သွားရောက်လည်ပတ်ပြီးနောက် ဒီဇင်ဘာ ၁၇ ရက် ညနေ ၅ နာရီတွင် သီလ၀ါ ဆိပ်ကမ်းမှတစ်ဆင့် ထိုင်းနိုင်ငံ ဖူးခက်ဆိပ်ကမ်းမြို့သို့ ပြန်လည်ထွက်ခွာမည်ဖြစ်ကြောင်း သိရသည်။

မြန်မာနိုင်ငံသည် ယခုနှစ်ပိုင်းတွင် နိုင်ငံတကာမှ စိတ်ဝင်စားမှု ပိုမိုများပြားလာခြင်းကြောင့် ခရီးသွားအ၀င် မြင့်တက်လျက်ရှိကာ ယခုနှစ်ကုန်ပိုင်းအထိ ဟိုတယ်နှင့် ခရီးသွားလာရေးလုပ်ငန်း ၀န်ကြီးဌာနမှ စာရင်းများအရ နှစ်သန်းနီးပါး ရှိပြီဖြစ်ကာ လေဆိပ်ဝင်ပေါက်များနှင့် နယ်စပ်ဂိတ်များမှသာမက သင်္ဘောများဖြင့်လည်း ဆိပ်ကမ်းများမှတစ်ဆင့် ကမ္ဘာလှည့် ခရီးသွား အများအပြား ၀င်ရောက်လျက် ရှိသည်။

EMG

Read More