၂၀၁၅ မှာ တကယ်ဖြစ်လာမလား စောင့်ကြည့်ရမယ့် စစ်တပ်အမျိုးသမီး လွှတ်တော်ကိုယ်စားလှယ် ထည့်သွင်း ရေး လှိုင်းဂယက်

The Elders ဆိုတာ ကမ္ဘာ့ခေါင်းဆောင်ဟောင်းများအဖွဲ့လို့ အဓိပ္ပါယ်ရပါတယ်။ အဲဒီအဖွဲ့ထဲမှာ အမေရိကန် နိုင်ငံသမ္မတဟောင်း နိုဗယ်ငြိမ်းချမ်းရေးဆုရှင် ဂျင်မီကာတာက ခေါင်းဆောင်ပြီး ဖင်လန်နိုင်ငံ သမ္မတဟောင်း နိုဗယ်ငြိမ်းချမ်းရေးဆုရှင် မာတီအာတီဆာရီ၊ နော်ဝေနိုင်ငံ ၀န်ကြီးချုပ်ဟောင်း ဒေါက်တာ ဂရိုဟာလမ် ဘရန့်တ်လန်းတို့ ပါဝင်ပါတယ်။ အခုမြန်မာနိုင်ငံကို (၃) ရက်ကြာအလည် အပတ် ခရီး ရောက်ရှိနေပါတယ်။

The Elders အဖွဲ့ဟာ နိုင်ငံတော်သမ္မတ၊ တပ်ချုပ်၊ ရွေးကောက်ပွဲကော်မရှင် ဥက္ကဌ၊ (၈၈) မျိုးဆက်ပွင့်လင်း လူ့အဖွဲ့အစည်းတွေနဲ့ တွေ့ဆုံခဲ့ပြီးနောက်ပိုင်း တစ်ကြိမ်တစ်ခါမျှ မကြားဖူးသော တစ်ခါမှ ထင်မှတ်မထားသော လှိုင်းဂယက်တစ်ခု ထ လာပါခဲ့ပါတယ်။ အမေရိကန် သမ္မတ ဂျင်မီကာတာ က မြန်မာနိုင်ငံလွှတ်တော်တွေမှာ စစ်တပ်ကိုယ်စားလှယ်တွေကို ခန့်အပ်ထားရာမှာ လာမယ့် (၂၀၁၅) ရွေးကောက်ပွဲကျရင်တော့ အမျိုးသမီးတွေ ကိုရွေးချယ်ခန့်ထားဖို့ တိုက်တွန်းပြောကြားသွားတဲ့ ကိစ္စပဲဖြစ်ပါတယ်။

အဲဒီဂယက်ဟာ နေ့ချင်းညချင်း ကျွန်တော်တို့ ပတ်ဝန်းကျင်ကို ရိုက်ခတ်လာပါတယ်။ ကျွန်တော်တို့မြို့ မှာ ပြည်နယ် အစိုးရရုံးတွေ၊ ပါတီရုံးတွေ၊ စစ်တပ်တွေလည်းရှိနေတော့ သတင်းမျိုးစုံ ထွက်လာပါတယ်။ အဓိက သတင်းထွက်လာတာကတော့ ပါတီရုံးတွေဆီက တစ်နည်းပြောရရင် လွှတ်တော် ကိုယ်စား လှယ်တွေ ဆီကပဲ ဖြစ်ပါတယ်။ စစ်တပ်ကို ကြည့်မရတဲ့ ပါတီကတော့ အမေရိကန်သမ္မတဟောင်း ကိုတောင် အဆင့်မရှိဘူးလို့ စွပ်စွဲလိုက်သေးတယ်။ စစ်တပ်က စစ်သားလွှတ်တော် ကိုယ်စားလှယ်တွေ ကိုတောင် မပါစေချင်လို့ အကြောင်း အမျိုးမျိုးပြ ထုတ်ပယ်ဖို့ ဖွဲ့စည်းပုံအခြေခံဥပဒေပြင်ဆင်ဖို့၊ အသစ်ရေးဆွဲဖို့ ကြိုးပမ်းနေကြချိန်မှာ၊ အမေရိကန် သမ္မတဟောင်းရဲ့ တိုက်တွန်းစကားက အတော်လေး ပွက်လောရိုက်သွားပါတယ်။

ကျွန်တော်ကတော့ အစိုးရ၀န်ထမ်းလည်းမဟုတ်၊ ပါတီဝင်လည်းမဟုတ်၊ စစ်သားလည်းမဟုတ်လေတော့ ရပ်ကြည့်ပြည်သူအနေနဲ့ ဘယ်သူတွေဘာလုပ်တယ်ဆိုတာ စောင့်ကြည့်နေတာပဲ ဖြစ်ပါတယ်။ ဒါဟာ ကျွန်တော်တို့ ပြည်သူတွေရဲ့ ကိုယ်ပိုင်အခွင့်အရေး ဖြစ်ပါတယ်။ ကျွန်တော်က ဘွဲ့ရပေမယ့် ကိုယ်ပိုင် စီးပွားရေး လုပ်ငန်းနဲ့ ရပ်တည်နေရသူဖြစ်လို့ ကိုယ့်ပတ်ဝန်းကျင်နဲ့ သဟဇာတဖြစ်အောင် ပေါင်းရပါတယ်။ မကြားချင်လည်း ကြားရ၊ ကြားသော်လည်း နားပိတ်ထားရတဲ့ အတင်းအဖျင်းတွေကလည်း အများကြီးပါပဲ။

