မြန်မာဒီဇိုင်နာတွေ ဟောင်ကောင်ဖက်ရှင် ရက်သတ္တပတ်ပွဲမှာ ပထမဆုံး ပါဝင်ပြသခဲ့

သူဖန်တီးထားတဲ့ ၀တ်စုံကို ဆင်မြန်းထားတဲ့ မော်ဒယ်နဲ့ ဒီဇိုင်နာ သက်နှင်းအေး ကို ဟောင်ကောင်ဖက်ရှင်ပွဲမှာ တွေ့ရစဉ်။ ဓာတ်ပုံ – demotix.com
အာရှမှာ ကျင်းပတဲ့ ဖက်ရှင်ပြပွဲတွေထဲမှာ အကြီးကျယ်ဆုံးနဲ့ အခမ်းနားဆုံးလို့ ပြောစမှတ်တွင်တဲ့
Hong Kong Fashion Week 2014 မှာ ပထမဆုံးအကြိမ်အဖြစ် မြန်မာနိုင်ငံက ဒီဇိုင်နာတွေ
ပါဝင်ပြသခွင့်ရခဲ့ပါပြီ။
အဲဒီပွဲကို မြန်မာနိုင်ငံက အထင်ကရဒီဇိုင်နာတွေဖြစ်တဲ့ မိုးကုတ်ပေါက်ပေါက်၊ သက်နှင်းအေးနဲ့
ကောင်းမြတ်တို့ သွားရောက်ကြတာ ဖြစ်ပါတယ်။
ပြပွဲကို Hong Kong Fashion Week for Fall/Winter ပွဲနဲ့ World Boutique ပွဲအဖြစ် ဇန်န၀ါရီ
၁၃ ရက် ကနေ ၁၆ ရက်နေ့အထိ ကျင်းပခဲ့ပြီး မြန်မာနိုင်ငံအနေနဲ့ ကိုရီးယား၊ ထိုင်း၊ ဆွီဒင်၊ စပိန်
စတဲ့နိုင်ငံတွေအတူ World Boutique ပွဲမှာ ပထမဆုံးအကြိမ် ပါဝင်ခွင့်ရခဲ့တာဖြစ်ပါတယ်။



ဟောင်ကောင်ဖက်ရှင်ပွဲမှာ ဒီဇိုင်နာသက်နှင်းအေးရဲ့ ၀တ်စုံများ (၀ဲနှင့် လယ်) ကို မော်ဒယ်များမှ ၀တ်ဆင်သရုပ်ပြနေစဉ်။ ဓာတ်ပုံ – demotix.com
မြန်မာ ဒီဇိုင်နာသုံးဦးဟာ ကိုယ့်နိုင်ငံ ရဲ့ရိုးရာယဉ်ကျေးမှုကို ကိုယ်စားပြုတဲ့ collection တစ်မျိုးစီနဲ့
သွားရောက် ပြသခဲ့တာဖြစ်ပါတယ်။
“UMFCCI ကနေတစ်ဆင့် မြန်မာဖက်ရှင်ဒီဇိုင်နာအဖွဲ့ကို ဆက်သွယ်ပြီး ပါဝင်ပြသဖို့ ဖိတ်ကြားခံခဲ့ရ
တာပါ။ အဲဒီအခါမှာ ဒီဇိုင်နာတွေထဲကမှ အရည်အသွေးမီတဲ့၊ တီထွင်နိုင်စွမ်းရှိတဲ့၊ အဘက်ဘက်က
ပြည့်စုံတယ်လို့ ထင်တဲ့လူတွေကိုရွေးပြီး သွားရောက်ပြသစေခဲ့တာပါ”လို့ မြန်မာဖက်ရှင် ဒီဇိုင်နာ
အဖွဲ့မှ အဖွဲ့ဝင်တစ်ဦးဖြစ်တဲ့ ဒီဇိုင်နာ မမဉ္ဇူက ပြောပါတယ်။
“အာရှတိုက်ထဲမှာ ဒီပွဲက အကြီးကျယ်ဆုံးလို့ ပြောလို့ရပါတယ်။ ဒီဖိတ်စာကိုရတော့ ကလေး
တစ်ယောက်လို့ပဲ မအောင့်နိုင်ဘူး။ မမဉ္ဇူကို အတင်းပူဆာပြီး သွားခွင့်တောင်းခဲ့တာပါ”လို့
ပွဲမသွားခင်မှာ ဒီဇိုင်နာ မိုးကုတ်ပေါက်ပေါက်က ပြောခဲ့တာဖြစ်ပါတယ်။
ပြသမယ့်ဝတ်စုံကိုလည်း မြန်မာရိုးရာဆိုတဲ့ အရာကို ပြသနိုင်မယ့် တီထွင်မှုကိုသာ ဦးတည်ပြင်ဆင်
သွားတာဖြစ်ပြီး “မြန်မာဒီဇိုင်နာတွေလည်း မြန်မာရိုးရာနဲ့ ဒီလိုမျိုးလုပ်တတ်ပါလားဆိုတာမျိုး”
နိုင်ငံတကာက သိသွားဖို့အတွက်လို့လည်း ဆိုပါတယ်။
“ကျွန်မရဲ့ ၀တ်စုံအတွက်ကတော့ ရွှေချည်ထိုးကို ရွေးထားပါတယ်။ ၀တ်စုံကို ရွှေချည်ထိုးနဲ့ပဲ
အခုခေတ် နည်းပညာနဲ့ ပေါင်းစပ်ထားတဲ့ ၀တ်စုံကို ပြသမှာ ဖြစ်ပါတယ်”လို့ မိုးကုတ်ပေါက်ပေါက်
က ပြောပါတယ်။



