Monday, January 6, 2014
Facebook Fanpage များတွင် နောက်ပိုင်း၌ အသုံးပြုသူ များလာစေရန်နှင့် Like လုပ်သူ များလာစေရန်အတွက် ငွေကြေးဖြင့် လုပ်ဆောင်မှုများ ပိုမိုများပြားလာကြောင်း သိရသည်။
“ဒီလိုမျိုးတွေ ပြုလုပ်နေတာတော့ ကြာပါပြီ။ အများဆုံး လုပ်တာကတော့ ကြော်ငြာကုမ္ပဏီတွေပါပဲ။ သူတို့က ကြော်ငြာအားကောင်းမှ သူတို့ရဲ့ ထုတ်ကုန်တွေကို လူသိမှာ။ ဒါကျတော့ အွန်လိုင်းကြော်ငြာပေါ့။ အခုနောက်ပိုင်းမှာဆိုရင် နိုင်ငံခြား ကြော်ငြာကုမ္ပဏီတွေလည်း အများဆုံး လုပ်လာကြတယ်။ ပြီးတော့ မီဒီယာအသေးစားတွေ ဆိုရင်လည်း လုပ်ကြတယ်။ ဒီလိုလုပ်ခြင်းအားဖြင့် သူတို့တင်ဆက်တဲ့ သတင်းတွေကို လူတွေပိုပြီးတော့ သိလာမယ်။ ဒါကြောင့် တော်တော်များများက နောက်ပိုင်းမှာ လုပ်လာကြတယ်။ ဒါက Facebook မှာ ပိုက်ဆံပေးပြီး လုပ်ခိုင်းတယ်။ မခိုင်းဘူးဆိုတာက ကြည့်ရင်သိပါတယ်။ ဒါကလည်း ပိုက်ဆံပေးရင် ကိုယ်ကြိုက်တဲ့ပုံစံကို လုပ်ခိုင်းလို့ ရတယ်။ ပိုက်ဆံများများပေးရင် Like လုပ်တဲ့သူများလာမယ်။ ကြည့်တဲ့သူ များလာမယ်။ ကြော်ငြာအားကောင်းတာပေါ့” ဟု Myanmar soft-gate Technology မှ မန်နေဂျင်းဒါရိုက်တာ ကိုရန်နောင်စိုးက ပြောကြားသည်။
Facebook Fanpage များတွင် အသုံးပြုသူ များလာစေရန်အတွက် ငွေကြေးဖြင့်လုပ်ဆောင်ရာတွင် Super, Sunsilk.Pound's, Nivera, များအပါအ၀င် စုစုပေါင်း ကုမ္ပဏီ ၅၀ ကျော်ရှိပြီး အချို့မီဒီယာများလည်း ပါဝင်ကြောင်း သိရသည်။
“ဒီလိုမျိုး လုပ်တယ်ဆိုတာ ကြော်ငြာထုတ်ကုန်ဆိုရင်လည်း ဘယ်လောက်ကြော်ငြာ၊ ကြော်ငြာပစ္စည်းကောင်းမှ လူတွေသုံးကြမှာ။ ဒီလိုမျိုးတွေ ကြော်ငြာတာထက် ကိုယ့်ပစ္စည်းတွေကို ပိုပြီးကောင်းအောင် ထုတ်ရင်တော့ သုံးတဲ့သူ များလာမှာပေါ့။ မီဒီယာဆိုရင်လည်း ဒီလိုမျိုးပဲလေ။ ကိုယ်ကသူများထက်ဦးအောင်၊ ကောင်းအောင်တင်ဆက်ရင်တော့ လူကြိုက်များမှာပဲလေ။ ဒီိလိုမျိုး ပိုက်ဆံပေးပြီးတော့ Like လုပ်စရာတောင် မလိုဘူး။ တင်ဆက်တဲ့ သတင်းကောင်းလေ လူကြိုက်များလေပဲ” ဟု Facebook အသုံးပြူသူ အိုင်တီကျွမ်းကျင်သူ ကိုမင်းသီဟက ပြောကြားသည်။
“ဒီလိုမျိုးတွေ ကြော်ငြာတာက သတင်းစာတွေ၊ ဂျာနယ်တွေထဲမှာ ကြော်ငြာတာထက် ပိုက်ဆံပိုကုန်တယ်။ ဒီလိုမျိုးကြော်ငြာတဲ့ ပိုက်ဆံတွေကို Facebook ကပဲရတာ။ ဂျာနယ်ထဲမှာ ကြော်ငြာထည့်ရင် ပေးရသလိုပဲ” ဟု ကိုရန်နောင်စိုးက ဆက်လက်ပြောကြားသည်။
ယင်းသို့ငွေကြေးဖြင့် လုပ်ဆောင်ရာတွင် ကြော်ငြာကုမ္ပဏီများအပြင် မြန်မာနိုင်ငံရှိ မီဒီယာအချို့လည်း ပါဝင်လာကြောင်း သိရသည်။
0 comments:
Post a Comment