ပါတီ (အမည်မဖော်လိုပါ) တစ်ခုကတော့ အဲဒီကိစ္စအပေါ် အတော်လေး မကျေမနပ်ဖြစ်နေပုံ ပေါ်ပါတယ်။ ဖွဲ့စည်းပုံကို ပြင်တာထက် အသစ်ရေးဆွဲဖို့ပဲ ကောင်းတော့တယ်။ ဒီဖွဲ့စည်းပုံအတိုင်းဆိုရင် စစ်သား ၂၅% က မလျော့မယ့်အပြင် စစ်တပ် အမျိုးသမီးတွေထည့်ဖို့တောင် အမေရိကန် သမ္မတဟောင်းက တိုက်တွန်း သွားတယ်။ ဒါပေမယ့် အခုလုပ်နေတဲ့ဖွဲ့စည်းပုံပြင်ရေး တွေ့ဆုံဆွေးနွေးပွဲကို နောက်ထပ် နည်းလမ်းရှာ ရမယ်ဆိုပြီး ၀ိုင်းဖွဲ့ပြောနေတာ ကြားမိပါတယ်။ သူတို့ရင်ထဲမှာ မြိုသိပ်မထားနိုင်တော့လို့ လူအများ စည်ကားတဲ့ စားသောက် ဆိုင်ထဲမှာတောင် ဆူညံဆူညံ ပြောနေကြလေရဲ့၊ သူတို့ကို ကြည့်ပြီး အတော်လေး တရားကျမိပါတယ်။ လောဘ ဒေါသ မောဟ တွေနဲ့ ပူလောင်လွန်းပါတယ်။

ကျွန်တော်နဲ့ ထိုင်နေတဲ့ အသိမိတ်ဆွေတစ်ဦးက အဲဒီစကားတွေကို နားထောင်ရင်း ပြုံးစိစိလုပ်နေတယ်။ သူက သင်္ဘောသားဆိုတော့ ကမ္ဘာနှံ့တယ်လေ။ ပြီးခဲ့တဲ့ ရက်ပိုင်းကမှ ဂျပန်က ပြန်လာတာ။ သူက ကျွန်တော့်ကို ပြောပါတယ်။ ငါဒီနေ့ နေ့လယ် အင်တာနက်ထဲမှာ သူတို့ပြောနေတဲ့ သတင်းဖတ် လိုက်ရတယ်။ အမေရိကန် သမ္မတဟောင်း ဂျင်မိကာတာ ဦးစီးတဲ့ The Elders အဖွဲ့ကလည်း လက်ရှိမြန်မာနိုင်ငံရဲ့ ဒီမိုကရေစီစနစ်ကို ထောက်ခံတယ်လေ။ ၂၀၁၅ မှာ စစ်တပ်အမျိုးသမီး လွှတ်တော်ကိုယ်စားလှယ်တွေ ထည့်ဖို့ တိုက်တွန်းတာဟာ အဓိက သက်သေပဲကွ၊ အခုလွှတ်တော်ထဲမှာ စစ်တပ်ကိုယ်စားလှယ်က ၂၅% ရှိတယ်။ အဲဒီအတိုင်း ၂၀၁၅ ကို ဆက်သွားဖို့ ပြောတဲ့အဓိပ္ပါယ်ပဲ၊ အဲဒီပါတီ ၀င်တွေပြောနေ သလို လွှတ်တော်ထဲကနေ စစ်သားကိုယ်စားလှယ် ၂၅% ကိုဖယ်ထုတ်ဖို့ဆိုတာ ဖြစ်မှ မဖြစ်နိုင်တာလို့ပြောမှ ကျွန်တော်လည်း သဘောပေါက်သွားပါတယ်။

ဒါဆိုရင်အဲဒီလှိုင်းဂယက်က ဘယ်လောက်အတိုင်းအတာအထိ ထ ဦးမယ်မသိပါ။ ကမ္ဘာ့နိုင်ငံ ကြီးတွေက ခေါင်းဆောင်ဟောင်းကြီးတွေကတောင် တိုက်တွန်းလိုက်တဲ့ ကိစ္စကို လက်ရှိအစိုးရ အဖွဲ့ကလည်း စဉ်းစားချင့် ချိန်ပြီး အကောင်အထည်ဖော်ကောင်း ဖော်နိုင်တယ်လို့ ကျွန်တော်မြင်ပါတယ်။ တစ်ခုဆိုးတာက မြန်မာနိုင်ငံထဲ မှာပဲ ကျင်လည်ပြီး မြန်မာနိုင်ငံနေရာအနှံ့တောင် မရောက်ဖူးသေးတဲ့ အဲဒီပါတီဝင်တွေက ကမ္ဘာ့ခေါင်းဆောင် ဟောင်းကြီးတွေရဲ့  တိုက်တွန်းမှုကို လက်မခံဘူး လို့ ပြောနေကြပါတယ်။ ကျွန်တော်ပြုံးလိုက်မိပါတယ်။ လက်တွေ့ မဖြစ်လာသေးတဲ့ ဖွဲ့စည်းပုံပြင်ရေး၊ အသစ်ရေးဆွဲရေး ကိစ္စထက် အခုစစ်တပ်အမျိုးသမီး လွှတ်တော်ကိုယ်စားလှယ်တွေ ထည့်သွင်းရေး ဂယက်က ၂၀၁၅ ထိ ရိုက်ခတ်သွားနိုင်ပြီး တကယ်ဖြစ်လာနိုင်မ လားဆိုတာ စောင့်ကြည့်ချင် စရာ ကောင်းနေတာတော့ အမှန်ပဲဖြစ်ပါတယ်။

နေနိုင် (ခရမ်း)