တိုးအောင်
တိုင်းရင်းသားဘာသာစကား သင်ကြားရေး အခြေခံ၊ အဆင့်မြင့်ပညာရေးအား ပညာရှင်များမှ ဆွေးနွေးညှိနှိုင်းနေစဉ် (ဓာတ်ပုံ-တိုးအောင်)
အခြေခံပညာကဏ္ဍ၌ ကျောင်းချိန်အတွင်း တိုင်းရင်းသား ဘာသာစကားများအား အခြေခံပညာကျောင်းများတွင် ပေါင်းစပ်သင်ကြားနိုင်ရေး ပြည်တွင်း၊ ပြည်ပ ပညာရှင်များဖြင့် ဆောင်ရွက်သွားမည်ဖြစ်ကြောင်း ပညာရေးစနစ် ပြုပြင်ပြောင်းလဲရေး နိုင်ငံလုံးကွန်ရက်အဖွဲ့မှ သိရသည်။
အဆိုပါ မြန်မာနိုင်ငံရှိ အစိုးရစာသင်ကျောင်းများတွင် မြန်မာစာနှင့် တိုင်းရင်းသား မိခင်ဘာသာစကားများ ညှိနှိုင်းပေါင်းစပ် သင်ကြားနိုင်ရေး၊ တိုင်းရင်းသား ဘာသာစကားအတွက် သင်ကြားရေးမူဝါဒ ရေးဆွဲခြင်း၊ သင်ကြားရေး နည်းစနစ်များ၊ တိုင်းရင်းသားဘာသာ သင်ရိုးညွှန်းတမ်း ရေးဆွဲပြုစုနိုင်ရေး၊ အဆင့်မြှင့်တင်နိုင်ရေး တိုင်းရင်းသားကိုယ်စားလှယ်များဖြင့် ဆွေးနွေးသွားမည်ဖြစ်သည်။
တိုင်းရင်းသားဘာသာစကားများ သင်ကြားရန်နှင့် စီမံချက်အသေးစိတ်ရေးဆွဲနိုင်ရန် တိုင်းရင်းသားကိုယ်စားလှယ်နှင့် ဘာသာစကား ပညာရှင်များနှင့် ပူးပေါင်းဆောင်ရွက်သွားမည်ဖြစ်သည်။
အမျိုးသားပညာရေးဥပဒေမူကြမ်းတွင် တိုင်းရင်းသား ဘာသာစကားများအား ထည့်သွင်းသင်ကြားနိုင်ရေး ရေးဆွဲထားသော်လည်း တိုင်းရင်းသားဘာသာစကားအား အခြေခံပညာကျောင်းများတွင် ကျောင်းချိန်အတွင်း သင်ကြားနိုင်ရေး တိကျသေချာသည့် မူဝါဒများအား ချမှတ်ထားခြင်းမရှိသေးေ
"တိုင်းရင်းသား မိခင်ဘာသာစကားတွေကို ကျောင်းချိန်အတွင်း အခြေခံပညာကျောင်းတွေမှာ ညှိနှိုင်းပေါင်းစပ်သင်နိုင်ဖို့ တိုင်းရင်းသားကိုယ်စားလှယ်တွေ၊ ဘာသာစကား ကိုယ်စားလှယ်တွေနဲ့ ညှိနှိုင်းဆွေးနွေးသွားမှာဖြစ်ပါတယ်။ အခြေခံပညာကျောင်းတိုင်းမှာ တစ်ပြေးညီ သင်ကြားပေးနိုင်ဖို့ ရည်ရွယ်ပါတယ်" ဟု ပညာရေးစနစ် ပြုပြင်ပြောင်းလဲရေးကွန်ရက်မှ ဒေါက်တာသိန်းလွင်က ပြောပြခဲ့သည်။
ယင်းတိုင်းရင်းသား ဘာသာစကား ပေါင်းစပ်သင်ကြားနိုင်ရေး ကရင်၊ မွန်၊ ကယား၊ ချင်း၊ ရှမ်း၊ နာဂ၊ ၀လူမျိုး အစရှိသည့် တိုင်းရင်းသား ကိုယ်စားလှယ်များ၊ စကော့တလန်နိုင်ငံ၊ အီတလီနိုင်ငံနှင့် UNECSO မှ နိုင်ငံခြားသားပညာရှင်များက ၂၀၁၄ ဇန်န၀ါရီ ၃၁ ရက်နှင့် ဖေဖော်ဝါရီ ၁ ရက်တွင် "Seminar on Promoting Mother Tongue Based Multilingual Education" ဖြင့် ရန်ကုန်မျက်မမြင်ကျောင်း၊ ခ၀ဲခြံ၊ ဗဟိုလမ်း၊ မရမ်းကုန်းမြို့နယ်တွင် နှစ်ရက်ကြာ ဆွေးနွေးညှိနှိုင်းသွားမည်ဖြစ်သည်။
ပညာရေးဝန်ကြီးဌာန၊ နိုင်ငံတော်အစိုးရအဖွဲ့ရုံး၊ သမ္မတရုံးဝန်ကြီးဌာန၊ ပြည်ထောင်စုဝန်ကြီး ဦးတင်နိုင်သိန်း အကောင်အထည်ဖော် တာဝန်ယူဆောင်ရွက်နေသည့် ပညာရေးမြှင့်တင်မှု အကောင်အထည်ဖော်ရေးကော်မတီမှ ဦးဆောင်ကာ ရေးဆွဲနေသည့် အမျိုးသားပညာရေးဥပဒေမူကြမ်းတွင် တိုင်းရင်းသား ဘာသာစကားများအား ထည့်သွင်းသင်ကြားနိုင်ရေး ရေးဆွဲထားသော်လည်း တိုင်းရင်းသားဘာသာစကားအား အခြေခံပညာကျောင်းများတွင် ကျောင်းချိန်အတွင်း သင်ကြားနိုင်ရေး တိကျသေချာသည့် မူဝါဒများအား ချမှတ်ထားခြင်းမရှိသေးကြောင်း သိရသည်။
ထို့အပြင် ပညာရေးဝန်ကြီးဌာနမှ ၂၀၁၃-၂၀၁၄ ပညာသင်နှစ်အတွင်း တိုင်းဒေသကြီးနှင့် ပြည်နယ်အချို့ရှိ အခြေခံပညာကျောင်းများတွင် တိုင်းရင်းသား ဘာသာစကားများအား ကျောင်းချိန်ပြင်ပအတွင်း သင်ကြားပေးခဲ့ကြောင်း သိရသည်။
0 comments:
Post a Comment