မြွေပွေးနဲ့ လင်းမြွေတွေ တင်ဆောင်လာတဲ့ သေတ္တာပုံးတွေကို မန္တလးတိုင်း ပုသိမ်ကြီးမြို့နယ် ၁၆ မိုင် စစ်ဆေးရေးဂိတ်မှာ ဒီဇင်ဘာ ၇ ရက်နဲ့ ၈ ရက်နေ့တို့က ဖမ်းဆီးမိခဲ့ပါတယ်။
စစ်ဆေးရေးဂိတ် တာဝန်ခံတွေက ပုံမှန်အတိုင်း ကုန်ကားတွေ၊ လူစီးကားတွေကို စစ်ဆေးရာမှာ မြွေပွေးနဲ့ လင်းမြွေတွေကို ထည့်လာတဲ့ သစ်သားသေတ္တာ အလုံး ၃၀ ကို ဒီဇင်ဘာ ၇ ရက်နေ့က ဖမ်းဆီးမိခဲ့တယ်လို့ နယ်မြေခံ အုန်းချော ရဲစခန်းက စခန်းမှူး ဦးသန်းဇော်ဦးက ပြောပါတယ်။
အဲဒီနေ့က သယ်ယူလာတဲ့ မြွေကောင်ရေ ၇၇၈ ကောင်ရှိပြီး နောက်တစ်နေ့မှာတော့ ဖော့ဗူး ၁၀ ဗူးနဲ့ ထည့်ယူလာတဲ့ မြွေ ၂၅၃ ကောင်ကို ဖမ်းမိတယ်လို့ သူက ပြောပါတယ်။
ဒီမြွေတွေကို တရုတ်နိုင်ငံဘက်ဆီ သယ်ယူသွားဖို့ ဖြစ်တယ်လို့ အကြမ်းဖျဉ်း သိရကြောင်းလည်း စခန်းမှူး ဦးသန်းဇော်ဦးက ပြောပါတယ်။
၁၆ မိုင် စစ်ဆေးရေးဂိတ်က အကောက်ခွန် ဦးစီးအရာရှိ ဗိုလ်ကြီးမင်းသန်းထိုက်ကတော့ ၇ ရက်နေ့က ဖမ်းဆီးမိတဲ့ လင်းမြွေနဲ့ မြွေပွေးတွေထဲက အသေတွေကို ဖယ်ပြီး ကျန်တဲ့ အကောင်ရေ ၇၀၀ ကျော်ကို ရတနာပုံ တိရိစ္ဆာန်ဥယျာဉ်ဆီ ဒီဇင်ဘာ ၈ ရက်နေ့ကပဲ လွှဲပြောင်းပေးပို့လိုက်ပြီလို့ ပြောပါတယ်။
မြွေတွေကို သယ်ဆောင်လာတဲ့ ကားသမားတွေ ထွက်ပြေးသွားကြပေမယ့် ပထမနေ့က ဆယ်ဘီးကားကြီးပေါ်ကနေ သုံးဘီးကားဆီ မြွေတွေ ကဲ့ယူနေတဲ့ သုံးဘီးကားမောင်းသမားကိုတော့ ဖမ်းမိထားတဲ့အတွက် စစ်ဆေးနေကြောင်း၊ သစ်တောဆိုင်ရာ ဥပဒေအရ ဆက်လက် အရေးယူ လုပ်ဆောင်သွားမှာ ဖြစ်ကြောင်း ဗိုလ်ကြီးမင်းသန်းထိုက်က ပြောပါတယ်။
0 comments:
Post a Comment