Wednesday, 11 December 2013
ဒီဇင်ဘာ ၉ ရက်တွင် မြို့တော်ကိဗ်ရှိ အစိုးရဌာနချုပ် အပြင်ဘက်၌ စုဝေးနေသော ဥရောပသမဂ္ဂ ထောက်ခံသူ ယူကရိန်း ဆန္ဒပြသူများ
ဥရောပ သမဂ္ဂ ထောက်ခံသော ယူကရိန်း ဆန္ဒပြသူများကို လုံခြုံရေး တပ်ဖွဲ့ဝင်များက နှိမ်နင်းနေသဖြင့် နိုင်ငံတကာက စိုးရိမ်မှု မြင့်တက်နေချိန်တွင် ဥရောပ သမဂ္ဂ ပြည်ပမူဝါဒရေးရာ အကြီးအကဲ ကက်သရင်း အက်ရ်ှတန်သည် ဒီဇင်ဘာ ၁၀ ရက်တွင် ယူကရိန်းသို့ သွားရောက်ပြီး သမ္မတ ဗစ်တာယာနူကိုဗစ်နှင့် တွေ့ဆုံဆွေးနွေးမည်ဖြစ်ကြောင်း သိရသည်။
လက်နက်ကိုင် ရဲတပ်ဖွဲ့များသည် အတိုက်အခံပါတီ ရုံးခန်းများကို စီးနင်းခဲ့ကြောင်း အတိုက်အခံ ပါတီခေါင်းဆောင် ယူလီယာတိုင်မိုရှင်ကိုက ပြောကြားခဲ့ပြီးနောက် ဒီဇင်ဘာ ၉ ရက်တွင် မြို့တော်ကိဗ်မြို့လယ်ကို အာဏာပိုင်များက ထိန်းချုပ်ရန် ကြိုးပမ်းနေဖွယ်ရှိဟု ခန့်မှန်းရသည်။
နိုင်ငံရေး အကျပ်အတည်း ဖြေရှင်းနိုင်ရေးအတွက် ဒီဇင်ဘာ ၁၀ ရက်တွင် ယူကရိန်း သမ္မတဟောင်းများနှင့် တွေ့ဆုံဆွေးနွေးမည်ဟု သမ္မတ ဗစ်တာယာနူကိုဗစ်က ကြေညာခဲ့ပြီး အတိုက်အခံများနှင့် ဆွေးနွေးပွဲပြုလုပ်ရန် တိုက်တွန်းချက်ကို ထောက်ခံခဲ့သည်။
ယူကရိန်း လုံခြုံရေးများနှင့် ဆန္ဒပြသူများအကြား ဖြစ်ပွားနေသော ပဋိပက္ခ ပြေလည်စေရေးအတွက် ကြိုးပမ်းမှုများမှာ အတိုက်အခံပါတီ ရုံးခန်းများ စီးနင်းခံရမှုကြောင့် လမ်းကြောင်းချော်သွား နိုင်သည်ဟု အက်ရ်ှတန်က ဒီဇင်ဘာ ၁၀ ရက်တွင် အစီရင်ခံစာ ထုတ်ပြန်ခဲ့သည်။ သို့သော် ယူကရိန်း ရဲတပ်ဖွဲ့ကမူ ယင်းကဲ့သို့ စီးနင်းခဲ့ခြင်း မရှိကြောင်း ငြင်းဆိုခဲ့သည်။
မြို့တော်ကိဗ်ရှိ အစိုးရ ဌာနချုပ်ကို ပိတ်ဆို့ထားသော ဆန္ဒပြသူများကို ဖယ်ရှားနိုင်ရန် ရဲတပ်ဖွဲ့က ဒီဇင်ဘာ ၉ ရက်တွင် ကြိုးပမ်းခဲ့ကြောင်း သိရသည်။ ဥရောပ သမဂ္ဂနှင့် သမိုင်းဝင် သဘောတူညီချက်ကို လက်မှတ်ထိုးရန် ငြင်းဆိုရာမှတစ်ဆင့် ယူကရိန်း အစိုးရအပေါ် ဆန္ဒပြမှုမှာ သီတင်းပတ် နှစ်ပတ် ကျော်လာခဲ့ပြီဖြစ်သည်။
Ref:AFP
0 comments:
Post a Comment