ဒီဇိုင်နာ ကောင်းမြတ်ရဲ့ လက်ရာ။ ဓာတ်ပုံ – demotix.com
ကောင်းမြတ်ရဲ့ ၀တ်စုံတွေကတော့ ချိတ်၊ ဇာနဲ့ တခြားရိုးရာ ပိတ်စတွေကို အသုံးပြုပြီး ဖန်တီးထား
တာ ဖြစ်ပါတယ်။
သက်နှင်းအေးရဲ့ ၀တ်စုံကတော့ ပုဂံခေတ်နံရံဆေးရေး ပန်းချီလက်ရာမျိုးတွေနဲ့ လိုအပ်တဲ့
အပြင်အဆင်ပိုင်းဖြစ်တဲ့ ဆံပင်မှာတပ်ဖို့ ဒီဇိုင်းအတွက်ကိုလည်း ကြိမ်နဲ့ ၀ါးပေါင်းစပ်ကာ ဒီဇိုင်းခွေပြီး
ပြုလုပ်ထားတယ်လို့ သိရပါတယ်။
ပြပွဲမှာ အကဲဖြတ်တွေ၊ ပညာရှင်တွေက နိုင်ငံတကာက ထိပ်တန်းဖက်ရှင်သမားတွေဖြစ်ကြတဲ့
အလျောက် မျက်စိထဲ အဆင်မပြေတဲ့ ဒီဇိုင်းဆိုတာနဲ့ ချက်ချင်းပယ်ဖျက်ပြီး ရှုတ်ချတာမျိုး
လုပ်ကြတာဖြစ်တဲ့အတွက် လူအများ အလယ်မှာ အရှက်မကွဲရအောင် အသေးစိတ်အကုန်လုံး
ပြင်ဆင်ပြီး သွားရောက်ပြသမှာဖြစ်မယ်လို့လည်း မိုးကုတ်ပေါက်ပေါက်က ပြောခဲ့ပါတယ်။
“ကိုယ့်ဒီဇိုင်းက ပယ်ချခံရမယ်ဆိုရင် ရှက်စရာကြီးပေါ့။ အဲဒါကြောင့် အခုကိုယ်ပိုင်တဲ့ ရိုးရာကို
တီထွင်ဖန်တီးပြီး နိုင်ငံတကာကို သွားပြမှာ အသေးစိတ်သေချာပြင်ဆင်ပြီး သွားတာပါ” လို့
ပြောပါတယ်။
ဟောင်ကောင်ဖက်ရှင် ရက်သတ္တပတ်ပွဲကို နှစ်တစ်နှစ်ရဲ့ ဇန်န၀ါရီလမှာ နှစ်စဉ်ကျင်းပပြုလုပ်ကျင်းပ
တာဖြစ်ပြီး နိုင်ငံပေါင်း ၂၈ နိုင်ငံက ဖက်ရှင်နဲ့ ဆက်စပ်ပစ္စည်းမျိုးစုံပြခန်းပေါင်း ၂,၀၀၀ နီးပါး ပါဝင်
ပြသရောင်းချခဲ့ပါတယ်။