တရုတ်မှလေ့လာမှုတစ်ခုအရ လေဖြတ်ထားသော ဝေဒနာရှင်များတွင် Kinect games များကဲ့သို့ လှုပ်လှုပ်ရှားရှားလုပ်ရသည့် ကွန်ပျူတာဂိမ်းများက ကျန်းမာရေးကို အထောက်အကူပြုစေကြောင်း သိရသည်။ ယင်းလေ့လာမှုအား Sun Yat Sen University လက်အောက်ခံ First Affiliated Hospital မှ လေ့လာသူများ လုပ်ဆောင်ခဲ့ခြင်း ဖြစ်သည်။ ယင်းလေ့လာမှုတွင် Xbox 360 အား အသုံးပြု၍ လေဖြတ်ခြင်းကြောင့် ကိုယ်လက်လှုပ်ရှား မှုမမှန်မကန်ဖြစ်နေသည့်သူများကို ကစားစေခဲ့သည်။ ရလဒ်များအရ ကုသမှုပိုင်းတွင် အထောက်အကူ ဖြစ်စေရုံသာမက လေဖြန်းထားသောသူများတွင် လက်များ၏လှုပ်ရှားမှုကို သိသိသာသာပိုကောင်းလာစေပြီး ဦးနှောက်က ခြေလက်လှုပ်ရှားမှုများကို မှန်မှန်ကန်ကန် မှတ်မိလာစေကြောင်း တွေ့ခဲ့ရသည်။ လေ့လာသူများက ယင်းစက်အား အကြောင်းအမျိုးမျိုးကြောင့် ကိုယ်လက်လှုပ်ရှားမှု မသန်စွမ်းဖြစ်နေသူများတွင် ကာယကုထုံးအနေဖြင့် သုံးသင့်ကြောင်း အကြံပြုခဲ့သည်။
အ၀င်း
ref:Netdoctor.co.uk
0 comments:
Post a Comment